You are currently viewing STARLIGHT 12 & 13

STARLIGHT 12 & 13

Spread the love

STARLIGHT -12

( Zira POV ) Unau pali zinga upa ber leh mipa awmchhun ka ni a,,Kum 35 a upa ka ni…Historian nih ka tumna chu M.A ka zawh khan thlak thutin ka thiamna te chu midang zirtir chakna ka nei tlat a,, Lecturer ka ni daih a,,Ka pa hian ka hnathawh hi a duh lo viau a a chhan pawh a sumdawnna hi enkawl tura min duh vang a ni….Motor Show room a nei a,,A fapa neichhun hian a sumdawnna hi ka tuipui miau lo chu a ni e,,Ka chang chiah Lalnunpuii (Nuni) hian B.Com a zir zawh atangin ka pa hi a puih thung a,,Engkim a enkawl pui a,,nikum hmasa khan pasal a nei a,, Lalremsanga (Rsa) Ka naupan lai atanga ka thian,,Doctor nen inneiin fa pakhat kum1 leh a chanve neiin tunah a dang a pai leh tawh….Nuni nau Lalnunsangi (Sangi) hi tunah Lawyer niin Delhi-ah a awm mek a,,Kan naupang ber leh kan duat em em Betty Lalnunruati hi chu tunah 2nd year zirlai a ni a,,kan college ah Arts student a ni….Kan unau hi kan kum a inthlau hlawm viau a,,Kan inkarah kum nga zel a tla a,,Kan naupang ber erawh a piang tawh dawn lo emaw kan tih hnu a piang a ni a,,ka nu in a pai lai leh neih dawn thlengin buaina a tawh phah bawk a,,Kum 17 zet kan karah a tla a,,Ka bulah a pangchang in duat pawh ka duat kan chhungkaw duat rawn ania tu bulah pawh hian a pangchang hle bawk…. Ka nu hi High School zirtirtu a ni thin a,,mahse kan naupang ber a pai khan a chakloh em avang leh a hriselna a that loh em avangin ka pa in a ban tir kha ania chutih lai chuan kei chu College ka rap tawh….Lehkha ka thiam thei a,,A ber nih loh ka duh ngai lo,, History subject hi ka tui hle a,,Nuam ka ti a,,India ram hi history zirnan chuan hmun tlanawm ber alo ni bawk nen,,College pawh Delhi lamah ka kal a,,Ka nu rai thu min lo hrilh khan ka ngaihtuah hle a,,mahse ka nau te pahnih an fel ve tawh avang leh Nula awmpui pahnih kan neih tho avangin ka haw ta lo kha ania,,Ka nu nau neih erawh engmah hriat nei velo mah ila chawlh lai te alo ni bawk nen ka haw ta kha ania,, Betty a pian hian ka pawm hmasa ber a ahming Betty tih pawh hi ka phuah a ni nghe nghe….. Betty ka tihna chhan pawh Archie’s Comic book a Betty kha ka duh riau alawm…. Ka hna vang ni kher lo pawn ka hmel leh landan hian hmeichhia hi a hip ve hrim hrim a,, Ngaihzawng ka hriat theih atangin Hmeichhe zingah hian ka to ve tawk tih ka hria,, Middle School ka kal atangin lehkhathawn ka dawng tawh a,,mahse khang hunlai kha chuan ka buaipui em em lo….High School ka kal atang erawh Bialnu ka nei tawh mahse tumah ka bem ngai hauh lo Anmahni in min rawn bem hmasa miau a…. Ngaihzawng erawh ka nei rei ngai hlei lova,,a chhan pawh min ti huam huam tu hi ka ngaithei lo thuai thin…. College kan kal lai khan Thlasarih lai bialnu ka nei ve a,, Jenny a ni,,Ani kha chu then mah ila min zui kual reng a ka tih ngaihna hre lovin ka kawp leh thin kha ania….Mahse a tawpah zawng Amah duh em em tu a tawng a kei Amah ngaihsak miah lo tu lakah khan a beidawng ve ta a ni mahna…. Lehkha thiam thei tak ka nih avangin ka zirlaiah ka ti tha thei viau a,,Ka zirlai ka tui bawk nen kan lecturer te duhsak ka hlawh viau a,,sum leh paiah harsatna ka neilo lehzel nen Hnam dang mi hausa fa thian pawh ka ngah viau mai chung zingah chuan Delhi ka kal hmasak ber a ka roommate Sandeep Singh ka kawmngeih ber,,kan subject a in ang a kan tuina pawh a thuhmun viau..Ani chu tunah Ama puala Office nei in,,Historian lar tak a ni tawh nghe nghe…. M.A ka zir atang khan hmeichhe lam ka bansan a,,kan thian thum Sandeep,,Reena leh kei chu kan zirlaiah kan insawr bing a,,Result a chhuah meuh chuan India-a Top 10 ah ka lang hial mahse ka thiante pahnih chu ka phatsan a Lecturer ka ni ta a ni….Vawiin Ni thleng hian an Company zawm tur hian min la sawm reng a,,Eng eng maw zir a zin kual vel leh thil hlui han chhui vel chu la chak viau mah ila ka hna kum8 ngawt ka lo thawh tawh hi nuam ka ti mah mah tawh zawk a ni…..Sandeep leh Reena te pawh an innei tawh a,,Fa pahnih ngawt an nei tawh bawk….Vawiin Ni thlenga nupui nei lova ka la awm avang hian min rawn biak apiangin min zilh ve ziah bawk…. Inrinni a ni a,,Ka bialnu pawh ni chiah lo,,Mahse engtik lai pawh a min zui a min zar buai reng tu leh ka duh hun a khum lam pawh a ka mamawh min petu Ka thawhpui Maria-in min lo call chuan hnial ka duh viau rualin tih tur ka neih ve tho avangin Bazar pui chu ka remti a,,Mc-ah min nghah thu a sawi chuan hmanhmawh lem lova insiam in MC chu ka pan a,,Maria hi hmeichhe nalh tak a ni a,,A chezia engkim hi a zei hle a chutiang chiah chuan khumah pawh duhthusam a ni,,Ka chet ve ngailo hian engkim a ti vek thin….Ka bialnu ni turin ka sawm ngai lova Ani pawh in min duh thu a sawi ngailo kan inzawmna ka sawi thiam dan ber chuan Sex a ni,,mamawh kan inpe tawn a,,Nuam kan tih danin kan awmdun a chu chu kan inzawmna a ni mai,,A bak a awmlo…… Ka nu khan ka kal hma khan kan inhnuai Hmeichhe pakhat in a luah thar thu min hrilh a,,Amah chauh in a awm a ti lehnghal a,,Kan in a len teh lul nen mahni chuan a va nuam awm lo ve tia ka nu ka chhan chuan a nui hak hak a,,eng nuihza mah ka sawi silova tiin ka kalsan a,, ka motor ka pa showroom atang ngei a ka neih Scropio Car chu kengin Mc lamah ka inkhalh a,,Ka bike erawh tu hmeichhia mah ka phur phallo ka farnu te an nih ngawt loh chuan…Ka naute duat a ni miau a,,ka bike hi chu ka roh ve em!!! MC parking ka luh chuan ka motor chu ka park fel a,,ka phone ri chhen chu ka ning tawh takzet,, Tu dang nilovin Maria-i vek a ni…Ka phone chu chhang in a awmna ka zawt a,,a sawi hnu chuan Off hmakin phun hluk chungin Lift-ah chuan ka lut a,,Maria-in min lo nghahna hmun ka thlen chuan alo nui nghal var var a,,nalh thin viau mahse Lecturer ni tur chuan a inchei duhdan hi a zahawm lo mah mah thin a ni…. College a kawrfual mar zet a khup khuh lo a hak te hian khak hi ka chak thei viau mahse min ngaih dikloh ka duh loh avangin ka sawi ngailo….. Kan hmaa hmeichhia kan lam hawia mit tla lo leka min en tu chu chiang deuh takin ka hmu a,,A thawmhnaw hak pa lam lek lek chu a inhmeh phian lehnghal a sam sei tha zet kawi deuh uk tha zet si chuan a ti lang nû viau a,,a vun rawng hang ngaihno bei chek chuan a ti hmeltha hliah hliah,,A hmaiah chuan makeup engmah a bel hauh lo mahse chuti chung chuan a mitmeng fiah sexy ru zet te,,a hnarngul sang vah te leh a hmui no chek te chu a nalh takzet,,A sang tha in a mawngbawr a jeans hak chhan a kawh lah te chu mipa it tur hliah hliah a Pathian siam bik ang mai a ni,,Mizo hmeichhia hetiang taka nalh hi ka hmuh awm ka la hrelo,,hnam dang nula nalh tak tak ka hmuh tam tak ai pawh in Ani zet hi chu a tha daih zawk… En tawh pawh a en nawn leh ngei ngei ngai chi kha a ni ngei mai…. Min en chik viau a,,A mitmeng rum lam mah chu engvang nge ka hrelo,,Amah en ve lo angin ka awm hmiah a mahse a landan leh awmdan engkim ka hmu hman vek tho si,, Dawrah kan lut a,,Maria chu ka nu thil min chah lei lawk ka tum thu sawiin ka kalsan a,,khatianga ka vawikhat hmuhna a ka mit la leh min hiptu hmeichhia kha ka la tawng ngai miau lo a ni….Mipa mahni induh tawk ve tak ka ni a,, hmeichhia ka thinlung thleng phak la kum35 chhung hian ka la tawng lo mahse tun lawka ka hmeichhe hmuh kha chu hmuh nawn leh ngei ka duh miau si a….Ka hmuhna hmun ka thlen chuan alo awm tawh lova,,Lift la lovin step-ah ka chhuk a Darthlalang chhan atang chuan pawnlamah ka hmu a,, hmanhmawh angreng taka stepah chuan chhuk in pawn ka thlen chuan ka hmu zui tawh lo….Shittt…. Lungawilo ru zetin Mc chhungah chuan ka lut leh a,,Maria-in min hmuh chuan thildik lo a awm em ni?? tiin min zawt hial ka hmel landan a diklo viau anih ka ring….. Kan haw a,,nidang ang bawkin Jenny chu a awmdan atangin duh a nei tih ka hria mahse vawiin chu engmah tih ka chaklo….Kha hmeichhia mawlh kha mitthlaah a cham a,,hmuh nawn leh ka duh,,a inchei dan en ringawt pawh khan ka hmeichhe lo kawp tawh te nen chuan dang tak an ni,mahse a mitmeng sexy zeta rum zeta min melhna khan duhawmna eng emaw a keng tel tlat si a ni…. Sandeep-a thlalak min lo thawn chu print out in ka en a,,Hmanlai thil hlu tak a ni ngei ang,,endik ve tura min duh avanga lo thawn pawh a ni,,mahse chu takngial pawh chu ka ti hlei theilo chu a ni e…. Hmangaihna hi ka ringlo bur chu ka tilo mahse hmangaih ka la tawn miau loh avangin ka hrethiam lo,, Vawikhat inhmuhna a inhmangaih nghal ang chi te phei chu ka ringlo tawp a ni mai…. Vawikhat inhmuhna a induh nghal pawh hi ka pawm zawng a ni chuang lo,,Mahse vawiin a ka hmeichhe hmuh kha chuan ka rilru a luahkhat chu anih ber hi!!! Ka ngaihtuah reng avangin ka duh tihna pawh a ni chuanglo mahse ka hrechiang chak,,Khum a duhtawka awmpui vel ka chak takzet a ni….A hmui no nalh zeta duhthaw taka fawh a,,A sam uk tha zet kar atanga a mitmeng sexy zetin min melh phelh phang lai hmuh ka chak……Ka ngaihtuahna avang chuan hnuailama ka Bawiha chu a che nghal talh talh….”shitt….. Hmeichhia ka hriat ngai pawh nilo vanga hetia kan awm chu le!!” ti chhuak sup in Bathroom-ah ka lut nghal hmak…… Sunday tuk a ni a,,Chaw ei naah ka chhungte chu an titi siam siam a,,tlailama Nuni ten chaw an lo ei tur thu te an sawi a,,Kei erawh thu pawimawh tawp anih loh chuan thil ei laiin ka tawng ngai meuh lo…..Kan dam chuan Inkhawmloh hi ka nu leh pa hian an remtih loh bur avang hian rilru a thildang dah run chungin ka insiam a,,Ka insiam zo ka chhuah dawn laiin Betty ka room-ah a rawn lut a,, “U min phur…”Inla cute zeta a tih chuan a samah tuai sakin ka nuih suk a,,a teu nghal hlar mai,,a sam khawih hi a haw takzet…..2nd year zirlai hial ni tawh mahse kan naute a ni miau a inchhungah hi chuan a pangchang thin takzet…..Ka bike duat em em ka lakchhuah laia kan Garrage a Karisma Bike Pawl inhung ka hmuh chuan ka meng deuh awk a,,Betty lam chu hawiin,,”Hei tu ta nge??” ka tih chuan a lu a thing nar nar a,,kan in luah tu thar ta ti ngawt ila ka nu khan Nula Amaha awm a ti bawk sia,,Inhnuaipa hian bike thar a nei a mi le?? Mahse Anni te chuan Gypsy leh Scooty an kawl tho si,,Inhnuai Tlangval ho ti dawn ila KTM pahnih a inhung bawk si…A tu ta pawh chu va ni teh se a ho emai ka buaina tur pawh a nilo….. Ka bike ka hung rem hnu chuan Karisma Bike chu ka en leh hram a,,a neitu chuan a uluk hle tih a hriat hliah hliah…. Inkhawm tur chuan Betty nen chuan kan kal ta a…..Inkhawm naah pawh ka ngaihtuahna ata ka la chhuak theilo,, Hmeichhia min en dauh dauhtu te ho chuan ka mit an la hlollo chung ho ai chuan khanu pa deuh taka inchei khan ka ngaihtuahna a tibuai zawk….. Inkhawm kan bang a,,Ka haw nghal Betty pawh ka nghak lo a thiante nen an nih leh tho ka ring,,In ka thleng a ka thawmhnaw thlak in Sandeep-a thlalak min lo thawn chu ka enfiah lehnghal a,,Chahbi ni ngeiin ka hria mahse a lian mah mah si a ni,,a hmuna kal a enfiah ka chak et et a,,Chahbi chu lo ni ta se eng chahbi nge ni ta ang?? Nuni’n chhang leh thingpui min lo pek chuan Chaw an lo ei tur ka hrechhuak leh chiah,,ka tupa te pawh hmuh a chakawm alawm le…. “Sandeep-an hna alo pe leh che elo??” a tih chuan ka bu nghut a,, “Hmanlai hunah hian i cheng reng mai anih hi maw…” tiin a nui hak hak a,, “RSa alo kal ve em??” ka tih chuan “Umm inhnuaiah a awm a,,Ka lo chhoh tir dawn mi” tiin Kawngkhar lam a pan nghal a,, chhang lo mah ila alo chhoh tir tho dawn tih ka hria…. Kan In hi a lian tawk a,,Ka thianpa Engineer Gabriel Lalruatfela design vek a ni a,,kan In chhung pawh Interior designer in a duhdan thlap a chei a ni bawk a,,nuam ve tawk tak chu a ni….Inhnuaiah ka nu leh pa room,,Ka pa hnathawhna pindan,,Common Room,, Choka,,Thutkhawmna pindan zau nuam tawk tak leh Awmpui te riahna room a awm a,,Inchhung erawh kan unau room,,Mikhual pindan pakhat,,Ka hnathawhna bakah a lai takah Sitting room kan dah bawk… Room lian ber ka chang a,,Khum pawh King size ngat ka hung lut,, Permanent Closet lian tawk tak ka nei a,,Ka khum hma a bangah Darthlalang lian zet ka khum pum lang thei tur ka dah bawk….Ka khum sir lehlam lehlamah dawhkan te hungin Lamp ka hung ve ve a,, Ka khum atanga hla ve takah chuan Couch kual pup hungin a hmaah Tv lian zet ka dah a,,Mini fridge ka hung bawk a,,ka duh ang taka ka pindan hi duan anih avangin ka chhuahsan khat hle bawk…. RSa rawn luh chuan couch-ah chuan a thu thla nghal a,,Ani hi ka thianpa a ni a,, Mizoramah chuan ka kawm tam ber leh naupan lai atanga inkawm tawh kan ni a,, Nuni nena an in ngaihzawn dawn pawh hian ka phalna ala thlap bawk,,Tin inneihnaah pawh ka dinpui a duh tlat avangin ka farnu pasal neihnaah Mo neitu thianah ka tang kha ania….An hmanhmawh bawk a,,An fapa Mesaka kum 2 pawh a tlin hma in a chhang a piang dawn chu ania….. “Zirek I news tuitang lo deuh ka hria ania aw” a tih chuan ka melh zawk a ka thlalak bawk chu ka bih lehnghal,,”Dawt phuahchawp bak a ni leh chuang lovang…” Ka tih chuan ka khum bulah rawn kalin,,”Dawt a nilo,, Lecturer Maria-i nen….” a sawi zawh hma chuan phawk zeta en in,,”Eng nge??” ka ti hmuk….. “Khanu kha nupui atan neih i tum tih min hrilh hauh suh..” a tih chuan khum atanga tho vutin Couch-ah chuan ka insawn a,,ka chhan loh avang nge ka bulah a rawn kal leh a,,Rum zet hian min melh run a ka nuih a za viau….Kei aiin kum 1 chiah in a upa a,,kan school kal lai chuan Upa zawk angin ka awm ziah mahse ka nau nen an innei a pa a ni chiah hi a upatna hi a hre mah mah thin….Nupui nei turin min duh a mahse ka tan hian a duh khirh zek si chu anih hi,,Ka hmeichhe CK pui hlek la hi a hrethei em em a,,min enthlatu hi a dah hial emaw tih tur hi a ni…Doctor hman ka ti mai…. “Zira fiamthu hauh lovin Maria-i nen hian in in zui tak tak em ni??” a tih chuan ka thlalak ken chu ka dahthla a,,A lam ka hawi chuan a thutak hmel takzet,,Thawk la halh in lu ka thing a,,”Hmeichhia i vawikhat hmuhnaah hian i vei ve ngut ngut tawh em??” ka tih chuan min chhan ngaihna a hrelo tih ka hrethiam mai,,a hmel a mak tihna pawh a thup eihlo…. “Maria-i chu a nilo tiraw??” a tih leh chuan ka nui ta hawk a,, “Eng nge Maria-i pawh chu i duh loh viau a…” ka tih chuan a lu thing nghut in,,”Thianpa Hmangaihna hi chuan a tibuai ve che in ka ringlo na in Maria-i hi chu thlah la ka duh??I tan a tha lo…” thutak zeta a tih chuan,, ka melh run a,,”Sawi chiang teh” ka ti hmuk… Hreh hmel zet hian a thaw hawk a,,hepa hian Maria-i hi ka duh tak takin a hria emaw ni le?? “Ka thawhpui Zosanga nen an inkawp alawm,,Ka mit ngeia ka hmuh hnuah chiah a ni ka hrilh che,,Nangnena in inzui hi ka hmuh leh thin che avanga hria ka nia,,nge a Hmelthatna hian a zunah alo uai tir ve reng tawh zawk che??” Chik zet hian min melh nghal a,,hepa hian dawt ka sawi a ring a mi le?? A in ti fing sawt lutuk leh inla puitling lutuk hian ka nuih a ti za thin…. “Maria-i chu a nilo,,Mahse hmeichhe pakhat a awm..” ka tih chuan hnai zetah min rawn en a,,ka nui nghal hawk,,Phur zet hian,,”Tu nge kan rim nghal dawn em??” a rawn ti nghal zung zung,,ka thusawi leh avang chuan a hmel a nguai nghal vek…”Niminah MC-ah ka hmu a mahse a hming takngial pawh ka hrelo…” a hmel ka en a,,A bialnu pawh nilo lo ngui ve em em ringawt….Over ve thei siah…. “Mahse khatiang khawpa hmeichhe hmeltha leh duhawm,,Ka ei leh mut thlenga min tibuai theitu kha ka la tawng lo a ni…” ka sawi zawm leh chuan a hmel a phurna lo lang chu ka hmu nghal,,”Kan zawng dawn em ni??” a tih chuan “Engtin?”Ka lo ti nghal a,,a beidawng in siam chhe leh vel tur ka hmu chak…Haha ka thianpa hi Jocker chu ka tilo mahse Kan pahnih a kan awm chuan a chezia hi midang bula a awmdan nen in ang miau heklo….Kan nui dun ve nasa thei em!!! “A thlalak kan tar mai dawn alawm” a tih chuan,,”Nia ngaihdan tha tak a ni,, mahse khawi atangin nge a thlalak chu kan neih ang??” ka tih chuan ka rin lawk ang chiahin a hmui sirin hnuailam a kawk leh vu tawh…. “Sinior tawh hnuah pawh i fing thei dawn lo anih hi” a tih chuan ka nui ta hawk hawk a,,Ani pawh a thusawi avang chuan a nui hawk hawk tho…. Zanriah kil hun chuan Betty in inhnuai atang ring zeta rawn au in min ko a,,he nau tak hi chu aw… Rsa nen chuan kan inzui chhuak a,, “Nei hlei lo nghei hleilo tehkhinna i nih hi” Step a kan chhuk laia ka beng bula a tih sup chuan ka nui phuh thawt….Hepa tak hi chu aw… Thawhtan Ni a ni a,,Vawiin chu nidang anglo zetin ka phur tehchiamlo eng nge a chhan pawh ka hrelo,,zan ka mut that loh vang anih ka ring,,Khanu avang khan ka duh ai tam hna ka thawk a,,zingah thawh ka hai phah a,, Walk tur pawn ka chhuak lo…Ka insiam lai te chuan ka lu a rit luk a,,Kal hma in nachhawkna tal ka ei mai aniang chu….Ka insiam zo a,, College-ah hi chuan Betty nen kan kaldun ngai lova,,Ani chu a kal daih tawh in ka ring bawk…. Pawn ka chhuah chuan kan gate a hmeichhe pakhat in kha Karisma Bike Pawl a khal chhuak lai chu ka hmu hman zuai,,tu tak chu ni ang maw,,Ka nu la khan inluah te chu hmelhriat vat a tha tiin vawikhat tal a In a leng turin min la tizui a,,remchangah ka kal ngei chu a ngai ang…. Ka hma lang thei chin a Bike tlan chu ka hmu pha leh zeuh thin,,full face helmet a khum avangin a hmel awmdan ka hmu lo thung…. Traffic tawt avangin kan ding leh thin a,,hmuh tuma ka en reng chung pawh in hmuh ngaihna a awmlo…chu hmeichhia chu kan College lam panin a inkhalh ve zel tih ka hmuh chuan mak deuh mai in ka zingkar mood off kha a reh hmak… College campus ka thleng a,, Zirtirtu hovin motor kan dahnaah chuan chu nu ngei chuan a bike a hung a,,Bike nena hmeichhe lecturer College kal ka hre ngai love,,Zirlaiah pawh hmeichhe eng emaw ho hian bike hi chu an khalh tlangpui,,Bike dahna hmun tur ka hrilh chuan a helmet ala thla a,,ka ding khawng nghal awt thei,,Khanu kha a ni,,kha hmeichhia Millinium Center chhunga ka hmuh ngei leh tun ni2 chhung a ka ngaihtuahna zawng zawng luah khat tu kha??A inchei dan chu a inhmeh takzet,,Kamis amah tilang hmeichhia hliah hliahtu ha in,,a piannalh zet tilang chiang turin smartpant uluk taka nawh tih hriat tak a ha bawk a,, makeup pawh a hmang mang lo,,a hmui erawh a hnawih ve….Ka biakna chu hrelo ang hmakin a kal daih a,,ka huat tawk a tling tlat mai….Zirlai naupang luhlul tak anih ngei dawn kha…. Principal in min biak duh thu a sawi chuan a office ah ka lut nghal a,, Zirtirtu thar kan neih tur thu leh a chungchang vel min sawi pui luam a,,Kan principal meuh in a fak anih chuan a special hle in ka ring bawk,,kan principal hi zirna kawnga mi special lutuk Mizo te zinga thiamna lama degree nei hmasa leh Mizoram ti hmingthatu te zinga lang pha ngat ania,,a duh khirh in a fair hle bawk,,Tin Zirna a ngai pawimawh bawk a,, Mizoram College ah hi chuan hmasawn chak ber pawh kan ni hial awm e…Kan room-ah Principal chuan inhmelhriat tirna neih a tum avangin kan lo awmkhawm thap a,,Amah rawn zui luttu ka hmuh chuan tu min hmuh silovin ka mengphawk viau,,Zirlai emaw ka tih laiin Kan Principal meuh in Special a tih hmeichhia,,Ka suangtuahna luahkhattu ngei kha a ni….A hmel ka en a,,a incheina chuan a tilang pangngai viau mahse kum lamah erawh a naupang tih ka hria,,Naupang tak a ni…Hetiang kuma Lecturer anih chuan a tha tawk ang tih pawh ka ring….. Class la tura ka kal chuan ka ngaihtuahna a dang ta hlak,,Ka hmeichhe ngaihtuah awmchhun hi ka bul hnaiah alo awm reng a mahse ka hrelo chu ania,,Thui tak thlir kan tum lutuk nanah hian hnai te a pangpar mawi lutuk hi kan lo hmuh kan thin hi alo nia….Henu hi engtiang pawh in ka taah ka siam ngei tur a ni…. Principal in Meeting pawimawh attend a ngaih avanga College compound fanpui a,,Class vel hrilhfiah mai tura min tih chuan Pangngai takin ka chhang mahse ka hlim ru veng veng mai…. Henu hi engang hmeichhia nge maw anih le,, Hming vang mai mai in a thinrim ania,,a tawngkam te la chu min tham lo em em zui a,, Nungchang mawi takngial pawh a hrelo anih hi,,Min chhang let fak fak a,,A tawngkam ngeiawm lutuk chuan a hmelthatna a tibo vek hial in ka hria…A lei hriam zet avang chuan tih luihna hmanga fawh mai ka duh rum rum mahse College Campus em ah hi chuan ka insum a ngai….Lunch Break lai chuan Esin lunch ei puiah min sawm a,,Ani hi hmeichhe fel tak a ni a,, Hmeichhe dang te angin ngaihzawng melh in min melh ve ngai lova,,a rilru a tluangin kawm a nuam hle bawk,,Kan College lecturer hmeichhiaah hi chuan ka kawmngeih ber pawh a ni… Hnial ka tum zeta Tetei kal ve tur ka hmuh chuan an bulah chuan Canteen lam pan chuan ka kal ve a,, Hmeichhe induh tawk tak leh chapo ve tak chu a ni ngei ang le,,Mahse hetiang hmeichhia hawisang satliah nilo,,mahni lu zo ve vawh tak leh induh tak hian Chona thar min pe tlat….Engti kawng zawng pawh in ka taah ka siam ngei ang….. Canteen chhungah kan inhnial leh hram a,,a tawngkam min ngainep hmel thei lutuk hian ka thin a khei tlat,, hmeichhe tih thinrim theihloh khawp a hmeichhe ngaisanglo hi he hmeichhia ka hriat ngai pawh nilo hian min ti thinrim takzet…Tlailam kan haw kawngah chuan ka hmaah zel a tlan a,,Maria-i ka phur tih ka theihngilh thelh a ni….Maria-i ka awmdan avanga min kam khat chuan ka thinrim sa nen ka tih dan ni ngai miah lovin ka vin hrep a,,inthiamlohna pawh ka neilo… Min be tawh lo tur leh kan inkara thil thleng thin pawh tawp vek rawh se tiin ka kalsan ta kha ania,, engvanga khanu vanga thinrim em em hi nge maw ka nih le??? Hmeichhe dangin min ankhum in min tawngkhumna ka tawng ngailo pawh a nilo,,ka duh tawh lo te laka ka chetdan pawh a ngeiawm in an tawngkam chhia pawh ka dawng fo mahse engahmah ka ngai ngailo kha ania,,tunah erawh a dang hlak….Min hnialna tawngkam a chak chhuah ringawt pawh ka ngaithei derlo chu ania…. Garrage a amah ka zui ru anga a sawi chuan ka tum loh deuh in ka tawngkhum a,,a hmela ka awmdan hlau hmel ka hmuh chuan in siam tha vatin ka kalsan nghal a,,Inchhung ka luh thleng chuan ka rilru a nuam reng reng lo,, Ka nelawm tehchiam lo tih ka hria,,ka thinrim phei chu ka farnu te pawn an hlauh laia Ani inhriatchianna pawh awmlo chuan min hlau viau ang le….Ka rilru a nuam lo viau a,,min ngaih dikloh viau ka hlau bawk…..Kei hi nga ti nge hetiang hian ka awm?? Hmeichhia min ngaih dikloh te ka hlau ta ania….. Zanriah kan ei laia Betty titi chu ka nu leh pa te chuan an nuihpui leh thin a,, kei erawh ka ngaihtuahna ka kawm nasa bawk nen ka chaw ei tui leh tuiloh pawh ka hrelo….Ka chaw ei ka hawi chhuak chu min lo en thap a,,”Eng nge?” ka ti hmuk an nui vek a,,an kham diat diat a,,Nga ti nge ti a ka thleng ka en chuan thleng ruak ka lo thutpui reng chu niin,, eng chen nge hetianga ka thut tawh le?? Rum chhuak nghut in dawhkan chu ka thawhsan ve nghal a…. Betty hian eng nge a hriat lehpek ni,,Tetei Ina len a ngen tlat a ka nu leh pa te la mahni in luah tu te ngaihsak em em tu an lo ni bawk nen,,Ka chhukpui ta hram,,Tetein kawngkhar alo hawn chuan mit khap hauh lovin ka en a,,a kekawr bul tawi zetin a khuh phakloh chin a mal no nalh zet chu ka suangtuahna aiin a nalh daih zawk….Engtin pawn inchei se a nalh vek mai anih hi maw….Chaw a ei tih ka hriat chuan hawsan mai ka duh laiin Betty a thu tlat bawk si Ani la in a chaw ei na a seng ve bawk nen ka thu ve ta hram….Ka tawngkam hman chu a haw ve hle tih a ner sawk danah ka hrethiam mai….. A inchhung a chei dan vel chu a cool ru phian mai,, Hmeichhe inchhung anglo takin Sofa dum vek center table TV leh thil dang a dum vek a,,A bang erawh a var hlak thung….A choka leh sitting room inkara darthlalang lang tlang thei awm chuan a choka engkim rem fel thlap chu a lang chiang hle a,,A thleng tifel vel chu ka en leh zeuh thin…. Bungraw tam tak a nei hran lo mahse a neichhun te erawh a fel thlap thung….Thleng vel a tihfel zoh hnu chuan thingpui no3 chawiin choka atang chuan a rawn phei a,,Ka lo en reng leh tawh….Betty nen chuan an titi a kei erawh ka thu ngawi ngul thung,,ka phone ka bih ngur a,,mahse ka beng erawh an tawngna lamah ka chi kar thung… Hmeichhe tawng mawh zet chu a ni bikin ka hrelo mahse ka bulah erawh a ngawi kar anih kha,,a ngainat zawng ka nilo pawh a ni mahna,,mahse min ngaina lo rei tawp lovang…. Conti…….

STARLIGHT -13

( TETEI POV )

College ka kal atangin thlakhat lai alo ni ve ta reng mai,, Zirtirtu dangte nen pawh kan inhre pawh tha ve viau tawh a,,Esi nen erawh kan inkawm deuh chawt thung,,A tawng duh ve hle a,,mahse midang chanchin a sawi ngai hauh lo,,A rilru a tha tih ka hria,,Amah a ka duh em em midangte a dah pawimawh thiam lutuk hi a ni…Kei aiin kum2 in a sinior a,,kum6 ngawtin a upa bawk chuti chung chuan thil kan tih dun hian min ngaichang thiam in min dah pawimawh thin hle a,,hetianga min ngaipawimawh thin tu ka neih chu Nicky bawk a ni….Ka tan thian tha tak a ni a,,kan thawh pui te tupawh mai hian an ngaina in ka hria,,A rilru a zau a fiam a dawl em em a,,Mipa ho pawh hian hmeichhe dangte ai ngawt chuan an ngaina zawk daih,,fiamthu a duh ve hle bawk a,,a nui sang reng thei a,, zirtirna piah lama a thawhpui kei thleng hian engpawh mamawhna kan neih phawt chuan min tih sak hreh ngai hek lo…. Zira pawh Zirtirtu Sinior anih bakah ka room-ah chuan a sinior ber a ni a,, Zirtirna a pek bakah kan mamawh engkim kan thlenna a ni a,,A nelawm loh teh lul nen hian kei phei chuan ka biak fo a ngai thin… Kan inbiak zing poh leh kan inhau tam a ni mai,,Tih tur a awm in ka hnial thianglo,, mahse Zirtirna chungchang leh zirlai chungchang a discussion kan neih chang hian kan inhnial ngei ngei a,,midang hian an hnial ve ngailo nge a tawngkam thiamna hian a hneh a an ngawi dak zel pawh ka hrelo,,a tam zawk mipa an nia mahse tumah hian a thusawi an hnial ngai hauh lo… Mahse kei chu ka ni hranlo ka subject ka master hma hian thil tam tak an subject angah hian zir leh thiam ka nei ve chiang em a,,Ka hriat dan ka sawi ngam a,,eng emaw deuhah debate tenau kan nei ziah,, kan inhnial hi a ngaihthlak a nuam viau nge Commerce leh Science lam ho pawh an rawn thu phei fo mai…Thinrim angin lang thin lo mah ila a ruk tak hi chuan ka tang ru fu zel,,A tam loh aiin tawngkam a thiam zek lehnghal,, Lecturer te zinga naupang ber leh junior ber hian Kum lama Sinior leh hnaa Sinor hi ka hnial pang pang zel a,,Sir hot deuh te phei chu an lo nui nasa thei viau…. Ka hlau lo ve chiang emai,,A thusawi chauh dik tura angai hrim hrim pawh hi ka ngaithei derlo,,chutih rualin min tirhnaah chhuanlam ka siam ngai lova,,extra class lak angaih chang pawh in ka awl chuan keimah zel ka lut bawk,,a chhan chu ka junior ber a,,han chungchang ah chuan Sinior nih pawimawh na ti mai ang a ni ve tlat a…Esi nen hian Canteen-ah kan kal fo a,,Room-ah ei tur kan la ve ngailo chutiangah chuan Zira hi a rawn kal ve fo a,,Canteen pawh keini pahnih inhnialna hmun a ni,, Thingpui tui leh tuiloh chungchangah ringawt pawh rei tak kan inhnial thei,, Esi hian min nuihpui nasa thin hle a,Mahse a ruk taka hepa chapo leh polite lo zet ka huat ruk vanga hnial fo hi ka ni,, A tawng teuh ngailo mahse tawi te te ngeiawm zeta tawng dan a thiam hle a,, Kum upa zawk na na na chu hnial vak dawn a hnial ngaihna awm miah lo leh hnial pawh a tawngkam a thiam luat avanga min hnial thlak a tam thin hle a,, Chhan ngaihna  hre miah lova min siam chang la a tam hle bawk….Chuti chung chuan ka tlawm duh bik ngain chuang hauh lo….. Amah ka huatna ti zual tu em em chu midang zawngin Miss Tete tia min koh laiin Puii tia min ko lui hram hi ka haw takzet,,He hming hi chu Nicky-an duh taka min kohna a ni a,,tuman min koh ve ka duhlo,,Tin he hming ka hriat hian Nicky-a hmuh leh ka in beisei ziah a,,mahse ka beiseina beidawng thlak zet hi midang hmuh a tih lan kher ka duh lo,,Amah ka ngaih vanga midang hmuh a mittui tih tlak la ka tum heklo…. Karkhat zet a ni tawh Nicky ka mang lama ka hmuh tawh lohna chin,,ka ngai em em a,,hmuh leh a ka ngaih thu hrilh mawlh ka chak mahse engvang nge ka mangah a rawn kal duh tawh silo…. Zing atangin ka mood a off hle a,,a chhan pawh zan lama ka tah nasat em vangin,,ka lu a na viau bawk….Esi chuan ka damlo emaw tiin damdawi min pe a,,ka chanchin engvak mah ka sawipui ngai lo a,, hetiang a ka awmna chhan pawh a hre kher lovang…Class ka lak pawh in Vawiin Ni kher chu ka phur viau lo….Ka mood tichhe zual tu tur Lalnunzira a awm lo tala a zia… Chawhnu First period ka nei a,,a bak chu vawiin ni atan chuan class ka nei tawh lo….2nd year room lam panin Corridor sei zet chu ka zawh a,,Ka hnunglam atanga “Puii” rawn ti tu avang chuan ka ding dat,, Ka hun tawn nen a in mil lutuk vang nge “Nicky” ti sap a ka hawi let chu,, Zira ka lam pana lokal chu ka hmu nghal,,Ani saw ka hmuh duh a nilo….Ka chhungril rawn na ru veng veng avang chuan Amah pawh en lovin hnuailam bih ngar chunga dingin ka inhumruh vak a,,Nga ti nge hepa hian ka hrehawmna a rawn belhchhah leh tak!!! Ka zawn a rawn thlen chuan,,”Tun chiah class i nei tho a,, Meeting kan attend dun mai angai,,I period zawh ka lo nghak ang che” a ti thum chhak a,,Chhang lovin ka lu ka bu nghauh a,, “Ok anih chuan kal tawh rawh” a tih leh chuan ka lu bawk buk khum leh in inherin ka kalsan a,,mahse pen hnih bak ka pen hmanlo ka banah vuan in min kuai her a,,”Pui i tha em??” a tih sup chuan tap chhuak lo turin ka hmui ka pet fan fan a,,Tuna a tawngkam avang ringawt khan ka thinlung hian Nicky-a hming a lam nghal mawlh mawlh,,Min ngaihtuahna awka ngei kha ka va han ngai ngawih ngawih tak em….. Ka mittui tling chu duh lovin ka kutin ka hui zeuh a,,A hmel hmu turin ka dak chhuak nghal bawk….Ka mitmeng a hmuh rual chuan hrilhhai hmel leh min ngaihtuahna mitmeng ka hmu nghal,,”Nga ti nge na i nei em ni??” a tih chuan nui lui sak in,, “Class ka tlai dawn…” tiin ka kalsan nghal nal nal…Hetianga mood chhia hi chuan class ka la thei hauh lovang chuvang chuan eng emaw tak ka tih angai a ni….. Class room-ah ka lut a zirlai an ngawi thap a,,Ka mit chhing in boruak ka hip lut vang vang a,,Thaw chhuak leh hakin ka ngaihtuahna a lo lang Volleyball chungchang ka sawipui a,,Thil dang dang sawiin an zirlai te nen tehkhin kual in zirtirna ka pe pah bawk a,,An hrethiam hmel leh an nui hmel ka hmuh chuan ka zirtir dan thlak zeuh zeuh a ngai tih ka hriatthiam phah bawk a,,Anni an hlawk a,,keipawh ka hlawkpui viau mai…Zirlai ngawr ngawr zir ai chuan an zirlai nuam an tih theih dan tura kalpui fo hi alo tha viau zel…. Class atangin ka chhuak a,,Staff room lam ka pan a,,Nichina Zira nen kan inbiakna ka ngaihtuah let a,,nuamlo ka ti thar viau mai….Room chhung ka luh chuan ala buai nge ka hmu mai lo,,Ka dawhkan lam panin ka seatah ka thu a,,College-ah kan let ka rin tawh loh avangin ka insiam nghal a,, Esi rawn lut chuan min be vatin kan tih tur ka sawi a,,Ani erawh class ala neih avangin kab haw nghal tho ka rin avangin min hawsan turin ka ti bawk…. “I hman tawh em??” Rawn titu chu en lem lovin,,”Um” tiin ka tho nghal a,,ka helmet ka lakin kan inzui chhuak nghal a,,ka bike bula lo ding tlangval hmel fai vang leh sang tha zet ka hmuh chuan ka bula kal Zira chu ka en zawk a,,A bul kan thlen chuan chu tlangval chu thuawi hmel zet hian a ding a,, “Josh hi i bike kha hawn tir mai ta che ka motor hian kal ila” a tih chuan ka mitko ka san ak a,,Tunge anih pawh ka hriatloh hi engvangin nge ka bike ka hawn tir ngawt ang…. “I inhnuaipa anih kha” a tih zawi sup chuan tlangvala chu ka en nghal a,,a nui var var chu a duhawm viau lehnghal,, “Miss him takin ka thlenpui ang” a tih sap chuan,,ring zo lo zetin ka helmet leh chahbi chu ka pe a,,A nui nghal var var a,, Tlangval hmeltha tak ala ni ngei ang,,Zira chen mah suh se kei ai chuan a sang daih thung…Ka rinloh deuh in Ziran ka luh theih nan a hma seat Kawngkhar chu min hawn sak a,,ka thutfel hnu chuan motor hmalam atanga kal kual in driver seatah a rawn thu lut ve nghal a,,File pakhat min pe in motor ti nungin hnehsawh zeta a steering chu herh kual in kan tlanchhuak zui nghal a,, College hrang hrang aiawh lecturer ho kan inhmu khawm dawn a,,kan meeting agenda min entir a,,A ngaihdan tlem a sawi hnuah ka ngaihdan min zawt ve thlap…A vawikhatna atan tak meuh a ngaihdan ka tawmpui ve tlat… “I ngaihdan kha tha ka ti” ka tih chuan a rawn hawi zawk a,, A kut pakhata ka chal a rawn khawih chuan ka phu zawk,,mak ti hmel zeta a lam ka hawi chuan min melh zeuh in a hmui hnuai a kuta khawih in a seh zeuh a,,A thawmhnaw  inbel zawng zawng nen tuna a awmdan kha hmuh a nuam ru phian…. A kamis Var tha zet ban chu uluk lutuk lo hian a thlep chho a,,a san bun lawk zet chu chiang takin a lang bawk,,a khabe hmul to siar siar chu sir zawng atang pawh hian a inhmeh hliah hliah,,Mipa vannei tak a ni… Heti taka siamtu in a siam fuh bik mai hi…. “I damlo em ni??” a tih chhuak sup a,, mit hmul kan zeuh in ,,”Dam e ti nge??” ka ti let deuh ha a,, “Ka thusawi i pawm vawikhatna anih kha,, Calendar thai bial hial angai ang..” a tih chuan ka melh rum nghal run a,, a mit sirin ka awmdan a hmu tih hriat takin a nui ri hawk a,,A chalah ka kut dah nghal vang vang in,,a tih ang chiah chuan a dam leh damloh ka zawt daih chu mak a ti ve tho,, “I nui ri ka hriat vawikhatna anih kha,, Calendar thai bial hial angai ve ang…” ka tih chuan ka rin loh deuh in a nui ri ta hawk hawk a,, “Nghal ve siah O” a tih chuan “I nghal hmasa zawk anih kha” tiin ka chhang let thuai a,,kan inhriat tirh atanga kan pahnih a kan nuih dun hmasa ber a ni…A nuih a ahmethat zia hi a hrelo a ni ngei ang,,a inhmuam up tha thei emai…. Meeting na hmun kan thleng a,,kan thahnem angreng viau,, College kal dan thenkhat te sawiho a ni e,,keichuan engmah ka sawi ve lo,, Ngaihdan leh duhdan sawi sawi tur chu ka nei teuh mai mahse ka sawi ve lem lo,, Zirtir hna lamah hian ka la Junior ve em a,,Kei aia thawk hmasa fe te an ni hlawm a,,Sawi ve kher pawh a ngai rih lo,,Zira erawh Vawi3 ngawt a ding chhuak,,Ani chu a sawm a an sawm chhuah zel a ni lehnghal…. Zirtirtu tha tak chu anih ngei dawn hi…. A thusawi laia Amah a inringtawk lutuk te,,tawngkam bahlah miah lova a sawi te chu a awhawm rum rum hial mai….A thusawi ve tawh chu a tlang duak duak a,,Tupawh mai chu a chungah an mit a fu a,,Thenkhat upa lam deuh ten a thusawi pawm pui tih hriat taka an lu lo bu leh nghut nghut thin te chuan a bula thu nih ringawt pawh nuam ka lo ti ru ve veng veng zawk…. Nicky-a pawh kha ka bulah awmse hetiang chiah hi a ni ngei ang… Engtik lai pawh in a chungah midang mit a fu thin anih kha…. “Puii” rawn ti suptu avang chuan ka ngaihtuahna atangin ka harhchhuak thut a ka hawi phawk nghal hraw,,”Ding la,,” tiin min nuih sang a,,A awm mai mai pawh hmeltha tia sawi a ni a,,Tuna a nui hmel zet kha chu tha tak a ni,,Ka ding a midang ho chuan kut an lo beng dar dar a,,a lehkha ken chu kawk zeuh in mit min siai zeuh in a thu nghal a,,A sawi awmzia ka hre mai,,A kawhna topic chu sawi zawm turin min duh tihna a ni….Thaw hakin lehkha chu vawikhat en leh thuak in ka sawi ta a,,Ka sawi tan tirh ka bo aiin ka sawi rei deuh a,,duh aiin ka sawi tam mah mah….Ka sawi zawh chuan kut an beng dar dar a,,ka thu ve nghal a,,ka thu fel chiah ka bul a rawn awn deuh in ka beng bulah alo phun sup a,,”I sawi tha lutuk”a tih chuan ka nui ve sak…..Fakna te chu tupawn dawn nuam kan ti vek alawm…. Ka meeting kan ban hnu chuan Zira chu tu tu emaw in an be sap sap a,,a kalpui ka nih miau avangin a bulah ka ding ve zel a,,a hmelhriat thenkhat te hnenah chuan a thawhpui ka nih thu polite takin a sawi zel a,,mipa polite lo lutuk anihna pawh a duh hunah chuan a thup bo thei anih hi…Ka ngaihtuahna avang chuan kun zeuh in ka khi sak a,,min lo en leh reng tawh zawk nge ka hawi chhuak chu a mit a kan zeuh a,,ka inthiam lo lek lek a ni….Mahse kan intawn hmasak bera a awmdan kha a ni miau alawm le….. “Tete” kan sir lam atanga rawn titu avang chuan ka hawi phei zawk a,,ka thaw nghal halh…Ruatdika ka pawl10 zirpui a ni…Kan chungchang engkim hretu ve tu…A hunlai khan a hranpa takin inkawmlo mah ila kan class a awm a ni a,,engkim kan ti ho vek tho,,kan class kha a ni miau a,,Hetiang hmuna ka hmu anih chuan Lecturer a ni ve tihna a mi le?? Ka bul a rawn thleng a,, Nicky-a min hriatchhuah tir nghal vawng vawng,, “Hey,,I dam tha em??” a tih chuan lu ka bu nghauh a,,Kan Jam ho thin laia kan awmdan mitthlaah a rawn lang nghal uai uai thei,, Vawiin zet chu Lalmuanzuala hriatchhuah na tur thil ka tawng hnem tawh mah mah… “Inbia ang helai lo deuhah hian” a tih chuan ka bula ding Zira chu ka en vat a,,”Ahh Sir hei hi ka thianpa Ruatdika anih hi,,” ka tih chuan a chibai ve mai a,,mahse a hmel nelawm zet kha a bo daih tawh..Engvanga thinrim hmel zeta awm hi nge maw anih le?? “Sir Zir Pawnlamah kan inbe lawk dawn ania…” ka tih chuan a phun chhuak sup a eng nge a sawi ka hrelo na in a lung a awi hmel loh viau mahse ka ngaipawimawh lemlo,,ka bialpa a nilova ka unau a ni heklo…Ngaih pawimawh viau nachhan tur ka nei miau lo lawm,,Ani pawh a hmelhriat te nen an inbe khawmuang ve tho alawm…. Midang awmloh deuhna hmun kan thlen chuan,, keimah ang tho in a thaw hawk a,, “Reunion ah khan i tel em?” a tih chuan,, “Um tel,,nga ti nge ilo telloh??” “Kan exam laklawh lutuk a chuvang ania…” “I thawk ve tihna a mi?? Ka sawi awmzia chu lecturer i ni a mi??” Tawng bah nawk nawk ka ching hi ka sim hlei theilo chu anih hi.. “Thawk love ka chawlh chhung ka U ai ka kal lawk a,,A ai ka rawn kal anih hi” tiin a nui suk a,,keipawh ka nui ve tho….”Hetianga i dingchhuak ka hmuh hian mimal takin ka lawm ve tawp…. Nicky-a la dam sela chuan a hlim ve dawn lutuk tih ka chiang” a sawi zawh  rual chuan a thaw hawk a,,A thiante pawh hian Nicky hi chu an theihngilh theilo a ni…. “Ni e Ani chu awm sela chuan ka kalna tur hmu theilo khawp pawh in hawisang mah ila ka tlu ngai lovang,,a chhanchu Ani chuan ka tluk a phal ngai dawn silova…” ka sawi chhuah rual chuan Vawiin nilenga ka lo up beh tawh chu a rawn baw chhuak hawk ka ti mai….ka mittui chu a luang zung zung a,,ka insut nghal hlawp hlawp…Ruatdika chuan min kuah nghal in ka hnungah a beng thek thek a,,keipawh in ka kuah let ve tho…Tawngkamin min hnem thiam lo mahse ka lungngaihna min tawmpuitu ka hmuh erawh ka hahdam phah viau thung… Ka duh tawka ka tah hnu chuan ka inla hrang a,,Ani pawh a mit a sen ve rum tho,,Ka rawmawl chuan ka hmai chu ka hrufai thuak a,,”Hlim tak hian awm thei la ka duh che,,I thiante ho hi i tan kan awm reng tih hria la,,hmalam pan tawh rawh,,Engkim a tha ber chauh i tana duhtu Nicky-a pawn chu chu a duh ngei ka ring,,hetianga ila tap fo a nih chuan hahdam takin a chawl thei lovang…” a ti sup a,,Boruak ka hip lut vak a,,ka thaw chhuak leh hak….Ka nui lui sak a,,thudang sawiin Bangalore a awm thu te min hrilh a,,a kal leh hma a inhmuh leh ngei kan tiam bawk… Parking na hmun kan thlen a,,Zira motor ka enkual a,,ka hmu mai lo,,min hawsan daih a nilo maw le hepa hian…”I thianpa chuan a hawsan che a mi??” Ruatdikan a tih chuan ka ner nak a,,Polite lo liana kha a ni miau lawm min hmuh loh avangin min hawsan a ni mahna…”I thianpa a awm loh tho chuan tih tur ka nei tawh hleinem lokal rawh ka thlah ang che,,” aw zangkhai zet hian a ti a,,ka bike ka ken miau loh avangin Lalnunziran min hawsan si chuan Ruatdika hi ka inthlah tir mai aniang chu…. “Ka van inthlahrung der” ka tih chuan a nui hawk a,,A car awmna lam chu kan pan a…Kan in awmna hrilh in kawng tluanin kan titi a,,kan nui leh hak thin,, Reunion ni tih loh a ka nuih leh nasat ber ni a ni hial ang,,kal lamah Zira nen kan nui dun nghek tawh a,,Tunah Ruatdika nen a ni leh a,,ka zan phah hawk in ka hria…. Gate bul remchang laiah kan ding a,,kawng sirah motor a hung fel chuan chhuk nghal in,, ka in min hmuh pui ve hrim hrim tura ka sawm tlat avangin a rawn kal ve a,,ka in luah nuam a tih thu a sawi luam a,,rei erawh a thu lo,,Ruatdika a chhuah hnu chuan dar4 a pelh tawh avangin rawngbawl tumin Choka ka pan nghal a,,Choka ka lut fel chiah ka doorbell a rawn rik leh chuan Ruatdikan thil a theihngilh anih ringin nui var varin Kawngkapui lam ka pan a,,ka hawn ruala ka thil hmuh chuan min ti awm nuamlo nghal,,Zira ka kawngkhar pawnlama thinrim hmel zeta alo ding chu hrilhhai hmel zetin ka melh a,,min melh run avangin Lut tura sawm na chang pawh ka hrelo….Eng nge a chhan ka hrelo ka inthiamlo ve ringawt bawk…. “I bialpa kha ala awm em ni lut tura min sawm loh….Buaina ka siam lovang che” ngeiawm rawngkai lek leka a tih chuan thaw hakin,,”Lo lut rawh” ka ti sap a,,Tun hi ka In a vawihnih rawn kalna chiah a ni….Mahse engvanga khatiang kher a tawng nge anih?? A pawi sawi ka nei lehpek a mi?? Inhnial leh ka peih rih lo asin….. Conti……..

Leave a Reply