You are currently viewing A scandolous Marriage – 7

A scandolous Marriage – 7

Spread the love

BUNG SARIH

Natalie chuan Mike car atanga chhuk hlan chu a nghakhlelh tehreng nen, a kawngkhar thleng a la rawn thlah tak deuh deuh a.

A chahbi a zawn rak rak lai chuan, “I chhungte hnen ah engtin nge i sawifiah dawn a?” tiin a rawn zawt a.

A chahbi a thlauh avanga thawk halh pah chuan, “Ka hre hauh lo mai,” a ti bung vat a. “Lottery ka man te ka ti mahna le,” tih pah chuan chahbi char tur chuan a kun a.

Mike chuan lo char khalh in, a mit ah tak chuan a rawn en a. “Thudik hrilh la a tha ang,” a rawn ti bauh a.

“I a ta a nih chu a. Ka nu chu a chi ai chhe vek dawn asin.”

Natalie chuan chutiang a a nu a awm chu a ring chiah hran lo. Monu nu nih chu eng dinhmun ah pawh nise, a chak viau tawh zawk in a rinawm mah mah tawh a ni. A fanu chuan midang tan a pasal hausa tak tak a zawn hmuh sak theih laiin ama pasal tur a hmuh ve mai loh avang chuan a phun a phun tawh a ni.

“Ka pa pawh in a remti hauh lo ang.”

“Thil awmdan chiang tak a i hrilh hun ah chuan i chhungte chuan an tawiawm tha ngei che in ka ring a ni. An mahni pawhin hlawkna an tel phah dawn bawk si a.”

“Sum ringawt hi a ni ber lo a nia,” a lo ti bak hlar a.

“Chu chu sum i neih chauh in a ni thin,” a rawn ti ram hmak a, Natalie chuan eng harsatna nge maw a paltlang tawh ang aw tiin a ngaihtuah phah nghe nghe a.

“I chhungten engkim an hriatpui vek che chuan kan inneihna chuan a tak a ang sawt ang a, Helsinger entir atan chhungkaw thla te pawh kan la thei dawn asin.”

Natalie chu a ner nang a. “Mahse chuti a nih chuan inneih kawr pangngai tak ka hak a ngai dawn asin.”

“Chungte chu i hak a ngai sa hrim hrim alawm.”

“Chuti maw?”

“Tehreng mai. Chuan honeymoon hman na atan wardrobe pawh i nei vek bawk ang.”

Mike chuan a chip atanga a ke ler thleng chuan a rawn thlek a, a thil hmuh ah chuan a lung a awi lo hle tih a hriat theih mai. Nilo, lungawi lo satliah a ni lo, a ngaihtheih loh hmel lam mah mah zawk a ni tiin Natalie chuan a lo ngaihtuah a.

“Natalie, ruangam nalh tak i nei a, engvanga thup tlat nge i nih?”

A ding khawng lah a. “Ka thup hauh lo.”

“Ni e, i thup alawm. Chuan a chhan pawh ka hria in ka ring. I hlauh vang a ni.”

“Eng chu maw ka hlauh a?”

“Mipa tu emaw in an duh che in, nawmchen nan an hman leh che mawle.”

“Khai aw! Rilru lam thiam, incheina lam a mi chungchuang leh computer thiam chungchuang bawk maw!” a tih khum hlak a. Chutia a sawi lai reng pawh chuan Mike chuan a sawi dik a ni tih chu a hre reng tho lawi a.

Mike chuan chiang zet in a rawn melh vang vang a, engtak chu ngaihtuah ang maw tiin Natalie chuan a lo en let ha a. Hmeichhe nasa tak ah a ngai ngei ang mawle, mahse a pawi hran lo. Chutiang ang chuan ngai se a duh zawk mah a ni.

Mahse tun ah tak hi chuan a hlau ru riau, a lak a nghawng a neih dan avang chuan a hlauthawng in, Brandon nen an inkawp lai a a inchei dan ang a a inchei leh chuan eng thil nge thleng ang tih a hriat lohna chuan a ti hlauthawng bawk.

Hawihhawm aw zet hian, “Ka chahbi kha min lo pe thei ang em?” a ti ta zawk a.

A melh leh fe hnu ah chuan a chahbi chu a kut ah chuan rawn dah in, Natalie inrin hman hma chuan a sam chhawlleng chu a rawn ban a.

A sam a khawih lai chuan Natalie chu a lo ding mar at in, a ti chu a rawn mur nghal er er bawk a, chutah Mike chuan muangchang in a beng ah chuan a sam zai chu a rawn zep ta hram a.

“I sam i thlah na chin hi engtia rei nge ni tawh ang aw tih hi ka ngaihtuah a ni,” a rawn ti thawp sat a.

A bul a chutiang a awm chakna chu Natalie chuan a nei thut a. Insum lui in Mike mit ah tak chuan zam map lo in a en let kal a.

“Chawlhkar hun tawp chawlh nuam takin i hmang dawn nia,” tih pahin Mike chu a i her vut a, “Thawhtanni tuk ah kan inhmu dawn nia,” tih leh kal sawn a rual nghal a.

Chutah rawn leh hawi in, “Oh, Natalie…. i pi inhualna zungbun chu lo bun tan tawh ang che,” a rawn ti leh hram a.

Natalie chu lo inseh ruh in a thaw hak a. “Thil dang a la awm em?” a ti hlak a.

Mike chuan a rawn en kual dan dan a. “Thawmhnaw thar thenkhat neih chu a pawi hauh lo ang, Mahse chung chu ka chhuahpui hun ah che kan tih a ngaih hmel tlat. Thawmhnaw nalh lei tur in ka ring zo lo che a ni. Tikhan va lut la, i hmeichhe thil vel chu va ti tawh rawh khai. Kei pawh in mipa thil eng eng emaw tih tur ka nei ve a nia. Kan la inhmu leh dawn nia.”

Natalie chuan a chahbi bawr chu a hum nghet sauh a. Eng mipa thil tak chu ni ang maw?
A rilru chhungril chuan a hria alawm, ni lo’m ni?

Khang hmeichhe tam tak, a duh chuan nupui a a neih theih, mahse a neih tak si loh ho te zing a a tu a maw ber kha nuam a chen pui dawn a ni. Zankhua in, nilo, kartawp chawlh hun chhung zawng chu hmeichhe bul ah chuan awm in, kawng hrang hrang in hmangaihna par a tlanpui hial ang chu.
Khawngkhar a hawn fel a, inchhung a luh meuh chuan Natalie thinlung ah chuan thikna nasa tak a awm hman der tawh a. Chutiang a Mike’an hun a hmang tur han tih buai nan hrim hrim chuan thil awmdan diktak chu a chhungte hrilh hial a nap rum rum mai.
A chhungten a thusawi an lo dawnsawn dan tur chu a hre lawk miau a ni.

A nu chuan engkim hriat a duh ang a, a pa lah a rilru a hah hle bawk ang. An fanu nupui a neih tum tu chu hmuh ngei an tum dun ang a. Sum tam tham tak chuan an rilru chu tlem in a hmin deuh ngei ang a, chuti chung chuan an inneih hma ngei a a pasal tur chu hmuh an phut tlat thung ngei dawn a ni.

A in ngaihtuah a in ngaihtuah hnu ah chuan Natalie chuan a chhungte chu hrilh loh a him ber in a hre leh ta zawk a. Buaina a tam mai mai dawn tlat. A nu chuan Mike a hmuh rual rual chuan a fanu sawi ang ngawt chu thil nihdan a nih a han ring lo phawt ang a. Diktak chuan a nu chuan a fanu mipa duhzawng chu a hrechiang ve tlat.

A eng a pawh chu nisela, thil awmdan hrilhfiah tur in a nu chu a biak a ngai tho tho mai. Sawi dan tur a ngaihtuah chhuak ta hlauh a.

Eitur a insiam zawh hnu ah chuan Natalie chu thutkhawmna pindan lam ah kal in, phone chu a ban nghal chat a.

This Post Has 8 Comments

  1. JerryReils

    Самые актуальные новости индустрии.
    Важные эвенты известнейших подуимов.
    Модные дома, бренды, высокая мода.
    Лучшее место для трендовых хайпбистов.
    https://luxe-moda.ru/

  2. Louisrot

    Самые стильные события модного мира.
    Актуальные события мировых подуимов.
    Модные дома, торговые марки, высокая мода.
    Интересное место для модных хайпбистов.
    https://balenciager.ru/

  3. TimothyGut

    Очень стильные новинки моды.
    Важные новости известнейших подуимов.
    Модные дома, торговые марки, haute couture.
    Свежее место для модных хайпбистов.
    https://furluxury.ru/

  4. PodiumHM

    Абсолютно все трендовые новости мира часов – новые коллекции именитых часовых компаний.
    Абсолютно все коллекции часов от доступных до экстра гедонистических.
    https://podium24.ru/

  5. PeterPsYnc

    Несомненно актуальные новости моды.
    Важные события самых влиятельных подуимов.
    Модные дома, торговые марки, haute couture.
    Интересное место для модных людей.
    https://breakmoda.ru/

  6. Harrybit

    Очень свежие новости моды.
    Исчерпывающие эвенты всемирных подуимов.
    Модные дома, лейблы, гедонизм.
    Новое место для трендовых людей.
    https://femalemoda.ru/

  7. KraigAwari

    Абсолютно трендовые новости подиума.
    Важные эвенты всемирных подуимов.
    Модные дома, бренды, haute couture.
    Приятное место для трендовых хайпбистов.
    https://metamoda.ru/
    [url=https://metamoda.ru/]https://metamoda.ru/[/url]

Leave a Reply