You are currently viewing EUPHORIA
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA

Spread the love

Chapter-8

Zuãl’s Khiangte

Class kan bang a Luruhringi pawh va lam ta lo chuan kan motor brand thar kan hralhna ho atanga kan pawisa hmuh kan in lam a ka dah ho chu tifel turin ka inkhalh haw nghal a..Khawiah chuan nge maw ka dah le? ti nuah nuah pah chuan ka safe te chu kan en kual a mahse a awm miahlo miin an ru aniang ti dawn ila ka room ah Nu Rami bak a luhawm ka hre bawk silo nu Rami chuan ala dawnlo tih ka chiang bawk si lawk in Luruhringi niminah ka roomah a rawn lut tak,amah anih ka ring chiah lo mahse Nu Rami anihloh chuan amah animai thei ka phone chu la chhuak vat in ka call nghal a,a in ring ral tep tawh tihah a pick ve hram..”Aw Ka Jungkook enge ni ta?” a rawn ti nghal ham ham a,kei ka lo thaw hawk ringawt “In bang tawh tiraw?” ka tih chuan alo nui deuh hak a.”Bang lo ila i call ka pick nang,ka room ka lut chiah ka phone a rawn ri a ka pick nghal in thlak pawh ka la inthlaklo” alo ti nghal zung zung a ka rilru chuan ani hi chu dawn mile? ka ti nuah nuah a.”Aw inthlak la kan inlamah lo phei lawk teh” ka tih chuan “Min ngai mi?” a rawn ti nghal.”Chutiang lam anilo lo phei vat la animai” ka lo ti hlur a “Ka ngai che ti ve mai ta che, self carpet hi i neilo lutuk ahh” tihpah chuan a nui deuh har har a,self carpet a tih chu inngaihtlawmna a sawina anih ka ring a tawngkam bungrua lahhi a mak nuai nuai thei sia e..”Lo phei vat mai teh a pawimawh nia” ka tih rual chuan “Aw aw ka inthlak nga chawei turin ka rawn phei nghal ang Edmond-a pawh lehkha zirtur enpui angai hrim hrim,sir in Nana-i nen kan kutah i nau kha a dah ringawt a,ka dah aw ka rawn thlawk phei nghal” tihpah chuan kan inbiakna chu a ti tawp a,Couch ah chuan thu in ka ngaihtuahna chu ka kawm mawlh mawlh a a lak anihchuan ka lawmlo khawp ang mahse tha tak a min pe let anih chuan ka ngaidam ang,chutia ka inngaihtuah vung vung lai chuan ka room kawngkhar rawn ri rek chuan ka ngaihtuahna tang min ti harh a ka hawi phei nghal Luruhringi chuan nui var var hian ka thutna lam chu a rawn pan phei a.”Min van ngai awm em em,ilo inngaihtuah vung vung dan atang khan ka hre mai” ka bulah rawn thut thlak dawt pah chuan a ti a.”Nimin a ka room a i rawn luh khan pawisa ila em?” ka tih chuan a ngaihna hriatloh hmelzet hian min rawn melh a “A eng pawisa maw?” a lo ti hu.”Tha deuh a ka zawh lai che hian ila anih chuan sawi la engtinmah ka tilo ang che,nimina ka room a i rawn luh khan pawisa safe a ka dah kha ila em?” ka tihleh chuan a dinghluai a rilrunat hmelzet hian min en a “UGershom enge maw i sawi le? I pawisa ka lak i ring ami?” inpetruh teuh chung hian a rawn ti a.”Nimin khan pawisa ka rawn hawn a ka room safe ah hian ka dah a kei tihloh ah nang leh Nu Rami bak ka room ah lut kan awmlo Nu Rami anih siloh chuan nanghi i nimai” ka tihchuan a nui hak a “UGershom vawikhatmah ruk ka la ru ngai lo i thil ngat phei chu ka la hauhlo ang,ka atchilhzia che leh ka duh zia che i hria a engtinge chutiang ti tur chuan min ngaih theih” tihpah chuan a insut fap fap a,ka lo en reng ringawt ni e min atchilhzia ka hria a ani hi chu a nilo tawp ang…Ding hluai pah chuan ka kuah a alo tal ve tak na in ka thlah duh der chuanglo”Ka tihpalh ka rilru a buai em a tinni” ka ti sup a,a lu chu ka chul sak a “Chupawh nise ka rilru intina tho tho” Naupang chhia zet a a rawn tih chuan ka lo nui hawk a,ka lo ring chhe lutuk kha ka inthiamlo khawp mai a rilru thianghlim zia leh that zia hrechiangtu ka ni sin mawle.”UGershom pawisa chu engzat nge bo reng reng a?” reife ka thlem hnu chuan a rawn ti a “Cheng nuai 10 vel” ka tih chuan a meng phar awk mai “Chutiang zat zat phei chu khawiah nge dahtha tur a min ngaih le? nizanah pawh nangmah kanin thleng min thlah haw a” a tih chuan ka lo nuih ringawt ni e ka lo ngaihtuah chianglo deuh ani.”Ka rilru a buai khawp mai kan motor brand thar ber hralhna ani a,Mizoramah kan vawikhat hralh chhuahna a ni bawk nen ka pa phei chu ka hrilh ngamlo” thaw hawk chhung chuan ka ti a,ani pawn rilru buai hmel fe in min en a “College i kal hlan in,in inah hian rukru an lut anilo maw?” a rawn ti ve sep a.”Lo lut ang pawh lo lut ta ang pawh nise safe saw chu ka kut hmang lo chuan an hawnglo ang” ka lo ti nghut a ni e ka kutze tello in safe saw a in hawng theilo “Chuti si engtinnge hawng thei tur bikah min ngaih a nichin khan” lungawi vaklo hmel pu hian a rawn ti a.”Ahh i hri ka kai a ka thluak ah tulung a lut anihkha” ka tih chuan “Enge tulung chu?”a rawn ti hu a,keipawh tulung te chu ka hre biklo a bulah ka awm nasa lutuk a a tawngkam mak pui pui ka copy vek tawh “At na chikhat” ka lo ti nghut ringawt…Ngawi reng chuan kan tun dun kar a pawisa bo dan kha a chhui ve anih ka ring eng phei chu a ngaihtuah chhuah ka ringlo.”UGershom tih dan tur ka hria?” reife kan ngawih hnu chuan a rawn ti a “Eng chu maw?” ka lo ti nghut.”Ka ac ah hian ka pa in thlatin pawisa a thun thin a tunah phei chuan nuai khat vel chu a awm ve tawh ka ring” tihpah chuan a kuttin chu a seh nauh nauh a “Chuan?” ka lo ti nghut “Ka ac mi chuan i pawisa bo kha a daih ka ring silo a,ahh ihh ka inzuar mai dawn mi?” a rawn tih chuan”Enga?”ka lo ti thawt “Ahh ihh Nana-i pawh kan sawm ve nga min puih ve duh mai ka ring”te chu a la ti ta deuh deuh zui henu thluak ah hian tulung a lut tak tak anih ka ring…”Lalrammuan ka vawhlum zawk dawn che a mawni vawikhatmah khang thu kha sawi tawh suh” thinrim fe chuan ka ti nghal hlur a,chutia kan lo inhauh lai chuan Mama ka room ah a rawn lut a “Kha u dawrah i theihnghilh a,ka va peng kawi zuai a ka rawn hawnsak nghal che” tihpah hian ka pawisa dahna briefcase nhei mai chu a rawn dah a..”Aw dawrah ka lo theihnghilh animaw ka buai phah nasa lutuk” ka lo ti nghal a “I senior tawh anihkha” tihpah chuan room atang chuan a chhuak a.”UGershom kha kha i pawisa bo chu mi?” Luruhringi a rawn tih chuan ka lo bu nghauh “Awi Lalpa ka lawm e ka inzuar a ngailo” alo ti nghal chul ka va melh nghek a a ngawi nghal hmak,ka inzuar tir tak tak zawk dawn amawni.Pawisa vel chu ka ti fel nghal mawlh mawlh,Luruhringi pawh ka nau nen inhnuaiah lehkha an zir dun a an zir tak tak phei chu ka ringlo an thawm a tha dun ham ham emai.Chaw kan ei naah chuan Luruhringi chu a thlun phelh ang zar zar in a tawng char char a ka nau tawng mawh-a pawn a be tawng zar zar thei alawm “Kha ka nau ei belh rawh” tihpah chuan chaw a khawrh belh a chhungkaw nu ang maiin a che ani ringawt Nun Over-i hi ahh.Chaw kan ei zawh chuan ka thlah haw a,kawngtluan in a tawng phei char char a min bia chuan ka hria a mahse amah leh amah a inchhang nghal zel avang chuan ka chhang duh lem lo.”Vawiin tlai avang khan ka tihpalh lutuk ania,lehkha zir tha la aw” tihpah chuan a hmuiah ka fawp a ani pawn phur fe hian min rawn chhang let a.”Lut tawh rawh” ka tih chuan inher in an inlam pan chuan a kal phei a rawn leh hawi a a kut min rawn vei chuan keipawn ka lo vei ve vat a,in a a luhrual chuan keipawh ka inkhalh haw nghal a.Ka muhil chu ka phone ri chuan min ti harh a kan en nak chuan Luruhringi alo ni,darzat ka en vat a dar2 alo ri reng tawh tun ang zan rei ah ti nui nui pah chuan call chu ka pick a “U UGershom ka pate-a a inkhai” tap hlawp hlawp pah hian a rawn ti a..

Zuals Khiangte

I wrote my imagination✨

Leave a Reply