You are currently viewing Chimawmpa Zûn 16

Chimawmpa Zûn 16

Spread the love

Harsatna nei lo in Aizawl kan thleng a,long run kan nih a avang in ka chau ve hnawk mai, ka in tih fai zawh ah phone ka khawih ve chauh a Opa message pawh a lo awm nual, “in thleng tawh em?” Tih te, “ngaihawm ve vung vung hle mai” tih te ,”in thlen veleh min lo hrilh dawn nia” tih te bak ah a dang pawh a la awm nual, “ka inbual zo chiah” tih zawng in ka chhang a, ka message a lo chang reng nge a seen rang viau, a rawn call nghal zat bawk.

Call ka lak rual in, “I chau em?” A ti nghal a, “chau ve tho motor ka rui deuh a” ka tih Chuan “motor hi ruihhlo ah chhiar tel tawh mai chi,ruihtheih thil tho a nih hi, a ruih a na si” a ti a,ka nui hawk, “kan in hmuh loh chhung in zu in miah suh aw” fiamthu ti tak deuh in ka ti daih a, “hmm, in lo a lem i phal em?” A ti a nihchu, a uang tih hre tho mah ila ka ner nawk tho, ruihhlo hrim hrim hi ka hua a ni tawp mai.

“A rim nam bul hnai a awm pawh phalloh” ka ti ve hmak, “a har awm ka u te hi kawi tin nam an ni bawk sia” uangthuang deuh a tih Chuan “in lo la a ni mai” ka ti a, “ka tum ang,chutin zu ka heh hran lo,in dan ka thiam a lawm” thu tak deuh in a ti a,”zu hi in thiam tih a awm tak tak thei lo,rui lo in tu man an in peih lo bawk,rui nasa lo te pawh an kai chiai chiai tho” ka ti a,ruihhlo hrim hrim hi ka fak thei hlawl lo, sil damdawi ah te an ti ,an han in a,an harhfim leh meuh chuan a hma aiin an chau hnawk zel,zu aia damdawi tha mithiam ten an Siam chhuak hnem lutuk tlat,tlangval lai a zu heh lo, in zeuh zeuh Chauh kan tih te pawh hi pa an nih hnu ah meuh chuan in zeuh zeuh atang ngawl vei ah an chhuak duh tlangpui,chuvang chuan in zeuh zeuh nih aiin in lo tawp nih hi a sual lo khawp mai.

“Awle awle ,ka tum ang,i àng thui leh dawn” nui chung hian a ti a, “mahse ka tiam thei lo che,hma hun ka hrelo a ka lo în pawh a ni thei, i duh dan a awm erawh ka tum ang” a ti leh a, min tiam thei lo mahse ka thusawi a ngaipawimawh a ni tih ka hriat ringawt pawh khan ka lawmna a Siam tawh tho tho, inngaihzawnna kawng ah hi chuan in zah tawn na hi thil pawimawh tak pakhat a ni a,tawngkam tha hian ho te ah lawmna a thlen bawk. Darkar zen zawn kan in biak hnu ah Kan inbiak na kan ti tawp a, ka lungleng leh nghal vawng vawng mai, mual tam tak in kar min dan mahse kan thinlung erawh kar dan tu awm lo in hmun khat ah a awm a, tisa in hlat mahse rilru ngaihtuahna erawh in hnaih tak ah a awm thung, mipa leh hmeichhe inkar a feelings danglam tak awm hi magic kan tih thin tam tak ai pawh hian a powerful zawk niin ka hria.

College pawh Kan tan leh tawh a, Opa class ah sir muana a lo lut ve tawh thung a, an zirtir dan a in ang lo bawk si kan phun leh nang nang hlawm thin,opa an ngaih thu chu midang pawn an sawi an sawi hlawm a,a zirtir dan an hriatthiam zawk thu an sawi ngun hle bawk,  kei tak hian a nia ngai midang zawng zawng aiin ka ngai, nitin kan in be chung pawn ka ngai em em reng tho.

College canteen a kan chawlh laiin vli te thian ho kan piah ah an rawn thu ve a, “nizan ah chuan engtin nge in inbiak” Rinkiri chuan a ti a, “I ngaihawm e” ka tia, “nangpawh i ngaihawm lutuk a lo tia , a nawm zia chu, mahse aizawl ah a lo chhuk tawh lo maithei” a ti a, tu chungchang nge an sawi tih chu ka ring thiam thei mai, Lalawmpuia chuan a lo be tha huam a nih chuan a chaklo khawp ang. “engtin zel nge in inbiak” Rinkiri bawk in a tih leh chuan min rawn melh ralh pah in vli chuan “ka sawi vek chuan in hre ve palh ang, 12 pelh thak thleng kan in bia a lawm” a ti a , a nui pah har har bawk, ka thik hran lo na in Opa a lo be ve sek chu ka lawm lem lo , mahse an thusawi ka ngaihven ru reng a ni tih ka ti lang duh lem lo,min han sawi el viau thin mahse a beisei ang in reaction ka nei lo.

“Bialnu a nei lo a niang rei deuh min biak dan ah, bak ah zan dang pawn a mah zawk in min lo be hmasa thin a, a then chu ka chhang lo, chhan loh ve zeuh zeuh a ngai hrethiam mai em?” Tiin an thian ho chu an nui har har hlawm a, ka van ngei reuh tak ,Opa chuan a biak hmasak ka ring hauh lo ,chutih rual in vli’n a be thin a ni tih mih hrilh miah lo chu Lalawmpuia pawh ka ngei,vli te nen kan in mil loh zia pawh a hre vek a a zep kher chu ka lawm teh chiam lo, “an over hawr hawr zia saw, an thil ei helh àwl àwl khawp a thu thin thawng hre thut se ka ti” Rinngheti chuan a ti a, “ka va bin thawk zawk dawn emaw ni” a tih zawm leh, “a ho emai kal daih ang, an ni thusawi mai mai thutak a lakpui tlak a awm lo”  tiin ka tho a, phun nuah nuah chungin Rinngheti pawh a tho ve mai.

“Tu te emaw ang a min duh miah lo tu biak reng chu ka peih velo, ,keichu min biak dan atang a rilru ka hrethiam tal a, sir Opa hi chuan hmeichhia hi a lawm tehchiam lo a niang, nupui a nei dawn emaw ka tih vel te kha, min hrilhfiah a lawm, min duh lo nise a insawifiah vak lo ang” vli chuan a ti leh lang lang a,a thusawi chu ka hre pha lo ang tih a hlauh hmel khawp mai, ka hming sawilang lo mahse min káp a ni tih ka hrethiam ve tho, ka dawhtheih na in a tlin lo lek lek tawh a ni. “Mahni phu tawk hrelo te hi awm ve a nia, sir Opa te chuan  hmeichhe chàwn bing satliah a duh teuh lo,” a ti leh kher chuan ka ngeng a chhun,ka chàwn hi a  chàwn aia a bing viau bik na ka hrelo.

Bill pek tum a ka kal tawh chu vli te bul ah ka let leh ngat , ‘tu maw cháwn Bing satliah chu” tiin vli bul ah chuan ka ding a, “I lo hre pha elaw,i hrepha lo emaw ka tia” nui thá chung a a tih Chuan za lo deuh in ka lo nui, “Vanlalhlu over viau thin suh, thil i hriat tak tak loh chuan sawi lo mai rawh” Rinngheti chuan a ti khar khar a,”eng maw ka hriat loh chu,Rinawmi’n sir Opa a duh zia te chu tu pawn kan hria a lawm” mitko san euh pah a vli’n a tih Chuan ,keh tluk pawp ka chak, Rinngheti’n a chhan leh hma in, “Opa chuan a lo be thin che maw” ka lo ti a, ngeiawm deuh a men kual ralh pah in a dar a san àk, min hnehsawh bawk a thudik hre ve law law rawh se,Opa Kan zirtirtu a ni tawh Chuang lo a hre mahse pawi tih na ka nei tawh lo ,ka phone phawrh in Opa ka call hmiah, loudspeaker ah ka dah nghal bawk, mahse a ring ral thak , tun ang hun a call han lak loh,engmah thil thleng hre ve lo mahse ka ngei  tho tho.

“A la na nge, call satliah a lak duh I ring reng reng em ni?” Min nuihsawh zet a tiin vli leh a thian te chu an nui dar dar a, “nui ru nui ru,in theih lai khan nui char char ru, in nui rei dawn Chuang lo”  Ringheti chuan a ti hmarh hmarh a, thian chhan hi kan ti na  a ,in sual a ngaih pawn thian chhan nan chuan ruh tilak rem rum khawp pawn kan sual duh mai ang, ti khawp chuan kan in chhan. “Ti nawn duh tawh suh a lak pawh ka ring Chuang lo” Rinkiri’n a lo ti ve a, mahse a thusawi chu ka ngaihsak lo, Lalawmpuia chu ka call nawn leh ngat, vawi nga vel a ring hnu ah call chu la in “aw hello, ka inbual zo chiah a” a rawn ti nghal zung zung , vli te lam hawi in ka kiai sak.  “Thil zawh tur che ka nei a, diktak a min chhan a ngai a nia” ka ti a, “e nge min zawh duh,min ngai leh tawh a mi?” Uang thuang deuh a tiin a mah chu a nui ri hak, vli te thianho mitmeng chu a tlanchhe tan tawh, kan in biak dan mak an ti bawk tih ka hria, “ka uanglo Lalawmpui , hei  I chanchin eng emaw ka hria a” thu tak deuh a ka tih Chuan, “eng thu nge i lo hriat leh tak a” tiin a ri  sut sut a, a inthlak a ni maithei.

“Vanlalhlui hi i lo be hmasa thin em ni?hei an sawi a nupui i neih dawn loh thu te i lo sawifiah a ni awm a” tiin vli chu ka melh kher, a lo hawi pha dai tawh, Opa chu a nui ri hak a, “a va mak awm ve” a ti ringawt ,a chhanna chu ka duh khawp lo , “I be thin nge thin lo” ka ti a, ka thu tak em a vang in a ni pawh a uang reng tawh bik lo, “be hmasa ngai lo,nang tih loh tu hmeichhe dang mah thil pawimawh ah lo chuan ka be hmasa ngailo, nupui chungchang kha chu, min zawt a ka hrilh chu zawng chu” a tih Chuan  ka nui sak ,”kha zawng kha ka hre duh” ka tih Chuan ,” chu zawng chu maw,min ngai lo em ni,keichuan ka ngai che a” a ti a, ka bul ah vli te ho an awm ve a ni tih a hrelo ,hre ngat se chuan a tawngkam a fimkhur leh khawp ang. “Ban ah ka lo bia ang che,nu mapuii te kha min lo biak la” tiin a tawng leh hma in call ka ti tawp a, “problem solved” tih pah in Rinngheti chuan kut a lo beng thak thak, “a mah chuan a be hmasa ngailo che a nihchu,kan kal a nge tui deuh in in thil eilai kha in ei dawn nia” ti a nui sang in an ni ho chu kan kalsan hmak, an duh dan dan in min sawi zui mahse pawi ka ti tawh lo, ti khan Lalawmpuia bialnu chu tunge a nih tih an hre tawh a lawm.

In a ka haw chuan u mama’n hmeichhia a lo hruai haw ve ngei,ka nu te an awm loh vang nge hmeichhia pawh chu a in thlahrung lutuk hran lo,a rukin hmuiphun in  “tunge a?” Tiin u mama chu ka zawt a, room a chho tur in mitmei in min lo hrilh , ka nui pat pat mai, chho tur ang deuh in ka awm a nga ka enthla tho ang,  bialnu a thlak tih ka hre reng reng lo, a hmasa a mi kha vawi hnih vel ka hmu ve a a tha viau khan ka lo hre mai a tun ah  hmeichhe dang a lo hruai haw leh a,u mama pawh hi a lerh ve zek zuk riau. Inchung lam a chhoh pah in ka phone camera in an thla ka la mawlh mawlh ,an in thut hnaih ve phian lehnghal, video a lak leh ka tum lai tak chuan Opa’n a rawn call a silent ah ka lo dah hlauh,call ka lak chuan ka u in ka tawng ri a hria a nga ka enthla bawk sia min hau hrep dawn, chuvang chuan call chu ka rejected a, mahse ka  u phone zawk chu ri in , “aw a lo haw tawh ,kan au ang” tih leh “Rinawm” tiin min ko a, inchung lam pan na a lo hawi chu phone camera nen ka lo tin reng si, ka phu zuk, tlan sawn daih ka tum chu ka ke chheh buai palh in step ah chuan ka lum thla bawp bawp, “Rinawm!” Ti a mangang deuh a ka lam pan a ka u rawn tlan chu ka hmu phe ruai , chhuat ah ka lu ka vaw chawrh a engmah ka hre zui tawh lo.

Ka harh leh chuan damdawiin khum ah ka lo mu a, ka lu a na em em lehnghal, bandage in a in tuam a ka lu chu a rit bur mai, thawh mai ka tum chuan ka lu a hai em a vangin ka mu thla leh, “bawihi, e nge i an ,khawi lai nge na” ka nu leh pa in an lo ti thuai a, ka chhang lawk thei lo, tlem a ka lu na a zia deuh hnu chuan “ka lu hi a na lutuk, chuan ka ke hi a na bawk” ka ti a, chutih lai chuan ka u pawh lo lang ve in ,”doctor ka bia a,i lu i vaw na deuh a,i ke i ulh bawk serious lutuk chu a nih loh hmel, wheelchair nge zakdawh tiang hman i duh” a ti zung zung a, ka rin aiin ka lum na daih mai, wheelchair a nula pum pa in nawr chu ka duh lo reng reng, zakdawh tiang zawk hman ka duh thu ka hrilh a,ngaihtuah tur in ka u a kal nghal vat.

Admit ka ngaih loh avang in in lam ah kan haw a, ka ke lehlam ka rap tha ngam bawk silo zakdawh tiang nen ka kal bai uih uih mai. “Hahchawl rawh, che vak vak rih lo la” ka pa in a tih avang in room lam ah u mama’n min hruai a, “Opa a lo kal a, a rawn thleng har tawh lo maithei” room Kan luh veleh a ka u in a tih Chuan “tinge” phàwk deuh in ka lo ti, “i chetsual lai kha kan inbiak lai a nia, a ngaihtuah deuh che a niang” a ti a, rawn kal kher ngai ka tih loh nen, mahse min ngaihtuah tih ka hriat in ka lawm em em tho, ka hmu chak bawk.

Zing ah hma deuh in Ringheti leh Saivula an rawn kal a, min ngaihtuah vang a rawn kal mah nise an thil rawn ken vang chuan ka va han ngei dun tak, rai leh rai loh test na te an rawn keng a nihchu, “eng a tan nge hei hi ka tih a nga” an pahnih melh dun ráwm ráwm pah in ka ti a, ka zakdawh tiang hian ka khawng lawlh dawn emaw ni, “va in test ve reng reng teh, kan bul ah chuan engmah zep suh kan sawichhuak lo ang, raino tan tirh lai hian lu hai vang in an tlu fo a” Rinngheti’n a tih sar sar chuan ,”ka rai aw kawng lo mawl dun lutuk haw rawh u!” Ka ti hlak a, “a pawilo sawi tawp rawh, i thian te kan nih hi kan zep pui ang che” Saivulmawia’n a tih leh phei chuan sà tha tawh tak ka ni, “eng vang in nge ka rai ngawt ang, thil nilo lo ngaihtuah Suh u, dan thianghlim ngat a pasal neih ka tum aw” ka ti pang pang, he mite pahnih mawl leh lutuk hi chu engtia tih harh chi nge maw ni, ka ke bilh in ka step ah ka lum a, ke bilh vangin tu mah an rai lo a nge.

Ka thiante chu class kal an ngaih avang in an haw leh thuai a, kei erawh ka kal ve thei rih dawn lo, Opa nen kan la inbe lo a, a message chu a awm mahse ka chhang lo, vli a lo be tha kha ka ngei ve deuh vangin ngaihtuahna atthlak deuh ka nei a, lo kal se hrem na ka pe dawn a lawm,nizan khan kawng lai in an dang a a rawn thlen hma theih loh phah a, a rawn thlen chuan kan lo mut vek tawh avang in a rawn kal ta lo, Rinngheti te haw hnu rei vak lo ah inhnuai lam ah Opa thawm chu ka hria a, “inchung ah a awm han chho rawh” ti a ka nu in a lo hrilh te chu ka hre pha reng, mu tha sauh sauh in ka muhil der hmak. Ka room kawngkhar in hawng thawm ka hriat rual in a rawn penlut a, “i muhil em ni?” Lalawmpuia àw ngei in a rawn ti a,ka chhang lo, a rawn hnai zel a, “i van mutui àwm ve” a rawn ti leh a, ka muhil ni a a hriat te chuan min biak min biak a ngai emaw ni, khum ah rawn thu ve in “i muhil tak tak em ni?” A ti leh a,a mah chu hmu thei lo mah ila a nui deuh niin ka hria, ka skills ka lantir ve a nga e a nui tawh lo Chiang ngawt ang.

Zawi muang in ka meng diar diar a, Opa ka hmuh rual chuan ka phu der a, “tu, tu nge i nih?” Tiin hlauh hmel deuh in ka en, “min fiam Suh aw” tiin a ni chu a lo nui deuh a, “khawnge ka chhungte” ka tih leh chuan, “inhnuai ah” tih ringawt in min chhang a, a mah la hmu ngai miah lo ang in ka awm tlat,”i khua a sik em?” Tih pah a ka chal rawn tawh a tum chuan ka lo awm hla deuh a,a ni pawh chuan ka awmdan chu mak a ti ve tan tawh ,min en vung vung in “e nge i hriat a?” A ti ta nge nge a, hmeichhe dang a lo biak that hawrh man chu a hmu dawn Chiang a lawm, “eng mah ka hrelo ,tu nge i nih,khawnge u mama?” Ka tih Chuan a thaw hawk. Engmah sawi tawh lo in a tho nulh a, a chhuak dawn emaw ka tih lai in phone a hmet mual mual a, tu tak call ang maw ti a ka lo ngaihchan reng laiin, “Lalrinawmi hi enge a awmzia, a tha vek ngaihtuah awm a nilo i ti a ni lawm ni” a ti hmuk hmuk a, “a that reng kha ,a tha lo em ni” lehlam atang ka u in a tih chu ka hrepha ruai ruai,a ruk tak chuan ka nuih a za, mahse nuih chhuah loh hram ka tum, min rawn melh rún pah in Lalawmpuia chuan “min tihder a tum a nihchu” ti hmuk in call a ti tawp a, lungawi loh hmel deuh a min en in ,min rawn pan a min melh chhuk rún mai, ka hrelo der tih chu a hrethiam tih ka hria, min hauh hrep ka rin lai in, min rawn kuah thut a,a tak tak tawh in ka phu Chiang hle, ka sam a tuai hliau hliau pah in, “ka lawm e” a ti ringawt a lawmthu min hrilh chhan ka hre hauh lo, “ti..tinge lawmthu min hrilh” ban charh a ka tih Chuan, “min hrelo der thei tur a i ngaihtuahna i la hman theih avang in” ti a min chhan chuan ka star tirh ang khan ka luangliam leh zawih zawih niin ka hria.

Conti….

Leave a Reply