You are currently viewing KEIMAH VANGIN

KEIMAH VANGIN

Spread the love

-Zuãl’s Khiangte

Ka phone ri chuan ka mumang nuam zet atang chuan min ti harh a,ka phone chu ban in mit la meng tha thei lo chung chuan minlo call tu chu kan en a Nubawihi alo ni call chu pick vat in “Enge?” ka va ti nghal tawng a.

“Ehe i harh chiah a law? Nula pumpa ve si tho hma ve thin ta che” tihpah chuan a rawn nui hak hak a, ani hi ka thiantha ber tette atanga ka kawm ani a, min han hriatchian zia chu ka mawng ding lamah khuavang ka nei tih thlengin a hre vek chutiang khawp a inkawm nasa chu kan ni….

“Aw tre tre lo khan enge minlo call chhan chu sawi vat mai teh ka mumang kha mang zawm leh ka duh ania” vin deuh hlar chuan ka ti a, he mihring nu hi chuan ka zia a hrechiang bawk a eng ang pawn vîn mahila a ngai haw leh dawn chuanglo..

” UDuhi te inneih ni a kan kawr hak tur kha vawiinah en ila, thuitir nghal bawk ila ka ti deuh mawle ” a rawn tih chuan Uduhin pasal a nei dawn tih ka hre leh chiah ka vahan ni khua lo tak, Uduhi kan tih hi Nubawihi cousin a ni a kan tetlai a min awm thin tu a ni a, high school teacher niin a pasal tur pawh a teacher pui tho ani a, an senior dun ve tawh bawk a kum khat an inzui vel ang tihah inneih an ti nghal mai ani ….

“Aw min lo sawm la mahse ka hman har deuh ang aw chaw pawh ka la ei velo, hei, ka tho dawn chiah” ka tih chuan chawei vat tur leh min lo sawm vat tur thu a sawi a rei pawh in be tawhlo chuan kan inbiakna chu kan ti tawp a..

Mu tawhlo chuan ka tho vat a ka khum chu siam in bathroom a intifai tur chuan ka lut nghal thuai a, Keihi Celine Lawmsangzuali ka ni a, BA 3rd sem ka zir mek a u mipa pakhat ka nei a ka nu leh pa in min la dampui ve ve bawk,ka pa hi Horticulture ah a thawk ve a, ka nu erawh ka pa nen an inneih hmain zirtirtu ani thin a mahse ka pa nen an inneih hnuah a chawl ta daih thung , ka u mipa Mama erawh Gov’t High school ah LDC in a thawk ve mek a , kan chhungkua ah keimah chiah chawmhlawm ka awm tawh anih ber chu ,a pang ber ka ni bawk a an theih ang tawkin min duat ve hle a ka duh leh mamawh hi chu awm thei lua nilo mahila ka nei thei ve zel mai.

Nubawihi ka tih hi a hming diktak chu Lalhriatpuii ani a fa mal ani a, heivang  hian kei unaunu awt  ngawih ngawih ka lo ni bawk nen  kan inkawm ngaih em em a a chang hi chuan thian nilo in unau ang maiin ka en thin, apa hi contractor hlun ani a anu in kum17 anih in a boralsan a anu boral atanga kum hnih hnu lekah Nubawihi pa, Pa Siama hian nupui a nei ve leh a, a nupui neih lah nuthlawi fa pakhat nei ve tho ani a an khawsa ho ve naw naw mai, A nuhrawn fapa chu UDylana ani a Nubawihi nen keini aiin kum2 in a upa a, a unaupa hrawn ni mahse u neih a chak bawk a UDylana lah a lo fel ve zel bawk nen Nubawihi nen pawh kan ngaina hle.

Tukthuan ka ei na vel ka lo sil lai chuan Nubawihi chu thawveng zet hian a rawn lut a, a rawn tawng leh lawng lawng tawh, ka nu in “Tawng zawi deuh teh” a tihlah chuan pakhati chuan hrelo ang hmak in a awm a, an inhnial an inhnial ringawt keiin thlengsil pah chuan an inhnialna chu ka lo nuihpui leh hak thin a, ka nu pawh hian a thoveng lutuk leh kan in a a rawn chuangkai ngun lutuk hi ngai ah a nei tawh, he in cheng te hi chuan Nubawihi hi chu kan chhungkaw member pakhat angin kan en vek tawh .

Thleng ka sil zawh chuan ka insiam nghal sawk sawk a, Nubawihi lahin minlo tur ve chhen zui ka hne tak tak ani, ka insiam zawh hnu chuan ka nu chu pawisa ka dil a minlo pe ve mai bawk a, kan kal dawn a Nubawihin “Nu chaw ka lo ei dawnnia, chaw minlo chhum kep aw” a tih chuan ka nu chuan “Chaw rawn ei reng suh i rawn ei ngun lutuk a buhfai pawh kan nei tawhlo” alo tifiam a, Nubawihi lah tlawm duh bik heklo “Buhfai ka lo lei haw ang” a tih chuan kan nui ho dar dar a.

Bazar a puanthan kan han endun chu  a in ang lei kan tum bawk si , ka duh rawng a nin a duh bawk silo, a duh rawng keiin ka duh bik bawk silo kan inhnial kan inhnial ringawt dawr neitunu ber pawh a ngaihna hrelo in a hawl lawl lawl ringawt, a tawpah chuan rawng in anglo kan la ta ringawt a, dawr neitunu chuan “In van inkawm thei zawk em em” tihpah chuan kan puanthan lei te chu min zai sak a, a design vel kan tih fel hnu chuan kan thiannute restaurant ah in hnawhpuar in kan haw zui nghal a..

A tuka Nubawihi college kal tur a ka va sawm chuan, Nu Ngaihtei chuan “A nuam sam vaklo aniang a rawn la tho chhuak lo reng reng” alo ti a ,Nubawihi room lam ka pan nghal vat a “Celine i va vang ve” UDylanan a lo tih chuan ding dat pah hian “Nang anihkha keite chu ka awmna ah chuan ka common lutuk” ka tihchuan nuisuk pah hian a khabe a tuai zeuh a,a nghawng sen deuh tâk mai ka hmuh chuan “Tinge i nghawng?” ka ti vat a “Ahh zawhte min ham na anihhi,khi kan thenawm te khian an la thar a pawm kan tum ve ringawt a min ham nghek alawm” a tihchuan “Rante hian hmelchhia hi an hre thei ania aw” tihpah chuan ka kalsan a min au zui thawm pawh ka hre reng ka nui pat pat ringawt.

Nubawihi room ka han luh chuan puan hian a lo in lukhup a a mawng a beng tawih pah chuan “I nawmloh te chuan min lo biak tur alawm” tihpah chuan a bulah chuan ka mu thla ve nghal  a “Celine” tihpah chuan min rawn bawh a a rawn tap vak ringawt, chutia a han awm ringawt chu a ngaihna ka hrelo khawp mai “Engatinge i tha em?” tihpah chuan ka pawm let a, min chhang lo chuan a tap khur char char ringawt..Rei deuh fe a tah hnu chuan a bang ve thei hram a “Le sawi tawh rawh le” ka tihchuan ,lu thing pah hian “Ka nun hi zan khatah a chhiat vek theih ka ring ngailo” a rawn ti a “Enge i sawi awmzia?” ka lo ti vat a, chutia min chhan tum a a kâ a ang zuau hman ang tihah chuan room kawngkhar chu rawn ri trek in UDylana  chu thingpui nen alo lut a “Kha in in tur” tihpah a min rawn pek pah chuan kan bulah chuan alo thu ve nghal a..

“Khawsik i nei bawk silo” tihpah a Nubawihi chal a khawih chuan Nubawihi chuan lehlam a hawisan daih a, an awmdan chuan ka ngaih a ti tha thlawtlo hle.

Udylana chhuah hnu chuan “UDylanan i chungah thiltih a nei ami?” tih zawhna chu ka zawt vat a “Neilo ve kan in hau deuh a” alo ti sam et ringawt “Heihi enge a awmzia?” tihpah a a nghawng duk deuh chur mai ka khawihsak chuan chil a lem deuh dak a “Isaka min reh na anihhi” a rawn ti sep a ka ding hluai ringawt “Enge a awmzia engatinge?”  ka tihchuan “Ka then a, inthen a duhlo in kut min thlak alawm” a tihchuan Isaka chu call ka tum a Nubawihin min ngen nasat em vang chuan ka in sum hram hram ringawt,kum4 lai an inzui tawh a chutia inthen duhloh avanga kut han inthlak ringawt te chu a nep thlak lutuk,Nubawihi lahin a then chhan a sawi duh der silo..

Chumi ni chuan college kallo in Nubawihi te inah chuan ka awm nileng ve thak a Lalnubawihi lahhi enge a hriat ni? nidang nen  a mizia a in ang thlawtlo biakloh chuan min biak a tumlo a a chang leh ngawi rengin ka tawnglai min en char char a,nidangah te chuan rilruhahna nei ve pawh nise amah zawkin a rilruhahna min hrilh hnuah min tih hlim dan tur ngawt a ngaihtuah thin kha a ni si a tuna a awmdan erawh hi zawng a awmzia ka hre thlawtlo ani.

Ka haw dawn chuan Nubawihi chuan min en vang vang pah hian “Mate” hetiang hian rilruhahna a nei chang apiangin min ko thin “Umm sawi la” ka lo ti vat a “Mahni intihlum te hi vanramah an kallo ang tiraw?” a rawn ti a,a lamah inher pah chuan “Ngatinge chutiangte min zawh?” ka lo ti nghut a “ka zawt mai mai che a chang hi chuan ka nun hi ka hne thin” a rawn ti leh a,chhanglo chuan ka ngawi vang vang a “Umm kailo ang,teh maw Nubawih tuna i awmdan hi ka hrethiamlo mahse intihhlum hi chu ngaihtuah pawh ngaihtuah suh, tuna i nun hman dan hi hrehawm iti pawh ani maithei mahse lo intihlum ta la i kalna tur i hrechiang a he lei a i awmdan aiin a hrehawm zawk dawn,tunah enge i rilru hahna ka hriatpuilo che min hrilh duh chuan i tan ka awm reng tih i hria mahse nangmah a i rilru hahna paitlang i duh zawk anih erawh chuan heihi ka hrilh ang che khatiang kha i ni reng dawn biklo mi hlim thei tak i nihkha i lunngai reng biklo ang i hlim na ni tur a rawn inher chhuak leh vat mai ang” tih chuan ka chhang a ka tawng hnem bawk a ka thaw kawk kawk thei.

“Ka intihlum dawn pawh ka tihloh kha” nui sak pah chuan a rawn ti a “Iti ka tilo mahse tuna i awmdan atang hian i tum hmel em alawm mawle,i ngam chuan han inti hlum na teh i thlarau keiman ka hran khum zawk ang” ka tihchuan kan pahnih chuan kan nui dun hak hak a.

Ka haw dawn chuan ka scooty dahna thleng min thlah a ka tlanchhuak dawn tihah “Mate”a rawn tihleh avang chuan a lam chu ka hawi vat a,min rawn kuah pah hian “Nakinah thil ka hrilh ang che,he khawvelah hian ka hmangaih ber che a ka haw ber bawk che” a rawn tihchuan ka lo nuihak a “keipawn nangai a huat ka neilo, zanah min lo call la aw” ka tihchuan min thlah pah hian a bu nghauh nghauh a,in mangtha pah chuan kan inthlah liam ta a.

Zanriah kan ei kham kan chhungkua a thutkhawmna pindan a kan thut khawm lai chuan ka phone chu a rawn ri ral ral a,minlo call tu kan en chuan Udylana alo ni, la nghal vatin “Aw hello” kan ti chiah a thil rawn sawi avang chuan ka phone chu ka thlauh tawp a ka mittui a sur in a sur nghal zung zung bawk,ka nu leh pa ten min biak mawlh mawlhna pawh ka hria mahse ka chhang theilo, Umaman ka phone chu chharin UDylana chu a biak a “Aw kan lo phei nghal” a tih ri te chu hla tak atang a hria ang mai ka ni.

Umaman “Mambawih inthlak vat la kan va phei ve dawnnia” a tihchuan “OMam UDylana khan dawt a saw tiraw Nubawihi nen te chuan vawiinah kan inkawm char char alawm”  tihpah chuan ka mittui chu ka hru a “Mambawih inti pachang la,va phei vat ru keini pawh i pa nen kan lo phei ve ang” ka nu in a tihchuan Umama chuan ka room lamah min kai phei a,Umaman ka hak tur a dahchhuah chu ka inbel mawl ve tawp ringawt,tuna thil thleng hi ka mang lamah pawh ka la mang ngailo a a ngaihtuah pawh ka la ngaihtuah chhin ngailo,min tihderh mai mai anih ka la ring fan zawk.

Nubawihi tein kan thlen chuan mi an lo awm thup tawh a chutia mi lo pung khawm sup sup ka han hmuh chuan tuna thil thleng mek te hi mumang mai nilo in a tak ngei a ni tih min hriatchian tira,chu erawh chuan a tur in min tur ut ut chu a ni si.

Nubawihi ruang chu postmortem lo in khum ah an lo mut a,a bula kal ngam lawklo chuan a mutna khum bulah chuan ka ding reng a,ka phallo tih hian ko kir thei se ka ti mange, thi tur kan ni tih ka hria engtikah nge thi se ka tih erawh ka hrechuanglo mahse tun hun hi chu a hun thlawtlo ani.

Nu ngaihtein min han hmuh chuan “Nubawih hei i thiannu i ngaih em em kha a rawn kal asin i vahan ti hrilhhai ve vawiinah pawh in in kawm reng anilawm ni” tihpah chuan min rawn tahkhum a chutah zet zawng keipawh ka insum thei ta biklo “Mate min mi manganag lutuk engatinge hetia i awm?” tihpah chuan khuma mulai Nubawihi chu ka va bawh a ka tap khur ngawt ngawt ringawt,chhanna min pe thei tu tur ber Nubawihi erawh in min ngawihsan a,nidanga ka tah pawh a min thlem thin tu ber khan ka mittui te chu engatan mah ngailo in min ngawihsan ta..

Thawklehkhatah ka awm chu a rawn in sep dawr dawr a ka thaw tha thei ta reng renglo,tu nge min rawn chawisawn nawlh ti a hretur pawhin ka meng theilo,ka bulah chuan an ri mur mur a kei erawh hla fe ah ka awm si,rawn eng deuh riai riai ka hmuh chuan ka mit chu ka meng chhuak a engmah ka hmulo a var vek ringawt,ka dinglam kan hawi chuan Nubawihi hi min hnungchhawn zawng hian a lo ding a “Mate” ka aw chu a ri chhuak riai riai a “Mate dawt vek tiraw? i thilo tiraw?” ti a ka zawh chuan ka lamah chuan a rawn inher a, a hmel chu lungngaihna nasa tak anei ani tih ka hre thei “Mate ka thi alawm,mahse mahni inti hlum ka nilo thah ka ni” a tihrual chuan a ral riai riai a “Kal suh mate min kalsan suh” tih chuan ka au zui chiam chiam a mahse a rawn kir tawhlo,ka lo muhil nge ka harh chuan ka bulah UDylana leh ka u an lo awm reng a.

“Nubawihi kha thah anihkha” ka mutna atanga thu chhuak paha ka tih chuan ka u te pahnih chuan min rawn pan hnai nghal a “Omam tak tak alawm nubawihi kha thah anialawm amah pawn a sawi vek” ka tihchuan Umama chuan “Mambawih i mumang kha a tak tak emaw i ti mai mai anihkha” a rawn ti a lu thing nawk nawk pah chuan “Ai amah chuan a inti hlum lo ang” ka ti leh hram a UDylana chuan “Enteh celine ka nau nen in inkawmngaih zia ka hria, mahse chuvang mai chuan buaina ti punlun zawngin awm lo teh,a in khailai ngei ka mitin ka hmu a amahin a intihlum ngei alawm,pawm rawh mahni a intihlum ani tihhi,pawm hma la i dam animai” a rawn tih chuan mittui tling puau chung chuan UDylana chu ka melh a Umama chuan min rawn kuah pah hian “Ni e Mambawih i tan chuan pawm thiam a har ani ngei ang,keini pawn kan ring phal biklo mahse ani chu mitthi ani tawh a keini ala dam a te hian chu chu pawm thiam ila kan hahdam animai” a rawh tih chuan ka tap khur ngawt ngawt ringawt a.

Ka tah nasat apianga ka khawng deuh reng avang chuan Nubawihi ruang pawh ka kil an phal velo a UDylanan min awmpui chawt ringawt,zing khua a han var chuan nula tlangval te chu an haw deuh sap sap a kei erawh ka thutnaah ngawi rengin ka thu reng ringawt,tahchhuak hle mahila ka tap thei tawhlo a Nubawihi ruang bula awmtur takngial pawn ka che thei tawhlo ka chau a mahse ka mut erawh a chhuak thei chuanglo,mahni inthiamloh nain ka khat a ka thiannu kha nimin khan lo hawsan miahlo ila a thi kherlo ang tih thu chuan keimah hi min kher ngut ngut a chumi avang chuan rilru natna avangin thawk ka la leh hawk thin.

Nubawihi vuina hun an hmanlai chuan a ruang bulah chuan ka thu reng a hmel chu ka en ngawih ngawih ringawt, a kut vawn kan tum chu a kut chu a lo hum tlat a, a humna kan phelhsak chuan kawrkilh var a dum a tlem a rang deuh hi a lo hum reng a ka laksak nghal vat a,ka mumanga Nubawihin thah anih thu a rawn sawi kha ka ngaihtuah nghal zat bawk.

Ka thian ka unaunu ang hial a ka ngaih chu phallo tak chungin kan thlah liam ta a,he lei a a thenrual tam tak te hian kan theihnghilh ngai tawhlo ang kei phei chuan ni khat lek pawh ka theihnghilh theih ka in ringlo,thim a ngainatloh zia ka hria a mahse lei hnuai thim a awm turin a nunna  tih chat ani ta mai chu ka lung a awi thei mawlhlo.

Nubawihi ruang an thlak zo lei a an vur lai chuan kan chhak deuh thingkung pakhat bula Isaka lo ding reng chu ka han hmu a a lampan chuan ka kal nghal vat a, min hmuh velah chuan a tlan nghal phut a keipawn ka um ve nghal a rei deuh fe ka um hnu chuan ka bula lung lian ve deuh tak chu la in ka vawm thuai a a lu ah tak ka vawm bawk a a ding ve chawt mai,rawn hawi let pah chuan “Min that i tum ami?” a rawn ti vin deuh that a “Tum deuh reuh e,enge i tlan ringawt?” a bulah din pah chuan ka ti a “Rinhlelh hmel deuhin enge mi en ni?” a rawn ti a “Enge i sawi awmzia?” ka tihchuan “Nubawihi thah ani tih i hrialawm keipawn ka hria” a rawn ti nghut a,ka lo kâ ho ringawt Omama leh Udylana te bulah bak khan ka sawi silo a engtinge a hriat ve theih?

“Engtinge i hriat?” ti a ka zawh chuan,a mumang a Nubawihi a hmuh thu leh a hmuh dante chu an sawi a ka hmuhdan ang tho in alo hmu ve chu niin, he kan mumang hi mumang satliah zawng ani miahlo ang,Nubawihi kha mahni intihlum nilo in thah ani thei mai angem? “Isak anih thil ka zawt ang che, Nubawihi nen khan engvanga inthen nge innih” a mit a melhralh pah chuan ka ti a “Keipawn ka hre biklo,minlo call a inthen a rawn ti ringawt a,a duh a sawi zo a call a off hmak a biak chhunzawm theih miahlo in min block nghal vek bawk a,khavang khan ka be hmasa bik awmlo ka ti a” a tih chuan lu ka lo bu nghauh nghauh a,Nubawihin Isakan kut a thlak dan vel min hrilh kha ka sawi chuan,a hmai a tuai puat a “Ava mak dawn ve,test neuh neuh kan neih avang khan Nubawihi nen pawh karkhat dawn kan inhmu tawhlo a chubak ah kut kher chu ka la thlak lo hrim hrim thlak pawh ka duhlo,inthen kha a rawn ti mai bawk sia” a ti a,enge maw felhlel hi chu a awm chiang a ni “Isak he thu hi kan pahnih bakin hre suh se aw” tihpah chuan a kut chu ka vuan a “Hei enteh Nubawihi khan a lo hum char char a” tihpah chuan Nubawihin kawrkilh a lo hum char char kha ka hmuh a “ka hmuh hnu a ang hle mai” a tih chuan keipawh ka lo ti nghut a,thildang sawi leh ka tum lai tak chuan ka hminga minlo koh avangin ka hnunglam chu ka hawi vata UDylana alo ni..

Ka bula rawn din pah hian “Ka zawng che alawm,ilo bo daih a” a rawn ti a,ka bula ding Isaka en pah chuan “Ilo kal ve alaw?” a ti nghut a,Isaka pawh chuan tha takin a lo chhang ve mai a “Celine ka kal phawt mai ang hun remchangah kan la titi leh dawnnia” a tih chuan ka buk khum nghauh a, a kal hnu chuan Udylanan “Enge inlo sawi a?” a ti nghut a “Nubawihi chanchin mawle” ka tih chuan a bu nghauh a,muangchang chuan in lam chu kan pan a.

Hun a ral a mitthi ngaia tah duh ngailo khan ka mittui ka dang zolo ta fo mai,ka thiannu kha ka ngai a khawi hmunah pawh kal dawn ila minlo sawm leh tur ang tlat hian ka hre thin,ka ngai ani tih hian ka ngaihzia a sawifiah zo kher awmlo e,thlanmual hlau em em thin khan ka mi hmangaih an phumna anih tawh avangin hlauhna ka nei tawhlo a keimah a kal chang lah ka ngah,mahse ka nu leh pa in chutia mahni chauh a thlanmual a ka kal chu min ngaihtuah em avangin Isaka an lo bia a kan pahnih in kan kaldun ta fo mai.

Zankhat ka mulai chu tiharhtu nei ang mai hian ka harh hlawl a,ka tui inchhawp chu la in ka innghal khawlh khawlh a chutia mutthilh leh mai kan tum chu ka harh tawlh tawlh a ka inlet chhen ringawt a,ka tukverh lam kan hawi chuan parda zar phenah chuan mi awm ang tlatin ka hria a,light chu ka on vat a ka tukverh lam ka hawi chuan a hma ang tho in parda phenah chuan mi awm ang maiin a lo la pawng a,keihi dawi chi ka ni a mitthi rap tlat chi ka ni bawk mahse Nubawihi khatia a han thih takah khan a ruang kha ka rap miahlo chu anihkha,chutia ka inngaihtuah lai chuan ka tukverh chu a rawn inhawng phut a ka phu nasa lutuk chu ka thlawk chhuak tep ringawt.

Khur dar dar chung chuan ka hawi kual hrek hrek a “Tunge awm?” inti huai lui chuan ka ti vak a mahse a reh thap mai,tukverh lam chu pan in parda chu ka pawt hawng phut a mahse engmah hmuh tur a awmlo,chutia engmah hmuh tur awm ta silo chu kei ka dawi lutuk hian ka hmusual mai mai anih ka ring ta ringawt a,tukverh chu ka khar tha nghal bawk,chutia mut leh tum a kan inher chiah chu Nubawihi ka khum a lo thu chu ka hmu nghal a ka ding nghal chawt mai,mihring damlai ani tawhlo tih hriat zetin a hmel chu a dang vek a mahse a damlai ang mai khan a hmel chu a la tha takzet thung.

Chutia ka hmuh tumloh lutuk ka hmuh avang chuan ka khawng titih a “Nu nubawih” khur der der chuan ka ti a,tawng miahlo hian ka lamah a rawn kal a mahse lei a rap miahlo,thinrim hmel tak a min en pah hian “Nangmah vang vek anihhi” a rawn ti a ka hlau lutuk chu zun ka cheh thawt hial in ka hria, engkim mai chu a rawn thim mup a engmah ka hre chhunzawm tawhlo,ka mit ka men leh rual chuan Ka nu leh Mama chu ka bulah thu te chu ka hmu nghal a,ka nu in ka harh tih a hriatrual chuan “Mambawih i tha em?” a rawn ti nghal vat a “Nu nubawihi a lo kal” ka tihchuan Umama nen chuan an in melh vat a,Mama chuan “Tui hi inphawt teh” tihpah chuan tui min rawn pe a ka lo in nghal khawlh khawlh ringawt.

Nubawihi ka hmuh dan vel te ka han hrilh chuan ka nu chuan “A lo tlawh ve che anihchu,hlauh en ah en lo la mahse tumah hnen ah sawichhuak suh aw” a tih chuan ka lu ka lo bu nghuah nghauh a,ngai hle mahila khatiang a hmuh kha chu ka duh tawhlo,Ka hlau chu ka ti duh miahlo mahse mi rap deuh tlat khatiang kha ka la tawng ngailo a tawng leh pawh ka duhlo.

Keimah a ka mut ngamloh avang chuan Mama chuan min riahpui a min kuah hlun bawk a ka ngaih a ngam ta nge,tui tak chuan ka mu leh ta a.

Karkhat dawn Maman min riahpui hnu chuan ka hlauhnate pawh a reh ve deuh tan a,thildang hlauhawm lam ka tawng tawhlo bawk nen keimah chuan ka mu leh ta a,keimah a zan a ka han mu leh chu ka muhil thei lawklo a  thu chhuak hluaiin ka tui in chhawp chu ka ban a,a lo ruak vek mai “Ka vahan tho peihlo tak” tih nuah nuah pah chuan choka lamah chuan ka phei a,ka pa committee tur a kal chhuak pawh a rawn haw chiah a “Mambawihi chu i va inthlak rang ve” a tih chuan a ngaihna hrelo deuh hian ka melh a “Enge pa i sawi awmzia?” ka lo ti hu a.

“Aww nichin ah Dodo i rawn zuntir kha,i hnungah ka zui reng che alawm gate ka kalh hlanin ilo lut daih a tunah mutkawr nen ilo awm leh tawh sia ka ti mai mai mawle” a tih chuan keimah ah hlauhna a rawn awm leh nghal a,Dodo kan tihhi kan uite ani a zana ka mut dawn apiang hian pawnah ka zuntir thin a mahse zanin chu ka u in a zuntir a,zaninah keichu pawnah ka chhuaklo hrim hrim “Thil diklo a awm ami?” ka pa in ka dar a rawn vuan pah a a tihchuan ka phu dawr a “Ah ai ai awmlo e” ka ti bahnuai a ka pa pawh chuan min en vung vung pah hian min kalsan a,tunge ka pa in a a hmuh chu nita ang?

Mut hmunah chuan ti hian ka ngaihtuah a Nubawihi hian thil min hrilh duh a nei animai lo maw? tih chu,mahse a rawn in lan chiah hian thup theiruallo in ka hlau bawk si a,mahse sawi duh a neih chuan ngaihthlaksak ngei ka duh bawk si ka hma a inlanlo hian ka mumangah te hian inlan zawk mai sela tih te chuan ka ngaihtuah a,lu thing nawk nawk pah chuan ka earpods chu ka beng ah ka hnawh lut a ka hla duh em em mai “Tahruai ka nuam” tih hla chu ka ngaithla a,keihi ka vanduai ve a ngaihzawng pahnih ka nei ve tawh a chung ka ngaihzawng te chuan min kawp ve ve a,ti hian ngaihzawng lam pawh ngaihtuah tawhlo in hla sad deuh lam hi ka ngaithla tluk tluk a ka duh tawk rih viau mai.

Ka lo muhil ni ngei tur ani hmeichhe tawngri nawk nawk chuan min tiharh a,ka harh chiah tihah chuan ka earpods vuah lai atang ngei mai chuan Nubawihi aw ngei mai hian kan inhmuh tawp ber ni tlai a a thusawi “Nakinah thil ka hrilh ang che,he khawvelah hian ka hmangaih ber che a ka haw ber bawk che” tih thu chu a rawn sawi a,ka rap lutuk chu ka earpod chu ka phawi a ka vawm nghal daih bawk ka khum ah chuan ka thu tawm nghal vek bawk a,ka tukverh chu rawn inhawng thuai in Nubawihi ngei mai chu a rawn vak lut a che tur pawh ka awmlo ka hlau lutuk chu ka khawng vek nimai hian ka hria.

“Mate min hlau suh” a tih chuan ka tappur ringawt min hlau suh a tih te phei phei chuan ka hlauhna a ti zual sauh emaw tihtur ani “Mitthi tawh i hlauhzia ka hria mahse he thu hi ka hrilh ngei ngei che a ngai hun ka nei tam tawhlo” a tihchuan inti pachang lui hram hram hian “E e enge i saw sawi duh chu?” ka lo ti khur hlak hlak a “Keihi thah ka ni” a tih chuan engkim mai chu a reh dup vek a,a thusawi tam tak te chuan ka khawngaihna a ti zual a a tan thiantha nih ka tlin lo lohzia ka hrechhuak uar uar bawk.

Nubawihin min kalsan hnu chuan a thusawi hote  ka ngaihtuah avang chuan ka awmdan ngai chuan ka awm reng a,mumang ang mai ani a awiawmloh zawk alawm mawle.

A tukah chuan Isaka chu call in Nubawihi te ina min kalpui turin ka sawm a alo remti ve mai bawk,college ban velah chuan Nubawihi te inlamah chuan Isak nen chuan kan phei a UDylana chauh alo awm chu niin Udylana bulah chuan Nubawihi room a ka chhoh lawk duh thu ka hrilh a ani pawn a lo rem ti ve mai a,Nubawihi roomah chuan chho in a almira chu ka hawng a a safe chahbi dahna min hrilh atang chuan chahbi chu la in safe chu ka hawng a ka thil duh tak alo la awm a vang chhan khisak in ka la nghal a,Almira ka khar chiah ka inher chu ka hnungah UDylana alo ding reng a ka hmu phut chu ka te vak a min ka nuihsuk zui “Thawm te nei ve ta che” ka lo ti vin hlar a,ka hnunglam en pah chuan “Enge i lak kha?” a rawn ti a “Eng la lo e,ka thilpek ho kha a lo la kawl kim em tih ka en ringawt alawm hrim hrim in a room te hi in rem fel dawn lo ami?” ka lo ti daih a.

“Ka nu in a phal tlatlo a,mikhual room dang kan nei tho bawk nen ti hian Nubawihi sulhnu hi la awm se kan ti tlang anihhi” a tih chuan ka lo bu nghauh nghauh a “E nichin ah Isaka kha  a haw aw” a tih chuan “A vahan mawl tak nge maw mi hawsan ringawt le” ka ti nui nui a “Ka thlah mai dawn che nia” a rawn tihchuan a mit a en pah hian “UDylana” ka ti sep a,ka mit tak a rawn melh pah hian “Enge ni?” a rawn tih nghut a, “UDylan Isaka hi ka duh in ka hria,min haw lo tiraw? Nubawihi nen an inngaihzawn lai pawh khan ka duh tawh a mahse ka ti lang ngailo mahse hei tunah Nubawihi a thi tawh a Isak hi ngaizawng ila a pawi lo ang tiraw?” ka tih chuan a inher vut a “Ka thlah ang che” ti nghut pahin room chu a chhuahsan a,ka umzui ve nghal a kan in lam kan pan lai chuan a tu a mah mah ka tawnglo a nuamlo ka ti rilru hle,kan inzawnah chuan dingin lawmthu ka hrilh hma chuan a tlan chhuak leh nghal a a tlan liam thleng chuan ka thlir zui vawng vawng ringawt.

Zanah chuan Isaka nen chuan kan inbia a,a  mumangah Nubawihi a hmuh thu leh Nubawihin ka bula a sawi ang tho thah anih thu te chu a lo hrilh ve chu niin,a bulah chuan ka hriat ang ang chu ka hrilh ve a a ni pawn keimah ang tho in mak alo ti hle a.

A tukah chuan Udylana chu call in Nubawihi ka mumanga ka hmuh thu leh Nubawihin Isaka te huan a pendrive pakhat a dah thu min hrilh te chu kan hrilh a “Min kalpui hman lawk angem?” ka tihchuan “Isaka in kalpui tir mai la”a rawn ti nghut a,Isaka ka rinhlelh thu te kan hrilh chuan ani pawh chuan “Zaninah em ni kan kal ang,an huanah khan vawikhat chu ka kal ve tawh a chhun lamah chuan huan enkawltu an awm tlatin ka hria” a rawn tih chuan zanlam a kal a tihchu ka lo pawm ve mai a.

College a ka awm lai pawh chuan engdang mah ka ngaihtuah theilo a,Zaninah hian misual chu kan man ngei ang tih chuan keimah chu ka infuih mawlh mawlh a,tlaiah chuan Isaka chuan min rawn call a damdawiin a a awm thu leh a chhungte an zin avanga riahpui tu tur a neihloh thu te chu a rawn sawi a, “zanin chu min lo riahpui lawk mai ta che chhungte dang tihbuai dawn in ka inthlahrung ve sia” a tih chuan ka lo pawm ve mai a,Udylana chu call in naktuk zanah zawk ti mai ang hmiang ka va ti a, a ni pawh chuan zaninah thildang tih tur a neih thu te chu minlo hrilh ve bawk a,zanin chu kan thulh fel ta law law a.

Aizawl atanga hla vaklo a serthlum huan ah chuan mi pakhat chu zei tak mai hian gate tala lian taka an kalh hnan chu lawn liamin a han lut a,amah hmu tu an awm em tih hriat tum chuan an hawikual a tumah an awmlo tih a hriat tak ah chuan a hma lawk a thlam liam ve tak lo awm darthlalang chu tikeh in tukverh chu a hawng a chuta tang chuan a lut leh a,enge a zawn tih ber hriatloh hian hmun tin mai chu a dap kual a chutia a thilzawn zawn hmuh tur a awmloh avang chuan a lu chu dawm in “Hetah a dah thu a sawi ngei kha chu a nisia” a ti vangvang a,chutihlai tak chuan a awmna thlam a light chu a rawn eng a  a hmazawn a hmeichhe pakhat lo thu reng a han hmuh chuan mak a tihluat ah a meng phawk deuh hra a,a thil zawn ngei mai rawn lek chhuak pah hian “Heihi em ni i zawn Udylan?” a tih chuan rum deuh nghutin “Celine Lawmsangzual min bum animaw?” a rawn ti nghut a,a hmazawna hmeichhia chu nuisakin “UDylan engkim kha ka hria asin Nubawihi i pawngsual dan te leh i reh hlum dan te leh i fa a pai thu thlengin” a tih chuan a hma a mipa chuan mak a tih luat avangin a ngawi reng a.

“Engvangin nge Nubawihi kha pawngsual nge i nih? ” Celine Lawmsangzualin vin tak a a tihleh chuan “Nangmah vang phiansen hian mawle Kha i bialpa hlui Maruata tr Duhzuala te kha Nubawihin i bula a sawipui vang che a inngaihzawng inni tih ka hria asin,keihian maw khang mihring ai khan ka duh hmasa che a ka hmangaih bawk che asin mahse nangchuan min en kân in keilo mipa dang i hnaih zel a keichu i u ang bakin min en hleinem,chuan in maw i thiannu thih chhan kha chu ka fa a pai kha ti tla turin ka ti a a duh tlatloh vang anihkha nangmah bak hian ka fa i pai theilo, ka hmangaih che i hria em Lawmsangzual” tihpah chuan a hma a hmeichhia chu a panhnai a, a hma a hmeichhia chuan “Inspector he mi â hi rawn la rawh u” a tih vin that rual chuan chu thlam a room te atang chuan Police pali leh Isaka chu an rawn chhuak a.

Chutia Isaka Dylanan a han hmuh chuan a meng phawk deuh hra a “Nangmah chauh hian lemchan i thiam hleinem keini pawh hian kan thiam ve tho asin,ka bike brake kha lo ti chhe mahla hei accident chu ka tawk biklo anihhi,ka hmeichhe hmangaih i pawngsual a chu mai pawh duh tawkin in i suahsual rawngbawl lai video in i record a chumi chuan i vo bet bawk a chumai la duh tawklo in i fa hial a pai hnuah i that leh a,nanghi maw mihring pawh i nilo ramhuai i nihkha kutthlak che chak hle mahila nang mihring tenawm hi ka kut hmawr pawn ka khawih paih lo che Inspector khawngaihin he ramhuai hi la bo teh u,insawi fihlim a tum pawn kha he pendrive ah hian Nubawihi laka a thiltih sual ama record ngei a awm bawk ang” Isaka chuan a ti nghat nghat a police te pawh chuan engdang sawi tawhlo chuan chu thlam atang chuan an hruaichhuak a.

Police te ho chhuah hnu chuan “Ka lawm e” Isaka bulah chuan ka ti sep a “Keimah zawk hi ka lawm e awmlo lang chuan Nubawihi thattu hi kan hrechhuak ngailo ang,hlau chung chungin a thusawi te i ngaihthlaksak a Nubawihi pawh alawm ngawt ang” a tih chuan ka va pawm chawt a ani pawn min lo kuah let ve vat a.

Isaka te huan atang chuan Isaka nen chuan a bike in kan in phur haw a,tunah chuan Nubawih min ngaidam ve tawh ang tiraw?Keimah vangin pawngsual i tawk a keimah vangin i thi bawk a tih chuan ka rilru in Nubawihi chu ka be mawlh mawlh a,Nubawihi ka tawng hi keiai a lawm hi an awm kherlo ang mahse kei min tawng erawh hi chu a vanduai hle thung chu anihhi ka thian thlamuang takin chawl tawh rawh aw.

Thlam lam chu kan hawi let a thla eng chuan thlam kawt chu a chhun eng riai a chumi kawtah ngei chuan amah Nubawihi ngei mai chuan nuisang hian kut min rawn vei a keipawh chuan nuisang in ka va vei let a “Keimah vanga i tawrhna avangin min ngaidam rawh aw ka thian” ti rilru malh malh chung chuan ka thiannu chu ka thlah ta a.

A tawp ta….

Zuals Khiangte

I wrote my imagination✨

Leave a Reply