Anti-tobacco Squad, Aizawl District te chuan May 8 khan sawrkar pisa, zirna in leh vaihlo zawrhna dawr hrang hrangah Vaihlo khuahkhirhna Dan, COTPA 2003 zawm leh zawm lo an enfiah. Section 4 Puipunna hmuna meizial zu an awm leh awm loh endik in sawrkar pisa leh puipunna hmun dang an tlawh a:- 1.) Directorate of Health and Medical Education; 2.) Directorate of Health Services; 3.) NRHM Office; 4.) Mizoram State Health Care Society Office; 5.) Mizoram Rural Bank, Regional Office, Dawrpui Vengthar; 6.) PHE Office, Dawrpui Vengthar Branch; 7.) PPTCTC, Main Centre, Dawrpui Vengthar; 8.) SR. Town and Country Planner, UD&PA Department; 9.) Department of Fisheries, Temple Square.

More >>>>

Share

NLUP hnuaia Bawng vulh tur a dawn hnua sertua puh Malsawmkima Kolasib Hmar veng chu man a ni a Jail-ah dah a ni. NLUP hotute sawi danin Malsawmkima hi a intiamkamna angin a Bawng man hu a rulh hma chu bail theihloh in a tang anga, Bawng man bakah a phurh man senso a vaiin Rs, 1,35,000/- chu rul tura tih a ni. Hetiang ang deuh bawk hian Muthi lam ah NLUP bawng hralh an awm niawmin thuthang a awm bawk a, hemi bawh zui hian nimin Pathianni khan Aizawl Dist, Addl. DC Pu J.Hmingthanmawia, NLUP Implementing Board Secretary Zorammuana leh Chief Media Officer David L.Thangliana te chu endikin an kal nghal a, mahse thuthang diklo a a nih thu dawn a ni.

More >>>>

Share

May ni 6 Pathian ni khan Mizoram police CID (SB) te chuan pawisa lem nuai 2 sing 9 leh sang 6 an man a, a neitu ni a hriat an man bawk. Mizoram police CID (SB) te chuan Aizawl Chanmari venga in pakhat ah pawisa lem cheng nuai 2 sing 9 leh sang 6 an man a, he pawisa lem neitu ni a hriat Lalzama Sailo kum 56 s/o Zakamlova (L) Rahsi Veng Lunglei inti chu an man tel bawk a ni. Mizoram police CID (SB) ten pawisa lem an man hi cheng 500 leh 1000 note vek a ni a, pawisa lem rau rau ah pawh quality thaber te zinga mi niin an sawi. Mizoram police CID (SB) te hian hun engemawtilai atang khan aizawl ah pawisa lem hralhchhawn tum an awm tih hria in an chhuizui reng a,  tun tuma an man hi a then a zar chauh niin an sawi a, mipuite a bikin sum dawng te chu fimkhur tura an duh thu kan palai chuan a dawng a ni.

Share

Synod Social Front buatsaih Ruihhlo dona kawnga inrawnkhawmnaah ruihhlo avanga Mizo Presbyterian kohhran member zuzuar tih hriatchian leh an rui lai hmuh ngei te chu Presbyterian Church of India Dan Bung 3:1 angin an chungah hmalak ni rawh se tiin rawtna an siam.

More >>>>

Share

Mizoram Legislalative Assembly Session neih zawh taka sawi hlawh tak SSA tangka lapse leh lapse loh thu a, house in Enquiry Committee a dina Committee member atana Ruat Pu John Siamkunga MLA chuan May ni 3 hian banna a thelhlut. Pu John Siamkunga chuan Enquiry committee member a nihna atanga a banna hi Speaker Pu R.Romawina hnen ah May ni 3 hian a thehlut a, Speaker chuan lo dawng sawngin Dy.Speaker Pu John Rotluangliana bakah Assembly Secretary ten Speaker Pu R.Romawia hi an tawiawm a ni. Pu John Siamkunga chuan banna a thehluh chhan sawiin a tira member 5 awm chu MNF party ten an Complaint avangin member 6 awmna Committee chu MNF party bawk in an Complaint leh a, member 5 a awm theih nan banna hi a thehlut ta tih a sawi a, House a member tam lam a chhut chuan Congress Lagislature party atangin member 4 awm tur zawk an nih thu a sawi bawk.

More >>>>

Share

NLUP hi Sekibuhchhuak ni lovin Hreipui Khuaituthei a ni a, tha a ngai” tiin NLUP Implementing Board (NIB) Chairman Pu R.Selthuama chuan vawiin khan Aizawl South I bial tana NLUP 2nd installment semna, Venghlui Central Hall-ah a sawi.
Industries department hnuaia NLUP 2nd installment sem ah hian veng 7 atangin chhungkaw 393 – Upper Republic-ah chhungkaw 50, Republic-ah 62, College Veng-ah 49, Bethlehem-ah 26, Bethlehem Vengthlang-ah 91, Republic Vengthlang-ah 43 leh Venghlui-ah 72 hnenah a vaiin tanpuina sum Rs. 208,07,600/- sem a ni a. Hemi zinga Desktop Publishing thlangtu chhungkaw 12 te chuan a hlawmin nuai 1 an dawng nghal a ni.

More >>>>

Share

May ni 1 hian Mizoram Board Of School Education chuan Higher Secondary School Leaving Certificate Exam 2012 Result a ti chhuak. MBSE in HSSLC result 2012 a tih chhuah tak ah hian Arts, Commerce, Science leh Vocational ah exam beitu chu an vaiin 11276 an awm a, heng zinga 6822 te chu an passed a, passed hi za zela 60.50 a ni a, arts subject ah hian exam beitu 7937 an awm a, heng zinga 4712 te chu an passed a, za zela 59.37 an passed a ni. arts ah hian Top ten ah mi 15 an lang a, a pumpui ah R.lalrinmawii R.lalrinsanga fanu Govt Chaltlang HSS chu pakhatna a ni a, Lalfakzuali home mission School leh Lalramdini sailo synod HSS te chu pahnihn niin Loreta lalruatpuii Kawlkulh HSS chu pathumna a ni.

More >>>>

Share

Tleirawl unau hmeichhia leh mipa, kum 16 leh kum 17 mi, mi bum thin te chu April 30 chhun khan Vaivakawn Police ten an man. Hemite unau hian mi inah awmpui an mamawh leh mamawh loh zawtin awmpui an mamawh chuan hmeichhia zawk chu awmpui turin an biakfel pui a, an inbiakfel hnu hian an nulehpa te damlohna avangin pawisa an mamawh thu sawiin advance-in awmpui hlawh tur chu an dil chhuak ta thin a ni. Mipa tleirawl zawk hian pawisa pawisa chu dawngin a nulehpa te hnena pe tur angin a kal bo hmasa phawt a, a kal bo hnu lawkah a hmeichhia zawk pawh chu a tlanbo ve leh ta mai thin a ni. Hetiang hian hemi te unau hian Vaivakawn, Luangmual leh Venghlui Treasury Squear lamah te pawh mi chhungkua bumin pawisa an lo laksak tawh thin niin thu dawnna chuan a sawi. Hemite unau hi April 30 zanah ah Vaivakawn Police Custody-ah kawl an ni anga, naktuk lamah Remand Home ah dahluh an ni ang. Heng tleirawl te hi kumtlinglo an nihna angin JJ Act-in a humhalh avangin an nihna langthei thil te thupsak an ni.

Share

April ni 29 zan dar 6 leh dar 7 inkar vell khan Santro MZ 01 F 6482 chu sairang kawngpui Bawngkawn leh Edenthar veng inkar ah a chesual a, mi 3 an thi. Kan palaiin thu a dawn danin he lirthei Santro MZ 01 F 6482 chetsual hun hi ni 29 Pathian ni zan dar 6 leh dar 7 inkar vel niin a chesual tih hi ni 29 zan lam khan hriat a ni lova, April ni 30 chhun dar 12 vel khan Edenthar veng miten lirthei chesual hi hmu in an hre chhuak chauh a, Police te hnen ah thil awmdan report a ni a, Police te chuan hma la nghalin  an enfiah a, Pu J.Lalthutiama Bethlehem veng a mi motor a ni tih hriat chhuah a ni a, a driver hi Lallawmthanga kum 24 Champhai zote tuna bethlhehem venga cheng a ni a, lirthei ah hian driver Lallawmthanga bak ah mi 2 dang Lalremruata kum 26 s/o zakapa Thuampui veng leh Lalfakzuala s/o Hlenkhara Hmuntha myanmar te an chuang bawk a, an pathum hian a hmun ah an boral vek a ni.

More >>>>

Share

Gabriel Lalmalsawmi (5) D/o. Lalremruata (L) chu April 29 chhun dar 1:10 bawr vel khan an chenna in Aizawl Tennis court thlang CS Bangla thenawm ami chu an in kawt tuikhuahah a tla hlum a, April 30 hian vui a ni. Gabriel Lalmalsawmi hi tui a a tlak lai hi hriat a ni lova. A pi te nen a an in khawm bang chu chhun thingpui te an in zawh hnuah, chawhnu inkhawm tura an kal leh tur chuan an hmu ta mai lova, an zawn hnu ah an kawt dilah hian thi in an hmu ta a ni.  A mah hi Centenary School Dawrpui Church a Kg Section ‘A’ a zirlai a ni a, vawiin ni 30 chhun dar 12 khan Bialtu pastor RS Rokimaín a vui a ni.

Share