You are currently viewing EUPHORIA
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA

Spread the love

Chapter-2

– Zuãl’s Khiangte

Ka alarm ri bengcheng zet chuan ka mutui lai chu min ti harh a peihlo deuh in ka thuchhuak vat fitness ka ngaih pawimawh avangin zingtin ka tlan thin a ka peih chang chang in tlai lamah gym ah ka kal thin bawk ,intifai sawk sawk in adidas track suit dum chu ka ha a,ka inthlak zawh chuan ka phone leh earphone chu la in ka in ka chhuahsan nghal…

Alo lang leh tep tawh ang 1..2..3 ti a ka chhiarlai chuan “UGershom min lo nghak” ka rin ang chiah ka inher chuan Luruhringi chuan minlo um ni ngei tur ani a lo tlan thet thet a te viau mahse amah tawkah hi chuan a inphutmawi tawk ve viau chuan ka hria.

“Ka zing exer laknaah zel chuan min ti buailo la” ka bul alo thlen chuan ka lo ti a,huat a hnek in a la khi ver ver zui.

“Aw chance kan neih theih ve na awmchhun ania,hrim hrim in he kawng hi i pa ta bik pawh a nilo a uikawm viau zel suh” a zawk zamah hian a “Min be buai suh ang che” tihpah chuan ka earphone chu ka vuah a ka tlansan nghal daih a,thui ve fe ka tlan hnu chuan kan inpawt fan a,ka hnung lam kan en chuan Lydia ka hmu tawh miahlo min hawsan ta anih ka ring ringawt.

Haw lamah chuan muangchangin ka haw a ka tlan nasa bawk nen ka bek vel atang chuan ka thlan a rawn chhuak nasa ngei mai,chutia lungmuan tak ka kal lai chuan vawilehkhatah khawi atang nge a rawn chhuah pawh ka hrelo Lydia chu a rawn lang thut a “Barakhaih” a rawn tih chuan ka tlu dawr ringawt, chutia ka awm chu ala lawm em em zui a nui hak hak reuh a,ka thin a rim kher mai. 

“Lalrammuan mawl chin tawk hi hre rawh,vawiinah min rawn zar buai miah suh ang che ka hmu peih hrihlo che” tihpah chuan ka tlansan daih a UGershom a rawn tih lawng lawng pawh ka hrereng hawi let hauhlo in ka tlan a.

Chumi ni chuan a inthlahrung ve deuh ani ngei ang nileng in ka hmulo a,keimah zawk hi ka awm thiamlo ka ni deuh hui in ka hria nidanga ka college bang minlo chang reng thintu ka hmulo chu engtin emaw tak hian ka awm,kan bang hma tho a tiin an School lam atangin haw turin ka inkhalh chhuak a.

An School ka thlen dawn chuan in ralrin na awm hman leklo in ruah a rawn bo/bua hawk a,an school bul a waiting shed ah chuan ruah sur ban ka nghak reng ringawt,heta tang a ka lo haw kher kher chu inchhir tak ka ni,an la ban loh vang anih dawn hi kan college bulah minlo chan loh ka ti rilru nuah nuah a…

Darkar chanve chutia ka thut hnu chuan an school atang chuan zirlai naupang anlo chhuak sap sap a,ka mit ka lo len vat min hmulo mahse pawi ka tilo mahse keichuan hmuh ruk ka duh……chutia ka mit ka lo len kual vel lai chuan an thianho chuan an rawn chhuak tham tham a a thian kawm te ho lah chu ka mi hriat chian te vek anni a an inkawm tawk viau ania ka rinni Ram ropui erawh an thlen hmel hlawm viau loh.

A hawi ang he he reuh a vawilehkhatah a rawn hawi phut a ramhuai hmu ang mai in a mengphar awk a a mit a nuai nawk nawk a heta ka awm a ringlo a ni tih ka ring thiam nghal,chuta lehh a thiannu nen a an nihliap inzawnna atang chuan a rawn tlan phei a ala khi ang vur vur zui a,kawng en heklo vawilehkhatah a tlu bawkhup chawrh a a thianten an va hnaih nghal a alo tah khum vak ringawt,na a tih hmel pawh ka tilo a zak anih ka ring ka lamah chuan an lo kal phei pui a.

“Min minnn hawsann ru UGershom ka lo inthlah tir mai ang” la tap pur chung chuan a ti a,a thiante pawn nui tho chungin min kalsan ringawt,ruah a bang tawh a kawng a kal te lah chuan min en hrek hrek a ka bula mi lah a tap ring si a berh bawk si ka thlem thiam der silo.

“Tap tawhlo tehh,haw ang” ka ti hmuk a,chutah la tappur chung chuan “UGershom min duhloh phah vek em?” a rawn ti a,engtik lai mahin ka duh tih ka sawi tawp silo a…

“Duhloh phahloh e tap tawh suh le” miin min en nasat em avang chuan ka ti ta tawp “Mahh mahse i bialnu pawh min nih tir duhlo” ti leh tah a uar zual sawt a, a vahan hahthlak mai mai tak a tluk vanga tap ah pawh ka ngai tawhlo ka hma a khatia a awm vangah ka ngai ta ber,mi lah chuan hmuhnawm thlir takin min la thlir zui,hawsan mai ania ka duh ni mahse a berh lei lui sia ka khawngaih ve deuh tho bawk sia.

“Tap tawhlo la ka bialnu i ni dawnnia” engtiklaiin nge ka ka atang chutiang thu a chhuah pawh ka hrelo e a,a tap tawp hmak a “I ti tak tak tiraw?” la inhnit faih faih chung chuan a ti a ka lu ka lo bu ringawt a tah tawp na nih dawn chuan a nih nih ni tawh mai teh ang…

“Haw tawh ang aw chu ka bialnu i nih dawn chu” ka tih chuan tahnuih hawk in a bu nghauh nghauh a,a tah tawp na tur ani tih hria ila nichin chin ah khan ka ti daih tawh ang mawle,berh luai chung chuan kan in phur haw a,ka hnung ami lah hi a biang leh lam leh lam a dawm ang mai a khi haw thaw ringawt.

______

Ka zanriah ei kham chu sofa ah thu in ka phone ka khawih mial mial a,ka nau message ka open chuan ka nui hawk ringawt.

“U Lydia nen in inngaihzawng a mi? kan thian ho group ah a rawn tlangau nasa teh ania” tih hi alo ni a “Nia hei ka nihpui ve rawt anihh” tih chuan ka reply a.

“U ,duh hle che mahse i nin ka ringlo duat deuh khan lo enkawl rawh ka thiannu kha” tih alo thawn chu ka reply tawh lo,call alo lut zui zat a Luruhringi hnen atangin…

Hello ka tih hma in “UGershom keichu awmdan tur pawh ka hrelo ka taksa hi a tek sawk sawk in ka hria ka mumang a ang ka ti bawk sia mumang atan ka phal bawk silo,a hma ang khan ka zui reng ang che nge renglo ang che tih te ka ngaihtuah a ka buai lutuk” a rawn ti hlawk hlawk a “Min umzui zello la keiman ka lo pan ve tawh ang che,chuan in text reng tih te in biak reng tihte hi ka peih vak lo ania in text ai chuan in call ka duh zawk aw” ka tih chuan a yes rang teh asin,ka rin ai chuan a nuam dawn phian in ka hria.

“Mahse UGershom nikhatah ka hmuhloh che chuan ka at hman ka hlau sia min rawn pan ngun deuh rawh aw” a tih chuan ka lo nui hawk a “Aw kan tum dawnnia” ka ti ringawt.

“UGershom” a rawn tih chuan aw ka lo ti vat a “Kan in ngaizawng tawh sia min rawn rim dawn em?” a tih chuan ka nuichhuak hawk”Lehkha kha zir hrih zawk rawh” ka tih chuan “Min rim dawnlo maw?” a rawn ti ang he haw a.

“Nakinah kan sawitha dawnnia lehkha chu han zir phawt la” ka tih chuan a zirtur thu sawiin kan inbiakna chu ka ti tawp a,mahni chuan ka nui leh suk suk zel miin min hmu selang chuan mi â emaw min ti hrim hrim ang.

Sofa ah chuan thu mu in ML ka khel a,engtia rei nge ka khelh pawh ka hrelo doorbell a rik ral ral avang chuan ka phone kheuh mawlh mawlh pah chuan kawngkhar chu ka va hawng a ,pawn a ka mi hmuh vang chuan ka meng deuh awk ringawt darzat ka en vat a 8:30pm alo ri tawh.

“Enge hetah i rawn tih?” ka tih chuan,nuisang chung hian “Min rawn rim i tum silo a keiman ka rawn rim dawn che” a tih  anih chu,Kan Lydia Lalrammuani tak hi chu aw………

Zuals Khiangte

I wrote my imagination✨

Leave a Reply