Pu Benjami chuan Mizoram University hi State University ni lova Central University ni tura sorkar hotu ten an lo thlang zawk chu, ‘sorkar hotu te hian an ti dik ani’ tiin, amaherawh chu University hi anih dan tur angin kan la hmang tangkai thiam lo tih thu a sawi a, India rama University thangchak leh thangduang ber te zing ami anih thu sawiin, Zirna lam ah Department 28 awm turah tunah hian Department 26 an neih tawh thu MJA te hi alo hrilh a ni.

Registrar chuan Mizoram University hian ram zau tak (1000 Acres vel) a nei a, hengah te hian Medical College, Hospital bak ah Sports Complex National Level thleng thei khawp pawh a leng vek tih sawiin, heng nei thei tur hian tun atangin inbuatsaihna nasa takin an kalpui tih a sawi a, Mizoram University in East Zone University Vice Chancellor meeting a thleng thei chu lawmawm a tih thu leh he meeting a Mizoram Chief Minister leh a Cabinet zawng zawng ten an telpui thei chu, Zirna kawnga mizo fa ten kan tih mai mai lohzia lantirna anih thu leh Vice Chancellor rual hma ah pawh mizoram chu zirna kawngah a chhuah phah hle thu MJA te hi alo hrilh a ni

Mizoram University hian nasa takin hma ala mek a, Mikhual thlenna tur (Guest house), Department Hrang hrang Building tur, Thawktu te Quarter tur, Tui dahkhawlna tur, Inkalpawhna, Library Building, Helipad, Playground leh Sports Complex te an ruahman mek bakah, Aizawl chawmtu Tuilakna in a huam phak loh avangin Tui ah harsatna an tawh thu sawiin, amaherawh chu University chauh harsatna anih loh avangin a hriatthiam thu leh, kawng tinreng ah intodelh tumin nasa takin hma an la tih sawiin, Power Supply chungchang ah pawh intodelh theih dan tur ngaihtuahin Non-Conventional Energy lam ah hmalak mek anih thu a sawi bawk a, University panna kawng te leh chhe lutuk erawh chu an tih theih bak anih thu a sawi a ni.

Mizoram University ah hian Technical zirna, School of Engineering & Technology leh School of Management pawh din turin 2005 khan India sorkarin a phalsak tawh thu sawiin tun 11th Plan chhungin B-Tech zirna Dept -4 hawn anih thu leh 12th Plan ah Dept -4 dang pawh hawn belh anih tur thu a sawi a, Pu Benjamin chuan Mizoram University chuan kumin atangin Hindi Dept hawn anih tur thu a sawi a, University in harsatna an tawh thin ber chu ‘Kan ram kilkhawrna leh hnamdang ten North East chu Hel tamna ram nia an ngaih tlat avangin Hna lak chungchang ah an duh ang mithiam an hmulo thin a, Professor hna ah ngat phei chu diltu an awm thin loh avangin tun thlengin Professor hnaruak hnawhkhah loh an ngah tih a sawi bawk.

University hian hmalakna lian tham tak tak thawk mek mahse chung zingah chuan Sports Complex saklai mek  chuan tlawhtu te mit ati tlaiin, Thalai te rualawhna phuhruk tur chu Heingei hi alo tih chu a hmutu te rilru ani a, e Sporta Complex hi a lianin analh a a hmuhnawm mai bakah a chhungah Indoor Item hrang hrang a tih theih rualin a chung lamah  Gym, bakah a sir Hnuailam chu Room hrang hrangin a khat vek bawk.

Tlawh ve mah teh!!! an hmalakna ropuina hian Mizoram atangin mi ramah min hruai dawrh a ni deuh ber e.

University nge nge…….