You are currently viewing UDAVID

UDAVID

Spread the love

UDAVID

By Zuãl’s Khiangte

“Pasal neih te hi tum ve tawh la ” Ka best friend Angaihi chuan ka bulah rawn mut thlak pah chuan a rawn ti a,vawiinah in entir turin a rawn zin a ka inah a rawn thleng a minla tir ang zet zet zui,a lama in leh pah chuan “Pasal nei ve tawh rawh hi in ti ringawt zel a,pasal nei tur chuan mipa an awm a ngai a,tunah ngaihzawng pawh ka neilo a,dem fiam takngial pawh ka neilo a khawi ami nge nei tur a min beisei a?” ka tih chuan “I vahan luck lo tak” min tihpah chuan a nui a keipawh ka nui ve tho…

Ka thiante leh ka rualpui te chuan nupui pasal an nei deuh vek tawh a,a neilo te erawh kei leh midang tlem te te anni,min ngam deuh te phei chuan min hmuh apiangin pasal nei tawh turin min ti ziah a keipawh in pasal nei rual ka ni tawh tih chu ka in hai biklo mahse kha mihring Zan thiangreh tih ngei mai a a sakhming ka phuahsak zûn khan min la bual hneh em avangin ka la tal chhuak theilo a, ka tal chhuah theih ve hunah chuan,ngaihzawng te neiin pasal te ka nei ve mahna,Kha hun reilote kan hman dun kha reilote nimahse ka dam chhung a ka thil tawn duhawm ber leh tawn nawn leh ka chak leh em em ani a mahse ani kha chu Simeikhu an sawi ang mai hi ani a,mawi tak a ka nun a rawn lang mahse chamhlen tur a duan ni silo ani,a mawina leh duhawm na te erawh chu ka mitthla ah a chamreng tawh ang.

KUM10 LIAM TA KHAN🥀

Ka hmazawn chiah a thu bank cashier leh ka thiannu indawr lai chu ka en reng a,ka thiannu hma a thu mipa ah chuan ka mipa duhthusam a awm kim vek ti ila ka sawi suallo ang,a kut a pawisa a khawih lai te chuan a kut chu ka lo en reng a a kungzungtang sei zet leh nalh tak chu mipa kut tang atan chuan a nalh mah mah tih tur khawp a nalh a ani, “Kal ang amak e” ka thiannu in a rawn tih chuan ka harhchhuak zawk a a tawng rîng deuh nge kan hawikual chuan bank chhung a awm ho pawh kan lam an rawn hawi deuh thap a,ka hmazawn a bank cashier pa kan en chu ani pawn min lo en reng a, kan mit an han in tawng chiah chu ka tek chuai chuai nimai hian ka hria,Ka thiannu chu a kutah chuan kai lawpin pawnah ka chhuahpui nghal dawr dawr a “Awi enge maw i hriat le ding tehh!” Ka thiannu in a tih vin that rual chuan ka ding nghal dat a ka awmdan chu mak ati tih ka hrereng hetiang hian ka la awm ngai tlatlo a “Kan in ei puar phawt dawnlo mi?” a tih chuan chhun thil kan la eilo tih ka hrechhuak leh chiah “Angaih Vantirhkoh chu anilo tiraw?” a zawhna pawh chhanglo chuan ka ti a,bangbo hmel fe hian “A tu chu maw?” a rawn ti hu a “Bank cashier pa kha” ka tihchuan “I phutawk hre rawh” nui pah a a rawn tih chuan a hnungah ka chum nghal chawrh a “Khuanuruat ka tawng nimai hian ka hria” nui ver ver a ka tihchuan “Tunkumah khuanuruat i vawi thum tawnna” a rawn ti a,min chhang dang hneh lutuk chu keipawh ka nui ringawt a, star hi ka ngah a mahse bialpa tak hi chu pahnih chauh ka la nei, star ka neih apiang hian khuanuruat ka tawng hi ka ti thin a ka thiannu lah hian min fiam nan tak a la hmang zui….

Bank opposite a kan classmate te restaurant ah chuan kan chawl a, bank cashier pa thut na kha kawngka bul a nisia ka va thlir tawk tawk pawn ka hmu tha theilo an bank kawngkhar saw kârchhiat mai ania ka duhni “Hawi renglo khan i eitur kha ei rawh i ring i herh ange” Angaihin a rawn tih chuan rum tawk a melh pah chuan ka hma a eitur chu ka ei a, Kan ei zo pawn a kan chhuah chuan bank lam chu ka va melh leh kher a, Angaihi chuan min ning hmel fe hian “Amak ka ning en reng suh a number i duh leh Muanmuani saw dil chin la,a nei hrim hrim ang ” a rawn tih chuan rem hria hi kan ti mai mai khawp ah Muanmuani te restaurant ah chuan kan let leh a,Muanmuani bulah chuan bank cashier number chu ka dil a, mak tih hmel deuh hian “Cashier maw?” a rawn tih chuan ka lu ka lo bu nghuah a “Pahnih an awmsia UDavida nge URindika ni ang le?” a tih chuan “A chhelo zawk kha animai vawiin ah kawr a tial lampang a ha” Ka lo ti vat a “UVida a nih dawn chu a number ka nei biklo mahse mi dil tur ka lo zawng ang” a tih chuan ka kuah nawk nawk lo chauh ani.

Haw lamah Angaihin a bialpa chu bia in min rawn hruai turin a ti a,nghah pahin bank cashier pa chungchang chu kan sawi a,chhelo a tih ve tho thu min hrilh chuan ka hauhna ngang mai,a bialpa Eric a a rawn thlen chuan min signal pah hian sawi tawhlo turin min ti a keipawh chu ka ngawi zui ve mai a, car a rawn keng dawn emaw tih laiin bike a rawn la keng zui a “Hanna traffic an awm chuanglo in threeble mai ang u hmiang” Eric-a chuan in thiamloh hmel deuh hian a rawn ti a, ke a haw peih biklo ta na fam chu kan in three-ble ta ringawt a,Angaihin rawn awn deuh pah hian “Enteh a chhelo e tiraw?” nui var var a tihpah hian a Eric-a chu a kawk a “In inhmeh tawk khawp alawm” ka tih chuan rum deuh hian alo hawilet a, a bialpa hi a duh ve hlarh hlarh sia han duh hlarh hlarh na khawp hi kei in ka lo hmuhsak ve ngai bawk silo a a thinrim leh nge nge zel,mi bialpa lo va duhpui thu awm suh, a bike a chuan lah hi rawlna tham kan thu ding ut ringawt a mahse mit a in anglo a kan mi duh ten minlo duh ve bak a thil hlu a awm hleinem.

Zanah chuan Muanmuani chuan UDavida number chu min rawn pe a, ka va be dawn nge dawn lo tih inngaihtuah pah a a online leh online loh kan en chuan ka hnual nghal vek zantir a a online bak a la online lo reng reng mahse Gb whatapp a hmang te pawh a ni ve mai thei a, tia kan inhnem chuan keimah zawkin ka awilo,a senior ve tawh hmel sia Gb tih vel a hman peih ka ringlo, Chutia ka text dawn nge dawnlo tih ngaihtuah pah a ka lo mut der der lai chuan ka room ah ka nu a rawn lut a “Kan Broiler pakhat khu zuk talh teh naktuk zingah i pa Marema te chhungin chaw an lo ei dawn sia , zingkar a kan talh chuan kan tlai lutuk ang sunday te ani bawk sia” A rawn ti nghal zung zung a,ka mood a romantic nen a rawn ti arek vek, “artalh ka hne zia hi chu aw” tih nang nang pah chuan ka tho a,ka pa hian unau zinga a upa ber ka nih manah a ti nge mawni mipa enkawl hian min enkawl a kan kawmthlang pawh min sam fai tir vek zel..

Peihlo deuh chung chuan inhnuai ah chuan ka chhuk a ka nu hian broiler hi a vulh teuh a a then zuar atan a then kan ei a tan ati a…. E ka la sawilo tak ka pa hi BDO ani a tuna kan awmna khua ah hian kum hnih kan awmna chiah ani ,Ar ka talh a ka puah zawh hnu chuan mutur in ka inbuatsaih a darzat kan en chuan dar10 alo ri leh der tawh ka khum a ka mut hnu chuan UDavida number chu ka hmetchhuak leh thin a mipa ka la be hmasa ngailo a va biak hmasak chu hreh tak te hian ka hreh ve a mahse kan ti ta sa sa tiin ka va text thuai a a in double tick kuau a mahse a mu tawh nge a seen miahlo thung a a lastseen pawh ala ngai reng, han delete leh tut tut ka tum a mahse tlawm ah ka la ve deuh tlat a pawilo a hmuh hun hunah hmu mai mai teh se tihpah chuan ka mu rem sawk sawk a.

Zing a ka harh rual chuan thawhphan eih awmlo hian ka phone ka en nghal a UDavida hnen atangin message pawh ka dawng ngei e Mu tawh anihhi😄 a rawn ti a, then vur vur pah hian Morning ka va ti a min rawn reply ve nghal vat avang chuan khum a ke leng nghek pah hian,a message chu ka chhiar a Ka va hre mai lo che ve a rawn ti a, bank a ka hmuh thu leh ka thiannu a number ka dil thu ka hrilh a,I va fel ve min rawn tih ringawt avang chuan han chhan dan mai dan tur chu ka hriat lo a ni hman nuam bik riau le ka va ti ringawt a ani pawhin ni hman nuam le a rawn ti a ka rilru tete in i bialnu tur ka nihhi te kan han ti nghal ringawt a.

Hannah Remlalhruaii ka ni a nau mipa pahnih khirh deuh deuh ka nei bawk kum18 na kum ka hmang mek a class12 Science ka zir mek bawk chuan ka mizia hi min kawm ngailo te tan chuan over an tih tur ang chi hi ka ni a mahse ka thiante erawh chuan ka bula awm nuam an ti thei hle,ka pa hna avang hian kan insawn ve deuh reng a ka naute hian an hne thei hle mahse kei hi chu tawngduh tih takah ka awmna hmun apiangah ka tlangnel thei zel a a nuam ka ti thei nghal em em vek zel,ka nau mipa te erawh tawng tlem chi an ni a an la tlangnel lutuk lo ka nau chiah hi Johan Vanlalruata ani a tunah class10 a zir mek a kan naupang ber Lalhriatpuia erawh in class7 a zir ve mek thung tlangval an hre ve tan tawh an fel ve viau tawh mai.

Inhnuai a ka chhuk chiah tih chuan ka nau Johana chuan “U hemi lem awmzia hi minlo hrilh fiah lawk teh” tih leh ka bula lo phei a rual a Physics lam Concave leh Convex mirrior lampang hi alo nia, phusics thiamloh nak alaiin hetiangte min zawh le, ka mood a rawn ti chhe nghal vek “Youtube ah en mai rawh,physics lam min zawt tawh suh ka tih kha ka lu a tina” ka tih chuan “I thiamloh vang anihkha” tihpahin a kal nghal daih a “Vanlalruat khatiang thiamlo rual ka nia mi? a awl lutuk a ka hrilh peihlo che anihkha” ka tih chuan, ka pa in “bawiha I u te chu byheart in lawm class10 a pass” nuisung pah hian a rawn ti a “Awi byheart in ka pass bik thlawtlo e tunah pawh hian ennawn miahlo in ka exam ngam”ka lo ti pang pang a, ka nu in “I pa lah hi aw! Mambawih min lo pui daih rawh” a rawn tih chuan choka lamah chuan ka pa melh ram ram pahin ka lut phei ve daih a.

Eirawng kan bawl zawh hma deuhin pa Marema te an lo thleng a, Pa Marema hi apa 1st cousin ani a kan awmna khuaah hian police hna a thawk mek a fa pahnih mipa leh hmeichhia neiin, a fa upa zawk URci chuan pasal anei tawh a ,a nau zawk Gidi-a nen hian kan in classmate a mahse ani chuan art ala a kan inbe ngai vak lo mahse school canteen vel a kan inhmuh fuh chang erawh hi chuan lunch kan ei dun ngei ngei zel, chaw kan ei hmain chhung inkhawm kan hmang hmasa phawt a chumi hnuah chawei kan siam a,ka nu in eirawngbawl a thiam bawk a ka lim leh nghek a,kei hi a thau chi ka nilo nge ka hrelo thil ka ei tam theih nen hian ka thau phah thei reng reng lo mai,kan ei zawghah thleng ka sil nghal zung zung a ka nauten dawnkan leh gas vel anlo tifai thung a,thleng ka sil zawhah ka insiam nghal thuai thuai a ka pa hi pa hmanhmawh chi a ni bawk nen min rawn tur leh chhen tawh sunday tuk a mood on deuh a inkhawm hi ka nei khat thei teh ania…

Tum bur chuan ka room atang chuan ka chhuk a minlo nghak thap a Gidi-a chuan “I chhe veu vuau lutuk awm tha rawh ” a rawn tih chuan ka melh nghek ringawt a thlengte sil ve selang chuan a tu amah hi an hman hma bik awmlo emai a…Kan biakin kan thlen chuan pawn a awm khawmuang lo in biakin ah kan lut nghal a,a hnu reiloteah hruaitu chu a rawn ding a,sual hnathawh nge pawh ka hrelo UDavida bak ka thluak ah hian a awm theilo reng reng ka suangtuahna ah chuan kan lo innei leh hman der tawh zahthlak zawk hian ka bula miin min rawn nghawk deuh sawk rual chuan ka harhchhuak zawk a an lo ding vek tawh chu niin ka ding ve nghal vat a ka lu thaklo pui ka hiat ka hriat ringawt,Inkhawm zawhah sunday school ka kal leh nghal a chutah erawh kan zirlai te ka hrechiang ve thei ta deuh…

In a kan haw hnuah inthlak thuai thuai in Angaihi te inlamah scooty in ka inkhalh chhuak nghal a,ka va thlen chuan eng em em pawh tilo in a khumah chuan mu in kan phone ve ve kan sik dun malh malh a,rei pawh ka la awm hmanlo ang tih ah Ka pa in min lo call chhen avang chuan tumbur chung chuan ka inkhalh haw a ka len khat ve nen hian ka len chhuah ve chhunah hian mi hi a call reng zel a,nula lencheh deuh in a awm ngailo te pawhhi ka ang thin,In ka thlen chuan tih tur em em pawh a awm chuanglo a inchung zawlah ka chho nghal daih a UDavida bawk ka rilru ah a rawn awm leh tawh tunah te hian enge a tih ve ang le? ka va text a mahse zing a a online bak ala online lo aniang 8:40am tih a lang kulh mai,tihtur ka hrelo lutuk chu inhnuaiah chuan chhukin Tv ka zuk en vel ta mai mai a entur em em pawh a awm chuanglo ka hmetkual ka hmetkual ringawt a Sunday a lenloh hi chuan tih tur avang thei bawk si,discovery channel chu hmeh chhuak in ka en ta ringawt a,ka lo muhil ni ngei tur ani ka message tone chuan min ti harh zawk a kan en chuan UDavida alo ni “Chaw i ei tawh em?” tihhi alo ni a ka la eiloh thu in ka reply nghal vat a a ni pawn alo la ei biklo chu niin thil eng eng emaw ka zawh chuan tha deuh deuh in min chhang a ka rin aiin kan in text rei ta phian ka nu in chaw ei ang u a rawn tih avang chuan phone chu dahin ka va phei a …

Chawei lai a ka khi leh vur vur thin chu ka nu in “Ver vur che hian mi a chu lawmloh in an nui thin” a rawn ti a, ka pa in “A chhul lam te hi a chianglo a nilo maw?” fiamthu a a rawn tih ve chuan ka naute pahnih chu anlo nui huk a kei ka lo tum nghal bur,mi sawi thin fanu neih chhun chu an duat thin tihte hi chu keimah ah chuan a dik velo reng reng ka chhungte hi chuan min bully thin a ni ringawt,chaw kan ei zawhah ka nu leh pate chu inkhawm turin an insiam thuai a kei leh ka naute erawh lehkhazir chhuanlamin inah kan awm dawn thung,thleng ka sil zawhah inchungah cho in ka phone chu ka en a Udavida message alo awm ka rin tehreng nen a awm miahlo ka message a seen ringawt chu lo niin,lehkha chu rilru pe lo fe chuan ka zir a ka phone message tone a rawn rik apiangin ka phone chu ka en a UDavida hnen atang a message ka dawng theilo chu ka thin a rim hlur tawh,Lalmapuia ka thianpa lah in Biology a a hriatthiam loh mi rawn zawt ve chhen bawk si ka mood chu uih tak ani,a tawp ah phei chuan Lalmapuia chu ka block ta ringawt a angaihna a hrelo ve viau ang..

Ni a liam a a liam leh a Udavida chu a online leh online loh ka en reng zel a,a online pawn min rawn be ve tawh ngailo thutak khuk pui in min vahan khuk pui awmlo em em ka rilru chuan ka ti a mahse ka bansan thei chuang silo vawi hnih khat vel chauh la in text mah ila a reh ri a ring an tih ang kha ka tawng ve ta in ka hria .. A hming pawh Zan Thiangreh tiin ka save ringawt,hmu selang chuan a duhlo ve viau ang.

Class kan kal a Muanmuani nen kan inzui chawt a, Angaihi nen kan school luhna in ang mahse Art subject alak avangin School ah hi chuan kan inkawm ngailo,peihlo deuh chuan school kal tur chuan ka chhuak a ka nauin pawnah minlo nghak reng tawh kan school hi hla viau mahse form ha chunga lirthei khalh an phalloh avangin tuman kan keng ngailo,Bus lah kan nei der silo ka ning ania,khaw pawn deuh a awm ani a school ka kal tantirh phei chuan hla ka tih zia mai chuh mahse ka kal rei tial tial a ngai ah ka nei ve tan tawh,kan school chhak ah college a awm a kan school bulah high school pahnih a awm bawk a haw lam chu kan inzui haw duah duah zel a a nuam ve reng mai….

Kan school lampan a ka nau nen kan tlan lai chuan bullet ri dut dut ri ka hriat avang chuan ka haw chhuak vat a kan hma ah UDavida ngei mai chuan min tawk zawngin bullet a rawn khalh dut dut chu niin mit tla lo lek chuan ka lo en ngawih ngawih a, ani erawh chuan a hmalam chauh a en thung ka nau ka sik nawk nawk a ka nau lah in ana alo la ti ve chhen zui “Nge ilo tre ve chhen I makpa tur anihkha” ka tih chuan “I duh duh hi I sawi a ahhh” alo ti ve nghut a.

School kan thleng a ka mood chu an on rem rem khawp a,ka nileng hman a tawi vek nimai hian ka hria,school kan ban hnuah ka nu eirawngbawl pawh puilo in Udavida ka va text nghal a,tukin zinga ka hmuh vel thu chu ka sawi a, a in double tick a mahse a online lo thung a, an la bang lo a nih ka ring,inbual fai vatin lehkha ka zir a mahse ka zir tha theilo ka thinglung hian tukin zing a ka mi hmuh bullet chunga thu udavida bak kha a ngaihtuah lo theilo,ka phone message tone a rawn rik chuan rang fahran in ka phone chu ka en a Udavida message alo awm khiau mai ka seen nghal thawr a “Animaw khawilai velah khan?” a rawn ti chu niin ka hmuh dan vel te chu ka sawi a,kan in awm na vel te min zawh chuan ka hrilh ve mai a “In in awm na ka hre ta” a rawn tih chuan ka mur sung sung thei hial mai.

“Odavid bialnu i nei em?” ka huaisenna zawng zawng sawng khawm chuan ka va ti a ka sent rual in ka phone ka dah a ka te vak vak ringawt a ka tre ring deuh nge ka nau alo lut vat a “Enge?” a rawn tih chuan “Enge?” ka lo ti let hu a, a min tih hmel fe chuan mi han melh ve khanglang a “Lalhriatpui ler viau suh ang che naupang ila nihkha” ka sawitur hrelo chuan kan ti ringawt a “nangpawh tre chiam chiam tawh suh lehkha ka zir ania “ tih leh chhuah a rual a ka lo ner khum ringawt naupang ber ni si inla puitling lutuk mai,ka message tone a rawn rik chuan ka en ngam lawk lo a hetiang em em hian ka lo zaktheilo anihhi ka ti mahse ka mi duh hi mi namai a ni tlat lo a zaktheilo deuh a ka awm mailoh chuan, khur ru der der chung chuan ka phone chu ka on a Udavida message ka en chuan ka khi ver ver nghal a “Neilo e,tinge?” a rawn ti chu niin ka reply nghal vat a a vahan nuam tak, vawihnih bak ka la hmulo a mahse ka vei nghal em em lawi a an sawi thin zawllaidi hi min tat mai nilo in a chulh in min chulh anih ka ring hial.

A tuk a ka school kal tur chu 9:30am atang UDavida hna kal tur chu ka chang a ka nau in kal tawh ang a tih pawn,ka la hmanlo ka ti ringawt a, ka chang tih a hria nge ni a hmel reng reng a rawn lang theilo,board hmachhawn tur kan nih avangin class12 ho chu dar10 ah school kan tan bik a,ka naute school pawh chuti tho tunah dar 9:45 a ri tawh a ka nau in kal ang a tihchhen avang chuan hreh deuh chungin ka kalpui ta ringawt a,Udavida hmuh ka in rin rin nen ka hmu leh ta silo chu ka mood a chhe ngei mai, ka thiante pawh ka be tha peih meuhlo, mood off nak alaiin kan physics teacher in a zawnin period thum a la tluan zak a, ka ning lutuk chu ka tah a chhuak bur mai.

In a ka haw hnu ah UDavida message zing a ka reply hman takloh chu ka reply a tukin a ka chan thu leh ka hmuhloh thu te chu ka hrilh a ka thin ala rim bawk nen ka type sawk sawk mai ka sent hnu reilote ah chuan a message chu a rawn thleng a Tukin chu ka kal tlai deuh a,in chan tih vel kha ka duhlo ania aw lehkha te i zir that theiloh phah ange a rawn tih chuan min duh anga in hriat na tlat hi kan nei pek a ka lehkha zir thatloh te a hlau vel chu nia a vahan nuam tak,kan in text zel a naktuk ah kan in tawk anih chuan in bye bye tur chuan kan in tiam ta a, a mak ani min biakin ka hlim a,ka message a rawn reply in a nuam ka ti bawk, kan inbiakloh in eng inzawmnamah neilo mahila ka ngai a,ka khua a har a ,ka thinrim tun thin chutiang ka nih lai a minlo biakin ka thinrim a ni tih pawh in hrelo lekin ka hlim lehzel thin chu anihhi.

A tuk a ka nau nen school kal tur a kan chhuak deuh chiah tihah chuan kan inchhak lawk kawng kualah chuan bullet chu a rawn ri leh dut dut a ka lung hi a phu zawih zawih nimai hian ka hria kan zawn a rawn thlen chuan UDavida ngei mai chuan min rawn bye bye a,ala nuisang zui awi mask leh helmet khum mahse a hmelthatna chu a hliahkhuh zolo keipawh chuan ka bye bye vat a,awi a dress in hmeh zia mawlh kha,a bullet ah khan chuangin a kawng ah khan han kuah ila ka ngaihtuah zawng ringawt pawn ka mur chem chem thei.

Hun a liam a Udavida nen pawh kan in be reng a a hma a a online khat theih tehreng nen kan inbiak hnu hi chuan a online ngun ve tawh reuh lutuk,School ka kaltur leh a hna kal tur kan in tawh te hian kan in bye bye ziah a nitin mai hian a zunah ka uai thar ziah nimai hian ka hria, ka thiannu Muanmuan in ka bula a sawi “Hanna tehhh nangmah vang anihchu ka ring chiah chuanglo a mahse Udavida hian min hmuh te hian min be ve ziah tawh mawle chuan hairstyle thar te a nei vel” tih thu min hrilh phei chuan keimah hi ka za chhuak vek nimaiin ka hria,ka duh em em khan min duh ve se min vei ve se tih ka duh miau a.

Sunday ni chuan chawhnu ah Muanmuani leh Mapuia leh Msa te nen kan leng a,kan leng khat bawk a nuam kan ti tlang khawp chuan ka hria,status pawh ka up hnem rem rem khawp mai,zanah chuan UDavida chuan Vawiin chu nuam i va ti ve a rawn ti a Nia a nuam lutuk kan leng khat bawk sia ka va tih chuan Nihchu,len nasat lutuk hi thalo nia a rawn ti a,chutiang teh hmuk a min rawn reply chu nuamlo ka ti khawp mai thudang ka sawi pawh chuan min rawn chhang hmuk hmuk a a tawp ah phei chuan ka reply tawh lo tawp a.

Ka pa in thingpui lo lum rawh a tih avang chuan ka phone chu thawhsan in thingpui ka va lum a,thingpui ka pek pah chuan “Tunlai hi I ler ve riau in ka hria?” nui deuh pah hian a rawn ti a, ka nauin “School kan kal dawn pawh dar9:45 am ah thlap thlap in kan chhuahsan thin’’ a rawn tihrual chuan “Vanlalruat ngawi mai mai rawh ka chokeslam mai ang che’’ ka lo ti vat a “Pa Sanghawisei a ang lutuk” a rawn tih leh lek lek phei chuan a sam ah ka va tham nghal a, a rakchul mai asin, ka phone kan en chuan UDavida message alo awm a ka hawng nghal vat a 1994 ah ka piang aw tih te mai hi alo nia,a hma a ka zawhna tunah an chhang chauh tihna,tha tak chuan kan in be chhunzawm a naktuk zanah kalo leng zuai ang aw a tih chuan ka yes rang teh asin,hepa ang hi ka la tawng ngailo a ka duh tak zet ani kei ai in upa mahse a kum let in ka duh a,a chetzia cool ruih leh a putar zia te thleng hian tun hun reilote chhung hian a zunah min uai tir a,hun reilote ni mahse ka tal chhuah theih ka in ring tawhlo.

Hma takah ka tho a kan inchung ka hawl fai vek a,chhuat ka nawt vek bawk a ka nu rawn tho in min hmuh chuan a meng phar nasa ania aw ka tho hma ngailo a tun hi ka thawh khalh vawikhat na a ni hial ang “I damlo ami?” te min ti ringawt a ka dam zia hi chu hria se min vaw er zawk zawk duh ang..

School kan ban hnuah ka nu eirawngbawl ka pui a, archaw pe tur a min tirh pawn khi sangin ka va pek mial mial kha ka mood fuh lutuk vang nge nidang zawng aiin kan arte chu ka hmu thau a nidang zawng aiin an chaw chu an chuk tha ten ka hria,zanriah kan ei lai chuan in leng ka neih tur thu ka sawi a ka nau Johana lah pek chuan “I inleng tur pa chuan hmel a en lo chu ani phawt ah” a rawn tih chuan ka melh rum teh asin aw,hmel tih mai mai ai chuan thinglung a pawimawh fe zawk ka ti rilru a, ka hnial a nih chuan kan tawp leh thei lawk dawnlo tih ka hriat avangin ka chhang peihlo law law a, ka pa in “In Exam a hnai tawh riau asin zanin chu lo lentir la mahse zandangah chuan remti hrih tawh suh ang che” a rawn tih chuan ka bu deuh nghut a,ka chawei zo chawei dawhkan thawhsan pah a “Inhrai thinlai a trap e, a duhlai thamam zun ngaiin” tih hla chu ka sa al al a,ka nu in “Remlalhruai ka vawthum dawt mai ang che ngawi mai mai rawh” a rawn tih chuan a ai a uarin “Ka tan chuan maw a na chuang e,min duhsakna zawng ai pawhin” ka tihzawm leh ngat a nui chunga kan inher chu ka nu chuan mitmeng rum zetin minlo melh a ka ti thinrim tih ka hriat chuan hlawhtling inti fein thleng chu ka sil a.

Kan doorbell a rawn rik rual chuan kawngkhar chu ka va hawng vat a UDavida ngei mai chu alo ding kur mai a awi a vahan tha ngawih ngawih tak,a rawn luh na tur in kawng ka kian vat a a ni pawh a rawn lut ve mai a,inleng ka vawikhat neihna a ni bawk nen han awmdan tur vak pawh ka hrelo min biak in a rul tawk te te in ka chhang a animai, phone a ka biak dan leh a tak a ka biak dan chu in thlau tak ani, UDavida chu ka pa chuan a be char char a a hnathawh te,a khua te a zawt a hemi khua anilo tih keipawn ka hre ve chiah Aizawl,Thuampui veng alo ni reng a,ka pa nen rei tawk fang an inkawm hnu chuan “Ka haw phawt mai ang Hanna in lehkha a zir duh ang” tihpah chuan a ding vut a,la thu rawh ila ninawm ve lawm tih mai te ka chak rum rum,in be vaklo mah ila alo len avang a nuam ka tih zia te hi a hrelo a mile.

Pawnah chuan ka zui chhuak a “I va tawng tha duhlo ve” min melh chhuk run pah chuan a rawn ti a “Nia ka zakzum reuh lutuk a” lai deuh hian ka lo ti ringawt a, a khisuk ringawt” Aniang,muttui aw” tihpah chuan ka biangah a rawn fawp zeuh a,ka khawng vek ringawt korean film a chang chu ni ila “Aigoo” tih pahin ka nghawng ka dawm anga ka tlu daih tawh ang chutia ka at mup mup lai chuan a bullet ri chuan min ti harh zawk a “Muttui” tihpah chuan a tlan chhuak a a chhan pawh ka chhang hman lo,in lamah ka tlan phei vat a tre chak viau mahila ka nu rawn chhuah ka hlau sia ka ka chu hup pahin ka zuang vak vak ringawt a.

Chu zan atang chuan kan in be nasa hle a lehkha pawh ka zir tha thei meuhlo,zirloh ai ah ka zir hram hram ti ila a dik ber ang,Inrinni zan inkhawm ban a ka phone kan en chu Udavida message ka beisei tehreng nen number hriat ngailoh hnen atang in message ka dawng a Hanna-i ini tiraw?” tihte hi alo ni a ka nih thu chu sawi in a rawn reply na pawh en tawhlo chuan ka inthak nghal daih a ka inthlak zawh a whatapp a kan luh leh chuan nichin a number ngai bawk atang khan message a lo awm a “khawngaih in Davida hi lo be tawh lo mai ta che a nupui hual ka ni a kan inhauh thinrim laiin inlo inbia tih ka hria a,hei tunah kan tha leh tawh a Davida hian beiseina a lo pe ve ting tang tawh che sia biak loh tawp che chu a khawngaih ve deuh che a mahse ka pasal hual in hmeichhia a biak reng hi ka duhlo a khawngaihin lo be tawh suh aw, nangchu ila naupang a pawl12 kha tha deuhin pass tum zawk la tiraw? tihhi alo ni a chumi ka chhiar zawh rual chuan ka na thla rawih rawih hian ka hria, min thamlohzia leh Udavida ka phulohzia min hriattir ni berin ka hria, “Udavid i tlan tauhna mai maimaw ka lo nih” ti a ka phunchhuah sap rual chuan ka biang chu a rawn lum thla pap a,mipa in a an tihnat a ka rin ngailoh ka thinlung hi a na ani.

Kha nu thusawi kha a dik nge ka hrelo,kha message ka dawn zan atang khan UDavida chu a reh hmiah a,kei ka na em em thung kan in text tan tirh kha chuan beisei neilo zet in ka bia a mahse ani khan ka beiseina chu min chhem alh sak a ka hriatloh laiin ka beiseina chu a lakah a sang tual tual a mahse tunah heti mai kan ni ta si,ka ngaihzawng ka mipa nilo mahse ka duh em avangin ka na a ka hmangaih em tihchu hrelo mahila ka atchilh hle tih chu ka hria a mahse mi duhlai nilo nupui hual neilai chu biak reng ka tum tawh biklo.

Muanmuani bank kal tur chuan kan minlo video call a,Udavida chu be duh tawhlo mahila ka hmuh chak em avang chuan theih leh theihloh a a rawn tih lang chuan ka lo en tlawk tlawk a,a that ngaiin a la tha reng a ka beisei tawhlo ti mahila he thinlung erawh hi chuan a beidawnsan thei silo heti lai tak hi a ni hahthlak chu,Signal a chhiat em avang chuan Muanmuani nen kan in video call na chu ka ti tawp a Uvida thla minlo lak tur chuan ka hrilh hram…

Zanah Muanmuanin minlo call chuan “Awi ka zak lutuk UVida thla minlo lak rawh tih i rawn thawn kha,UVidan ka phone leh ka bank account thlun zawm tir tur a a siam lai kha nia Uvidan i message kha a hmu kur nia,chuta karah i hming Hannah Davida-i tiin ka la save zui ka zak lutuk chuan kha bank security guard Usiama kha i hria em? kha khan Davida thla i lakruk kha CCTV ah a lang vek a nia ala ti zui nangmah vangin vawiin chu ka zak lutuk” a rawn ti hrep ka lo nuih hrep ringawt a mahse ka zak ve tho,rei fe kan in biak hnu chuan kan inbiak na chu kan ti tawp a,lehkha chu peihlo chung chung chuan ka zir a class12 zawh vat a hna neih vat ka vahan chak tawh tak em chumi hunah chuan UDavida pawh ka phu ve tawh mai thei asin tinge Udavida ngat hi ka thluak ah a awm le?

UDavida ka tawn hma kha chuan keima tawk ah khan ka induh tawk ve a mahse UDavida ka tawng a ka tan a sang mah mah a ka insit nimaiin ka hria,a tan a tha ber nih ka tum a mahse tunah rih chuan a tan ka tlinglo ani ,tun a atan a ka beih ve fan fan na hian awmzia a nei ve maithei asin tihchu ka inhnem ve na ber ani,mahse chu hun chu lo thleng ta se mi pasal duhlai ani ngei anga ti thu hian min ti nguai a ka inhnem ve na ber pawh chu a thiat leh thin.

Hun aliam a hostel kan luh nan kar khat chiah a awm tawh tihah chuan a tawp nan tiin UDavida chu ka va bia a min rawn reply vat a I va ngaihawm dawn ve, i reh dawn lutuk a a rawn ti a Nangpawh i ngaihawm dawn lutuk innu leh khan tha deuhin lo awm tawh ru aw ka va tihchuan *Innu a?” a rawn ti hu mai,a nupui hual in min lo text dan vel chu ka hrilh chuan *Engahmah ngai suh,a ti ve mai mai anih dawn chu nupui hual ka neilo lo betu che chu ka hre mai a ani nen kha chuan kan inthen na a rei tawh lutuk tunah chuan nangmah bak ka thluak ah I awmlo* a rawn tih chuan ka thin a phu dawt dawt mai UDavid ka tinge min bum kual mai mai a? ka thu chunkanva thawn a *Ka bum ngailo che I thiannu in ngaihzawng I nei tih min hrilh vang ania ka lo biak tawhloh che” a rawn tihchuan ka ang phuau ringawt a,tu ka thiannu nge tih ka va zawh chuan Muanmuani anih thu a rawn sawi a, a mi rawn sawi avang chuan mak ka ti leh zual “Udavid ava mak dawn ve nangmah min duhpui a min sawipui reng thintu anisia” ka va tih chuan “Ni e a chang hi chuan kan bula mi kan rin ber te hi rin ngamloh ber an ni chawk asin,anih chuan I sawi dan vela tang hian ngaihzawng chu I neilo animaw?” a rawn ti a “aw neilo e I ex vang in alawm ka lo biakloh che “ ka ti tha ve mai a “anihchuan vawiin atangin ka bialnu I ni nghal aw,hostelah va lerlo la tha deuhin lehkha I zir dawnnia,hei lunch break a zo a hna ka thawh leh nghal angai bye aw” tihchuan min rawn reply a khawvel ram zau ah hian mi bem a thiamlo ber ang ka chhanna pawh nghaklo in a bialnu min nih tir ringawt ania, a putar zia a rawn chhuak ka ti mai mahse a pawilo vawiin atang chuan UDavida bialnu ka ni tawh tho a engdang mah ka ngaihtuah duh tawhlo..

Zanah chuan min rawn call a kan inbiak na pawh ka record thlap,a engkim zunah hian ka uai ti ila ka sawi suallo ang,tun karhnih ral ta te khan lo be vat ila ka nalo mai tur ania,Muanmuani bulah ka lo sawi hman kha ka inchhir anin engkim hrereng chungin minlo la hnem ve zui kha nia avahan lem tak emdawt min hrilh ai chuan min phatsanna hi na ka ti zawk mahse ka duhber Udavida ka nei tawh tho a engtinmah chuan ka tilo anga mahse ka kawm leh tawh ngailo ang.

Kan in biak lai a Udavida thusawi pakhat ka hriat chian em em chu Kum sawm velin kan inthlau a nupui neih ka hun tawh tih pawh i hriat ka ring,bialnu hi nangmah nen chhiar in pathum bak ka la neilo a,ngaihzawng thlak kual dun dun turin ka kum ah a tih chi vak tawhlo bawk chuvang chuan ka nupui tur ang in in ngai la ka duh lehkha i zir zawm duh a min nghak rawh i tih chuan ka nghak zel ang che mahse in ngaizawng ve mai mai emaw in hmel duh satliah ang mai mai a kan inkar i kalpui dawn anih chuan kan kal thui hma in kan inkar hi ti tawp ila ka duh a tihkha ani,khi thu a sawi a ka chhanna chu I nupui nih ka duh ka phatsan ngailo ang che tihkha ani,ni e ka duhna ala reilo mahse hetiang em em a ka mipa vei hi ka phatsan theih ka inring lo ani .

Hun a liam a hostel a kan luh hun tur pawh a hnai tial tial a, hostel ka luh hma ni chuan UDavida nen chuan champhai ah kan kal a thil chi hrang hrang min lei a min ei pui bawk a a nuam ka ti kher mai,mualnuamah chuan kallin champhai khawpui lantheihnaah chuan kan thu a nisa deuh mahse thli a tho reng a a zia phian mai,ka pum chu a rawn na leh thin a a rawn ri leh ruk ruk thin a hunlo ka ti kher mai udavidan min biakna ka chhanloh chuan minlo enchhuk vat a “Udavid ka ek angai”ka lo ti sep chu a meng deuh kawk in ka hria “Engtin maw?” a rawn tih chuan “ek ka cheh dawn kan vat ang” tih leh din ka rual a a bullet dahna lamah mawng hup chungin ka tlan phei a,minlo zui tih ka hriat chuan ka thla a muang sawt in ka hria,a bullet ah ka chuang chiah tih chuan kan tlanchhuak nghal a,kawnga chhe bawk si min tlan chak pui bawk nen kan sawt leh thin a ka insum theilo lek lek tawh kan in hmuh hmasak berah chuan min dinpui a a neitunu chu min biaksak nghal bawk a,inthiar tur a bathroom a ka luh dawn chuan “E treuh rawh aw” an rawn ti chu rum deuh hian ka va melh a,nui hmel pawh pu chuanglo hian minlo en ve reng a,ka inthiar zo chu ka ruak huaiin ka hria Udavida chu ka zah thar riau bawk mahse mihring kan nia kan chunga thlengtur kan hre bik hleinem ti a inhnem pah chuan bathroom chu ka chhuahsan inneitunu hnen a lawmthu kan sawi hnu chuan,bullet ah chuan ka chuang a kan khaw lampan chuan min phur haw a,a kawngah kuah in ka bei thlap a,a fiamthu rawn thawh leh zeuh thin avang chuan ka nui leh hak thin a,kan in gate a ka luh chuan ka nu in “Mipa i in phurh tir ve hawr hawr ngam tawh elaw?” a rawn ti a “Nih ve hawr hawr kha,ka chhun che a ka thak tlat” ka tihchuan min melhno lo teh asin…

A tukah chuan ka nu leh ka pa chuan hostel ah chuan min thlah a Udavida chu an hna ah a buai em avangin a hmanlo a,ngai viau mahila ka hrethiam tho mai a hnathawh hi a hahthlak ve em a ni,hostel a ka luh zan chuan ka lung a leng ngei mai UDavida pawh a lung a len ve tho ka ring amah ti buai ber tu ka awm dawn tlat lo a..

Hun a ral ve bek bek a Udavidan lehkhazir tur a min fuihnate kha ka hre reng a lehkha pawh ka zir nasa khawp mai a thusawi ka zawm that avang chuan keipawh chu ka hlim,ka nu leh ka pa min zilhna hi chu ka duh lai chin chiah hi ka zawm thin a mahse UDavida min zilhna erawh hi chu 100 ah 100 in ka zawm thlap.

Board exam kan hmachhawn a lehkha ka zir nasa bawk a ka rin aiin ka ti tha zel a, keipawh ka lawm ve khawp mai,subject hnuhnung ber kan exam zawh ni chuan ka thawveng lutuk chu thawlo ang vel ka ni,tlai lam dar thum ah ka chhungten min rawn hruai a ka nu chuan ka cher thu min hrilh reng ringawt,ni e zan kan mengrei in lehkha kan zir nasa bawk sia kan chawei a tuilo a kan kuh fer hlawm mai..

Zanah chuan a changtupa chu kan inchhung ah a rawn pen lut chhap chhap,a that ngaiin alo la tha reng anihhi,a rawn len vawikhat na ai kha chuan keipawh ka tawng tam ve tawh ka pa te pawh chance min pek ve an duh nge ni an room ah mutur in an lut thuai a,kan pahnih a kan han thut dun meuh chuan sawi tur avang leh tawh khawp mai,ka kut a rawn hum chuan amah chu ka en nghal vat a ka khabe ah a kut rawn dah leh in min kuai dak deuh a a vawikhat nan ka hmuiah ngei mai chuan min rawn fawp a ka thlawk delh delh nimai hian ka hria,ka thawnthu chhiar ah chuan an infawh hmasak ber hian an hmui thlum dep dep thu te an sawi thin a,keichuan chutiang chu engmah ka hrevelo udavida chuan min thlahpah hian”tinge a” a rawn ti a “Thawnthu velah hiana thlum dep dep mai an ti thin sia a thlum pawh ka hrelo” ka lo tih chuan “hmui maw” alo ti a, ka lo buk nghauh a hmuh rual chuan “kan infawh leh hunah sweet ka lo ei tawh dawnnia” a rawn ti a ka lo nui hak a ani pawh a nui ve tho,thingpui te a in leh hnu chuan ah chuan a haw a keipawh intifai sawk sawk in ka mu nghal a.

Ka pa in NEET coaching kal tur a min tih tlat avang chuan hreh deuh chung chuan Aizawl lamah chuan ka chhuk a ka ni te inlamah ka in nghat bawk a,lungleng viau mah ila ka hrehawm tihna leh ka lunglennna chu dah len ka tumlo UDavida nen kan tan zel ani a hna ka nei vat anih leh kan innei vat thei tihna animai ti a infuih in ka zirlai te chu uluk deuhin ka zir a,test naah te chuana titha pawl ka ni ve zel a min zirtirtu te pawn min hre chho ve tial tial a keipawn hrehawm ka ti bik talo.

Thla khat lai Aizawl ah ka awm tawh a ka coaching kalna ah pawh thian ka nei ve nual tawh a,Udavida nen kan inbe reng a tunkar tawp ah a hna thil avangin alo kal dawn a ka lawm ngei mai…..Dam chuan hun hi a kal zung zung anih dawn hi UDavida pawh vawiinah Aizawl ah alo kal dawn a naktukah kan leng chhuak dawn bawk chuan a tukleh ah a let leh nghal ang,UDavida nen kan inhmuh chuan zah pawh sawilo in kava pawm chawt a,thlakhat chauh la awm hrang mahila ka ngai em ani,KFC ah kan chawl dun a ka kut leh lam erawh ala vuan reng thung,ka thlakhleh ang chiah hian min thlahlel ve ani tih ka hriat chuan ka lawm kher mai…

A tukah a chhuk leh nghal dawn avang chuan zanah reilote a rawn leng a nidang zawng aiin ka ngaiin ka hria,a chhuk ni chuan nileng in ka nguai a ,a bialnu hlui a hma a minlo text tu lah khan tihtur aneilo nge mawni min rawn la be ve chhen zui a ka ning tak tak ani,udavida ka hrilh chuan I duh leh block daih la a ti sam et a block em chu ka block lo a,a message ho seenlo in ka dah tawp a, a duh leh inkawm nan lo hmang mai mai teh se

NEET exam kan tan a ka ti tha ve hle chuan ka hria,kan exam zawh ni chuan UDavida a rawn chhuk a naktukah a rual in kan khua ah ka haw dawn bawk,zanah reilote alo leng a,a hmel chu ka hmuh sual nge a ngui riau in ka hria,athat leh thatloh ka zawh lahin a that thu in min chhang mai a,inbiak pawh inbe lemlo chuan TV chu kan en dun reng a,thingpui a in leh a chumi hnu chuan rei pawh awm tawhlo in a haw a,a awmdan khan ka awm a ti nuam thei thlawtlo mahse a tuk zingah chuan a hma a ka hriat thin UDavida ang ngei mai chuan a awm leh a ka rilru pawh a nuam deuh huai mai…

Kan haw kawngah chuan ka mutthluksan deuh char char nimaiin ka hria,kan khua kan thlen in min kaitho a ka ham bai bai a hmuh chuan “mut ila kham nange” nui deuh suk hian a rawn ti a lu ka lo thing ringawt a ka bungruate chu min thiar luhsak,thingpui a in leh zuai hnu chuan an in lamah a phei ve nghal a. Kan khua a ka haw hnuah zantin UDavida chu alo leng a ka chhungte nen pawh an in pawh ve tawh khawp mai,chutia hlim tak a kan awm lai chuan NEET ka exam result a rawn chhuak a vanneih thlak takin Doctor zir turin sheet ka chang ve hlauh mai a,ka pa lawm lutuk chuan kan awmna khua a kan chhungte leh a thian thenkhat te leh ka thiante leh UDavida chawei ah a sawm a ruai kan theh mup mup a nuam khawp mai..

Doctor zir tur a ka kal a hun chuan UDavidan Lengpui airport thleng min thlah a,sawi dawtlo mahse min ngai dawn tih ka hre ve reng keichuan ka ngai dawn lutuk hi ka sawi peihlo law law zawk,a thusawi ka beng a ri ring em em chu Tha deuhin va zir la,ka lo nghak reng ang che a tihkha ani,a tawi zawngin sawi ila chutiang chuan Doctor zir tur chuan Delhi ah chuan ka chhuk ta a ka awm tantirh chuan ka lung a leng lutuk a lehkha ka zir tha thei meuhlo mahse UDavidan min fuih reng a,khaw lum leh lunglen a lo in rem vaklo bawk nen ka tuar thei ta viau.

Thlaruk lai ka awm hnu chuan UDavida ka be tlang thei ta reng renglo a,IG ah pawh min block nge ka hrelo a hming ka zawng a a hming ang chu tam mahse amah tak ka hmu tawh miahlo,ka chhungte bula UDavida chanchin ka zawh chuan Aizawl a an transfer thu min rawn hrilh a mahse a dang engmah an lo hre biklo,min tha then a tum nge thil tih sual ka nei zawk tih chu zantin ka in zawt a mahse ka zawhna chhanna chu ka nei ngailo…

Christmas chawlh ah chuan Mizoram ah ka haw a,Mizoram ka thlen rual a ka thu hriat hmasak ber chu UDavidan sawn a thlak, nupui a nei dawn tih thu hi ani,chu pawh naktukah a nupui tur pawh tudang nilo in a bialnu hlui min rawn be fo thin tu Emily kha a ni,a thusawi Ka lo nghak reng ang che a tih thu kha a vahan zawmlo chiang tak em,ka na lutuk chu tah pawh ka tap theilo,Angaihi te Muanmuani te leh ka chhungte pawn engkim anlo hre vek tawh a, minlo hrilh duhlo char char alo nia,ni e ka demlo UDavida ka hmangaih zia an hre tlat a ka nat an hlau ani ngei ang…

UDavida te inneih ni chuan an inneihna hall pawn lam atang chuan ka thlir reng a, photo booth a thla an lak lai te chuan ka na lutuk chu ka tlu lo chauh,tinge UDavid hetiang thil hi ka chungah i tih? Engtinnge min phatsan theih zawk? tihchu amah en reng chung chuan ka rilru chuan ka zawt mawlh mawlh a,vawilehkhatah ka lam a rawn hawi thut a min hmuh a in ring vak lo a ni ngei ang a meng phawk hra mai,a lamah chuan ka kut zungpui chu ka va ti pir vah a, mittui parawl kuau chung chuan ka nuilui sang bawk ka hmangaih ber nupui neih ni a ni a,minlo tina tawh tu pawh nise rilru nuamlo deuh a awm tir ka duh biklo a ni pawh chu a rawn nuisuk a a hmui phun in Sorry a rawn ti sup bawk a,a thusawi avang khan ka thinlung na hi dam thei se ka ti ngawt mai mahse chhete pawh a adam phahlo….

END OF FLASHBACK


Tunah hian miten a an zah thin em em Doctor ka ni ve tawh a mahse ka nun ah hian hmun ruak zau tak a awm a mahse chu hmunruak chu zau hle mahse mi pakhat chiah in a luah thei a,chupa chu tu dang nilo in ka Zan Thiangreh UDavida ngei kha ani mahse a ni chu ka tan beisei chi a ni tawhlo tih ka hria a mahse ka beisei tawhloh vang ringawt hian ka hmangaih tawhlo thei ringawt silo, mipa betu neilo ka ni biklo a,ngaihzawn tumin keipawn ka be ve nasa mahse Udavida avanga ka hliam te tidam theitu ka hmuh ngaihloh avangin a dam hun law law keimah hian ka nghak a ni ber.

Ka bula mu Angaihi zun chhuak rawn tho avang chuan ka ngaihtuah na atang chuan ka harhchhuak zawk a,ka hriatloh karin ka mittui a lo tla leh tawh tih ka hre chiah ni e UDavida ka ngaihtuah chhuah apiang hi chuan ka mittui a hul thei ngailo,ka ngai takzet ani,a mi kuahna te a fawh te a duatna te kha ka la khamlo asin kum riat lai liam tawh mahse ka lakah a in sawifiah ka la beisei tlat hi ka inhre thiam tawh biklo, ka la thlah phallo ni ber mai hian ka hria, ka phone chu phawrh in whatapp ah chuan ka lut nghal a,thawk lak hak pah chuan ti hian status ka up a “I tan a ruat ni silo,I ngaihtuahloh theih siloh kha i ngai a ni tiraw? Ngaihtuahloh I tum poh leh I mitthla ah a hma aia fiahin alo lang a,I phuloh em avangin hrehawm tiin thawk ila leh hawk thin tiraw? Ka hrethiam che asin Nang ang tho a Mi Vanduai ka nih avangin”tih thu chu ka up a, a dang en tawh lemlo chuan ka phone chu lukham bulah chuan dahin ka mutdan ka siam rem a.

“I mu thei lo mi?” Ka bulah rawn mu paha Angaihin a tih chuan “Angaih engtik ah nge ka theihnghilh theih ve ang le?” ka lo ti a “UDavida leh bawk maw? Theihnghilh tum suh i thei dawn chuanglo hrereng chung a en liam tum zawk rawh” tihpah chuan min rawn kuah a a muhil zui nghal a ni ngei ang a tho seng seng a,kei erawh chu zan a rei tual tual a ka harh tulh tulh ringawt..

Hun a liam a keipawh ka hna lamah ka buai bawk nen UDavida lam ka ngaihtuah chhuak khat leh ta khawp mai,tlai khat ka hna atanga ka haw chu UDavida ang deuh ka hmu a kan enchiang chuan alo ni tak tak a,a bullet chu ka umzui vat a,rei fe a tlan hnu chuan in lian ve tak pakhat ah chuan a tlan lut a a bullet garage a a dah hnu chuan pawna amah ang zet mipa naupang chu a pawm a a fapa a ni ngei ang,chutah kawngkhar chu a rawn in hawng a Emily ngei mai chu a rawn pen chhuak a an chhungkua chu an hlim hmel kher mai,UDavida chuan Emily kawngah chuan a kuah a Emily lah in duh hmel deuhin a en bawk saw saw ka chhungkua tur a ka duhthusam zawk kha ani asin mahse ka ta tur a ni ve silo,keichuan ralkhat atang chauh a lo thlir hi ka tih theih tawk ani si..

Ani nen chuan Nî ☀️leh Ruah🌧️ ang hi kan ni a,Nî leh ruah chu chhuahna thuhmun Van atanga lo chhuak ni mahse a rualin an lang ngailo tluk ani si a…Ruahsur changa nî lo lan chang chu a awm na meuh mai chutiang bawkin nîsat vanglai tak a ruah rawn sur chang pawh a awm alawm mahse awmdun tur a ruat ni ta ngang lo chu pakhat zawk zawkin hnehna a chang a,pakhat zawk chuan cham la duh hle mahse a kalsan angai a, a awmna tur diktak a a let leh a ngai thin…Chutiang chiah chu UDavida nen a kan inkar ani,kan inkar thawnthu ve hi kan zawm dan a in ang lo a thawnthu in ang reng thin kha a kalhrang tlat a zawm theih ani tawhlo,piannawn lehna a awm anihchu kan thawnthu ziak dun ve ngei tawh ang aw.

A TAWP TA

Zuals Khiangte

I wrote my imagination✨

This Post Has One Comment

  1. mama

    Doctor zir tur a ‘sheet’ chang tih hi ‘seat’ tiin correct la a ṭhat ka ring.

Leave a Reply