Jan 16 khan Aizawl Municipal Council Board of Councillors Emergent Meeting chuan Local Council thar dilna pali (4) a ngaihtuah a. Mission Veng Local Council atanga Model veng leh Tuikhuahtlang te, Chaltlang local council atanga Chaltlang ‘N’ Local Council thar tur te indan a remti a. An ramri tur pawh Bialtu Councillor te leh Local Council dinglai te nen remtih tlanna laa siamrem nghal a ni. Khatla leh Khatla ‘S’ Local Council atanga indan dil Khatla F-line tia hriat thin chu Khatla ‘E’ hmingin Local Council thar pein an ramri chu Board of Councillor in a siamsak nghal bawk. Heng Local Council thar tur te hi Local Council inthlanpui February thla a neih turah hian tel ve hman tura ruahman a ni a. AMC hnuaia Local Council 78 chu heng Local Council thar tur pali (4) te nen hian 82 a tling dawn ta a ni.
Recent Comments:
USER
Categories
Archives
via FB Chanchinthar : Sorkar Kumthar April 2012 atangin Kolasib District chhunga Sorkar hnathawk awmna chhungkua Job Card neite uluk taka enfiahin an Job Card cancel sak a ni dawn. He thu hi Jan 16 Turnipui palaiin Kolasib District DRDA Project Director Pi Maria CT Zuali, MCS a kawmnaah sawiin MGNREGS guidelines chuan inhlawhna dang hmulo leh neilo chhungkua, sum lakluhna security nei lote chuah in Job Card hi an nei tur a ni a ti a. Tunah hian sorkar hnathawk awmna chhungkua pawh chhiar tel vek chungin chhungkaw zat aiin Job Card hi a tam mek a. Hei hi Sorkar kumthar atang chuan a nihna tur ang tak anih theih nan hmalak tum a ni a ti.
via FB Zoram Khawvel : Jan 14 hian 26th Assam Rifle Inter Company Boxing Championship, AR Lammualah zawh a ni a, Mizoram Boxing Association chuan thawhpuiin Mizo boxer-ten hamthatna an hmuh theih nan hma an la nghal. 2009 Pro Fight bantamweight champion Vanlalhruaia (Khawkawn, Khatla South), PC Lallawmkima (Hliappui), H Rodinpuia (Armed Veng), Lalruatzela (College Veng) leh H Lalrindika (Kolasib)-te chu Assam Rifle-ah an lut ngei dawn niin a hriat. Anni hian tunhnaia sipai lak turah dilna an theh lut tawh a, 26th AR commandant, Colonel Gaurav chuan lak an nih ngei tur thu MIZBA hruaitute a hrilh a, a duh khawp Mizo boxer lak tur a hmu lo zawk.
Democracy zalenna a awm theih nan Burma sawrkar tharin anmahni dodaltu tlang mite nen inkah haina Peace Talk nei tura keini Chin (Zo) fate a han dawr takah chuan, keini pawhin kan hnam pum ngaihdan lak khawmna leh hmalama kan hnam tan chak zawka hmalak leh thawh tlan dan tur sawihona Emergency Conference chu zalenna sualtute’n huai hawtin khawvel puma threndarh kan mifing/mithiamte leh politics-a tui tak tak mite an han koh khawmnaah chuan tling lo chungin ka tel ve thei hlauh mai a. India rama kal a ngaih takah chuan Conference chung chang thu ni lo thil dang ka rilrua lo lang hmasa ber chu Mizoram hmuh chakna hi a ni ber mai. Chin State kan chhuah sanna a rei tawh vang pawh a ni thei a, Mizoram zawk hi mahni in chhung khur anga ngaihna hian rilru a lo luah hman tawh si a.
via FB Zoram Khawvel : Aizawl Dinthar venga UPC Biak In, 1995 kum atanga kalh tawh chu, January ni 9 zan khan Dinthar branch YMA hmalaknain kohhran pahnih ten inremna thuthlung an ziak fel ta. Biak in leh a hmun leh bungrua zawng zawng hi UPC NE India ten an chang ang a, Mizoram UPC hnenah cheng nuai 10 an pe thung ang. Pawisa peka inhlanna neih anih hma chuan Biak In hi khawih chet an la remti rih lo thung. UPC pawl pahnih te hmun lo ram chuha inkhinna thubuai nikuma court in a tihfel zinga tel lo, Court-a thubuai awm si lo, kalh ni bawk si tam tak ala awm a. Aizawl Dinthar venga mi hi YMA ten nikum August thla vel atang khan inrem tir tumin hma an la tawh a, thawhlehni zan dar 9 khan an ziak fel thei ta a ni. Inremna thuthlung an ziahnaah hian hengte hian hming an ziak- UPC NEI atangin tualchhung Chairman Rev RC Puia, Secretary Upa Lalnghinglova, Mizoram UPC atangin tualchhung Chiarman Upa C Lalpianthanga leh Secretary Evan C Lalhmingliana.
Jan 10 tlai dar 5 vel khan Sairang atanga Aizawl pan tur Muaruti 800 private car Pu Harry Sairang Dinthar ta chu sairang khaw dai Forest Check Gate pelh kawngthlangah tlan liamin a chesual. He car hi Pu J Zorama khalh a ni a, a neitu Pu Harry bakah Driver Pu J Zorama leh a nupui Pi Rohmingi leh an fanu nula tleirawl an chuanga, Driver Zorama hi zualko theiin kawngpuiah a rawn vak chhuak thei hram a, midang te hi chu an na hlawm hle!..Motor neitu Pu Harry leh Pu J Zoramthanga fanu tleirawl te hi biak theih an ni lo niin thudawnna chuan a sawi. He Car chesual hi a lum thui hle a, Kurung lui a thleng lo deuh chauh niiin thudawnna chuan a sawi bawk..Pu Zorama te chhungkua hi Sairang Dawr veng an ni. Hliam te hi Aizawl Civil Hospital panpui an ni.
Aizawl District Deputy Commissioner leh District Electoral Officer chuan thuchhuah siamin kumin January ni 1, 2012 a kum 18 tling te tan Electoral Roll-ah hming thun luh theih hun a hawng. A thuchhuahin a tarlan dan chuan Election Commission of India thupek angin 1.1.2012 a kum 18 leh 19 tling tawh Electoral Roll a hming la chuanglo te tan Special Campaign ni 5.1.2012 atanga 15.1.2012 thleng hawng turin ruahmanna a siam a. Aizawl District huamchhunga ERO, AERO leh BLO zawng zawng te chu anmahni Polling Station huam chhungah kum 18-19 tling tawh tun Final Electoral Roll a hming la chuanglo an awm leh awm loh ngun taka lo enfiah tur leh Electoral Roll a chuanglo an awm anih chuan dilna Form 6 leh Document pawimawh te thil telin anmahni bialtu BLO te kaltlangin ERO hnenah 15.01.2012 aia tlai lovah thehlut ngei turin District Electoral Officer chuan a hriattir.
via FB Chanchinthar : Jan 7 tlai dar 4:00Pm rik hma hret khan Pu H.Laldula Charkawn Mamit Insak mek lai kopang chu chimin mi pahnih Lawmkima (kum 20) S/o Varziki Mamit Bazar veng leh Lalhratliana kum 38 s/o Taithanga (L) khanpui khua, Mamit charkawna cheng mek te chu delhin, 20 mins chuang lei vung hian delhin mipui kalkhawm ten him takin an hai chhuak leh ani.
Mit liam (Jaundice) natna hi Mizote chuan hlauh awm em em ah kan ngai lova, natna tihdam awl tak a nih bawk avangin a dawmdawite a awm tha bawk si nen he natna kan vei hian kan la lungrun teh chiam thin lova. Mit liam neite hi hlauh thawn pui emaw, ngaih pawimawh em em turah pawh kan dah vak lem thin lo niin a lang.
vanneihtluanga.blogspot.com : A kawr chu school uniform a ni a, a kawrkilh pawh a kilh kim thlap a, a ke chât leh a kut bàl tak tih loh chu khawpui naupang dang nena danglamna a nei lo. Kum riat mi Muana chu mipa naupang pawl hnih zirlai, an school-a pahnihna ni phâk ngat a ni. Mipa naupang dang ang bawkin Muana chuan vaivuta tualchai chu nuam a ti hle. Mipa naupang dangte tualchaina vaivut ang ni lo, meipuiin vut a siam inchherchhuanna tlang pawngah Muana chu a tualchai a ni. Chu chu Muana danglamna chu a ni.
