North East Games chu a tum 2-na atan January ni 24 khan sawn hlat a nih thu hriat a ni a, Chawhnu lam khan thil chiang zawk hriat tumin Organizing Committee Official te biak pawh tum a ni a, Network lam chian loh vangin biak pawh theih an ni lo a. Tlai lam khan Mizoram State Sports Council Joint Secretary Pu Lalrosanga chu biak pawh theih hram a ni a. Sawn hlat anih chhan tlangpui hetiang hian a sawi. Remchan zawkna avanga February ni 27 atang March ni 1 chhunga Mizoram in a dilna chu Delhi lam inthlan Vote chhiar hun lai a ni dawna, he hun ah hian SAI hotute tam zawk an inhnam hnawih a tul avangin, Delhi lam SAI hruaitute’n hun dang ruat tura an hriattirna chu MSSC Sr.Sports Promotion Officer Pu.C.Laltlanthanga’n a dawng a, tichuan meeting hi neih chilh nghal a ni.
Mizoram chuan Chapchar kut bakah zirlai exam hun te leh March thla chhung a, Assembly Budget Session bakah thil pawimawh dang engemawzat a awm dawn a vangin a hun tur ruahman hi thil har tak a ni a. April thla tawp lam ah hian Delhi lama SAI Programme leh State hrang hrang Sports Programme te thlir chungin hun remchang ber ni a, ngaiin a hun hi kan sawn ta mai a ni a. A Ni (Date) tak pawh final theih ala ni lo a, Proposal ang deuh chauh ala ni tiin a sawi.
Pu RS-a chuan Zoram tan phei chuan hmunhma leh inbuatsaihna kawng hrang hrang atan a pawimawh zawk dawn a, hei hi tunlai Infrastructure kan siam mekte tih puitlin a nih hman vek phei chuan State hmel timawi tu leh Infiamna lamah pawh dinhmun thazawk dinna chance kan neih phah thei dawn a a hriat thu a sawi bawk.
NE.Games Mizoram in a thlen tur chungchang hi zoram mipui te bakah Infiamna lam ngaihven tu Zofa tlang hrang hranga awmte’n in ngaih ven hle tih kan hria a. Hetianga a hun sawn hlat a nih hian Zoram tan hmasawnna leh hmingthatna tam tak a pek belh thei dawn niin a ngaih theih a. A lawmawm lehling zawk hle a ni. A hun leh ni te la hriat theih loh mahse, Infiammite leh a buaipuitute chuan inthlahdah hauhlovin Zoram tan inpuahchah zual sauh sauh turin kan in ngen nghal a ni e..
-----------------------------------------------------------------------
Similar Posts
- India Today tehnaah Mizoram 4-na
- Mizo Incheina ‘Naga Dress’ Tiin TOI-ah Tarlang
- LPS PRO FIGHT Lt. Flyweight Ranking
- Bru ten phut an nei
- Ramngaw neih zau lawmman pakhatna dawng tur Mizoram
He thu hi Tuesday, January 24th, 2012 dar 6:13 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
An sawn hi a thatna tam tak a awm ang. A chhan leh vang chu thuhran ni se, inbuatsaihna hun kan ngah zawk ang a, hun rei lo te hi tangkai taka hman a tha khawp ang.