Democracy zalenna a awm theih nan Burma sawrkar tharin anmahni dodaltu tlang mite nen inkah haina Peace Talk nei tura keini Chin (Zo) fate a han dawr takah chuan, keini pawhin kan hnam pum ngaihdan lak khawmna leh hmalama kan hnam tan chak zawka hmalak leh thawh tlan dan tur sawihona Emergency Conference chu zalenna sualtute’n huai hawtin khawvel puma threndarh kan mifing/mithiamte leh politics-a tui tak tak mite an han koh khawmnaah chuan tling lo chungin ka tel ve thei hlauh mai a. India rama kal a ngaih takah chuan Conference chung chang thu ni lo thil dang ka rilrua lo lang hmasa ber chu Mizoram hmuh chakna hi a ni ber mai. Chin State kan chhuah sanna a rei tawh vang pawh a ni thei a, Mizoram zawk hi mahni in chhung khur anga ngaihna hian rilru a lo luah hman tawh si a.

More >>>>

vanneihtluanga.blogspot.com : A kawr chu school uniform a ni a, a kawrkilh pawh a kilh kim thlap a, a ke chât leh a kut bàl tak tih loh chu khawpui naupang dang  nena danglamna a nei lo. Kum riat mi Muana chu mipa naupang pawl hnih zirlai, an school-a pahnihna ni phâk ngat a ni. Mipa naupang dang ang bawkin Muana chuan vaivuta tualchai chu nuam a ti hle. Mipa naupang dangte tualchaina vaivut ang ni lo,  meipuiin vut a siam inchherchhuanna tlang pawngah Muana chu a tualchai a ni. Chu chu Muana danglamna chu a ni.

More >>>>

A hnampuite’na chhuang em em a, “Mizo Shakespeare-a” kan tih hial khawpa thu leh hla thiam, mi bâk sâwna Zotawng lama diau lo leh mi bâk chhama Sâptawng lama duai lo, a hawina lam apianga Zofate min thlek rualtir dial dial thei khawpa huhâng leh huvâng ngah, tawng lettu (translator) themthiam tâwpthang, fakselna (criticism) lama hmahruaitu ropui, critic chhuanawm chungchuang, chanchinbu enkawltu (editor) tha eltiang, dictionary siamtu (lexicographer) duhawm filawr JF Laldailova (1925 – 1979) hi chu, “Mizo ka ni,” ti a inchhâl ngam chin, ziak leh chhiar thiam ve êk êk tawh phawt chuan kan hre fur awm e. Chuvangin, tun tumah chuan a nâwlpuiina kan hriat lem loh a mizia leh a nun lairil kan luhchilh dawn a ni.

More >>>>

zcariboulh.blogspot.com : Bible hi Pathian lehkhabu thianghlim, Pathian thu ziakna, Pathian thawkkhum a ni a. A hluin a ropui hle. A ropuina leh a hlutna  hai chhuak tur chuan chhiar tama zir tam erawh a ngai thin. Pathian thu thiltihtheih zia hi a tawng tawh mi tam tak an awm a,  an la awm zel bawk ang. Mihring hian chuai ni leh ral ni a nei thin a, khawvel pawhin tawpni a la nei ngei ang, Pathian thu erawh chatuanin a nung reng ang a, tawpni reng a nei dawn hauh lo.

More >>>>

Lalpian hun champha rim a rawn nam leh hnai ta a, kan thinlungin Bethlehem lam a lo hawi leh tan dawn ta. He hun lo thleng tur hi kan lo hmuah tum dan leh kan hman duh dante a inang lo nual ang. Thenkhat tan chuan “Krismas”  tih ringawt hian thinlungah Chhandamtu lo pian thu chanchin tha a rawn thlen a. Thenkhat tan chuan kum khat chhunga pawisa lak luh tam ber hun ni tura inbuatsaih dan tur a ruahman tir a. Thenkhat tan chuan thilpek tha tak tak dawn hun a ni ang a. Thenkhat tan chuan mahni chenna in a mawi thei ang bera chei hun a ni ang a. Thenkhat tan chuan thian tha leh chhungkhat lainate nena a hlim thei ang bera hman ho va, a tui thei ang bera ei leh bar ho a ni ang a. Ei leh in tam lutuk hian a hnu lamah phurrit a thlen chawk thin tih hre renga ruahman a fin thlak ang. Kan hmuh theih loh Mikhual pawimawh ber tan thutna tha ber leh ei leh bar tur tui hnai ber ber leh kan neih that ber berte hlan nachang hre bawk ila chatuan ro hlu kan chhar ang a, hlimna thuruk kan ta a ni thei ang. Keimahni nuna kan lo tawn hriatte atangin Pathian thu ngaithlaa tawngtaiin, he hun hlimawm kan hman chhan diktak hi hmuh chhuah thar zel i tum a tha ang.

More >>>>

Chhawr Thlapui  Thangvan a kai leh ta.
Zaleng tin Tual chai an hlim za e.
Kei erawh kaina run ka vai si.
Hrilh ka hai lunglam ka vai ruai e
Chhawr thalpui engan ilo en le

Ka Lungdi Famhnu(Thenhnu) ka ngai emai
Mahse Auhkir rual i chang silo
Chan tawkah lungreng a awi theilo
Hmanah chuan i engmawi lawm in
Ka di nen hmangaihna par kan tlan
Tunah erawh i chhuahpui silo
Nun khawhar Arang vaihnan zawng
Chhawr thlpui herliam tawh mai rawh

More >>>>

Sahmulphah thla Ni 10 na chu chhaktiang a tanga kawl rawn eng chuan a rawn chhunsen leh phut ngei a nga, tukin anga boruak thiang leh thlifim thaw heuh heuh ang bawka ni bul a rawn in her chhuak leh a nih ngat chuan a tuk leh chu aw…!! Dai ah Thlasik zan khawvawt in duhtawka a hmeh zawr tawh hnu ah zingkhaw en rual rualin Va tinreng ten thawm an rawn nei leh tan neuh neuh a nga, Hnah chungah Daifim sar mai bawl thliah thliah te chu Ni zung rawn chhuak chuan a en khu cham cham mai bawk a nga, Sadaiek khawro tawh tak tak te pawh dai tlak avangin an dum thar leh surh tawh bawk a nga, kan chhehvel tlang te pawh zan lam boruak vawt tawh tak avangin  hmuh an nuam zo vek tawh thin. Vangpui Lunglen hunpui lo inherchhuak ah hian hetiang zingkar hun danglam tak hi vawikhat tal hmuh tum ve hrim hrim teh le. Lo chhunzawm ve ula ka la rawn chhunzawm zel ang…

September 16, 2011 misual.com-ah khan Sabbath chu Sundaya thlak a ni tih thupuia hmanga an rawn ziak kha ka lo chhiar ve a, kan tuihnih duh a ni.  ‘Rinna Dinchanna’ tih bu Dorothy Eaton Watts (fam) ziah hmang hian ka rawn puak ve phawng mai a ni. Tlawmngai takin min lo chhiar sak hram ang che u.

Sabbath Thlakthlengna

“Chungnungbera kalhin thu a sawi ang a, Chungnungbera mi thianghlimte a ti chau vang; hunte leh dan chu tihdanglam a tum ang a; hun khat leh hunte leh hun chanve chhung chu a kutah pek a ni ang.”  Daniela 7:25

Sunday law hmasa ber chu lalber Constantine-an March 7, AD 321-ah a tichhuak a. Hei hi a thupek chu a ni. “Roreltute, khawpui mite leh sumdawng zawng zawngte chu an vaiin ni biakna zahawm takah hian chawl rawh se.” He thupekah hian Pathian emaw Krista emaw Bible emaw sawi lan a ni lo. Engpawhnise chutih laia ziaktu pakhat, Eusebius-a chuan chu dan chu heti hian a sawi zui,“Sabbath ni a tih tur reng reng chu Lalpa ni-ah kan sawn ta vek e,” tiin. Moses Stuart, Commentary on the Apocalypse vol. II p. 40.

More >>>>

ASP tih a hriat mai thin Active Server Page hi Web Development Script a ni a. A awmzia chu Web Designing Language pakhat a ni. ASP Official site chu www.asp.net a ni a. Microsoft Corporation in bul tan chho in an thehlar ta a ni. 1998 khan Windows NT a optional feature pack ang in an Operating System release ah an dah tel tawh a. IIS kan tih mai Internet Information Service hia optional pack zawk tak a chu a ni a. He optional pack a software thenkhat te hi duh a install a uninstall theih an ni. Tichuan Windows Server 2000 release hnu a mi, Windows 2000 Server tiam in, he IIS kan tih hi Microsoft Operating System tin ah optional pack ang in kan hmu chhunzawm ta zel a ni.

More >>>>

Microsoft Windows Environment ah hian Hidden Files tam thin zia hi I hre tawh em? Hidden file hi drive I hawn khan a lang mai lo a, I explorer address bar ah khan a folder / file hming i ziah a I en a ngai a ni.

Heng te hi entir na an ni. A hmasa ber ah khian Hidden Folder Test tih Address Bar atang hawng tum a ni a. A pahnihna ah ki chuan hawn tawh a ni. A pathumna a khian Chumi Test Folder chhung a File Read Me tih hmuh theih a ni a. A file Properties Dialog Bax nen lam lan tir a ni.A palina a mi ki Folder Option ah hidden file ho lan theih dan ah thlan a ni tih entir a ni bawk.

More >>>>