You are currently viewing FIGHT fOR IT Bung 1 na (Abby Bawihpuii Chawngthu)
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"addons":1,"transform":1},"is_sticker":false,"edited_since_last_sticker_save":true,"containsFTESticker":false}

FIGHT fOR IT Bung 1 na (Abby Bawihpuii Chawngthu)

Spread the love

Fight for It

Bung 1 na

Abby Bawihpuii Chawngthu

Chhuar a lehkha bu awm te chu hru fai mawlh mawlh in a khuk em avang chuan ka khuh leh kherh kherh thin a.

“Zothan, tifai tifai duh tawh suh khang te chu a fai reng thei tawh dawn chuanglo” kapu, tar chaklo tawh tak mai in wheelchair a thu chunga a rawn tih chuan nui sangin,

“Pu, a pawilo, fai reng thei dawnlo mahse hun reilo te tal chhung pawh alo fai hi hmuh a nuam ve alawm”

Tia chhang pah chuan ka thil hruk lai chu ka hru leh mawlh mawlh a.

A chhung pik lai deuhah chuan bawm dum hi alo awm a, hrufai in ka sirah chuan ka dah hrang a, ka thil tihfel lai chu ti zo thuai in chu bawm chu inchungah ka luhpui ta daih a.

Ka room ah bathroom a awm avangin ka insil kawi leh te te a.

Ka insil zawh chuan,
Bawm chu hawngin ka u, Lalrinmawii leh a thiannu ni awm tak Indoor stadium kawta an thlalak chu alo awm a.

Chumi chiah chu a awm emaw ka tih laiin a hnuai ah chuan chhawng alo awm hrang leh a, a chhawng chu kuai kau in tah chuan diary ni awm tak bu te fel at mai hi alo awm a.

La chhuak in khuma ka thut fel te te hnu chuan ka chhiar tan ta a.


Ka hringnun hian zahna chu sawiloh, harsatna tamtak a hmachhawn zel a, kala hmachhawn nawn leh fo zel angem?

April ni 28 ,2021 ani a.

Kan awmna lamah tualchhung buaina a awm nasat em avangin mizoramah kan raltlan ta kha ani a.

Northeast khawdungsei ah reilo te tak tak kan awm a. Champhai khaw chhunga kan chhungte bulah awm duh rih viau mah ila hri ala len avangin kan insawn thei lawklo a.

A mipa hna thawk thei chin kha chu mizoram chhungah keini hmeichhe awmnem leh naupang lam an dah hnu in ram lamah dikna sual chhuak turin an let leh thin. Chhungte ngaihtuah pawh an na viau mai.

VLTF duty zingah tlangval ngo ving veng leh hmeltha deuh tak mai hian kan awmna chu rawn en zeuh zeuh thin in, eitur kan tlakchham leh chham loh te min zawt ve zel thin.

Ka hriat ngai mi ani lo bawk nen, mizo tawng ka thiam chiang lutuk silo nen , mi zakzum chi kalo ni kher bawk nen, min biak te hian chhan dan tur hrelo in ka hmai chu sen tawn tawn zel ringawt mai ani.

Tuk khat chu ka tui chawina lam pan in ka kal a, ka bulah Kha tlangval ngei kha alo awm ve bawk. “Tunge i hming?” A rawn tih chuan phu deuh uih in, “Awhh ihh Nunhnempar ka ni, nang teh? ” Tiin ka zawt let veleh a, “Tlankima ka nia, i hming chu van mawi ve, engtia koh nge i duh?” Min rawn tih chuan , aw lawi zet hian “ih Hnemi emaw Parte-i” ka tih zawh chuan a aw chu ka thian kherh kherh a.

“Keichu i duh duh danin min koh dawn nia aw, Nuni” min tih chuan ka rilru te te in, ” Nuni tih berkher kava ngei tak!

A ni tela lo inhmu ta reng chu Tlankima nen pawh kan inkawm nel viau mai.

Zan lamah erawh duty ve zeuh zeuh anih avangin a rawn lenglut vaklo thung.

Kei leh ka nau kan ni tawh mai a.
Ka chhungte tia sawi tur ka neih ve ka putea lah Burma lamah min hawsan leh daih a, a thang rei tak em avang chuan a boral ka ring hial tawh!

Sipai in min umna lamah ka nu kha an kaphlum a, kei leh ka nau erawh engtin tin emaw kan tal put thei hlauh thung. Ka mit ngeia ka nu thi lai ka hmuh kha thil rapthlak tak ani. Kanlo innghah leh kanlo thlamuan pui ve em em thin kan ram sipai te ngeiin kan ram mi leh sa, nu nau tam tak thatin pa chang pawh an zuah bik lo, a rem rem an sai hmak hmak mai ani. Kan in leh lo hal in kan nun chu a hrehawm hle bawk.

Kan awmna Northeast khawdungsei lama awm nghet sa hmeichhe hmel fai ve deuh tak, hmaifang tha leh vun mawi reuh tak hi a awm ve bawk a, Nunthari ani a inti tak in ka hria.

Tuk khat ka tui chawi haw lam chu a thiannu Tepuii nen chuan minlo chang a. An zawn ka thlen chuan minlo ti ding a. Tepuii chuan, “Pari lo ding teh” tih chiah a sawi hman , Nuni chuan rawn kuai sawn in ka hmaah tak chuan a rawn ding a.

“Pari maw i nih a” kuangkuah a hawi lah chung hian a rawn ti a. Lu bu nghauh in kalo
chhang thung.

“En teh, ka hrilh ang che. Tlankima hi lo hnimhnai vak tawh suh, ilo awmthar te te a, i inla high ve ringawt ange, raltlan te te si, kan ram in ti chep” a rawn ti a. Nu nei tawhlo ka ni a, ka nau, kum 2 mi enkawl tur ka nei nen, an thusawi chuan ka rilru a tina hle a.

An thil sawi zawng zawng ka hriat thiam bik vekloh avangin lu bu nghut a kalsan tumin ka tui chawi chu ka chawi kang a, kal mai ka tum chiah chu Tepuii chuan, “minva han ngai pawimawh lo ve” ti vin thawt in ka chawnah a rawn tlawh a, lung rap pelh in ka tlu bawk thlawrh mai a. Ka zak in ka rilru mai nilo ka thinlung lamin a na vawng vawng thei hial a.
Mahni tawka mi paukhauh inti tawk ve tak ka ni a, ka mittui phei chu a tla zen zen lo, mahse tuna min tihdan kher hi chu ka rilru a na ani.

Min eiloh hmel zet hian ka bula vut awm chu min rawn chhir khum a . ” Mahni phutawk hriat tur, mi ramah in rawn raltlan a, zahna te hi nei ve rawh u, lerh turin ami in rawn raltlan.? Tepui, kal ang, thing lutuk, ek thing rim ka hre pha riai riai in ka hria” tiin an nui dun har har a.

Mittui tling pam chung chuan ka in beng fai thauh thauh a. Ka tui chawina t(r)in chu ban tumin ka han pen mai tur chu ka ke kheimit chu alo vung luk mai, ka rap lek ani chek ang chu.

Bai auh auh chung chuan kan awmna lam chu ka thleng ve thei hram a. Kan awmna ep chiaha awm ve Nu Suihnem chuan kan ram tawngin : Parte, ngati nge?” Tiin min zawt a.

Ka tawng vaih chuan ka mittui a tla nghal dawn tih ka hriat vangin kan awmna room ah chuan bai lut auh auh in chhuatah ka thu thla hnawk a. Ka nau, chhuat a puan phah a mu a lo thaw ri sek sek ri ka hriat phei chuan ka nu ka ngai lutuk chu ka hmai hup meuhin ka tap tawp mai a. “Nangni raltlan ve mai mai, kan ram in ti chep” tih ri kha ka beng ah a ri nawn tluk tluk a.

“Duh vang renga raltlan kan ni lova, kan ram khi kan duh vanga buai ani biklo asin. Kan chhungkua, kan laichin hmangaih em em te, nunrawng taka thahsak kan ni a, kan tuar na ve tho asin.” Ti nuah nuah in ka rilru na chu duh aiin kalo tap ring deuh nge mawni, ka bula ka nau mu chu alo harh hlawl a.

Kan awmna room bula Nu Suihnem te pawh chu an rawn phei ve bawk.

“Awi Parte i khup chu ava pilh nasa ve ana em?” A nau puak sawi chhing pah chuan a ti a. Ka kheimit chu rawn en leh in alo vung luk tawh mai si nen chuan bang dep lama kan dah, tel bur chu la in a kutah tlem a thlawr a, nuai sa vut vut in ka ke chu min hmehsak a, ana ka ti chu awm ngaihna pawh ka hrelo zawk. Heti em em hian na ka tawrh in na kala ti ngailo reng reng.

Nu Suihnem in ka ke a hmeh mawlh mawlh lai chuan Tlankima chu thawveng zeta rawn vaivuk rut rut in ” Par…. ” A rawn ti hman tawk, mittui tling pama kalo awm min hmuh chuan min rawn ngaihven vat a. Ka awma bei ka nau tap hliam hliam chu min pawm chhawk in, a khat tawkin Nu Suihnem bulah chuan, ” Nu Masui, i hmet na lutuk ange aw” alo ti leh thin a . Nu Suii chuan a hne hmel takzet!

A vung zualpui a hmeh zawh hnu chuan Nu Suii chuan , ” kan awmna lamah chaw in rawn ei phei dawn nia, kha rawng pawh i bawk thei tawp nang, nau awm tur i nei ve bawk si” a tih chuan ka in thlahrun em avangin , ‘ Aih Nu Masui a ngai lo tak tak, ka tibuai lutuk palh ang cheu” tiin ka hnial ve ngei tak na in, ” sawi buai sawi buai ngailo , eng ti thei hleilo che chuan, lo phei ngawt la nih mai chu” ti nghut in an awmna room lam a pan phei leh ta daih a.

Tukverh ah chuan hawi chhuak in sava hram ri ka hriat te chuan kan ram min ngaih zual tir takzat!

Kanu in ka nau paw chunga a thil siam min barh lai te, Kapa in kawr thar min lei tuma ka lawm zia te, ka nu leh pa hmaa inchhuang taka zaia ka lam lai te chu ka hrechhuak a, ka mittui chu hriatloh karah alo hnam chhuak tial tial a.

Tlankima chu ka bulah rawn thu thla in, ” Hnemi, Parte, i tha em” min rawn tih chuan phu zawkin ka bianga mittui luang chu ka hru hul mawlh mawlh a. Ka nau chu ban zuau in lak mai ka han tum a. ” I ke a nat kha, ka awi mu ange, engtin nge i tihnat?” Min tih te chuan amah nena kan in hnimhnaih vanga he buaia tawk hi niin ka hriat tlat avangin ka rilru chu na a, ka be duh ta hauhlo a.

A tih ngaihna hrelo chuan ka nau tawng fiahlo zet chu a chhaihfiam zuk zuk ringawt mai ani.

Ka khup chu tawm in , ka lu chu ka phup ah ka nghat a. Ka tap leh rih a.

“Parte, tunge maw heti taka rilru na a lo siam che le!” Ti nuah nuah pah chuan Tlankima chuan ka hnung chu chul hliau hliau a.

“U Tlan, in rama kan rawn tlan vang hian in ram kan ti chep ami?” Insut faih faih chung in zawi muangin ka hawi chhuak a. A hmel ka en chuan a lungni lo hle tih a hmelah a hriat.

“Tunge in hnawk ti a? Kan chipui kan unau in nia, kan ram chu in ram ani ve mai alawm, ti zawng chuan ankhum tu che an awm ami?”

Min tih chuan ka lu chu thing in, ” aih tumahin engtin mah min tilo.” Ka tih chuan awihloh hmel zet hian min en a.

Ka nau Liansang chuan, ” Au , mam mam ” a rawn ti a, a ril a tam tawh ngawt ang.

Dar5 leh a chanve a rik hnu deuh lawkah Nu Suihnem chuan min rawn au a, Tlankima chu a sawm ve nghal bawk. Tlankima lah in ” Aw” alo ti fel diam tawh hepa nun thawveng lutuk hi a awhawm letling zawk e a.

Chaw chu ngawi reng in ka ei mawlh mawlh a. Tlankima erawh Nu Suii nen an inkawm thei phian thung a, an titi melh melh mai bawk.

Cha wte kan bar kham hnu chuan Thleng sengpui ka tum ve rawk a, ka ke chu ka rin ai rah alo harsa zek mai.

Tlankima chuan, ‘lo thu mai mai teh, ke na ve si nge chet ve phet ilo tum’ nui ru uk uk, a nui tih tilang duh hauh silo hian ati a.

Nu Suii pawh chuan ” Nia, Hnemi , hetah lo thu rawh. Keini’n kanlo ti ange’ tiin hmunphiah ka ken lai chu min chuh a.

“Nu Sui, heng mai mai te chu kei pawhin ka ti ve thei lutuk ania”. Ka tih leh chuan Tlankima chuan min pawm kang lawpin thutna ah chuan min nghat a. ” Che tur kan awm ti tua, thu i awihloh le, tikhan thu hle hle rawh, rawn tho kang leh teh vaih.” Ka chal pen tum ni awm tak hian min tin vung vung a.

Chhan pawh ka chhang peih tawhlo.

Tlankima chu chhuak ta daihin alo let ring tawhlo in ka thaw hawk thei. Ka nau chuan a mut chhuah thu min hrilh in ka pawm a, a mawngah beng thek thek in awih mut nan ka zai sak a .

Rei pawh la liam lo ah Tlankima chu a rawn lut leh hlawl a. Theihai bawr hi a rawn khai a.
“Hei , bawl ang u, digestion ani mai’ nui khi tha chung chuan a ti a.

Keichu bai phei auh auh in kan awmna lamah phei ka duh tawh thu sawi in ka nau pawm chu ka pawm tha te te a.

Tlankima chuan hriatthiamloh hmel zet hian min en ha a.
“Par, i thinrimna tur sawi ka nei mi? Tinge min biak duh tak miahloh a?” A tih pawh chu chhang lem lo in ka kal zel a, kan awmna room kan lut dawn chiah tih ah min luh khalh in , kan mutna phah ah chuan a mu thauh a.

“Tah hian Nanaui lo mut la, kei a zirah, nang a sirah,” tiin kan mutna zawn tur chu a beng thek thek a.

“U Tlan, va haw rawh! I chhungte:n an ngaihtuah tawh ang che” sawi sapa ti in kawngka biang chu ka ngheng reng a.

“Haw pawh ni ila tuman min uksa dawnlo tih ka hria lawm, ka nu te nen kan inmil em em lo a, min duat lo chu an nilo, mahse engkima ka nun a thu neih an tum hi ka hne thin, ka nu lah saw, phun reng mai ” tiin a ang hmuar hmuar a. Kei chuan kalo en reng ringawt.

Rawn tho chhuak in , ka nau pawm chu a rawn la a, chhuat laia mutna phah awm naah chuan min kai phei a, tih theih dang awm heklo ka zui ve mai bawk a.

Kan thut fel te te hnu chuan, “Kanu chu maw, a che fel tho nangin a phunchiar lutuk a, ka pa lah hian ka unaunu te hi a duat hlur a” a rih zawm leh a, a sawi zawh hma chuan,
” U Tlan, ka awt ngawt mai che” zawi sap hian ka ti a.

“Eng vangin maw” alo ti he haw a.

“Nang chuan hmangaih em em tu leh ngaihsak tu che nu leh pa ila nei a”

Ka tih chuan ,” nang, i nu leh pa te” a sawi zo hmanlo ” vanah’ kalo tih khalh a. A ngawi chiang hle bawk.

“Ka mit hmuh ah kapa kha an kaphlum a. Ka mithmuh vekah ka nu min kahhlum sak leh a, ka tan hian in nghahna hi a awmlo takzet asin, nang chuan nu leh pa ila nei a, kei chu “Nu” tia koh tur pawh ka neih veloh hi, Nu ila nei kha lawm hle zawk rawh” ka tih chuan sawi tur hrelo tih hriat zet hian a lu thak pawh thak mang hleilo chu a hiat a hiat ringawt mai ani.

A sawi tur hrelo chu ding hluai in, “Ih kan haw phawt ange, zingah kalo leng leh zawk ang , kalo kal hma chu lo chhuak miah suh ang cheu, pawn lamah hian kawngka ka kalh dawn ania” tia inher pah chuan chhuah mai a han tum, chhuat khuar laha chuan a inchhuih per nawlh a. ” A han uang vel anih kha” tiin zalo zet hian a nui kual vela, a chhuah hnu chuan kawngka chu pawn lamah a hawlhkalh tak tak reuh a. “Awii kava zak tak e aww” a ti nuah nuah ri te chu kala hre pha a, ka khi ve suk suk mai.


Kapi in choka lam atang in “Zothan, cha ei ang ule, chaw ei kan siam peih tawh ania.”

Tiin min rawn au lawng lawng a.

“Ka thil chhiar tui lutuk chu a.. engmah pawh kalo ngaihtuah re re hleinem le.” Ti nuah nuah in Diary chu khumah ka theh thla a.

Ka chapal chu bun tha sauh sauh in, choka lam chu ka pan phei nghal a.

Dawhkan kava kil chuan , kapu chuan minlo nuih sang a, “le mambawih, nang tawngtaina han hmang la” atih chuan thu awih deuh hian ding nalh in ka tawngtai ta a, thil eng eng emaw te sawi in kan ti ti luam a. Kapu te hi champhai khaw lama awm an ni a, kei Aizawl lam ka ni a, chawlh hmangin Champhai lam ka zin lai anih vangin an inah hian ka thleng a, ka u Rinmawii erawh an bula cheng reng ani thung a, tunah erawh a boral tawh thung.

Kan class group hovin min rawn video call a, chaw ei lai anih vangin ka picup lemlo.
Cha wei kham hnu thil tih fel hnu fe ah chuan ka call back a, kan han in be khawm leh nak nak thei chu a lawmawm hle mai, Zuati erawh in pasal alo nei hman tawh thung.

Rei deuh fe kan inbiak zawh hnu chuan kapi te thei ei tur siamsak in plate ah ka chhawpsak a, ka pu chuan ka thiante chu an awmna te min zawtin ka nu te an that leh thatloh te chu min zawt a.
An that thu in ka chhang a, rei deuh fe kan ti ti leh hnu ah kan thil eina te tifel in room ah ka lut leh a.

Mut hma in diary chu ka chhiar chhunzawm leh a.


Zingkar hma takah kan in kawngkhar chu a rawn hawng a, ka nau chu ala mu a, kei erawh ka nau hnute hnek tur chhuangin thuk bulah kalo thu mek a.

Lungawi hmel loh tak a rawn lut in ka nau mutna bulah chuan a thu thla a.

Ngaihsak ang pawn ka lang duhlo. Kha mite atanga buaina ka tawkleh anih chuan tunah pawh hetiang hi ka nia, nakinah phei chuan ka nau tan pawh a hlauhawm thei nia ka rin avangin hnaih tawhloh chu tha ta berin ka hria a, ka be tha duh vak tawh lemlo.

“Nunhnempar” a rawn ti vin thawt a.

Ka phu awih mai.

“Um” tih te chauha ka chhan chuan ding uai in, ” Tinge engmah min hrilh loh?” Thinrim mitmeng zet hian a rawn ti a.

“Eng chu maw?” Kalo ti haw thung.

“Tepuii te thian dun vang ani tiraw i ke kha? Khatia lo tawngkhum tu che pawh kha an mahni an ni tiraw?” A rawn tih chuan meng buai deuh nak pah hian, “aih nilo” kala ti tang tang a.

“Tinge an ni mai mai saw i in tihbuai tir a, saw tiang lerh lutuk te chu rilru tihnat nana hman tham pawh anih loh saw” tiin min vin a.

A tawng ran em avang chuan a sawi thenkhat chu ka hrethiam hle bawk.

Ka hrethiamlo tih a hria ni chawk ang chu min rawn pan phei in min kuah bet thlawp a.

“Hnemi, keimah ah hian innghat tawp rawh, ka theih dan dan in ka pui ve ang che, i putea lo lam leh theih hma cheu chu ka tanpui zel ang cheu, tumah in an tih duhdah che phal tawh ngai re re suh. I nat hi ka hlau ber ania.”

Tiin ka lu a chul hliau hliau a, engmah hrethiam mang hleilo chuan ka ding khawng reng ringawt.

Kan thenawm nu Nu Suihnem chuan ring deuh tak hian, ” Hnemi, Hnemi, awi ka duh theilo Parte”, tiin a tap ta zawih zawih a, Tlankima chuan min hruai phei a, Nu Suihnem bul kanva thlen chuan thil awmzia ka zawt chiang a.

“I pa Mung leh I Pute Leon…..

Chhunzawm leh tur

This Post Has One Comment

Leave a Reply