You are currently viewing EUPHORIA

EUPHORIA

Spread the love

Chapter-1

By Zuãl’s Khiangte 

Dawr chhung atang chuan chhuakin pawnlam chu ka en vat a,amah ngei ani mahse hmeichhe naupang amah ang zet mai a pawm saw tunge ni ta ang?chulam ngaihtuah hmannpawh ka nilo ka thil hmuh hi a tak nge a lem tih pawh ka la hrechiang theilo chu nia,ka lampan a lo kal chu ngawireng in ka lo en a min hrengai ang pawn a langlo,mahse ka zawn a thlen chuan a ding chat a..

“I dam maw?”a rawn tih chuan ka pawmbeh mailo nan ka insum hram hram a,kum4 chuang hmuntin hmun tang a ka mi zawn tunah ka hmaah a ding a,ka la awi theilo chu anihhi.

“Gershom” a rawn tih leh sep rual chuan harhchhuak thut in “Dam e,engtikah nge ilo haw?” ka lo ti vat a.

“Nimin piahah khan” a ti a, a hmeichhe naupang pawm chuan “Momma chhuk” a lo tih ve chhen avang chuan a pawmna tang chuan a chhuk tir a,mak ti lutuk in ka en reng ringawt.

“I fanu em ni?” ka tih chuan,nui sen sen hian “Aw ka fanu Emily anihhi” a rawn ti a ka nghing dawt nimai hian ka hria,sawitur reng hre tawhlo chuan an nufa chu ka melh tlawk tlawk a.

“Fanu i nei hmeltha hle mai,a chhun hle mai che” ka tih chuan min nuih var var in lawmthu a sawi a,thil tihtur tul ka neih chhuanlam in ka kalsan a.

Ka in ka thlen chuan ka room ah ka tlang nghal thuai a,whiskey chu la chhuak in no ah chuan ka thli chhuak a engmah pawlh lo chhuan kan tlak pawp a ka ner  nghal suk.

Ka lehkhabu dah lamah chuan phei in lehkhabu ka dahna atang chuan comics bu tereuhte chu ka la chhuak a,amah bawk kha ka hrechhuak leh ta,a kawm chu kan keu a ka hming leh a hming leh sticker chi hrang hrang a inbel nuai a he lehkhabu ti hlu tu pakhat ka ti thin.

Vawiin a ka hmuh pawh khan a hma ang tho in ala hmeltha,kan hlimdun lai kha chuan a mipa chan zawng zawng kha a chang a, ka tihnat pauh leh mi hmangaih zual zel zawk emaw ka ti thin…..ka lo ngaihtuah lo lutuk leh ka lo namnul lutuk kha a awmloh hnuah erawh ka hmangaih ani tih ka hrechhuak a mahse ka tlai tawh.

Kan sulhnu te chu ka ngaihtuahna ah a rawn thar a amah bawk khan ka ngaihtuahna a luah leh ta…

Kum4 liam ta💨💨

Ka hming chu Gershom Laltanpuia ani a,kum20 tlangval ni lai mek ka ni Mizorama College lian ve berah lut mek in 2nd Sem zirlai ka ni,ka pa hi Delhi a lirthei model lar tak Maruti Suzuki company neitu ani a Mizo ah chuan a awmthei pawl kan ni ti ila ka sawisuallo ang,tunah ka unaute leh ka nu te nen Delhi ah an awm mek a,keichu Mizoramah kan dawr motor zawrhna tho leh kan in enkawl pah in min awmtir a ,chawlh hmangin ka va zin leh zauh zauh thin tihloh chu ka kal ngai meuhlo Delhi ah hian kan pem na ala reilo a mahse kum1 ka va awm ve zuai khan a boruak ka zawh thlawtloh avangin Mizoram ah ka thlawk haw nal nal a tlawh zeuh bak ka peih meuhlo,Vairam ai chuan Mizoram hi a lo nuam nge nge anihhi,unau pahnih kan ni a a u zawk ka ni a nau mipa ka nei bawk ani zawng Mizoram a kan awmlai pawn lehkhazir in Delhi ah a awm char char a nuam a ti charh charh khawp mai.

Ka phone nghawr dar dar ri chuan min ti harh a,ka phone kan en chu *Luruhringi* tih ngei mai a ka save chuan min lo call char char chu niin,ka pick ve mai bawk a…

“Minlo hruai” a rawn ti nghal tawng a.

“Khawiah chuan maw? Zan a rei tawh zia te hi i hrelo ami?” ka ti vin nghal khur khur a,ka muttui lai minlo ngai tho bawk nen ka mood a fuh chiam lo,ani lah a la nui ri hak hak zui.

“Ala reiloh em hi dar11 bak ala nilo,apu tein ah ka leng a Apa in hruai i ngai a ngem a tih pawh Gershom an min rawn hruai dawn ka ti vek tawh mawh i fel em kha kum15 chuang ka star tawh vang tal che pawn lo kal tawh mawh mawh mawh” a rawn tih tak chiam ah chuan ka kal tur thu hrilh in kan inbiakna ka ti tawp,ka hoodie chu inthawlh sawk sawk in ka bike chahbi chu ka la a,garage atang ka bike la in ka inkhalh chhuak nghal a.

Lydia Lalrammuani hi chuan min ti buai ve ngawt mai,a naupanlai atangin min atchilh tawh a tunthlengin min la atchilh chu nia ka naute nen an inkawm thin avangin kan inah alo leng thin a tunthlengin keimah vang in ala single char char keilah in nau ang bakin ka en thei der silo a,Apa police officer ani a an fa neih chhun a ni bawk,mahse an duatsual theilo,duatsual chu sawiloh apa a rum bawk nen chhungkaw chhehchhawl hi a ni ve berin ka hria an tirh kawi ber kha a ni ve tlat mahse duat hunah erawh an duat lutuk tho.

Vengkhat a awm kan ni bawk nen kan inhmu ngun fu inhmu fuh mai mai pawh kan nilo amah hian nikhata vawikhat tal min hmuhloh chuan a awm thiamlo,kan awmpui Nu Rami hi inrinni leh pathianni a chawl thin a a chang phei chuan eirawng min bawlsak turin ka ti tawp zel a ani lah a lo phur em em zel a phur tak hian a bawl surh surh zel ka thlalak phei chu keimah ai a ngah tawh ania ka rinni…. ka pa leh a pa an lo inkawmngaih ve zel bawk nen Lydia in min atchilh tih hi hrelo pawh an awm manglo.

Apu tein ka thlen chuan ka call a a rawn chhuah nghal tur thu a sawi chuan ka off nghal a,a ni pawh reiloteah a rawn chhuak nghal nui ver ver in min rawn pan a street light in a chhun bawk nen a hmeltha zet chu ka hmuhhmaihlo chiang khawp mai.

“I hmeltha si,fel si,pa bawk si i lo kal peih ka ring miahlo nia min lo vahan hmangaih em ka lo thlang sual lo tawp che anihhi” tihpah chuan min  rawn kuah chung chung a,namsawn hlek in “Haw i duh chuan chuang vat rawh” ka ti hluk a.

“I thin a la chhe tel zui awi ka vahan duhtak che” tih pah chuan ka hnungah chuan a rawn chuang a,ka kawngah a rawn kuah nghal,ani hi ka bike a  hmeichhia ka phurh tam ber anih ka ring phurhloh theihloh pawh anilo ka awmna hmun apiangah a awm hian ka hre thin….Ka zep lo ka ler a ka hmel leh pian in a lo zir bawk nen hmeichhia ah hian ka tla tlum ve viau mahse thlakhat kawp tling ka nei meuhlo Lydia-i lah hian ngaihzawng ka neih apiang hian min be duhlo a,chaw te a ei duhlo thul a buaithlak a nia a naupanlai atang a ka mi hriat chian a ni ve bawk nen chutia a awm chu nuam ka ti biklo a hei tunah pawh amah avangin ka single tlawng hi,Lydia lah hian min bialpa chei ringawt a min pawt phar dawr dawr anihhi.

A harh a, ni ve phawng phawng ang kha ani mahse a rilru erawh a no viau thung a thinrim khat a a thinrim meuh chuan kei tak ngial pawh in ka be tawng zolo,a hmelhriat te bulah chuan a tawng duh ber an tih ang kha ani a a hmelhriat loh te bulah erawh ka neilo ang hmak in a ngawi leh ker zel,hmeichhe dang angin mi a rel ve zawt zawt ngailo a mi chanchin phei hi chu ngaihven lo tak ani kei tiamloh in Lydia hi chu mihring pakhat a ni ve chiang ani.

An inzawn ka thlen chuan ka ding dat a,ani pawh a chhuk nghal tharh a kan veng tleirawl ah chuan a luck pawl leh a chhelo pawl ani mipa tu te pawh hian an duh ka ring mahse keimah ah a bur chawt a mipa dang pawn an beisei tha ngam meuhlo.

“Zanah i len pawn leng rei tawh suh ang che” ka tih chuan nui var var hian “Pa ber thusawi te chu kan hnial ngam nang” a rawn ti a, a nghal tel bawk tih ka sawi hmaih in ka hria.

“I nasa reuh sia e” a chala pen kerh chung chuan ka ti a “I fa ka la pai dawn” a chal tuai nauh nauh chung chuan a ti reuh a ka nui chhuak hawk ringawt,tawngkam mak pui pui hi a hre reuh a mahse min ti hlim tu ah a tha phian.

“Va lut tawh rawh” ka tih chuan muttui ti sep in a inher a gate a a luh hma thleng chuan ka thlir a, chutah rawn inher leh phut in a rawn tlan phei a ka biangah rawn fawh zeuh pah hian “Muttui ka Thinlai” a rawn ti a,a tlan let nghal nal nal chu ka en reng ringawt,chutah a chetdan naupangchhia tak avang chuan chuan ka nui hawk a,henu tak hi chu aw ti vawng vawng pah chuan ka inlamah ka inkhalh haw a…

Zuals Khiangte

I wrote my imagination✨

Leave a Reply