You are currently viewing STARLIGHT – 17

STARLIGHT – 17

Spread the love


STARLIGHT – 17

JONSMELY BAWITLUNG

( ZIRA POV )

Kha zan atang khan Puii nen kan inbe tawh lo,, tisualtu ka ni tih ka inhriat rualin siam that aiin kalsan hi a finthlak mai zawk a,,ka pehhel fo nachhan erawh Keimahah hian awmzia neilo vat se ka duh vang a ni,,mahse chuti chung pawh chuan hmeichhe dang anglo takin ka rilru ngaihtuahna zawng zawng a tibuai vek a,,ka lakah engmah tih a neilo chung pawh a heti taka ka vei zui hi mak ka inti… Ngaihtuah loh duh in ka hna bakah ka pa sumdawnna thlengin ka khawih a,, Sandeep Singh nen hna kan thawk dun bawk a,, Ngaihtuah duh lovin hna lam ringawt ka buaipui a ni ber mai….Hun awl ka in siam hlek chuan ka ngaihtuahna luah hmasa bertu ala ni tho mai,,Zan ka muthilh theih miau loh avangin zu in ka ching zeuh zeuh a,,Ka pindanah anih avangin Ka chhungte chuan an hre lem lo…..

“Zira tunlai i awmdan hi mak ka ti riau mai,, harsatna i tawk em ni,,Nge ni a thil dang zawk??” Lalremsanga ka naupan lai atanga ka kawm hian min chik ngailo emaw ka tih laiin ka awmdan ka chhungte pawh in an hriat ka hlauh em em a rawn hre chat nia….

“Engmah a nilove…” ngaihsaklo zet chuan ka ti liam puat a,,mahse Ani ngaihdan ni leh lo chuan ka mal chunga Laptop chu a rawn chawisawn nghal vut a,,lak let sak viau ka tum pawh in a phal thak lo…Chik zet hian min melh run a ka nuih a ti za leh hle tawh,,ka nui hawk a,,mahse a nui duh hauh lo nia,,hepa tak hi chu…..

“Min hrilh teh Miss Maria-i nge Hming hriatlovi kha??” a tih chuan ka ner sawk…Ka sawi hma loh chu min zawt leh char char dawn tih ka hriatchian em avangin ka thut dan siam rem in ka hmalam tukverh chu ka thlir deuh vang vang a,,Thawk ka la hawk….

“Hming hriatlovi kha a hming ka hre tawh…” ka tih chuan phur hmel zet hian a rawn thu hnai a,,tu nge?? a ti nghal sek sek a,, hmeichhia ang chiah hian zu han khawsa thin a,, “Tetei” ka tih sup chuan,,”Tu tetei,,khawi a mi nge??Tu nge a chhungte??” a ti nghal duah….A hmel en in ka chek tlak a,, “Mipa ve si hmeichhia ang chiah hian khawsa ziah suh…” ka tih chuan,,”Sawi mai teh” a rum nghal ul a,,lu thing ngut ngutin ka thutna atang chuan tho in ka mini fridge lam chu ka pan a….”Ka tana ruat anih loh avangin sawi thui ka peih lo” ti hmuk a fridge ka hawng chu,, ka bulah a rawn ding ve nghal….Cold drink la chhuak in ka hawng a,,ka in nghal khawlh khawlh….”Pasal nei lai a mi??” tia min zawh chuan ka chhang lo mahse ka rilru chuan,,”Nei zawk sela a tha tur,,chuan hetiang hian ka buai lo mai tur ania….” ti rilru neuh neuh…..

“Thianpa pawi ka ti hle mai,,Nang meuh in awmdan hlolh khawp a i vei hmeichhia chu a tha tawk ang tih ka hria…..Mahse kan duhdan hian thil a thleng vek theilo,,,mahse Pathian hian kan tana tha tur zel hian ania ro a rel thin…” a tih chuan a lam hawiin ka nui suk a…

Ni a liam a thla a liam a,,hun la tuma chelh din theih rual lohvin a liam zel chu ania….Thla thum ngawt a ni ta Ani nena kan inbiak lohna pawh,,A hriat lohvin ka thlir ru fo a,,a class la lai te,,a nui hmel leh a thil tih ka hmuh phak chin apiang chu ka en zui reng thin,,mahse ka hnaih leh tawh ngailo,,Ka bialnu pawh nilo,,hun reilo te chauh ka la hriat hmeichhia avanga ka awmdan phung buai vek hi ka in dem a,,ka in zahpui a….Mahse en loh ka tum pawh in Amah hmuh chakna in ka khat thin si a,, Lalhlupui ka nun khua hi i van tibuai tak em!!

Maria-in Canteen kalpuiah min sawm tlat avangin Puii leh Esi an kal tih hre ru rengin ka kalpui a,,Ka hmu ta chiah bawk…Inbe miah lo mah ila hetia ka hmuh ringawt pawh hian ka hahdam phah viau thin….. Zanah Uzuala Ka PaPuia fapa nen kan inbe hlol a,, District dangah awmin Private High School changtlung takah a thawk thin a,,Tunah erawh Sorkar School ah zirtirtu a ni ta a,,Athawhnaah khuaah a tang hlen daih lehnghal,, Nupui neiin fapa an nei a,,tunah a chhang tur an pai leh chauh a,,an fa neih khat danah fa tam neilo tur annih hmel viau…Kan Cousin hoah chuan UZuala nen hian kan inkawm tam ber a kei aiin kum4 in a upa a mahse a bulah hian ka tal tam viau ngainat pawh kan in ngaina ber bawk…..

Lehkhabu release chungchang a sawi chuan ka lawmpui viau mai,,High School a thawh tira a zirlai naupang pahnih chanchin hi min hrilh fo a,,,An chanchin a sawi ruala a hlim hmel te Perfect lutuk tia a sawi thin te chuan hmuh ve ka chak thin,,a chhanchu a sawidan atangin hmeichhia leh mipa naupan tet atanga inkawm thanglian dun leh thian inhmangaihna,,unau inhmangaihna,, nula leh tlangval inhmangaihna zawng zawng anmahniah a hmuh thu a sawi miau a,, chutiang taka inzawmna thuk chu hmuh tur an vang a,,Kei hmeichhia vang a buai ngailo leh Hmangaihna awmzia hrelo hian ka hmu chak thin viau anih kha….

Kum eng emaw zat liam ta khan A mipa zawk a boral thu min rawn hrilh a,,Ka hriat zawng anni miah lo chung khan Engtin nge hmeichhia kha a awm ang tih ringawt ngaihtuah in zan tam ka muhil theilo ve ringawt anih kha….Tunah khami te pahnih Chanchin a ziahna Lehkhabu a release dawn a,,Ani meuh in kum tam tak liam tawh thil a ziak anih chuan a la vei zui zel tih ka hriat rualin a tha tawk ang tih ka ring thiam mai… An lehkhabu release na programme buaipui sak vek ka hnial loh viau rualin a duh tlat loh avangin Pawisa ka pe ta tho a,,Kan chhungte dang pawh hian an phurpui viau a ni tih an sawi dan atangin ka hria….

Ka class bang ka nu in Puii lehkha pawimawh a rawn thlen thu leh a bang tawh leh tawh loh a hriat loh vanga ala dahthat thu a sawi chuan eng nge ka ngaihtuah ka hrelo ka lo pe ang tiin Envelope hlai zet chu ka la a,,Ka pindan lamah inthlakin ka in tifai hmasa leh phawt a,,Puii lehkha dawn ka khum bul dawhkana ka dah chu thlek vung vung in In hnuailam pan chuan ka chhuk thla nghal a,,A Kawngkhar ka kik chuan a hre mai lo,,ka pawt a a rawn inhawng mai ka hmuh chuan ka pen lut a,,ka thil hmuh avang chuan ka ni nghal hulh thei…. Puii thingthi a,, lehkhabu lian zet zet pawma a tap hlawp hlawp ka hmuh chuan ka in ngaihtuah nawn hman lo a bulah kalin ka kuah a,, Engvanga hetia tap mai hi nge maw anih le??A na hle tih a aw rawl chhuah meuh a atahna chuan a ti chiang a hetiang taka na a siamtu hi tu chiah nge anih le?? A na lai ka hmuh hian ka chhunglam hi a na ve nghal vawng vawng a,,Amah hnem theitu nih hi ka va’n duh tak em!!!Mahse a tap zo a,,a ngai te bawk in Inbe zawm lovin ka kalsan leh ta….Biak a,,a tah chhan zawh a hnemtu nih ka duh mahse ka thei silo a ni,, Amah ngei hian a ni hla taka min dahtu chu….

A ke kha a na viau angem le?? En sak ka tum la khan a duh hauh lo lehnghal a,, Hetiang a rilru nuam leh lo tur te chuan nga ti nge ka lo en sak mai loh ni,,Ka kalsan hnu chuan ka ngaihtuah zui reng a henu ka rilrua a thi theilo hian ka thin a ti rim takzet….Amah vang bawk in ka muhil leh thei dawn lo anih hi….Ka va han nep sawt em em ve mawle ….. Tuk thuan kan ei laia ka nu in Puiin mikhual a neih tur thu vel a sawi lai chuan ngaihven angin ka lang lo,,mahse eng mikhual nge maw a neih dawn le…..

Puii College a kallo tih ka hriat chuan ka hnual rawih in ka hria,,ka nileng hun chu rei ka ti takzet….Esin lunch ah Canteen kal min sawm a,,Maria-i rawn lan hma in kan kal daih,, henu hi ka hauh khan a reh zawm ka rin tehreng nen a rawn lang leh tan tawh a,,ka hne ngawih ngawih….Puiin a thik beisei in vawikhat an awm laiin Canteen-ah ka kalpui a engah mah a ngailo zui….Khata tang khan Maria-i la hian min hnaih leh sauh a,,Engtia tih chi nge maw ni dawn le???.

“Zira Tetei nen hian in in hau em ni??” Esin a tih chuan ka ngawi ngul a,,chhan pawh ka tum hranlo…. “A tirah boruak tha tak kan nei dawn emaw ka ti a,,tunah lem vawikhat pawh inbe lovin tihian in awm ania,,eng nge in awmzia hi??” a tih hlak chuan Ka melh nghal vung vung a,,”Min melh vung vung lo khan min chhang teh??” a tih leh chuan ka thaw hawk…. “Kan inhauh awm pawh ka hrelo,, min ngainat loh hmel em a” ka tih sup chuan chiang zet hian min en a,,”Tlaiah a inah chaw ka ei dawn ania,,mikhual a nei dawn a,,a chhungte an rawn thleng dawn a ni awm e…” a tih chuan ka lu ka bu nghut a,,Ka thaw a veng hawk thei….A bialpa te ho a mikhual mai mai dawn emaw ka ti hman……

Tlailam a ni a,,Puii inkhalh chhuak chu ka tukverh atangin ka thlir reng a,,a rawn leh pawh ka hmu bawk….A chhungte nen an ri deuh nak nak a,,a khawhar pawh a zia viau tak ve ang….Kan Betty la hian a ngaina em em a,,a kal deuh reng bawk si,,khap ngawt dawn ila a ni ber bawk silo….An miss ania a nel em em a,,thil thalo a ti pawh a nilo….Betty chauh pawh hi a nilo ka chhungte hi chuan an ngaina vek…..Amah pawh hian a ngaina ve tak takin ka hria mahse kei ve hi chu min ngaina hlollo a ni e…..I mit entir teh tih mai te hi ka duh rum rum zel…..Ka fawh tuma a hmui thlum tui zet kha a ngawl ka vei lo ka tih chuan dawt ka sawi aniang mahse fawh nawn tih la awm bawk silo….Amah ka hmuh apiang hian a hmui mawlh hi ni ka lo en leh veng veng zel chu…. Atthlak taka chet lak erawh ka tum tawh hauh lo…..

Zingah hma takah ka tho a,,ka tih fo dan in thui tak ka tlan a,,Tukin erawh ka tlanna lam ka thlak a,, Volleyball court ka thlen chuan Puii chu mipa rual bulah Volleyball alo beng anih chu….Ka chhungril a natna awm a in hawr khawm a,,thinrimna in min rawn luah a,,Ka kut ka hum ruh ngawt ngawt,,Mipa pakhatin a lakdan vel a zirtir laia a awmdan zet chuan insum thei lova min siam mai hlau in In lam panin ka haw nghal a,, Bathroom ah lutin shower chu ka on nghal ka thawmhnaw inbel nen lam ka huh vek…..Na zetin boruak ka hip a ka thaw chhuak leh a,, chutianga rei deuh tak ka awm hnu chuan ka thawmhnaw phelh in ka inbual a,,Ka inbual zo pawnlama ka chhuak leh Peka leh Puii gate a rawn lut ka hmuh leh rual chuan ka pan hnai a,, Volleyball Court a mipa kha Peka hi a ni tih ka hre nghal.. Puii ka tawngkhum dan chu keimah ngei pawh hian ka duhlo,,Mahse ka hre tawh biklo henu lakah hi chuan insum theihna hi ka nei tlem em a ni……

Puii chhuk tau nghawng nghawng chu thlirin ka nui suk a,,ka tawngkhum dan kha ka dik ka tilo mahse tuna a awmdan saw chu a nuihzatthlak takzet….Naupang chhia lutuk…..Inchhung ka luh rualin ka nu in Puii Ina kalpuiah min sawm leh tlat a,,nichin lawkah khatiang khan ka tawngkhum a tunah a Inah ka kal leh dawn chu ania…Ka nu ka hnial hreh bawk si chhuanlam la ka nei miah bawk silo.. Kum 35 ka ni ve tawh chung hian ka nu leh pa te thu ka hnial chu kut tang zat lek a ni…Tunah pawh hreh ru tak si hreh anga lang miah silovin ka zui leh chu ania…Chaw ei hma zu lang ve ang a chhungte an lo thleng sia a tih vanga kal kan ni…..

Kawngkhar in hawng saah chuan kik pawh kik lem lovin ka nu chu a lut a,,a hnungah ka zui a,,ka thil hmuh avang chuan ka mengphawk hru mai….Puii dawhkan chunga ding nui hmel leh awmdan kha….A sirah midang an awm vek a an nuih mai mai zui henu hi eng ang hmeichhia chhiah nge anih le,, hmeichhe ngawichawi tak a niin ka hre si a….A U te pahnih in min chibai vat a,, sitting room lam pana min kalpui hnu pawh in ka melh zeuh zeuh….A zak tih a awmdanah ka hre thei bawk….Nula puitling tawh lecturer ngat lehnghal dawhkan chunga lawn a lo nuih uar uar chu mak danglam em a ni….

A u te pahnih chu biak an nuam in an fel khawp mai chutih rualin an thianpa pawh hmeichhe ho erawh ka hrelo Choka lamah an awm vek sia…Kan haw rualin ka phone a rawn ri nghal a,,ka chuan Zuala screen a rawn lang ka hmuh rual in ka pickup nghal vat….

“Zira zanin kha i theihngilh ange aw” a rawn ti nghal thawr a,,”ka hria lawm….Chhunlamah ka rawn kal ang”Ka tih chuan,,”Awle Nutei leh Patea pawh ka phut tlat ania ka be tawh tho na in lo hrilh leh hrim hrim rawh” a tih chuan “Awle” tiin phone kan dah a….Tukthuan kan ei a,,Eikhamah PaPuia te In lam a kal turin ka inkhalh chhuak a,,Betty-in min zui lui leh tlat bawk….He nau tak hi chu ka hau phal bawk silo,,mi hi a zui duan duan reng mai a….

PaPuia te in kan thlen chuan USangtei leh Betty chu an inkuah nghal chung a,, Kei erawh Uzuala nen Sitting room lamah kan thu thung… A Lehkhabu chu fiamthu a min present ve tura ka tih chuan min pe ve mai bawk a,,In pek tir pawh ka tum tak tak lo asin le…Hehe….Eng eng emaw sawi a kan titi luam hnu chuan zan lam programme a awm avangin haw ka rawt a,,Betty a haw leh duhlo,, UZuala fanu Loise bulah a awm leh tlat a,,ka hawsan ringawt….

Kal hma vak a ngaihloh mai bakah ka nu leh pa te a hrana an kal dawn avangin ka hmanhmawh lemlo….Kawta Motor tlanchhuak ri ka hriat chuan Puii te an chhuak anih ka ring ve tawp…UZualan min rawn call chuan kal hma turin min duh thu a rawn sawi a,,Ka kamis ha in ka kekawr kawngah thunlut in ka Coat bodyfit tha zet chu ka ha nghal a,, inhnuai ka chhuk chuan ka Pa in,,”Ka hmanhmawh lo i ti sia i va hma leh si ve??” a tih chuan UZualan min rawn biak thu ka sawi a,,pawnlamah ka chhuak nghal a….

Lodge ka thlen chuan pawnlam pawh mi an lo tam ve tawh khawp mai,, Corridor lamah ka lut a,,Puii leh a thiante pahnih ka hmuh chuan mak ka ti viau,,Ani pawh in mak ti hmel zetin min en a,, UZualan ka ex students an lokal nual dawn atih tak kha mawle,,Ani pawh a ni ve tihna aniang,,a inchei dan mawi zet leh inhmeh lutuk chu ka melh leh ralh thin,, Hetiang thawmhnaw ha hian ka la hmu ngai lova a kawrfual pawlduk ruih inhmeh zet leh a pian dik zet lang te chuan a tizahawm hle si… A sam tih danglam chuan a ti lang upa ve deuh a mahse a inhmeh em em tho si a……Programme kan tan a,,Thusawi tam zawk a ni a,, zaithiam an sawm a zai lai chuan Puii leh a thiante ho thutna lam ka en chuan an lo inchelh thap a,, an thianpa puala hun an hman chu an la urhsun hle a ni tih ka hrethiam…..

Lehkhabu release a hun a,,Puii dawhsan lama an koh chhuah chuan mak ka ti hle a,,mit khap hauh lovin ka melh vung vung bawk… Ani pawh in min hmu tih ka hria… Tuna a awmdan zam hmel bawk si,, huphurh hmel bawk si saw Amah ka hriat atanga ka vawikhat hmuhna a ni….Usher in lehkha a pek chuan a thiante lam en in a hawi kual a,,a chhiar zui nghal a,,A chawl dat a,,a chhiar leh erawh a aw a khur ru dar dar a,,A thu chhiar chuan an thianpa chu a hriatchhuah tir pawh a ni mahna….A chhiar zel a,, Ka hmangaih che Giraffe a tih lai erawh a thinlung takin a sawi a ni tih tupawh in kan hre vek a,,Ka nghing lawih a,,thil awmzia ka hrefiah nghal kuar kuar….UZualan a sawi ziah a school naupang te kha Puii leh a thianpa hi maw ni a!! Ka awilo ti ngawt dawn ila tuna a awmdan te sawn a tichhiang hle si…. Uzuala chu a kuah a atap khur nghal hlawk hlawk a,, Chutiang chiah in USangtei nen pawh an inkuah a,,Dawhsan atanga a rawn chhuk thla chu chiang zetin ka melh,,he hmeichhe hi Tu nge anih tih ka hriat hma daih atangin ka nun phung tibuai tu anih tawh….A thianten an kuah sap sap a,,A mittui a hru leh zeuh thin pawh ka hmu…..

Programme a zo a,, Uzuala te lam ka pan nghal nalh,,”Amah kha a mi??” tia ka zawh chuan a lu bu nghutin,,”Khi khi A mipa” Banner intar kulh chu a kawk a,,Chibai tu neuh neuh a neih reng avangin kalsan in Banner hmaah chuan ka ding a,,ka melh nghal vawng vawng bawk….Mipa zaidam leh ngilnei tak anih ka ring nghal a,,a chanchin tam tak ka hriat atang pawh in Ani ngei ang….”Nang chu Puii nen in seilian dun a,,mahse a tawp erawh i khar thei lova,, Khawngaih in Puii hi ka hnenah min pe tawh ta che,,Kum tam tak a tap tawh a,,chu a tahna mittui chu ka hruk hul sak phal tawh mai la….” tiin ka phun chhuak sup….

Ka hnunglam atanga Uzuala min ko ri avang chuan an awmna lamah ka phei a,, Puii a ngaihtuah thu leh inthlah kual an ngaih thu sawi a thlah mai tura min tih chuan ka hnial hauh lo,,,An awmna lam panin ka kal a a hnunglam atanga a landan nalh lutuk te hian min hip em em a,,A hminga ka koh chuan ka tawng hre pha tawh phawt chuan min en vek in ka hria,, eng nga ti nge mawle?? Taka Tete tiin an ko miau alawm…..

Min thlah fel vek phawt a tih miau avangin a tawp berah kan inphur chhuak a,,A Lehkhabu pawm ran leh ngawi kar ka hmuh chuan hun thawl a mamawh tih ka hria,,a hma pawh in a tap lai ka hmu tawh tak e….Tuanah pawh hun a duh ngei ang….Kan inpeng nilo lamah tlan in Kawngsir reh laiah ka dinpui a,,in pawh a tam lo,,A duh tawka tap tura tiin ka chhuahsan a,,mahse a tap ri ka hriat meuh chuan ka chhungril hi a na vawng vawng…. A tap bang tawh ni a ka hriat hnu chuan a thutna lamah kalin a kawngkhar ka hawng a,,a kun tlat avangin a hmel ka hmu theilo.. mahse a la inhnit hlawp hlawp tho,,ka coat hak chu phelh vatin,,a hnunglam atangin ka khuh a,,kalsan leh mai ka tum chuan ka banah a rawn chelh a,,ka ti nawn leh ang tih pawh ka rin hauh lovin ka awmah pawm in ka kuah a,,a tap tha leh ni berin ka hria…..

A nat dan ka hriatthiam pui lova,,an hun tawn la hriatpui tu ka ni heklo ka hriat zawng chu a mittui a tlak hian ka na ve tih leh hetia Amah thlamuan thei a awm hi ka duh takzet a ni tih hi,,Tun ang hian a nat apiangin ka bulah awm se,,kuah ila anatna chhawk thei ila tih ka duh,, chu chu chiang takin zanin hian ka hre bawk….

“Haw tawh ang” ka awm zawna a rawn tih sap chuan ka kuahna atangin ka phelh a,,a hmai zawnah kun hniamin a sam ka siam tha a,,A chalah ka fawhsak ta vawng vawng a,,a Mamawh ber ni a ka hriat vanga ti ka ni,,a chesawn lova,,engmah a sawi heklo…Ka fawhna atanga ka inlak hran hnu chuan Kawngkhar khar phui sakin Driver seat lamah ka phei nghal a,,Motor chhungah lutin a lam ka hawi zeuh a chesawn eih lo,,a tahnaah a chau viau pawh a ni mahna…. In lam panin ka inkhalh a,,Ka lo tlan thui hman hle tih haw kawngah ka hre chiah,,Kawta motor ka tih din chuan Puii chu ka melh zelh a,,alo muhil reng chu niin,,dim zetin ka thutna atanga chhuakin alamah ka kal a,, kawngkhar ka hawn a ka chawi chhuah lai pawh chuan a harh hauh lo….A muhil hmel ka en chuan ka run nghut a,,hetiang taka hrehawmna leh lungngaihna tuar tur chuan ala naupang mah mah asin le….

A Inchhung ka luh chuan a unaute leh a thiante an lo awm vek tawh,,an ngaihtuah hle a ni tih an hmelah a hriat bawk….”Nga ti nge??” A U chhanan a tih chuan a muhil tiin a pindan Hmeichhe pakhatin min kawhhmuhna lamah chuan ka chawi lut a ka mut fel tir hnu chuan en leh vang vangin pawnlamah chuan ka chhuak zui nghal a,,Lawmthu te an sawi hnu chuan ka haw ve ta nghal a…..

Ka room ka luh rualin ka inthlak nghal a,,Vawiin lama Uzuala lehkhabu.min pek chu la kangin ka en nghal vang vang a,,Puii thu chhiar tawp lama mi kha thlanlung a inziak a ni tih ka hre ve chiah bawk…A phek hmasa ber thuhmahruai atanga tan in ka chhiar tan a,,A bu a chhah viau mahse chhiar zo lova muthilh ka tum hauh lo….Ka chhiar a ka chhiar zel a,,Ka chhiar zawh ruala Ka mittui a tlak lai ka hrelo,,ka hriat theih chin ata ka mittui far ka vawikhat hriatna anih rualin chupawh Lalhlupui vang bawk a ni leh ta…..

Kum10 a ral hnuah pawh ila tap fo a maw??Ila na reng chu a ni sia,, Hmangaihna awmzia hrelo mah ila hmangaihna chu ka hmu ta alawm,,Puii tia ka kohna a duh loh em em nachhan pawh Nicky-a chauh in a koh thin vang a ni,,Ka naute,,Mate,, Elephant duhawm te,,ti te in a ko thin anih kha,, Volleyball a bansan tawh,,a lunglen em vangin tunah a khel tha leh a,,Zirna kawngah tum em em neilo mahse Tunah Nicky-a duhthusam a ti hlawhtling vek a,,naupang te in….Amahah hian Nicky-a hlimthla a lang a,,Amah hmutu apiangin Nicky-a an hriat theih nan nun a hmang chu a ni si a….He hmeichhe khawngaih thlak,, hamngaihna avanga natna in a tuam hi vawikhat tal a thinlung atanga nuih tir leh ka duh a ni….

Lehkhabu kawm chu en in,, Nicky-a thlalak chu ka melh vang vang a,,”Ka dil ang che khan Puii hi hlim taka ka siam theih nan min puih rawh aw,,,I hmangaih ka duh a ni chuvang chuan hi hlim taka nuih tir ve ka duh…..” ka ti chhuak sup a……

Conti……..

Leave a Reply