You are currently viewing EUPHORIA Last Chapter
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":2,"transform":1},"is_sticker":false,"edited_since_last_sticker_save":true,"containsFTESticker":false}

EUPHORIA Last Chapter

Spread the love

Chapter-20

By Zuãl’s Khiangte 

Gershom Pov:

Luruhringi nen sex kan hman tak vang nge ka hrelo a lakah ka thikthu a chhe em em a,mipa dang bula a awm te hi kaihsawn nawk mai hi ka chak thin,vawikhatin vawihnih a hring an tih ang hian hmunfal deuh a kan awm hi chuan mipat hmeichhiatna kan hmang leh nge nge zel,a thalo kan ti ve ve a mahse kan insum theilo,mahse rai pawh nise ka nei duh tho a pawi ka ti vak lemlo.

Class ka nei zo chu ka bike chungah thu in Luruhringi ka nghak a,Linda in min hmuh chuan min rawn pan nghal,henu hi chu a tumruh ve ngawt mai ka duhlo tih a hriatchian ve nen hian min zar reng paih a “Gershom zaninah Rindika birthday kan lawm dawn a lo kal ve la” ka bul a rawn thlen chuan a rawn ti a,birthday hi an lawm reng nimai hian ka hria “Ka van hman hmelloh ve,assignment kan nei a tih ka ngai a” mawi hnai ah chuan ka ti a.

“I pha ve ziah,kan lo ring dawn che nia” tihpah chuan min kalsan a “Tu nge i lo chhai a?” Luvunuiha chuan ka dara kut dah pah hian a rawn ti a Lindai ka tih chuan a ner ringawt ka thiante pawh hian an ning ve tho anih hmel,Luruhringi rawn kal har em avang chuan ka call a a la reject hmak zui,phun nuah nuah chung chuan Luruhringi te class lam chu ka pan a Nana-i nen kan in tawk hlawl Luruhringi awmna ka zawh chuan “Jeff nen an inphurh haw daih tawh kha” a ti a,ka lung a awi lemlo khawp mai,engmah sawi tawhlo chuan ka let a ka in khalh haw nghal.

Zanah pawh min rawn be lo biak bik ka tum lo,ka phone WhatsApp tone a rawn rik chuan ka phone chu ka en vat a Lt-a alo ni,a thlalak minlo thawn chu Jeff-a status a screenshot hi alo nia,hmeichhia chu Luruhringi ngei ani thingpui a siam ani ngei ang a hnunglam atang ringawt chiah a lang,Jeff a len vang anihhi min biak duhloh tihpah chuan ka room ah ka chho a ka insiam nghal midang laka min pakaisan a tum chuan enge ka theihloh bik ang,Bawiha chu ka kalna tur ka hrilh a,in ka chhuahsan zui nghal Linda-i sawina hmun ka thlen chuan an lo ri mup mup tawh,Linda in min hmuh chuan a lawm ngei mai ka kutah a ban a rawn rawlhlut nghal.

Luruhringi tih thik tur a kal nimah ila nuam tihna ka neilo ka hne ngawih ngawih,Lindai ve lah hi min ngheng chial a a chanchin a sawi char char a,a in sawi thei nimai hian ka hria ka hne lutuk chu ka haw dawn tihpah chuan ka ding a Lindai alo ding ve zui nghal zat “Gershom ka lo haw ve nghal dawn” tihpah chuan min rawn zui ve nghal a a thiante pahnih pawn minlo zui nghal,Lindai chu an in thleng ka thlah a ka inrinloh laiin ka biangah a la rawn fawp zui,zanin chu mood off deuhin ka chhuak a a hma aia mood off in ka haw chu anihhi.

In ka thleng ka phone kan en chuan Luruhringi message alo awm a Lindain ka biang a fawp lai chu minlo thawn a “In sawifiah na ka ngaithla peih tawhlo i lakah chuan ka duh tawk e” a rawn ti a ka call a min block,WhatsApp,Ig engkimah min block vek,tu phiangsen in nge maw thla lo la ni..

A tukah chuan college ah Luruhringi chu ka zawng a mahse ka hmulo,college banah an inah ka peng a Nutei chuan va chho mai rawh a dam samlo nge a rawn chhuk thla peihlo a rawn ti a,a room lam chu ka pan a alo kalh lo hlauh,ka luhlai pawh hrelo in a lo muhil ang phuau a ,em em ana ,a bulah chuan thu in amah chu ka en a,a hmeltha tak zet ani,ka duh em em a ka hmangaih em ka inhre ngailo mahse tunah chuan ka hmangaih niin ka inhre tawh..

A hnu deuh lawk ah chuan a rawn che talh talh a,mit a rawn meng min hmu phut chu a thu nghal zawt ringawt,thawhphan pawh nei miahlo hian “Enge i rawn tih?” a ti chang fak a “Ka rawn en che” ka lo ti nghut ringawt “Min en zawh tawh chuan i haw thei” a ti reuh a,a mit a en pah chuan “Inthen chu i duh takzet maw?” ka tih chuan lehlam melh pah hian “Aw ka duh ka ring thei tawh chuanglo che hmeichhe dang bula awm reng ka hnaih peih tawhlo” a ti a..

“A tawk anihchu tlawm ka hrehzia hrechiang tu i ni a,mahse hei ka rawn kal a,ka insawifiahna takngial pawh i ngaihthlak duhloh chuan kan tawp anga animai,mangtha le” tihpah chuan ka ding a amah pawh en tawhlo chuan ka chhuahsan a,ka pride a rawn chawk chhuak bawk a ka hnaih leh tawh ngailo ang a duh ang chuan awm rawh se a tello in hei chen ka awm tawh a reilote ka nun a a rawn tel avang khan ka chhiat phah lul lo ang..

Thlakhat a ral a ka nun pawn awmzia a nei leh tan viau tawh,Luruhringi leh Jeff an inzui nasa em em a a chang chuan Jeff avanga min then a ni ten ka hre thin mahse ngaihtuahloh luih ka tum tlat Debo-i nen kan inzui nasa em em a mi pawn in ngaizawng emaw min ti vek tawh mahse chutiang lam chuan ka in enlo ve ve,pasal hual anei a a pasal hual pawh Delhi lamah kan thawhpui pakhat ani nghe nghe,Lindai lah hi Luruhringi nen kan inthen tih a hriat atangin min zar leh reng tawh ka hne lek lek.

Delhi a ka chhuk dawn avangin ka thawmhnaw ka siam mawlh mawlh a,ka pa in a sumdawnna zauh atum avang a chhuk tur ka ni a ka nau erawh chhuk a tumlo thung,kan doorbell a rik ral ral avang chuan inhnuai lamah ka chhuk thla a kawngkhar kan hawng chu Luruhringi alo ni ka hmu phut chu keipawh ka phu zawk mai,a dawl dang em em a a cher em em bawk “Enge ni ta?” pangai thei ang ber chuan ka ti a “U Gershom” a ti hman chauh hnunglam atang chuan “Gershom kan rawn party dawn” tihpah chuan Debo-i chu a rawn lang a ka thian mipate pawh an rawn lang ve nghal a “Aw va lut phawt teh u” tihpah chuan kawng ka kian a Luruhringi chuan hnuailam a melh reng ringawt..

“Lo lut ve phawt la” ka tih chuan lu thing pah hian a rawn hawi chhuak a “Hrilh lo law law che ila a that ka ring” tihpah chuan a in her a a kal daih keipawh min ti hrilh hai ang reng a lan theih chhung chu ka thlir reng ringawt,ka thiante bulah chuan thu in an thil rawn ken chu ka in a,ka intam deuh nge ka hrelo Lt an ka room a min kuah chho lai chu ka hriat hnuhnun ber ani..

A tuk a ka harh rual a ka thu hriat chuan min thawng ngei mai Luruhringi a kal bo a thiante pawn a awm na an hrelo,in siam sawk sawk in an in lam chu ka pan nghal a,Patea a awmna ka zawh chuan “Depression deuh reuh hi anei ve a a thiante hriatlohna a awm a duh hrih anihkha,reilote awm fal tir ve rawh u a lo haw leh dawn alawm” a ti a,a awmna ka zawh ngial pawn min hrilh duhlo Nana-i pawh a tap pur reuh mai ka zin tur chu ka cancel ringawt a ka rilru a buai ang reng nizanah khan enge min hrilh a tum ang? A ni hi pasal a um te a ni zawk lo maw? tih te chu ka inzawt a mahse chutiang em ti tur chuan ka phalloh mai bak ah ka ringlo…

*PRESENT TIME*

Ka thil ngaihtuah avang chuan ka harhchhuak thut a,ka whiskey in lai chu in zo in ka car chahbi chu ka la ka chhuak zui nghal,Nana-i te in ka thlen chuan an lo thim thap tawh Nana-i chu ka call a a la theilo mahse ka call ngar ngar tho a hnuah chuan a rawn la har a “Aw UGershom” a rawn tihchuan “Ka tibuai che a ka tihpalh lutuk mahse lo chhuak lawk teh” ka ti a a pawimawh a ring ve tho ani ngei ang engmah sawibuai lo chuan ka lo chhuak ang a rawn ti a.

Nana in ka bul a rawn thlen chuan Carah chuan lut tur in ka lo signal a a lut ve nghal mai a “Nana engmah zep lo in min hrilh la ka duh Luruhringi khan pasal a um nge a nei tawh,vawiinah ka hmu a fa pawh a nei tawh” ka ti nghut a “UGershom hei chu in pahnih inkar ania chuan” a tihlai mek chuan ka zawhnache chu min chhang rawh ka lo ti nghut a “Pasal ala neilo,ka hrilh che tih engmah sawilo la,a kal bo atanga thlakhat hnuah khan minlo bia a phone number dang atangin,khatia i zawn reng lai pawh khan kan inbe reng mahse a awmna min hrilh duh ngailo chuan ihh a kalbo nachhan chu ihh ihh Debo-i nen in mu dun lai thlalak a hmuh vang ani” A tih chuan “Enga?” ka ti vak ringawt ni e a awiawmloh em ani vawikhatmah Debo-i nen ka la mudun lo “Debo-i nen kan la mudun lo” ka tih chuan “Mahse thlalak ka hmu lawm keipawn,Chuan khami zan khan ihh a rai tih hrilh che a tum a Debo-i te kha anlo lang ta sia a thulh leh ta anihkha” a tih chuan ka kang awt ringawt,kum4 liam ta a khazan a Luruhringi hmel ka mitthla ah a rawn lang nghal bawk.

“A nih chuan vawiin a ka hmuh hmeichhe naupang kha ka fanu tiraw?” ka tih chuan a lu a bu nghut a,aw lalpa engtin nge hetiang chen hrelo a ka awm theih?

EUPHÕRIA 

Chapter-21(Last Chapter)

By Zuãl’s Khiangte 

Kawngkhar a rawn hawng min hmu chu khar leh nghal a tum a mahse ka in rawlh lut nghal, a chhungte an awmlo ani ngei ang an reh thap mai “Enge rawn tih i tum?” min melh ran pah chuan a rawn ti a “Min tlanbosan theih reng i in ring ami?” ka tih chuan “Theilo chu anihhi i hma ah ka awm kur” a ti reuh a.

“Khawnge ka fanu?” ka tih chhan thlawk chhuak tur hmel a pu “Eng engtin?” a ti bah nawk nawk a “Engkim ka hre vek tawh, engvangin nge kum4 chhung fa ka nei ve tih min hrilh loh,kuah a fawh te ka chak ve sin mawh Luruhring kan inthen lai pawh nise hriat ve tal ka phulo em ni? I hma i sial mah mah lo maw?” ka tih chuan “Ka fa hian pa a manawhlo,hmeichhia mutpui kual dun dun phei chu” a rawn ti ram hmak a.

“Tu nge ka mutpui nangnen in zawmna kan neih hnuah tumah sex ka la hmanpuilo” ka tihchuan a nui hak a “Debo-i nen in mudun lai thlalak chu hmulo ila ka hrilh ve ngei ang che ” a tihchuan “Vawikhat mah kan la hmang dunlo thlalak ti reng mai min hmuh ta che” ka tih chuan a room lamah chuan ngawi rengin a tlan chho a kan inngaihzawn lai a a phone hman thin chu rawn chhuk pui in a khawih niap niap a “Kha” tihpah chuan ka hma ah chuan a rawn lek chhuak a kan en chuan ka phu dawr ringawt,ka roomah ngei Debo-i nen chuan ruak tih hriat tak hian ka khumah kan lo mu anihchu kekawrte kan ha nge ha lo erawh ka hrelo a bawkkhup zawng ve ve in kan mu a kan mawng zawn ah puan a awm ve ve…

“Kan mu dunlo”ka la ti hram a a nui hawk “In sawifiah angai lo ka fanu hi min chuhpui lo la min kalsan rawh” a tihchuan “Ka nei dawn che” ka ti nghut a “A thleng ngailo ang” a ti ram hmak “Mami” tihpah chuan ka au a Umami a room atang chuan a rawn chhuak a “Naute kha a awm em?” ka tih chuan lu a bu nghut a “lo awmpui lawk rawh Luruhringi hi ka hruai chhuak lawk dawn” tihleh kaih ka rual a “Hei khawnge min kalpui i tum?” tihpah chuan a tal aih aih a “Thudik ka hriattir ang che” ka tih chuan a tang lui ta bik lo..

Debo-i te in kan thlen chuan Luruhringi chu a tum hmak ringawt,kawngkhar ka kik a nuisangin Debo in kawngkhar minlo hawnsak a pasal a hnaah a kal ani ngei ang amah chauh a a awm danah “Debo kan lo kal chhan chu heihi nia enge thil awmzia keichuan ka hre hauhlo mai” tih pah chuan kan mudun lai thlalak chu ka hmuh a ani pawh a meng phawk ngei mai “Enge a awmzia?” a rawn ti ve hu ringawt “Chu chu keipawn ka hrelo kan mudun silo a engtinnge hetiang thlalak hi a awm theih?” ka lo ti nghut a.

“Zinga ka harh kha chu i bulah chuan ka lo mu ngei a mahse thawmhnaw ka ha vek,hrim hrim in tunge thla hi la ang le?” a tih chuan thlalak chu ka en vang vanga “Lta anihhi-” ka ti nghut a Luruhringin “Ani dawn ami? engtinge i hriat?” a rawn tih chuan “En la redmi note9 tih a inziah kiau hi hetiang lai hian Lta bakin redmi a hmang lo chuan khami zana min kuah chho tu kha Lta ani bawk” ka ti a..

“Mahse engvangin nge hetiang thil hi a tih ang?” Debo in a tih chuan Luruhringi chuan “Min duh vangin” a rawn ti a Luruhringi ka en reng ringawt “UGershom anialawm inthlalak minlo thawn tu kha amah ania chuan a hma a Lindain i biang afawp lai te kha minlo thawn vek,chennai a ka kal hnu khan engtinge ka number aneih ka hrelo minlo be thin a min duh thu min hrilh thin” a tih chuan ka ding chhuak thut a “Haw ang” ka tih chuan hmeichhia pahnih chuan mak tih hmel deuh hian min en a “Haw phawt ila kan sawi tha dawnnia” ka tih leh hnu chuan Luruhringi pawh a rawn ding a,Debo in pawn thleng min thlah pah chuan “Tiang khan innei nghal daih tawh rawh u inthen tawh reng reng su”a tihchuan a ti mah mah in kan chhanglo kan nuih liam ringawt.

Haw kawngah chuan a tu a mah mah kan tanwg lo kan rilru kan kawm ve ve nimai hian ka hria,an inbul kan thlen chuan “Bul tan that leh ka duh” ka ti a,Luruhringi chuan min melh pah hian “UGershom kan inkar ah chuan hnawk atam tawh lutuk” a rawn ti sep a “Mahse kan fanu tan vawikhat tal i theilo em ni?” ka tihchuan min en reng a “Zaninah ka rawn leng ang aw?” ka tih chuan min nuihseih a a vahan hmeltha tak,a chhuah hnua kal leh mai ka tum chu “I fanu chu i rawn hmu duh lo em ni?” a rawn ti a,phur si huphurh ru tho si chuan Luruhringi chu ka zui a,an in kan luh chuan Umami leh kan fanu Emily chu thingpui an lo in a anu in Emily a koh chuan a rawn tlan phei a ka lo en reng ringawt khawvel naupang zawng zawngah ka fanu ai a hmeltha reng hi ka hrelo.

“Bawihte apa hei alo haw tawh asin” Luruhringin a tih chuan ka fanu chuan anu in a pawm na atang chuan minlo melh kiau a “UGershom lo pawm ve ta che” tihpah a ka bula a rawn phei pui chuan Bawihteii chu ka lo ban vat a ka kut te chu a khur thei hial “Bawihte apa ka lo haw e” tihpah chuan ka pawm vawng vawng a ka mittui a tla thei hial “Apa min kalsan dawn tawhlo tiraw? School a ka thiante angin schoolah te min thlah ve thin dawn tiraw?” a tih chuan “Tehreng mai i nu nen kan thlah ziah ang che” ka tihchuan anu chu a en vat a a nu in lu a buk nghauh a hmuh chuan a khek ralh a a awi ri te chu a vahan mawi dangdai em kum4 chhung hetiang hrelo khan engtinge ka lo awm theih.

Ka Fanu chu ka pawm muhil a ka en ning thei thlawtlo “Anu pa ka nei ve lo mi? ka thiante chuan an nei vek asin tih zawhna hi tunlai chuan min zawt nasa thei lutuk a” Luruhringi chuan kan fanu lu rawn chul pah chuan a rawn ti a “Engtinge i chhan thin?” ti a ka zawh chuan “A zin a a rawn haw tep tawh ka ti mai thin,UGershom khatia ka kalbosan che pawh khan ka thinlungah i thi ngailo ka sawithiam dan ber chuan nangmah tawp hi ka suangtuahna ini a, i tello chuan chu ka suangtuahna te chuan awmzia anneilo,ka rilru i tihnat lai ber pawh khan ka hmangaih na che hi tlem te pawn a heu ngailo,ka raino rilru na nen khangtiang thutluk na kha ka siam ta mai a nihkha” tih pah chuan ka darah chuan a lu a rawn nghat a a vahan nuam vawng vawng em chhungkua tak tak te pawh tiang hi chuan kan ang alawm le…

Ka nu leh pa bulah fa ka nei tih ka hrilh chuan “Naktukah kan rawn chho nghal ang” an ti a ka lawm ngei mai ka nau erawh hna angah deuha vangin a rawn chho hman ve dawnlo thung.

A tukah chuan ka nu te chu an rawn chho nghal a lengpuiah Luruhringi leh Bawihtei te nen kan va hmuak nghe nghe Bawihtei hi a mak ve khawp mai nikhat chauh kan la inhria ania a bula ka awm chuan min tawklo in a awm thiamlo mahse ka lawm daih zawk ka thisen kha ani miau a,ka nu te anlo thlen chuan Luruhringi nen chuan an inkuah chung chung a Bawihtei an hmuh chuan an kuah vawng vawng ringawt,Bawihtei pawn api leh pu te chu a ngaina nghal a a tihzia khawp mai…

An rawn thlen zan chuan Luruhringi teinah chaw kan eikhawm a Nana-i leh Rochhumzinga pawh an rawn tel ve kan ri luih luih a mahse hlim vang ania a nuam khawp mai..

Ka nau in min lo call chuan ka la vat a “U Luruhringi kha lo nei miah suh Nana-i tunkumah neih ka tum a min neih hmasak tir phawt rawh palai naktuk zanah ka tir dawn” a rawn tih chuan “Keini a hmanhmawh thlak zawk nangni te chu nakumah ti mai rawh u” ka ti a mahse ka thu a awilo ve khawp mai a tuk zanah chuan palai alo va tir ve ringawt a ka nu leh pa pawn an hau nghe nghe mahse alo tir hman tawh sia hauh hleihtheih pawh anilo…

Luruhringi Pov:

UGershoma message chu ka chhiar nawn tluk tluk ringawt,keipawn inneih hmasak chu ka duh ve tho a mahse Nana-i ka tih thinrim ka hlau ve tho bawk si mahse UGershom-a bula awm ka duh ve tawh tho bawk sia…

Kan nufa thawmhnaw chu ka siam sawk sawk a Bawihtei chu ka pua in kan room chu pawnlam atangin ka chhuahsan zal zal a,UGershoman min hmuh chuan ka thawmhnaw chu min lo laksak vat a “UGershom khawiah nge kan kal dawn?” a tihchuan “Thailand ah honey moon kan hmang dawn” ka te vak ringawt UGershoman ka ka a rawn hup vat Bawihtei ka en chuan alo la muhil tha hlauh e,UGershoman Rochhumzinga tal kan inru tih hrilh rawh a tihchuan Rochhumzinga chu ka call vat a a pick rual chuan”Rochhumzing min ru” ka ti nghal thawr a “Enga?” a rawn ti hu “Oh ka sual sual pasal ka ru ka nute bulah naktukah lo sawi mai rawh aw karleh lamah kan lo haw ang” ka tihchuan “Mi â pasal tuman an ru ngailo in inru anihchu he hu a dah rawh keipawn ruk ka tum mek” tih pah chuan a dah a…

Thailand kan han thleng chu a nuam ngei mai Bawihtei pawn kan chhungkua a awm chu nuam a ti ani ngei ang a nui reng mai mahse keimah aiin apa a ko ngun chu ka thik lek lek..

Ka phone ri chuan min ti harh a kan en chuan Edmond-a alo ni “Luruhring in nupa khan ka vawhlum dawn che u nangmah ni vangin Nana-i nen nakumah kan in neih dawn phah” Edmond an a rawn tihchuan “Tha veleh mai ang” tihpah chuan call chu ka off a a ngei leh mai mai ang chu aw,ka bula mu te pahnih chu ka en ngawih ngawih a ka vahan hmangaih tak em UGershom biang ah chuan fawp zeuhin “Ka hmangaih che” tiin ka phun sep a “Keipawn ka hmangaih che” maimichhing chung chuan a rawn ti a..

A TAWP TA

Zuals Khiangte

I wrote my imagination✨

Leave a Reply