Aw le, kei hi vawiina inneite fuihtu tur ber ka ni em tih phei chu ka inhre hauh lo. Amaherawhchu, a zawhte upata upa ve ta na na na chu, tawn leh pal hriatte a ngah e min tite pawh a ni fahmiang. Mahni mawhphurha tla na na na chu theihtâwpin kan han hlenchhuak talh talh tur lah ni.

Mizote’n ‘innei’ kan tih hi a han fuh bikzia mai chuh! Vai tawnga sadi an tih hian a hril pha em tih phei chu ka hre hauh lo. Ka tawng thiam tâwk loh vâng lah ni maw? Sap tawnga married an tih hian a a hril pha em tih lah ka hre bik lo. A.. A hril pha a nih pawhin ka hre lo kei chu. Mizopa tawngina ‘innei’ kan tih chu lai leh laia intâwk ‘fifty fifty’ kha ‘hundred’ a channa a ni. Sawmnga note leh sawmnga note kha zain kan thleng tlang ta tihna a ni chauh.

Mizo hi kan mak khawp a, kan nupui tur chu kan fate rual lek pawh ni se, kel sam bak to tawh pawhin nupuiah nei sela, Mizo nunah chuan mipa hi duat ngai zâwka inhre tlat hnam kan ni a, hmeichhiate hi in fin hle a ngai. Chumi in tihdân tur chu ka’n sawi ang e: bilât artui pakhat theuh theuh pawh hi in han chawi bûk lãk lãk ang a, ‘Hei hi a rit tha zâwkin ka hria, Matei pa’n ei rawh se,’ in han tih ringawtte hian kan thawh ngai loh hna hram pui puite hi kan cho uai uai zel a nih hi!

Vai dawra lukham bûk inang reng, a rih lam inang reng in lei a, leihka tlâng sângah in pho va, in han hem lum a, zân mut dâwnah nuin mutna a’n siam a, a’n bêng thawk thawk a, ‘Hei hi a lum nuam zâwk, Bawihtei pain kham rawh se,’ a’n tih tawngkam tha ringawtah te hian kan la fan ngai loh leh kan la tlawh ngai loh ram hi kan mang kal zut zut mai a ni.

Mizote’n kan thil chìna tha lo ka tih deuh pakhat chu, kan innei ta chèng a, kan inrîm laia, ‘Muante, Muante,’ inti thin kha, intihpâ nan inneih tûk atangin ‘Lalmuanpui’ kan han inti ful ful hi chi tihchi a ni hauh lo. ‘Muante’ kan tih pawh kha ‘Muante’ ti phal tawh lovin, ‘Bawihte,’ han ti ila, chhûngril lamah hian hmuh theih lohvin lâwmna chibai kan inbûk tawr tawr zel ngai nia mawle.

Kha’ng ka sawi zawng zawng kha in lo ngaithla a, vawiina in innei hi inhmangaihna thu in sawi tam tawh em vânga innei in ni lo va, dam chhûnga hmangaih thu sawi zawm zel turin in innei tan chauh a ni zâwk. In nutei fate emaw, in kawmchhak naute emaw, in patea fate vânga in sawi loh bung rem rum kha sawi zawm char char turin in innei tihna a ni zâwk e. Kha’ng ka sawi anga in ti a nih ngat zawngin nuin an thingrem rawn chhawm luhte a rawn khawh hmaa chhîpchhuan chhuah lûk lûk chu a ngai hauh lovang. In thosilen te in tlawh teh hmaa thiah rup rup lah a ngai hauh lovang tih hi ka tiam ngam khawp mai che u.

Source Mizo Fiamthu-ah hian a tawngtaina dangdai tak pawh chhiar tur a awm e.

Patling rualin sirkhen film kan han en zet zawng, ke pahnih hlang meuhvin thuthlengseiah kan thutung ang fer fur a, kawr awm zawr hnupin chilthli kan luantir nguah nguah mai a nih kha! Puitling film meuh en tur chuan patling pawh kan lo la naupang chhia tlang teh e maw! Kha ennawm atang khan mipa theuh theuh nih vang ngawt hian kan neih a lo inchen vek lem lo tihte ka hmuchhuak tawh a, Zopa mualpho titam mai mai en fo chi pawh a ni dawn em ni aw tihte a ni ka ngaihtuah tak chu, kan en leh a nih pawhin nupuite tel lo bawka en leh chi a ni ang; chuti a nih loh zawngin min sit haw dawn e mai! Chubakah kan en laia pitar kelchal tia awrh mai meilum ai lai Pu Leta’n a lo itmelh nget nget mai leh kei ngei pawn kan en zawh hlima kawtlaia bawngpui bawk ka hmuh keu tak vuh dante ngaihtuah let chuan kan khaw mipa ralkai chin ngawt pawh hi Pu Thangzauva hian puitling film min han khilai zeuh zeuh ta se kar lovah ran mai bakah tar zawng zawng pawh hi chhungkhung vek an ngai ang tih ka hmu lawk vek mai! A nawlpui ang a en phei chu tih chi a ni lo vang.

Khatia puitling film kan han en ve kha nupa nun hlimna atan emaw, helama kan hriatna tihzauh na’n ti a rilru nei ren rawna en kan ni lem lo va, sapho mipat hmeichhiat sualna kawnga an lo pen thui tawh zia leh an thlarau chhanchhuah a ngaih tawh zia zirchian tuma en phei chu kan ni lo lehzual! Zep nak chuan maw, rawp vang liau liau a en kha kan nia, mit chakna puitlin tir bak chu beisei dang kan nei lo!

Kan beisei ber lah chu kan han hmuchiang em em khawp, ti ila kan beisei phak piah lam daih kan hmu a ni zawk, mitthla a puitling film kan lo suangtuah lawk ve dan nen chuan inthlau vai vai tak a ni! Sairawkherh nen perhthluk ngei tuma Ramar a kawngtuma lo chan ve ran ran laiin Zukchal chang chhuak ta luau  mai ila, chutiang vel chu kan ni awm e, kan lo mitthla lawk ve kha puitling film a nih ngai chuan kan en kha chu ‘Upa pawl film’ a ni ngei ang! Thosilen hnuaiah, naupangho tihharh hlau tak leh kut lehlam a khumza kau thawm chhuah tur dawm bet chungin an bung ve tura lo suangtuah laiin chhun pachangah, chutah choka chhuatah lehnghal, thenawm zawng zawng hriat phak hial tura hlado nen meuhva huk dum dum chungin an inlim ta awrh awrh mai kha a nia, a lehlingin min barakhaih chiang kher a sin aw!

Khati khawpa kan mit chakna tihpuitlin a nih tawh aliama beisei dang kan lo neih tawh miah loh laiin kan film ropui en chuan lukhawng a nei zui ta zel mai a, ‘Lungte pakhata sava pahnih vawmthla’ tih tawngkam hi chu lo hre ve tawh thin mah ila kei, mizo pa azawnga ramvachal lo ber mai chuan engti kawng mahin vawmthlak ve theih hi ka lo inbeisei ngai lo, mahse he puitling film en vang ringawt hian pahnih, pathum mai pawh ni lo, ka vawmthla ta mawlh mawlh a nih ber hi.

Pu Thangzauva duhsakna vanga puitling film kan en zara keini ang, engtik lai maha thukhawchang tu bengkhawn hlawh phuh chhuak ngai lovin khaw khat parawn nihna kan han chang ve ringawt pawh hi beisei phak loh chawimawina a nia, rawn kan hlawhna erawh a van lawn kawng lampang ni lovin zan lawn panna lamlian chungchangah a ni thung. Mahse hei ringawt pawh hi keini ang duang tan chuan ran lu kima aih tham a ni.

Puitling film-in kan khua a rawn luh thu leh a entu awmchhun kan nih thute chuan kar lovah khua a dengchhuak thuai a, inrinni zan vai film mai mai en chang pawha a tuk chawlhni inkhawmna thlenga achangtunu lam thiamzia, achangtunu pa sual thiamzia leh achangtupa back kick mawizia nen lam detail tak meuha sep zui thin khua chuan film ropui kan en chungchang kan sawichhuah hun chu Judate’n Messiah an nghahhlelh tluk zeta nghakhlelin an lo ngaichang ta thuap mai a nih chu!

Hetiang taka a khaw rawpa zahmawh kan lo rawp mai hi chu mak ka ti ve deuh thin. Kan khawlai lengte hian zawhna mak pui pui dawngin, a mawl deuhvin min zawt lung lung a, intifing deuh chin hi chuan min zawt sep sep a, min zawt melh melh an awm bawk. Hetiang lampang ngaihsak lo leh pa intifekfawn tak tak ni a ka lo ngaihte hian midang an awm tawh loh chuan mi hi an zawt leh fuk fuk thin.

A hma zawnga hnuai en tak maia min kal pel ngak ngak thinte’na hetia ka hriatna lo zau tak thut vanga min han tlawn ta hurh ringawt maite pawh hi nuam ve tak chu a ni! Buhdengkhawl neitupa pawh hi kan khuaa buh thar tam ho chu tlawn hurh mai, keini pahmei buh mai mai chu her turin va keng ve mah ila mi nghah khawthim tir thak thak mai thin a nia, mahse hetia parawnkai ka lo nih tak chinah hi chuan an nu a lo tih tlan sek nachhan pawh hi zanlawn kawng a bo vanga an intih thiam loh thin vang a lo ni tih hi naupang ho buh her an rawn lehlan ran tak dan atang hian ka hrethiam ta mai.

Kan dinhmun chu hetiang vel hi a nih laiin kei lah hi nihna lo ang deuhva han lanchhuahte chu ka englo then vena zawng tak a lo ni vei roh pek a, kan khaw pahovin khabe uai duaia vainu lam lai chawn lang palh chang reng renga chitrahaar an en thup laite chuan nep tih hmel fahranin Bangladesh news ente ka’n lo rawt tlat ang a, Zeenat Aman poster-te chu mamawh hmel tawh lo fahranin vaihlo fun na’nte kan hmang vel thul, kan khaw paho chuan chu’ng thil ropui zawng zawng pawh min hnualsuattir theitu, chu puitling film chu engtiang fakauva ropui nge ni ang aw tih chu an suangtuah zui a, en phak chin chu min ngaisang awt awt tawh mai a, a rawp apiangin mi ngaisang zual a ni tawh mai! Mahse a nihna takah chuan he puitling film kan en vang hian Pu Thangzauva bawngpui pawh kan hmu Hema Malini vuh tawh zawk kha a ni reng sia!

Tichuan induh deuh bar leh sawichhuah ui hmel taka langin puitling film sermon chu kan han thlak chho sep sep tan ta a, pawnpui hnuai nupa awmdan mawi chu hre ber tawh tura ngaih kan nih angin kan thusawi reng reng chuan zawm a hlawh a, kan titi chu zanlamah pahovin an lo bawh zui thuai thuai a, duh ang ang kan phuah belh ve bawk a, ‘Puitling film-a an tih dan’ kan tih tawh chu a kawi a ngila lo practice ve zel an tum vang hian duh leh zan lai laiah patling khumlu-ah kan inrulpuiludin tir a, duh leh nu ber ball boot nen kan mut tir tup tawh mai a ni.

Hetiang hian a langa sawichhuah ni si lovin puitling film thlipui chuan kan khua min nuai a, pahovin kan thurawn apiang zawm thuai thuai an lo duhna vang chuan zan lamah naupangho lehkha zir hun tih tawi sakin a awm a, hma taka pawnto thawm lo daiin khumpui lamah erawh zan reh tak tak a awm ta meuh lo.

Kan khua hi mi berh te te awmkhawm ve mai kan nih avang hian in nghet tha tlet tlawt nei hi chu kut tang thliaka chhiar tham lek an la ni a, kan khumte lah hi Baktawng pa Nghaka Jeep an sawi ang mai, han che hlek ila a ri tluar tluar mai zel a, heti a nih vang hian pahovin chhungkaw tipung tura kan hma la thawm hi thup theih tak tak a ni lo. In inhnaih deuhte phei chuan thenawmte chhang neih hun tur hi siam lai atangin kan inhriatpui kur mai zel a, “Tun tum chu an thawm atangin mipa an nei ngei ang maw le,” tite hian mu chungin kan lo suangtuah pui ve mai mai thin. A dik thei phian lehnghal a!

Hetiang taka in leh khum nghet neih lama kan pachhiat laia puitling film thlipuiin min han nuai a, zan lama paho thapui chhuaha kan han bung tlang thin mai zawng, lirnghingin a nuai ta emaw tih mai tur hian in hi a sawi rual dul dul zantin ta mai thin a, sa lo hrangin zanlaiah kan ranvulhte lak rawn tum mahse khawchhung lut ngam lova ral atanga a rawn thlir ve mai mai hi ka ring thin.

Pu Leta sermon chu

Kan puitling film en thu hetiang taka kan larpui hluai takna chhan ber chu Pu Leta zahmawh sawi hrat vang hi a ni pakhat awm e.

Amah Pu Leta hi a insawidan chuan Pawih lal fanu hmelthain pasala neih luih a tum tlata, a duh siloh avangin Tiau ral atangin kan khuaah hian a rawn tlanchhe thla ta ni awm tak a ni. Mahse han en reng rengin a hmelah hian eng nge kim lo tih sawi fak theih si loh hian kim lo hi a’n tam em em khawpa, hetianga mahni hmel pawh inhmeh lo ngawih ngawih mai chi a nihna leh khawtlangin kan en dante han phuahrem khawm hi chuan lal fanu chu sawi loh, an lalpa arpui duatlai a lo sodomised vanga rawn raltlan a nih hi kan khaw rin dan tlanglawn ber chu a ni tho tho. Puitling lam chuan ‘Pu Let’ tiin kan ko tha ve maia, tlangvalhovin ‘Let-bawng’ an tia, nula hovin ‘Let-hur’, naupangho chuan ‘Let-hmelchhia/Let-ke-hlai’ an ti bawk, autu a neih naupan zawh poh leh auh nawmnah a hlawh zual ni mai hian ka lo hre thin.

Health worker-in vitamin thla thum chhung ei tur a lo chawh tumin ani ta pek chuan zing leh tlaia ei keuh keuh zawng theihnghilh palhte a hlauhawm e tiin tukkhat thil thuah a lo fai pak mai pek a, karkhat chhung chu a kal mar pung pung mai a ni awm e. A hmel hi en thuak hi chuan a chut hmel fu a, han belh chian hian rin ai daihin a lo la chut zui a! Amah pui roh hi, “Pu Let eng nge i tih dawn?” te han ti ila “Pu Munga vawkpui” ti loh loh mai, “Eng nge i thawh dawn ka tihna alawm” tih pawh a, “Ehiau! thawhlawm an khawn elaw?” ti chut chut mai chi, pa dar lum ve tak mai a nih lai hian zahmawh chungchang erawh nopui dawm tir phu hial khawpa hlap thiam a ni lawi a, vengchhak nuthlawi, tawng nuamti zet mai leh mi rel a hrat em vanga ‘kan khaw rel-station’ kan tih maite thleng thleng hian Pu Leta’n zahmawh sawia a ka a an tawh chuan ngawih han chuh thin a maw le!

Pu Leta hi zawng keini anga induh deuh taka thil han sawi tha duh lo ang vel chi kha a ni ve lo va, a thusawi ngaithlatu an tam leh a sawi sei a ni mai, a puitling film en chungchang sermon thlakna kiangah chuan kan kohhran chairman Upa Remsiama te lai lai hi chul ram thlir ni awm taka lang, hrawk bawk kal rulh rulha chil lem khulh khulhin sir zawngin beng an lo dawh hu ang a, kan VCP lah chanchinbu chhiar ni awm takin zei lo fe a bawp khawkherh tutin hmuh tur a awm ve ziah bawk. A sawi rei poh leh kekawr zipper nei dawrawm apiang an mualpho nasa a ni mai!

Heti a nih vang hian a puitling film sermon hi kar lovah kan khua pawh hian kan pun phah thur thur e ti ila a thusawi ngaithla chin chuan thu khuh lutuk min la tih cheu ka ring! Vawk hur tha thei lo pawh hi ran daktawr koh ai chuan Pu Leta zahmawh sawi ngaihthlak tir ila an hur hma zawk lo ti tawk lah bo lo! A sermon vang hian kan khuaah khum tamtak a chim tawh ti ila kan fun kim ber mai awm e.

Puitling fim en vangin Upa Hauzela a piangthar!

Mak deuh maiin Upa Hauzela erawh khatia film ropui kan han en atang khan Biak In a rawn bel ta tlat maia, a enpui dangte’n tawngtai takngial pawh inthlahrung rum tawh khawpa kan chet zui lai leh bialtu upa pawh tawk ngam lova kan hel kan hel tawh laia hetia ani a’n che ta bik tlat mai hian ngaihtuahna a tibuai hman khawp mai. Mahse Biak In chhunga a khawsa zia leh kohhran hmeichhe inkhawm zanah nen lam chhiara khuang vuak sak tur tala a inkhawm tak ziah dan te chuktuah khawma ngaihtuahna ka’n sen takah chuan eng dang vang a lo ni lo; nuho zingah khurbinpui tur a dap zawk a lo ni!

A biakin chhung rawn lut reng reng hi dar hnihna rual velah hmeichhe thutna lam atangin kiai suk suk chung hian a’n rawn lut ngei ang a, thusawi hun changa Bible a han chhiar ve lahin a zahmawh lai ringawt a thur chhuak a, nuho thutna lam nger sa teu tova ding chung hian ‘Ka pawl theihna’n ka nupui chu min pe rawh le’ tih te ngawt mai hi changthlanin a’n sermon zui chiam mai thin a, lamtualah kohhran hmeichhe  lam chhuak an awm tawh chuan kan hla sak chu tlar khat takngial pawh zawm thiam ve lo mahse a lo inzep lut ve hman ziah bawk.

Nuho hnungah chhing duar duar chung hian a lam su uih uih ang a, thusawi lai ni se eng nge an sawi lam kha a ngaihtuah tawh lo, nuho a lamah an hawi lai a ni em tih mitmei zuk zuk chung hian hun lo fe fe ah hian meng ker kur chung hian a’n lo haleluiah ta chiam mai zel a, thusawi lai mekah khan han haleluiah hnan chi a awm em tih aia nuho lo hawi lai a nih leh nih loh a ngaihchan zawk thin miau avang hian thusawitute zawk hi hrilhhaiin a siam fo reng a ni.

A hnu deuhvah phei chuan khuang tereuhte hi a kaih ve a, hmeichhe inkhawma kal bansanin an kal leh ban hun awm velah hian tawnghriat loh phuahchawp zet zet nen hian a ri leh hluai thin a, a in hi Biak In kawnga awm a nih bawk vang hian kar lovah nuho zinga eng emaw zat chu a kuai lungleng titih ta mai reng a ni.

Keimah-a puitling film side effect ve thung

He puitling film hian keima mimal leh chhungkaw nunah hian nghawng tha leh tha lo a rawn keng hnem khawp mai a, a tha lamah chuan kan nupa nuna hlimna thar a rawn thlen hi sawi hmaih chi a ni lo.

Kei hi tlangval lai chuan val to lo lutuka sawi chu ka ni bik lo nain kan khaw tlangvalah chuan kei aia dam rei hi an awm lova, min phu tawk leh ka nupui ni tlak hi kan khaw nula zingah hian ka hmu zo tawh dawn lo emaw ti a ka thianghlimna nen ban tlang law law tuma rilru ka lo siam tan mek laiin tun thlenga a dum ang anga ka nupui rinawm la ni ta, kan khaw tlangau tunu Remveli-te chhungkua hi an rawn pem lut ve a, ka nep phal ta ngang lo a ni.

Kan inchhai dan kimchang leh kan inneih dawna ka puzawn hnena ka thu delhkilh zozaite chu hun dangah kan la sawi leh zawk dawn nia. Kan inchhai tirh vel lai chuan fate rual awrh mai kha an la nia, chhungte leh thenrualte paw’n, “I ti awm ang lo e mai, kum em pawh a la tling si lo,” ti a min fah liam liam chungin, “Kum la tling lo mahse buk a tling tawh tho alawm,” tih chu ka changchawi ve tlat a, tichuan method hrang hrang apply-a rei ngial kan inchhai hnuah chuan tlangval dam rei chal khi phuk tawh runah tleirawl Remveli chuan a kawi leh rubber bun lai zawng zawng nen khiang a lo awi ve ta a ni.

Kan inneih zan pawh manhla tak a ni, thangkhat lian zet zantin ka lo hisap ve ran ran tawh zan kha a ni bawka khumpui linglet thawkin kan nu thar nen chuan kan han che tehreng a nih kha! Kan inneih atanga thla khat chhung zet kha chu kan mu mumal lo, ti ila kan muhil mumal lo a ni zawk awm a sin, mut chu kan mu hnem a lawm!

Mahse hun a lo kal zel a, a tira rin ang ngawt kha a lo ni lo, kan nupa kum inthlauhna chu zan lamah a lo lang chhuak tan ta. A naupang zawk na na na chu a lo harhvangin thosilen chhunga patling theihtawp chhuahna hi a duhkhawp ta lo fo mai a, thlan sa phul kaia pa berin thapui kan chhuah lai te hian fiamthu bu te hi a lo chiar nui ang vur vur a, a chang leh thosilen pawn lama a lu rawlh chhuakin lian pui puiin zozialte hi a lo pak khu ang tual tual a! A puan pho seng theinghilh hre chhuaka laklawh lai laia min thawhsan thurh thurh chang lah a tam, Siali khaw mawiah pa ber lungawi loh ai chuan tiin a dawh ve vel mai mai ni ber hian ka hre thin; hahthlak tak a ni.

Mahse Pu Thangzauva zara puitling film ka han en ve takah chuan kan nupa nun pawhin hmel thar a lo hmu leh ta. Nu ber hmelah kawl a lo eng a, a hma zawnga zan mut dawn apianga fa hrin hautak zia min sermon khum ziah thin khan mizote kan la tlem zia leh Birth control tul a tih loh ziate, Pathianin mihringte hi inthlah pung turin min duang a ni tih a chianna chu a siam dan kalphung reng mai a nuamsa tihte chu a titi kalphung a lo ni ta. Phir hlir pawh hring dawn se man hliah hliahin a hre ve ta a ni ngei ang.

Kei ngei pawhin pa ber chauh hi khumlaizawla nuam tawl bik tur kan ni lo tih ka lo chiang ve ta hle mai. Pheikhawk pawh duh huna va inthawlh thawta bun peih loh veleha bang kil vawm na’na hman leh mai ai chuan uluk taka tifai hmasa-a buna, bun peih tawh loh hnuah pawh uluk taka kan tihfai hian a tha rei thin a lo nih kha maw!

Ka puitling film en vang hian kan nupa nunah hlimna tamtak chhar thar mah ila lehlamah chuan kawng hrang hrangin chhungkuain kan tuar ve a, a tuar hmasa bertu chu vawk in chak bang mai mai remkhawma ka vuah pum ‘kan khum’ hi a ni. Tha ve tawk viau ni a ka lo ngaih lain zantin mai thapui thawh meuhva patling inhrosakna tur chuan a lo la iaiawm viau maia, Khum ke panga nei mai mai chuan zan tam min daih ta lo, kan khum chuan a rem lai laiah ke a nei ta tek tuk mai a, naupangho inbihruksiakin tlan luh na’n bera an hman thin kan khum hnuaite chu zawhte tawm nan pawha remchang lo khawpin khum ke chuan a lo luah khat zo ta, kar lovah khum hnuaiah thingkhawn tenau kan siam hi a ni ta ngawt mai!

Fate khawlai lengin perek sei tha leh thingzai bung la tha deuhte hmu fuh se thawk ropui inti takin an rawn hawn a, “A pa hei in khum kilhna tur….in khum ke tur ka chhar” tiin khawlai atangin awrawl tawp tawpin an rawn au ang a, ni e, chhungkua kan tang rual a ni e; kan tanrual a ngaihna chhan an la hrethiam ve lo erawh nu leh pa tan chuan thawk huaina tham a ni.

Tuartu dang lehte chu kan arpui leh naupangho hi an ni. Kan arpui hi a tui tam chi khawchhak lam atanga ka hawn thlak niin a tui chatlak lo viau thin a, sikul-a naupangho pai tur bakah a khat tawka awpkeu tir tur hi artui kan khawl ve rei rui thin. Mahse pa berin hetia film ropui en hnua thahrui hnar bera ka han neih takah chuan awp tur chu sawi loh, naupangho paw’n samtawk kan leh mautuai chhum an pai a tul ta fo mai a, nu ber hnenah vuivaina thu han thlen thin mahse an thlenna ber nena kan tanrual tlat avangin eng ruai erawh an an phah tak tak chuang hlei lo va, rilruah chuan pa ber tih atan chuan a mawi lem lo tih chu kan hre ve kur tho, mahse kan ar vulh pung lo mahse chhungkaw member tal kan pun phah dawn alawm tih ngaihdan nen kan inthiam chawp ve mai a ni zawk. Mahse dik tak chuan chhungkaw pa ber tan pawh arpui vulh lai hmai zah a lo na duh khawp mai.

Hei mai bakah hian zanlaia naupangho thangharhin zan danga an hmuh ngai loh pui pui an rawn hmu thin hi a ni manganthlak ta chu. Zan lai laiah an lo harh ve reng tih pawh kan hriat loh laiin, “Anu ka chuang ve duh tawh!” te an rawn tih chhuak phawng phawng ang a, a nih loh leh “Apa ka lo lirhpui ang che aw…” a chang leh, “A chim dawwwwwn!” huiham! Hetiang hunah tawh hi chuan pa ber hisap a buai map mai zel a nia.

Puitling film thawhhnihna

Hetiang tak hian puitling film ka vawikhat en mai hian kan chhungkua mi a nghawng nasa a ni a, vawikhat aia tam en chu keini ang thingtlang pa, sum leh pai lama engmah chhuan tur nei si lo, zan lama nei nung ve hle ringawt mai chuan kawng hrang hrangin kan tlin dawn lo, chuvangin ka en tawh tur a ni lo ang ti a chawlhni zing khat chu ngaihtuahna ka lo sen ve ran ran lai tak maiin Pu Thangzauva hnen atang bawk chuan sawmna ka dawng leh ta alawm le!

“Bawiha pa, kan VCP hian a en chak ve sia chawhma inkhawm reh laiin i enho leh ang u hmiang.”

Mitthlaah chuan kan khum a lo lang nghal, Saia pa sawmna ka pawm leh a nih chuan kan khumza te chu a hmanna tlak tur awm chhun, vawk in banga kan vuak bei leh mai a tul dawna, keini nupa pawh khum thar man kan tuak ngah hma chu chhuatlaiah kan mut mai a tul tawh ang. Chubakah artui neih belh ngaihna a awm tawh dawn loh avangin kan arpui chawp hian a tuihangah kan siam law law a ngai tawh dawn a ni.

He’ng thil zawng zawng ngaihtuah vek chung si hian Saia pa sawmna chu ka hnar phal leh ta chuang tlat si lo, rilru a inthiam lo tak chungin chhungte inkhawm tura an chhuah zawh hnu chuan dumbur nen Pu Thangzauva in lam chu ka pan phei leh ta hnu hnu a. Eng le khaw le, nupa kan hlim chuan fate chu an hlim ve mai a ni lawm ni?

Hemi tum hian Biak In lamah a khurbin pui tur a chhai thluk tep tawh lai a nih vangin Upa Hauzela a rawn tel ve thei lo va, kan VCP leh Pu Thangzauva makpa an rawn tel ve ta thung. Tum dangah inkhawm ngai pawimawh chi ni ngai lem lo mah ila hemi tum reng renga ka inkhawm tlanbo ka inthiam loh hi a la awm awm lo ve.

Mahse inkhawm lo a en kan tum vang nge ni, hemi tum hian a chhan pawh hriat loh vin Pu Thangzauva TV ah chuan a ri chiang viau siin a lem a lang thei ta tlat lo mai a, a neitu pa’n rei ngial a beih hnu pawhin a phu mur mur ringawt mai si, kan en lo mai dawn em ni ang ti a kan inrawnkhawm lai chuan Pu Leta sermon-a lo inhlan fel tawh kan VCP thinin a tuar ta lo,

“Hmm, inkhawm an bang takngial dawn, a lem kan hmuh theih loh chuan ring deuvin han ti ula, a ri tal kan ngaithla mai tur a ni, an awmdan chu Leta’n lo sawifiah mai rawh se,”

 A ni Pu leta lah a phur zawng tak mai a lo ni a, tichuan TV lam chu kan bial hnai sauh sauh va puitling film ngaithla tur chuan kan intiary ta a ni.

A neitu pa chuan cassette thunin ‘Play’ chu a han hmet leh ta khauh mai a, inkhawm reh laite a nia venthawn tur a awm rih lo bawka a volume chu ring tawk maiah a han dah nghal a, keini chuan kan beng kan lo chhi ta thap mai a nih chu.

Kan ngaihthlak tan atanga eng emaw chen chu a reh vung vung a, kan en hmasak zawk khan naupangho lo bihthlak ve vanga a ri pek rin ngam a nih loh avangin an awmdan tur chu rin thiam a har ta khawp mai, a hnu deuhvah chuan music a lo ri a, tawng reng reng a la awm lo, ri deuh hrut hrut a lo awm leh a, chutah Pu Leta chu TV lamah a va kun hnai a, a’n ngaihthlak vung vung hnu chuan kan lama rawn hawi let lehin intihre taka han kiai suk pah hian,

“A hmeichhiain a englo sak mek a nih chu…”

 Kan VCP chuan bawp a’n lo khawkherh nghal pang mai a, keipawh ka chil a rawn haw nghal ringawt! A reh leh ta vang vang mai, Pu Leta chuan hnai leh zualah a beng a va dawh a, chutah le, eng nge an tih leh ang ti a ngaihtuahna kan lo sen lai mek chuan a puak ta dur mai! kan hawi ho hlawm mai a,

“Khum atangin an intlawh thla a ni”

 “An khumza an chuan tliak a nih chu”

 “An laklawh lain sa a rawn kal thut ang a, an kap lawk a niang”

 Mahni ngaihdan dan sawiin kan ri ta nuai nuai mai a, chutah Pu Leta kan va en a, a ni chuan kan lama phawk hru a rawn hawi phei chungin, buh deuh nuai hian,

“A….a fawp puak a niang!!”

 Pu Thangzauva ngaih a tha ta ngang lo a niang, khawi maw tiin kan ngaihthlak lai chu a va hmet tawp a, a cassette phawrh chhuaka a’n en mai chu(h!), a sirah chuan hawrawppui ngei mai hian hei hi a lo inziak, ‘BOMBING OF HIROSHIMA!’

Kan VCP pawhin a bawp khawkherh a la thla rang khawp mai, inkhawm tlanbo meuhvin Japan rama bomb thlak chungchang vel chu chilthli uai duahin patling rualin kan lo suangtuah vei zu(k) nia le!

Pu Thangzauva’n inthiam lo taka a cassette dik a zawn buai chhungin inkhawm an rawn bang hman. Kan VCP rawp tihreh na’n patling rualin inkhawm kan tlanbo a la tul leh ngei dawn e.

Comedian Search 2011

* Rul chukah hi chuan ar hriak hnawih ila, a mawm hmak mai ‘ni.

* Sual hnathawh ni miah si lovah chuan hmêlchhiat hi pawi tak a ni, thlahte-ah a lang ngei ngei.

* Fa tihtlâk duh loh thu tlângaupui chuan a tâwpah fa tihtlâk loh pui pui an nei duh viau.

* Naupang tâmchhâwl tlei lo tap tapah hian nachhâwkna pe ila, an tap a bâng hmiah mai.

* Pathum awma pahnih inhrilhrûk sû sû hi pakhat tân a nuam lo duh phian.

* Vaiho lah hi sangha lu duh lutuk mai, sangha tînah a lu an telh duh hlek lo mai.

* Senior deuh tawh niha nupui neih tuma neih leh theih si loh hian tah chu chhuak duh teu teu tak a ni an ti.

* Kaw dik lo hi a hur ngawt mai, mi zût a chîng.

* Dangâwkin ‘ka hmangaih che’ an tih tawh hi chuan a chiang bik em em mai a ni.

* Inkhawm loh ka tum apiangin ka la hlawhtling ziah.

(A va tlem ve, mahse a thu hi a tha em a, kan post tho ang nge, rawn ziah belh zel teh, tunlai kan news un lutuk ho pawlh dal nan reng reng pawh. HJ)

Effective March 14, 2011

NEW OFFICE POLICY

Dress Code:
1) You are advised to come to work dressed according to your salary.

2) If we see you wearing Prada shoes and carrying a Gucci bag, we will assume you are doing well financially and therefore do not need a raise.

3) If you dress poorly, you need to learn to manage your money better, so that you may buy nicer clothes, and therefore you do not need a raise.

4) If you dress just right, you are right where you need to be and therefore you do not need a raise.

Sick Days:
We will no longer accept a doctor’s statement as proof of sickness. If you are able to go to the doctor, you are able to come to work.

Personal Days:
Each employee will receive 104 personal days a year.
They are called Saturdays & Sundays.

Bereavement Leave:
This is no excuse for missing work. There is nothing you can do for dead friends, relatives or co-workers.

Every effort should be made to have non-employees attend the funeral arrangements in your place.

In rare cases where employee involvement is necessary, the funeral should be scheduled in the late afternoon.

We will be glad to allow you to work through your lunch hour and subsequently leave one hour early.

Bathroom Breaks:
Entirely too much time is being spent in the toilet.
There is now a strict three-minute time limit in the stalls. At the end of three minutes, an alarm will sound, the toilet paper roll will retract, the stall door will open, and a picture will be taken. After your second offense, your picture will be posted on the company bulletin board under the ‘Chronic Offenders’ category. Anyone caught smiling in the picture will be sectioned under the company’s mental health policy.

Lunch Break:
* Skinny people get 30 minutes for lunch, as they need to eat more, so that they can look healthy.

* Normal size people get 15 minutes for lunch to get a balanced meal to maintain their average figure.

* Chubby people get 5 minutes for lunch, because that’s all the time needed to drink a Slim-Fast.

Thank you for your loyalty to our company. We are here to provide a positive employment experience. Therefore, all questions, comments, concerns, complaints, frustrations, irritations, aggravations, insinuations, allegations, accusations, contemplations, consternation and input should be directed elsewhere.

The Management
Pass this on to all who are employed!

2. I don’t suffer from insanity; I enjoy every minute of it.

 3. Some people are alive only because it’s illegal to kill them.

4. I used to have a handle on life, but it broke.

5. Don’t take life too seriously; No one gets out alive.

6. You’re just jealous because the voices only talk to me

7. Beauty is in the eye of the beer holder.

 8. Earth is the insane asylum for the universe.

 9. I’m not a complete idiot — Some parts are just missing.

10. Out of my mind. Back in five minutes.

 11. NyQuil, the stuffy, sneezy, why-the-heck-is-the-room-spinning medicine.

12. God must love stupid people; He made so many.

13. The gene pool could use a little chlorine.

 14. Consciousness: That annoying time between naps.

15. Ever stop to think, and forget to start again?

 16. Being ‘over the hill’ is much better than being under it!

17. Wrinkled Was Not One of the Things I Wanted to Be When I Grew up.

18. Procrastinate Now!

 19. I Have a Degree in Liberal Arts; Do You Want Fries With That?

20. A hangover is the wrath of grapes.

21. A journey of a thousand miles begins with a cash advance.

22. Stupidity is not a handicap. Park elsewhere!

23. They call it PMS because Mad Cow Disease was already taken.

24. He who dies with the most toys is nonetheless DEAD.

25. A picture is worth a thousand words, but it uses up three thousand times the memory.

26. Ham and eggs…A day’s work for a chicken, a lifetime commitment for a pig.

27. The trouble with life is there’s no background music.

28. The original point and click interface was a Smith & Wesson.

29. I smile because I don’t know what the hell is going on.

A pawisa dawn chu an kuta hlan turin an hrilh a, nimahsela Pi Lalneihi chuan bank a a dah vek thu leh eichawp atan cheng sangnga a kawl thu in a chhang a. Tuikuk Pali te thinrim chuan Pi Lalneihi pawisa kawl lai chu chhuhsakin amah chu an nghaisa zui ta a ni.

Pi Lalneihi hi Bilkhawthlir damdawiinah kalpui nghal a ni a, Bilkhawthlir damdawiinah hmanrua an neih that loh avangin an tih theih chhun chhun an tih hnu ah Kolasib Damdawiin an pan lehta a ni. Tunah hian Pi Lalneihi hi ngaihtuahawm a ni tawh lova, amah pawh a biak theih tawh bawk a ni.

HE THU HI DAWT VEK A NI A. THU DENGKHAWNG LEH RAPTHLAK LAMPANG HI KAN CHHIAR DUHZAWNG LEH CHHIAR TAM A NI ZIAH A, KAN NGAIHTHLAK DUH LEH KAN BENGKHAWN ZAWNG AVANG HIAN CHANCHINTHAR RAPTHLAK TAK TAK TE HI KAN NGAH PHAH A NI MAI LO MAW ? INENLET NAN A KAN HMAN HLAUH TAKIN DAWT KA RAWN SAWI LAWK A NI E…

In response to Bill’s comments, General Motors issued a press  release stating:

If GM had developed technology like Microsoft, we would all  be driving cars with the following characteristics (and I just  love this part):

1. For no reason whatsoever, your car would crash………Twice a  day.

2. Every time they repainted the  lines in the road, you would have to buy a new  car.

3. Occasionally your car would die on the freeway for no reason.
You would have to pull to the side of the road, close all of the  windows, shut off the car, restart it, and reopen the windows  before you could continue. For some reason you would simply accept this.

4. Occasionally,  executing a maneuver such as a left turn would cause your car to  shut down and refuse to restart, in which case you would have to  reinstall the engine.

5.  Macintosh would make a car that was powered by the sun, was reliable, five times as fast and twice as easy to drive – but would run on only five percent of the  roads.

6. The oil, water temperature,  and alternator warning lights would all be replaced by a single  ’This Car Has Performed An Illegal Operation’ warning  light.

I  love the next one!!!

7. The airbag system would ask ‘Are you sure?’ before deploying.

8. Occasionally, for no reason whatsoever, your car would lock  you out and refuse to let you in until you simultaneously lifted the door handle, turned the key and  grabbed hold of the radio  antenna.

9. Every time a new car was introduced car buyers would have to learn how to drive all over again because none of the controls would operate in the same manner as the old  car.

10. You’d have to press the ‘Start’ button to turn the engine off.

PS – I ‘d like to add that when all else fails, you could call ‘  customer service ‘in some foreign country and be instructed  in  some foreign language how to fix your car yourself!!!!