You are currently viewing STARLIGHT – 32&33

STARLIGHT – 32&33

Spread the love

STARLIGHT – 32

( ZIRA POV )

Puii laka ka thikthu chhe lutuk hi keimah pawh in diklo ka ti,,,a mizia leh nungchang engkimah ka thik turin a awm ngai lova chutih rualin a rilru nghet zia hretu ka ni bawk…Mahse engvang nge ka hre lo,, Amah hnaih tu apiang hi chu ka thik vek chu a ni sia,,mipa thikthu chhe tak ka nih ka hre ngailo mahse Puii erawh a danglam tlat si a ni….A laka ka thikthu chhiatna hi tih lan loh a insum hram hram hi ka duh thin a,,Jenny-in min fawh ngawt ni atang phei kha chuan a rilru chanve hi ka ta a ni tawh tih ka chian avangin a laka awmdan tawk thiam hi ka tum nasa ve hle thin,, mahse Peka nena an inhnaih mah mah thin hi chu ka mit a kham thin viau mai…. Peka la hi naupang fel lutuk alo ni bawk nen mipa dang ni sela heti mai mai a ka en liam mai mai ka ring tawh lo…..Peka a fel ka tih rualin mihring hi kan rin angin an awm vek kherlo tih hi ka ngaihdan diktak a ni miau a….Peka nena an inkawm fal lutuk hi chu ka la sawipui tho ang…..

Khami ni Peka kut ka thlak ni anga hmeichhe pakaht avanga thinrim kha ka la nei ngailo…. Albert-an bialnu thar a nei tih ka hria,,An inkawmngeih hlawm hle a ni tih leh chaw an eikhawm ve deuh reng a ni tih Betty a chhuk sek danah ka hria,, mahse thil sual an ti lova tin Puii a awm bawk a Nunui leh Albert-a chauh pawh nise an nau te enkawl tur hian ka ringtawk a,,chutih rualin Betty-i kal tam lutuk hi chu tha ka lo ti lo lek lek thin,,Mahse kallo turin ti ngawt ila Puii Amah chauh a a awm tur ka khawngaih ve thin bawk si…. Chaw eikhawm an ti leh tawh a,, Puii inah an ei dawn tih pawh ka hria,,a tuk maiah kan zin dawn a,,an chaw eikhawm boruak ti danglam tura lan kher pawh ka tum hran lo… Bakah chaw eikhawm an rawt hian min sawm ve ngai manglo…. Puii tih dan takah keini naupang ho chu chaw kan eikhawm dawn a ti ziah a,,min telh ve ngai der lo….Tel ve ka tum pawh in nuam lo an ti ang….A ti ziah ngati nge kei hi kawm ka nuam lo viau a mi te ka ti thin……

UZuala nen kan inbia a,,Goa kan kal tur thu ka sawi chuan,,”Tetei a kal ve dawn em?” a ti nghal ngawt a,,,”Um kal dawn e…Nga ti nge??” tia ka zawh chuan An zinna a hmun hming a ziah loh kha Goa a nih thu vel a rawn sawi a,,Kha lehkhabu kha sawi lawk ila,, The One and Only ah khan An chanchin ngawr ngawr ziah a ni lova,,UZuala leh Nicky inbiak dan leh School a an hun tawn tlem a zawng a ziak a,, Puii nen erawh an awmdan thai lan a ni nual a,, Zirtirna nei lehkhabu atana siam a nih rualin Nicky-a chanchin thlur bing anih avangin an nundan zawng zawng erawh tarlan a ni lemlo….. Lehkhabu tha tak a ni ngei aniang Book of the Year Nominee ah a lang hial a,,Nakinah result ala hriat ang chu…..

Goa a thil thleng tam tak min hrilh a,,Ka tawt tum thei,, Nicky-a chu a kal liam tawh ala dam hmeichhia,,ka hmangaih ngei mai hi ka khawngaih a ka lainat a ni…. Hmangaih taka a bula awm mipa a thi mek a ni tih pawh ngaihtuah hauh lova a awm te kha a hriatchhuah hnu a atana a fairlo dan tur ka ngaihtuah a,,a hma zawng aia tam hmangaihna pek ka duh….UZuala nen kan inbiak zawh meuh chuan a tlai tawh viau a,, Puii message ka thawn a,,a seen hauh lo nia,, Pathum ngawt ka thawn hnu pawh in a seen chuangloh avang chuan call ka tum a,, chupawh chu a la chuang hauh lo….. An buai viau a mi le??? Nge a insiam zawk tia ngaihtuah in,,Amah hmuh ka chak em avangin a inah ka chhuk ta kha ania,, Inchhung ka lut a ka hmuh mai loh avangin ka zawt a,,Pindan lama Peka nen an awm thu Nunuin a sawi chuan ngaih that lohna pawh nei lovin ka lut tawp kha ania,,mahse ka thil hmuh avang chuan ka puak keh lo chauh a ni….Puii chhuatah mu in Pekan a chunglamah a bawh a,,eng nge tih an tum lam ka ngaihtuah hman tawh lo…. Lalhlupuii zawk hi asin ben ka duh chu… Mahse ka theilo hmeichhia kutthlak tur em chuan ka nep lo,,Peka erawh ka duh aiin ka khawih nasa tih ka hria…

Inbengdaih tuma thawk ka lak laia Pekan Puii tan hmel zeta a rawn tawng leh chuan ka thin a tirim zual sauh nia…. Mahse eng nge thleng hi,, Lalhlupuii hian ka nau leh ka school naupang ho hmuh laiin min beng ania,,Beng let lo tura ka insum nasat zia hi a hre awm tawp silo….. Garrage ka thleng a bike ka lachhuak a,,Helai hmun atanga ka inthiarfihlim anih loh chuan kei hi atthlak takin chet ka la duh ngei dawn tih ka chiang……

Ka hmalam kawng thui zet chu ka zawh a,,bike speed pawh a hniam lo kher mai…. Ka ding dawt a,,Kawngsirah chuan ka bike chu din tirin boruak ka hip lut vak a,,ka hmai sa ham ham chu ka khawih zeuh a,, Ani khan min beng ania kei a mipa zawk pawh in ka kut hmawr pawh a ka khawih loh laiin…. Engtin nge a tih theih zawk…. Ka nui hawk a,,chu erawh ka nuih zat vang a ni hauh lo…..”Lalhlupui ka hmangaihna che hi i hrethiam ngai dawnlo anih hi….Kei hian ka hmangaih che asin,,ka thikthu chhiat vangin i lakah ka khirh mah mah anih ka ring a,,mahse ka mita ka thil hmuh kha eng nge ni???” Keimah leh keimah ka inbia a,,Tunah hian ka rilru a na nge ka thinrim tih pawh ka hrelo….Ka khawvel leh ka nundan tidanglam vek thei khawp hmeichhia ka tawng a,,Ka nih ngai hauh lo angin ka lang fo a,,ka tih ngailoh tiin ka duhdan nilo zawk angin ka awm fo thin,, Khawiah nge ka Chapona zawng zawng te kha an awm zawh tak pawh ka hrelo,, hetiang tak hian mipa hi hmeichhe lakah an tlawm thei ang tih hi ka ring ngailo asin….

Thiante hmangaihna kawnga la na thei deuh an awm changin ka nuih ve fo a,, an inthen a an tuar thu an sawi te khan hmeichhe pakhat chauh an awmlo ti khan ka sawi thin a,,Mahse Lalhlupuii ka tawng a,,Ka nun zawng zawng a danglam ta chu ania,,tunah erawh na takin min siam ta anih hi…..Ka kekawr ipte a ka phone ah a rawn rik chuan thaw hakin ka phawrh chhuak a,, Peka tih alo lang nghal kulh….He naupang hian eng nge a hriat ni?? Khati khawpa kut ka thlak avang khan mi rawn cho a tum emaw ni zawk???

“Sawi rawh” phone ka pick up rualin ka ti hmuk….

“Sir biak che ka duh” Ani pawh nidang anglo zetin a tawng bung hmuk a,,

“Kan inbia alawm hei….” ka tih chuan “Hmaichhanah” a rawn ti nghal hmak nia,,,he nau hian ala duhtawk lo tak tak em ni…Khawih leh hlak chu a ngai anih hi… tu rilru in insehruh teuh in kan in lam pan chuan ka inkhalh haw a,,Gate ka thlen dawn chuan gate bula Peka lo ding run ka hmuh chuan bike chu tidingin ka chhuk a,,ka hmel a hmuh ruala a mitmeng rum vel chu thamlo zet hian ka nuih suk a,,

“Vanlalpek,,ka zirlai naupang i nih hi theihngilh suh anih loh chuan….”

“Anih loh chuan kut min thlak leh dawn a mi??” ka sawi zawh hma in min rawn chhang a,,naupang chaltlai tak anih ngai loh avang chuan mak ka ti lek lek,,nge ni a a mize diktak a lang dawn zawk…..

“Miss Tetei tan hian nang ai bak a duhpui hi ka neilo kha Doctor Joshua te mai mai ai hian i tha zawk tiin ka hrilh thin asin…. Zanin a kut min thlak hi Sir ka demlo che ania,,a chhanchu kan awmdan i rawn hmuh ang chiah khan kei hian ka bialnu hmu ve ila nang aiin ka che nasa ang” tiin a nui nghal huk a,,A kamsir chu na a ti deuh nge a chip lehnghal hmak…A thusawi avang chuan kekawr ipte zenin ka melh run a he naupang hi chu mi eng emaw tak ala ni ngei ang….

“Sir ka tihpalh aw,,Miss tetei hi ka thian ang tak takin ka en,,I hriatthiam dan tur chuan Betty nen an laka ka rilru puthmang a in angreng,,Nunui te nen ka tan angkhat vek an ni mahse Miss Tetei hi chu a lungngaih thin em avang hian a bula awm tam mai thin ka nia….” A tih leh chuan sawi tur ka hrelo…. Ka school naupang hmaah a vawikhatna atan thiamlo ka inti a ni….

“Ka kal ange…” ka chhan hman hma chuan min kalsan nghal daih a,,Peka mize puitling zia ka hre thar ni berin ka hria….Zankhua in ka inngaihtuah a,,Puii dinhmun engkim hre veka thlang ka ni a,,Ani nilovin kei hi a ni lawm ni Hmangaihtu chu engvangin nge min hmangaih ve theih nan theih tawp ka chhuah zawk lovang…

Kan kal dawn chuan chhungten min thlah hlawm a,, College a motor dah mai ka tum avanga Scropio keng ka nia,,Puii a chuang duh leh lo,,,Henu tak hi chu aw,,Peka nen kawng tluanin kan titi a,,A hmai pem vel Darthlalanga en in a phun nung nung a,, “Eng nge??” tia ka zawh chuan a nui suk a,, “Min star tu deuh kha ka bem ve tawh ang ka tia,,mahse ka hmel vang hian min hnawl ang tih ka hlau” lungawilo ru zeta a tih chuan ka nui suk a,,Ka inthiam viau biklo….

College kan thleng a,, Naupang ho a thawmhnaw la turin Puiin a rawn tir a,,Amah la chu a bo daih lehnghal…. Josh-an a bike a khalh haw sak a,, Motorah pawh ka bulah a thu duh hauh lo…. Lalhlupui lo thinrim phawt teh,,ti rilru in Sir Ruata nen kan thu a,,Kan thlenna tur hi Uzuala khan a be fel vek a,,5Star hotel-ah a ni a,,kan effort zo dawn lo tih ka hria mahse kan budget ang ang te thawn tawp turin min ti anih kha,,Hotel neitu kha a thian anih bakah Puii pawn a hria ang a ti kha ania,,Mahse Puii la hi hrilh theih pawh ala nilo……

Nicky-a nena an zin dunna hnuhnung ber a ni a,,a rilru a thar in a na dawn a ni tih ka hria,, chuvang chuan tap lo tura a bula awm tlat ka duh,,a tap duh anih pawh in ka bulah ka kiangah ngei tap se ka ti a ni… A tan hian mi tha ber ka nilo anih pawh in a rin ngam leh a innghahna tlaka awm hram hi ka duh takzet……

A muthilh laia Esi thutna inthleng ka dil chuan,,”I thei rei ka ti rengah” tiin min la fiam zui,,a chau viau anih ka ring a muhil rei ngat ngat emai….. Kan thleng a kan inbe lem hlei lova,,inbe miah lova a bula awm ringawt pawh a nawm tho hi a!!!! Hotel kan thleng a,,ka rin phak bakin min rawn Welcome tha,,A neitupa Nitesh-a ngeiin min rawn hmuak a,,Mahse Puii nen an inhmuh a Puii awmdanah an inkar a tha viau a ni mahna,,ka la zawt ang chu…..

Dinner ei laiin a tawng ngailo tih hre mah ila,, Es-in a biakna a hrelo erawh ka lung a awi viau lo,,Fiam zeuh in a sa ei tur ka chan sa ka pek chu sawisel lovin a ei lehnghal mai a,,ala thinrim reng em tih hrelo mah ila henu te hi chu a thinrim rei tak tak ngailo tih erawh ka hrechiang,, Hmeichhe chak tak angin a lang a,,mahse tihnat awlsam tak leh a natna te a mittui hmanga ti lang mai thin a ni a,,A natna tak tak erawh a thup thei leh viau lawi si…..

A chhungrila a natna thuk tak lanchhuah tir ai chuan hlim tak anga lan a tum tlat a,,mahse a mitmengah erawh a natna a thup thei mawlh silo…. Eng emaw a thlen changin hmeichhe chhel ber angin a tuar a,, chak tak leh tihnat ve theih loh angin a lang a,,mahse a pindan chhungah erawh awlsam takin a kehchhe thin si a…..

Dinner ei zawh a Hotel fan an rawt chuan Esi bulah Puii kal falpui ka duh thu ka sawi chuan a nui rah rah a,,mahse ka sawi angin a ti ta tho…. Ka bula a awma a hlim hmel hmuh ka duh a,,ka nui hmel a hmuh ruala a chin than a nat lai ber pawh a midangte hmuh a alantir ziah a nui hmel hi ka hmu dawn tih ka chiang,, a nui tak tak alawm…. Manse ngati nge zanin hi a ngaihtuahna engmah ka hriat theih loh… In thup tum ve thin mahse Awlsam takin a ngaihtuahna ka hre thei thin kha ania,, mahse zanin zet zawng a ngaihtuah ka hrelo…..An pindan kawngkhar a ka thlah dawna a chala ka fawhsak khan a lungphu ri ka hrethei,, a hmuia fawp lo tura ka insum nasat zia kha…

Ka mutnaah chuan ka ngaihtuah zawm a,, Keima vangin a lungphu a rang a,,ka tan tlem tala feeling ala nei ve a ni tih ka hriatna chuan min tihlim ru veng veng…..

A tukah chuan hmun hrang hrang kan tlawh kual a,,Kan kalna hmun a zirin kan thil en te naupang ho kan inhrilh chhawk a,,Beach kan kal a,,khua a vawh deuh avangin tumah tui hnaih a kal kan phallo thung… A bul vel dawrah kan awm a,,thla la tur pawn an kal darh ve bawk a,,dar zat sawi a innghah khawm leh tur a ni a,, Zirtirtu ho erawh restaurant pakhatah kan thu a,,Puii erawh phone chhangin a kal hrang thung…..

A rawn let leh chuan a hmel a ngui deuh bar a,,Esin a chhan alo zawt vat,, “Kan thlenna hotel hi High School kan kal laia kan sir ania,,” a ti a,,a thaw hak a,, “Nizan khan an nupa anniversary hmanpui turin min sawm a,,an hotel-ah khan ania kan vaiin min sawm a,,induh ka rin loh bakah anni ho party chu thawmhnaw a ngai lehzel nen in duh ka ring chiah lova….Chhan ngaihna ka hre lova” a tih chuan Kan ngawi thap a,,Keipawn ngaihdan ka neilo,,Keini ho kal ngawt ila naupang hruai kan nia,,a diklo deuh in ka hria,,Nangmah in kal rawh ti ngawt ila a duh awm der silova….

“In ngaihdan sawi ula Sir chu chhanna kan pe dawn ania Zanin a ni sia inbuatsaih an duh ka ring a” inthlahrung aw taka a tih chuan Naupang ho chu phone in kan ko khawm a,,An sawi laih laih a… Thenkhat an lo kal chak hlawm viau laiin a then in Sir te kha kal ula an lo ti bawk a,,Chutih lai tak chuan Puii phone a rawn ri a,,min rawn melh zeuh in a chhang a,,”Oh Sir,,englo ania kan buaina ber chu thawmhnaw ania” a tih chuan ka melh nghal awk a,,ala nui var var zui…… “Mahse Sir….” a ti zuai raih a,,”Ok anih chuan in nupa tan chauh aniang” tau aw deuh hmak a tiin phone chu a dah a…

“Tunah kan let chuan kan mamawh engkim min provide dawn anih chu,, a assistant in min lo hmu ang….” a tih chuan a nui miah lo,, “Chuan” ka lo ti nghal vut…

“Chuan a manah an nupa anniversary lawmnan ka zai ang…” a tih chuan ka nui suk,, Diktak chuan keipawh in thawmhnaw ka keng chuang lo hetiang atana zin ka nilo miau a,,Mahse a thar lei tur pawh in harsatna ka neilo,,mahse keimah chauh inngaihtuah thei ka ni miau lova….

“Music play sak tur che in min duh em??” ka tih chuan mak ti hmel zetin min en a,, “I thiam a mi” a ti ha a,,a mak ti hmel chu a lawmawm phian lehnghal,, “Fel deuh in awm la,,ka play sak dawn che nia” tiin a sam thli in a chhem len siau siau chu a bengah ka zeh sak a,,a nui sen sen a…..

Chanchin naupang ho kan hrilh chuan naupang ho chu an lawm viau lehnghal… Peka pawh a nui vur vur alawm….

Shopping Mall pakhat kawtah kan ding a,, Nitesh-a Assistant in min lo nghak a,, Nula nalh tak sang tha tak a ni a,,a nui sang hmel chu a tha viau lehnghal…. Mahse ka bula ding hi a thluk hlollo thung….. Inchhung kan lut a,,Thawmhnaw taksa lang tam lutuk tak thlanglo turin Esi chuan hmeichhe ho chu a chah mawlh mawlh a,,khua a vawt tawh na in inchhung a awm tur kan nia,,an thlang thiam mai ang chu… Mipa pawh an kal kal hrang a,,Puii erawh an assistant khan a hruai hrang a,, mipa rual ho in kan thawmhnaw kan en chu nuihna tur a tam leh hle mai….. Ka hak tur Suit pawlduk ruih chu ka la a,,mahni duhzawng theuh an thlang ve mai aniang chu……

Ka thawmhnaw man tur pek ka tum chuan an phal hauh lo lehnghal a,,ka thil.thlan hi thawmhnaw man tlawm a nilo tih ka chiang sia min pe tu ber nen inthiantha kan ni bawk silo nuam lo ka ti ru viau,, “Nuamlo ti suh,,,An anniversary lawmna thilpek leh helai hmun kan kal hriatrengnaah ngai la…” ka beng bula rawn ti tu chu ka en a,,Puii nui sen sen ka hmuh chuan ka thawhak a,,a sawi ang chuan ngai mai ang….Mahse lawm thu erawh kan sawi ngei a ngai ang….

“Present pe ve ila” ka tih chuan a lu a bu ngahuh a,,midang hmuh loh chuan kan kal hrang ta daih a,,thilpek tur kan en chuan hmeichhia mah nise lei tur a hre lo ve khawp mai,,a hriat loh aleiah kan nui nasa viau zui,,Eng emaw tar mawi a man pawh tlawm lo tak kan lei a,,pawisa pek kan inchuh lehpek a,,kan tleirawl thar leh ni ta berin ka hria…..”Bawihi thil ka lei ang che ka bat che kha??” ka tih chuan a nui hak hak a,,Chimawm zet hian min melh nghal a,,Engtak thlang ang maw,,, A kalna lamah ka zui zel a,, hmeichhe pheikhawk sang tha zet zet awmna lamah chuan a ding chat a,, A duh a enkual a,,ka lei ang che ka tih khan a duh pawh ka ringlo kha ania a duh ve tehmial erawh ka lawm viau si anih hi….

Amah a sang tawh nen a Pheikhawk thlan la chu a sang tha viau lehnghal a,,bun pawh a bun thei dawn a mi le??? Pawisa kan pe fel a,,kan chhuak ta a,,Hotel kan thlen chuan insiam nghal a ngai naupang ho pawh a then an lo insiam tawh…. Bathroom ah lutin Shower ka nei zuai a,,ka thawmhnaw chu ka inbel a,,ka inpeih lehnghal der mai.

STARLIGHT – 33

( ZIRA POV )

An phur ang chiah in an nalh hlawm bawk a,,Miss Esi leh Sir Ruata ten midang an kalpui tawh,,Kei erawh Puii nghakin Inhnuai lamah ka la awm,,ka rin aiin a rei a,,sana ka bih sek tawh bawk,,Mi tei kual vel la chuan step bula ka din vang nge min en leh hrek hrek thin,,a pindan lama chho mai te ka duh hial tawh,,midang nghaktu nih hi ka peih loh zawng tak a ni a,,Puii pawh tun hi rei tak chhung ka vawikhat nghahna a ni…. Hmeichhe insiam an rei thin zia ka hria Puii hi nghah rei ngai in a awm ngailo mahse tun tum chu engvang kher nge maw ni a rei ve ta phian mai…..Ani kher chu nilo sela chuan ka kalsan daih duh hial ta ve ang….

“Sir Amah khi a ni em??” tia hnathawk pakhat in step zau leh zei zet awmna lam kawk a,,a nuih suk rual chuan ka hawi let nghal zawk….Puii Step-a a rawn chhuk thla chu mit khap hauh lovin ka lo melh a,, a incheina uchuak ni miah silo leh nalh tak chu a inhmeh takzet…. Kawrfual zet hringduk ruih a pian ti lang chiang em em a ha a,,a khup atang erawh a arh lam lek lek,,a kawr nghawng zau lam lek lek leh awm kawh la si te chu a inrem vel vek… A sam uk tha zet chu a thlah ngil siau a,,A kawrban tluan chuan a tilang zahawm em em si a ni….A thi phengphehlep lem chuang te bawk a rawn awrh leh a,,He a thi awrh ve ziah hi a duhzia ka hria,,nakinah ka la zawt chiang ang….Eng thawmhnaw pawh inbel se a awrh ziah chu ania…..

Ka hmel a hmuh chuan a nui siai a,,a nui hmeltha lutuk hi insum zo lova fawp ngawng ngawng mai hi ka chak thin…. Mahse tun hi chutiang tihna hun chu a nilo tih ka hre ve tlat…”Ka innghah tir rei che avangin ka tihpalh aw” ka hmazawn a rawn thlen rualin inthiamlo hmel takin a ti sap a,, “I nalh lutuk takzet” tiin ka chhang thung,, ka thusawi avanga hlim tih hriat takin a nui a,,”Nangpawh i cool tawp” a rawn tih chuan ka nui ri hawk…. A lai leh tawh tih ka hrethiam mai…..

A vawn theih turin ka kut ka pe a,,Party an siamna lam chu kan pan dun ta a,,A nervous zia a sawi luam a,,ka thiam ang tawkin ka fuih ve bawk…..Party na hmun kan thlen chuan mi an tam tawh khawp mai,,kan luh rual chuan chulaia awm ho mit chu kan chungah a fu thap a,,min en duh tih ka hria,,engdang a nilo ka bula kal hmeichhia hi a nalh in a hmeltha kher em a ni,,Helaia Flimstar leh model tam tak sawm te ai hian a nalhin a hmeltha tih ka chiang ve tlat….

“Hi Zir” rawn titu lam ka hawi chuan mak ti zetin ka en a,,”Ehe Bro min hre tawh lo tih sawi miah suh” a tih chuan a kut pharchhuah chu ban in ka kuah ve nghal thlawp a,,”Sandeep hetah,,Reena nangpawh maw??” tiin Reena chu ka kuah ve nghal a,,ka rinloh lam daih a ka thiantha em em te pahnih ka hmu thut chu ka lawm takzet,, ka lawmzia erawh ka tilang thiamlo mai a ni…. “I hmel a va chhe ve??” Sandeep-an a tih rual chuan nui hawkin,,”Darthlalangah in en hmasa thin rawh” ka ti nghal hluk a,, lehkha kan zir ho laia kan infiam dan a ni….

“Ahh miss Zira nupui chu i ni em lo maw??” Reena-in a tih chuan Puii ka hmelhriat tirlo tih ka hrechhuak chawpchilh nghal,,Mipa pawh hi a chet nawi ve theih tho anih hi….

“Ka bialnu anih hi,,Puii,,Lalhlupuii” ka tih chuan Sandeep-a chuan mit khap hauh lovin Puii chu a melh a,,Puii pawh a lai lek lek tih ka hria,,”Chimawm suh aw” ka tih rual chuan a nui huk a,,Reena pawh a nuih a za hle tih a hmelah a lang,,”Puii” pai lek lek a,, Reena-in a tih chuan,,”Tete… tiin min ko thei ang” Puiin a rawn ti vat a,, Tetei tih chu an tan pawn lam a nuam zawk daih ang,,Tetei tih te chu an tam ve thin kha…..

“Tete,,hepa nen hian in inngaizawng tak tak a mi??” Reena-in chimawm zeta a tih chuan,Puii chu a nui hak hak a,,keiin a chhanna ka hre chak takzet thung,,a kawngah nghet zetin ka dawm nghal a,,min rawn en zawkin Reena-i lam chu en lehnghalin,,”Um ka bialpa chu a ni alawm”tiin a nui sang a,,Intithei zet hian Sandeep-a lam ka hawi chuan,,”Hman atang khan hepa hi.chu hmeichhe rilru tinatu ania,,Mahse Nang anga hmeltha hi chu a phu lo che asin le…” Sandeep-an a tih chuan rum zet hian ka melh a,,Puii chuan engtin tak ngai ang maw?? ti rilru in a lam ka hawi a,,Ani pawh in min lo melh ve ralh….Tuna a mitmeng kha nidangah ka hmu ngailo,,min duh hliah hliah angin min melh a, hrechiang viau lo ila chuan Ani hian min hmangaih ve ka ti ngam ngei ang…. Mahse a lak atanga hmangaihna erawh tun dinhmunah chuan Vana rah ang a ni si a……

“Zira anga mipa tha hi keimah hian ka phu lo zawk alawm,,mahse a luck lutuk mah mah a ni….”Awmze nei zeta Puii chhanna chu Ka thiante chuan an nuihpui a mahse kei erawh ka nuih a za viau lo,,A hmaa kan hun tawn ka ngaihtuah a,,Jenny vanga buaina kha….A hre reng tih ka hrethiam mai…..

“Engtin nge hetah i rawn kal ve daih theih a??” tia Sandeep-an min zawh chuan,, Puii chuan alo hrilhfiah vat a,,henu tak hi chu a hun hi a hre thei ania…. “Anih nang??” tia ka zawh let chuan,, Reena-i leh Nitesh-a nupui hi first cousin an nih thu a sawi a,,thudang kan sawi leh hma in kan party neitu te pahnih an lo thleng a,,kut kan beng nghal dar dar a,,Kan nau te ho pawh awmdan tawk an thiam ngei ang,,Miss leh Sir te an awm tho a,,ka ngaihven ta lo law law mai,,Ka indah awl ringawt a ni e…..

Thusawi eng eng emaw a awm nual a,, Nitesh-an thu a sawi laiin Puii a fak kher mai a nupui pawh in Puii chu thilpek a pe a,,an nupa hian an duhsak ka ti dawn nge ab chawimawi thiam ka ti zawk dawn,,an mikhual lokal ten an hrelo ang tih mawlh an hlau ni berin ka hria….Ani erawh ka kutah a chelh tlat a,,a bulah ka awm ve zel bawk a,, Zanin zet chu Puii bodyguard ka ni ringawt mai,,Zai tura an sawm chuan stage lam ka panpui a,, Keyboard bula kal ka tum chuan ka bulah rawn kalin,,”Eng hla nge ka sak ang??” a rawn ti heu mai…ka mithmul kan akin ka khi suk a,,Ani pawh a nui ve suk tho…. Microphone chu keng in a aw a thian kharh a,,

“Zanin hian zai tura sawm ka ni lem lova mahse Sir Nitesh-a leh a nupui hmeltha tak Sima te anniversary pual liau liau hian ka rawn zai dawn a,,,Ahhh Indian hla ka sa lo tur erawh min hrethiam dawn nia” tia a sawi zawh chuan keyboard bula ka ding chu min rawn en a,,a hla sak tur ka hriat miau loh avangin a zai hun ka nghak tawp.. Hetiang function liana inbuatsaihna awm miah lova a zai tur erawh ka ngaihtuah ru hle mai…..

“I surrender” Celine Dion hla a rawn sak chuan,, keyboard chu ka tum(play)ve nghal a,,a zai rem zela ka play sak thei chu keimah tak hi ka lawm……

There’s so much life I’ve left to live

And this fire is burning still
When I watch you look at me
I think I could find the will
To stand for every dream
And forsake this solid ground

And give up this fear within
Of what would happen if they ever knew
I’m in love with you

‘Cause I’d surrender everything
To feel the chance to live again
I reach to you
I know you can feel it too
We’d make it through
A thousand dreams I still believe
I’d make you give them all to me
I’d hold you in my arms and never let go
I surrender

I know I can’t survive
Another night away from you
You’re the reason I go on
And now I need to live the truth
Right now, there’s no better time
From this fear I will break free
And I’ll live again with love
And no they can’t take that away from me
And they will see

‘Cause I’d surrender everything
To feel the chance to live again
I reach to you
I know you can feel it too
We’d make it through
A thousand dreams I still believe
I’d make you give them all to me
I’d hold you in my arms and never let go
I surrender

Every night’s getting longer
And this fire is getting stronger, babe
I’ll swallow my pride and I’ll be alive
Can’t you hear my call
I surrender all

A zai zawh meuh chuan kut beng thawm a ring ngei mai…. a hah ve hle a ni tih a thawk halh halh danah ka hre thei…A zai tha takzet bawk,,a bulah kalin a chalah ka fawp zeuh a,,a hmel ka en chuan a sen ap ap a,,amah nena inhmeh lo zeta a zak hma thei lutuk hi Amah ti duhawm tu a ni lehzel si a ni….Stage atanga kan chhuk pawh chuan an chibai sap sap a,,a zai that luatah keipawh chibai tu ka ngah phian mai….

Dinner kan kil chuan Nitesh-a te dawhkanah kan thu ve a,,an Sir hian a ngaina hle a ni tih ka hria,,lehkha a zir laiin naupang thuawi tak anih ka ring ve tawp bawk….Zuala lehkhabu a anungchang leh tuna a mizia hi chu inperhsan ve tak a ni…. A chang chuan Zuala lehkhabu kha phuahchawp a tam mah mah aniang tih chang ka ngah mai,,a chhan pawh ka hmuh theih chinah Puii hi hmeichhe harh tak leh tawng duh a ni ngai lemlo tlat,,A volleyball beng takngial pawn a Over kan tih ang chi hian a awm ngai tlat lo a ni….. Naupang chhia taka han awm chang leh tawng chang nei mahse harh taka a khawsak lai hi ka hmu khat ve em mai pawh a…….

( TETEI POV )

Sir Nitesh-a nupui hi designer a ni tih ka lo hre miah lova,, Shopping Mall kan Bazarna pawh kha an ta alo ni reng a,,Ama thawmhnaw design ngei min present kha ka lawm takzet,,Tin,,keimah mai nilo ka kalpui te zawng zawng hnena thilpek an pe leh pawh hi a hranpa takin lawmthu ka hrilh ngei ang….. Ziran Ka rin loh deuh in thil leisak min tum kha ania,,,bakah a hmaa a insawi bat kha alo la hre reng a,, keimah zawk hian ka lo hre tawh miah lova… Pheikhawk pencil hill nalh zet ka thlan chu a tlawm lovang tih hre mah ila ka la ta tho kha ania,,mahse atan thil tha tak ka la leisak ve ngei ang….

In haw takin hun kan hmang dawn emaw ka tih laiin tihian hlim takin kan la awm tluang zel chu ania,,Goa hi alo tha anih hi… He hmunah ngei hian a ni lawm ni hlim taka ka lo nuih a,, Lalmuanzuala nen pawh hun hlimawm ber ka suangtuahna a thi ve ngai tawh lo tur ka lo neihna hmun kha….

Nicky ka ngaihtuah chhuah rualin ka rilruah Zira a rawn lang a,,a lakah hian ka inthiam theilo a ni,,Midang hmangaih nei reng chunga a bula ka awm reng anih chuan ka ti na ang,,he mipa mahni induh tawk ve tak hian min duh tih ka hria keima vanga atthlak tak taka a chetna te hi hrelo ka nilo,, hlim taka awm tir a ka vanga nuih tir reng pawh ka duh mahse ka thinlung a midang nei reng chung hian ka tihlim thei dawn em ni!? Kalsan tur hian rilru ka siam vat angai zawk a ni….. Mizoram kan thlen leh hunah kan inkar thu hi ka ti tawp ang… hetah erawh hlim taka awm a phu ang chiah in kan hun tawn ang zelin a natna tur thlen ka tum lova kan pahnih inkar vanga midang tawrh tir la ka tum heklo…..

Ka insiam zawh a darthlalanga ka inen chuan nalh ka inti ve thlawt,,hetiang thawmhnaw hi ka ha tam lo,,hakna hun la ka ngah heklo mahse ka taksa pian lang tak ka hak chang hi chuan ka nui lo thei thin lo a ni…..Esi pawh in min fak ve luam bawk,,ka zai dawn tih Esi ka hrilh khan mak a ti hle a,, naupang ho bulah sawilo turin ka ti kha ania,,Taka Zanin chu Peka pawh be leh tawh ang,,Zira nen kan inbe tawh na in Vanlalpeka nen kan la inbe leh miah lo…. Min la haw viau angem aw,,ka nau ve em em mah nise a thinrim rei thei khawp mai….

Ziran min nghahna hmun ka thlen chuan ka lai chhelo chauh,,hetiang taka mipa chhelo leh hmeltha hian kei min duh hi awi har ka la ti,,Kei la in kalsan ka tum mek chu a ni sia,,mahse kan kal thui hma tak tak a inthen hi a tha zawk ka la ti tho,, tihnat atan chuan ka phal hlollo a ni….Tunah hian na se a na nep zawk ang,,alo na vak anih phei chuan a tha zawk daih dawn si a….. Mahni inthiamlohna nen ka rilru chuan ngaihdam ka dil ru mawlh mawlh a…..

Vawikhatmah ennawn pawh awm lova zai ka nia,,Music min tum sak a tum miau alawm a thiam loh pawh a hangin ka zai chhuak tho ang ti rilru a zai ka nia,,mahse ka rinloh deuh in alo thiam takzet,,Amah nen hi chuan a inhmeh ka tilo,, A tum lai ka la hmuh ngailoh vang te pawh a ni mahna… Ka zai zawh a ka chala a fawh chuan ka zak ru takzet,,Nga ti nge ka chalah hian a fawh leh thin,,Nicky bawk min hriatchhuah tir leh thin,,Nicky laka Thlamuan leh hahdamna ka neih ang kha ka neih pha fo lehnghal,,a chetdan hi ka hrethiam thin lo a ni……

Peka nen pawh dinner ei hma in kan inbia a,,kan naupang te hovin zaithiam min tih thu an sawi luam bawk a,,nuam hi an ti theu mai bawk sia,,Dawhkan kila kan thut chuan Zira bawk min ngaihsak leh hle a,,Sir Nitesh-a te nupa la hian min en uluk thei si ka zak lek lek zel….. Chaw kan eikham hnu in lawmthu te ka sawi luam a,,Sima-i zawk chuan Zira chu lampuiah a sawm ta daih a,, hmeichhe fing tak a ni ka tilo theilo,, Sir nen kan pahnih chauh in inbiakna hun min siam sak a,,

Balcony lamah kan chhuak a,,ka huphurh ruk ang ngeiin Nicky-a chungchang min zawt a,,aw khur ru dar darin engkim ka hrilh a,,” Tete a pawi ka ti,, kha naupang special lutuk kha tunah chuan Vanramah a awm tawh ngei ang Amah tluk zeta tha hei tunah chuan i nei alawm tiraw,,tap lo la nui reng zawk rawh aw,,nuih hi i phu ania” a tih chuan insut hlap hlap in ka lu ka bu nghauh nghauh a,,ka samah chulin min kuah hlu hlu a,,khuh kharh thawm a rawn awm chuan Sima-i leh Zira balcony chhuahna kawngkhar bula lo ding chu kan hmu nghal…

Sima-i chuan,,”In Sir hian alo vel tap ringawt che a ni maw??” tia nui hak hakin,, kan lam an rawn pan a,,ka mittui chu ka hru nghal vat vat bawk…..” Mi zawng zawng in nangma vang liau liau in ka design hi an fak ania….” tiin ka darah a beng thek thek a,,”Ka lawm e,,i kawr mawi tak ka hak theih avang hian” ka tih chuan a nui var var a,,” kei deuh hi ka lawm” tiin an nupa chuan Inchhungah min luhsan a,,Zira hmel ka en chuan ka inthiamlo takzet,,ka tah chhan min zawh ka hlau hle bawk….Min zawt ta se sawi dan tur takngial pawh ka hrelo…..

“Bawihi,,lokal teh” tiin a hmazawnah chuan min din tir a,,a kekawr ipte atangin rawmawl var tha zet rawn phawrh in ka mit bul chu dim zet hian a rawn hru a,,ka mit chhingin nga ti nge Nicky ang zel hian i awm??Ka mittui i hru hul a,,ka chalah fawpin min thlamuan thin a?? Nga ti nge hetiang hian i tih?? I laka ka inthiamlohna hi tibelh tawh lul suh?? ka rilru chuan ka ti mawlh mawlh a,,taksa lum vung vung ka deh rualin ka taksa chu nghet zetin a rawn kuaha talchhuah ka tum lova chetsawn la ka tum heklo….A lungphu ri dup dup ka hriat ruala ka hahdam hliah hliah thin hi phat buai la ka tum heklo……

“Hmun danga kal i duh em??” min kuah reng chunga a tih chuan ka nui chhuak hak a,,”Kan kalbo daih ten midangin nuam an ti nang…” ka tih chuan a nui ve nghal hawk tho….Min kuahna atanga min phelhin,,”Anih chuan lut ila,,naktuk lam tih tur kan la nei sia awm rei tawh lo ila tiraw??” a tih chuan lu bu nghauh in,,kalsawn nghal ka tum chu ka banah chelhin a hmaah min din tir a,,nui sukin,,”Vawikhat chiah” a tih chuan ka en deuh ha a,,ka inrin hma in ka hmuiah a rawn fawp a,,min thlah lehnghal mai mahse duhthaw leh uar zetin min rawn fawp lehnghal a,, keipawh in ka thiam ang tawkin ka chhang ve nghal…..

Nihnih kan awm hnuah Goa kan chhuahsan a,,Sir Nitesh-a chhungkua pawh kan chungah an tha in,,kan awm chhungin an hotel hnathawk te pawn a tha berin min enkawl a,,Kei ai mah in midang ho hi an lawm zawk,,Tin,,Sir te chhungkua in Nicky hriatrengna thilpek min hawn tir bawk a,,ka lawm rualin ka lung a chhe lek lek,,Zira awmdan hi ka hrethiam lo,,min duhna hian ka thinlunga midang awm hi pawi ti lo ang mai in a lang a,,mahse a ruk takin a ti na ang tih ka hrethiam,,a laka ka inthlahrungna hi a ni telin a zual dawn anih hi….

Kolkata kan thleng a,,Zira tan leather glove ka leisak a,,ka pack tha vel thlap bawk,,ka chhungte leh ka thiante ka hriat theih chin zawng zawng hming kimin thil ka hawn thlap,,ka haw huna min hmuak tu apiang hnena sem tur thlengin ka lei a,,Esin min nuih nasa ngang mai,, Vanlalpekan T-Shirt ka duh min lei rawh a ti tlat pek a,,Esi nen kan pathum in kan lei leh kha ania Emily-in a thlansak thung….Kan bazar chu kan kal khawm dul dul bawk a,,kan nui nasa in kan hlim phian mai…..Zinchhuah a boruak thar hip hi alo nuam phian anih hi….

Guwahati atanga Mizoram kan pan lai chuan ka rilru a ngui takzet tawh,,ka bula thu tui taka muhil chu ka en a,,he mipa dawhthei tak leh ka tana mi tha tawp hi ka nuna telve tawh ngailo turin ka kalsan dawn chu ania,,ka nun atanga kaltir hlen tur hian ka ngam em takzet ka hre tawh lo mahse ka tih ngei a tulin ka hre bawk si,,”Nicky min puih rawh,,eng nge ka tih ang??”Ka ngaihtuahna buai tak avang chuan ka mittui hnam sawk chu min hmuh hlau takin ka hru zeuh a,,ka bula thu a chet zeuh rual chuan ka mitchhingin ka muhil der ta ringawt a.

Conti….

Leave a Reply