You are currently viewing STARLIGHT – 22&23

STARLIGHT – 22&23

Spread the love

STARLIGHT – 22

( JONSMELY BAWITLUNG )

( TETEI POV )

College kal ka phur lo viau,,a chhan pawh nizan lama Esi leh Lalnunzira titi.ka ngaihtuah zawm vang vek a ni. “Naupang inkara buaina awm hi chu awlsam takin a chingfel mai theih thin a,,mahse zirtirtu inkara buaina awm hi chinfel a harsa thin viau,,” tia Esin a sawi te,,”Ni ngawt mai,,mahse a landanin Puii pawh a duh vang renga buaina a in barh lut a ni bik lova,,he thu ti punlun tu hi kan hriat phawt a ngai… Principal a awm silova a buaithlak viau ta ve ang,,Vice la hi pension hnai tawh a,,engvak mah hi a buaipui hman tawh bawk silo nen…” tia Ziran a chhanna te chu ka ngaihtuah a,,School kal lai ang ngawt chu a ni thei tawh lo tih ka hria mahse khalai chhunga awm zawng zawng te khan thil thleng kha an hriat vek ka ring engkim kha kan tih anih loh zia pawh an hre khawp ang le,,mahse naupang evidence a neih tum ngawt pawh a finthlak ber loh…..

Thiam channa zawn ai chuan engpawh hmachhawn ila thluak ka neih chhung chuan ka dikna ti lang theilo tur khawpa dawizep leh nep ka ni ngai lovang….. Week tur inbuatsaih na tawp ber ni tur anih avangin ka incheina pawh ka ti danglama,, Gazoz Jeans pawl dal rai ha in addidas sneaker dum ka bun a,, T-Shirt ka taksa phuar lam mah a dum ka ha leh tawp….Ka sam ngil siau chu ka thla mawl tawp a,,Ka hmaiah sun screen hnawih in lipgloss ka hmang mawl tawp…. College Compound velah eng eng emaw tul apiang tih kan tum vanga hetia ka inthuam….. Ka racksack ah chuan tui leh ka mamawh tur lukhum hmathlawk thlengin ka dah a,, picnic naa kal tur pawh ka ang zawk….Josh leh Pekan min lo sawm chuan in atangin ka chhuak ve nghal a,, Kawt kan thlen ruala Betty leh a U Zira lo ding ka hmuh chuan ka ner sak…Hepa hi nizan a tawng dan vel avang khan ka haw thar leh riau alawm……

Jeans kekawr pawl duk ruih a ha a,, T-Shirt var nghawng nei ha in a sam chu a ti thur sung a,,a landan zet chu a chhelo lehpek e,,, Hetianga simple deuh a a inchei hian a lang pa hliah hliah a,,Kamis nen a inthuam erawh chuan a lang zahawm hliah hliah thung,, Ka hmel a hmuh rualin min melh leh nghal run a,,Ka thawmhnaw hak a en chuan kiai sukin a phun ri hluk a,,tumah in eng nge a sawi erawh kan hrelo,,

“Miss UZira bula kal hi ka duh silova UPeka hi phur mai la” Betty-in khawngaih thla la zeta a tih chuan ka nuih var var a,,

“I UPeka ve hi chuan ka phurh a duh teuh lo Aman khalh a tum zel” tiin Peka chu ka melh zeuh a,,Alo nui vur vur,,phal taka ka bike ka khalh tir awmchhun a ni tih hi a in hrechiang viau alawm le…..

“Kal vat ang u kan tlai dawn hna a tam” rawn ti hluk tu chu ka en thap a,,ngawi rengin a Bike lam a pan nghal hmak bawk….. Betty hi scooty a nei reng sia vawiin ni angah te chuan ken zawk awm ania….. College buaina awm pawh khan an rilru a luah leh hman tawh lo aniang nge…..

Pekan bike a khalh dawn avangin a hnunga lawn tura ka insiam rem lai chuan Zira chu kan bula lo dingin,,”Rawn chuang rawh” a ti hmuk a,,a hma zawnga kan rel lai pawn engmah sawi duh chuang silo,,Chutia a tih rual chuan Josh te tlanchhuah tum pawh chu an ding leh rih a,, “Eng nge maw i hriat le hei ka bike a awm ve reng alawm” ka tih hlak chuan,, “Lecturer reilo te awm a a naupang nen inngaizawng nghal thei tia an sawi che hi i hre lo nge i hrelo der zawk??” a aw sehchilh deuh nawk a atih chuan ka mengphawk nghal viau,, Chutiang chuan min sawi a maw,,a tu teh hrep chuan nge chutiang te a min sawi……

“I thusawi kha sawilo angin ka ngaih sak ang che….”tia ka inher bike a lawnkai ka tum chu ka banah chelh in min kuai her pawp a,,Peka pawh a tlu thleh a ni,,Ka thinrim em avang chuan ka thaw hawk a,,ka kut ka hum ruh nghal teuh,, “Hei hi min han hrilh teh an sawina che hi a dik reng em ni??” Zawi thum chak a atih chuan chhan loh ka duh zawk a mitmeng rum lutuk chu ka hlau lam mah a ni,,ka chhungril khur ru dar dar chu ka thinrim vang nge min melh run na vang zawk tih pawh ka hrelo,,

ka kut a chelhna a hmer nat em avangin laksawn tum in ka vai pawp a,,a thlah duh hauh lo lehnghal,,a hmer na zual sauh a,, “Lalhlupui zawhna ka zawt che,,thudik a ni em??” a ti ram hmarh a,,ka mitah min melh khui bawk…..”Lo ni pawh ni se tu pawi nge ka sawi,,ka mimal nun sawi thei tur tumah an awm ka hrelo” ka let hmak,,a mitmeng danglam nghal vek leh a hma ai zawnga thinrim mitmeng chu rapthlak tak a ni….. “A tha e” ti hluk in ka ban chu paih lawp in a bike chu ti nungin chak zet hian a tlanchhuak nghak a,,a bike in min tlanpel ruala ka taksa a deh lohna chu Inches 2 vel bak anih ka ringlo….Khapa khan min tihnat pawh pawi a ti hauh lo tih ka hrethiam nghal bawk……

“Miss i tha em??” An pathuma ka bula rawn dinga an tih chuan aw tihnan ka lu ka bu nghauh a,,”Kal ang u le” tiin Peka hnungah chuan ka lawn nghal a,,diktak chuan ka tha lo,,ka tha hlollo….Tunah tak hian Lalmuanzuala ka ngai lutuk,,ka ngai takzet…. Ani chu ni awm sela hetiang hian ka awm hauh lovang mawle,,nupui tha ber niin ka fate nen hlim takin ka nui awm si a,,ka ngaihtuah hman hma hauh in Peka chu a hnunglam atangin a kawngah ka kuah a,,a hnunglam a a bag-ah chuan ka lu nghatin ka muttui far chu thli in a chhem kian rual chuan ka mit ka chhing nghal sawk a,,Peka pawh a in sangmar tu a ni tih ka hria mahse tun dinhmunah erawh hetiang a awm hi ka mamawh miau si a ni….

Thaw halh halh a chutia ka awm hnu chuan thu tha in ka hawi chhuak a,,kan tlanna chu College kawng a ni hauh lo tih ka hria,,ka hawi ruai a,,Khawiah nge hepa hian min hruai a tum le?? Zawhna pawh zawt chuang lo chuan a din hun chu ka nghak tawp….Hmun fianrial ve deuh tak thingkung lian zet awmna zawnah chuan bike chu a din tir a,,ka chhuk nghal vat engmah sawi lo mahse min kalpui na hi tuna ka mamawh ber a ni tih hria in ngawi rengin thingkung lam chu ka pan a….

“Miss Englo……” a tih sup chuan,,a lam hawiin ka nui lui sak a,,”Ka lawm e…” ka ti nghal sap bawk….. Thingkung bulah chuan ngawi rengin kan thu a,,ka thaw leh halh thin…..

“Tu nge a hming??” A tih sup chuan mak ti zetin ka en nghal ha a,,min lo en ve reng a ni tih ka hriat chuan ka hma lam chu ka hawi lehnghal daih……

“Nicky…….Nicky Lalmuanzuala a nia…” ka ti sap,,

“I ngai thin viau a ni tiraw…??” A tih chuan ka mit ka chhing nghal vang vang,,

“Um Nitin hian Amah ngaihtuah lo hian nikhata second khat te mah hi ka la awm lo,, Ka ngai takzet a ni….” ka mittui chu dan hram hram ka duh mahse ka ngai em a ni…. Ni tam tak mittui tla lovin hun ka lo hmang liam ve tawh a,,Ka nun dan pawm tumin Hringnun ka zawh ve mek a,,chuan hetiang hi a thleng leh si a….

“Miss a pawi ka ti,,keimah nena ringhlelh hial i kaina chhan leh an hmeh bel nachhan che chu ka hria ang…” a tih chuan ka en nghal zawk a,,A hma lam en ngarin a nui suk a….

“Tu tih nge ni a i rin??” Amah en reng a ka tih chuan ka lam lo hawi in a nui var var a angaihna hriatloh hmel zetin ka melh kar thung,, “Ka hmelthat em hi min en la,,kan College ah hian star tu leh duhtu tam tak ka neih i ringlo em ni??” nui ri huk a a tih chhan keipawh pawh ka nui ve nghal var var,,

“Chu i bialnu te hovin min thik i tihna a ni ang maw!?” ka tih chuan nui var var chungin a lu a bu nghauh a,, hepa zet hi chu aw…..

Sana ka en chuan Dar9:00am alo pel der tawh…..”Kal tawh ang kan tlai dawn lutuk ania” tiin ka ding nghal vat a,,Ka khalh ang ka tih chuan a ner nawng a,,mahse ka khalh ta tho….Ka tlanchak pui a ti deuh nge a phun hluk a,,Kum7 lai he bike hi ka lo khalh ve tawh a,,Ka hneh ve em asin,,a thar pawh nei mah ila ka dahthat tlat tur kha a ni ve hrim hrim a….

College kan thlen chuan clasa room ah an awm vek tih hriat takin pawn lama awm an awmlo… Garrage a ka indag fel hnu chuan staff room lam ka pan tur chu min ko leh in,, “Miss engkim a tha leh vek mai ang” a ti nghal sup…..Chu thu tawite chuan engtin emaw tak min thlamuan riau nia…..

Ani an class lamah kalin kei kan room-ah ka lut a,, Staff dang class a lut lo pawh an lo awm nual mai….Hna an lo insem alo nia,,keipawh ka chanpual tur a awm ngei ang,,Ka lut min hmuh rual chuan min lo en thap a,,Ka bulah rawn kalin a then an ang nghal bawrh bawrh a thenkhatin min thlamuan bawk a,,a nuam lo duh viau zawk…. Esi a awmloh danah class ah a kal anih ka ring a,,thu khawm in kan hna tur sawi pahin nizan boruak an sawi nak nak hlawm keimah zawkin sawi tur ka hre ve manglo…..

“Miss i hman dawn tawh em??” Commerce lam Zirtirtu Sir Ruatan Kawngkhar bul atanga min rawn koh chuan nui sakin ka chhuak a,, Volleyball court lam fello vel kan enfiah pah in a bul vel kan tifai dawn a ni tih ka hrethiam mai…. Josh-a te class nen kan ni a,,an la naupang bawk a an harh hlawm khawp mai….Bialnu tih vela infiam in kan nui leh hak hak thin a,,Tihfai tur em em a tam lo bawk nen kan zo hma hle lehnghal…. Sir Ruata hovin line te rin tha in net te an zar tha a,,Week tan na tur anih avangin kan uluk viau bawk…..

“Miss kan zo hma sia beng ila” Sir Ruata berin a tih chuan awlsam zet hian Awle ka lo ti sam at a,,Kan beng atang rei lovah Peka te thian thum an rawn tel ve a,,an work an zawh tawh thu an sawi vanga tel ve phal kan ni…. Peka nen side khatah awmin kan nui leh dar dar thin,,a thiam viau a ball pawh min pe dik thei viau bawk….

Kan piah a Maria-i leh Zira inhnaih zeta rawn kal ka hmuh chuan ka rilru a dang ta tlat,, Ani sawn a ni lawm ni min cho a,,mualpho a min siamtu chu tun baka rulhna hun tha ka nei chuang lo….. “Peka saw tah sawn….” ka tih chuan hla deuh taka Zira leh Maria-i te chu a en ve nghala…. “I hlap pha dawn a mi??” a ti nghal sup,,”An rawn kal hnai zel alawm,,Kha la rawh” ti nghal in ball lokal chu a la kai nghal a,,”tun lo letah hian aw”ka tih chuan a bu nghauh…..

Ball kan lama a rawn let chu la kai in Peka chu ka pass zeuh a,,a raw set rual chuan zuang kang zawkin na zet hian ka hlap ta a,, an rawn kal hnai tawh bawk nen Net hnaih te atanga chhuak anih avangin kawh zet hian Maria-i chu a fuh a,,a rak nghal that bawk,, Zira awmlo sela chuan saw a Pheikhawk sang nen ngat phei chuan a tlu chiang viau ang le….

Kan vaia tlan phei nghalin Maria-i thinrim avanga meng ling hlar hmaah chuan ka ding nghal a,,Zira hi awm lo sela a tawng dan tur ka hre chak…. A hmaa alo tih ang chiah in inthiamlo hmel zet hian,,”Maria sorry lutuk aw.. ka duh ai na in ka lo hlap a,,ka thiam vak bawk silo nen…” ka tih chuan ka hnunga mipa chu a nui ri huk a,,a thianten an khap nge a nui zawm chuang lo….

“I thiamloh te chuan beng lo ngam ve mai ta che” a ti vin hlar a ,,a bula ding Zira erawh in chik zetin min melh reng tih ka hria,,mahse ka en duh lo lui ngat a…..

“Tihpalh anih te chuan hriatthiam tum ve la,,pawi ka ti lutuk,,tihpalh leh tihsual hi chu a awm ania.. Khawngaih in thinrim lo hram rawh..Ni lawm ni Sir Zir??” ka tih chuan Zira rum ri nghut chu ka melh nghal kar bawk,, “Ni e…kal teh ang Maria hna kan neih kha an tihluih pawh anih loh kha…” zaidam zeta a tih chuan ka awm chhung hi a rawn na zawk….A chhan erawh ka hrelo…. A khelah a fuh miau avangin Ani hmeichhe no lutuk chu kaih kher a kal angai a ni mahna Zira chuan a kawngah chelh in a kalpui a,,an awmdan chu rei en duh lovin ka inher nghal hmak a,,

“Vanlalpek puitling i nih tawh kha i thiante awm laiin harsatna siam hlek suh,,Buaina hi zawn loh tur….”Zira te nen chuan kan la in hlat lo,,Sir Ruata erawh a kalsawn lawk a,,Zira leh Maria-i chuan ka tawng chu an hrechiang viau in ka ring bawk…. “Miss Sir a ding” ka bula mi in a tih chuan Peka chu a nui lui hak hak a,,midang pawh an nui ve bawk….An thin tih rim dan tawk te chu kei hian ka thiam khawp ang le…

Kan tih tur theuh kan tih zawh chuan Ban a hun a,,vawiin chu Esi nen pawh kan inhmu tam lo an buai reuh lutuk a,,Keimah ka awl ber zawk niin a lang…Kan haw dawn erawh chuan Garrage-ah ka nghak hlawm a,,kan ban hma avangin vawiin chu in tih thawven nan len rawt teh ang…Ka rin aiin an rei phian mai… Ka bike bula Lalnunzira Bike ding chu ka en reng a,,Royal Enfield ho hi chu a nalh ve thlawt alawm,,mahse a aiin Harley Davidson ka la duh zawk…..Uhhhh!!!! Ka bike duhzawng pa lutuk hi chu buaithlak,, Scooty te hi nei ve ta mai mai zawk ila a tha in ka hria…..

Vawiin chu ka rin loh deuh in College boruak a nuam,,nge ni a boruak hi dai angin a lang mai mai zawk pawh ka hre love…Ka ngaihtuah run lem lova midang awmdan la ka ngaihven heklo…Ka rilru ka lo kawm nasa mah mah nge Zira leh Maria-i lokal chu ka hmu hauh lo ka bul an rawn thlen chuan eng eng emaw sawiin Maria-i chu hlim hmel zet hian a nui har har a,,a nui riah chuan ka harh chhuak thut….

Ka hmel an hmuh chuan an tawng lai an tawp chat a,,ka biak chak loh ang bawkin Anni pawh hian min biak chak ka ring bik lo…Ka phone phawrh in Sangtea number ka dial a,, vawihnih chiah a ring hman a pick up nghal a,, “Te ve teh hlol chuan eng nge ni ta??” a rawn ti nghal a,,”Vawiin chu lokal ka duh a,,ka rawn kal thei angem??” ka tih chuan Zira mitmeng chu ka hrethiam lo,,min melh ngar a,,ka en duh lo hmak thung…. “Tehreng mai i tan te chuan ka kawngkhar hi engtik lai pawh in ka hawng reng ania…” a tih chuan ka nui hak hak a,,”Awle nih chuan ka lokal ang ka lawm e,,”tiin phone kan dah a,, Esi leh Peka an rawn lang ve nghal a,,ka bula Zira leh Maria-i ding erawh kamkhat mah in ka be lo…..

Esi te pawh chuan ka tih ang chiah in an be bik lo….Peka chuan ” Miss Chahbi chu!?” tiin min nuih suk a,,Chahbi pe in Esin ngawi renga scooty a la chhuak chu ka puih a,,”Josh te?” ka tih sap chuan a hnunglam chu a melh zeuh a,,Anni pahnih rawn in phur phei chu ka hmu ve nghal….Esi a chuan fel hnu chuan Peka rawn in nawr chhuak hnungah chuan ka lawn ve nghal a,,”Khawilamah nge??” a tih sup chuan “Chanmari-ah” ka tih rual chuan a tlanchhuak nghal a,,Ziran min en zui reng a ni tih ka taksa mur sung sungah vang hian ka hre thei……

Kalna tur lam ka sawi zel a,,kan hnungah Josh te leh Esin min rawn zui a,,Sangtea dawr kan thlen chuan alo fel khawp mai…Sangtea hi tawngtam lem lo leh zakzum kan tih ang chi hi ania,,Esi a hmuh ruala a lai hmel chu chiang takin ka hmu thei bawk…Esi pawh a bang chuang lo….

“Bawiha vawiin chu leng ang u…. Esi back seat ala awl ania….” ka tih chuan a nui var var a,,

“In rawn leng dawn maw ti a” ti chungin a dawr a achhawr pakhat hnenah chuan a chhuah tur thu a sawi nghal a,,ka nuih nghal var var…..

Pekan Guitar pakhat a en lai chuan,,”I perh thiam em??” ka tih chuan a lu a bu nghauh a,, “First chunglama i pass chuan ka thianpa dawra mi hi i duh ber ka present ang che” ka tih chuan phur hmel zetin min melh a,,a nui hmel lawmawm thin lutuk hi a inhmeh lo zawk….. “Anih chuan Week zawh atang hian tih takzeta zir a ngai dawn anih chu….” a ti sup a,,”Miss keipawh aw” Josh-an a rawn tih chuan kan nui dar dar hlawm a…..

Sangtea a inpeih hnu chuan pawnlamah kan chhuak a,,a bike lak a tum chu phal lovin Esi nen chuan ka inphur tir a,,A lai hmel chu ka nuih a ti za ngang mai….”Khawiah nge kan kal dawn??” tiin min en thap a,,lenna tur pawh ka hre leh der silo,, “Peka nang hma hruai la,,nuam deuh in vawiin chu awm teh ang u” ka tih chuan nui sukin kan inkhalh chhuak ta a…..

( ZIRA POV )

Engkim bul tanna hi Maria-i a ni tih ka hria,, hmeichhe inkara inrawlh hi duhlo viau mah ila College pum hriat leh Puii telna anih miau avangin ka inrawlh a ngai tih ka hria… Maria-i nen a sawi zawm kan ni fo a,,min duh zia ka hre bawk,,keiin hlat tawh mah ila hetiang anih chuan eng thil nge tih a tum tih hriat tumin ka hnaih leh erawh a ngai tih ka hria,, henu hian eng thil pawh a ti thei ang,, hmelhriat a ngah si,,a cousin zirlaiah kan nei bawk a,,a thiante pahnih nen hian thu an vai kual tak tak hma hian kei hian ka tih tawp vek a ngai a ni.

STARLIGHT – 23

( ZIRA POV )

Engkim bul tanna hi Maria-i a ni tih ka hria,, hmeichhe inkara inrawlh hi duhlo viau mah ila College pum hriat leh Puii telna anih miau avangin ka inrawlh a ngai tih ka hria… Maria-i nen a sawi zawm kan ni fo a,,min duh zia ka hre bawk,,keiin hlat tawh mah ila hetiang anih chuan eng thil nge tih a tum tih hriat tumin ka hnaih leh erawh a ngai tih ka hria,, henu hian eng thil pawh a ti thei ang,, hmelhriat a ngah si,,a cousin zirlaiah kan nei bawk a,,a thiante pahnih nen hian thu an vai kual tak tak hma hian kei hian ka tih tawp vek a ngai a ni….

College Week kan hmanna tur inbuatsaih na pawh vawiin lamah a tawp dawn a,, Karleh Thawhtan atangin kan tan tawh dawn a,, naupang an phur ang chiah in zirtirtu te pawh in nuam kan ti ve thin viau,,rilru tiharhna pakhat a ni ve bawk a,, hetiang hun kan hman zawh hi chuan thil dang tam tak hi chu awm mahse a tam ber erawh zirna lam ngawr ngawr a ni leh tawh dawn a,,chuvang chuan naupang emaw zirtirtu pawh ni se rilru tih thawven nana hun tha tak a ni…..

Kan buaina pawh hemu hun chhung ngei hian ka chingfel hman tur a ni… Zingah Betty-in Puii te nen kal ho an tum thu a sawi chuan an ruala kal ve ka tum hmiah a,,Puii laka ka rilru puthmang hi ka hrethiam tawh lo,,ka duh tih ka hria mahse engvanga a tana thian nih hi duh zawk tlat nge ka nih ka hrethiam lo,, Hmeichhe thian sawi tur ka ngah,, chutih rualin hmeichhe kawp tawh pawh ka ngah thin,,mipa fel tak ka ni bik lo nen ka ngaizawng kual tam ve tawh bawk mahse a hunlaia ka bialnu te laka thiantha anga awm ka tum chhin ngailo,, ngaihzawng chu ngaihzawng an ni tawp chutiang chiah chuan thian pawh thian chauh an ni tur a ni ka ti thin….

Mahse Puii ka tawn atang erawh a danglam a ni,,ka thinlung takin ka duh tih ka hria,,ka hmuh hmasak ber atangin ka ngaihven a,,ka ngaihtuah bawk mahse tun thleng hian ka duhna pawh ka la sawi chuang lova,, inngaihzawnna lam aiin a thian a rin ngam nih ka chakna hi keimahah a lian zawk tlat hi ka hrethiam lo,,chutih rual chuan midang ta anih erawh ka phal hauh lo thung…..

Betty-i nen pawnah kan lo nghak a,,A inchei dan inhmeh lutuk chu ka en kham theilo,,Zirtirtu nilova zirlai naupang a ang ka hmel a hmuh ruala a ner sak chu a chhan ka hrethiam mai,,nizan lam thil vangin min la haw reng a ni tih ka hria,, dik tak chuan keipawh ka lung a awi bik chuang lo,, Maria-in Peka nena an chanchin College naupang in an sawi dan engkim a rawn sawi a,,kan colony ho kan inpawh em vang leh an zirtirtu anih vanga in nel satliah a ka ngaih laia sawi kai khawpin an awm tihna ania,, pan lovah tho a fu ngailo,, a zirlai naupang ngaizawng tur ang chi ni a ka rinloh mai bakah thian mamawh tak anih zia hriat sak tu ka nih miau vanga en liam ka ni….Mahse chutiang alo nih erawh chuan ka en liam hauh lovang….

Kan tlanchhuah dawn a,,ka bula chuang tura ka tih a min hnial chuan ka lungawiloh rukna chu a ti zual sauh a,,tullo zetin ka tawng chhuah phah lehnghal henu hian engvanga min ti thinrim leh thin nge anih…. College lama Maria-i te thil tih dan hriat a chingfel ngei ka duh si avangin ka kalsan a,,mahse ka tawt ru tun tho…. College ka thlen rualin Commerce building lamah kal nghalin Maria-i ka zawng nghal a,,alo awm tawh ngei e,,ka lungawilo hmel a hmuh chuan min hlau tih hriat takin ka bulah a rawn ding zum dai a,,”Pawnah inbe teh ang” tiin ka chhuak leh nghal hmak…..

“Eng thil chiah nge i tih hi??” ka tih hrawk chuan mittui tling pam in min melh a,,ka khawngaih leh deuh mahse henu hian a ti mah mah tawh…. Ka en liam zel anih chuan a pawng pawrh tawlh tawlh dawn tih ka hria….

“Zir engmah tih ka neilo,,hei leh chen kan in hre tawh a,,Ani thla tlem te chauh a i hriat hi i ring zawk thei hi ka awi theilo zawk….Kei hian engkim hlan khawp che in ka duh che tih i hria,,harsatna siam thei tur che hi ka tih ring duh suh he thil hi ka tih a nilova ka tih tir la a ni heklo….”tap aw lek leka a tih chuan ka thaw hawk,,a tih a nih loh pawh ka ring,,mahse ti tu chu an awm ngei a ni tu nge ni ta ang….

“Engpawh ni rawh se ka hrechhuak ngei ang tel ve na i nei anih ngat chuan thil pawi tak i ti angah i in ngai thei ang….” tia inherin ka kalsan nghal a,,Nga ti nge hmeichhe ho hian mittui hi an ngah em em bik le,, hahthlak hlawm lutuk thil an ti sual a,,an thil sual tih lak ata in sawifiah tum an mittui a tla nghal ngawt a…

Puii laka ka thinrim ngawt kha ka inthiamlo viau,,thu chiang hre hmasa lova khatiang a thinrim khum tur kha ka nilo,, mahse henu hi chuan ka nihna hloh khawp hian min siam tlat si thin anih hi…. Ka duhdan a thil a thlen loh avanga ka thinrimna kha ka thunun thei hlollo,,hemi te pahnih hi an inngaizawng tak tak em ni?? Nge ni a sawi ve mai mai an ni zawk??

Programme vel vangin kan buai viau a,,ka thinrim ri tun bawk nen thil tihfuh a har,, Mahni chanpual theuh tiin kan buai viau a,,Peka leh Puii rawn in phur ka hmuh chuan ka thaw hawk a,,kei hi engvanga mi thusawi vang mai mai a buai em em nge maw ka nih le??

Maria-i nen hall lama kan program hman dan tur sawi a Volleyball court kan kal pel dawn lai a,,ving zeta ball lo kal chu ka dang hman lo,,a titu ka hmuh rual erawh in tawng lo tura ka insum nasat zia hi a hre hauh lovang…A chetdan naupang chhiat thlak zet chu en liam ka tum viau mahse ka hming lam meuh a zawhna min zawt vel leh a awmdan pawisawi lo hmel lutuk te chuan ka thin a ti rim hluah hluah,, mahse Ani ang chuan ka zirlai naupang te hmaah ka che ve hauh lovang….

Staff room kan luh thleng chuan Maria-i chu a ang hlak hlak a,,ka ngaihsak hran lo,,ka hna tur ka sawi zawmpui nghal chuan a lungawilo mitmeng chu ka haider hmiah…Kan hna kan zawh hnu chuan haw turin kan chhuak a,, Garrage a Puii hmel ka hmuh chuan biak ka tum zeta,,ka bula kal la hian eng eng emaw alo sawi ve sek bawk si….. A thusawi pawh ka ngaihsak lo Puii phone bia ringawt chu ka melh a,,eng tak tih tum ang maw!?

An panga bawkin an inzui chhuak leh a,,an kal dawn a Puii leh Peka awmdan chuan ka mit an tikham takzet,,an kal liam ruala, “I mit ngeiin i hmu tawh bawk a,,i hrethiam tawh em ang chu maw!?” a tih chuan ka chhang lo Vawiinah ngei hian ka finfiah tur a ni…Betty ka call a mahse phone a la theilo,, College atang chuan ka inkhalh chhuak a,,khawi lamah tak kal hlawm maw!??

Ka kekawr iptea ka phone nghawr dar dar avang chuan ka bike chu ti dingin ka ipte chu ka zen nghal a,,ka pick up ruala Betty-in,,”Kan leng” a tih deuh hlar chuan ka rum nghut a,,Heng ho inkawm khawm hian min ti hah takzet,,tukin zing thil thleng avang khan ka lakah a lungawilo hle tih ka hria,, an miss hi a ngaisang ve bawk em a ni….

“Khawiah nge in kal??”ka tih chuan a ngawi vang vang a,,a sawi hreh hmel viau lehnghal a,,

“Muthi-ah” a tawng tawh dawnlo maw ka tih hnuah a rawn ti sap,,ka phone chu off in Muthi lamah ka in khalh chhuak nghal a,,eng rilru pu a an lenna lama kal ve ngawt hi nge ka nih ka hrelo mahse ka kal miau si a ni….Khawiah nge ka thinrimna zawng zawng te kha an awm zawh tak pawh ka hrelo….

( TETEI POV )

Muthi Park ah kan kal a,,An sawi ang ngei in a hmun pawh a nuam viau mai,, Esi leh Sangtea chu an kal hrang ve ngei a,,Kei leh Peka,,Josh leh Betty…. Thutna tura an siamah chuan thu in cap ka khum a,,ka tui pai chu kan in a,, “Lokal teh Sangtea te awmdan kha ka hmu chak viau ania,,enthla ang” ka tiin ka ding nghal hluai a,,Peka erawh ka thusawi vang nge a tui in lai a phuh chhuak thawt,,a khuh nghal bawrh bawrh a,,a hnungah ka beng dat dat…..

“Miss” tia a nuih hawk hawk chuan,,”Enge” tiin ka melh tawp,,Eng nge a hriat heti vaka a nuih a,, “Miss min inkawm lai enthlak te chu a sual thlak ve e,,”a ti nui nui a,,”Lokal vat mai teh…Ka thianpa khan a pian a hnu lamah vawikhat mah bialnu ala neilo aw,,Esi a hmuh ruala a awmdan kha ka hailo ka hmu chak lutuk….” tiin ka pen sawn nghal a,, “Miss a ho e,,lokal rawh tlang ka fanpui zawk ang che” tiin ka banah a rawn kai a,,ka lo tang ve si nen ka ke ka rap lek a,,ka tlu tur chu min rawn pawm bet thlawp a,,tlu ila ka tlakna lam tur ka en chuan ka mur sung sung thei…. Thui dawn lutuk…..

“A va nuam awm ve a??” Thum chak a rawn ti fiah fak tu avang chuan rang takin kan inthlah a,,a hmel ka hmuh rual a min melh ngur tu mitmeng chu ka hrethiam lo,, rilru nat hmel takin min melh a,,thinrim mitmeng ka hmu bawk…Mahse engvanga sawtiang a min melh ve ngawt nge anih….Chuan hetah kan awm tih engtin nge a hriat???

“Sir i hmuh ang kha a nilo ania…” Pekan a tih chuan,,ngeiawm zet hian a kiai suk a…

“Midangten an sawi ang i nilo tih fiah tura rawn kal mai ka nia mahse an sawi ang chiah ilo ni si,,”ti hmukin a inher hmak a,,a kal nghal daih….

“Miss Sir bulah khan insawifiah la ka duh…” ti sup tu chu melh hrawkin ka ner khum sawka….

“Miss mipa ka nih angin Sir hian a duh che tih ka hria” a tih leh lek phei chuan a banah ka beng nghal pawp,,ka chhang theilo ka thinrim tlat alawm….

“Miss Sir chu,,I thinrim tal kha hrithla rawh…” tiin Zira kalna lam hawi chuan ka hnungah min nam dat dat a,, engvangin nge khapa be tur ringawt khan ka kal ang….ti rilru chungin Zira kalna lam pan chuan ka kal tho…..

A bike bula thinrim tih hriat zeta a kawng dawm a ding ka hmuh chuan thaw hakin a lam pan chuan ka kal a,, a bul ka thlen chuan sawi tur pawh ka hre chuang lo…ka ding ngawi reng a,,a rawn inher ruala ka hmel a hmuh chuan a phun nghal hluk…

“Eng nge?” a ti nghal hluk a,,ka chhanglo…

“In hun hman ka tih buai che u avangin min rawn ankhum dawn a mi??” a tih leh chuan ka ner nghal nak a,,

“I ngaih ang hi thil a ni vek lo…” ka tih chuan a tih ziah danin chimawm zetin a nui suk a,,

“Diklo se ka tih avangin ka rawn kal reng alawm….Mahse ka mit ngeiin ka hmu che u” a tih chuan insawifiah tumin ka kâ ka ang zuai hman mahse engvang ngawta hepa bula insawifiah tum nge ka nih?? Ka tan eng nge anih hetiang rilru te ka put le??

“Chhanna i nei leh si na nge??” a ti hluk chuan,,”I laka insawifiah tur hian ka eng nge i nih??” ka ti let ve hmak..

“A tha e,,i engmah ka nilo mahse kei hian ka ngaihven tih i hria lawm” a tih chuan mak ti zetin ka melh kawk a,,tunah khan min ngaihven tih a sawi a mi?? Mahse engvangin?? Engvanga min ngaihven nge anih….

A phun rik hluk ruala a hmui lum thar tharin ka hmui a rawn deh rual chuan ka mit ka chhing sawk a,,ka ngaihtuahna nû nghal bulh chu engvang nge tih hre mah ila ti tawp turin chakna reng ka neilo,,min fawh ang ang chuan ka dawh tawp a,,nuam ka ti nge ka thinrim pawh ka hre lo….Ka ke in zung a kaih ni berin ka hria ka chesawn thei lo…..

“A lehpekah chuan min chhang ve tawh ang che” ka hmai bul cheta ti thawp saptu ka melh rualin ka tawlh hnung dawr a,, “Zaktheilo lutuk” ka tih hlak chuan a nui nghal vur vur,, “Eng nge i nuih??” ka ti nghal hlar a,,ka thinrim tak tak em tih pawh ka hrelo…. “Ka bialnu i ni tawh ania,, tu mipa mah i hnaih ka phal tawh lo tih hria ang che” a tih chuan ka melh vak a,,a nui tawp thei lo nge ala nui sawng zui…..

“Ehem” rawn titu lam ka hawi chuan midang zawng chu an lo nui thaw hlawm a,, Anni hian kan infawp kha min hmu tihna em ni??Awi nilo zahthlak lutuk tiin Zira hnungah chuan rang zet hian ka biru a,,an nui nghal dar dar….A va han tihchi loh thin tak em!!!

Conti..

Leave a Reply