Zozam Times : Chief Minister Lal Thanhawla chuan hlemhletna (corruption) chu a zung nen phawi mek niin, phoro hmabak a la nih thu a sawi. Thawhtannia Lengpui Community Hall-a Mamit East Block Congress Conference cum Political Traning buatsaih a hmanpuina-ah Lal Thanhawla chuan, “He ramin natna hlauhawm ber a vei chu ‘corruption’ a ni a, hei hian min chiah hneh hle tawh a. Chumi chhiatna atang kan ram hi kan chhanchhuah a ngai a, chumi ti tur chuan dikna, felna leh tha a ngai. Fel lo, dik lo leh tha lo kan hai-chhuah a ngai a, kan haichhuak mek a ni. Tunah hian corruption hi a zung chawpin kan phawi mek a, phoro erawh chu kan la hmabak a ni,” a ti.

More >>>>

Jan 16 dar 8:30 vel khan Serchhip khaw chhung Darnam tuikhur bulah PWD Labour Babulal kum 40 vel mi chu Road Roller in a luah a chil a, ka chhawn lohin a thi.  Thudawn danin Babulal leh a thawhpui te hian nimin khan Mat phai Zawlpui panna kawng blacktop hna an thawk a, an hnathawk bang Serchhip pan-a an hawn hian khua a thim tawh a, light an neih loh avangin Babulal hian torchlight nen hma a hruai a, a ruih deuh avangin a torchlight ken te thlauhin a petek kual nasa thei hle a, an chetsual hma hian a torchlight kenlai pakhat thlauh palhin road roller hian a chil chhia a, midang ta hawh lehin chumi hmang chuan hma a hruai leh ta a ni.

More >>>>

Jan 16 khan Aizawl Municipal Council Board of Councillors Emergent Meeting chuan Local Council thar dilna pali (4) a ngaihtuah a. Mission Veng Local Council atanga Model veng leh Tuikhuahtlang te, Chaltlang local council atanga Chaltlang ‘N’ Local Council thar tur te indan a remti a. An ramri tur pawh Bialtu Councillor te leh Local Council dinglai te nen remtih tlanna laa siamrem nghal a ni. Khatla leh Khatla ‘S’ Local Council atanga indan dil Khatla F-line tia hriat thin chu Khatla ‘E’ hmingin Local Council thar pein an ramri chu Board of Councillor in a siamsak nghal bawk. Heng Local Council thar tur te hi Local Council inthlanpui February thla a neih turah hian tel ve hman tura ruahman a ni a. AMC hnuaia Local Council 78 chu heng Local Council thar tur pali (4) te nen hian 82 a tling dawn ta a ni.

via FB Zoram Khawvel : Aizawl Dinthar venga UPC Biak In, 1995 kum atanga kalh tawh chu, January ni 9 zan khan Dinthar branch YMA hmalaknain kohhran pahnih ten inremna thuthlung an ziak fel ta. Biak in leh a hmun leh bungrua zawng zawng hi UPC NE India ten an chang ang a, Mizoram UPC hnenah cheng nuai 10 an pe thung ang. Pawisa peka inhlanna neih anih hma chuan Biak In hi khawih chet an la remti rih lo thung. UPC pawl pahnih te hmun lo ram chuha inkhinna thubuai nikuma court in a tihfel zinga tel lo, Court-a thubuai awm si lo, kalh ni bawk si tam tak ala awm a. Aizawl Dinthar venga mi hi YMA ten nikum August thla vel atang khan inrem tir tumin hma an la tawh a, thawhlehni zan dar 9 khan an ziak fel thei ta a ni. Inremna thuthlung an ziahnaah hian hengte hian hming an ziak- UPC NEI atangin tualchhung Chairman Rev RC Puia, Secretary Upa Lalnghinglova, Mizoram UPC atangin tualchhung Chiarman Upa C Lalpianthanga leh Secretary Evan C Lalhmingliana.

Jan 10 tlai dar 5 vel khan Sairang atanga Aizawl pan tur Muaruti 800 private car Pu Harry Sairang Dinthar ta chu sairang khaw dai Forest Check Gate pelh kawngthlangah tlan liamin a chesual. He car hi Pu J Zorama khalh a ni a, a neitu Pu Harry bakah Driver Pu J Zorama leh a nupui Pi Rohmingi leh an fanu nula tleirawl an chuanga, Driver Zorama hi zualko theiin kawngpuiah a rawn vak chhuak thei hram a, midang te hi chu an na hlawm hle!..Motor neitu Pu Harry leh Pu J Zoramthanga fanu tleirawl te hi biak theih an ni lo niin thudawnna chuan a sawi. He Car chesual hi a lum thui hle a, Kurung lui a thleng lo deuh chauh niiin thudawnna chuan a sawi bawk..Pu Zorama te chhungkua hi Sairang Dawr veng an ni. Hliam te hi Aizawl Civil Hospital panpui an ni.

Aizawl District Deputy Commissioner leh District Electoral Officer chuan thuchhuah siamin kumin January ni 1, 2012 a kum 18 tling te tan Electoral Roll-ah hming thun luh theih hun a hawng. A thuchhuahin a tarlan dan chuan Election Commission of India thupek angin 1.1.2012 a kum 18 leh 19 tling tawh Electoral Roll a hming la chuanglo te tan Special Campaign ni 5.1.2012 atanga 15.1.2012 thleng hawng turin ruahmanna a siam a. Aizawl District huamchhunga ERO, AERO leh BLO zawng zawng te chu anmahni Polling Station huam chhungah kum 18-19 tling tawh tun Final Electoral Roll a hming la chuanglo an awm leh awm loh ngun taka lo enfiah tur leh Electoral Roll a chuanglo an awm anih chuan dilna Form 6 leh Document pawimawh te thil telin anmahni bialtu BLO te kaltlangin ERO hnenah 15.01.2012 aia tlai lovah thehlut ngei turin District Electoral Officer chuan a hriattir.

via FB Chanchinthar : Jan 7 tlai dar 4:00Pm rik hma hret khan Pu H.Laldula Charkawn Mamit Insak mek lai kopang chu chimin mi pahnih Lawmkima (kum 20) S/o Varziki Mamit Bazar veng leh Lalhratliana kum 38 s/o Taithanga (L) khanpui khua, Mamit charkawna cheng mek te chu delhin, 20 mins chuang lei vung hian delhin mipui kalkhawm ten him takin an hai chhuak leh ani.

More >>>>

A hman chu lo leng lut ve rawh u, mahse timing hi India timing hman anih avang in, Mizorama News an puan hun angah te lut thei ila a fuh duh…

http://www.justin.tv/ramthar?#/w/2248417952

A link hi cut and paste a lang thei.

Tunlai hian Lawngtlai khaw bul Thingkah khuaah Hauhuk a rawn tla chhuak thin a he hauhuk hi an humhalh tlat tih Thingkah khaw mipuite chuan an sawi. He Hauhuk hi Kumin kumtir lam atang khan Thingkah ram ah hian an hmu thin a,tun hnai ah tuna a awmna lai inbul mai ah hian a rawn langta ani.He Hauhuk hi a Pa niin ala puitling chiahlo niin an sawi.Zing nilum ai hian hetilaiah hian a rawn chhuak thin a, zing kara a rawn lan har dauh te hian naupangte hi an kuk thin a,naupang thawm ahriat hian alo chhuak mai thin ani. A ngam hle a, eitur Balhla an pek te pawh a rawn ei mai zel niin an sawi a.Zan lamah chuan tuna a awmna thlang lawka khamah a riak mai thin niin an sawi bawk.He Hauhuk hi Thingkah khawtlang chuan an humhalh tlat thu kan Palai an hrilh a, a tina zawng emaw tih hlauh emaw an phal  loh thu leh chutianga hma la an awm chuan an dim dawn loh thu Lawngtlaia kan Palai an hrilh.