You are currently viewing BEST FRIEND – 13&14(LAST)

BEST FRIEND – 13&14(LAST)

Spread the love

BESTFRIEND-13

(Veronica’s pov)

Ka awmna hmun thim zetah chuan chianglo zetin ka harh a, ka hawi chhuah chuan mipa paruk/pasarih vel palian deuh deuh an lo awm ṭhup a, Engnga ti nge hetah ka awm, chuan eng thil nge thleng mek hi?
Vanlalruata’n mi nupui tur a ru bo tih Hruaia khan a sawi a, thil awmzia ka hrethiam lo. Chet ka tum a ka che thei hauh lo lehnghal, ka taksa chu chairah an ṭawn bet vek a, ka hrawk ro lutuk avang chuan “tui” ka ti chhuak sap a.

“Oh, kan star chu ilo harh ta maw.” nuihzat hmel zeta ti tu chu en tumin ka hawi chho a, ka mihring hmuh avang chuan thinrimna in min tuam nghak hluo hlup a, chesawn thei ngat ila chuan kei aia nasa hi a damchhunga hmu tawh lo turin ka che chhuak duh ngei ang.

“Hmela Engvangin nge hetianga min tih?” Ṭawng harsa zeta ka tih rum al chuan a ner suk a,
“Ka sawi kha i theihngilh tawh em ni? Maruata’n alo ching fel vek mai ang.” tiin a nui sawng a, a hmaia hnek pawp ka chak takzet. Engtin nge hepa hi a danglam em em theih a?

“Ani buainaah chuan engvanga min teltir ve ngawt nge i nih?” Ka vin nghal ṭhat a, ka aw pawh kan awmna hmun zau takah chuan a khawk nghal rum rum a.

“In sum teh khai, hmangaihna chuan engkim a ti thei alawm.”a ti duh lek lehnghal, Eng nge sawi a tum chiah tih pawh ka hrelo.

“Maruata hmeichhe hmangaih awmchhun i ni tih hrelo tur khawpa mawl ka ni lo.” a tih leh hmuk chuan ka melh kawk a, engnga ti nge mi zawng zawng hian a duh che, a hmangaih che an tih lai hian kei hian chutiang thil chu Vanlalruata-ah hian ka hmuh ve loh?

“I â tawh anih kha. Ani nen inzawmna kan neilo.” ka tih chuan awi lo hmel zetin a nui lui vak vak a, eng emaw sawi tumin a ang zuau hman mahse a hnunglam aṭanga rawn ko tu avang chuan sawi lovin min hawisan a. Tu emaw mi pakhat ban tuam var luk hi an rawn hruai lut a, ka en chiang a kut a tuar tih hriat takin a hmel a duk thluah a, hliam thar pawh a nei a, a kam sir a thi bawk a.

“Ṭawn bet nghal rawh u.” Hruaia chuan a ti vin ṭhat a, ka bul lawka chair-ah chuan an phuar bet ve nghal a, Hruaia ka en chuan thinrim hmaisen vekin ka bula mi chu a melh a, “Nang hian maw ka nupui tur lo tibuai ve chen chu.” kun hniam pah a ti supin a thlek deuh haw a,

“Ani khan a hmangaih lo che tih i hria.” tia mipa an phuarbehin a chhan chuan a thinrim zual sauh tih hriat takin a kut a hum ruh a,

“Ngawi rawh, ngawi hmak rawh.” tia rak tuarin a hnek pawp a, hmeichhe dawizep tak ka nih loh avanga ka lawm ber ṭum a ni hial ang.

“Nang i lo lan hma khan buaina kan neilo, nang ka dahbo hunah che chuan Engkim hi a hma angin a awm leh ang.” tiin silai in a tin nghal a. Eng emaw tal ka ti lo anih chuan a kap duh tak takin ka ring.

“Hruaia hei, Vanlalhruai.” hlauthawn hmel zeta ka tih chuan ka lam a rawn hawi vut a, “Kap suh.” ka ti tawp, sawi mai tur ka hrelo a ni.

“Thu min pe turin tu nge i nih?” tia min chhan chuan, thawk ka la halh a, a mitah tak ka melhin,

“Ani kha i kahhlum chuan i damchhung in i hmeichhe sawi chuan a ngaidam ngai lovang che. I neih theih nan ka puih che rem ti rawh ṭhian kan nih kha.” ka tih chuan a mitmeng a danglam hret tih ka hria,

“Ṭhian” a ti nghal sup a, “Ka ringlo che ni mai teh se.” ti leh in a silai bawk a lek chhuak lehnghal a, ka hlauthawng takzet tawh,

“Hruaia ka mitah hian en rawh,Vanlalruata nen kan inkarah engmah a awm lo, Ṭhian kan nih angin ka puih ang che, ka kut hi phelh tir la, ka sawi ang ngeiin ka ti ang min hrechiang ve in ka hria,” ti lehin, min rin ngei theih nan ka melh ran a, ka chhungril erawh a khur ru der der thei.

Min en vung vung hnuah ka piah a ding chu hui zeuh in min phuarna hrui chu a phelh tir a. Ka bula an phuar mipa chu ka melh zeuh a, Ani erawh in engpawh ti dawn la ti suh tih melh in min melh a, mahse kan him nan leh kan nunna atan ka tih ngei a ngai a ni.

Hruaia lam chu hawiin a phone ka dila, phun hlukin min pe ve mai. Maruata no ka hmet a, call a Keini leh Emily-i thleng turin ka tih chuan nui suk in, a call nghal a. Phone call a hman lai chuan dawhkan te a tui chu ban in ka in a. A ṭawng pawh ngaihsak chuang lovin An rawn hruai pa chu pek ve tumin ka pan hnai a tu emaw hian min lo dang a, ka melh hrawkah chuan a kalsawn ve mai bawk.

“Kha tui in rawh.” ka tih chuan rum zetin min melh a,
“I ṭhianpa chu ila hrechiang lo hle anih ka ring,” a hriat tura ka tih chuan min en nghal kawk mahse engmah a sawi lo.

Maruata hian ruahmanna fel tak nei lo chuan engmah a ti dawn lo. Chuan keipawhin kan nunna atan ka rilrua awm ka ti mai a ni. Ka sana ka en zeuh a dar6:30p.m a pel tawh, Maruata pawh a rawn kal mekin ka ring. He in hlui chhungah hian eng nge thleng dawn ka hre lo, mahse dam kim taka kan chhuah erawh ka beisei ve tawp.

Reilo teah pa la upa vak lo hi a rawn lut hlol a. Hruaia chuan alo be nghal luam a. An ṭawngkam aṭang chuan kha hmeichhia Emily-i pa kha a ni tih ka hre thei. Heng ho buaina hi eng chiah nge tih hre vek lo mah ila, a awm ang tur chu ka ring thiam. Emily-i pa chuan mipa an phuar chu David tia ko in a ankhum hrep a, ka awm ve erawh mak ti hmel takin min en a, Hruaia’n kan lam ṭang tia a hrilh chuan min nuih sawng lehnghal. A Hmelchhe si nuih pawh nuih let duh lovin lehlam ka hawi hmak.

Engtik lai maha a hun tiam bawhchhe ngai lo, Vanlalruata chu a sawi ang thlap in a rawn thleng alawm mahse nga ti nge Emily-i a rawn hruai tak tak a? Nau a pai a ti lehnghal, hetiang hmuna awm ve turin a tan a ṭhat ka ring hauh lo. An rawn lut chu ka en reng a, Emily-i a kai a, a hnaih takah kal tirin, a mitmeng chuan zawn a nei tih hriat takin a melh kual a, min hmuh rualin a mitmeng a danglam nghal vek. Thinrim tih zetin min melh a, kei misual em em nu hian ngeiawm zetin ka nuih lui ngat. Ni e, He mite lamṭang angah hian min ngai tih ka hria, engmah sawifiahna hun erawh a awm tlat silova.

“Ka ṭhiante kha chhuah rawh.” Maruata’n a tih chuan,
Hruaia chuan “Emily-i kha mi pe phawt rawh” a ti ve thung. David-a chu an phelh a, hliam a tawrh nasat avangin Amah in a che ṭha meuh lo. Mi pakhat in a chelh a, min thleng chu a tum tak tak anih hmel. A mitah en a nuih sukin Emily-i chu a thlah a, hlauh hmel zetin kan lam a rawn pan chet chet a, Hruaia zawn a rawn thleng rualin Hruaia chuan a beng thlu nghal ṭhuai a, chu erawh ka beisei loh lutuk thil a nih avangin ka ding mar nghal awt a.

Maruata chet a tum chuan Silai phawrh in Emily-i lu ah a tin nghal ran a. David-a pawh abula ding khan a tin ve nghal tho. Emily-i pa pawh che hman hauh lovin mipa palian zet pakhat in a dawm bet hmiah a,
Engthil nge thleng ta hi? Engtiklai maha chebuai ngailo Vanlalruata hian ruahmanna neilo chuan heng hi a ti hauh in ka ring silo, nge ni ka ring sual zawk?

“Vanlalruat i thil tih pawi zia hi i hre lo anih chuan, kei hian i theihngilh tawh ngai loh turin ka hriat tir ang che.” tiin ṭawngkam chhe tinreng a phuh chhuak a, kun hniam a Emily-i kut thlak leh a tum erawh ka dang hmiah. A mitmeng rapthlak zet chuan min melh nghal khui a, ka ip zawk thei, mahse tun hi dawizep hun a nilo tia infuih in, “Zan a tlai dawn, honeymoon hman i duh zawk lo a mi?” ka tih chuan a mitmeng chu a danglam hneh takzet ti fuh inti zetin ka nuih sak a,

“Veronica hmeichhe thluak ṭha hi chu i ni mawle,” tiin Maruata chu a melh a, Emily-i chhuata ṭhu niai chu a pawt vak a, Ani lo ṭang ve bawk nen a pawt deuh nawk nawk a, a kal duhlo tal kual velah chuan David-a zawk chu a melh ṭawk ṭawk, midang lo ṭawng ve mahse tuman engmah an tih theih loh nan a hote’n an dawm bet vek bawk si a, keimah bawk ka inrawlh leh a ngai a ni.

“Hruaia.” ka tih chuan, “Eng nge”
a rawn ti vin ṭhawt a, ka phu dawrh thei.

“Zan a ni tawh sia, in rualin ka lo let ve mai, ka tibuai chhunzawm miah lovang che u.” no zetin ka ti a, ka ṭawng dan zet hi chu keimah pawh ka inten.

“Lokal rawh” ti hlukin kawngkhar hnunglamah chuan a pen zui nghal a, Maruata chu ka en zawk.Tun ṭumah erawh Ka mitmeng hi hrethiam hram se ka ti takzet. Car dahna kan thlen hma chuan Hruaia te hnung zelah kalin eng eng emaw sawiin ka ṭawng char char a, Eng nge ka sawi tak chiam pawh keipawn ka hre lo, “I ka i ang leh anih chuan ka kap ang che.” ka lam rawn hawi a a tih hluk takah chuan ka kâ ka chip nghal hmak, inherin a kal leh nghal hlawk hlawk a.

Ruahmanna mumal ka neih loh vang leh eng nge tih ber tur tih ka hriat loh lutuk avanga ṭawng chiam ka ni tih chu ka hria, ka hma a thir tawite ka chhuih fuh chu ka chhar vat a, Ka intih huaisen luih ṭang ṭang a ngai tih ka chiang tak zet bawk.

Car bul ka thleng a, a hnunga Emily-i lut tura nawr luh a tum chuan a banah chelh vatin “Keiman” tiin luhpui ka nghal a, inbiakna hun a awm lo kan luh rual chuan kawngkhar leh lam lock ka hawng zeuh a, Ka chetdan chu Emily chuan a hrethiam lo thih ka hria, mahse engpawh ti ila kan tlan chhuah mai theihna tura ti ka ni.

Hruaia’n a silai pai ṭha a driver seat a a rawn luh chiah chuan a in rin hma hauh in ka thil zum ken chuan ka vit pawp, a khawi laiah nge ka vih pawh ka hrelo, Hrilh ngai miah lovin Emily-i nen chuan a lama kawngkhar ka hawn sa-ah chuan kan tlan chhuak nghal a. Biruk na tur melh vatin Hmun thim leh kil deuh kan pan a, Emily-i hlau lutuk chu a khur dar dar a, ṭawngkaa inhnemna hun anih miau loh avangin ka kuah a, ṭawngka in inhnem thei mah ila sawi tur erawh ka hre miah lo.

(Maruata Pov)

Kan thleng chuan ka thaw hak a, keimah ka in ngaihtuah aiin Veronica-i leh ka ṭhainte pa2 hi ka ngaihtuah zawk. An chungah eng emaw thleng palh ta se tia ka ngaihtuah chuan thil thar ngaihtuah ka duh mahse engmah ka ngaihtuah chhuak thei silo. Ka rilru mumal lo zet ti reh turin “Engmah a thleng lovang a thleng hauh lovang,” tiin ka infuih zawk hial a.

Kan lut tur Emily tha khur nasa lutuk chu a mitah en in min ring turin ka hrilh sup. A lu a bu ve nghauh a, ka kai a, a tha a khur ru zaih zaih tih hre mah ila helai kan thleng tawh a, kan ṭhulh thiang tawh lo. Kan piah maia awm RLa te signal ka hmuh rualin Kudam ruak lian zet chhungah chuan kan pen lut ta a.

Veronica-i ka zawng ru a, hlauthawng takin a awm ang tih mawlh ka hlau a ni. Ka hmel a hmuh ruala thlamuang taka awm turin ti theilo mah ila, ka mitmeng tal hrethiam in atan ka awm a ni tih hi hria se ka duh ber. Mahse ka hmuh mai loh vang leh David-a chauh ka hmuh avangin hlauhthawnna in ka chhungril a rawn luah nghal a, chu hlauhthawnna erawh rei a ni hauh lo.

Saw nu sawn eng nge a tih leh tak hi? Hruaia hi a ṭanpui tihna mi? Ngeiawm zetin min la nuih zui. Emily-i Hruaia’n a ben thluk chuan ka sa zak thei mahse ka chesawn thiang lo a kap hlum duh mai ang. Thinrim luat avangin kut ka hum ruh ngawt ngawt ringawt.

Hruaia’n Emily-i a hruai chhuah hma chuan mipa pahnih hian min chelh a, ka che ve nghal phat a,
Veronica-in a zui ve dawn a, a mitmeng kha ka hrethiam ka ṭanpui ngei angai, henu hian eng thil atthlak mah a tih loh hram ka beisei, an chhuak fel chiah a, min chelhtu te lak aṭang tal chhuakin kan in sual chu a ni nghal mai, reilo teah RLa leh police rual an lo luh avangin, hmanhmawh zetin Veronica-i te chhuahna lamah chuan ka tlan chhuak ve nghal a.

Kawta Car ruak chiah ka hmuh avangin, a bulah vel chu ka en kual nghal ruai a, khua a thim tawh bawk si nen pan mai tur hriat a har takzet. Hmeichhe rak deuh ṭhat thawm ka hriatna lamah chuan hmanhmawh zetin ka tlan a, thui deuh tak ka thlen chuan inchhunglam atanga eng in a chhun phak china Hruaia leh V-i te in hmachhawna ding ran chu ka hmu nghal a, Emily-i erawh ka hmu mai lo.

Thawm dim takin ka pan phei ṭham ṭham a, Anni pahnih erawh an inhnial avangin min hmu hauh lo,
Hruaia’n pan hnai a tum chuan an bul ka thleng der fel tawh,
“Hmeichhe laka in hrosak vak vak kha a mipa zia lo i ti ve lo maw?” Ka tih chuan an rawn hawi rual nghal a vat a, Hruaia erawh in Silai a phawrh chiah,
“Zanin zet chu nuam ka va ti em! Veronica-i leh Vanlalruata college kal chhung zawnga ka kawng daltu te thahna hun ṭha ka nei dawn a,” tiin a nui huah huah a,

“Chu min lo er zek a ni maw..” ka chhan hmaa Veronica-i chhanna chuan a ti thinrim tih hriat takin a meng dur nghal khui a, a thluk dan zawng zawng nen khan a dawngtu tan chuan tawi viau mahse a ngeiawm ve em bawk a ni. A chet hrut rual chuan a lamah ka tlan nghal vat a, Silai a ken avangin a kutah man in a awm ka ṭham a Ani pawh min kah ngei tum in ṭan a khawh ve bawk, a silai paih thlaktir har hle mahse ka ti thei hram, a per nawlh a, lei charah kan in bawhbet chhawk zak zak bawk.

Kan taksa a awm hrang chiah silai a zawng tih ka hrethiam ka um zui vat a, a zawn ka thlen meuh chuan min tin leh hman tawh, minute tam pawh a ral hman lo, silai puak ri in a zui nghal a. Tu emaw in min kuah thlawpin leiah min bawhtlu a, ka taksaah silai mu a lut lo tih ka hria. “I him e,” ka beng bula ti saptu chu Veronica-i a ni tih ka hria, ka nui suk a, a taksa ka kuah ve ruala lum pup ka hriat rual erawhin ka nui hmel a tawp riai riai a, Hruaia’n Veronica-i a kap fuh tih ka hrethiam nghal.

Ka ṭhutpui vat a, harsa ti hmel zeta nui lui sakin a mit a chhing nghal ta riai riai a, “Veronica, Misualnu harh rawh,,” ka awm bei engmah hre lova awm chu ka ko a. Mahse min chhang thei hauh silo. Police leh RLa te an rawn lang a, Hriaia pawh an hruaisawn tawh, Emily-in, “Damdawiin kan thlenpui vat angai ania” a tih rual chuan chawi tho lawpin, RL-a nen an kalna lamah chuan ka pen nghal pawk pawk a. Building hma lam ka thlen chuan Ambulance awmah chuan ka luhpui nghal a, A dar vei lamah hliam a tuar a, thisen erawh a chhuak hnem hle, Oxygen pek a ni nghal a, Ka chiai em avangin eng eng nge ka sawi ka hre vek lo, A hmel dang bai chu ka melh ngawt ngawt a, “Mi mawl nu,i thi theilo ania, kei hian ka chhanhim dawn che, chumi hma chu nghak rawh aw, I thi theilo ania.” ka ti zui mawlh mawlh a.

Vanneihthlak takin ka thawhna Damdawi Inah kan lut a, Surgeon ka nih angin keimah ngei in ka zai bawk ang. Ka hmangaih nunna ka chhan lo anih chuan Doctor ni tlak ka nilo tih hi tuna ka ngaihdan nghet tak a ni. Kan chanchin chuan kan chhungte beng a thleng hman tih hriat takin damdawiin kan thlen chuan ka chhungte leh Veronica-i chhungte an kim vek, min betu te erawh tumah chhanna ka pe lo, hmanhmawh zetin inzaina room-ah kan nawr lut nghal a, ka rilru in ka ṭawngṭai mawlh mawlh bawk.

“Maruat i ti thei ang maw, midang an awm tho a,” ka thawhpui Doctor in a tih chuan, Keimah ngeiin tih ka duhthu ka sawi a, thil thleng an hre thawi ve nen min hnial biklo. Ka inpeih thu sawiin Operation ṭan turin ka hrilh nghal a, Vanneih thlak takin a dar vei lamah silai mu a lut a, a taksa peng pawimawh dang a fuh lo mahse thisen a hloh hnemin, a taksa a chak loh hle a, tin, darkar tam liam lova hnimhlum pek anih avangin a dinhmun erawh ṭha ti a sawi theih a nilo, Thisen kan pe a, silai mu pawh kan la chhuak a, a harh chhuah chiah kan nghak.

Operation room aṭangin ka chhuak a, ka nu in min kuah nghal chawt a, kan chhungte chuan beisei nei zetin min en a, doctor ka nih angin hlauthawnglo turin ka hrilh ngei alawm mahse keimah hi hlauthawng chu ka ni. A Bp hniam lutuk vanga kan buai hrep hnuah Inzai kan zo thei hram kha a ni a, henu hi a in enkawl ṭha lo tih tuma min hrilh ka ngailo. Engvang nge? A sawi ang khan Ani hi a hlim lo tak tak em ni ang le?

An dahna Cabin lamah lut ve lovin intih harh ka duh avangin pawn lam panin ka chhuak a, Emily-i leh David-a te kha engtin nge an awm tak, khatianga kan buai hnuah khan ka ngaihven zui ta miah lo kha ania, Police an lo thleng ta bawk a engkim kha a tha zuiin ka ring, RL-a kha a awm ve bawk a, Ani’n engkim alo buaipui mai ka ring.

Damdawiin kawt parking bulah dingin boruak ka hip lut vawng vawng a, ka hnunglam aṭanga ka dar rawn khawihtu an awm avangin ka hawi let nghal zawk. Rl-a hmel ka hmuh chuan ka thawhawk a, sawi lo mahse ka ṭhiante pawh an tha tih ka hrethiam.

“I ṭhiante chu cabin-ah an awm tawh a, Feli pawh a ṭha leh mai ang.” a ti sup a. A chauh hmel takzet. Ni e, Ani pawh a chau ve ngawt ang, Veronica-i a bo tih kan hriat rual khan engmah ei leh chawlh awm lovin kan buai nghal char char kha a ni a, chau ve tur chu a ni.

“Nia ka ṭhiante chu an ṭha mai ang mahse i nupui erawh ka hre lo, engtin nge sawtiang em em sawn a taksa a chak loh theih a?” Amah dem lek leka ka tih chuan ka ṭawngkam chu hrethiam takin a lu a bu nghauh nghauh a,

“Um a taksa a chak lo anih chuan keimah nilovin nangmah vang a ni ngei ang. Feli’n engtik lai pawh a a ngaihtuah i ni miau a.” nui suka a tih chuan mak tih loh pawh tum ila a theih loh. A thusawi awmzia hi ka hrelo em a ni. sawi tur hrelo in ka ngawi reng a, Ani erawh hahdam huai hmel a pu thung.

“Ka nupui leh ka fapa ka ngaihtuah deuh a, ka haw phawt ang nge. kan la inhmu leh dawn nia.” ka dara kut nghat zeuh in min kalsan nghal a, khapa khan eng nge a sawi kha, Ka nupui leh ka fapa a tih kha eng nge a awmzia?

“Sir, Doctor David-a ten an hmu duh che a, ko tur che in min ti a,” Damdawiin hna thawk pakhat in a tih chuan thawhawkin ka lut ve nghal a. RL-a khan ka rilru ti buai tawk lekin thu a sawi a, engmah hi ka hrethiam teh nuai lo a ni. Cabin chhung ka luh chuan tih dan ni hauh lovin damlo khum pahnih an lo hung a, David-a leh Emily-i te an awm bawk pawn lamah erawh tumah an awm lo thung. Ka luh rualin min lo nuih dun var var a, ka nui ve suk.

“A changtunu chu eng nge a an?” Davida’n a tih chuan Veronica-i hliam leh a harh hun chiah kan nghah thu ka sawi a, “Lungngai lo la, a ṭha leh vek ang i tih kha, a ṭha ang tih ka chiang,,” Emily-i chuan a ti ve bawk a, ka ṭhiante pahnih hi chu ka tan hian an va hlu tak em.

“Nia, Engpawh nise nangni eng in chanchin?” tia ka zawh chuan an inmelh zeuh a, an chhungte an rawn lang miah lo tih ka hrethiam.

“Keini chu kan ṭha ve mai ang,” David-a chuan a ti zawi sup a, hliam a tuar nasa a, Emily-i pawh a nau pai a ṭha na in, kan hun tawn te avangin a taksa a chak lo hle bawk. Enkawlna ṭha tak an dawn ngei a ngai a ni. Veronica-i chungchang sawiin, a chetdan mak an tih thu leh ka bansan theih lohna chhan nia an hriat an sawi luam a, rilruah RL-a thusawi bawk a rawn lut leh tawh. Ani khan nupui dang a nei anih si chuan engvangin nge Veronica-i hian ka bulah an pahnih a innei anga lantir a, kha naute kha an fapa anga lantir tlat nge anih. Veronica-i rawn harh hunah engkim a chiang mai ang chu.

Inzaina room ka chhuahsan aṭangin Veronica-i ka hmu leh miah lova, Ka chhungte leh a chhungte tam zawk an haw tawh a, ala harh chhuah miau loh avangin Umama leh anu leh apa te an la awm thung.
A harh huna min ko nghal tura nurse hrilh in ka room-ah ka awm a, he ka ngaihtuahna hi a buai em a ni. Ramlianan Veronica-i nilo nupui a nei a, tunah la hospital-ah a awm ve lo, Nupa an ni tak tak lo anih chuan engvanga ka laka dawtsawi nge an nih? He thil ringawt ngaihtuah hian ka buai em em chu a ni si a.
Ka ṭhutna ah chuan ka ṭhu awn duai a, ka ngaihtuahna ka kawm nasa lutuk nge nurse lo luh lai ka hre hauh lo.

“Sir, Damlo kha a harh tawh a.”a tih chuan ka tho vat a, Cabin lam pan chuan ka kal nghal a, Ani kha zawhna ka ngah lutuk tlat alawm.

(Veronica-i’s Pov)

Chianglo ruaia ka harh chuan ka awmna hmun chu ka hre mai lo. Ka bana drip in khai chu ka melh zeuh a, chet mai ka tum chuan ka dar na lutuk vang chuan ka ṭhen nghal sawk.

Ka nu in “Bawihi ilo harh tawh a ni maw,,” atih rualin,”Mama Doctor ko rawh Mami a harh ania”a tih zawm nghal zat a. Ka pa pawh a rawn ding hnai ve nghal, ka u kha a chhuak ta em pawh ka hrelo. Ka nu leh pa te lungngai hmel ka hmuh chuan ka nui lui sak a, Ka nu chuan ka ṭhat leh ṭhat loh min zawt a,ṭawngka in chhang lo, ka bu zeuh a.

Doctor a rawn lut a, Vanlalruata maw, ni tak khapa khan ka mitmei kha a hrethiam a min rawn umzui kha ania, Emily-i thim zinga ka biruk tir hnu khan Vanlalhruaia chaih buaiin ka tlan chiam kha ania. Ani khan min that hreh hauh lovang tih hre mah ila hetianga ka tih loh chuan Emily-i nen hian kan him dawn hauh lo tih ka hria, Tun dinhmunah chuan Emily-i ai hian ka pawimawh lo zawk? Ani zawng Vanlalruata tana mi pawimawh tak a ni si a.
A dik a ni Vanlalruata’n a nunna thapa a venhim duh kha a ni tlat alawm.

“Veronica ding rawh.”ti tuartu lam chu hawi in ka ding a, Hruaia nen kan in hmachhawn ta ran mai,

“Hmangaih hi ila nei ve lo a mi?” A zawhna vang chuan ka en ve ngei a, mahse kan awmna englo zet avang chuan ka hmu chiang theilo.

“Nei e,” ka chhanna bung ngut avang chuan a nui ri hawk a,

“Veronica kei chuan ka hmangaih hi midang ka pe dawn reng reng lo, ka neih loh chuan tuman an nei dawn bik lo chuvang chuan dawhtheihna ka neih lai hian Emily-i min pe rawh chuan he i hliam siam hi theihngilh in ka kaltir ang che.” tiin a ban ka vihna chu a kawk a, a hliam na vakin ka ringlo mahse a thinrim hle a ni tih a hriat. Engpawh thleng dawn se a duh ang tih sak tumna erawh ka neilo.

“Kei chuan ka hmangaih chu ka vang nilova a hlim pawh in pawi ka ti lo, a hlim chuan ka hlim a ni mai, i bulah Emily-i awm se, a hlim hmel nilo a lungngai hmel chauh hmu la i hlim angem? Aih, i hlim ngailo ang, in pahnih tan tuna ka thiltih hi a ṭha a ni, chuvang chuan Emily-i chu ka pe thei lovang che.” Ka chhanna avang chuan ṭawngkam chhe tak tak a phuh chhuak a, a rawn kal hnai nghal ka hmuh chuan ka tawlh hnung ve zel a, chutih lai tak chuan Vanlalruata aw ka hre zawm zat.

An in sual lai chuan Emily-i awmna lamah ka tlan vat a, Maruata a rawn kal thlen theih chuan a him dawn tih ka hre miau a, building hmalam kawngah chuan tawi te tak tak ka kalpui a, Amah a let tura tiin Maruata te awmna lamah ka tlan let leh a, An awmna ka thlen chuan Hruaia’n silai a chhar ka hmuh chuan engmah ka ngaihtuah hmanlo Maruata panin ka tlan nghal tawp kan inkar a hla lo bawk a ka kuah thlawp a, silai riin zawmin, Min kuah nghet em em tu awmah chuan bei chial in, ka vai riai a, engmah ka hre zawm tawh lo. Chuan hei tunah damdawi in ah ka harh a, ka dar na zet leh min tûr ut ut pawh ngaihven thei lovin ka hmaa Vanlalruata ding luah leh a mitmenga lawmlo tih hriat zet chu a chhan hre hauh lovin zum dakin ka melh a.

Ngati nge hetianga thinrim hmel zet hian min melh le? Eng nge tihsual ka neih, nge ni a Emily-i chungah khan thil ṭha lo a thleng zawk em ni? Mahni inthiamlo zetin, “Emily-i chungah thil ṭhalo a thleng a mi, i rawn lang tak avang khan min pui tu tur an awm anih ringin ka kalsan ringawt a, chutiang a thleng anih chuan ka,” ka sawi zo hman lo, “Ngawi hmak rawh.” a rawn ti vin ṭhat a, ka phu dawrh thei bawk ka bula awm ka nu leh ka pa, umama leh nurse thleng sawn an meng phawk hra vek, an phu ve vek tho in ka ring.

“In vaiin chhuak rawh u.” a ti zawm zat a, ka nu chu ka melh zawk a, min ngaihtuah takzet tih hriat zetin min rawn en ve bawk, ka pa in a darah kuah in ngawi rengin a chhuah pui a, midang pawh an chhuak zo ta. Kei leh Vanlalruata chiah kan ni tawh, Ani la hian thinrim meng sen ram in min melh kur bawk si a, awmdan tur hriatthiam a har ka ṭawng ngam tawh der silova. Ka dar la min tur et et mai si, ka khua te hi a sik hial dawn in ka hria.

“I thluakah hian eng nge awm?” A aw changṭha zet avang chuan melh pawh ka melh ngam tawh lo. Nga ti nge hetiang hian a awm tlat a, min huat em em le? Chanchin ka zawh la a sawi duh bawk silo.

“Ih Emily-i leh David-a te kha an ṭha em?” ka ti leh hram a, Anni vang anih loh chuan ka chunga thinrim nachhan tur a neih ka hrelo a ni. A mit a chhing vang vang a, a rawn meng leh chuan min en hauh lo hian,

“Na i nei em?” Tiin min zawt a, Aw tia chhan ka duh mahse ka ngawireng ringawt, “Em-i leh David-a te chu an ṭha chuan i taksa a silai mu lut pawh kan la chhuak thei a, i darah ania pawi thui em em a thlen loh beisei phawt ang, i taksa erawh i enkawl ṭhat angai khawp mai, i bp a hniam mah mah a.” tiin a thaw nghal hak a, a ṭawng sei lutuk leh a ṭawng rang bawk si chu ka melh kar ringawt.

“Naktukah kan inhmu leh dawn nia, harsatna i neih chuan nurse te hnenah i sawi zel dawn nia.” tiin kawngkhar lam a pan nulh a. Nga ti nge hetianga a awm hmuk hmuk kher a. A ṭhiante pahnih an him a, tin keipawh ka thi lo a, a pawimawh ber Ani pawh in hliam a neilo. A hmai a khem ve deuh hlek tih loh chu.

“Maruat Ih doctor.” ka kohna vang chuan dingin a rawn hawi let a, Vanlalruata hi hetiang taka mengrum hi a ni em ni?

“Nangmah, Ahhh, ihhhh, I ṭha em?” Ka ṭawng bah nak a, ka zawhna avang chuan a mit ko san zeuh in,

“Hmeichhe mawl leh dawthei zet avangin rilru buai in Ka thi ṭep tawh in ka ring.” a tih chuan ka meng awk a, a chhuak nghal nal nal. Engnge a thusawi awmzia kha. keimah a sawina a ni thei mai angem? Hmeichhe mawl leh dawheh maw. Amah hi lawm mawl sual chu, Ve mai mai a.

BEST FRIEND-14

(Veronica’s Pov)

Damdawiin awm chu ka ning takzet, karkhat ka awm tawh a, ka dar a silai mu hliamna avang chuan chet erawh a harsa lam hret a ni. Ka nu in min awmpui chawt a mahse a muthlih theih loh avangin riahtir ka phal tawh lova, nurse te’n min vil tawp. Kântu neuh neuh ka nei ve reng bawk a, khua a har viau lo e.
Tuanah pawh RL-a te nupa an lokal a, Bawiha erawh Api leh pute bulah an dah a, kan titi tui leh viau tawh.

“I thil tih ropui zet hi chu world records a ziah tlak a niin ka hria.” RLa’n nui chunga a tih chuan ka melh rum vak a, a la nui put put zui.

“Duat-i han en teh a kut che ṭha theilo chung pawh in a mit erawh ala meng rum thei khawp mai.” atih leh chuan an nupa in an nui hawk hawk a, ka nuih pawh a za ve lo.

Ka bo tih Maruata’n a hriat a abuai zia vel an sawi a, mak ka tih rualin a ṭhiannu chu min lo la ngaihtuah ve hle tih ka hriat chuan ka lawm a ni. Tin, Emily-i leh David-a te chungchang pawh min hrilh bawk a, mak ka tiin ka rilru ka kalpui thui zia leh hrechiang hauh lova thil tam tak ka tih te ka ngaihtuah a, ka inthiamlo in hrehawm ka ti hle a chutih rualin a thiltih avangin Maruata chu ka chhuang ve tawp, Ṭhiante tana awm reng ṭhin mipa ṭha ber kha alo la ni reng a.

Ama vang liau liau in David-a te pawh an innei thei dawn tih an sawi phei chuan ka lo hlim ve em em tawp. Damdawi ina an awm tho avangin Emily-i leh David-a te an rawn leng ve zeuh zeuh ṭhin a, an ṭhianpa chanchin sawi chu nuam an tih ber niin a lang, kei la in ngahthlak nuam ka tih ber alo ni ve zel nen, Anni nen pawh kan in ngaina tawh lutuk tlat.
Kawngkhar a ri khap a, Maruata a rawn lut a, a hmel ka hmuh apianga laser kap chhuak tur ang maia a meng rum ṭhin hi eng nge a chhan? A rualin nurse pakhat a rawn lut ve bawk a. RL-a rawn kal lai a ni a a zia hlauh, nilo se hetiang taka lungawilo hmel nena inhmachhawn hi ka huhphurh a ni.

“I nupui te hi an ṭha zel maw?”tiin RLa chu a bia a, RLa chu an nui nghal vur vur a, Kei erawh ka nui ve thei lo, ka dawtsawi a hrechhuak tawh tih ka hre chiah bawk ka inthiamloh vanga zak thar ka niin ka hria. Maria-i thil leia chhuak a rawn lut a, thudang an sawi vat beiseiin ka lo thawhuai hman. Mahse Vanlalruata bawk chuan, “Mi pasal ṭawm tum tlat ho hi an hnawksak i ti ve em?” Ngeiawm lutuk a tiin ka lam hawiin a kiai suk a, mi run takzet, ka thiamloh ni tho mahse hetianga in tih zah kher hi a ṭul viau emaw ni.

An pathum chuan an inbia a, an la nui hawk hawk zui a, ka thil tih dikloh avangin tunah hian ka zak mek anih hi. Vanlalruata la hian ka zahna tur hlir in ṭawngkam a hmang lehnghal.

“Ka awm ve reng chunga ka chungchang thu a fiamthu a in sawi kha nuam in ti viau a mi?” Vin zetin ka ti ṭhat a,

Maria-i chuan inthiamlo hmel takin, “Ahh, Vero,” tiin a thawhak a, a bak sawi tur a hrelo aniang a ngawi zui daih. Khum aṭangin ka tho thut a, Maruata hmaah ka ding nghal zat,

“Ka kut ka hmang theilo anih pawhin la ke tal ka la hmang thei tih i theihngilh loh hram ka beisei.” ka tih chuan ka pet a in ring a nimahna a tawlh hnung hrut a, Ka pet ta mai silo chu min melh reng ringawt. Ka chapal ka bun a, mak ti hmel zetin ka chevel chu min en reng tih ka hria, ka ngaipawimawh duhlo lui tlat.

Kawngkhar zawn ka thlen rual chuan Maruata chu inngaihtuah harh thut ni awm takin min rawn pan nghal vut a, mahse a in rin hma in a ngalah ka pet nghal chawrh, kha zet kha chu a na khawp ang, ka tha tawp in ka pet miau alawm, Ani pawh in a tuai nghal vut vut alawm. Khum aṭanga ka thawh hlim khan ka tum daih tawh, Ka rilru a hria tih ka hriat avangin ka ti lo mai mai zawk.

Pawnlamah ka chhuak a, Anni min man phaklohna leh min nuihzatna hre pha lo turin tlanbo hmak ang, School leh College a pawh tlanchak leh volleyball thiam ti a an hriat ngat kha ka nia, tlanbo chu ka thiam khawp ang.

Miten damlo kan nan ti a pawisa ka dawn thenkhat ka kawr ipteah hian a awm tih ka hriat avangin Taxi lo tlan chu pharin kan college hlui hming sawiin kan tlan ta nghal a. Vanlalruata’n damdawi in kawta kawng dawm meuh a min en zui vawng vawng chu ka hmu hman, Misual lutuk mai. Ka la pet na lo mah mah anih kha, ala rawn thleng hman alawm. Palian ho tak hi chu duh ang pawh hian an khawih nat theih loh anih hi, ti rilru in ka nui sak a.

College ka thleng a, zirlai ho in min en zui vung vung pawh ka hrelo der hmiah, kan boruak tawn kha chanchin thar lamah a darh nasa a,boruak pawh ala dai fel lo tih ah, khawlai ka chhuak leh a, min hretu tam tak tam chuan mak tiin min thlir ngei ang. College kan kal ve laia Maruata nena kan spot ka thleng chuan, ka ṭhu hnak a. Ka hringnun zawhah hian vui tur ka ni miah lo, lehkha thiam thei tak ka ni a, sport lamah hming ka cher nasa in Volleyball phei chu Mizoram-ah sawi kai ka ni ṭhin. Zirna kawng zawh zel ka duh avangin ka chawlhsan a, Pianpui nei lo mah ila unau piang hmun nei aiin ka unau te avang hian ka hlim zawk a, hetiang bak hi chuan thisen in zawm pawh an in hmangaih chuang in ka ringlo.

Mahse he ka thinlung chhungril berah khawhar rukna in min tuam a, chu chu ka ti reh thei lo a ni. Lalramliana kha ka hmangaih ṭhin ngei a, thinlung kehsawm veka awm chung khan ke ka la pen thei a, mahse rilru mumal nei lo leh buai nuai a ka awm lai daih tawh aṭang khan Vanlalruata lamah ka thinlung ka lo her daih a, A mizia leh awmdan ka hriatchian em avangin alakah ka tim a, Ka ṭhian chan ka hlauh luatah vawiin ni thlengin ka duh thu pawh ka hrilh lo chu ania. Ka unauten nupui pasal an nei zo a, Lalramliana pawh in chhungkua a din tawh, a ruk takin anni ho hi ka awt ru hle a, keima chhungkua liau liau din ka chak ve ṭhin chutih rualin mi pakhat chiah in ka thinlung a luah si a. Tunah la dawt ka sawi avangin Vanlalruata hian min haw hle chu a ni sia.

A rawn let ka hriatloh ang bawk in a hma kan nun ang khan inpawh takin kan awm thei tawh dawnlo tih ka hria mahse hetiang em em a kan inkar hlat chhan hi ka hrethiam lo a ni, kan nunhlui te kha ngaihtuah loh pawh tum ve thin mah ila ka theilo, Ka lak aṭanga a hla ang tih ka hlauh ngawih ngawih mipa hi chelh tum eng ang mah ila ka thei tawh lo, kan inkar alo zau ta em a ni.

Nun bul ṭan ṭha leh tur hian ka la tlai em lovang chu maw, Ka beidawng erawh a ni hauh lo, kan duh ang hian engkim a thleng theilo tih ka hriat chian em avang zawkin ka thlah a hun ka ti mai zawk a ni. Vanlalruat Nang mipa hi nghak hmingpu silovin ka lo nghak reng che anih hi maw.

Ka rilru kal bing zet chuan ṭum danga thleng fo ang bawkin mahni inkhawngaihna ka thinlungah a lo piang a, ka hmangaihna thamral mai tur leh Vanlalruata hlatsan tawh tura ka ngaihtuah te chuan ka natzia nem nghet turin ka mittui a rawn luang ngiai ngiai a, ni e ka inkhawngaih, heti taka hmangaihna kawnga ka vanduai hi. Hmelchhia ka ti inti phal lova, zahawmna hloh khawpa hmeichhe ler leh mite sawi sep kai khawpa nep ka ni heklo mahse Hmangaih te nena hlim taka awm ve tura duan ka nilo ania nge, heti taka nun khawhar nei tura, heti zat mipa awm zinga ka tana ruat nilo ber kher ka hmangaih tlat ni. Mahse chak taka awm tur ka ni lawm ni, Ka hun kal tawh ka ngaih avangin ka ṭap ve a ni mai a tawpna tur erawh ni mawlh teh se. Ni e a tawp na tur a ni, tia mahni infuih chungin ka mittui ka hru thuak a, “Hun lo lutuk” tiin ka phun nghal bai bai a.

A tawpna atan tiin Ka bul hnaiah Vanlalruata a awm lo chungin a thla ka hau leh chiam mai, helai hmun ka ṭah duh apianga ka kalna tur min kawh hmuh avangte, ka kalsan ve hauh lovang che tih min tiam chunga min kal bo san leh ka biak theih tawh lo tura a awmzui avang te, ka thinrim em avanga alaka dawt ka sawi te sawi chhuakin chhia zawng zawng ka mawhpuh vek a, a tawpna tur a ni tiin ka duham takzet, ka ṭawng hre pha an awm ka ring heklo.

“Vanlalruat nang Misual Boss kha, ka mitmeng leh awmdan aṭang ringawt pawh a ka chhungril zawng zawng hre thei khan engvanga ka thinlung hi hmu duh miahlo nge i nih? I mawl a ni, i mawl takzet. Khawvelah i â ber, Doctor ka hriat zawng zawngah i laktlak loh in i damlo thinlung na pawh i tidam theilo anih hi. Fiamthu thawhnan ka hmang e ti min ti vel a, I ringruh her tliak thei khawpa chakna ka neih velah inchhir khawp in ka siam ang che. Misualpa” Ka duhtawka ka an a, ka in hrosa zo meuh chu ka thaw hah avangin ka thaw hlawi hlawi thei, Amah a awm lo chungin ka thin a rim ṭun a, ka ṭawng ring bawk nen ka dang a ro vek.

“Thinawrh.” ka hnunglam aṭanga rawn ti thut ri avang chuan phu zawkin, phawk zetin ka hawi let vat a, chimawm zetin ala nui suk zui. He mihring chimawm lutuk hian min lo zui reng tihna em ni, Ka thusawi zawng zawng te kha a hria angem le? Awii nilo tiin ka hmui ka hup vat a, ka melh kar ringawt.

“Khatianga min hau chak anih te chuan hetiang hmuna kallo sawtah pawh khan min hau mai ta che, I ṭahbelh teh lul nen, hmun danga ṭap tura kal kher, a vai flim emai.” tiin ka awmna lamah a rawn penhnai hrut a. A ṭawngkam ngeiawm leh em em chu ka helh leh hle tawh. He mihringpa hi engtin nge ka hmangaih leh ka ṭhian anih theih? Midang lakah chuan a fel a ka lakah erawh ramhuai note chimawm zet ang a ni, hman ata tawh vawiin ni thlengin min tih thinrim chiah hi a thiam anih hi.

“Min zui ru lo la a ṭha ni mai, ṭahbelh te min ti ve lo mai teh, PARA, Vanlalruat.” ka tih chuanKa ṭawng ring dawn lo maw ka ti a, mahse ka thinrim em avanga insum hman lovin a hming ka lam meuh chuan a ring ṭha kher mai.

“I chil kha min chhak kher lo la.” tiin a hmai a tuai puat a, a awmdan vel ka ngei lutuk chu keh nawk nawk mai ka duh. “Vanlalruat thlawk bo rawh.” Ka ti nghal that. Thinchhiat hi sim a har anih hi.

“Vanduai thlak takin thla ka neilo tlat, a zia lo hle mai” tiin thluk fan raih a, engvanga chimawm sual chhuah tur ringawta helai hmuna lokal nge anih. Ka thin a tirim zual sauh sauh chu anih hi.

“Nang, Misualpa.” Ka ti that a, ka au ani mah tawh zawk, a beng hupin ning hmel zetin min melh a,

“I danglam ve deuh tawh ang chu tih nak laiin i sinior tawh nen ila danglam lo reng reng, thinawrhi kha ila ni reng.” tiin a chek tlat tlat a,

“Nang pawh i chimawm ngaiin ila chimawm tho alawm Vanlalruata Misual boss kha ila ni reng.”ka tih chuan a nui ri nghal huk.

“Nope, kei chu ka danglam a hma zawng aiin ka hmel a ṭha tawh zawk bawk.” a tih chuan ka ner khum vak ringawt.

“A hma aiin i hmelchhe zawk tih i in hre lo thei hi mak ka ti khawp mai che.” ka ti let hmak. Ka ṭawngkam a ngei ve tho tih ka hria a ner ve suk zel danah.

“Anih chuan a hma khan ṭha min lo ti hle a ni maw? I demawm lem loh, college hmeichhia zawng zawng ngaihzawn rawn kha ka ni miau a,” tiin a hawi vah a, a sawi zawh rualin a mithmul a kan zeuh zui. Hepa em em hi chu, Vanlal Ruat nilovin Setana ruat anih tak tak ka ring, mipa ve si hnial hrat ropui si.

“I in dah sang mah mah anih chu.” ti hmakin ka kalsawn a,

“Chuti maw, Mahse ṭha min ti tho alawm.” tiin ka kalna lamah a rawn kal ve a, kan inhnialna naupang chhia zet chu nidang nise ka nuihpui bawk bawk ang, mahse tun ṭum erawh ka nui thei lo.

“Ṭha ka tih thu che ka sawi hauh lo.” En pawh ka en peih tawh lo, “Sawi lo mah la i pha chuang hleinem.” ala rawn ti leh hram. Hepa hi a hnial hrat ṭhin tih chu ka hria mahse hetiang em em a hnial hrat anih hi ka hre ngailo. Ka thin a rim tawh lutuk vang nge chhan dan tur pawh ka hre tawh lo, ka melh rum em em a ni mai.

“Ilo zaktheilo sawt hle mai Vanlalruat.” ka tih chuan a nui huk a, “Hetah hian zahna chhan tur ka nei a mi. Vawiin ni ah hian Vawi7 ngawt ka hming i lam tawh ania aw.” a ti zawm zat a.

“I hming ka lam chu eng nge pawi vak kam chhe tleuhna anih kha.” ka ti ve ngat.

“Min ngaihsan vang a ka hming lam reng i ni tih ka hria alawm. Doctor ka nih hnua ka fans 100 na chiah i ni.” a tih leh chuan, ding meuhin ka en nghal haw a,

“Nangpa hi !” tih bak sawi tur dang ka hre tawh lo,

“Nangmah i in pawm ṭha duh bawk silova, min ngaisang tih tal hi chu pawm ve mai la.” tiin a nui suk a,

“Vanlalruat.” ka ti leh ṭhat, he mihring hian vawiin ral hma ngei hian mi â a min chhuah a tum niin ka hria.

“Vawi 8” a tih sup chuan ka melh ngawt ngawt ringawt. Tunah hian amah kal tir turin ka thinlung na te hi tihdam ka tum mek a ni tih hi a hrethiam lo a ni. Eng nga ti nge chimawm sual zet hian ka lakah a la khawsak reng, Ka thinlung na te hi a hmu thiam miah lo zawk em ni?

Doctor te chuan midang an tidam ṭhin a, Ani ve hi chuan keimaha na lo lai awm chhun te pawh hi a tihnat belh vek ni mai in ka hre tawh, min tihah takzet. Ka melh tak reng vang nge, inthiamlo ve deuh hmel a pu a, A kekawr ip teah a kut pahnih thunin min melh run a,

“Nga ti nge naupang chhia zet hian ila khaw sak fo a?” Awki pangngai leh ngeiawm rawngkai tel miah lova a tih pawh chuan ka thinrim laklawh vang nge, a thusawi chu ka haw tho tho.

“Ka thu thu.” ti hmukin a awm lohna lam ka melh nghal daih a.

“I thu lo ka ti hleinem mahse hetianga awm tur chuan i sinior lam tawh hret i inti ve lo maw?” tiin a khi suk a, Sinior min ti ve ziah a, Ani pawh eng nge anih bik kei aiin kum2 in a upa a, kei aiin a sinior zawk tihna a ni reng sia.

“Vanlalruat kei aiin i sinior zawk, sinior ti ve reng reng suh.” ka ti hlak rualin, “Vawi9” a ti nghal sup,

“Eng nge i hming nalh lo zet ka lam pawh chu ilo chhiar sek, I chimawm khat tlat tih belhchhahna anih kha.” tiin ka kut ka kuangkuah than a,

“Min ngaisang em em tu hian min ngaisang tih i pawm duh silova, chuvang chuan i in pawm hma chu ka chhiar tluk tluk mai ang chu ka ti.” tiin Hmana ka hriat ṭhin Vanlalruata hmel chiah chiah kha ka hmu,
Chiang zeta melhin, a hmel landan ṭha ta lutuk chu ka melh reng ringawt. He a hmel pa hrak tak run, midang chuan nelawmloh an tih fo nachhan mahse kei chuan ṭha ka tih ber lai ber ang khan a awm miau a, a hmui a chip hmak a, kan awmna sir ramngaw lam a melh daih a, chuan a din dan zawng zawng nen hian a ṭha ngawih ngawih.

No, chutiang ngaihtuahna hun pawh a nilo. A thusawi zawk ka ngaihtuah a, chhan ngaihna ka hriat tawh loh avangin ka thaw hawka, min en nghal vut. Rum zeta melhin ka nek pawp a, ka kalpel nghal a, Min la rawn zui zel zui.

“Min zui zel suh.” rum zeta melha ka tih chuan, “Kal kawng ania ka kal ve a ni mai.” a ti awlsam hlan a.

“Kawng dang zawng mai rawh.” ka ti leh hram, a ngawi dawn lo tih hriat zetin, “Ka thu thu.” a ti hmuk a, a hmelah erawh nuihza hmel a pu.

“I ṭawng thei mai anih chu.”tiin ka kal hmawk hmawk a, “Ṭawngtheilo chiah ila hrehawm ti ber tur i ni.” ala rawn ti leh hram anih chu.

Ka ding a, beidawng zetin a lam ka hawi a, hnialna tur pawh ka hre tawh lo, kan awmdan hian min ti hah. hepa hi chuan min ti hrehawm kum khua dawn anih hi..ka ngaihtuahna te avang chuan boruak ka hip lut nghal hawk a.

“Vanlalruat.” ka ti zawi sap ringawt, sawi tur ka neih vang a nilo, ka rilru a hrelo lutuk hian min ti chau em a ni. Min rawn hnaih thut a, ka banah a chelhin, ka kawng a dawm a, “Vawi 10” tia nui sukin min fawp anih chu. Ka mumang nge a tak tak, nge ni a ka suangtuahna mai mai. ka taksa pum hi current in a man ta ni mai in ka hria, ka ding khawng at a, Ka meng phawk hra ringawt.

Ka lak aṭanga a in lak hran hnu pawh chuan chetsawn nachang hre lovin ka ding reng a, ka lu chungah hian halpuah an hal nuai nuai in ka hria, ka awmdan mak zet hi ka hrethiam lova sawi dan la ka hre hek lo. Ka lu te hi a hai muai muai in ka hria.

Ka hmai zawna kut ti ri khep ah chuan ka harh zawk, Vanlalruata chuan a ha var ṭha zet langin min lo nuih sang a, meng reng si khan ka lo hmu miah lo tihna a ni.

“Tun lawkah khan min Fawp em?” ka ti hu a, ka at hmel ngawt in ka ring, ka zawhna vang nge ka awmdan avang chuan a nui ri hawk a,

“Ka fawp che, ka bialnu ni turin ka duh vang che in.” tiin a nui var var lehnghal a, a nui hmel ṭha lutuk chu Angel hmu ang mai ka ni, a chhan ka hriat silovin ka nui ve ringawt, chuan tun maiah khan he mipa hian min fawp tak tak, chu mai ni lovin a bialnu turin min duh bawk, ka hre sual anih ringin ka zawt nawn leh ngat a, “Ka duh che Veronica” a tih ruala au nghek lo tura ka in sum nasat zia a hre ve kher lovang.

“Nga ti nge i sen vek ania, i zak a ni maw?” tiin ka biang a rawn piai zeuh a, Ka in sum nasa mah mah anih ka ring, Ka zak hauh lo mahse tunah hian ka hlim lutuk hi au vak vak a, zuan vak vak ka chak lutuk a hrethiam ve kher in ka ring lo, kum8 teh meuh ka duh tawh a, ka tana ruat a nilo tia nun thar neih hial tuma kalsan tura na tak chunga rilru ka siam laiin ka thin ti rim zual turin a rawn kal a, engmah a hrethiam lo emaw ka tih laiin min duh thu a sawi leh a, ka awmdan hlimawm leh khang ka natna zawng zawng te bo ya vek hi lawm lo theilo ka ni miau alawm.

A car-in damdawiin ah kan in phur let leh a, ka hlim ru veng veng a, ka nui leh var var ṭhin. ka lai thar leh vel te chu eng emaw kawng takin a nuam ru viau lehnghal. Ani pawh a bang bik lo tih a che vel khawr ru ṭutah hian ka hre thei. Ka cabin thlengin min thlah a, a pawna kan din laiin Ṭha deuh a awm tawh tura min tiin, ka chalah a fawp zeuh a, room chhung ka lut chiah chu, tu nge awm ka ngaihtuah hman tawh lo,

Ka hmai ka hup a, ka rak chiam a, ka ke ka per nghek bawk a, ka dar na theihngilh vek khawp in ka zuang bawk, ka mittui te hial a tla nia mahse lunngaihna mittui ni lovin lawmna leh hlimna vang a ni miau a, tumah hian min dem bikin ka ringlo. Maria-i, RLa, Umama te nupa an lo awm ve reng ka hmuh chuan Anni pawh chu ka awmdan avang chuan an nui ve hawk hawk tho. Maria-i chu ka bulah lokalin naupangin thil thar an nei a an hlim a inkaia an zuang vak vak ang mai hian kan inkaia kan la zuang dun vak vak zui. Ka tan hian an va hlu tehlul em.

Ka hawikuala Damdawiin te chu a mawi ta riau a kan hriat chu le, ka khuma ka lawm lai te chuan ka phur surh surh lutuk chu RL-an min fiam leh hlak kha.

(Maruata Pov)

Silai a kah a ni a, chuan Amah inngaihtuah miah lovin midang chanchin min zawt a, hmeichhe mawl lutuk. Engvanga hetianga ti nge anih tih zawh ka duh rual in a taksa dinhmun hretu ka ni a, engmah zawhna ka zawt duhlo.

A hma zawng aiin ka ngaihtuahna a luah khat a, A chungah khan eng emaw thleng palh ta se, kei hi engtin nge ka awm ang, midang tumah ngaihtuah lova a duh duh dana a che kual ṭhin pawh hi ka haw takzet.

David-an kan thlen hmaa thil awmdan a sawi te hlei hlei khan min ti thinrim zualin misual in an hual velna karah khan Ani khan lem a chang kual vel a, khatih lai khan che sual hlek emaw, ṭawng sual hlek ta se a nunna an laksak thei a ni tih pawh hi a ngaihtuah miah lo tihna ania. Thinrim ṭun mah ila ka thinrimna a lakah ka tilang tur a nilo tiin ka in sum hram hram ṭhin.

Nitin a cabin-ah check turin kal mah ila, ka thinrim insum theih loh ka hlau avangin ka be ngai lova, ka biak ve pawn ṭul tawp a ni mai. Hetianga awm tur ka nilo tih inhre mah ila he hmeichhia ka hmangaih em em hian a nunna hlut miah lo ni awm taka a khawsa hian min ti thinrim miau si a.

Mi zawng zawng hian Veronica in min duh tih an sawi ṭhin mahse ka bula a awmdan ka en hian thil ni thei in ka hre silo. Ka aia silai mu a dawn khan Ani hian min hmangaih ve niin ka ngai a, mahse silai mi dawng tur hian ka ti lo a, ka duh heklo. Thi tur kan awm anih chuan Ani aia thih hi ka duh. Ani hian ka hmangaih anga min hmangaih ve emaw min duhna chete pawh a nei anih phawt chuan kei hian chhuah ka tum tawh lo.

Damdawi ina kan tu aneih te zingah RLa leh Maria-i te an rawn lang zing khawp mai, Sawi kher a ngai tawh lo, hemite hi nupa an ni tih a hriat takzet, chuti chung chuan ka zawt ta tho kha ania,nthil awmzia min hrilh vek hnu khan awmdan tur ka hrethiam mai lo lehnghal. Ka lawm a, ka hlim bawk a, kum 8 tak meuh hun ka khawhral avang khan ka thinrim thar a, nep ka in ti thar in ka in haw thar hle bawk mahse chung zawng zawng ai chuan Veronica-in min hmangaih tih leh min lo la nghak reng tih ka hriat hian ka hlim a ni.

Mahse a Boss min fiam avang hian fiam let ve hi chu a ṭul ka ti. Ka chhungte leh a chhungten an lo thu rual pui vek zui. A lakah chimawm ka chhuah tlat a, a lungawilo hmel te chu keimahin ka office ah ka nuihpui leh fo thin. Nikhat Cabin kan chhuahsan ruala nurse in ka ṭawngkam mak a tih thu a sawi zeuh chuan ka nupui tur anih kha ka ti hmiah, min la nuih hak hak zui.

Nga ti nge henu hi a danglam theih miah loh le? a tlanchhe leh tawh, college kal lai khan a tlanchhe ziah, chuan tunah pawh. Hetianga puitling lo taka a awm hian a lawmawm in a duhawm em em si hi a ni. Danglam ngai dawnlo mahse pawi ka tilo, a rilru ang anga a langchhuak ṭhin hi ka duh em em nachhan pakhat kha a ni miau a.

Thinawrhi diktak ala ni reng anih hi, Hetianga keimah avanga a awmdan in thlak thut thut ṭhin hi alawm hman aṭanga hmuh nuam ka tih tlat ṭhin kha. A thinrim zoh poh leh sawi tur a hre lo a, ṭawng ve ṭal a tum ṭhin te hi a lawmawm, naupangchhia kan ni tawh lo, college zirlai pawh kan ni tawh hek lo, mahse naupang chhia zetin kan in hnial vak vak a, ka chhungril lam hian nuam a ti hle thung.

A hma ang tho in ka hming leh a ka hi a la in rem khawp mai,,nikhatah hian vawi20 ai tam te ka hming alam ṭhin,,tunah pawh vawi10 alam leh hman der tawh. Ka duh a ni tih hi sawi lova ka kal tir leh anih chuan ka chan hlen tawh ngei dawn tih ka hria, Ka pan hnai a ka fawp a, min chhang duh miah lo lehnghal, a hmui erawh ka suangtuah thiam phak baka fawh nuam a ni.

Ka thlah ruala a awmdan ka en chuan ka nuih a za lutuk tlat. A hawi â deuh hiau te chuan min ti hlim hle chu a ni sia. A danglam hlollo kei mi zawng zawng in i nui thiam ve em ti a an fiam ṭhin mipa hi, henu bulah hi chuan chin tawk awm lovin ka nui a, mipa naupang harh zet ang mai hian val sinior ka nih tawh hnu ah pawh ka la awm anih hi maw.

A cabin chhung a luh ruala a au ṭhat ri ka hriat chuan thil diklo a thleng ta em ni tia luh ka tum chu nui ri ka hre zawm nghal a, a awmdan tur ka mitthla a, keimahin kawngkhar pawn lamah ka khi ve suk suk ringawt. Hetiang taka ka vanga a hlim dawn tih hriat a hman hmanah khan ka duh thu hi lo hrilh a lo fawh vang vang tawh tur hi ania. Lu thing mat mat in ka office lamah ka kalsan a. Hei erawh ka chiang tunah hian Ani chauh nilo in kei pawh hi ka hlim a ni, he khawvel ka pian a hnu lama ka la hlim ber ṭum a ni hial ang. Ani kha ka ta a ni a, ka ta a ni kumkhua tawh ang.

Veronica-i nena kan inngaihzawnna pawh thla2 a tling ve ta reng mai. Hun hlimawm tak tak kan hmang dun fo a, kan in kawm tak tak lai ang chiah khan kan in ngaiin, kan inngaihzawnna ai hian kan in ṭhianṭhatna hi kan dah pawimawh zawk ni ber in ka hria.

Kan chhungte ve ve in min hriatpui thlap a, naupangchhia kan ni tawh lo bawk a, kan chhungte pawh in min thlah zalen thiam khawp mai. Ka nu leh V-i nu hian nuam an ti ber ang.

Engkim kan sawi dun a, kan sawi tam ber leh kan inhauh tamna ber chu college kal lai kha a ni. 1st year a exam hma a ka kalsan kha a lung a awi thei hlol lova, a tellova doctor ka zir pawh hi a lung a awi chuang lo. Ani hi doctor ni zawk se kei hi Professor ni zawk ta ila tiin duhthu ka sam fo ṭhin, ka nih chak em em a ni miau a, kum naupang tê lehnghal in, mi vannei tak a ni. Ani hi zawng vanneihna tawng baw tur hian a bei nasa em zel la tak a.

Ka laka a lungawi lohna dang leh chu Mizoram ka haw ka hrilh lo leh call theih lova ka awm avang khan, nitin pakhat tal a sawi chhuak ziah a, a ti tau ka thlem ziah bawk a mahse a ti tau thlem hi nuam ka ti tlat si. Thinrim tumlo mahse ka ti thinrim lui fo a, a thinrim hian naupang duhawm deuh ang ka ti ṭhin miau alawm.

Hmeichhe chimawm tak a ni tluang zel a, keipawh a tan Misual Boss ka la ni tluang zel bawk a mahse a pawimawh ber kan pahnih hian kan hlim a ni. Nitin university lama ka thlah a beisei ziah a, ka hman loh chang a tam avangin hruai lam hna ka thawk zawk fo a, ka hruai lo emaw ka thlah loh ni a thlen erawh chuan chimawm takin a khawsa ṭhin.

Veronica-i aia bialpa nei hi a awm lovang tiin a chhungte, a ṭhiante leh a hmelhriat ten an fiam fo a, mahse chu thu vek chu ka chhungte leh ka thawhpui te hnen aṭanga ka dawn ve a ni. Sinior inngaizawng ve si, tleirawl ang mai tia min sawi tawk la bang lo, ka ngaipawimawh lo, kan hlimna hi engvang maha tih chhiat ka tum lo bur.

Tukin zingah meeting vangin ka thlah hman lova, tlaiah la emergency a awm vangin ka hruai thei bawk lova tunah zan dar 7:13p.m a ni,, min be duh lo nileng ṭhak tawh. Haw tumin David-a nen pawn lamah kan chhuak a, ka thil hmuh chuan min ṭhawng takzet, hmuh fo erawh ka duh.

Veronica-i nalh zeta inthuam in Bullet ngheng in ka car bul lawkah alo ding anih chu, a leather jacket hak mawlh sawn a ti lang nalh zual. A hmui a hnawih sen mah mah erawh hruk fai sak hial ka nap, ka enchiang a, a mitmeng a ling hlar a, a chhan ka hria. David-a nen chuan an in be luam a, kei erawh min be lovin a kalsawn daih, a thinrim duhawm zia hi a inhre ve der silova.

“Ka duat em em nu, tun angah te hetah i rawn kal a, min lo hruai dawn a mi.” a thinrim tih haider a ka tih chuan min melh ling hlar a, kuah ka tum pawh a duh lo nasa.

“Kan ride dawn a, mipa nen, ka rawn hrilh che, ka nu leh pa te sawi vangin,” a ti deuh hmak a, a nu leh pa te sawi vang chauha min hrilh anga a sawi chu ka run viau. Tu mipa mah a ride pui dawn lo chiang lutuk tih a inhrelo a ni. Hmelhriat leh ṭhian ti a sawi tur te chu a ngah lutuk, nilo a ngah mah mah zawk mahse kei hian ka bialnu luhlul leh thinchhe zet hi ka thlah zalen dawn reng reng lo.

“OK, I hah thei bawk sia, in tihlim ve rawh, khawi lamah nge in kal dawn a?” ngaipawimawh lo zeta ka tih chuan, a meng awk a, ka phalloh a ring sa tih ka hrethiam, min chhaihkawlh chak vang mai mai a ni.

“Ka hre mai lo, khawi emaw daikil kar vel kan hrut dawn anih ka ring, ka bialpa anglo zetin anni hi chuan min ngaipawimawh ṭhin hlawm em a, ka lo ngaipawimawh ve ṭhin bawk nen..” a ti leh kher a, a nghal thiam ve lutuk hian ka thin tih rim ai mah in ka nuih a ti za ṭhin. Tunah pawh ka nui leh tho anih hi.

“A ṭha lawm, Fimkhur la aw” ka tih chuan ngei hmel zeta min melh in bike-ah a lawn a, a tlan hman awm lo emai, a hnungah ka lawn ve nghal vat.

“Hei, Vanlalruat eng nge i tih i thawmhnaw zawng zawng nen khan rawn kal i tum ve chu a ni em lo maw.” tiin a tal nawk nawk a, a kawngah kuahin a darah ka lu ka nghat hmiah.

“Tlan vat mai teh, kan thlen hmain reilo te i hnungah hian ka lo muhil ange.” tiin ka pawm nghet sauh a, tlan chhuah erawh a tum mai hmelloh.

“Chhuk rawh.” a tih hrawk chuan, ka lo nui huk thung. Midang vei vak ten min en hrek hrek pah a,min nuih tet tet chu erawh hmuhloh der a har. A zak ta deuh nge ni, phun bul bulin, bike a tlawh nung ve ta hram a, ala khalh chak em em zui. Bike a ding a, ka hawichhuah chuan kan in kawtah kan lo ding reng tawh. Kei hi ka muthlu tak tak a mi le?

“Kan ride dawn maw ti a,” ka tih chuan engmah sawi lovin, a bike a siam mawlh mawlh a, kan chhuk fel chiah in chhungah a lut nghal daih.

Nui vur vur chungin ka lut ve nghal a,, ka nu leh pa te alo titi pui leh bawrh bawrh tawh,, heti taka ka nu leh pa te a nel leh anni pawh in an duat hi kei aia hlim hi an awm chuangin ka ringlo.

Ka intifai a, Ka in thlak sawk sawk a, V-i khan engmah a sawilo na in, len a duh anih ka ring ve tawp. Chaw chu pawnlamah kan ei mai aniang chu ti rilru in inhnuai lamah ka chhuk a, Veronica-i ka hmu mai lo.

“Nu khawiah nge V-i” ka tih chuan, “Kalna tur ka nei tiin a chhuak anih kha,” ka nu chuan alo ti vat a, bike chahbi la in ka tlan chhuak ve nghal zat. Min kalsan emaw mipa dang nen an awm vaih chuan ka lawm lo viau ang.

Pawn ka thleng a, tlan mai inpeih at in Veronica-i alo ding a, min nghak tih ka hre mai, engmah sawi lovin ka bike ka la chhuak ve nghal a, ka hman nia a hriat awm velah a tlanchhuak nghal a, Thui deuh tak kan tlan hnuah a ding ve hram a, tlang theng thaw nuam tak a ni, Khawpui chhung a lang uar a, hetiang hmun nuam lutuk hi engtin nge a hriat zawk ni?

“Wow hmun nuam tak a ni.” tiin alam ka hawi a, Ani erawh che lovin khawpui lang pe uar lam chu a thlir dauh dauh a, a bike chunga a sir zawnga a ṭhu chu a bulah ka ṭhu ve a, ka kuah rual chuan ka lama thle in ka darah alu nghatin, khawpui lam chu kan thlir dun a. Hetiang reng reng hian Mizoram khawpui hi alo mawi a ni tih ka hre ngailo, A mawi takzet a ni.

“Ka ngaih em em ṭhin lai che khan helai hmunah hian ka kal fo ṭhin. He khawpui lian takah hian i awm lo tiin ka inhrilh nawn fo ṭhin asin.” a ti zawi raih a, a aw a rilru natna lo lang chu ka hriat hmaih lo, a hunlaiah khan a let leh a ni ngei ang.

“Ka thiam loh a ni,” ka ti sup ringawt, a bak thiam thu sawi tur ka hrelo.

“I thiamloh a ni hleinem, nangpawh in i tuar ve tho alawm, Keini pahnih hi chu ṭhianṭha tak kan nia, I bialnu ni lo pawh ni ila i Best Friend ka ni alawm tiro.” tiin a nui ri hak a. A hmel ka en a, keipawh ka nui ve tho, a sawi dik chiah keini hi Best friend kan ni, chuan ka Best friend hi ka hmangaih bawk.

Ka lamah kuai herin a khabe ah ka dawm a, a hmelṭha tak hi ka en kham thei hlollo, Ani ang hi he khawvelah hian an awm tawhin ka ringlo, Hmanhmawh anga lang miah silo, rilru hmanhmawh tak siin a lamah ka kun hniam a, a hmui no chek chu ka fawp zeuh a, a nui nghal sen sen a, chu chu ka duh tawk mai lo, duhthaw zetin ka fawh zawm nghal mawlh mawlh a, Ani pawh in min thlakhlelhna tilang in min chang ṭha takzet. Hei hi a ni, Veronica-i nena kan nun chu inhnial renginn inhau reng mah ila kan thinlung a inzawm tlat a, kan inhmangaihna hian a tawpah hlim takin min awm tir leh ṭhin. A mitah chiang taka melhin, “Veronica ka hmangaih che,” ka ti sup a, chimawm zeta min melhin a nui ri haka, a hmalam chu en vung vungin, “He khawpui lian takah hian Nang chauh lo chu Mipa hmangaih ka nei miah lo anih hi,” tiin thawhakin min rawn melh leh a, “Vanlalruat keipawh hian ka hmangaih lutuk che.” a ti ve sap a.

A TAWP TA.

Leave a Reply