You are currently viewing STARLIGHT – 14 & 15

STARLIGHT – 14 & 15

Spread the love

STARLIGHT – 14

Jonsmely Bawitlung

( ZIRA POV )

Lecturer inhmuhkhawm hi a awm zeuh zeuh thin a,,a chhan pawh in ang tlang deuh leh hmasawn zel theih nana Mizoram Sorkar buatsaih a ni,, Zirtirtu pahnih kan tel tlangpui a,,Sawi ho tur erawh a tam thei viau mai.. Vawiin meeting tur ka hriat khan Principal in min kal tir ka ring sa a,,ka rin ang ngeiin mi pakhat ka duh kalpui turin ka kutah a dah a,, kan principal hian min ring em em a,, zirtirtu dang a rinloh vang nilovin a student hlui leh a fak fo thin ka lo nih tawh vanga min ring a ni… A rin tlak ni turin ka hming lanna tawhah chuan theihtawp ka chhuah thin bawk…. Ka kalpui tur atan Puii ka thlang a,,henu hi Puii tia ka koh apianga rilru nat hmel zet a min melh fo hi a chhan ka hre duh,,A thinrim ziah bawk a,,engvanga hetianga koh hi haw tlat nge anih tih hi ka la zawt chhuak ngei ang…. A kawl reuh lutuk hi a chang chuan ka nuih a ti za a,,min ti thinrim lek lek thin bawk… Min hnialna tur la hi a hre reng zel a,, engpawh sawi dun ila kan inhnial nghal a,, kei aia naupang fe in min hnial pang pang zel ka hmuh hian hnial luih zel chakna ka nei fo a,, Hmeichhia ka thu hnial vak vak hi ka la tawng ngailo,,Ka thiante an ni emaw ka bialnu te pawh nise min hnial ngailo,,He staff room chhunga awm te ngat phei chuan tumah in min hnial ngailo mahse he hmeichhia hmel en pawh a la naupang tih hriat zet hian min hnial ve pang pang zel ania…. Canteen-ah la Ama vangin vawithum ngawt thingpui thlum ka in phah tawh,,min hnial zet zet a,,a kawlh reuh mai siah,,A chang chuan tawngkam vin a biak a hauh mai te ka duh thin mahse chutiang a ka tih dawn apiang chuan eng emaw ni hian min mawlh a,,a mitmeng a natna thuk tak a pai hi ka hmu leh thin…Eng nge a chhan zawh ka chak thin mahse hnaih ka tum apiang hian a theih loh,, a theih hlolloh a thinchhe ve mah mah a ni… Midang bula a awm ang hian nga ti nge ka bulah hian a awm ve theih lo,,tupawh nui sangin a bia a kei ve hi chu Bomb pai sa in min be thung a,,ka dik loh nge Ama dikloh pawh ka hre love!!! Corridor a class la tura a kal ka hmuh chuan ka ko vat a,,mahse vawiin chu a awmdan a diklo..Kan hna tur ka sawi rual in a bu nghauh a,,tawngka in min chhanglo,,Kal mai a tum chu a banah chelh in ka kuai her a,,a mittui tling kiau ka hmuh chuan hrehawm tihna in min luahkhat nghal vek,,a chhan zawh ka duh a mahse class la tur anih chhuanlam in min kalsan nghal a,,muangchangin a kalna lamah chuan kalin a class luhna lamah chuan ka kal a,, naupang in min hmuh theih lohna turah dingin ka en reng a,,a kun a rilru tawt hmel zetin thawk a la halh a,,a rawn hawi chhuah leh chuan nichina a hmel kha chu a bo leh duak tawh…. Staff room lam panin ka inher a Volleyball chanchin a sawi lai vel chu ka la hre pha…. Kan meeting na tur Agenda vel chu ka en thuak thuak a,,Sana ka bih deuh chen bawk… Minute 45 rei ber a ni hial in ka ring…Dar rik dawn tep chuan Toilet-ah ka kal a,,Dar a ri zawm ve nghal,,Toilet atanga ka chhuak chu thil hriatchhuah thut ka neih avangin Science department lamah ka kal a,,kan building a inhlat ve deuh a hun pawh ka paih leh nual mai,, Kan inhnuai ber hi Zirlai pali in an luah a,, Cousin vek an ni awm e,,An fel hlawm viau lehnghal…Pahnih te hi university lamah an kal tawh a,,pahnih te erawh kan College ah an kal thung,,Nunui an hmeichhe awmchhun leh Albert-a hi University ah lutin,,Josh leh Peka kan College ah an lut thung…. Josh-a hnenah chuan an miss bike khalh haw sak tura ka tih chuan thuawi takin chahbi la turin a rawn kal a,,Staff room ka luh chuan Puii hmel pawh a pangngai leh tawh viau,,mahse nichin lawka a awmdan kha ka theihngilh theilo…A bike chungchang ka sawi laia Josh a melh dan kha ka nuih a za lek lek zawk,,a rinloh hmel lutuk a,, Bike in an kal ziah a,,An unau in an phur mai thin,,an inkhalh chhawk fo bawk tih ka hriat vanga tir pawh ka ni….An miss bike hi a tlukpui tur khawp in a tlanchak ngam dawnlo tih ka chiang ve tlat…. Ka motor chhung boruak hi ka rin phak bak a ni,,Henu nen hian nui dun in hlim takin kan inkawm ve thei ang tih pawh hi ka ngaihtuah ngailo,,Ka bul anih tawh phawt hi chuan a kawlh em em reng zel kha ania,,tunah pawh min hnial tho mahse min hnialna tawngkam erawh vawiin ni zet chuan min ti nui nasa viau thung si anih hi….. Meeting kan tan a,,ka tum em em vang pawh nilovin ka ding sek lehnghal a,,ka bula thu thiamna lama mi special tak hi midang te hian hre ve sela ka duh avangin ka sawi tur ai pakhat Staff room pawh a kan inhnial fo na thupui pakhat zirtirna kawnga tih tur te tih chu sawi turin ka sawm a,,mahse eng nge alo ngaihtuah pek ni ka thusawi a hre miah lo a,, A hminga ka koh chuan harhchhuak thut ni awm hian min en a,,ding tura ka tih chuan a ding nghal vat a,, ka din rei lutuk chuan a zahna ka thlen ka hlauh avangin topic pakhat ka kawhhmuh a,,ka thut san a a chetbuai ka hlau ru hle a,,nga ti nge thil dang alo ngaihtuah helai hmunah hian a rilru te dah ve tur ania….. A sawi tan a,,a tawng bah deuh niai a,,ka lo sawm ta kher kher kha ka inchhir hman thelh,, a sawi thui zel a a confi tulh tulh emaw tih turin ka rin phak bakin a sawi tha a,,min hnial zuah zuah thin na in,,tha ka tih dan ka sawi a kan inhnial fo na chu byheart sa sawi ang mai in a rawn sawi chhuak par par a,,a rilru chak dan tur ka chhut thiam pha nghal mai… Hmeichhe satliah a nilova,, Lecturer satliah la a ni heklo….A fing tawk a,,a inringtawk hle bawk tih ka fiah ni berin ka hria…. Meeting a zo a,, refreshment an buatsaih avangin lecturer awm ve dangte nen kan inbe hlawm a,,Puii chu chhuang takin ka hmelhriat te ho nen ka inhmelhriat tir pah zel a,,an chibau nak nak hlawm a,,kan din laia a hmelhriat in a rawn biak chuan min inhmelhriat tir ve nghal a,,ka melh leh zeuh thin,,rei an ding hma chuan pawnlama inbiak an duh thu an sawi chuan kal suh tih mai ka duh mahse ka thu a awm tir turin ka bialnu em pawh a nilova ka ti theilo….. An kal liam chu ka enzui reng a,,Ka thian pakhat Nicolas-a nen kan inhmuh chuan kan inbe luam a,,”Bawiha Ani kha i bialnu a mi??” a tih chuan Puii a sawina a ni tih ka hria,,ka lu thing in ka nui huk a,,Ani hi chu Pa amah aia kum 14 zeta naupang nupuiah a nei a ala hlau ve em em lehnghal…. ” Bawiha nupui hi nei ve tawh rawh…” leh ngawt thin hian,,kan inhmuh apianga nupui nei tawh tura min ti tu te zinga mi ania,,tunah pawh a sawi leh ngawt tawh anih hi…..”Ka duhlo,, Nangmah anga nupui ngamloh neih ka tum silova neilo hian ka ban tlang dawn..” ka tih chuan a nui huah huah a,,”I thiannu kha neih tlak nang khing zo thei tur anih ngat kha..” a tih chuan ka khi suk,,Annu in alo call avangin kan in thlah ta a…. Pawnlamah ka chhuak a,,Puii te hmel reng reng ka hmu lo,,ka zawng kual a midang awmna tur angah chuan ka en kim viau,, henu hi min hawsan em ni,khapa nen khan an haw em ni?? Engvanga lo kal tir nge maw ka nih le??Thinrim ru teuh in ka motor dahna lam ka pan a,,Parking hnunglam a Puii leh a thianpa inkuah ka hmuh thut chuan ka chhunglam atang hian a rawn na ut ut a,,ka thaw leh halh thin….Engvanga hetianga awm ve ngawt nge ka nih…. Engvangin nge ka bialnu pawh ni hleilo vanga hetianga ka awm??Hetiang hi ka nih dan a nilo….Thinrim inseh ru teuh in chulai hmun atang chuan ka chhuak nghal a,, In lam pawh pan lovin khaw pawnlam panin ka tlan a,,Ka tlan hla thawkhat ta maw tihah chuan kawngsirah chuan dingin ka hmaa ni tla suar suar lang eng kulh chu ka thlir a…. Engvang nge?? tih zawhna bawk chuan ka rilru a luah khat a,,engvanga thinrim nge ka nih a,, engvanga ka tawt em em nge ka nih?? Ka thinrim em vang leh ka chhunglam tawt lutuk avang chuan tullo zetin ka motor hma chu ka beng pawp a,,ka thinrim rehna tur leh ka awmdan thlak tur hian khanu chiah kha ka mamawh…..Ani chauh khan hahdamin min siam thei ang..,..Vawikhat pawh ka la khawih loh hmeichhia hian min va han ti thinrim ngun tawh tak em!!!A hmel ka hmuh apianga mipa ni lo ang mai a ka lungphu rang thin te hi engvang nge,,A taksa mawina it vang mai mai a thleng niin ka ngai thin a,,mahse tuna an awmdan ka hmuh meuh kha chuan ka ngaihdan dikloh zia ka hria… Kei hian Lalhlupuii hi ka duh a ni ….. Ka lu ka thing nghut a,,Nilo ka thinrim vang mai mai anih hi….ka duh lo Ani kha ka duh lo….Ka khum tawmpui atan te chuan ka it pawh a ni mahna mahse chu vang chuan ka duh tihna pawh a ni lo… Ka thinrim chhan maw…..Khatiang a midangin an hmu ang tih pawh ngaihtuah miah lova a khawsa duh khan ka pawi a sawi bawk,,chuvang chauh a thinrim chu ka ni….Kan in lam panin ka motor chu ka khalh let a,,Khapa motor kha kan in thlen hma lawkah ka la tawk zui….A inah an kal a maw?? Hmeichhia mahni a inluah inah a kal anih chuan an tih tur chu a chiang reng alawm…..Tenawm lutuk…. Garrage ah motor ka dah fel a,,kan in pawh lut hmasa lovin Puii in lamah ka chhuk thla nghal a,, Kawngkhar a rawn hawn a a hmel lan dan zet chu ka farnu ni sela chuan kut Ka thlak duh hial mai thei ….. Mak ti hmel,, hlauthawng mitmeng leh nuamlo ti hmel a put nachhan kha,,Mipa in a in a chhuahsan fel awr a,,tunah min hmachhawn hreh a nih chuan thil tenawm tak a ti a ni mai….. A Inchhung ka lut a,,Choka lamah a lut nghal a,,ka zui ve zel,,Rice Cooker a chaw a siam fel hnu chuan kut kuangkuah at hian ka lam a rawn hawi a,,a hmela thinrim hmel lang chu engvang nge ka hrelo,,ka man tak avanga in tlawhkhalh te pawh a ni mahna… Ani ai hian ka thinrim fe zawk….”Eng nge i duh??” a ti chang fak a,,ka chhang lo,,Ka pan hnai hrut a,,a tawlh hnung nghal dawr a,,”kei hi min hlau a maw??” a ti chhuak hrawk,,ka tawng ringlo na in a phu nghek a,,chu chu ka huat tawk a tling em em tho,,”Ka hlau lo che….Mi mawl ang mai a che duh mihring hi ka inchhunga awm turin ka duh lo mai a ni…” thinrim aw tih hriat taka a tih chuan ka insum theihna a tawp vek….Kei hi Mi mawl min ti anih chu,,huh mawl min ti tu lakah hian fing taka awm tumna ka nei biklo… A chetsawn hma in ka pan hnai thut a,,a dar tawn tawnah man betin a in ring hma in ka fawp nghal buan buan a,,a duhlo tal vel chuan eng min ti phur sauh thung,,mipa dang pawh a inchhungah a khawsak pui zo chiah a,, engvangin nge ka tim bik viau ang….Rei deuh tak ka fawh hnu chuan a tang duh lo na in vawikhat te mah min chhang lo tih ka hriat avang chuan ka fawh dan thlakin dam deuh zawk in ka fawp a,,a chesawn hret kara a hmui a chetsawn tih ka hriat rualin a ka chhungah ka lei ka luh tir nghal a,,he hmeichhe luhlul zia hi ka hrechhuak leh ta…. Ka pian a hnu lama ka fawhna min chhang let lo hmeichhia ka hriat awmchhun a ni…. Chuti chung chuan ka fawhna avangin keimah zawk ka danglam chu a ni sia…Ka thinrimna aiin Amah thlakhlehna in min tuam hlup hlup a,,a dang duh belhna in ka khat nghal….. Ka fawhna ka thlah rualin ka kut ka la sawn a,,ka hmai a ri nghal thlawp bawk….Ni e ka chetdan mawi lo tak avang khan ben hi ka phu a ni…..Ka thin a rim tawh lo mahse ka hmaa mitmeng dur khai a min melhtu chu ka en a,,a mittui tling piau avang chuan mahni inthiamloh na in ka khat nghal,,Ka ti na a ni tih mi a ka nih loh avangin ka hrethiam mahse ka thlen tir vek tawh si…. “Chhuak rawh..” a tih chuan chesawn lovin ka ding ngawi ngur a,,Sawi mai tur ka hre tlat lo a ni….Hetiang taka hmeichhe hmaa sawi tur ka haihchham pawh hi ka nuna ka tawn vawikhatna tho….Henu hian ka tawn ngailoh thil thar hlir min tawn tir zawng anih hi maw!!! “Chhuak rawh ka tih chu….” a rawn au deuh that a,,Ka ngaihtuah na atanga harhchhuak thut in “Pui” tiin ka pan hnai leh hrut a,, tawlh hnung deuh dawr in,, “A tha e..” thinrim insum zeta tiin dawhkan kal helin chak zetin pawnlam a pan nghal a,,a awmdan chuan min ti hrilhhai zawk mahse harhchhuak thutin ka umzui nghal a,,In kawt zawl ka thlen chhoh chuan chak zetin a bike nen a inkhalh chhuak chu ka hmu hman,,ka chahbi la in hmanhmawh takin inchhung ka lut a,,ka nu min biakna pawh ka chhang lo ka bike chahbi la chhuak in Puii kalna lam ni a ka hriat lamah chuan ka inkhalh chhuak ve nghal… Kei hi min haw viau em ni?? tih ngawtin ka rilru a luah a,,ka tlawm la hle bawk mahse mipa takin ka thil tih sual siam that erawh ka tih tur a ni,,Kan in luah a ni a,,Hnaah ka Junior a ni bawk…. Chutiang chauh chuan ka ngai tawh tur a ni….A tlanna lam ni awma ka rin lam ka pan tawp a,,a inkhalh chak bawk si nen ka ngaihtuah hle,, thinrim a chhuak a ni bawk nen….Ka rilru insual buai nuai avang chuan ka thaw leh hawk thin….Khaw pawnlam ka thleng tawh ka la hmuh mai bawk silo….Ka thil tih avanga inchhirna nen hrehawm tihna in min luah a,, Vawikhatmah min duh ang pawh in a awm lova chuti chung chuan ka rilru put dan diklo vang vang mai mai hetiang hi ka thlen tir a ni si a….. Khua a thim tawh a,,Khawpui atang pawh in ka tlan thui tawh viau,,helamah a kal lo anih ringin Bike ti ding in haw leh mai ka rilruk laiin ka hma kawnga motor light eng chesawn lo ka hmuh chuan Amah anih ring in ka inkhalh chhuak leh a,,Kawngpui sir a Bike ti dinga alo ding ka hmuh rual chuan ka bike light vang nge ka thawm avangin a rawn hawilet nghal zawk….A bulah chuan ka din rualin a bike a lawn lehnghal a rual a,,a banah ka chelh hman avangin a bike steering a vawnna chu a thlah a,,mit sen rama ka lam rawn hawiin,, “In in atang hian ka chhuak ang,,Chuan…” a sawi zawh hma in ka tawng khalh a…. “I chhuah kher angai lo tun hi a vawikhatna a ni a,,a tawpna a ni nghal ang ka tibuai leh tawh lovang che…” nghet char a tiin a kut ka vawnna chu ka dah thla a,,min chhan leh hma in ka bike lam ka pan a,,Amah pawh nghak lovin ka tlan chhuak nghal a,,Hetiang taka hmeichhe hmaa ka tlawm hi ka la hrelo chu anih hi..Tun hi a vawikhatna anih angin a tawpna ni tawh rawh se….. In ka thleng a ka chhungte hlauthawng hmel taka min kil bial laih chu sawi tur hre lo takin ka melh kual a,,ka nui lui suk ringawt…Banga sana in tar kulh ka hmuh chuan tun hi Zanriah ei lohna hun a ni tawh lo dar7:00pm a pel tawh…Ka nu chu en in,,”Chaw in ei tawh em??” zaidam tak chuan ka ti a,, min chhan hma in ka pa zawk chuan,,”Inbiak kan ngai,, Bawiha nu chaw ei lo siam rawh u” tiin a hnathawhna pindan a pan nghal a,,Ka awmdan khan a ti hlauthawng viau a ni mahna khatiang khan che ngai heklo le….. Ka pa room ka luh chuan a dawhkan bulah alo thu ngur a,,kal hnai a hmaah ka ding a,,ka pa hi ka zah em em a,,a hauh ngai in ka khawsa ngai lova,,min zilhna pawh zawm ka tum hram thin chuvanga ka hna thawh duh ka sawi pawh a angaihdan nilo chunga min hnial miah lo pawh a ni….Min duat hawr angin langlo mahse min ngaihsak zia ka hria,,a fate vanga a hnathawh nasat zia pawh ka hriatpui a,,chuvanga zah em em pawh ka ni….. “Eng thil nge thleng??” ka din fel ruala a tih nghut chuan chhan mai dan tur ka hre lo…. “Tetei hmanhmawh taka tlanchhuak kha ka hmu a,,nang ilo ni ve leh bawk nen,,thil thleng a awm em ni??” a ti leh chuan dawtsawi hreh viau mah ila Puii nena kan inkar thu an hriatloh mai hi tha ka ti zawk….. “Ka pa thil hriatsual palh mai mai anih kha,, engkim a tha tawh e….” ka tih chuan min en vung vung a,,ka chhanna avang chuan a lungawi chiah lo a ni tih ka hria,,a aw a thian kharh a,,Ka sawi duhlo tih a hrethiam a ni mahna,,”I nu leh i farnu ti mangang thei zawngin khawsa tawh suh ang che…” a ti hmuk chuan ka lu ka bu zeuh a,,”Chaw ei ang ka hau che maw tiin i nu alo hlauthawng leh hman ange,,” tiin a thutna atang chuan tho in room chu kan chhuahsan a….. Ka pa chuan boruak tih zangkhai tum takin ka nu leh Betty chu a bia a,,Anni pawh pangngai takin an titi leh siam siam tawh,,kei erawh angaite bawk in ngawi reng in ka hmaa ei tur awm chu ka ei mial mial a,,ka puar nge puar lo pawh ka hrelo,,ka tho nulh a,,ka la inthlak lo bawk nen ka pindan lam panin ka chho nghal a,,Tuna ka awmdan hi ka hrethiam lo,,ka tawt up up a,,hrehawm ka ti ni berin ka hria mahse engvanga hrehawm ti ve ngawt nge ka nih ka hrelo a ni….. ( TETEI POV ) Lalnunzira rawn chetdan zet chuan ka thin a tirim in ka rilru a ti na hle bawk…. Nicky-a lo tu mipa mah fawh ka duh lova,,Ka duh ngai heklo….Keimaha a sulhnu hnuhnung ber min hnutchhiah kha damdawi In khuma ka fawh kha a ni a,,ka tan hian a hlu satliah lova a hlu takzet mahse kum10 chhunga a sulhnu ka dah that chu zanin khan Kha mihring laktlak loh zet khan a ti chhe ta ni ber in ka hria….Ka na vawng vawng a,, Nicky-a laka hla taka awm ta anga ka inngaihna chuan min ti na zual takzet…..Ka mittui tla nasa lutuk avangin en chen nge ka tlan ka hrelo…. Ka bike ti dinga ka chhuk chuan Khaw pawnah ka lo awm daih tawh alo ni,,Khua a thim tawh a,,Sana ka bun loh vang leh phone takngial pawh ka ken chhuah loh avangin dar eng zat nge ka hre lo….. Nichin lawka thil thleng kha ka ngaihtuah a,,Engvanga Ani khan min thinrim khum ngawt nge anih?? Thinrim tur chu keimah zawk hi ka ni asin,, Min hawsan a zak miah lovin Ruatdika nen in ngaizawng leh awmdun angin min puh bawk a,,Eng ang mihring nge maw anih le?? A thuhnuaia awmnka nilova a bialnu la ka ni heklo…. Boruak ka hip lut kawk kawk a,,ka thinrim em avangin ka tawt up up bawk…..Nicky ka ngai thar ngawih ngawih bawk…. “Muan ka tihpalh aw,, khatiang thil kha thleng turin ka duh lo,,pawi ka ti lutuk ka tihpalh takzet….”tiin ka phun chhuak sep a,, A bak engmah ka ngaihtuah theilo…Bike thawm ka hriat chuan ka harhchhuak thut a,,Khaw pawnah keimah in ka awm a misual pawh tawng palh thei ka ni tih ka hria….Ka bula a rawn din chuan a light eng avangin tu nge anih ka hmu theilo rang zetin ka bike-ah ka lawn a,,mahse ka ban a rawn chelhtu ka hmuh chuan ka inthlah dul nghal…Ka thaw hak a,,ka thusawi lai pawtchat a min chhanna chu haw viau mah ila ka chhang hman tawh lo,,A tlan liam chu en in,,In lam panin ka haw ve nghal a,,A bike hmu pha si hlat tho si ah ka awm a,,Ka in ka kalh loh avangin ka rilru erawh a nuam chiah tawh lo… Conti……..

STARLIGHT – 15

JONSMELY BAWITLUNG

( TETEI POV )

Tunah chuan College-ah pawh thla li ngawt ka awm ta,,Esi nen kan la inkawm reng a,, mahse Zira erawh chuan min be tawh ngai lova keipawh in ka be tawh ngai lo…Kan inhnial tawh ngai lova,, Canteen-ah pawh kan chawl tlang tawh ngai heklo…. “Te Sir Zira nen hian in inhau em ni??” Lunch laiin Esin min zawt thut a,,Keipawh in pehhel hram ka tum a,,Ani pawh hian chutiang tho chuan a ti ve tho in ka ring,, Esi A biak tam ber chuan a hrethiam a ni mahna,, Eng nge ka sawi ang aw…Dawtsawi ka duh lo viau asin…..”Kan inhauh pawh ka hrelo,,” tiin ka nui lui a,,A thil ei lai chawl meuh in min en a,,”I rawn kal tir atangin Sir Zira hian a ngaihven che,,a ngaizawng che ka ti kher lo,, mahse thla tam pawh a ral hmain in inbe lo tawp a,,kan rual takngial pawn Canteen-ah a kal duh tawh lova,,thil hrethiam lo rual ka ni bik lo ania” a tih chuan ka thaw halh a,,Ni e Thla thum chhung khan vawikhat mah min be tawh lova,,Off kan neih dun chang pawh in Staff room ah a awm ngailo…Kan in kalpel takngial pawn min en ngai lova,,Esin Canteen kal a sawm pawh in a duh tawh ngai heklo… “Engmah a nilo,,Ka ngainat zawng a nilova Ani pawn ka hnial reng avangin min mil biklo anih ka ring…” Ka chhanna avang chuan Esi chu a nui sak a,,Eng nge a ngaihtuah ka hrelo…”Chutiang in Sir Ziran a ti lovang,,Kum thum kan thawh ho na a ni tawh tu vang mah in a thinrim in a lungawi lohna a ti lang lovang,,Ngai haw lo la Zira hi mi fel tak a ni asin,,heti khawp a mipa luck hian hmeichhia te kawp ve tun awm mahse chutiang thil a ti ngailo ringawt pawh mahni invawng tawk a ni tih chu a hriat theih…” Zira hrechiang inti taka a thusawi avang chuan chhan pawh ka tum lo,, Keima diklohah a ngaih tho ka ring…. “Es kan inbe lo ve mai mai lawm,,misual anih chu ka ring lemlo mahse ka kawmngeih tur chi a niin ka hrelo hrim hrim bakah mipa ania,, hmeichhia nena inkawm reng thu a awmlo….” ka tih chuan a nui hak hak a,,” Ni e tiraw inbialnu bialpa bawk silova mipa leh hmeichhe inkawmngeih lutuk hi chu neuh neuh a awm duh,,Entirnan Zira te ang thian neih phei chu a luck si Amah ngaizawng tute an hlauhawm…..Miss Maria-i te ang te hi…” a tih chuan Kan nui dun a,, “Miss Maria-i Commerce a mi hi maw??” “Um,,a hau che anih ka ring hman hial asin in inbe lo deuh thut sia,,ka chikna che u hi a rei tawh ania aw….” a tih chuan mitko san ak in,, “Inla spy” tiin ka nui hak hak a,,”I sawi a ka hre ve chiah an inzui zing ka ti rengah” ka tih lai mek chuan Zira leh Maria-i te Canteen-ah chuan an lo lut ve a,,”Mi chhe sawi chu koh aiin an hnai” a ti sap a,, Kawngkhar lam ka hawi chuan ka nuih a za viau,,mahse Lalnunzira mitmeng rum ul in min rawn en tih ka hmuh chuan ka nui za a reh nghal vek…. Canteen atangin kan chhuak a,,Staff room ah ka class neih leh na tur ka en lawk zuai a..Dar a rik chuan class-ah ka lut nghal a…. Khang thla thum chhung khan Ka inhnuai school naupang ho nen kan inkawmngeih sawt khawp a,,Josh kha mipa fel tak a ni,,A u te pawh an fel vek….Tin,,Betty pawh a rawn leng thla fo a,,Ka inchung chiahah pawh chhungkua an khawsa a mahse Anni chu an fate’n Middle School chauh an la kal a,,Ka Hna kal tur kan inhmuh fuh chuan min be ziah tho,,Tin Zira nu NuLiani leh a pa PaMawia te pawh an fel takzet Amah Zira erawh ka sawi tawh angin kan inbe tawh ngailo….. Class kan bang In ka thlen atanga rei vak lovah ka door bell a rawn ri a,, Kawngkhar ka hawn ruala Josh leh Peka hmel ka hmuh chuan ka nuih nghal var var a,,lut turin ka sawm nghal a,,Ei rawng ka bawl laiin ka dawhkan bul chair-ah an thu a a thusawi vel avang chuan kan nui leh hak hak a,,hemi te unau leh Betty hi ka lunglen hnem an nia nuam pawh ka tih phah viau ma…. “Miss ka lo leng ve ziah hi Pekan min hau ania…” Josh-an a tih chuan ka nui hak hak a,,Josh hi a hmelthat mai bakah a pian a nalh hle a,,Ft5’9 ka ni a ti a,,a fel em em a,,thu a awi hle bawk….Kum thansan kan tih ang deuh hi a ni reuh a,,thil hi a sawi leh tawp zel a,,ka lawm viau bawk….. “Peka nang pawh ilo leng ve ziah tho a tinge i hauh bik a??” ka tih chuan Peka chu a nuih a za viau aniang Josh erawh inti thei zetin a nui vur vur a,,Josh hi first year zirlai a ni a,,Peka erawh a final kum a ni tawh thung….. “Miss Volleyball i khel thin em ni??” Pekan a tih chuan ka nuih sak ringawt…. “I rawn thawh tirh a kan class i rawn lak khan i sawi a,,I thiam hmel em a??” a tih leh chuan lu ka bu nghauh nghauh a,,A thu chuan ka la thiam alawm mahse Nicky-a awmloh hnuah erawh ka khel tawh ngailo…. “High School kal laiin ka khel nasa abak ka khelh zawm tawh lova” ka tih chuan a hmela phurna lo lang ka hmu nghal,,a nui var var a…. “Eng nga ti nge min zawh??” ka tih chuan “Miss I walk ziah tho a,, naktuk chu ka lo sawm ang che kan bulah Volleyball khel ve la,, fitness atan pawh a tha viau asin…” a tih chuan hnial nghal tawp ka tum a mahse a hmela phurna awm hi ka tih bo sak theilo….. Zanriah ei hun awmah an haw a,,Keipawh chaw te eiin ka intih fel hnu chuan Ka Album lian zet hmaah bawk ka kun leh ta…TV chu On in ka en lo na in hetia a lang hian khawhar a hnem ka ti ve tlat…. Nicky-a nausen lai atangin ka en a,,kan thlalak dun hmasak ber chu ka en a,,Kum1 leh thla 3 a ni a,,kei erawh Thla8 mi chauh niin Thutthleng ban vuanin ka ding a,, Nicky-a chuan ka kawrah a chelh bawk….Ka khi sak a,,a dang chu ka en zel a,, Ka Kum1 birthday a,,min pawm chunga kan lak te,,a kum2 tlin ni a,,ka seh avanga a tap engmah hrethiam lova tap thlem ang zeta a biang ka khawih lai te chu vawi tam tak ka hmuh hnu mah nise ka en kham theilo…. Class 8 kan nih kum a min paw lai leh picnic kan kal tum a tui a ka bawh tluk lai an lo click fuh min pek te chuan ka hnuk a ti ulh a,,Angai te bawk in ka mittui a parawl leh kuang tawh…Goa kan kal tuma a tam thei ang ber thlalak a duh thu a sawi lai te ka ngaihtuah let a,,Beach a kan thlalak te,, Volleyball kan khelh tan tirh atanga kan thlalak te,,Ball a hlap lai ka click sak te an ni nawk hlawm…Ka keu zel a damdawi In a awm laia kan lak dun te hlei hlei chuan ka rilru a ti thar a,,ka mittui a luang zung zung a,,”ka ngai lutuk che Giraffe” ka tih rual chuan ka tap chhuak hawk a,, Kum 10 chhung khan dam reng chungin ka thi a,,Ka suangtuahna khawvel chauh kha ka tan khan khawvel a awm a,,a bak chu lemchhanna leh dawt mai an ni….Ka hmaa Album lian zet zet pathum ngawt chu pawm in chhuatah chuan ka thu sawp niai a,,ka thinlung zawng zawng in ka tap a,,keimah a na awm zawng zawng te hi chhuak vek thei se ka ti thin…..Mahse Nicky-a tello chuan engmah hi a theih loh,,a teklo chuan Lalhlupuii hi ka hlu zo thei tlat silo a ni….. “I tha em??”a tih sup ruala a awma min pawm bettu chu tu nge tih ka hrechiang mah mah mahse min kuahna atanga tal chhuak turin chakna ka nei lova,,tun dinhmunah hi chuan hnemtu ka ngai zawk hliah hliah si a…Ngawi rengin min kuah khawm vek a,,ka hnungah a beng thek thek a,,a kut dam lutuk chuan ka thinlung na lutuk chu a ti dam tial tial ni maiin ka hria…. Chutiang chuan engtiang a rei nge ka tah ka hrelo….Ka duh tawka ka tah hnu chuan inlak hran tumin ka che hlek a,,min thlah ve nghal mai bawk a….Ka mitah chiang zeta min melh in ka mittui la chambang chu a kutin a hru zeuh a,, Harhchhuak thutin ka awmdan ka siam tha vat a….Ka dinchhuah ruala ka Album ken ho rawn khawih a tum chuan ka pawm bet vat a,,A kut dah chhuak tawh chu a la let leh vat a…..Ka pindanah ka lut nghal vat bawk…. Thawk ka la vak a,,Ka hmai sa hat hat chu ka tah nasat vang nge ka zah vang tih pawh ka hre tawh bik love…..Engtin nge Lalnunzira bulah khan ka tah chiam theih,,alo luh lai pawh ka hre lo,, Kawngkhar ka kalh vek emaw ka ti a,,Ni dawn tak Josh te an haw khan ka kalh leh tawh miah lo….A van zia lo tak e ooo,,Ka tap lai a hmuh kha ka duh hauh lo….Eng nge a rawn tih reng reng le?? Ala awm angem le…..Va’n zia lo em!!!  Ka Album ho ka dah luh fel hnu chuan bathroom-ah lutin ka hmai ka phih a,,Pindan atanga inthiamlo ru zeta ka chhuah chuan Lalnunzira chuan chiang zet hian min en run a,,Ka tap min hmu pawh inthiamlo leh zah tawh nen thla thum ngawt kan inbiak tawh loh hnu a ka inchhungah ngei kan in melh leh chu awmdan tur ka hrelo…. Thutna lam pana ka kal chu Centre Table a chuan ka intauh ri pawp a,,Ka ngal anih bawk si avangin na ka ti lutuk chu ka awmhmunah chuan thu in ka ngal chu ka chul nghal vat vat a,,”Fimkhur ta che” ti a ka ngal rawn khawih a tum chu la sawn vatin,,”Ka tha” tiin Amah pawh en ngam tawh lovin ka kut chuan kalsawn turin ka vai a,,a ngaihdan a nilo lehpek ang chu…..Ka rindan a dik chiah palian pui rilru te deuh anih hi….A ding nghal vut a,, Envelope hi ka hmai zawnah a rawn lekchhuak vut a,,mak ti hmel zeta ka en chuan,,”I ta tur i awmloh avangin kan Inah an rawn dah a” a tih chuan chuan ka ban vut a,,”Ka lawm e” ka tih sap chuan,,”I ke chu ka en i duh lo maw??” a rawn ti leh hmuk,,ka zah vei nen entir leh chu ka duh teuh lo mai…. “Duhlo” ka tih chuan engmah sawi tawh lovin a chhuak nghal daih…..Polite lova hi chu a ni ve chiang alawm,,Polite lo si rilru te bawk si…. Ka thutna atang chuan tho in Thutthlengah chuan ka insawn a,,Zira envelope min pek chu ka hawng a,, Invitation card a ni…Min sawmtu ka en chuan Sir Zuala te nupa hming alo inziak a,, Lehkhabu release huna kal tura min sawmna a ni nghe nghe….Aizawl hmunah an release dawn avanga min sawm pawh anih ka ring….Ka phone number pawh a nei awm tho sia ti rilru in ka phone chu ka phawrh chhuak a,,Sir Zuala biak ka duh laiin Mawitei zawk ka call daih…. “Techhia min biak pawh hi i tumlo….” Ka call a pickup rualin a rawn ti nghal thawr a,,ka nui nghal hak…. “Mawiek Sir Zualan Lehkhabu a released dawn hi i hria em??” ka tih chuan “I hre hnuhnung ber..”tiin a nui hak hak a,, Kan class ho kha chu a sawm vek an rawn kal vek loh pawn a theih theih kan rawn kal dawn… A tih chuan mak ka ti viau…. “Chu rawn kal in tum a engmah ka hre lova maw ka inah in thlenglo nghal ang….” ka tih chuan Over zet hian a nui chiam a,,Keipawh ka nui ve tawp…. “Kal tur zat leh thlenna neilo an awm takin i ina thleng tur kan rawn in report ang” ala ti ham ham zui…henu tak hi chu….. “Ok anih chuan rawn sawi rang ang che bungbel ka nei vaklo ania,,ka lo Bazar ang… I rawn sawi hma loh avanga chaw ei na kan buai chuan Banah ka khai nileng ang che….” ka tih chuan,,”Min khai zo lo,,nang aiin ka thau” a tih chuan  ka nui hak hak a,,kan inbiakna kan ti tawp a,,Sir Zuala chu call tawh lo mai ang…..Nithum hnuah a ni tawh lehnghal a,,Eng lehkhabu tak chu ni ang maw!!? NuLiani bulah ka thiante an rawn zin tur thu leh mikhual Paruk ngawt ka neih tur thu ka sawi chuan mamawh ka neih a lei a buaithlak chuan rawn la rawh aw tiin nui sangin min thlah a,,An fapa hi chuan ava han chhun lo ve chiang em!!! An tawng duh si an fel bawk si… Leave ka la a,,tlailamah erawh Esi chaw ei turin ka sawm a,,A rawn kal tur thu a sawi bawk….Dar 10:00am a rik chuan Bazar turin ka chhuak a,, Mawitei,,Joseph,, Asawmi,, Agatha,,Uchhana leh Ulawma te an rawn thleng dawn a,,Bungbel leh chawhmeh Bazar ka ngai a,,Ka phur thei em ang chu maw!!! Phurh theih loh pawh in Taxi hmang tawh mai aniang chu….. Ka nu nen kan inbiak khan Sir Zuala chu tawiawm an duh thu an sawi na in Ulawma leh UChhana te na lokal tho avangin an rawn kal lo kha ania,,Sir Zuala lehkhabu chu ka hrechiang chak hle mai,,ka chhungte leh ka thianten an ngaipawimawh em em mai hi….An release na tur la kha Lodge-ah la ni zui a,,Engzat chiah nge mi an sawm ang le.. Lehkhabu release tur ringawt a chutiang a tihpui a tum chu mak ka ti angreng zawk… Bazar ka thleng a,,ka tum loh zetin Dinner Set ka lei ta ringawt,,Chaw thleng pahnih chiah ka nei a,,a dang mamawh heklo….Bungbel pawh ka lei belh nual mai….Chawhmeh thlai leh Sa bakah nepnawi ei tur ka lei khawl a tlem tawh bawk nen ka lei teuh bawk a,,thei chi hrang hrang nen ka bula an cham chhung chuan nuam sa taka an awm ngei ka duh,,ka fridge tal ka dahkhat ve ang chu le…. Sports bungrua an zawrhna kan kal pel lai chuan Volleyball chu la in ka lei nghal a,,Peka rualin ni2 ngawt chu Zingah ka inkhel ve tawh  a,,Tlai lamah erawh ka hun neih dan in ka la khel ve mahna…. Ka zirlai naupang te bula tal tam hi pawi tihna ka nei hranlo,,Ka khawhar lutuk min hnem miau a….Mahse kan la khel tam lo bawk nen Kum10 zet khelh tawh loh hnua khelh that leh chu harsa ka ti tawh viau,,rilru in a phak taksa in a phak tak lohna hun a ni miau a….. Ka inkhel dawn hmasa ber khan Peka bulah khan Min hretu an awm leh awmloh ka zawt anih kha,,an awmloh thu a sawi khan inkhelh ka duh ve thu ka sawi a,,mahse tu bulah mah an miss ka nih thu sawi lo turin ka ti a,,thu a awi khawp mai….Ball pawh hi ka leisak liau liau a ni…Josh angin a hmetha viau lova hmelchhia erawh a ni hauh lo,,a vun a ngo hluak lova,,A inkhelh tam vang anih ka ring a vun uk lam lek lek chuan a ti lang pa viau,,taksa mawi tak a nei bawk a,,tin a harh ve chiam lo,, hmeichhia te duhzawng hian a awm thiam phian a,,Thalai ho Cool tih chi hi ni reuh a,,College-ah pawh hian a luck viau in ka ring…Inkhelh pawh a thiam viau,,min hrilh peih viau bawk…. Ka Bazar hnem bawk a,,Taxi la in ka inkhalh haw nghal bawk a,,Taxi Driver a fel bawk a min thiar pui vek bawk a,, Inchhung ka luh fel rualin Udintei Inchungnu a fa pawm lai nen a rawn chhuk bawk a,, Mikhual ka unau te leh ka thiante tlai lama rawn thleng tur thu ka sawi a,,A naute kal thiam ve tawh chu chhuat a awm tirin ka bungrua ho chu min rem fel pui a,kan titi a kan nui leh hak hak a,, In neitu nu rawn chhuk ve sela nuam a ti viau in ka ring,, Ngaihtuah lai takin a rawn lang hlol a,,Kan pathum chuan thingpui te in in kan ti ti a,,Darkar hnih zet an awm hnu chuan An chhungte haw hun tiin min chhoh san ta a,,keipawh inbual fai a rawngbawl vat a ka unaute hmuak tura ka kal angaih avangin Bathroom lam ka pan nghal a….. Ka inbual zawh chuan Dar2:30pm a ri tawh Rice Cooker leh Cooker ka neih ve chhunah chuan chaw bel ka chhuang a,,Chutih lai chuan ka doorbell a rawn ri a,, Kawngkhar ka hawn rualin Esi,,Josh leh Betty an rawn lut a,, Class an neih tawh hlawm loh avanga rawn haw an ni awm e…Peka erawh class aneih avangin an rawn hawsan thu an sawi a,,Kan ri leh nak nak hlawm a….Sa hmehpui ngei ka duh avangin Josh leh Betty chuan an siam a,,hemite pahnih hi an inngaizawng a mi aw tih chang ka nei thin…. Hetianga inngeih taka an awmdun ka hmuh hian ka thinlungah Nicky-a ka ngaihtuah chhuak ziah mahse ka nuihna tur lam hlirin a ni thung,Dar li a rik chuan ka insiam a ka unau te hmuak turin ka kal a,,Rawngbawl chu lo ngaihtuah suh an ti ve ngei a…Esi a awm a ka ngaihtuah viau lo….MC kawt atangin.ka hmuak mai aniang chu Joseph-an Bolero a rawn keng a,,ULawman Car a rawn keng bawk a,,an chep viau lovang chu maw… Ka U te leh thiante nena kan inhmu chu kan inkuah chul a, Mawitei ka bike hnungah a rawn lawn vata,,Ka In kawng tluanin kan tawnglo….Mahse ka kawngah a pawm run a min ngai viau anih ka ring…. Naktuk mai hi Lehkhabu release hun a ni tawh a,,eng chen nge an cham dawn ka hrelo mahse cham rei rih mahse pawi ka ti miah lo….Ka ngai em em zawk si a…. Lalnunziran ka tap min hmuh tuma min kuah khan ka lungngaihna midang hnena ka thlen hian nasa takin min chhawk a ni tih ka hre thar a,,Mahni ka indah hran a mahni a ka tah fo hi ka tan a thalo,,,ka tana thalo thil ka tih hian Nicky-a a lawmlo hle thin anih kha,,Kum10 chhung khan ka ngai a,,ka tuar a ka tap fo a,,mahse ka ngaihtuah chhuah tak erawh keimah chauh a ka nat a ka tah hian min hmangaih a ka hlim hmel chauh hmuh duhtu ka hmangaih hi a lawm dawn lo tih ka chian tak vang pawh a ni mahna….. Inchhung kan lut a,,Esi leh Josh an lo awm a Betty a haw tawh anih ka ring a tlai ve tawh deuh bawk nen…Esi an fiam zak leh ringawt… Mi nghal rual awmkhawm kha an ni miau a,, Josh pawh chaw a ei ve nghal a kan ri ve laih laih mai….A nuam phian mai,, Esi a haw a,,Scooty a neih avangin thlah a ngai hran lo,, Josh pawh lehkha zir a hun tiin ka haw tir a,,keimah ni zawng kan ni ta…. Lehkhabu release chungchang sawi ka tum a tumah in min sawi pui duh miah lo nia….. Fiamthu ho zet zet leh an chet chhiatna an sawi a,,kan nui leh dar dar thin…..Kan mut meuh chuan Dar11:00pm a pel fel der tawh….. Hmeichhe ho ka khumah kan inhnawh vek a,,Extra Size kan awm lo bawk a,,kan mu ve leh thei mai,,Mipa ho erawh Chhuatah an mu khawm a,,an bengchheng rei phian bawk…. “Mate thu tlukna dik tak i siam a ni??” Nicky-an nui var var a atih chuan ka hawi a hiau a,, “Eng maw!?” ka ti hu bawk…ka chala na lo te a pen keuh in a penna zawnah chuan a fawp vang vang a,,”Nangmah in tap tawh lo la,,I nun hi hlim takin hmang ve tawh rawh,, Mihring te khawvelah ka rawn kir tawh ngai dawn lova,, Chuvang chuan nun thar nei la ka duh i hlim a i nuih hian helai hi a hlim thin,,Mahse i tah chuan ka na tih i hriat kha….” a tih chuan ka thaw hak a,,”Ka thu i awi ang tiraw??” a tih leh chuan hreh zetin ka lu ka bu nghauh nghauh a,,A ha uingho langa mawi lutuk a min nuih in min rawn fawp vawng vawng a….. Ka muhil ka meng thut,,ka bula mu na zeta nem sawnin ka te nghal that bawk….Midang pawh an rawn harh nghal….Eng nge ti a min zawh chuan ka ngawi ngal a,, Mawitei erawh ka melh rum ngang mai,,Amah la chu hrilhhai hmel zetin min en a,,ka haw lutuk,,a mangah eng nge a hmuh ni min lo fawp anih kha….Ka ngaihtuah zawng ringawt pawh in ka thinrim… “Techhia i tho â em ni??” Asawmin a tih chuan,, Mawitei chu “ka bulah mu tawh ngai suh” kan ti ngawt a,,”Eng nge??” a ti nghal vak…”Min Pawngsual i tum nih kha” ten hmel zeta ka tih chuan a nui ta nghal vak,,midang ho pawh an khi nghal thu….”A dap che a mi??” Agnes-in a tih chuan ka tap tep,,”Min kiss anih kha…” ka tih chuan khuma let tawp tawp khawpin an nui a,,Kei in Mawitei lukhama vuak tumin ka pan min la nuih nasa em em zui….Zinglam dar4 chauh ala ni a Mipa ho pawh an rawn tho,,Kan awmdan avang chuan an nui ve tawp…..”Inbengchheng si mu leh ru…” meng rum ala Mawitei melh in Bathroom ah ka lut hmak…..Pekan min lo sawm har tawh dawn chuang lova intifai ila Anni erawh mu leh rih mai rawh se.

Conti……..

Leave a Reply