You are currently viewing EUPHORIA
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA

Spread the love

Chapter-13

-Zuãl’s Khiangte

Ka bula tawng thawm ri mur mur awm avang chuan ka mengchhuak riai riai a “A harh in ka hria” tih leh ka lam pan a rawn kal chu tunge anih ka hre lawklo ka bul a rawn thleng a UGershom-a alo ni “Na ila nei em?” a tihchuan ka kut nat thu ka lo hrilh vat a a tur deuh ut ut a ka awm a ti nuamlo…”Doctor ka va ko ange” tihleh Rochhumzinga chu chhuah a rual a “I pa a thinrim lutuk a tunah in schoolah a awm mek,a zialo emai a” ka nu chuan ka bula rawn thut pah hian a rawn ti a thilthleng dan ka ngaihtuah a ka thin ala rim deuh hlauh zawng kher a in hrem chu a ngeiawm emai ah….”Ka pa bulah ban turin ka lo ti dawn nia” Damian an a rawn ti sup a “E chutiang tilo e Mambawihi pawh hrem ngaiin a awm a an hrem a nimai mahse hlauh zawng kher a inhrem chu ka ngaihdan anilo khawp mai kha ai sang ah khan Mambawihi hi lo lawn ta se tun ai a thil thalo daih kan tawk thei a… ngaihdam a rawn dil chu ka phut ve khawp mai” ka nu chuan a ti nghet deuh charh a Damian-a pawn alo bu nghut nghut ringawt…Lucas-a pa leh Rochhumzinga an rawn in zui lut a kan lo en thap “Kan damlo-i chu ilo harh tawh maw?” nui deuh sang hian a rawn ti a keipawn ka lo nuih var var a “I kutruh kha a pelh deuh tihloh chu hliam vak i neilo a i vannei khawp mai” a tih chuan ka nu chu a thaw deuh huai chuan ka hria, a fanu hi min chhehchhawl ve viau mahse min hmangaihzia ka hria a a awm ve tho mai….”Tunlai chu kan hmeichhe thian neih chhun te hian damdawiin in ngaina riau mai ” rawn titu lam chu kan hawi phei nghal thup a Lucas leh Nana-i leh Edmond-a te chu an rawn inzui lut a Nana-i kuta venflon in vuah ka hmuh chuan zawhna mitmeng hian ka va melh a “Tukin school in kal hnu khan ka khuasik leh a ka kaih deuh ti tih a damdawiinah min kalpui ringawt alawm” a tih chuan Chhawhchhi-i chu chhuatnawh nan mai nilo insuk nan a ka hman chak zia chu pui tak ani…Pate an “In enkawl tha rawh rawh aw i kut kha chu a dam thuai ang a i pum ulcer zawk kha enkawl uluk ang che thil hmuihmer lam leh hang lam ei lutuk lo la chuan i damdawi ei tha la chuan…” a tih chuan ka kut phar meuh in a tawk ka lo ti a a nui hawk ringawt a thilsawi kha chu ka pa in zing tin min barh mawlh mawlh thin ninawm lutuk mai…”Aw nih ka kalsan ang che u” tihpah chuan a kal a…..”Nu min admit lo tiraw haw ang u damdawiin hi ka hne” Ka tihchuan ka thiante chuan zankhat tal riak turin min ti a mahse na dang em em ka neih chuan loh avang in haw ka tih tlat a anni pawn min tilui thei biklo….Kha thil thlen atang khan karthum lai a liam leh tawh ka kut pawh a dam tawh ti mai ang thil rit chawinan kan la hmang theilo animai a dangah chuan ka duh duh naah ka hmang thei tawh Sir Malik-an ngaihdam min dil duhlo a ama thu ngeiin kan school atang a bang bawk,ka pum ulcer pawh a chhuak tawh ngailo a ka damsen tul ringawt..Weekend ani bawk a tiin kan nula Umami inchhung ti fai chu ka pui a ka nu erawh kan thenawmah a leng thung,pahnih kan ni bawk a nitin deuh tho a ti fai bawk nen chawhma ah kan zo thuai a,inla hnathawk fe a thawk lak halh pah chuan couch ah chuan ka thu a phone ka khawih nghal zat a UGershom-a message ka reply nghak a chutia UGershom-a message khi vur vur a ka reply lai chuan ka nu a rawn haw a.”Phone lah hi khawih reng suh lehkha te hi zir ve rawh a ninawm i thaw hlek a phone i khawih reng mai” a rawn ti lut nghal bawrh bawrh a a mai mai thin a a lenna tein ah a hmelngei zawng a tawng leh ani ngei ang..”Enge maw mi awm hle hle lai khatia hrawk puar khawp a min rawn ankhum leh ringawt le” amah ai pawng chuan ka lo ti a “Lehkha te hi zir ve thin rawh result chhuah dawn ah zir tawhlo in tun angah te hian zir ve thin ta che” kawngdawm pah chuan a rawn ti leh a ka chhang ngam tawhlo ka nu hi a thinrim khat a kawngdawm meuh a min zilh tawh hi chuan a thinrim hle tihna a ni thin a thinrim chhan chu engpawh lo nise kei atan leh nanga tan ka ngawih hi a tha ani,ka ngawih tak reng ah chuan amah chuan chuan a âng zui bawrh bawrh a kei erawh samari mi tha ang mai in ka lo ngawi kar thung…”Va inthlak rawh I pu teinah chaw kan ei phei dawn i pa pawh an office a tang arawn tlang nghal dawn” reife a ân hnu chuan a ti a, rang tawkin ka room lamah ka chho nghal,ka nu thinrim chhan tur ka ngaihtuah a kan thenawm dawrkai ten ka chungchang eng eng emaw an lo fah leh mawlh mawlh anih ka ring a ni a rilru a tluang sia a lo awi leh vek aniang…Apu(Apa pa) tein lam ah chuan scooty chuan kan nufa chuan kan inphur phei a, nichin a min ankhum na kha ka la lungawilo nen ka tlanchak pui vak a ka nu a tre teng tung ringawt kei erawh ka kawchhung a khi ver ver mai…Ka pu tein kan thlen chuan haw leh daih mai ania ka duh ni Chhawhchhi-i te chhungkua mai bakah ka cousin dangte pawh an lo awm thup chu niin,keichuan hetia thil tih khawm huau huau vel hi ka ngaina thlawtlo thawveng viau mah ila ka ning thin hrim hrim in Chhawhchhi-i la tel zui chaw ka in ei puar theih hi ka in ringlo.”Mambawih i va rawn lang khat ve” Apu in min hmuh chuan alo ti vat a ka va pan nghal zat apu hi chu ka naupanlai zawnga min awmtu anih avang hian api aiin ka ngaina daih zawk, apu nen chuan eng eng emaw sawi chuan kan inkawm Pa Sangtea te kan awmna lam a an rawn thut phei chuan choka ah eirawngbawl pui tur chuan ka va phei ve a.Chutia choka a ka lut tur chu Chhawhchhi-i rawn chhuak in min rawn su chawrh a a theitui ken chu ka kawr ah a a luang nghal zur zur ringawt ka sawi tawh em henu nen hian hmunkhat a kan awm apiang in buaina a awm ziah hnek tum a ka kut ka lek hman tep tihah chuan “Mambawih a tawk e buaina tello in aw” ka pa chuan ka dar a rawn beng dat dat pah hian a rawn ti a ka lo in humruh teuh ringawt…”Pa Nana-i teinah ka phei dawnnia,pu henu hi chawei a in sawm dawn chuan keichu min sawm tawh suh ang che u keipawn buaina neih reng hi ka hne” tihleh tlanchhuah ka rual a Nana-i te in leh ka pu tein hi a in hlatlo a scooty in ka kal bawk nen minute10 pawh ka tlan tlinglo…Nana-i tein ka thlen chuan Edmond-a pawh a lo thu kur a hemite pahnih hi tunhnai hi an inhnaih deuh riau in ka hria “Nu Sangsang chaw kalo ei dawnnia” ka tih chuan “E a that chu khuaino hei kan hmeh dawnnia kha Edmond-a pawh kha a rawn ei dawn alawm” a tih chuan ka melh vat a a lo khi vur vur..”Inni mi?” Nana-i melh pah chuan ka ti a “Zokorean-a hi ka duh i ring mi le” a lo ti vin hlur a Edmond-a chu Nana-i thusawi vang nge a tum bur a kei ka lo nui tet tet thung…Chaw pawh kan ei vat a ka ei hnem ngei mai ka pa hian pasal a chhia a tha te i la nei ve a nga ei duhloh neih a tha lo a ti thin a chuvangin ei duhloh hi ka nei lemlo ei theih chi zawng zawng hi chu ka ei thei vek ….Chaw kan ei zawh chuan rei thulo in ka in khalh haw nghal daih a ka haw har chuan ka pa in counselling class min neih pui leh palh ang.. In ka thlen chuan ka nu leh pa pawh anlo thleng tawh…”I va rawn haw har ve” ka nu chuan inchhung ka luh rual chuan a rawn ti leh a a chang pawh ka chhang peihlo mi mah haw hma in tih ve nak a lai a choka lamah ka pheisan daih a…”I nute-i pawh i patea a thah avangin vawiin khan an man tawh kha aw i hre ve tawh em?” ka pa in a rawn tih chuan ka tui hmuam lai chu ka pa hmai ah ka phut thawt ringawt “I va thing e aw” a ti vin hlur a mahse a aw kâ vîn pawh ka ngaihven theilo.. “Nute-i maw patea thattu kha” ka tih chuan a hmaiphih pah chuan “Ni e mawle a uire lai i patea khan a phawk a i patean a nunna a chan phah ta anihkha” a tih chuan mak ka ti tawp theilo nute-i leh patea kha an inhmangaih viau khan ka hre sia..”Engtinge in chhuichhuah theih zawk a?” ka tih chuan a hmai towel a hruk pah chuan i hriat ve zel ngailo a ti hluk ringawt miin kan hre ve chak em em a “Lehlam zawnga ngaihtuah chuan ka thin hi a la rim ani midang duh a nei anih chuan ka nau kha then mai tur ania” ka pa chuan kan ngawih deuh vang vang hnu chuan a rawn ti a keipawh a ngaihdan chu ka tawmpui khawp mai mi rinawm lo hi chu engah mah an hman tlakloh…”Thildang sawi tawh teh ang u nangpawh kha i lungchhe ringawt dawn” ka nu chuan ka pa en pah chuan a rawn ti a..”Ka nau kha a khawngaihthlakawm em ani” ka pa chuan a rawn ti chuai raih a “Khawngaihthlakawm Mizo tawng ah a awm ngailo aw Khawngaihthlak ti mai rawh nangni te ang hian alawm kan Mizo tawng ti ral mek” ka tih chuan ka pa in na zet hian min rawn melh a ka hmui ka chip nghal hmak.”I va tawngthei reuh e ka vawikhat sawi sual na anihkha Mizo tawng ti ral tute mi tih le…Tih tak em ah te chuan nang hian alawm ti ral zawk BTS army ka ni e i ti thul Russia a mi eng Tim a a mawni ka duh e i ti thul Italy mi kha tunge a hming ka hre tawhlo e pathlawi Michele Morrone ka duh e i tia,an tawng kawi khat pawh hrelo hian an hla i sa zawt zawt a hnam zia i ti bo fe zawk” A tih chuan ka thin a vahan rim mai mai tak. “Eng ang pawn atchilh mah ila Mizo mipa bak ka nei dawn chuang hleinem mawle mi nunah buai viau suh” ka lo ti vin hlar a “Mi nilo in Ka fanu alawm te i nih le” a rawn ti deuh hluk a “I tawng thei emai ka ning ahh” tihpah chuan phone ka khawihsan hmak a..”Han zilh deuh che ila phone hi mi han khawihsan hmak a” a tih leh chuan “I fanu hi a chang chuan ka nih tak tak pawh hi ka in ringlo e a Umami nen hian kan dinhmun a in ang rengin ka hria kan in an lohna chu ka nu pum atanga ka pian mai mai hi niin ka hria Chhungkaw chhehchhawl dinhmun atang hian ka pension chak tawh ngawih ngawih ..thil thar te hi han nei ve ila i thil thar neih manah i tia min tirhna tur i zawngkual ang zut zut a” ka tih chuan ka nu a rawn nui hawk a ka pa erawh chuan “I â tung tung sia aw i UMamin a hre palh ange tawng buan buan zel suh ” a rawn ti a ka ngawikar ringawt self carpet nun aneilo emai ka hnial peih tawhlo…..__”UGershom rawn hmanhmawh ta che” tih leh kawng kân ka rual a ,Vawiin hi Jimin birthday a nia Mizoram Army ho in Mc bangah a thlalak an tar a chumi lakpui tur chuan UGershom-a ka hruai chhuak a ani lah amuang ropui si ka tlansan dawr dawr ringawt..”Khah fimkhur…” UGershom an a tih rual in lei ah ka thu hnawk ringawt…Car ka va su ringawt anih chu,ka engmah phei chu ana lo ka thochhuak vat a “In tha em? Na te in nei em?” ka va ti zung zung a “E na i neilo maw?” car khalh tu zawkin a rawn tih chuan lu ka lo bu nghut a rei in be lo in ka kalsan nghal a….”Mi chu car in an su zawk thin a nang chuan Car i su zawk ania” UGershom-a chuan nui put put chung hian a rawn ti a keipawh ka nui ringawt car khalhtu khan mak chu min ti ve ngawt ang an that leh thatloh thute kha ka va zawt leh zawk kha nia…”Khawi tiang hian …tiang deuh hian” tihpah chuan a camera ken dan tur ka lo hrilh zel a mi an tam ve bawk sia a nin hmel tawh bawk sia.”Ka ning kha a tawk ka haw dawn” tih pah chuan a camera ken lai chu min rawn pe a ka au vak vak pawn a rawn hawi duh miahlo “Gershom Laltanpui” ka tih vak chuan a rawn hawi zawk a “Minlo zui rawh” a rawn ti deuh hmuk a a tlawm ngaihna limit a zo tawh anih ka ring keipawn phun buai tawhlo chuang ka va um dat dat a….

Chapter-14

-Zuãl’s Khiangte

“Ka nau ka cousin Evelyn-i kha i la hria em?” ka bulah rawn thu sawk sawk pah chuan Edmond-a chuan a rawn ti a,kân ngaihtuah a ka la hre ve deuh chuan ka hria kan tet lai a UGershom-a tein a ka len a hmeichhe naupang lo awm ve thin kha a nih chuan.”Ka hria in ka hria Singapore a awm kha mi i pate-a fanu kha” ka tih chuan lu a bu nghut a “Heart transplant a tih vang ania Singapore ah an awm char char karleh lamah helamah a lo awm dawn a” a tih chuan lu ka lo bu nghauh nghauh a.”In bulah mi a awm dawn?” ka tih chuan a hriat bikloh thuin min chhang a “Nana-i nen hian kan ni ve deuh reuh chuan ka hria a mahse a awmdan hi ka hrethiamlo” a rawn ti chhuak hlawl a.”I ler em alawm,a la ring ngamlo che nihkha a duh che tihchu keipawn ka hria alawm nghak hram hram la ila nghal chhuak ve mai ang” ka tih chuan khi ver ver in a lu a bu nghauh nghauh a Edmond-a hian Nana-i hi a duh tak tak tih ka hria inngaihzawng pawh nise ka duh pui ve ve…EVELYN pov:Ka bula ding kan class teacher in “Introduce yourself” a rawn tih chuan ka aw kan thian kharh kharh phawt a.”Good Morning everyone,Ka hming chu Evelyn Lalhruaitluangi ka ni a Singapore atang a lo kal ka ni,in bula lehkha ka zir thei tawh tur hi ka lawm khawp maii” In la confi zet chuan ka ti a..Ka sawi zawh chuan,kan teacher chuan “khawiah nge i thut ang aw” tihpah chuan a hawi kual du du a “Tah sawn” tihpah chuan Lucas a thutna lam chu ka kawk a,kan class a awm te chu an in hrilh ru sap sap hlawm a,kan class teacher pawn min melh hraw ringawt.”Ahh aw a tha lawm” a tih chuan Lucas-a bulah chuan ka va thu a,tumahin an thutpui ve duhlo aniang ka duatpuia hi,ka van khawngaih hnup hnup tak pawilo tun atang chuan keimah ka thu tawh dawn alawm.Class chu tha tak chuan kan la a lunch break a nihchuan student thenkhat te chu an chhuak hlawm sap sap a,a ruk a min melh zeuh zeuh tawk lah an banglo “Mama nge min lo kalsan daih a? School ka tlai phah tep alawm kalkawng ka hresilo a,tlai khawhnuah UGershom-a ka phone a ka rawn inthlah tir tawp alawm ” tihpah chuan ka cousin Edmond Lalruatsanga lam chu ka va hawi a,a bula thu a bialnu anih ka rin lah chuan min la en ang ha zui a ka hriat hnu te pawh a ang alawm le.”Nana-i nen kaldun kan ngai alawm” a rawn ti sup a,a unaunu aiin a bialnu a ngai pawimawh maw? Ka awi theilo e mahse a pawi leh lo Lucas-a ka nei alawm.”Ka panda thil zuk ei ve tawh ila” ka tih chuan rum fahran hian Lucasa chuan min rawn melh a “Khati khan mi ko ziah suh” a rawn ti nghal hmuk,hepa hmek hmuk hi chu aw ka hmangaih tih hi a in hre leh lutuk a.”Anihleh ka duatpui ka ril atam thil zuk ei ve ang” ka tih phei chuan min melh puak lo chauh,a ho emai keiai a hmangaihtu an awmlo tihhi ka hrechiang ve emai “Nia Lucas va inhnawhpuar ve tawh ang u” Mama thiannu chuan nui hak hak chung chuan a rawn ti ve a,Ka duatpuia lah chu a tho nulh a a chhuak nghal daih a ka umzui ve nghal a.Canteen ah chuan chuan Ka duatpuia leh Mama leh a thiannu leh Mipa pahnih leh hmeichhia pakhat te nen chuan kan thu ho dial a “Evelyn heihi Nana-i anihhi,ka bialnu” Mama chuan a rawn ti sup a Nana-i a tih chuan a hnungah a chum nghal chawrh a “Engtinnge Mama te ang hi i duh zawk a? A mawl teh mai nia,vangvat pawh a seh tawh” tihpah chuan ka nui vak vak a ,Nana-i pawh a rawn nui ve hak hak a”Lalhruaitluang thil sawi awm deuh hlek te hi hre ve rawh” Mama chuan a rawn ti sup a.”Kan ni reng reng lo amah hian min bialnu ve ringawt alawm” Nana-i chuan nui pah chuan a rawn ti a “Kan nilo maw?” tihpah chuan Mama chu a ding hluai a.”Bawiha a ho emai thu teh,thudiklo pawh anihloh kha” Ka Duatpui an a rawn tih chuan a thutna ah chuan thu leh a,Nana-i nen an chanchin chu ka sawi ngam tawh teuhlo a tumlian emai a,a hmel kan en chuan ka insum thei thlawtlo kan nui leh a “Lalhruaitluang i mipa duh ve hi en ta che a ngo var hluak anihhi” tihpah chuan Lucas a chu a en a,ve mai mai ka duatpuia te a sawichhiat le.”Angel a ni miau a, a ngo ve loh in nang chu setana thlah i nia i ngo ve theilo anihkha,Nana kan tet lai phei chuan maw dumka a ang thei lutuk ,a tahbelh thei si Lucasa nen pawh hian kan kawm tha peih ngailo” “Ka ngo peih ve neklo e,in tetlai a in tenawm dun theih nen an zahloh zia chu maw kum4 vel an nih in an innei der vel mawle ka luak inti chhuak” tihpah chuan min ten hmel fe chuan Lucasa nen chuan min han melh vel a a thiandang te chu an lo nui ringawt.”A tawk a tawk ka pum inti na” A thiannu pakhat chuan nui hak hak pah chuan a rawn ti a,a nui ring deuh nge ni canteen a chawl ve te lah chuan kan awmna lam an rawn thlir thup a.”E heihi kan thianho zinga tawng ring lama kan chhuanvawr Luruhringi UGershom-a bialnu anihhi chuan hei ler deuh hi Damian ania pakhat lukir hi Ephraim-a ania mahse Rochhumzing tiin ko rawh” Mama chuan a ti a…”Chuan Evelyn i u Mama hi inla Zokorean-a tiin kan ko thin aw” Luruhringi chuan nui pah hian a rawn ti a kan in mil dawn hian ka hre tlat he nu nen hian..”Luruhring ka hmuh hnu i ang ka ti” ka tih chuan Rochhumzinga chuan “I hmu thin mai nilo in in naupan lai velin in in kawn thin alawm keini chuan kan la hre deuh vek che mahse i hmel hi kan hre vak tawhlo animai Luruhringi hi chu naupang lai atanga UGershom-a rawn birh tluk tluk tu kha nia i hriatloh chuan a mak zawk ang” a tih chuan Luruhringi chu ka hre deuh reuhin ka hria UGershom-a zui kual reng tu kan naupan laiin a awm thin tak kha..Bell a rik chuan classroom ah chuan kan inzui lut sap sap a,Biology teacher a rawn lut zui nghal a,ka mutchhuak lutuk chu ka menglui thei thlawtlo dawnkan ka hmaiin a deh rual chuan manglamah ka lut nghal riai riai a.”Evelyn” ring tak a min ko tu an awm a vang chuan ka thutna atangin ka dingngil nghal zawt a,classroom ah ka awm tih ka theihnghilh chiang lutuk Lucas-a lah chuan min melhrum em em zui,min hmangaih pawn tinge min melhrum vak zel le?”I mutthlu em ni?” sir in a tih chuan “No sir” ka lo ti vat a.”Anih chuan nichin a ka thilsawi kha han hrilhfiah teh?” a tih chuan engmah ka hrelo hrim hrim.”A engber kha maw sir?” tiin inla confi zet chuan ka zawt a.”What is Colostrum?” a rawn ti nghut a “Sir English in nge Mizo in” ka tihchuan rum mang kheng hian min rawn melh a.”I thiamdan zawk zawk in sawi rawh” nghet churh hian a rawn ti a”Colostrum chu nu hnute tui chhuak hmasa ber ani a rawng eng deuh reuh ani a nurse ten naute a pian hian chu hnute tui hmasa ber chu hnektir an tum thin a chhan chu natna hrik lakah te a veng thei a chuan…” ka ti leh chiah “Thu rawh” a rawn ti hmuk a min la melhrum em em zui,ka bin thuai zawk dawn a mawni.Class lak chhung zawng chuan zawhna awmthei zawng zawng chu class lak karlak ah min dintirin min zawt bik reng a,keilahin ka lo chhang dik zel sia a chawh tak tak ani,a kal pahnih ka ruksak emaw tih tur khawp a rumin min la en zui tlangval senior annihloh pawn pa tawhkhirh ve tak chu anih ka ring,a class a zawh chuan a chhuak ve nghal mai a ka thawhuai thei.”Evelyn engtinge a zawhna che kha i hriat vek theih a?” Nana-i chuan mak ti fe hian a rawn ti a “School tan hma in kan lehkhabu te hi chu ka zir sa vek a cover sa vek zel alawm,a tlachawp a zir ka peihlo a” ka tih chuan a va in an loh theih ve a ti a,ka lo nuih ringawt.Chemistry teacher a rawn lut leh a chawh tur a awmlo bawk a,class pawh ka ngaihven meuhlo ka bula mi bak hi ka rilru ah a lut theilo,a hmel hi chu a tha ve thlawt alawm ka pathlawi Neymar Jr leh Michele Morrone ai a ka hmangaih kha a ni ve miau a mahse a tak tak a hmu dawn ila chuan Lucasa hian min ti duhdah sia ka kalsam maithei ni,awi engtinge nge chutiang ka ngaihtuah theih le? Ka pasal nimai tur ka rilru in ka phatsan chu nisia ka inthiamlo ngawih ngawih bell a rawn rik chuan haw tur chuan an insingsa hlawm a.”Lucas ka tihpalh aw” ka tih chuan mak min tih hmel fe hian min en a “Engvang chuan maw?” a rawn ti nghut a..”Ka rilru in ka phatsan che a” ka tih chuan kan tawng ri chu Rochhumzingan a hre ve ni tur ani a nui vak a “Luruhring hei nangman second hi ani ringawt han train deuh la Tarmit-a nen hian han suih zawm teh” tihpah chuan Luruhringi chu a va kuah a “kal teh alum” pakhat chuan alo ti vin hlar a..”Lucas hi i duhna rei tawh em?” Luruhringi chuan ka bula lo kal pah chuan a rawn ti a keiin ka lu ka lo bu nghauh a “Nakinah UGershom-a ka bum thluk dan ka hrilh ang che ka hnen atang i inzir dawn nia” a tih chuan ka nui nghal ver ver a kan in mil kha ka ring reng ani Luruhringi tawp hi ka aim in life tawp😄…..

Zuals Khiangte

I wrote my imagination✨

Leave a Reply