You are currently viewing A Scandolous Marriage( Bung thumna)

A Scandolous Marriage( Bung thumna)

Spread the love

BUNG THUM

Natalie chuan, “December chawlhkar hmasa ber a ni!” a ti hluai a. “Mahse December te chu thlakhat awrh chauh in a dang tawh si a.”
“Dik chiah e,” tiin Mike chuan a thin a thawng thei ta chu lawm hmel takin a lo thlir a.
Natalie Fairlane ang hmeichhia hi chu a tawng fo tawh a ni, a chhan eng emaw avangin an nun an ning in, mipa phei chu an ngaina lo thei thin hle a ni. Chuvang chuan an hmeichhe nihna chu mipa thawmhnaw inbel in, hliahkhuh an tum thin a ni. An hmeichhe nihna leh an duhawmna chu thupbo hram hram an tum thin a ni.
Natalie Fairlane chu hmeichhe duhawm tak a ni tih hre thei lo mipa chu an mit a del a ni ngei ang. A hmai han chei in, thawmhnaw danglam deuh han inbel sela chu duhawm tawp a ni ngei ta ve ang. Chutiang mi ni thei tur a hmeichhe mamawh chu a nei kim vek a ni. A sam chu a sen thar in, a mitmeng a pawl phat a, a hmui chu fawh chakawm tawk lek in a chhah tha in, a ti sual viau anih loh chuan tun a a suit buang nalh fahran lo phen ah sawn ruangam nalh tak a awm ngeiin a ring a ni.
“Mahse chungte chu thil theih a ni hlei nem,” a ti hlar a. “Inneihna licence nei tur in thlakhat leh ni sawm hun i mamawh a, a nih loh chuan chhan tha bik riau avangin special licence i nei thei chauh a ni. Chutiang chu i nei em ni?” tiin a zawt khauh a. “Karei, he thil hi thil atthlak tak a ni. Chutih hun ah chuan engvanga nupui neih ngai nge i nih a?”

Thawk ham haqm pah a a zimar lai chu Natalie chuan a lo en reng a, chutia a zikmar pah chuan a jacket hmalam chu a inhawng deuh huai a.
Natalie chuan en lo anga lan a tum hram hram a, mahse chupa zet chuan en tham, awmbawr duhawm lutuk tak mai a nei tlat a ni.
“A thui zawk nge i duh a tawi zawk a sawifiah?” a rawn ti bauh a.
“A eng a pawh chu a ni mai, awmzia a neih phawt chuan a pawi lo.”
“A tha alawm, Ms Fairlane. American company pakhat, Comproware nen tun ah hian indawrna kan nei mek a, anni chuan ka firewall program siamthar hi an ngaihven hle a ni. An duhzawng tak a nih avangin an partner ah hial min sawm phah nghe nghe a.”
A chawlh deuh dat tak ah chuan Natalie chuan, “Chuan?” tiin a lo tur vat a. Mi dawhthei tak a ni lo reng a ni.
“Chutiang a partnership ka hmuh theih chuan ka company hian nakin lam ah pawisa engemaw zat a huiluh theih phah dawn a ni. Vanduaithlak takin Comproware neitupa hi mi inti fel, mahni thuduh lutuk Chuck Helsinger a niin, mipa nupui la nei lo chu partner atana duh lo bur mi a ni hlauh mai a. Ka hriat dan pehi chuan chhungkaw ngai pawimawh mi ngei a duh a ni awm e.”
“Eee, ka hrethiam deuh ta in ka hria. Mahse engvanga Mr Helsinger chu mi inti fel tia sawi nge i nih a?”
“Kum sawmsarih a ni tawh a, a nupui thung chu kum sawmli bawr vel niin, a pathumna a ni tawh a ni.”
“Mahse nupui ah a la nei tal alawm.”
“Kum hnih thum dan a mahni nupui te aia naupang deuh zawk neih zut mai chuan chhungkaw ngaih pawimawhna lam chu a kawk vakin ka hre lo a ni. A nupui te ho chu ka va khawngaih pawh a ni hran lem hlei lo a, diktak chuan a sum an duh vanga nei an ni hlawm ngeiin ka ring a ni.”
“Chu chiah chu alawm nang pawhin i tum chu,” a lo ti chang fak a. “Mr Helsinger sum leh pai vanga nupui neih i tum tho a ni.”
“I sawi dik khawp mai, Ms Fairlane. I hrethiam thei mai chu a lawmawm e.”
“Nia, Mr Stone, ka hrethiam chiang khawp mai,” a lo ti bak hlak a, a chhungril ah chuan a thinrimna chu a rawn inmun chho tham tham a. “Tun ah chuan ka hmuhdan kan hrilh ve thung tawh ang che. Nang ang mipa nei tur hian ka naute zing ami tu emaw ber hi ka kawhhmuh theih che i lo ring anih chuan i rin nawn leh ngei a ngai ang. Nang ang nei tur hian ka naute zing ami tumah hi ka dahhniam hauh lo ang. Khawvel a rosum zawng zawng hlawh tur pawh hian hmangaihna tel lo a inneihna ah chuan an zuanglut duh hauh lo ang. Inneihna diktak, pasal diktak leh chhungkaw pangngai an duh a ni, nang erawh chuan chulam chu i duh hauh in ka ring lem lo.”
Chutia a tawngkhumna chuan amah ah nghawng pakhatmah a nei lo emaw tih mai tur in a thutdan ngai chuan a thu awm duai reng in, a hmel ah lah chuan engmah a tilang duh hauh bawk silo.
“I tidik khawp mai, Ms Fairlane. Pasal diktak nih tumna chu ka nei hauh lo mai. He inneihna hi chu sumdawnna thil a inremsiamna ang chauh hi a ni dawn a, chuan nakin lawk ah a ruk thei ang ber a inthenna in a zui leh mai dawn a ni.”
“Sumdawnna thil a inremsiamna a?” a ti ka hau a. “Chuan..ih…sex tel lo in maw?”
“Sex a tel hauh lo ang.”
Chu zet zawng awih har a tihzawng tak a ni. Mike Stone taksa pumpui mai chuan zauthauna a keng tel tlat.
Mahse a hnulawk ah chuan a thusawi awmzia chu a hrethiam lehnghal mai a. A nupui lei nen chuan sex an hmang dawn lo tihna mai a ni a, hmeichhe dang nen chuan an hmang thei tho a ni.
“A pawi ka ti khawp mai,” a ti hmak a. “Chutiang rawtna chu ka naute ho hnen a han thlen chu ka tum hauh lo a ni. Chutiang beiseia min rawn pan chu an ni tlat lo a, an rilru lo tih nat ka duh lo a ni. Hria pawh nisela atu amah in an pawm hauh lo ang.”
“I chiang chiah amaw?”
“Tehreng mai.”
“A tir ah maktaduaih khat ka pe nghal ang a, chuan ka partnership chu a hlawhtling a nih chuan maktaduaih khat dang ka pe leh ang.”
Natalie chu insum hman lo in a lo thaw halh a.
“Chuan inneihna a senso zawng zawng pawh keimahin ka tum vek bawk ang,” tiin a rawn sawizawm zat a. “Inneihna chu a tak ang thei ber a ni tur a ni, Mr Helsinger chuan min chhuichhian tir thei tlat.
A ka a chip fel theih hnu ah chuan, “A nih tak chu,” a ti thei hram a. “Chuzawng…i inphal..thui khawp mai.”
Itawm tham in a inphal a ni.
“A hnathawh tur leh a buaithlakna lai ngaituah chuan a inphu hliah hliah a ni. Inneihna hunserh hman hnu ah kan inneihna chu a tak ang thei ber a a lantir a ngaih mai bakah December thla tir lam ah hian ka nupui chuan Mr Helsinger-a yatch ah nihnih nithum vel ka bula hun a hman a ngai dawn bawk a ni. Nuamtawlna lawng a lei thar chu rawn lam pahin min belchiang nghal duh a ni.”
Natalie chuan a chal a chuar tap a. “Nuamtawlna lawng te chuan mut pindan an nei zau vak ngai silo a, innei thar hlim te in nih phei chuan pindan in intawm a ngai dawn a nih chu.”
“I ngaihtuahna kaldan chu ka hrethiam mai e, Ms Fairlane, mahse in kheuhreuh na thil engmah a thleng lo ang tih ka tiam a che. A hnu a buaina awm theihna tur thil tih ka duh hauh lo a ni. He inneihna hi a taka hman a ni dawn lo a, chuvang chuan hmeichhia, mahni induh tawk ve tak emaw, amah ka hmangaih theih beiseina neitu nen emaw chuan min hmehbel lo hram ang che. Chutiang thil chu a thleng dawn hauh lo,” tiin a rawn meng de sawr sawr a. “Hmangaihna khur ah ka tlu lut ngai lo a, nupui pawh ka nei reng hek lo ang.”
“Wives Wanted atang chuan tu emaw in a thlemthluk che a tum chu hlau duh suh khai, Mr Stone,” a lo ti hlak a, amah pawh chu a hming ang mai a chang niin a hre hial a. “Ka naute zing ami tu nen mah hian hmehbel tumna che ka nei lo a ni.”
A hnu ah chuan Natlie chuan engvanga khatiang a rawtna kha siam nge a nih a inngaihtuah phah ngei ang le. A sum vang chu nge ni a, a aia thuk zawk thil dang vang le?
A sum a chu itawm tham tak a ni reng a ni, a chhungte in dahkhamna chu a rulh sak vek thei mai bakah an hman tur sum thahnem tham tak a pe tel thei dawn a ni. Chuan maktaduaih khat dang a hmuh leh hun ah chuan ama in a dahkhamna chu rul in, duh leh nuamtawlin a zinvak thei tawh dawn a ni. A hmeichhiatpui te kawppui tur zawnsak hna chu a ning tan deuh tawh tlat. A tir ah kha chuan amah dawrtu te hlim taka an innei a hmuh khan nuam a ti thin a, tun ah erawh chuan a awt zawk tawh tlat a ni.
Brandon nena an inkawpna duhawm lo tak a tawp hnu ah pawh khan Natalie chuan engtik ah emaw chuan pasal a la neih ve ngei chu a ring in, ama pual in chhungkua pawh a neih ngei a ring a. Kum thum liam ta a Wives Wanted a siam tan lai pawh khan engtik ah emaw chuan a nun ah a kawppui tur diktak chu a rawn lan a beisei tlat a.
Mahse Brandon nen a an inthen atang khan a nun chu a lo danglam zo ta in, mipa lak ah chuan a thin a ram in a inveng fimkhur ta sawt a. A nihna tak ah chuan mipa hrim hrim hi a ring zo tawh lo a ni ber.
Chu a mize thar chuan mipa a um tiau zo a, Brandon nena an inthen atang chuan tumah a la kawp lo in, lenchhuah pawh a la lenchhuahpui leh lo a ni.
“Keimah hi ka lo tang dawn em ni ang?” a ti bung vut a.
Chu thu zet chuan a thawng ngei mai. A thu ngil zawt in, a ban pawh a la thla nghal zat a.
“Nang maw?”
A aw a mak a tihna lo lang chuan Natalie ngaihtuahna chu a la deuh zar a.
“Aw, keimah,” a ti hlak a. “Keimah ah hian diklohna a awm em ni a?”

Amaha diklohna awm chu a hmeichhe duhzawng a nihna lai chu a ni.
Ms Fairlane te ang, chuai nei tlat laka insum chu thil harsa tak a ni thei tlat a ni, a bikin nuamtawlna lawng a pindan pakhat an intawm hun ah ngat phei chuan huphurhawm tak a ni. Kawng lehlam ah chuan a nau ‘duat tak ho’ te zing atang chuan tumah rawn thehchhuah a tum hmel hauh bawk si lo.
A hrethiam ta uarh mai. Hna chu amahin thawh a duh a ni – nilo – sum chu ama tan a duh a ni.
“Kei aia naupang deuh i beisei ngei chuan ka ring,” tih pahin a mitmeng pawl phat chuan vawt raih in a va melh a.
“Engtia upa nge i nih a?”
“I raulpui, kum sawnthum pali ka ni.”
Mike chuan a mitko a san ak a, chu aia kum hnih thum vel a upa chu a nih a lo ring deuh a, mahse a thawmhnaw hak duhawm lo tak avang chuan a lang upa pawh a ni mahna le.
“I duh dan anih chuan hei ai hian ka la lang naupang thei in, ka nalh zawk thei bawk ang,” tiin induhtawk tih hriat tak hian a lu chu a thing nak a.
“Ka duh chu maw, Ms Fairlane, min hmangaih takzet a ni tih Chuck Helsinger hnen a lantir thei tu tur a ni. Chu chu i ti thei ang em le?”
A rawn dak vah a. “Maktaduaih hnih hlawh in maw? I samzai mal tin pawh kha ka duh ngawih ngawih a ni tih ka rin tir thei ngei ang.”
A sam bu chhah tak chul pah chuan Mike chu a nui var var a, chu zet zawng a thil hmuh chak zawng tak a ni.
Mahse chutianga amah atchilh ang a a awm lehnghal phei chuan a inveng zo lo ang tih a hlauhna avang chuan a nui hmel chu a tawp chawpchilh nghal a. Sum a duhna avang chauh a chutiang a awm chu a ni tih a inhrilh nawn fo a ngai dawn a ni.
Hrep chuan, chu a ngaihtuahna chuan a thin a ti sap hat a, sum um mi ho hrim hrim hi a haw hlur a ni.
“Anih chuan hmangaihna khura ka tlukluh a, nupui a neih reng che ka duh theih mai beiseina chu i nei hran lo ang chu maw?”
“A viau lo mai teh! Khawvela ka mipa hisap duhloh ber i ni ngei ang.”
“I duhzawng mi ka ni nange?”
“Mi a chiah in hmangaihna leh chhungkua a rinna neilo mi chu an ngaihven duh ang chu. Kei chu mi a ka ni hlei nem, Mr Stone,” a ti fiah fak a.
“Chuti a nih chuan kan inrem thei tihna a nih chu, Ms Fairlane.”
Chutia a sawilai mek pawh chuan Mike chuan a hmaa hmeichhe tawng bung tak, mahse rilru no tak bawk si nupui a a nei tur chu a la inchhir ngei a ring nghal pang mai. Mahse duhthlan tur dang a nei em ni? Nupui a neih theih nghal mai tur hmeichhia lah vana rah ang an ni si. Mit pawh a khap hman hma in December chuan a rawn nang tawh mai dawn lehnghal.
An inhmuh atanga a vawikhat nan Natalie chi ai na chu a rawn langchhuak a, a kut chu rawn lekchhuak in a a nghawng a chul nauh nauh a.
Nghawng a nei sei ang reng hle mai, a seiin a var hlang bawk a, ni sa hnuaiah a awm tam vak ngai lo a ni ngei ang tiin Mike chuan a lo ngaihtuah a.
Mike mitthla ah chuan khum a vun ngo tak leh no tak si a Natalie mu lai tur awm ang chu a rawn lang a, a sam sen thar chu lukham ah a inzap darh in, tun ang hian an mit leh mit intawng in, tun ai hian a mitmu chu a tak in, phurna avangin a de sar sar ang a.
“Chuan …enge kan tih dawn tak le?” tiin a ngaihtuahna chu a rawn pawhchah sak a.
Engvangin nge khum ah ka hruai mail oh ang che? tiin a ngaihtuah zui zat a.
Chu chu tun a a thiltih duh awmchhun a ni tlat.
Hmeichhia a mutpui lohna a rei tawh mah mah a ni tiin Mike chu a inngaihtuah zui a. Richard khan a lo sawi dik a ni. A ni ang tan chuan hmeichhiat mipatna thil a insum chu thil harsa tak chu a ni ngei mai, a hmeichhe duhzawng tak bul ah nghat phei chuan.

Mahse chu thil ti danglam tur chuan tun ah chuan engmah tih theih a nei rih lo a ni. Va beisei deuh hlek pawh nisela, Ms Fairlane chu a lo teu hlar ngei dawn tlat. Nia, thla hnih thum chhung chu a insum fan fan rih a ngai a ni. Midang lo beisei ngam na chi pawh a ni rih tlat lo, a nih loh chuan Chuck Fingphakara chuan hrechhuak in partner ah a siam loh phah thei tlat a ni.
Sum duh Ms Fairlane ang bawk in a sum zawng khan ngaihtuah la, chuan sarauk leh inphal tak a a awmdan tur ngaihtuahna kha titawp nghal bawk rawh tiin a inkhap zui zat a. Dik tak chuan maw Mikey, i bula saruak leh inphal taka a awm chu ani nen a in inneih reng a beisei awm loh ang bawk a beisei bo a ni tlat.
Ni dawn tak e, inneihna ruahman tur a nei a, hun khawhral mai mai hman a ni tawh lo.
A sana bih pah chuan, “Ninga ni a ni a, chuan dawr hi zan dar kaw hma chu an inkhar ngai lo a. A hmasa in khawi ah emaw kan inthunphuar phawt ang a, chumi zawh ah inhualna zungbun kan lei dawn nia.”

This Post Has 2 Comments

  1. StephenVom

    Все трендовые новости часового мира – новые коллекции легендарных часовых марок.
    Точно все модели часов от бюджетных до супер люксовых.
    https://bitwatch.ru/

  2. Robertnon

    Все свежие новости часового искусства – свежие новинки культовых часовых марок.
    Абсолютно все модели часов от дешевых до супер гедонистических.
    https://watchco.ru/

Leave a Reply