You are currently viewing STARLIGHT-20&21

STARLIGHT-20&21

Spread the love

STARLIGHT – 20

( TETEI POV )

College Week a awm dawn avangin kan inbuatsaih nasa ve hle a,,tute pawh mai chu kan buai ve hle a ni…. Items a tam dawn a,,Ni hnih outdoor lam a ni dawn a abak chu College Campus chhungah anih dawn avangin Zirtirtu te pawh kan buai tawh angreng viau mai….Zirlai te in tih hlimna hun tur anih avangin a zau thei ang ber duan a ni a,, Zirtirtu te pawn mawhphurhna kan ngah viau mai…..

“Te keichu ka duty na tur hi ka peih lo e…” Esin a tih nang nang chuan ka nuih sak a,, keichu Volleyball-ah ka duty dawn a,, Sir te ho bulah a nuam viau in ka ring an thiam hlawm si….Esi erawh Painting na lam velah niin ka hria….

“Keichu ka vannei Volleyball-ah nia ka duty dawn ni…” ka tih chuan a ner sak a,,a peih lo hmel pe na ve lutuk hian ka nuih a ti za viau lehnghal…..

Canteen-ah kan awm a,,Vawiin chu Zira a buai avangin kan pahnih in kan ei a,, kan chawlh fo hnu hian zirtirtu dang te pawh hi an lokal ve ta fo mai…

“Te Zira kan kawm tam lutuk hi chu Maria-i hi kan la chelh lovang tih a hlauhawm khawp mai…” tia Kawngkhar lam a melh zeuh chuan ka hawi phei ve nghal a,, Maria-i leh a thiante pahnih chu an rawn lut ve chiah kan lam a rawn melh zeuh a,, Zira a awm loh vang a ni mahna a ner deuh sak a,,min kalpelin kan thutna bul chiahah chuan an thu a….

Miss Dini,, Maria-i thian pakhat chuan,, “Maria i bialpa hi chuhpuitu i nei vat ang i thlah zalen mah mah a ni….” kan hriat theih ngei tura sawi a ang mah zawk…..

“Nia Zira hi chu a chhelo ve sia hmeichhia zawng zawng hian an star emaw tih theih tur khawp ania,,An department ho te hian zah pawh dawn lo hian Lunch-ah te hian an hruai chhuak ziah lehnghal a,,mahse College Campus ah na na na hi chuan anni aia ka class sanna tal hi tih lan ka duh avanga khak lo ka la ni” Maria chuan a ti hmak a,,Ka kut ka hum ruh nghal teuh….

Kan inngaih bel ngei theihna tura tawng dan an thiam in an nekneih thiam hle a,,Esi mitmei hi hmu lo ila chuan ka tawngchhuak ngei tawh ang….Ka thil ei lai pawh a tui tawh nek love….

“Tho teh kal teh ang,,Mi anglo bula thil ei ka peih love….” Ti hmakin ka tho a,,Esi chu a tho vat a,,kan kal tur chiah chu Maria-i chu a rawn ding thut a,,Min sut ruala a tui no ken chu ka kawr awmah a rawn tibaw vek a,,Amah zawk chu a rak that a,,”I kalna en ta che” ala rawn ti vin that zui..A thil tih dan chu mi a ber pawn a tih luih a ni tih an hre ngei ang,,Zak miah lovin thiamloh min chantir tih hriat takin min la vin nghek zui a….. Lalhlupuii tihbuai pawi zia hi ala hre ve lo a ni ngei ang…..

“Nang….” ka tawng zawm hma in Esin min rawn chelh vat a…..

“I phu tawk chiah,,a lehpekah chuan i lu atangin a ni tawh ang..” Maria-i tawng dan avang chuan ka thaw hak a,,ka kut ka hum ruh ngat nghat a,,Esin ka ban a chelh tlat nachhan hi ka hrethiam theilo…

“Sir Zir” Miss Dinin a rawn tih hliai chuan Maria-i landan chu a danglam nghal vek….
“Miss Tete pawi ka ti lutuk,,tihpalh leh tihsual hi chu a awm ania.. Khawngaih in thinrim lo hram rawh….” Maria-i awmdan chu ka hriatchian em avangin kawng dawm meuh in ka nui hak a,,

“Eng nge thleng a,,Puii nga ti nge i kawr chu??Naupang in an en vek che u ania….”
Kan bula Zira a rawn kal chuan a rawn ti nghal zat….

“Keimah mawle ka fimkhur loh vang vek a ni,,an chhuak tur leh ka kal tur kan innek fuh palh a,,ka no ken in ka leih fuh palh liau liau a ni..Ngaihdam ka dil a mahse hei a thinrim hmel lutuk a…” Hrehawm tih hmel zeta a tih chuan,,ka mit ka chhing sawk a,,A thiante pahnih la chuan an la rawn sawipui chiam zui….Tihpalh nise ka thinrim hauh lovang,,mi tihpalh a thinrim khum tur khawp in ka te lo…..

“Puii tihpalh anih chuan hriatthiam tum ta che puitling in ni tawh Hetah zirlai naupang hmuh lai lehnghal hetia awm hi a zahthlak emai,,Buaina hi zawn loh tur….” Ziran a tih chuan ka melh zawk,,Ka nui hak a,,mahse ka nuih zat vang a nilo,,ka thinrim em vang zawk a ni…. Esi min vawnna chu ka thing thla hmak a,,Zira kalpel chuan Canteen atang chuan ka chhuak nghal nal nal…

“Te min lo nghak la…” ka hnunga kal Es’in a tih chuan ka kal hmawk hmawk tho…. Class pangngai lak loh tur a ni a,,haw daih ania ka duh ni….

“Good afternoon Miss” ka hmaa Peka rawn ding thut avang chuan ka kal lai ka ding chawt…Rum zet hian ka melh a,, “Vanlalpek khatiang in Miss te an be ngai a mi” ka ti nghal hlar a,,nuam lo ti hmel tal a put ka ring ania a la nui var var zui….

“Awm sawn rawh ka kalna i dal ania” ka tih chuan a chesawn duh chuang hauh lo….

“Peka in class-ah va kal rawh…” Es’in a tih ve pawh chuan a chesawn duh chuanglo…

“Miss,,miss Tetei hi biak lawk ka ngai a…” Esi bula a tih chuan ka melh hrawk a mood fuh loh nen hauh hrep ania ka duh ni..

“Anih chuan Te room-ah ka lo kal hmasa ange…” tiin min kalsan a,,

“Miss thil thleng kha ka rawn hmu hman vek ania aw….” Pekan a tih chuan,,ka melh rawm rawm a,,sawi chhuah kha a Tullo lutuk…..

“Eng nga tan nge min biak duh??” ka tih chuan,,ngawi rengin a ding a,,min melh ngur bawk….Min en reng avang chuan ka lai ru hle a,,mahse ka zirlai naupang hmaa zak anga lan ka tum der lo…..

“Miss hi a thinrim hle tih ka hria a,,chuvang chuan Amah tihlim turin a bulah ka lo kal vat anih hi….Ka fel em??” tiin a nui nghal var var a,,a awmdan chu nidanga a awmdan nen a in an loh em avangin ka nuih a ti za takzet….

“Chuan miss i tan…” tiin Lollipop lian zet hi min pe a,,ka in hman hma in ka nui chhuak ta hak hak,, “Miss i thinrim hmel ai chuan i nuih khan i hmeltha daih zawk…..” a ti zui zat hepa te hi eng nge a hriat reuh ni…. Lawmawm reuh lutuk mai…..

“Ok anih chuan i fel bawk si a,,in class-ah kal tawh la…I thiante saw an rawn hawi reng a,,an ngai diklo palh ang che…” ka tih chuan kan piah deuh a a classmate te thu khawm luih lam chu a hawi zawk a,, “Miss thinrim tawh lo phawt la…” a tih leh chuan lu ka bu nghauh a,, “Anih chuan ka kal ange…” tiin a kut a vai zauh a,,a kal nghal a,,a kallai chu au ding in,,ring vak lo hian
“E chuan Peka Hei vang hian ka lawm e o” tiin a lollipop min pek chu ka vai zeuh a,,a nui nghal var var a……

Staff room-a ka luh chuan zirtirtu an lo awm mang lo…Ka chair a ka thut thlak rual chuan Esin min lo be vat a,, “Te ka tihpalh aw,,mahse khatia ka tihna chhan kha a awm ania,, Naktukah i hrethiam mai ang….” a tih chuan mak ti zetin ka melh a,,mahse engtin mah ka chhang lo,,

Volleyball practice an awm nak nak a,, Incharge a ka tel ve avangin an bulah ka awm ve ran a,,hna dang awm miau heklo…

“Miss Tete hawh khelh pui ve ila,,” ka thawhpui Sir Siaman a tih chuan hnial hauh lovin ka ding ve nghal a,, Peka te lamah kalin center ah kan ding nghal ngawt bawk a,,Mipa ho chu an lo phur thiam viau lehnghal…..

Duh thala kan khelh hnu chuan kan thlan a tla nasa ve viau mai…. “Miss i van thiam ve” an ti deuh sap sap a,,Sir Siama takngial pawh in a ti ve nia…. Practice a zawh chuan khua pawh a tlai leh ruih tawh….Ban a hun a,,Esi a ban hma avangin room-ah lutin ka bag ka la a,,ka chhuak leh tur Zira nen kan intawk chat….A hmel ka hmuh rual chuan ka thinrimna a rawn thar leh nghal a,,Be lovin ka kalpel hmak…..

.”Naupang chhia zet hian awm thin lo teh” a tih hluk chuan ka ke pen lai a tawp chat,, hawi let duh hauh lovin,,”Naupang chhia angin ka awm emaw awmlo pawh ni ila dawt ka sawi ve ngailo tlat…” ti hmak in ka chhuahsan nghal….

Garrage ka thlen chuan Ka bike bulah Peka alo ding reng a,,Josh-an a hawsan leh tawh anih ka ring,,Ka hmel a hmuh rualin a nui hmel chu a tawp hmak a,, “Miss i tha em!?” tiin ka bulah a rawn kal a,,Eng nge a chhan ka hrelo Lalnunzira min tawngkhum na kha ka la na takzet,, hetiang a awm tur pawh ka nilo asin,,tunah ka hmaah ka zirlai naupang ala awm lehnghal a,,

“Ka tha ania”tiin Bike chahbi chu ka bag-ah chuan ka zawng nghal a,,ka hai nasat tehreng nen ka hmu zo lo reng reng,,khawiah teh hrep nge maw ka bike chahbi pawh hi a awm le….Thinrim sa nen inhmeh lo tak a ni….”Miss” ti sup a ka kut ka bag chhunga ka zen luh mek rawn vuan chattu chu ka en a,,”Ka chahbi” ka sawi hmanlo ka veilama kut ka bag tlang ka dawmna atang chuan ka chahbi chu a rawn la a,, “Keiman ka lo khalh ang….Haw ang le” a aw zaidam thin lutuk hian Nicky-a min ti hrechhuak ve ziah…Mahse chumi avang chuan ka ngaizawng tihna a ni miahlo ania…..

Bike-ah chuan thu in helmet a khum a,,a hnungah chuan lawn ve nghalin hnai deuh tak hian ka thu a,,Bike a tih nung rualin kan tlanchhuak nghal a,,,Peka hi mipa hleitling tak hmeichhia te duhzawng tak tura taksa nalh tak nei leh sang tha zet a ni a,,a nungchang a tha in a fel em em a,,kei an zirtirtu leh an inchung nu pawh hian ka ngaina takzet,,An unau hi an ngainat awm ka ti,,Josh ai pawh in Peka hi ka ngaina tawh zawk in ka hria……

In kan thleng a,,Peka chu la awm rih duh viau mahse haw tura ka tih tlat avangin a haw ve mai bawk a,,mahse a mitmeng a min ngaihtuah hmel kha ka hmuh hmaih lo,, Naupang zawk ngaihtuah ngai khawp a ka awm chu ka inthiamlo hle a ni….

Ei rawng ka bawl peih loh avangin ka fridge chu hawngin Frozen food ka dah thenkhat chu ka phawrh a,, Sausage chu dah hrangin,,Chhangthawp leh peanut butter chu ka la chhuak bawk a,,tihian bawnghnute nen ka puar leh tho ang,,mahni a awm nawm ve na ania….Ei siam peih loh chang pawh in tihian awlsam takin ka inhnawh puar mai zel….

“Chaw ka rawn ei ve dawn…” thum dut a ka hnunglam atanga rawn titu avang chuan ka phu nghek a,,ka hawi phei ruala Lalnunzira nui sawng hmel ka hmuh chuan ka melh rum ngang mai…. Engtin nge kal pawh ala rawn kal ngam zawk hepa hi zaktheilo lutuk mai…..

Chhang lovin inherin ka sausage kang chu ka chawk a,, “Nang hi chaw I chhum na nge??” ka rice cooker chhin hawnga a tih chuan rum zeta melh in,,”Ka chhum lova i hmuh ve reng kha….” ka ti hmuk..A lu a thing ngut a,,Ka gas chu a rawn off hmak anih chu…..”Hmela ala hmin hleinem nge i rawn off ve ngawt a” ka duh aiin ka vin mah mah a ni…..

Ka darah a kut hniha rawn dawm in,,min kuai herin dawhkan lamah min nawr kal det det a,,tal nghek mah ila min thlah dawn chuang lo tih ka dar a chelh ngheh danah hian ka hria tal pawh ka tal peih lo,,Chair-ah chuan min thut tirin,, “Keiman eirawng ka lo bawl ang aw….” tiin ka hnarah a rawn piai zeuh chu duh lo zetin a kut chu ka beng nghal pawp….A nui huk a gas lamah chuan a kal nghal daih nia……

A kawchhungah tulum a lut a ni mahna hetia a rawn awm ngawt mak lutuk mai… Ka thutna atang chuan tho in ka pindan lamah ka lut hmak a,,Ka la inthlak lo tih ka hriat chuan thaw hakin,, Bathrope chu la.in Bathroom ah inbual turin ka lut nghal daih…A tih tih khan lo ti ve mai rawh se,,ka sawm pawh ni hleilo….

Ka inbual zo a,,Ka inthlak fel hnu chuan choka lamah chuan ka phei a,,A thil kan rimtui zet ka hip luh rualin ka pum a ri nghal rak rak a,,ka ril a tam tawh takzet,, Kha Maria-i vang khan chhun lamah ka thil ei pawh a tuilo zo anih tak kha……Ka ngaihtuahna chu duh lo zetin ka lu ka thing nak nak a,, “Eng nge i ngaihtuah a,,lokal rawh a ei theih tawh ania….” a tih chuan ka ngaihtuahna atangin ka harhchhuak thut.. Duh ai hian a aw hi a thum mah mah a ni,, Mahse a hmel nen hian a inrem thlup mai si a…..

Dawhkanah a ei tur siam tui hmel zet zet chu a chhawp mawlh mawlh a,,Amah ka en chuan ka nui chhuak hak,, “Eng nge??” a rawn tih hluk chuan a apron chu ka kawk a,, Mawitein a sendang dal raih kawr puk ang zet design min leisak kha a lo ha hlun a,,a apron hak chu melh zeuh in a nui ve suk tho….Amah nen hian a inhmeh lo ve em bawk a ni……

Chaw kan ei a,,a rimtui ang chiah in a tui hlawm vel vek,, Hetiang hian engmah ka siam thiam ve hauh lo nia,,Ka nun a mipa in ei tur ka tan liau liau min siam sak vawihnihna chiah a ni,,a laka ka thinrimna te tawngka tel miah lova a tireh thei hian engtin emaw tak min hneh hle bawk…..

STARLIGHT – 21

( TETEI POV )

Zanriah kan eikham hnu chuan sofa ah thatchhe zetin a thu a,,Chaw eikham a chutianga a thu chu ka nuih a ti za viau mai,, mahse engmah ka sawi lem hlei lova…. Ka door bell a rik rual chuan ka thutna atanga tho vatin Kawngkhar ka hawng a,,pawnlama Peka hmel ka hmuh chuan mak deuh in ka chhungrilah inthiam lohna a awm ve tawp,,chhunglama Zira thut vang te pawh saw a ni mahna….

“Eng nge ni ta??” tia ka nuih sak chuan a kuta lehkhabu a ken chu rawn tilang zeuh in,,”I bulah ka lo zir..” inthiamlo hmel lek lek a atih chuan ka nui hak a,,Vawiin tlai ka mood chhe zet avang khan he nau te hian min ngaihtuah a ni tih ka hrethiam mai fel ve tak chu a ni….

“Lo lut,,” ka tih chuan a rawn pen lut ve nghal a,,mahse Zira hmel a hmuh chuan a ding nghal chat….Ka hnunga awm ni mahse a ding a ni tih ka hriat rual chuan hawi let vatin ka mit ko san ak in ka melh a,,a lu a thing nak a,,A nui nghal suk bawk… Zira pawh chuan Peka hmel a hmuh chuan a rawn melh ve nghal run a,, Engmah phei chu a sawi lo….

“Zir lo thu rawh aw,,Peka hi kan enpui lawk ange…” tiin Choka lamah chuan kan luh san a,,a rum ri nghut ka hriat chuan ka hawi phei zawk chu min lo en reng a ni tih ka hria,, ngai pawimawh lo anga lang lui in ka kalsan a,,mahse ka rilru chu a nuam chiah biklo….

“Miss i tha tawh a mi??” Pekan a tih sap chuan lu ka bu nghauh a,,

“Khawi lo la rawh ka lo hrilh ang che…. Inleng ka nei bawk sia zanin chu rei deuh ka hrilh hman kher lo che a,,” ka tih chuan Zira awmna lam chu hawi zeuh in chimawm zet hian min melh zauh a,,lei ka chhuah khum vak,, a nui vur vur a,, ka nui ve tawp…..

“In zirlai in in hrilh dawn nge khatiang khan in in chhaih tlaivar dawn??” Rawn ti hmuk tu lam chu kan hawi rual thawt a,,a mitmeng rum zet ka hmuh rual chuan rei en duh lovin ka hawisawn daih…..

“Miss helai hi ania…” Pekan a rawn tih rual chuan kan hmazawn thutna chu pawt chhuak in Zira chu a rawn thu thla ve dawt a,,nge kan bulah kher a rawn thut a,,Peka hrilhfiaha lehkhabu ka keu lai te chuan min en reng a ni tih ka hria….Hepa hian min en reng chuan mak tak maiin ka taksan hi a danglam thin miau alawm,,ka hrethiam bik lo…..

Ka lehkhabu keuh mawlh mawlh lai chu khup thutin dawhkanah chuan ka dah ri pawp a,,Ka bula mipa thu te pahnih chu an hawi phawk hra nghal,,”Peka in Sir hian a hrilh chak che niin ka hria….” tiin rum zetin Zira chu ka melh a,,a mit ko a san ak ringawt…..Min en reng avangin engmah ka ti theilo miau alawm,,ka tawng a bah nawk a,,ka thlanfim hial a chhuak ania,, engvanga hetianga awm ngawt nge ka nih pawh ka hrelo mahse hepa bulah hian lecture ka pe theilo chu a nih si hi maw!!!!

“Mahse Miss…” Pekan a tih chuan lehkhabu chu Zira hmaa a dah in dawhkan ka thawhsan hmak,,ala nui huk zui nia mawle,,,Chimawm khat tlat hian…Khapa khan min en zam tumin a duh reng vangin min melh lui ngar ngar tih ka chiang khawp mai….Sual thlak lutuk….Nga ti nge tun hnai atang hian ka awmdan hi a danglam em em mai le…. Lalnunzira hmaah ngat phei chuan ka zam chhe lo chauh zel chu a nih hi maw!! “Hahthlak lutuk” ti hlukin ka phone chu ka ban a,, Whatapp lama lut tha peih vaklo khan Whatapp chu ka hawng ve ngei a,, Lecturer group lama message tam lutuk chu en in ka nui hak…. Puitling rual awmkhawm ve si sawi tur hi an ngah thei ania aw em em hlawm hian tleirawl ho ang mai……

School group-ah ka lut hmasa a,,dawhkan lama mipa pahnih thawm chu ka ngaithla ru kar bawk,,Inkhelh lam chungchang an sawi tih ka hre mai….Lehkha in zirtir chu a teuh lo hle mai….. Kawngkhar in pawt hawng ri deuh burah chuan ka hawi nghal haw a,,Mipa pahnih te pawh chu an hawi ve nghal,,Betty leh Josh hmanhmawh tih hriat taka rawn lut chu ka lo en reng a,,

“Miss I tha em??” Betty-in a tih rual chuan mak ti zeta en in,,”Tha e nga ti maw??” ka ti deuh ha a,,A u hmel a hmuh rual erawh chuan engmah sawi lovin a ngawi nghal hmak….. “Miss hei enteh” Josh-an a tih chuan a phone chu ka en sak a,, Vawiin Canteen a Maria-i nen kan in dinchilh lai thlalak ka hmuh chuan ka meng nghal ak,, a hnuaiah chuan “Lecturer Junior berin Sinior a khing ngam anih chuan engvangin nge Naupang te zawkah pawh hian Sinior leh Junior a awm kher ang….” tih alo in ziak kalh a,,eng nge awmzia ni ta….. A hnuaiah chuan Junior students fuihpawrh na ni awm tak tak a inziak teuh bawk a,,thenkhatin an hnial a then in an support viau….”Hei hi eng nge awmzia??” ka tih chang fak chuan hrelo tih hriat takin a lu a thing a,,Zira ka melh ta chiah….

Kan bul a rawn thlen rualin Josh-a phone ken chu a laksak a,,a en hnu chuan phun hlukin a phone chu a phawrh ve nghal a,, Keipawh in lecturer ho group chu ka hawng ve chiah bawk…. Kan chungchang hlir khel in an lo buai nih chu mawle….. A Zirtirtu zawk pawh in hetiang hi an buaipui peih ania,,kan department leh min hre ve tu deuh ten min tan laiin a tam zawk in Maria-i tanna thu an sawi bawk a,,Ka awi theilo zawk engtin nge hetiang ang a boruak lian tham hi a siam duh zawk Zirtirtu fing tak chu a nilo chiang anih hi maw!!!!

Buaina tereuh te a thleng a,,a chapo luatah leh Pawl siam a duh luatah tihian dawt thu nen thu a vawrh darh a mahse henu hian a hriat loh chu dawt hi a tlo lova,,Dawt avanga langsarh nih te,,dawt hmanga midangte lam tanga siam te hian rei a daih lo a ni tih hi a hre tawp silova….Mite’n thudik an hriat hunah Ama boruak siam ngei hian ala vaw let ve dawn a ni tih man pha sela hetiang hian a ti tawp lo tur…. A cho hi tu nge ka nih tih a hrelo bawk a ni… Mifel tak ka lo ni bik bawk silo nen,,a thil tih sual hre tur hian zirtirna ka pek ve hlak chu a ngai anih hi!!!!

“Eng thil phiangsen nge i tih hi??” ti vin that tu Zira chu kan melh thap a,,,

“Ka ngai pawimawh lo Students group a sawi tur khawp a hetianga buaina thlen duh zirtirtu hi tu nge tih ka zawng chhuak ang….Eng nge ka tih theih in hria ang” ti leh hmuk in a phone biak chu a dah a,,tu nge a biak ka hrelo mahse a awmdanah a thinrim hle a ni tih ka hria,,Ni e ani tan chuan Thinrim hi a awm a ni,, Vice Principal chhuah ruala Vice Principal tur kha a ni miau a,,tupawh in kan zah in a thu pawh kan zawm tha hle a,, Principal thachhang dawltu kha a ni miau alawm le….

“Miss” Betty-in tah aw tiau a atih chuan thawk la hak in ka nui sak a,,

“Betty nang nula awmchhunah thingpui lo lum la,,i in ve duh chuan in in ve tur nen,, duh loh leh fridge-ah khan eng eng emaw a awm ang,,Josh en pui la….” Boruak engmah thleng lo ang maia tiin ka phone chu la in sofa ah chuan ka thu thla a,, Peka chu ka bula rawn kal vatin,,”Miss i tha takzet maw?” tiin ka kut chu a rawn vuan a,, thaw hakin,,”Ka tha lawm puih ka ngaih hunah erawh min puih turin ka duh che ania…” ka tih chuan mak ti zetin min melh deuh ha a,,ka lo en reng avang chuan thawk la hak in,,”Awle” a ti nghal sup a,, kawngkhar a rawn inhawng chuan ka hawi phei nghal a,,Esi hmel ka hmuh chuan mak ka ti zawk,,Sana ka en erawh chuan ala tlai lo tih ka hre ve chiah….Dar 7:30pm chiah a ni…..

A rawn luh rualin,,”Ka ngaihtuah che a” ti sap in Peka min vawnna chu a melh nghal zeuh a…Ka kut ka laksawn ruala Balcony atanga rawn lut Zira chu a rum nghut a,,a mitmengah chuan eng nge a ngaihtuah ka hre theilo mahse thil tha tak erawh a thlenglo tih ka chiang viau….

Kan pali chuan ngawi rengin Sofa pakhat theuhah kan thu kual a,,mahni ngaihtuahna theuh kan kawm ni berin ka hria… Zira hi a lungawilo hle tih ka hria,,Atan chuan a awm hliah hliah bawk,,Nakin lawka Vice Principal tur a ni tih ka hria,, tupawh in kan zah a buaina leh harsatna College thil vela a awm pawh a chingfel zung zung thin a ni a,,mahse tun tum buaina erawh a harsa thawkhat dawn tih ka hrethiam,,ka hming a lang ve ringawt pawh hi ka duhlo viau,,,mahse ka cho chhuah a ni lova Miss Maria-i tan a ni a,,ka thlir na atang chuan thiam ka in ti tlat bawk….

Betty-in thingpui a rawn chawi chuan Peka nen chuan choka lamah an let lehnghal a,, kan pathum chuan kan la tawng chuanglo… Kan in zawh ruala Josh-a zawkin no a rawn seng chuan Zira chuan,,”Josh in pathum khan lo haw lawk ru…. thil sawi kan duh a…” a tih sul rual chuan Josh chuan Awle ti vatin choka lamah chuan a lut lehnghal a,,Rei lovah chuan an pathum chuan rawn chhuak lehnghal in,,an haw ta hlawm a,,

“Vawiin a thil thleng kha dawt tel miah lovin ka hre duh!!” An chhuah fel ruala min en run chunga a tih hmuk chuan ka thin a rim nghal tun,,hepa hian thil thleng kha a hmu Kimlo anih pawh in dawt tello ti kher turin kei.hian dawt ka sawi a ring tihna em ni?? Min hrechiang hauh lo chung a dawtsawi tura min ngai ngawt hian ka thin a ti rim takzet…. Ngawi ngalin kut ka kuangkuah hmak a,, chhan tumna ka neilo,,ka chhang anih chuan kan in hau ngei bawk ang….

Ka ngawih reng vang nge Esi chuan Thil thleng zawng zawng chu a sawi fai ta vek a,,a sawi lai chuan Zira chuan min en leh zawk thin tih ka hria mahse ka ngaihven lo,,Esi tawng zawh rual chuan a thaw hawk a,, Esi nen chuan thu kal vel chu an sawi dun luam bawk kei erawh tawng chhuah tumna ka nei hauh lo,,ka rilru erawh chuan Maria-i laka ka khawsak dan tur chauh ka ngaihtuah…. Lalnunzira min tawngkhum dan pawh hi ka en liam tawh hauh lovang,,he thu avanga ka thin tih rim fo hi ka duh bawk heklo… Ka hna hi bansan ngai dawn mahse pawi tihna pawh ka nei miah lo bawk……

( ZIRA POV )

Canteen thil thleng kha ka hmu vek lo,,mahse Maria-i chet duh dan hi ka hrechiang viau na in an thusawi vel danah Maria-i pawn a tihpalh a ni thei tho tih hria in Puii chu ngaidam mai turin ka ti ve bawk a,, naupang tam tak hmaa hetianga buaina awm anga lan ka duh loh vang mai a ni,,mahse a eng ber kha nge a huat a athinrim ka hre lo a chhuak hmak a,,kan kar a tha ve dawn chauh asin le….

Esi chhuah ruala chhuah ve nghal ka tum chuan Maria-i chuan min rawn kal hnaihin ,, “Zir a nuam lo e,,ka thiamloh vek a ni” inti no zeta a tih chuan ka lu thing nghutin,, “Naupang awm lai hi chuan insum thin rawh u” tia an thian ho melh kual in ka kalsan nghal hmak….

“Maria pawi ti suh,,mahni Student ngaizawng duh khawp a hniam anih kha,,Ani Ngaihdamna kha i mamawh lo” Miss Dinin a tih chuan ka kal lai chu ka ding chawt a,,

“Din tiangin sawi suh ka thiamloh anih kha nuam lo ka ti teh mai ania…” Maria-i aw a inthiamlo na lang chu ka hre hman,,kal lehnghal in Staff room lam panin ka kal a,, Tu nge mahni Student ngaizawng chu,,Puii maw an sawi a,,awihawm loh zawk hian,, hmeichhe ho hi ka hrethiam hrep love,,mi chanchin dawt lo hi sawi tur an hre hlollo a mi le???

Esi leh Puii tih loh hi chu midang nuna buai vek an ni in ka hria helai hmuna thawk te hi… Hahthlak hlawm lutuk thudik a ni em tih pawh fiah lovin an thudik sawi ta hmiah hmiah thin si a,,a tuartu tana a nat dan tur te,,an thusawi avanga midang nuna harsatna an thlen te hi an ngaihtuah pha miah lo nge an ngaihtuah duh lo pawh hi ka hrelo…. Mahni nun theuh hi ngaihtuah ila,, midang nun ringawt buaipui lo hian keimah ni a a tha ber hi nih tum theuh ila,, chen ho te nung ho te hi a nuam zawk tur ania…Midang chanchin kan ngaihven viau hi chuan keimah ni lam hi kan dik tawk lo hle tihna a ni zawk….

Puii leh Peka ding dun ka hmuh chuan ka ngaihtuahna atangin ka harhchhuak thut a,,an dinna bul pawh ka hnaih tawh hle tih ka hria,, hemite pahnih inzui lutuk hi a mi an sawi ang nge ni a midang,,engpawh nise anni pahnih hi chu an ni theilo thenawm leh pawnlama innel taka khawsa an ni tih ka hre ve reng a,,in ngaizawng an ni theilo hrim hrim…..

Puii te kal liam hnu chuan kan week hmab tur chungchangah zirtirtu mipa ho kan inhmuhkhawm leh a,,items tur vel kan tifel bawk a,,rin ai daih in hun kan hmang rei bawk…Kan ban ruala room ka luh chuan Puii ka hmu a,,a chetdan naupang chhia zet tha ka tih loh em avangin ka tawngchhuak a,,min chhanna chu thinrim aiin mak ka ti zawk… Dawt ka sawi ve ngai lo a ti anih kha,,dawt i sawi ka ti hauh silo,,eng nge awmzia??

Motor ka khalh lai chuan ka ngaihtuah chiang a,,Canteen chhunga Maria-i thusawi kha dawt a tel a tihna a ni thei mai angem?? Ani tawngtam lo tan chuan chhan vak kha a duh dawnlo tih ka hria,,Inrawlh ka duhlo viau na in.khatianga naupang hmuh a an lo in dinchilh ran ka hmuh khan inrawlh lo theilo ka ni tih ka hria….Ka inrawlh kha a hua ni lovin Maria-i thusawi kha a hua a ni ngei ang….Kei ka lo tawng ve bawk nen a titau tihna a mi?? A titau anih chuan ka ti lungawi ngei leh ngei tur a ni dawn lawm ni…..

Ka nu hnenah hmun danga chaw ka ei tur thu sawiin,,inhnuai lamah ka chhuk nghal daih a,, Puii kawngkhar inkharlo ka hmuh chuan ka lut nghal tawp a,,henu hi chaw ei lova hetiang mai mai a in ei puar leh a tum emaw ni?? ka hmel a hmuh chuan rum zetin min melh a mahse ka ngaipawimawh duh lo tlat thung….

Eirawng ka bawl a,, Puii erawh inbual turin a kal daih,,hetiang hian ei tur ka siam ang tih hi ka ring ngailo mahse hei tunah hmeichhe pakhat titau thlem nan ka bawl ta chu ania,, ka ngaihtuahna avang chuan ka nui suk a,,ka thawmhnaw ka la thlak loh avangin a apron neihchhun chu ka hreng bawk a,,keimah ka in en chuan ka nuih a za viau mai…..Puii inbual zo lo phei in min hmuh chuan a nuih a za ve hle tih a mitmeng atangin ka hre thei,, Chaw kan ei chuan a thinrimna a kiang vek tawh ni maiin ka hria….

Thleng kan tifel a sitting room lamah kan thu dun a,,rei pawh kan thu hmanlo Peka a rawn kal a,,a ngaihsak viau chu ka ngaithei lo hle,, vawiin lama ka thu hriat te nen an bulah kalin an lehkha zirna bulah chuan ka thu ngat a,,Puii chuan Ka en reng a ni tih a hria,, a hrelo der thei ka ti hle bawk,,Mahse a tawpah zawng lungawilo zetin min kalsan a,,a kal hnuah erawh Peka nen chuan kan titi ta vel mai mai a,,Sport tur chungchang te sawiin kan inbe tam lo na in kan inkawm thei phian mai……

Ka nau Betty leh Josh te boruak rawn ken avang chuan ka phone chu ka en nghal vut a,, Hetiang thil em hi chu Maria-i hian a thlen tir duh ka ringlo asin,,ka thin a rim takzet….Ka call nghal a,,a tih anih loh thu leh a thiante pahnih tih anih pawh a Amah an chhan nana tih anih avangin an lam a tang tlat tur thu te chu huaisen takin a sawi pang pang a,,tap aw tiau a a in sawithiamna erawh ka ngaithla zo peih lo…..

Inchhung ka luh ruala Pekan Puii kut a vawn ka hmuh chuan atthlak taka che lo turin ka inthunun hram hram a,,hemite pahnih hi an sawi ang chiah hi an ni zawk em ni?? Chutiang anih chuan eng nge sawi ve tur ka neih tawh?? Mahse Vawiin thil erawh ka awm ve miau avang leh College pum buaina thlen thei thil anih avangin ka chingfel ngei a ngai thung ang,,Anni pahnih chungchang erawh buaina zawh hunah ka hrechiang ngei ang…..

Naupang ho ka haw tir hnua Puii zawhna ka zawh chuan a eng lung nge thawk leh tawh ni min chhang duh leh thak tawh lo,,a duhloh zawngah hi chuan a luhlul ve ngang ngang thin si a buaithlak anih hi,,Esin thil awmdan a sawi chuan ka ring hmiah,,naktuk lamah engkim ka ching fel angai anih hi….

Conti…..

Leave a Reply