You are currently viewing STARLIGHT 34 35 & 46

STARLIGHT 34 35 & 46

Spread the love

STARLIGHT – 34

( ZIRA POV )

Ka bula tui taka muhil chu ka en a,,a thinlung na te ka hriatthiam pui lo chunga a natna tlem tala chhawktu nih ka duhzia hi engtin nge ka hriattir theih ang tiin ka ngaihtuah a,,a nat em avanga a tahna te,,a lungngaihna thuk tak Amaha inphum ru te engtin nge ka tih dam sak theih ang?? A hun kal tawh ka siam that sak thei lova,,a hun kal tawh avanga a natna te la ka lakbo sak thei heklo,,mahse a nuna ka awm chinah erawh hlimna tam tak pek ka duh a,,a Hun kal tawh avanga a tahna leh lungngaihna te pawh Amah chauh a tuar lovin ka bulah ngei hian tuar in Amah hnemtu nih hi ka duh a ni….

A sam a hmai zartu chu hui kian sakin,,”Ka hmangaih che” ka ti sup a,,Ka hmangaih thu hrilh nan hian hun ala mamawh ni a ka hriat vang chauh a la hrilh lo mai ka ni… A inpeih hun ka nghak thei a,,a tan hian hun tam tak ngai mahse chu hun chu dawhthei takin ka pe thei a ni…Ani anga ka thinlung thleng phak hmeichhia hi ka tawng ngai lova,,Ani anga ka nundan leh awmdan tidanglam thei khawp hmeichhia hi an awm ngai dawn heklo,,chuvang chuan engkimah Ani hi ka nghak thei a,,ka ti zel bawk ang…. Vawikhat ka hmangaih tawh a,,a tawp thlengin ka hmangaih reng bawk ang…..

Aizawl kan thleng a,, College-ah kan lut nghal a,, naupang chhungte leh Zirtirtu thenkhatin min lo hmuak a,,kan ri deuh mar mar hlawm a,,Keini erawh Josh-a a rawn kal a,,kan bungraw hawn te Peka nen ka Scropio-ah dah lutin midang haw hnuah kan kal hrang ta hlawm a,, Josh-an Bike alo ken avangin Peka nen an inphur a,,kan hmaah an tlan a,,Kan thlen atangin Puii ala tawng mang miah lo,,a chau ve hle anih ka ring….

“Zir Christmas Present ni pah fawmin thil ka lei che a,,” tiin bawm hi min pe a,,ka en chak em avangin motor chu kawngsir rem laiah dah in ka hawng nghal a,,ka chetdan vang chu nge a nui hak hak a,,a present min pek ka hawn rual chuan nui sukin a kutkawr min leisak mawi zet chu ka bun nghal a,,”Lei tur i va hre ve a ka lawm e” ka tih chuan nui sen sen in,,”I duhzawng a ni a ka lawm” a ti ve sap a…..

Ka kut lehlama steering chelh in ka kut lehlam chuan a kutah ka hum sak a,,ka awmdan chu min sawisel ka ring deuh a,,mahse a nui a ka kut chu a dahsawn bik lo,,hetiang taka boruak tha kan pahnih inkara neih reng hi ka duh,,kan inngaihzawn tirh ang mai kha kan ni,,ni leh lo chu ai pawh chuan a nuam daih zawk…. Midang inngaizawng pawh an inti thiamlo fo a,,an inkar an siam tha leh thin a Khatiang hunah khan kan awm ve a ni mai,, ka bialnu neih ve dangte nen chuan in anglo tak a ni…. Ka then tawh te lakah ka let ngai lova,,tu hmeichhia mah ka buaipui hmasa ngai heklo….Mahse ka bula thu Lalhlupuii erawh buaipui tham a ni miau si anih hi…….

In kan thleng a,,a ngai te bawkin kan chhungkua mai nilo kan colony zawng zawngin pawnah min lo hmuak a,,kan tam viau lo na hian thawm chu kan nei tha leh kher mai,,RSa te chhungkua pawh an rawn tel ve a,,Minister zin haw ang mai in alawm hmuak tu kan nghah leh le….Kan inah kan ri deuh laih laih a,,Puii kan ina chaw ei ve mai turin ka nu in a ti a,,hnial tum viau mahse keiman ka tih tlat avangin a hnial duh ta biklo a,,A thawmhnaw a in lama dahpui ka tum erawh RSan min pawt leh tung a,,ka kal ta lo Alberta leh Josh te bakah midang an awm a,,ka ngaihtuah lutuk lemlo……

Ka chhungte ho thil tur felfai taka intuam thlap thlap ho ka en a,,ka pek pah chuan ka nui suk a,,a chhan pawh Puii nena kan lei leh Amah dah hran vek an ni hlawm a,,Nunin ka fun fel hlawm vel lutuk chu min fiam zeuh nghe nghe,, “Bawiha naktukah i nau Sangi a rawn thleng dawn a,,” tia ka nu in a sawi chuan engmah ka sawi hma in Betty-in a U in thil a hawn tur vel a sawi nghal chiam a,,kan nuihpui leh dar dar tawh….

Sangi chu keipawn ka hmu chak tawh takzet,,Kum4 ngawt a hna avangin kan bulah a awm tawh lova,,Nunin engmah a sawiloh danah ngaihzawng takngial pawh a nei lo nge,,Keimah hi chu min zah avang anih ka ring ngaihzawng chungchang hi ka bulah an sawi ngailo,,Nuni bulah an sawi a,, Ani hian ka hriattur chin min hrilh a chu chu a ni mai,,kan unau kan inthlau hlawm viau na hian kan inkawmngeih phian erawh Nuni vang a ni thung….Tunah pawh chhungkua kan kim a nga,,kan ri ve leh laih laih ang,, mahse kei an u ber hi ka ngawi leh run awm si a,,Ka farnu te tawngri aia ngaihthlak nuam tih ka nei ngai hauh lo thung,,an zinga Puii tel hun tur erawh ka nghakhlel takzet……

Puii a rawn chho a,,engtik laiin nge alo lei hman kan hrelo ka nu leh pa,,Betty leh Nuni te fapa tan thil alo hawnsak vek nia henu tak hi chu a ngaihtuah kim thei,,Kei erawh hian thil hi ka tihsak tlem viau si chu anih hi,,an thil hawn te an inpek zawh hnu chuan Zanriah kan ei a,,Puii chu a tawng tam lemlo ka pa nen erawh an titi thei viau mai…keimah ang chiah a Chaw ei laia tawng a duhloh zia ka hria,,ka pa in a biak reng avang chuan a ei puar pawh ka ringlo…

Chaw kan eikham a,,kan eina an tihfel hnu reilo teah Puii a haw a,, Betty-in a zui leh tawh….Puii leh Betty an awm loh hnu chuan Ka pa chuan a aw thian kharh kharh in,,”I nu khan Bawiha kha awmpui sela In pathum khan ka office lamah lokal rawh u” tiin Amah chu a kalsawn nghal a,,kan zin chhung khan thil diklo thleng a awm em ni le???

Ka pa Office lama RSa te nupa nen kan luh chuan ka pa hmela rilru hah tih hriat zet chu ka hmu nghal,,”Ka pa engthil nge ni ta??” ka tih chuan paper chhah deuh tak hi min rawn pe a,,ka en kual thuak thuak a,,ka kum ka hum ruh nghal teuh…. Ka pa in hun rei tak ata a sumdawnna alo kalpui tawh chu Inbumna avangin Nikhat thil thuah chan thei reng dinhmunah a ding anih chu….Chupawh kha hmeichhia Jenny leh a pa thil tih vek lehnghal……

“Bawiha i zin haw chauh na in he thilah hian ni tlem te bak hun kan nei tawh loh avangin i hah tur pawh ngaihtuah lovin ka hrilh che a ni….Ka fapa i chinfel kher angai lo ania,, Ka fate in puitling vek tawh a,,Saw showroom pakhat lek avang sawn kan chhungkua kan kehchhe dawn pawh a nilo…..Sumdawnna lian tak an nei chunga ka sumdawnna tereuhte an it viau anih chuan ka pe hreh hauh lo,,” Ka pa in insehruh teuh a atih chuan ka thin a rim takzet,,engtin nge hetiang buaina liantham hi tunah chauh min hrilh theih zawk,,ka pa rilru hahna leh natna tur ka ngaihtuah ringawt pawh chet rup rup mai ka duh hial…

“In zinni khan he lehkha hi ka pa an rawn pe a,,Court lama an submit rualin kan dawr chu an ta a ni mai..Tun atanga ni thumnaah submit an tum bawk….” Nunin a tih chuan ka thaw halh a,,

“Engtin nge heng hi a thlen theih?” ka tih chuan,, “Jenny nen paper in endun kha nangmah ngeiin a tha i tih kha ka pa hian ennawn tawh lovin a sign a ni mahse kha paper a kha i en kha a nilo a nimahna” Nuni bawk chuan a ti leh a,,

“Police lamah in kal lo a mi??” Ka tih chuan

“Lawyer thlengin kan bia alawm,,mahse engmah tih theih a awmlo a ni… Signature leh Seal hi original a ni miau si a” RSan beidawng aw zeta a tih chuan ka ngawi nghal run a,, inngaihtuah muk tih hriat taka ka pa chair a thu lam chu ka hawi a,,kha leh chen rim tak leh hah taka a hnathawh sa,, bumna vang maia an neihsak hi ka phal ngai lovang….Ka theihtawp tak meuh hi ka chhuah ang,,chuan kan ta hi ka la let leh ngei ang……

( TETEI POV )

NuLianin chaw ei min sawm tlat avangin ka ei ve a,,Zira ve hi an Inah chaw ka ei a,,a ngawi kur a,,min en leh zawk thin tih bak lo keimah ang chiah thil ei laia tawng ngailo… Chaw kan eikham reilo te ah Betty nen ka in lamah kan chhuk a,,Nunui te pawh an pali in an lo chho a,, Inchhung lam pawh rei lutuk lo an lo leng a,,an hming kimin thil ka hawn hlawm a,,,Nuam kan ti leh hle ringawt… Ka chhungte nen kan inbia a,, naktuk lamah ka nau alo thleng dawn a,, Airport lamah ka kal ngei a ngaih hmel,, Peka a tawngthei lehpek,,a hma zawnga ka hmuh miah loh ka zai lai video leh a hnulama kan lamna te alo nei teuh pek a,, Laptop-ah chuan kan thlalak leh a dang te pawh Peka leh Josh chuan an dah lut a,,Nunui leh Betty-in Eng eng emaw ei tur an siam a,,Kei leh Alberta kan titi thung….

“In haw dawn hnai em??” ka tih chuan kan thlen hun chiah an nghah ve tawh thu a sawi a,,eng eng emaw kan sawi dun a,,ka t-shirt hawnsak chu a en,,”Te i lei thiam nalh ee” tiin a nui var var a,,Zanin chu hmeichhe ho riah khawm kan rel leh a,nuam hi kan ti em em zel a ni…..

Khua a var a,,zingkarah chuan kan awm awl phian mai,,Betty leh Nunuin min haw san hnuin in ka tifel thuak a,,Chahbi ka dah avangin chet tur awm hauh lovin Betty leh Nunuin in an lo tifel fai lutuk a,,Eitur ka siam a,,Chutih lai chuan Zira a rawn lut a,,

“I kawm rual te te bula i awm hi chuan min hre tawh lo anih ber hi maw??” lungawilo tih hriat zeta a tih chuan ka nuih hak a,, “Eitur ka siam asin ei ve daih la,,chaw ai ka ei dawn a,,” ka tih chuan a ner sawk a,,ka ei tur siam hi chu a ngaisanglo ve thin ania….

“Frozen ala awm nual a,,ka kang tel ang aw ei ve rawh” ka tih leh chuan a lu a bu nghauh a,,ka hnunglam atangin ka kawngah a rawn kuah thut a,,ka nghawngah a rawn fawp zeuh a,,a vawikhat tihna a ni nen ka taksa a mur nghal chuai chuai thei…. “Ka ngai che,,” a tih chuan min hmu lo mahse ka ner nang a,,Nizan lawkah pawh an inah chaw ka ei a,,inngaihnan chuan ala hma ve mah mah…..

“Haw lo mai la,,hetah Krishmas hmang ve mai rawh” atih chuan min kuahna atangin ka tal a,,min thlah ve mai bawk a,,a lam ka hawi chuan min thlahleh hmel zet hian min melh a,,”Ka haw loh ten ka chhungte an mangang lutuk ang” tiin ka nuih sak a,,Ani pawh a nui ve suk tho…. “Hlat ka tum zawh poh leh ka hnaih tulh tulh che a ni mai si a” ka rilru chuan ka ti a….Min duhna a tihlan tam zawh poh leh ka inthlahrungna a zual zel a ni tih a hrethiam silo,,ka thaw hak a,, fridge lam panin ei tur siam tur ka la chhuak nual a,,

“Nicky Ani hi hmangaih let ila I lungawilo viau angem??”Nicky-a ka ngaihtuah chhuah rualin ka thi ka khawih nghal a,,ka ngaihtuah hun hi a diklo….”Eng nge i ngaihtuah??” ka bengbul hnaih te a arawn tih chuan ka phu zawk a,,ka en rual chuan chik zet hian min lo melh a,,Ka nuih leh ringawt…..

“Siam zo rawh ei ang,,Chawhnu lamah Airport kal ka ngai a,,hna tlem thawh tur ka nei,,Ka bialnu ina chaw ka ei leh ringawt hi ka nu in min hau leh dawn ania aw…” tiin a nui nghal vur vur a,,

“Airport-ah i kal dawn maw!?” ka tih ha chuan,,”Um nga ti nge?” a ti zawm nghal a,,

“Keipawh chawhnu lamah ka kal dawn asin” ka tih chuan mithmul kan zeuh in min en a,, “Bike ka keng dawn” ka tih zawm nghal zat…Ka tih tur min zawt a,,ka sawi duh lo vel lungawilo hmel chu ka nuih a ti za leh hle mai…..

Kan eina ka tihfel vek hnuah a haw chauh a,,A ruala airport a kal ve turin min duh viau na in ka nau bungrua phurtu atan chiah ka duh che ka tih chuan a ner leh nasa ngang mai….Bike ken a phallo zet kha ania,,ka nau in ka bike khalh lai hmuh a chak avangin ka ken ngei angai ka ti tlat sia min hnial duh ta bik lo…..

Chawhnu lamah kan chhuak rual a,,Scropio a keng a,,Betty leh Josh hruai a ti leh tlat a,, Kal lamah josh leh Betty bike in a kaltir leh tlat a,,kan pahnih in kan inphur a,,Ka kutah a chelh tlat a,,Goa atanga tun thleng hian kan boruak hi nuam ka ti keimah pawh thinlung takin ka hlim takzet…..

Airport kan thleng a,, naupang pahnih te ril a tam leh tawh nen thil ei a an kal hlan in Zira nen hmu rem laiah kan thu a,,kan infiam leh reng tawh…. Tleirawl inngaizawng hi kan ang tih chang ka nei Ani pawh hian a ti ve tho ang mahse a nuam tho si…..

Airport chhunglam atanga Jeff leh Nula nalh tak pakhat lo nui chhuak ka hmuh rual chuan an lamah tlanin Jeff chu ka kuah thlawpa a bula hmeichhia chuan min en duh viau lehnghal,,Ani pawh in min pawm kang ve lawp tho,,Kum3 ngawt kan inhmu tawh lova ka ngai tawh takzet,,a landan puitling tawh lutuk vel chu en in ka fiam luam a,,”U i nui hmel ka hmuh hian ka tah a chhuak” a tih chuan lei chhuah in ka chhiatkhum vak a,,A bula hmeichhia chu min hmelhriat hma in Betty chuan,,”U” tiin Jeff-a bula ding nula nalh zet chu a kuah nghal chung chung a,,Zira nau a ni tih ka hrethiam mai,,an unau ho hmelthat zia leh hleitling zia ka hre tho na in,, Sangi erawh a nalh bik takzet,,Model ni awma mawi a ni….

Inhmelhriat na hun kan neih zawh in kan haw ta a,,ka nau nen Bike in kan inphur a,,ka bike khalh a hmuh lohna a rei tawh bawk a,,khalh a tum viau na in ka phur lui tlat….Sawi tur ka ngah ang chiah hian a ngah ve in ka ring…..

STARLIGHT – 35

Ka nau leh Sangi chu anlo thawk dun reng tih ka hriat chuan mak ka ti viau,,Ka nau hi practice lai a ni a,,Sangi te hnuaiah hian alo awm reng a,,ka nau hi kei aiin Kum2 in a naupang Sangi nen hian kan pian kum a in ang tih Betty sawi ka hre tawh an unau hi an inthlau ve hlawm khawp mai,,Sangi naupang te a heti taka ukil hlawhtling a ni thei hi a fakawm takzet….. A hnuai a ka nau in practice a ti thei pawh hi ka lawm viau bawk…

“U i van khalh chak reuh tak hmeichhia ve si” ti nung nungin Bike atang chuan a chhuk thla a,,Kei erawh ka nui hak hak thung,,NuLianin kan thawm a hria nge a rawn chhuak vata Jeff-a chu ka nau anih thu ka sawi chuan a chibai a,,Zira te lo thlen nghah tho an ngaih avangin an inah chuan kan lut a,,darkar chanve ngawtin keini aiin an rawn thleng tlai nia mawle,,ka li khalh chak viau tak tak a mi le?? ka nau ka fiam chak vang mai mai a ni sia ..

Pawn ka chhuak chu Ziran rum zetin min lo melh a,,a chhan ka hre nghal,,ka inthiamlo kher mai,, engmah a sawi lo nilo min be lo hrim hrim a tum hmuk a ni mai…Mi ka thlem thiam lo asin le…..A thinrim hmel sia,,eng emaw tak chu ka tih a ngai ngei ang…Mahse eng nge ka tih ang?? Ka nau nen chuan kan haw a,,Ka nau inbual hlan chuan eirawng ka bawl a,,ka ngaihtuahna erawh inchhung lamah a awm daih,,engtin nge ka insawifiah ang aw…..

“U naktuk chu Vawksa lei teh aw,,ka ei chak teh mai ania” Jeff inbual zo rawn lut chuan a rawn tilut nghal a,,lei nachhang ka hrelo chu a ka inti hnuhnawh viau mai….. Bawngsa leh arsa hi a awlsam ka tih avang hian ka kawl reng a,,Vawksa erawh ka lei ngai meuh lo,,naktuk lamah bazar pui angai anih hi…..

Chaw kan eikham a,,sawi tur a ngah bawk si,,ka sawi ve tur te a bo vek,,chhungte ho nen rei tawk an inbe leh phawt a,,Chutih lai chuan Inhnuai lam an rawn leng chho a,,

“Te naktuk lamah haw kan tum a,,Zingah kan thawmhnaw te hi Sumo a thawnin keini chu Bike hian kan pali in kan haw ang….” Albert-an a tih chuan ka ngai ve dawn khawp hian ka hria….

“Zingah chaw ei ula hetah kan ei vek anga chuan chaw eikhamah chhuak mai ula,,” ka tih chuan min hnial a tuk zet a,,mahse Nunui zawk chuan,,”A tha viau tak ang a,,Haw hunah pawh inbiak reng kan ti ang…” a tih chuan ka nui hak a,,Albert-a pawh a nui ve tawp….

Ka nau phone be zo varanda lam atanga rawn lut chu Alberta chuan a chibai vat a,,Nunui pawh in a chibai ve a,,Josh leh Peka te erawh eng emaw tih tir nei Nunuin a ti a,,an rawn kal ve lemlo….. Alberta leh Jeff chu na titi a,,a bulah Nunui nen kan titi ve bawk a,, Vanlalpeka rawn kal ve lo erawh ka lungawilo ru viau mai,,a chhan pawh kan zin hmaa thil thlen atang khan min hlat anga lang miah silo hian ka hlatah hian a awm tlat a,,nuamlo ka tih rualin Amah pawh hian nuam a ti vak bikin ka hrelo…..

Ka hmuh dan chuan thian tak tak angin kan inkawm a,,engkik kan inhrilh a,,Ani pawn chutiang tho chuan min kawm ve niin ka hria,, hmelhriat leh thian tam tak sawi tur nei mah ila thian tak tak kawm kan neilo ve ve a,,kan inngaina a Zira nena kan inkar takngial pawh Amah nen chauh kan sawi dun thin,,Tunah hian Ani hi ka mamawh a chhan pawh Zira thin ka tirim a,,tih lungawi dan tur ka hrelo a ni….

Dar9:00pm a rik dawn tepah Josh leh Peka an lo lut a,,Khawiah tak kal ang maw…. Josh-an”Miss thingpui ka in duh” tih leh Choka luh a rual nghal a,,”Kan vai daih lo lum rawh ka tih chuan inla fel zet hian,,”Yes Miss” an ti deuh thlap a,,Betty pawh zanin chu a u haw zan a ni bawk a,,,a rawn lang miahlo…..Ka phone ka en leh zeuh thin a,, mahse Zira message reng reng a awm hauh lo nia….

Thingpui kan in zawh hnu chuan haw zai an rel a,,mahse Peka hi biak ka duh…min hlat ka tih kha a dik chiah,,an len chhung zawng a phone a khawih a,,tumah a be hauh lo… Albert-an chhuk a rawt chuan,, “Peka biak lawk che ka duh” ka ti tawp a,,ngaihven lo zet hian,,”Aw eng nge??”ala ti zui..ka beng pawp zawk dawn a mi le???

A unaute an chhuk a,,Jeff pawh chau a in ti deuh nge pindan pakhatah a mu turin a lut nghal daih,,Kan pahnih chiah a kan din hnu chuan Peka chu ka en a,,min lo melh run a,, ka thusawi hun tur a nghak a ni mahna…Ka thaw halh a,,tawngkam vin hmang lo turin ka insum nasa viau,, “I awmdan hi a hma ang khan awm leh rawh….” ka tih chuan a mithmul a ti kang zeuh a,,”Min hlat taka I awm chuan ka sawi tur ka sawi theilo…” ka tih rual chuan ka bul hnai têah a rawn ding hnai a,,va han chimawm ve tak e aw….Ka tawng leh hma in ka darah rawn kuah thutin Varanda lamah min kuah phei dawr dawr a,, hepa hian eng nge a hriat le..???

“Miss hmelthanu,,bialpa thikthu chhe deuh mahse fel deuh i nei ve bawk a,,awmdan i thiam lo si,,Nga ti nge mipa ang maia chak chuan i bike chu i khalh leh a??” a tih chuan phawk zet hian ka melh ha a,, engtin nge a hriat a,,

“Engtin nge i hriat a??” ka tih chuan a nui suk a,,”Ala thinrim viau a mi??” a ti daih….

“Ka hrelo min lo be lo hrim hrim a,,” ka tih chuan a nui suk a,,A phone chu met eng zeuh in a sana chu a en tih hriat takin,,” Dar10:00pm chauh lawm,, lokal rawh” tiin ka banah min kai a,, Kawngkharpui bul kan thlen chuan pawt ding zeuhin,,”Eng nge kan tih dawn?” ka ti deuh hu a,,”Khawiah nge i phone?” a tih chuan thutthlenga ka phone chu ka kawk zeuh a,,min hawntir hnuah chuan eng emaw hi a khawih mual mual a,,”Lokal rawh le…” tiin pawnlamah chuan min kai chhuak nghal a,, inchunglam panna step kan chhoh lai chuan engmah a sawi lo,,Tualzawl kan thlen dawn chuan,, “Garrage bulah sawn va kal rawh heta tang hian ka lo en ang che engmah hlauhawm a awmlo” a tih chuan phawk deuh hra hian ka en a,,a nui suk ka hmuh chuan engmah sawi lovin Garrage lam chu ka pan a,,kan dinna step atang hian a hlat miau loh avangin Garrage Kawngkhar bul chu ka thleng vat a,,ka hawi let a,,Peka pawh a dinna ngaiah ala ding reng…Khua a vawh tawh avangin kawrlum ha mah ila a vawt reuh viau lehnghal…..

Rei pawh ka din hma chuan Zira rawn kal phei chu ka hmu nghal zat,,Peka ruahmanna pawh ka hrethiam ve nghal chiah,,Zira ka lam pana chak zeta rawn kal ka hmuh chuan mit khap hau lovin ka lo en reng a,, Jogger pants ha in bomber jacket a ha a,,ka hma zawn a rawn thlen chuan ka biangah dawmin a phun hluk a,, Garrage chhungah chuan min kai lutin a Scropio hnunglam chu hawngin min luhpui a,,a motor chhung chu tlemin a lum deuh…. Ka din reiloh nen vawt ka ti hman viau lehnghal,,Ka bula rawn thu in a awmah min kuah bet a,,ka taksa vawt pawh a lum nghal vung vung mai…..

Minute 5 dawn min kuah hnu chuan Amah hlat deuh hlek chuan min thuttir a,,”Vawikhat mah intuamlum mumal lovin pawnah min nghak tawh miah suh” a ti hluk a,,ala thinrim reng anih ka ring ve tawp,,mahse a thinrim lai pawhin min ngaihtuahna tawngkam ka hriat chuan ka lawm ru veng veng…. “Vawiin kha….” ka tih chuan a rum nghut a,,”Vawikhatmah khatiang khan khalh tawh suh ang che”a ti nghal hmuk a,,”Um ka khalh tawh lovang,, chuan thinrim tawh lo la” ka tih chuan ka mitah min en vang vangin,,”Ka thinrim ni a i hriat vang em ni min koh chhuah??” a tih chuan ka lu ka bu nghauh a,,eng emaw ngaihtuah ni awm tak hian a ngawi vung vung a,, Harhchhuak thut ni awm tak hian a vei nuih sak a,,min rawn fawp nghal chawt a,,Ka hamhaih em avangin chhan mai nachhang pawh ka hrelo….

Inla hrang zeuhin”Bawihi min chhang rawh” tia a aia uara min fawh lehnghal chuan keipawh in uar zetin ka chhang let ve ta nghal a…Kan duhthaw dun kher mai,,Ka kawr a hnuailam atanga a rawn zen chuan ka phu zawk a,,ka awmdan chu a hrethiam nge nui ri sukin ka kawng lamah a kuah ta daih a….Motor chhungah chuan kan awm rei viau na in Min fawp bak engmah a kut hlei zawngin a khawsa hauh lo,,mahse eng emaw chu a ngaihtuah tih hriat takin a kekawr hma chu a pawng ar a,,ka hmulo der hmiah thung…Ka laka a insum theihna ka hmuh zin poh leh ka ngaisang tulh tulh thung….Min fawh bak ka lakah engmah tih a tum ngailo,,ka duh dawn emaw dawn loh pawhin Keini pahnih kher zawng awm falna hun kan ngah hle,,mahse vawikhat mah ramri pelin leh a chakna ti puitling tur zawngin chet a la ngai miah lo…mipa mahni inthunun thei tak leh invawng tak a nihna hi ka ngaisang ru tlat alawm….

Zing khua a var a,, Alberta te haw tur avangin zing atangin kan buai nghal laih laih a,,Mipa pali ten an bungrua an thawn hmasa a,,chaw eikhama haw tur annih avangin Betty-i telin hmeichhe pathum ten eirawng kan bawl a,,Krishmas hmandan tur vel sawiin kan titi a,, Betty-i lungleng lawk lutuk kan fiam a lai chhe vel lutuk chu kan nuih leh a,,Amah aiin Josh hi ala naupang ve leh chhawng a,,mahse an inngaizawng tho chu ania,, Betty a naupang chhia kan tih tawh tehreng nen a aiin Josh hi ala naupang chhia zawk a,,mahse an inhau ngai miah lo,,an inkawmngeih in an intan bawk sia,,nuih hi an ti za thin ania…..

“Nunu bialpa i nei em??” ka zawh ngai miah loh thil a nih avangin ka zawt thut pawh chu mak a ti deuh nge min chhang mai lo…

“Pakhat ka nei ve thin mahse kan inthen a,,ka la nei leh ta miah lo chu ania,,” a ti zawi deuh sap a,,a love line a tluang vaklo anih ka ring ve tawp…..Mipa ho an rawn let chuan inbual duh an inbual a,,chaw kan ei meuh chuan kan ri hlut a,,Peka pawh lawmthu ka la hrilh miah lo mai….

“Vanlalpek” Choka atanga vin aw zeta ka tih chuan rang zet hian “Yes Miss” tiin Sitting room atang chuan a rawn phei a,,ka hmela thinrim hmel ka put avang chuan ngaih tha lo hmel zetin min en a,,ka bula Nunui ding chu a kalsawn nghal vat a,,a nuih a za mahse a nui ri ngamlo tih ka hria…..

“Engvangin nge i tih??” ka ti vin that a,,midang ho pawh choka lamah chuan an rawn phei vek,,ka nau chu a mengphawk hra a,,ka naupang laka hetianga ka awm hi a duhlo tih ka hrethiam mai…..

“Miss eng nge ka tih chu…” a nuamlo ti hmel zetin a ti a,,kei la in ka melh rum al a,,hepa mize tha lutuk hian Nicky-a min hriatchhuah tir fo thin,,kan inkawmngeih em em a,,kan infiam in a hunah thiantha tak angin min hnema min kuah hial thin,, mahse a hun takah erawh a Zirtirtu ka nih miau avangin min zahna a lantir a,,zah takin min bia a,,thu a awi em em zel….Mipa pa tawk tak leh a college kalpui te star rawn,, inkhel thiam si lehkha thiam thei tak a ni,,Kan school topper tura kan hual ruk hial mawle,,Nicky tih lova ka mipa Special tih ber a ni hial ang….

“Engvangin nge Khatiang khan i tih??” ka ti leh a,,a inngaihtuah nasa ngang mai,,a hmelah manganna ka hmu hial nia,,A hrilhhai melh mawlh chu hmuhnawm viau mai….Nunui insum zo lo chu a rawn nui chhuak ta hawk a,,Betty pawh a banglo… Hmeichhe pahnih an nuih takah chuan Alberta leh Jeff te pawn ka fiam a ni tih an hria a ni mahna an nui ve ta hawk hawk a,, Peka erawh a hamhaih hmel lutuk kha ala reh lo,, harhchhuak thutin ka lam a rawn pan vut a,,kei ka tlanchhe nghal….

Hetia ka fiamna chhan pawh boruak avang khan Albert-an a zilh a ni awm e,,chuvanga min hnaih taka awm a ngam tawh lo tia Nunuin a sawi vang kha a ni,,a hma anga innel taka awm leh kha ka duh,,Zira nen kan inkar chhiatna tur engmah a thleng tawh hek lovang….Min um lai chuan ka nui hak haka,,min man beh rualin min pawm kang lawp a,,ka nui ring teh a,,Amah pawh a nui ve hawk hawk tho….Mahse Choka luhna zawna Zira ding a hmuh rual chuan rang zet hian min thlah a,,inthiamlo zeta kalsawn a tum chu a banah chelh in,,ka nuih sak a,, “In khua i thlen hunah pawh min rawn be ziah ang che….Chuan fel deuh chuan i awm dawn tih ka chiang tho a,,mahse fel tawkin awm turin ka duh tho che nia….” Tiin a inrin hma chuan ka kuah a,,Ani chuan min kuah let ve lemlo…..Ka thlah rual chuan Zira bawk chu a melh leh a,, “Miss ten thu an chah ve mawlh mawlh che a,,Aw ti talin chhang ve la mawle” Zira tawng hluk avang chuan nge min en a,,a nui ta var var a,,”Kan khuaah ka fel ber ang…” a tih chuan ka nui hak a,,Choka atang chuan a chhuak nghal a,,

“Hmelthapa ka lawm e” ka tih sap chuan ngeiawm zet hian,,”Engmaw i sawi kha han sawi nawn leh teh??” tiin ka darah thatchhe zet hian min rawn kuah a,,”Hmelchhepa ka lawm lo” ka ti nih kha tiin rang zetin sitting room lamah chuan ka tlan daih a,,ka chet thut avangin min man hman lo nge A phun hluk ri pawh ka hria,,ka nui hak hak a,,Dar10:00am a rik chuan Albert-a te haw tur chu kan thlah a,,ti ila Keini unau pawh bazar lama kal kan tum avangin kan chhuak ve nghal,,Ka nau in bike a khalh tawh a,,Bazar atang erawh min tlansan ta hlawm a,,zanin chu a reh rawih dawn nih hi…Haw ve vat vat angai a ni….Ti ila Zira hi ka ngai ngawt ang…Ani hian min ngai ve angem le?? Nge ni a ka haw rual hian hmeichhia tu tu emaw te nen hian nuam tak hian an lo awm vel zawk ang le??

Jeff nen kan bazar chu mipa ve si lei tur hi an hre leh khawp a,, Delhi-ah ka bazar hmanlo tih chhuanlamin ka pawisa a tihek leh teh ania,, naupang toys mai mai pawh sangchuang man zel a duh bawk si pawisa khawl emaw min ti a ni mahna,, “U hausa deuh neih hi van nuam tak!!” a kuthniha a thil lei khai bawr tun chunga a tih chuan a luah ka kuk fawk a,,na a ti ngang lehnghal… “Nangchu kut min thlak kher zel a,,dawt ka sawi pawh a nia mi??” la ti zui….

“I ler si khawiah mah ka chhuahpui tawh lovang che” ka tih chuan a nui hawk hawk a,,Kan luhna dawra nula ho a be thiam vel lutuk thin kha hahthlak….Kan ril a tam deuh tawh avangin restaurant-ah kan chawl a,,phone kan khawih ve ve a,,Zira message chu en in ka nuih sak a,,An dawr lamah a kal a,,an buai viau a ni mahna,,Amah la chuan hmeltha in dawr kan nghah ve chuan nula ho hi an rawn kal khawm a,,a buai theih khawp mai la ti ham ham zui…..

“Ka haw hun chu Nathan-a nen nuam kan chen ang”Phone khawih chunga Jeff-an thawveng zeta a tih chuan ner nawng hian ka melh a,,an ninawm leh khawp ang,,naupang an ti rak peih si,, hemite pahnih awmdun aia chimawm ka hre lo,, Vawiin kan bazarnaah pawh midang thil tur ka pawisa a kan lei vek laiin Nathana tana T-Shirt a lei erawh a pawisa a phawrh hmak a,,an induhsak bawk si,,Bialnu te hi nei ve tak maw…..

“Ka pindanah vawikhatmah rawn lut suh ang che u,,ka sawi sa anih chu!!! Nathan pawh hrilh ang che….” ka tih chuan a nuih a za ve hle anih ka ring….a nui vur vur a…

“Jeff kan piaha hmeichhe pahnih khian an en char char che ania…” ka tih chuan a hawi phei nghal a…ka lam lo hawi leh in,,”I nau hi ka hmeltha em a min en ve chak anih saw” a tih chuan ka nui hak a,,kan ei tur an rawn dah chuan mak ti zetin ka en a,, a chah hnem hi ka ti khawp a….

“I thiante min rawn join tur an awm a mi?? Nga ti nge i va chah hnem ve??” ka tih chuan a hmaa ei tur ei zeuh chung chuan,,, “Ka ti hek chak che” an ti kher a ngeiawm thiam ania….Ei nghek ila ni mai lawm…. Kan ei zawha bill kan pek zawh chuan lei tur em em kan nei tawh in ka hrelo mahse hmeichhe thawmhnaw dawrah min luhpui leh a,,Jacket chu min rawn teh vel a…ka mamawh lo ti mah ila lei rawh a ti lui leh dawn tho a,,ka zahna tam loh nan a sawi ang hian awm phawt mai ang,,naute pawh kan hnial hneh silo anih hi…. Jacket ka hak chhin lai chuan Jeff phone chu a rawn ri a,, a chhang nghal vat a,,Sangi a bia tih ka hrethei,,an inbiak zawh chuan ka jacket hak chu a endik vel a,,inhmeh min ti a ni mahna pawisa a phawrh a,,a neitunu chu a pe a..min leisak ve ngei alawm….

“U,,Sangi te dawr awmna i hria em??” a tih chuan ka bu nghauh a,,ka la lut lo na in a awmna erawh ka hria….”Hria e,,nga ti nge??” ka tih chuan,,”Kan kal angai” a ti ringawt a,, Kan thil lei a tam tham bawk nen Bike ka khalh a,,kan bungrua hi thawn ve tur anih hi!!! Zira te showroom kan thleng a,,kan luh chuan a nghaktu chuan min lo be vat a,, Office lama kan luh chuan Zira hmuh ka in beisei viau kha ania mahse Nuni leh Sangi chiah an lo awm a,,kan inbe luam a,,an thusawi dan velah an dawr lam eng emaw thil vel nia ka hriat avangin bungraw pack leh ei rawngbawl chhuanlamin Jeff chu ka hawsana…. Lalnunzira hi dawrah ka awm a ti ve sia,,a awm tawp silova,, nidangah pawh a awmna hmun ngaihtuah in ka buai ngai tawp silova,,,tun tum erawh thudiklo min hrilh vang nge ka lung a awilo… Message ka thawn pawh a deliver thei bawk silo…..Call erawh ka tum hauh lo.

In ka thleng a,,Bungraw thawn tur ka pack mawlh mawlh a,,ka phone ka bih deuh sek bawk….Ka pack zo a,,eirawng ka bawl nghal a,,Jeff alo la haw lo khua erawh a thim tawh a,,Dar6:00pm a ri tawh… Chawhmeh siam pah in Mawitei ka call a,,

“Ehee min la hria elaw min rawn call ve tehmial a,,” a tih chuan “Hre tawh miah chuang nang” tiin ka chhang a,,rawn chimawm a tum vei nen a aia chimawm zawka ka awm chu a duh lo leh ang chu…..

“Mawiek bungrua ka rawn thawn dawn a,,ka rawn haw hma lo kawl ang che a tlem lemlo a,,i kid Joseph nen khan in inah in lo dah mai dawn nia” ka tih chuan a rawn rak leh nasa mai….Nui hak hakin,,”Ka rawn thawn hunah ka rawn thawnna ka lo hrilh leh ang che” ka tih zawm a,,”Zaktheilo Nu” a tih ka hre hman phone ka off daih,,min ngei leh mai mai ang chu….Phone ka dah rualin ka nu in min lo call a,,Kan haw theih hun tur min rawn zawtin kan inbe rei angreng,, Pakhat biak hi chuan a zawng zawng hi biak an ngai thin a,,ka phone hman laiin Jeff pawh a rawn haw a,,phone ka dah ve nghal a…..

“In va rei angreng ve??” ka tih chuan min chhang lem lo,,inbual turin Bathroom lam a pan a,,Keipawh in ka rawngbawl ka peih tawh bawk a,,inbualin turin ka pindan ka pan ve nghal a,,Tuilum herh haw in ka inbual a,,ka inbual zawh chuan ka inthuam lum a,, December thla a ni tawh a,, duhthusam in a vawt tawh…..

Choka lam ka luh chuan Jeff-an chaw ei alo siam mawlh mawlh a,,a ngawichawi lutuk chu eng nge a chhan niang le???

“Jeff eng nge thleng a??” ka tih chuan min melh zawk a,,a nui suk a

“Sangin hna lam min sawipui chiam a,,vawiin kan chhuahna lam ka lo chau ve deuh bawk nen ka chau viau aniang ka hmel a diklo em ni?” tia min chhan chuan ka lu ka bu nghauh a,,”Sorry aw” a ti leh sup tawng lovin kan chaw chu kan ei ta mial mial a…..

Chaw kan eikham reilo teah Jeff-a phone chu a ri a,,inchungah ka chho lawk dawn tiin a chhuak nghal daih a,,eng thil nge an buaipui ni reng reng le… Mahni a awm chu a vawikhatna atan tak tak a khawharthlak riau in ka hria a,,Ka pindan lama kal a,,ka album lakchhuah ka chak viau na in thil tha ber nia ka hriat loh avangin Tv ka on a,, Peka te pawh hi an la thlenglo em ni le?? Thlen chu a hun tawh asin le….

Ka phone a rawn ri a,,Peka hming rawn lang kalh avang chuan ka khi sak a,,” Ka ngaihtuah lai tak che in i rawn call” ka pick up rualin ka ti nghal zat…. “I tha em Te??” min ngaihtuah hmel zeta Peka tawng chu ka nuih a ti za reuh lutuk,,an haw avangin ka lung a leng viau turah a ngai a ni mahna,, “Ka tha lawm,,ka nau a awm kha i theihngilh em ni,,mahse tlem chuan ka ngai che u” tiin ka nui hak a,,Zanin berkher chu nga ti nge Betty pawh hi a rawn chhuk thlak loh ni….

“Te Zanin chu tihian inbe char char ang…” a tih chuan ka nui hak hak a,,hepa hian eng nge a hriat lehpek ni….”Min biak char char chuan Emily-i i be hman dawn a mi??” ka tih chuan a rawn pha nasa ngang mai…. Eng eng emaw kan sawi a,,A unau dangte ho call a rawn luh reng avangin inbe tura tiin phone kan dah a,,A mal te te in ka be hlawm a,,Nunui leh Josh erawh ka be rual thung,,lungleng viau turah min ngai nge anmahni hi an lungleng viau zawk pawh ka hre love…..

Dar10:00pm a rik hnu pawh a Jeff a rawn haw loh avang chuan message thawn in pindan lamah ka luhsan a,,Peka nen pawh kan in text deuh reng a,,Zira erawh tlaia ka message thawn pawh ala deliver chuanglo…Min rawn be lova keipawn ka be biklo….Jeff te bulah a awm a mi niang le?? Awm pawh nise vawikhat tal min rawn call a hun tawh asin le……Ka chau ve deuh a ni mahna ka mut a chhuak ve reuh lutuk…..

Whatapp group message awm deuh tuar chu ka en a,,hawng ta lem lo chuan ka out hmak….Ka phone ka silent hmak a,, Lalnunzira min rawn be lo chu thinrim ru tunin ka mu a,,ka muhil daih zui…..

Ka harh leh chuan khua a var tawh,,Ka lukham hnuaia ka phone chu la chhuakin dar zat ka en a,,Dar7 alo pel va tawh ka tho vat a,,Choka lam ka luh chuan Jeff-an rawng a lo bawl a,,ka hmel a hmuh rual chuan,,”Good morning,,”tiin min nuih suk a,, Thingpui min lo pe vel thlap bawk….

A haw lai ka hrelo reng reng,,dar11:00pm thleng kha chuan ka la meng asin le….Ka chau a ti ve si haw har phian a,, “Jeff chawlh hmangin i rawn haw a,,hna bawk i khawih leh chuan chawlh man a va awm awm love” ka tih chuan a lu a bu nghauh nghauh a,,”Nia mahse tuna mi hi chu a pawimawh em a….Ka puih lo theilo a ni..” a ti leh sup a,,”Naktuk atan khan ticket ka tifel dawn ania..” ka tih chuan “Tuk leh lamah ti ila,,Sangi hi ka puih zo law law ang”a tih chuan mood off nen ka chhang peih tawh lo….

Ka phone bawk chu ka en leh a,,Zira message ala awm chuanglo…Ka message a seen vek tawh a,,mahse min reply lova min call heklo….Lungawilo ru zetin ka insiam a,,bungraw thawn then ka duh avangin ka thawmhnaw hawn tur thenkhat pawh ka pack vek a,,Ticket tihfel nghal tum ka ni….Ka nau in Taxi in min chang pui a,,Airbag lian Pahnih ngawt ka thawn haw tur nen chuan Counter lam pan chuan kan kal ta a….

Counter-ah chuan tlai a phurh turin kan thawmhnaw chu ka thawn a,,Mawitei ka be nghal bawk….Bike ka ken loh avangin taxi bawk la in Bazarah ka kal leh a,,MC-ah lutin thawmhnaw ka enkual mai mai a,,Esi ka hrechhuak thut kan zin haw atangin vawikhat chiah kan la inbia… Ka phone chu phawrhin call ka tum a,,ala busy zui….Sangtea nen an inbe reng a ni mahna,,ka ngaihtuahna vang chuan ka nui ri hak a,,chutih lai tak chuan Esi call a rawn lut ve chiah…..

“Ka thianpa nen chuan nuam in ti hle mai min biak pawh i tum tawh lo ania….” tiin ka nui hak hak a,,

“Te i tha em??” a aw min ngaihtuahna ri chhuak chu mak ka ti zawk,,min ngaihtuah viau te chuan mi te rawn biak ve awm….

“Ka inhnuai te an haw a,,ka khua a har reuh tawp,,ka nau rawn thleng erawh tlemin a zia,,i rawn kal ka ring ania….” vui aw zeta ka tih chuan za lo zet hian a nui a,,

“Te nang hi engmah ila hre na nge??” a tih chuan eng nge a sawi tum pawh ka hrelo…”Engmaw??” ka ti deuh hu a…. Mahse engmah la a sawi leh der silo…. Sangtean a rawn call ngun lutuk tiin phone a dah nghal daih zui….Eng nge a sawi tum kha,,eng thil nge ka hriat tur chu….

Ngaihtuahna buai ru zetin ka awm a,,engmah pawh lei lovin Mc chu ka chhuahsan a,,Esi pawh ka call leh tawh chuanglo,,ka sana ka en chuan dar1 alo pel leh der tawh….Taxi chu pharin ka chuang nghal a,, Chanmari Showroom kawta Zira leh kha hmeichhia Amah fawptu Jenny kha inngeih hmel zetin an lo ding dun a,,mak ka ti lutuk chu taxi chu a piah deuhah ka din tir hial a,,An bula kal a Zira chu biak ka duh viau rualin taxi chu tlan turin ka ti ta zawk a….Esi hian hriat a nei em ni?? Ka thil hmuh kha eng nge awmzia ni ta?? Ka tawt up up a,, ngaihtuah dan tur takngial pawh ka hrelo….

In ka thleng a,,Jefg chu lehkha tam zet nen sitting room-ah alo indah darh nuai a,,Eng nge a buaipui ka hrelo..Min hmuh rualin min rawn be vat a,,ka chhang em pawh ka hrelo…. Choka lam ka pan a,, rawngbawl nan hma ka la tih avangin thingpui ka lum a,,ka siam zawh chuan ngawi rengin Jeff chu ka pe ve a,,Zira leh Jenny te ringawt ka ngaihtuahna ah an awm a,,Chutih lai chuan Esi leh Sangtea te an rawn lut hlol a,, Esin min hmuh rual chuan ka that leh thatloh min zawt leh nghal zat…..

Sangtean Jeff a hmuh chuan an in be hlut a,,Esi nen erawh choka lamah kan awm thung…..”Es thil thleng ka hriat ve loh a awm min hrilh rawh….” kan pahnih chauha kan awm avang chuan ka ti nghal tawp….

“Ila hre miah lo anih ka ring” tiin a thaw hak a,,a phone chu phawrhin eng eng emaw hi a khawih a,,Ka hmaa a phone a rawn dah chuan ka nghing lawih thei…. Lalnunzira leh Jenny thlalak Instagram a Jenny ngeiin a post chu a rawn lang a,,like leh comment pawh a tam hle…..Chung zawng zawng ai chuan Caption mawlh hi mak ka ti…. “Tiam tlat e tih a hnai ta” thlalak chu ka scroll a,,Jenny in an inhualna zungbun ni awm tak a kut chauh lanna a rawn dah tel chu ka melh ngawt ngawt a,,sawi tur reng ka hrelo….

Hei vang hian em ni Peka te,,Nunui leh Alberta ten ka that leh thatloh min lo zawh sek a,,Esi te pawh in min ngaihtuah vanga helai hmun thlenga an rawn kal….Ka thaw hak a,,sawi tur reng ka hrelo….Heng zawng zawng hi hmu mah ila Zira hi vawikhat tal ka hmuh angai a ni…. Hetiang hian ka chungah a ti ngawt thei lovang nge ni a min lo bum reng zawk???

Esi leh Sangtea chuan hrehawm ka tih hlauvin eng eng emaw sawiin an phulhlut a,,Kei erawh ka tawng tlem viau,,chaw an lo ei nghal a,,Chaw eikham hnu pawh in an la thu khawmuang a,,Esi chuan kawn an chei tan tawh chu en a rawt leh tlat pek a,,Peih lo viau mah ila min sawm luih tlat avangin ka insiam ve ta hram…..Kekawr dum mar zet ha in Boot ka khup chung thleng ka bun a,, Over Coat ha in ka hman der mai….Ka thiante pahnih chuan min tihhlim tumin thla te min lakpui a,,keipawh in ka natna tihlan reng ka tumlo…..

Mahse tunah tak hian ka tana Lalnunzira pawimawh zia ka hrechhuak ka tilo theilo…Ka hmangaih leh hmangaih lohah ka buai viau thin kha ania,,mahse tunah erawh chan ka phalloh zia leh ka ta ang maia ka lo en zia ka inhrechiang takzet chu anih hi!!Ka tlai tawh pawh a ni mahna engpawh thleng dawn se vawikhat tal chu ka biak angai a ni…..

Ka thiante pahnih in hmundang kal an rawt leh a,,Sangtea leh Esi an inphur a kei erawh ka bike ka khalh thung….Hotel pakhat ka tlanpel dawn chuan ka ding deuh thut a,,Ka mihring hmuh chu ka hmu sual lo chiang hle mai,,Zira leh kha hmeichhia bawk kha an ni,,engpawh thleng dawn se ka be ngei tur a ni…..Ka bike atang chuan chhukin an lam pan chuan ka kal a,,Esi ten min zui em tih pawh ka ngaihtuah tawh lo…..

An hma zawn ka thlen a Ziran min hmuh chuan mak ti zetin min en reng a,,”Miss Tete nang maw??Hetah eng nge i tih a??” a ti zui zat a,,Miss Tete tiin min ko maw!? kei hi a hnathawhpui tu ang chauh in min bia ania….Ka hriat duh zawng zawng hi a chiang vek tawh mahse eng emaw tal ka sawi angai a ni….”I thawhpui elaw” tiin Jenny zawk chuan Zira banah chelh in a zungbun bunna lam chu a coat hma lamah chuan a dah lang kher a,,

“Lawmpuina thu sawi ka duh a,,Ka lawmpui lutuk che Sir”ngeiawm rawngkai lek leka ka tih chuan Lalnunzira mitmeng chu ka hrethiam lo,,ka tawngkam chu na tih hmel zetin min en a,,Jenny zawk chuan lawmthu a sawi a,,Zira erawh engmah a sawilo,,khaw dang hawi miah lovin min melh run a,, Esi leh Sangtean ka bul an rawn thleng chuan,, “Es lawmpuina sawi ve rawh,,keichuan ka sawi daih tawh ania,,” ka tih chuan bah deuh nak hian a sawi ve a,,”Tih tur nei in ang sia,,kan kal ange” tia inherin ka bike lam pan chuan ka kal nghal nal nal……

Hmundang ka kal peih tawh miau loh avangin kan in lam pan chuan ka inkhalh a,,Sangtea te chuan min zui tih ka hria,, Inchung ka lut a engmah ka sawilo… Pindanah ka lut a ka kalh nghal hmak bawk….Esi leh Sangtea chuan min biak an duh mahse tumah ka be duh rih lo a ni….

Esi te haw hnu pawh in Jeff takngial pawh ka be lo….Dar11:30pm a ka whatapp message rawn lut chu ka en a,,Zira a a ni,, “Inbia ang lo chhuak teh” tih a ni….Mahse ka phone ka off nghal hmak…..Thil tam tak ka ngaihtuah a,,Ka tawt up up a,,ka chhungril hi a na veng veng,, Nicky-a bawk ka ngaihtuah chhuak a,,ka ngai takzet mahse zanin ah erawh a puihna ka mamawh em avang leh ka thian anih avanga ngai ka ni,,”Lalmuanzual engtin nge ka tih ang??Tunah hian ka na takzet,,phatsan ka nih hi ka hrethiam lo na ka ti takzet a ni” ka tih rual chuan ka mittui a dir zung zung a….Hetiang tak hian ni maw ngaihzawng te nena inthen te inphatsan te hi alo nat le???

Zinglam dar4 a rik chuan ka insiam mawlh mawlh a,,Tunah hian Lalmuanzuala bul chiahah ka hahdam thei,,ka natna pawh Amah chiah in a tidam thei….Ka phone chu la in racksack-ah ka mamawh tur thenkhat ka ak a,, thawmhnaw ka thawn phei tawh avangin hawn tur em em ka nei tawh lo…..

Thawm dim zetin Pawnlamah ka chhuak a,, Kawngkhar pawh ka nem khar tawp,,nikhat lek pawh hetah hian awm ka duh tawh lo… Garrage atanga bike ka nawr chhuah dawn lai tak chuan,,”Inbia ang”Ka hnunglam atanga rawn ti suptu avang chuan ka phu zawk ka hawi phei a,,A mu lo tih hriat zeta Zira hmel pawr deuh fap chu ka melh nghal ran a,,an nuam tawl nasa lutuk muhil lo bak a ni lovang….

“Sawi tur kan la nei a mi??” ka ti ve ngat….

“Puii khawngaih in min ring turin ka duh che” a tih chuan zak lo hi kan ti khawp a,,ka nui hul hak bawk….

“I lakah engmah sawi tur ka nei tawh lo,,Mangtha le Sir” ti ngatin ka bike-ah chuan lawn in ka tlanchhuak ta nghal a…..

STARLI
STARLIGHT – 36

( TETEI POV )

Kan khua ka thlen in khua a thim tawh a,, nilenga Bike han khalh meuh chu ka taksa a kham thum mai….Kawnga ka chawlh laiin Jeff ka phone a,,a lung a awilo viau lehnghal,, Lalnunzira khan Amah ring turin min ti a mi kha??Ka thil ngaihtuah avang chuan ka tawt nghal up up thei….Ani khan engmah min hrilh lova nihnih ngawt min biakloh hnuah leh ka mit ngeia ka hmuh hnuah min ring rawh a ti a maw!? Eng thilah chiah nge ka rin ang tih pawh ka hrelo,,ka hriat zawng chu Ani khan min bum a ni…..

Kan inchhung ka luh rualin tupawh mai chuan mak ti hmel zetin min en a,,kan chhungkua chauh lo awm erawh ka lawm viau mai….

“Bawihi i nau nen lo haw rual tur in ni sia,, eng nge awmzia,,khawiah nge i nau??” ka nu in ka hmel a hmuh rual chuan mak ti bawk si nen zawhna min zawt nghal sek a,,ka chhang lo…

“Bawihi Bike in i rawn sia i chau viau in ka ring inbual harh la chaw i ei dawn nia,,”Ka pa zawkin a ti thung,,lu bu nghauh in ka pindan lam panin ka chho nghal daih…. Tumah ka be peih rih lo,,keimaha awm ka mamawh ber…..

Ka thawmhnaw phelhin Bathroom ka pan nghal a,,Ka inbual a,,ka mu nghal hmak… “Tunah hian ka ngaihzawng vangin ka rilru a na ania,,”ti sap in ka nui hak a,,Ni e,,he khawvelah hian Lalmuanzuala lo chuan min ti na ve thei pawh a ka rinloh kha tunah Reilo te atana ka bialpa Lalnunzira vangin ka na chu ania,,Amah avanga ka nat em avangin ka in tlansan in hetiang hian ka awm chu a ni a,, khawvelah hi chuan mahnu ngei pawh in mak kan tih khawp a thil mak hi a thleng fo reng a ni…..

“Hey,,Ka naute..” Ka hmaa mipa ding chu ka melh vawng vawng a,,a landan danglam zet chu mak ka tih em avangin min biakna pawh chhanna chang ka hre lo….

“Elephant duhawm te” tia ka biang a rawn piai chuan harhchhuak thutin,, “Giraffe i van tlangval tawh ve” ka ti ringawt a,,Ni e tuna a landan hi chu a danglam em alawm,, hmana Nicky kha a ni tawh lo,,tlangval hmel diktak a ni tawh mahse a hmel a la tha reng…..

“Nangpawh i nula tawh a,, keipawh ka tlangval tawh anih hi….”a tih chuan chiang zet hian ka en leh a,,”I hmeltha tak hi chu a danglam chuang miah lo” ka tih chuan ka samah a rawn tuai vak a,,ka hua tih a hriat vanga rawn ti lui a ni leh chiang….

“Hmela” ti vin nghal hlarin a kut chu ka ben sak pawp a,,a nui ta hawk hawk a,,a nuih dan pawh ala ngai reng….A kawngah kut rawlh thutin ka pawm vawng vawng a,, engtiang a rei nge min hmu tura alokal tawh loh tih pawh ka hre tawh lo,,a rei tawh em a ni…..

Min kuah let ve in Ka samah a chul a,,ka luah a fawp vawng vawng a,,Nicky Lalmuanzuala ngei a ni…A bula ka awm chiah hian ka ngaih zia ka hrechhuak a,,ka tana engtik lai pawh a awm reng thin Mipa ka nuna mi pawimawh ber hi ka ngai a ni… Mahse kei hian a pawimawh zia theihngilh in midang ka neihsan daih a…. Keimahah inthiamlohna a awm nghal a,,ka kuahna chu muang changin ui ru tak siin ka thlah riai riai nghal a….

Nicky-a taksa hlata ka awm rual chuan chiangzeta min en tu chu melh pawh ka melh tha ngamlo… “Mate ngati nge a??”a tih chuan ka chhanglo….

“Engvang nge min hrilh teh mawh,, khawngaihin?” a ti leh sup a,,a mit chuan khaw dang a hawi eih lo,,min melh run a sawi mai tur la ka hrelo,,thudik hrilh vek ila a na viau angem??

“Ihh,, englo….Ih maw..Bialpa ka nei a…” bah nawkin ka sawi chhuak hram….” inthiamlo zeta ka en chuan a mitko a san ak a,, “Chumi vang chuan min hlat i tum ta a…” a ti hmuk a,,ka lu ka bu nghauh nghauh ringawt….Engtin nge min chhan dawn tih ka ngaihtuah lai takin a rawn var var a,,

“Lokal teh”tiin ka kutah min kai a,,min kaihna ang ang chuan ka zui ve tawp a….
“Ka elephant luhlul leh thinchhe zet kha ila ni reng…”a tih chuan ka lo nui ve hak a,,In pakhatah min luhpui a,,mahse tu te in nge tih ka hrelo,, Nicky-a pawn min hrilhlo,, “Giraffe hei tu te in nge a??” ka tih chuan “Ka hmelhriat” tih ringawt in min chhang a,,a chhung chu a lian lem lova a nuam viau thung….

“Jacinta-i vanga kan buaina kha ila hria em??” a rawn tih chuan ka nui hak a,,ka la hrechiang em alawm ka damchhung a ka hriat tawh tur thil a ni miau a,,”Ka la hrechiang khawp mai” ka ti hmuk a,,nui vur vur hian,,”Thil chiang taka ka hriat loh avanga kha thil kha thleng ania,,kan na ve ve anih kha” tiin pawisawilo zet hian min melh a,,a thusawi awmzia hi ka hrelo,,”Eng nge I sawi tum??” ka ti deuh ha a,,a nui var var a ka samah a rawn chul a,,”I bul hnaia awm te hian an mamawh che,,midangte tan hian inhawng deuh la,,hlim takin i nun hi hmang rawh” a ti leh daih a,,eng nge sawi a tum le?? In atang chuan a chhuak nulh a akal chak em avangin a hnungah ka um dawt dawt a,,”Nicky min lo nghak teh,,i thusawi awmzia kha ka hrelo ania…” ka tih chuan a rawn hawi thut a,,Ka hmaa kal chu Nicky-a a nilo…..”Lalnunzir nang maw!??” ka ti deuh hu a,,Mak ka ti em a ni….khawiah nge Nicky-a kha,,engtin nge Lalnunzira hi a rawn nih daih theih??
“Puii” a aw a natna chu chiang takin ka hre thei….A lam pana ka kal tur chu Zira chu a bo ta daih a,,ka hawi vak vak a mahse ka hmu zo lo…..Ka chesawn lova a hming takngial pawh ka lam ri lo,,ka hriatchhun erawh ka chhunglam na ngut ngut leh ka tawt up up chiah hi a ni…..

“Tete harh rawh,,” ti vak riah chuan chiang zet hian ka meng kawk a,,Uchhana hmel ka hmuh rual chuan,,”Tui” ka ti nghal sap a,,ka khum bula tui chu banin min pe nghal vat bawk….”Ka ko nasa lutuk che a,,i harh thei lova,,i rum nasa bawk sia ka rawn sawi harh ta che anih kha”a tih chuan ka thaw hak a…..

“Ilo haw ngawt nachhan hi chu ka zawt lo mai ang che…..Nute-i alo kal a,,lo chhuk la” tiin ka room atangin a chhuak a,,keipawh Bathroom-ah lutin ka hmai ka phih a,,Ka sana ka en chuan dar9 a ri tawh,,chaw ei lova mut mai ka duh nen,,chaw ei turin min ti leh ngei ang…..

Ka room atanga chhuakin in hnuai lama ka chhuk lai chuan Ka mumang kha ka ngaihtuah a,, Nicky-a thusawi kha eng nge awmzia tih ka hrelo,,Zira erawh a taka min tihnat ang chiah in mumang lamah pawh ka natna a thlen a,,ka nun atanga a hran tawh thu min hrilh nawnna ni berin ka hria…. Lalnunzira ka ngaihtuah chhuak chuan a hma zawng aiin min ti hah zawk ni maiin ka hria,,Engvang tehhrep a hepa nena inhria hi nge maw kan nih le?? Min ti na tu tur mai mai lehnghal…..

“Bawihi i rawn haw ka hre miah lo ania…” vui aw lek lek a Nute-in a tih chuan chhang lemlo hian ka kuah a,,min lo kuah letin a nui hak hak a,,”Khawpui a awm tih takah i hmel pawh a that belh sawt anih hi….” kan inthlah rualin a ti nghal a,,ka nui sak ringawt….”I nu in chaw pawh ala eilo a ti che a,,,I chawhmeh duhzawng tur ka lo siam hlauh a,,Chhana la turin ka tir mek a.” a ti nghal bawrh bawrh a,, Sitting room lamah lutin Ka nu leh pa te tv enna lamah chuan kan thu ve a,,Eng eng emaw kan sawi hnu chuan Patea leh Uchhana chuan chawhmeh bel an rawn chawi lut hlol a,, ka nu leh pa,,Nutei te chuan fiamthu thawhnan tak hmangin an nui leh nasa tawh hle…. Keipawh an fiamthuah chuan ka nui ve leh suk suk tho….

Peihlo zetin chaw ei turin choka lamah ka lut a,,midang erawh sitting room-ah an awm vek,,Kan nula pawh a mu tawh aniang a rawn lang lemlo…Rinawmi pawh naupang te nen an mu tawh aniang,, URobert-a erawh,,choka ka luh dawn khan a rawn chhuk ve tak e…..Mawitei te inah ka thil hawn leh bungrua pawh a thleng vek a,,zingkarah ka la mai aniang chu…..Ka thlenga chaw ka khawrh chuan Uchhanan,, “Ka lo ei pui ang che” tiin thleng dang a rawn la ve nghal a,,kan pahnih chuan ngawi rengin chaw kan ei a,, UChhana chuan a ei tam nge tlem pawh ka hrelo.kei erawh Nutei bai siam leh chawhmeh dangte vangin in ka duh ai tam mah ka ei….

“U school lam in chawl ve tawh em??” ka tih chuan,,”Um chawl tawh e,,kan kal dawn em??” a tih chuan,,lu ka thing a,,an chawlh tawh chuan kal kher tulin ka hrelo….Kan eina kan tih fel zawh chuan sitting room lamah kan phei ve a,,ka puar thu leh Nutei chawhmeh siam tui ka tihzia ka sawi ve hlut a,,Dar10:00pm a rik chuan Nutei te nupa an haw a,,zingah erawh ka kal tur thu ka sawi a,,diktak chuan helai thlen hi chuan,,kan in ai pawha luh hmasak ka chakna hmun an inah hian a awm,,mahse chu erawh tunah rih chuan tih loh ka duh hrih a ni……

“U muttui na i nei em??” tiin UChhana chu ka melh zeuh a,,Zu in zeuh zeuh a ching tih ka hre ru reng alawm,,mahse a rui lai ka la hmu lova a in ve thei tih mai a ni,,chik zet hian min en vung vung a,,a tho nulh a,,ka pindan atang chuan a chhuak nghal daih a,, Ka pindan balcony lian lemlo tak,,mahse Nicky-a nena kan hun tam tak kan hmandunna leh a room lan theihnaah chuan ka thu a,,Vana arsi lang pe tuar chu ka thlir a,,Tunah hian ngaih em em ka nei a,,ka thinlung hi a ruakin a khawhar takzet a ni tih ka hria,, Lalmuanzuala leh Lalnunzira ten ka ngaihtuahna an luah a,, mahse ka ngaihtuah dan erawh a hrang hlak si…..

“Te,,i sawi vaih ka rep ang che….” a tih chuan nui hak hakin a beer can rawn keng chu ka hawng nghal a,,zanin ah kher hi chuan ka mamawh tlat….kan in dun a eng eng emaw sawiin kan titi a,,rei deuh hnu chuan ka mut a chhuak ta viau mai….Kan in ruahna pawh ka tifel peih lo…. UChhanan a tifel mai aniang chu,,ka khum ka pan a ka bawk nghal thlawp…. Hetiang lam in ngai thanglo tak ka nih avang hian Beer mai mai ah pawh ka rui thei viau mai,,chuvanga in duhlo pawh ka ni reng a,, Nicky-an min kalsan pawh khan ruihtheih thil tel miah lovin ka tuar chhuak anih kha….Mahse tunah erawh natna dang tuar chhuak tur hian ka in ringtawk hlollo……

“Bawihi tho tawh la,,dar8:00am a ri tawh ania” ka nu in ka pindan kawngkhar a kik kharh kharh riah chuan ka harh a,,ka lu a na bur mai,,zan lamah kan in hnem bawk a ni….Peihlo zeta ka puana ka inkhuh leh chuan na zeta ka puan rawn pawt hlimtu avang chuan ka meng kawk….

“Tho rawh ka nu….I room hi…” UChhana tawng nawk nawk chu ka en kawk a,,ka pindan ka enkual chu ka khum atangin ka inperh tho nghal zawt,,Nizan khan beer chauh emaw kan in ka ti a,, Whiskey bur let ngat te,,beer can tam tak te leh lehkha kan pawh nawi te chu chhuatah a awm nuai a,, Puan lum pawh khawi atanga rawn chhuak nge tih hriat loh thil dang pawh a tan mai,, Ka mut dawn khan khumah ka kal a ka mu mai in ka hre si a,,mahse ka thawmhnaw thenkhat leh ka towel eng eng emaw pawh chu chhuatah a darh nuai mai….

“Nizan khan eng nge thleng a??” ka tih chuan a nui huk a,,Bawlhhlawh chu a chhar mawlh mawlh bawk a,,Eng nge thleng ka hre chhuak zo lo hrim hrim…..Lehkhaho chu ka chhar a,,ka en chuan naupang laia lawng lem kan siam ang chi te,,thlawhna lem inthlep te a ni nuk hlawm,,kan bengchheng lo a mi le,,hetiang em em a hnawk a kan che thei hi thil mak tak a ni…..

“Kan bengchheng lo em ni??” ka tih chuan,, “ka hre biklo”a ti sup a,,chhungten min hau ngei ang le,,kan pahnih chuan kan in en a,,kan nui dun ta nghek a,,a sawi danin ka chhuatah puan pakhat nen a riak tawp a ni awm e,,chuan ka puan a zawnna lamah Ka thawmhnaw ho pawh hi a hai chhuak a ni ngei ang….Lehkha te la chu kan pawtthla nasa viau a,lehkhabu pakhat chu kan pawtchhe vekin nia ka rin…..

Inhnuai kan chhuk chuan dar9:00am a ri tawh a,, URobert-an,,”I rawn thleng i chau ang Kan tia,,mahse Chhana nen Inbengchheng rei mah mah anih kha” tiin a nui huk huk a,,Rinawmi pawh a nui ve tho,,kan thawm a na viau pawh anih ka ring mahse min tihbuai an duhloh vangin engmah an lo sawilo pawh a ni mahna,, Naupang ho chuan min en hrek hrek a,,an nungchang pawh a zawi khawp mai,,an Ni cool thei deuh leh nui ngailo ka awm miau alawm le…..Puipuia zawk chuan,,”Ani i dam em??” min ti ve khauh a,,lu bu nghauh nghauh in ka dam thu ka hrilh vat,,midang ni te ang ni ila chuan eng nge min hawn tiin an phul hlut awm si a…..

Chaw kan eikham a,, UChhana nen chhuahna tur kan nei tiin Mawitei te in lam kan pan a,,kan kal dawn chuan Nutein an kawt atanga min rawn ko in,,”tlailamah chaw lo ei rawh aw” a rawn ti lang lang a,,”Awle” tia chhang in kan motor pakhat chuan Uchhana nen chuan kan chhuak ta a… Mawitein ka hmel a hmu thut chu mak a ti viau a,,”Ilo haw pawh min hrilhlo” tiin a vui nang nang a,,ka bungrua ho ka lak tur thu ka sawi chuan a pindan lam atangin kan inkhai chhuak a,, “Mawiek In thil tur rawn lam ang che u,,” ka tih chuan a ner nasa ngang mai….”Min han pe nghal mai la aw….”. a ti nui nui a,,”A awm apiang in lokal thei ang,,,a hman hman a ni mai mahse alokal lo chu tumah ka pe ve lovang” ka ti nghal a,,taka group-ah post ila a that ka ring…..”Group-ah lo post la” kan kal dawn chuan ka ti hram….

“Eng em em nge a??” UChhanan a tih chuan ka nui ringawt….
“A lian si,,a rit si…Sumdawng bag te pawh a ang alawm…” a ti leh a,,in kan thlen chuan URobert-a ko in ka ken luh tir a,, Nicky-a te in lamah ka kal a,,”Nute..Pate” ka tih lang lang chuan,,Nutei chuan phawk zetin min en a,,a mittui a parawl leh ngawt ania….
“Goa atangin thil ka lo hawn che u ania,,ka bag ka lam chiah a,,lo phei ru in vaiin” ka tih chuan Ulawma leh Nathan te pawh an pindan lam atanga rawn chhuakin min rawn pawm chuk chuk a,,kan in lamah kan phei nghal a,,Kan in kan luh chuan ka chhungte ho chuan ka bag chu sitting room lai takah dah in an lo en thap a,,ka nuih an ti za ngang mai….Diktak chuan a lian ve bawk em a ni,,Zira pawh khan em em a che a tih khawp a tam kha ka bazar miau alawm….

Nge maw ni,,hlimniah Ani kha ka ngaihtuah chhuah leh kher ni…..Ka thil hawn ka sem chuan an lawm viau hlawm a,,mipa ho zawng t-shirts ka hawnsak a,,Ka pa leh patea erawh tracksuits ka hawnsak a,, hmeichhe ho zawng kawr mawi ve tawk tak ka hawnsak a,,an lawm thiam hlawm viau,, Naupang pawh thawmhnaw bakah toys te ka hawn a,, Usawmzuala te chhungkua pawh an rawn kal hunah pek ve mai tur….. Mafler leh moza,, hmeichhe purse leh T-shirt tam tham zeta a hranga ka pack chu ka nu chuan eng tur nge a ti ha a,,Ka thiante rawn thlan ve tur anih kha ka tih chuan a lu a bu nghauh nghauh a,,”Zawrh tham lawih i hawn anih hi” ala ti zui…..

Inchhung vel tifaiin ka buai ve nileng a,,ka chhungte hian ka haw thut chhan hi min la zawt miah lova ka lawm viau mai,,kan khuaa ka awm nikhatna chu buai deuh in ka hmang ral ve mai a,,Puipuia pawh ka bulah awm ve in zawhna mak deuh deuh hi min zawt chut zel lehnghal a,,ka nuih a ti za thei viau mai….Tlai lamah chaw ei turin Nutei te in lamah ka kal a,,Ka chawhmeh duhzawng hlir ala siam zui…..ka ei teuh mai….Inchung lama ka chhoh a ring deuh nge,,”Bawihi pindan pawh ka tifai vek a,,i duh chuan a chhoh theih ania” chaw kan eikham hnu chuan a ti a,,ka nui ringawt… Ka chho ang nge chho lovang tiin ka inngaihtuah nasa viau mai…..

“Bawihi chhoh kher angailo ania” ka sir atanga Patean alo tih chuan a lam ka hawi nghal zawk….”Lokal teh tah hian…” tiin a thutna lama kal tur chuan min hui zeuh a,,ka pan ve nghal zat a…A hmaah thu in zaidamnaa khat mitmeng hian min melh a,,

“Hringnunah hian kan duhdanin engkim a thleng vek lova,,kan duhloh dan pawh hian a thleng veklo,,Engkim siamtu hian nun hi kan hriatthiam theih nan hian zirtirna hi min pe thin a,,tumah hi vanduai bik leh vannei bik hi kan awm lova angkhat veka rorel sak kan ni a,,kan chan tawk theuh a lungawi thiam apiang hi mi vannei kan ni tih hi hre reng rawh aw….” a tih chuan ka lu ka bu nghauh nghauh a,, Nicky-a thu min hrilh fo apa hnen atanga kan ngaithla leh chu ka mittui a tla mai dawn alawm…..

“Chuan engvang chiah in maw ilo haw thut a??” a tih chuan ka kut pahnih chu ka khalh niap niap a,,sawi mai dan tur ka hrelo viau lehnghal,,ka ngaihzawng neih thu hi sawi ta ila min dem angem,,min tih hran phah angem?? tih te ka ngaihtuah nuai mai….

“Ihh Bialpa ka nei ve a…” inthlahrung deuh tak hian ka ti a,,ka kun nghal daih,, sawi zawm dan tur ka ngaihtuah nghal a,,”Bawihi engtin maw i sawi??” Patean mak ti hmel zeta a tih chuan,,ka hawi phawk hra a,,mak a ti hmel chu chiang zetin ka en a,, “Bawihi han sawi nawn leh teh” a ti leh ngat a,,engtin nge a ngaih ang tih ngaihtuah chungin,,”Bialpa ka nei ve a….” ka tih leh chuan hlim hmel zeta min en in,,min rawn kuah nghal chuk chuk a,,”Ka fanu ka lawm lutuk e,,ka lawm takzet” tiin min kuahna a thlah rual chuan a mittui a hru nghal zeuh a,,Patea a tap chuan ka bialpa nei min lawmpui vangin maw!?? Kei hian tih takzetin ka bul hnaia awm te hi hrehawm in ka lo siam anih hi…..

“Anih Bawihi eng ang mi nge ani chu,,tu nge a hming??” tiin min zawt nghal sek sek a,,ka haw chhan pawh a ngaihtuah leh tawh lo nge min zawt tawh lo,, Lalnunzira chanchin erawh ka duh ai tam mah min zawt lehnghal,,a duh tawk a hre tawh a ni mahna a tho nulh a,,Nutei chu ko in Kan in lamah an kal daih nia,,haw ve nghal mai ka tum chu ULawman an hna avangin minute10 dawn min thut khawmuan pui leh a,,inlamah kan pahnih in kan phei rual a,,

Ka chhungten min hmuh rual chuan ka bialpa neih thu min zawt nghal nia,,ngah nge maw ka ngaihzawng neih pawh chu an phur viau le!? Ka duh aia an tuipui avang chuan ka thutna atang chuan ka ding hluai a,,”Kan inthen tawh….” ka tih vak chuan an ngawi nghal thap bawk…min en vek a,, ka inthiamlo leh viau mai….
“Ihh englo nupui a nei dawn,,chuan chu thil chu keipawn ka lo haw hma zan khan ka hre ve chiah…” tiin in atang chuan ka chhuak nghal daih……
Nge maw ka lo sawi kher kher ni,,nge ni a kei hi pasal nei daih se min lo ti tawh viau hlawm emaw ni zawk???

Kan khuaah pawh ni li lai ka awm leh tawh tumah in Lalnunzira chungchang an sawi leh tawh lo a,,hna lam chawl vek tawh kan nih hlawm avangin in leh a vel chei leh thil dang dangah kan buai hlawm viau a,,ka nu leh nutein an tih dan pangngaiin In leh a vel chei an ti leh a,,chung vel buaipui chuan pa ber atangin naupang ber thleng kan buai leh zawng chu anih hi….Jeff pawh vawikhatmah ka be leh lova zanin lamah an rawn thleng dawn anih hmel,,ka nu sawi danin,, Nathan-a hian a nghakhlel ber ang…

Gate bula thingkunga light kan fit zawh chuan phulah chuan ka mu zangthal a,, “Ulawma leh UChhana te ka bulah an rawn thu ve nghal,,ka nu te thil chei rawt kan buaipui chu an ning ve a ni mahna an phun nang nang a,,”Phun phun suh u Boss an nia,,an sawina lam apiangah kan thle dual dual chu anih hi maw!?” ka tih chuan,, “Dik chiah” an ti rual that a,,kan nui ta nghek a,,
“Jeff a rawn thlen dawn sia chaw eikhawm an rawn lehnghal,,Faki leh Rinawmi pawh inchhung lamah an buai khawp mai” Uchhanan a tih chuan,,”Nathan-a pawh nau a awm a ni lawm ni,,” ka tih chuan an nui vak vak a,,Kan thawm an hria nge Nutein ring zetin min rawn ko a,,”In zawh chuan lokal ru helai hi tihfel angai ania” a rawn tih chuan phurlo zet hian kan tho chhuak a,, “Zanin chu Arsi chhiar leh ila” ka tih chuan,, “Ka tello in inlo chhiar elaw” Ulawman a ti nghal zat,,zan lama kan hun hman dan tur sawiin Ka nu te awmna lamah chuan kan kal ta nghal a…..

Tlailam Dar5:30pm a rik chuan Inchhungah pawh kan ri leh laih laih tawh,,kan chhunghnih kan kim thap hi chuan kan bengchheng ve ania,,Ka nu in Bawiha te an rawn thleng,,tia Kawngkhar a pan chuan ka ding ve nghal zat a,, Nathan-an ka hruai dawn a ti kha ania…..Bike horn a rawn hmet nasa bawk a,,an lo thleng a hriat viau reng a ni…..

A rawn haw khat ve bawk a,,chhungte ho hi chuan an ngai viau in ka ring Nathan-a rengin a ngai emai,,ka pa leh patea kei leh Choka lama awm te tih loh an chhuak vek a,,an rawn lut pawh an bengchheng ngang mai. “Ilo thleng maw??” tia ka hawi chhuak chu,,ka melh ngai ka melh nghal tlawk tlawk,, Lalnunzira a rawn kal tel ve a maw!????

Conti…

Leave a Reply