You are currently viewing STARLIGHT – 26&27

STARLIGHT – 26&27

Spread the love

Thuhma ang deuhin zanin chu ngenna ka han siam teh ang, ads te kan neih ve takah chuan khawngaih takin vawikhat chauh min han click sak ve zel teh u aw, ka lawm viau ang, in vanga ziak thei zel kan nih kha min hriatpui ula, chhiar nuam vek ule.

STARLIGHT – 26

( TETEI POV )

Hepa hian engthil nge tih a tum reng reng ni. Period Off ka neih avang chuan ka phone thar chu la chhuak in eng eng emaw ka khawih kual a,,Ka apps neih ve ho te ka install tha a,,Ka phone number thenkhat bo ho erawh Whatapp lamah zawngin ka theih chen chen ka save tha a,,Ka phone a vawm chhiat tak man dil lova ka ngawi mai mai hi lawm viau tur hi a ni asin,,lawm a hnekin min la thinrim khum zui ania,, Chupawh ka hriat ngai pawh nilo message vang mai mai lehnghal,, Khanu nena an in fawp zak lutuk awmngaihna hrelo ah ka puh hmiah nep sazu lutuk…..

Ka phone khawih pah chuan keimah leh keimah ka inngaihtuah thinrim thar a,,ka ke ka per det det a,,a class lakna hmuna va kal a a hmaia va ben pawp te ka chak rum rum…Engtin he mihring pa hi a zahtheih loh em em le??? A upa tawh lutuk a,,zahna te chu an thingrem mawngah a kalh hnan tawh aniang….Ka thinrimna belhchhah turin ka hmaa Principal order Thlakhat chhung tlai tin awm hnufual a,,naupang harsatna engpawh an zirlai emaw an mimal nun thleng a chinfelpui tura min dah chu ka pawm thei hlollo,,naupang puih hi ka hreh a nilo mahse hei hi ka hna a nilo,,ka hna chu ka subject tha taka zirtir hi a ni mai…. Lalnunzira min dah anih vang hrim hrim pawh in ka hua…..

“Te…”
“Eng nge….” min ko tu ka hriat rualin vin zetin ka ti nghal vak,,ka bul hnaia awm te chu an phu suau in ka hria,,ka hmaa ding Esi pawh a phu nasa tih hriat takin a awm a dawm vawng vawng a,,ka hmelah ka mood a chhe hle tih a hria a ni mahna a mit kan zeuh in,,”Tu in nge i ril phawrh sak che a??” tiin a nui var var a,,Nuih pawh ka nuih let peih lo…

“Te thlakhat chauh anih kha,,enchhinna tur ania a sawt viau chuan midang pawh hian an ti ve zel dawn tho alawm,,Zirlai naupang kan puihna kawng pakhat tur ania….” zaidam zawka a tih chuan,,rum zeta melh in,,

“Psychologist Doctor ka nia mi?? Subject zawng zawng zirtir thei tur khawp in ka thiam a mi?? Midangte harsatna chinfel sak turin Special pawh ka nilova engmah ka ni bik lo,,i hrethiam lo anih kha”ka tih chuan min chhan tumin a ka a ang zuau hman,,mahse mipa aw in min lo chhang daih…..

“Kei chuan midang zawng zawng aiin Special ka ti che….” rawn ti tu chu hmuh tumin Esi chu ka nemsawn a,,Ani pawh inherin a hnunglam chu a en ve nghal… A hnunga ding mipa chu ka hre mai lo lehnghal a,,kan titi kara rawn inrawlh turin tu nge maw anih chu le??

“Ka sawi chu i hria em he khawvel hmeichhia ka hriat tawh a zawnga special ber i ni..”a tih leh chuan mak ti zetin ka melh a,,a hmel hi chu ka hriat sa a ni chiang mahse tu chiah nge anih ka hrechhuak zo tawh lo…..

“Ahh thianpa tu nge i nih a??” Esin a tih chuan a chhanna nghakin kan lo en kiau a,,mipa chhelo tak a ni kum naupang zawk zawk hmel a pu lova,,a sang tha hle a,,taksa mawi tak a nei a ni tih a thawmhnaw hak chhan atang sawn ka hrethei… Kamis banbul pawl dal raih a ha a,,Jeans kekawr pawl tak lampang ha in sneaker a bun leh tawp a,,a hmelfai vang avang chuan a lang tha takzet bawk…Ka en chik viau chung pawh in tu nge anih tih ka hrechhuak zo chuang lo…

“Tete Min hriatloh hmel deuh a min en khan ka rilru a ti na….” tiin nui sangin kan lam a rawn pan a,, Keipawh ka thutna atanga ding in a insawi hun ka nghak ve tawp….Esi lamah chuan a kut phar chhuakin,,”Joshua ka nia” tia Esi a chibai chuan Inrinni zana Facebook lama friend request min rawn thawntu Usawmzuala thianpa kha ka hrechhuak nghal zawk…. “UJoshua” ka ti nghal chul a… Ani chu ka lam rawn hawiin a nui nghal var var a,,Kan upa ber te nen an inkawm thin a,,Ka naupan laiin min duat thin hle bawk…..

“Ka naute special deuh hi tunah chuan Lecturer ilo ni tawh reng a,,a mak hle mai Inah suahsual rawng i bawl mai mai ka ring ania” tia min rawn kuah a tum chuan ka awmsawn nghal vat a,,”Suahsual rawng ka bawl bawk love o..” tiin lei ka chhuah zuk a,,a nui nghal hawk hawk bawk….” Lokal teh ka naute lian” tiin min kuah nghal hlu hlu a,,rei erawh kan inkuah lo kan inthlah rual a,, Lalnunzira a dawhkan bula kut hum ruh teuh chunga ding chu ka hmu nghal,, a mitmeng a thinrimna alh hluah hluah chu ka hmuh hmaih loh chiang kher mai mahse ka hrelo der hmak thung…..

“Es Canteen lamah kal ila” ka tih chuan Last period a neih thu a sawi avang chuan Joshua nen chuan staff room atang chuan kan chhuak dun a,,kan chhuah dawn a Ziran mit khap miah lova min melh reng chu ka hmu ru reng,,hmu lo angin ka kalpel hmak thung,,a bialnu pawh ka ni tawh lova ka duh duh danin ka awm thei,,a bialnu pawh ni tehreng ila ka duh dan ka tih theih lohna chhan tur ka hrelo…..

“Eng nge kan College-ah te ilo tih ve reng reng a??” Canteen-ah kan thu a,,Kan inhmuh lohna a rei ve ta hle mai,,School an chhuahsan atang khan ka hmu leh ta miah lo ania….A pa an transfer zui nen….

“Hetah i thawk tih i Fb Profile atangin ka hria a,,ka kalna nen a remchang em a ka rawn tlawh che,,ka rawn biakna che la min chhang duh bawk silo…” Nui var var a atih chuan mak ti angreng takin ka en a,,

“Engtik nge min rawn biak??” ka ti deuh ha a,,

“Ka Friend request I confirm hnu lawk khan ka rawn bia che lawm i seen renga min chhang miah lo….” atih chuan ka hrethiam mai,,Kha zana messanger message ka dawn khan Amah hi a ni tihna ania,, Tullo zetah Ama tih dikloh avangin ka chungah a thinrim a,,ka phone a vawm chhe bawk a,, Zaktheilo lutuk tih bak sawi ngaihna ka hrelo….

“Sorry i message ka reply hma khan ka phone ka thlauh a a chhe vek alawm,, mahse hei phone thar ka nei leh tawh a,,” tiin ka phone thar chu hmuh in ka nui var var a,,Ka phone chu rawn la in a en vel a,, A number ni ngei tur hi phone-ah chuan save in a phone a call nghal zat a….

Thingpui kan in zawh hnu chuan Canteen atang a chhuak in a Car awmna thleng chu ka thlah a,,”Tete i tha takzet tiraw??” a tih chuan lu ka bu nghauh nghauh a,,Ka samah rawn chul zeuh in min kalsan ta a…. Kan naupan lai pawh khan a hmeltha tawh a,, val sinior anih hnuah pawh ala hmeltha tho anih kha…

Staff room ka luh leh rualin Zirtirtu hmeichhe ho chuan tu nge tiin min lo zawt nghal sap sap a,,an star chiang lutuk,,A nu ho zawk zawk hi hetiang lam sawi a mi fiam peih peih hi an nia kan room hi chu a nuam viau zel,,Fiamthu an duh hlawm in an tawng duh angreng hlawm bawk a,,kan ri deuh laih laih zel…..

“I bialpa a mi??” Kan sir pakhat in a tih chuan ka nui hak hak a,,ka chhang lem lo a chhan pawh Lalnunzira awm vangin,,duh leh ka bialpa ang chuan ngai vek mahse pawi ka ti lo zawk….Sawpa ngat phei chuan ngai sela thinrim bawk se ka duh….A laka sual ka la chhuah lohna chhan hi ka hrelo mahse that tumna ka nei chuang lova kan inkar la tih that leh tumna ka nei tawh hauh lo bawk……

Tlai anih a ban a hun chuan zirtirtu dang chu an bang sap sap a,,Kei leh Lalnunzira erawh kan la awm,, Commerce leh Science zirtirtu pawh pahnih ve ve an lo awm bawk a,,a zia phian mai…. Students zawng zawng te chu awm tlai tir an ni a,,Zira chu dingchhuak in Zirlaiin harsatna an neih a hma an lak dan tur te,,Kan kal dan tur te sawiin Complain box department hran theuh tana College in a siam te chu sawiin zirtirtu awm te chuan kan endik thin tur thu te a sawi a,,Tin mimal chungchangah pawh engpawh zawh theih a ni tih a sawi lai chuan naupang pakhat chuan a ban a rawn phar a,, Zira chuan eng nge sawi duh a neih a zawh chuan “Miss Dr.Joshua kha i bialpa a mi??” a rawn ti ta mai,,ka hawi nghal zawk a,,Zira chuan a chhang dawn emaw ka tih laiin “Miss” tiin microphone awmna chu a kawk zeuh a,,ka va han haw tak em!!!

Ka thutna atanga ding chhuakin Microphone hmaah chuan ka kal a,,Zirlai ho lam chu hawiin zawhna zawttu hnenah chuan,,”Engtin nge Joshua i hriat??” ka tih chuan,,”Miss Mizorama doctor hmeltha bera an thlan Dr.Joshua hrelo an awm dawn a mi??” a tih chuan mak ka ti ru viau,, Joshua kha Doctor maw alo nih a ka va han bengvar lo thin tak em!!!!

“Dr.Joshua kha ka bialpa a nilo” ka tih chuan an uhhh nghal dual a,, “Ka unaupa anih kha..Hun rei tak hnuah min rawn zawng chhuak leh chiah a…” tiin ka nui var var a,,Ka thutna lam ka pan lai chuan vawikhat mah Zira ka melh lo….Kha zana thil thleng te pawh kha a hre chhuak ve uai uai in nia ka rin…..

Kan ban meuh chuan Dar5:00pm a ri tawh… Naupang ho pawh an haw dam dam a,,Peka chuan ka Bike bulah min lo nghak leh ran tawh mahse vawiin chu nidang anglo zetin a nui miah lo….Ngati nge le zing lama a hlim tehlul nen harsatna a tawk a mi le?? A bul ka thlen chuan ka helmet ken chu ngawi rengin a rawn ban a,,Chahbi ka pek mai loh avang chuan min en nghal vut a,,”Peka harsatna i nei em ni?? Ka sawi awmzia chu thinrimna i nei em??” ka tih chuan a lu a thing nghut a,,mahse dawt a sawi tih ka hria,,”Miss chahbi chu…” a tih chuan pe duh lovin,,”Thudik sawi rawh eng nge i lungawiloh chhan??” ka tih leh chuan “Ka lung a awi”a ti hmuk a,,keiin ka zawt zel bawk nen a thinrim chuan,,”Ka thinrim chhan maw….” vin zetin a rawn ti a,,ka phu dawrh nghe nghe….A ngawi dat a,, “Khatiang kha mahni zirtirtu te biak dan tur a ni em ni?? Engang pawn innel ula College chhung ala ni tih theihngilh suh….”Ka hnunglam atanga rawn ti tu avang chuan ka hawi phei nghal a,, Lalnunzira hmel dur khui a lo ding ka hmuh chuan Pekan a thusawi sawi tum lova a ngawih chhan a ni tih ka hrethiam nghal….

Peka lam ka hawi leh chuan hmui chip hmakin min kalpel in Gate lam a pan nghal nul nul a,, Lalnunzira chu melh nghekin Peka chu ka umzui nghal,,mahse a thusawi avang chuan ka ding dat a,,”In inkarah hian awm a awm tak tak em ni?? Khatiang a be ngam tur che khan eng nge in in karah awm??” Rilru nat hmel zeta a tih chuan ka melh ran a,,”Lo buai duh suh…” tia inherin ka kalsan nghal hmak….Peka hi mipa pa ve tak leh thinrim mai mai ngailo a ni…Mahse Tuna a awmdan kha ka hriat a ngai…. Engvanga khatianga awm kha nge anih??

Chak zeta Peka kal chu ka umzui a,,a hnung atangin ka ko bawk a,,Tullo zeta Lalnunzira rawn inrawlh vang vek a ni…

“Vanlalpek lo ding teh” vin zeta ka tih chuan a ding chawt a mahse a rawn hawi letlo,, hmanhmawh takin a lam ka pan a,,A hma a ka din rual chuan ka hlauthawng letling zawk,,Mipa zaidam leh fel em em,,Pa tak ni bawk chu mittui tling kiau in a ading a engvang nge ka hrelo.

STARLIGHT – 27

( ZIRA POV )

Ka nu leh pa te ruahman angin kan colony hovin chaw kan eikhawm a,,Rsa te chhungkua pawh an rawn tel ve bawk a… Rs-an Puii chu a en chik hle tih ka hria,,a chhan pawh a bul hnaihah hlir nileng deuh thaw a ka awm vang a ni,,Tlailam chawhlui kan kil dawnah min zawt ta reng kha ania… Mahse kan chaw ei laia Jenny rawn lang thut kha ka hrethiam lo viau,,henu hi hnaih leh pawh ka duh tawh lo,,A zakthei lovin min tibuai reng thin kha ania,,min hmangaih tu ka tawng tawh tiin min thlah ve ta hram kha ania,,mahse hei tunah a rawn lang leh a,,Ka study room-ah ka nau Nuni ngeiin a rawn hruai lut bawk a….Puii kallo tura ka mitmei chu a hre leh duh miah lo nia,,Henu hian hmeichhe dang nena kan inbe tur hi thikna tlem te tal pawh a nei ve lo a mi le?? Nui chungin min la chhuahsan thei ania…Ka rilru chanve ang tal te hi ka lakah hian pu ve sela ka ti…..

“I ngaihtuahna hmun danga dah chungin he deal pawimawh tak hi kan sawi dun thei meuh ang maw??” Jenny in a tih chuan harh chhuak thutin ka melh nghal run a,, tun dinhmunah chuan henu hi ka haw takzet…Kan hun hman nuam zet rawn tibuaitu an ni a,,Nuni pawh ka la hrilh ang…

“Sawi ta che ka ngaithla…” ka tih hmuk rual chuan a dar san akin,,” I la danglam lo hle mai,,mahse Chhungkaw sumdawnna avanga inbia kan nia,, Professional taka chet lak duh thin i niin ka hria…” elsen rawngkai hleka a tih chuan thaw hakin a lam chu ka hawi a,,”A tha e sawi rawh” a hma aia hriat nuam tur zawk chuan ka ti a,, nui ri hakin Kan chhungkaw sumdawnna chungchang chu a sawi zawm nghal a,,keipawh in ka duhdan te ka sawi bawk a…

Jenny pa hi Mizoramah chuan mimal Sumdawnna nei lian ber tih theih Lalthangpuia fanu neih chhun a ni a,,An chhungkua hrelo hi an awm lovang tih theih khawpa lian an ni a,, Sorkar leh pawl hrang hrang te pawh in a an biak that an ni…. Ka pa Showroom tih len chungchang leh thawh ho dan tur sawifel pui tura kan in a rawn kal pawh a ni reng a,,mahse nga ti nge he project khawih tur hian ka pa hian keimah min tih leh kher ni,,a chhan tur awm ka hrethiam lo,,Nuni a awm a engkim khawihpuitu Amah a awm bawk a,,a secretary fel tak a awm bawk a….Ka hna lamah pawh ka buai ve tawk viau asin le…..

An deal chhawpchhuah tam zawk chu ka duhdan anih miau loh avangin kan sawi dun rei kher mai,,Kan inrem tak hnu chuan ka pa te nena inremna ziahpui chauh a ni tawh…Chhuak tura ka din chhuah chuan ka banah min rawn chelh a,,a mitmeng awmdan leh chetdan danglam chu ka hmuh hmaih lo,,Hmana min zui kual reng thin tu Jenny kha a ni tih ka hre thei…. “Eng nge??” ka tih hmuk chuan a hmui sen hlar chu ti pawrh zeuh in,,”Nupui ilo la nei miah lova” a tih chuan tullo ti zetin ka inher san nghal hmak….He room chhung chhuahsan ka chak ber tum a ni hial ang,,ka rilruah Puii ringawt a awm tawh…Hrehawm ti taka a awm ringlo mah ila ka ngaihtuah tho….

Pawnlama kan chhuah pah chuan Jenny chuan hmanlai thil a sawi chhuak a,,A nui hak hak a,,ka tuipui ve lemlo…Inhnuai kan thlen chuan ka nu chuan Thutkhawmna lama thu ve turin min ko a,,Jenny chu an be nghal siam siam a,,mahse ka chhungte ho bak lo tumah ka hmuh loh vang chuan Rsa bulah chuan,,”khawiah nge an awm vek a??” tiin ka zawt a,,Bike a an ride thu a sawi chuan engvang nge ka hrelo ka thinrim nghal tun mai….Dik tak chuan Vanlalpeka Ka sinior Student keipawh in a fel ka tih leh Puii inhnaih lutuk hi ka thik….A bula mipa awm apiang hi ka thik vek….Mahse Hmeichhe dang ang a nilo tih ka chian em avang hian ka thikna te ka ti lang ngailo chuti chung chuan he naupang nena an inhnaih lutuk erawh ka thik thlawt a ni….

Tunah pawh bike khata an chuang leh tur ka ngaihtuah ringawt pawh in ka thinrim ru tun a,,inhnaih taka an nui a an titi leh vel tur te ka ngaihtuah phei chuan kan inchhung zau tak hi a chep thar a,,boruak a tlem sawtin ka hria….Ka thaw halh a,,ka kut erawh ka hum ruh tulh reng thung,,ka awmdan hrethiam ni awm takin Rsa chuan “A tha vek mai ang” nui ruh ruh chunga a rawn tih chuan ka nui ve suk tho,,mahse ka rilru erawh Puii te chhuahna lamah a awm tho si….

Ka pa in Jenny haw tur thlah tura min tih chuan phurlo zetin ka ding chhuak a,, Duh aia ka chhungte hmuh laia min hnaih chu ka duh viau lo,,ka nu leh pa te ka hmaizah avang chauh a khak buai duh lo pawh ka ni…Pawn kan chhuah ruala Bike rawn ding ri dawt avang chuan ka hawi phei nghal a,, Albert-a Bike a Albert-a a phur a ni tih hriat taka an rawn ding ka hmuh chuan ka melh nghal khui a,,a khalh chak hle a ni tih Albert-a tawng dan atang chuan ka hre thei…

Puii leh Albert-an min en ve lem lova an pahnih a an inbiak mawlh mawlh lai chuan Midang pawh an lo thleng a,, Garrage lamah Bike an dah lut pawh chu ka enzui reng a,,Keini pahnih lam chu an ngaihsak hlawm loh hmel viau,,”Ka thusawi i hre miah lo” Jenny-in a car kawngkhar hawng a a tih chuan a sawi ang chiah in a thusawi engmah ka hrelo tak tak bawk…. “Um pawilo mai” a tih rualin ka chetsawn hma hauh in min rawn fawp a,,rei erawh a nilo… “Bye” tiin a car-ah a lut nghal daih a,,A chetdan chu haw viau mah ila tawng na hun pawh ka neih hma in a kal liam nghal a,, Mahse ka hriat erawh a thleng nawn tawh tur a nilo…..

Garrage lam ka hawi erawh tun lawka thil thleng pawi zia kha ka hre nghal,,An vaiin min en thap a,,Light eng hnuaia ding an nih bakah kan awmna a inhlat deuh avangin Puii hmel ka hmu chiang theilo chuti chung chuan a chetdan atangin a lung a awilo tih ka hrethiam nghal,,Inhnuai lamah Betty telin an chhuk vek a,,ka insawifiah ngei a tul tih ka hre bawk mahse engtin nge ka in sawifiah tak ang le???

Inhnuai lam pana kal ka tum chu Nunin min lo ko a,,inchhung ka luh ruala Ka pa an deal leh project an hmachhawp tuna Jenny nen kan sawi zawh tak kha buaipui tura min tih chuan hreh takin ka hnial thung,,a chhan min zawh chuan ka chhang lo,,Ka hna erawh ka chhuanlam thung,,ka pa hnial hi ka hreh takzet a,,Chutih rualin ka hna hi ka ngai pawimawh viau bawk….”I nau in a khawih anih pawh in puih ang che,,chu em chu ka fapa i nih vangin ti ang che…” Rum nghut chunga a tih chuan ka lu ka bu nghut a,,Ka duhdana ka kal phal reng tu leh ka thil tih a min support ziah tu ka pa hi ka zah viau mahse Tun tum kher chu khawih ka tum lo bur,,Jenny mizia ka hrechiang a,, Sumdawnna chauh lo thil dang tum a nei tih nichin lawka a awmdan atang khan ka hrechiang,,chuvang chuan hlat ila a tha ber…

Nuni te chhungkua an haw hnu chuan inhnuai lamah ka chhuk a,,ka luh ruala min en dan hlawm chu ka duh lo viau,,Betty pawh a lungawilo viau a ni tih ka hre bawk…. Vawikhat mah ka thu hnial ngailo khan min hnial ve pang pang nia… Mahse min hnial hlen erawh a ngam bik lo thinrim zetin a chho a,,midang pawh an haw ve nghal bawk….Peka erawh Puii a ngaihtuah tih hriat zetin a ding khawmuang a,,ka tawngchhuak leh teuh kher mai…..

Hmeichhe bulah ka la insawifiah ngai lova tin ngaihdam dil ngaiin ka khawsak ka hre helo….Mahse tunah erawh ka tih ngai ni hauh lo ka ti mek chu ania,, hmeichhe dang bula ka awmdan ang ni miah lova henu bula ka awmdan danglam vek thin leh mipa zakzum tak ang mai a ka sawi tum ka sawi mai thei thin lo hi mak ka ti,, Puii hian ka awmdan hi hria se min ngainep thin viau in ka ring….Mahse chutiang tilang lo tur erawh chuan naupang chhia ka ni tawh lo… Ka thusawi a ngaithla duh lo tih ka hriatna chuan ka thin a tirim ru tun a,,mahse sawi erawh ka la duh tho,,a chhan chu Ani hian ka rilru put ang hi pu ve kherlo mahse tunah hian a lungawi biklo a ni tih ka hria… Mahse a rawn tawngchhuah dan erawh in ka thinrimna a chawk tho a,,engah mah min ngai ve lo ni a ka ngaihna rilru nen ka tum loh zetin Nicky-a hming ka lam ri a,,a mitah natna ka hmuh rual in ka thil tih dikloh zia ka hrechhuak a mahse ka sawi vek tawh….

Nicky-a chauh a hmangaih a nih thu leh a nuna mipa awm anih thu a sawi laia a chhungril nat dan tur saw ka hmu thiam mahse ka hriatthiam pui silo,,A natna thlen sak duh miah lo tu hian tunah ka ti na a ni si a,,Ka kuahbet lai a a tah rik meuh chuan ka chhungril hi a na vawng vawng a,,hetiang taka hmeichhia tap avanga ka thinlung nat hi ka la tawng ngailo,,Chupawh keima tih nat ngei a ni…Henu hi ka Hmangaih a,,a nat rual hian na takin ka na ve a,,a nuih rual chiah hian ka nui ve a ni…

A taksa a zawi hnawk rual chuan pindan lamah ka pawm phei a,,a mut lai pawh a a mittui tla reng chu ka hmu thei tawh lo,,tunah chuan keima vangin a tap miau a hnem duh mah ila ka theilo….Amah pawh ka tan a inhawng dawn chuang lo tih ka hria…. Sitting room lamah ka chhuak a,,sofa ah chuan ngawi reng in ka thu a,,
Nicky-a a hmangaih zia hre reng chunga ka nuna la lut ka ni a,,mahse keimah bawk in a hmangaih hmasa engtikah mah khawvel a atawn leh tawh loh tur mipa chu sawi chhuah sakin na takin ka siam chu a ni si a…Ka thil tih sual hi keimah ngei in ka siam tha leh tur a ni….

Ka muthilh loh avangin Puii pindan lama thawm awm chu ka hriat rualin ka tlan lut a,,a mumangah Nicky a hmu a ni mahna a tap a,, Nicky-a hming lamin a tawng niah niah a,,ka koh vak hnuah pawh a harh mai theih loh avangin ka sawi deuh nawk nawk a,,a men chhuah ruala a mitmeng ka hmuh chuan ka dingchhuak a,,inbiak ka duh tawh takzet mahse min helna ngawt a zawng zui… Bathroom-ah a lut a,,a thawm ka ngaithla reng a,,a rawn chhuah leh pawh chuan min melh eih lovin a pindan a chhuahsan a,, ka zui zel a,,ka chetdan chu atthlak ka ti viau chuan ka mut miah loh avang leh ngaihtuahna ka sen tam vang nge ka lu a na viau lehnghal,, Inbiak ka duh thu ka sawi leh pawh in ka zaidam viau lo…. Kan inkar a tawp tawh tih pawh awlsam takin a sawi thei ania…. Lalhlupui awlsam taka kab inkar hi tawp tir ka tum hauh lo ania…..ka rilru chuan ka ti nghal a….

A mit bui lak leh a chauh hmel lutuk avang chuan duat ka chak viau mahse Vawiinah chuan ka duat thei dawn lo anih hmel a ei tur tal ka siam sak a ni mai ang chu….Ka nu leh Betty lo chhuk in ka awmdan in ti neitu lutuk chu mak an tih hmel viau,,ka nu hian kan inngaizawng tih hi a hriat ngei ka ring,,mahse ka hrilh hun a nghak a ni mahna engmah a sawi ngailo…. Keipawh in rei tak zep ka tum chuanglo…. Ka nu te haw hnu in ei rawng ka bawl a,,chaw kan eina ka lo sil ang ka tih chuan a pindanah a lut hmak nia mawle min puih ve tal tur hi ania…..

Thleng ka sil ang tih pawh ka ngaihtuah ngai loh laiin Ka bialnu inah thleng ka sil a,,ka bialnu titau ka thlem bawk ania,, Ka nundan inthlak nasa lutuk hi ka ngaihtuah chang chuan ka nuih te pawh a za ru viau zel mahse heng zawng zawng hi ka hmeichhe duh em em Lalhlupuii vanga thleng vek a ni miau alawm le..Engtik niah emaw chuan kei ang tho hian a thinlung hi ala danglam ve ang chutih hun tur chu chel taka ka nghah a ngaina ni,,Kei aiin kum10 ngawtin a naupang a,ka dawhtheih a ngaih zia ka hria chutih rualin Jenny kha thik lo angin a lang a mahse a thik tih a awmdan tam takah khan ka hre thei ka fawh lai pawh khan min chhang let ngei alawm…..

Pindan chhung ka luh chuan min hmu miah lo nia mawle….A phone a khawih a ala nui var var zui….Eng nge a en hriat tuma a phone ka en chuan Facebook a lo khawih a tullo ka tih em vanga laksak ka ni… Message rawn thleng ka hmuh rual chuan ka thinrim na ka thunun theilo…. Dr.Joshua a ni tih chiang takin ka hria…Eng nge Puii nen hian inzawmna an neih….Hepa hi hnaih tur pawh in ka duh lo,,Tu nge ti a ka zawh chuan min chhan dan avang bawkin ka insum hman lo tunah erawh ka thin a rim lutuk hi insum pawh ka duh lo….A phone ka vawm chhiat sak hnuah pindan chhuahsan in a in atangin ka chhuak nghal a,, ka thinrim em avang chuan inah pawh lut lovin ka bike ka la chhuak a,,tum lam pawh nei lovin ka inkhalh chhuak a,,Zemabawk ka tlanpelh chuan kawngsirah ka ding a,,Bike ngheng chuan ka thu a,,ka hun kal tawh ka ngaihtuah a,,Ka thaw halh a.

Engtin nge Dr.Joshua leh Puii kha an inhriat theih,, engvangin nge Facebook ah khan a rawn biak,,Tullo zetin a phone ka vawm chhiat sak lehnghal.An inzawmna ka hriat ngei angai a ni. Khapa kha a hnaih tur a nilo tawp.

Conti…

Leave a Reply