You are currently viewing EUPHORIA
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA

Spread the love

Chapter-3

-Zuãl’s Khiangte

LYDIA pov:

Ka hma a angel ang mai a hmeltha leh pa ding chuan mak tih hmel fe chuan min en reng a “Khawi maw min luh tir tehh” tihleh luh ka rual a,couch ah chuan ka va thu tharh.

“Zanah chhuak tawh lo turin ka ti che in ka hria” ka hma a din ngul pah chuan a rawn ti a,chu te chu ka hre ve reng mahse kan inngaihzawng ni te ani a ka chiri dawn tih te chu hriat ve awm hi nia..

“Naa ka chiri dawn lawm mawle” taubur chuan ka rawn ti a hahthlak min tih hmel fe chuan min en a “Engtik nge in in exam dawn?” a rawn tih chuan “Thlaleh ah” ka lo ti hmuk.

“Chu phei phei,hetia lehkhazir loh phah nan i hmang dawn anih chuan kan inthen leh nghal ang” a tihchuan hlauthawng fe hian ka en melh vat a, ala thutak hmel em em zui “UGershom zaninah pawh ka zir reng lawm inthen hrihlo mai ang a zahthlak nikhat pawh kan la inngaihzawng silo” ka ti a,inthen ka duhlo hrim hrim ka pasal tur atan ka hual lawk vek tawh.

“Aw nih kan inthen lo ang,zanah chhuak tawh suh ang che zan a chhuak dun dun hmeichhia ka duhlo nia” a tihchuan ka lu ka lo bu nghauh nghauh a,UGershoma thusawi hi chu bible a *I thu hi ka ke atan te hian khawnvar ani a ka kawng atan eng ani* tih ang mai hian ka zawm tha,a hmel chu kan en vang vang a awi a vahan tha chiang em a luck zia ka hria a bialnu tawh te leh a ck pui zuai thlengin ka hre vek chutiang khawp chuan ka ngaihsak ,ani hi chu ka tet lai atangin ka pasal tur anihloh reng ka ringlo ka duh em em emai,ka pasal ani dawn tih  eng rau emaw ber hian min hriattir tlat.

Ngawireng chuan Tv chu kan en dun a biak chak viau mah ila a mood a chhiat hmel bawk sia ka be mai ngam biklo,min then palh ka hlau ting tang tawh nen ka ngawi kar a,sana/sona inkhawk ri leh tv a kan thil en ri bak a thawm dang a awmlo “UGershom” ka tih sep rual chuana rawn hawi vat a “Enge?” a rawn ti hluk,ka sawi leh lo mai dawn mawni ka tih lai chuan “Sawi la” dam deuh zawk hian a rawn ti a.

“kan in fawp ve dawn lo mi?” ka tih chuan a nuihawk a “Aw ahh nang hi chu aw” tihpah chuan min rawn thut hnaih a,ka mur deuh seng seng hian ka hria ka lam ah a rawn thle phei a muangchang hian min rawn hnaih telh telh a,chutah le a hmuinem thep chuan ka hmui a rawn chuktuah a awi ka tek sawk sawk in hian hria,a rawn duh thawh tial tial a keipawh chuan ka thiam ang tawk chuan ka lo chhanglet ve a,chutah inla hrang thut in min en vang vang a ka hmuiah rawn fawp leh zeuh in min pawm vang vang a,awi a angchhung a awm chu a nuam mai pawh a nilo a thlum dep dep in ka hria.

“Ilo nula ve tawh hle mai,i pian hlim te i naupanlai te leh i mawng vei lam a khuavang i nei tih thleng a hre tu ka nih avang hian ka lo nau en leh thin che a lawm mawle” nui deuh pah hian a rawn ti a “Maw engtinnge ka mawng veilamah khuavang ka nei tih i hriat?” mak ti zet chuan ka lo ti vat a,min chhanglo in a nuisuk ringawt.

“Hawh ka thlah ang che” tihpah chuan a ding a keipawh ka ding ve nghal zat engtin nge ka mawng veilam a khuavang a awm tih a hriat theih tih hlir chu ka ngaihtuah a ni lah chuan a sawi duh der mai silo a.

Kan inkawt ah a dingdat avang chuan peihlo fe chuan bike atang chuan ka chhuk a,inru ang han ti thut selang chuan î hê  lo in ka zui nghal ang mawle “Muttui aw,zanah chhuah ching tawhlo la chuan lehkha zir tha bawk ang che result tha deuh i nei chuan khawiah emaw ka kalpui ang che” a tih chuan phur fahran hian ka zirthat tur thu chu ka hrilh a,min pawt hnai thut in min fawp vang vang a ka pumchhung atang hian phengphehlep hi an thlawk chuan mur mur in ka hria..

“Lut tawh rawh le” a tih chuan inher mai lo in amah en reng chung chuan ka hnung tawlh a,atthlak tih hmel fe hian min melh a a hmel hi hnunchhawn ka phal thlawtlo gate ka luh chuan kal pangai in ka kal chauh.

“I va rei ve,i thianpa i room ah awm kha,riah nghal a tum in ka hria” ka nu chuan inchhung ka lut chiah tihah chuan alo ti nghal sawk sawk a “Ephraim-a maw?” ka tihchuan alu alo bu nghut a,inchung a chauh ka tum lai chuan ka pa in thingpui min va lum lawk teh a tih avang chuan thingpui ka va lum leh te te a,thingpui nen chuan a bulah ka va phei a “Naupanlai atang a inkawm inni a thian chauh pawh nimah ula mi hmuh ah nula leh tlangval riah dun hi a mawi berlo tih hria ula tullo ah chuan rawn riak vak lo turin ti ang che” ka pa chuan thingpui ka pek lai chuan a ti sup a.

“Awi kan veng mi pawn unau ang in lawm min hriat vek Rochhumzinga phei khi chuan khaiuai a nei tih a inhriat pawh ka ringlo” ka tih chuan ka nu a lo nui hawk a ka pa in ava melh chuan a nui tawp nghal hmak “Thu tha ka hrilh lai che hian min chhang zuah zuah thin suh” a tih chuan “Awi hrih mah ila Rochhumzinga khian ka sawi lai bakin ka thu leh i thu hi a awi dawn chuang lo,chuvang in hrilhlo law law mai ang hrim hrim in i fapa ang tho nia kan kawmchhak lawk an ni bawk a miin kan riak dun thin tih an hre teuhhhlo” tihpah chuan a tawp lam chu ka ti fan vak a.

“I tawngthei zuah zuah sia aw,va chho rawh eitur te kha keng chho rawh i thianpa kha a riltam ang” a tawp ah chuan a ti leh nge nge tho,unau pianpui ka neihloh avang hian min duat hlur turah inlo ngai ringawt ange kehthei dawm tih chu khawi lamah chang thei turin min dawm..

“Ehee tinge i hmai pheng phung chu phung i va ang ve” ka room a ka lut ka khum a lo thu khem nung ka hmuh vang chuan ka ti vat a,a hmel chu  nawhfe te pawh a ang zawk alawm mawle a pawr phung mai.

Ani hi ka thian tha ber Ephraim Lalrozela ani a,Rochhumzing ka ti mai zel tet lai atanga inthenawm kan ni a ka pa leh a pa te hi thiantha tak anlo ni ve zel bawk nen unau ang chiah kan ni,thiandang nei tho mah ila ani ang em em a ka chhiahhlawh theih an awmloh avang hian ka tan chuan hlu vet vet tak ani….a naupan laiin anu in a thihsan a pa Valte a Rochhumzinga pa hi pa damthluam ang chi hi a ni a,Nute-i a thih hnu deuh lawk ah nupui dang anei a an inneih tirh chuan a fel lutuk mahse a sual tual tual a,pa Valte-a nen fa an neih dun hnu ah phei rapthlak tak ani,pa Valte-a bulah chuan  Rochhumzinga hi a duat hliau hliau a a awmloh ah erawh en hrang tak ani,Pa Valte-a lah a hna vangin a zin reng a  nupuiin Rochhumzinga a tih thin dan hre heklo ngaih ngam tak in a kalsan thin a a khawngaih thlak zawk ka thianpa lah hi tawngtamlo chi a lo ni ve zel bawk nen ngaih ah a nei tawh ti ila a dik mai ang chu….Inah phei chuan awm tamlo tak ani Pa Valte-a a zin phei chuan kan in ah a awm deuh chawt loh leh anu tan a pa Valtean in a pek ah a awm daih zel,ka pa te pawn kan ramhuai pitar-i(Rochhumzinga nuhrawn) in a enhran zia an hria a,ka pa in a fapa ang hial in a lo ngai ve bawk nen hetia kan in a a lo riak te pawh hi engah vak angai lemlo nichin kha chu kan thenawm dawrkai te kam tam lutuk a hriat vang bak anih ka ringlo,kei nen hi chuan min en hranna a tamlo khawp a a chang phei chuan pafa an ang daih zawk ka ti thin..

“Mawh tinge i va khem nasa ve?” a bula thu pah chuan ka ti a “Kan insual” lo ti deuh hmuk pet put hian a ka zawt zui tawh biklo,first aid box chu la in a pem ah chuan damdawi ka hnawih sak a a lo dawh ve mai bawk.

“Tute nen nge in in sual leh tawh a Tete-a te nen bawk ami?” ka tihchuan a lu alo bu nghut a “A vahan ho mai mai tak in buaina ho thei ropui si,khawi amw inti fai ila mu ang i inthlak duh chuan i thawmhnaw ka la kawlin ka hria va ha mai rawh” tihleh bathroom a luhsan ka rual a,bathroom atanga ka chhuah chuan a lut ve nghal UGershom-a chu a mut tawh leh tawhlo ka zawt a a la mutloh thu leh lehkha a zir mek thu in min rawn reply vat a,*zir phawt la i zir zawh ka lo nghak ang che* ka tih chuan *yessi* alo ti vat a keimah in ka khi leh ver ver tawh…

Nana ka thiannu ve ber chu ka call a a la tawh dawnlo maw tih tawh hnu ah “Enge” a rawn ti vin hlar a Hello tih hi awm ngailo reng reng “Eki UGershom-an ka mawng veilamah khuavang a awm tih a hria nia” ka tih chuan “I vahan in phal hma ve i va inphelh ruak nghal elaw?” a rawn ti he haw a “Awi khawvelah i mawl ber phelh ruak mai mai lo engtinge a hriat le?” ka lo ti chul a.

“Aw i naupanlai velin a hmu niang” a ranw tih chuan keipawn chu chu ka awi deuh “I mawng dinglamah kutchuk a awm tih a hrelo tal a lawm” nui hak hak pah a a rawn tih chuan “Murawh i â si” tih leh call ka ti tawp a,ka hnunglam kan en chu Rochhumzingan minlo nuih char char chu niin…

“Eng thleng kha nge i hriat hman?” 

“Khuavang atangin” nuih insum deuh pah hian a rawn ti a “I ngam chuan han sawichhuak teh i sawichhuah ni la la in i nunna ka sah chah sak ang che” tihpah chuan ka kuttum ka hmuh a alo bu nghauh nghauh a Hmangaihsang i ka lo biak kher kher vang vek.

Khumah chuan mu in kan phone kan kheuh dun mawlh mawlh a,UGershoma nen rei fe kan in text hnu chuan kan in mangtha a khi ver ver chung chuan ka phone chu ka dah a,Rochhumzinga chu khan in ka mit chu ka ching riai riai a.

Zuals Khiangte

I wrote my imagination✨

Leave a Reply