You are currently viewing EUPHORIA
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA

Spread the love

EUPHÕRIA💫

Chapter-9

By Zuãl’s Khiangte 

(Assignment….Assignment….Assignment kan ngah lutuk a maw ka thluak ah hian tulung a lut in ka hria a tawi deuh pawn min hrethiammai dawnnia)

Ka muhil chu ka phone ri chuan min ti harh a kan en nak chuan Luruhringi alo ni,darzat ka en vat a dar2 alo ri reng tawh tun ang zan rei ah ti nui nui pah chuan call chu ka pick a “U UGershom ka pate-a a inkhai” tap hlawp hlawp pah hian a rawn ti a..

“Maw enga han sawi chiang deuh teh?” ka lo ti nghal thuai a “Ihh paaa pate-a a inawkhlum” bah deuh nuai hian a rawn ti a.

“Tunah i patea inah mi in awm ka rawn kal nghal ang” ka tih chuan an awm mek thu a rawn sawi vat a,khum atang a thochhuak nghal vatin ka inthlak nghal sawk sawk a…Ka nau room lam pan in ka kik mawlh mawlh a…

“I tho â mi? Enge ni vak vak?” bah hlur a rawn tih pah chuan kawngkhar chu a rawn hawng a “Luruhringi patea thi hei an in lamah kal ka tum a,ilo kal ve dawn em?” ka tih chuan a meng phawkhra a “Ahh a thih tawh ber te chuan naktuk lamah ka kal mai ang” mit nuai chuap chuap chung chuan a ti a..

“I lo kal dawn lo tak tak maw?” ka tih chuan “Aw ka ti nung thei pawh a ni silo a ka lo kal hrihlo mai ang,ka tawrhpui lutuk tih minlo hrilhsak mak rawh awi ka mutchhuak lutuk” tihpah chuan kawngkhar chu a khar a,Mizo tlawmngaihna hi a la pawh pha velo ah ka ngai…

Luruhringi patea te in ka thlen chuan nula tlangval te pawh anlo che sap sap tawh “UGershom” an rawn tihna lam chu ka hawi vat a Luruhringi chu ka lampan hian a rawn kal vat a,a tahna vangin a mit leh a hnar a sen tan reuh a lehlam tak chuan a tilang duhawm khawp mai..

“Ihh maw UGershom patea hi awkhlum anih ka ring miahlo” hawi thawven a duh avangin a patea te inchung ah kan thu a “Enge i sawi awmzia?” ka lo ti vat.

“Patea in khai lai kha ka hmu ve a a ke khan lei a dek reng alawm kan hamhaih khan kan hrelo a mahse a hnu a ka ngaihtuah hian chiang takin a ke khan lei a dek tih ka hria chuan inkhai hlum an sawi thin ang hian a lei a chhuah ve pawn ka hre lo chuan maw patea ruang kan thawm that lai khan a lu ka khawih palh a a dup a” a tih chuan amah chu ka en vat a “I pa i hrilh tawh em?” ka tih chuan a lu a lo thing a,amah kaithla dawr dawr in apa chu ka zawng a hetiang thu pawimawh hi chu apa in hre vat se a tha ang tualthatna alo nih ngat phei chuan…

“Pate in be lawk ang u” ka tih chuan pate-a chuan alu a lo bu nghut a inchung lamah kan inzui chho nghal a Luruhringi chuan a thil hriat ang ang chu apa chu a hrilh a….Pate-a pawh chu chhuak nghal vutin a unaupa lu chu a va khawih a Luruhringi thilsawi chu a dik hmel khawp mai..

A phone chu hmet mawlh mawlh in mi a call nghal zat a,a hnu reilotea a mi biakte anni ngei ang an lo thleng nghal a “Min lo hrethiam ula ka nau thihna ah hian thil fel hlen deuh a awmin ka hria a postmortem ka duh ani” patea chuan a ti nghut a,Luruhringi patea ruang chu postmortem tur chuan an la ta a.

Zing dar5 velah chuan ka inkhalh haw a ka rilru ah chuan Luruhringi Pate-a chu thah lo ni ta se tu thah nge ni ang tih hlir a awm….In ka thlen chuan inthlak tawh lemlo chuan ka mu nghal tawp a ka mut a chhuak bawk nen rei riallo in ka muhil nghal.

——

Luruhringi patea-a ruang pawh an phum tawh a…Postmortem a a lan dan chuan hruia a inkhai hma kha a lo thi daih tawh chu niin a awmzia chu tualthatna ngei ani,Luruhringi pawh fimkhur turin ka chah ve nasa khawp mai.

Kar leh mai an exam a nih tawh avangin bazar ah ka chhuah harh pui a eng eng emaw ka lei ve nual a lawm thiam lutuk te chu a lawmawm zawk…

“UGershom ka phing a pawp dawn ka zun a chhuak lutuk” a tih avang chuan bazar bul lawk a ka thianpa te restaurant ah chuan ka luhpui a,an toilet ah a lut nghal…

“I dam maw?” Luruhringi ka lo nghah lai chuan Rosy chuan ka bula ding pah hian a rawn ti a “Hei ka la dam ve chu anihhi” ka lo ti nghut.

“Zanin chu lo leng la?” tihpah chuan ka ban ah a rawn vuan a “In inah enge ka rawn tih ang” ka tihchuan a nui hak a…

“Gershom ngeiawm loh teh,kan tihtur chu i hria lawm” tihpah hian mitmeng awmze nei deuh hian min melh a “Anih chuan ka peih lo anihchu” kalo ti nghut a.

“Ka rei em?” nuisang a rawn kal pah hian Luruhringi chuan a rawn ti a,ka ban vuantu a hmuh chuan a ner sak.

“Mawh zanin chu?” Rosy chuan a rawn ti leh a “Thil i sawi duh anih pawn hetah chuan vuan ve tawh suh” tihpah chuan Luruhringi chuan Rosy in min vawnna chu a rawn phih thla a a lamah min pawt phei deuh pawp a ka lo nuichhuak hawk rum em em hian min la melh kha kha zui..

“Aw naupangte i bialpa hi ka thianpa nia ka lo kuah chu a pawi viau a mi?” 

“Aw pawi ka thulo chuan lo tawk ve tawh suh a taksa leh ruhtuah leh thling phel hrang khawp hial hian ka ta anihhi” a lo ti vin pang pang a,kei ka lo nui sun sun, thik thu pe chhe reuh lutuk mai.

“Kal ang” tihpah chuan a inher hmak a “I duhzawng chu a mak ta hle mai” Rosy chuan a rawn ti sap a “Ni e mihring te hi chu kan inthlak danglam reng alawm” tihpah chuan Luruhringi chu ka um zui a a ke tawi tawi nen a va kal chak reuh ve mawle,ka bike bulah chuan min lo nghak a….

“Khanu in a vawn che khan tinge engtinmah i tihloh a?” a bul ka thlen chuan a rawn ti vin nghal hlar a..

“A ho emai lo chuang rawh” tihpah chuan bike ah chuan ka chuang a tumbur in a rawn chuang ve nghal,haw lamah chuan tu mah mah kan tawng lo a,an in bula ka din chuan a chhuk nghal tharh a…

“UGershom khanu kha ila duh tiraw?” a tih chuan lu ka lo thing a “Tinge a vawn na kha i thin thlakloh” a tih chuan “I ngaih pawimawh vak ka lo ringlo a ka tihpalh a nihkha” ka lo ti nghut a,a la tum zui bar tho.

“Self carpet neih tur i tihkha nangmah berin i neilo nia” ka tih chuan a rawn nui deuh hak a “Khanu kha ka ngaina lo ania” a rawn tihleh chuan ka lu ka lo bu nghut a “Ka ti tak tak nia ngampa deuh a a rawn chet leh chuan khak deuh fak tawh ang che” thu min pe ve khai khai chung chuan a rawn ti a.

In ka thlen hnu chuan shower ka nei zuai a inhnuaiah chuan chhuk in tv chu ka en a”Nu Ram i duh chuan haw tawh rawh a tlai tawh si” ka tih chuan nui var var hian “Hei ka ti zo chiah thlengsil tur kha chu lo dah mai rawh a aw naktuk ah ka lo sil mai ang a ti a a bag la in a chhuak nghal a…

“Mama chawei ka peih tawh nia lo chhuk teh,mu reng teh suh” ka tih chuan kailawna rawn chhuk thla nghaw nghaw pah hian “Ninawm lutuk mi mu hle hle pawh ngaitheilo” a rawn ti nuah nuah a ka khawng pawp zawk dawn amawni..

“Ngawi mai teh hostelah ka dah mai ang che ka pa kha i be tawh em?” ka tih chuan alu alo thing ringawt ka be zui tawh bik pit ang.

Chawei na vel ka ti fel a thleng erawh Mama ka sil luih tir thung hostela dah ah ka vo tlat a a sillo ngam biklo..

“Aw ninawm Mizoram current chhiatzia hi chu a” tihpah chuan solar chu a on a a mumangah misual in an rawk anih ka ring a mood off ber bur emai.

Couch ah chuan thu in Luruhringi chu ka call a a ring chiah tihin a pick nghal “Awi current a awm bawk silo ka lunglen zia hi” hello tih hma hma in a rawn ti nghal…

“Lehkha i zir tawh dawn em?” ka tih chuan a zir tep thu in min rawn chhang a “UGershom keichu thla eng tih vel aiin current awmlo hian ka lung ati leng daih zawk” a rawn tih chuan ka nui hawk a dangdai thei bik sia a,a patea case vel chungchang chu kan sawi a rei in be tawhlo in kan inbiak na chu kan ti tawp a.

Chapter-10

Zuãl’s Khiangte

An exam dawn kar chu zana in call a kan inbiak bak kan in be ngai meuhlo inhmuh pawh chak ve tho mah ila lehkhazir turin ka duh sia ka tuar ve tang tang mai..

Vawiin hi an exam tan ni ani a duhsakna hlan tur leh tha deuh a ti tur a ka duh avangin ka va call a “Aw hello” a rawn ti nghal “I thawhna a rei tawh em?” ka tih chuan “Aw dar4 ah ka tho a ka thiam sa ho ennawn ka duh sia ka ennawn zo deuh chiah” a rawn ti khawk deuh rum rum a..

“Enge i tih a?” ka tih chuan a tawng lawk lo “Ahh ihh ka in peih ruak a” a tih chuan “Maw?” ka lo ti hu “Ka inthiar” a rawn ti vin vak a,ka bialnu leh a lo la awm zel tur te ah hian Lalrammuani tihloh hian an inthiar tih min hrilh ngai ka ringlo..

“Ka lak lawh emai ka dah dawn” a rawn ti zui zat a,nui put put pah hian “Awle tha deuhin vawiin i chhang dawn nia” tihpah chuan kan inbiakna chu ka ti tawp a.

Lydia(Luruhringi) pov:

Karhnih zet kan in exam tawh vawiin hi last na tur ani a,lehkha ka zir nasa lutuk a ka hnar te rawn thi vel bialpa ka nei bawk sia tiin ka theihma tawp ka chhuah a Nana-i leh Lucas chu ka phak in ring chuanglo mah ila top5 ah chuan ka lan ka in beisei khawp mai…

“Exam kan zo ta” ka bula rawn thuthla dawt pah chuan Nana-i chuan a rawn ti a ,Lehkha thiam hle mahse lehkhazir reng hi chu a ninawm ve em a ni.

“Rochhumzinga nen an ni ve deuh a mi saw saw?” Tih pah chuan Damian-a chuan kan table piah a mite chu a va kawk zeuh a, a kawh na lam kan en rual nghal thup,Rochhumzinga leh hmeichhe pakhat ka la hmuh ngai ka hrelo, insi chet in an lo thu a an la hlim dun hmel em em zui…

“Min hrilh lo hrim hrim an awmdan atang saw chuan a va ang ve” ka lo ti ve sup a,diktak chuan ka lungawilo ka thik vang nilo in Rochhumzinga nen kan inkarah thuruk a awm ngailo eng pawh tiin engpawh tawng ila kan inhrilh hmasa ber zel…

“Exam kan zo ta” tihpah chuan Edmond-a chuan Nana-i a rawn pawm chung chung a Lucas pawh anui ringawt “I ninawm mi tawk ziah suh,exam kan zo tawh bawk a i hmel phe pawh hi kan in ah rawn lantir tawhlo ang che” Nana-i chuan a lo ti vin hlar a….

“Ka ngai ve che lawm zantin ka lo leng ang” nui sun sun in pakhat chuan a lo ti ve nghal zat “I ler si saw i bialnu te an lo kal” Nana-in a ti zo chiah tihin Class12 Art hmuihnawh sen ho kan bulah an lo ding nghal,ka la sawiloh tak in Edmond-a hi karhnih chauh school kal hman e tilo chuan kan school ah a lar chak lutuk kan thian zinga ler ber Damian-a nen an la inkawm deuh chawt zui hneichhe ral anni ringawt,bialnu an thlak zut zut reng ringawt..

“Edmond zanin chu ka birthday lawm naah lo kal ve la” Esi chuan a rawn ti no duai a,Nana-i nen kan lo ner sak “Ka hman ka va ring chiahlo ve” a lo ti sup a.

“Awiawmloh e exam in zawh tawh tho hi,ka lo ring dawn che nia aw kan kal phawt mai ang Chemistry practical kan la nei sia” ti zung zung pah chuan an kalsawn a….

“Zan in chu lo kal ve la,ka lo hruai ang che aw” Edmond-a chuan Nana-i en pah chuan a ti sup a “Khawiah chuan maw?” alo ti hu “Aw kha Esi birthday lawmnaah khan” a tih chuan rum tak a melh pah chuan “A nung chungin min hal dawn pawh nila ka kal peihlo” a ti vin hlar a keini in an pahnih inhnial lai kan lo en reng ringawt.

“A tawk kan awmna hi in in nilo in school canteen anihhi,Edmond nangpawh Nana-i hi tilui reng suh a hrawk a hriam si a dawlh pawp mai ang che” Lucas chuan nui sun sun pah hian a rawn ti a,Nana-in rum fahran in alo melh nghal.

“Kan inah noodles chhum ila” Damian an a rawn ti a kan lo rem ti tlang nghal thuai canteen atang a kan chhuah dawn chuan Rochhumzinga te thut na lam chu ka va pan a “Noodles kan chhum dawn ilo kal ve dawn em?” ka tih chuan a bula thunu chu an rawn hmasa te te a tenawm zawk hian,chunu lah chu alo tum bur zui “Vawiin chu min hrethiam mai ru ka lo kal lo mai ang” a tih chuan bu nghauh in ka kalsan a.

Ka thiante awmna ka thlen chuan Nana-i leh Edmond-a an lo inhnial leh tawh “I phur ah ka chuang duhlo ka tih chu” Nana-in thinrim fe hian a lo ti tan tan a kei aiin inchi khat in a tawi a a lawmawm tan tan ania “Lucas enge ila tih tlan vat rawh,ka phur dawn che ka tih chuan ka phur dawn che ani ringawt mai” Edmond-an alo ti hmuk..

 “I ninawm tinge ka thinrim na tur zawng hian i awm ziah,i phurh a chuan ai chuan ke in ka kal mai ang” Nana-i chuan a ti deuh hmak a,a tawng zawh rual in Edmond an a pu hmiah a ,a bike ah a thut tir nghal a “Minlo zui mai ru” tihpah chuan a thu nghal sawk sawk a a tlan chhuah pui nghal.

“He mite pahnih hi in ngaizawng se ka ti ngawt mai” Damian-a bulah chuan nui sun sun pah hian ka ti a “Ni e an in hmeh riau,Khawnge Rochhumzinga?” a tih chuan a bialnu bula a awm thu ka hrilh a,Damian-a pawh mak a tih ve hmel deuh ni e exam zawh ni hi chuan tumah kan kal hrang ngailo kan awm khawm thap zel,vawiin tihloh chu…

“Kal ang Nana-i leh Edmond-a an lo insual leh palh ang” a tih chuan nui vur vur pah hian a bike hnungah chuan ka thu a kan tlanchhuak nghal a…

Damian-a te in kan thlen chuan kan ring ang ngei in Nana-in Damian-a te in kawt ah Edmond-a a lo kek leh ngawt ngawt tawh Edmond-a lah in khawihlet a hreh hmel si na a tih hmel bawk si alo sen vek tawh,bike atanga chhuk vat in “Nana thlah rawh,a sen vek tawh hi” Nana-i kut pawh sak pah chuan ka ti a alo kek nghet hrep zui “Ana thlahtir vat teh ka sam a kawlh dawn” Edmond-a pawn na ti then chawk chawk chung hian a rawn ti a,rei fe hnuah Damian-a nen Nana-i kan pawt then thei hram..

“Kan inngaihzawn hunah kut inthlak ka duh miahlo nia,Nana ka duh ber tho che muah hlup” tihpah chuan Damian-a te inah alut a,a thinrim ka rin nen a thinrim miahlo….

“Enge khati vak a ilo keh a ka unaupa tur anihkha i hria em?” vin hlar hian ka ti a “A bike atangin min thlauh anihkha inla Zokorean-a khan” keiai a vin chuan a rawn ti a,min keh ve mai ka hlauh avangin ka lo nuih tlawn ver ver ringawt….

Inchhungah kan inzui lut a noodles vel Nana-i nen kan chhum a ala thinrim aniang biak pawh ka be ngamlo kan siam zawh chuan Nana-in a ei theih tawh e a ti vak a kan mipa te pawh an lo phei nghal sap sap….

“Nana ka nupui i nih hunah chuan ava han nuam dawn em noodles i chhum thiam ropui si” Edmond-a chuan a rawn ti a “A chhum tu chu Luliani hi nia i nei dawn nia haha” Nana-i chuan alo ti hmak a,Edmond-a chuan minlo en deuh hu “A bula i lo din ve avang ringawt pawh hian atui zual Luliani leh ka u an innei nga keini kan innei ve nga Lulianin noodles a siam changin a bulah ilo ding a nga awi a tui dawn lutuk ka chil a put sa” Edmond-a chuan a lo ti leh zar zar a Nana-in chhan dan tur a hre tawh silo rum fe in a melh ringawt…

Kan exam zawh zan ani bawk a UGershom-a alo leng a awi ka ngaihzia hi “Enge mi hnim dun dun a?” a tih chuan a mah en pah in “I rim hi ka chaw dah that naah ka dah a nga i haw huna hnim turin” tihpah chuan ka nghawng chu ka khawih a “I thlasik mau puah ve phawng pawng thin a aw,chaw dah thatna i nei reng reng ami?” nui sun sun pah a tih chuan ka lo nui ve ringawt…

A chips lo lei chu kan ei dun malh malh a chutia kan ei dun lai chuan hnuailam a rawn che ta,a hriat hlau deuh in ka mawng ka kan a a rik rin ka ringloh nen pittt a rawn ti ta mai UGershom-a chuan min en nghal zawt ka zak lutuk hi khukral daih mai ka chak,tunge mahni bialpa te vawihkhum duh bik reng reng ang “Tunlai chu ka hritlang dawn aniang ka vawih ka vawih mai” kan ngawih dun rauh rauh hnu chuan ka ti ta ringawt ani pawn awi vaklo tih ka hria mahse a lu a bu nghut tho….

“Kan haw tawh mai ange aw” tih nghut pah in a tho la haw suh pawh ka ti duhlo “Nia kha a zialo emai” tihpah in ka ding ve nghal zat a kan kawngkhar thleng bak ka thlahlo kei mi zaktheilo hi ka zak lutuk…

Exam chawlh chhung ka pa in ni za lo deuh ni sawm inhlawhna min siam a nitin a car ka bawlhfai sak thin,ka phone alo rik chuan ka pick vat a “Enge i tih a?” a lo ti nghal “Apa car ka bualfai a enge nita?” ka lo ti vat a.

“Zaninah ka thianpa Dina kha i hria em kha mi birthday lawm naah khan ka kal dawn a ilo kal ve duh em?” a tih chuan ka lo yess rang teh asin “Anih chuan dar7 velah ka lo lam ang che” a ti a kan inbiak na kan ti tawp a,ka phur lutuk chu ka pa car darthlalang ka nawt nghek ringawt.

Zanah chuan dar7 velah alo thleng tak tak a ka pa te ka dil sa vek bawk a kan inzui chhuak nghal hepa hi chu hnathawh kawr nen pawh awm se a inhmeh vek ka ring a chhelo thuai thuai emai,Birthday lawmna hmun kan thlen chuan mi an lo tam tawh khawp mai a thianpa Dina chu birthday gift kan pe a ani pawh alo lawm thiam khawp mai…

UGershom-a chu ka bulah a awm char char a a thiante nen pawh kan in nel nghal thuai a “Sawtah ka va phei ve lawk aw,ka lo let hunah kan haw dawnnia” a tih chuan lu ka lo bu nghut a ,Tetei a thiannu nen chuan kan thudun reng a a fel si a tawng siam siam a….

Darkar chanve a liam pawh chuan UGershom-a alo la let pheilo Tetei ka kawm ve ber lah in min hawsan tawh bawk si darzat ka en chuan dar sawm alo ri tep….Ka thutna tang chuan tho in UGershom-a chu ka zawng a “Gershoma i zawng mi?” Bsan a rawn tih chuan lu ka lo bu nghut a minlo zui rawh a tih chuan ka zui nghal vat “He tah hian a awm” tih pah chuan room chu a kawk a enge maw a tih ang le tihpah chuan room ah chuan ka lut a tumah an lo awmlo…

“Ka duhna che a rei tawh lutuk” rawn ti sup pah hian ka hnunglam tang min rawn kuah a ka lo tal nghal phat “Min thlah nghal rawh” ka lo ti nghek a a lamah min kuaiher in bangah chuan min nawr bet a min rawn fawp nghal chumi rual chuan kawngka a rawn inhawng a UGershom-a chu thinrim fe a rawn kal in Bsa a rawn hnek thal nghal thuai a thut bet in a a hnek zui nghal hmawk hmawk a….

“Ka ring che a mahse urhh tenawm lutuk” ner sawk a min en pah hian a ti nghut a “UGershom ka sawi fiah thei ka rawn zawng che a….” 

“A tawk” a rawn ti vin that a chhuah a tum chuan a kut ah ka va vuan a “UGershom ani hian min fawp lui alawm” ka tih chuan ka kut a thing thla nghal thuai a “I kut bawlh hlawh khan min khawih suh” tihpah chuan a chhuak nghal…

Ka umzui nghal thuai a mahse a mawngphe pawh ka hmu hmanlo ka rilru na bawk si Bsa vangin ka la hlauhthawng bawk nen ka khur ngawt ngawt ringawt,ka phone phawrh in Rochhumzinga ka phone a a pick chiah tihin “Lulian ka buai lutuk nakinah ka lo bia ang che” a ti a a dah nghal hmak ka rilruna chu a thuah hnih mai nilo a ti thuah thum a ni ringawt,in petruh teuh chungin Damian-a ka call a “Minlo hruai rawh” Tap tiau chungin ka lo ti ringawt “Enge i chungah thleng khawiah nge i awm?” a rawn tih chuan ka awmna hmun ka hrilh vat a a rawn thlen vat tur thu min hrilh in a dah nghal a…

Rek vaklo ah a rawn thleng a amah ka va pan hmawk hmawk a “I tha em?” a rawn ti nghal bah nuai in UGershom-a thinrim chhan vel ka hrilh a,birthday lawmna lama let a tum chu “Enge tih i tum?” ka lo ti vat “Khawih tumtu che kha ka hnek dawn” a tih chuan haw zawk ang tiin ka pawt lui a lungawilo deuh in kan in phur haw a.

Zuals Khiangte

I wrote my imagination✨

Leave a Reply