Bible : Roreltute 14: 1-3, Ephesi 6:4

Kan tunlai khawvel hi kan hmu a, thil langsar deuh mai chu tumah min thununtu an awm lo hi chu thu hran ni se, mahni inthunun tum pawh kan vang ta reng reng mai hi a ni. Nula tlangval kan ni emaw, nu leh pa kan ni emaw, naupang kan ni emaw, mahni inthunun mai tum hi kan awm ta mang lo a. Duh duha nun chaknaah hian an tuihal a. Tunlai tawngkam lar tak – It’s my life an tih hi a tak takin ka hre ve ta nual mai. ‘Keima nun a nia, ka thu thu a ni’ ti ngut ngut mai, ‘Dan a lal tur a ni’ tih tan chhan hian, ‘Right ka nei, ka dikna chu ka dikna a ni mai, tumah an inrawlh thei lo’ ti ngut ngut mai hi an va tam ta em. Kohhran pawh hian harhna kan beisei hi kan duh tawk, kan lo control theih tawk harhna hi kan zawng vek mai a.

More >>>>

1. Pathian chuan engtin nge thil awm tinreng hi a din ?

=  Pathian chuan ama duhdan leh remruat angina thil awm tinreng hi a din a ni.

2. Mihringte hi atirah engtia din nge kan nih ?

= Engkim siama dintu chuan mihringte hi min din dan hre turin min duang lo a, Ama duhdan leh remruatin min din tih hi kan hriat theih tawk a ni.

3. Mihringte hi mi pakhat atanga lo inthlahchhawng vek kan ni em ?

More >>>>

Bible hi kan chhiar theuh mai.  Khawvel mihringte hi kan pianhmang, kan san lam leh tawi lam te, hmelthat lam leh chhiat lam te, ngo lam leh han lam te, thau lam leh cher lam te, sam rawng te, pian nalh leh nalh lo te kan inan lohzia hi mak tak mai a nih hi maw!!  Kristian pawh kan ni deuh theuh mai, mahse, Kristiante nghahchhan bulpui ber Bible hi kan chhiar theuh chung hian, kan rin dan leh kan kalpui duhdan leh kan kawhtir dante hi a inkawlkalh nuk mai a ni.

Keini Adventist kohhran din tantute pawhin a tirah chuan Hrilhlawkna bih chiang hlein an hria a, 1844, October 22 ah Isua a lo kal ngei dawn tih an ring nghet ta chiah mai.  Neih ang angte hralhin Isua lo kal More >>>>

MIZO HNAM SAKHUA: Engkimte siamtu Pathian Chungkhuanuah bul tanin Amahah kan innghat tlat a, Amah atang leh Amah vang chauhin thil zawng zawng hi lo awm a ni tih kan hrechiang. Chungkhuanu chauh lo chu rin tur leh biak tur dang reng reng an awm lo.

KRISTIAN SAKHUA: Juda nu Mari fapa Isuaah bul tannin, Isua rin chauh loh chuan vanram kaina a awm lo. Isua chauh chu khawvel mi zawng zawng chhandamna chu a ni. Isua hming lo chuan Pathian pawh biak theih loh, Pathian hnena thil dil dawn pawhin ‘Isua hmingin ka dil e’ ti thei chauh Kristian an ni.

More >>>>

He kan thupuia ‘Mizo Sakhua’ tih i han chhiara i rilrua lo lang hmasa ber chu “Keini Mizote hian tun hma khan Ramhuai biak tih mail oh chu eng sakhua vak nge maw kan neih le ?” tiin i ngaihtuah a ni mai thei e. Chutia Ramhuai be thin hnama i lo inngai palh a nih vaih chuan i hnamah i chiang lo a, i bo thui tawh hle tih inhria ang che.

            Kan pi pu-te khan Ramhuai an be lo a, siamtu Pathian nung kaihhruainaa khawsa thin an ni zawkin, chu an Pathian chu ‘Chung Khuanu’ tiin an lam thin a. Eng natna  emaw an tawrh erawh chuan Ramhuai hnathawha an ngaih avangin an lak ata kiang turin Pathian hming chhalin hnawh chhuah/um bo dan kawng an lo dap ve mai thin a ni zawk. Eng pawh ni se, tunah hi chuan zaa za Kristian rama inchhal hial kan lo nih tak si avangin Kristianna hian engti ang chiahin nge kan hnam nun a lo khawih tih hi i han chhut phawt teh ang. More >>>>

(He thu hi LHminga Hlawndo min rawn thawn a ni a, in lo chhiar ve atan ka it em a, aphalna lain ka rawn post a ni e. “Thlamuanna Thuchah ” Upa Lalthankima, Dawrpui Vengthar atang lak chawn a ni,)

KAN EASTER LILY

“Mi Nung a chu ka ni, ka lo thi a; nimahsela ngai teh, kumkhua atan ka lo nung leh ta a ni.” (Thupuan 1:18)

March 29, 1983-a ka zing tho chu ka zangkhai hle mai. Kan hulhliapa thutthlengah ka thu a, kan hawi vel a. Kan tual kovah chuan pangpar a lo par buk luai mai a, a mawi ngei mai. Easter Lily a ni. Thawhlehna pangpar a ni. A bul chu purun bul ang hi a ni a. Lei chhungah rei tak, ral ta vek ang maiin a awm a, a hunah a lo chawr chhuak leh a. Tunah hian Lalpa thawhlehna puang chhuak turin a lo par ta. Ka va lawm em! Ka sawi fiah thiam loh chu an nunin an rawn sawi fiah ta. Pathian ringtu chu leia phum tawh pawh nungin an la par chhuak leh vek dawn tih an entir a ni.
More >>>>

Kum 1950 vel khan Margaret Sangster Phippen chuan a pa, British pastor W.E. Sangster-a chanchin hetiang hian a ziak :

A hrawk leh ke lamah harsatna a neih avangin doctor a rawn a, tihrawl chak lohna chi khat tihdam theih loh a vei tan tih a lo hrilh ta tlat mai a. A tihrawl a zawi telh telh ang a, a aw a chau tial tial ang a, thil lem pawh a harsat thuai dawn a ni.

Sangster-a nun erawh a beidawng lo chiang hle! British Home Mission rawngbawlna lamah nasa zawka inhmang turin a rilru a siam thar sauh sauh a. A la ziak thei zel dawn tih a hria a, tawngtaina hun tam zawk a nei thei dawn tih a inhre chiang bawk.

More >>>>

(He thuziah hi mi tam tak chuan in lo chhiar tawh mai thei, FB-ah a rawn post tha leh a, keimah anga chhiar lo inlo la lawm takin, a ziaktu hmingin ka rawn post sak a ni e. HJ)

Kum 2007 khan Singapore ah ka han zin ve a, ka zin haw lam chuan Delhi airport ah harsatna ka tawk ta!! Ka tawngtaina Pathian in chawp leh chilh in a chhang a, chawp leh chilh a ka tawngtaina chhana a awm vawi khatna ani nghe nghe awm e.

Ka thil tawn dan tlangpui chu hetiang hi ani. Delhi atanga Kolkata ka pan tur chu zing dar 4 ah hotel chhuahsan in Airport lam ka pan a, mahse ka flight an lo cancel hlauh mai. Dar 11:00 a Kolkata – Aizawl ticket nei sa ka nih avangin Delhi chu a hma thei ang ber a chhuahsan ka ngai si. Ticket dang lak leh tumin counter tin ah chuan ka kal kual a, mahse min tanpui thei tumah ka hmu lo!! Ka bei a dawng in, ka More >>>>

Good Friday kan hnaih ta hle a. Kraws thiltihtheihna hi ngun takin i ngaihtuah tlang dawn teh ang! Khawvel ropuina atanga thlir chuan Kraws chu ânchhe dawng, Pathian fapa meuh pawh a thihna a ni. Tirhkoh Paula chuan Kraws hlutzia ti hian min hrilh a, “Kraws thu chu boral mekte tan chuan âtna a ni si a; keini chhandam mekte tan erawh chuan Pathian thiltihtheihna a ni zawk e” (I Kor 1:18). Kraws thiltihtheihna hmu fiahte chuan an ngaisang a; huaisen takin Lalpa an zui thin. Kraws hmangin Lalpan mi tin a hnenah a hip a. Amah ngeiin, “Tin, kei, lei ata khaikanin ka awm chuan mi zawng zawng keima hnenah ka hip ang” (Jn 12:32) tiin Pain a pek tawhte chu a huikhawm tur thu a lo puang tawh a. A pa duhzawng tih chu a chaw tui ber (Jn 4:34) a nih avangin a tuarna kal tlangin tlan sate min hruaikhawm vek dawn a ni. He Kraws thiltihtheihna rinchhan hian Zofa tam takte chuan India ram leh ram dangah Chanchintha an puang mek a, he Kraws avang hian zâm lovin Lalpa tan ram an kâp zau zel a ni. Harsatna More >>>>