You are currently viewing STARLIGHT – 28&29

STARLIGHT – 28&29

Spread the love

STARLIGHT – 28

Jonsmely Bawitlung

( ZIRA POV )

Puii leh Joshua avangin ka rilru zawng zawng ka hmang ral a,,ka phone call pawh tumah ka chhang lo…. Monday a ni a college ka thlen rualin Principal in min koh avangin a Office lamah ka kal a,,Ka mut that loh avangin ka lu la chu a na phian mai… Principal nen chuan College tina thil thar tih tur Sorkar lam atanga lehkha kan hmuh chu kan sawi dun a,, Zirtirtu paruk kan ruat nghal a,,Puii ka ruat telna chhan pawh ka hlata awm tura ka duhloh vang a ni….A bul tanna atana ka hmang erawh a lawm lo leh viau in ka ring,, Senior Lecturer vek kan ruat si a…..

Ka rin ang ngeiin a lawm lo hmel chu pe na leh tik tek ania,,a awmdan naupang chhia thei lutuk hian ka nuih a ti za thin viau a,, mahse a hmuh lai erawh in ka nui ngailo… Kan College a Joshua lokal erawh ka thinrim viau a,,mahse chu erawh tih lan ka tum lem lo….. Break laiin Peka min hmu turin a rawn kal a,,a hmel landan atang chuan a thinrim hmel hle a,,he naupang hi High School a kal lai atanga ka hriat tawh a ni a,,a fel in mahni in vawng tak leh a kum phu lova puitling a ni a,,Lehkha a thiam thei in mipa ve tak a ni tih ka hre bawk…. Tun hnaia Puii nen an inkawm tam mah mah ka duhlo tih loh hi chu sawiselna tur ka hrelo….

“Sawi la” ka tih chuan zirtirtu dang awm ve chu melh kual in,,”Sir in room ah lo hian kan inbe thei angem??” a tih chuan Pawnlamah Ka chhuahpui a,, Garrage bula kan din chuan,,”Sir Miss nen hian in inthen a mi??” a tih chuan ka thin a rim hman lek lek…. “Then love” ti hmukin min chhan leh hma chuan ka tawng leh nghal a,,”In miss nena sawi zawm in ni lutuk hi ka duh lem lo” ka tih chuan a lu a bu nghauh a,,”Miss chu ka unaunu angin pawnlamah ka en a,, College chungah erawh Miss a ni….” tiin a kal nghal daih a,,A chetdan mak ka tih em avang chuan chelh dinna hun pawh ka neilo…. A hmela thinrimna lang chhuak kha engvang nge ka hrelo mahse ka ngaih erawh a tha tehchiam lo thung…..

Tlailam a naupang zawng zawng nen hun kan hman a naupang pakhat zawhna chu hriat ka chak ve tho avangin ka khap duh lova,,Puii chu ka chhan tir a….A chhanna avang chuan ka nui khi sak a,,Min la haw hle a ni tih a awmdan atang sawn ka hria,, Phone thar pawh ka leisak ngei a ngai ang….Ka vawm chhiat sak daih bawk sia…. Kan ban hnu chu eng eng emaw ka buaipui leh avangin ka chhuak tlai hle a,, Garrage ka luh a,,Peka vin deuh that chu ka hre hman,,Ka tawng tur ni ngei a ka hriat avangin Peka ka kamkhat a,,mahse a kalsawn daih a,,Ka rinloh tak mai a Puiin a umzui chuan thinrim insehru teuh in Ka Scropio carah lutin ka tlan a,,Gate pawn lam kawng kual laia Puiin Peka a kuah ka hmuh zeuh chuan Thinrim insehru teuh in ka tlanpel a,,henu hian a zirlai naupang hi a ngaizawng tak tak em ni!? Kei hi kawrah min hmang mai mai em ni?? Chu ringawt chuan ka ngaihtuahna a tibuai a,, ringhlel loh hram ka duh laiin ka mitin a hmuh te erawh awiloh a har a ni…..

Kan inah pawh haw tlang lovin Rsa te in lam ka pan a,,Ka thlen chuan mak ti zetin Nunin min lo bia a,,Rsan ka hmel a hmuh rualin a study room-ah kan inzui lut nghal….

“Nga ti nge??” pindan kan luh fel ruala a tih chuan thinrim zeta melh in,,”Engvangin nge Joshua Mizoramah a rawn haw tih i sawiloh??” ka tih chuan mak ti hmel zetin min en a,, “Tu Joshua maw??”a ti hu lehnghal a,, “Dr.Joshua Kha mi tenawmpa kha” ka tih hrawk chuan,,”A rawn haw maw!?” tiin min la zawt zui….. Ani pawh hian engmah ala hrelo a ni mahna….. “Zira han sawi chiang teh Dr Joshua hetah a rawn haw tih chu khawi tanga i hriat nge?? Bakah a tibuai leh che a mi??” a tih chuan ka kekawr ipte chu ka kut pahnih a zenin a dawhkan chungah chuan ka thu a,,ka ngawi vang vang a,,ka ngaihtuahna chuan Delhi kan awm lai daih a awm thung….

Kei aia naupang fe Doctor zirlai,,Rsa te junior ve leh chhawng in Mizo Student Union hnuaia dawt a min hek a mualpho taka min siam kha ka theihngilh theilo a ni,, Ka zirna avang khan ka buai em em a,, History kan tui tak tak lai alo ni bawk nen kan buai thei hle a,,MSU thil tihnaah pawh khan tel ve hman lovin Ka thian hnamdang te nen eng eng emaw tiin hun ka hmang thin a,,Mahse ka nih lohnaah puh ka ni a,, ruihtheih thil khawih thin leh hnamdang nena buaina siam zawnga chet la thin ang hiala thiam taka puh ka nihna kha ka damchhung hunah hian ka theihngilh dawn lo,,MSU hruaitu ten min koh pawh a ka Thinrim em avanga insawifiah pawh tum lo ka ni,, min hektu pawh tudang ni lovin tuna Doctor ni ta Dr.Joshua ngei hi a ni….Kha thil a tih chhan kha vawiin ni thlengin ka la hrechhuak lo bawk……

Bar ka kal tumin a thian dangte nen ka hmu a,,ka thinrim em avang khan insum zo lovin ka sawisa ta kha ania,,kha thil ka tih avang khan min puhna chu dikah ngaiin Mizo awm tam zawk te sawi ka kai a,,ka hming ka tichhia a,,ka pa beng hial thlengin koh haw ka ni a,,mahse ka pa ka dil nasat em avangin ka zirna kha thlakhat dawn ka chawlh hnuah ngawi rengin ka let leh kha ania mahse ka thinlung hian Ani kha a ngaidam thei ngai dawn lova ngaihdam pawh a duh hek lo…..Ka kal dawn khan ka nu min ngenna nasa tak avang khan Delhi ka thlen leh pawh khan ka ngawihsan a mahse chumi avang ringawt chuan ka chunga a thil tih kha ka theihngilh ta tihna a nilo….

“Zira zawhna ka zawt che” ka hmaa ding Rsan a tih chuan harhchhuak thut in,,ka rum nghut a,,”Puii nen vawiinah in hnaih takin ka hmu a,, Canteen-ah an chawl dun bawk a an inhriat that hmel khawp mai….” ka tih chuan Rs-a chuan ngawi rengin min en vung vung a,,”Tual em chu i that lovang tiraw??” a rawn tih thut chuan ka nui chhuak huk a,,Amah la chu a thu tak em em lehnghal a…. “Lalremsang tual that turin min duh em??” ka tih chuan a mit a hlauh thawnna lo lang chu ka hmu nghal,,nui lui sukin pindan chu ka chhuahsan nghal a,, Nunin chaw ei rawh tia min biakna pawh chhang mumal lovin an in chu ka chhuahsan a,,Motor ka khalh lai te chuan ka rilru chu a buai nuai mai,, Joshua vanga ka thinrimna leh Peka leh Puii inkuah lai ka hmuh avanga ka thinrimna chu ka thunun thei meuh lo …….

( TETEI POV )

“Miss min thlah tawh la..” Peka’n a tih chuan ka ngaihtuahna atangin ka harh chhuak thut a,,Ka kuahna ka phelh rual chuan mahni inthiamlo tih hriat zet hian Peka chuan min lo en reng a,, “I tha tawh tak tak maw??” ka tih chuan lu bu nghauh in,,”Bike la ang kan haw vat loh chuan khua a thim tan tawh ania hei…” a tih chuan ka hawi chhuak a,,a tlai tawh viau a ni tih ka hre thei…. College gate lam pan chuan hmanhmawh takin inherin ka kal nghal hlawk hlawk a,,Gate an khar hman hlauh chuan ke in thui tak kan kal a ngai dawn tihna a ni…..

Peka pawh chuan ka ngaihtuah a hria niang kei ai chuan a tlanchak zawk a,,mahse College gate kan thlen chuan gate chu alo inkalh thap tawh….”Pawi lutuk” ka tih chhuah sap chuan Peka chuan inthiamlo hmel zet hian min en a,,”Miss Sorry,,keimah vang vek ….I bag kha ka lo ken sak ang che” inthiamlo tih hriat taka a tih chuan ka bag chu ka pe a,,Ka pheikhawk a heel tlem awm ve chu ka phelh a,,kawngpui thleng turin kan kal thui a ngai tih ka chian em vang a ni,, Pheikhawk sang nen chuan kawngpui ka thleng zo lovang…..”Miss ka pheikhawk hi bun la kei moza nen ka kal thung a nga” a tih chuan nui lui sak,, “Ka kal thei mai ang,,i ke a uih awm sia ka bun peih lo….” tia ka nuih chuan a ner nang nang a,,a nui vur vur bawk a,,

“Engvangin nge khatiang khan i awm??” Ka tih chuan a nui hmel chu inthlak in a hmelah thinrimna a rawn lang chhuak a,, “Miss ka tihpalh aw,,rilru hrehawm deuh in ka siam che a,,mahse Khawngaih ka dil thei che angem??” a tih chuan ding meuh in ka en a,,A hmela aw ti tura min duhna chu ka hrethiam khawp mai,,mahse ka tih theih loh tur ti tura min nawr luih erawh ka hlau a ni…. “Miss” a tih leh chuan,,”Sawi rawh..” ka ti zawi sap a….”Engtiang pawn kha Dr.Joshua nen khan inzawmna nghet nei mah ula Khawngaih in Ani kha hnaih tawh suh….” a tih chuan “Maw!?” ti hu in mak ti zetin ka melh a,,Nga ti nge Joshua vang hian ka bul hnaia awm te pahnih thin ka tih rim eng nge anni nen hian inzawmna an neih??

“Miss i tan ka pawimawh ve tawk lovang tih chu ka hria mahse kei chuan nangmahah hian tih takzetin rilru ka pe asin…..”

“Engtin maw!?” ka ti leh ha a,,Eng nge sawi a tum ka hrethiam miau lo alawm….

“Miss ka unau ang tak tak hian ka en che nge thian angin ka en che ka hrelo,,i lakah hian ka serious tih chu ka hria ka duh che ni a ka inhriat lai khan ka ngaihtuah fe pawn Sir Zira tan hian ka duh tho bawk che si….” a thusawi chu a sawi buai nuai a,,, dawtsawi hmel erawh a pu lo,, ” I laka ka rilru dik tak hi ka hrelo….. Chutiang rilru ka put laia ka hmelma lian ber nena inhnaih taka in awm ka hmuh khan ka thinrim nge ka rilru a na tih pawh ka hrethiam lo a ni…..”a thusawi a tawp meuh chuan a kut a hum ruh leh talh tawh a,,heti taka a thinrimna thlentu hi eng nge niang le??

“Miss engkim hrilh che ka duh mahse sawi turin ka la inpeih lo khawngaih in ka inpeih hunah ka hrilh che remti rawh….” a tih chuan ka thaw hak a zawh luih ka tum biklo,, “Chuan miss i hmu tawh lovang tiraw??” a tih leh chua chhan mai dan tur ka hrelo,,a chhan chu Joshua kha ka u anga ka en leh ka u thianpa a ni a,,ka pawi sawi a nei miau lova biak lohva hmuh loh ngawt nachhan tur tha tak ka neih lo miau alawm…

“Peka ihh ka tiam tawp theilo che,,a chhan chu Ani kha ka u thianpa leh ka naupan lai hun zawng zawng hretu a ni a,,ka hmelma a ni ve bawk silo….” ka tih chuan a mita natna thuk tak pai hian min melh a,,”Mahse ka theih tawp chuan Amah hnaih lo tur khan ka awm ang….” ka tih chuan a lu a bu nghauh a,,min chhang tawh lo…. Kawngpui kan thleng chawpchilh a ni nghal der a,, khua a thim tawh avangin motor la chu a vang em em mai lehnghal,, Peka chuan ka ke chu a en vung vung a,,”Miss i bag hi ak la ka peih chen chen ka lo paw mai ang che chuan chumi chhung chuan motor te pawh a lo kal hman em em ang…” a tih chuan ka melh rum vak a,,”Miss ka ti tak tak ania” tiin ka hmaah chuan a thu hniam nghal a,,hepa tak hi chu aw,,eng hi nge a ngaihtuah lehpek ni…..A hnungah chuan ka tlawh pawp zawk dawn a mi le??

“Vanlalpek awmsawn te i puak ka duh awzawng love aw,,ka kal ve thei….” tiin a hnungah chuan ka nem pawp a,,a inring lo tih hriat takin kawngpui lamah chuan a bawkthlawp a,,Diktak chuan ka ke chu a na tawh takzet….. College atanga kawngpui pawh tur pawn kal thui a ngai ve em bawk a ni….Kan tawng char char avang khan kan kal chen kan hrelo mai pawh a…..Mahse inpuak em chu ka duh chuang lo…..

“Miss nang chu i kut thlak a na thin e,, puak i duh loh pawn min nem tluk kher kha a ngai a mi??” lungawilo tih hriat zeta phun bul bulin a rawn tho a,, “Zawk za mah che chuan ka duh lo ka ti reng alawm nge mi tih luih talh,,i tlu na lo kha lawm hle rawh….” ka tih chuan,,”Thinchhe si pasal pawh i hmu zo lovang…” a ti hluk a,,ka ngei tawk a tling viau,,”Engmaw i sawi a,,Pasal tur te zawng pal hungna tham ka hmu ka duh lo mai mai anih hi…..” ka tih chuan ngeiawm zet hian min kawk meuh in a nui a,,”I va han nghal tak” tia man tuma a lampana ka kal chu a tlanchhe nghal a,,a nui hawk hawk lai chu man thut in a samah ka kek bu lawp a,,”Anaa” a tih vak ruala ka hnunga motor ding thawm ka hriat chuan Peka chu ka thlah a ka hawi let ruala Lalnunzira mitmeng rum zet ka hmu nghal….

“Miss ka sam i pawt til vek alawm” ti vakin min nek deuh nawkin Zira motor lam chu a pan nghal daih a,,ka van haw tak em!!!!

“Sir min lo phur ve teh,,Miss nen chauh kan nih chuan In kan rawn thlen hma in damdawiin lamah ka kal hmasak angai ngei ang….” Pekan Zira bula a tih chuan ngei zet hian a hnunglam chu ka melh rawm rawm a,, “Lo lut rawh” Ziran a tih hmuk rual chu a hnung seatah chuan a thu lut hmak a,,ka va han ngei zual tak em!!! Kei erawh lungawilo zetin ka dinna ngaiah ka la ding reng a,, chetsawn pawh ka tum lo….Motora haw duh viau mah ila sawpa bula chuan chakna ka nei lova a hmel hmuh pawh tun dinhmunah chuan ka peih lo…..

“Miss lo lut ta che….” Pekan a tih chuan ka melh rum vak ringawt a ka chhang chuang lo….Ka pheikhawk leia ka dah chu chhar ngatin ke in kawngpui lamah chuan ka kal hmak a,,motor Kawngkhar in khar ri ka hriat chuan ka kal chak sauh bawk mahse ka kal thui lo hle….Ka banah na zeta min chelh in min kuai her lawp a,,Amah hnaih taka min hnuk hnaiin,, “Lalhlupui i zirlai naupang hmuh laia tihluihna ka hmab i duh loh chuan rawn kal vat rawh” a tih zawi sup a,,a aw a min warning tih hriat zet chu hrelo ka nilo,,hepa hian engvanga a duh duh a min awmtir tum ziah nge maw a nih le??

Thinrim zeta ka kut laksawn ka tum chuan min vuan nghet sauh a,,a kut lehlama a kawng dawm in a kut lehlama ka ban reka hmerin hnuailam melh in a kun a,,a thawk hawk rual a,,”Tawhkhirh lutuk mai” a tih rual chuan min chawikang thutin a darah min pu lawp a,,motor lam pan chuan min kalpui nghal a,,ka duhlo tang vel chu a ngaithei lo tih hriat takin a phun leh hluk a….Car chhung a min thut tir chuan na zetin ka ke in ka tlawh a,,lo in veng hman mahse a malpuiah ka tlawh fuh tho…. “Khawlh-i” a tih rualin motor kawngkhar a khar nghal pawp a,,Peka lo nui ri huk ka hre zawm nghal….He nau pawh hi ben deuh chu a ngai a ni…..Zira driver seat a arawn luh rualin,ka lamah ka pheikhawk a rawn theh phei nghal a,,ka melh nghek ringawt,,khua a thim vek tawh a min hmu thei awm tawp silo……Ka tlawh leh pawp zawk dawn a mi le….

Tum burin kawng tluanin ka thu a,,Tumah kan tawng lo a ni zawk mah…..Kan thlen rualin ka chhuk nghal vat a,, Kawngkhar chu na zetin ka khar a,,a phun ri hluk ka hriat rualin ka pheikhawk a vuak sak hram tumin ka pheikhawk ken chu ka lek kang a,, rang zet hian,,”Ka lo keng ang” tiin Vanlalpeka zit zet hian a rawn pawt thla daih nia mawle….Kan step lamah a tlan thla nghal vang vang lehnghal….. Hmela mai mai chu……

In ka thlen chuan Pekan alo hawng fel diam tawh a,, inchhungah a awm ringin ka lut nghal a,,mahse ka bag dawhkan chunga dah in ka pheikhawk pawh chhuatah a dah thlap a,,Amah erawh hmuh tur a awm lo,,a chhuk nghal daih a nih ka ring….ka mit chu chhing sawkin choka lamah chuan ka lut a,,ka ril a tam tawh tih ka hria eng emaw tal ei tur ka dap angai….Fridge ka hawng a,, Juice leh Biscuit chu la in dawhkanah chuan ka thu a,,Ka choka luhna bula Zira ka hmuh rual chuan ka phu nghal zawk. Inhau leh tur chuan ka chauh tawh viau asin le.

STARLIGHT – 29

( TETEI POV )

In ka thlen chuan Pekan alo hawng fel diam tawh a,, inchhungah a awm ringin ka lut nghal a,,mahse ka bag dawhkan chunga dah in ka pheikhawk pawh chhuatah a dah thlap a,,Amah erawh hmuh tur a awm lo,,a chhuk nghal daih a nih ka ring….ka mit chu chhing sawkin choka lamah chuan ka lut a,,ka ril a tam tawh tih ka hria eng emaw tal ei tur ka dap angai….Fridge ka hawng a,, Juice leh Biscuit chu la in dawhkanah chuan ka thu a,,Ka choka luhna bula Zira ka hmuh rual chuan ka phu nghal zawk…. Inhau leh tur chuan ka chau tawh viau asin le.

“Eng nge i rawn tih dawn??” ka tih chuan ngawi rengin ka bulah a rawn kal a,,Eng nge tih a tum ka hriat miau loh avangin ka thut hmunah chuan tang tunin ka thu a,, ka hma takah keimah min si deuh thaw in thutna chu rawn pawthnai in a thu a,,min melh run bawk a,,a mitmengah zan a mu tha lo tih a hriat hle a… A sam thur deuh bam a,,a chauh hmel ngawih ngawih,, “Eng nge i duh??” ka tih vin deuh hlar chuan min chhang lovin min melh reng a,,” Lalnunzir ka ril tam ania tih tur i neih loh chuan haw rawh…” ka tih chuan,,”Keipawh ka ril a tam” a rawn ti sup a,,Kha zat ka bia a,,a ril tam ve thu chiah in min chang ania….Haw vat se ka duh asin mawle….. “Kha i ril tam chuan hei ei ve mai rawh a bak engmah ka nei lo” tiin biscuit chu a hma zawnah ka dah hnai a,,chuvelah ka kutah chelhin a kut lehlam chuan ka tukhumah dawm in min kuai kun deuh in min rawn fawp nghal a,, Min fawhna ril zet chuan ka thluak a ti nu nghal bulh a,,rang zetin a fawhna dam thluam chu ka chhang let ve nghal a,, Duhthaw taka kan in fawh hnu chuan Amah zawk inla hrangin kan thaw dun ham ham a,,Ka mitthla a Jenny alo lan rualin ka hmui chu ka kutin ka hru tawk a,,a hrethiam anih ka ring a nui ri hawk a,

“Bawihi i hmui sahbawna i sil khan keipawh in nasa takin ka sil ve tih tal min hriat sak ve la….” a tih chuan ka en nghal zawk,,hepa hian chutiang chu a ti tak tak a maw!? A hmel la chu ala serious em em zui a,, Kan in en reng hnu chuan keimah chu ka nui chhuak ta hak a,,”Eng nge ka ti tak tak alawm” a tih leh phei chuan ka nuih a za tulh tulh,,Ka nui nasa lutuk mah mah nge Ani pawh za vak lo chuan a khi ve suk suk tho…A hmui sahbawn a a sil tur hmel vel chu ka hmu chak takzet… Naupang chhia te hi min ti ve bawk a,,kei aia naupan chhiatna hi a nei ve fo thin tih hi a inhre ve thin angem le?

“Ei rawng bawl la,,chaw ei loh chu a tha lo” a tih chuan,,”Nia ka in tifai phawt ange” ka tih chuan,,”Um,,chutiang kawngah chuan ka lo bual dawn che mi niang??” tiin a nui suk a,,”Kal mai teh” tiin lei ka chhuah khum vak a pindan lamah ka lut nghal daih…. A chungah khan ka thinrim viau emaw ka inti a mahse ka lung a awi leh viau tawh bawk si….Thinrim hi ka thiam ve tho asin mahse nga ti nge hepa lakah hian ka thinrim rei theih hauh loh le??? Ka inbual zo a,,pyjama ha in a chungah T-Shirt ban tluan ka ha a,, Choka lam ka thlen chuan Ka rice cooker lo in on chu ka hawng zeuh a,,chaw alo in chhum a,,Zira erawh hmuh tur a awm tawh lo,,a chho tawh pawh a ni mahna.

Chawhmeh tur la chhuak thlai rah chi hrang hrang ka bai pawlh a,,Thak deuh tak ka ei chak bawk nen hmarcha ka pawlh duham viau,,Frozen hi ka ei tam avangin ka Fridge a awm chu ka la chhuak nual a,, Chawhmeh pawh ka siam ta teuh mai….Zan dar 8:00pm a rik chuan ka kawngkhar chu pawnlam atangin a rawn in hawng a,,Zira a rawn lut a,,Eng nge a rawn tih leh dawn le??

“A hmin tawh em??Ka ril a tam ka tih kha” a tih chuan ngei hmel zeta melh in,, “Zaktheilo” ka ti chhuak sap,,ka thusawi a hria tih hriat takin a ner sawk a,,”Ka chaw chhum kha i eilo palh ange”a tih chuan “Bleh ka chawhmeh siam vek anih hi o” ka ti nghal hlar a,,”Bleh i tih leh chuan i lei kha ka seh sak ang che” a tih chuan ka kâ chip nghal hmakin gas lamah ka inher nghal daih….”Eng nge i siam a,,” Tiin bai bel a hawng nghal a,, Chawhmeh dang a enkual leh nghal zat chu ka ngei lutuk chuan ka fian chuan a kutah ka vua a,ka duh aiin ka vaw na lehnghal,,a tui vut vut a,,A awmna atanga kalsawn in Fridge a Chawhmeh awm ho chu a la chhuak a,,dawhkana a chhawp hnu chuan chaw ei a siam nghal a,, A chetdan chu ngawi rengin ka thlir a,,hepa laka ka awmdan hi ka hrethiam lo,,ka naupang chhia thei lutuk te hi keimah ka anglo,,Nilo Ka thiante bula ka awm pawh in ka naupang chhia fo alawm….

“Bawihi ei ila nilengin engmah ka ei lo ania…” a tih chuan thaw hakin Chair-ah chuan ka thu a,,chaw chu ka ei ve nghal a,, Bai a hawp rual a a khuh thawt avang chuan ka en nghal vat a,,a thak sia a hak anih ngei hi maw!? Hmarchha la hi ngam lo ve ropui sia,, Fridge a bawnghnute bur chu la chhuak vatin no ah ka thli a ka pek chuan a in nghal khawlh khawlh a,,a in zo chu rum zet hian min han melh ngawt a,, haider lui hmakin chaw chu ka ei zawm nghal daih,, Ani pawh a tawng tawh bik chuanglo…. Chaw a rawn ei ve ngawt zel hi a chhungte hian an hau ngailo a mi le?? Nge ni a hetah a ei thin tih an hrelo zawk le???

“Puii thusawi dun teh ang….” ka thutna sofa ah chuan a rawn in sawn a,,Chaw eina kan tih fai zawh atanga kan inbiak vawikhatna a ni…TV kan on a,,ka hmet kual char char a,,a ning deuh nge min biak a duh ve hrim hrim tih pawh ka hrelo…. “I phone ka vawm chhiat avang khan ka tihpalh aw,,A thar ka leisak ang che” a tih chuan ka phone thar chu a hmuh theih turin ka lek kang va a,,a thaw ri hawk a,,”Jenny kha ka bialnu hlui anih kha” a tih chuan ka en zawk a mahse ka la chhang chuang lo….Tunah hian ka la thinrim chiah em tih pawh ka hre tawh lo,, mahse hetia biak duh loh vela a awmdan hi hmuhnawm ka ti,,Mipa mahni inringtawk lutuk leh thei ve tawk ni a inhria hetiang a ka bula inthiamlo hmel tak leh hrehawm ti hmel taka a awm vel hi a hmuhnawm dangdai ve hrim hrim alawm.

Jenny nen an chungchang thu leh tuna an deal chungchang thlengin a sawi vek a,,A chhungten kan inngaizawng a ni tih an hriat vek thu leh ka tana hriat tula a hriat a sawi teuh bawk a,,Joshua nen an inkar thil thleng te pawh tlem a zawng a sawi bawk… A thusawi zo chu thawveng huai hmel a pu a,,chutih rualin Biak In a sermon ang mai a Amah chauha a tawng chu ka nuih a za ru ang reng….”Pui eng emaw tal sawi ve la” hmel nguai zeta a tih chuan en vang vangin,,

“I hmuhnawm” ka tih chuan chiang zet hian min melh a,,”Inthiamlo hmel deuh a i awm khan i hmuhnawm” ka tih leh chuan nuiza insum leh naupang chhia min ti zet hian a lu a thing nghut a,,”I rilru ka tih natna ah min ngaidam rawh aw,,mahse ka nuna hmeichhia ka duh thu renga ka lakluh hmasak ber i ni a,,ka tana i hlutzia tur hi i ngaihtuah thiam pha lovang…I tana Nicky a pawimawh ang chiah hian ka tan i pawimawh tih hi theihngilh lo turin ka duh che a ni….” ka mita min en reng chunga a tih chuan keipawh in ka melh let ve kalh a,,a mitmeng a athu tak zia ka hmuh chuan ka lu ka bu zeuh a,,”Tawng rawh” a ti nghal sup.

“Ka hrethiam e” tiin ka nui nghal hak hak,, kan inkar tha lehnghal mai chu nuam ka ti viau si a ni…..Nicky nen khan kan inhnial ve fo a,ka ti tau fo bawk mahse rei erawh kan thinrim ngailo,, chutiang chiah chuan Zira nen kan inkar pawh a ni….Min ngai pawimawh em em a,, hmeichhe special ber angin min in ngaih tir a,,ka thinrim na awlsam takin a ti dai thei bawk….Ka hmangaih leh hmangaih loh chu ka sawi theilo mahse ka duh takzet tawh a ni tih ka hria.

Khami tlai atang khan kan boruak a tha leh tawh in College lamah pawh kan inzui nasa in tlai lamah kan haw rual ziah a,,Peka pawh ka rualin a haw ta meuh lo,,mahse an class a ka luh chang leh ka in lamah min rawn tlawh ve reng a,,tin zingah Volleyball kan beng dun ziah bawk…An chhungkua chanchin min hrilh fo a,,Pa a nei tawh lo tih te,,An unau a upa ber anih thu te leh eng eng emaw kan sawi dun luam thin…. Bialnu lam ka sawipui erawh chuan nangmah ang mizia ka hmuh hunah ka nei ve ang a ti thin a ka nuih nasa thin viau.

Naupang ho excursion kan kalpui dawn a,, Lecturer-ah kei,,Zira,,Esi leh Sir Mawia te kan kal dawn a,,Goa ah kan kal dawn avangin ka phur viau lo,,mahse ka phur lohna erawh tih lan ka tum lo,, Nicky-a nen a kan hun lo hman tawhna kal leh chu ka huphurh ru takzet,,mahse keimah avanga zirtirtu dang hrehawm a awmtir erawh ka duh hauh lo.

Esi leh Sangtea pawh an inngaizawng ve a,, Josh leh Betty hi chu ka hrelo anmahni hian min hrilh ngailo bakah Josh hi a naupang zawk a,,Betty nen hian an inngaizawng chiah em tih hriat a har an in ngam in an inkawmngeih em em tih erawh ka hria,, Albert-a pawh ngaihzawng a nei ve a,,A rawn lenpui ve fo bawk…..Kan colony pawh kan inngeih in a khat tawkin chaw kan eikhawm reng a,,kan intlawh pawh tam a,,kan innel tawh viau bawk….. Nicky-a vanga ka khawharna pawh a reh ve tial tial tawh a,,Tunah chuan thinlung takin ka nui ve leh thei tawh bawk….Kum tawp a hnai tawh a,,Kan zin kan haw hnu hi chuan College pawh khar a ni tawh ngei ang,, Ka chhungte pawh ka ngai tawh,,ka danglamna hi hmu ve tawh sela ka ti viau bawk.

Phone a kan inbiak chang hi chuan ka tawng danah danglam min ti in min hmuh chak thu an sawi ziah a,,Mawitei leh Joseph-a meuh pawh in min hmu chak tawh a ni mahna an rawn sawi ve sek mai…. Class-10 group lamah pawh ka lang tam ve viau tawh a,,Tupawh chuan ka danglam thu min hrilh thin,,Ka nuna hlimna rawn thlen leh tu chu tudang ni lovin Lalnunzira hi a ni,,Ka thinlungah midang an awm tih hre reng chungin min pawn a,,a Chanchin ka sawi duh changin dawhthei takin a ngaithla a,,High School kal lai kan sawi chang te hian sawi tur hi a nei ve ziah a,,kan la hlim dun viau bawk.

Kan zinna hun pawh a hnai tawh hle a,,Thlasik a ni tawh bawk a,,kan phur tlang khawp mai….3rd Year B.A ho chauh kan kalpui dawn a,,Peka pawh a phur viau a,, tunhnai phei chu ka in lamah chaw an rawn ei chho deuh reng a,, Albert-a bialnu Matei pawh chaw ei in ka sawm fo a,,Betty pawh a rawn tel thla ve fo,,Zira hi chu kan bulah a awm tam lem lo,,mahse zanah erawh a hman chuan a rawn chhuk ve ziah tho,,inchhung lawkah a awm chung hian phone erawh chuan kan inbe zing khawp mai…

Chaw kan eikhawm leh a,,Matei leh Betty pawh kan ko leh a,, Hmeichhe pathum in rawng an bawl a,,mipa ho pawh in an puih anih ka ring,,Naktuk mai kan zin hun tur anih tawh avangin ka insiam a,, Thawmhnaw lum lam ken tam ka duh avangin ka suitcase pawh ka keng lian viau,, Ka thawmhnaw ka siam lai chuan Nicky-a album leh note book vel chu ka hai chhuak hlol a,,Ka closet kilah ka dah a,,ka en khat tawh hle bawk….

Chhuatah thu in khum ka ngheng a,,Album chu ka keu a,,naupang duhawm zet pahnih an rawn lang nghal a,,A chung zawk chu Nicky-a niin a hnuai zawk chu keimah ka ni,, hei hi Nicky-a album zawk a ni….A lian viau a,,Thlalak hmasa ber pawh hlui deuh tawh mahse a len avangin ala entlak viau bawk…..Ka keu leh a,,kan kum1 birthday ve ve a ni,,Thlalak pathum a awm a,,Kan birthday la hmanlai ve tak hmaa kan dinna ve ve leh pakhat ka birthday a inkaia kan ding lai a ni…..

“Miss” titu avang chuan ka hawi phei a,,Peka a ni ka awmlo rei a ti leh tawh a ni mahna….”Lokal teh thil ka hrilh ang che….” Ka room-ah chuan a rawn lut a chhuatah chuan a rawn thu ve a,,album chu a bul atang chuan keu tha leh in ka hrilh a,, “Hei hi Nicky-a anih hi…” ka tih chuan chiang zet hian min en a,,”Hei hi keimah” ka tih chuan ka kut atanga album chu la in uluk zet hian a en leh a,ka keu a kan naupang lai thlalak chu ka en tir zel a,,ka sawifiah vak ngai lovin Paper hi a sirah a inbel zel avangin Peka chuan min fiam ti tih hian a tawng pah zeuh zeuh a,, Class10 kan zir kum thleng a a en chuan thlalak za ai tam chu a en der tawh….. “Miss i naupan lai thian em ni??Nge i unau pa ve tho??” tia min zawh chuan ka chhan har ka ti…. “Khawvela ka mipa hmangaih ber anih hi….” ka ti zawi sap a,,ka ngawi dat a,,”Amah hi anih hi ka hrilh thin che kha” ka tih chuan mak ti zetin min en a,, Nicky-a chungchang hi Peka hi ka hrilh fo a,a hming erawh ka sawi ngailo….

“Miss Sir nen in inngaizawn hnu hian Nicky hi ila hmangaih tho em??” a tih chuan ka nui hak a,,”Umm Ani chu khawvelah awm tawh lo mahse ka thinlungah erawh a thi ngai lova a thi ngai hek lovang…” ka tih chuan a lu a bu nghauh nghauh a,, “Miss anih Sir hi i hmangaih em??” a tih chuan chhanna ka pe theilo,,Ani hi ka hmangaih em tih hi ka inzawt fo thin mahse ka hrelo,, A laka ka rilru puthmang pawh ka hrethiam chuang lo,,”Ka hrelo,,ka rilru hi ka hrethiam lo a ni,, Hmangaihna ka hriat ve chhun chu Nicky chauh kha ania,,Khatiang ang rilru kha ka pu in ka hrelo mahse Ka ngaina a,,a bula ka awm hian thlamuan rukna riau ka nei thin” ka tih chuan Peka chu a nui hawk a,, Tlangval fel tak leh puitling tak ni mahse Am sawi danin ngaihzawng ala nei miah lo,, a chhan ka zawh pawh in ka duh ka la tawng lo aniang a ti mai thin,,mahse College-ah erawh a luck hle tih ka hria….

“Nui suh aw,, Nakinah bialnu te ila neih ve hunah ila hrethiam ve mai ang….” ka tih chuan a zak deuh nge,,”Ka nei lo mai ang” tiin a hmai a hup a,,a chetdan naupang chhia zet chu ka hmuh ngailoh anih avangin ka nuih za chuan a hmai a hupna kut chu laksawn sak ka tum a Ani alo tang ve tlat nen kan inpawt kan in pawt a,,kan nui hawk hawk bawk….A kut a thlah thut rual chuan keiin ka lo pawt bawk si nen chhuatah chuan kan tlu dun ta a,,ka kiu ka sawhna na lutuk avang chuan ka rak that a,,Chumi rual deuh thaw chuan Peka chu ka chunglamah a rawn bawk ve nghal a,, a thi lehnghal vat na in,,”Miss I tha em??” a bak a sawi hmanlo,, Tha chak zet hian a rawn pawt tho lawp a,,a ri nghal chawrh bawk…Ka hamhaih lutuk avang chuan tawng nachhang pawh ka hrelo….

“Te Uzira saw dang rawh,,Anih loh chuan Peka saw a sawisa hlum thei mai ang” Nunuin a rawn tih chuan ka harhchhuak thut hmanhmawh zetin pindan atang chuan ka tlanchhuak nghal a,,Ziran Peka kut a thlak leh tur chu a hmaah ka ding a,mit sen rum hian min melh nghal khui a,Peka hmai thi hnuang ka hmuh chuan buaipui tumin ka thu hniam tur chu ka banah rawn vuanin min pawt tho nghal lawp a,,”Eng nge i hriat??” Vin zeta ka tih chuan ka dar tawn tawnah vuanin min thing nawk a,,Ka mittui a hnam nghal sawk,

“Sir Miss khan engmah a tisual lo keima thiamloh a ni…” ka hnung atanga Pekan a tih chuan Zira thinrim la reh bawk silo Peka khawih leh a tum chu ka kut a thip nghal vek,,Tunah khan Midang zawng zawng hmuh in Lalnunzira ka beng a ni….Ka hawi chhuak a,,ka benna tih hriat zeta a biang veilam sen vek ka hmuh rual chuan ka na nghal zawk….A mitmeng a natna leh thinrimna ka hmuh rual chuan mahni inthiamlohna in ka khat a,,ka tah a chhuak tun lehnghal…..Zira a chhuah rual chuan Peka chuan,,”Miss umzui rawh” a tih chuan ngawi rengin ka ding a,,ka chesawn lo…. Eng thil pawi nge kei hian ka tih tak.

Conti…

Leave a Reply