India Hmarchhak huap, UPC Thalai Inkhawmpui lian, Pentecostal Youth Department (PYD) North East India 2012 General Conference chu April 26 zan atang hian Liandala Mini Sports Complex Farm veng-Lunglei ah tan a ni dawn a, inbuatsaiohna hrang hrang peih a ni tawh. He Inkhawmpui neih tur chungchangah April 24 khan PYD te hian Lungleia thuthar lakhawmtute an kawma an inbuatsaih fel thawkhat thu an sawi a, an pandal sak tanpui tu TKP, KTP, leh YMA te chungah lawm thu an sawi tih an tar lang bawk a ni. Tun tumah hian North East bakah Bengal lam Mission field atangin palai an fuankhawm dawn a, Nagaland atanga palai te chu an thleng tawh a ni. Inkhawmpui Pandal hi a dung feet 120 leh a vang feet 90 niin, mi 3,000 bawr vel leng thei tura ruahman a ni a, a sak nan hian Rs Nuai 2 vel an hmang a ni.
Recent Comments:
USER
Categories
Archives
Food Civil Supplies & Consumer Affairs Minister Pu H. Rohluna chuan tunlaia Mizoram thalai te run tu ber ruihhlo chi hrang hrang do letna kawngah Central YMA in theihtawp chhuaha CADS hmanga do let hna a thawh avang hian thalai nun boral mai tur thahnem tak chhanchhuah mek an ni, a ti. He thu hi Champhai Sub Hqrs. YMA Conference vawi 3-na, N. E Khawdungseia a hmanpuina ah vawiin chawhma khan a sawi a ni a.
April ni 23 khan Central YMA Central Executive chuan central YMA Committee Room ah Emergent Meeting an nei. Central YMA Central executive Emergent meeting hi Pu Lalbiakzuala Central YMA Vice President chuan a kaihruai a, he hun ah hian April ni 18th a Pu H. Zosangbera, Chairman, HPC (D) nia insawiin Central YMA President hnena open letter a thawn chung chang chu an thu ngaihtuah ber a ni a, HPC(D) hruaitute hi tumah an la be pawp thei lova, an mahni be turin zaizap taka ngaihchan nise an ti a, an biak ngei theih nan theihtawp chhuah zui nise an ti bawk.
Dhania (cilantro) hnah hi a zo a vaiin chawhmeh leh rawta telhah te hian kan hmang uar hle a. A rah hi rawt dipin Mizovin bar mosala kan tih, atan hian an telh tam ber (main ingredient) a ni. Chawhmeh a ti tui narawh e. India ramah hian dhania tiin kan hre ber a, Coriander an ti bawk a. Coriander hi Greek tawng koris atanga lak a ni a, Europe chhim chhak lamah khuan a tual to a tam thin hle a, chuvangin Europe lam atanga rawn intan a niin a rinawm. America ramah hian kum 1690 vel khan Europe lam atangin an rawn la luta, Cilantro ti a hriat a ni. B.C. 5000 vel atang tawh khan Asia khawmualpui leh Middle East vel a mi te hian an hmang uar hle tawh a ni. Tin, Rom ho hian an sa ei tur vawn that nan leh chhang tih rimtui nan an hmang thin tih hmuh a ni bawk. Heng hun lai vek hian damdawi thiam mi, Hippocrates-a pawhin damdawi atan a hmang thin tih record a awm bawk. Chawhmeh a tihtui em em bakah hian hrisel nan pawh a lo tangkai hle a ni. Europe lamah chuan zunthlum damdawi tanpuitu (anti-diabetic support) atan an hmang bera, India ramah chuan pun leh hliam emaw pan pun (anti-inflammatory) tan an hmang a, USA lamah erawh chuan cholesterol tihhniam nan an hmang lar ve thung a ni.
April ni 20 hian Mizoram Board of School Education(MBSE)-in HSLC 2012 Result a ti chhuak a, Exam zinga za zela 72.27 an passed a, a pumpui ah C.Laldintluangi St.pauls HSS chu pakhatna a ni. HSLC Examination 2012 ah hian exam beitu candidate 15206 an awm a, heng zinga 10989 te chuan hlawhtlinna neiin an passed a, passed hi za zela 72.27 a ni a, Compartmental chance nei 377 awmin failed 3840 an awm a ni. Kumin HSLC result chhuak ah hian a pumpui ah C.Laldintluangi, C.Lalnunkima fanu St Pauls HSS chu pakhatna a ni a, Full mark 500 ah 468 a hmu a, pahnihna chu RK Lalbiaksangi RK Lalthlamuana fanu Mount Carmel School niin full mark 500 ah mark 464 a hmu a, pathumna chu Zarzokimi Tlau, Lalhmachhuana fanu Mount Carmel School a ni a, ani hian marck 461 a hmu a ni.
Sinlung Hill Development Council Area-a YMA Branch zawng zawng tihluihna hmanga an desolve thu puangtu HPC(D) faction pakhat zawk chairman Sangbera chu Central YMA hruaituten biak pawh an tum a, April 18 zan thleng kha chuan an la be pawp lo niin thu dawn a ni. Central YMA hruaitute hnen atanga thudawn danin Sangbera biak pawh a, tha taka thil sawiho an duh a, mahse tunhmaa an biak pawh thinna zawng zawngah a biak pawh theih loh a, a biak theihna hre awm deuhte atang pawhin engmah an hre thei lo a, amaherawhchu direct a contact lovin inbiak an duh thu midang hmangin an thlen thei dawn niin an hria a ni.
Saihkhamakawn a cheng Pu K.Lalnghakliana in chu April ni 19 khan Khawtlang in an sak sak. Pu K.lalnghakliana te chhungkaw dinhmun hi LPS kaltlanga mi inphal ten tangka an pek semchhuahna Programme LPS in a tih chhuah ah khan mipuiten an hre tlangpui tawh awm e. Saikhamakawn Khawtlang chuan an dinhmun hi hria in an chenna tur in hi an sak sak a, tum nga lai hnatlang hi lo nei tawh in April ni 19 pawh khan hnatlang an thawk chhuak tha hle a, in hi RCC a duing ft 22 leh a vang Ft 12 a chhawng turin an ruahman a ni.
Mizoram in a mamawh M.Ed Course (Post Graduate) July 2012 a hawng thei turin Mizoram University expection team ten an endik. College Of Teacher Education (CTE) chuan M.Ed Course (Post Graduate) hi Mizoram in a mamawh em em a ni tih sawiin College of teacher Education CTE, Institute Of Advance Study in Education (IASE) a hlankai tawh chu M.Ed Course (Post Graduate) July 2012 a hawng thei turin MZU mithiam te chuan an endik a, IASE ah hian M.Phil leh Ph.D zirna te hawn chhoh zel tur a ni dawn a, Principal leh Teacher edicator te Training pekna hmun tur a nih thu pawh an sawi bawk a ni.
Pu Rothuama Sailo Thakthing veng Aizawl chuan Horticulture Department, Government of Mizoram in kum 2010 a North Eastern Council (NEC) hnuaia Cultivation of Grapes on Commercial Scale in Cluster Area at Hnahlan, Champhai District, Mizoram tih project an thehluh atanga NEC tangka lokal chu a dawng tur dik takten an dawn theih nana hma lak sak tur leh chhui chiang turin ACB ah First Information Report (FIR) a thehlut. Pu Rothuama Sailo chuan FIR a thehluh ah chuan Horticulture Department, Government of Mizoram chuan kum 2010 khan North Eastern Council (NEC) hnuaiah Cultivation of Grapes on Commercial Scale in Cluster Area at Hnahlan, Champhai District, Mizoramî tih project a thehlut a. He Project hi NEC chuan pawmin kum 2010 khan he Project atana sum hmasa (First Instalment) Rs. nuai 108.77 lakhs chu Ni 11.3.2010 khan a released a, he tangka hi a hnuai ami ang hian hmang angin Sanction Order siam a ni tiin Horticulture Department, Government of Mizoram (GOM) chuan President, Indira Mahila Kendra, Zemabawk, Aizawl hnenah Dt.17.2.2011 khan Rs nuai 61 sing 6 sang 3 leh 600 a pe a.
Aizawl khawpui laili laia kum 100 chuang zet lo in bengbel tawh Assam Rifle te chu an hmun thar tur Zokhawsang lamah an insuanchhuak mek a, April ni 18 hian Company an insuanchhuak. April ni 10 atang khan Aizawl khawpuia kum 100 chuang zel lo inbeng bel tawh Assam Rifles te chu an hmun thar Zokhawsang lam ah an insuanchhuak mek a, tum khat a insuanchhuak huk lovin a tahtawl in an hmun hlui hi an chhuahsan chho zel dawn a ni. Tuna Aizawl-a Assam Rifles awm mek te hi 26th Assam Rifles te an ni a, batallion dangin an rawn thlak hunah pawh Aizawl khawpui chhunga rawn awm tawh lovin Zokhawsang lamah an lut nghal zel tawh dawn a ni.
