You are currently viewing BEST FRIEND – 5 & 6

BEST FRIEND – 5 & 6

Spread the love

JONSMELY BAWITLUNG

BEST FRIEND – 5

(Maruata Pov)

Veronica-i tih thinrim hi nuam ka ti,thlem pawh a nuam,thil ho te te ah a nui bawk bawk a,hoteah a thinrim a,a rilru tluang tak erawh engtiang pawn awm se a danglam ngailo. Amah hrechiang tawh ngaina lo an awm ka ringlo. Hmeichhe dang te angin inchei hluak lo mahse a hmelṭhatna a bo chuang hauh si lo leh engtiang pawn awm se a duhawm em em tho si te hi, phat buai hauh lovin ka Duh a ni,mahse he ka ṭhiannu la hian chutiang chuan min en ve der bawk silo.

Engtik lai pawn ka ngaihtuah reng a,a tellova reilo te chhung awm pawh hrehawm ka ti,, class khata kan ṭhu lo hi a hrehawm zual, lunch break ka nghahhleh tluk zetin tlailam ban hun ka huphurh ṭhin, Uniform kan hak lai kha chuan an inah ka riak fo a,kan inah la a rawn kal fo, mahse college kan rap a,an in a riah reng la mawi in ka hre chiah bawk silo,ngai em em in ka thlah leh fo ṭhin anih hi!

A ṭhinrim hian a sawi tur a theihngilh vek zel,chu chu ka hriatchian em avangin ka ti thinrim fo a, mahse ka thlem leh nge nge zel a. Ṭawngkam thiam silo ah chuan sawi tur a hre ber hial ta ve ang.

Thawhṭanni a ni ta, kan ur lawk rei bawk a, a nuam khawp ang Mahse Inrinni leh Pathian Ni khan Veronica-i ka be lo hrim hrim, hmuh tur la a awm hek lo,ka ngaih vangin ka thinrim hlur a, zingah la min la kalsan daih zui. Sanga la in a chhan a hriatloh thu a sawi a, ka hmuh hun chu a chaklo ve ang. Buai viau mah ila a ka zawng ru char char a, college-ah pawh hmuh tur reng reng a awm lo henu hian eng nge a tih le?

Opening Ceremony, hun reilo te kan hmang a, Veronica-i ala rawn lang lo hrim hrim, in fiamna chi hrang hrang hmangin kan in el a, chawhnu lamah volleyball hmeichhia leh mipa in an khel dawn a,kan house an la tel ve ve dawn zui. Khawiah tehhrep nge Lalrinfeli hi a awm ni? Players chu kan nei ṭha meuh mai,mahse Captain ber awmlo hi thil nih dan tur a nilo. Ka thinrim hlur a, ka mood a dik thei meuh lo, ka ngaihtuah vang nge ka hmuh chak lutuk vang pawh ka hrethiam tawh lo.

Kan college hi volleyball ah na na na chuan kan ṭha lawr lak, Mizoram College Sports ah pawh kan champion zing khawp mai. Kan college chhungah pawh kan House hi kan ṭha berin ka ring, chutiang ni mah ila Veronica-i awm ve chinah erawh a tello chuan engmah hi a famkim theilo, nge ni a keimah hi ka famkim lo zawk? House room ah ka lut a,A tam zawk an insiam tawh inkhel turin. Hmeichhe ho chu an hmel a phur sarh lo in ka hria, An bulah kalin eng emaw tal ka sawi ve ngei angai a ni. Veronica-i ka call tlang thei bawk silova.

“Hi,girls, ṭha takin khel rawh u aw.” a bak sawi tur ka hre hlollo. “Khawiah nge Vero-i?” an ti rual ṭhap a, Chhan ngaihna pawh ka hre love a.

“Hi…..Ṭhian te u…..” Veronica-i’n ka hnung lam aṭanga a rawn tih chuan an ri nghal hluai a, Tlai hle mahse a hun takah a rawn thleng tal alawm le, mahse ka lung a awi chuanglo.

A inthlak zo a,min rawn melh zawk a, mahse rei min en lovin,Volleyball court lamah a chhuak nghal daih a, “kha thil kha eng nge? A inthiamlo ve miah lo a mi? Nge ka kit nih a hreh vangin min pehhel a tum zawk?”

Veronica-i volleyball court chhunga zam ngailo kha ala ni reng tih hriat takin an ṭan phat aṭangin a khel ṭha takzet. Kan piah lawka ṭhu RLa te ṭhian ho chu ka melh zeuh a, RLa rawn hawi ve chiah nen chuan kan in melh no viau lo. Ngeiawm zetin ka khi suk a, a hawisawn nghal hmuk. Keimah ang tho in kan insualna hnuhma a hmaiah ala chambang ve a, nuam a ti vak bikin ka ringlo. Veronica-i inkhel chu a en duh hle tih a awmdanah ka hria, tun hi pangngai taka a inkhel a hmuh vawikhatna a nih ka ring.

Inkhel a zo a,kan house kan chak ngei e…. mahse kan hmeichhe ho hian eng nge an tih hi, dingkualin chunglamah ban an phar a an lak thlak zawng chuan an mawng an beng a, Red house tiin,flying kiss an rawn thlawh phei suau suau hlawm a,an chet dan chu mipa chauh nilo hmeichhia pawn an lawm tih hriat takin an au nasa hlawm hle, Veronica-i pawn a ti ve ngei alawm kan lam hawiin, RLa melh in chimawm zetin a nui sak a, RLa pawh in khaw dang a hawisawn theilo, a bula ṭhu pawh a meng no lo teh e.

Mahse kei min en hauh lo chuan Ka awm chhung hi a ti na vawng vawng a, ka rilru chuan “Engvanga lo na ve ngawt nge a nih?” tiin ka inzawt nghal, Ka hmeichhe duh anih vang pawh a ni mahna. Mahse kei hian ka ti lang theilo, ka ṭhian a ni a, ka rilru puthmang hi hre ta se, min kalsan phah mai ang tih ka hlau a ni.

Players ho kan lamah an lo phei chuan Inthlahrung hmel deuh in alo kal a,min en zawkin min kalpel leh mai a tum chuan ngaihdan nilo, ka aw ka thian kharh a. “Hey,,,,Kit no1″Ka tih chuan,rang zet hian
“Aw eng nge ni?” tiin a ding nghal zat a min chhanna rang lutuk avang chuan ka nui ri hawk a.

“Vawiin nilengin khawiah nge i awm?” Ka tih chuan a ngawi ngal a,henu hian eng emaw tihsual a nei leh tawh zawk a mi le?

“Tihsual i nei a mi?” tiin a mitah chiang zetin ka melh a, “Ka hre lo mahse ka inthiamlo a.” a ti zawi nghal sap a. A inthiamlo ve anih hi, tu nge hetiang hian inthiamloh vangin awm ngai reng reng le.

“Zebra,” kan sir lam aṭanga rawn ti tu chu enin kan hawi rual nghal vat a, RL-a a ni.

“I khel ṭha khawp mai.” tiin a chibai a,Veronica-i pawn a kut a pe ve mai.
“Kan inbe lawk thei angem?” A tih chuan, chhang lovin min melh khiau a, Ka huat tawk a tling leh hle tawh. A hnial ka ring a,kei min hnial nasat ṭhin ang bawk in mahse a mitmeng hian min zawt a ni, Chhang lovin kalsawn ka tum a,pen 4/5 bak ka pen hman lo,

“Big Boss,min lo nghak.” a tih ri ah chuan ka hawi let rang lutuk tlat. Ka lam panin a rawn kal ve nghal a, RLa erawh a dinna ngaiah a ding reng thung, ka zawn a rawn thlen chuan,inkheng khawng at in salute a rawn pe ngei a, ka lungawilo ni a a hriat hi chuan a lawmawm thiam thei reng a ni.

“I khel ṭha takzet.” tiin ka nuih var var a,
“Ka lawm e Big Boss.” a nui ve var var tho. Nga ti nge a awmdan a thlak thut a? “Kal ang” tiin min kai nghal zat a, henu hi ka inthiamlo tiin biak pawh min be duh lova tunah la ka thuawi ber angin a awm leh bawk si. A chetdan danglam zet hian min ti hrilhhai letling zawk hial mai. RLan kan piah lawk aṭang min enzui tih ka hriat vang chauh in en liam phawt mai ang.

(VERONICA’S POV)

Ka bo char char avang leh,Ka thil tih tum avangin Maruata lakah nasa takin ka inthiam lo,mahse kei hian Ani vang hian ka tih tum ṭhulh ka tum hauh lo, Ka fimkhur viau erawh angai tih ka hria, min hrechiang a, sual chhuah ka tum tih a hriat chuan min dang a tum ngei ngei ang, min dan theihnan chuan engpawh a ti duh bawk ang, chu chu thlen tir ka tum lo tawp. Vanlalruata hriatloh in Lalramlianah leh Sarah-i te hi ka ti buai thei tih ka chiang ve tlat.

Opening Ceremony-ah reilo te kan awm ve a,mahse lamna a thawmhnaw hak tur buaipui kan ngaih avangin kan chhuak lehnghal daih a, Maruata pawh ka hmu duh lo law law. Kan bazar chu hmeichhe rual kal tih takah kan rei zek a, keichuan ka ning leh viau tawh. Chawhnu lamah volleyball kan khel dawn a,tuna ka let lo anih chuan ka khel hman in ka ring lo.

“Maria.” ka bula rawn kalin ka kawr tur min teh lai chuan ka lo be vat a, “Um” mi pawh en chuanglo chuan min chhang a, kalsan chu nuam ti chiah lo mah ila, College lamah ka mawhphurhna ka hlen a ngai ve tho bawk si a.

“Ah englo…..Chawhnu hian volleyball ka khel dawn a,tunah dar12 a pel tawh a,ka kal mai thei angem?” Inthlahrung taka ka tih chuan,a sana a en zeuh a,a bag hai rak rak in a scooty chahbi min pe a.
“Taxi chuan i tlai ang,keini pawh kan lo let vat ang,kan lo au phur ang che.” tiin min nuih sang a, ka nui ve nghal var var,hmeichhe fel tak chu a ni chiang alawm.

Hmanhmawh zetin college lam ka pan a,ka thlen chuan inkhel turin an lo inbuatsaih mek a, Kan room panin chak zetin ka kal a, Captain ka ni a,ka tellova khelh kha thil tih chi pawh ni nghal loh chuan. Vanlalruata hian a fuih ve ngei ni tur a ni. Eng nge a sawi ve ang? tih ngaihtuah in a hnuglam aṭang chuan ka khi sak a, Ahh taka nui chungin ka lut tur a nilo, inthiamlo hmel deuh in ka awm tur a ni, tiin ka hmui chu ka chip nghal vat a, a chhanchu saw pa saw ka ti thinrim tih ka chiang em alawm, tun kar chhung a kid ka ni dawn bawk si,ka van peih lo tak! Inthlahrun hmel deuh a, ka luh chuan ka rilru chuan ka beng her sawk chak che ania, ka ti hram.

Ka team ten min hmuh chuan an hlim hlawm khawp mai,Maruata ka be lo hrim hrim, a hmel ka hmuh chuan ka inthiamlo der tawh lova ka inthiamlo tak tak tawh, chuvang chuan sawi mai tur ka hre lo.

Kan khel ṭha tlang khawp mai…..Kan tum pui Yellow House pawh an thiam lutuk tho…. Kan game pawh a ṭang at thei…..Ball ka hlap thlak laia Sarah-i rawn au over chu ka ngei takzet…..ka hmuh tur ngeiin RLa bulah ala insawn ngat zui saw nu saw chu a chak lo khawp ang mawle.

Kan chak hram e. Kan sawi lawk angin a tawpa kan thil tih chu midangin an lawm khawp mai…. Maruata be lo bawkin ka kal pel leh. Min biakna erawh ṭha takin chhang vek theilo mah ila ka chhang tho.

Engtin nge Lalramliana hian min la biak ngam zawk? Nih leh lo,min bia anga min la be leh fo ang,ka duh ka tih hlawhtlin hma loh zawng chu saw pa sawn min kalsan tawh lovang. Ka hun a inṭan chiah bawk.

Ka mit meng a ka biakna hrethiam ziah ṭhin hian min chhan a hnekin a kal nul nul nia mawle, a ṭha lawm Lalramliana chu be rih lo phawt mai ang.

“Nidangah kan inbe zawk dawn nia,,,” tiin RLa chu ka kalsan a,Bigboss tia ka ko chu mak a ti tih ka hria,a lung ka ti awi lova,eng ngah nge ka tih lungawi leh mai lovang. Tun kar atan ka Big Boss a ni hrim hrim alawm le.

“Lalrinfel,,Saturday,Sunday leh vawiin chawhma chhung khawiah nge i awm?” Room kan lut chiah min zawt nghal,

“Ruat…..ih…” Pehhel tum zeta sawi dan tur ka ngaihtuah chuan,

“Ih…..ih….leh suh,sawi loh i tum anih kha,,,” a ti hmuk a. min hrechiang lutuk hi ka ngei lek lek zawk

“Englo,,,min zawt lo la” ka nuih tlawn a, “Mahse Surprise ṭha tawk ka nei,last day ah ka hrilh ang che aw.” ka tih chuan chiang zeta min melh in min chhang dawn lo maw ka tih hnu ah, “I surprise a ka lungawi loh vaih.” a ti ve ta hram a.

A bag min pe a,thuawi ber angin ka la a,ka ak deuh ṭat mai……A hnung zelah ka kal a, week ṭan hmaa ka zel thel tehreng nen…… Week-ah erawh ka awl lo hrim hrim,ka Boss ve hian min chhawr rim mah mah a ni…..

Items a tam a,nuam kan ti tlang mahse a chauh thlak ṭhin mah mah. Football khel hi hmuhnawm ka ti, Vanlalruata inkhel pawh hmuh a nuam. Red House nen kan inel over ti ila ka sawi sual lovang, Outdoor lamah kan pha vaklo na in indoor lamah chuan kan house kan sang fal nalh. Red House nen kan in hneh tawk lutuk hi boruak a ṭang at a,tu pawh mai hian nuam kan tih phah zawkin ka hria.

A ni3na a ni a,Volleyball hmeichhia ah kan champion tawh a,finalah Red House kan hneh a nuam ka ti fal lehpek. Vawiinah mipa Football final leh volleyball final an khel dawn a,,Ka over fal leh khawp ang.

Kan house leh green house ten football an khel mek a,,,Lalramliana leh Sarah-i te hnung lawkah kan class mipa ṭhenkhat nen kan ṭhu a…..Half time dawn hnaih chuan tui keng in ṭhian ṭhenkhat te nen field lamah kan chhuk a, kei misual hian sarah-i ke ka rap lui ngat a, Ana ti thawm chu ka hrelo der hmak zui. Ka hma lam chiah melh in ka kal pel a, Lalramliana’n min rawn umzui tih ka hria, ka hminga min kohna pawh ka hrelo der hmak a,ka kal hmiah hmiah, mahse min umpha tho.

“Fel,,inbia ang.” a hmela hrehawm ti hmel ka hmuh chuan ka thinlung hi a hlim ni berin ka hria, mahse nuih erawh ka nui chhuak bik em love.

“Mit i neih chuan tih tur ka nei tih i hmuh ngei ka ring.” tia kalsan lehnghal ka tum chuan, “I zawh hun ka lo nghak ang che.” a ti leh hram a.

“Ka hre lo, ka.” ka sawi zawh hma hauh chuan, “Khawngaihin..” a ti nawn leh sup a, Hepa hian ka bulah khawngaih min dil a maw!? Tum neilo chuan heng hi a ti hauh in ka ringlo. Lalramlian min bum tawh lovang,ka rilru in ka ti nghal zat. A mitah tak ka en lui ngat a, mahse eng nge ka hmuh hi, natna leh hrehawm tihna chiah he a mitmengah hian ka hmu, Engvang nge ka hre lo, mahse hetianga awmtir hi a ni lawm ni ka tum, ka na let tur a nilo.

Chhang tawh lovin field lamah la chhuksan a,Maruata ka pan nghal…”Ka Big boss hi i khel ṭha bon tawp” tiin ka kut zungpui ka ti pir vah a,mahse tinge hepa hian min chhang lovin min melh run le? Hetianga a mitmeng sexy zeta min melh run tawh hi chuan ka lai a,awmdan tur ka hre lo, chutiang te chu a hre ve awm tawp silova. Awmdan tur ka hriatloh vang leh sawi leh mai tur ka hriat loh em avangin Ka kut ka khalh niap niap chu rawn hum in, “kan inbiak angai in i hre ve em?” A tih chuan chhang lovin ka ngawi reng tawp.

Inkhel ṭan a hun leh tawh avangin Maruata chu player’s dangte bulah a kal a,keipawh ngawi rengin ka ṭhutna panin ka kal hnak hnak,step ka rap dawn chiah ka hnung lam aṭanga, “Kan inbiak angai ka ti lovem ni?” Rawn ti hmuktu chu ka en let nghal vat a, a aw hriat a nawmloh ang aiin a thinrim hmel loh. Mahse ka be hreh tho tho, min biak duhna chhan la ka hre bawk silo.

“Aw…Ah….nakinah nih ka ring a” ka ti bah nak a, min nuih suk a, ka banah chelhin min kai a, hepa hian eng nge a tih a tuna min nuih dan te kha eng nge a awmzia. Ngawi rengin min kaihna lamah ka zui ve tawp. Midang awm ve lohna hmun kan thlen chuan ka kuta a chelhna thlah in a rawn inher vut a,a lung a awi lo tih mi mawl ber pawn an hrethiam ang.

“Eng thil nge tih i tum?”a tih chuan ka bo hu mai, eng nge a sawi awmzia hi? “Eng maw?”ka ti hu ringawt a. Hepa hian min hrechhuak a mi le? Nilo a hrechhuak theilo hrim hrim, a hrechhuak tur a nilo.

“Lalrinfel ka hriat loh ring suh, sawi vat rawh?”a tih vin ṭhawt chuan ka phu zawk thei, Maruata hian ṭawngkam vin in min be ngai lo,a thin ka tih rim pawh in min vin ka la hre lo, chhan nachang pawh hre lovin ka en ngawt ngawt ringawt a,
“Ka thusawi i hria em?? RLa leh Sarah-i te chungah eng nge tih i tum?” A vin tawh lo mahse a ṭawngkam erawh ngaihthlak a nuam hran lo.

“Engmah..”ka chhanna vang chuan a rum ngut a,ka ti thinrim belh tih ka chiang hle bawk. Mahse engtin pawn min ti dawn se, hrilh ka tum loh ang chiah in ka thil tih tur ṭhulh pha ka tumlo hrim hrim.

“A hma zawng zawng a biru char char, tun ataka lansarh loh hlau ang hrim a awm te, Sarah-i huat zawng leh Ramliana biak tura awm vel te,biak che a tum apianga i bula awm apiang i hman ṭangkai te,nichin lawka Sarah-i i rah luih te khan engmah awmzia a neilo maw?” a ti rum ul a, a mitmeng a lungawilohna te chuan min ti awm nuamlo zual takzet mahse ka ti tho tiin ka la ngaihtuah ṭang ṭang tho. Hepa hian alo hrethiam vek a maw, chuan nichin lawka Sarah-i ka rah luih pawh a hmu vek a, engtin nge ka chhan ang dawt ka sawi mai dawn nge thudik ka sawi zawk ang.

“Ih…..kha chu…..”ka ti dek dek a,

” Dawtsawi i tum a mi?” A ti nghal hlur a, ti nge hepa hmaah hian insawifiah ka tum kher, ka eng nge anih ka ṭhian mai a nia,ka bialpa pawh a nilo.
“Engpawh ka ti ang ti nge hriat chu i tum ve kher a?” Ka chhanna avang chuan min melh hrawk, ni e, hetiang hian ka chhang ngai lo,

“Engmaw i sawi a?”Tinge vawiin hi a ṭawng hmuk hmuk kher le?

“Anni chungah chuan engpawh ti ila ilo buai ve na tur a awm lo.Lo inrawlh suh…” Nidang ang tho in a thinrim ve hma in ka thinrim khalh a, mahse hetianga zah lo takin ka ṭhianpa hi ka be ngailo asin, ka sawi zo vek tawh si a.

“A ṭha e,Ka inrawlhna tur a awm lo.”
“Ni e,lo inrawlh suh.”ka ti nawn leh ngat a,
“Ok…..ṭha lawm i duh duh chu ti ta che, mahse hei hi hre rawh i nat phah anih pawh in min rawn pan suh ang che.” ti hmakin a inhera a kal nghal nal nal. A thusawi avang chuan ka hrilhhai takzet a, umzui emaw biak zui pawh ka tum lo.

Maruata ka hriat dan ngailoh ka hre hnem hle mai,Khatiang khan thinrim chungin min kalsan ngailo,kei hian eng nge tih sual ka neih,anni pawn min ti na a, ka khin let chu a sual viau a mi?

A ṭha e,Vanlalruat i duh leh min kalsan vang vang rawh. I tel ve ka duh lo a,chuan i tel ngai dawn bawk lo,khatia ilo inthiar fihlim kha a ṭha viau zawk. Ka pan duh lo na na na chu ka pan hek lovang che.

Thinrim takin min kalsan a,engchen nge ka ṭhianpa hi a thinrim theih ang? A thinrim rei ngem aw. A ti tau ve ngai silova,Engpawh nise naktuk a ni anga a lung a awi leh mai ang. Ka lung a awi biklo mahse ka rilru erawh a nuam chuanglo. Thinrim khum ve duh mah ila Maruata hian rei tak min tauh san ang tih erawh ka hlau ru tho si, awmdan tur thiam.a har takzet a ni.

Mahse zanah pawh min rawn be miah lo,a ti tau ve tak tak dawn a mi le? Ka rilru a nuam theilo mahse LR-a leh Sarah-i ye laka ka sual erawh a reh chuanglo. Ka hmuh turin Maruata a awm ngailo a, chuti chung chuan ka zawng ru reng tho, tlawm zawk nih ka tum lo a, mahse Ani pawh in min hnaih a tum biklo tih hriat takin midang te awm nuamlo rakin min be lo thei a, ka thin a rim a, nuamlo ka ti bawk a, ka thiltih avangin ka inchhir ṭan der tawh, a chhan pawh engdang vang a nilo, Vanlalruata hi ka tan a pawimawh a, a tello a nitin hun hman hi a lo nawm loh zia ka hrechhuak miau si a. College Week a hmawr kan bawk ṭep tawh,ka surprise hunah chuan a lung a awi ve mahna, thlem chu ka duh alawm mahse nidang ang tho in min rawn pan leh zawk ka rin nen a ti duh hauh silova.

College-ah pawh min be lo hrim hrim keipawn biak luih ka tum hran lo, engtin nge ka thlem ang tih pawh ka ngaihtuah ve nasa mahse Ka thlem thiam lo hlollo a ni. A tuk maiah Week a tawp dawn a, mahse tun thlengin min la be lova, biak tumin ka zawng kual a,mahse ka tim leh deuh bawk nen be lo bawkin ka kalpel leh a, Eng nge ka sawi ang? Ngaihdam dil ngawt ila min chhan dan tur ka hre lawk vek, Ka tihpalh tih ringawt hian engkim a chingfel thei lo…Bla….bla….bla…. tih vel kha a sawi leh dawn chiang a, diktak chuan ka ngai tawh a ni, Ni thum ngawt kan inbe tawh silova.

Chess khelhna pindana ka luh chuan Maruata pawh a awm ve a, ngawi rengin ka lut a, inelna pakhat anih vangin ṭawng ngamna chi a nilo, Final a ni bawk nen,
A awmzia pakhatmah ka hre lo mahse Vanlalruata’n a khel miau avangin ka en zawh ngei ngei a ngai. Engtin nge hetiang game harsa lutuk hi an thiam le, kei la ka bo hu mai si a.

Mipa pakhat bulah ka ding a,a beng bulah a awmzia zawtin ka phun sep, Ani pawh chuan ka tih dan ang chiah in ka beng bulah min hrilhfiah in a phun ve sup tho,chutiang hlir chuan kan inbe zawm a,ka nuih a za zawk,kan lo phun ring deuh nge ni,, Maruata chuan min rawn melh hrawk a ka ngawi chiang hle mai. Min hrilhfiah tu ka nei chung pawn a awmzia ka la man em em chuang lo mahse Vanlalruata thiam zawng tak a ni bawk a an khelh zawh meuh chuan ka lo thaw ve huai mai,an inchibai a,Champion a ni ta. A chhuak tur chu ka umzui vat a mahse min kalsan nul nul tho.

“BigBoss.” tia ka koh chuan a ding duh hauh lo, a kal chak bawk si nen tlan ti tih chuan ka ko leh a, “Maruat”a la ding duh chuanglo nia, luhlul ve ngar ngar tak a ni. “Vanlalruat” a ding chawt a, a rawn hawi chu ka koh din avangin ka inchhir nghal rum rum, thinrimna a khat mitmengin min melh nghal run a, A ngawi ngul bawk si, kei la a mitmeng dur lutuk avang sawn ka buai zo leh vek tawh,ka sawi tur pawh ka theihngilh vek, Ngeiawm zetin a kiai suk a,in herin a kal leh nghal nul nul a, ka lungphu phu rang lutuk chu dawm in ka thaw haka. Ka va han nep tak em! Ka ṭhian chu ka ti ve si a, nga ti nge, eng emaw danglam deuh hlekah ka zam ziah a, ka lungphu te hi a rang chiam zel le? Hmm Vawiinah chuan be rih lo phawt mai ang.

Ka inher a corridoor sei zetah chuan ka kal hnak hnak a,Kan inhauh chungchangah hian a tir aṭangin thiam ka inchan char char a, ka thil tih tum ka hrilh leh hrilh loh chu ka thu a ni tiin, mahse a thinrim hian nuam ka ti lo mai nilovin hrehawm ka ti takzet si a. Ngawi renga ka thil tih min thlir ṭhin tu a ni a,mahse tinge tun a taka ka thil tih turah a buai em em, chu thil chu ka duhloh ber a ni tlat bawk si. Kan inṭhianṭhatna hi a chhiat vek pha angem le? Ka ngaihtuahna chu duh lovin lu ka thing deuh nawk nawk a, “Ani chu mipa dang ang a ni ve lo,min kalsan lovang” Ka rilru chuan ka ti nghal zat, mahse chutiang ka ngaihtuah zawng ringawt pawh in ka mittui a tling nghal pam a, min kalsan turin ka duh lova ka duh ngai hek lovang,a chhanchu kei hian a tellova nun ka thiam in ka ring tawh lo,tun ni3 lek karah pawh hrehawm ka ti em em si a.

“Feli, inbe tawh ang” ka hma a a rawn ding chu chang lovin ka en a, mahse ka mittui parawl ṭeuh avang chuan hmuh pawh ka hmu fiah lo, ka mit chu hru nghal vatin, ka en leh a, ka lo inngaihtuah nasa deuh a ni mahna ka hmu lo reng reng. Lalramliana hi ka biak chu a ngai alawm. Mahse min be tura alo kal hun erawh a fuh tehchiam lo a ni e.

“Corridoor aṭang chuan Building kawt zau zet lam chu ka hawi vut a,”Sawi rawh..” ka ti nghal zat, Lalramliana biak hi chak lo zawk zawk ka nilo mahse tun dinhmunah chuan ka hmuh peihloh ber te zinga mi a ni rih tlat, a chhan pawh Ani vang hian Maruata nen kan inbiak loh phah a ni si a.

“Tunah chuan ka lam hawi pawn min be duh tawh lo a ni maw?” A ti chuai raih a, he mipa Cool leh nui mawi zet hi ka ṭhianṭha ber leh ka hmangaih ber tiin ka sawi ve ṭhin. A mize cool tak leh a nui hmel ṭha zet ṭhin kha ala danglam lova, a ṭawngkam hman duhdan leh chezia engmah hi ala danglam hek lo mahse a dawngtu leh a sawitu thinlung erawh khawvel hrang daih a awm ang mai in kan danglam tawh thung si anih hi.

“En kher i ngai a mi? Ka hre thei che a midang biak tur an awm loh avangin engpawh sawi ila nang ka bia che tih i hre bawk?” Ka ti deuh hmak a,a rum ngut thung. Ka hawina lam chu a hawi ve tih hriat takin ka darah a rawn dek hlek a,sawi tur kan hre lo nge kan ngawi dun vang vang a,Sawitur a neih chuan sawi rawh se, mahse ṭawng hmasa nih erawh ka tum hauh lo.

“Zebra, Ni lo, Fel hmanni thil thleng kha pawi ka ti takzet a ni” a tih chuan ka thinrim thar a, ka kut ka hum nghal ran a, ṭawngkam chhe tak nena ka ankhum loh nan ka insehruh nghal ṭung a, khami a Ani leh Sarah-i te ka huatzia kha, Maruata mi zaidam lutuk Anni avangin a insual pha a, chuan rilru chhe tak ka put phah bawk a. Tuna Maruata nena kan inhmuh thiamlohna pawh hi kha thil thleng vang vek kha a ni. Mahse engtin mah ka chhang lo, ka chhang anih chuan ka duhloh thlenga ka sawi ka hlau a ni.

“I ngaihdamna beisei ngam tur pawh ka nilo, mahse khawngaihin Ka tihsual siam ṭhatna hun min pe leh rawh.” A tih leh chuan mak ti zetin ka melh a, Eng thil nge a sawi hi. Ka hriatsual anih zawk hial ka ring mahse ka hre sual lo,a sawi ngai a sawi nawn leh ruala a hmela hmana ka hmuh ṭhin min duhna, hrehawm tihna leh mahni inthiamlohna a lang zut zut a, hetiang hi ka beisei lo mahse Ani hian min tih nat avang erawh chuan inchhir se ka duh mai a ni. Ka thil duh erawh ka tum aiin a thleng hma,a tak tak a thlen meuh chuan awmdan tur ka hre lo hle bawk.

“I siam ṭha thei reng alawm.” Engvanga he thu sawi hi nge ka nih ka hre lo, ka rilrua rawn lang hmasa ber ka sawi tawp chumi anih avang erawh chuan ka ngaidam fel hmak tihna a nilo mahse Chance vawikhat pek leh hi eng nge a sualna. A hmel a danglam nghal vek a, a ha var rual zet langin a nui suk a, a nui hmel ṭha tak ka hmuh leh meuh chuan mak takin ka chhungril hi a hlim veng veng nia mawle.

“Ka lawm e,,ka tiam a che engkimka siamṭha ang nang leh kei, kan nun kan khawvel zawng zawng kha angai angin,a nih dan tur ang thlap in ka dah kir leh vek ang.” Atih leh chuan ka nui ve sak a, Ni e a sawi ang hian a ti ngei tur a ni. “Ka ngaidam che ka ti kher lo ania.” ka tih chuan, a kut pahnihin a kekawr ipte a zen lut a,nui suk in,,,”Ok…. mahse min ngaihdam theih nan hun rei ka hmang hauh lovang,” tiin a mit a siai zeuh a, nui vur vurin chungin min kalsan ta nghal a.

Week tawp ni a ni a,Vawiin hi ka surprise neih ni tur a ni tawh bawk. Lam ka tum chhan kha Sarah-i ngei tur leh Lalramliana mak ti tura lam tum mai kha ka nia mahse Engtik aṭang nge tih leh engvang nge tih ka hriat hauh lovin Maruata Surprise ka chak ber a ni tlat tawh. Ka incheina danglam tak te hi nalh ti se,ka lam dan te pawh thiam min ti se,min fak se tih chu tun dinhmunah chuan ka chak ber a ni tlat.

Hall lamah vek hun kan hman tawh dawn avangin hall ka pan ve a,mahse khawiah nge hepa hi a awm? Mipa ve si a ti tau rei tawh mah mah chu a ni. Vawiina alung a awi tawh loh chuan tharum ka hmang duh tawh hial ang.

Zirtirtu te tlar hmaah an ṭhu a,line thumnaah House hruaitute mahni house awmna tur zawn ang zelin kan intlar thung a, Kan ṭhutna aṭangin stage a lang chiang takzet bawk a, heti hi chuan chiang takin lam leh items dang pawh a lang fiah dawn anih hi.

Maruata nen ṭhu tlang tur kan ni a mahse khawiah nge a awm le? Ṭan hun dawnah pawh ala rawn lang hauh lo lehnghal a, Kan secretary ka veilamah a ṭhu a min be zeuh zeuh a, mahse Vanlalruata awm loh vang hian ṭawng pawh ka peih lo.

Programme kan ṭan a,Country Hla in sak siak in bul an ṭan a, Green house aṭanga zai in, ka hla duh em em “Your my best friend” tih a rawn sak chuan khaw dang ka hawi thei lo,hriat kim loh hlau takin ka ngaithla a,ka hawisawn lo hrim hrim, min kalpel tu pawh ka hre lo,a zai zo a,ui deuh si in kut ka beng ve nghal vat bawk. Khamawmloh hle mai

“I au rin theih nen,ring deuh in beng ta che…..”ti tu chu lawm avanga nui sang in ka en a,ka mitmeng hi a tle siau siau in nia ka rin,”Big Boss.”ka ti nghal hluai a ka khi vur vur bawk. A thinrim tawh lo aniang min be tawh bawk sia. A van nuam tak! “Khi vur vur suh mi â maw an ti ang che.” atih chuan ka ner nak a, a sualthiam ti mah ila ka tum phallo, ka hlim em alawm, ka bulah alo kal mai nilo in ka bulah a ṭhu a chuan min be leh tawh bawk. Hetiang tak hian ka ngai hman ang tih ka ring ngailo. Ka nuih reng vang nge a nui ve suk a,stage lam kawk in a hawi nghal daih. Keipawh ṭawng tawh lovin,nui vur vur chungin stage a an perform ho chu ka en ve a, mahse ka bula thu chiah hian min ti hlim anih hi.

Ka phone a vibrate zeuh chuan ka en a Maria-i message a ni,”A hun tawh….” tih te mai hi. Programme a alandan chuan Red House in hma an hruai a nga keini a last-ah kan lam thung ang.

CONTI….

(VERONICA’S POV)

Chhuah tuma ka ding kang chu rang zetin min pawt ṭhu lehnghal a, “Eng nge i tih dawn??” tiin min melh run a, chhuanlam siam dan tur ka ngaihtuah nghal zat. “Ih, ka zun a chhuak a.” ka tih chuan a mit a ti zim sun a,ka ngaih a ṭha lo leh hman tawh, dawt ka sawi a ni tih a hre lehpek tawh a mi le? “Tak tak, ka zung dawn a.” ka ti leh sap a. Ka ban a chelhna chu thlah in, “Rei suh,” a tih sup takah chuan hmanhmawh zetin ka chhuak nghal a.

Kan House dressing room-ah chuan ka lut a,an lo insiam mawlh mawlh tawh muanchanna hun a nih tawh loh avangin ka insiam ve nghal mawlh mawlh a, midang chuan min rawn pui ve vat bawk. Maria-i chuan make up min lo hnawih nghal mawlh mawlh bawk a, “Ih Maria ka inthlahrung viau na in thu tlem te kan lam hma in ka sawi thei angem second 5 vel lek” ka tih chuan min melh zawkin a nui a, ‘Ok’ atih rualin, ” Phone kan hmang lawk” tiin midang chu min chei zawm tir nghal a.

Ka thawmhnaw dum dak hlarh leh tle sep sep danglam taka ṭhui, nû hnap si a ṭhui chu inhmeh ka inti takzet a, Darthlalanga ka thla lang chu thlek vang vangin ka in nuih sak a, Midang pawn min hmu sela nalh min ti ve tho in ka ring, ka landan danglam zet hi Maruata hian engtin nge angaih ve ang le? Nalh ka intih ang hian nalh min tiin mawi min ti ve angem? Nge ni a hetiang thawmhnaw nû lutuk ka hak avang hian mawilo min tiin min nuih leh vak zawk ang. Hmm Mawi lo min tih vaih chuan Mit entir turin damdawi inah ka hruai nghal duh hial ang.

Maria-i rawn lut chuan kal a hun a rawn ti nghal a ka thaw hak a, he College ka rah chin ata hetiang thawmhnaw hi ka ha ngai lova, hmeichhe nû tak angin ka lang ngai heklo, mite hian nalh min tih loh vek pawh in mak tiin min thlir dawn tih chiang takin ka hria, mahse engpawh thleng dawn se ka tih tur erawh ṭha takin ka hlen tur a ni. “Zam lo la,ṭha takin lam la,Mi zawng zawng hi Surprise ṭha ber pe ang che” tia Maria-i min fuihna chuan huaisenna min pe thar a, ka nui nghal sang bawk a.

Blue House in lawm kan hlawh falin kan che Hit fal a, Volleyball ah la midangte tih ang ni lovin kan over a, Kan House au dan la thil thar hlak niin lawm a hlawh em em a. Tunah keima vang liau liau in college pum hi an phu suau dawn tih ka chiang, Mak tia min thlirtu leh min lawm fal leh nalh min ti ve tu te pawh an ni ang chu. Lut hnuhnung tur ka nih avangin stage hnunglamah ka ding a, microphone min rawn pek ruala controller lamin signal min pek zeuh rual chuan, “THIS IS FOR YOU,BIG BOSS” tiin an lam ṭan nghal a, thawm pawh a ṭha khawp mai, ka hun a thleng a ka luh ruala light eng takin min focus rual chuan thawm chu nasa ve tak a ni. Surprise dik tak niin ka hria, Maruata lam ka hawi a, Ani pawh in ding meuh in min lo en ve a, zam aiin nuam ka ti zawk. Kan ti ṭha thawkhat viau chuan ka hria, kan lam zo stage hnung lam kan kal chu kan inkuah a kan ri chel chul hlawm a, chutih laia Sarah-i leh a lampui te kan lam pan a lokal chu kan lo en deuh ṭhap a.

“Kan tomboy pawh alo lam thei ve reng a.” Sarah-i chuan tiin ngeiawm zetin a nui har har a, a ṭhiante la chu an lo nui lui chiam a, henu hi chu a harh chhuak thei dawn lo anih hi. Maria-in chhan a tum chuan ka kut in ka khap vat a,min cho tu ania keiman ka chingfel mai ang.

“Oh, Sarah,,i aia ka lam thiam chu ila na deuh elaw.” Amah ang taka no a ka ṭawng chuan ka ṭhiante chu an lo nui hak hak a, Sarah-i erawh a mitmeng a sen nghal vek thei nia, rilru tê lutuk leh chapo lutuk hi chu an heti tlat zel. Min rawn pan hnai hrat a, “Engtik lai mah hian min el pha lo tih inhria ang che. Nangni ang mi hnuaihnung lutuk el phak ka nilo.” Thinrim sehchilh nawk nawk hian a ti a, kei la in tham lo zetin ka nuih sak a, mahse ka mihring hmuh avang chuan ka awmdan ti danglam vatin, “Sarah tiang te chu inelna thianghlim vek alawm,nangmah tih el nana lam ka ni miah lo ania, ka ti tak tak” tiin ka chhang a. Ka chhanna vang leh ka awki nem diai vang chuan mak ti hmel zetin an ṭhian ho chuan min en ṭhap a.
“Hmeli i hlau leh si a ni maw?” tiin min ben tum ni awm takin a kut a lek kang a. “Sarah” awki vin zeta ti tu lam chu hlauh hmel zetin a en a, Lalramliana thinrim mitmeng a hmuh meuh chuan a buai phili zo vek chu anih hi. A hma khan lem a chang a,a ṭap der vel anih kha engvangin nge ka theih loh bik ang, Ani ai chuan ka thiam daih zawk ang. RLa rawn kal ka hmuh vanga ka sawi tum pawh sawi lova khatianga chhang kha ka ni bawk.

RLa’n min melh zawk a,Sarah-i chu rum zeta melhin a kal nghal daih a, Sarah-i thinrim hmel leh hlau thawng hmel inpawlh nuai a RL-a a umzui nghal chu tifuh inti zetin ka nui sak, ka ṭhiante la hian an lawm fal lehpek a an nuih pui tak chiam kha.

Ka duh ber ala rawn lang ve lo. Vanlalruata hi eng nga ti nge min hmu tur tal pawn a rawn lang loh? Volleyball a ni emaw,thil dang ka tel ve na hrim hrimah chuan i ṭha ber,i thiam ber tiin min fak ziah kha ania,nuam ka ti hle ṭhin bawk mahse tunah mi zawng zawngin min chibai laiin a rawn lang ve hauh lo.

Tum barin hall lam ka pan a,kawngkhar aṭangin kan ṭhutna ka en chuan Ani pawh a awm lo,khawiah teh hrep nge a awm ni? Ka luh peih loh avangin kan kal fo na hmun ka pan leh tawp, ka inthlak bawk silo.
Pheikhawk sang nen chuan a nuam lem lo khawp mai. Ka ke na bawk si, lungawi lo bawk si nen phun nang nang chungin thingkung bulah chuan ka ṭhu thla hnawk a, “Nang misual em em pa, i tan ka lam ve em em a,thiam min tih thu pawh i sawi duh lovin ila bo daih zui a, Vanlalruat mi sual tak i ni…..Van Lal Ruat pawh i ni lovang, Setana ruat i nih kha.” ka bulah a awm miau lova ka thiam ang tawka na in a thla ka hau mawlh mawlh a, ka lung a awilo em a ni.
“Hetiang tur tih hriat a lo lam loh malek tur, Misual, sual tak i ni, Ti tau rei thei ropui si.” ka ti leh hlak hlak a, Ka ke na bawk si, ka thinrim ṭun tawh.

“Ka ti tau kher lo.” ka hnunglam aṭanga rawn ti tu chu ka hrechiang lutuk, hawi duh miah lovin,
“I ti tau chiang alawm.” ti hmakin ka kut ka kuangkuah than a. Darthlalangah inhmu ila ka tûm lian viau in nia ka rin. “A thil tih a ka inrawlh duh lo tu bula awm reng kha ka tan a ṭangkai lo.” a tih hluk chuan ka melh chho nghal vat a. “Kha te chu.” sawi zawm tur ka hre leh silo chu ka riat nawi kual ta vel mai mai a. Thawhakin ka bulah a rawn ṭhu thla a,
“Khatiang khan i sawi tawh lovang tih min tiam rawh.” a ti nghal sup. Ni e, a sawi dik keipawh hi khatiang khan min ti ve ta se ka la na ngawt ang.

“Ka tihpalh.” ka tih chuan, “Tihpalh ti lovin min tiam rawh.” A ti hmuk a, a sawi kual leh duah ka ring ania mahse tun ṭum chu a mood-ah a cheng lo pawh a ni mahna. “Ka tiam a che, ka ti tawh ngai lovang.” ka tih chuan a nui nghal suk a. “Chuan Setana Ruat ka ni lo bawk.” tiin min melh run a, Ehe! hepa hian ka ṭawng kha alo hre vek a ni maw?
“Ah kha chu ka.” ka ṭawng bah nawk nawk a. “Chuan ka sual em em kher lo..” a tih leh chuan sawi tur ka hre tawh lo, Ka ding thut a, “Eng nga ti nge mi ṭawng i ngaihthlak ruk a?” ka ti hluai a, thinrim ka tum viau a, ka thinrim hleithei derlo lehnghal, “Lo kal teh,Hmelṭhate.” hahdam hmel zeta tiin ka kutah a chelh a, tunah khan Hmelṭha min tih thu a sawi, ka bengchhe ri emaw tiin ngawirengin ka melh ka melh kar a, min melh chho ve reng thung. “Hmelṭhate lo kal teh” a tih nawn leh chuan ka bengchhe ri a nilo tih hria in, ka lai lehnghal vek tawh. Ka kut hnihah chelh in a kap karah min din tir a, a mit a la sawn hauh loh chuan ka biang a ti sa hat hat a, ka hnunglamah ka thlan a luang nghal zai zai bawk.

“I nalh takzet, chuan i lam thiam hle bawk.” a tih chuan ka nui var var a, mahse chumi sawi tur ringawt chuan maw hetianga min tih laih leh kher Misual chu a ni ve tak tak anih hi. Ka sawi ngai lovin ka lai hma tih te chu a hre ve reng sia. Melh reng ka duh lo, ka bestfriend lakah pawh ka nervous nghal zel si a.

“Chute mai chu maw.” kalsawn tum in ka che sawn hlek a, mahse min pawt let rang lutuk, ka pheikhawk sang nen ka in ring bawk silo chu ka bawh nghal rawk a, a darah ka kutin ka chelh a,Ani in ka kawngah a vuan thung, ka kut lehlam erawh ala hum reng chuan a mitah tak ka melh bawk, kan hnar a insi lo chauh a ni. Hetiang em em hian kan la inhnaih ngai lo, tu lungphu nge tih pawh hriat lovin kan lungphu chu a phu tawn dup dup a, second reilo te chhung chu hun hi a ding ta mai niin ka hria, Ka chil ka lem kawlh a, ka dang a ro nghal vek. Lalpa leh, hetianga hnai hian hmanah khan lo en tawh ila a hmelthatna hi ka hre daih tawh tur.

“Surprise ṭha ber a ni, chuan ka.” a sawi zo hman lo kan piaha ri bengchheng zet avang chuan ka harh chhuak zawk ka ding vut a,ka thaw nghal hawk hawk,
“A lum lutuk” tiin ka kutin ka inzap hlap hlap a,ka inher vut ruala ka thil hmuh chuan tun lawka kan boruak lum tak kha a rawn thlak danglam nghal vek.
Lalramliana leh Sarah-i te maw!? An inhau anih ka ring, an ṭawng ka hre thei lo,mahse an chezia erawh chiang takin ka hmu thei. Lalramliana kal tum chu a ding leh dat a, Sarah-i chu a hmaah dingin an in kiss anih chu. Ka duh ngai hauh loh tunah hian ka hmu. Kan inṭhen tir leh vawiin ni thlenga hmuh ka hlauh em em ka hmu a, ka na lo ka tih chuan dawt ka sawi a ni ang. Chetsawn nachhang ka hre lo,ka chhungril hi a na nghal ut ut a, kaKa thil hmuh chu a hmu ve anih ka ring min kuai hera awmah min kuah bet nghal hmak. Ka hnungah a chul heuh heuh a, ṭap ila a zia deuh ang mawle, mahse ka mittui a hul vek bawk si.

Kan Nun leh kan khawvel siamṭhat a bul ṭan ṭhat leh min tiam a, mahse hetiang hian ka na leh tho si. Ka hnena lo let turin ka ti lo, mahse hmeichhe dang nena hmuh dun erawh ka duh lo,ka duhlo takzet. Ka na tawh miah lovang tia tiamtu hi ka na a ni. Rilru mumal lo zet pu a ka awm nachhan hi ka hrelo mahse tunah hi chuan Lalramliana vangin ka na mek a ni si a.

Maruata chuan ka kutah kaiin min kalsawn pui a, min tih ang ang in ka awm tawp,ka ṭawng lova ka ṭap hek lo. Ka harh chhuah meuh chuan ban a lo hun daih tawh. “Haw ve tawh ila.” Ka bulah a awm reng tih hriat taka a tih chuan, ka hawi kual a, hall chhungah kan pahnih chauh in kan lo ṭhu tawh, mahse pawn lam erawh thawm ala tam angreng viau.”Um” tih chiah in ka chhang, min kai chhung bawkin kan chhuak leh a, ka lampui pakhatin ka bag min lo pek chuan Maruata’n a la vat a, min en thuak in ka dam lo maw tiin min be luam bawk a, mahse ṭawngkam pangngai a ka chhan tak pawh ka hrelo.

Bike a siam rem lai chuan a sirah ka lo ding a, bike pakhatin min tlanpel fua chu ka hmu hman, Lalramliana te leh bawk maw! Maruata ka bula alo ding chuan ka khalh duh thu ka sawi nghal a, min en zawk a, a phal chiah lo tih ka hria, mahse min hnial lovin passenger seat-ah a tawlh hnung hrut a,
“Lalramlian kha kha maw i thil siam ṭhat dan chu” ti rilru chungin ka tlanchhuak ve nghal a.

(Maruata Pov)

Veronica-i ṭawngkam avangin ka thinrim hlur a,ngai in biak duh viau mah ila ka be duh lo lui tlat. Min mamawh lova chuan a thiltih a inrawlh lo turin min ti bawk. A hma zawngin a thil tih engmah ka zawt in ka inrawlh ngailo,mahse tun ṭum erawh ka tel ve na tur a ni. RLa te nen anih phawt chuan a tir aṭangin ka inrawlh daih tawh chuvanga eng nge a tih tum tih tal hriat duh. Mahse ka tel a remti lova, ka inrawlh a duh bawk lova, kiansan duh lo viau mah ila, ka kiansan mai aniang chu.

Veronica-i ṭawngkam kha zet ka ngaihtuah a ka thinrim tulh tulh bawk. Zanriah ei hun thlenga ka pindana ka awm avangin ka nu a rawn kal a, Ka thinrim hmel chu a hai lo chiang kher mai. “Mama nga ti nge i va hlim lo ve a?” A tih chuan, ka chhang lo mahse ka nu hi hrilh ila a zia deuh lawng maw? Harsatna neih chiah hian pianpui unau ka neilo hi hrehawm ka ti vawng vawng ṭhin. Ka chhan loh vang chuan ka damlo maw tiin ka chal a rawn dek vang vang a, ka nui lui nghal suk.

“Nu, ih ” ka tim ve deuh, ka nu leh pa bulah hian harsatna ka sawi khat ve em bawk a ni. Harsatna lian tham sawi tur ka la tawng lo bawk nen. Ho te te ka tawn ve chhang pawn Veronica-i nen kan sawi dun mai ṭhin mahse tunah erawh Ama vangin rilru tawt ṭunin ka awm si a. “Nu V-i nen kan inhau a.” Ka sawi zo chu engtin nge min chhan ang tiin ka en nghal ran a, mahse min chhang ta mai lo chuan a nui hak hak a, ka khum tlangah ṭhu in min en leh vang vang phawt a. “Mama, in inhau khat ngawt zawk alawm.” tiin a nui zui var var a, min chhanna chu leh, engvang ngawtin nge kan inhauh rik ngawt ang?

“In mize in anglo zet te hi i ngaihtuah ve ngai em? A ti sual fo a, siam ṭha turin nang i awm thung, mahse vawiin ni thlengin thinlung taka nuih tir theitu che a ni hi a ni rauh si a,” atih chuan hrethiam lo zetin ka melh reng ringawt a, ka nu hian eng ber nge sawi a tum le.

“A tisual leh ta anih pawh in, ti nge a tan i awm leh mai lohvang, i tih ziah dan in.” atih chuan ka thaw hak a. A sawi awmzia chu ka thin a ti rim emaw ka rilru a ti na anih pawh in kei hian ka ngaidam leh mai ang maw? No, chu chu a theih loh mi thianghlim ṭha famkim ka ni bik lo tlat. “Nu a chhan te min sawi tir ve phawt la,,” ka tih hluk chuan, nui sang hian, “Anih engvanga inhau nge in nih?” zaidam zet hian a ti a.

“A thil tih a inrawlh ve lo turin min ti a..” Ka thusawi avang chuan ka nu chu a nui leh hak hak a, a eng chuan nge a nuih ti za pawh ka hre lo. “I ṭhiannu khan maw chutianga a ti che anih chuan i nat phah a hlau a ni mai thei asin.” Ka nu min chhanna hian min tibuai a ni. Veronica-in ka nat a hlauh vangin khatiang khan min ti ang maw. Kei zawk hian asin a nat phah ka hlauh avanga dan tum tu chu.
“Ani chuan min ngaihtuah ve lo, chuan a nat ka duh lo mahse a ti lui tho si.” ka tih chuan, chiang zetin min en a, ka nu tal hi chuan ka thinrim chhan hi hrethiam se ka duh, mahse Veronica-i a ṭan tlat si a.
“Chuvang chuan venghim ta che,,,i duh danin engkim i kaltir theilo tih hria la,i duh loh dana a kal chhang pawh in a tan awm reng rawh. Kan hmangaihte hi chu an nat kan hlau ṭhin ania.” atih chuan, ka au chhuak lo chauh. Maw!!? Hmangaih maw? Mahse induhna ringawt hi hmangaihna a nilo,ka nu hian a hre sual a ni.

   "Nu i hre sual anih ka ring Ani te chu ka ṭhian alawm." ka tih chuan, ka khum aṭanga tho chhuak in, 

“Ka hriat sual leh sual loh chu nangmah khan i fiah dawn nia.” Nui var var in min chhuahsan nghal a.

Ka nu pawh chu aw, rilru a tibuai zual vek alawm. Buaina ka neih khat avang hian RLa nen a kan in sualna hnuhma an hmuh khan an buai phili viau kha ania mahse dawt var ka sawi thei hram a, min ngaihtuah zia ka hria,chuvang chuan an bulah harsatna ka sawi ngailo, tunah erawh midang sawipui tur ka neilo em bawk a ni, mahse eng nga ti nge kei min ngaihtuah a min vui pui lam aiin Veronica-i a ṭan daih. Venghim tlat tur te’n min la ti zui. Ka venhim a ngai lo,chuan inrawlh ve tur pawh in min duh lo.

Ka ngaihtuah em avanga ka lo hmangaih ta anih pawh in ṭhian in hmangaihna chauh a ni ang. Ni e,a hmel a ṭha a, a fel bawk a, mizia in anglo tak ni mah ila kawm a nuam bawk, nitin a nula leh tlangval awm tlang reng na na na chu ka duh ve a ni mai mahse chu erawh hmangaihna a ni theilo hrim hrim.

A hahthlak chin kan zawh tawh avangin inla free zetin canteen lam ka pan a, RLa nen kan in tawk, Ani hi chu ka biak angai. Mipa kan ni a ṭhian kan ni bawk, ngaihdam in dil lo mah ila kan inhaw lem lo tih ka chiang ve tlat. Naupan lai pawn kan insual pui fo te nen hian puitling hnuah kan inkawm ngeih zawk tih chhungten an sawi fo kha mawle.

RLa te lo ṭhutna lamah chuan ka phei a min en reng tih ka hria, ṭhutna awlah chuan ka ṭhu hmak a. Ka sawi tawh em aw, keiin science ka lak laiin RLa hi chuan Arts a la thung chuan Veronica-i pawh Arts-ah a in let bawk.

Engmah thudang an sawi bik lo, ei tur kan order a, sport chungchang vel sawiin kan ṭawng luam a, kan chhuah dawnah erawh biak ka duh thu ka sawi thung.

“V-i i be tawh em??” Pehhel deh duah ka thiam ve lo,
“Aih, min be duh lova.” ka zawhna rul tawk chiah in min chhang. “Biak tum vat ang che,thil pawi zawk a thlen hma in.” Thil dang tih tur ka neih chhuan lamin ka kalsan ta nghal a.

Chess khelh na a, a rawn kal avanga ka awmdan danglam vek leh ka rilru tawt zet zang hawk kha ka sawi hram ang. Champion pawh ka inrin loh tehreng nen Amah vang liau liau a ni, Ka Veronica Misual Boss vang liau liau in a vawikhat nan Chess ah ka champion a, ka lawm zia hi a hre ve awm der silova.

Ka la thinrim nge rimlo pawh ka hre tawh lo, ka nu khan ka hmangaih angin a sawi anih kha, ka ngaihtuahna vang chuan min kohna pawh ka hre miah lo, ka hmingpum in min ko leh ta, ka hawi vut a,ka en nghal ngur, saw a pian nalh zet leh hmelṭha zet te, a mitmeng sexy em em leh a hmui chah lam lek lek sen vam hiam te, sawi hmaih phalloh a mawngbawr ching lam mah vawm ṭha zet te saw midang hiptu an nih ang bawk in kei min hip tu a ni mahse chu chu hmangaihna ala ni chhuang lo.

Min ko ding ve bawk a sawi tur a nei leh tawp silo, ngaihdam in dil hi a ṭangkai lo,chuan ṭhian inkarah phei chuan a ṭullo leh zual. Siamṭhat theih tawh lova ngaihdam in dil ai chuan hun lo la awm tura tihsual nawn loh kha a ṭha ber. Chuvang chuan ngaihdam min dil lo sela ti tawh lo zawk se a ṭha a ni mai.

Ṭawngtam viau si a hun taka a dang a awk tlat zel hi chu current shock tir ila a zia deuh lawng maw te ka ti mai mai, ka ngaihtuahna vang chuan ka nui vur vur a, henu vang hian thil awmang lo lutuk te hi ka ngaihtuah ve fo ta chu ania. Ka nuna thilmak thleng tia ziah hial tlak a ni.

RL-a nena an inbia ka hmuh khan ka tawt nghal up up a, ka thin a rim nge ka rilru a na tih ka hre lo, min thlem a tum miah lo leh min umzui duh hauh loh avanga enthla tura let mai kha ka ni a, mahse ka thil hmuh avanga keimah danglamna awm hi ka hrethiam lo a ni. Engvangin nge hetiang hian ka awm? Mipa dang pawh a be fo a, ka thik ngai bawk silo, RLa anih vang mai a hetianga awm tur hi ka nilo, mahse ka awm miau si a. Be tura hrilh tu kha keimah hi ka ni?? Veronica-i hi ka chan phah thei tih ka ngaihtuah ngai hauh lo thung.

Mi rilru tluang em em Veronica-i a ni miau a, Sawtiang taka RLa’n ngaihdam a dil anih chuan a thinrimna leh a natna te a theihngilh leh nghal vek mai ang. Luhlul ṭhin viau mahse a thinlung ṭha tak neitu anih miau avangin, Amah hr chiang tu tan erawh hneh awlsam tak a ni miau a. Inngaihdam hi a ṭha lo ka ti lo, mahse khati khawpa na leh hrehawma siamtu, a hmuh leh hnu pawh a rilru na tak bawk a siamtu kha ni 3 hnu lekah a nuna lut thei turin chance a pe leh ang maw? Mi Mawl Nu.

‘Ka ngaidam thei rih lo che’ tiin sawi sawmsarih mahse a thinlung chuan a ngaidam fel leh vek tawh tih ka hria, a awmdan sawn chu chu a ti chiang bawk. mahse hei erawh a hrr ve em em lo a mi le? A duh leh ngaihdan anga thil a kal lo anih chuan Na tur chu Amah leh bawk a ni tih hi.

Zan lamah ka mu ṭha bawk silo nen, Last day pawh ka phur viau lo. Khang thil zawng zawng ka hmuh hnu khan V-i pawh ka be ta miah lo kha ania, a tir kha chuan biak a, hauh deuh zek kha ka duh kha a mahse inrawlh lo tura min ti tu a ni miau a, ka en leh tawp phawt aniang chu, ka ngaihtuahna erawh a ti buai hrep zawng anih hi.

College ka thleng a,Sir in min tirh avangin college pawnah ka chhuak leh a programme ṭan pawh ka nang hmanlo, Ka let leh chuan Country song hmanga in zai siak an nei mek, ka bul chiaha seat chu ka melh zeuh a,a ṭhu fel at reuh a,ka lut ve nghal….henu hian min hmu miah lo nge min hmu lo der leh tawh zawk? Zai a zo a, zawi fahranin kut ala beng zui a, ka biak chuan a phu zawk, a mitmeng de sawr sawr hi a hlim vang a ni, keima vangin a mood a thlak leh ta.
Hetianga a hlim hmel hmuh aia nuam tih ka neih pawh ka hre love, ka fiam zeuh a, stage lamah rilru pe rawh ti mah ila stage lam ai chuan ka bula awm hian ka rilrpu a luah khat zawk daih.

Zung tura a kal rei ka ti ber ṭum a ni hial ang. Pawnah tu tu emaw bia in a awm leh a ni ang, lam hi chu a hmuh peih zawng a nilo hrim hrim bawk a. Mipa tan chuan tun hun hi a nuam, hmeichhe nalh deuh deuh in kawr chhing deuh deuh ha a an han lam kual vel te chu tu mipa in nge en peih lo chuang ang?

Kan House an lam dawn chuan Kan hnunglam aṭangin thawm a chhuak ṭha leh khawp mai, Red House nen kan point a in thlau hran lova vawiin point hi a pawimawh viau lehnghal. Kan House ho chu an dangdai leh asin aw stage light chiah an On leh bik a.
Veronica-i âw Microphone aṭanga rawn ri ka hriat rual chuan ka nui ri hawk a, Surprise ka nei a tih tak kha, ka bula mite la chuan min la rawn fiam ang zuk zuk a. A hma zawng aiin ka en uluk zawk a, ka tan a ti miau alawm.

Light in a focus na lam ka en rual chuan ka ding chhuak nghal vut a, thil dang zawng zawng aiin ka mak tihna hi a nasa zawk Veronica-i a lam ve anih chu, Lam satliah pawh a nilo ala zei em em zui. Ka kawchhung lam zawng zawng hi a che vek in ka hria, Ka lam hawia a nui seih te chu a Duhawm takzet. He thil aia Surprise hi a awm leh tawh pawh in ka hrelo. Veronica-i The Great anih hi, henu hian thiamloh pakhat tal hi a nei ve angem le? ka ti hial tawh.

A rawn lang ve aṭang khan boruak a dang vek a, tupawh mai chuan an lawm vek tih ka hria, hetianga ka tana ti tu hi engvangin a tan Surprise ka siam ve mai lohvang, ka duh thu hi ka sawi ngei tur a ni mahse Buaina dang leh bawk maw? Sarah-i laka a chetdan chu ka nuih a ti za hle mai, henu te hian hmeichhe ho chin dan ṭha lo zet hi alo zir thiam leh der tawh anih hi. Helai hmunah hi chuan nilo hmun dangah ka biak angai. Romantic a ngaihsan ve viau kha maw.

A rukin ka zui zel a,ka rin loh deuh in kan pahnih a kan hahchawlhna hmun a thleng hlol mai,a pheikhawk sang nen peih pawh a peih zawk, a phun bal bal chu en in a hriat miah loh pawh in min ti nui tho anih hi.

A hawi phawk hra hi a lawmawm, a inthiamlo hmel te hlei hlei hi ṭha ka ti vel vek, nga ti nge Ani hi ka hmuh ṭhat tak em em le, bul pawh ṭan hma hauh a hetiang em em inhmuh ṭhat nghal te chu a dik pawh ka ti chiah lo mahse engtin pawn awm se ka hmu ṭha vek chu a ni sia. Thinrim takin min siam a,kalsan vang vang ka duh ka ti chungin ka thei lo chu anih ber hi. Tunah la ka duh thu sawi ka tum fel der a.

Chuthil bengchheng zet chu ka haw hle mai ka sawi hman lo,”V” ka kohna a hrelo reng reng ka dinga a hawina lam ka en ve nghal ngawi rengin a ding a akut a hum ngawt ngawt bawk.

RLa laka hetiang rilru la pu reng siin ka duh thu lo sawi ka tum ve ngawt chu ka ti diklo tih ka chiang, min duh ve ni a ka hriat kha dawt a ni, Ani hian ṭhian ang chiah in min en bawk. Min ngaih ang chiah hian ka awm tur a ni, tiin ka rilru in ka inhrilh nghal mawlh mawlh a, hawisawn tirin ka kuah a mahse ka bula a awm reng chung hian ka na chu a ni si a, min hnawlna thu a sawilo mahse a awmdan hian min ti na si a ni. Ka lo sawi hman lo erawh ka inchhir lo, ka rilru put hmang te hi hrelo zawk law law se, kan ṭha a ni mai.

Hall lam pana ka hruai let leh pawh in ka tih ang angin a awm tawp a, ban hnu pawh in a rilru ala kawm tih hriat takin a ṭhu ngawi reng a,haw a hun thu ka hrilh chuan harh chhuak zawk tih hriat tak hian min melh kiau a, a awmdan zawng zawng hian min ti na a ni.

Eng nga ti nge a at em em mai le? Ngaidam in hlim tak khan thlah lo sela hetiang em em hian a na kher dawn em ni? Tinge a thinlungah hian ka tan tlem te tala hmun a siam ve mai loh, a hliam zawng zawng te ka ti dam theilo anih pawh in, ka tih nat belh ve dawn silova.

Bike khalh leh bawk maw! A rilru ana tih hre reng chunga khalh tir chu hreh hle mah ila tun dinhmunah chuan hnial lo ila a fuh zawk. Keipawh ka na ve tho alawm, a duh dan hian awm tir phawt mai ang.

A chuang fel chiah emaw ka tih laiin, a dawk chhuak nghal zawk a, duh aiin a khalh chak mah mah chu a ni. Kan hma lawka RLa leh Sarah-i te inphur pawh ka hmu pha nghal thuai. Traffic clear lai a ni bawk a, a zia zawk hlauh e.

RLa hnung maiah kan awm tawh,tlan pel duh silovin accelerator a pump nghek nghek a, RLa te pawh an lo hawi ve chiah bawk. RLa bik hian eng nga ti nge Veronica-i thil tih apiang hi mak ti a athlir ziah mai le?
Ngeiawm zetin a nui ri hak a,a tlanpel fua a, kha thil kha eng nge awmzia?

An in gate bul kan thlen chuan ka ngheng a, a che sawn bik lo. a kawnga ka kut ka rawlh luh rual erawh chuan a che ve nghal phat a. “Tal suh…” ka tih sap rual chuan a chawl dat a, a hnunglam aṭangin a lungphu rang zet chu ka ngaithla kar a, kan ngawi dun vang vang thung. “Ruat i nuam sam lo a mi?” A tih chuan “Um” tih bakin ka chhang lo, dawtsawiah pawh ka in ngailo a chhanchu pawmlam nilovin chhunglam hi a damlo miau si a.

A phone a phawrh a Sanga a call a gate pawn a rawn chhuah chuan ka chesawn duh hauh lo, “U a nuamsam lova ka thlah dawn nia.” a tih chuan Sanga pawh chuan “kal rawh u ka lo sawi mai ang.” a ti ṭha ve mai, reilo te chhung pawh nise nuam ka ti, min ti na zual tu tur pawh nise ka tana hun hlimawm tak hi bawhpel ka tum lo.

Conti…….

Leave a Reply