You are currently viewing A Scandolous Marriage – Bung 5 & 6

A Scandolous Marriage – Bung 5 & 6

Spread the love

BUNG NGA

A tuka Natalie in lam pan a a inkhalh chhuah lai chuan Mike chu a nui ru rauh rauh a.
Tukin a a thianpa Richard a va biak a, nupui tur a a mi hmuh chanchin a va hrilh a a lo dawnsawn dan chuan a nuih a la ti za riau a ni.

“Min fiam a ni ang maw!” tiin Richard chuan a rawn zawt vat a. “Natalie Fairlane! Pi Khirh khan-i ngei kha maw ni a?”

Richard chuan a rawn sawi fuh nalh riau in a hre lehnghal nen. Mike chuan Wives Wanted nei tu hnen a a lawman phal zat chu a hrilh phah ta nghe nghe a nih kha.

Richard chuan, “Hmeichhe thenkhat in pawisa neih theih nan a thil tih hreh an nei vak lo thin hi chu a mak ve khawp mai,” a rawn ti a, chu chu Mike pawh in a ngaihdan chiah chiah a ni.

A eng a pawh chu nisela thawmhnaw pangngai deuh a inbel tir hun ah chuan Helsinger putara chu a hmin hneh ngei ang tih a ring tlat. Tih ah chuan tlangval pa hial a lo nei ve tawh a, nimin a a inthuam ang khan a inthuam reng thin bik hauh in a ring lo. Nupui pawm lai nei phei hi chuan hmeichhe duhawm leh it awm tak chin lo hi chu an kawp zen zen lo a ni.

Mike chuan Natalie pian hmang diktak inphochhuah hun tur mawlh mai chu a nghakhlel a. Kha a jacket uk khuk hnuai ah khan hnute bu lian lehlawh tak a inthup a ring tlat. Chawn nalh tak nei tur khawp in a inkhaithli tha a,nimin a thil an ei dun lai khan a ngal te lam chu a hmu hman vuai a nih kha maw.

Mahse a thawmhnaw hak leh a pheikhawk bun chuan a duhawm na a thup bo vek zel a ni. Jeans tawt tengtawng tak mai, mitthla zui tur awm lo khawp a a ngial a ngan a lang thei han ha sela, chutah kawr sexy tawk tak mai leh pheikhawk ke artui sang vah han bun bawk sela.

Chutiang thil a ngaihtuah avanga a taksa a danglamna rawn awm avang a phun bal bal pah in Natalie kawtkai ah chuan a motor chu a hung rem nghal a.

Natalie in chu a thenawm te in nen chuan a in ang deuh put hlawm a. A in an loh na chu an rawng hnawih ah chauh chuan a ni. In thenkhat chu rawng mawi fahran lo an hnawih nual a, Natalie in thung chu federation ho rawng ang deuh a chei a niin, a bang ah chuan cream rawng a inhnawih a, a chung hring a niin, hmun thenkhat ah a uk a inhnawih zauh zauh bawk. A kawngkhar luhka ah chuan floor tile a phah vek in, kil tin ah chuan palm thing pot a inkhawi a hung thliah bawk a.

A car ah chuan minute nga vel a thut hnu ah chuan muangchang a Natalie in lam chu pan in, kawngkhar hmehrik chu a va hmet ta chauh a.

Kawngkhar hawn pah chuan Natalie chuan, “I tlai a nia,” a ti nghal tawng a.

A landan chu a ziaawm lutuk hran chuang lo maw ti a ngaihtuah chung in Mike chuan, “Minute nga chu kei chuan tlai ah ka ngai lem lo,” a ti bauh a.

Linen dun kekawr a ha in, naupang form ang tak kawr cream rawng hi a inbel bawk a. A sam pawh chu school naupang sam ang maiin a hnung lam ah a tawnkhawm tawp bawk a.

Mike chuan a hmeichhia te chu puitling tak a lang tur in a duh, school naupang ang ni lo in.
A hmai erawh chu a zia deuh niin a lang. Amit a chei na avang chuan a mitmeng chu a lang lian in a lang pawl sawt a, a hmui pawh chu a duhawm in……

NIlo, a hmui chu en loh a fuh zawk ang tiin Mike chu a inkhap thuai a. Hmui vam ham mai hi chuan englai pawh hian a ngaihtuahna a ti kal thui ziah thin a ni.

A perfume hman lah chu a duhawm phian lehnghal mai.

“Anih chuan kan kal nghal mai dawn em ni ang?” a ti bung vut a.

“Ka bag leh ka jacket ka va la lawk ang e.”

“Jacket chu i mamawh lo ang, boruak hi a lum viau a nia.”

Natalie’n vawt raih a a va melh tak ah chuan Mike chuan jacket a lo ha lo chu a inchhir hman rum rum a.

“Jacket ka keng ziah a ni. Sydney te ang ah hi chuan engtik ah nge thli vawt a rawn thawh ang tih a hriat lawk theih tlat loh.”

Dar san ak pah in, “A tha alawm,” a rawn ti bauh a.

Bag dum khai a Natalie a rawn chhuah hnu ah chuan, “Hetiang reng hian i dawhthei lo thin reng em ni?” tiin a lo zawt a.

Natalie chu a hmai a sen ap ap a. Nilo e, ti a inpuan mai a nap rum rum a. Minute sawmpanga chhung ngawt nangmah nghak a ka thut tawh vang a ni, car tlan thawm ka hriat apiang in tukverh a dak lo tur a ka insum a ngai a. Ka lak atanga lemchan na bak beisei lo tu lak a hetiang rilru ka pu hi a ka inti in, dar khat leh a chanve a rik a i rawn thlen tak si loh avanga ka rilru hnual na te chuan min tih thinrim vang a ni zawk tiin a ngaihtuah a.

A ri chuan, “Tlem a ka chi ai deuh vang a nih ka ring. Ka mipa hriatchian loh pasal a neih tum hi ka thil chin fo thin ni bik hel lo le.”

“I rilru i thlak leh chu a ni em lo’ng chu maw? A ni em?” a rawn ti vut a.

A va melh phei chuan Natalie chu a mur ar ar a. Nimin khan a duhawm thawkhat viau khan a hria a, vawiin phei hi chuan a it awm tawp a ni mai.

Nizan a a mumang khan a it na a ti zual a ni ngei ang. Vawiin chuan jeans dum leh t-shirt dum mar tang a inbel a, chu chuan a pian duhawm lutuk tak mai chu hmaih rual loh in a pholang a ni.

Natalie chu gym ah karkhat a vawithum a kal ziah thin in, mipa pian nalh tak tak a lo hmu fo tawh thin a, mahse Mike pian zet zawng a dang zar mai.

A ni lak ah chuan Brandon te ang, mipa in fit pawh kha an lang nep rawih rawih a ni ber.

“Thlak lo e, Richard Crawford-a thian i nihna chu a tha tawk viau a ni. A ni hi mi hmingtha tak a lo ni bawk a. Chuan nizan khan ka lo ngaihtuah a, i mi tiam ang i tih hlawhtlin ngei nan inneih hma a intiamna thuthlung sign tur in ka duh che a ni.”

Mike chuan, “A tha alawm,” tiin a dar a lo san ak ringawt a.

“I remti a maw?”

“Tehreng mai. Sum chungchang hi fel tak a chinfel hmasak zel hi a fuh ber. Rich hnen ah a ukil te lo duanchhuah tir tur in ka lo hrilh dawn nia. Anni chuan ka thu delhkilh duh te zulzui in an lo buatsaih mai ang.”

Chutia Mike’an bank a sawirik tak ah chuan Natalie chuan a nu hnen a a thutiam chu a hrechhuak zawk a, “Lalpa leh, ka lo mangnghilh daih a ni,” a ti sap a.

“Eng chu maw?”

“Ka chhungte tan bank a kal ka lo intiam tawh a. Sum lam ah buaina an tawk deuh hlek a,” a tih zawh rual rual chuan a inchhir leh hnuhnawh a. “Ka lo mangnghilh daih a ni.”

“Khawi ah nge an bank chu a awm a? Kan tih tur kan zawh hun ah ka hruai thei mai che alawm.”

“Chuti maw? Khawpui chhung ah a ni lo a, Parramatta ah a nia.”

“Tehreng mai. Tun ah kan che tan nghal a nih chuan inneih phalna lak nan chuan hun a duh rei lutuk hran dawn hlei nem.”

Chutia an pahnih chauh a car chhung a an thut luh tak hnu ah chuan Natalie mar phu chu a inthum rawn leh ta tlut tlut a. Parramatta a a hruai te kha a lo remti leh ta nghal vei nen. Eng nge maw a ngaihtuah reng reng ni!

Zawhna atthlak tak a ni. A ngaihtuahna zawng zawng chu a bul a motor khawlhtu hnen ah hian a awm vek miau alawm le.

Natalie chuan muangchang in thawk a la ham ham a. En ringawt te chu thil sual a ni hlei nem, mipa pawh in chungte chu englai pawh in an tih reng thin a ni ve tho alawm. Eng ang chiah in nge amah a nghawng a neih tih Mike’an a hriat erawh chu thil thiang lo tluk a ni thung.

A tum dan hmasa ang nilo a, pangngai tak a a inthuam avang chuan a lawm leh hnuhnawh hle a. A tum dan ang a it awm tak a inchei chu nisela a in haw hle in a ring ta mah zawk mai.

Zirtawp chawhnu a ni kher kher bawk nen, Parramatta a kal na hun chu an nei dawn ta lo niin a lang ta hlauh mai. Motor hun na tur an hmuh mai loh bak ah, an kal na ah chuan mipui an tam em avangin thui tak an intlar a ngai a. Tlai lam dar li vel ah chuan Mike-a birth certificate leh inneih phalna chu an la fel thei ta tawk chauh a ni.

“Parramatta a kal nan chuan a tlai tawh lutuk a ni,” tiin registry office an chhuahsan lai chuan a phun sap a.

Mike chuan, “He i chhungte thil hi a hmanhmawh thlak em? Nge ni a Thawhtanni thleng a la nghak thei zawk?” tiin a rawn zawt a.

“A nghah mai a ngai tawh a ni ang chu,” a ti chuai raih a, a thutiam a hlen theih loh avang chuan a hlim vak lo a ni.

Motor dahna lam pan a an kal pah chuan, “Enge an buaina chiah chu ni a?” tiin Mike chuan a zawh zawm a.

Natalie chuan a hmui hnuailam chu a pet fan a, a lo sawichhuak ta kher kher kha a pawi ngawt mai. Mike chuan pasal a neih a remtih nachhan chu hre lo se a duh zawk a ni. Sum chu ama tan liau liau a duh ang ah ngai se a ti mah zawk. Ani khawngaihna hi a duh mawlh lo, a lak atanga a duh chu khawngaihna tih vel nen chuan inhlat tak a ni tiin a ngaihtuah zui a.

Mahse chutia a zawh tak si ah chuan chhuanlam eng emaw chu a siam ngei chu a ngai lawi bawk si. Mike lah mi mawl a ni bik si lo.

“Ka pa hi a inhmun dahkham chungchang ah a rul tha lutuk thei lo a. Mahse an in chu a thar a an dahkham leh a nih chuan – an tih hmasak hun lai ai khan tun ah chuan rate te a lo hniam tawh zawk bawk a – tlem in an ziaawm ka beisei a ni.”

“I thusawi chu hrethiam ve i va ang ve a. Accountant em ni i nih?”

“Certificate chu ka nei chiah lo, mahse business degree chu ka nei.”

“Secretary ka ni i ti khan ka hre si a.”

“Secretary ni lo in personal assistant ka ni thin.”

Mike chuan a ban ah chuan rawn chelh in a pawt ding thut a. “Rich-a bank hian loan te chu an pek thuah thei alawm. Ka sawi phawt chuan a tanpui em em ang che. Ka lak ah bat a nei a ni.”

“Enge chu chu a awmzia?”

“Stoneware ah hian chanvo a nei ve a.”

“Ah-h-h.”

“Tun ah chuan ka thuruk i hre ta alawm,” tiin Mike chu a nui suk a. “Helsinger sum ka um vang ringawt a nupui a neih tum che hi ka ni lo a nia, chu aia tihchhan tha zawk dang pawh chu ka nei tho a ni.”

“Thil reng reng hi a chhan pakhat vang chauh in kan ti mai mai ngai lo a ni,” tih pah chuan a chhungte chu a ngaihtuah rauh rauh a.

“Kha zawng a va ril hmel ve a. Chuan pasal a min neih i remtih nachhan dang chu enge ni a?”

“Khaih ni lo e, khatiang kha chuan min bum tawh hauh lo ang.”

“Eng ang chuan maw?”

“Ka thuruk zawng zawng min zawtchhuah a, engmah min hrilh let loh ang khan mawle. He inneih na awm chhan chu kan hre ve ve a ni. A bulpui ber chu sum a ni a, chu zawng chu i hriat atana pawimawh chu a ni, Mike Stone.”

A hmel landan ti danglam thei tur khawp in a mitmeng chu a rawn de sar sar a. “A tha tawk alawm. Sawlai kawi mai ah sawn Rich te office chu a awm alawm. Ani hi chu hna atchilh tih tak ah a la awm reng ta ve ang, i kal ang khai.”

Natalie chu chelh chung in Mike chuan a kalpui dawr dawr a, an mahni tawk zawng a midang rawn kal ve te chu an hel dun zak zak a.

“Chutiang ngawt in ka va lut thawng thei hlei nem,” tiin a hnial a. “Chulo ah a ni bank te chu sumdawng ho tan bik a ni lo’m ni? In dahkham tih vel te chu an khawih duh hauh lo ang.”

“Ka tan chuan a ti lutuk ang.”

“Mahse…..”

“Karei leh, hmeichhia, ka puih che chu remti mai teh. Nge ni a mipa puihna hrim hrim dawn hi i rilrem zawng a ni lo zawk?”

A ngawi chiang ngei mai. Hmeichhe dikna chanvo atchilh pawl ang ah a la inngai chin ngailo in, chutiang mi ang a sawi nih chu a duhzawng a ni hek lo.

“Ti kha chuan a zia e,” tih nghut pah chuan Mike chuan in uk khak mai, hmanlai hmel tawh tak ah hian a hruai lut a.

A chhung a an han luh meuh chuan changkang tak a chei a ni tih Natalie chuan a hre thei mai. Swiss Bank a lo mitthla thin ang mai a nalh in an chei tlat.

Mike chuan lift lam ah hruai in, a luh pui a, kar lo ah a chhawng nga na ah chuan an chhuak thuai a. Natalie pheikhawk chu chhuatphah dum, sen hlar ah chuan a pil thaih thaih a, inkalpawhna zau nuam tak, a khat tawk a thing kawngkhar invuah thluah na ah chuan an kal phei zel a. Chumi tawp ah chuan Richard Crawford, CEO tih rangkachak rawng a inziak, lo intar kulh chu Natalie chuan a va hmu nghal a.

Kawngkhar hawng tur a Mike a pharchhuah meuh chuan Natalie chu a awm a nuam tawh loh kher mai. Thil zahthlak tak a tawng ngei ang mawle. Mike chuan a thianpa office ah a zui luh ve zel si chuan engtin nge a chhungte dinhmun harsat dan chu a lak ah a zep theih tawh ang le aw?

Kawngkhar chu a inhawng a, Richard Crawford office nilo in, a secretary office a lo ni hlauh a.

Mike chuan nu upa lam, sam sen thar mai, a computer a thil lo chhu mawlh mawlh hnen ah chuan, “Helo, Pattie, pu ber a awm em?” a ti nghal zat a.

“Khawi dang ah nge a awm chuan ang?” tiin a rawn melh chhuak zawk a. “Thil min lo tihsak teh, Mike, khawi ah emaw no dawmpui tur in hruaichhuak teh khai. Inleng tur ka nei a, thim hma a in thlen hman ka ngai a ni.”

“Tehreng mai, bawihi,” a ti dam dup a.
Chutiang tawngkam a hman avang chuan Natalie chu a lo meng tal tap a. Chin than ah chuan a nei ngei alawm.

“Inhmelhriat tir na min nei dawn na nge?” tih pah in Pattie chu Natalie lam hawi chuan a rawn nui sak a.

“Tihpalh. Awmdan mawi ka tlachham thut a ni. Natalie, hei hi Pattie Woodward a nia, Pattie, a ni hi Natalie Fairlane, ka nupui hual a nih hi,” a ti mam purh a.

A mak ti ka hau tur a insum hman chu Natalie chuan tihzia a ti ngei mai.

Pattie in Natalie a en vawng vawng lai chuan, “Rawn kal in, ka thu lawmawm tak hi Rich chu ka rawn hrilh ang chu ka ti deuh a,” a tih zawm mawlh mawlh a.

Natalie chuan Pattie mak ti hmel chu Mike’an nupui a neih dawn vang nge ni ang a, amah hrim hrim chu Mike hmeichhe kawp thin ang a nih loh vang zawk aw tiin a lo ngaihtuah ve bawk a. Nia, a hmeichhe kawp thin ang chu a ni hauh lo ang le.

A hnu fe ah chuan Pattie chuan, “Chuti maw! In pahnih khan ka lawmpui a che u. Engtik ah nge inneih hun tur chu ni a?” a rawn ti chhuak ta hram a.

“A remchang hmasa ber ah a ni mai ang,” ti a chhan pah in Mike chuan Natalie mak tih leh zual na tur in a kawng ah te chuan a la rawn kuah tak deuh deuh a. “Nilo e, puk lawk lam thil vang a ni lo a nia. Nupa nih kan nghakhlel tawh zawk mai a ni,” tiin a pawt hnai sauh a. “A ni lo’m ni, duhtak?” tih pah chuan a kut zungtang hrawl tak chuan a hnute hnuai nak nem lai chu a chul nauh nauh a.

Natalie chu a thaw halh in, a hnute hmur chu a tang nghal at a, ngaihtuahna mumal pawh nei thei tawh lo in a dak chho a, ‘aw’ tih chham chal pah chuan a hmui chu a kau tiar a.

Mitmeng zim san in a hmui chu a rawn en chat a, chutah kuai her in fawh tum in a rawn kun hniam nghal a.

Ka rei leh, a fawp dawn a ni. Helai hmun ah, Pattie hma ngei ah hian.

Chu a thil tih tum chu a dang dawn hauh lo bawk.

BUNG RUK

“AHEM!”

Mike chu a inher zawk a, a office kawngkhar a ding chunga rum tak a lo melh reng tu Richard chu a va hmu nghal a.

Chutia Natalie a fawp mai tur a thianpa in a rawn tihtawp sak chu lawm viau zawk tur hi a ni tih Mike chuan a inhria a.

Mahse khatia han kuah te kha a va nuam em, second tlem te chuan lo tlai sela chuan a hmui awndan te leh a lo fawh let dan te a hre hman tur hi a nia leh!

Tun ah chuan engtik ah mah a hre ngai dawn ta lo a nih hi.

“Chibai le, Rich,” a tih lai pawh chuan a la tawt deuh up up a. “En teh hei, Natalie nen hian kan inhaul a. Rawn kal in kan thu lawmawm chu hmaichhan ah ngei hrilh che kan rilruk deuh a.”

Banker a nih na ang tak a suit paw tak ruih ha a ding, Richard hmel ah chuan engmah a hmuh theih loh a. “Takzet. A va lawmawm ve. In pahnih in ka lawmpui a che u. A lawm nan no kan dawm tlan a ngai a nih chu. I haw hma thei ang, Pattie,” a tih zawm zat a.

“Chuzawng ka hnial hauh lo ang le,” tiin a insiam nghal sawk sawk a. “Ka lawm e, ka pu.”

“Kei pawh le. Nangni pahnih khan min lo zui lut teh u khai. Kan chhuah hma a tih fel tur thil eng eng emaw ka la nei a.”

Richard Crawford office a Mike’an a chhawm luh lai chuan Natalie chuan chhuat chu rawn khi chat in, dawlh daih mai se a ti rum rum a. A hmai chu a la sen ap ap a ni tih leh a hnute hmur chu a la kawk lah a ni tih lah a hai der bawk si lo.

Richard khan rawn tibuai lo ta sela eng tak thleng ang maw!

Ngaihtuah zui ngam pawh a ni lo.

An luh hnu chuan Mike chuan thutna tur kawh hmuh in, ama thutna tur a va inlak ve nghal a. Richard chuan kawngkhar chu rawn khar in muangchang in a thutna lam chu a pan a.
Office chhung hrim hrim chu uluk tak a chei leh enkawl a ni tih Natalie chuan a hmu ve chauh a. Richard thutna hnunglam ah chuan tukverh awm in, Hyde Park leh Botanical Garden a lang ruih bawk a.

Richard chuan, “Pattie hnen a in inhual thu i hrilh khan chhan a nei reng em? In inneih na chu zep in duh ve ve ka lo ring deuh a?” a rawn ti nghal tawng a.

Chu chu Natalie ngaihdan chiah a ni, a ngaihdan Mike’an a sawi chu ngaichang in a va melh a.

A ni lah chu lungkham neih loh hmel zet hian a lo awm lehnghal a. “Helsinger chuan ka chanchin a chhui ru a nih chuan, ka thianhnai te mai ni lo, mi zawng zawng in he kan inneih na hi hmangaihna vang a ni tih an hriat hi a that ber ka ring a ni.

Richard chuan, “A ni maw,” a lo ti sup a. “Chuan pawn ah khan Natalie nen hian lem in lo chang mai mai tih na a ni maw?”

“Ni mai e.”

Mike va melh lo tur chuan Natalie chu a insum hram hram a. Nichin mai a a pum a rawn do tu awm kha chu lemchan thil a ang tlat lo.

Richard chuan Natalie chu mitmeng danglam map lo a rawn melh in, “Natalie, Mike nen a inhmangaih tak ang a lem chan hi i pawiti lem lo maw?” a rawn ti leh tawp a.

“A tul hun ah chuan ti lo e,” tiin pangngai tak a a lo chhan theih avang chuan a lawm ru hle a.

“Chu chu Helsinger te nen an yatch a kan awm ho hun ah chuan a ngai tawh ang. Chuvang chuan inzir kan mamawh a ni. Chuan thil dang daih, Natalie hian inneih hma a inremna sign fel a duh a.”

Richard chu a bu nghat a. “A finthlak khawp ang.”

“Kan pahnih a kan sign mai theih tur in i lo siam fel thei ang em?”

“Thei ang.”

“Maktaduaih khat chu kan inneih ni ah a account ah dah tur a ni a, maktaduaih khat dang chu partnership ka hmuh hun hun ah a ni ang.”

“A that chu. Chuan eng tik nge inneih hun tur chu ni a?”

“Tun atanga thla khat ral hun chiah hi kan hun hmuh hmasak theih ber chu a nia, ni lo’m ni Natalie?”

“Aw, chu aia hma ni thei tur chuan special license neih a ngai a. Chutia kan tih chuan a rinhlelhawm duh dawn bawk si a.”

Richard chuan a dawhkan a calendar chu a keu zung zung a. “Vawiin hi October ni sawmhnih pariat a ni a, chuan December ni thum hi Inrinni a nia.”

Mike chuan, “Anih chuan December ni thum chu a ni mai alawm,” a lo ti sam et a.

Richard chuan a chal a chuar tap a. “A va chawpchilh awm ve. Helsinger te khan ni li ah Sydney an rawn thleng dawn i ti em ni kha?”

“Aw.”

“Engtik ah nge an nupa chuan yatch a in va fin a ngaih a?”

“Ni nga atanga ni sarih thleng.”

“Anih chuan ni hnih chiah in la innei dawn tih na a ni a, innei thar ang chiah a in lan a la ngai dawn tih na a nih chu.”

Natalie chu a lo ner nang a. Mike nupui thar, zakzum tak lem chu engtin tak chang thei ang maw?

Mike chuan rawn melh pah in, “A sum zawng khan ngaihtuah tawp mai rawh,” a rawn ti sup a.

Richard chuan, “Pattie office a in pahnih a in chan ang chiah khan a ni mai,” a rawn ti ro huk a. “Khatiang a in tih phawt chuan setana ngei pawh in bum thei ngei ang. Chuan biakin a inneih in tum em?”

Natalie chuan, “Tum lo,” a rawn ti vat a.
“Chutiang a tih chu ka duh lo.”

Hetiang inneihna zahpuiawm tak hmang a Pathian tih hmingchhiat chu a duh hauh lo.

“Anih chuan inneih tir tu tur che u ngaihtuah a ngai a nih chu,” tiin Richard chuan rawtna a rawn siam a. “Hun serh chu kan penthouse ah in hmang thei ang chu. Holly nen chuan kan in thar ah kan insuan lut tawh a. Inneih na hmun atan a remchang khawp ang.”

Natalie chuan Wives Wanted a a rawn inziah luh lai khan Richard chuan a chenna hmun ah East Balmain tiin a dah tih a hrechhuak a.

“Helsinger yatch a in luh a ngaih hma chu chutah chuan in awm nghal thei ang chu,” a rawn ti leh bauh a.

Mike chuan, “Chuzawng kan hnial hauh lo mai, mipui hmuh a kan inpholan reng a ngaih na hmun khawi hotel emaw ai chuan a tha zawk fe a ni. Kan lawm e, Rich,” a lo ti var a.

“Ni e, kan lawm e,” tiin Natalie chuan a lo tuihnih thuai a. Khawpui chhung hotel lian a honeymoon suit a awm ai chuan a nuam zawk ngei ang. Chuan penthouse ah chuan mut pindan pakhat aia tam a awm ngei bawk in a ring.

“Reece ka lo bia ang a, Alanna nen a an rawngbawltu hman hming kha ka lo zawt dawn nia,” tiin Mike chuan a ngaihtuahna a rawn pawt peng a.

Natalie chuan a mit a khap sawk a, chutah Mike lam hawi a inher in, “Diamonds te nupa chungchang em ni i sawi a?”

“Aw, i inkawp tir nupa te ngei kha mawle. Ka thian hnai tak te an nia.”

Natalie chuan a aia mak tih a nei kher awm lo e. “Karei leh!” a ti hluai a.

“Mak i va tih hmel ve a?”

“Ih…a…i thian te ni awm lo tak an nih vang mawle.”

Reece Diamonds chu inhmum lei leh hralh lam a milian tak hi a nii, a hmel a tha in a ngainatawm bawk. Party pui tham tak huaihawt te hi nuam a tiin chung a party ah te chuan hmechhe nalh tak tak hi an kal khawm thin a ni. Chutiang ho zing ah chuan Mike chu a tel ve theih a ring tlat lo.

“Reece chu Rich nen a kan indawrna atang a ka hriat hi a nia. Kan mamawh lai in sum min puk tir a, chuta tang chuan kan pathum hian kan inkawm tan a ni.”

Natalie chuan Reece leh Alanna chu amah rawn dawrtu te zing ah chuan a hriatchian ber pawl an ni a. An inneih na huangchhung a hmangaihna a lo par chhuah pawh khan a lawmpui em em a ni.

“Alanna chuan hman deuh a thil a theihnghilh thin ang kha a nei tawh lo ang chu maw?” tiin a zawt thuai a. Accident a tawh hnu a Alanna chanchin a ngaihven zui ta vak lo chu a inchhir leh hnuhnawh a.

“Nei tawh lo e,” tiin Mike chuan a lo chhang a. “A tha lutuk tawh, chuan naute an neih dawn kha i hria em? Rich te pawh hian nau an nei dawn asin.”

Rilru hnual rawih chung in Natalie chuan awka zang vah hian, “Ka lawmpui a che,” a ti chhuak sap a.

A hmelhriat ho zawng zawng chuan nau an nei vek ni maiin a hria. Kar hmasa khan a hnathawh na hlui a a thian pakhat chuan rawn bia in nau a pai thu a rawn hrilh a, tukin ah lah a sam siam tu in chutiang thu bawk chu a hrilh veleh a.

Hmun tin ah naute, naute tih a ni vek a, amah chiah chu a nei lo awmchhun niin a inhria.
He khawvel a i kawppui tur diktak i hmuh hma chuan i nei hauh lo ang le tiin a inzilh ru hlak a.
A eng a pawh chu nise, Mike nen a an inneih na chuan hun a awh rei lutuk lo tur a ngaih a ni a, a pasal tur diktak zawn nan hun a la nei alawm tiin a inhnem chawpchilh nghal thuai a.

Mike chuan, “A nihna tak ah chuan Rich, kan rawn tlawh nachhan che chu Natalie chhungte hian an loan puk an rul hlei thei lo deuh a. An bank dawr thin te hnen ah kal in, loan chu tih nawn a lo tum a. Mahse hun in min dah ta silo a, i tanpui theih takin ka rawn ti deuh a,” a lo ti mek a.

“Tehreng mai. Arrears vel ah an buai a ni ang maw?”

“Ni deuh ber.”

“An bank chuan chhuhsak an tum em ni?”

Hreh tak chung in Natalie chuan, “Aw,” a ti ta nge nge a.

Mike chuan, “Engvangin nge chutiang a dinhmun chhia ah chuan an awm a ni tih min hrilh loh a?” a rawn ti that a.

A mit ah va en in, “I buaina tur thil a nih loh vang in,” a ti vawt raih a.

“Hei hi pasal a min neih i remtih nachhan a nih chuan ka buaina tur thil a nih chu.”

“Pasal a ka neih chhan che chuan eng danglam na nge a siam chuan a. A khaikhawmna chu thuhmun reng a ni. I partnership chu i hmu ang a, keiin ka nuiah hnih tur chu ka hmu bawk ang a. Chu pawisa ka hman dan ah chuan i buaina tur a awm loh ang bawkin i pawisa i hman dan ah chuan ka lo inrawlhna tur a awm lo a ni.”

Richard chuan, “A sawi dik a ni, Mike,” a rawn ti ril ruih a.

Ni e, a sawi dik a ni tiin Mike chuan a lo zawm rilru a, mahse chuan chuan thil nihdan chu pawm a ti awlsam tihna a ni chuang lo. Fanu fel leh hmangaihna nghah ang a ngaih ai chuan hmeichhe duham, sum chauh ngaihtuah ang a ngaih chu a duh zawk tlat.
A eng a pawh chu nisela, maktaduaih hnih te chu a tam tham a, a chhungte ba rulh nan chuan a hmang zo vek in a rinawm lem loh, chuti a nih chuan sum um mi ang ah a la ngaih theih tho ang chu.

“Awle, ka phun nawi lo ang e. Chuan loan lak nawn ang chi chu i buaipui thei ang em,Rich?”

“Tun ah chuan ka ti nghal mai thei lo ang a. Mahse Thawhtanni lam ah Natalie hian min rawn hmu in lehkha pawimawh zawng zawng leh a chhungte remtihna lehkha a rawn ken theih chuan an ba a rulh zawh vek theih hma chu ka hum thei ang. Chu chu a tha tawk em le, Natalie?:

“Tehreng mai, ka lawm e, Richard. I ti lawmawm e.”

“Ka pui thei che chu ka lawm e. A nihna tak ah chuan hetiang a an in neihsak tum a bank in an nawr hi ka ngaithei tlat lo. Kawng dang a awm zel thin a ni. Thawhtan ni ah chuan engtik hun ah nge i rawn kal theih ang. Dar sawm ah i remchang ang em?”

“Dar sawm chu a rem ang, ka hun hi chu ka duh dan dan in ka siksawi thei alawm.”

“A that chu, in pahnih in inneih hma a inremna pawh chu in sign thei nghal bawk ang chu. Tun ah le, lawm na no chu kan dawm dawn ta em? Kei chu ka awm rei hman dawn lo a, Holly hnen a kir thuai ka duh.”

“A pawi ka ti khawp mai,” tiin Natalie chuan a lo chhang vat a. “Ka haw a ngai tlat, tihtur ka nei a.”

Lift a an chuan thlak lai chuan, “Eng thil maw?” tiin Mike chuan a zawt a.

“Hmeichhe thil mawle.”

Eng ang chu maw, tiin Mike chuan lungawi lo takin a ngaihtuah zui a. A sam suk nge, a tin rawng hnawih nge, a ke hmul ziah fai?

A mitthla ah chuan inbualna kuang a inchiah chung a a ke lehlam a tlang a rawn hlang chho a, a ke ler atanga a khup thleng a inmehna a han hrut chho tur leh, a chung lam pawh a hrut chho zel tur lai chu a rawn lang uarh uarh a.

Lift kawngkhar a rawn inhawn tak ah chuan a phu zawk in a ngaihtuahna atang chuan a harhchhuak zawk a, mak a in ti ngei mai. A chhan chu Mike chuan hmeichhiat mipat na a ngaihtuah reng reng in a chhehvel ah suangtuahna hmang kual lo in a bupui ah a lut chawt thin a ni si a.

Natalie chuan hmeichhe tihlawm na thil lam ngaihtuah tur in a rilru a hneh ni ngeiin a lang.
Amah a inven tlat na avang chu a ni thei ang em?

A nih ngei a ring. Chona hi chu a hmaih phal ngai tlat lo thin ve reng a. Mahse tun tum chauh hi chu haider a tum tlat thung. Chuti a nih loh chuan an inremsiamna duhawm lutuk tak mai chu a chan phah mai a hlauhawm tlat. A mipa nihna chu rei lo te chhung chu a thunun a ngai a ni mai.

Lift atanga chhuah pah chuan Natalie chuan, “Min thlah kher a ngai lo ang, taxi ka la thei tho alawm,” a ti ram hmak a.

Mike chuan chiang zet a melh in a lu a thing nawk a. Ka rei, hmeichhe khirhkhan tak chu a va han ni em. Mike chuan thlem thluk a duh na leh reh nawk nawk a duh na chu a inchen reng ni hian a hria a.

This Post Has 9 Comments

  1. JerryReils

    Абсолютно актуальные новости подиума.
    Важные новости всемирных подуимов.
    Модные дома, бренды, haute couture.
    Новое место для модных людей.
    https://luxe-moda.ru/

  2. StephenVom

    Абсолютно все актуальные новости часового искусства – актуальные коллекции культовых часовых домов.
    Точно все варианты хронографов от дешевых до экстра дорогих.
    https://bitwatch.ru/

  3. StephenVom

    Избранные актуальные события часового мира – трендовые коллекции известных часовых домов.
    Абсолютно все варианты часов от бюджетных до ультра гедонистических.
    https://bitwatch.ru/

  4. Robertnon

    Абсолютно все свежие события часового мира – свежие модели известных часовых компаний.
    Абсолютно все коллекции часов от бюджетных до очень дорогих.
    https://watchco.ru/

  5. PodiumHM

    Абсолютно все актуальные новости мира часов – актуальные коллекции лучших часовых брендов.
    Все варианты часов от бюджетных до супер дорогих.
    https://podium24.ru/

  6. Donaldcom

    Style, luxe, hedonism
    The best style site for hypebeasts and stylish people.
    Podium news, events. New collections, collaborations, drops.
    https://lepodium.in/

  7. Jefferydor

    Очень важные новости модного мира.
    Все события всемирных подуимов.
    Модные дома, лейблы, гедонизм.
    Свежее место для стильныех хайпбистов.
    https://luxury.superpodium.com/

Leave a Reply