You are currently viewing Starlight 9 – 11

Starlight 9 – 11

Spread the love

STARLIGHT -9

( Jonsmely Bawitlung ) Kum a thar a,,kan u te pawh Aizawl lamah an let leh tawh a,,keini pahnih pawh kan theih ang angin exam turin kan inbuatsaih ve a,, Study camp an nei a,, mahse keini erawh kan lut ve thei silova hetia kan theih ang anga zir hi ni mai,,Kum a thar rual erawh in Nicky-a na a chhuak zing a,,lehkha zir miah lo leh mittui nena zan hun kan hman a tam ta,,A na a chhuah chang a min melh tawk tawk thin te,,ka kut chelh a khum a mittui tla khawp a a inseh ruh ngawng ngawng chang te hian hrehawm ka ti lutuk leh ka thinlung na lutuk hi awmngaihna ka hrelo thin,, damdawiin a chhawk a atawng theih hmasak ber hian a nat laia a bula awmlo turin min ti ziah bawk a,,mahse a nat tak tak chuan a mitin min zawng a ka kutah a chelh tlat thung thin si…. Heti taka inthlahlel leh in hmangaih hi ti nge kan chungah hetiang hi a thlen bik le?? tiin ka ngaihtuah fo a,,mahse Ka ngaihtuahna hria ni awm taka vawi tam tak min hrilh thin “kan duhdanin engkim a thleng vek lova kan duh loh dan in kan chungah a thleng vek kher lo” tih thu hi Amah Nicky-a hian min hrilh leh thin,,mahse ka vui ve thin a ni,,a tellova awm ka zuam lova Kum15 chhung chauh chu ka la kham lo a ni,,Ka damchhung a abula awm hi ka duh, Kumkhuaa ka ta ni turin ka duh a,,Ka hmangaih nen hian thawnthu sei tak kan tu leh faten an sawi ban theih loh tur neih ka duh a,,Zing ka thawh vela ka hmuh hmasak ber leh ka mut dawn a Muttui ka tih atan hian Ani lo chu duh dang ka nei silo a ni….. Exam kan tan a,,Ka pa in kan motor in exam centre ah min thlah ziah a,,Haw lamah erawh patean min lo lam ziah thung…. Nicky-a erawh a chau viau tawh a,,mahse hmel hmuh hrehawm in a awm ngailo keimah zawk hi ka tum viau pawn nuih luih har ka ti a ni,,Mipa taksa nalh tak thin kha a cher thiak a,,Hmeltha tak ni thin kha tunah chuan a hmelah ti nung hmuh tur a awm tawh meuh lo…Kan thiante hian theih ang angin min tih hlim an tum thin a,,kei ang em chuan na ve lo mahse an thianpa He school an kal chunga Hero tia an koh ngat Cancer nunrawng takin a ei ral mek avang hian an na a,,Harsa ti takin an nui ve hram hram zawk a ni si a….. Exam zawh ni a ni a,,Sir Zuala leh Sir Rama te nen Class10 zawng zawng chu restaurant pakhatah kan chawl a,,Patea kan hrilh lawk avangin harsatna kan nei anih loh chuan keimahni in kan haw dawn a,, Harsatna a awm anih pawh in Sir te pahnih chuan min buaipui an inhuam zia thu an sawi ve bawk a,,dawrah chuan kan ri deuh laih laih a,, Section B ho nen pawh hian kan inpawh tawh viau a,, Jacinta-i pawn Nicky-a hi a khawngaih fal,,a kumhlun star kha a ni hrim hrim a,,a awmdan engkim hi a melh leh vung vung thin bawk….. Sir Zuala kan exam tawh na leh lehkha tha taka kan zir avang te in lawmthu sawi angreng leh duhsakna te min hlan pah in thu a sawi a,, Nicky-a pawh a bik takin duhsakna a hlan a,,thu a sawi zawh chuan kut kan beng dar dar a,,hun remchang a awm hlek chuan ka kut hi a chelh reng thin…A chang chuan ka thil ei lai te hian ka kut hi alo vuan leh chawt thin a,, chutiang a atih chuan nui var var in ka kut a hum tawh hi ka lo hum let ve vat thin bawk…. Hetianga a tih hian a hlim thu leh a thla a muan thu a sawi miau a….Hun hlimawm tak kan hmang a,,Kan inthen darh dawn chuan tupawh chuan Nicky-a chu dam tura an duh thu leh hlim reng turin duhsakna an hlan sap sap a,, Joseph-a leh Mawitei te’n min thlah an duh viau na in kan pahnih a awm kan duh thu kan sawi avangin zan lama len intiamin min kalsan ta a,,kan pahnih chuan inkai rialin kan In lam chu kan pan a,,a ngai te bawkin Kawngkawi a,, thingkung hnuaiah chuan kan thu dun a,,A darah ka lu ka nghat a,,Kan kut pahnih inchelh riai in ngawi rengin kan hmalam tlang leh khaw thenawm lo lang chu kan thlir dun a… “Ilo pian ve avang hian ka lawm e…” a ti sup a… Ka lu chu la sawn in Amah chu ka en a,, “Kum 15 chhung ka thian,,ka nau duat leh ka bialnu i nih avang pawh in ka lawm lutuk” a tih chuan a mitah mittui a tling kiau a,,keipawh ka bang bik lo…. “Keipawh ka lawm e o” ka tih rualin ka mittui chu a luang ngiai ngiai a,,A kut hit thlar chuan ka biang chu dawm in ka mittui chu a hrufai a….”I mittui hian ka thinlung a ti na thin ka tih kha…” a tih chuan ka in sut hraih a,, “Hlim taka i nuih hian ka hlim thin a,,I nuih zawnga i taksa zawng zawng danglam thin hian min tidanglam ve thin asin…. Lehkha i zit peih lo dawhkana i mut nguai chang hian i lawmawm thin….” ka nui ri hak a,,”Ka thu i hnial changa ka tih luih thin nachhan che hi maw,,i ti peih lo leh ning chung chunga thil i tih a i ner nang zel hi hmuh nuam ka ti a,,ka chhaih che a i huat thu ka sawi chang a min ngei tak tak miah silova ngei hmel zet a min melh rum al te,,i lei chhuah a ka hnung a i rawn tlan chang te hian ka chhungril hi a hlim veng veng a,,Ani hi ka ta a ni a ka ta chauh a ni ang ka ti thin” a thaw hawk a,,”I tahna thlentu che hi nih ka duh ngai lova,,tih nat che hi ka duh ngai lo asin,,Ka theih tawka tama duat che a ka hmangaihna zawng zawng hi pek vek che a,,nang in kan fate hmangaih ve chauh tur che hian ka duh thin che…..Mahse…..” a kun lap a,,a mittui far ka hmuh chuan ka tah chhuah loh nan ka hmui ka pet fan fan a,,ka kut a humna a ti nghet sauh a,,”Mahse keimah ngei hian na in ka siam che a,,i mittui tlak tir duh ngailo tu.hian ka ti tap che a,,i nui hmel hmu reng duh tu hian I nuihna phena i lungngaihna ka hmuh a ngai mahse chu lungngaihna thlentu pawh keimah bawk a ni si,, Mate ka tihpalh aw min ngaidam rawh aw….”A tap chhuak hawk a,, keipawh ka insum thei tawh lo ka inhnit nghal hlawp hlawp a,,min rawn pawm chawt a,,thinlung na tawp in kan tap dun hlawp hlawp a,,kan na a ni…A bak in kan nat dan hi ka sawifiah thiam lo a na em a ni,,Ka hmangaih hi a thi mek a atan engmah ka ti thei silova.. “Min ngaidam rawh hmangaihna tawp lo pek che ka duh a,, Hmeichhia zawng zawng thik khawp a duat che hi ka duh asin…Zing tin i muhil thlir che a,,i mut dawna Muttui aw tia i chala fawh ziah che pawh ka duh asin mahse chung zawng zawng chu ka ti thei dawn silo ka tihpalh aw,,Ka elephant duhawmte min ngaidam rawh aw…..” a tih leh chuan tap tiau chung hian sawi tawh lo turin ka ngen a,,Ka na lutuk hi ka a thei mai dawn in ka hria…..Ka hmangaih hi a kal ka phal lova ka phal ngai dawn lo….. Rei tawk tak kan tah dun hnu chuan insum thei zawkah a tang leh tawh…..A hmai chu tuai thuak in ka mittui chu a rawmawl chuan a hru nghal mawlh mawlh a,,”Sawi ve rawh vawiin hian i lungngaihna a ni emaw i lawmna leh min duh ve na pawh ka hre vek duh” a ti sup a,,a nui lui sak a,,a ha uingho sei tha zet vampire i ang ka tih ziahna mahse a nui hmel ti tha tu ni tlat si chu a rawn lang a…La inhnit hlap hlap chung chuan a ha zawn chu ka kawk a,,a mithmul a kan ak a…. “I nuih zawng a i ha uingho lang,, Vampire ka tih fo na chhan che kha ka awt hle tih i hria em??” ka tih chuan a nui ri nghal hawk a,, “Ngeiawm taka min fiam chang hian ka haw hle thin che a mahse rei tak ka haw theilo che,,I thu thu a min awmtir chang hian hnek pawp che ka chak thin mahse i aw ka awmdan tidanglam thei khawp a zaidam leh Pa ru bawk si avang hian ka hnek hi i pumpelh fo a,,He i aw zaidam lutuk avang hian keimaha Vocano te hi Vur khalhah an chang zo thin….”Ka tih chuan chimawm zeta min melh in ka chalah a fawp zeuh a,, “Khatianga min fawh khan ka famkim thin asin,,midang zawng zawng aia hmasa i nuna min dag te,,midang te hriata ka hlutzia min hrilh changte hian ka chhungril hi a hlim veng veng thin…Sual ka chhuah changa ngawi renga min kuah bet te ka thinrim ti dai tura ka lam i tan thu i sawi ringawt te,,I ta ka nih zia i tih lan te hian ka hlim avang hian awmdan ka thiam thin lo….I thil tih tereuh pawh hriat vek ka duh a,,kumkhuaa ka bula awm tura ka duh nangmah chauh hi i ni asin…Kan inneih huna ka kawr hak tur mawi lutuk te i kawr hak tur thleng in ka suangtuah a,,I vang chauh in asin lehkha pawh tha deuh in ka zir….”Mittui la tling piau a ka tih chuan mak ti hmel zetin min melh a,,”A ni lawm Ka pasal lehkhathiam leh hmeltha bawk si hian midang min melh san daih ka hlau a,,a tlukpui ni pha lo mah ila nupui zahpuiawm tak nih ka duhloh vang chauh a lehkha hi zir ka ni….”ka tih chuan min kuah nghal vawng vawng a,mahse min kuah rei lovin a inla hrang lehnghal vat a,,”Keimah vang chauh a thinrim thin tia an sawi che hian nuam ka ti a,,Mi zawng zawngin Hero an tih che hian ka chhuang thin che asin…Ka duh che i engkim hi ka duh a,,lei i chhuah pah a ka hmaa ka man hman lohva i tlan te,,Kut ka thlak chang che a i nui lui vak vak te,,I thinrim laia Davida i hnek pawh khan pa ka ti lutuk che chuan Joseph-an i bianga a fawh lai che pawn i landan cute zet avang khan ka duh tho che asin,,”Ka tih chuan keimah zawk ka tah nuih hawk a,,a hmel en turin ka hawi chhuak ngam tawh lo…..A vawithum nan a awmahin kuah leh a,,min kuah nghet takzet ka tap tha leh a,,”Ka hmangaih che asin,,engtiang pawn awm la ka hriatthiam dan leh ka theih ve dan zawng zawng hian ka hmangaih che asin,, Nicky Lalmuanzuala hi misual rual pawl hotu pawh ni mah la ka hmangaih tho ang che….” ka tap ring tak tak tawh….. Nun hi avan fairlo tak em!!kan nun hi a fair hlollo Kum15 chauh hi a tlem lutuk,,Mite pawn kum100 hial an dam a,,Kum 100 em ka phut lo mahse tlem te tal ka duh belh a ni,,Biak In a mokawr fual ka hak hun thleng tal ka duh belh a ni,, Inneih thutiam tal neih hman ka duh asin,, mahse chu hun pawh chu pek kan ni ve silo,,ka suangtuahna zawng zawng neitu hi ka damchhung huna ka ta ni turin ka duh asin mahse chung zawng zawng chu ka tana Pathian ruat a ni ve lova ka hmangaih hi min laksak mek chu a ni si a…. Ka tap bang hleithei lova,, Nicky-a chuan min kuah reng chung hian ka sam a chul hliau hliau a diktak chuan Amah pawh hi a tap tawp thei biklo.. Darkar engzat chiah nge kan thut ka hrelo ka hawi chhuah chuan khua alo thim der tawh a,,Kan bulah chuan Patea alo ding reng bawk… Kan chanchin an hre bawk silo Inah kan haw mai bawk siloh avang chuan min ngaihtuah a min lo zawng alo ania,,Mahse kan awmdan avang chuan min tibuai duh lovin kan bulah alo awm ve reng zawk a lo ni…Ka sawi hmaih kan exam lai khan Ulawma leh Uchhana te an exam zo an lo haw a,, URobert-a leh U Sawmzuala erawh exam turin an inbuatsaih ve mek thung….In kan thleng a,,Ka thawmhnaw ka thlak a,,Ka inbual nghal a,,Zanin hian Nicky te In lamah chaw kan eikhawm leh dawn a,,Pawnlamah Nicky-an min nghak a,,rei tak inbual hman pawh ka nilo…. Thawmhnaw inbel sa thlap in ka chhuak a,, Nicky-a chu ka dawhkan bula chair ah chuan a thu a thawmhnaw ka ha thlap tih a hmuh chuan,,mit ti zim sun in min en a,,”Enge..” ka ti nghek…A nui ri hawk hawk chu pan in ka pum zawnah ka kuah a,,Ani pawn ka awmdan chu hrethiam takin min kuah let ve a,,rei in kuah lovin kan inthlah a,,a hmaah chuan ka thingthi a,,A mitah chiang zeta melh in,,”I mitmeng mawi zia hi ka hrilh tawh che em??” ka tih chuan a lu a thing zeuh a,,”I mitmeng hi a mawi lutuk chuan a pa hle bawk..”ka ti sap a,,min melh reng avang chuan ka tawng zawm leh a,,”Ka lak atang hian tumah in an lak hran che ka phallo ka chelh tlat dawn che,,He Cancer natna pawh hian min then hran ka phal ngai lovang…” ka ti chhuak hak a,,Ka mittui bawk a luang leh ta,,a vawikhat nan ka kâ atangin a natna ka sawi chhuak a mahse chu chuan min ti na zual em em si….A malah ka lu ka nghat a,,ka mittui luang chu hrukfai pawh ka tum lo…. Zanriah kan kil lai chuan ka pa leh patean fiamthu te sawiin an nui ho leh dar dar thin a,, Nicky-a chu ka dinglamah a thu a,,an nuih dar dar lai chuan ka mal rawn hmer salh tu avang chuan ka phu zawk a,, Nicky-a lam ka hawi chuan mawi lutuk tak mai a nui in,, mit meng de sawr hian min lo melh a… Khatiang khawpa a nui mawi leh a hmelthat hi ka la hmu lo,,Mipa hmeltha leh engkim tha veka ka hmuh thin chu a ni ngei mai,, Perfect ti hiala ka koh a ni,,mahse tunhma zawng zawng a alandan leh tuna a landan hi chu a danglam hlak,,ka sawifiah thiamloh khawp a danglam leh tha a ni…Van Angel te pawh hei ai chuan an tha bik tawp lo’ng nge….. Zanriah kan eikham a,,chhungkua in kan inkawm a kan hlim tlang dar dar viau,, Joseph-a leh Mawitei bakah thian dang te an rawn kal nual bawk,,Zan dar9:00p.m a ri tawh a,, Nicky-a nen chuan an Sofa ah chuan kan thu dun a,,min ngheng in kan kut pawh kan in chelh leh reng tawh eng eng emaw sawi a kan nuih dar dar lai chuan ka kut rawn hum nghet salh tu chu ka en nghal vat a,,ka awmdan a danglam nghal vek…. Nicky-a chu thlan in alo bual huh leh vek tawh a,,a mitmeng a phi chiai a,,Nutei leh Patea chu ka ko vat a,,Ka nu leh pa te an rawn thlen hnu chuan damdawiin an chiu a,,mahse darkar chanve a liam hnu pawn a chhawk ta hauh lo,,kan thiante ho chuan ngawi rengin Nicky-a chu an thlir thap a,,kan thutnaah khan a hnunglam atanga kuah in kan thu a,,na a tih em avangin a rum chhuak leh hak thin… Ka kuah lai reng chuan a zawi riai riai a,,an ri nghal huk a,,eng eng emaw an sawi bawk a mahse Ka pa thusawi takngial pawh hriat mumal ka neilo…. Damdawi In lamah kan inphur tih leh Doctor in Nicky-a chu Nikhaw hre lova a awm thu leh hun tam a neih tawh loh thu a sawi te chu ka mang hriat ruai a,,chimbuai phal anih loh avangin pawnah kan ding thap a,,Mahse ka pa hi medical lama thawk anih ve avang hian Doctor chu bia in Nicky-a an muttirna room chungah chuan min luh tir a,,Nurse pakhat a duty ve reng bawk a,, Nicky-a engmah hre lova khuma mu chu ka en reng a,,biak dan tur takngial pawh ka hre lo….A bulah chuan thu in a kutah chuan ka chelh a,, ka en tlawk tlawk tawp ka ngaihtuahna a bing mup mup a,,min kalsan mai loh nan ka tawngtai a,,Mahse chham tur takngial pawh ka hrechuang lo….Ka chhungte leh kan thiante an lo inluh chhawk deuh sek a,,Mahse tumah ka be lova tumah in min be bawk hek lo,, Joseph-a erawh a chhuah dawnah ka darah a kut rawn nghatin a hmer vawng vawng a,,min chhuahsan a,,Zinglam dar1:00a.m a rik chuan Nicky-a chu a che hrut a,,ka tho kang nghal vat…A rawn meng siar siar a,,A hmai zawnah chuan kun hniam nghal vatin,,”Giraffe” ka ti nghal sap….Doctor a rawn lut a,,a enfiah a engmah a sawi lo,,Nurse pahnih an awm tawh avangin pakhat chu a chhuak a,,pawnlama awm kan chhungte leh Joseph-a leh Mawitei te an lo lut a,, Nicky-a chuan a melh kual dan dan a,, A nui lui suk a,,a hmui phun supah chuan ka kun hniam vat a,,ka beng ka dawh nghal a,, “ka fawp duh che” a tih chuan midang awm ve avangin ka zaklo,,kun hniam in ka fawp vawng vawng a,,ka thlah hnu chuan a nui leh a keipawh in harsa ti zetin ka nuih ve bawk,,”Mate min kal tir tawh rawh” a tih chuan,,ka lu ka thing nar nar a,,ka phal lo,,ka phal hlollo a ni,,A hmel ka en a,,a mittui luang ngiai ngiai chu hruk sak ka tum lo,,Keipawh in ka mittui ka dang thei bik silova,,”Ka hmangaih lutuk che” a tih chuan a chalah ka chal nghatin,,”Keipawh in ka hmangaih lutuk che” tiin a chalah chuan ka fawp ta vang vang a…A kut ka vawnna zawi nghal hnawk te chu ka hre reng mahse ka thlah phal thlawt lo,,Ka nu leh Nutei chu an tap rawi rawi a,,Mawitei pawh a ri meuh in a tap chhuak a,,a theih loh ka la phallo asin,,ka hmangaih hian min kalsan hi ka la duh lo,, a bula zan hun hman a hla ngaihthlak te ka la chak asin,,A ruala dawhkan kil a a ei tur min pek te ka la thlahlel a,, chimawm taka min fiam chang a a hnunga tlan te ka la chak…. Hmeichhe tam tak zinga a bialnu ka nih avanga inti taka a kut kaia khawlai kal te ka la duh a,,Amah nen a zai dun te pawh ka la duh…Min kalsan suh ka ti a ka duhthusam leh ka chak zawng apiang min tih sak min tiamtu hian nga ti nge tuna ka ngen ngawih ngawih hi min tih sak theih loh..Ka lak atanga kalbo lo tura ka ngen ngawih ngawih engvanga min tih sak duh miah lo nge anih….. Nicky-a kan haw pui lai chuan a kut ka chelh tlat a,,a rawn thawh leh mai ringin a bulah ka thu tlat bawk a,,ka laka a chimawm thin em avangin min fiam mai mai anih ka ring….Ani te chuan ka rilru tihah phawt hi nuam a ti lawm,,min ti thinrim a min thlem leh hi nuam a ti lawm….Ka thinrim hian lawmawm min ti a,,chuvang chuan min fiam mai mai aniang… “Giraffe tho tawh rawh khua a var dawn ania,,ka thawh khalh ngai miah lo che mahse tukin chu nang aiin ka tho hma ania,,ka chalah fawp in ka hmeltha i tih thu te kha i sawi leh dawn lo em ni??Misual boss pawh ni mah la ka hmangaih tho ang che ka tih kha,, i lakah ka thinrim tawh miah lovang..Fel deuh in ka awm tawh ang mawh Nicky tho rawh,,I thu ka awi ziah a ka thu awi ve rawh mawhh….Ka duhthusam engkim tih hlawhtling i duh kha ka hlimna chauh min tiam a ni lawm ni….Lalmuanzual i sual lutuk tho rawh” Ka tap ri nghal hrawih a,,Ka chhungril na lutuk avang chuan ka awm ka dawm ngawt ngawt a,,Ka mitsulh a engmah ka hre zawm tawh lo….. Ka harh leh chuan Miss Sangtei,,Mawitei leh Jacinta-i ten ka room-ah min lo awmpui a,,Ka hawi a ruai a,,mahse thil thleng te leh pawnlam atanga zai ri te chuan thil thleng engkim min rawn hrilh nawn leh a,,khang zawng zawng kha ka mumang ni lovin a tak tak vek a ni…. Nicky-an mumang ramah nilo min kalsan a ni…”Miss Nicky-a ko rawh” ka tap nghal tiau a,,Miss Sangtei chuan min kuah nghal thlawp a,,Ka aw rawl tawp in ka au a ka tap chhuak a mahse a na a reh lo a na em a ni…… Ka thawmhnaw Mawitein min thlaksak lai pawh ka hre mumal lo,, Miss Sangtei chuan,, “Tete chhel taka i awm angai…Lokal rawh le” tia Nicky-a te in lam min panpui a,,Mihring tam tak thu te chu ka en a,,mumang a nilo tih ka chiang tulh tulh mai si… Inchhung kan lut a,,Nutei leh Ka nu an chhungkhat leh ka unaute leh thiantha ten Nicky-a chu an lo thut hual thap a,,a hmel ka hmuh leh rual chuan theihtawp chhuah in ka nui lui a,,ka tap lai hmu duh ngailo tu leh ka mittui tla hmu thei miah lo tu a ni….Amah hnai takah ka thu a,,a kut bawk chu ka chelh lehnghal a,,mahse lumna reng reng a nei tawh lo…. Duhthusam tam tak kan nei a,,Hmalam hun thui tak kan thlir dun a,,Hlim takin min nuih tir thin bawk a,,Keipawh hian tawp chin nei lova hmangaih a mipa zawng zawng te thik tham khawp a ka hmangaihna lantir hi ka duh asin,, Mahse chung zawng zawng chu duhthusam tak ram chang ngailo tur mai an ni si….Ani nena kan thil lo tih tawh a te ber atanga a lian ber thlengin ka chhui kir a,,A thusawi tam tak te ka ngaihtuah let a,,engtik lai pawh a ka awrh reng thin ka thi chu ka khawih a,,Kha zan te khan a chak em em thin ka suangtuahna ni bawk ka ti dun anih kha… Rilru in ar bo a zawng a,,Mang hi a va ang tak em!!! Vawikhat tal a aw hriat leh ka chak a,, Min duatna awka ngaihthlak leh mawlh kha a ni ka thlakhleh chu…Zana zanriah kan kil laia A nui hmel tha lutuk kha mitthlaah a rawn lang a,,Amah ka en a nunna nei tawh lo tih hriat takin a mit a chhing tlat bawk si…. Aw Van mite u min han tanpui hram teh u ka hmangaih hi ka hnen in rawn kal tir phal tawh ngang lo anih pawh in A hnenah tal khan min hruai ve teh u,,A tellova hringnun zawh hi ka zuam mawlh lo a ni,,a tello chuan ke ka pen thei lova kawi khat lek pawh ka kal thei bawk silo a…Ka hmangaih kha ka bula a awm a aw ka hriat lai pawh in ka ngai reng thin a engtin nge vawikhatmah a aw hre leh tawh ngailo turin kei hi ka dam theih tehlul ang ni…. Kan class hovin Amah thlah nana hla an rem te chuan tumah tap lo reng an awm lo,, Ka Nicky-a hi chu Pathian pawh in Perfect a asiam awmchhun a ni miau a,,Amah ui a thlah liam tu pawh mi tam tak an rawn kal khawm a,,Tupawh in ui tak leh ngai takin a ni an thlah liam ni mahse kei hian Mangtha tih thumal hi ka sawi theilo,,Ni e ka sawi thei miau lo a ni,,Mangtha ka tih chuan engtikah mah kir leh tawh dawn lova kan inthlah hlenna tur a nih miau avangin ka sawi thei lo ka Nicky-a hian min kalsan a duh bik reng renglo tih ka hria keiin Kal ka phalloh ang chiah hian…Ka hmangaih hi ka nun atanga chhuak turin ka duh lova ka duh ngai dawn heklo….A damchhung hunah ka ta a ni a,,a ta pawh ka ni kumkhua tawh ang….Thih hnu khawvelah chuan natna leh lungngaihna te a awm tawh lova nga,,Tahna leh hrehawm tawrhna te pawh a awm tawh hek lovang,, Nicky na leh tawh ngai lo tur leh tap tawh lo turin min kalsan ta a,,Mahse maw chu hmun ka rawn thlen hunah erawh min lo hmuak ngei ang che,,i kutah chelh a vanram Kawngkhar kalpel ka duh ngei dawn si a,, Ka chala fawpa min hmangaih thu min hrilh leh hun tur ka lo nghak reng ang… Khang thil thleng zawng zawng kha Kum 10 lai a liam ta,,mahse Nicky Lalmuanzuala erawh nikhat a darkar 24 chhung hian vawikhat tê mah ka thinlung hian a theihngilh ngai lova,,Ka duhthusam engkim min tihhlawhtlin sak tum thin tu duhthusam ang ngeiin tunah chuan Aizawl khawpuiah ngei College Lecturer ka ni ve ta,,mahse heng zawng zawng hi Amah Nicky-a vang chauh a ni si a,,he thlanlung mawi taka ker hian ka hmangaih Lalmuanzuala chu helai hmunah hian a zal ngei a ni tih min hrilh nawn a,,Hmun hla taka ka awm chang pawh in he hmun tlawh tur leh ka hmangaih kianga awm tur hian ka haw leh thin….Thlanlung mawi taka inker chu ngheng rial in,, “Muan min enteh Tunah chuan I Puii kha ka danglam tawh lutuk…Kum 25 lai ka ni tawh a..Nula ka ni ve tawh a,,chuan a vawikhat na atan Reunion ah ka kal ve dawn bawk,,” tiin ka nui lui sak a….Khang kum10 chhung a ka hun hman dan hretu tan chuan hetia kum naupang tê a Lecturer hna ka hmu pawh hi a awm hliah hliah a ni….Lehkha chauh ka ngaihtuah a,, Thian tumah ka siam belh lova,,Ka class hlui te nen pawh kan inbe zeuh zeuh ringawt,, Reunion naah ka kal ngai lova ka nuna ka hmelhriat leh thiante zawng zawng ka dah hla vek a ni mai,, Mawitei leh Joseph-a thleng in,,Ka unau te takngial pawh ka hlat vek a,, Aizawl a lehkha zira ka awm pawh in Ka u te inluah a awm duh lovin Private Hostel-ah Single room ah ngat awm in,,Thian thar sawi tur ka nei hauh lo…. Higher,, College leh University thleng tu hnaihah mah ka awm ngai lova Lehkha chu ka thian a ni tawp,,engtik lai pawh a ka bula awm reng thin erawh Nicky-a Diary min hnutchhiah leh a thlalak ka dahkhawmna Album….Anni pahnih te hi a ni mai ka thian ve te chu…Awmkhawm chuan thian a min siam tumtu te pawh an awm ve thin mahse keimah ka inkharkhip tlat a ka nunah tumah la ka seng lut duh lo,,ka ngawi reng a,, Suangtuahna rama chen chu ka thiantha ber a ni a,, Volleyball takngial pawh ka kalsan ta… Zingtin hma takah tho in ka in sawizawi ziah a,,Ka taksa tana tha tur chauh ka ei in ka In a,, Nicky-an alo tih thin ang zawng zawng chu zir thiam ka tum vek a,,ka ti reng thin bawk…. College First year atangin Bike ka nei nghal a,,Master degree ka neih thlengin Bike ka hmang bawk….. “Dama kan awm chhung chuan hmalam pan tur kan ni” tia min hrilh fo tu ka hmangaih avang hian a duh dana nun hman a,,a châk ber ti hlawhtling tu nih hi ka tum ber ala ni reng bawk….. “Tete kan haw tawh mai dawn a mi??” A chhak lawk a min lo nghak reng tu Mawitei leh Joseph-a lam chu ka hawi a,,nui lui sak in ka thutna atang chuan ka ding chhuak a…. Reunion kan nei dawn tak,,Chumi vanga Aizawl lama la kal lo ka ni…Thlanlung en chuan ka hawi let leh zawk a,,min lo nghaktu awmna lamah chuan ka chho ve nghal a..

STARLIGHT -10

Reunion nuam tak a ni,,chuan pahnih khat tih loh chu kan kim hle bawk….Doctor,, Engineer,, Designer,, Zirtirtu leh sumdawng mi te,,mi chi hrang hrang kan ni ta,,thenkhat nupui pasal nei tawh te pawh an awm a,,mahse kan vai mai chuan tunhma ang tho in kan inngai a,,hun hlimawm tak kan hmang a,,kan nui a kan titi a,,Chaw kan ei a,,kan induhsak leh em em tawh a,,Kei pawh kum 10 hnu a an bula ka awm lehna anih avangin nuam ka ti takzet a ka lung a leng thar hle bawk… Tullo zetin David-an zai turin min ti tlat a,,Ka ze zawi sawt lutuk vang nge min fiam hlut bawk,, Ni e a awm ve reng hetiang ni khua a harh ber leh nui ring thei ber thin kha ka ni miau a,,mahse tuna ka mizia nen hi chuan khaikhin chi pawh a nilo….. Zai tura min tih vek avang chuan Starlight bawk ka sa leh ta,,Sangtea Mizoram huap a guitar perh thiam vanga lar pha ngat leh Music zirna School lian zet neitu ngeiin guitar min perh sak a,, Ka mittui hnam tiam tiamah chuan zai zawm loh mai ka tum laiin midang chuan min rawn zawm a,,Kan thinlung in Nicky-a a theihngilh loh zia lantirin a tawp kan khar a,,Inkuah ngawih ngawih leh inngai tak chungin kan inthen ta a ni…. Joseph-a hi Doctor intern tilai niin Mawitei erawh Fashion Designer a ni thung a,,Higher ka nih khan kan school kalna a in ang lova,,Class 12 kan pass khan phaiah a awm nghal daih a,, chutiang bawkin Joseph pawh ka biak ngai miau loh avangin Anni pawh in min rawn biakna tur an hrelo….Mobile phone ka neih hmasak ber khan an number te chu nei ve in ka number te pawh pe ve mah ila ka On aiin ka Off a tam miau avangin kan inbe ngai manglo kha ania… Tunah chuan Anni pahnih pawh inneih te pawh an tum hnai ve tawh in ka ring…. Engmah phei chu kan la sawi miah lo…. Lecturer ka nih thu an hriat a min lawmpui em em tu te an ni a,,Pawl10 ka zirpui ho kha chuan min rawn be kim vek,, Mawitei sawi dan in tupawh hian min ngaihven zui reng a,,mahse keimah ka inkharkhip tlat avang khan ka hnaihah an awm lo mai zawk a ni…. College ka kal lai pawh in kan college-ah khan khang hunlaia ka thiante kha an kal ve ngei a,,mahse an hmuh tur leh kawm tur pawh in ka inlan ngailo…. Nicky-a nen ka suangtuahna khawvelah hun kan hmang a,, Ka mittui te kha ka thian zinga mi an ni a,,Amah ka ngaih em avangin thih ve mai te ka chak thin,, mahse hmalam pan zel tur kan nih thu leh thil tam tak min hrilh tu avang bawkin Ka nunna em la lovin lehkha bawk ka zir leh thin… College-ah khan pakhatna ka ni tluan a,, zirtirtu te hi chuan min hre viau mahse class-room-ah lo chuan khawiah mah hmuh tur ka awm ngailo…Mak tia min sawi tu pawh an awm ang mahse ka nun kha tumah in min hriatsak miau silova….. Ka Nicky-a kha ka ngai em em a,,a telve lohna khawvelah hian ka kim lova,,a hmun ruak la tumah in an luah ka remti lo a ni.. A tel lova awmdan thiam tur hian kum 10 kha a tawk zo lo… Nitin ka nunah Ani chu a awm a,,ka thil tih engkimah hian a tel ve zel thin….Khatia kan thlah liam hnu khan engmah ka ei ngai lova ka in bawk lova ka tawng ngai bawk loh avangin ka chhungte mangang khan damdawi Inah rei tak chhung min enkawl a,,Damdawi In atanga kan chhuah reilo te ah,,Pawl10 exam result alo chhuak a,, Nicky-a subject zawng zawngah letter hmu a Distinction a a pass te khan,, Awm ve sela kan pass lawm a kan hlimdun leh dawn nen,,Nilengin thlanah ka thu a,,kan thiante a thei thei an rawn kal ve bawk,,ka tap a,,nasa takin ka chhungril puak chhuak in ka tap a mahse Ka hmangaih erawh in kir zai a rel mawlh silo….Zantin ka tap muhil a,,mumang lama ka hmuh chang te hian harh tawh lova muthilh hlen daih ka chak thin…Zing khua alo var a ka chala fawp a tho tawh rawh le a rawn tih chang te hian men chhuah ka hreh hle thin…A chhanchu a takah hmuh tur a awm ngai dawn silo tih ka hriat avangin…. Khang kum 10 chhung khan suangtuahna ramah chengin mihring pangngai te khawvelah nilo Nicky-a nen a kan khawvelah chauh khan a ni ka chen thin….Kan ni pawimawh te kan hun pawimawh engkim leh min hmangaihna thu leh hla tam tak,,Ka tana a tih leh tih ala chak te a kâ ngei a a sawi hre tawh lo mah ila,,a Diary chhah tha zet min hnutchhiah ngeiah chuan nitin ka chhiar thin… Mumbai a Rooftop Dinner kan kil laia a hlim hmel te kha Dinner kha ka tan liau liau a buatsaih a duh avanga Sir Zuala hnena alo ngen te,, Zirtirtu ten a damlohna an hriat avanga kan awmdan engkim min enliam a,,min khawngaih zawk zia te ka hriat thar leh chang te hian ka thinlung hi chhun nawn ang mai in a na nawn leh awn awn thin si a,, Ka tan khan engkim a huam a ka ngaihtuah phak bak thleng pawh in min tihsak a,,mahse a tan khan engmah tih ka nei ve silo,,A tan khan engkim tih ve ka duh asin mahse min hmangaihna chanve takngial pawh hian ka hmangaih zo ve silo…… “Te,, Naktukah maw i kal dawn??” Ka pindan Kawngkhar a in hawn rualin UChhana a rawn lut nghal a,,Hei pawh nupui neihna chang hrelo,,ULawma zawk chuan Bialnu tal ala nei a… “Um ka hna hi karlehah Joining report ka pek a ngai tawh a..” tiin ka mittui chu a awmlohna lamah ka hru nghal vat a…. “Ilo in ngaihtuah leh a ni maw??”tiin ka darah a kut nghatin a beng thek thek a… “Ka hrethiam lutuk che nia mahse nangpawn i sawi fo kha Nicky-a khan i mittui tla a hmu duh lo,,a rilru a na thin i tih kha,,Chuvang chuan hlim tum hram la ka duh,,Kum10 teh meuh i beihna tunah i hlawhtling ta a,,I Nicky-a pawh a hlim dawn lutuk tih hi theihngilh suh,,i tap a ni tih a hriat chuan a lawm dawn lo em asin….” a tih chuan ka nuih sak a, mahse ka tawngchhuak lo,, “I vah te ho an lo haw tep ang,,lo chhuk la nangmah chiah Ni an nei tih hria la biak te hi be ve rawh zirtirtu tur i nih kha naupang te hi ngaina ve deuh rawh….” a tih chuan ka nui hak hak a,,Ni tak asin Vah panga ngawt ka nei tawh a,,mahse tumah hian min ngainalo,, an thawmhnaw leh mamawh neuh neuh leina chang ka hre em em a,,ei tur tha leh hrisel ka leisak nasa hle bawk mahse tumah ka chhawnchhaih ngai lo,,Ti ila Usawmzuala fanu naupang ber Bella-i chuan min nel ve phian mai fiah lo zet hian min bia in a u te ho tih ngai miah lovin In a ka awm hi chuan ka pindanah hian kan tawm chawt zel… Ka khumah a mu a Movie en min dil chang in laptop ka on sak leh tawp a,,Nileng te’n kan in awm ve thin,,mahse kan inbe vak ngai chuang lo,,midang hi chuan an mamawh tawpah lo chuan min be ngailo tawp….An demawm loh an Ni ve hian nui hmel ka pu khat ve em a,,ka tawng ngai bawk silo,, naupang tan chuan ka nelawm loh ve bawk em a ni…. Usawmzuala nupui hi Faki a ni a,, fa pathum neiin mipa pakhat leh hmeichhia pahnih an nei a,,Ani hi chu ka pa hnung a zui a medical lamah hna a thawk a,,Tin damdawi dawr lian zet an nei bawk a,,inhrang an chang tawh nghe nghe,,Tin,, URobert-a pawh in nupui naupang zet Rinawmi a nei a,,kei aiin kum hnih in a naupang a ,,Tunah fa pahnih mipa ve ve an nei thung,,Kan school luhna thinah zirtirtu a ni a,,Annu hi chuan hna a thawk lem lo kan hnenah an la awm a,,ka nu ten hnathawh ngai an ti lo ani mahna nge ni a amah hian a duhlo zawk pawh ka hrelo….Ka nu nen hi chuan an inngaina hle a kei nen pawh kan inbe chhe ngailo mahse kei hi chu mahni pindana awm reng thin tih takah kan inkawm viau lo Amah hi a fel em a,,engkimah a rintlak bawk a,,ka nu pawh hian a duat khawp mai….Uchhana hi chu nupui neih chu sawiloh bialnu takngial pawh a neilo,,a chhan pawh College a kal laia a bialnu in pasal a neih san tuar lutuk kha ni ta berin ka hria…. College khatah kan lut miau lova a bialnu pawh ka hre ve ta chuanglo…Bank-ah a thawk a,,Nuam hi a ti em em a ni mai…. Jeff erawh Lawyer nih tumin ala bei ngat ngat anih hi….Tunah hian Delhi-ah a awm mek bawk… Nicky-a U,,ULawma hi MSAC lamah thawkin a bialnu Betsy-i nen hian kumin Kum tawp lamah te hi chuan tiam tlat e an ti ve tawh mahna,,Nathan erawh Lecturer nih a tum ve mek a NET exam a bei mek,,Phd ti turin ka duh viau….Keipawh hian ka la ti ve leh mahna…An in lamah ka kal reng a,,mahse an inah pawh Nicky-a room a boral atanga engkim khawih danglam ka phalloh avanga a nih dan thlap a la awm chhungah chuan ka awm tam ber a,,A chang chuan Nutei hi a rawn lut ve leh zawk thin mahse keimah a awm thlang tlat thin ka nih avang hian min tibuai ngai lo Patea erawh hi chuan min khawngaih luat vang nge pindan atang hian thil ho te te chhuanlam in min hruai chhuak leh thin….School pawh ka haw chang chuan ka tlawh fo a,,Sir Zuala leh Miss Sangtei pawh an innei tawh a,,Miss Sangtei zawk School-ah la thawkin Sir Zuala erawh Sorkar lamah lutin Government Higher Secondary School-ah a thawk tawh thung…School ka tlawh Chang hi chuan kan Principal leh Zirtirtu min hre tu te hi an fel thin hle a,,Kan sulhnu chhuiin ka kal kual fo thin…He hmunah hian kan hun tam zawk kha kan hmang miau a he hmun ngei hi a ni keini pahnih in kan inhmangaihna kan lantir thin na hmun kha….. “Ni Bella-i te zanah an lokal dawn asin” URobert-a fapa naupang zawk Puipuia chuan phur hmel zeta a tih chuan nui sakin ka lu ka lo bu nghut nghut a,,Ka hawi chhuah ruala UChhana min melh rum ka hmuh chuan chhun lama a thusawi chu hrechhuak zawkin ,,”A ni maw eng nge an lo tih dawn??” ka tih deuh ha chuan Ka pa ka hmaa thu chu alo nui huk a,,nge sawi sual ka nei em ni??tiin ka hawi kual a,,”A ni kan thlah dawn an tia lawm…” Inla puitling zeta tiin a thutna atang chuan a tho tharh a,,Choka lamah a lut nghal daih a…. a chet dan avang chuan ka hawi hai zawk letling viau…. UChhana chek tlat tlat riah chuan,,” khatiang a mawl hmel zeta Puipuia i biak fo chuan a nuih mai ang che,,Ani zawng naupang dang ang a ni ve lo ania,,i chenpui te tal chu hriatchian tum ve teh…” tiin Ani pawh Choka lamah a kal daih a,,Nga ti nge khatia an awm a,,naupang ka biak danah chuan eng nge maw diklo awm le?? “Bawihi i nu ten chaw ei an peih ania kan ei dawn mi niang” tia ka pa ding hluai chu melh zeuh in,,”Ka pa Nichina Puipuia ka biak danah khan eng nge diklo awm a??” ka tih chuan min melh vung vung in a nui suk a,,”A chaw ei lai hi en la i hrethiam mai ang..” a tih chuan ka mitko ka san ak….Dawhkan kan kil a,,Johny-a Puipuia zawk chu a nu in a buaipui deuh reng a,,keimahni angin kutin chaw a ei a,,Kum 5 a tling ve dawn tawh a,,ala no viau mai,,Puipui erawh api (ka nu) bulah a thu a,,fian leh fork in chaw a ei a,,Api in chawhmeh a suah leh zeuh thin tih loh chu chaw mal takngial pawh zu han thlauh eih lova,,A chetdan puitling lutuk chu mak ka ti hle a,,ka lo en leh veng veng thin,,Ka pa chuan,,”Bawihi i vahpa chu hmuhnawm i va ti awm vung vung ve?” a tih chuan ka harhchhuak thut….Puipuia ka hmaa thu chuan min rawn en ve vat a,,”Puia kum eng zat nge i nih?” ka ti chhuak hlol,,Ni e,,a kum zat hi ka hre diklo a mi ka ti hial mai…. “Kum 3″ tiin a thlenga chaw chu a ei zawm leh mial mial a,, URobert-a chuan nui suk hian,,”Kan Puia hi chuan tu nge a chhun pawh kan hre lo…” a tih chuan ka nui ri ve hak a,, Puipuia chaw eikham tho tawh chu ding dat in,,”Ani nui ziah rawh,,i nuih khan i hmeltha lutuk ania” a tih chuan Nicky-a ka hre chhuak nghal zawk….Ka lu ka bu nghauh nghauh a,, mahse ka tawng zawm leh tawh lo…. Zanriah kan eikham a,, Joseph-a,, Mawitei,,Asawmi,, Agnes-i leh Sangtea te an rawn leng a,,Kan inkawm a,,A tuk maia Aizawl lam pan tawh tur ka ni a min rawn thlah anih ber mai chu….Ka pindanah kan awm a,, Usawmzuala te pawh an rawn leng a an chhungkua in,,Kan bulah ka vah te pahnih Bella-i leh Puipuia te chu an awm ve a,,ngawi rengin laptop an en a,,an kum a in rual bawk a,,an inkawmngeih viau mai… Eng eng emaw sawiin kan nui a,,kan awmkhawm takah chuan sawi tur an ngah hlawm khawp anih ka ring,,ka lo tawng ve tawh an ti deuh chhen a kan nui leh dar dar thin…. Mawitei chuan,,”Techhia khawmaw i phone” tiin ka phone chu a la nghal a,,Eng nge a khawih ni a phone nen a en mil sek bawk a,,Rei deuh fe a khawih hnu chuan min pe a,,”Whatapp te hi khawih ve tur,,ka siam sak che chuan School group-ah ka add nghal che ania,,Chuan Facebook account te pawh siam ang che mawl huih hian awm reng bik suh i students ten Kan miss chu 70’s a mi ania an ti mai tur che asin” a tih chuan ka ner khum vak a,,Sangtea engtik lai pawh a cool em em reng nuih bawm a hawlh keh a ni chek ang chu,,mittui tla phung in a nui a,,keini in a nui kan nuih ve leh thung a,,Sangtea pawh hi Aizawlah a awm a,,chutah chuan a Music School pawh a awm nakinah la hmuh sak ve a ngai a ni…A hmeltha reuh sia a hna nen hian a inhmeh hi ka ti khawp a…. Aizawl ka thleng a,,Tunah chuan In zau tha zet mai ka luah a,,Keimah chauh a chenna tur mah nise a lian tha viau a,,nuam thei ang bera siam ka duh bawk,,Ka unau ten a cheina tur pawisa min pe theuh alawm le tiin ka thlen naktuah bazar turin ka kal a,,Ka bike nen a College kal chu zialo ka ti thar viau na in hralh atan ka ui ve deuh bawk si nen tihian kan la inkawl ve rih mai aniang chu….Bike bawkin Bazar ka thleng a,,In chhung bungrua tur pawh ka duh uluk viau mai,, Fridge,,Tv,, Washing Machine leh Choka bungrua ka lei nual a,,Khum ka nei sa a,,Closet a awm sa avangin thawmhnaw dahna ngaihtuah ka buai a ngai lem lo… In ka thlen chuan ka bungraw leina ten ka duhna hmunah engkim min dahsak nghal a,,ka in neitu nu tawngkam tha zet mai a rawn chhuk a,,a fel hmel khawp mai…Ka in luah a zau a pindan pali a awm a,,Ka bedroom leh mikhual mutna tur sitting room leh Choka a awm a,,engkim chu fel fai taka dahsa a ni a,,choka pawh cabinet mawi taka siam a awm a,,Ka haw dawn khan Gas leh thil dang pawimawh ka dah lut nual tawh a,, Sitting room lamah Sofa leh center table ka hung lut tawh bawk a,,tunah Tv ka dah lut leh a ka kim tawh viau mai….. Ka pindanah la ni se Khum ft5 ka hung lut a,, Mattress chah tha tak phah in thosilen pawh designer kut chhuak ngat ania ka zar…Thawmhnaw erawh ka ngah lova,, Pheikhawk pawh sawi tham ka neilo….Hna ka thawk dawn anih chuan thawmhnaw hi chu ka lei ve deuh chu a ngai mahna…… Ka thawmhnaw ka en kual a,,ka nuih a za zawk pakhat mah hi ka lei a awm lova ka haw apiangin ka nu leh nutei hian min leisak ka ha ve mai zel bawk a,,Tlem lutuk chu a nilo mahse ka hna nena inmil deuh erawh a tam viau lo…. Pheikhawk pawh chuti teh lua in ka ngah lem lo,,Bike khalh thin ka nih avang hian sneaker deuh hlir hi ka nei a,,Mipa bun hlir lehnghal,,Flat pakhat a dum ka nei a chu zawng chu ni mai….Ohhh!!! Hna ka tan hma hauh in ka inchhungah pawh hna a awm dawn ka nei chu anih hi….. Ei rawng ka bawl a,,mahse chu erawh ka mittui ti tlatu an ni leh ta,, “Awm sawn teh i siam thiam lo keiman ka siam ang” Ka nui nghal vur vur a,,A siam ka duh vanga siam tha peih lo ka ni reng a,, “Hmelthapa i fel ber” tiin dawhkanah ka thu fel than a,,a che vel thlir hi a nuam em asin… “Mate wai wai chhum mai mai pawh i siam peih lo ania engtin hetiang te chuan…..” a tih lai mek chuan rang zetin ka chhang a,,” I awm alawm,,ka tan ei tur i siam zel mai ang chu” tiin ka nui nghal hak hak a,,ka biangah piai zeuh in,,”Awle awle…I hmeltha bawk a ka siam zel mai ang ka Elephant duhawmte” tiin ka sam a tuai thur zeuh,,ka duh lo tal vel chu a nui nghal hawk hawk,,a nuih zawnga a ha uingho lang ziah hi ka duh….. Thil ut rim chuan ka suangtuahna ata min tiharh zawk,,ka chawhmeh kan ka en chuan alo ut vek chu niin gas chu rang zeta off in ka chawhmeh dum ut ruam chu ka en a mittui karah ka nui chhuak ta hak hak a…. ” Ilo hmu em Giraffe Ka chawhmeh siam hi…. Nangmah vang vek” tiin thleng silna ah chuan ka dah a,,Chaw ka chhum ve tawh bawk si nen artui pum khat chu la in ka kang a,,Zanriah pawh ka ei ve leh tawp…. Ka inchhung pawh a theih ang angin ka tifai a,, Lei tur mamawh zual ka ziak a,,Ka hman meuh chuan zan dar10:00p.m a ri leh reng tawh…..Inbual fai in ka mu ve ta a…. “Mate,,i cher mah mah ania….”Lungawilo hmel tih hriat zetin min melh a,, “Tunlaiah an uar zawk….Thau ka duh teuhlo mai…” ka tih chuan a ner sawng a,,Duhawm thei ania…. “Thil ei tha la,,In duat hle ang che…. Lecturer tha tak ni bawk la,,chuan i nui hmel mawlh kha…” a tih chuan lei ka chhuah nghal zuk a,,a nui ri nghal hawk hawk…. “Giraffe…” “Umm” “Ka hmangaih che” “Keipawh in ka hmangaih lutuk che” Ka chalah a fawp vawng vawng a,,ka biangah mittui a luang ngiai ngiai a,, ka menchhuah rualin ka mittui chu ka kutin ka nul thuak a,,”ka ngai lutuk che Nicky,,ka ngai takzet che” ka ti chhuak sap…..Ka mumangah hian zan tin ka hmu ziah a,,min hmangaih thu min hrilh fo thin mahse zing khua alo var a,,a tak an ni ngai silo hian min ti tap leh fo thin….. Ka lukham hnuaia ka dah a diary chu ka phawrh a,,ka chhiar leh a,,vawi engzat chiah hi nge ka chhiar tawh pawh ka hre lo mahse a kutziak mawi tak hi ka en ning thei lova,,kan pahnih chanchin a ziah te hi ka chhiang ning mawlh lo,,Vawi tam tak ka chhiar tawh a,,vawi tam tak ka tahpui tawh a,,vawi tam tak ka nuihpui tawh bawk,,mahse ka kham thei ngai chuang silo…. “Ka Elephant duhawm lutuk vang hian David-a ka hnek phah a,,Ka naute taksa hi tuma khawih leh hnaih ve ka phallo,,min la tih der lehnghal,, henu hi ka hmangaih a ka ta ni turin ka duh a,,Vana arsi ai tam khian hamngaih ka duh,, Ka engkim a ni a,,ka nunna a ni…. Damchhung leh a piah lam ram thleng hian ka ta ni turin ka duh….” “Thisen Cancer…..Ka bengah a rawn ri nawn tluk tluk a,,Ka rilruah Ka naute a rawn lang hmasa ber,,engtin nge a awm ang….Ka tel lovin a nui thei dawn em ni?? Inah kan let a,, Ka elephant chuan eng nge ka hawn min zawt chul a,,a nui hmeltha zet hi hmuh reng ka duh,,Ka tah tir theilo a ni,,ka vanga a tah hi ka phallo ka phallo takzet…” “Aw Lalpa ka engkim hi nei vek rawh mahse ka naute hi tah tir suh,,ka vanga a na tuar hmel hmuh ka duh lo,,Ka theih phak bak thlenga duat ka duh leh hmangaihna zawng zawng pek ka duh hi,,ka awm loh hnuah nang talin hmangaih in thlamuan rawh aw….” Ka lehkhabu chhiar lai chu ka khup a,,Phur lo zetin khum chu ka thawhsan a,,Bazar ka ngai tih hre reng mah ila ka phur viau lo chu a ni… Thingpui ngaina tak ka nih avangin thingpui in in ka insiam nghal mawlh mawlh a,,ka lei tur list chu la in ka racksack nen ka in ak chhuak a,,ka phone ka en chuan message alo tam ngang mai,,ka thlen thu takngial pawh ka chhungte ka la hrilh lo,,ka thlen atangin ni 2 na a ni tawh lehnghal….. Ka nu ka call vat a,,ka rin dan chiah a rawn tek ngang mai,,thupha ka chawi a,,min ngaihtuah ve thin sia,,ka ngaihtuah ve lo ni lovin keimah a awmdan ka zir rei tak lutuk vang nge midang ngaihven nachhang hi ka hre ta lo mah mah chu a ni e….Phone kan dah a,,Whatapp ah ka lut ve ngei kan school group-ah chuan message 200 chuang alo awm a,,nakina chhiarah tiin Private message awm ho chu ka en kual a,, number hlang a tam ber a,,ka thiante ho an ni tih ka hria an number chu ka save nghal a,,Ka phone ak in ka Karisma bike chu ka la chhuak leh a,,Tun ang laiah chuan Karisma hi chu an uar tawh viau lo tih ka hria,,mahse hei kher ka lei na chhan pawh hi Class10 kan nih kum khan a chhuak a,, Nicky-a nen kan puitling huna lei atan kan suangtuah nasa thin,,chumi vanga Karisma pawl kher lei pawh ka ni,,ka uluk em avang hian ala thar tha hle bawk mahse kum 7 ngawt ka kawl tawh a,,a thar ka lei theih hunah erawh ka hung mawi ve tawh mai aniang chu…. Bazarah bawk ka tawp leh ta,,MC parking a dah hi a remchang ka tih avangin ka inkhalh lut leh ta a,,a theih chen chen chu hetah hian ka bazar phawt mai aniang chu tiin lift hmaah chuan ka ding a,,chutih lai tak chuan tu emaw hian in min rawn kalpel in min su her lawp a,,ka thiamlohna awm miah lovah ala phun sup zui…. Chutiang mihring chu Khawvel a ka ngaih theihloh ber a ni…. A lam hawia ka inher chuan lift chhunga alut chu hnunglam zawngin ka hmu hman,,ka nghak tih hre reng in min luh khalh a,,chutah min khar hnan daih nia,,eng ang mihring nge maw anih chai le!!!? Thinrim zetin step-ah chuan ka chho tau sawk sawk a,,keimah in ka phun bul bul bawk…A Thawmhnaw hak kha chiang takin ka hmu hman a mahse a hmel erawh ka hmulo,,mipa sang tak 5’10/11 tur vela sang a ni a,, T-Shirt Sky Blue collar nei ha in Cotton Jeans dum a ha a,,a veilamah sana lawk zet a bun bawk…Engang mi pawh nise mihring polite lo lutuk hi ka hua….Minister emaw mi lar pawh ni rawh se,,Ka pa fanu ka nih chhung hi chuan ka ngaisang ther te lo mai…..Ka dinna chu ka en kual a,, first floor dawr pakhat hmaah ka lo awm daih tawh,,,Naaa mi pakhat avang mai mai in ka tih tur theihngilh thak khawp in ka in hrosa a,, Va han hahthlak thin em ka chal ka beng zeuh a,,thawmhnaw enkual tur chuan dawrah ka lut ta a…. Chutia thawmhnaw ka en lai chuan ka hma lehlam side a mipa sang tha zet piannalh ve tak ka hmuh chuan ka mit a la nghal a,, engdang vang mah a nilo Polite lova kha a ni tih ka hre miau a,, hmeichhe pakhat chhelo zet leh tunlai taka inchei sang tha zet nen an kal dun a,,a bialnu te pawh a ni mahna le,, mahse kei erawh a bula kala ankhum hrep ka chak zek zek,,chutia ka ngaihtuah lai reng chuan ka lam panin chu nula chhelo zet nen chuan an rawn kal a,,min kalpelh lai chuan chiang zet hian ka lo en thung…. A vun rawng ngo hluak ni silo leh a dar pharh hlai tha zet te,, a pian mawi tak leh sang tha zuah te,,A hnar ngul sang vah leh a mithmul buk lam hret te,,mipa hmui atan chuan a sen mah mah a ni tih tur khawpa a hmui no nalh tak te leh a kahbe kual mawi zeta hmul to siar siar te,,a mitmeng fiah kalh te chu ka hmu kim vek,,mizo mipa atan chuan a chhelo in a hmeltha lam hret a ni tih tur khawp a ni,,A inchei dan inhmeh lutuk te chuan a ti lang pa hliah hliah mahse kha a mitmeng khan Nicky-a min hriatchhuah tir nghal vawng vawng a,,dawr pakhat chhunga an luh thleng chuan ka en zui vawng vawng bawk Mahse Anni chuan en takngial pawh min en ve lo,, dawr chhungah chuan lut leh in ka thawmhnaw duh zawng chu ka lei a,,Mc chu ka chhuahsan nghal nal nal… Khapa mitmeng bawk kha mitthlaah alo lang leh thin,,chu chu duh lovin lu ka thing nak nak a,,Zion street lamah ka chhuk thla nghal nal nal….Ka pum ri rak rakah chuan ka ril tam tawh zia ka hrechhuak a,,sana ka en chuan Dar1 alo ri der tawh,,ka thawh hlima thingpui ka in bak engmah ka la ei lo tak…. Restaurant-ah lutin ei tur ka chah nghal a,, ei puar phawt ila bazar chhunzawm leh a ni mai…Ril tam chung chuan engmah a tih theih loh…

STARLIGHT -11

College-a ka nikhatna tur anih avangin ka inchei uluk hle a,,Smartpant dum dak hlarh high waist ha in,,A chungah Kamis bodyfit asendang dal raih min ti lang nû thei ber tur ni a ka hriat ka ha a,,Ka sana gold colour chu bun in,,Block heel hniam te ka kawr rawng mil chu ka bun bawk a,,Zan lamah Youtube tuitorial atangin makeup hman dan ka zir chu hmang tangkai in,,Ka hmaiah cream hnawih in Mascara ka hnawih thlap,, Lipstick peach colour dal raih ka hnawih bawk a,,Ka purfume duh em em Little Black Dress bawk ka in spray a,,Ka sam ka kawng thlenga sei Uk kharh chu ka thlah tawp,,Darthlalanga ka thla lo lang chu ka en vang vang a ka lung a awi ve hle….Ka sam hi Nicky-a boral hnu atang khan tul bik anih loh chuan ka tawn tawh ngailo….ka sam thlah inhmeh min ti em em a,,ka tawn chang pawh in min phelh sak ziah thin anih kha…. Ka In luahna te Garrage ka tawm ve a,,Mi hausa tak an ni tih hriat takin an building a lian a,,Tin an In compound pawh a zau nuam in a a fal deuh bawk a,,Hemi avanga an In pawh hi luah ka ni a,,In neitu te hi a chung ber leh a dawtah hian an awm a,,Chuan a hnuai chiah hi chhungkaw khatin an luah a,,chumi hnuai leh ah chuan awmin,,a hnuai leh ah hian Zirlai naupang pali in an in luah tawm a,,Tual zawl zau tak neiin chumi sir lamah Garrage a awm thung a,,Gate lian tha zet pakhat kan intawm a,,Mahse Nu ber sawi dan khan gate hi an khar tawp thin anih ka ring,,Anmahni chauh awm ta lo chu kalh chi niin a hrelo pawh a ni mahna….Bike ka lakchhuah lai chuan Garrage chu alo in hawng tawh a,,Mahse In neitu te Kawngkhar erawh a inkhar tha thlap,,Motor leh two wheeler a in hung nual a,,A kila Royal Enfield Thunderbird Dum tle hlarh inhung chuan ka mit a la takzet,, Nalh ka ti viau mahse Royal Blue nise….Ka helmet ka khum a,,ka bike chu ka nawr chhuak a,,Gypsy Var,,I20 Pawl leh Scropio dum tle hlarh inhung chu ka en a,,Two Wheeler Pa8 ka bike nen pa9 ngawt inhung chu ka en leh a ka khi sak,,Motor zawrhna te pawh a ang lek lek zawk…… Ka bike nen chuan College lamah ka inkhalh chhuak a,,Vawiin zet chu ka hlim ve tak tak,, zingkarah ka hna zawm ni tih hretu ten min lo wish liam liam bawk a,,ka nu nen pawh rei tak kan inbe bawk,,Nutei telin…. Zirtirtu ho motor dahnaah chuan ka bike chu ka park a,,ka kalsawn dawn lai chuan Scropio Car dum tle hlarh hi Garrage-ah chuan a rawn tlan lut ve bawk a,, Scropio chhung atanga rawn chhuk ka hmuh rual chuan ka mengphawk nghal hru mai,,mahse min hmuh hma in ka in siam tha leh vat thung….. Kamis Var leh pawl tial ha in Cotton Jeans dum bawk a ha leh a,, Pheikhawk lawk zet a bun bawk,,A sana erawh hmanni mi anglo zet khan lian viau mahse a chain silver color niin a smart thlup bawk,,”Helai hi student motor park na a nilo” ka hmel a hmuh rualin a ti thum chak a,,ka inchei dan atang hian naupang hmuh in min hmu em ni….”Naupang emaw mi ti em ni??” ka tih chuan mit ti zim sun in min melh a,,Ner khum sawka Inherin ka kalsan nghal nal nal ka chetdan chu haw ve ngawtin ka ring…. Principal Office ka thlen chuan min lo chibai nghal vat a,,Kei hi he College-ah hian Geography zirtirtu tur ka ni a,,ka subject hi nuam ka ti a,,ka zir nasat vang pawh in ka subject ah na na na chuan ka in ringtawk hle bawk… Ka result leh zirna lama ka background hretu kan principal pawh ka chungah a tha hle a,,Staff dang te inhmelhriat tirna nei turin Staff room-ah min hruai a,,min hmelhriat tir dan dan hnuah Sir Lalnunzira anih hi a tih chu ka melh zeuh a,,Khapa lek kha niin,,ka tum loh deuh in ka nui ri hak a,,Ani erawh a mithmul kan zeuh in ka chibai theih turin a kut a phar chhuak a,, min hrelo angin a awm bawk a hrelo angin ka awm ve hmiah…Ka chibai lai chuan mak deuh in ka sa chhuak vek….Mak pawh k ti ru viau,, khatiang a ka awm ngawt nachhan kha ka hrelo….. Principal chuan ka class turah min hruai leh in naupang ho bulah min hmelhriat tir a,, Ka kum ala tam viau bik lova ka hmel ala lang upa viau lo nen zirlai ho chu an phun deuh mar mar a,, Principal a chhuah hnu chuan class ka la nghal a,,An zirlai khawih pui mai lovin class nuam zawk leh tha zawk neih beisei in an sawi duh leh zawh duh an nei em tih ka zawt a,,Pakhat chu ban rawn phar in,,ka result chungchang min zawt a,,ka sawi chuan an Wow dual a,,Zirna kawngah chuan ka hming ka cher ve hle reng a,, Higher,, College leh University thlenga Mizoram a lang pha zel in ka hming ka cher miau alawm…Anni pawh hian min lo hre khawp mai…. “Miss Study tour leh excursion velah in school kal lai velin i kal ngailo tak tak a mi?” Pakhatin a rawn tih chuan ka khi sak a,, lu ka bu nghauh,,khawi atangin nge a hriat ni?? “Um kal ngailo,,Chu aia pawimawh tih tur ka nei thin a…” ka tih chuan an phun nghal sap sap a….Khang hunlai khan zin dawn apiangah chhuanlam ka nei ziah a,,an zin hlan in kan khuaah ka haw zel,,Zin chhuah ai chuan Nicky-a sulhnu chhui kha ka tan a nuam zawk miau alawm…. Class lak laia awmdan tur ka duhdan te ka sawi a,, lecture ka pek laia zawhna nei thei ngei ngei tura ngaithla uluk tura ka duh thu te,,ka class-ah chuan light thei ang bera kal ka duh thu te leh tumah inthlahdah ka duh loh thu te ka sawi a,,ka phone number sawiin eng hunah pawh an zirlai anih phawt chuan min zawh theih tur ka sawi nghal bawk a,, period a zo a,,class atangin ka chhuak ta a….. Staff room ka luh chuan zirtirtu dang an lo awm vak lo,,Ka dawhkan tura an ruahman ka hming in tar kalhnaah chuan ka kal a,,Ka name plate chu la kang in ka chul zeuh a,, Nicky-a bawk rilruah a lang leh ta,,He hming in ziak hi kei nilovin Amah zawk tur a ni asin,, keichu a hnungdawltu leh a hlawhtlingna a lawmpui tu tur chauh ka ni…. “Miss” rawn ti tu avang chuan ka ngaihtuahna atanga harh chhuak zawk in ka hnunglam chu ka hawi a,, Lalnunzira hmel ka hmuh chuan ka tang nghal at,, “Principal khan vawiin ni atan bik ka kutah a dah miau che sia,,”Ngeiawm rawng kai lek lek a ti thum sup in paper pakhat hi min pe a,,ka mitko sang ak in ka ban nghal a… Routine min pek chu ka en thuak a,,Amah chu ka melh leh nghal kal a… Ft5’6 a sang ka ni a,,Ka pheikhawk hi sang vak lo mahse 5’7 chu ka tling ngei ang mahse chuti chung chuan he mipa hi dak vah a ka en angai tho ania,,Mipa hleitling tak chu a ni ve hrim hrim…A landanah Kum30-35 inkar vel anih ka ring bawk….A tawngkam hman dan atangin mipa induh tawk ve tak a ni tih a hriat theih,, mahse chu erawh chuan min tibuai pha ve love…. “Eng nge Vawiin atan chuan ruahmanna i neih le??” Amah ang chiah a ngeiawm rawng kai lek lek chuan ka ti a,,Min melh zawk in,,a kiai suk a,, “College Campus hi ka fan kual pui ang che…” tiin Kawngkhar lam a kawk zeuh a,,a lehkha min pek chu ka dawhkanah dah in,, a kawhna lamah chuan ka kal nghal a,, ka kal pelh pah a,,”A rei em lovang chu…” ka tih sap ri chu a hria tih hriat zetin a rum nghut a… Mihring polite lo lutuk bulah chuan polite vak a ngailo,,Mahni polite tawh lo sa nen hetiang mi bulah hi chuan nihna lo anga lan kher pawh ka tum therte love…. College Campus a zau tham a,,Class room awmna min hrilh mai bakah class ka lak dawn a ka luhna tur room hrang hrang min hrilh bawk a,,Common Room,, Library,, Hall,, Canteen,, Meeting room leh ka hriat tur atana pawimawh tur ho chu min hrilh kim viau mai,, Kan College in rel bawl dan te chu chipchiar takin a sawi a,,Class neilo ho pawh Tual zawl lamah chuan an lo awm deuh nak nak a,, min tawk zawnga lokal leh keimah ni min hmu te chuan min wish leh sap sap thin a,, Ka chhang ve lem lo,,Sir Zira chuan a chhang zel a,,A aw thum hniam fiah fak si hi lehlam takah chuan ngaihthlak a nuam in a aw a pa ru takzet,,Mahse ka ngainat loh chi tak mizia a nei miau a,,tunah pawh hian Principal vang chauh a Amah nena inzui kan nia bakah ka ni hmasa ber ni a hetia hmelma ang hrim neih nghal ngawt pawh ka duh chuanglo….. “Miss HluPui”a tih chuan ding datin Amah en chuan,,”Miss Tetei tia koh ka duh zawk e..” ka tih chuan mit ko a sang ak a,,”Miss Puii tia koh che ka duh e” a ti vel hmak,,Puii tia min ko thei leh min ko thin chu pakhat chiah a awm chu chu ka Nicky-a a ni,,Engvangmah in hepa hian min koh ve ngawt ka duhlo,, zaktheilo lutuk….. “Puii tia koh ka duh lo,,” ka tih hmak chuan a mitko ti sang zeuh in,,”I bialpa chauh in a koh thin dan che nge I ex in a koh dan che??” A tawngkam chhuak ngeiawm lutuk chuan ka insum theihna a ti bo zo vek,,”I hriat tur tul ni miah lo min zawt anih kha” ka ti hmak a,,A mitah chiang zeta melh in,,”Kan tih tur kan zawh tawh chuan ka kal ange” ti leh hmak in ka kalpel a,,Hetiang mihring bula ka awm reng chuan Ka kick dak duh mai dawn in ka hria….Chuvang chuan kan mualpho tam loh nan kalsan vat ila kan tifuh a ni mai Chimawm lutuk mai….. “I kum en in i naupan hmel tehreng nen,,I zirlai i zir rual khan nundan lo zir tel la tha tur…” ka hnunglam atanga rawn ti tu avang chuan ka ke pen a tawp hmak,,ka thinrim em avang chuan inseh ruh teuh in ka hawi let leh ngat,, “I kum en in I sawi awm a mawi i hrelo hle mai,,I kum upat rual khan midang te nen a awm ho zir tel la tha tur….” ti let ve hmakin ka inher a ka kal nghal nal nal,,Ka tawngkam avanga a mitmenga thinrimna rawn lang kha ka hmuh hmaih lo,,A phutawk chiah khatianga min tawngkhum tur kha a nilo,,ka pa pawh a ni heklo….Hetiang mipa hmeichhia te zahna chang hrelo hi chu chhan ve fak zel tur anih loh chuan min ngainep a min hmusit mai mai…… Staff room ka thleng a,, zirtirtu dang te pawh an lo awm ve nual tawh,,Ka chair a ka thu fel chiah tih in Ka dawhkan bul chiah a thu hmeichhe te ve lampang nula ni ngei tur mahse naupang zawk zawk tawh lo tih hriat tarmit vuah,,inchei fai vang mai chuan a kut phar chhuak in,,”Hi Esther-i ka nia…” tiin min nuih sang a,,Keipawh chuan ka kut chu pe ve nghal in,,”Tetei” ka tih chuan,,”Umm ka hre tawh e,,Khawi vengah nge i awm??” a ti nghal zat a,,Nula tho thang tha zet leh tawng duh ve tak anih ka ring,,A rilru pawh a chhe hauh lovang,,”Chaltlang-ah Nang??” ka tih chuan,, “Chanmari-ah,, Aizawl awm nghet nge in nih khaw dang??” a tih leh chuan nuih sukin keimah a awm ka nih thu leh kan khua ka hrilh ve mai a,,Eng eng emaw sawi a kan titi lai chuan Sir Zira pawh Staff room-ah a rawn lut a,,Rum zeta min melh in a dawhkan zawnah a thu nghal a,,Ka ngaipawimawh lo lui ngat…..Staff room awmdan hi ka hrechiah lo na in,, Subject lak mil deuh leh inhnaih deuh in kan in rem ni berin ka hria…. Keini hi Arts Lecturer ho kan ni a,,kan room a lian tha in zirtirtu kan tam viau na in kan thawl viau thung…. Esther-i chuan ka drawer chahbi awmna te chu in hrilh in ka lehkhabu pawimawh ho chu ka khung tha nghal mial mial a,,Pawhdawhah chuan Sir Zira Routine min pek kha ka dah lut nghal a,,Miss Esin Thil ei pui min sawm chuan nui var var in ka racksack chhung atang chuan ka purse la chhuak in ka zui ve nghal a…. “Sir Zir thil i ei tawh a mi?? Lokal ve rawh Canteen-ah kan kal dawn ania” Esin kan kal pah a atih chuan ka inseh ruh nghal teuh,, eng nge maw a sawm ve kher kher le?? A lokal loh vin a tui zawk daih awm sia…Mahse a hmel en hi chuan a lokal duh kher nang… Mahse ka rilru anglo zetin “Awle” tiin a thutna atanga tho in a kekawr ipte a kuthniha zen in ka lam panin a rawn kal ve nghal a,,Ava han tullo tak!! ti rilru in pawnlam pan chuan kan chhuak ho nghal a,,Esi chu a titi siam siam a,, Kan lo zawm ve zeuh zeuh….Canteen kan lut a,,Naupang ho thutna nilo pindan hrang angreng deuh a an siamah chuan kan lut a,,Dawhkan pawh pahnih chu a inhung ve,, zirtirtu te thutna bik tura an tih anih duh hmel,, a tam zawk kha chu Room-ah khan ei tur an rawn pe a,,mahse Esi hian chawlh a rawt teh tlat avanga kal kan ni….Kan ei duhzawng kan chah hnu chuan Zira leh Esi chu an titi a,,zirlai chungchang an sawi a,, kei erawh ka ngawi reng tawp,,hepa bulah hian in hawng taka awm tumna ka neilo hrim hrim… “Tete,,Kan lo tawng luam a,,I result ka lo hria a,, Mizoramah nilo thawhna tur i hmuh hnem awm tehreng…” Es in a tih chuan,, “Nia mahse Mizoram a thawh hi lawm ka tum ber,,Kan ram ania,,Kan thiamna te midang kan pek daih zel te chuan kan ram hian hmasawnna a nei tlem lutuk dawn asin….Nangni pawh ram dangah in thawk thei reng a Mizoramah tho in thawk ni lawm ni??” tia ka nuih sang chuan Esi chu a lu a bu nghut nghut a,, “Ni ngawt mai tiraw,,Hlawh tam zawk duh vanga Ram danga hnathawh leh daih hi chu a zia lo deuh,,Pawisa hi chu hlu viau mahse ram hmangaihna atanga thlir chuan i ngaihdan chu ka thlawp takzet” tiin Zira chu a en zeuh a,,A lu a thing ngut ngut danah min hnial dawn tih ka hre nghal… “Keichu i ngaihdan kha ka tawmpui ve lemlo che,,Mizo ka nih vangin kan ramah ka thawk kher ang tih eng dan mah in a ziak lova,,Thawk an awm ang nga thawk lova ram danga thawk pawh an awm bawk anga…. Hlawh tam zawk um a kalnpawh a sualna ka hre chuang lo,,chu ai chuan khawi hmunah pawh thawk ila Rinawm tak hian kan hna na na na hi chu thawk ila a tha ni mai….” a tih chuan ka ner nak a,,a thusawi kha diklo pakhat mah a awmlo,,mahse ka ngei laklawh tlat alawm….Tun hma chuan Phai a lehkha zir a,, Hnathawh te ka chak thin,,mahse ka nundan a inthlak a,,ka duhdan aiin ka hmangaih duhdan ka tan a pawimawh tawh zawk miau alawm…. “Ni e Tupawh in zalenna chu an nei meuh mai,, ti rawh ti suh tia kan tih theih pawh an nilo,,kan hna thawh tur duan sa in ziahna dan pawh a awm lo mahse Kei chuan Kan ramah lo chuan ka thiamna te hi hman ka tum lova tum chhinna pawh ka la nei hek lo,,” ka tih deuh hmak chuan Ka hmaa thu te pahnih chu an ngawi hmak a,,Zira mitmeng thip ram chu ka hmuh hmaih lo,,Esi hi awmlo sela chuan min tawngkhum hrep emaw min beng pawp duh hial in nia ka rin…..En zawm duh lovin Ka hmaa ei tur an rawn dah chu banin ka ei nghal malh malh a,, Esi chuan kan boruak tang ru zet chu a hrethiam a ni mahna thudang sawiin a titi zui daih a,,Kei leh Zira erawh kan tawng tawh lo….Tunah pawh khan ka hnial hmasa hauh lova,,ka thusawi kha a ngaihdan a nilo anih pawh in hriat nuam zawk te’n sawi sela khatiang teh lutuk kha chuan ka hnial bik miah lovang mahse a tawng danin a zir miau alawm le…… Nikhatna nileng chu ka tlingtla ve thei hram e,,Esi chuan scooty a neih thu sawiin Motor ka neih leh neih loh min zawh chuan ka bike chu ka kawk zeuh a,,mak ti hmel zet hian min en a,, a nui ta hak hak a,,”In veng hnai zawk mahse Bike nei zawk ka nia ka lo zui ang che kal hmasa rawh” ka tih chuan,,”Awle”tiin a scooty chu a her rem nghal a,,Ka bike lakchhuah ka tum lai tak chuan Zira pawh a Scropio bulah alo ding fel ve chiah….Nga ti nge min en apiang hian rum zet zet a min melh ziah le….A mitmeng rum zet hi ka hlau lo mai siah a mengrum thlawn a ni ringawt… Ka bike a ka lawn lai chuan hmeichhe pakhat aw no nalh zet hian “Sir Vawiin chu min lo phur haw mai teh a,,ka scooty chiang lova workshop ah ka dah daih a” a tih chuan ka tum reng vang pawh ni lovin an lam chu ka hawi a,,Henu chu A hma ni a Zira nena Mc a ka hmuh nu tho kha a ni tih ka hria,,A incheina chu Model a ni ngei ang,,nge ni a lecturer ve zawk,, Lecturer anih ngat chuan a thawmhnaw chu nalh tih aiin zahawmlo ka tih sak ngei ang……Naaaa kei hi engvanga mi in cheidanah te buai ve ngawt nge ka nih,,Haw vat teh ang…..Ka full face helmet chu khum vatin Ka bike chu ti nunga Esi tlanna lamah chuan ka inkhalh chhuak ve nghal a,,Side glass atang chuan ka hnunglama Scropio Car tlan chu ka hmu ve nghal zat…. Esi chuan Chanmari Kawnah min lo nghak a an In awmna lam te min hrilh nual hnu chuan Chaltlang lam panin ka inkhalh lehnghal a,,Zira motor ka hnunglam a tlan ka hmuh chuan ka nui ri hawk,,ka hlim vanga nui erawh ka ni hauh lo,,Engvanga helama rawn tlan zel hi nge maw a nih a le??Nge min zui te hi ni zawk lo maw??Ka ngaihtuahna mai mai chu eng ngah nge maw min zui ngawt ang ni?? tiin ka chek tlat tlat a,,Vawiin Ni zet chu a fuh lo vel vek anih hi…Chupawh He Mihring Lalnunzira vang vek hian,,Thawk tlang pawh ni ila Department khatah tal chuan awm lo ila tha tur hi ania….Ka subject Boring tih ber zirtirtu anih vang aniang heti em em a angeiawm chhan…..Haha Gate-ah chuan ka inkhalh lut a,, Garrage chhunga ka indah fel lai chuan Zira Motor pawh a rawn tlan lut ve chiah,,eng nge awmzia ni ta,,He motor hi tukin zinga helaia ka Scorpio Car hmuh kha a ni tihna em ni?? Anih chuan Ani hi ka inluahna te fapa emaw tu emaw ber a ni tihna a ni thei mai angem??Nge ni a min zui ru tak tak zawk??? A motor atanga Zira a rawn chhuk rual chuan,,”Nang kha min zui ru chu a ni em lo maw??” Kawk va paha ka tih chuan,,A hmel rum sa tawh nen Vawiin lam kan boruak zawng zawng nen a thinrim ve tak tak tawh anih ka ring a mitmeng a danglam nghal vek a,,Ka thusawi zawh tak chiah kha la kir thei ila ka ti nghal rum rum,,mahse a theih tawh miau silova,,Ka kut ka dahthlak rual chuan ka lam pan in a rawn pen pawk pawk a,,ka bike chu ka ngheng nghal rawk rawk…. “I duh duh sawiin rak mai mai suh Anih loh chuan tu nge ka nih ka hriattir ang che,,I inchhir viau bawk ang”rum zetin a ti chang fak a,,Hetiang hian tu mihring mah in min la tawngkhum in min la vo ngailo,,Ka thin a rim em em a,,Chhan let ka duh mahse ka lei hi phuar in a awm ta em ni engmah ka sawi theilo,,ka kut chu ka hum ngawt ngawt a,,ka melh kalh thung….Min melh run run chunga Rum nghut in a kalsawn nghal a,,Ka thaw nghal hawk thei….A kalna lam ka hawi chuan Inchung a a lut ka hmu hman,,In neitu fapa chu anih ngei dawn hi…. Ka hun tawn vang nge ka chau nghulh thei,,Ka thawmhnaw phelh nghalin ka inbual fai a,,kekawr bul tawi zet leh Tshirt ha in khumah ka bawk nghal thlawp,, Nicky-a ka ngai vawng vawng….”Muan min lo hmu em??Vawiinah ka hna ka zawm a,,mahse ka chau lutuk…Ka thawh chi pawh a ni ve in ka hrelo….Ka thinchhe bawk si,,Bakah Vawiin chu mi pakhat avangin ka nileng hun a boring tluan zak bawk,,Ka Giraffe ka ngai che,,ka ngai lutuk che….” ka mittui far chuan ka lukham chu a tihuh hluam a,,mahse hruk ka tum chuanglo…. “Mate i tap a ni tih ka hriat hian ka thinlung hi a na thin tih ka hrilh che kha,, Khawngaih in tap tawh suh aw ka duat em em ka elephant duhawmtei i nih kha,,”Tia ka bianga a piai zeuh chuan duh lovin ka thle sawn vat a,, “Ka ngai lutuk che,, Khawngaih in i bulah min hruai ve tawh mai rawh keimah chauh a awm ka peih tawh lo,,I tel ve lohna khawvelah chuan ka mal ngawih ngawih asin… Khawngaih in mawh???” Ka ngen ngawng ngawng a,, Nicky-a erawh a ngawi reng alaka ka hmuh chhun chu min khawngaih hmel zeta min melh vawng vawng chu a ni mai…. “Tap tawh lo la” tia min kuah a tum pawh in duh lovin ka tang tlat a,,A hnena kal ve hi ka duh tawh takzet a ni,,A tel lova Kum10 chhung hman pawh kha hremhmun tluk zet anih avangin dam hi ka duh tawh lo,,Ka Nicky-a bulah anih loh chuan ka hlim thei ngai dawn chuang silova…. “Mate Nang chu…” Beidawn hmel zeta min melh chuan,, “Misualpa,,I sual lutuk,,I bulah min hruai tawh rawh ka tih chu….Min hmangaih tawh lo zawk a mi??” Ka tap.nghal hlawp hlawp a,,”Ka hmangaih che ka hmangaih lutuk che lawm” tiin ka chalah a rawn fawp vawng vawng a….Tap chungin ka muhil a,,tap chung bawkin ka tho leh a,, Nicky ka ngai che ka tih hian ka ngaihna che a sawifiah zo lo mahse he thinlung hian a theihngilh ngai silo che..Eng nga ti nge Kan chungah kher hetiang hi a thlen bik? Nga ti nge ka hmangaih kher laksak ka nih? Nitin hian a hmel hmuh leh hi ka la beisei fo chu a ni sia,,ka kalna apiangah a hmel ang pu tal hmuh inbeisei in ka zawng thin a,,mahse beidawng bawk in ka awm leh thin…He khawvel ka awm chhung hian vawikhatmah ka tawng tawh dawn lo a ni tih hi hre mah ila pawm har ka ti a,,Vawiin Ni thleng pawh in ka la pawm theilo chu anih hi maw!!! Ka phone rawn ri ral ral chu en in ka mittui chu ka hru vat a,,ka aw thian kharh in ka phone chu ka chhang a,,Ka pa nen a kan inbiak chuan eng eng emaw sawiin kan inbe rei phian mai,,Ka nu in min be bawk a,,Ka dah fel rualin Uchhanan min lo call ve lehnghal eng nge an hriat hlawm ni,,Thu pawimawh sawi silo in thu ho te te sawiin rei zet kan in bia a,, Phone kan dah meuh chuan Zan dar8:00p.m a ri der tawh..Ei tur eng emaw tal siam angai a ni tiin Choka ka pan a…. Ka chhuar ka hawng a,,Maggie bawmkhat chu la chhuak in,, Fridge-a tomato artui leh carrot chu la in ka siam nghal zung zung a,,Ei rawngbawl vak hi ka peih lo,,a awlsam hi a ni mai,,Pawnlamah erawh ka ei chhuak ngailo tluk a ni…. Dawhkanah ka chhawp a,,Ka rice cooker te fel at chu hawngin Bowlah chaw ka khawrh chhuak a,,Zingah ti hian ka chhum a,,Tlaiah ka ring leh a awlsam mai…. Tomato chu a bial zawnga chanin Plateah ka chhawp bawk a,,Fork leh fian nen a ei theih ta….”Lalmuanzual Chaw ei ang aw….”Tiin ka nui lui sak a,, Maggie chhum chu ka ei a,, “Giraffe ka siam tui hle a ni” tiin ka ei zawm nghal a,,Ka chhawp chhuah tal hi ka ei zo tur a ni….Ka tap tur a nilo tiin ka infuih a,,Ka tap a ka indawm kun reng anih chuan Nicky-a a lawm dawn lo tih ka hriatchian na hian ka nat em avanga ka chauh chang pawh in hetiang hian a thla bia in ka infuih a,,Chak taka awm luih ka tum tang tang thin….Ka door bell rawn riah chuan ka phu nghek,,Inchungnu a nih leh ngei ringin ka thil ei lai chu dah in Kawngkhar lam chu ka pan a,, Kawngkhar ka hawn ruala ka mihring hmuh avang chuan ka mengphawk hra a,,Ka ner nghal nawk bawk…… “Hi Miss” a hnunglam atanga rawn awn ha a hmeichhe tleirawl in a rawn tih chuan ka mitko ka san ak a,,Tu nge niang le??”Hi” tiin ka kut chu ka vai zeuh a,,A nui sang a,,a tarmit bial tha zet zawng zawng nen chuan a lang cute viau bawk…”Lo lut rawh u” tiin Zira chu ka melh leh zeuh a,, inchhung lamah chuan ka lut nghal a…In leng ka nel vak loh awm laia chaw ei zawm chu dika ka hriat loh avangin dawhkana ka ei tur chhawp chu ka sengfel nghal a,,”Miss Chaw i ei chiah elaw,,Kan va rawn kal timing lo tak,,Vawiinah khan i class ah ka awm ve asin…”Hmeichhe tleirawl chuan a tih chuan ka khi sak,,biak dan tur ka hrelo mahse a sawi dan hi chuan ka zirlai a ni tih a hriat a,,mahse Zira nen kher a an rawn kal hi ka hrethiam lo….. “Miss Betty ka nia,,Ihh ka nu in Nangmah chauh in i awm atia,,,Zu leng ve reng reng rawh u atia ka u nen hian kan kal ve tawp,,i chaw ei kan tibuai sia…”Betty chuan inthlahrun hmel zet hian a ti a,,Anih chuan Zira nau tihna ka in luah neitu chu an nih ngei hi… “A pawilo hei ka lo seng dawn chiah a,,lo thu rawh u,,ka seng fel a nga thingpui te kan in dawn nia” tiin ka nuih ve var var a,, hetiang a lem deuh a nuih hi ka peih loh zawng tak,,He Mihring chimawm lutuk hmaah ngat phei chuan ka peihlo zual….Betty chu Sitting room lamah chuan a kal nghal a,,a hnunga ngawi renga ding chuan min melh leh run tawh,, tlaia a thusawi kha ka hrechhuak uar uar a,,ka ngei thar takzet….Mahse chu erawh tihlan kher ka tum lo…. “Mamawh i nei em ni??” kalsawn mai lova min en reng avang chuan ka ti sap a, “Dawtsawi kher a ngai hleinem,,kha i ei tan dawn chiah anih kha…” a tih chuan ka melh deuh hrawk a,,engah vak angailo tih hriat zetin mithmul kan zeuh in sitting room lamah chuan a kal nghal daih ngeiawm em em hian…..Lokal lo sela chuan ka ei zo vek tawh zawk ang chu…..Ngeiawm lutuk anmahni vangin ka ei tur ka seng leh ringawt a,,a hriatthiam chuan haw lehnghal daih tur….. Conti……

Leave a Reply