You are currently viewing STARLIGHT -8

STARLIGHT -8

Spread the love

STARLIGHT -8

Karkhat zet damdawiin a kan awm hnu chuan Cabin lamah kan in sawn a,, Nicky-a pawh kan luh tir ngawt ai chuan a tha tawh viau,,a taksa erawh ala chaklo tih hriat zetin zung tur pawh in hruai ala ngai a,,Tin a na a chhuah chang hian na a tih em avangin a thlan fimin a bual huh vek a ka kutah chelh in a inhum ruh ngawt ngawt thin,, A na lai ka hmuh hian keimah zawk hian awmngaihna ka hrelo thin…A nat rual hian ka lo na ve ngawih ngawih a,,na a tih em avangin a mittui hial a tla thin,,hnemtu ka nih theih loh avangin ka na a,,a natna ka chhawk theih loh avangin ka thinlung hi a rum a keiin tuar zawk ila Ani hi ka tan awm zawk se tiin ka ngaihtuah fo,, mahse chutiang anih miau siloh avang chuan a mittui a tlak rualin mittui nen a kiangah ka tap ve tlawk tlawk thin.

Ana a reh a,,Ka tahna mittui te chu min hruk hul saktu zawk a ni leh a,,a taksa chau hnawk khawpa na a tawrh lai pawh in ka tan a nui lui hram hram a,,mahse kei ve hi amah thlamuan a hnemtu tur zawk hi hnem ka ngai leh si thin a,,engtin nge a tello hian ka awm theih ang? Ka innghahna ka engkim a ni asin…Chu thil chu Amah ngei pawh hian chiang takin a hria.. A natna hriat duh lo viau mah ila Kan chhungte Doctor leh Nurse te kâ atangin Thisen Cancer anih ka hre ta tho a,, ka hriat ve hma daih khan kan chhungte leh Amah Nicky-a ngei hian an lo hre daih tawh. Kum hmasa lama term exam chawlh kan neih laia Aizawl a kan zin khan an lo hrechhuak tawh alo ni a, khatah pawh khan alo nasa tawh viau a,,In enkawl ve bawk thin mahse hma a sawn mawh em avangin damdawi nen In lamah kan haw leh kha ania, Ka nu leh pa, Nutei leh Patea ten an hre phawt chumi hnuah Usawmzuala leh URobert-an an hre leh a, chuan Aizawla Ulawma leh Uchhana te an awm khan an hre ve leh a,,kan zin dawn khan kan nau te pahnih hian an hre ve leh ta a ni mahse kei chiah hrilh hriat ka ni ve lo,, Nicky-an a phalloh vanga min hrilh lo an ni.

A natna a zual zel si avang leh khawsik awm nuam lo a neih fo avang te,,A na a chhuah zin tak em avang te in Zin pawh kha thulh a rawt kha ania,,mahse a theih chhung chu ka duhthusam leh ka chak zawng apiang min tih sak tiamtu hian ka hlimnan damdawi nen a na te chu hai derin excursion ah khan min kalpui a,,ka pa hnenah pawh khan tih takzetin alo dil a,,a luhlul ve zia hretu a nih avangin lungsi lo chungin kal a phal alo ni… Heng zawng zawng ka hriat hnu hian mahni inthiamloh na in ka khat a,,min hmangaih em em tu hi kei hian ka hmangaih zo ve lo ni a ka hriatna hian hrehawm min tih tir thin,,ka tana a engkim hlan tu hian min kalsan ka rem ti lova engtikah mah ka kal tir hek lovang,,ka damchhung hun hi a tana hman ka duh a hmangaihna tam tak pek a enkawl ka duh….. “Muan” A muhil rawn harh meng riai riai ka hmuh chuan ka ko nghal vat a,, “Ka elephant duhawm deuh hian min lo veng reng tih hria ila ka la muhil reng ang mawle.” tia a nuih sen sen chuan chimawm zet hian ka melh a,,a nui ri nghal hawk hawk a,,hlim taka a nui hmel ka hmuh leh meuh chuan ka biangah mittui a rawn luang a,,khuma a mu chu muangchanga kuah in a khumah chuan remlo zet hian ka mu ve nghal a,,khum ka lawn rualin a in siam rem ve nghal sat sat a,,ka hmel hmai en tuma a rawn kun chu duh lovin a awmah ka hmai ka phum daih a,,a nui che nghal dawt. ” I nui ri ka hriat hian ka thla a muang…” ka ti zawi sap a,,min chhang lovin a ngawi vung vung…”Anih ring deuh deuh in nangmah ang hian ka khek ve tuar tuar tawh ang o…” a tih chuan inla hrang nghal vatin,, “Hmela chimawmna zawng zawng neitu i nih hi….” tiin ka melh rum al a,,Ani la chu a nuih a za tulh tulh lehnghal a….Kan infiam lai chuan Kawngkhar chu a ri rak a,, Doctor leh Nurse an lo lut ka hmuh chuan rang zet hian khum atang chuan chhuk ka tum a,,mahse ka tla sual ta,,a ri dawp a,,ka mawng chu ka dawm nghal vawng vawng,, Nicky-a chu ka tlak rual khan a che ve nghal a,,mahse drip an khai avangin min chelh bet hmanlo…. Doctor pa chuan min rawn kaitho vat a,,”A na em??” tia min zawt in,,Ka kiu duk raih chu a en nghal a,, Chutia a tawng mawlh mawlh lai chuan a hnunglam atang chuan,,”Doctor Ani en tur khan ilo lut lo ania,,” ti chang fak tu chu Doctor-a nen chuan kan en nghal zawk…. A hmela lungawilohna ka hmuh rual chuan ka ding nghal vat a,,mahse ka mawng na zawk avang chuan ka te nghal thawt…. Doctor-a chuan,,”lo thu rawh i u hi kan en lawk ange chuan damdawi ka pe ve dawn che nia…” a tih chuan hreh zetin ka thu lehnghal a,, Nicky-a mitmeng rum lutuk chu ka melh leh zeuh,,nga ti nge khitia a awm leh ngawt le.?? Doctor in a check lai chuan a tum bur a,,eng eng emaw a hrilh nual a,,mahse ngaithla awm pawh in a awmlo…min melh rum ul a ni mai…. “Doctor ka nau hi ka bialnu ania..” Amah anglo zeta a aw a ngeiawm rawngkai lek lek a atih chuan Doctor-a chuan a mit ko san ak in min rawn en leh zeuh a,,”Bialnu i nei hmeltha hle mai,,” tia Doctor in a chhan chuan,,”Chuvang alawm ka thawk ve tek tek chung hi chuan a unau te ngei bulah pawh awm phallova ka bulah ka awm tir tlat,,ka thih hnuah erawh tu bulah pawh a awm thei dawn a…” a tih chuan thinrim zeta ding chhuakin,,”Lalmuanzual” ka nghal that,,kha thu a sawi kha ka duhlo,,thihna chungchang sawi ka duh lo,,ka hua thihna hi ka hua…. Thinrim zeta melh in ka mawng na theihngilh thakin pawnlamah ka chhuak nghal a,,tunah hi chuan Ka mawng aiin ka chhungril hi a na daih zawk ka na ngawih ngawih a mahse a tih damna reng ka hre silo…. Ka hmangaih hi ka chan theilo,, mangchhia ka neih fo thin te ka ngaihtuah let a,,a thleng dawn nia ka hriatna chuan natna min pe in ka awm chhung na lutuk avang chuan boruak chu ka hip kawk kawk a,,Tah vak ka duh mahse ka mittui takngial pawh a tla thei silo….Ka hnunglam atanga ka dara rawn khawihtu chu hawi letin ka melh zeuh… A hmel ka hmuh rual chuan ka chhunglam natna in tap tura min nawr nasat em avang chuan kuah thlawp in Nicky-a awmah chuan ka in sut nghal hlawp hlawp a,,Nga ti nge a chungah kher hetiang hi a thlen?? Nga ti nge ka hmangaih chungah kher anih bik?? Kan la naupang a hmalam hunah tih tur tam tak kan la nei asin….Kan pahnih pawh hian hmachhawp tam tak duan lawk sa kan nei mahse engtin nge hetiang hi a chungah a thlen a kan chungah hian engtin nge hetiang hi a thlen theih?? Ka lung hi a awi lova a awilo hlollo a ni… “Mate ka tihpalh,,ka tihpalh lutuk min ngaidam rawh eng thil in nge min mawlh pawh ka hrelo,,Ka tihpalh takzet…” a ti mawlh mawlh a,,A pawilo tih tala chhan a,, a rilru nawmna siamsak ka duh mahse ka tap bang thei mai silo….Inhnit hlawp hlawp chung hian,,”I sual si….” tap aw tiau in ka ti chhuak a,,”Umm ka ti tawh miah lovang…Bang tawh rawh le,,i tah chuan ka na thin ka tih kha…” a ti zaidam leh thluam a,,,”Khatiang kha sawi tawh miah suh ang che,,i sawi leh chuan ka haw daih ang…” tap chung chuan ka tawng zuah zuah a,,a nuih a za leh tawh anih ka ring a nui chhuak ta hawk a,,ka ngei tawk a tling leh em em tho…. Zanah chuan a na a chhuak leh a,,Nutei leh Patea te an awm ve a,, Doctor leh Nurse ten an buaipui laih laih a,,Damdawiin a chiu bawk a,,chutih chung zawng chuan Nicky-an ka kut a thlah lo reng reng,,”Engpawh thleng se he i kut hi ka thawk tawp thlengin ka vuan ang” tia min hrilh lai te chu ka hrechhuak ruai ruai a,,keipawh in Doctor te chetna dallo zawnga awm in Nicky-a kut chu ka vuan tlat a,,na a tih em avanga a rum chhuak leh nghut thin te,,a tap ni miah lova a mittui luang ngiai nguai te chu hmuh hrehawm ka ti takzet,, mahse engmah tih theih ka nei silo….A nat em avang chuan nikhaw hrelo bawkin a awm leh ta,, Doctor in a check zung zung a,, mahse a na a chauh em vang chauh a chutia awm chu a ni tiin a sawi a,,Patea leh Doctor inbe thawm chu ka hre reng mahse eng nge an sawi erawh ka hrelo….Khum bulah chuan kalin engmah hre lova mu Nicky-a chu en in,, ” Giraffe muhil hlen suh aw,,min kalsan ka remti lo ania…I tellova awm ka la duh lo” tiin ka phun sep sep a,,lehlama ding nurse chuan min khawngaih hmel zetin min en reng tih ka hria…A bula thutnaah chuan thu in a kut chu nghet zetin ka hum a,,Nutein Khum ruaka mu tura min tih pawh chuan ka kalsawn duh chuanglo… Damdawi In kan luh atang hian vawikhatmah ka la chhuak leh lova,, Nicky-a hlatah ka la awm lo hrim hrim,,Ka chhungten thawmhnaw min lo pe a,,hetah ka inbualin ka in tifai a,,ka ei in ka in tawp bawk…Ka chhungte pawn haw tur pawn min tilui ngailo….. Zing khua alo var a,,nizungin ka hmai a rawn chhun takah chuan ka harh zawk a,, Nicky-a chu ka en vat,,ala harhlo tih hriat takin a mit a chhing a,,a thaw sak sak a tui taka muhil ang mai a ni…Ka hawi kual a,, Nutei leh Patea erawh an awm tawh,,pawmlamah eng emaw tiin an chhuak pawh a ni mahna….Nurse a rawn lut a,,a nui sang a… Nicky-a chu damdawi a chiu pah in kan chanchin te min zawt luam a,,Kan tetlai atanga thian kan nih thute hrilh in kan inngaihzawn thu te chu ka hrilh a,,kan inngaihzawn thu hi zep ka tum hran lo Amah Nicky-a pawh hian zep a duh lemlo a hunah chuan a nau ka nia,,a thian chutiang zelin a bialnu a hun leh a hmun a thliar hrang thiam a,,a tan chuan a engkim ka ni vek mai,,chutiang chiah chuan ka tan pawh a ni tho….. “Pui” rawn ti sup tu avang chuan ka ngaihtuahna ata harh chhuak thut in,, Nicky-a chu ka en nghal a,,ka nuih nghal var var a,,a chalah ka fawp vawng vawng a,,hetiang a atih hian ka thinrim lai ber pawn min beng dai a,,ka thla a muang thin anih kha…. A hmel ka en a,,a mittui luang ngiai ngiai chu ka kutin ka hui zeuh a,,a chalah ka chal nghat in,,”ka hmangaih che” ka ti sap a,,engmah a sawi ve lo,,”Nicky ka hmangaih che” ka ti nawn leh sap a,,”Haw ang…Lehkha zir kan ngaih kha…” a rawn ti chhuak sup….Inla hrangin Amah chu ka melh vawng vawng a,,a mitmenga min ngenna chu chiang takin ka hmu,, Kawngkhar ri rakah chuan ka hawi phei a,, Nutei leh Patea te an lo lut ve nghal a,,Nicky a harh tih an hriat chuan an rawn kal hnai vat a,,”Pate kan haw duh a,,” ka ti chhuak sap,, Patea chu a thaw hawk a,,min hnial lovin pawn lamah a chhuak lehnghal a,,Nutei chuan ngawi rengin eng eng emaw chu a khung khawm a,,Patea pawh darkar khat zet a thang tawh kei chu Nicky-a khum bulah thu in thu ho te te ka sawi a,, Nicky-a chu a khi leh suk suk thin…. “Nute khawiah nge Nicky-a racksack hi?” ka tih chuan,,Cabin kil lama wardrobe awm chu a hawng a,,min pek rual chuan rang zeta la in ka hai rak rak a,,Camera chu la chhuak in Nutei bulah chuan thla min laksak turin ka ti a,, Nicky-a chuan a duh lo ngang mai…Mahse ka thu hi chu a hnial ngailo….Duhtawka thla kan lak hnu chuan kan in fiam hlut a,,Nutei chuan kan awmdan chu min en reng tih ka hria,,nui ri hakin a thil tih fel lai chu ti zawm in a hawisawn a,,a hawisawn ruala a mittui a hru zeuh chu ka hmu reng mahse tun dinhmunah hi chuan hnemtu ka ni thei bik lo… Patea a rawn lut a,,kan haw theih tur thu a sawi chuan Nicky-a chu melh in ka nuih var var a….Engpawh thleng se chak takin ka awm tur a ni tiin ka infuih thar sauh sauh a…. “Home Sweet Home” tia ka tih chuan wheelchair a thu Nicky-a chu a nui hawk hawk a,,Kal kawngah buaina kan nei lem lova,,mahse Nicky-a hi a chau ve viau mai thei a ni…. An inah ka nawr lut a,,a taksa ala chak loh avanga wheelchair a thut luih tir kan ni a,,Ka damloh hmel lutuk ka duhlo ti mahse ka tum der bur min hmuh khan phun hlukin a thu ve mai anih kha….Kan haw dawnin Doctor-a khan min thlah a,,”A hmangaih hle che tih ka hria,,tha takin enkawl rawh aw” min ti anih kha….. Ka nu leh pa in pawnlamah min lo hmuak a,,Jeff leh Nathan hi khawiah nge an awm le School an kal mi niang an rawn lang ve miah lo…. An inchhung kan lut a,,”Welcome Home” ti rual thupah chuan ka meng nghal kawk,,Kan class ho zawng zawng leh kan unaute an kim vek…Thiante ho nen chuan kan in kuah chuk chuk a,, Nicky-a pawh a hlim hmel takzet…. Joseph-a nen an inkuah lai chuan a mittui a hru thuak tih ka hmu reng,,thiante hovin duhsakna thil an pek leh dam vat tura an duh thu an ziahna lehkha te chu dawhkanah a awm teuh a,, lungngaihna karah pawh Anni nen hi chuan kan nui leh nghe nghe thin…. Ni li ngawt kan khuaah an awm leh tawh a,, Thawhleh Ni zing a ni a,, Nicky-an school kal a duh tlat avangin Kan insiam mawlh mawlh a,,Kan cycle pawh kan nau ten an hmang tam zawk a,,mahse vawiin hi chuan Kan pahnih in kan khalh chhuak ang,,a taksa ala chak tawk lo tih hre mah ila Amah hian a tum em avangin buaipui vak theih pawh hian a awmlo… A khumah ka thu a,,a insiam mawlh mawlh a,,A necktie a awrh dawn chuan ka thutna atanga ding chhuak in a necktie chu ka suih sak a,,”Puii nupa niin ka hna kal tur tiang hian min siam thin la a nuam ngawt ang,,” a tih chuan ka nui ri hak a,,mahse ka chhungril hi a na veng veng thung si,,engtikah nge min kalsan ang tih hlauthawnna in ka khat a,,zanah ka muhil thei lova engmah ka ei tha bawk silo,,damlo zawk ang mai hian ka cher riak a,, Nicky-an min hauh chang la hian ka in diet ka ti hmak zel…. “Ka phurh chu duh mai la aw,,I khirh ve ngawt mai,,Bike ka neih hunah chuan ka phur ve miah lovang che,,” ka tih chuan ka biangah piai zeuh in a nui vur vur a,,A hah lutuk ka hlauh avangin ka phur ang che ka tia a duh bawk silo,,Kan chhungte chuan min ngaihtuah ru takin min thlah a,,keini pawh muangchangin kan in khalh chhuak ve ta a…. School kan thlen chuan tupawh mai chuan mak ti hmel zetin min en in ka hria,,thenkhatin min bia a,,thenkhatin khawngaih hmel zetin Nicky-a chu an en a,, Class kan luh chuan an ri nghal nawk nawk a,,ka thutnaah thu in Nicky-a pawh a thutnaah a thu ve a,,Cycle a khalh ngawt avang khan a chau ru viau in ka ring nui lui viau mahse a mitmengah hian ka hre tlat…. Zirtirtu lo lut apiangin Nicky-a chu an welcome a,,an fuih bawk a Ani pawh a hlim ve hle in ka hria,,a thianpa ber Joseph-a hi a buaithlak deuh,,lunch kan ei laiin pawnah a chhuak daih a,,Amah en zui pawh ni lova tui dawh tura ka kal chuan kil khatah hian a mittui alo hru mual mual a,,a dar a ka khawih chuan min en vung vungin min kuah a,,mipa in ti pa ve tak a ni a,,mahse a thianpa natna avang hian a rilru a na hle tih ka hria,,mahse midang hnem tur hian ka tawngchhuak thei lo,,,Engkim a tha leh mai ang tih ka duh laiin ka sawi thei thin lo a ni….. “In thlah nghal rawh u…” rawn ti vin that tu avang chuan kan inthlah chiang hle… Mawitei leh Nicky-a nui miah lova ding kan hmuh chuan sawi tur kan hrelo,,an mitah chuan thinrimna ka hmu lo na in an hmel tum deuh hmuk chu a ngaihna ka hrelo….Kan lam panin an rawn kal a,, Mawitei chuan Joseph-a chu melh rawm rawm in inherin a kal tau hmak,, Joseph-a chu a hawi buai deuh a,,ka nghawk zeuh chuan harh chhuak thut ni awm,,”Buddy Sorry” tiin a kal nghal vut a,,rawn let leh in,, Nicky-a biangah chuan a rawn fawp thut a,, Nicky-an a nem sawn dawr chuan,,”Muahh” ti leh hram in a kal nghal nal nal,, Joseph-a chet dan chu ka nuih hak hak a,,Sport nikhua leh class-ah pawh hian khatiang khan a ti fo a,, Nicky-an a duh lo thei lutuk hi kan nuih vak zel…. “Nui suh i dinhmun a derthawng…” a tih hmuk chuan ka nuih a za tulh tulh…. Ka bul alo thlen chuan min melh vawng vawng a,, “Khatiang khan nui reng rawh,,i hmeltha lutuk” a tih chuan ka nui tawp hmak,, hmangaihna mit a min en tu chu melh let vang vangin ngawi renga pan hnai in dim zetin ka kuah a,,Ani pawn a tih dan ngai te bawk in ka samah a chul a,,ka luah a fawp zeuh a…. Ni a ral,,hun in tumah a nghah miau loh avangin chelh din theih ni miah lovin a liam zel a,, Nicky-a pawh a chang chuan dam tha var angin a awm a,,mahse school erawh kan kal leh tawh lo,,Thiante an rawn kal reng a,,Natna in min tibuai mahse nuihna tur tam tak kan nei ve thin fo a,, Joseph-a leh Mawitei te an rawn lang tam hle a,,a chang chuan an rawn riak hial thin…Khawhar lutuk lovin kan awm a,,mahse thinlung erawh a dam thei chuanglo,,Nitin a tharin min hmangaih zia a ti lang a,,keipawh in ka thiam ang tawkin ka hmangaihna ka tilang a,,Tawngka in kan sawi reng thin….kum thar vela exam tur kan nih avangin kan hunawlah lehkha kan zir dun reng thin,,Lehkha zir erawh a harsa talzet,,kâ in chhiar ve mahse rilruah hian a lut tlem khawp mai,,a chang chuan Nicky-a zawk hian a thiam sa min hrilhfiah a ka ngaithla tawp zel….A thusawi tam ber chu lehkha zir bansan lo tur leh hmalam pan zel tura min duh thu a ni….. “Kan duh danin engkim a thleng theilo ka tih kha,,kan duh loh dan pawh in a thleng vek chuang lo ania…. Harsatna te chu mihring tawn tur a ni,,mahse Harsatna tawk lo ni ila Pathian kan hre lovang…” Lehkha kan zir ti ila Amahin a chhiar a ka ngaithla a,,Kei erawh a mutna bulah a awm nghengin kuah rial in ka mu a,,zanah hian kan mut that vak loh thin avang hian mutchhuak in min zem chiai chiai a,,a thusawi pawh ka mang hriat riai ruai….. A che hrut a ka awmdan a siam rem pawh chuan ka meng peih tawh lo…..Nutei leh Patea tawng thawm pawh ka hria mahse ka meng peih chuang lo,, kawngkhar in khar ri ah chuan an chhuak ta anih ka ring… Ni zung rawn lut chuan ka hmaiah a rawn chhun set set a,,peih lo zetin ka meng siar siar a,,ka hmai zawna min bih ngur tu ka hmuh rual chuan ka meng zau nghal kawk a,, min nuih nghal var var a,,”Mawla min ti phu” ka tih chuan ka chalah a fawp zeuh a,, “Good Morning Elephant”a tih chuan ka nui suk a,,Ka rilru chuan ‘rei tak dam rawh aw ka hmangaih” ka ti thing,,khum atangin ka tho a,,inhnuai lamah kan inzui thla nghal a… Aizawl atanga kan haw khan an inah hian ka awm chawt a,,Kan inah chuan ka kal zeuh chauh a ni,,chupawh Nicky-a nen kan ni zel,,ka hun zawng zawng a kianga awm ka duh a kan chhungte pawn an hrethiam hle bawk,,Kan zinna atanga ka thil hawn pawh an inah hian kan sem a,,kan hlimpui ve hle anih kha….Ka u te lo haw pawh rei an cham theih loh avangin an kal lehnghal a,,mahse vawiin ah hian Christmas chawlh hmangin an rawn haw dawn a,,Chaw kan eikhawm leh nghal dawn bawk….. Christmas atan karkhat chiah a awm tawh bawk a,,Chhungkua kan kim tawh dawn bawk a,,Boruak pawh a nuam leh sawt dawn anih hi!!! Tlaiah kan u te an pali in an rawn thleng a,,Chaw kan eikhawm bawk nen kan hlim dar dar hle,,Zanah pawh inchung zawlah kan unau in kan awm a,,Guitar nen kan zai a…Nu leh pa ten ei tur an siam thung a….Kan zai lai chuan Joseph-a leh Mawitei an rawn lang hlol a,,Album tih hriat zet hi an rawn keng bawk….. Min pek chuan ka nui nghal var var a,,Kan zinna lama kan thlalak ho chu chhungkua in kan en a,,Nuihna tur pawh a tam leh hle…. Nicky-a camera a mi pawh print tura ka pek avangin a bang awm hauh lovin a lan ve tawh na hrim hrim chu an print vek a,,Albumah dah thlap in an rawn keng a….. Nicky-a che vel ka lak sa tam tak chu a hlawm in Mawitein min pe a,,a then chu a hnunglam chauh te,,a thil ei lai te,,Goa a beach a ka laksak te a ni hlawm nawk,, Joseph-an a bianga a chuk lai te pawh a awm nawk mai….Ka pindanah kal in ka album lian zet Nicky-a thlalak bik ka tarnaah chuan ka tar nghal mawlh mawlh a,,ka tar zawh ka hawi chhuah chuan Nicky-a alo ding run a,,ka phu nghek zui… “Thil sual ti ang mai,,phu vak zel” ti hlukin ka album chu a la a,,a thlalak hlir a hmuh chuan mak ti hmel zetin min melh a,,mak pawh ti se a ka hrethiam,,a chhan chu he album hi a vawikhat hmuhna a nia,,ka thukru daih a,,ka nei tih a hre lo hrim hrim….A naupan lai thlalak atangin school a kal tan ni te an ni nawk hlawm a,,an album atanga ka ruk chhuah te a awm nual mai,, mahse nikhua kan hriat theih chin atangin kan camera in ka laksak fo a,,a hre ngailo…. Ka khum a athu lai te a tam mai,, Thlalak 100 lenna ania,,a khat vek miau a….A en zawh meuh chuan min rawn fawp thut a,,keipawn ka chhang let ve nghal….”Ehem!” ti riah chuan kan in thlah nghal a,, Joseph-a leh Mawitei pindan Kawngkhar bula lo nui thaw chu Phun hlukin Nicky-a chuan lukham in a vawm a,, Joseph-a la chuan ka duh ve tiin Nicky-a chu a dawm bet a,,khumah chuan an inbawh bet a an au chel chul bawk a,, Mawitei nen chuan kan lo nuih nghek thung….. “Lo chhuk ru Nicky-a te inah Sir Zuala leh Miss Sangtei te an awm” Mawitei a tih chuan harhchhuak thut ni awm takin Joseph-a chu a tho vut a,, Nicky-a pawh a tho ve nghal a,, Kan pali chuan kan inzui chhuak a,, Nicky-a te in lam kan pan ta a….. Conti……

This Post Has One Comment

  1. Anonymous

    yess..chhiar nghal ang❤️

Leave a Reply