Zozam Times : Aizawl Local Council electoral roll peihfel takah vote nei 1,74,868 awmin draft roll atangin mi 6,219 in a pung a, mipa vote nei thei 83,080 an awm laiin hmeichhe vote nei thei 91, 788 an awm a, mipa aia hmeichhe vote nei thei tamna hi 8,708 a ni. Draft roll-ah khan vote nei mipa 80,390 an awm a, final roll-ah 83,080 awmin, mi 2,690 in a pung a. Draft roll ah hmeichhia 88,259 awmin final roll ah 91,788 awmin, mi 3,529 in an pung a, a vaia punna hi 6,219 a ni. Draft roll atanga vote nei thei awm belh zat hi 12,646 a ni a, vote nei 6,427 te chu paih a ni thung.
Electoral roll tharah hian Aizawl local council zingah Zemabawk chu vote nei tamna ber niin mi 5,100 an awm a, Chite chu an tlemna ber niin vote nei thei 343 an awm thung. Local council siam thar pali Chaltlang North, Khatla East. Model veng leh Tuikhuahtlang local council siam thar a ni a, an awmna hlui (parent local council) atanga la chhuakin siam fel nghal a ni. Chaltlang North local council-ah vote nei 1,630, Khatla East-ah vote nei 1,145, Model vengah 844, Tuikhuahtlang-ah vote nei 1,130 a awm a ni.
Local council roll tarchhuah hun tura tih chu nimin kha a ni a, roll hi zawh fel a ni a, local council chungchanga chinfel ngai ala awm avangin vawiin hian tarchhuah a ni anga, a duh apiang en theihin DC office, MERO leh AMERO office bakah vengchhung enumerator leh local council te hnenah dah a ni dawn a ni.
Aizawl local council draft roll chu December 12, 2011 khan mipui en theiha tarchhuah a ni a, hemi ni atang hian December 14, 2011 thleng khan paih ngaite paih dilna leh kum tling thar leh Roll a la chuang lo hrim hrimte tan hming thunluh dilna hun hawn a ni a. December ni 2 – 14, 2012 chhunga dilna luttte chu December ni 15-30, 2012 chhung khan MERO/AMERO kaihhhruaina hnuaiah veng tina local council, NGO, enumerator ten an enfiah a, enfiah hnuah MERO/AMERO ten an thehluh hming thunluh ngai leh paih ngai bakah siam that ngaite chu election branch in an enfel leh a ni. Tichuan a vawi khatna atan Aizawl local council electoral roll chu peihfel alo ni ta.
Village council leh Aizawl local council inthlan hun tur hi State Election Comission chuan Jan 19 chhun dar 12 hian Aizawl Press Club-ah press mite hmaah a puang dawn a ni.
-----------------------------------------------------------------------
Similar Posts
- Local Council thar 4 din remti
- MNF-in Complaint Thehlut; Polling Official 119 Ten Vote Thlak
- Municipal Council Inthlan Zawh A Ni
- Aizawl Municipal Council Election Result
- Kum 18 tling tan e-roll ah thun theih
He thu hi Thursday, January 19th, 2012 dar 5:21 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
An awm ve nual a nih hi a..
An awm ve nual tak anih hi!!