You are currently viewing STARLIGHT 37-39

STARLIGHT 37-39

Spread the love

STARLIGHT – 37

“Ilo thleng maw??” tia ka hawi chhuak chu,,ka melh ngai ka melh nghal tlawk tlawk,, Lalnunzira a rawn kal tel ve a maw!????

“Nang kha??” tiin ka kawk nghal va a,,ka rilru a ti na a,,mahse tunah zahna leh inthlahrungna pawh nei miah lovin kan inchhungah a rawn lut a,,ka chhungte la hian khual ṭha an thleng ta emaw tih turin an chibai a an la be siam siam hlawm zui… Ka tawngri ah erawh tumah an tawng lo an ngawi thap a,,

ULawma leh UChhana te nen chuan Zira chu an inhresa tawh a,,thil thlen dan pawh an man thiam vek ang tih ka chiang,,ka chhungte min en thap chu ka melh kual a,,an boruak tha tak tichhetu nih hi ka duh biklo,,”Eng nga ti nge ilo kal ve??” ka ti leh hu a,,”Keiman heta Krismas hmang ve turin ka sawm a” tiin engmah sawi lo tura min duhzia a mitmengah ka hmu.

“Bawihi Zira nen hian in inhria em ni??” a tih chuan ka lu ka bu nghauh a,,”Tetei,, in neitu te annih hi chuan in thawk dun bawk tiraw??” UChhana chuan zawt titih in Zira chu a be zawm daih a,,Nge maw kan thawk tlang tih chu a sawi lan kher le……..Ka chhungte hriatah hian engmah ka sawi thei dawnlo chu anih hi maw….. Inchhung kan lut a,, Jeff-an a thil lei sa ka dahthat chu ka pindan atanga la chhuakin a sem a,,ri nuai nuai chung si in Zanriah pawh kan kil ve hram….Dawhkanah kan leng miau lova chaw eikhawm thang tih takah hmun thum ngawtah Folding table kan hung a,,Chair hi chu kan ngah khawp mai,,heti hian ruai theh tluk kan ni mai……

ULawm leh UChhana inkarah ka thu a,,Ka hmaah tak Zira ala thu zui,,Ka nu leh pa,, Nutei leh Patea te chuan an be deuh reng a,,Ani la chuan ala chhang tha em em zel zui an ngaina vat ngei ang,, Usawmzuala nen pawh an inkawm rual bawk a,, URobert-a telin an inkawm thei fu ang chu…..Naaa Eng nge maw ka ngaihtuah le?? An inkawm pawh a ngailo tihian hrehawm ti deuh in awm se haw daih rawh se…..

“I plate kha a keh ange!!!” ULawman ka beng bula a rawn tih chuan rum zet hian ka melh a,,fian a chaw ka ei miau avangin ka plate chu ka hawlh kual mai mai a,,chimawm leh lutuk mai…. “Hei ka doze kha a let hnih ka duh ania,,” tia ka hrilh chuan a nui huk a,, UChhana pawh a nui ve tho…..”Inchung zawlah ka chho dawn ania,,Lo sengpui vek ang che u” tiin dawhkan ka thawhsan daih,,I va ei tlem ve min raw ti sap sap a,,mahse tumah ka chhanglo….

Kan inchung hi pawnlam atanga chhoh ngai anih avangin choka lam chhuahna atangin ka chhuak daih a,,chaw ka ei tlem si,,zan reiah ka ril a tam ngei ang….Kha mihring kha engvanga kan ina rawn kal reng reng nge maw anih tehhrep le?? Ka theihngilh dawn chauh a tunah ka hmaah a rawn in lan leh a,,thinrim zeta pen lui vak vakin inchungah chuan ka chho a,, tuna ka awmdan hi chu rilru nat lam ai mahin thinrimna a ni zawk…

A vawt hit vur lehnghal a,, ULawma leh Uchhana pawh kha an rawn chhoh har vaih chuan an chak lovang mawle….Pipu anga inthen thei Thutna awmah chuan ka thu a,,tualzawla kan light eng dah ho chu ka thlir a,,a mawi takzet,, hetiang chemawi hi Nicky-a khan a lawm viau a,,chei pawh a peih hle thin anih kha,,a pindan lam chu ka hawi a,,an bang eng deuh pup te chu ka thlir a,,Van lam ka en leh a,,Arsi tam lutuk chu ka thlir ngawih ngawih a,,,ka ngaihtuahna chuan kan naupang lai nunah min hruai ta daih a,,

“Muan Arsi hi in chhiar siak ila”

“Arsi te chu an tam lutuk a,,chhiarsen an ni hleinem”

“Mahse ka chhiar chak alawm”

“Anih chuan chhiar ila”

Arsi zat chu kan chhiar a,,a tam em avangin 100 kan chhiar tling thei hauh lo,,ka ning tak hnu chuan leiah ka thu tum vuau a,,

“Pui enteh khita arsi khi??” tiin Van lam chu a kawk va a,,Arsi eng deuh bik a kawh chu ka hmu nghal a,, “Ih maw thawnthu pakhatah chuan mi an thih hian arsi ah an chang thin an ti asin,,chuan keichu ka thih hunah khitianga arsi engah khian chan ka duh…” a tih chuan lu thing vatin,,”Keichu ka duh ve lo i bula awm chiah ka duh” ka tih chuan a nui var var a…..

“I dak nasa lutuk i nghawng a kham ange” ka hnunglam atanga rawn ti tu avang chuan ka hawi let nghal zawk,,Eng nge hetah lehzel a rawn kal a,,min tihnat hi ala duh tawk lo em ni??Ka bulah chuan rawn thu in min melh vung vung a,,rum zeta melh nghekin ka hawisawn nghal hmak…..

“Puii biak che ka duh…” a ti sup a,,ka ngaithla peih lo tih vak mai ka duh… Mahse ka chhanglo,,”Khawngaih in vawikhat chiah ka thusawi hi ngaithla turin ka duh che….” a tih leh chuan,,”Kan khua,,kan in leh helai thleng a i rawn kalpui chu a pawimawh viau in ka ring,,Kan ring chhin I nupui neih Ni a min sawmna tur em ni?? Nge ni a,,fiamthu thawhnana min hmang leh i tum zawk??” ka tih chuan a rum nghut a,,

“Puii i ngaih ang hi engmah a nilo,,chuan fiamthu thawhnan ka hmang lo che a ka hmang ngai bawk lovang che…” a ti nghet charh a,,Kei erawh ka nui lui hak,,Sir Zuala te pawh an awm reng a an inah thlen daih tur keini inah kher a rawn thleng hi chu ka hrethiam lo a ni….Min tihnat belh duh vang mai maiah ka ngai nghet hmaih tawh….

“I duh chen chen awm rawh mahse min hnaih tum tawh ngailo la ka lak atanga kalchhuah i duh ang chiah in,,keimah atang chuan i zalen tawh….Ka sawi tawh kha sawi dun tur kan nei tawh lo” ka ti hmak a,,Min chhan leh hma in ke pen thawm kan hria a,, engmah a sawi zawm tawh biklo….

“Te kan kal dawn mi niang” kan hnunglam atanga ULawman min rawn koh chuan ka ding nghal at a,,”Zira nangpawh i awm maw??” a tih chuan ka mitmei nghal vat,,A sawm ang tih ka hlau takzet….”Chhuk ang u” a tih tak daihah chuan ka thaw huai mai… Ngaih that loh hmel zet hian Zira chuan min melh a,,ka hawisawn daih….

Inhnuaiah kan chhuk a,,a nula ber chaw eina tih faiah ka awl hmak a,,ka inthiam chiah biklo,, Ka nu leh pa,,patea leh Nutei,, Usawmzuala,, URobert-a leh Zira te chu sitting room-ah an thu a,, ULawma,,UChhana leh kei Chokaah kan awm a,,UFaki leh Rinawmi pawh an awm ve,, Naupang ho erawh Jeff leh Nathan-a.te nen an awm anih ka ring,,,Kan nula awmpui te erawh Krismas chawlh la in an haw a…

ULawma bialnu vel sawiin kan titi a,,UChhana pawh star a nei ve ni awm tak a ni,,a sawi ve nasa mai…. “Hei aw” Rinawmin UChhana,, Sa container a dah a pek chuan ka lo nui hak a,,UFaki chuan hauh a tum viau na in,,a thulh leh ta niang a thusawi a sawi zo leh lova….UChhana leh ULawma Choka lam atangin an chhuak a,,kei erawh phat mar turin sitting room kalpelin,,”Nu Ulawma leh UChhana te nen kan chhuak dawn ania,,” ka ti liam puat a,, khawiah nge in kal dawn a tih pawh in ka chhanglo,,Ka pa in,,”Bawihi Zira hi hruai ve rawh u,, rawn thleng chiah mahse kan khua hriatzaunan hrim hrim” a tih chuan ka ding chiang hle mai….

“Mahse ka pa a chau awm sia mu hma zawk mai sela” tia ka chhan chuan,, “Ka lokal ve ange” tiin a ding nghal vut….Ka va han haw mai mai tak em!!
“Ni e va kal ve rawh,, Hetia kan bula i thut reng zawngin nuamlo ilo ti lutuk palh ang”ka pa bawk chuan a ti leh a,,ka lam pana Zira rawn kal nui kiai suk chu rum zeta melhin inherin ka chhuak nghal nal nal,,ka nu in “lo haw tlai lutuk suh u” a tih pawh chu ka chhang lo….

Pawn kan chhuak chu ULawma leh Uchhana te an lo meng awk a,,ULawma pawn a sawm ka hlau nak laia Tunah ka pa in hruai ve ru a ti leh kher chu ka haw ngang mai….Ngawi rengin kan inzui a,,UChhanan Car ken a tum chu Zira chuan a motora kal a rawt leh tlat,,Motor alo keng tih ka hre ve chiah bawk….

Car chhung kan lut a,,A hmaah ka chuang duh miau loh avangin UChhana a thu a,,Kei leh Ulawma a hnungah kan thu thung….Khawlai chei chu a mawi hlawm hle a,,mahse kawn cheimawi en tura kal kan nilo,,Tlanga kal a…Zu in tuma kan unau a titi a inkawm hlim mai mai kan tum kha ania,, ka inthuam lum ṭha hle a,,ka inthuam danin a zir bawk a,,pawnah pawh awm ila a vawt a zia ve Mai ang…. Khawlaia an thil zawrh ho chu kan lei nual bawk a,,Kei tih loh chu an titi luam a,, UChhana chuan kal kawng a hrilh pah zel a,,tun angah chuan tlang lam pawh an chei dawn a,,kal pawh an tam leh viau in ka ring,,Eng eng emaw ennawm tih vel te hi an chhuah a,,intih hlimna tur pawh an siam nasa leh viau ang.

Kan thlen rualin motor atang chuan ka chhuk nghal vat a,,ka rin lawk ang chiah in nula leh tlangval an tei suau suau a,,an nalh hlawm viau bawk,,mahse keini ve chu awmhmun thawmhnaw nen kan kal leh tawp chu ania,,

“Eng nge kan tih dawn??” Ziran a tih chuan kan pathum in kan in en a,,ka nui nghal suk,,

“No kan dawm dawn em ni ang Kan tia” UChhanan a tih chuan a mitko san akin a vei nuih suk a,,Kan pali chuan kan inzui ta hlawm a,,helai hmun hi tlang chhip ni mahse a hmun erawh a zawl in a zau hle a,, Krismas dawn hi chuan an chei a,,in tih hlimna hmun atan siam thin a ni a,,tunah pawh free taka kan awm theihna hmun anih avanga kal kan ni.

Rinawmi Arsa min rawl ruk leh Kan ei tur lei te phawrh in dawhkan leh thutthleng an siam naah chuan kan thu bial a,,Mipa ho an tawng a,,kei erawh ka ngawi kar thung,,ka hmaa in tur awm chu ngawi rengin ka in a,, Arsa leh Khawlaia an thil zawrh kan lei te chu tui ka ti viau hlawm mai,,nidanga ei duh ngai mang silo kha,,zanin zet chu chaw ka ei tawh tih theihngilh thak khawpin ka ei leh pek a…..

Ar bawp hem hmin tui hmel zet chu la in,, mipa pathum te titi mawlh mawlh lai chuan “Ka zai dawn” ka ti chhuak hlol a,,ka lam an rawn hawi nghal thap,,”Shit henu hi ngawi rengin alo in char char lehpek a ni maw..” UChhanan a tih chuan,, ULawma kai tawngduh tawh chuan,,”A ho mai mai Chhana in mai mai rawh se,,a rilru a na nih kha” a lo ti vat a,,Ka bula thupa erawh a ngawi ngul a,,ka chezia chu chik zet hian min en a,,Ka ding a,, Krismas hla ka sa a,,ka zai ring bawk si,,kan bul vela awm te chu an rawn hawi leh ha ha thin a,,Kei la in nuam ka ti viau lawi a,,Kan piaha tleirawl leh rawlthar rual awm chu kan bulah rawn kalin an guitar chu an perh a,,dawhkan beng thawm nen nuam kan ti ta phian a,, kan duh tawka kan zai hnu chuan kut kan beng dar dar a,,keini pawh kan kal hrang ve ta a.

Lu na burin ka harh a,,Ka sai sir chiah chu ka rak chhuak nghal that,,Hepa hi ka khumah a riak ve a maw!?? Engvangin nge hetah a mut ve ngawt a,, “I bengchheng muhil rawh ala hma lutuk” meng miah lova a rawn tih chuan tlawh tlak tumin ka che nghal phat a,,mahse min chet khalh vatin min kuahbet nghal hmiah….A lungphu ri dup dup chu ka ngaithla a,,ka chil ka lem nghal khalh a,,”Min thlah rawh tui ka in duh” ka tih chuan a che hrut a,,tho nghal nulh in,,tui in tur min rawn pek chuan ka in nghal khawlh khawlh a,,

“Mikhual zaktheilo tak i ni…” tui ka inzawh rual chuan ka ti nghal hlak a,,a nui suk duh chauh nia….”Ka mut ala chhuak viau ania,, nangma vangin ka la muhil mang miah lo ania,,” a tih chuan rum zet hian ka melh a,, “Tu in nge rawn kal ve turin ti che a,,kan bulah khan awm turin tumah in kan sawm lo che” tiin ka ner lui kher a,,a haw leh ang chu,,”Tumah in min sawm lo ka rawn kal ve duh a,,ka rawn kal a ni mai,,i duh leh meng rawh ka muhil dawn”tiin ka blanket chuan a inkhuh hmak a,,ka va han ngei mai mai tak em!!! “Nang hi….”ka tih rual chuan,,”Te i bengchheng lutuk kan la mu duh ania” Ulawma aw in a rawn tih chuan ka hawi phei nghal zawk,, UChhana nen chhuatah an lo mu anih chu,,hemite pathum hi ka pindanah an riak vek tihna maw ni a,, hahthlak hlawm hian,,ka pindan hi khualbuk emaw an ti a mi le???

Lungawilo zetin Bathroom-ah ka lut a,,ka zung zo Darthlalang hmaa ka ding chu ka lungawilohna a zual,,ka thawmhnaw hi tu nge thlak a….. Bathroom chhuatah chuan ka thawmhnaw nizan lama ka hak chu a let ngat a,,tu in nge ka kawr te hi thlak?? Bathroom atang chuan chhuak in khumah chuan ka lawn a,,Zira blanket chu ka pawt hlim nghal vak,,”Eng nge ni leh tawh??” a tih hluk chuan,,ka theih tawka rum a melh in,,”Tu nge ka thawmhnaw hi thlak” ka ti vin hlar a,,min en vung vungin,, “Keiman,,chuan ka muhil thei tawh angem ka lu a na ania,,dar3 pawh ala ri lo,,mu rawh midang i tiharh vek ang” tiin a inkhuh lehnghal hmak…..

“Zaktheilo pa engvangin nge ka kawr i phelh”tia ka tlawh pawp chuan na a ti ve a niang a rum nghut a,,a puansin chu a rawn keu lehnghal a,,rum zeta min melh let khui chung hian,,”I luak nena mut kha i duh em ni??” tiin rang zet hian min kuai mu thut a,,a kut mai duhtawk lovin a ke nen min la khan bet vek zui….ka tal nghek a,,awmzia la chu a nei der lo lehnghal a…Amah hnungchhawn zawngin ka mu a,,nilo sela chuan ka seh khawp ang….”Tal tal suh,,i duh leh zingah min hau dawn nia…Mahse heta ka awmchhung chauh chu hahdam taka awm ka duh”Ka lu zawna a rawn ti supin ka luah chuan a fawp zeuh a,, ka inthlah dul nghal riai riai a,,Ani pawh a inthlah dul ve tih ka hre thei,,a ke a la sawn a,,a kut erawh ka kawng lamah a rawn rawlh lut a,,a thawk danah a muhil nghal mai anih ka ring….

A chau ve khawp ang,,kawng tluanin motor an rawn chuang a,,hahdam hman miah lovin kan bulah zan hun a hmang leh a,,ka ruih laia ka awmdan ka ngaihtuah a,,ka nuih a za ru viau lehnghal,,mahse in kan thlen a ka luak nia a sawi chin erawh engmah ka hrechhuak zo tawh lo….Ka bula muhil thaw sak sak ri chu ka ngaithla a,, ka rilru in,,”Min umzui leh tur tho chuan min tihnat mai loh tur che ania,,ka ring thei tawh lovang che….Zira ka tihpalh….”

Ni zungin ka hmai a rawn chhun a,,ka meng diar diar a,,ka mutna bul ka dap chuan a lo ruak huai tawh….Nizana kan awmdan ka ngaihtuah a,,ka rilru a na leh veng veng tawh,,min duhna ka hai lova mahse min phatsan tlat si,, engvanga hetianga awm hi nge anih,,ka ring leh thei tawh dawn ngailo tih hre tho mah ila ka laka a awmdan erawh sawifiah turin ka duh takzet…..Mahse a Insawifiahna ngaihthlak pawh ka duh kher em tih ka hrechuanglo….ka inlet thak a,, pindan chhuat pawh alo ruak huai tawh,, Ka u te pahnih pawh an tho tawh a ni ngei ang…Ka phone night stand a ka dah chu ka ban a,,nimin atang khan ka la khawih miah lo tih ka hrechhuak,,Whatapp message leh missed call a tam ngang mai….Ka thianten min rawn biak an tum nasa hlawm viau lehnghal,,eng nge niang le?? Class10 group a ka luh chuan message a tam ngang mai… Ka chhiar thuak thuak a,,Zira rawn zin an hre leh vek tawh,,an news thei hlawm bawk sia,,min rawn biak an duhna tam zawk pawh chung vel vang mai mai bak a ni lovang……

Esi missed call ka hmuh chuan ka inthiamlo thar viau mai,,Ka mize tam zawk Sangtea hnen atangin a hre ngei ang,,engmah sawi lova ka haw avangin a vui viau pawn ka ring,,mahse ka la be miah lo sawi dan tur ka hriat miau loh avangin…Ka call ta nghe nghe a,, phone a pickup rualin thupha ka chawi nghal ngawt a,,Ani erawh in ka that leh thatloh min zawtin min ngaihtuah thu a sawi nghal a,, Zira pawh haw lo turin min chah luam bawk…. Minute 15 lai kan inbiak hnu in phone kan dah ve chiah….. Kha zana thil thleng kha an hmu ve vek a,,tunah Zira haw lo turin min ti leh a,,thian mak tak anih ve hi maw…..

Khum atanga tho chhuakin Bathroom-ah ka intifai a,,inhnuai lamah ka chhuk nghal,,Choka ka luh ruala ka thil hmuh avang chuan chhuah lehnghal ka tum chu,, “Nang kha khawiah nge kal i tum,,rawn thu ve nghal rawh….”URobert-a tawng ri ka hriat rual chuan inthiamlo zetin ULawma leh UChhana te bulah chuan ka thu ve nghal a,, URobert-a hian min hau ngailo asin le,,Nizan kha kan nawi lut viau em ni le??

“Vawikhatmah khatiang khan awm tawh miah suh ang che u…” a tih chuan mipa pahnih nupui nei rual zet tawh te chuan naupang thuawi ang hrim hian,,”Awle” an ti rual that a,,Ka insum hman lo ka nui chhuak hawk a,,Rinawmi mittui tla phunga nui ka hmuh rual chuan ka nui ring ngang mai….Kan vaiin kan nui ta vek a,,Dik tak chuan nuih lohna chi pawh a ni lo,,Ka hnunga lo nui ri ve hawk lam chu ka hawi nghal a,,Zira thingpui no khu vat vat nena lo ding nui vur vur ka hmuh chuan mak deuh mai in ka hlim ru ve tawp…..

“Tete Nutein a ko che nia,,Nicky-a room tih danglam an duh a,,i thulo chuan an ti hreh deuh a ni awm e” URobert-an a tih chuan ka lu ka bu nghauh a,,Zira ka melh a,,mit khap hauh lo hian min lo en leh run tawh a,, Nicky-a chhungte nena kan awmdan engkim a bula sawi ka nih avangin engkim hi a hmuthiam in a hriatthiam ka ring,, Thingpui ka thli a,,zinglam dar7:00a.m chauh ala ni a,,”Lokal ve rawh” tia Zira ka en chuan a no dah mai chu a tum a,,”A ho lutuk keng mai mai rawh” tiin ka coffee mug nen chuan ka chhuak nghal a,, Rawngbawl hi inah chuan ka ti ngailo,,ka u mipa te hi rawngbawl thiam annia,,ka nu leh Rinawmi an awm bawk a,,ka nu hi chuan a khawih em em tawh lo,,mahse a en pui peih thung….

Ka hnungah Zira a kal a,,”Inhmun in nei nuam hle mai” a tih chuan ka nui hak a,, “Nute rawng i bawl a mi??” ka ti lut nghal lang lang a,,

“E Bawihi ilo kal maw englo ania,, Zira pawh ilo kal a,,lo thu rawh u..” a tih chuan thu lem hlei lovin choka lamah chuan ka lut ve nghal a,,”Eng nge min koh a??” ka tih chuan,,”E thawmhnaw vel khi dahsawn ka duh deuh a,,mahse i thu lo a dah sawn ka hreh deuh a,,” a tih chuan ka nui sak a,, ka thingpui inna no ruak chu silin,,”Zir i in zawh chuan ka lo sil ang” ka tih chuan a no chu min lo pe ve mai bawk a…..No silfai chu dawhkanah ka dah a,,choka atang chuan ka chhuak a,,Zira pawh chuan min rawn zui ve zel bawk,,inchunglamah chho in Nicky-a pindanah chuan ka lut a,,engkim chu puan var vekin a inkhuh a,, Muangchang in puan var ho chu ka hlip a,,

“Helai thleng thleng i rawn kalna chhan chu i sawi thei tawh ang,,heta kan awm chuan tumah in min rawn tibuai lovang” tiin tukverh chu ka hawng a,,ka pidan lam chu ka thlir vawng vawng a,, “Heti hian zantin in inhmu thin em ni??” a tih chuan,,”Um mahse ka riak tlang tam zawk…” tiin ka chhang a,, tukverh lehlamah chuan a rawn ding ve a,,ka pindan lam chu a en ve nghal a,, “A na hmel hle mai” a ti leh sup a,,”Ni e,,khang hun kha ka tan a hlu a,, Engtikah mah ka theihngilh tawh loh tur thil a ni….Chuan ka zawhna kha”ka ti zawm nghal zat…..

“Engtianga chhanna hi pek tur che nge ka hrelo,,mahse hei chiah hi min chhang teh,, Min lo duh ve thin hrim hrim em??” a tih chuan mak ti zetin ka en a,,mahse a zawhna hi awm ka ti a ka dem heklo,,ka duh satliah lova ka duh lutuk a ni tih hi hrilh ka chak mahse tunah chuan ka sawi thei silo,,,mahse misual ber pawh in Thudik hriat an phu ka tih miau avangin,,”Duh e” ka ti hul hak a,,

“Chu thil chu ka nghahhlel ber leh duh ber a ni asin,,Mahse engmah hi kan duhdan ringawt hian a thleng thei silova….” a tih chuan ka ngawi reng a,,”Helai hmunah hian i bulah hlim taka ka awm beisei a rawn kal ka ni,,a tawpnan i bulah hlim takin min awm tir ta che….” a ti leh sup a,,a aw a mahni inringtawk lohna lo lang chhuak chu engvang nge ka hrethiam lo,,engkim hi tlang deuh in min hrilh se,,ka tawrh tur zawng zawng chu ka tuar vek zawk mai tur ania…..

“Khawngaihin Puii” a tih leh chuan ka melh vang vang,,min tina in alakah thinrim viau mah ila,,ka thinlung hi chuan ala thlakhlel sia ka hria,,ka ring thei tawh dawn lo ti mah ila,,he khua leh kan ina a awm chung chauh hahdam taka a awm chu ka duhsak tlat si a ni,,”A tha e,,a chhan i sawi duhlo anih chuan a tha,,helaia i awm chhung na na na chuan hahdam takin awm ang che,,mahse i huang chin hria la,,” ka tih chuan a bu nghauh a…. Nicky-a room ka tihfai pawh chuan min puih a,,Nutei duhdan in bungrua te pawh kan hung sawn a,,a thil engkim chu kan tifai a,,Zira awm vang hi nge a vawikhatnan Nicky-a pindanah ka tap miah lo……

December 22 a ni tawh a,,Thlan chei ka duh avangin bazar turin ka insiam a,,Zira hi chu ka awmna apiangah a awm ve tawp ti ila ka chhungte nen pawh an innel tawh viau mai,, Sir Zuala te kha an chhungkua in Aizawl lamah Krismas hmangin an lo kal daih alo nia,,kan bula Krismas hmang tura rawn kal te chu nuam taka awm turin ka duh ve tlat alawm….. URobert-a Scooty kan keng a,,Ziran a khalh a,,kan lian dun sia kan scooty a lang te rawih thei nia….Thlan cheina tura ka duhzawng ka lei hnu in,,thlan lamah ka kal tlang nghal a,,Kei aiin chei dan tur a hre zawk chu ka ngei ru lek lek…..

Kan chei zawh chuan kan thei tui lei chu phawrh chhuak in,,kan in a,,thlan bulah chuan kan thu a,, Nicky-a nena kn chanchin eng eng emaw min zawt leh tawh,,mahse a hlimawm lai chauh ka hrilh a,,kan nui duh hak hak a,,ka ding vut a,,min en chho nghal tih ka hria,,mahse Nicky-a thlanlung lam chu ka melh ngar thung,, “Giraffe Ani hi ka thianpa Lalnunzira anih hi….” tiin aw ka thian kharh a….Zira chu a nui suka,,a rawn ding ve a,,”Sawi ve rawh” ka tih chuan atthlak a tih hmel zet hian min en a,,mahse hei hi ka tih ziah dan a ni a,,hre ve turin ka duh miau si a ni….
“Kan inhmuh tawh kha,,Zira ka nia” a tih chuan mak ti zetin ka melh a,,Ani erawh a nui suk a,,min en chungin,,”Khawvel a hmeichhe hmeltha ber leh tha ber ka hnena i rawn kal tir avangin ka lawm lutuk ania,,” a ti lehnghal sup a,,a thusawi awmzia hi engmah ka hrelo,,a thutak hle a a aw a hrehawm a tihna thleng hian chiang takin ka hre thei mahse engmah zawh ka tum tawh lo……

A lamah min kuai her a kan inhmachhawn nghal ran a,, thlanlung lam chu a en leh zawk a,,min en lehnghal in a thaw haka,,nga ti nge rilru buai hmel zet hian a lan tak fo le??
“Pui,, khawvel ka hmeichhe hriat zawng zawng a,,ka thinlung ti che hmasa ber tu leh a tawpna tur i ni….MC chhung a min rawn en rengtu hmeichhia kha hmuh leh chakin ka umzui asin,,a mitmeng mawi taka rum zeta min melh lai te,,a ngaihdan a nih loh chang a chak zawk nih tum rana min hnial ve pang pang zel te,,ngawi renga a thil ei lai hmuhnawm tak leh hlim taka a nui hmel te,, a mittui a tlak a,,nasa taka a tap lai leh eitur a siam lai te Tv a en lai leh a bike khalh lai confi em em thleng khan ka duh a,, kei hian ka hmangaih a ni,,” a tih chuan mak ti leh phawk zetin ka melh nghal ran a,, Ani hian min hmangaih a maw!?? Mahse min ti na anih kha,,Ka awi theilo,,ka lu ka thing ngat a,,

“Ni e i ringlo ang tih ka hria lawm,,mahse hei hi thudik a ni engpawh thleng se,,kan pahnih hian khuanu ruat nilovin hmalam hun engmah neilo pawh ni ila ka hmangaih che…. Lalhlupui Ka hmangaih che…” a ti nawn leh charh a,,A thusawi nghet charh chu rinloh ka duh,,min ti na tu anihna vang pawh hian awiloh ka duh mahse a mitmeng hian a tih tak zia min hrilh nawn mawlh mawlh si a,,,Chhang lovin ka ngawi reng a,,
A kut lehlamin ka ngawngah rawn dawm in min kuai dak a,,a kut lehlamin ka kawngah chelhin min rawn fawp ta a,,,Min fawp leh tawh ngailo tur ang mai in min fawp vawng vawng a,,A duhthaw hle bawk..Keipawh in duhthaw zetin ka chhang let ve a,Tunah hian Nicky-a hriatpuina ngeia min fawp ang maiin ka ngai.

STARLIGHT- 38

( ZIRA POV )

Aizawl lam ka pan ni chuan phurna reng reng ka neilo,,Puii chauh lo chu tumah ka ngaihtuah thei lova,,Min duh ve a ni tih a sawi ringawt pawh kha ka tana a lawmawm zia pawh a hre kher lovang,,Min duh ve tih ka hriat ruala ka thinlung hlimna a khat te kha engtikah mah ka theihngilh tawh dawn silova…. Nicky-a thlan hmaah ngei ka duhna lantirin ka fawp anih kha,,Khami ni bak lo kha a hmui ka fawp leh tawh lo,,mahse chuti chung chuan a bulah khan ka hlim em em tho si a,,ka thlahlel a,,ka ngai a,,kan pahnih chauha hun hman falna chance tam viau mahse ka tih tur ka hlen theih loh avangin remchang ka zawng tawh lova a chhungte leh a uanute,,Lawma chhungte thlengin ka lakah an tha em em a,,nuamlo tiin ka awm ta lo……

Krismas tuk a ni a chaw kan eikhawm a,,Puii thiante an rawn leng nawk hlawm bawka kan bengchheng nileng a ni e,,A then chu Aizawl lama Uzuala lehkhabu tlangzarh ni a ka hmuh tawh te an ni hlawm a,,innel takin kan inbe bawrh bawrh hlawm a,,keima mimal harsatna lian tak pawh in ka nunah hmun a chang zo lo anih kha….Mahse kha hlimna kha a va han reilo si em!!! Hetiang hian ka nun hi a inher danglam dawn a ni tih tumah in an hre lawk bik silo…..

Puitling mahni kut kea ding thei leh thutlukna siam a nun kawng zawh thei ka ni meuh mai,,Ka luhlulna avang pawh in he kawng hi ka zawh lo thei mahse Ka chhungte,,ka nu leh pa,,ka farnu te ka kuta awm an ni a ka ngaihthah ngawt thei silo a ni….Nuam sa taka kan awm theih nan ka pa thawhrim zia ka hria,,a thawhrimna zawng zawng zan khat thil thua a chan vek anih chuan ka pa hian a tuar zo in ka ringlo,,

Ukil tha 10 thlang dawn sela ka nau keipawh in ka chhuan em em Lalnunruati hi a tel ngei ang ka tih khawpa Ukil tha farnu ka nei a,,a bul atanga chhui a,,engkim kan ngaihtuah tlang hnuah pawh ka pa seal leh signature chhuang ngei a ni si a,, Inbumna hmangin ka pa ro zawng zawng midang kutah hlan a ni a,,chung thil tenawm tak titu chu Jenny te pafa an ni,,Dan hmanga chingfel tumin awmzia a neilo tih Sangi leh Jeff-an min hrilh ni a ka beidawn zia kha,, Ka pa rilru na lutuk hmel ka hmuh meuh chuan ka chapo na leh indahsanna te keimahah hmun an chang thei lova,,Jenny-i be turin ka kal ta kha ania…..

Henu hian tunhma atangin min atchilh thin tih ka hria,,Puii tih lova ka bialnu hming pu a ka ngaihzawn rei ber a ni hial bawk,,a chhan pawh min zar buai em em tu kha a ni miau a,,Mahse keiin ka duh tak tak lo a ni tih a hriat khan midang nei ta anga insawiin min kalsan ve mai kha ania,,mahse eng nge thleng hi,,ka tihsual rah chu ka tuar dawn anih hi….He hmeichhia hian min kalsan reng reng lo,,hun remchang a hmuh hun huna min neih a tum reng alo ni chuan tunah hei a duh ang chu a thleng ngei dawn e……

Kan inneih a,,ka fa a pai hunah ka pa ro zawng zawng ka pa hminga dah let leh vek min tiam a,,mahse nupui ka nei anih chuan Puii ka chan hlen angai dawn tih ka hria…. Ka hmangaih miah loh hmeichhia nupuiah ka nei a nga,,fa hial kan nei ang maw,,a bulah Cheng duh lovin kalsan duh hun pawh lo nei mah ila ka fa lo piang tur pa tel lova seilen tir duh tur em chuan rilru ka siam thei lova,,mahse ka damchhung hun ka hmangaih lo kianga awm tur chuan harsa ka ti si a ni…..

Mipa ka nihna atanga hmeichhe vo beh thei hka nihna chu tlawmah la hle mah ila he thil thlenna chhan bul ber hi keimah ka ni miau si a,,,ka hmangaih em em ka chhungten ka thil tih sual rah hi an tawrh ka phallo anih chuan Jenny duhdan hi ka kal tlangpui mai angai a ni…

Kn inhmuhna hotel atanga ka chhuah chuan rei tak chhung ka inngaihtuah a,,ka thu tlukna chu Jenny nupui a neih a ni,, Mahse Puii engtin nge ka hrilh tak ang,, Nilo ka hrilh thei lovang engtikah mah ka hrilh thei ngai lovang,,Ana lai ka hmu tam tawk tawh a,,ka kâ ngeia na a siam leh chu ka thei tawh lo a ni….

Ka thutlukna ka chhungte bula ka sawi Ni chuan an tap a,,min khawngaihna an lantir a,,an innghahna an chhuan ruk leh an zah em em hi hmeichhe pakhat hmaah ka tlawm ta chu ania…Nuni leh Betty an tap hlawp hlawp a,,Ka nu pawh in mittui a dang zo lo,,Ka pa erawh a meng sen rum a, engmah a sawilo thung…..Sangi pawh a tawnglo,,A tap lova a kut a hum ngawt ngawt thung…..Ka chhungte hian Puii nen kan inkar an hre vek a,,ka duh zia leh hmangaih zia min hriatpuitu te an ni,, chutiang chunga hmeichhe dang ka nei tur chu an la ngang mai….Betty insum zo lovin “‘duh leh engkim hi nei vek rawh se,,Nupui atan nei miah suh” tia tap chunga min kuah bet lai te chuan hnemtu nih ka duh takzet,, mahse engmah ka sawi thei bik silo anih hi….

“I tih kher angailo” ka pa in a tih chuan ka chhang lo mahse min hrechiang em em tu ka pa hian ka thu tlukna hi ka hlen ngei dawn tih a hrechiang viau si a,,

Puiin Jenny nena min hmuh dun zana a mitmeng min huatnaa khata min melh meuh chuan ka hrilh loh avangin pawi ka ti a,,a na lai ka hmuh khan ka tawt up up a,, ngaihtuahna fim pawh ka hmang thei meuh lo,,ka bula awm hmeichhia chu ka huat luat avangin kut ka thlak thei mai dawn a inhria in ka hawsan ta ringawt kha ania….Ka phone ka off a,,Puii te kawngkhar zawnah ka ding a mahse an inchhunga lut ngam turin huaisenna takngial pawh ka nei ta lo… Mihring hi hetiang tak hian alo beidawn thei a ni tih ka hre ve chiah bawk….

Khua a vawh tawh em avangin zinglam hnaihah chuan ka motor lamah ka chho a,,Motor chhunga ka thut lai te chuan Puii mawlh ka ngaihtuah a,,ka ngai a ni…ka ban phak maiah a awm a,,mahse ka ta a ni ngai dawn tawh lova engtikah mah ka ta a ni ve ngai dawn silo….Ka hmangaih hi ka ta a ni ngai dawn lo,,Aw Lalpa Ani hi ka tana i siam a ni lo em ni?? Ka ta ni tur a i ruat ni a ngaiin ka hmangaihna zawng zawng ka hlan a,,Mahse ka tan ilo ruat miah silo…. Ka beidawnna leh natna inpawlh nuai chuan Pathian ka au a,,mahse Ani la a ngawi hmiah si a….

Vartiana Puii hmel ka hmuh chuan mak ka ti hle a,,Ani hi a muhil miah lo tihna em ni??
Min thlahna thu a sawi chuan na takin min deng a,, Mangtha tih tawngkam a duhloh zia ka hria,,mahse Mangtha tiin min thlah miau si a,,Umzui nghal rawk rawk ka duh avangin hmanhmawh takin In lam ka pan a,, kawngkhar ka kik rit dawt dawtah chuan ka nu in kawng min hawn sak a,, Thil awmzia sawi a Puii umzui ka tum thu sawiin ka pindan lam ka pan nghal a,, Mahse ka nu thusawi chuan ka thil tih lai a ti tawp chiang kher mai….

“Mipa takin thu tlukna i siam a,,tunah hian i kal anih chuan i pa thawh hah sa engkim chu chan tlukah inngai rawh….Tetei chuan a hrechhuak tawh tho a,,tuna a nat lai hian nat tir law law rawh,,Anih loh chuan engtikah mah i kal tir thei tawh ngai lovang…..Nangma thu tlukna siam ngei I chhungkua nge i hmangaih,,Tetei??” tiin ka pindan a chhuahsan nghal a,,,Ka khumah ka thu hnawk a,,kut hum ruh in ka thaw hak a,,Ka nu khan sawi dikloh a nei hauh lo…. Engkim kha a dik vek a ni,,ka chhungkua laka ka mawhphurhna ka hlen dawn anih chuan Puii hi ka kal tir a ngai a ni…..

Khumah chuan ka mu a,,kan hun hman dun tawh ka chhui kir a,,engtik atang khan nge tih pawh ka hriat lovin a zunah ka uai a,,ka duhn chuan hmangaihna a hring tel a,, ka nupui ni hiala ngaiin ka hlimna famkim tak nen hun ka hmang thin anih kha,,mahse tunah erawh chu ka hlimna te chuan mual an liam zo ta a,,tih theih engmah ka nei silo…. Hmangaihna hian hmeichhia leh mipa a thliar hrang lova,,mahse chu hmangaihna bawk chu a duhdan tihhlawhtlin anih loh rualin a neitu chu a ti na mai thin a,,Hmangaihna vanga natna hi hetiang taka na hi anih ka ring ngailo asin,,mahse tunah erawh keimah ngei hi a tihnat a ahliam mek chu ka ni si a…..

Ka inrin hma hauh in ka mit atangin mittui a rawn luang a,,ka thiante,,an ngaihzawng te nena an inthen rilru na te ka lo nuih thin lai te khan hetiang tak hian Hmangaih te then avang hian a nat theih in mipa mit atang hian mittui hial a luang chhuak thei ang tih ka ring ngailo asin…Hmeichhia ka hmangaih leh duh em em inhuatna vang ni hauh lova ka kal tir tur ka ngaihtuah a,,Puii ka mamawh tluk zeta min mamawh ve tu ka ngaihtuah chhuak a,,ka natna te chu ka thup thei ngang silova……

Sangi,,Jeff,,Nuni leh Rsa ten theihtawp chhuah in engkim a ngai anga dah turin an bei a,,kei erawh an bulah chuan ngawih ka chuh tlat thung….Ka ngaihtuahna erawh phuba lak chakna in a khat a,,Nunna hial lak duh khawpin ka thinrimna te a so sang a, ngaihtuahna fim taka hman a harsa takzet…Dinner ei chhuah a rawt avangin Jenny nen kan chhuak a,,Henu hian min neih a duh a maw!?? Ka nei ngei ang mahse min neih avanga inchhir ngawih ngawih hian a ni ka siam dawn ni?? Ka fa pai a chak a maw!!! Ka lak atanga khawngaihna dawn a inbeisei vang em ni!!? Chutiang chu a thleng ngai lovang……ka ngaihtuahna avang chuan ka khi sak a….

“I mood a va tha awm ve a??” Jenny a tih rual chuan ka melh zawk a,,ka chhang lo….

Inah ka haw a,,Ka nu leh pa te bulah ka zin tut thu sawiin Min biak tum lo turin ka hrilh a,,ka pindana ka luh rualin Betty-in min rawn zui lut nghal bawk….
“U khawiah nge i kal dawn??” a tih chuan ka chhang lo,,”Miss te khuaah ka daih rawh,,naktuk hian Ujeff-a pawh haw a tum tho a,,a tih chuan ka la chhang lo,,mahse Puii bula kal erawh ka tum sa a ni…..Jeff nen chuan kal rual ila a that ka ring…..
“Betty Ka thawmhnaw lo siam la,, Airbag-ah sawn pack mai rawh,,Chuan inhnuai lamah ka zu kal lawk ange aw….” ka tih chuan a lu a bu nghauh a ka chhuahsan ta nghal a….

“Ka pa Kum thar lamah nupui neih ka tum si a,,Engmah sawi lova in kalsan ka duh lo chuvang chuan Tetei te khaw lama Krismas hman ka duh a ni,,” ka thusawi chu ka pa chuan ngun takin a ngaithla a,,a lu a bu nghauh nghauh a,,

“Ka pa tu hnenah mah ka kalna lo sawi suh ang che u” ka tih chuan ka pa chuan min en ran in,,”Ka fapa ka thiamloh a ni” a tisup a,,ka pa min hmangaih em em tu a ni a,,a lakah hian inthup tum viau mah ila ka theilo chu a ni e…..

Jeff ka bia,,engkim hretu anih avangin Ani pawh hian min khawngaih tih ka hria,,an khaw lama ka kal tur thu ka sawi chuan a lawm hle nghe nghe a,,Kan pahnih in zing hma takah kan chhuak a,,kan ngaihtuahna ve ve kan kawm a ni ber mai,,kan inbe tam lemlo,,Puii min hmuh hunah engtin nge a awm ang?? Min hua in a chhungte zawng zawng nen lam kei hi huat ka ni angem?? ka tina hle si a,,

“UZir Ka u in a hmuh hunah che mak a ti ngawt ang,,mahse hlauthawng miah suh aw,,kan chhungte an awm lai chuan engtin mah a ti ngam lovang che,,a bik takin Usawmzuala a awm peih chuan a tawng miah lovang” tiin a nui huk a,,ka rilru hria ni awm taka a tawng chuan ka nuih a ti za ve hle mai…..

Kan buaina chungchang kan sawi chho a,, sawi tur a vang hle a ni,, keipawh ka ngawi run a,,engtin nge kha thil kha a thlen theih,, ka pa khan seal engmah ka chhu lo,, Ka sign ringawt a,,seal erawh dawr lama chhu mai tura inti kan ni a ti a,,mahse Jenny khan seal inchhu sa vekin a rawn keng anih kha….. “Seal kha” ka tichhuak thut a,,Chutih rual chuan Jeff pawh in,,”A lem a ni ngei ang” a rawn ti chhuak ve hlol….. Kawngpui sir signal thatna laiah dingin Sangi ka call a,,ka ruahmanna ka hrilh hnu chuan Jeff nen an inbe leh a,,midang engmah la hrilh hrih lo turin ka ti thung…..

A hma daih khan engvanga lo ngaihtuah chhuak lo nge maw ka nih le??? Rilru fim tak hman kha a harsa em bawk a ni,,”Puii engkim a fel hunah chiah ngaihdam ka dil thei ang che,,anih loh chuan ka ti na zel che si a” ka ti sup a…..

Kan thlen laia Puii thinrim hmel hmachhawn nghal chu a nuam viau lo,,ka rinai daih in a chhungte ka lakah an tha a,, Zan lama kan leng chhuak erawh ka nuih a za viau lo….Puii rui zeta ka hruai haw leh Lawma leh Chhana rui takin ka hawpui a,,Puii pindanah ka luhpui vek a,,Lawma leh Chhana erawh mipa annia buaipui vak an ngailo Puii zawk Bathroom-ah a luak nghek a,,A thawmhnaw a huh vek bawk a,,ka thlak sak a,,zing a harh huna a thawmhnaw ka thlak tih a hriat huna a awmdan tur ka ngaihtuah a ka khi suk a,,A taksa nalh lutuk te hi thlasik khawvawh lai nilo sela en reng mai ka duh,,mahse thawmhnaw ha lova ka awm tir reng chuan a damloh ka hlau ve tho bawk si….A thawmhnaw ka thlak zawh meuh chuan a chatthla fel der tawh khumah ka muttir a,,a u te pahnih pawh chhuatah mutna phah in an chatthla fel der tawh bawk…..

Puii muhil lai chu ka thlir reng a,,a hmeltha zet hi ka en kham thei hlollo,,a che talh talh a,,min rawn kuah a,,mipa ka nihna a rawn lang a,,ka thaw leh hak thin,, hmeichhe zurui chatthla avangin ka ngaihtuahna a buai mek chu anih hi maw…. Ngaihtuah loh hram hram ka tum a,,mahse ka awm zawna a thaw sa hiam hiam te,,a kutin min khawihna zawn leh a ke in vawt ti a ka bawp inkara a rawn zep tat tat te hian Amah ngaihtuah lo thei lovin min siam a,,tullo zetin a muhil lai chu dim zetin ka fawp a,,a bak khawih zawm erawh ka tumlo….Ka inla hrang vat a,,puan in ka inkhuh nghal daih a,,mahse ka muhil dawn chauh a min tiharh leh chu ania…..

Muhil leh tura ka tihna hnial mahse ka kuah bet tak tlatah leh hnuailamin a do run takah chuan che lovin a mu ve ta mai bawk a,,ka mut a chhuah ve tawh em avangin ka muhil nghal daih bawk…..Ka muthilh vat loh chuan thil thalo ber a thlen ka hlau ve tho a…..He hmeichhia hi ka nupui anih loh chuan sex hmanpui tumna ka neilo miau alawm…..

Ka cham chhung zawng khan an lak atangin min demna tawngkam emaw nupui nei mai tur ka nihna engmah an sawi chhuak ngai lova,,Puii chhungte ai mah in Lawma chhungte ka lakah an tha zawk emaw tih tur a ni,, Nicky-a chhungte an nih ka hria mahse Puii nena kan chungchang pawh an hriat ngei ka ring,,chuti chung chuan tha takin min dawngsawng a,,mi tha tak chhungkua chu an va ni chiang em!!!

Kawngtluanin kha hun tawite kha ka ngaihtuah a,,ka kal dawn thlenga hlim taka min thlahtu chhungkua leh Puiin min thlahlel taka min vai liam te ka ngaihtuah a,, ka ngai a ni ka ngai takzet…..Ka chhungte leh midang tumah ka be pawp lova,,Sangi leh Jeff erawh an inbe fo tih ka hria,,Jeff an kan buaina chungchang min hrilh leh zeuh thin…

In ka thleng a,,ka chhungte hmel ngui zet ka hmuh chuan hrehawm ka ti hle,, Kum a thar a nga January ni 5ah nupui ka nei dawn,,Biak In lama ropui tak neih kher ka tum lova,,engkim a awlsam thei ang bera tih mai kha ka duhdan a ni,,Jenny pa khan a pawmlo viau a,,mahse Jenny-in min neih loh a hlau em a,,ka duhdanin an kal dawn a ni….A fanu neihchhun a ni a,,Jenny nu hi a boral tawh a,,nupui dang la upa em em lo a nei thung a,,an ina Cheng tura min ti erawh ka tum lo bur thung……

Kum thar tuk a ni a,,ka pa in chhung inkhawmna hun a hmang a,,a tawngtai zo a,,kum tina kan tih angin kumthar chibai a sem a,,min chibai lai a ka pa meuh in mittui tlaa min kuah chuan sawi tur ka hrelo,,ka pa hian a fapa hi min khawngaih zia leh ka duh anih phawt chuan tilui.lo tura min duhzia a sawi nawn leh a,,mahse hetianga a sawi hian a tana tihsak ka duh zual sauh zawk si a,,Ka chhungkaw tana ka hmangaih kalsan hi ka inpeih em ka hrelo mahse a tul anih chuan ka ti ngei dawn tih ka chiang zual sauh si a….

Sangi Seal chu alo endik tawh a,,mahse a seal tak kan hmu anih loh chuan a lem tih finfiahna kan nei silo,,seal lem nei tur chuan Jenny pa emaw Amah Jenny office kan enfiah a ngai dawn a ni tih a sawi a,, ruahmanna siam dan tur a vang hle a ni…. Private detective rawih mai Sangin a rawt a,,mahse rei tak chhung hun kan nei tawh silo…..Jeff ka call a thil awmdan ka sawi chuan rawn phei nghal a tum thu a sawi a,, Puii nau mah nise he thluak tha zet nei hi kan tan a tangkai em si a ni…..

Jeff a rawn thleng a,,kei erawh inneihna tur avangin Jenny-in mo thuam nen tal thlalak a rawt tlat avangin kan chhuak dun a,,mo kawr a en lai chuan Albertan min rawn phone hlol mai….Ka rilruah Peka a rawn lang nghal a,,Ani kha mi fing tak leh thil ngaihtuah peih tak a ni a,, Detective rawihna hun nei tawh lo mah ila,,Ani khan min puih thei ngei ang….. Alberta chu thil awmzia ka hrilh thuak a,,Peka nen an rawn kal ve nghal tur thu a sawi chuan ka lawm takzet…Tunah chuan a kaw tawpah kan awm a,, midang te tanpui lova tih tum tih vel ngaihtuah thei ka ni tawh lo,,he thila ka lam tang ngei tur te hnena sawi hi ka tih ngei ngei tur niin ka hre tawh zawk……

Peka leh Alberta an rawn thleng a,,ka nupui neih nan ni2 chiah in min dang tawh,,chumi hmaa seal kan hmu chhuak lo anih chuan Jenny ka neih ngei a ngai dawn a ni…Chu thil erawh thlenglo tura ka duh ber a ni….
Rsa,,Sangi,,Jeff,,Peka leh Alberta te nen ka study room-ah kan awm a,,

“Sir Kei leh Alberta te hi kan hmel an la hrelo ngei ang,,Jenny pa office-ah chuan kan lut ru mai dawn em ni??” Pekan a tih chuan kan ngai vang vang a,,an lut thei anih ngat chuan thil tha tak a ni ngei ang….

“Zanin ah lut ru ta ila” Albertan a tih chuan lu ka bu nghauh nghauh a,,mahse engtin nge an company chhungah sawn kan luh theih ang,,tun angah chuan Office an chawl vek a,, Office chahbi neih dan tur kawng khat chiah a awm……Jenny ka biak a ngai a ni,,min bum hmasa tu an ni a,,keini pawh in kan bum ve dawn tihna a ni mai alawm….. Jenny chu ka call a,,midang ho chuan min lo en thap….An Company a luh ve ka duh thu sawiin tlailama an company min enpui turin ka sawm a,,a phur hle lehnghal…..A Office te min enpui a,,midang tumah awmloh laia en ka rawt chu tha a tih thu a sawi nghal luam bawk a,,kan ruahmanna ah chuan an building chhung a kan awm lai ngeiin Peka leh Alberta ten Jenny leh a pa Office an dap dawn a ni…

Tlailamah chuan Jenny nen chuan an company chu kan en kual a,,ning viau mah ila lemchhan a ngaih miau avangin darkar hnih ngawt an building-ah chuan kan awm a,,kan zawh hnuah mipa takin ka thlah thlap,,a kal dawn a ka fawp beisei zeta min en erawh ka hrelo der hmiah thung…. In ka thleng a,,Puii inah ka chhuk nghal a,,chulai hmun chu kan inhmuhkhawmna a ni miau a,,,Peka leh Alberta chu beisei nei zetin ka en a,,mahse Seal an hmuh loh mai bakah kan inremna lehkha takngial pawh Office chhungah chuan an hmuh zawh loh thu an sawi mauh mai….Bei a va dawng si em!!!
Ni a ral leh ta,,nikhat chiah hun kan nei tawh…..Ka thinrim ru tun tawh a,,ka ko a tla hi hlen ngailo hram se ka ti…..

Inneih pangngai nilo mahse man inhlan ve ngei angaih avangin hun hman tur a ni a,,kan chhung hnih chiah a hun hman ka rawt tlat avangin Chhungkua in chaw ei na hmun tur hotel ka book a,,Peka leh Jeff an che chhuak ve thung dawn a ni….Tun tum erawh an in lam an dap ve thung ang,, hlawhtling hram se tih hi ka duh ber a ni…..

Ka insiam laiin Sangi alo lut a,,kamis dum a necktie dum ka suih mawlh mawlh chu nidang nise mitthi inah i kal dawn em ni?? tiin min fiam ngei ka ring mahse engmah sawi lovin ka necktie chu min suih zawh sak a,,”Engkim ala tha mai ang” tih chiah sawi in a chhuak lehnghal a,,Ni e,,engkim hi tha vek sela ka van ti em!

STARLIGHT – 39

( TETEI POV )

Lalnunzira awmdan kha ka hrethiam lo,, engvangin nge social media lamah nupui a nei dawn tia miten an sawi hi engmah min hrilh a tum loh,,Jenny nena ka hmuh duna,, lawmpuina thu ka sawi el khum pawh khan engmah a sawi lova,,Amah avangin ka na a Aizawl hial chhuahsan in ka haw phah a,,mahse tunah hetah min rawn umzui leh a,,eng hi nge a ngaihtuah ka hrethiam teh nuai lo a ni….. Nicky-a thlana kan kal ni a min hmangaih thu a sawi khan mak tak maiin ka ringnghet nghal hmiah a,,a laka ka awmdan danglam awlsam lutuk leh ka thinrimna a tidam awlsam lutuk thin hi ka engvang nge ni ang le???

Hmeichhe luhlul leh mahni induh tawk tak,,mahni thu duh tak ka ni a,, Nicky-a ngei pawh rei tak ka thinrim khum thei a ni a,,mahse Lalnunzira erawh ka thin a tih rim em em pawh in,,ka ngawih bopui hmiah thei a,,a inthiamlo hmel ka hmuh chang hian ka thinrimna te hian min kalsan nghal daih thin hi mak ka ti a ni….

Huat ka duh a,, damchhung a hnaih tawh lo ka duh a,,mahse mak tak maiin ka haw theilo a,,min tih natna te kha ka theihngilh lo,,mahse ka thinrim khum a,,ka biak duh miah loh pawh in min zui kual char char a,, tleirawl inngaizawng in tauh khum hi ka tehkhin ber thin,,ka chhungte hmuh a mawiah ka bia ka ti a mahse chu ringawt chu a ni pawh in ka hrelo….Zanah ka pindanah rawn kalin balcony-ah thu in kan titi dun a,,Ka thinrimna tur engmah a ti ngai lova,,na taka tawngkhum a hlat ka tum pawh in ngawi rengin ka thinrim tawngkam zawng zawng te a ngaithla a,,kamkhat te mah in min chhang ngai heklo,, engtin nge chutiang mipa chu kei hian ka huat reng theih bik ang ka duhlai ngawih ngawih a ni ve tho si a…..

Ka hun kal tawh a hriatchian em avangin ka hmangaihna a phut ngai lova mahse a vawikhatna atan Nicky-a thlan hmaah ngei ka duh ve tak tak em tih min zawt anih kha,,Aw tia ka chhanna in a tih lawm zia ka hmuh khan nasa takin ka inngaihtuah a kei hian Ani hi ka lo hmangaih reng em ni le??

A hlim hmel hmuh nuam ka tih rualin a lungngai hmel erawh hmuh hrehawm ka tihzia ka hrechiang telh telh a,A nuih a a hmeltha tak hi engtik atanga a neih nge ka hrelo mahse a nuih hian a hmel a tha takzet….. Naupang lawmawm deuh hmel hi a pu a,,a mit a min thlakhlelna ka hmuh fo hian nuam ka ti ru veng veng thin….,mahse engvanga lungngaih hmel zeta min melh leh vawng vawng thin hi nge anih ka hre silo…

A haw dawna min en dan mawlh khan ka ngaih a ti tha lova hrehawm ka ti em a ni… Nupui hi a nei tak tak dawn em ni!!! Ka ring nget hmiah a,,Tu lakah mah min phatsan lovang tih hi ka thinlung hian a ring hmiah si a ni…Mahse a nupui neih tur chungchang engmah a sawi lova,,Jemny chanchin takngial pawh min sawipui heklo.. Engpawh thleng se khuanu ruat awmdun tur pawh nilo mah ila ka hmangaih tho ang che min ti anih kha anih kha,,mahse nga ti nge engmah min hrilh loh…..

“Jeff eng thil nge in buaipui hi,,nga ti nge engmah hi i sawi duh loh…Eng nge thleng??” Jeff-a hmanhmawh deuh taka Aizawl kal tura a insiam chu ka zawk sek a,, A ngawi ngul a engmah a sawi duh bawk silo,,thil awmzia hi ka hrethiam lo..ka kal ve a phal bawk silo ka hrethiam teh nuai lo,,ka chhungril atanga hlauhthawnna awm reng la hian min kiansan duh bawk silo….

Esi,,Peka leh midang ten min rawn biak changa Zira chungchang tuman min zawt ngailo hi ka hriatthiam rualin Amah Zira pawh in thuchiang engmah min hrilh lova,, awmdan tur hi ka thiam hlollo a ni e….

“Jeff thudik min hrilh rawh,,Zira hian nupui a nei dawn em ni??” ka tih chuan Jeff chuan chiang zetin min en a,,”Mai thei” tih chiah a min chhang in a pindan atang chuan a chhuak nghal daih a…Eng nge a sawi awmzia kha…..Ani hian nupui a nei dawn tak tak a maw!? Engtin nge anih theih thudiklo leng vak mai maiah ka ngai hman a,,min rawn umzui avang khan ka lo ringnhet hmiah bawk a…..Ka pindanah lutin ka phone chu ka ban vat a,,Zira call ka tum a mahse a pickup lo.

Jeff Aizawl a kal atangin ni hnihna a ni a,, Jeff emaw Zira pawn ka call an pickup ngailo,,Ka chhungte hian ka awmdan an hriat ka hlauh em avangin engmah ka sawi ri ngai lova,,mahse ka nu hi chuan min chik ru viau zel tih ka hria….
Ka pindan ka luh rualin ka phone ri ral ral chu ka la vat a Betty a ni,,Aizawl ka chhuahsan atang khan kan la inbe miah lo…

“Hello”

“Miss Lokal rawh,, Aizawlah lokal rawh ka u hi dang rawh” tiin a rawn tap nghal a,,eng nge thil awmzia ni ta??

“Betty i sawi awmzia ka hrelo..” ka tih chuan,,inhnit hlap hlap chung hian,,”Nupui neih a tum a,, Nangmah chiah in neilo turin i dang thei….” a tih chuan Social Media lama an thusawi zawng zawng te kha engkim a dik a ni tih ka hrethiam nghal chutih rualin Zira thusawi pawh kha dawt a nilo,,mahse engvanga inneihna chu kalpui tum nge anih…..

“Betty engkim min hrilh rawh??” ka tih chuan tu emaw ni hian a rawn ko a,,phone a dah nghal daih. “Betty, Betty.” min chhang tawh lo…..Eng nge ka tih ang…. Ka pindanah chuan ka tei kual chen a,,engtikah nge nupui chu a neih dawn,,hei vang hian em ni min biak duh loh?? Lalnunzir eng nge thil awmzia hi?? Thudik min hrilh ni la ka tuarthiam deuh tur.

“Bawihi kan inbe lok thei angem??” ka nu in a rawn tih chuan thaw hakin ka nu lam chu ka hawi a,,Ka khumah chuan a thu a,,a bulah chuan ka thu ve nghal a,,ka nu hmela min khawngaihna lang hi a chhan ka hrelo,,

“Bawihi kan hmangaih te hi kan ta an ni theu kherlo tih hrechiangtu i ni tih ka hria,, chutih rualin i nuna mipa pahnih te hian an hmangaih takzet che a ni tih ka hre bawk..” a tih chuan mak ti zetin ka melh a,,Ka nu hian Zira nen kan inkar a hre vek a maw!!?

“Nangpawh in Anni chu i hmangaih tih ka hria,, Nicky-a chu kan bulah a awm tawh lo,, mahse Zira erawh ala awm thung chutih rualin khawvelah hian kan duhdan ang hian engkim a thleng theilo a ni tih i hria tiraw??” a tih leh chuan chhan tumin ka kâ ka ang zuai hman mahse ka nu bawk chuan min pawtchat leh in,,”Ani khan a chhungkaw chhanhim nan nupui a neih angai tih a sawi a,,i nau ten an puihna pawh hi chuvang chu a ni….mahse an hlawhtling tak siloh avangin nupui chu a neih mai angai a ni….” a tih zawm leh a….Kei ni lovin ka chhungte engkim a hrilh a maw!?

“Mahse nu min hmangaih thu a sawi asin” tap lo turin ka heh ka pet fan fan a,,ka aw erawh a lai rat thung….

“Ni e keipawh in a hmangaih che a ni tih ka ringhlel love…mahse Harsatna te chu tu chungah pawh a thleng fo alawm,,Ani pawh in a chinfel theih loh harsatna a hmachhawn mek asin,,nang kalsan che hi atan chuan hremhmun a luh tluk zet a ni ve tho in i ringlo em ni??” atih leh chuan sawi tur ka hrelo….Ka chhungril erawh a na vawng vawng si….

“Bawihi hmeichhe huaisen leh chhel tak i ni a,,i nuna hetiang a thleng nawn leh hi a pawi tih ba sawi tur ka hrelo mahse ka fanu i ni a i tuar chhuak ngei ang tih ka hria….” tiin khum atang chuan tho in pindan chu a chhuahsan a,,ka mittui a tla lo mahse ka na ngawih ngawih si a ni….Darkar eng emaw zat ka pindanah chuan ka awm a,,ka ngaihtuahna hman ka tum viau na in engmah ka ngaihtuah chhuak zo silo,,Nicky ka van ngai tak che em??

Hmanhmawh takin ka insiam a,,jeans kekawr leh Tshirt ha tawp in ka bike chahbi ka la a,,In atanga ka chhuak tur ka nu in min au lawm lawm pawh ka chhang tunah hi chuan Nicky ka mamawh ber si ni….Ka bike chu chak zeta khalh in thlan lam ka pan a,, Nicky thlan ka thlen rual chuan ka thingthi hnawk a,,ka tap chhuak ta hawk hawk a,, “Lalmuanzual min puih rawh….” a bak engmah ka sawi theilo,,ka tah nasat em avangin ka muhil a ni mahna,,

“Ka elephant hmeltha” tia min kuahtu chu Nicky-a ngei a ni,,A hmel ka hmuh rualin Zira vanga ka natna te chu a rawn thar a ka tap lehnghal hlawp hlawp a,,ka luah duat takin a chul a,,ngawi rengin nghet takin min kuah a,,”I bulah min hruai ve tawh mai rawh,, khawvel chu a hrehawm tawh em mai” tiin ka ngen leh a,,mahse tuna ka ngenna chhan chu a dang takzet tawh… Engtin mah min chhanglo….”Ka bula awm te ngaihven turin min ti a,,midangte hmangaih let turin min ti bawk a,,mahse natna chauh a ni,,ka natna tizual mai chauh a ni” tia awrawl chhuah meuha ka tah leh chuan chhungril tawt tih hriat zet hian a thaw hawk a,,”Mate ka tihpalh,,ka tihpalh takzet a ni” a ti mawlh mawlh a…..

“Bawihi harh rawh le” zaidam taka min ko tu chu tudang nilovin ka pa a ni…..ka mengchhuak a,,ka hawi kual a ni pawh a tla lek lek tawh,,puan luma min tuam vatin ka pa chuan duat taka min kuah in ka samah a chul a,, hetiang a ka awm lai ka pa in min hmu leh hi hrehawm ka tiin ka zak takzet mahse a fanu hi a thinlung a kehchhe leh mek chu a ni si a.
“Haw ang aw,,” tiin Muangchangin min kaitho a,, Nicky-a thlanah chuan engtia rei nge ka awm ka hrelo,,mahse darkar tam tak chu ka awm ka ring,,ka chhuah lai khan dar12 pawh ala ri miau lova.

Thlan atanga kan haw chuan ka pa in a car-in min phur a ngawi rengin ka thu a,,UChhanan ka bike a khalh haw thung… In kan thleng a,,chaw ei tura min tih tlat avangin,,chaw ka ei a mahse tam erawh ka ei theilo…Ka pindanah chuan Uchhana leh Ulawma ten min awmpuia midang zawng inhnuaiah an awm a,,Nutei takngial pawh ka pindanah a awmlo….Ka phone message tone rawn ri ral ralah chuan ka l kang a ka en a,,Betty message a ni,,”Naktuk dar 12:00pm” tih chiah a ni,,mahse a awmzia k hrechiang em em tho si. Khumah thu in ka inngaihtuah a,,Ka hmangaih che tichung in nupui dang a nei dawn a,,ka tan tlawmthlak viau mahse ka kaltir theih nan duhsakna tal ka hlan dawn lawm ni.

Ka ding thut a,,Ulawma leh UChhana te chuan min en nghal haw a,,”Ka insiam dawn chhuak ru” ka tih chuan mak an tih hmel takzet…”Khawia kal turin” Ulawman a ti hu a,,”Aizawlah ka phei dawn,,tunah naktuk an inneihnaah duhsakna tal ka hlan duh” ka ti nghet charh a,,ka dar tawn tawnah rawn vuanin,,”Te i thei ang maw,,mi inneihna tibuaitu mai i ni lovang maw,, ngaihtuah nawn leh teh??” a tih chuan ka lu thing nak nak in,,”Aih,,ka hmuh ngei a ngai,,ka hmu lo anih chuan ka damchhungin ka nghak thei mai ang,ka thlah liam a ngai,,ralkhat atanga thlir tur tal pawh in” ka ti a,,min vawnna chu thlahin,,”Awle ka ring tawk che” tiin ka pindan a chhuahsan ta nghal a,, UChhana chhuah lai ka hre hauh lo thung.

Cotton jeans hak nuam deuh tak chu ha in,, Turtle neck ha in a chungah Bomber jacket ka ha a,,ka racksack-ah chuan ka mamawh tur ni a ka hriat khung khawm in inhnuai lamah ka chhuk a,,ka thiltih hi a dik ber em ka hrelo mahse ka hmu ngeilo anih chuan a tawmgkam avang khan kumkhua in ka nghak duh mai ang tih ka hlau a ni….Chuvang chuan Natna tam tak tuar nawn dawn mah ila ka kal ngei a ngai.

Inhnuai ka chhuk chuan an lo awmkim thap a,,ka duhdan ka sawi chuan ka pa chuan ngawi rengin min kuah a,,a fanu luhlul zet hian midang ka tihbuai chu a ring ve lo a ni mahna,,Uchhana insiam peih ata inchung atanga rawn chhuk ka hmuh chuan ka en deuh ha a,, ULawma pawnlam atangin insiam peih vek tho in a rawn lut ve chiah bawk.

“Bawihi kan zahna i thlen dawn lo tih ka hriat avanga kal tir che ka ni….Thil thalo engmah ngaihtuah lo la i tan i unaute,,i chhungkua kan awm reng a ni tih hi theihngilh ngai suh ang che” ka pa in a tih chu lu ka bu nghauh nghauh a….ULawma car-in Aizawl lam pan chuan kan chhuak ta nghal a.

( ZIRA POV )

Dinner kilnaah chuan ka chhungte chu an tawmgtam lo hle mai,,ka farnu te phei chuan tawngkam khat tê mah an chhakchhuak lo,,an hmela natna te hi ka hmu lo a nilo mahse engkim hi ala tha leh mai ang….Jenny nu (a nuhrawn) pawh a ngawi reng a,,engmah a sawilo,,Apa leh Jenny an tawng luam a,,min biakna ka chhang ve zeuh zeuh chutiang bawkin ka nu leh pa te pawh an tawmg zeuh zeuh chauh a ni….Ka chhungten an lawm lo a ni tih a hriat vang nge Jenny pawh a mizia tlem chuan a dang ve deuh,,Amah nena inbe tam ber Nuni takngial pawn a be duh miau lova,,Jenny-i in a biak pawn a hrelo dera Rsan a chhang zel si a nuamlo a ti ve pawh a ni mahna.

Dinner ninawm zet kan ei zawh hun tur erawh ka nghakhlel rawn hlawhtling hram se ka ti takzet….Hei chiah hi kan beiseina neichhun a ni tawh miau si a,,chaw kan ei lai chuan phone a rawn ri ral ral a,,kan in dap rak rak a,,mahse Sangin a phone a pickup rualin dawhkan a thawhsan nghal a,, ka rilru a lo helh hlawh ka ti dawn nge,,ka chaw ei lai pawh ka ngaihsak thei lo.

Sangi lo let leh chu ka melh zawk a,,mahse min en hauh lovin ka pa chu a ko a,,hna avanga a haw a ngaih thu a sawi daih nia,, eng nge thleng tih ka hre chak kher mai. “Min hrethiam rawh u” ti sap in pawnlamah a chhuak nghal nal nal a,,a hmanhmawh dan em emah khan Peka te call bak anih ka ring lo.

Zanin hian Jeff, Albert leh Peka ten Jemny te in an dap dawn anih kha,, Kan duh ber Seal lem chu an hmu zo kher angem ka hrelo…Mahse Sangi kal daih danah thil thleng eng emaw chu a awm anih ngei ka ring…..Dar 9:30p.m ah hotel atangin kan chhuak thei chiah a,, midang zawng k motor-ah chuangin kei leh Rsa erawh Rsa car-ah kan chuang a,,kan tlan muang lemlo viau….In kan thleng a,,Puii in lamah kan chhuk nghal,, “In hmu em??” ka luh ruala ka tih chuan tumah in min chhanglo. An hmel a ngui em em a ni ringawt.

“Hei hi an hmu a,,mahse kan seal duh a nilo” Sangi chuan tiin seal pakhat min pe a,, Tunah chuan ka duh emaw duh lo emaw nupui chu ka neih ngei a ngai tih ka hria.
Zankhua in ka mu lova kawng awm thei apiang ka dap a,,ka ngaihtuah a mahse engmah ka ngaihtuah chhuak zo tawh silo. Kha thil kha Court-a an thehluh rualin engkim kan chan dawn,,chu thil chu he inchhung fapa ka nih angin ka thlen tir thei silo a ni.

Zing khua a var a, Bathroom-ah lutin shower ka on a, tuiin ka taksa a deh rual chuan ka thaw nghal hak. Ka hma darthlalang a ka thla lo lang chu en vang vangin ka hnek nghal pawp. Darthlalang a keh ruala ka kut thip vawng vawng chu ka pawisa lo,,tuiin ka taksa a phuh rual chuan ka kut atang chua thisen a dir zung zung a,, mahse chetsawn pawh ka ka tum chuanglo…pawnlam atanga Sangi min ko ri avang chuan shower chu off in towel ka veng a pawnlamah ka chhuak nghal a,, ka kut a hmuh rual chuan chek hlakin First Aid bawm chu a rawn la a,,damdawi hnawih in a tuam nghal a.

“U nangmah ngeiin i sawi kha ila hria em,,kan duhdanin engkim a thleng thei lova,, chuvang chuan hringnunah hi chuan kan chunga thil lo thleng te hi a dawngsawng thiam apiang mi vannei an ni mai i tih thin kha,,Engkim ala tha leh mai ang,,Jenny pawh hi alo fel viau thei asin heti khawp a nangmah neih tuma a beihna te avang pawh hian kan chhungkaw mo tur zawk pawh alo ni mai thei asin,,tumah in Pathian rorel dan kan hre silova” a tih chuan ka chhanglo. Hetiang thil hi ka chunga Pathian rorel dan anih chuan kei chuan lawm nachhan tur ka nei ve lo.

Dar 11:30a.m a ri a,,Inneih inkhawm pangngai ang anih dawnloh avangin buai tehchiam angai lo,,kan chhungkua leh Jenny te chhungkua leh a thian tur,,Jeff,, Peka leh Alberta te telin kan inah hian kan in kutsuih tawp dawn a ni….Court-a inneih ka duhloh ang chiah in,, Biak Ina inneih pawh ka duh chuanglo.

Inneihna kan tan a,,ka rilruah Puii chauh a awm thung si,Ani nen ni ila Biak Inah ngei mipui tam tak hmaah kan innei in hetiang ngawt hi a nilo tur tiin ka ngaihtuah a,,zungbun ka bun tir lai te chuan Puii nui hmeltha zet lo chu ka mit hian engmah hmuh a neilo…..”Nupa ah ka puang che u… Pathian in a zawm tawh chu Mihring in then suh se” a tih chuan pawnlam atangin kan kawngkhar a rawn inpawt hawnga ka thil hmuh avang chuan ka khawng nghal awt thei. “Puii” ka ti nghal sup a.

Conti…

Leave a Reply