Kum 2011 chu kan lo hmang zo dawn ruai ta mai a. Thenkhat tan chuan kum that kum, hlim leh lawm taka chen rih chaka chakna tha leh zung zawng zawng senga kum hlui her liam tur pawh din tuma tran fan fan chakawm tak a ni thei a. Thinlunga an hmangaih ngawih ngawih  nu emaw, pa emaw fanu emaw, fapa emaw, u emaw, nau emaw thian tha ber ber emaw thihna kut vawtin a lo pawh then sak avanga kum thar hmel hmuh hreh ngawih ngawihte an awm thei bawk ang. Amaherawhchu, hun hian tumah a nghak thei lo si a, a hun bi te tein a inher liam zel a, pawh din rual lah a ni si lo. Kum 2012 chu kan chuang kai tep chu a ni ta mai. Kan hun vawngtu kuta awm kan nih avangin, Remruattua kuta inghaha kan tih theih tawkah rinawm tak leh thahnemngai taka thawh  hi kan tih tur leh kan tana tha ber tur a ni.

More >>>>

Share

Krismas hlim taka in hman tlan ka beisei, keini khaw lam pawh kan hmang nuam khawp mai. Inrinni tlai atangin ruai kan theh nghal a. Vawk leh kel kan khawng thlu ve ran mai.  Kan Mas ruai chu ka rawn post lovanga, mahse Masi hmaa, thian hova kan chaw ei khawm hi ka rawn post zawk ang nge.  Friday zanah U-Mai te inah chaw kan ei khawm a, kan hlim laih laih khawp mai. In hman dan te rawn post ve ula…

More >>>>

Share

A hnampuite’na chhuang em em a, “Mizo Shakespeare-a” kan tih hial khawpa thu leh hla thiam, mi bâk sâwna Zotawng lama diau lo leh mi bâk chhama Sâptawng lama duai lo, a hawina lam apianga Zofate min thlek rualtir dial dial thei khawpa huhâng leh huvâng ngah, tawng lettu (translator) themthiam tâwpthang, fakselna (criticism) lama hmahruaitu ropui, critic chhuanawm chungchuang, chanchinbu enkawltu (editor) tha eltiang, dictionary siamtu (lexicographer) duhawm filawr JF Laldailova (1925 – 1979) hi chu, “Mizo ka ni,” ti a inchhâl ngam chin, ziak leh chhiar thiam ve êk êk tawh phawt chuan kan hre fur awm e. Chuvangin, tun tumah chuan a nâwlpuiina kan hriat lem loh a mizia leh a nun lairil kan luhchilh dawn a ni.

More >>>>

Share

“Jerusalem-ah chuan mi pakhat, a hming Sumeona a awm. Ani chu mi fel leh sakhaw mi tak a ni a, Israel thlamuantu tur chu a thlir reng a; a chungah Thlarau Thianghlim a awm a. Lalpa Hriakthiha chu a hmuh hma chuan a thi lo vang tih Thlarau Thianghlimin a lo hrilh tawh reng a. Thlarau hruaiin tempulah chuan a lo kal a, nausen Isua chu a nu leh pain Danin a phut tih sak tura an rawn hruai luh lai chuan a lo pawm a, Pathian a fak a:

‘Aw Lalber, tunah i thu ang ngeiin
I bawih hi thlamuangtakin i chhuahtir dawn ta a,
I chhandamna mitin hmuha i siam kha,
Ka mit hian a hmu ta e.
Jentail-te hnena i eng tilang tur leh
I mi Israel-te ropuina tur chu,’ a ti a.

More >>>>

Share

A hman chu lo leng lut ve rawh u, mahse timing hi India timing hman anih avang in, Mizorama News an puan hun angah te lut thei ila a fuh duh…

http://www.justin.tv/ramthar?#/w/2248417952

A link hi cut and paste a lang thei.

Share

Tunlai hian Lawngtlai khaw bul Thingkah khuaah Hauhuk a rawn tla chhuak thin a he hauhuk hi an humhalh tlat tih Thingkah khaw mipuite chuan an sawi. He Hauhuk hi Kumin kumtir lam atang khan Thingkah ram ah hian an hmu thin a,tun hnai ah tuna a awmna lai inbul mai ah hian a rawn langta ani.He Hauhuk hi a Pa niin ala puitling chiahlo niin an sawi.Zing nilum ai hian hetilaiah hian a rawn chhuak thin a, zing kara a rawn lan har dauh te hian naupangte hi an kuk thin a,naupang thawm ahriat hian alo chhuak mai thin ani. A ngam hle a, eitur Balhla an pek te pawh a rawn ei mai zel niin an sawi a.Zan lamah chuan tuna a awmna thlang lawka khamah a riak mai thin niin an sawi bawk.He Hauhuk hi Thingkah khawtlang chuan an humhalh tlat thu kan Palai an hrilh a, a tina zawng emaw tih hlauh emaw an phal  loh thu leh chutianga hma la an awm chuan an dim dawn loh thu Lawngtlaia kan Palai an hrilh.

Share

Part-1 chhiar hmasa duh tan hetah CLICK tur.

Patling rualin sirkhen film kan han en zet zawng, ke pahnih hlang meuhvin thuthlengseiah kan thutung ang fer fur a, kawr awm zawr hnupin chilthli kan luantir nguah nguah mai a nih kha! Puitling film meuh en tur chuan patling pawh kan lo la naupang chhia tlang teh e maw! Kha ennawm atang khan mipa theuh theuh nih vang ngawt hian kan neih a lo inchen vek lem lo tihte ka hmuchhuak tawh a, Zopa mualpho titam mai mai en fo chi pawh a ni dawn em ni aw tihte a ni ka ngaihtuah tak chu, kan en leh a nih pawhin nupuite tel lo bawka en leh chi a ni ang; chuti a nih loh zawngin min sit haw dawn e mai! Chubakah kan en laia pitar kelchal tia awrh mai meilum ai lai Pu Leta’n a lo itmelh nget nget mai leh kei ngei pawn kan en zawh hlima kawtlaia bawngpui bawk ka hmuh keu tak vuh dante ngaihtuah let chuan kan khaw mipa ralkai chin ngawt pawh hi Pu Thangzauva hian puitling film min han khilai zeuh zeuh ta se kar lovah ran mai bakah tar zawng zawng pawh hi chhungkhung vek an ngai ang tih ka hmu lawk vek mai! A nawlpui ang a en phei chu tih chi a ni lo vang. More >>>>

Share

Dec ni 13 chhun dar 12:30 khan LSA Gen. Hqrs. Lawngtlai chuan  Lawngtlai a an Office tual ah  Ni 11.11.2011 a Nghalimlui khua a UPS Teacher atan Direct a Pu JL Lalchhanhima S/O JH Rualchhana Aizawl Chhinga Veng lak a nihna Office Order chu an halral. Hemi chungchang ah hian LSA hruaitute chuan Nghalimlui khua a UPS Zirtirtu hnaruak hnawhkhat turin Council sawrkar lam chuan Proposal a siam a, Mizoram sawrkar chuan Direct in a rawn hnawh khat ta a ni an ti a, a rammi hnathawk thei an awm reng lai a hetiang direct a hnaruak hnawhkhah a ni hi LSA chuan tha an tihloh thu leh hriatthiam har an tih thu te, siamtha tura sawrkar an ngenna chuan awmzia a neih loh vangin Office Order hi hal ta an nih thu an sawi. LSA hruaitute chuan Zirtirtu a ni emaw, Sawrkar hnaruak hrang hrang Lawngtlai District chhung a awm te chu a ram leilung fa thawk thei an awm chuan la thin turin sawrkar  an ngen bak ah, hetiang thil hi tunhnu ah thleng  tawhlo se an duh thu an sawi bawk

Share