You are currently viewing STARLIGHT – 5 & 6

STARLIGHT – 5 & 6

Spread the love

STARLIGHT – 5

JONSMELY BAWITLUNG

Inkhawm kan bang a, Mawitei leh Joseph-a te sawmin kan in lam kan pan a. Len mai mai kan rawt a, kan inah thingpui in in tumah inthlak lovin kan chhuak ho leh ta dial a. Cycle pahnih chiah a awm avangin Nicky-an a cycle in min phur a, Joseph-an ka cycle in Mawitei a phur thung. Hmun nuam ve deuh nula leh tlangval tleirawl leh rawlthar rual lenna atana an hman fo hi veng lehlamah a awm a, chulai hmunah chuan kan kal a. Nicky-a nen chuan hmun nuam deuh laiah chuan dingin kan ṭhu dun a, Joseph-a te kha chu khawi lamah nge an kal pawh ka hrelo, ti khan chance an nei ve ni mai keini pawn chance neih te chu kan duh ve tho a. “Mate kan zin hun chuan fel deuh in awm ang che aw.” a tih chuan lu ka bu nghauh a, “Ṭawngka hian min chhang ṭhin rawh, ka sawi ngailo a, lu buk ziah hi ka duh viau lo.” atih chuan ka bu leh nghauh a, a sawi zawh chiah chu ngaihtuah leh thut in ka nui nghal vur vur a. “Awle, i bulah zel ka awm a nga, ka fel dawn lawm.” ka tih chuan a nui ve ta var var a. “Kan class chauh kan ni dawn lova section-B an kal ve dawn tih hre reng la, kawhmawh bawl zawng leh midang lakah chimawm chhuah miah suh ang che, i duh loh dana thil a thleng anih pawh in.” a ti leh a, a sawi tum ka hre reng, zawm hi duh ve ṭhin mah ila a harsa ṭhin si a.

“Jacinta-i leh a ṭhiante ho khan harsatna min thlen loh phawt chuan ka fel a ni mai.” ka ti deuh hmak a, Class-9 a Jacinta-i vanga buaina kan neih aṭang khan Jacinta-i leh a ṭhiante hian min haw viau a, ka kawng dal hian an awm fo bawk. Nicky-a hian min veng run zel a ka khing let ngailo thung, kan classmate ho hi chuan an huat tur tawka khinglet dan chu an thiam khawp mai. “Hringnun chhuk chho ah hian kan duhdan in thil a thleng vek lova, kan duhloh dan pawh in a thleng vek kherlo, hlimna leh lawmna tam tak lo thleng ṭhin mahse lungngaihna alo thlen chang hian reilo te pawh rei zawk ang hian alang fo thin, mahse dawhtheihna leh chhel taka tuar hram hram ṭhin thin mi chuan a tuar chhuak a, hlimna tam tak a tawng leh ṭhin. Ka sawi hi theihngilh miah suh,” a tih chuan ka ner sak ringawt. “Kha thu kha vawi10 vel i sawi tawh i sawi zawng ringawt pawh hian ka sawi ve zel thei tawh ania.” tüm bara ka tih chuan ka sam rawn chul zeuh in, “Nghal ve siah” a ti sap a, ka nuih khum vak a, Ani pawh a nui ve nghal hawk hawk mai.

Kan nun nuam lutuk hi ngaih hman pawh a nilo nitin hian a thar hian nun kan hmang ziah a, kan nundan la a nawm dan in ang sawi tur leh teh tur a awm ngai hauh silo. High School Life hi a nuam, a nawmna ti famkim tur chuan ka bulah mi fel lutuk leh hmeltha lutuk Nicky a awm a, ka tan chuan nun hi a nuam ngawih ngawih tih bak in sawi leh ngaihna ka hre lo…. Monday zing a ni a,,Kei leh Nicky-a zin tur chu chhungkua in min thlah a,,kan chhungte chu an hmel a ngui riau a hriatna ka nei mahse engvang nge tih erawh ka hrelo,,zin an phal vaklo chung kan kal luih dawn vang pawh a ni mai thei,,mahse kei chu ka phur ngang mai,, Nicky-a erawh a dan ngai te in a cool leh ruih a,,mahse tu mitmei mah veng hauh lovin min ngaihsakna a ti lang a,,ka nuam ti lutuk hian ka chhungte hlimlo hmel pawh ka theihngilh vek….Thiante ho nen Goa thlen huna awmdan tur vel kan sawi chul a,,ka pa khan pawisa thahnem tawk tak min ken tir a,,ka felloh ve em avangin Nicky-a ka ken tir vek kha ania,, Zirtirtu pali in min kalpui dawn a,,Bus lian pahnih ngawt kan hmang bawk,, Ka pa leh patean kan Sir Zuala zirtirtu te zinga min kalpui tu tur pakhat chu a falin an bia a,,eng nge an sawi ka hrelo na in Patea chuan Sir Zuala chu eng emaw hi a pe zeuh a,,a rawn let leh chuan ka ngaihdan mai mai nge ka hre lo Sir Zuala hmel chu a ngui ruih a,,Kan chuanna Bus-ah chuan a rawn lawn ve a,, Bus a nung vut vut rual chuan chhungte ho bye bye loh hlau vin bus tukverhah chuan kan dak chhuak far a,,kan in bye bye lauh lauh hnu chuan kan tlan liam ta a….. Driver hnung chiahah Sir Zuala leh Miss Sangtei an thu a,,an hnungah kei leh Nicky-a,,kan hnungah Joseph leh Mawitei tiang zel chuan kan thu a,,tlar hnung berah Aruati te thian ho leh David-a te an thu thung…. Kan Bus kan tlan hmasa a,, Section B Bus a hnungah an tlan a,,kan bengchheng leh ngei mai…. Music instrument keng an awm lehpek a,,kan zai leh nasa tawh ngang mai… Guitar leh phaiphuleng a awm a,,a rem rem in Bus bang kan beng ri bawk a,,Sir Zuala kan class teacher fel lutuk alo ni bawk nen nuam kan ti hle,,Miss Sangtei hi chu kan English teacher a ni a,,a in hmuam up thin viau na in keini class bulah hi chuan a nui ve reng tho… Bakah Sir Zuala bulah a awm miau a,,kan Sir hmeltha tak bulah hi chuan tupawh hi an nui reng zel….. Bus tlan lai chuan rem lo zeta ding chhuak in hnunglam hawi chuan ka ban ka vai zeuh a,,an ngawi nghal thap,,Chutia an ngawi thapah chuan Sir leh Miss te pawh chuan eng nge thleng ti ni awm takin an rawn hawi ve bawk a,, “Ka zai dawn,,”ring zeta ka tih chuan thenkhat an lo khek vak vak a,,thenkhatin kut an lo beng bawk a,, Nicky-a pawh a nui ve vur vur tho…..Guitar perhtu Sangtea chuan Nicky-a chu melh zeuhin a guitar chu a pe chhawng nghal a,,an in man thin ania….. “Mate eng hla nge i sak dawn??” a tih chuan ka ngawi vung vung a,,”Graduation” ka tih chuan “Awle” tiin a thutdan siam remin a guitar chu a perh ta a,,Changkhatna chu ka sa zo a,, a thunawn atang chuan kan vaiin kan sa dual dual a,,Kan phaiphuleng hamtu la hian a thiam bawk sia,,Kan tuinphian mai,,Khawmpui kal.tur te pawh kan ang hial ta ve ang……Kan zai zo a kut kan beng dar dar a,,a hnungber atangin Aruati a rawn ding ve,, “Keichu ka zai ve dawn lo mahse hla ka thlang dawn,,” a rawn tih chuan kut kan beng lehnghal dar dar a,,a ngawih vang vang hnu chuan “My Love Westlife” a rawn ti a,, Nicky-a bawk chuan guitar chu perh in kan zai leh a,,chutiang reng reng chuan Aizawl thlen hma kawng chanve deuhthaw chu hun kan hmang a,,Chaw ei in motor a ding a,,Chaw kan ei hnuah rei chawl lovin kan tlan lehnghal a,,Chaw kan ei kham meuh chuan kan thawm pawh a reh viau tawh hlawm….An muhil deuh vek anih ka ring,, Nicky-a chuan muhil ve rawh tiin a dar chu siam remin min nghen tir a,,eng eng emaw sawi a a titi lai chuan ka lo muhil a ni ngei ang,,ka harh leh chuan khua a thim ruih tawh a,,Aizawl kan lut tan der tawh…. Khawpui chhung lang pe ur chu kan thlir dun a,,nghet zetin ka kut a hum a,,ka chalah a rawn fawp zeuh a,,ka hawi chho a,,Bus light on lo mahse a nui suk chu pawmlam atanga eng lo lutah chuan ka hmu hman ka khi ve sak a,,ka awmdan ngai chuan ka awm lehnghal a,,thlasik in tan anih tawh avangin kan puan pakhat ken chu kan inzawn a,, mutchhuak in min zem leh chiai chiai hnu chuan ka muhil lehnghal… Ka muhil ka harh zeuh zeuh a,,ka harh hlek chuan Nicky-a alo harh ve nghal zel a,,nge Ani hi a muhil ve theilo zawk… “Muan i muhil theilo em ni??” tia ka zawh chuan,,”Muhil zeuh zeuh” tiin min chhang a,,kei hian ka ngheng reng sia a muhil theilo em ni ang aw ka ti….. Kan Bus chuan Guwahati thleng min drop a,,Chutah chuan min lo nghak dawn bawk….Guwahati atangin rel (Train) in kan kal a,, Kan class ho hi chu engtik lai pawh a harh em em kan nih avang hian train chhungah pawh kan bengchheng leh hle tawp a ni mai.

Section B ho nen kan in chuan pawlh ta bawk a,, tumah harsatna nei kan awmlo nen fiamthu te sawiin kan nui leh dar dar thin,,Ka bula thu hi a chauh hmel em avangin kei erawh keimah anglo zetin ka harh lutuk lo…. “I chau tawh a mi??” Thian te an bengchheng viau laia a bula ka thut tlat vang leh rel chhung kan luh atanga ka thutna ka la thawhsan miah loh avang chuan Nicky-a chuan a tisup a,,lu ka thing nghal vat ,,nui sukin,,”Keichu ka mut a chhuak” a tih chuan ,,”Muhil rawh ka lo veng ang che” ka ti ve ngeiah….A awmdan siam rem in nuih zat hmel deuh chung hian a mit a chhing nghal a,,Ka hawi chhuak chu Sir Zuala kan bulah alo ding reng a,,”Sir eng nge ni ta??” ka tih rual chuan Nicky-a pawh a rawn meng lehnghal,,,”Engmah ni love ka rawn enfiah vel mai mai che u a,,” tiin Nicky-a chu,,”I rui em lo maw??” tiin a fiam zuk a,, Nicky-a pawh in a ruih loh thu leh a mut chhuah thu in a chhang ve mai a,,”Um muhil rawh,, Harsatna inneih chuan kan chuanna in hriat tho kha aw,,” tiin a kalsawn nghal a,, Nicky-a pawh muthilh tumin a mit a chhing lehnghal daih,,A bulah ka thu meng ve reng emaw ka tih laiin ka lo muhil lehpek anih ka ring eng emaw phe zawk hian min tiharh zawk a,, Mawitein Camera kan lam hawiin a hmet hi alo nia Amah la chu ala nui nasa em em zui,,tihdan ngai te in Joseph an kan kal dawn atang khan Video in a cover char char bawk a,,keini class zet hi chu kan indaih teh ania…. Camera hi chu keng an awm teuh ang,, Nicky-a pawn a keng a,,kan hmet ve reng tho….Mahse he mite pahnih Camera keng hi chuan mi chesual lai chiah an chang thin.

Guwahati atangin relah kan chuang ngat ngat a,,Kawng a thui tham bawk a ka ning ve hlek chu a ni e,,Zan a ni a,,khua a var leh erawh chuan ka harh peih leh viau zel tho,, Nicky erawh min hmu pha si in Sir leh Miss te an pali bulah a thu daih zel,,keini ho erawh thiante thutna velah kan tei kual a,,kan nui a kan titi hlawm bawk a,,Kan thahnem tham bawk a kan bengchheng viau zel…. Goa kan thleng a,,Kan school-a lo thawk ve reng tawh thin Hotel a siam tak avanga bang ta Sir Nitesh-an min lo hmuak a,,A hotel-ah kan thleng a,,Hotel a nei nuam lutuk ringawt hi ni mai,, Room pakhat mi pali zelin kan in tawm a,,helai hmunah hian Ni3 chhung kan awm dawn a,,Classroom a Kan tlara a thu zawng,, Mawitei,, kei,, Asawmi leh Esther-i te’n room khat kan intawm a,,Esther-i hi Asawmi nen hian veng khat an ni ve thung a,,kan thil tih tam zawkah hi chuan kan inthu rual ziah a,,Hmeichhe harh lutuk rual awmkhawm kan nia,,kan bengchheng viau zel a,,tawng te hi kan inchuh nawk nawk zel….keini pali hian sual chhuah in chimawm chhuah ngat ila chutiang lamah chuan khumtu kan nei hauh lovang tih tur khawp a nghal kan ni bawk…. Sir hotel hi a len em avangin kan vaiin Floor khatah zirtirtu te telin room kan in daih vek a ni.

Zanriah ei ala hun chiah lo bawk nen Sir Nitesh-an hotel min fankual pui dawn avangin kan inti fai vat vat a,,kan insiam nghal a,,kan room opposite ah Nicky-a te an awm a,,ka insiam zawh lamah an room en tura kal ka rawt a ka thiante hi chuan min aw pui lehnghal hmiah,,mahse hmeichhia zawk na na na chu kan lo insiam rei deuh bawk nen anmahni chu an rawn kal a,,ka khumah chuan Nicky-a chu a mu zangthal a,,Sir khan dar 6:00p.m ah a tih avangin hun ala awm tiin kan titi hlawm a,,kan nui leh nasa ngang mai….Nidang zawng aia Nicky-a harh vang lo leh tawng peih lo hian ka rilru a ti nuam chiah lo,, A chau viau anih ka ring ve ngawt a,,mahse Rel emaw motor takngial pawh a rui bawk silo,,thil kan ei pawn pangngai takin a ei ve zel a,, Guwahati kan thlen a rel kan chuan atang khan a zawi nghal viau ringawt a,,kan bengchheng em em lai pawh in a muhil deuh reng kha ania,,Sir pawh in an bula a hruaina chhan kha a ni tih ka hria,,Goa kan thlen thlengin a harh peih meuh lo chu a nia,,hetia a awm hian ka ngaih a ti tha viaulo bawk,,Zawt mah ila ,,”Ka tha lawm”tih bakin min chhang leh dawn chuanglo tih ka hriat avangin engmah ka zawt lemlo,, Kawngkhar a rawn in kik ri dat dat a,,Chhuah khawm a hun tih kan hrethiam nghal,,Thiante an chhuah sang sang hnu pawh chuan Nicky chu khumah a la mut zawi reng avang chuan a bulah kalin,,”Tho rawh an kal vek tawh ania,,” ka tih chuan a mit chu a rawn meng a,,”Ka lu hai…” ti supin a rawn thu chhuak ta tho a,,a chalah chuan ka kut chu ka dah vang vang a,,”Muan i khuasik nilo maw i pang a sa vur mai..” ka tih chuan a kut chuan a chal chu a dawm ve vung vung a,,Chutih lai chuan a jacket hak pawlduk ruih chu a zipper ka lo zip that sak mawlh mawlh a,,ka bag chhunga ka mafler var ken chu a nghawngah ka suih mawlh mawlh a,,min en reng thung,,ka suih zawh chuan ka in rin hma in ka hmuiah a rawn fawp zeuh a,,a nui suk a, ka nui ve tawp.

Kan room atanga chhuak in midang chu kan pawh ve vat a,,Sir Zuala bulah chuan kalin Nicky-an khawsik aneih thu ka sawi chuan a mitmeng a danglam nghal vek,, Nicky-a awmna lamah chuan hmanhmawh zetin a kal nghal a mak ka ti viau,, Nicky-a bul a thlen chuan a awmdan a zawt nghal mawlh mawlh a,, Sir Zuala hi hetiang in a chiai thin tih ka hrelo reng reng. Nachhawkna a in pek hnu chuan Hotel chu kan fang kual a,,hotel chhungah erawh kan bengchheng vak ngam lo an hotel hi a lian tham a,,3Star lai a ni bawk nen bengchheng chu a chi viau loh. Sir Zuala bulah zel Nicky-a nen chuan kan kal a,,Ka kutah a chelh tlat avangin ka thlah duh bik lo mahse zirtirtu te hmuh laia tianga awm chu ka inthiamlo ve reng. Mahse Amah Nicky ber la hian hrelo awm in a awm tlat sia ngaipawimawh lo angin ka awm ve tawp…. Hotel kan fang zo a,,Zanriah kan ei a,,zanin atan chuan chawlh a ni mai…. Zirtirtu te hriat lohvin kan room-ah Nicky-a te room nen Mizoram atanga kan ken Wai wai leh eng eng emaw kan bawl a,,Kan awmkhawm a,,Chhuatah kan thu bial thap a,,kan titi nak nak a,,Sir ten room an check tawh avangin kan hlauthawng viau lo,,midang pawh an awmkhawm ve tho chuan ka ring…. Dar10 a rik chuan mu turin mipa ho chu an pindanah an phei tham tham a,, Nicky-a chuan a bula riak turin min ti leh tlat tawh,,ka hnial viau a mahse a damsam lo nen tih dan a awm zel ti rilru in ka phei hna hna a,,Ka pyjama suit ka ha a,,zingah Sir te rawn kal thut mahse thiante zarah kan him dawn tih ka chiang em a hlauthawng pawh in ka awmlo…Single Bed vek a ni sia a te angreng viau a saisir zawng lo chuan mut pawh a mut hleithei loh a ni e.

A tukah Beach ah kan kal a, Nicky-a pawh a harh ve tawh viau mai thlalak buai in kan buai a nuam kan ti hle bawk,,Beach bula chaw dawrah zanriah kan ei a,,kan ri le lu hlawm a nuam ka ti fal thei hle…. Nicky-a erawh tlailamah chuan a harh peih lo leh viau tawh a,,Nga ti nge le a damloh reng mai le? Boruak vawt tan tawh vang hi mi le nge ni a thildang zawk le. A zanhnihna pawh an room-ah ka riak leh a,,ka Muttui thei lutuk hi buaithlak,,zingah zirtirtu ten kawngkhar an ranw tih rik in ka la tho ngai miah lo,,room chunga mipa pali awm te hian min thawh khalh ziah… Goa a kan ni hnuhnung ber tur a ni a,, Nicky-an vawihnih ngawt min kaitho tawh ka peih lo a vawt ka ti char char a,, rin loh tak maiin Sir Zuala a rawn lut kei ka biru hman tawh silo kan inhmachhawn ta ran mai,, kut kuangkuah meuh in min en run a sawi tur ka van teh e. “Lalhlupui hetah eng nge i tih??” a tih chuan min hmu ve reng lo mi ka mu tia chhan ka chak zia chu….Mahse chhang lovin ka ngawi reng a,, “Nicky-a nen in riak tlang a ni maw??” a tih chuan ka lu ka bu nghauh thung a hmu ve reng sia min zawh leh kher sual reuh mang nge. “Zirtirtu dangten in inngaizawng tih an hre vek a,,an mit a kham viau,chutih lai kara lo riah dun te chu in zak lawm ni??” a tih chuan ka ngawi reng a,, “Sir ka dam silova Amah lo hi chuan min buaipui thiam lova tumah hrilh lovin ka ko phei ta mai nih kha…” Nicky-a chuan a rawn ti vat a,,Sir chu a ngawi vung vung a,, “Lalhlupui mahni bialpa te room a riah hi i zak lo a mi a? Zirtirtu kan awm reng Nicky nangpawn keimah pawh min rawn koh mai tur alawm…” ati leh a,, “Sir khumah chuan ka unaupa ania,,Class-ah chuan ka best friend a ni bawk a kan inngaihzawnna hmun hi chu tlemte,” ka tum loh deuh in rang zetin ka chhang a, a tawpah ka tluk raih bawk.

Kan thian dangte chu nuih za insum zetin an lo kun ngar ngar a,,ka chhanna vang anih ka ring,,Sir chu ka en ngam log avangin ka kun ngal a,,Mahse kan rin loh deuh in Sir chu a rawn nui phuh ta thawt,,chutah zet zawng chulai room chhunga awm zawng zawng chu an nui chhuak ta hawk hawk a,,Kei la ka hawi buai nasa Nicky-a takngial pawh chu a nui vur vur a,,ka mitmeng in eng nge ka ti ha a,,min chhan hma in Sir chuan “Tete in inngaih zawnna chu engzat maw?” a rawn tih that leh chuan an nuih chhan ka hrethiam ta chiah. Lai deuh si thinrim ru deuh in an room chu ka chhuahsan nghal vang vang a, Mipa hi chu Zirtirtu te pawh nise an chimawm vek anih hi.

Hmun nuam tak tak kan fang kual leh a,,thlalakna hun pawh kan ngah leh narawh naktuk lamah chuan Mumbai kan pan tawh dawn a,,hetah hian ni 2 ka cham ve thung ang,,tun ang hian kan riak nuam tawh pawh in ka ringlo,, hmeichhia leh mipa a hranin kan awm dawn an tia mutbu kan kenna chhan pawh a ni reng chuan Kan haw tawh ang,,kal kawngah kan thang rei avangin a hmunah hi chuan kan awm rei vak hman lo… Kan awm tawp ber zan anih avangin Sir Nitesh-an Ama hovin an dinning hall ah zanriah tui hnai tak min buatsaih sak a,,hemi zan atan hian hall hi darkar 3 chhung hman theih lovin a dah nghe nghe,,Thla kan la a kan hlim hle mai,, a tu amah kan ni in ti buai lova tupawn camera hmet se tel ve a ni vek bawk a. Kan nui dar dar reng zel sectionB ho pawh an inti hrang tehchiam lo an class teacher Sir Rama leh Miss Ruati te pawh in nuam an ti ve hle tih a hriat. Sir Nitesh-a a ban hian pawl6 zirlai kan ni tawh hlawm a,, Function neih nikhua velah ka zai thin tih an hriat avangi Dinner kan ei zawh hian inthlah nan zai turin min ti leh tlat pek a,, Instrument la chu a nei tha phian lehnghal, Nicky,, Joseph leh Sangtea te nen dawhsan-ah chuan kan lawn a,, Dinning hall hi function neih nana an hman ve avang hian dawhsan a awm sa thlap a chutah chuan kan duh ang instrument pawh a awm thlap bawk. An rin loh deuh in Starlight Nicky-a hla duh ber ka sa daih a, kan class ho chuan an thiam deuh vek a chhan pawh class thil tih naah hian kan sa ziah alawm. Ka zai zawh chuan kut an ber dur dur a,,Sir Nitesh-a chuan hriatrengna thilpek kan vaiin min pe bawk a, Ka lawm fal leh bik. In a tar mawi nalh zet mai glass veka siam hi min pe a, ka khi leh reng ringawt.

A tukah chuan train in Mumbai lam kan pan ta a,,Rel chhungah te chuan Sir Nitesh-a thil min pek chu ka en reng a,,ka nui leh suk thin Nicky-a pawn min en sak leh zeuh thin a,,kan nuihpui nasa,,kan haw dawn khan Sir khan,, ” In inneih hunah Card ka dawn ve ngei ka beisei,,” a ti nih kha,, Nicky-a nena kan inkawmngeih zia leh kan inzui nasat zia hre tu ania Nicky-a la a thawh lai khan a duat bawk nen an titi dun khan kan inngaizawng tih a hrilh pawh a ni mahna. “Muan ka zung dawn…” tiin ka tho tharh a,,ka thilpek dawn chu ka keng leh hram… Ka zun zawh hnu chuan Jacinta-i leh a thiannu Sangi te pawnlamah an lo ding reng a kalpelh mai ka tum lai chuan Jacinta-i tawngkam avang chuan ka ding chawt a, “Naupan lai aṭanga mipa tel lova awm theilo, tenawm reuh lutuk.” a ṭawngkam chhuak ngeiawm zet avang chuan ka hawi let a,, “Unau kan ni best friend kan ni ti ve si inngaizawng leh daih, Sang lut hmasa teh a khawih hnu ka khawih duh lo ka ten riau ania,,” a tih leh chuan thinrim zetin ka pan hnai a, ka tum dan tak chuan a hnar ruh tliak vek khawp a hnek ka tum a ni.

Mahse eng nge thleng hi a hma ka thleng chiah tih in ka kuta ka thilpek dawn chu rawn ban vatin rel chhuatah chuan na zetin a vawm nghal pawp a, a keh darh nghal chuai chutah zet zawng ka insum thei ta bik lo a samah kek lawp in rel chhuatah chuan ka bawhbet nghal a, kan insual chu a ni der mai. A chunglama ṭang ka nih avangin vawikhat chu ka hnek hman hram, a beka a ni zawk a a vannei.

Tu emaw hian hneh zet hian min rawn pawm kang lawp a,,Chutih laiin David-an Jacinta-i pawh a chelh bet bawk,,min chelh bet tu awm reng chung chuan Jacinta-i chu ka ban leh hram a,,Ka thinrim lutuk chu ka tal nasa ngang bawk,,”Tawp nghal rawh u” rawn ti vin that tu avang chuan ka kut chu ka dah thla riai riai a,,Sir Zuala thinrim hmel zet ka hmuh rual chuan min chelh bettu chu Nicky-a a ni tih ka hre ve nghal….min kuah bet tlat danah ka thinrim bengdaih a tum tih ka hrethiam mai. “Eng nge a chhan? Engvanga in sual nge in nih?” Sir Zuala’n a tih ṭhat chuan ka ngawireng a Jacinta-i pawh a tawng chuang lo a thei thei hian min en a ni ringawt. Sangi chuan, “Sir, kan Jacinta-i nen hian zung turin kan kal a, kan ti ti pah a chuan Tetei hian kan tawng a hre sual nge engmah sawi lovin a thil ken khan Jacinta-i hi a vawm a chuan an insual nghal” a rawn tih chuan ka che lehnghal phat dawt chiang lutuk a min puh tu hi ka chhuah dawn lo reng reng…. Ka tal viau pawn min chelhbettu hi thaah ka hneh miau loh avangin ka tal chhuak theilo,,ka thinrim bawk si nen ka inthlah dul riai riai a,,ka mittui a rawn far fap thung…. “Thudik ka hria,,in thunun rawh” ka hriat tur tawk lekin a rawn sawi a,,ka mittui hru tur takngial pawn ka kut a dawm beh tlat avangin ka chesawn thei lo,,ka thaw deuh hawk hawk a,, “Kan haw hunah ka hrem ngei ang che chu in pathum khan zahthlak lutuk mipa zawk pawh in buaina an neih loh laia lo buai kha,” Sir chuan a ti sup a, kan ṭhutna lama kal tura min tih pawh chuan kei leh Nicky-a chu kan la inthlah lo.

Sir Zuala telin kan pathum chuan kan ding a,,Sir pawh chuan tih ngaihna vak min hre lo nge engmah a sawilo…. “Min thlah tawh rawh…” ka tih rual chuan muang chang hian min thlah a,,ka banah erawh a chelh run tho… “Sir hmeichhe buaina a inrawlh hi ka duh miah lova mahse Tetei hian chhan nei lovin thil a ti ngawt ngailo tih ka hria…” Nicky-a chuan a ti sup a,, Sir chuan,,” Um ka hria lawm,,Tete i gift kha i duh viau sia i vawm chhe tak tak em ni” a tih chuan ka hawi nghal ruai a akeh them tal hmuh ka in beisei a ni…ka zawn ang ngeiin Sir dinna hnunglamah chuan a keh lian ve deuh tak chu ka hmu a kun hniam vatin ka chhar nghal a,,Sir min biakna pawh chu chhang lovin ka thutna lamah ka kal daih…..Ka ngawi hmak a,,Miss Sangtei kan thutna bulah a rawn in sawn a,,min zilh malh malh na in eng nge a sawi pawh ka hrelo,, Nicky joseph leh Mawitei te nen Miss chu an titi a,,mahse an sawi ka hrelo ka rilru ah hian phuba tih chiah a awm,, Misual chuan misual vek a tawng anih loh chuan simna chang an hrelo. Tih chiah ka ngaihtuah…Min huat ber lai pawh in haw let duh lovin ka en liam mai mai a tunah chuan kei hmelma a min siam hi inchhir ngawih ngawih turin ka siam khawp ang…. “Mate hei ei rawh…” Nicky-a min biakna avang chuan ka ngaihtuahna atangin ka harh zawk…Ka lo muthlu zawk emaw ni,,Miss Sangtei alo awm tawh lova Sangtea leh Asawmi leh Agnes-i an rawn thu ve tawh thung ei tur an lo siam a,, Nicky-a chuan min pe ve a ka nui suk a,, Ka aw ka thian kharh a,, “Ka dik ni a hre zawng tan a ngaihthlak theih ang.

Thil Tenawm ka apply dawn ania” ka ti sap. Nicky-a nen kan inhauh tuma a tawngkam ka huat em em tenawm tih kha chimawm chhuah kan tum apiangin tawngkamah kan neih tawh a,,kan class chuan kan hrethiam vek bawk…. Ka tawng zawih tehreng nen Kan class ho chu kan thutna lamah an lo dak leh fur tawh…. “Mate a ngai lo,,Kal dawnah min tiam kha…” Nicky-an zaidam zawka a tih chuan,,lu ka thing nar nar a,,”Min tihbuai loh chuan ka ti reng alawm,,bul ka tan lova ka gift dawn kha ka vawm keh hek lo…” ka tih chuan kan thiante chu an rawn ri ve nghal mar mar a,, “Mumbai kan thlen hunah ka chet vawikhatna in hmuh hunah a duh ve apiang remchang apiangah ni mai” ka tih chuan an Ok dual a,,hei hi a ni kan class nawmna chu,, engkimah kan tangrual vek zel…. “Puii ka thu i awi dawn lo a mi??” kan thiante an kalsawn hnu chuan a lamah min kuai herin ka mita melh run in a ti zawi sup a,, “Hmanah chuan ka pawisawi tu chu i pawisawina an ti thin a,, tunah hian a tu zawk nge i tan han sawi teh??” Amah melh let in ka ti chang fak…. “I dik tih ka hriat avangin alawm Sir hnenah pawh ka sawi, chuvang chuan i inbeng daih a ngai a ni,” a tih chuan thawk ka la halh halh ringawt.

STARLIGHT -6

Mumbai kan thleng a,,Red Shield-ah innghat in sawi lawk angin mipa a hu hovin an riak a keini hmeichhia a hranin kan awm bawk a,,Chuan helai hmun a kan cham chhung ngei hian Jacinta-i leh a zawhte khawi Sangi khan ngaihdam min dil ngei bawk ang…Zanriah kan ei a,,Bus pahnih kan biak sa vangin zanah khawpui kan fang zuai dawn,,rei erawh anih hmelloh…..Kan insiam sang sang a,,A hu ho deuh a intifai angaih avangin kan buai nak nak viau mai,, Bathroom bulah kan ding a,, Jacinta-i,,Sangi leh midang pathum hmanhmawh deuh taka rawn kal chu ka lo en reng a,,kan dinna bul alo thlen dawn chuan an lam pana kalin Jacinta-i thlanglam bera kal chu ka ke in ka lo kalh zeuh a,,chhuatah chuan a bawk nghal thlawp a,,a te nghal that bawk….Miss Sangtei rawn lan rual chuan rang zeta thu hniam in,,”Ana em Jacinta,,i hmanhmawh lutuk anih kha,,”tiin ka kaitho a,,a din chhuah rual chuan ka chelhna a kut chu a thing thla nghal vak a,,Kan bulah miss a rawn thleng chawpchilh ve nghal a,, Miss hnenah chuan ka tum reng vanga kalh tlu angin min sawi a,, Ka tum a ka kalh chu a ni meuh mai mahse Anni chauh hi lemchang thiam an ni lo tih hi an hre mai aniang chu… “Miss ka kalh lo,,ka tanpui zawk anih kha midang pawh hian an hre vek ang chu….” ka tih chuan miss chuan ka rin ang ngeiin awm ve ho chu a zawt a,,Kan class awm ho chuan min tan chiang sa a,,Amah Jacinta-i kalpui te ber pawn ka thusawi ang chu an hmuhdan anih miau avangin sawi tur an hrelo…. Miss chuan dawtsawiah ngaiin a hau deuh zek a,, Miss Sangtei hi chu a tawngkam hi a na ve hrim hrim a,,a hauh nih pawh kan duh lo vek…. Miss a kal hnu chuan Jacinta-i chuan mittui tling piau hian rum zet hian min melh a,,ka khi sak ka thiante hian ka thil tih hi an hrethiam tih ka hria,,Chimawm kan chhuah dawn tih an an nghal vek,,kan class hovin kan chhuah meuh chuan tuna thil thleng hi an hre vek ang,,mipa chu an inrawlh ka ringlo mahse hmeichhia hi chu an tel vek dawn tih tuna miss bula an thusawi atang khan ka hrethiam nghal…. Kan in tifai zo a,,Kan insiam mawlh mawlh a,, Msi chuan Chewing gum hi a thial tuam tuam a,,a ham puar a a sehkeh leh zeuh thin…A sam hmawr chuna tuai vir sek a,,eng emaw a ti dawn tih ka hrethiam mai,,ka khi sak a,,ka sam chu ka tawn tha mawlh mawlh nghal a,,Cotton Jeans dum mar tah zet ha in,,Ankel boot uk,,flat ka bun a,,Half neck dum ha leh in ka inthun thlap a,,Belt butterfly buckle ka hreng a,,Ka kawr chungah chuan poncho sen lar tha zet chu ka bat tawp a,, Darthlalang awmlo mahse ka confi ve tawk… Thiante ho in eng eng emaw an inhnawih laiin kei chuan cream leh lipgloss ni leh tawp… Avon ka hriat atang phata ka hman thin Little Black Dress chu ka in spray zeuh a,,ka hman a ni leh tawh mai….Thiante insiam chu ka fiam nui awr awr a,,tumah hian rela thil thleng kha kan sawi chhuak tawh lo mahse ka ngawi dawn lo tih erawh kan class ho chuan an hre vek…. Sangi chuan a mitah eyeliner a hnawih mawlh mawlh a,, Mawtei chu melh zeuh in “chhuak rawh” ka ti sep a,, Kawngkhar lam pan chuan a kal nghal bawk… Sangi a kalpel fel chiah tih chuan,, “Mawiek i kawrlum i theihngilh,,”tiin Sangi zawnah chuan a jacket chu na zetin ka vawm ta a,,Ani inringlo nen a mithnawih laklawh bawk nen a luah a fuh a,, Mawitein inthiamlo hmel zeta a jacket a laksawn chuan a nui chhuak nghal hak a,,Sangi rawn hawi chhuak chu kan nui nghal vek,,a mithnawih a pherh mai bakah a thai rang nuai a,,Miss hnenah sawi a tum viau a,,a ngam chiah lo nge,,thinrim zet chuan a hrufai mawlh mawlh a,,a tireh chhung pawh a rei viau ang le…..A mit tifai chu Jacinta-i chuan a puih vat a,, kut kuangkuah a anmahni ka kalpel dawn chuan melh zeuh in,,”A bul tanna chauh anih kha dawt a min puh man hi a tam ania…” ka tih chuan min chhang lo…. Bus-ah chuan kan lut sang sang a,, hmeichhia leh mipa kan chuang hrang a,, Jacinta-i leh Sangi chu driver side-a pathumnaah chuan an thu tharh a,, Section B ho chu an ngawi chawi hle a,,keini erawh kan ze ngai te in kan ri chel chul a,,Aruati leh Msi chu Jacinta-i te thutna hnungah chiah chuan an thu ve bawk a,,Kei leh Mawitei erawh kawngkhar bulah kan thu a.

Bus a din ruala kan chhuk sap sap chuan Sangi leh Jacinta-i te chu an rawn rak chhuak nak nak a,,an tap deuh pur bawk a,,eng nge thleng tia kan hawi thap chuan an samah Chewing gum alo khai niai a,, “Tu tih nge??” tia Miss Ruatin min zawh dan dan chuan kan ngawi thap,,Msi Chewing gum thial ber chu a zawt a,a ringhlelh viau a ni mahna a zawt chik viau lehnghal,,mahse Msi chuan ka Chewing gum te chu hei ka la thial reng alawm a ti ve tlat bawk si,,a titu an hre leh lo ta phawt…..Thinrim eng ang mahse a ti tu an hriat miau loh avangin tihngaihna a awmlo.

Lungawilo leh mittui tling pam chuan Kan piaha mipa ho awmnaah chuan an kal hnak hnak a,,Keini ho pawh in mipa ho chu kan fin ve a,, Nicky-a chu ka bulah a rawn kal vat mahse hepa hi ka hua,,biak pawh ka be tha peih lo.

“Muanzual,,Pawisa min lo pe teh….” ka tih chuan ka tawng hre pha zawng zawng chuan min en nghal thap,,A hmingpum in ka koh an hre ngailo miau alawm,,Amah Nicky-a pawn mak ti hmel zetin min en a,,a meng deuh kawk in ka hria,,ka ngaipawimawh duhlo lui ngat a,,en pawh ka en tha peih lo…Pawisa dil chuan ka kut tipharh in ka dawh a,,mahse ka kutah chuan alo hum salh a,,laksawn ka tum pawh chuan a hmer nghet lutuk a ka la sawn theilo,,Ka hnek pawp dawn zawk a mi le? “Ka naute hi a ti tau rei dawn em??” ka beng bula a rawn tih sap chuan ka chhang lo,,a laka ka thinrimna hi ngawih bo mai ka tum tlat lova. Ka ngawi ngal a, min biakna pakhatmah ka chhang lo,,eng emaw kan lei dawnah ka duh ka la a pawisa a pe a,,min be lui char char na in ka chhang lo hrim hrim midang erawh ka be reng tho, ka kut a thlah duh miau loh avangin khawlaia kan awm chhung zawng ka kut a chelh a,,kal lam boruak vang nge haw lamah chuan Section in Bus-ah pawh kan chuang tawh.

Nicky-a pawh ka bulah a thu a,,ka la biak duh loh vang nge nuam ti vak lo hmel a pu a,chuan a chauh hmel tawp,,Bus chhungah pawh chuan a muthlu daih a,,ka darah a lu a nghat a, a lakah ka lung a awi lova ka thinrim viau,, mahse a bula ka awmlai reng pawh hian ka ngai ngawih ngawih a,,hla taka min kalsan tur ang mai a ka ngai thin hi a chhan pawh ka hrelo….Chuti chung chuan a laka ka thinrim chang hian ka lung hi a awi mai thei thin lo,,ka inthunun thei thlawt lo a ni,, mahse engpawh thleng se chiang taka ka hriat erawh Lalmuanzuala hi ka hmangaih satliah lova ka hmangaih takzet a ni. Kan riahna hmun kan thleng a, Bus atang chuan an chhuak sang sang a,, Nicky-a chuan ka dar la ngheng in a mutui viau a,, harhvang tak anih thin avangin a harh mai lo pawh chu a tider anih ringin ka dar ka ti che lui vak a mahse a harh mai siloh avangin che lovin ka thu reng a,, Joseph-an kal ang u tia min koh pawn ka lu ka bu zeuh a,,ka chesawn chuanglo….Midang an chhuah vek hnu chuan Nicky-a chu a biangah khawihin ka sawi che dat a,,a che deuh tual tual tih ka hriat chuan,,”Muan tho rawh le,,midang an chhuak vek tawh ania…”tiin ka kut chu ka la sawn a,,Ka dar atanga a lu la sawn in a hawi kual a,,tumah an awm tawh lo tih a hmuh chuan,,”Ehe tinge min Khaihthawh vat lova…kal ang le…” tiin a ding nghal a,,keipawh ka ding ve nghal tho,,tunhnai ti ila kan zin hma deuh atang khan Nicky-a awmdan hi a danglam riau a,,a hma zawng aiin a cool a,,a vun rawng la a dang deuh bawk a,,khawsik a nei leh thut thin nen ka ngaihtuah viau a,,zin lo mai tura min tih laia ka lo duhlo te kha ka inchhir lek lek zel mahse a khawsik a reh hnuah harh tha pangngai takin a awm ve leh mai bawk nen,, ka ngaih a tha ve leh mai zel bawk a,,mahse kan haw hun chuan in entir turin ka ti ngei ngei ang….. Zan mut hun anih chuan Nicky-an min kal tir hreh lutuk hmel kha ka ngaihtuah let a,,ka khawngaih reuh lutuk,,Kan riak hrang khat ve sia,,a huphurh deuh a ni mahna….Mutna siam saah chuan thenkhat an mu tawh a thenkhat an la titi a, a then playing card in an lo infiam bawk,,Miss te pawn an hau lem lo, boruak vawt tawh mahse riah khawm hi chuan muthilh te hi a harsa thin a,,Dar10 ah erawh mut vek tawh tur an ti thung…. Miss tui kan in insiak a tiin kan class ho card khel chuan an ti a, kan class ho leh miss te pawh chuan an en ve vek an nui dar dar a,,kan class a thawveng ve zet mai Kimtei chu tui suak turin a kal nalh a,, Kawngkhar atanga a rawn lut bucket a chanve dawn a tui awm chu a tlang atanga rawn chawi in Amah pawh a rawn nui lut nasa viau a,,Kan lo nuih nasa midang pawn Amah a te ve sia a bucket rawn chawi nen an lo nuih nasa ve tho mai…. Jacinta-i leh Sangi mutna zawn a thleng hma chuan a ding dat a,,Midang chuan an en tawh lemlo,,kei erawh in ka en chik viau,,a nuih sak a, “Awiii A nu” ti vakin Jacinta-i te lamah chuan a bucket chu a bun ta a, a chetdan chuan ka nuih a tih zat rualin a tilui nge a tlu tak tak tih pawh hriat lova Jacinta-i te thiandun a leih huh vek leh an mutna leh thawmhnaw thenkhat nen a thlasik khawvawh laia chutiang a a che chu a tuartu tan hian tihpalh pawh nise a thinrim thlak dawn lutuk.

Amah la chu chhutah a thu in a khup chu na tih hmel zetin a dawm vung vung bawk si,, Jacinta-i leh Sangi thinrim in hrosa ri nen chulaia awm zawng zawng chuan an rawn buaipui laih laih a,,Kimkim chu kaitho in ngaihdam a dil a khup dawmin a mittui a tling deuh piau a,,Miss te chuan thulai an rem na in Jacinta-i chu a lungawi thei ngang lo a ni mahna,,A sir atanga kut kuangkuah ata an mahni ka en chu,,”Nang ramhuainu vang vek anih hi….” tiin min rawn kawk ta siah mai,, A thinrim lutuk hmel ka hmuh chuan ka ner sak a,,ka chetsawn eih lo thung… “Nangnu hian in class ho fuih pawrh in kan pahnih lakah hian phuba in la anih kha,,” aw khur sai hlak hlak a tiin min rawn pan hnai chat chat a,,ka hlau ve mai siah. “Chutiang chuan engvangin nge ka tih ngawt ang?” Thamlo hmel fe a ka tih chuan,, “A chhan chu kha I thilpek Sir in duhsak bik taka a pek ka vawm chhiat sak vang che khan.” ring zeta a tih chuan ka khi sak a, a inpuang ta alawm, tih chiah ka rilruah a awm.

A au ring viau anih ka ring Mipa ho an lo awm thup a,,Sir Zuala thinrim zetin kan lam panin a rawn kal bawk Miss te pawh an thinrim tih ka hria mahse engvanga in rawlh miahlo nge an nih ka hrelo. “Jacinta eng nge i sawi a.” Sangin hlauhthawn hmel zeta a tih chuan Jacinta-i chu harh chhuak thut ni awm in a lang a,,Sir Zuala hmel a hmuh chuan a ngawi nghal dak… Pawnlamah Sir in an pahnih in a hruai chhuak a,,Miss Ruatin a zui bawk….Kan class mipa ho chuan an kut zungpui tipir vah in min chhuahsan hlawm a,, Section B mipa ho pawh phun nang nangin an chhuak bawk. Nicky-a erawh a chhuak ve mai lo, Miss Sangtei chuan, “Nicky hmeichhe room-ah hian i riak ve dawn a mi?” a tih chuan a zak chu a sen deuh ap ap a, midang ho chuan an nuih dar dar a, “Miss Khawngaih in Puii hi reilo te ka be lawk thei angem?” a tih chuan miss chu a hawi buai deuh a,,mahse keimah ka ni tih a hrechhuak leh thut nge, nui sak in, “Be rei lutuk lo la,” tiin nichin lawka tui buakna chu hmeichhe thenkhat ko in an tifai nghal a.

Kan zirtirtu te hi chu class-ah strick in inhmuam up thei viau mahse mi hriatthiamna neilo leh sual tak hi tumah an awm lo. Kan zin ho atang hian chu chu ka hrechiang lehzual bawk. “I tha em naute?” a tih chu lu ka bu nghauh a,,Kan riahna Kawngkhar bulah kan ding dun a,,min ngaihtuahna mitmeng ka hmuh khan ka thla a muang huai thei nia….A hma khan ka hlau tihna pawh a nilo mahse Nicky-a hmel ka hmuh hian thlamuan rukna riau hi ka nei ziah. “Tui kha i tih buak tir a nilo tiraw?” atih chuan ka lu bawk ka bu leh nghauh a, “Ṭawngka in min chhang ṭhin rawh ka tih kha.” atih chuan,”Ka tih tir a nilo mahse kan class chu i hriat kha.” ka tih chuan, “Umm, tupawn kan tan vek che tih i hre tawh a,,nang in ka ngaidam che i ti anih loh chuan School kan chhuahsan hma leh a hnu lehzel thlengin Jacinta-i leh Sangi te hi huat rawn an ni dawn a, zanin a an thiltih an sawi aṭang phei kha chuan an class pawn an kawmserh hial mai thei. Chu chu i hria tiraw??” a tih chuan ka lu bawk ka bu leh nghauh a,,a nui chhuak nghal hawk thung…”Umm ka hria.” ka ti tha ve leh mai a, “I hriat chuan a tha,,mi huat nih te midangte ensan nih te hi tuman kan duh lo, chuvang chuan rem tu zawk ni rawh aw.” atih chuan ka chhang lo, dik tak chuan zanin thil thleng kha chu Jacinta-i te kha ka khawngaih ve reng khua a vawt hi, mutna mumal pawh an nei dawnlo ania. “Ka naute fel deuh hi misual i nilo tih ka hria,,i ni ngai bawk lovang.” tiin a kut zungpui hian ka hmui alo khawih zeuh a,,ka khabe ah dawm in min kuai dak deuh a,,kan mit leh mit intawng in kan inmelh ran a,,ka hmuiah a rawn fawp zeuh chuan ka phu zawk,,a nui suk a, “Tui deuh in mu rawh aw.” tiin a kal nghal daih.

Ngawireng a ka din reng lai chuan ka bula khuh kharh thawm avang chuan ka harhchhuak thut a, ka hawi chuan Miss Sangtei, Sir Zuala leh Jacinta-i te thiandun chu an lo ding reng a,,nichina kan awmdan kha min hmu hman a ni chiang mai… Ka zak lutuk chu ka thlan a bawl nghal tawk tawk a,,ka biang a sa nghal hat hat bawk….Sir chuan Miss chu bia in a kalsawn nghal a,,kei erawh chetsawn nachang hre lovin ka ding reng thung…. Jacinta-i leh Sangi chu ka hmaah rawn kal in ka rin loh deuh in ngaihdam min dil a,,chhan nachhang pawh ka hrelo…ka ngawi reng a,,ka rilruah nichin lawka Nicky-a thusawi kha a rawn lang nghal zut zut a,,”Ka naute fel deuh hi misual i nilo tih ka hria,,i ni ngai bawk lovang…”a tih khan ka thluakah hian a tawp chat.

“Lokal ru kan bulah mu mai ru…in mutna a huh vek sia…” ka tih chuan Miss Sangtei pawh chu a nui sak a,,kan lut ta a,, Kan luh lai chuan an ngawi thap a,, Kan bula Jacinta-i te thiandun an mut ve tur thu ka sawi chuan Mawitei chuan mak ti hmel zetin min melh ngar ngar a,,chutah ka in rin hma in min kuah ta thut a,,a inhnit deuh faih bawk emg nge a hriat lehpek ni Drama Queen tak hi chu aw. Min kuahna a phelh chiah erawh kan class hmeichhe ho chu au deuh chel chuk in min rawn bawh thlu nghal nawk nawk a, an nui nge an sa rak pawh ka hrelo. Kan thawm hria in lehlama mipa ho an lo au ve chiam a,,Dik tak chuan Section B leh Zirtirtu te hi chuan kan awmdan hi an hrethiam lo mai thei,,mahse keini class chuan an hrethiam chiang alawm. Kan bengchheng lutuk tur chu Miss te chuan min khap ta vat a, Kan class in kungkaihna nghet zet hi a hria apiang mak tih leh fak hlawh a ni a,,heng zawng zawng thleng tura hma la tu Kan class Represent leh Ka bialpa Nicky-a ngei a ni. A tukah chuan hma takah tho in Mumbai kan fang dawn avang leh pawn lama chaw kan ei dawn avangin kan intifai sang sang a, Jacinta-i te mutna pawh kan pho a, Zan lam thil thlenglo ang hmak khan keini chu kan awm leh thei tawh. Section’B ho pawh hi kan awm ang hian an awm ve tho in ka hria, Jacinta-i te pawh in nuamlo an tih hlau in kan class ho chuan an ko sek a, an be bawrh bawrh a kan boruak pawh a nuam viau mai. Mumbai a kan awm tawpna a ni a,, Guwahati ah kan bazar leh anga kan haw tlang tawh dawn a ni. Kan haw dawn zanin Hotel lian zetah Zanriah kan ei chhuak a, nuam kan ti leh viau, School naupang zin kan nih avangin discount min pe a, Rooftop-ah niin candle light dinner ngat a kan kil a,,hetianga awm hi Nicky-a khan a chak thin anih kha,,a hmun kan thlen a, a mitmenga mak a tihna te a hlim hmel te kha,,Sir Zuala a melh zeuh a,,a nui var var a,,kei min melh leh in ka chal a tauh zauh a,, inngaizawng an awm ve nual avangin dawhkan kil dan turah pawh kan buai lo viau a ni.

Zanin erawh dawhkan khatah pali zel kan thu a,,keini pawh kan thian li in kan thu a,,zirtirtu te pawh an pali in dawhkan an kil a,,kan ei tur pawh a hranin kan ei lo,,kan boruak romantic vel lutuk te hi a nawmna ti zual tu a ni… “Ka hmangaih che” Mawitei leh Joseph-a te nena kan ti ti mawlh mawlh laia rawn ti suptu chu kan en nghal vat a,, Nicky-a hmela min duhna,,min hmangaihna leh min thlahlel tih hriat zeta min melh vawng vawng tu chu en in keipawn ka melh let vat a,,ka nui sak a, “Ka hmangaih che Lalhlupuii, ka damchhung hun leh thih hnu khawvel thlengin ka hmangaih ang che, hlim takin awm rawh aw, I hlimna hi ka tan a pawimawh ber a, I tah chuan helai hi a na thin ka tih kha,,engpawh thleng se engpawh tawng ila,,I ta ka nih fo dawn avangin Hlim ang che….” tiin ka a thutna atang chuan tho in ka hmaah chuan a rawn thingthi a,,Keimahni ho chauh awm kan ni a,,an vai mit chu kan pahnih chungah a fu a,, Nicky-a hian eng nge a tih leh dawn ka hrelo midang en a zak duh bik lovin Nicky chauh chu ka en ngar a,,Ka hmaah chuan Bawm nalh zet hi a rawn phawrh a,,Thi simple zet a locket a phengphehlep lian lemlo tak inkhai hi a awm a min awrh tir nghal bawk a,,Sir Zuala ngei chuan ding meuh in kut alo beng a,,hetiang taka zirtirtu ten min hrethiam hi mak ka tih viau rual in a nuam dangdai phian bawk si….an vaia kut an beng dar dar lai chuan Nicky-a hmel chu chiang zetin ka melh a,,a mittui a far fap ka hmuh chuan a chhan ka hrelo mahse kan hun tawn vang anih ringin ka kuah thlawp a,, Miss Sangtei kalsawn leh Sir Zualan a zui chu ka hmu hman zuai mahse chutiang ka buaipui hmanlo min kuahtu hi ka hmangaih ngawih ngawih a ni mai….. Guwahati kan thleng a,,kan bazar a keipawn kan chhungkaw kimin eng eng emaw ka lei leh teuh ka nu leh pa,,Nutei leh Patea thawmhnaw tur thlengin ka lei a,,Nathan leh Jeff pawh ka hawn nual,, Nicky-a pawh a tul a tilo chungin a thawmhnaw tur ka thlang teuh mai….Tlailamah chuan Nicky-a chu a awm a nuamlo leh a,,a pang ka khawih chuan a khuasik tih ka hria,,Sir Zuala hnenah chuan hrilhin damdawi a pe vat a,,Keimahni Bus hman khan kan haw tawh a,,zanah chuan Nicky-a khawsik a reh duh loh em avang chuan Bus Cabin-ah chuan kan pahnih in kan thu a,,ka malah mu in a ner leh sawk thin tih ka hria…. Shillong kan thlen lai chuan Nicky-a pawh a harh leh tawh viau a,,ngaihtha vak lo mah ila Amah chuan ka tha a tih tlat avangin kan seat pangngaiah kan thu leh a,, Zirtirtu te chuan an ngaihtuah hle a,,Kei erawh a bulah ka awm tawp a ngaihven vak dan ka hrelo…Thil ka ei apiangin tlem te tal tiin ka ei tir ve a,,tui a duh hunah ka pe tawp a,,Chutia damlo anga kan ngaih vek takah chuan tupawh chuan an ngaihtuah viau mai…..Ka dar ngheng in a muhil a,,ka kutah a kuttang rawlh in a muhil a,, Buaipui thiamlo viau mah Ka ngaihtuah takzet,,In thlen velah in entir ka rawt ngei ngei ang…. Aizawl thlen dawnah chuan ka lu a hai tiin Bus bangah chuan a uak nghal tuar a,,Mahse eng nge thleng hi,,a luak zo a rawn hawi chu ka au that,,Hepa hi thi in a luak tih ka hria mahse ngati nge thisen a luak chhuah mai le…. Sir chu ka ko chul a,,Amah Nicky-a chuan ka kut a hum tlat a,,mahse a tawng peihlo tih hriat zetin mit meng siar siar in min melh peih tawk a….Sir kan bul alo thlen chuan Driver hnenah chuan damdawiin hnai ber pan nghal turin a ti a,,Kei erawh tawng nachhang pawh ka hre lo,, Nicky-a kut chu ka hum let ve ran a,,Khua a var tawh a,,damdawiin kan thlen chuan Casualty-ah lutin min lo buaipui vat a,, Nicky-a kut chu thlah duh lo viau mah ila,,Room chhungah luh ve phalsak ka nih loh miau avangin ka phelh a, Miss Sangtei, Miss Ruati leh Mawitei te nen Nicky-a an nawr luhna Kawngkhar pawnah chuan kan lo awm a, Midang kha chu Damdawiin pawnlamah an awm anih ka ring. Engvanga khatianga awm kha nge anih? Nga ti nge? tih mawlh chuan ka rilru a luah a,,Miss Ruati chuan min tawng Thlamuan ve bawk mahse ka thla a muan phah chuanglo. Darkar chanve dawn a liam tawh ang tih in Ka U Sawmzuala hmel ka hmu hlol,,ka pan a ka kuah thlawp a, ka ṭap nghal hlawp hlawp a, U Robert-a, U chhana leh ULawma te pawh an lo kal bawk a. Engtin nge kan chanchin an hriat pawh ka hrelo. U Sawmzuala chuan ka luah chul hliau hliau in,,”A tha leh mai ang” tiin min hnem a dik tak chuan Miss te ai chuan ka unau te chu ka lo thla a muanpui zawk. Nicky-a chu room atang chuan an rawn nawr chhuak a,, Oxygen mask an vuah sak ka hmuh chuan mak ka ti hle a,,Thil thleng hi ka hrethiam lo. Ngati nge a harh loh?? A khua a sik hlek a nikhaw hre lovin a awm nghal ngawt a! Mahse engtin nge hetiang hi a nih theih?? Ani te chu mipa ah pawh mahni in uluk leh fit tak a ni a,,chuti mai a nikhaw hre lova a awm chu ka hrethiam lo takzet. ICU ah an dah dawn tia Doctor in a sawi lai te chuan a ngaihna ka hrelo tulh tulh.

Doctor chuan a room lama Ka u leh Sir Zuala a hruai lai chuan zui ve ka tum a,,mahse U Robert-an a phal lova,,Ka banah a chelh tlat. Hetih lai hian Miss Ruati leh Mawitei te erawh pawnah an chhuak tawh. Miss Sangtei chuan Nicky-a an nawrluhna lamah chuan min hruai a,,mahse kan chhuak leh vat a, Ka rilruah eng nge rawn lut ka hrelo tuma chelh hman lohvin rang zetin Doctor room chu ka pan thut a,,a pawn ka thlen a, “A cancer hian last Stage a thleng tawh” tih a sawi chu ka hre hman,, Doctor cabin Kawngkhar chu ka nam hawng nghal pawp a,,an pathum chuan min lo en thap a,, Usawmzuala mit sen rum chu ka melh nghal ngawt ngawt,,”Tu maw Cancer a??” ka tih chuan ka duh dan ni miah lovin ka mittui chu a luang nghal zung zung a,,Miss Sangtei chuan min rawn kuah vat a.

Doctor cabin atang chuan min kuah chhuak a,, Pawn kan thlen rual chuan Kan chhungte Ka nu ka pa,,nutei leh patea te hmel ka hmu nghal,, Ka hmel an hmuh rual chuan Nutei chu a tap chhuak hawk a,,ka pa leh patea chu doctor cabin lamah chuan an lut tlang nghal a,,engkim hi mumang ang vek ni mai in ka hria ka nu leh nutei chu an tawng lo hrim hrim… Doctor Cabin Kawngkhar a rawn in hawn rual chuan ka nu te chu an ding nghal a, Doctor chu a kalsawn a,,Ka pa chuan Sir Zuala bulah chuan lawmthu a sawi mawlh mawlh a,,Miss Sangtei chuan mittui hru zeuh in min kuahna atang chuan min thlah a,,Sir Zuala nen chuan min kalsan a,,Ka nu chuan min kuah lehnghal vatin ka bulah a rawn thu a,,Ka pa leh ka u te ho chuan Sir te kha an thlah dawn a ni mahna an chhuak ve a,, Usawmzuala,,ka nu leh nutei te chauh kan awm tawh.

Pawnlama thawm awm nawk nawk ri ah chuan ka hawi chhuak a, ka hmaa Joseph-a mit sen rama rawn ding chu URobert-a chuan a darah a chelh vat a,,Nurse lokal hnenah chuan an haw hmaa vawikhat chiah Nicky-a hmuh a dil a,,Ka pa chuan nurse chu eng eng emaw sawipui in ICU-ah chuan Joseph-a chu minute 5 hun i nei tiin an luh tir a,,kei erawh engmah ka ngaihtuah theilo, heng zawng zawng hi a hmaa mangchhia ka hmuh fo ang khan ka mumang anih ka la ring a,,Bus-ah khan Nicky-an min ngheng a min ngheng nasa lutuk a ka harh chhuak theilo mai mai anih ringin ka lu ka thing deuh nawk nawk a,, ka mumang vek a ni ka ti mawlh mawlh bawk a,, engmah hi ka hrethiam lo,, Nicky-an Cancer natna a nei maw? A englai nge cancer ang? A dam tha vek alawm Khawsik satliah mai mai lawm a neih, Cancer a nei lul lovang a theih loh…. Keini pahnih te chu Kumkhuaa awmdun tura Khuanu duan sa alawm kan nih. Mangchhia hi ka nei ve ziah,,tuna thil thleng pawh hi mangchhia bawk a ni ang,,Ka mittui pawh hi tiin ka mit chu ka nuai thuak a,,ka tah chuan Nicky-a thinlung a na thin chuvang chuan ka tap tur a nilo… Boruak ka hip kawk kawk a,,engkim a tha leh dawn alawm tiin ka inhrilh mawlh mawlh a,, Joseph-a ICU atanga mitmeng sen rama rawn chhuak lam chu pan in ka kuah thuak a,,ka nuih sak bawk.

Ka chetdan chu mak ti hmel takin min melh a,,”Engkim a tha leh dawn alawm Ka Giraffe hian tah a duh lo ania,,haw ula keini pawh kan lo haw ve vat dawn alawm” ka tih chuan Ka nu chu a inhnit nghal hlawp hlawp a… Tuman engmah an sawi tawh lo…. Kan School ho tlan liam tur chu kan thlah a,,an mit a sen ram hlawm a mahse kei erawh ka tap lo,,ka nui lui hram hram zawk. Bus saw tlan vat se ka duhna chhan pawh he mumang hrehawm lutuk atang hian harh vat ka in rin vang zawk a ni. Bus a kal liam chuan Ka pa leh Patea te chu an inbe mawlh mawlh a,, Ka u te pali hi in luah in Aizawlah hian an awm a,,Ulawma leh Uchhana te hi Class11 zirlai an nia URobert-a hi Bsc First year zirlai anih laiin Usawmzuala erawh Bcom Final year a zir thung.

Damdawiin chhung lamah chuan ka lut a,, Ka nu leh Nutei te thutna hmaa Thutthleng ah chuan ka thu a,,min biak pawh tum mahse ka chhang dawnlo tih an hrethiam a ni mahna min be lo hrim hrim….Darkar khat dawn kan thut hnu chuan Nurse hian “Damlo Nicky Lalmuanzuala chhungte in awm em??” a rawn tih chuan ka tho vat a,,”Tu nge Puii ?” a rawn ti nghal a “Keimah” tia ka chhan chuan min melh zawk in “a hmu duh che a”tiin room chhunglamah chuan a lut lehnghal a,,ka bag ah lai chu ka nu pe in ka sam ka tuai mam sawk sawk a,,Room chhungah chuan ka lut a nui hmel ka pu lui hram hram…. “Muan i harh em??” A khum bul ka thlen rual chuan ka ti nghal,,a rawn meng siar siar a,,a nui nghal suk. “Min ti mangang lutuk alawm. Mahse maw ka tap miah lo,,ka mittui tlem a tla a mahse ka tap lo tak tak,,Ka fel em??” Naupang chhia zetin ka ti nghal chul a,, harsa tih hmel zet hian a nui chhuak leh hawk a, A kutah chelh in ka melh kiau a,,A damlohna chungchang sawi kan duhlo ve ve tih kan mitmengah kan inhre tawn tawng ri lo mah ila kan mitmengah chuan kan inhnem tawn a,, Ṭah ka tum lova Amah ka hmangaih zia chauh hi ka mitah hian hmu se ka duh.

“Mahse min tan tihna a ni chuang a mi ?” ka thinrim leh ringawt tawh…. “Ka tan che engtik lai pawn ka tan che,,diklo zawk pawh ni la ka tan tho ang che mahse I rilru a phuba lak duhna kha ka duh lo…” Vin deuh that a atih chuan Joseph chuan a lo khap vat a,, Jacinta-i vang bawk in min vin leh ta. “Lalmuanzual a vawihnih nan Jacinta-i vangin min vin leh tih i hria em??” Amah melh ran chunga ka tih chuan a hmui a chip nghal hmak….Kan inbe tawh lo mahse tunah tak hian Nicky-a chungah pawh ka thinrim takzet…Ka thinrimna hi a reh leh mai mai in ka ring lo….Hepa hian kei aiin Jacinta-i lam atang ni a ka hriatna hian min ti na,,Keimaha thikna,,thinrimna leh natna te a ko chhuak vek. Saw nu saw a tan a hlu viau em ni zawk?

Conti…

Leave a Reply