You are currently viewing Chimawmpa Zún 13

Chimawmpa Zún 13

Spread the love

Zing kan Chaw ei lai in ka u chu ka melh zeuh zeuh reng a,ka phur tawh lutuk a ka rilru a hmanhmawh , zin chu a díl har ka ti tawh lutuk, ka puar hma ngeiin sawi se ka ti si, muangchang in Chaw ka ei a,ka tep lep lep Chauh, ka Chaw thleng a mi ka ei zo tep tawh tih ah “kar thar ah  hian Rinawmi te an chawl dawn a, chumi hun awl lai chu chuh in kan unau in Opa te khaw lam ah zin ila, lui ah te han kal ila ka ti deuh a, e nge in ngaihdan” tiin ka nu leh ka pa chu a zawt a, a tawp a tawp ah chuan ka nghak chhuak ve hram a lawm.

Beisei nei deuh in ka nu te chu ka en a, ka nu chuan ka pa thu chu a ngaichang deuh ni in ka hria, “Champhai lam ah chhungte kan nei silo a, Opa te in ah in han thleng mai dawn tih na em ni” ti a ka pa in zawh na a zawh let chuan, “a ni mai ang chu, lodge ah te pawh a riah theih tho a” ka u chuan a ti a, ka pa pawh a bu nghat nghat, a phallo ang tih chu ka hlau ru viau, mahse “han cham reilo Ula, mi khua ah mi ti hek zawng phei chuan rei tak cham loh tur” a ti ta hlauh a, ka lawm a ka lawm zia chu ,mahni in a ruk in ka nui ka nui mai.

Kan in kawt a bike a Rik rual in rang deuh in ka tlan chhuak a, “i nu leh pa bul ah chuan in sawi tawh em? ,nizan khan ka sawi nghal a keichuan” a tih Chuan nui var var chung in “tukin ah u mama’n a sawi,chuan an phal bawk mahse cham rei an phallo a’ ka ti a, a ni pawh a lawm hmel ve tho, “rei tak kan cham lo ang zan thum zan li vel a ni mai” a ti a,  lui kal ka u khan a sawi ri a,kal tak tak ila ka ti, lui ka kal khàt Sangha man te pawh ka chak.

“Thian te u,ka thian duh lutuk tak te u ka zin san dawn che u a nia” tiin class room luh pah in ka thian te chu ka kuah thuak thuak a ,”khawi ah nge i zin dawn ka kal ve duh” Rinngheti’n a lo ti nghal pang,”No té, kal ve lo ang, ka u nen sir Opa te khua ah Kan zin dawn” ka tih Chuan ,”e he! In in ru dawn em ni?” Saivula’n a lo ti hlut, a lu a ri nghal lawlh, “mawla chhungte hriatpui na in tu nge in ru ngai, ka u nen ka tih mawlh mawlh kha” ka tih Chuan a lu ka kuk na tuai vut vut pah in ,”chhungte hriatpui na tlap a in ru in ni mai a lawm,i u in a pui bawk cheu tihna” a la ti hram, hepa thluak tlem lutuk thin hi chu engtia tih chi nge maw ni, ben harh mai mai chi pawh a nilo, a mawl dan hi a ril riau.

“Aw! Sawww tah , sawww ti lai deuh ah sawn va hmelchhe rawh, i hneawm riau” ti a melh ràwm ràwm chung in ka thut na lam ka pan san hmak, “eng ber nge in han tih dawn a,ka kal ve chak ee” kan thut fel veleh ringheti chuan a ti nghal a, henu lah hi a, tel ve zel tum mai ,”tel ve zel tum Suh ,kan unau in weekend Kan hmang dawn, lui ah te kan kal a nga Sangha te kan man dawn” ka tih Chuan “awwiii! Chu leh nghal ka kal chak eee, lui ah pawh ka la kal ve ngai reng reng lo” a ti leh a, a awki atang ringawt pawh a kal ve chak zia a hriat theih, “nangman phallo sawmsarih mah la i u ka dil dawn tho” a tih zawm leh zat a, ka phallo tih pawh ka sawi tawp silo a henu zeng zung thin hi chu.

“Nakin ah Kan sawi zawm dawn nia, a chang hi chuan kan unau zing a mi i ni emaw ka ti thin’ ka tih Chuan,’ka nia lawm ,nu hmun lo pa hrang kan nia,chu vang chuan tello thei ka nilo” a ti ham ham a,a mah lah chu a nui duai lehnghal, keipawh ka nui ve tawp, a ngaihna a awm thlawt lo henu hi chu phallo eng ang mah ila a tum tawh chuan a kal dawn tho tho, sir Opa ka bial a ngai tihna a ni mai.

Sir opa class a a lo luh chuan, ka lo nuih sáng a, attention ka pe tha hle bawk,”vawiin chu kan last day a ni bawk a, lehkha zir lo in thildang kan ti dawn nia” a tih Chuan kan lo au dur dur, ‘lee, zawhna leh chhanna hun hmang ang u aw,in duh duh min zawt ula ,ka lo chhang ang che u, in zirlai lam emaw, zirlai piah lam pawh a theih vek” a ti a, a mah chu a nui sàng bawk si, a hmeltha sa si a hmuh a va han nuam lehzual tak.

“Sir, hetah i thawk tawh lo a nih chuan e nge i thawh i tum deuh” tiin kan class a thiam thei ber chuan a zawt hmasa ber a, keichu min hrilh vek tawh a vang in a ruk in nuam ka lo ti, keimah zawk hian lo chhan khalh mai te ka duh, “ka la hrelo le, zirtirtu nih leh erawh a chakawm” tiin a nui suk a, “zawhna dang nei in la awm em?’ a tih zawm zat bawk, chutah tlat hma lam atang Vli chuan a ban phar và pah hian “sir,bialnu i nei em” tiin a zawt a, vli kher in a zawt chu eilo ru leh viau mah ila ,sir Opa chhan dan tur chu ka hre chak tho, kan inngaizawng tih kan thup si a, ‘bialnu ka nei lo’ ti a a chhan ka ring mah zawk.

“Nia sir, i hmeltha sia bialnu i neih leh neih loh kan hre chak” Rinkiri chuan a lo ti ve leh a,mipa ho chu ,an hu hu hluah hluah mai, pawn lam atang pawn Kan thawm chu a na viau ang. Chutah mipa ho chu a kut hmang a khap in, “personal information pek a ngai dawn tih na a ni maw,a chhàn loh theih em?” tiin a fiamthu hmasa a,’naaa sir!’ an lo ti rual dual, sir chu a nui hawk hawk a,chutah thu tak deuh zawk hian “aw,bialnu ka nei,mahse a hming chu ka sawilo ang,in zawh belh awih loh” a ti a,min rawn melh ralh bawk, a ruk in nuam ka lo ti veng veng, kan inngaihzawn thu thup rih mah ila ‘bialnu ka neilo’ ti ngat se chu ka ngei ngawt ang.

College ban ah min lo nghah ziah na thin ah min lo nghak leh a, kan in kawt a ka chhuk chuan “ringheti khan kal ve a duh tlat a, a pawi a ngem?” Tiin ka zawt a, ‘pawi lo e,nangmah pawn nuam i ti zawk ang chu thian kawm tur i nei a nga” a ti hlauh a,ka lawm ru viau, “ka lo hrilh nghal ang” phur deuh in ka ti a, “kal tawh rawh,keipawh ka lut dawn,zan ah lo leng la aw” ti zung zung in inchhung a luh mai chu ka tum a, mahse ka ban ah lo chelh in a lam ah min pawt hnai a,a mah chu bike ah a la thu reng, kan in hnaih khawp mai, “tun atang Chuan in sir ka ni tawh lo,chu vang chuan sir tiin min lo tawh Suh” a ti a,chil ka lem khawlh duh aiin oxigen kan hip na a in hnaih mah mah,ka thaw tha thei dawn lo.

“Ka sawi chu i hria em?” A tih leh chuan lu ka bu ringawt ,ka tawng ngam tawh lo,ka awm dan chu hrethiam ni awm tak in a nui ri suk a, ka ban a a vawn na a thlah rual chuan rang deuh in ka in la hrang nghal, ” ka , ka lut tawh dawn” tih leh inchhung lam a tlan luh nghal chu ka rual a, inchhung ka thlen chuan ka thaw chhuak hluai , ka lungphu han ran dan em em kha, sawh chhuah daih a tum emaw tih mai tur a ni, sawt chhuak thei ngat se chu ka lungphu úm in ka tlan kual zuai zuai in ka ring. Ka zàm chhe khat viau tawh a sin mawle.

Ka room lam ka pan nghal a, Rinngheti call in a lo kal ve theih tur thu ka hrilh a , a phur ngang mai, ‘ka thawmhnaw ken tur Kan en nghal teh ang,lui ah te kan kal dawn phei chuan sun screen ken ngei ngei a ngai” a ti nghal zung zung a,kei ai mah in a phur zawk, rei fe kan in biak hnu phone kan off thei hram, keipawh ka thawmhnaw ken tur a fai leh fai loh te ka en a, suk ngai te la khawm in ka in tifel zung zung.

Kan kal ni tur pawh lo thleng in Champhai chu tlem in a hla ve deuh nen kan chhuak hma deuh a, pali chauh ni mah ila kan thawm a tha viau tho mai, front seat ah ka thu a, passenger seat ah ka u leh Rinngheti an thu thung, kar kawng a hlat avang in eitur kan keng nual a, hla play in Rinngheti nen kan zai pui vak vak a, kawng chhe lai ah ka in sawh leh nawk thin, mahse zinkawng nuam tak zawng a ni tho e.

Engtik lai in nge ka muthilh ka hrelo, min sawi det det tu an awm avang in ka harh a, “Kan thleng tawh a” Opa chuan a lo ti a, sir tih a duh tawh si lo a,’u’ a duh Chuang bawk silo,’Op’ tiin ka ko ve tawp, mit nuai chat chat chung in “kan van thleng hma” ka ti a, “midang an chhuk tawh” a tih leh chuan keipawh ka chhuk ve mai a, ka u leh Rinngheti’n kan bungrua an lo la chhuak mek.

Opa nu leh pa ni awm tak an rawn chhuak bawk a, a nu leh pa chu an hmeltha vuah a,hei vang a nih hi Opa pawh dan zawh rual loh a a hmelthat vawr ni. “Bawiha hei hi em ni i thian te chu” tiin a nu zawk chuan keini chu min chibai kual a, an fel hmel em em mai lehnghal, mo chiah ila chu kan in mil viau ang.

Inchhung ah kan lut a, an in chu a nuam khawp mai, a pawn atang a a nalh tawh sa tehlul nen a chhung phei chu nalh lehzual tak a ni, engkim mai chu enkawl uluk tih a hriat ngawih ngawih , “sangbawih thingpui kha lo thlir la, hei i u Opa te hian an in duh ang’ a ti lang lang a, unau mipa pahnih Chauh an ni in ka hre silo,sangbawihi an tih chu a sawi rik àwm ka la hre miah lo, an nula awmpui a nih ka ring tawp, rei vak lo ah sangbawihi chuan thingpui a rawn chawi a, “O op enge min lo hawn” tiin Opa bul ah chuan a thu a,an awmpui nula emaw ka ti a, an chhungte a nih ka ring leh deuh.

“Nakin ah ka pe ang che” Opa’n a tih pawh in “tun ah ka hmu duh” sangbawihi chuan a ti deuh tlat a, Opa pawn nui chung in a bag a zen rak rak a, tshirt ni awm tak hi phawrh in ,”over size i duh tiraw” tiin sangbawihi chu a pe a, ‘awi a mawi lutuk,ka van lawm ” tiin a nui var var reng a,mi hlim thei tak mi a nih ngei ka ring, a bul a awm a nuam viau eng,keini ai chuan a la naupang deuh a nga, naupang chhia viau erawh a ni tawh lo.

“Hmun dang ah thleng suh u aw,room àwl kan nei tho a,kan nula pahnih te hi chu mikual room ah awm mai ula, Op i thianpa hi chu i room ah awm ve mai rawh se” Opa nu chuan a ti zung zung a,nu vengva tak chu a ni ngei mai.

“Sangbawih i u thian te hi an room tur ah han hruai la” tiin sangbawihi chu a hrilh leh a, “min lo zui ula ” tiin Sangbawihi chu a nui sang a, inchung lam ah chho in room lo hmasa ber ah chuan min luh pui a, “in room dawt chiah hi u Opa room a nia, pakhat zawk saw chu u Vala room” tiin min hrilh a, “eng lo, Opa hian unau hmeichhia a nei tih ka hre miah lo a” tiin a ruk a ka hriat chak deuh chu ka zawt a, a pawi ém lo ang chu maw.

“A nau ka ni hleinem” a tih Chuan mak ka ti ang reng, Opa nu lah khan ‘i u’ a ti bawk si a, “mahse a nau i van ang si” hrilhhai ang reng deuh a ka tih Chuan “nia,midang pawn min hai fo mai, an in ah hian kum 14 ka nih lai atang ka awm tawh a, ka nu leh pa an thi tawh bawk nen chhung leh khat ka nei vak lo a, u Opa nu te hian min khawih a, an in ah hian min awm tir a Kum 6 lai chu ka awm tawh, a nu leh pa hi ‘nu,pa’ tiin ka ko ve mai a, an chhungkaw member pangai ang ka ni tawh mai,min en hrang lo,” a ti siam siam a, Opa te chhungkua chu belhchian an dawl dawn viau in ka hria.

An chhungkaw member ah chuan Vala tih loh chu ka hmu kim vek tawh, an tawng duh in min be siam siam reng a, Sangbawihi phei chu Ringheti nen kan bul ah awm deuh chawt in a ti ti siam siam reng a, a tawng duh reuh sia ,kan in nel thuai, “u vala pawh a lo haw tep tawh ang, a lo thlen hun a mak in tih lutuk loh nan ka hrilh lawk ang cheu” a tih Chuan ringheti nen sangbawihi chu Kan hnaih thuai a, choka ah kan awm avang in kan tawng chu midang in an hrepha kher lo ang, “u vala hi chu u Opa ang hi a ni lo deuh a, ruihhlo a duh in ,a phunchiar bawk, tun ah tak phei chuan nupui ang reng deuh a nei a, ‘kan in ru lo’ chu an ti tak na in, in ru ang tho chu an ni mai, tun hi tum hnih an rawn in hruai haw na a ni tawh,tun tum phei chu a hma aiin an in kawl rei tawh a, kar khat chu an in kawl tawh, u vala tak hi chu misual a nilo mawle, ruihhlo hian a tibuai ve a, a bialnu lah hian a nun khalh ngil chu sawi loh duh hun hun ah an rui dun a, nakin ah mak in tih lutuk loh nan a tlangpui ka hrilh lawk cheu a nihchu,hmeichhia a hruai haw tih phei chu u Opa kan la hrilh ngam lo ,a thinrim dawn lutuk a” a tih Chuan sawi mai tur pawh Kan hrelo,

Chhungkaw awhawm tak ni a lang te pawh hian a ruk chuan buaina neuh neuh an lo nei ve tho a nih hi ka ti rilru ta ngawt. Choka ah Opa nu a rawn luh ve tak avang in thildang kan sawi daih a, kan nui leh hawk hawk thin, dar 10 a rik dawn tawh avang in mut tum in kan in tin tuah a, kawng thui tak a tlan kan ni bawk nen ka taksa a sil thum mai.

In chung lam pan kan tum lai chuan kawngka pui a rawn ri rawk a, Opa u ni awm tak leh hmeichhe pakhat hi an rawn in zui lut a, an mitmeng atang ringawt pawh an fim lo tih a hriat theih, “e op in lo thleng tawh elaw” Opa u chuan a ti a, a tawng pawh a sehchilh deuh , Opa ka en chuan a u chu chhan tum awm pawn a lang lo, a melh run run ringawt .

“Kha,nupui i rawn ru haw tih na em ni?” A hnu deuh ah chuan a ti a, u vala chuan hmeichhe dar a kuah pah in ,” ru lo e, a rawn riak rih lawk dawn a nih hi” tiin a nui huk huk a, a hmel a chhiat hran loh nen ruihhlo a tih nasat vang nge a thing ru riau, zu heh deuh hi chu hmeltha viau mahse an hmel hi a puam deuh tlat a, an hmel a zú ka ti mai, ka sawithiam chiah lo.

“In ru bawk silo,riah dun tum tho bawk si chu e nge in awmzia” Opa chuan a ti leh a, a u te awm dan chu a lawm teh chiam lo a ni tih chu tu a te pawh chuan kan hre vek ang, “bawiha i u te hi chu en liam rih mai mai teh,khuavar sela ka hrilhfiah ang che” a nu,nu mapuii chuan a lo ti sawk sawk a, an rik hluai chu a hlau ni ber in ka hria.

“In vawikhat na a nilo a ni maw” a tih hnu ah ,”naktuk ah haw tir ang che” a ti leh hmak a, a u ngaihdan chu a ni lo ve ta deuh a niang, “i thulo lutuk lalawmpui, ka bialnu a nia ka duh leh ka in ah hian ka hruai haw ang,naupang zawk i nihkha, i sawitur engmah a awm ve lo” a ti let ve ta khar khar a, room lam a chhoh mai an tum chu “ka nu leh pa zahna nei Miah lo a in duh duh a Kan inchhung a in sapa tal hi ka rem tilo,he in hi ka in ve tho a nih hi hre rawh” Opa chuan a ti leh fak fak a, “i u hi min va zahloh ve a, nangpawn i bialnu i rawn hruai haw a ni lawm ni,eng mah kan sawisel lo,ngawi reng in min enliam ve mai mai rawh, i theih loh leh Kan in hi chhuahsan hmak la a ni mai” u vala chuan a ti leh a ,a awki pawh a sang deuh tawh, chutia kei min hmer tel ta chu nuamlo ka ti ang reng.

“Midang hmer tel suh, Kan hruai haw dan a in ang lo, u zawk pawh ni la, thu tha a nih chuan ka thusawi hi zawm rawh” Opa chuan a ti ve leh hmak, “duh tawk ru, mu phawt ang u, a zahthlak e mai, unau pahnih lek si, in ngeihlo lutuk, Vala i mai sawi ang khan thu tha chu nau zawk sawi pawh nise zawk ringawt rawh, chuan nangpawh i u hi eng mi pawh nise zah rawh” pa ber chuan a ti ta a, tu te mah an tawng tawh lo, nu mapuii’n mitmei a room a Opa hruai chho tur a min tih a vang in,nuam lo ti deuh chung in Opa chu ka ban dé dé a, “room ah chho ang” ka ti mawl tawp, min rawn en a,ka mitmei hmang in buaina siam lo hram tur in ka ngen a, ka pawh dat chuan awlsam deuh in a kal ve mai a, kan zan khat na atang boruak a nuam lo, ka beisei leh tum dan ang in kan chawlh hmang hi Kan awm dawn lo ni in a lang riau mai.

Conti…..

Leave a Reply