You are currently viewing EUPHORIA
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA

Spread the love

Chapter-11

-Zuãl’s Khiangte

A tukah chuan luna bur in ka tho a,exam chawlh ani bawk a ka tho hma peih lemlo apa pawh in exam chawlh lai hi chuan min kaitho ngailo….Intifai sawk sawk in inhnuai ah ka chhuk a Rochhumzinga tawng thawm ka hre nghal..”Kan princess-i chu i va tho har ve ,ar mai pawh nilo vawk khuang hnuah i rawn thawh chhuah chauh le” min hmuh rual chuan a rawn ti nghal a ka lo ner sak nizan avang khan ka la haw so bawrh bawrh,chhang lemlo chuan flash a tuilum chu no ah ka thli chhuak a filter tui pawlhin ka in nghal zat…”Hei nizan vang khan i thinrim mi? Rim tawhlo teh nizan kha chu kannu bulah ka awm sia hmeichhe dang biak anuamlo alawm a thikthu chhe ropui si” ka bula rawn thu pah chuan a rawn ti a “Bialnu i nei tihpawh tunah min hrilh chauh a ilo mak ta hle mai” tihpah chuan ka tuilum chu ka in leh a…”Kan ni thut a,hrilh che pawh ka tum a ka theihnghilh zel alawm,thinrim tawhlo tiraw i vahan hmeltha em!” a tih chuan ka nui leh ringawt tawh Rochhumzinga bulah hi chuan ka thinrim rei thei ngailo….”Vawiin chu UGershom teinah min kalpui lawk ta che” ka tih chuan a lu alo bu nghauh a “Hetah chaw ka ei dawnnia” a ti nghal hmak a vahan zamlo tak….Apa exer la lo haw hnu chuan chawei kan siam nghal a kan ei nghal,kan ei zawh chuan UGershom-a hmuh ka duh avangin ka inthlak a Rochhumzinga pawh inthlak turin an inlamah a phei a.Gate bulah Rochhumzinga ka nghah lai chuan ka bulah a bike nen a rawn ding a ka lo lawn nghala,chak fahran chuan kan phit chhuak nghal a,nge maw heti vak a chak a a phit chhuah kher le? a hnungah chuan beng in tlan muang tur a ka tih pawn ka thusawi a awi chuanglo,hnunglam atangin ka melh nghek ringawt.UGershom-a te inbula a din rual chuan ka chhukthla nghal “Min phurh thih i tum ami a? Khati vak a chak khan tinge i tlan kher ka vaw zawk dawn che mile?” thinrim tak chuan ka ti a a nilah a nui sun sun ringawt “Lulian ka tihpalh lutuk Mamin lo phei teh atia ka hmanhmawh lawm” a tih chuan rum fahran in ka melh a a bialnu vang leh bawk maw…”I bialnu hi i duh ani tih ka hria keipawn ka lawmpui lutuk che mahse i thiante min thlahthlam sawt zia hi i hria em? Kei a vawikhat ngaihzawng nei pawn ka thiante ka thlauhthla em? In en chiang i ngai teh ania Rochhumzing” ka tih chuan a lo thawhak a “Min thinrim khum in ka awm thiamlo thin alawm” a rawn ti sup.”I thiante hi i bialnu chuan min pawm ve thei mai lo ami? I thiante min thik zel te chuan engtinge kan awm anga? Thil pakhat ka hrilh ang che i ngaihzawng vangin i thiante hi min thlauhthlak tum.hlek suh i damchhung kawppui tur anihloh phei chuan i hawi lel lel mai ang,UGershoma ka duhzia i hria mahse amah aiin kei chuan ka thian ka ngai pawimawh zawk” ka tih chuan rum fahran hian min melh a,a thinrim tur awm ka sawk ka hrelo rim mai mai teh se…”Keini leh nangni min tehkhin tawh suh , keini chu in duh ve ve vanga in ngaizawng kan nia nangni chu a ngen a i ngen vang mai mai a inngaihzawng innih kha chuan thil pakhat ka thian leh ka ngaihzawng chu ka duhthlanna ah ngai rawh ka ngaihzawng ah lehzel rawn inrawlh suh” a tih chuan ka hau in ka lo melh ringawt,tun a a thusawi khan engtiang chiah in nge min tihnat a hre miahlo ang ka thian ka thiantha ber kâ ngei atang khang thu kha ka dawng ania ka awi theilo zawk…..”Minlo ngaihdan chu alo mak ta hle mai hetiang rilru hi i put ka ring ngailo puh duhlo mahla keichuan i bialnu kha ka puh tho ang i rilru a lo suk khawloh sak nasa khawp mai che” mittui tling piau chung chuan ka ti a,chutia min hmuh avang chuan tlem in a inthiamlo deuh aniang min rawn hnaih hrut a ka tawlhnung nghal…”Ka sawi tum anilo ania” a rawn ti sup a ka lo nui hak a “Sawi i nei hleinem” tihpah chuan ka nui hak a ka inhersan nghal,ni e sawi dikloh anei hleinem a ngen a ka ngen chhuah kha animiau a mahse kha thu kha ka thiantha ber atang a ka hriat avang khan ka na leh zual…Doorbell chu ka hmet a an lo hawng thei lawklo a hnu deuh ah pen ri thawm a rawn awm a Nu Ramin minlo hawnsak ka rinlaiin UGershom an minlo hawnsak a min melh nghal run ringawt mahse a hmui bula lipstick kai chu a ka hmuh hmaihlo chiang khawp mai “I hmui bula lipstick kai kha enge awmzia” ka tih sep rual chuan a hnunglam atangin “Tunge a i va rei ve?” Hmeichhia aw hian a rawn ti zawm zat a,UGershoma chu inchhungah nam lut rawk rawk in ka lut ve nghal hmeichhe pakhat chhelo zet mai ka la hmuh ngailoh hi bathrobe nen alo awm a UGershom-a ka en leh kawr a ha lo tih ka hrechiah ka bing mup mup thei….”Nizanah hetah henu hi a riak ami?” ka aw chu a chhuak em ka hrelo a ri chang chang ni ber hian ka hria “Mami tunge i nih a?” chu hmeichhia chuan a rawn ti a…”Tunge i nih zawk? Hetah enge i tih ve?” ka lo ti ve zat a ka tahchhuak viau mahse ka tap lo ang “Rfk ka nia nizanah hetah ka riak a,chuan nang chu tumaw i nih a?” a tihchuan kut ka lo hum ruh vak a bialnu ka nih thu pawh ka sawi theilo ka zak ni e ka zak ka bialpa leh hmeichhia pakhat an riak dun tih ka va chian hi a ni ringawt…”Ka kal phawt ange” ka aw chu a lawi deuh rat mai mahse ka pawisa tawhlo heta ka awmreng chuan ka tap chhuak thei tak ngial dawn engmah sawi tawhlo chuan ka tlanchhuak a,thinlung kehsawm an tih chu nep te ani ka thinglung hi UGershom-a hian a chhu dip vek a motor in a chil pherh leh vek nimai hian ka hria a na ana lutuk….Ban tha chak tak hian min rawn kuai her dawr a mittui tling piau in ka lo melh a UGershom-a alo ni min lo umzui ve reng anih ka ring “I ngaih ang kha engmah anilo ania” a tih chuan ka mittui chu tih tlak duhlo in ka lo khap sak sak a “Ni e ka ngaihdan hi engmah alo anilo aniang,ka lo kalchhan chu Bsa nen khan kan inkar ah engmah a awmlo min fawp lui ani tih rawn hriattir tur che in ani mahse kei ai i lo che tisa anihkha” tihpah chuan thawk ka la.hak a “Inthen ka duh” ka tih chuan a hmel a dur nghal khup ,hmangaih viau mah ila kawp nih ka duhlo keichuan ka tan bik liau liau ka nei anih dawn loh chuan midang ka kian mai ang….”Ngawi hmak rawh i ngaih ang engmah a thlenglo ka tih chu mawle” A rawn ti thawt a “Anih engtinge i hmui bulah khan lipstick kha a kai theih?” ka tih chuan a ngawi ngul a “Mi pahnih awmna tur ah mi pathum an awm ngailo UGershom,keichuan ka ta chu keima pual liau liau in neih ka duh thin keima pual a ka nei theilo anih chuan midang ka kian mai thin” tihpah chuan ka inhersan hmak a na lo ka ni reng renglo midang ka ken avang hian hmangaihlo pawh ka ni chuang heklo keichuan ka awmloh na hmun tur ah awm ka duhlo mai ani…_____Kar a liam a UGershom-a leh ka thiantha ber ka chan ti ila a dik ang ka rilru leh ka taksa hi a na chhuak vek in ka hria damdawi hmang a tihreh theih nise ka ti ngawt mai…Choka ka lut chhiah tihah artui kan rim chu ka hip fuh a ka uak deuh that tunlai ka awmdan hian ka ngaih a ti thalo,ka chawei te hi a changin ka luak chhuak leh thin a chawhmeh kan rim na deuh phei chuan ka luak a ti chhuak ngei ngei,ka rai han ti dawn ila ka la virgin chiang ve ang reng bawk sia a ngaihna ka hrelo…Vawiinah kan result a chhuak dawn a ka phur tehchiamlo…Damian an minlo hruai dawn avangin gate bulah ka lo ding a Rochhumzinga pawh a rawn chhuak chiah kan inleh an in a in opposite hi chu tunah tak hi chuan ka vahan ngei tak “Lo chuang la” a rawn ti nghut a…”Innu in a leiin min chuk ang ka duhlo mai” ka lo ti a chutia kan inhnial lai chuan Damian-a a lo thleng a a bike ah ka lawn nghal,ka tello a an awm thei anihchuan an tellohna khawvel chu engvangin nge ka siam theihloh bik ang?School kan thleng a Nana-i leh Edmond-a an lo inhnial leh char char tawh nidangah chu ni se ka ning leh viau ang mahse tunlai ka hringnun a wow loh em avangin an inhnialna chuan ka hriatloh karin min ti nui leh suk suk zel.Result an puang a Nana-i pakhatna a nia Lucas-a pahnihna keipawh top3 ah ka lang pha chiah chiah Edmond-a pa7 na ania Damian-a pa8 na Rochhumzinga chu top10 ah a langlo chiah chiah mahse a ti tha lutuk tho,marksheet vel min pek hnu chuan class atang chuan kan inzui chhuak sap sap a ka tai zawn chu anuamlo leh riai riai thin avang chuan corridor ah chuan ka thu tawp a a na lutuk ka khuate hi a sik hial in ka hria…”Lulian i tha em?” ti a min zawh pawh chuan ka chhang theilo ana lutuk ka insehruh ngawt ngawt ringawt “A thidangin ka hria” Nana-i aw ri pawh ka hre ruai ruai ka kang nawlh a min pawm nimai hian ka hria a dang erawh hriatzwm ka neilo….Tawng ri mur mur ah chuan ka harh a mahse ka meng theilo ka rilru erawh a harhfim vek “A rai ani hrim hrim,UGershom a la naupan nen nangpawh insum ve tur che lawm” Nana-i chuan vin tan tan hian a ti a,UGershoma hmel rum ul tur ka lo mitthla nghal…”A cher zia hi naupai a hua ani hrim hrim ang” Nana-i chuan a ti leh sep a “Kan la in sprengtengkeuh lo” UGershom-a chuan harsa tih hmel deuh hian a rawn ti a nidang chu nise ka nuihpui nasa ngawt ang,a hmel ka mitthla a a kut a hum ruh ngei awmsia…Ka hriatloh karin ka lo muhil leh ani ngei ang ka harh leh chuan ka mit ka meng thei tawh,kan meng chu ka thianten minlo bawm nghal sap sap a “I tha tawh tiraw? Na i la nei em? I ril atam em?” an lo ti nghal zung zung a han chhan ber tur pawh ka hrelo…”Min ti hlauthawng lutuk” lo titu chu ka en a “Tunge i nih?” ka lo ti nghal a phawk fe hian minlo en “Min hrelo maw Lulian keimah Ephraim-a nilo Rochhumzinga i thianpa,Nana a hriatna a hlauh mi?” a ti nghal chung a.”pum ulcer leh Zungkawng thatloh vangin hriatna a hlauh theih dawn mi?” a lo ti hu “Nana ka riltam” ka tihchuan “A mi duh ho chiah a hria anihhi Rochhumzing” alo ti hmiah a….”Lulian””Chhuak rawh” ka lo ti hmak,thawk ala hawk biak luih chi ka nilo tih a hria nge min chhuahsan a…”Luruhring” nge maw ka nick name ah hian Lu tih an telh vek kher le?”UGershom nangpawh ka hre duh hrihlo che khawngaih in nangpawh chhuak rawh” ka lo ti hmak a “Ka insawifiah na pawh i ngaithla dawn lo ami?” a lo tih chuan ka lo thawhak….”Ka ngaihthlak a tulna ka hrelo khawngaih chhuak teh ka damloh hi rilru zel min tihnat sak hrihlo teh” ka tihchuan min en vung vung a a chhuak ve nghal a “I rilru ti na reng reng suh kha chaw hi ei la i rilru a dam sawt mai ang” Nana in alo tih chuan ka lo nui hak a ka tan hi chuan an vahan hlu em…..”Nana haw ila” Edmond-a chuan dinghluai pah hian ati a “I duhleh haw la ka riahpui dawn” a lo ti hmak….”Aw inthlak te i ngai tholawm Damian-a hian lo awmpui se kan chho leh dawnnia” a tih chuan a hmial ta biklo Lucas te nen chuan an inzui chhuak a…(Ka mit in a tlin tawhlo😌)

Chapter-12

-Zuãl’s Khiangte

Tlai lamah chuan Nana-i leh Edmond-a chu an rawn inzui lut leh a damlo an awmpui dawn e tilo chuan an rawn thlen tirh atang in an la inhnial char char a,an bengchheng ropui si ka tai a nuam samlo nen ka ning deuh lek lek “Ka pa in bengcheng tawh su inbengcheng leh chuan tuman in awmpuilo ang a ti ania” Lucas-a chuan cabin a rawn luh pah hian a rawn ti a,ka lo la sawiloh takin tuna ka damdawiin awmna hi Lucas-a te damdawiin hi ania.”Hepa hi lawm ka duh che a ti reng a ka ning alawm ler ropui si” Nana chuan a rawn ti leh hram “Ka duh tak tak che lawm mawle,nge chu pawh chu i huat viau” Edmond-a pawn a lo ti vin hlur….”A tawk Luliani pawh hian a ning tawh ang che u ngawi tawh teh u…. keimah pawh hi ka damlo dawn in ka hria” Damian-a pawn kut phar meuh in a rawn ti a,Nana-i te pawh an ngawi hmak mahse an ke in an la in tlawh zeuh zeuh tho.”I nu te hi pate-a ten an la be lo mi? Tinge an va rawn langlo ve” Edmond-a chuan a rawn ti sup a “In haw hnu khan an rawn kal alawm ka pu a zual deuh a ngaihtuah em em ngai ka nilo bawk nen haw turin ka tilui anihkha” ka tih chuan alo bu nghuah nghuah a,a awmdan chuan UGershom-a min hriatchhuah tir,ani kha chuan engkim a in hmeh bik ka ti thin ka thusawi a pawm tih hriatnan a a lu a buk nghauh zel phei kha chuan ka tek sawk sawk zel anihkha,ka ngai takzet ani…”Ka va inthlak lawk ange zanah Lucas kan riahpui thei vek ang tiraw I pa in a phal em?” Damian an a tih chuan Lucas-a chu alu alo bu nghauh a VIP cabin ah min dah bawk a ka cabin luah chu a zau fu bawk nen kan vai pawn kan leng em em ang….”Lulian Mami nen kan inthen” Rochhumzinga message chu ka en nghal…”A va lawmawm ve tih chi anilo anihchu” tiin ka va reply a a seen nghal a a rawn call nghal zat..”Enge?” ka lo ti vin hlur a.”Nangmah vangin nihhi ka then thinrim tawhlo la ka tihpalh ka tihkha” a tih chuan ka lo nuihak “Kawl a nî chhuak kawng dawm pawn en mahla ka kawm duh tawh bawklo che then rawh pawh ka ti che mi? nihpui leh rawh fake friends never friends” kan tihkhum hmak a,a hawi ve lawl lawl ang chu..”Zaninah ka rawn riak ve dawnnia” a tih chuan ka ngei lutuk chu ka bulah awm selang chuan ar talh nan ka hmang hrim hrim ang “Ngawi rawh ngawi reng rawh” ka lo ti vin hlar a…”I thulo ve emai UGershom-a nen in inthen tih pawh ka hria….I thinlung hmunruak kha hmuruak bawk in luah khat rawh se” a rawn tih leh chuan phone ka off hmak ka vahan ngei mai mai hmelma number1 tak lo kal mawlh teh se ka nasa khawp ang…Zanriah kan eikhamah chuan Rochhumzinga leh UGershom-a an rawn inzui lut a intizei deuh in ka thian ten chance min pe hlawm a ka vahan ngei mai mai tak “Luruhhh ohh Baw bawihte” a rawn ti bah nuai enge maw sawi a tum le?”Babe ka tihpalh” A rawn ti sup a “Maw engtin maw min kauh kha?” ka lo ti nghal thuai “Babe ka ti che” alo tih chuan ka lo ner nghal sawng mai…”Min tlawn i tum a mi?” ka tih chuanva lu a lo thing nghut a “Inthen ka duhlo” a rawn ti sup a tlem chuan a zam ve hmel deuh minlo hmangaih ve takzet tawh anihhi ka rilru chuan ka ti a thinglung khawngaihthlak tih hla ka rilru a sa pah chuan ka thinglung hi a nui ver ver in ka hria…”A nih khanu kha tunge zanah inriak dun em? chuan i hmui bulah khan engtinge lipstick sen kha a kai theih?” tiin ka lo zawt nghal zung zung a,diktak a sawi chuan UGershom-a bulah hi chuan ka thinrim rei theilo tawngkam nem a min han biak hi chuan dawl zawr ang hian ka zawr leh thin….”Rfi ka thianpa Dina bialnu anihkha,khami zan khan Dina nen an leng chhuak kha an inti thiamlo a zan a rei tawh nen min rawn ko a ka va lam a zurim a nam avangin a haw ngamlo a ka riah tir ta mai anihkha” a tih chuan a thusawi chu ka awi leh nghal vek tawh.”An hur dun hmel nen nen intih te thiam loh” ka tih chuan a nui deuh suk a a nuisuk hmel ka hmuh phei chuan dawl zawr ang mai nilo tui luang ang hian ka luang riai riai in ka hria mahse thinrim anga lan ka la tum tang tang tho…”Anih leh lipstick i hmui bula kai chu?” ka lo tihleh chuan “Kha chu keipawn ka hre biklo” a lo ti sup a.”In mudun lo tak tak maw?” ka lo tih leh chuan “A puanhmawr pawn ka tawklo,khalamah kha chuan angel thla neilo mi thianghlim ka intehkhin deuh ber” a tih chuan ka lo thaw huai a lo fihlim ve takzet anih dawn hi.”Khawi maw lo kal teh ka lo dawlh che ka ngai lutuk che” ka tih chuan alo kal vat a minlo kuah nghal a dawlh erawh chu ka dawlh ta lo mai a awmloh chuan keimah hian ka ngai leh lutuk palh ang….Karkhat lai damdawiin a ka awm hnu chuan kan chhuak ve thei hram a Patea(Lucas-a pa)in thil hmui hmer leh thak leh hang ei hrihlo turin min chah nasa ngang mai ka zawm thei ngut ange maw….Damdawiin atanga kan chhuah ni chuan lunch break ah ka thiante ho an rawn phei zuai a school pawh ka tello in an tan leh tawh ka kal chak tawh lutuk hi ka marphu hi a zuang zuk zuk in ka hria….Ka nu in school kal ala phal tlatloh avangin ka tih tur hrelo chu tau burin khumah ka mu a ka lo muhil ani ngei ang ka phone ri chuan min rawn ti harh a min lo call tu ka hmuh chuan ka pick nghal vat “Nana-i alo kal em?” Edmond-a chuan hlauthawng tak hian a rawn ti a…”Kal nang tinge a bo ami?” ka lo ti let hu,school banah Chhawhchhi-i nen an intihbuai thu min hrilh a a dang chu a hrechiang bik vaklo aniang,keipawh khum atang ka thochhuak nghal vat a tunah dar5.30 a ri tep tawh a ruah a sur nasa si khawiah nge maw a kal ang le?”Nu Nana-i bo ania an inlamah ka phei dawn nia” tihpah chuan ka kawrlum chu ka ha sawk sawk a “Engmaw sawi chiang teh” a lo ti nghal thuai a “Nana-i ala haw lo ka zawng dawn” tihleh nihliap parh ka rual a ka tlanchhuak nghal ka nu min auhna pawh ka hre reng mahse ka chhang zui tawhlo..”Lulian lo lut rawh” Ka bula car rawn tih din pah chuan Rochhumzinga chuan a rawn ti a la ngei viau mahila keipawh ka thulut nghal a “Vawiinah chuan a bulah tinge in awmlo mi?” ka ti nghal tawng a…”Awm char char e school kan ban khan Sir Ziran class12 Science boys ho laboratory ah eng eng emaw min dah that tir a,Nana-in gate bulah minlo nghak a tahkhan Chchi te nen an lo inhnial aniang keini chuan min hawsan emaw kan tia keini pawh ngaihtha takin kan haw ve nghal mai a” a tih chuan Chhawhchhi-i te hnuhkual chakna in ka khat ka thiani hian mi pawi a sawi ngailo chutia ka awmloh velah an lo tihbuai le? An hre khawp ang…Aizawl khawpui kan hrutkual vek tawh Nana-i hmel reng reng kan hmulo,Rochhumzinga phone chu a rawn ri a a pick nghal vat “Aw kan rawn phei ang” atih chuan ka lo en vat a “Nana-i Edmond-an a hmu tawh tunah an inah an awm mek” tih pah chuan a in turn a,ka lo thawveng huai mai..Nana-i tein kan thlen chuan Rochhumzinga nen kan inzui lut hmawk hmawk a kan thian dangte pawh an lo awm tawh “Lydia” tihpah chuan nu sangsangi chuan min rawn kuah a min tahkhum nghal a ngaihna ka hrelo takzet Nana-i a thi mile?”A room lamah a awm va lut rawh tawh rawh u” Reife min tahkhum hnu chuan Nu sangsangi chuan a rawn ti a keini pawh in melh hruk hruk in Nana-i room lamah chuan kan inzui phei a,khumah chuan Nana-i chu chauh hmel deuh hian a lo mu bam a thih chu a la thi bik em lo,a bulah chuan Ephraim-a alo awm bawk a…”Nana hetia i awm chhan hi kan hrelo mahse i bulah kan awm tlat ania” Lucas chuan a khum lu a va thut pah hian a va ti a Nana-i pawn min melh kual dan dan in kan tihtakzia a hmuh chuan “Ka lawm e” ati sap a,Nana-i tih hlim tum chuan fiamthu kan thawh a a ni pawh a nui ve leh suk suk thin….. Dar8 velah zanriah chu Nana-i te inah kan ei ve chauh a Nana-i thawmhnaw ka haksak a ka thian mipa te erawh chuan Lucas-a thawmhnaw an haksak thung Nana-i bulah ka mu a mipa te erawh Nana-i khum bul chhuatah mutna an phah a an mu ve tawp bawk..________Class ah hmanhmawh takin ka lut a ka thian mipa te pawn min rawn zui tih ka hria mahse ka kalsan hmawk hmawk a “Hnapthleng sei tial nu” tihleh Chhawhchhi-i sama keh ka rual a chhuat ah ka phih thla nghal hnawk a ka thut beh nghal “Ka thiannu chunga i thiltih man i hmu dawn khawp” tih leh hnek ka rual a,Ni e he mi rapthlak-i hian Nana-i fahran,sâwn leh pa neilo te alo ti vel anihkha…engtin chiah nge ka khawih ka inhrelo ka harhchhuah leh meuh chuan Sir Malika a hma ah Chhawhchhi-i nen kan lo ding reng tawh Damian-a pa a zin bawk si min hrem.ngei dawn anihhi…”Kan warning tawh che u ani lawm ni Lalrammuan,Lalhriatpui” tihpah chuan min melh tawn zak zak a hnamdang ani bawk nen a tawng a pei lek lek,Chhawhchhi-i kan en chu alo thum bur mai a hnarah lapua a la hnawhtawt zui ka khawihna thawkhat anih ka ring inchhirna 1% pawh ka nei miahlo chu mak ka inti hial zawk…”Kan school huana theihai kung sang deuh deuh pahnih ah khuan lawn ula theihai pakhat ve ve min rawn lawh ang che u” Sir Malika chuan a rawn ti a “Sir a dangin min hrem zawk rawh” ka lo ti nghal vat…”Engvang chuan maw?” min melh run chung chuan ati a.”Sang ka hlau” ka tihchuan a nui duh lek chauh “A that hlauh chu” ala ti zui ka vahan ngei tak…Ka hma a theihai kung chu ka en vang vang a sang falua chu a nilo mahse a rah awm na a sang hlawm si sang ka hlau ropui si,thawk ka la halh a “Sir keimah min hrem zawi mai rawh” Rochhumzinga chuan Sir Malika bulah chuan a va ti a kan sir lah chuan engtinmah a chang duhlo,hlauh hi ka neih tlem nen aw hei kher hi chu ahh…”Lulian I mit kha chhing tlat la lawn chho tawp rawh” Lucas-a chuan a rawn ti a “Engtinge maimichhing chungin ka lawn anga ka tla nga sin” ka lo ti vin hlur,chutah inti thei fe in Chhawhchhi-i chu theihai kung atang a rawn chhuk thla pah chuan min rawn kal pel a ka vahan ngei chiang em hmelchhe hmui pan bim bem ropui si…”UGershom-a chauh ngaihtuah chungin lawn rawh hnuailam melhlo la” Rochhumzinga pawh chuan a rawn ti a tlem chuan ka thla a muang deuh kan sir lah chuan lawn vat turin min lo tur ve chhen a ka pheikhawk chu hlip in ka pawnfen pawh ka phelh a boxer ka ha tho a tiang hian lawn a awlsam zawk ang…Hnuailam melh chhuk miahlo chuan ka lawn a rin ai chuan a awlsam phian theihai ka lo zo chiah tihah chuan ka tumloh puiin ka hawi thla a ka lawnna alo sang nasa mai chu niin ka lu a hai nghal ruai ruai in ka hria ka tha rawn khur dawt dawt pawh ka hre thei “Lulian invuan nghet rawh ka rawn lawn a nia i invawnna kha thlah miah suh” Rochhumzinga chuan a rawn ti a keipawh theihmatawp chuan ka invuan a chutah ka theihai loh ka thlauh ta hlauh mai hnuailam kan zu bih chu ka zawi hnawk a ka tla thla vawng vawng chu ka hre thei ka thianten min ko ruai ruai chu pawh ka hria a ka taksa a ri dawp a a thim ta vek mai…..(Ka mit ai kaih lai stickers🤪)

Zuals Khiangte

I wrote my imagination✨

Leave a Reply