You are currently viewing Starlight -16

Starlight -16

Spread the love

STARLIGHT – 16

JONSMELY BAWITLUNG

Volleyball kan khelh zawh chuan Peka nen chuan kan haw a,,Volleyball ka leisak ka pek chu a lawm tih hriat takin a en leh vang vang thin….Peka hi kum 21 a ni tawh a,,kei aiin kum 4 chauh in a nau a kan inkawmngeih phian mai,,Mahse an miss ka nih vang hian min zah ru viau a,,Josh te angin min kawm ve bawrh bawrh lem lo…

Vawiin Sorkar chawlh anih avangin nilenga intifai a inbuatsaih na hun kan nei a,,ka haw pui hmanhmawh lemlo….Bike ken a rawt thin a mahse ka la duhlo tluang zel anih hi…

“Miss I chhungte an lo zin a mi Josh-an a sawi a??” a tih sup chuan,,Lu bu nghauh in,,”Um zin e ka unau te leh ka thiantha te…” tiin ka chhang a,,”Kan miss ni lo la chuan thiantha kan ni ve tur ania..” a tih chuan ka nui ri hak a,,”In miss ni mah ila thian kan ni thei tho alawm,,kan ni tawh reng zawk alawm..” ka tih chuan a lu a thing nghut nghut a,,”A nilo mi?? Thianah ka ngai che asin,, Ngaihtuah la,, in miss Esi,, Betty,, Josh leh Nang I U te lo tumah ka kawm miah loh hi…” ka tih chuan a nui ri hawk a,,”Anih chuan Miss thiantha ni ve ang aw..” a aw a phur na lang chhuak meuh in a ti chhuak hluai a,,Lawmawm reuh lutuk…. “Tehreng mai,,mahse College Pawnlamah chiah aw.. College Compound ah chuan Miss ka ni Pawnlamah chuan min U thei ang…” ka tih chuan a ner nang nang a,,In U chu a hreh viau a ni mahna….

“Miss ni vek mai rawh…” a ti hmuk a,,ka nui nghal hak hak,,Ani pawh a nui ve tho….Gate chhunglam kan luh rual chuan Zira an kawngkapui atangin a rawn chhuak ve chiah a,,Keini inkal hnaih bawk si leh lo nui dun hak hak min hmuh chuan zingkar karah min melh rum nghal run a,,Peka chuan “Good Morning Sir” atih chuan “Good Morning,,” tiin kan hmaah chuan a ding khat nghal hmuk a,,a palian si kan kalna dal tham a ni ve reng reng…Peka chuan min kalsan a,,Kei erawh ka hmaa ding run pa avang chuan ka la khawmuang rih a….

“Mahni Student te ngaizawng duh i nih ka ring lova…”ngeiawm zeta a tih chuan ka ner nak hepa hian ka mipa kawm apiang ka bialpa ah a chhuah zel dawn tihna em ni?? Ka bialpa pawh nise eng nge alo buai ve ngawt,,a bul hnaiha ka awm la hian ka boruak hip tur min hip khalh vek nge ka thawk hi a buai tlat zel lehnghal…”Ka thu ania,,Chutah chuan buaina i nei a mi??” ka tih let fak chuan rum nghut in hnuailam melh zawk in a kiai suk a,, a tawngkam nat nen a rul tawk hian chhang ila a thinrim ve ziah lehnghal…. “Buaina nei love sang taka hawi te an awm a,,hniam taka kun mi pawh an awm bawk a,,ka sawi ve mai mai nih chu…” ti hmuk in min kalpel nghal a,, “Hmeichhe nep lutuk” tia a phun sup chu ka hre hman hram…Tuna Nep tia a koh kha keimah em ni ang….He tawngkam hi ka haw lutuk…Hawi letin a hnunglam chu ka chhiat khum nghek a,,ka in step-ah chuan ka chhuk tau nghal nghawng nghawng a…..

Inchhung ka luh chuan an lo tho vek tawh,, Agnes-in thingpui alo lum a,,Eirawng an lo bawl mek bawk….Ka hmelah ka thinrimna a lang chhuak a ni mahna nga ti nge an lo ti nghal sap sap a,,Engmah sawi lovin Bathroom-ah lut nghalin ka sam kek nghek in ka au chiam ringawt….”Hmela Nep min ti tur khan tu phiangsen nge maw i nih hrep le……” ka tih chuan pawnlam atangin Mawitein kawngkhar a rawn beng ri nghal dawt dawt,, ka hawn hma loh a ti ri peih dawn tih ka hriat avangin ka hawng a,,”Eng nge thleng??” Ka hawn rual in a ti nghal vak,,kei ang tho a thinchhia anih hi ,,tihian thinchhia te min la ti ve lehnghal a….Ka chhan mai loh avang chuan min melh nghal vakin Shower a rawn On thut,,ka te nghal that…Tlanchhuah ka tum chu min man betin”Tui vawt hian thinrim a tireh thei titu kha nangmah i nih kha” tiin min pawm betin Shower hnuaiah chuan min dinpui a,,Zinglam boruak nen ka te chul a,,ka thinrimna pawh ka theihngilh vek….. Joseph-a Balcony lama rawn kal chuan,,”Puitling in nih tawh kha rawn chhuak vat ru” a rawn tih hmuk chuan la nui hawk hawk chungin Bathroom atang chuan kan chhuak a,, Inchhungah ala far huh vek zui…..

“Te inbual nghal law law rawh keipawh ka inbual ange chuan zana i thawmhnaw hak tur kan Bazar dawn nia…” Mawitein a tih chuan ka ner nang a,,”Nang hi ka closet ilo check leh tawh elaw..” ka tih chuan awlsam zet hian,,”Yesi,, Thawmhnaw i nei nalh lo hlawm si” a tih chuan lei ka chhuah khum vak,, “Designer thian ka nei a kawr pakhat pawh ka la hlawh loh hi aw Eki…” ka tih chuan a nui hak hak a,,”Keini chu kawr kan lo thui sa vek… Lokal zawng zawng chupawh ka kut chhuak ngat”ala ti ham ham zui,,min thui kep ve lo tihna ania ka inbual zawhah a chak lovang…

Ka inbual zo a,, Mawitei pawh Bathroom atangin a rawn chhuak ve chiah… “Mawiek In kawr tur in thui vek a,,Kei chiah ka tel ve lo tih i sawi tlat in ka hria” ngeiawm thei tur ang bera tiin ka closet chu ka hawng a,, Zaktheilo liani hi an kawr hak tur ni ngei tur Gown nalh tak tak a thui pathum leh mipa suit pathum alo in khai tlar thap a…Gown pakhat a sen lar vat chu la chhuak in,,”Hei chu a va mihur kawr tak” ka tih chuan a meng ling teh e,,A kawr a ni tih ka hre tlat a size atangin….”Hmeli chimawm suh aw ka buaipui duhlo tawp mai ang che”a ti nghal hlar a….Kawr dang chu la chhuak leh in ka en kual leh a,,engmah ka sawi tawh lo….ka thawmhnaw thlakin pindan atangin ka chhuak daih…

“Asawm Agnes Zanin hian in zawrh runpui a awm dawn em ni a??” Choka ka luh rual chuan ka ti nghal a,,Ka tawng zawi hranlo,,A chhanchu pindana awm Mawieki sawn hre ngei se ka duh….Ka thusawi avang chuan Mipa ho tiam in an rawn hawi phawk hra a… “Eng in zawrh maw??” Asawmin a tih deuh ha chuan,,Mawitei pindan Kawngkhar a ding chu ka mit sirin ka hmu ru reng tawh….”In taksa in zuar dawn mi,,sawtiang mi hur kawr te in rawn keng a,,Tu design nge ni reng reng??” ka tih rual chuan,,”Hmeli….Chimawm lian ka rep khawp ang che….” a rawn tih that chuan dawhkan sir lamah ka tlanchhe nghal a,,ngeiawm thei ang berin ka la nui zui….

Midang ho chu an nui hak hak a,,kei leh Mawitei kan in um kual thung…Min man dawn takngial a ka hriat chuan dawhkan chungah ka lawn a,,A bana rawn vai chu ka lo pet zeuh zeuh a,,ka chhiat khum zeuh zeuh bawk…. “In kawngkhar inhawng a,,kan lo lut mai” NuLiani aw ka hriat rual chuan ka ding ngil nghal awt a,,A hnunga Lalnunzira rawn ding ve nghal ka hmuh chuan chet nachang pawh ka hrelo…Mak ti hmel zetin an nufa chuan min en a,,Anni chuan nula nungchang zawiawi tak angin min hria a,, tunah lem ka dawhkan chungah naupang chhia zetin ka lo ding ur ur chu a ni sia….Van tih chi loh tak….

Dawhkan chung atang chuan chhuk nghal vatin inthiamlo hmel zet hian NuLiani chu ka melh a,,Zira erawh vawikhat mah ka melh leh tawh lo….ULawma chuan alo chibai vat a,, UChhana leh Joseph te pawh rawn in rawlh vatin Sitting room lamah an phei a,,Boruak tha ta ang maiin an titi nghal bawrh bawrh bawk… Engvanga Lalnunzira hi rawn kal ve ziah nge maw anih hrep le??

“Te Tu nge a??” Agnes-in a tih chuan “In neitu te ” ka ti sep…”Tlangval nge pa??” Asawmin alo ti vat,,Zira chungchang an sawi tih ka hre nghal ner khum vakin,,”Pathlawi” ka tih chuan an nui khur nghal char char an ler ania hemi te pahnih hi chu…. NuLiani leh Zira chhuah hnu chuan chaw ei kan siam a,, Lalnunzira chungchang hlir mi pathum te hian an sawi leh tawh…Mipa ho la hi an nui mai mai lehnghal a….Kan thawhna a in ang tih sawi ngat ila chuan an nasa leh hlawm ang chu aw……

Chaw kan eikham a,,Chhuah an rawt tlat avangin kan insiam sang sang a,,Mipa ho chhuak peih lo hmel chu kan nuih hak hak a,, Ka insiam laia Agnes-i min kohna avang chuan pindan atangin ka chhuak a,, Albert-a hmel ka hmuh chuan ka nui nghal var var… “Tete hei nizana Josh-a chawhmeh rawn lakna kha ka lo dah a” a tih chuan ka la vat a,,eng eng emaw kan sawi luam bawk….A chhuah hnu chuan pindanah lut lehnghal in ka insiam zo a,,Vawiin zet chu ka hlim hle mai,, ka chungah eng nge thleng dawn ka hrelo mahse tun hunah erawh hlim taka nuih ka duh….

Ka bike khalh tir ve ka phal miau loh avangin Keiman ka khalh a,,Mawieki a rawn lawn lehnghal hmak nia….”Mawiek tumah he bike ka neih atang hian ka la phur lo,,nizanah la i chuang leh ringawt tawh bawk….” ka tih chuan,,”Chuan nachhan ka nei alawm…” a ti duh lek chauh…Ni e,, Nicky-a nena kan thutiam tam zawk min hriatpuitu a ni miau alawm….Car keng lovin Bolero an keng a,,MC ah kan dah mai aniang chu…..

Bazar tur ka hriatloh laiin lei tur an hre zek lehnghal a,,Kan mipa ho ning lutuk hi an nuihzatthlak hmeichhe thu thu in an awm bawk a ni…..An ning ngang aniang Dar1 a rik chuan Eirawng kan lo bawl ang tiin mipa ho zawng an haw dial a,,Ka thawmhnaw hak tur tia min leisak Gown chu ka duh lem lo,, pheikhawk nise a sang si….Mahse mi pathum te hi ka hnial hneh ngang silova ka lei ta kha ania…Tunah Beauty Parlour ah min luh pui in vawikhat mah ka la tih danglam loh ka sam ka kawng thleng a sei ngil taka ka zuah chu an tih kir tir a,,ka hmai an facial bawk….Hemi te em em hi chu aw……

Kan haw chuan khua a tlai ruih tawh Mawitei nen Bike in kan haw a,,Asawmi leh Agnes-i erawh Taxi in an rawn haw thung…. Mawitei phone be reng chu ka ning lek lek….Sir Zuala lehkhabu release naah kan kal dawn a,,mahse Amah ber hi ka la be miah lova…ka inthiam lo zawk…..In kan thleng a,, Joseph-an “Sir Zualan kal hma turin min duh a,,Chaw ei kan peih tawh a,,hahdam ula ei mai ang u,,Zanah ei tur a awm dawn tho anih loh pawn Inah kan ei leh mai dawn nia” a tih chuan Chaw ei kan siam nghal a,,”Te i sam chu i inhmeh hle mai” ULawman a tih chuan ka nui nghal var var a…..Zanriah kan eikham a,,Thleng kan tihfel zawh chuan kan insiam nghal sang sang a,,Ka kawr tura kan lei Gown Pawlduk ruih Ka ke rek thlenga fual thla hnalh chu ka ha a,,Duh aiin a nghawng hi chu a zau mah mah a ni….ka pian alang chiang hle a,,ka khel atangin arh zetin a in cut thung….A puan hrim hrim a nalh sa bawk nen pheikhawk ka bun zawh a darthlalang a ka thla lo lang chu nalh ka ti ve hle a,, Make-up tlem hmang in Lipgloss senno chek ka inhnawih a,,Ka landan chu ka duhthu a sam hliah hliah….

Ka thiante pawh an nalh hlawm viau mai,, Mawitein Kawrfual sen lar zet,,A hnunglama inkawkalh nuai chu a ha a,,Ani pawh duh aiin a taksa a lang tam ala kak zui….Asawmin a dum fual,,a khup khuh a ha a,, Agnes-i erawh A hringduk zet a vun var haih ti lang chiang zet chu a ha a….Mipa ho nise suit nen an induang zaih a,,Mi hausa ho party na a kal tur pawh kan ang zawk alawm le…. “Selfie ang u” Joseph-an a tih chuan thla kan la a,,Zan dar6:00pm chiah a ni…. Mawitein phone a hmet mawlh mawlh reng a,,thla a la nge message a type pawh ka hrelo kan insiam lai atang khan a ni tawh….Bike kenna chi ni nghal lo chuan Lodge lam pan chuan kan chhuak ta dial a,,Kan thlen chuan Sir Zuala leh Miss Sangtei raipuar lang ve zet tawh chu kan hmu nghal a,,Kan in chibai lawp lawp hnu rei vak lovah kan Batchmate te ho an rawn thleng ve nghal,,Kan kim deuh thaw hial a,, Kan Section nilo pawh an rawn kal,, Jacinta-i nen kan inhmuh chuan inkawmngeih ber ang maiin kan inkuah a,,A chhungah an lut nghal zel bawk…Ruatdika ka hmu hlol a,,Ka incheina vang chuan min fak luam bawk…. Sangtea,, David-a,,Msi te thiandun pawh telin kan kim viau mai Kimlo chu tlemte chauh an ni…..

Sir Zualan min phut miau avangin Kawngkhar bulah dingin mi lokal chu kan lo welcome zel a,, Lalnunzira hmel ka hmu thut chu ka phawk
nghal hra mai….Min hmuh ve rualin min melh lehnghal run a,,hepa hi nga ti nge ka hmel a hmuh apiang hian a men rum nghal em em mai zel le….Sir Zuala chuan alo chibai vat a,, chutiang chiah chuan Miss Sangtei chuan a chibai bawk a….Sir Zuala chuan Min hmelhriat tir nghal zung zung a,,An inbe luam bawk,,Ziran kan thawkdun a ni tih a sawilo ringawt pawh chu ka lawm takzet…. Inchhung lam pana a luh chuan Mawitei chuan,,”Sir,,Zira nen khan in in hria elo??” a tih chuan Sir Zuala chuan Apa te unau a naupang ber fa anih thu a sawi a,,A nu leh pa te pawh an lokal dawn a ni awm e…. “Mak lehzel ve aw” tiin ka phun sap…. Mawitei chuan a in ka luah thu a sawi luam a,, Midang an lokal tak avangin kan sawi zawm tawh lo….. Lalnunzira awm ve vang nge ka awmdan hi a nuam lo tan viau lehnghal a….

Programme kan tan a,,Thusawi deuh hlir a ni mai….Keini batch ho chu hmun khatah kan thu a,,Ka rin aiin mihring kan tam bawk…. Zaithiam zai tura an sawm chuan tlangval la upa vak lo hi Guitar nen a rawn chhuak a,, A zai tan chuan ka phu zawk mai…. STARLIGHT mawi lutuk a arawn sak chuan ka chhunglam hi a che nghal dawt dawt,,ka bula thu Mawitei chuan ka kut a rawn chelh vat a,,ASawmi pawn a rawn chelh tho….Ka enkual a,,kan batch ho chu an inkai vek a,,Zai chu uluk fahran hian an ngaithla a,,Zai a zawh meuh chuan ka mittui a tling kiau thei,,ka rawmawl chuan ka in hru vat a,,Usher pakhatin min lo koh chuan Mawitei nen chuan kan chhuak a,, Sir Zuala hmel ka hmuh ruala a thusawi avang chuan ka mengphawk hra thei…. “Chief Guest alo kal lo,,Nangman release na programme hi hmang mai rawh” min ti anih chu….Awihawm loh hian,,Kan Sir lehkhabu ziah hi kei a zirlai naupang ve mai ni thin hian ka release ang maw….Ka tang nasa viau a,, Mawitei nen chuan min nawr lui ngat ngat thung…..

Miss Sangtei lo chhuak ve ka hmuh chuan,,”Miss” ka ti nghal tiau a,, hetiang teh thut a in nawr chu ka thisen hian a ngam bik lo,,ka tah te lam a chhuak zawk awm anglo lutuk,,”A hun tawh ania lokal ru,,Tete i ti thei em em ang,,Thusawi angai lo….Lehkha inziak sa i chhiar ringawt dawn alawm abak tawi te ka tlangzarh e tih zawng sawi kha a ni mai lokal rawh le…” a tih chuan an pathum chuan ka melh ngawt ngawt ringawt…. Ka confi em em rualin hetiang hun pawimawh lutuk a in koh thut atan chuan ka tlak loh,,A lehkhabu hming takngial pawh ka la hrelo ania…..An pathum a min ngenna mitmeng a min melh chuan phun chhuak sap in kan lut ta a,,Ka thut fel rualin Host a rawn ding a,,Buaina thleng engmah sawi miah lovin min ko chhuak a,, sawifiah ve awm ania,,mipui ho hian min beisei awm der silo ka ti rilru nghal…

Confi lo zetin dawhsan lamah chuan ka chho a kut an beng dar dar a,, Microphone hmaa ka din ruala ka hawi chhuah chuan Lalnunzira leh a chhungte ka hmu nghal,, Lalnunzira mitmeng bawk chuan min tibuai leh tawh…. Sir Zuala leh Miss Sangtei ka piah deuhah an ding dun a,,A nu leh pa te pawh an tel ve reng sia Kei kher min tih tir an tum hi ka hrethiam lo viau….Usher pakhat hian Tray rawn chawi in puan var in an khuh a,,Chumi pah chuan lehkha chu min pe a,,ka lak rual chuan ka thaw nghal halh….. Lehkha chu keu in Mipui ngawi thap lam chu ka en leh te te a,,Ka thiante ho lam ka en chuan an hmel a ngui deuh ruai in ka hre lehpek…..

“Lalhmangaihzuala lehkhabu ziah Hawngtu tura min ruat hi chawimawina ropui tak a ni” tih ka chhiar lai chuan Sir Zuala te nupa chu melh in ka nui sak a,, “He lehkhabu The One and Only tih hi Khawvel Mihring tam tak zinga Mi pahnih mahse pakhat ang mai a awmdun thin te chanchin bik liau liau ziahna a ni a…” ka chil ka lem nghal khalh a,,”He khawvelah hian inhmangaih tak te pawh an awmdun kher lova,,Mahse chutiang kara kalsan tu thinlung leh a kalsan tak thinlung sawi chhuahna lehkhabu a ni…”ka thu chhiar avang Ka ngaihtuahna a buai deuh nghal map a,,Sir Zuala chu mak ti hmel deuh in ka en leh a,,ka bul hnaiah a rawn kal vat…. A hmui phun a,,
” Chhiar rawh le….” a tih chuan a dawt leh a inziak chu ka en a,,ka tha a khur ru nghal der der a,,ka mittui a parawl nghal teuh bawk… Ka darah min rawn kuah in,,”Nicky-a tan i ti thei ania” Sir Zuala chuan a rawn ti sup a,, A tan liau liau a ka thu ziah a thlanlung ngei a ka ziah tir,, lehkha a inziak chu ka melh ngar ngar a,,Ka aw thian kharh in aw khur ru der der in ka chhiar a,, “He leia kan pangpar mawi ber chu a chuai ta a,,mahse Vanah erawh a aia par mawi reng reng awm tawh lo turin a vul ta….(Aw ka thian kharh a)….Ka hmangaih che Giraffe”tia ka chhiar zawh chuan Tap chhuak lo turin ka hmui ka pet fan fan a,,ka mittui erawh a luang nghal zung zung thung….

Lehkhabu chu la kangin a kawm mawi taka an siam,, Nicky-a thlanlung,,a ziak chiang taka a lanna bula a damlai thlalak Keima laksak ngei a thlalaka ka duhber ni bawk a ha uingho langa a nui lai lem chuang chu ka en vang vang a,,”The One and Only lehkhabu hi ka tlangzarh e” ka tih chuan mipui ho chuan kut an beng dar dar a,,Kan hnunglama a kawm ang chiah banner lian zet an rawn tih thlak rual chuan Sir Zuala chu ka kuah thlawp a,,ka insum thei tawh ngang lo a ni….A Lehkhabu hi chhiar miah lo mah ila a chhunga thu awm tur hi ka hrechiang em a ni….Miss Sangtei kan bul a rawn kal chuan lo ban vatin ka samah a chul nghal hleuh hleuh a,,Kut beng thawm a reh hnu chuan keipawh dawhsan atangin ka chhuk thla a,,ka thiante hmel ka hmuh chuan ka tahchhuak a zual,,Heti taka Nicky-a an la ngai pawimawh tih ka hriatna chuan min ti lawm viau bawk….

Programme a zo a,,Mipui nawlpui an haw a,,keini ho erawh kan la awm khawm vek,, hetiang anih vang hi ni maw ka thiante hi an lokal vek tih ka ngaihtuah a,, Lehkhabu chu an la lei vek zui,,Kei erawh a hawngtu ka nih manah min pe a,,ka lehkhabu roh ber tur anih ka chiang nghal…. Kan ri nak nak hlawm a,, Thenkhatin Refreshment an ei hlawm bawk a….Thiante hmai ka zah vangin ka tap tawh lo mahse ka chhungrilah erawh Nicky ka ngai vawng vawng….Min kawm hlim tumin tupawh chuan min bia a,,mahse a chanchin ziahna lehkha phek chu nilovin a chanchin diktak ziahna keimah hi an hmuh hmaih lo tih an mitmengah a chiang viau si a ni…. Kan haw dawn meuh chuan Zan dar10:00 a ri tawh a,,A tuk Saturday anih avangin Dine out an rawt leh hmak bawk…Tun dinhmunah chuan hetiang a hun hman pawh ka tan a pawi viau lo…..

“Puii ka rualin haw ta che” rawn ti tu Zira chu ka thiante ho chuan phawk hra in an en a,,Zira pawh chu a hmel awmdanah a hrilhhai ve a ni tih ka hria,,, Mawitei chuan ka banah rawn vuan vatin ka hmel awmdan chu chik zetin a en a,, ka thaw halh ringawt….Ka U te pawh chuan min koh dan chu mak an ti ve tih an hmelah ka hre reng,,mahse engmah ka sawilo….

“UZualan in thlah kual inngai hlawm a ti che u a” a tih leh chuan a mitah chiang zetin ka melh a,,Motor neilo thlah kual ngai chu an awm ngei a,,mahse nga ti nge keimah chauh min rawn sawm a,, Polite lo thei lutuk….

“Umm Tetei hi a chau deuh a,,ilo haw hma pui theih chuan a lawmawm ngawt zawk ang,,Thiante ho hi a remchan ang angin kan lo inthlah hlawm ang….A tha em Te??” a tih chuan ka hnial hlau takin min melh ngar a,,ka lu ka bu nghauh ringawt….. Kan thiante ho kan thlah liam vek hnuah Sir Zuala leh Miss Sangtei chuan a tuk dinner a inhmuh leh intiam in min kalsan a,,Zira nen chiah kan ni tawh….Ka lo enchiang miah lova a coat vuk buak rawng a hak chu a inhmeh hle a,,nidang anglo zetin a sam a ti pir deuh vah bawk….. A vawihnihna atan a Scropio Car ah ngei chuan ka chuang leh ta…

A tlanchhuak a kan inbe lo hrim hrim,,Kan in kawng lama tlan lova Chanmari kawng lama a tlan ka hmuh chuan mak ti fe in ka melh a,, A motor khalh lai chiah a ngaihtuah tih hriat zetin hmalam a en ngur thung….”Tih tur dang ila nei a mi??” ka tih chuan a lu a thing ringawt,,hepa awmdan hi chu a….Hmun fal deuh ah a ding tih ka hriat chuan ka hawi kual ruai a,,”Hlauhthawn hmel deuh khan awm suh,, I duhtawkin tap rawh pawnah hian ka lo awm ang” tiin a chhuak nghal nulh hepa hian eng nge a hriat lehpek tawh ni…..Motor hmaa min hnungchhawn a ading chu ka en reng a,,ka kuta lehkhabu ka ken chu ka khawih neuh neuh a,,Motor chhung light chu On in lehkhabu kawm chu ka melh nghal ngawt ngawt a,,Insum pawh ka tum tawh lo,,,ka tap chhuak hawk a,,a bul atangin engkim ka ngaihtuah thar a,,ka thinlung atang bawkin ka tap chhuak leh ta,,A natna pawh ala ngai reng a,,min kalsan ni a anat ang tho khan ala na reng bawk….. Lalmuanzual I lokir leh thei hram lo em ni???Anih loh pawh in I hnenah min hruai thei mai lovem ni??? Ka thinlung hian engtikah nge dam Ni hmel a hmuh ve ang le??Nilo dam tur pawh in ka duh lo,,ka ngai em asin ka ngai ngawih ngawih si a….

Conti……

Leave a Reply