Ganesville, Florida pastor Terry jones-a chuan mipui hmaah September 11  hian Muslim lehkhabu thianghlim koran a hal dawn. Koran a hal dawn  nachhan hi world Trade Centre leh Pentagon sutchhiat a nih kum 9-na  champha a nih vang leh World Trade centre awmna (Ground Zero) bula  muslim tawngtaina dah a nih loh nana dodal nan a ni.
Pastor Jones-a chuan New york Times august 26-a a ziah danin  Koran lehkhabu hi ka hre bel lo naa, mahse bible-a hrilh ziah an  nih angin biakinah hian Pathian ka be thin a, a ni pawhin min be ve a,  tunah pawh hian koran hi hal turin Pathian hian min tir a ni a ti. He  thuthukna a siam avang hian pawl hrang hrang atangin dodalna leh ti lo  tura ngenna a tam phah hle a, thenkhat phei chuan September 11 ral hma hi chuan Jail-ah i khung rih mai ang u ti tawk te pawh an awm.

Mizoram Sawrkar chuan Lunglei District hmasawnna tur kawng hrang hrangin chak takin hma a lain tihhlawhtlin tawh leh hmalakna tur engemawzat ruahmanna tam tak a kalpui mek a, heng zingah hian Chhimbial awp tura Police hotu lian DIG Southern Range inawpna leh kalphung fel tak tur, a Sawrkar tantirh atanga alo buaipui leh hmalak tawhna chu tunah hian tihpuitlin a ni.

More >>>>

Tunhnaia Mizoram Police leh Mizo Panhnah Zuar Assn tangdunin Mizoram a dan lova sumdawng a panhnah zuar an man te chu court ah hruai an ni a, Mizo Panhnah zuar assn te chu thu hre tu ah tangin Court ah hian an member te an kal tha hle. August ni 20 zing dar 7 atanga dar 8:30 vel khan Mizoram Police leh Mizo Panhnah Zuar Assn. MPZA tangkawp chuan dan lova hnamdang sumdawng panga MD Abdul Qaiuyyuon S/o MD Sufi (L), Masli, Karimganj Dist. Fakrul Islam S/o Nisar Ali, Masli, Karimganj Dist, Taj Uddin S/o Noor Ali, Masli, Karimganj Dist., Nikonta Das S/o N. Das, Tegharia, Karimganj Dist. ami te chu panhnah an zuar lai ngei man an ni.

More >>>>

Evening Post : Sep. 31 zing dar 8 vel khan Kepran khaw mi Remvela (52) chu an khua atanga km 1 vela hlaah a ram kal tur savawm no hruai laiin a seh a, a hnar a sehchhiat bakah a taksa dangah hliam a tuar bawk. Thudawn danin Remvela leh a nupui ramkal tur hian kawnga savawm no pahnih awm an hmu a, an kalsan mai loh avangin kawngsira hnawhkian an tum laiin kawngchhak atang lo chhuak a pui hian Remvela hi kawng thlang lamah a bawhthla a, a hmai seh sakin a hnar a hik a, a nak dinglamah sehna hnuhma ni awm tak hliam a tuar bawk.

More >>>>

Mizo Aw : Khasi Students Union (KSU) chuan Vairengte-a Khasi-Jaintia mite chungchang Mizoram sawrkar leh tlawmngai pawl (civil society group)-te an sawipui dawn tih an sawi. KSU, Vairengte Circle chuan KSU Central body hruaitute tun hnaiah Shillongah an hmu a, Vairengte-a Khasi-Jaintia hnamte Mizoram tualchhung mi ni loa ngaih an nih chungchangah inrawlh turin an ngen a ni. KSU General Secretary Hamlet Dohling chuan KSU Central Body memberte chuan Mizorama Khasi-Jaintia hnamte chungchang hi Mizoram sawrkar official-te leh Mizorama zirlai pawlte an sawipui dawn a ni a ti.

More >>>>

MIFCO hnathawktute chuan thla 7 hlawh an lak tawhloh avangin Sept. 1 atanga office kailoh an tum thu an lo puan tawh chu kaltlangpui ngei an tum tih Resolution siamin an sawi. August 31 hian MIFCO Employees Association (MEA) chuan an office-ah General Meeting neiin thla 7 lai hlawh an lak theih tawh loh avanga an kal zel dan tur an ngaihtuah a. An harsatnate August 24, 2010 a Press hmaa an sawi chhuah bakah thuneitute hnena an thlen tawh chu awmze neia chinfel tumna ala awm lova an hriat avangin hreh tak chungfin Sept 1, 2010 atangin hreh takin chhungkawnintunnunna kawng dapa chawlh an rel thlu a, Zoram mipuite leh a bik takin an hnena thlai thar hralh thintute hriatthiamna an ngen a ni.

More >>>>

Kar hmasa (August (19 – 21) chhung khan India Missions Association (IMA) Conference, Nagpur-ah neih a ni a, IMA Vice President tang lai mek Rev. Zosangliana Colney, Executive Secretary a tel a, Synod Mission Board aiawhin Rev. Lalzuithanga, Executive Secretary pawh a tel a ni.

Kumin IMA Conference-ah hian India ram pum huapa rawngbawltu titha thlangchhuakin Lifetime Achievement Award chawimawina an hlan a ni.He Award dawng tur hian mi pathum thlanchhuah an ni a, Upa Dr. L.N. Tluanga (SMB Missionary pension) chu thlanchhuah zingah a tel a, thuziak leh tangka fai a dawng a ni.

More >>>>

Ramhlun Presbyterian Kohhran chuan Ramhlun South Presbyterian Kohhran Biak In leh Kohhran hall-ah an kum 50 tlinna Gilden Jubilee lawmna hun ruai nen ropui takin an lawm. Ramhlun Presbyterian Kohhran chuan August ni 23 atang khan Golden Jubilee an lawm a, he Jubilee lawmna hi Ramhlun South Presbyterian Kohhranah neiin vawiin August 28 hian nilenga Pathian fakna hun : Lengkhawm leh thalai pual tan Praise & Worship hman a ni.

More >>>>

Tunlai hian Rengkai(Manipur) khuaa setan hnenah inthawihna nei thin hmeichhe tleirawl engemawzat an awm ti in a lar hle.  Thlatin Fullmoon zan a hian thlanmual a an in hawrkhawm thin a candle chhi engin inthawihna an nei thin niin an sawi.  Tuna chuan he thil hi chhuichian ngei tum in tlawmngaih insiamin zanah duty an awm thin a ni.  Ni 25/8 zanha khan hemi thlanmuala hian mi 7 lo kal te chu setana betute anni ngei ang tiin duty ten anman ta ngeia,  mahse heng mite hian an châng ve ni a an insawi a vangin chhuah leh an ni.  Tuna chuan thlanmualah hian tlai dar 7 hnuah chuan tumah kal khap ani tawh a, va kal kutpal tuar anlo awm ani pawn tumah mawchhiat thei an ni lovang tiin khawtlang hruaihtu ten thuchhuah an siam tawh.

Aug 27 khan Lunglei Zotlang BFS Camp-ah Border Security Force te zingah HIV Screening test neih a ni. He Screening Test hi BSF Medical Section buatsaih a ni a, Civil Hospital Lunglei leh MHIP Drop-In Centre Project Manager, Migrant Project ten an puibawm a ni. HIV screening test neih hma hian a hawnna hun tawi buatsaih a ni a, he hun hi Dr. A.B. Das chuan kaihhruaiin, 96Bn. BSF Commandant SD. Sindhu chuan thutawi sawiin, an Rising Day an lawmna ni pahfawma HIV Screening Test buatsaih an nih thu a sawi a.

More >>>>