You are currently viewing Saizampuii Phuba

Saizampuii Phuba

Spread the love

Thawnthu hmasa zawk ah khan Saizampuii bialpa ,police inspector Zohmingmawi an minister ruihhlo hmang a sumdawng thin man chhuah ngei tum a a beihna te,a mi chhui lai minister fanu in a lo ngaihzawn ve thu leh, a hnu chhui hmawr a bawk tep tawh tih ah a hna atang a an suspended tak thu te,an rinloh lam ah minister fanu Lucy chu a bul tum tu ber a lo ni si ,Saizampuii kidnap a an pawngsual dan leh a mah chhan tur a kal a bialpa inspector Zohmingmawia an lo thah tak thu te Kan chhiar a nihkha, tun ah erawh Saizampuii’n a hmangaih tan a a phuba lakna Kan chhiar ve thung tawh dawn a ni.

“Nu vawiin chu cafe ah ka kal hman dawn lo a,nangman bungraw lo thleng tur pawh lo buaipui mai rawh aw” tiin ka nu chu ka hrilh a, min en vung vung hnu ah “thildang tih tur i nei em ni” tiin ka nu chuan min lo zawtlet.

“Thianho in len khawthawn ve kan tum a, i lo buaipui thei mai ang tiraw” tiin ka nu chu ka nuih tlawn ti tih, “rawn haw har lo la” ngaihngam vak lo a a tih hnu ah phalna minpe hram , ka hun tawn zozai avang khan ka nu leh pa hian min ngaihtuah em em a,ka chhuah vei vah ve dawn pawh in a chinchhuak a engkim hrilh thlap an ngai thin,min ngaihtuah em vang a ni tih ka hriat avangin ka nu leh pa hi ka dem hauh lo,keipawh ni ila,ka nu leh pa hian ka tawn ang kha tawng ni se engkim ah ka ngaihtuah ve viau tho ang.

In ka chhuahsan chuan dar 10 a ri tawh, vawi tam tak ka lo kal fo tawh na hmun bawk ah mahni in ka kal leh a, kawngpui sir ah tu emaw lo nghak in ka ding ran bawk, darkar chanve vel ka din hnu ah ka mi nghah pawh a lo lang ve ta,chu veleh kawngpui lam ah kal in bike lo tlan mek chuan min su thawi fua a, rak that pah in kawngpui ah chuan ka tlu niai, bike pawh chu ding in hmanhmawh deuh in mipa khat hian ka lam a rawn pan a, “i tha em! Ka su na che em?” Hlauthawng zet in a rawn ti nghal mawlh mawlh. “Imm ka tha, i rawn tlan lai kha ka lo hmu lo a” ka tih chuan, “ka tlanchak bawk em a nihkha, i kal thei ang tiraw” chupa bawk chuan a ti leh, lu buk zeuh pah a “kal thei ang” ti a thawh mai ka tum chu ner sak chuang in ka ke chu ka bilh leh ti tih , “i ke kha i tluk na ah khan a diklo a niang, hospital ah ka hruai ang che” in thiamlo deuh chungin chupa chuan a ti leh a ,”a ngai lo ka tha mai ang” ka tih pawh in , a ti lui deuh tlat, ka ban chu a dar ah bat liam in ka kawng ah a rawn dawm a,ti chuan a mah rinchhan chungin bike ah chuan ka lawn ve thei hram, damdawiin kan thlen chuan min lo hmehrem sak in min tuam sak deuh luk bawk a,ka lo ti ulh tak tak a nih hmel, a tur na ve phian bawk.

“Ka inthiamlo hle mai,keimah vangin rei tak chhung i kal that theih dawn loh phah a nia”, damdawiin pawn a kan chhuah hnu ah a ti tha leh “a pawilo,inthiamlo duh suh ka thiamloh pawh a nih ve tho kha’ nui chung a ka tih chuan min en vang vang a, “aaa nuam lo ka ti” naupang chhia zet in a ti leh ringawt, a inthiamlo ve hle a nih hmel,ka nui ta hawk ringawt tlangval ve uai tawh si ka rin ai daih in a naupang chhia. “Thupha chawina pawisa tal hi ka pe ang che” a tih leh chuan ,ka lo la duh lo chu ai ah ” i inthiamlo tak tak a nihchuan ka ke ka entir leh hun ah min hruai leh ta che” ka ti ta zawk a,min rawn melh zawk mai, mahse zam hauh lo in ka lo enlet kar a,a ni pawh in a lehpek a damdawiin a min hruai leh chu a tiam ta a, ka number min dil tel nghe nghe ,ka plan a kaltluan em avang chuan a ruk in ka nui sak mai.

“Bawihi tinge  i ke kha” in ka luh veleh ka nu in a lo ti chul, “accident chhete ka tawk a lawm mawle, a ulh deuh a” ka ti mai a, accident ka tawh dan diktak erawh ka hrilh duh lem lo,hahchawl tur in ka room lam ka pan a ,ka ke chu a na ve reng mai,mahse ka thinlung natna lak ah hi chuan he ke na mai mai hi chu nep tak a la ni, ka note bu pakhat lian vak lo chu ka la chhuak a, phek tin a an hming zawn a an thlalak ka tar te chu ka en diat diat a, phek hmasa ber a thlalak pakhat Lalthlamuana tih inziak chung ah chuan number 1 chu ka ziak ta kalh , “phuba chu a intan ta e” tiin ka phun sep bawk.

Ni e,kum kal ta a,ka hmangaih Zohmingmawia min laksak tu te chung ah hian phuba lak ngei ka duh, a hmasa ber ah chuan kan minister fapa,Lucy nau ni bawk hi ka bitum phawt dawn a ni, a ni hi ka in hmangaih tir a nga a mah kaltlang hian ka hmangaih phuba chu ka la dawn a ni, hun rei tak ka lo thli thlai tawh a, e nge a ngainat a,e nge a duh loh tih te, a hmeichhe duh zawng thleng in chip chiar tak in ka zir chiang a,ka duh tawk a hrechiang a ka in ngaih hnu ah ka che chhuak ta a , ka ruahman ang in thil pawh a kal fuh viau e.

Ka phone ri ral ral Chuan min tiharh zawk,sana ka han en Chuan zan dar8:30pm Chauh a lo la ni, Chaw eikham a ka mu zal mai mai kha ka lo muhil tlang a nih hmel , min rawn call tu number chu ka hriat ngai a nilo na in rin ruk deuh erawh ka nei tho..Ka beisei ang ngei in Thlamuana kha a lo ni, “I tha em?” Tiin min zawt a,”aw ka hmel chu tha e” tiin ka lo chhang, a ngawi deuh dat a ka thusawi awmzia a man chiah lo ni in ka hria,nuih hak pah a “aw ka tha e,ngaihtuahawm ka nilo” ka tih tak ah chuan a ni pawh a nui ri ve suk a “fiamthu I duh ve hmel hle mai,min ti hrilhhai mai dawn a lawm” a tih Chuan ka nui hak hak, rei pawh Kan inbe lo ,ka duhdan a thil a kal zel thei a nih chuan Lucy Kan intawn leh a hnai ta viau e.

Ka rin ai daih in ka ke chu a dam har reuh a, Thlamuana khan min be awl lo a,a in thiamlo hle tih a hriat ngawih ngawih,,in lam ah pawh min rawn tlawh fo a ka chhungte bul ah erawh tu chiah nge a nih ka la sawi duh lem lo,ka sawi a nih chuan ka ruahmanna a buai ve thei dawn tlat ,ka nu leh pa hian Hmingmawia leh a kaihhnawih hriat a mual mual an nei ve bawk si a,maherawh chu ka chhungte lak ah hian ka zep reng thei dawn lo tih ka hria,chuvang Chuan ruahman na fel tak nen thudik hrul ah dawt tlem ka sawi a ngai bawk ang.  Ka ke pawh a dam fel ve ta Thlamuana nen pawh Kan la in be tluang zel a inngaihzawnna lam hawi erawh in Kan la inbe lo thung , a pa leh a u te ang lo tak in a ni hi chu mi rilru tha tak a ni ,a chang phei Chuan ka phuba lak duhna vang ringawt a pawi sawilo han tih nat ve ngawt chu thil tha ber a ni a ngem tiin ka ngaihtuah fo ,mahse a ni tluk a ka phuba lak na tur a tangkai an awm in ka hre silo a ni.

Vawiin hi Hmingmawia thih cham a ni a, a thlan ah pangpar keng chungin ka va kal,midang pawh in a thlan chu an lo tlawh ve tawh a ni tih hriat tak in thlanlung ah chuan pangpar dang pawh a lo awm tawh,ka pangpar ken chu dah ve in thlanlung chu ka en vang vang, ‘thihna hi chu khuarei in min hnem ber e’ an lo ti thin a,dik pawh a dik ang,mahse tun hun erawh khuarei ti a chhal theih  la ni mawlh hek lo,Kum hial vei tawh mahse a hunlai ang mai khan ka na nawn leh ni in ka hria a, Kan duhthusam kan puitlin theih tak loh ah khan Khuanu hi dem ngam lo mah ila,lung zawng a awi mawlh silo a ni.

Thlamuana’n zanriah ei chhuah pui ah min sawm avangin keipawh chhuak Turin ka insiam a,ka chhungte chuan chutia hmalam ka pan ni a an hriat avang Chuan min lawmpui em em a,Thlamuana pawh an ti tha in belhchian an tum viau thin,keimah zawk hian thil an hriatthui hma in ka lo pawtchat thuai zel a,ka nu leh pa pawh ka Chung ah an lungawi chiah lo “inngaizawng pawh Kan la nilo a,tun atang a lo phur hurh a ngailo,a hun ka tih ah chuan ka hrilh mai ang cheu” ka ti deuh tlat, Kan in a min rawn lam hnu ah Kan tum ram lam pan in Kan chhuak zui a, thil Kan ei mawlh mawlh lai chuan “naktuk ah hian ka pa a lo chhuak dawn a” Thlamuana chuan a ti a,ka thil eilai ka tawp chawt,a mah chu ka lo en reng nge ni “kapa chungchang I hre vek tiraw,a zahthlak viau na in Kan chhungkua hi min hrechiang la ka duh bawk si a” nuamlo tih hmel deuh a a tih Chuan harsa zet in ka nui lui hram hram ,”an man hunlai kha phailam a ka awm lai a ni sia,engmah pawh ka hrechiang velo” a ti leh nuah nuah a, “a nih khatih hunlai khan I pa vang a nunna Chan an awm tih hi I hria em” tiin ka zawt ta khawl,a langlo chin ah ka in humruh viau bawk ,a ni chu a lo bu nghat a ka thaw hawk thei “a mah man tum tu police kha a thi an tih chu ka hria,mumal in engmah ka hrelo social media ah lah thuchiang hriat tur a awm bawk silo a,ka pa thiltih duh dan kha awih har ka ti” a tih leh lai chuan ka sa pup pup thei tawh ,ni e Thlamuana hi Chuan engmah a hrechiang lo tawp ang,,Hmingmawia thih dan ah pawh thu tam tam zep then a awm bawk,mi thil tithei ngang an ni a jail chhung atang pawn a sulhnu chu a rawn thianfai hneh khawp mai, mahse kei engkim mit a hmu tu leh hrechiang tu,a tuartu te zing a mi ngei ka awm a ,dan in diktak in ro a rel thei lo a nih chuan keiman rorelna dik chu e nge a nih ka hmuhtir ang.

“A nih chuan engtin nge I pa chu a rawn chhuah theih a,a tan hun a la zo lo a ni lawm ni” tiin tlem a Chik deuh chuan ka zawt a,min rinhlelh erawh ka hlau viau tho, a thaw hak a “ka hre bik lo,Kan ram dan ve te hi chu sum ngah leh thu neihna sang deuh nei tan chuan thilsual pawh tise himna hmun ah a chang leh hleuh thin,dan chunga leng tumah Kan awm lo Kan ti tak na in sum hian thil a lo ti thei em a nih hi” a ti hap a,a pa chungchang vel ah chuan a lungawi hmel vak bik loh,ni e sawi tawh ang in Thlamuana hi chu mitha tak a ni a,apa thlavang hi a hauh Miah in ka ringlo, “aa,engpawh nise I pa in inchhung a uap leh thei tawh dawn a, chu tluk a awm hleinem” tin ka hnem a, ka tawngka chhuak chu dam mahse ka taksa chhung lam erawh thinrim vang in a so bulh bulh thung , ka thusawi vang chuan nge ni a nui hawk a “ni e” a ti ro halh mai, “heng zawng zawng ka sawipui chhan che chu,ka mihring hriat tawh a tih takzet a ka rin ngam awmchhun I la nih vang a ni, ka rinngam zui zel che pawh ka beisei a nia” tiin min nuih sak a,a mitmeng leh nui hmel ah chuan verther na ka hmu lo, chutih rual in kei erawh in nuam ka ti chiah lo ,a rinna hi nakin ah ka tihchhiat ngei a la ngai dawn si a.

Zan pawh chu ka muhil thei der lo  Pu Ramdinthanga chhuah tur thu chuan ka rilru a luah ngut ngut a,ka ruahmanna pawh ka tih danglam a ngai dawn a nih hmel, thinrim na in ka khat a chutia awlsam tak a dan in a chhuah zalen leh mai chu hriatthiam har ka ti in dan lekkawh tu te ngei pawh ka haw hlur thei,  ka note book bawk chu keu leh in  pu Ramdinthanga thlalak Chung ah chuan number 2 ka ziak a,a ni hi thlakhat chhung in ka dahtha ngei ngei tur a ni tiin thutluk na ka Siam ta hmiah.

Pu Ramdina jail atang a chhuah na pawh karkhat a Liam leh tawh, vawiin tlai ah hian an in ah Chaw ei tur a Thlamuan an min sawmna ang in an in lam pan in Kan inphur chhuak a, an ni Lucy te pafa in ka hmel an hmuh hun a an awmdan tur chu hnuchak tawh tak ka ni, an in Kan luh dawn ah chuan ka ding dat a,he inchhung hi ka vawikhat penluh na tur a nih avang nge tlem in ka zam ve deuh,mahse in ti paukhauh lui in inchhung ah chuan ka penlut ta a, Thlamuana nu chuan tha tak in min lo dawngsawng a , pu Ramdinthanga  chu sitting room ah thu in lehkhabu hi a lo chhiar a,Lucy erawh ka hmu lo “lo kal teh ka pa saw ka hmel hriattir ang che” tiin Thlamuana chuan sitting room lam ah min kaiphei a “pa hei hi a nia ka sawi thin ka thiannu ka tih kha” ti a Thlamuan an apa a biak tak ah chuan pu Ramdina pawh in keini chu min rawn en a,kei min hmu chu a meng deuh kawk  “hetah e nge I rawn tih!” A rawn ti chang ta fak a,Thlamuana chu a hrilhhai hmel khawp mai,keipawh hrilhhai hmel tak a awm der in ” Eng lo, Thlamuana hian zanriah eitur in min sawm a” ka ti zawi rat ,keichu rum zet in min la melh reng a ,Thlamuana chu ka melh zeuh apa awmdan chu a hriatthiam loh hmel hle “pa ka thiannu hi a hming chu(h)” Thlamuan an a ti chiah “Saizampuii a dik em!” Tiin apa chuan a lo sawi khalh ,”min hria em ni ka pu” hrilhhai hmel tak a ka tih leh lek phei Chuan pu Ramdina chu mak a tih hmel lehzual ta kher mai, “min hrelo maw!” Awihloh hmel zet a a tih Chuan ka lo bu nghat a.

“Nikum khan accident ka tawk a,ka hriatna hi ka hlauh nual a,tun hma in Kan I hre thin em ni” ka ti ta hleuh a , “a ,hre..hre ngai lo e,chu I hriatna chu I hlauh tak tak a maw” ti leh in ka thusawi chu a la ring thei chiah lo a nih hmel ,lu ka lo bu nghat ringawt, a ni chu a thaw huai ni in ka hria chutia keini pathum Kan lo in dinchilh lai chuan inchung lam atang Lucy a rawn chhuk a,kei min rawn hmu chiah chu apa ang bawk in mak a tih hmel khawp mai “nang hi” tiin keichu min rawn hnaih nghal ruak a ,hrilhhai hmel deuh in pu Ramdina leh Thlamuana ka melh tawn “bawihi inbe lawk teh ang”tiin pu Ramdina chuan Lucy chu a hruai hrang thuai a ,Lucy erawh in min la rawn melh zui tawk tawk,,”e nge khami te khan an hriat a” Thlamuana pawn a ti nuah nuah ringawt.

Pu Ramdina chuan ka hriatna hloh thu a hrilh ni ngei tur a ni, Chaw eilai te chuan Lucy Chuan min Chik hle,kei erawh pangai tak in ka awm tlat a ,,an ni chu ka vawikhat hmuh na an nih thu ka sawi bawk “I hriatna I hloh tak tak a maw!” Lucy in a tih Chuan rinhlelh na aw ka hre tel “imm,accident ka tawk a ” tiin tha deuh in ka lo chhang “engtia accident chu tawk nge I nih I laq hria em?” Tiin min zawt leh min dawp chhuah chu a tum ve hle a nih hmel , nui pah a lu ka thin rual chuan “khatiang zawt reng tawh suh,Zampuii tan pawn sawi nuam tak a ni nang” tiin Thlamuana chuan Lucy chu a lo khap a ,min zawh tur tam tak la nei mahse an tlangval ber in ngawi tawh tur a a tih vang chuan engmah min zawh zawm ta bik lo.
..

Chaw eina vel pawh Lucy nen Kan tifel a, hausa viau mahse riahchilh a awmpui hi an la lo a,Lang kal erawh an nei thung ,Lucy Chuan zawhna hrang hrang min zawh zawm leh mahse rinhlelh awm in ka awm duh bik lo,an ni pafa pawh chuan ka hriatna ka hloh ngei a ni tih chu an awmdan atang Chuan an ring ve ta niin ka hria, hmun vel Kan tihfel hnu ah “ka room ah lo kal lawk teh” Thlamuan an a tih tlat avangin  nuam ti vak lo chungin Thlamuana room ah chuan Kan in zuilut a, a room chu a felfai in a simple reuh hle ,mahni tawk a in uluk ve tak a ni tih a hriat theih.

“Tah hian lo thu teh” tiin a thut na bul chiah chu a beng thak a,keipawh khum ah chuan ka thu thla ve mai bawk, “room a awm daih chu a nuam lo a nia,chhuak leh vat ang” ka ti nghal niah niah, a nuih huk rual chuan ka melh nghal hrawk “e nge nuihzat tur awm” ka ti khar khar bawk “sorry ka nui tawh lo,I fair ve reuh em a” tiin a la nui ruh ruh tho, “ka vawikhat rawn kal na a I chhungte awmlai a I room a inzui luh daih kha a nuam lo,bak ah I chhung ten engtin nge min ngaih ang” tiin ka tum bar, ka dar pahnih ah rawn dawn in a lam ah min kuaiher lehzual a ,a hmel chu ka hmu tha kher mai ,”an hrethiam lutuk a lawm I ngaih ti thalo duh suh” tih pah in ka sam chhawl leng chu ka beng ah a zep a, engtin emaw ka awm, hman a Hmingmawia nen Kan intawn tirh a ka awm ang deuh kha niin ka hria, reilote chhung chu ka lung phut dan a dik hlel deuh, “sawitur ka nei a” a tih Chuan ka in thing harh deuh zawk “e nge sawi la” ka lo ti thuai,chutah a ni chu in lahrang deuh in “hmeichhe pakhat duh deuh mai hi ka nei a,a ni Chuan min duh ve a ngem ka hrelo” a tih Chuan ka lo hnual ve nghal ringawt nia mawle,ka awmdan chu ka duh Miah lo ngaizawng der tur Chauh ka nih lai a a lak a feelings eng maw tak ka nei chu ka duhdan a ni Miah lo “nangchu ka thiantha tak  ah ka ngai che a chuvang Chuan ka thuruk hi ka hrilh che a nih chu,” a tih leh chuan a hmeichhe sawilai chu ka nih ka inring ta lo, “chuan Chunu chu I duh tih I hrilh tawh em” ka ti chhuak sep,a hmel pawh ka en duh tawh lo ,a ni chu a nui suk a “ka tum mek chu a nih hi” a tih Chuan ka han melh chho zawk,min lo en reng tih ka hriat rual in ka mit ka lasawn leh vat, “ka hmeichhe duh em em chu I hre duh em?” A tih leh chuan ka bu nghat a “a nihchuan tlem in I hnunglam ah han I her teh” keipawh ka inher ve mai a ,”tlem in inher leh hret rawh” tiin a mah chuan ka dar ah a rawn chelh a chuta ka hma a thil awm ka hmuh chuan Thlamuana chu ka melh nghal zawk “saw hmeichhia saw ka duh em em chu a nihsaw,min duh ve I ring em” ti a min zawt in darthlalang a keima thla lo Lang chu a en en reng bawk ,ka nui hawk a “a mah zawt la” ka lo ti “a nih chuan Zampui ka duhna hi che hi I hnawl lo ang tiraw” tiin ka kut ah a chelh a , keipawh ka lo bu nghat chutah nui var var chungin ka hmui ah ka inrin hma in a rawn fawp tawk a ,ka nui tawp chawt.

In ka thlen hnu ah ka hmui chu sabawn nen nasa deuh in ka sil a,ka nuai deuh nawk nawk, Hmingmawia phatsan ni a ka in hriatna Chuan min vilh ngut ngut a ,ka inthiam thei lo, chutia midang fawh theih a ka awm ringawt te, Hmingmawia phuba la tur ka nih lai a ka hmelma te vua leh vang lak a feelings ka nei te chuan keimah leh keimah chu min in huat tir, “he hmui hi Hmingmawia nilo mipa dang in an fawp,Saizampui lalthlamuana I hnaih chhan hi theihnghilh suh,,tenawm lutuk” tiin ka hmui chu ka beng vak vak , ka mittui a rawn luang ngiai ngiai a khum bul a Hmingmawia nen Kan thlalak ka hun chu  en in,ka in ten lutuk ringawt “ka tihpalh Hmingmawi I tan vek a ni ,I phuba ka rawn la dawn alawm”,ka ti mawlh mawlh . Ka hmangaih ber nen a awmdun thei lo a min siamtu lak ah chuan ka thinrim na a sosang in ,ka ngaihtuahna pawh a nu bulh vek mai. A rang lam a chetlak ka ngai tih hria in ka Chet chhuah dan tur ngaihtuah in ka tlaivar ta thak.

A tuk a lo nihchuan sana chu kalmuang ka ti ang reng,ka melh deuh sek mai,thil tih nghal rum rum hi a tha ber a ngem tih lam ka ngaihtuah hman tawh lo,phuba lak zawh thuai thuai chu ka duh ber a ni tawp mai , tlai lam a nihchuan  ka tum lawk ang ngei in Pu Ramdinthanga chu ka call a  “hello” a tih rual chuan , “hello, pu minister hlui,jail pawn boruak hip leh chu a nuam em” ngeiawm zet in ka ti nghal “a tu chu nge maw I nih a,mai mai chuan” a ni pawn a rawn ti sehchilh nghal nak,ka nui deuh hak hak “min hrechiang lutuk tlat a lawm pu zahawm,I hriatna kha han sawrzim leh deuh teh I hnaih tak ah ka awm a nia” tiin ka hmalam pen sawm vel a hla a ding mek chu ka en reng, hawi kual deuh vut vut in “Saizampui” a rawn ti ve ta,ka lo nui hak “I Kum Phu lo in I hriatna a la tha tlat” ka tih leh chuan a thinrim hmel hle, “nang hmeichhia hi,I hriatna I hloh Miah lo,I lo tider lek a ni maw”  a ti sehchilh nak mai .

“Hriatna hloh chu sawiloh, ka thluak hi ka vawrh vir tha i ti viau zawk lo maw” tih pah in ka pan hnai zel a, min hnungchhawn zawng a ding a nih avangin keichu min hmu lo, “ngawi tak rawh,I bialpa hnung zui tur in lo in ring hmiah ang che’ a tih leh chuan ka nui sak a, ka silai hum lai ka hum nghet sauh ,a nak a silai kaw hmawr nawr chilh pah in “zangkhua pawh hi a bungbu ve thin a nia, ka sawi ang a I awm lo a nih chuan helai I dinna hmun ah hian I thluak bur  ka kap darh vek ang” a mah hnaih chilh tak a ka ti chu a phone a keng hniam nghal ruai ruai mai, “le..sawlai ah sawn taxi in min nghak,thuawih tak in chulam chu pan rawh, I tawngchhuak a nih erawh chuan I nunna ka la nghal ang” ka ti fiah leh fak ,a ni chu a nui hak a “I ngam lo tih ka hria,mihring nunna la tur in I thisen in a ngam lo” a rawn tih Chuan ka thinrim kher mai,a din na lai a kah lettawp mai hi ka duh,ka in thunun hram hram a ni.

“Ka ngam leh ngam loh chu Kan fiah dawn em ni! Khang zawng zawng thlen hnu ah khan I nunna hi ka ngaihhlut vak chu ring duh suh” tiin silai chuan a nak chu ka nawr na sauh, a ni pawn ka thusawi chu ka ti tak tak  a ni tih a awih ve ta nge, thuawih tak in ka sawi na lam ah chuan a kal a, silai chu midang hmuh theih loh dan tur ber in ka keng a ,a mah chu ka la tin reng thung, taxi Kan luhfel hnu ah engkim thlen na a ma farm house lam ngei chu ka pan pui ta a ni.

“Hetiang a I tih hian eng hlawk na nge I neih, keichu keimah leh keimah ka insawifel thei,nang erawh in I theilo” zam Miah lo a a tih Chuan ka nui suk, “minister atang I tla tal a lawm tiraw!” Awiki dam dap a ka tih Chuan min melh ling tha kher mai “minister ka ni emaw,ni tawh lo pawh ni ila ka thuneih na hian tlak hniam lam a pan lo” chapo nen a a rawn tih leh chuan “mahse Chung I thuneih na te chu tun ah hi Chuan an chhan thei lo che,I hun hnuhnung a ni tih hi pawm mai rawh,hremhmun ah ka thawn Liam dawn che” tiin a dar ah tak ka kap pawp, a na ti chu a au that a,zam map lo in min la rawn melh let hrep tho,chu chuan ka thisen thinrimna vang a so bulh bulh chu a belhchhah Chiang hle.

“I thuneih na i chhuan ve em em chu hremhmun ah I Liam pui dawn nia,chutah chuan he i thuneih na hian  thil a la ti thei tho a ngem I hre mai ang” tiin a dar lehlam ah ka kap leh a, chhuat ah a thing thi hnawk tawh ,”kei Chauh lo pawh I rinloh tam  tak ka phen ah an la awm tih hi ka hrilh mai mai ang che, keichu min ti tawp thei a ni mahna ka thil tih thin te erawh nang a tih tawp theih thil a nilo,kei awm lo mah ila ka aiawh an awm zel ang” nui Chung a a tih Chuan ka insum thei tawh lo, a chal dar ah tak ka silaimu chu ka thun ta hmiah.

Ka tih tur ka tih zawh meuh chuan ka thaw hawk thei,”pahnih ka la bak e” tiin ka phun sep, ka beisei ai mah in a awlsam a,boruak a kal tluang bawk, ka chetdan hi a rawva lutuk in ti maithei,mahse maw chhia leh tha hriatna hloh vek khawp a na in tawh ve hun ah kei hi min hrethiam thei Chauh ang. A tukzing news chu Kan ex minister a farm house a thah a nih thu chuan a luahkhat a tih theih ang chu, Thlamuana call pawh ka dawng har lo,a aw a zawi ruih a ,a pa thih na chuan a Deng na ve hle a nih ka ring,keipawh tukthuan eikham lam ah Thlamuana te in lam pan in ka kal a,pu Ramdina chu postmortem tur in police in an la a, a ruang vui hun pawh an sawn hla hret bawk, Thlamuana hmel ka va hmu chu a tap tih hriat tak in a mit a sen ram , a ni pawn min rawn hmu ve in min rawn nuih a, a mit a natna langchhuak chu ka hmuh hmaih hauh lo na in, apa ka thah sak avang erawh chuan inchhirna ka nei Miah lo thung, a mah chu ka khawngaih lutuk,maherawh chu Thlamuana ka khawngaihna hian ka phuba lak a tur hi min dal tir ka tum lo.

Ruang thlak zawh hnu ah pawh ka haw nghal mai lo,Thlamuana bul ah ka awm deuh chawt a, apa that tu hi keimah ka ni tih hre ta se engtin nge a ngaih ang,tun a a natna let hian a na ngei ang,chung thil ngaihtuah chuan a mah lainat deuh chungin ka lo thlir leh vawng vawng thin.

A sarhu lai chuan then rual an awm nek nek reng a,keipawh Thlamuana vangin an in lam ah lawr ve  zeuh zeuh mah ila Lucy nen in hmuh fal na hun Kan nei lo, maherawh chu inleng leh then rual an han tin tak hnu a an in a ka va kal chu min lo dinchilh ran mai, “nangmah hi I ni” tiin thinrim zet in min en a, ka hawi a hu “eng chu maw keimah vek chu” ka tih rual chuan ka biang a ri sawk a ,a thip nghal vawng vawng mai “zawngi I thil tum hi ka hrelo emaw ti suh, nangmah hi I ni ka hre vek” tiin a rak tuarh tuarh a ,Thlamuana leh a nu an rawn lang vat “eng thil nge thleng” Thlamuana nu chuan a rawn ti chul ” nu kapa kha he nu thah hi a lawm,ka hre vek a mah hi a ni” a nu lam hawi a tiin keichu min kawk a, a mittui a tla pur bawk “e nge awmzia , kei hian I pa ka that maw! Thlamuan I u hian e nge a sawi hi, dawt a inpuh chu ka duh lo a nia aw,thih na lam ah lehnghal” tiin hrilhhai hmel zet in Thlamuana ka en a “dawt sawi zet zet lo khan inpuang mai rawh, pawisawi lo hmel deuh a I lan na phen a sakawlh kha ka hmuh hmaih lo aw” Lucy Chuan a rawn ti leh tan tan, ka thuai nek chak kher mai, “Lucy min mil lo viau a nih pawn dawt Chuan min puh lo la” ka ti leh, “ni e mami,thil hrechiang lo in thil hi sawi mai mai loh tur,Zampuii rilru pawh i tina lutuk mai dawn alawm” tiin a nu chuan lo bengdaih a tum ve mek bawk “ka hrechiang, Saizampuii hian ka pa a that,police call ula man tir rawh u” a rawn ti leh.

“Chutia i Chiang viau a nih chuan eng vangin nge Zampuii hian ka pa chu a thah ngawt ang,a chhan Han sawiteh,kapa leh nang hian Zampuii Chung ah thil tih in nei zawk em ni?” Thlamuana chuan a rawn ti ve ta fak mai, Lucy a ngawi ta hmak a ,thinrim zet in min melh ,”Lalthlamuan I inchhir hma in he hmeichhia hi kalsan ang che “tiin Thlamuana zawk chu a hrilh a,Thlamuana a nui hul hak ,”ka hrethiam e, Zampuii I mil theih loh avangin dawt a puh a ,
dah bo I tum a nihkha, mahse min bum lo ang, tun a chin ah Zampuii tan hnawksak in awm tawh hauh Suh ang che,ka farnu mah ni la ka warning che a nihchu” a ti fak fak a,ka ban ah Kai in pawnlam ah min chhuahpui nghal dawr dawr” “Lalthlamuan mi mawlpa, a duh dan dan a a tih kual theih khan awm mah ta che” thinrim zet in Lucy Chuan a la rawn ti tawk tawk a, Thlamuana erawh in a u thusawi chu ngai pawimawh lo zet in a bike awm na lam ah min pen pui pawk pawk a,bike a dah na bul Kan thlen chuan Kan ding dat, “ka u chetdan avang khan pawi ka ti, kapa thih na hi a tuar em a , ngaihtuahna fim a hmang theilo a nihkha,hrethiam rawh aw”tiin thupha a chawi nghal mawlh mawlh, “ka hrethiam a lawm, eng ah mah ka ngailo a nia,thihna hi chu a na em a ni” tiin ka lo chhang a, ka rilru ah erawh Hmingmawia na tuar hmel kha a lo Lang thung, ngawi tak rawh Lucy I hun a lo thleng thuai ang.

A tuk cafe a ka awm lai chuan police ho in Lucy te chu cafe ah an rawn lang a, eng vanga rawn kal nge an nihchu hrilh nawn ka ngai lo, “I lak ah hian complain a rawn lut a ,tualthah case ah” police chuan a rawn ti a ,Lucy chu ka melh zawk ,tifuh in tih hmel zet in min lo en a,ka tiril a ti khur pha hauh lo, “tualthah case maw,!” Tiin mak te chu Kan ti der vel a,min eiloh hmel zet in Lucy pawh a lo kiai sak mai ” ni e pu Ramdinthanga thihna case ah a fanu hian a ringhlel che a ,chuvang chuan station ah min lo zui lawk mai ta che” police pa chuan a ti a ,”lawk aw call ka hmang lawk thei a ngem?” Tiin police chu phalna ka dil a,a buk nghat rual chuan Thlamuana ka call nghal , “Hei, I u in cafe ah police a lo hruai a nimin  lam thil vang bawk kha a nih hmel” tiin Thlamuana chu ka hrilh a ,Lucy Chuan min lo melhrum tha ngang mai “ka pu ka bialpa a lo kal mek a,Kan lo nghak lawk thei a ngem” ka tih Chuan police chuan min melh no vak tawh lo, “tun ah min zui thei la  a that zawk ka ring” a ti chiah reng bawk, “ka tih chhan chu, ka bialpa lo kal mek ka tih hi hei Lucy nau hi a nia, in thu dawn a dik tawk lo a awm ni in a lang a ,khawngaih in lo nghak lawk ang u” ka ti leh ,Lucy nau tih a han hria chu police chuan Lucy a melh zawk .

Thlamuana pawh a rawn thleng har lo, “Eng thil nge maw I tih le” tiin a u chu a rawn vin nghal khur khur “Lalthlamuan he nu thu hnuai ah hian I awm tih chu sawi Miah Suh” Lucy Chuan a lo ti chang fak a ” tu thuhnuai ah mah ka awm lo,chuan nangpawh in I duh dan dan in thil I ti thei bik lo” a lo ti let ve hmak “ngawi teh u, e nge a awmzia, eng ber hi nge in buaina chu” police chuan a ti a ,a ni pawh a hrilhhai ve ta deuh ni in a lang, “sir, hei chu chhungkaw buaina vang a ni a,,ka u thu rawn thlen kha thu tam ah lo laksak lo hram mai ru,ka la boral atang khan a thluak lam hi a fel hlel deuh a, kan tihpalh lutuk I hun Kan khawhral sak che a” Thlamuana chuan a ti zung zung a ,police pa pawh chuan hrethiam tak in min kalsan ta a,Lucy chu a thinrim ngang mai.

“Ka hriatna ka hloh hma hian,I u te nen hian Kan lo in hre tawh a ni lo maw, a mak ka ti hetiang em em a min haw thei hi, kei hian thil thalo tak ka lo ti tawh a ni lo maw” tiin Thlamuana chu ka en a, “chutiang a nilo ang, ngaihtuahna hmang nasa lutuk Suh,ka u chu keimah ka bia ang” tiin min kuah vang vang. Hma ka la thuai a nih loh chuan Lucy hian min veh ve reng dawn si a ,ka chesual ve thei a ni tih ka hria ,chu vang chuan hma ka lak thuai a ngai dawn ni in a lang.

Pu Ramdina case pawh kal ngai in a kal reng a, hmasawn na erawh an nei vak lo ni tur a ni,ka hnen an la rawn chhui thlen loh dan ah, ka sulhnu chhui tur ka hnutchhiah tlat lo, mah erawh chu taxi driver khan kei hi min hmu a , man chhuah chu ka ni thut ve thei tih ka  hriat a vangin hmanhmawh pawh ka hmanhmawh ru tawh ang reng, zan dar 11 vel ah ka Target dawt leh te in bul ah ka ding leh ran tawh ka hmel midang in an hmuh theih loh Nan ka hliah vek bawk, a tih fo dan in ka Target pawh chu a rawn kalpai leh chhat chhat tawh, ka awm na bul a rawn thlen chuan na zet in a tukhum ah ka lo hlap pawp, a mah a Lian in a rit reuh si a,harsa deuh in scooty ah ka hlang thei hram,midang in min hmuh hma in khawpawn lam ah ka tlanpui zel a, khawchhung Kan hlat hle tawh tih ah ka ding Chauh,metal char ah chuan ka tlawh thla pawp, a ni pawh a rawn rak nuah nuah a,harh phei chu a la harh lo ,a kut leh ke nghet zet a ka phuar hnu tui bottle khat in a hmai ah chuan ka theh a,a ni pawh a rawn meng diar diar ,chuta phuarbeh vek a ni tih a in hriat chiah chuan a tal nasa ngang mai, “tu teh hrep nge I nih,, min chhuah vat rawh” a ti nghal khur khur bawk,keichuan a tallai chu hmuhnawm ti zet in ka lo en reng ,”tunge I nih? Min phelh rawh ka tih chu” pawar zet a a rawn tih Chuan a awrawl chhuah aia ring in ka lo nuih khum vak vak, a ni chu ngawi Chiang tak a ni.

‘tu ge ka nih I hre duh maw,a tha hre mawlh ta che” tih leh ka mask leh lukhun chu ka pelh a scooty headlight eng a ka hmel a hmu chiah chu a meng deuh kawk ni in ka hria ” tikhan min hre tawh bawk a, a tawk em, ka tih tur pawh I hriat mai ka ring,hun ka nei vak lo a chuvang chuan zofel thuai thuai teh ang” tih leh a kekawr phelh sak chu ka rual nghal a,min pawngsual dawn a an tih ang chiah in a kawr pawh ka tih thler sak vek,a ka hnawh Nan a thawmhnaw chu ka hmang zui hmiah bawk, “i mipat na chhuang tak a I lo hman thin hian nawm na Chauh nilo in natna pawh a thlen thei tih ka hriattir ang che” tih leh a kap a pet chu ka rual a, chupa chuan na a ti ngang ni tur a ni kawnglai ah chuan a vial ngawt ngawt mai “lungngai suh na i tuar rei lo ang,ka tih tur hi zawh vat a,ka hmabak chhunzawm leh vat ka duh ,chuvang chuan ka duh thal in ka sawisel lo mai ang che,ka fel I ti em,na tuar reilo in ka thih tir dawn che nia” ,tiin ka nui hak hak, “tun ah chuan I mi hlauh leh a thu a kawi a ngil a I zawm thin pawh ka dahtha tawh a, a dawt chu nang i ni, i thlarau thlah rawh, I hun a thleng e,zanin berkher a I Rui hi pawi ti vawng vawng rawh” tiin a kawng ah ka thutbet a ,ka chemte ken lai chuan a hrawk ah ka zai hmiah, hetiang em em hian thisen ka ngam ang tih ka ring pha ngailo, Hmingmawia thih na leh ka chunga thil thleng khan pawisak min neihtir thei tawh lo a ni, chupa chu a Chet theih miau loh avangin a lo in dang thei lo,reilote ah a thawk a zawi tial tial a ,a hnuk a chat chu a ni der.

Thla eng tak chu thlir vang vang in ,”I hun a thleng e Lucy’ tiin ka nui sak.

Tualthah na dang a thlen leh a  vang chuan Aizawl mipui te chu an ralmuang lo tan hle, khapa ka thah tak kha min pawngsual tu pakhat zawk kha a ni a,,pakhat erawh Hmingmawia khan a vit hlum hman a nihkha, khatih hunlai a in hnamhnawih te chu tu mah zuah ka tum lo, tun ah Chuan Lucy chiah hma bak ka nei ta.

Lucy a fal a ka hmuh theih dan tur ngaihtuah pah a maian bai tur ka hih lai mek in, ka thiannu Biaktei lo leng in ani chuan min en vang vang hnu ah,”Mate ka rindan hi a diklo tih lo sawi rawh aw” a ti a, ” eng I rindan maw” ka lo ti he haw, chutah a ni chu a thaw hak a “Lucy in min lo bia a, hriatna I hloh em tih min zawt a” a tih Chuan ka maian hih ka tawp chuan “chuan engtin nge I tih” ngaihsam hmel Fe in ka tia, a ruk tak erawh chuan thudik a lo sawi mai ang tih ka hlau “I hriatna I hloh ngei thu in ka chhang” a lo ti hlauh a ka thaw huai mai “pu Ramdinthanga kha I thah a ni em?” Ti in min zawt leh ta khawl mai, ka thiannu chu ka en vang vang “i ti mak e a, engtin nge ka thah a nih ngawt theih a nga” tiin ka nui hawk hawk, Biaktei erawh in Chik zet in min en a ,ka thusawi I chu a awih hmel vak loh ,”I chung a thil thleng ka hre vek a,i tawrh zia pawh” a rawn tih leh chuan “a dik a lawm ka Chung ah thil pawi tak a ti, maherawh chu tualthat duh tur em chuan kei hi min ring em ni,” ka ti ve ta a ,lu a thing nar nar, “ka zawt mai mai che” tiin thildang a sawi zawm ta daih, hetiang a nih chuan tu emaw ber in min la hrechhuak ngei ang .

Thlamuana hnen atang Lucy chu a thian te nen an chhuah ho thu ka hria a, an kalna lam ah ka kal ve vat, ral atang Lucy te thianho in ti hlim lai chu ka thlir a, nuam an tih hmel hlawm khawp mai, ka phone la chhuak in lucy number ka dial a, vawi hnih na ah a la ve Chauh “aw ka buai rih, min biak duh na I neih chuan nakin ah I lo ti leh dawn nia!” A ti nghal zung zung a, a polite lo khawp mai, “a ni maw, Saizampuii ka nia inhmuh lawk ka duh mawle” ka tih Chuan “tu maw” a rawn ti fiah ta fak ,ka nui sak mai “Saizampuii” ka tih leh chuan “e nge I duh” a rawn ve ta a ,”in hmuh” tiin ka lo chhang leh “a tha vawiin ah engkim zo fel ang, i hriatna I hloh tak tak lo tih hi ka hria a lawm” a ti fak fak a,keipawn phat buai ka tum tawh lo, “a nih chuan nangmah ni farm house ah rawn kal ta che” ka tih Chuan “Kan farm house maw!” A ti a, an farm house kher ka thlang chu mak a ti deuh niin ka hria, “aw ni e, in farm house ah ” ka tih Chuan “a tha ka rawn kal nghal” tiin phon a dah a,keipawh Lucy te farm house lam pan in ka chhuak ve nghal, farm house ka thlen chuan Lucy chu a lo awm tawh, min thlen khalh dan ah a tlanckak viau a nih hmel “ka beisei aiin I thleng hma daih” zangkhai vah in ka tilut a, min melhrum tha leh tawh ngang mai, “e nge I duh?” Thinrim hmel deuh a a tih Chuan “hahdam rawh Lucy,muangchang in Kan sawi dawn a lawm ,ka tui te a hal a tui in phawt te ka duh” ka ti hmasa leh te te,a ni chu a dawhtheih loh hmel tawh ngang mai “hmeli min va tham lo ve a”a tih Chuan ,tui bottle ban pah in “tham lo tehreng e” tiin a mah chu ka melh zeuh, a thinrim em avangin a hmai a sen tan tan tawh “I sawi duh chu sawi vat rawh” a ti vin leh that a ,kei ka lo nui hak thung,ka awmdan leh che vel chuan a ti thinrim hle tih ka hre bawk.

“A tha a lawm,vawiin a ka hmuh duh chhan che chu I pa leh a kaihhruai ka dahbo ang chiah a dah bo ve che ka tum vang a ni” tiin ka nui hak a, Lucy hnungchhawn zawng a dingin “Hmingmawia phuba” ka ti sep, mahse ka tukhum sam ah na zet in Lucy Chuan a rawn tham a,keipawh ka eu nghal zawk mai,ka lo inring lo bawk nen ,ka duh ang in ka ti let thei bik lo ,”ka hria a lawm, kapa kha I that tih hi,chuvang chuan keipawn ka that ve dawn che” tiin ka nak nem ah a khup in min do chawrh a,a na ngang mai, ka beisei ai daih in tha a lo ngah a, ka tukhum sam a tham in bang ah ka chal a tauh tir chawrh chawrh a,ka lu a hai chhulh tawh ,”nang hian min thah I tum a maw, keimah zawk hian ka that dawn che zawngi” tiin a in hrosa vak vak a ,chhuat ah min thehtlu thuai in hmanrua a zawng niin ka hria , bang Kil lam a thing bung in Tung chu ka va hmu fuh a, Lucy pawn a hmu ve a niang, la hmasa tu zawk ni tum in Kan bangkil lam chu Kan pan rual nghal, keichu hliam tuar zawk mah ni ila banglam hnaih zawk a awm ka nih miau avang in thing bung chu ka la hmasa ta zawk a, Lucy lo hnai chu ka lo hem pawp, a ni pawh a tlu hnawk a , a bek atang thisen a chhuak nghal ngiai ngiai bawk, “zawngi le(h)” a tih rual chuan a ngal ah a ka hlap leh chawrh a,a au nasa ngang mai ,”i duhtawk a ring khan au rawh,tuman I au ri an hre dawn chuang lo, ” tiin ka hlap leh, a zal raih thleng ka hlap hnu ah thingbung chu paih in, choka lam a an chemte dah chu ka va lachhuak a, a hma a ka mi thah tak ka tihdan ang chiah in a kawr ka zai thler vek, “i hmeichhiat pui ngei zahawmna I tih bawrhban sak avang khan inchhir ngawih ngawih rawh” tiin a sam ah ka tham a, chhuat ah a tukhum ka sawh chawrh,  a ni chu a zawi tawh em avangin Chet pawh a che hleithei tawh lo, ” nang chu midang ang a tihhlum nghal mai che ka tum lo, na tak tuar in kal la ka duh” tiin a Dul chu thuk vak lo in ka zaikak a ,a au tum chu a ka ka lo hupbet hmiah bawk, choka lam ah bawk kal leh in chi bur chu ka va la a,a hliam lai ah chuan tam tham zet ka phul a, ka nuai  pah nawk nawk,na a ti khawp ang , au chhuak leh tur a lawi pawh a awm tawh lo a na ti lutuk chu a thaw halh halh a , a mittui a luang ngiai ngiai bawk, thinrim na leh phuba lak duh na in min hneh em avang in ka Chetdan chu rapthlak hle mahse inchhir na leh pawi tihna ka neilo, ka chhia leh tha hriatna hian thiltha lam min kawhhmuh thei lo a ni ber e.

Tichuan a taksa hmuh hrang hrang chu zai kak in chi chu ka phul ta zel a, engmah pawisak ka nei tawh lo, che thei tawh lo a chhuat a mu zawi reng chu ka en a,’a na a ni tiraw,I natna kha ka tih tawp sak ang che,khawngaihthlak nu” tiin a dul ah ka chemte ken chu ka vit tlum pawk a, a nat lehzual Nan ka herh pah bawk, a ka atang thisen a rawn luangchhuak a, rei a daih lo a hnuk chu reilote ah a chat a, keipawh ka mittui a luang ve ta ngiai ngiai, keimah chu ka in en a, ramhuai ang mai a rapthlak in ka che tih ka in hria, hetiang a hmeichhe rapthlak ni tur a min Siam tu chu huat tak te in ka haw bawk, Lucy taksa nunna nei tawh lo chu tap chung a  pet vak vak in,’ka hua che,hremhmun ah kal rawh,ka haw lutuk che,I pa nen khan ka hua cheu” tiin chil ka chhak khum bawk.

Lucy ruang chu ka kalsan a, in ka thlen meuh chuan zanlai a ni der tawh, ka chhungte pawh  an Meng tawh lo, ka room ah lut in ka in tihfai zawh hnu ah khum ah ka mu a, thil ka tisual a ni tih ka hriat avangin keimah leh keimah chu police kut a in hlan chu ka tum, mahse zankhat Chauh chu hahdam tak leh enghelh neilo a muthilh ve ka duh , “Hmingmawi min lo hmu em,I duh dan a nilo ang tih ka hria,mahse ti lo thei ka nilo,I phuba ka ka la zo ta e,thlamuang tak in chawl tawh rawh,ka hmangaih che” ti a phun sep sep in ka mit ka chhing riai riai a, a vawikhat Nan Hmingmawia boral hnu ah tui tak in ka muhil ve ta.

A tuk ah chuan Thlamuana ka call a ,a u an hmun loh thu leh an zawm mek thu min lo hrilh, a ni hi ka hmangaih e chu ti theilo mah ila Hmingmawia tih loh mipa ka Thinphu ti rang thei awmchhun a ni, pangai tak a thlah chu ka duh , engkim hriatchhuah a nih hun a a na lutuk tur ka ngaihtuah phei Chuan ka taksa chhung hi a na ve vawng vawng thei, “Thlamuan” ka tih Chuan “imm” a lo ti tawp “ka ngai che” ka ti leh a, a ni chu a lo nui hak “keipawn ka ngai che a lawm” a tih Chuan ka mit ka chhing vang vang “nakin ah pawh min la ngai zel thei a ngem” ka tih leh chuan “i mawl reuh siah” tiin a nui pah a ,kei erawh ka nuih a za lo, an chhungkaw chung a ka thil tih zawng zawng te a hriatchhuah hun ah chuan min haw dawn lutuk ,Khuanu hian hmangaih ka neih chu a remti a, tawp na hlimawm Kan neih  erawh a remti ve lo ni hial ten ka ngai thin, “I aw ka hre chak a ka lo be mai mai che, I buai ang,ka dah aw” tiin a tawng leh hma in call chu ka ti tawp ta daih a, ka mitthi a baw nghal zawih, ti nge ka hiringnun hi a harsat bik em em, khawvel ah vawikhat Chauh Kan piang a,nunna pakhat Chauh Kan nei bawk, vawikhat hringnun hmang theuh theuh  ah pawh ka hringnun hi a va hahthlak bik em!.

Chawhnu her ah Thlamuana call ka dawng leh a, mahse ka chhanglo, a message ka dawng zawm leh zat, a u ruang an farm house a an hmuh thu min lo hrilh, awle tun ah chuan ka sual man ka tel ve a hun ta e.

Kan veng atang a police Station hnai ber lam chu pan in, Tualthattu ka nih thu ka va sawi a, a tir ah chuan an lo awih vak lo, ka thluak lam ah harsatna ka nei deuh a nih te an ring, ni e, hmeichhia ve mai, chuta kar ah  nu Lian lem lo tak lehnghal in ‘tual ka that’ ka va ti ngawt mai kha a awihawm loh ve bawk dawn Em a ni. Mahsela ka tan na ngai a ka tan tlat vang leh,finfiahna nen lam ka pek tak hnu ah chuan an ni tan pawh awihloh theih a ni ta bik lo, mak min tih hmel zet in handcuffs min buntir ta a, ka chantawk ah hian ka vui lo a,ka thil tih tawh ah inchhirna ka nei hek lo.

Ka sual man chu tel in jail runthim chu ka bel ta,  ka nu leh pa na lai hmel ka hmuh duh loh avangin min hmu tur a an rawn kal pawn ka lo hnar zel a, Thlamuana erawh a tawp nan tiin hmuh ka remti ve hram.

Thlamuana hmel ka va hmuh chuan, mutmu a hmu thalo tih hriat tak in a mit hnuai a val kalh a, ka khawngaih lutuk, a ni pawn min rawn hmu ve in tawite in a nui a, “I lo dam tha em?” Zawi deuh tak a a tih Chuan,ka lo bu nghat “ka ngai thin khawp mai che” a tih leh chuan ka hnuk a ulh lek lek “ka tihpalh lutuk” tih bak ka sawi thei lo,a mit ah tak pawh ka en ngam lo,”ka hrethiam che a lawm,chuan tun bak hi chu ka rawn hmuh theih che ka ring tawh lo a” a tih Chuan ka bu nghat, min ngaidam thei dawn lo tih ka hria,ka dem hauh lo bawk “ka tihpalh takzet,mahse hei hi hria la ka duh,i u leh I pa kha haw viau mah ila,I lak a ka feelings te kha chu dawt a ni lo,ka hmangaih che em chu ka hrelo mahse” tih pah a a hmel ka en chu ka tawng tawp chawt, mak ti zet in Thlamuana chu ka en ta reng, nui hmel chimawm tak pu chung in min lo en reng a nihchu, chutah “sawi zawm ta che” min tih el lek lek hian a rawn ti a,thawk leh khat a a mize rawn danglam thut chu mak ka ti takzet ,”mak I va tih hmel ve,” tiin a nui leh sawng a,a nui hmel chu ka lo hmuh fo thin nelawm leh ngaihno bei tak ang kha a ni tawh Miah lo,tun a mi hi chu a verther lutuk tlat, “Thlamuan” ka ti chhuak sep ringawt,”aw ni e,sialrang in sialrang a hring an lo tih thin kha,kapa fa hi ka danglam bik viau I lo ring em ni!” Tiin  a khuh zui khak a ,a mah a nelawm ka tih thin na zawng zawng kha hmuh tur a awm lo.

“Thuruk ka hrilh ang che aw, khang I chung a thil thleng zawng zawng phen ah khan tunge awm tih hi” a tih leh chuan ka meng deuh kawk thei,a ni chu a nui leh hak a “engkim bultan tu chu kei hi ka ni, ni e rampawn a ka awm khan damdawi tawlh hlawk zia ka hria a ,ka u nen inthurual in Kan khawih dun ta a, ka pa in a hriatchhuah khan tawngkam chuan min hau ve,mahse sum kha a tam em a kapa khan a hnawl rei thei ta lo a nih kha, kei erawh rampawn lam ah bungraw buaipui in ka awm zui ta reng a, I bialpa khan min chhui tih Kan hriat khan ka thinrim teh asin, theih nise keimah ngei in a thah kha ka chak lutuk” a tih Chuan ka in hum ruh ngawt ngawt tawh, ni dawn tak e Pu Ramdinthanga khan a thih hma in he thil ah hian a phen ah ka rinloh tak a awm tih leh, a aiawh tu an rawn awm zel tur thu a sawi tak a nihkha, chu a mi sawi chu Thlamuana hi maw lo ni, ka thinrim leh rilru na, tih theih nei bawk silo chu hreawm ka van ti tak, “chuan mizoram ah ka rawn haw a,nang nen Kan intawng ta a,a tir ah kha chu tunge I nih ka hre mai biklo che,mahse Lucy hnen atang i nih Na ka hre ta a,chuti chung chuan ka lo duh tawh em che vangin ka thlah phah lo che,I hriatna I hloh ni a ka hriat vang a ni pakhat,mahse I hriatna I lo hloh tak tak silo a,keipawh kha ka a ngawt mai” tiin a nui leh hak a “ramhuai pa tenawm lutuk” ka ti khur dat dat ,”a pawilo, ka u leh ka pa I thah avang kha chuan ka ngaidam ang che,an ni pahnih kha chuan ka rorel an hnial peih em a,ka Ning tawh hrim hrim” a tih leh lek phei Chuan rapthlak ka va han ti tak, a hmai ah ka chil ka chhak thawt mai, za lo deuh a nui leh hak in a hmai chu a hru fai a ,chutah rum zet a min rawn en in, “hmeichhia, nang hian engpawh sawi ni ila ,jail tang leh Tualthattu thusawi hi tu mihring mah in an awih dawn lo, chu vang chuan ngawi la I tan a tha a ni mai” ti sehchilh nak in a tho uai a,rum zet in ka en ngawt ngawt, kal mai tum a a inher zet tawh chu lo hawi leh in “ka lak ah feelings I neih thu I sawi kha, ka feelings hi a lem a ni lo a nia, I tan ka awm reng ang jail atang i chhuah hun ah min rawn pan dawn nia bawihi” tiin a kiai sak a, min kalsan zui nal nal, a kal chiah chu ka thaw hawk thei, ka mittui a lo luang ngiai ngiai a,ka awm zawn chu a na kher mai , ka beisei loh leh rin phak loh atang a ka thil tawn hi a rapthlak lutuk a ka tuarchhuak thei a ngem ka hrelo,,khawvel ah hian vanduai tur reng a Khuanu duan bik Kan lo awm a nih dawn hi.

A tawp ta

Leave a Reply