You are currently viewing Vanlalpeki Fanai : ZORÛNMÁWIA
Oplus_131072

Vanlalpeki Fanai : ZORÛNMÁWIA

Spread the love

×*************************************

“Malsawmsang, rawn hmanhmawh ve ta che”

Awi aw!! Tehzek ṭhin chuan. Mahse,A mi vin na awrawl chu engatanmah ka ngai lo a ni tih hriat zet in

“ZORÛNMÁWI ! Lo ngawi hle hle teh. Kalo kal malek tur asin” ka ti let erh!

Chutia ka han tih takah chuan zaidam zawk hian a rawn ṭawng chhuak leh ta thung a.

“Taktak a, lo kal thuai thuai teh hei, ka ṭhian dang te chu an lo thleng vek tawh ania” a rawn ti leh. Keipawh thinrim vanga khatia au chhuak chiam kha ka nih bik loh avang in ka nem zui veleh mai.

Zorûnmáwia nen hian naupan tet taktak aṭanga inkawm tawh kan ni a, kan inlaichinna ngheh dan tur leh in duhsak tawn tawh zia tur chu in hrethiam maiin ka ring. Tunah hian kan kum 24 na kan hmang mek a, vawiin hi a birthday ani nghe nghe. Ṭhianho a cha2 eikhawm a rawt vang ania a rawn hmanhmawh em em mai ni. Tin, han sawi thui ta zel ila, a nu leh pa te hi sumdawng hlawhtling tak niin an khawsak pawh a harsa hran lo hle a, a duh apiang a neih theih chu sawiloh, a duhloh te  thleng pawh hian a nei kim vek awm asin. Sumdawnna vang in a nu leh pa te hi ram hrang hrang, entirnan : China, Bangkok leh Thailand tih velah hian zin kual in hun an hmang fo a, an fate awp lum tur pawh hian hun an insiam hman ngai meuh lo chu ani. Zo-a hian unaupa pakhat neiin amah hi a naupang zawk ala ni zui a. An unau lo enkawl tu tur atan hian awmpui pawh pahnih lai chu an laksak nghe nghe. Tin, Aizawl leh Mizoram khawpui hmun hrang hrang ah hian dawr liantham fe fe an hung thluah bawk. Chung ho enkawl tur chuan Zo-a unaupa, ULawmzuala hi an dah deuh tawp a, an nu leh pa te chu sawiloh ani lehzel pawh chuan inchhung chu a awp lum hman meuhlo ani e.  Zo-a tan chuan ‘Nuam Singkhaw’ hi ani hawt.  A chhungte zinbo chhung chu remchang ah hmang in an inchhung lian leh zau pui mai ah chuan ‘Châwng’ alo chen ta ṭhin ani.

“Kalo thleng e” tiin ka han au zui lang lang a, inchhung chu alo reh ṭhiap mai. 

“Khawnge maw in awm leh vek si le!” Ti a phun zui nuah nuah  chung chuan ka han zawng kual pah ruai bawk a. Chutah, an huan lam aṭang in hlim nui thawm chu ka hre ta mai. Rang zet hian an thawm awmna lam chu ka pan nghal a.

Chutah, huan chhung zau leh thawveng nuam fahran hnuaiah chuan dawhkan sei pui kil hian an ṭhian mipa 5 vel leh hmeichhe 3 te chu an lo ṭhu ṭhap tih ka va hmu nghal. Zu changkang chi ngat chu an lo la in zui a! Min thlim an tum ani maw ti rilru neuh neuh chung hian an awmna lamah chuan ka tlan phei ve vat.

“Nge min lo tihsan vek a? ” ka va ti nghal tawng. Chuveleh ka aw chu hria in an zavai mai chuan an rawn hawi rual ta ṭhap. Midang ho nen hi chuan inkawm ve lutuk lo mah ila Zo-a hi ka ṭhianpa ve tho anih avang in kan inhmu fo hlawm a, in ngaina lo lutuk chu kan ni tawh biklo. Ka hmel an hmuh rual in an rawn nui nghal ṭhaw a, ṭhutna tur te chu min lo kawhhmuh nghal sap sap. Phur leh tha tho fahran a ka han ṭhu tur chiah chu Zo-a rawn ṭawng chhuak in

“Ms, la ṭhu lo lawk teh. Inchhung ah khan tihtur a awm nual a, hei kan ṭhiannu te nen hian in kut ah kalo dah deuh tawp mai, ihh tlem in a hmeichhe hna deuh bawk sia” tiin mi rawn nuih tlawn vel anih chu! Ava han chimawm rapthlak tak em! A thilsawi avang chuan ka tûm deuh nghal bur a, ani erawh mi pawh en tawh lemlo chuan a nui zui leh huah huah. Heiham

“Khawnge in awmpui nula pahnih te kha an awm a?” Ti let nghat in wine chu ka thli zui ve zat. Chuveleh ani chuan awlsam leh ngaihsam hmel fe hian

“Ka haw tir rih. Vawiin atan chauh!” Awi…a tukkhum ah hian ka beng fawk dawn emni le…hetiang em em a rem han hriatloh mai chu. Hrim hrim in a birthday lawmna hun ah hian ka la kal ve deuh ziah a, ka hah em em ringawt ziah bawk. Heti tak a min ti hah ṭhin leh min dim lo bik ziah chu ka lai a na ve thlawt ani. Ka piancham lo thleng rawh se, a hre ve dawn khawp. 

Tihtur awm ang ang te chu ngawi reng hian ka ti pah mial mial a, a khat tawk in wine chu ka lem leh zauh ṭhin bawk. Chutia darkar khat vel bawr zet kan han buai nak nak hnu chuan eitur te pawh chu kan siam zo ta a, tih fel tur awm ang ang te pawh ka ti fel zo thawkhat ta. Tih leh mai tur hrelo a kalo din ngawih reng lai chuan Zo-a chu lo lut ve in

“Ms, wine kha keng la, ka room ah lo chho lawk teh aw” a rawn ti deuh sup. Amah chu inchung pan in a chho zui ve nghal bawk a. Ka theihtawp chuan kalo melhrum ve nghek na a min hmuh lem loh avangin awmzia tehchiam chu a nei hran lo hle. Tichuan a sawi ang in wine bottle khat chu ka keng a, a room lam chu ka pan zui ve ta ani.

A room kawngka chu kik dat dat in a rawn hawng thuai a, min nuih deuh sak bawk.

“Kha” tiin bottle chu ka han lek chhuak vat a, mahse hmulo ang mai hian a inher a a khum lam a pan zui daih anih chu. Chimawm thei rem rem hlemai maw. Insawh nghawl nghawl pah leh tum bar chuan a hnungah ka zui ve ta ringawt.

“Kawngka kha han kalh ṭha teh. ” ala rawn ti hram. Awi ka ning zozai. Kawngka ka kalh ṭhat leh hnuin a bulah chuan ka va ṭhu zui ve ta nge nge ani. Ka ṭhu fel chiah tih rual in ka bottle ken lai chu alo ban thuai a, amah chu ka lo melh reng ringawt thung.

“Huan ah khan i in ṭeuh tawh emaw ka tia, tinge hetah kher?” Ka ti hmuk. Ani erawh alo nui leh mai a.

“Hetia ka tihchhan hi i hrelo taktak a maw!?” Tiin min rawn melh zauh. Kei chuan ka hnar lo tum khum dat pah hian

“Hriattur a awm pawh ka hre hleinem. I hahthlak. Min ti hah bawk si, i birthday hi chu ka tan chuan hah day ani ringawt zel” ka sawi zawh rual chiah hian chiang fahran leh hnai set sawt ah min rawn en anih chu mawle. Ka phu zuk a, ka meng phawk nasa hle bawk. Chiang fahran a min melh vang vang hnuah chuan a rawn nui chhuak hak mai a. Zawi sap hian

“Ka rilru ang hi i pu ve emaw ka lo ti asin” ati ringawt. A thusawi kha chu engpawhnise, chuti teh fahran a min han en chiang ta mai chu nidang a a tih ngailoh tawp thil anih avangin kalo dawl rei ta bik vak lo ani ngei ang, ka mit ka chhing zui daih. Ka en zui ve ngam thlawt lo ani e. Ani chu a rawn nui chhuak leh hak a, kei erawh chu ka sa chhuak vek a, ka hmai te pawh chu sen chhuak vek tawh hial in ania ka rin. He pa hian eng thil chiah nge maw a hriat le aw?  Min ti zak ve thlawt.

“Taktak chuan Ms, meng tawh rawh. Ka koh kher nachhan che chu ka kawr hak lai hi ka thlak duh sia, i hriat ang khan nimin lamah ka dar nâ kha a rawn chhuak leh a, mahni chauh a han beih chu ka huphurh deuh alawm le” ati zui zat zat.

“Hmmh…a tir khan sawi ṭha ve mai ta che. Maksak deuh deuh a awm kher kha a ṭul emni?'”

“A hrim hrim in nangpawh i zam chhe ve reng reng. Nge i nervous viau a, ka bulah i awm fal ngailo pawh anilo a” a rawn tih leh takah chuan kei chu kalo ngawi daih. A sawi dik ve reng alawm le, keipawh hi eng nge maw ka hriat tak aw. Ani hi ka ṭhianpa ngawih ngawih ani a, ka bestfriend hial ani bawk. Hman ata tawh tun thleng in kan la inthlah lo hrim hrim a, tun a ka awmdan ang khan nidang  leh hun dang ah ka khawsak ngai pawh ka hrelo e. Ka dik hlawllo ani tih hria in ka han thaw zui hawk a, ka biang sa hum hum te chu na vak lo hian ka beng deuh thek thek.

“Khawi le, i kawr chu hlip dawn ang hmiang” tiin a hmazawn ah tak chuan ka ding chhuak thurh a. Hrilhhai hmel zet hian min rawn en chho deuh haw. Kei lah chuan kalo chhuk melh deuh run bawk nen. Nimahsela, amah zawk chu rawn insiamṭha leh thuaiin khawdang a hawi zui a, muangchang hian a bân pahnih te chu a rawn phar zui leh. Kei chuan dim fahran hian a kawrban chu kalo pawt dawk ṭan a, eng thu mah ka la sawi leh lo bawk. 

“Ai ah! Ava na ve” a rawn tih ṭhat ri chuan min ti harh zawk thei nia. Thildang kalo ngaihtuah pah nasa lutuk khan ka khawih dim ta vak lo ani ngei ang le. Rang zet hian 

“Oh khaih! Ka tihpalh lutuk” tiin a hma aia dim zawk mah chuan ka phelhsak leh ṭan ta a. A kawrban ka pawtchhuak zo ṭep tih in a ngai te bawk chuan a rawn ṭe chhuak leh ta.

“Dim ve deuh hlek teh. A na taktak ania” tiin a meng nur nasa hle. A hmel naupangchhia zet chu ka en a, ka nuih a za tlat pek.

“Tihpalh tihpalh” kalo tih zat hnu chuan vin deuh hlek hian 

“Tihpalh tih kha sawi fo lo teh. Dim la a tawk ani mai” a rawn ti ṭhat a. Kalo melhrum nghek thung.

Chutia dim tak leh zawimuang a kan han beih tak ngar ngar hnu chuan kan inphelh zo ta hram alawm. Ka hma lawk ah chuan kawr ha lo hian a ṭhu ta kûng mai a, a nihna takah chuan nidangah pawh chutiang kawr ha lo tih vel maimai te chu ka hmu ngun lutuk. Engahmah ka ngai hran lem lo bawk. Mahse, vawiin chu keimah hi ka dik hlawllo ka tih tawh kha. A sa in phut mawi tawk tak leh a piannalh tak te, a tawk chauh a sek a dul bawr vel lo lang ve reng mai te chuan kei a ṭhiannu mit hi an va la fal tehlul em! Nidang zawng ai khan mawi ka ti a, ngawi reng chuan kalo melh leh vang vang ṭhin.

“Hey! Eng nge khatia min lo melh vang vang a? Tihian min ṭhut tir reng dawn nge kawr dang min hak tir leh dawn?” Kei chu ka harhchhuak deuh zawk. Rang zet hian a drawer lam pan in ka in her zui vut a. Ka tha te chu a khur vel nia mawle. Malsawmsang, i ṭhianṭha ber hmaah hian i mualpho in in control vat rawh. Zaktheilo leh lutuk mai.

Kut khur dar dar chung hian a drawer chu ka hai rawk rawk. 

“Tinge ka underpant bawm chu i va hai tak chiam chiam a? Tunah chuan kawr hak tur chiah alawm ka mamawh” tiin ka bulah chuan a rawn ding zui ta mai. Ka thil hai lai chu tawp chat in ka han enchiang a,  karei! A sawi ang tak takin a kekawrte dahna bawm lek chu lo niin!

“Khawi maw, keimah hian ka`n en mai ange” tiin ka thil haina hnuai chiah bawm zawk chu a rawn pawt hawng ta mai.

“Hei leh chen hi kan lo inkawm ve tawh a, ka thawmhnaw dah na bik hi chu hre ve tawh tur ini mawle” ati zui nuah nuah. Kei erawh sawitur reng reng ka hrelo a, a bulah chuan tihsual nei ang maiin kalo ding zum ve zut ringawt. Tichuan kawr pakhat chu rawn khai chhuak nawlh in

“Kha, min hak tir leh loh chuan” tiin khum lam bawk chu a pan leh.

“Tinge vawiin hi i awmdan ava dik lo ve a. I nuamsam lo zawk nge?” Tiin ka chal te chu a rawn khawih vel a. Chutah, ka thiltih lai chu ka tawp chawt, a rawn rak zui ve ṭhat bawk.

“Ava na ṭhin ve aw” ati zui vang vang mai.

“Tihpalh lutuk”

“Tihpalh tih thu lah chu i sawi chhen bawk a” alo ti zui leh nang nang.

A kawr ka hak tir zawh hnu chuan in her deuh vut in

“Ka chhuk tawh mai ang” ka ti sap. Mahse mak tak mai hian ani thung chuan aw zawi fiah fai tak si in

“A ṭullo. Hetah awm rawh” thupe aw te pawh a ang mah zawk e. Kei chu ka ding dat a. Ka ṭawng chhuak ve aih lo. Tichuan ka hnung mai ah rawn ding zui ve in ka tukkhum chu a za nghal mer mer thei.

“Eng nge i hriat a? I awmdan hi a dik miahlo, i nawmsam loh chuan sawi la”  min tih chuan aw khur der der chung hian

“Aih, ka dam ṭha lutuk. Wine in belh ka chak mai mai alawm” ka ti kual ta vel.

“Wine te chu hetah pawh a awm reng a. I duh phawt chuan kan in dun dawn nia” tiin a awki chu a zangkhai ta hlek. Keipawhin ka awmdan teh hrep chu thup bo hram tumin ka in her zui ve a, ka nui pah var var bawk. A hma anga awm leh kha ka duh ti rilru mawlh mawlh chung in

“Hawh, in dun ila. Mahse, i ṭhiante khu, i awm lo rei si a nuamlo an ti vek anga”

Ani thung chu alo nui leh mai a. Chair a ṭhut thlak pah hian 

“Teuhlo, ei leh in tur an hnianghnar a, an chatthla ṭep tawh hial ang chu” a ti duh lek. A ṭhutna hma chair ah chuan va ṭhu ve nghal zat in wine chu ka thli pah zat bawk. A wine tur ka pek chu lo thawk khat nghal piap in a tihdan chu ka zir chhunzawm ve nghal bawk.  Ani erawh a lo nui kiah kiah thung. Chutiang zel chuan tiin reilo ah wine bottle khat chu kan in zo ta vek. Lu lam in hna alo thawk ṭan ta bawk nen kan nuih chu a za tial tial a, kan nuih ti za tu thil te lah chu a’n ho thei laileng khawp. Nidang ah pawh a nuihzat ngai hleih loh ka bek sam kir lai te chu namen lo hian a nuih ta ngat ngat mai anih kha. Kei lah in a nui hmel chu kawk in zat namen lo hian kalo nuih pui veleh chhawng bawk. Chutia la nui pah reng chung leh min fiam pah zel chuan a tho chhuak ṭuih ṭuih a, a steel almairah chu va hawng in beer pahnih dang chu a rawn phawrh leh ta mai. A thil ken te chu min rawn hmuh tir pah hian

“Umama room aṭang ka ru chhuak a” tiin a nuih chu ala za hle.

“Khawi, kha kha ka duh daih zawk tih i hrereng sia, iva in zep rei thei ve” tiin a beer ken lai chu kalo phihthlak sak vat.

“I samkir kha anih mai chu” tiin lei chu min chhuah khum zoh a.

“Ka sam a kir leu, ka beksam bak a kir lo Zosiamsual” tiin kalo in siamchhiat khum ve bawk. 

Thu dang sawi a titi chhunzawm in beer chu kan lem dun leh ta mial mial. Kan chanpual ve ve kan in zo tih in room kawngka chu an rawn kik ta dat dat a. Kan hawi rual ṭhawt.

“Ka’n hawng ange” tiin ani chu a tho zui leh ṭuih ṭuih. A awmdan aṭang chuan a kai ṭha ve hle tawh niin ka hria a, a nuam tawk vel kan tih ang khan keipawh chu ka awm ve mek bawk.

Room pawn ah chuan a ṭhiante pahnih Hriatzuala leh Hlutea te chu rui tawh tih hriat tak hian an lo ding bu deuh lak lak mai a. 

Hriatzuala zawk chuan nui deuh vur vur pah hian

“Hetah in lo awm daih a..min hrechang tawh lo reng reng nang pa hi” tiin room ah chuan a rawn pai lut deuh nawk bawk. Chuveleh Zoa chuan min rawn en chung hian

“Ms, kan chhuk ve tawh mai dawn emni? Ril te pawh a ṭam tawh tho a” tiin min rawn ko leh. Keipawh chuan pawi kalo tih tehchiam tawhloh avangin ka tho zui nghal a.

Ka lu te chu hai ve chhap tawh mahse ka la in control theih miau avangin chaw ei te chu ka han siampui zung zung a, a tir a lo awm ve hmeichhe 3 te pawh kha an lo lem hnem tawh ani chek ang, an ṭawng duh barh barh tawh tlat.  Chaw ei kan siam zawh hnu chuan dwhkan lian zet chu kan kil ta ṭhap a, kan ṭam tlang aniange tumah pawh inbe zui em em lo hian chaw chu kan ei zawm mial mial. Chaw kan eikham a, kan in singsak fel leh hnu chuan pakhat te te in an chhuak ta pheuh pheuh mai. A tawp ah chuan keimah chiah ka awm ta. Khua a thim chhalh tawh a, kan in nise a hnai zek zawk viau lo bawk. Mahni chauh in ka haw leh ngam dawn lo tih hrechiang tu Zoa chuan

“I riak mai dawn nia. Zan dangah pawh i riah ziah tho kha” alo ti awlsam et. Ka awm erawh chu a nuam chiah hran lo hle. Chutiang a nula ve uaih tawh han riah chhuah fo mai pawh chu. Ka chhungte chuan kan inkawm nasat zia leh ka tan a a hlauhawm loh zia hria in min sawisel sak ngai hauhlo, mahse, ka ṭhianṭha ber hi mipa ani miau a, fimkhur tluk erawh chu a awm in ka hrelo thung. Mahse min thlah haw ṭhin tu ber in a peih miau loh chuan engtinnge ka tih bik ang ni? Khua a thim vek tawh a, mahni chauh in haw ngam heklo le, min lo hruai thei tur ka chhungte ah chuan an awm map bawk silo a, a tawp ah zawng ka chhungte chu kan be leh ta nge nge e.

“Ka khum ah i mu dawn nia”

“Nang khawnge i mut dawn?”

“Umama room ah ani mai alawm”

“Aaa i bei den lutuk. He in lian leh zau lutuk ah hian i room ah keimah chiah a min riah tir i tum a maw?” kalo ti chiam. Chutah, a ngaihna hriatloh hmel zet hian

“Eng nge?? Zan dang a ilo riah pawh in nangmah tho in alawm ka khum ah i mut ṭhin. Eng thil nge i hlauh vak a?” Min tih chuan rang zet hian

“Khatah te chuan i chhungte an awm ve a, ka hlau lo” ka tih chu hrethiam in 

“Awle awle, ka room ah ka riak ang. Nang khum ah i mu anga, kei chhuat ah. A ṭha em? Dawihi” ati zui hram. Kei erawh kalo nui var var a. 

Amah bawk chuan thawh chhuah hluai pah hian

“Hawh, room ah chho ila, kan pum puar a tlak fel hunah kan lem dun leh sak dawn nia muttui nan. Beer ka la ngah lutuk” a ti zui sauh sauh a. Ava han nuam ṭhin tak em. Ti rilru chung chuan kan inzui chho leh ta.

Darkar chanve lai a liam leh hnu chuan kan pum puar te pawh alo tla fel ve ṭan tawh a, beer bawk chu va la chhuak in kan titi chho leh ṭan ta. A thusawi mek zawm lo zet in amah tho chuan

“Ka kawr min hlih sak lai a i mitmeng kha kalo hmu reng ania aw” a rawn ti daih. Kei chu kalo phu deuh zawk a, ka phone ken lai pawh ka thlauh lo chauh. A hmel ka’n en nak alo kai ṭha leh tawh hle tih ka hre thei.

“I zakthei lo anih chu. Ka melh awzawng lo che. I high hope” tiin ka hmui kalo tih sawih khum nghek. A nui hul leh hak mai a.

“Tunhnai ah hian ka hrethiam che..ka bulhnai a i awm chuan i che buai ziah tih hi” te chu ala rawn ti tak deuh deuh. Rang zet hian a tukkhum ah ka va beng zui fawk mai a, alo nui leh kek kek tawh.

“Thutak te hi pai ve deuh la, kei hian khatiang zawng khan ka en theih che i ring reng reng emni mawla?”

“Ka en peih bik lo che mawli. Dawihzep ropui si” tiin lei min chhuahkhum leh. Ava han chhe tak. 

Tichuan infiam pah chung zel leh titi reng chung chuan beer ṭhahnem tak chu kan in zo leh ta vek! Kan in zawh meuh chuan zan dar 11 lai alo ri tawh hial. Mu tur chuan kan han insiam ṭan a, kei chu a khumah ka mu anga, ani erawh a khum bul chhuat ah a mu thung ang tiin thei leh theilo hian a mutna tur te chu kan phah dun nawk nawk a. Kan nui pah uarh uarh reng bawk. Kan zawh rual in khumah chuan ka lawn zui thak a, ani pawh chu a mu fel than tawh.

“Muttui aw Zosiamsual pa” ka’n ti leh hram a. A rawn rum deuh ṭiah ṭiah mai. Beer kha kan lem hnem bawk a ka lu chu hai ṭha mep mep tak ani e, nimahse a nuam phian lawi si. Mut pawh chu a tui duh khawp ang le tiin ka muhil zui ta siai siai a. Mahse, ka mu tui lai chu ka harh deuh zawk mai. Ka’n in en chian nak chuan keimah chauh in kalo mu tawh lo ani tih chu ka hre chhunzawm nghal. Zoa min kuahna kut chu zawimuang hian ka han dah sawn riai riai a, mahse, a rawn harh ta ani chek ang. A hma ai mah a nghet zawk chuan min rawn leh thut! Chutah a awm mai mai ta hauhlo, a kut chuan ka biang leh ka nghawng te, ka bân te chu a rawn zut kual ta ruai mai a. Ka pum bawr vel a rawn zut lai tak chuan a kut chu kalo man sak ta chat. Nimahse, a tha neih te chu kalo hneh zo awkawng lo mai a, ka kut chu man bet zuiin a hum nghet phian. A ṭhu chhuak zui bawk tih chu ka hria. Chuveleh keipawh chu zangthal zawng in ka in let ve thuai a

“Eng thil nge i tih hi” ka ti zui ser ser. 

“Ssshh! I duh ve tih ka hai miahlo ania. Min lo tibuai suh” ati hmak a, ka sir ah chuan rawn ṭhu zui leh in min rawn fawp nghal chat. Ka hamhaih lutuk chuan chhan let ngaihna pawh ka hre lo hial a, ka meng bial kawk kawk ringawt. Mahse, a rei lem lo hle, karlo ah phurna nasa tak mai chu rawn thleng chawpchilh ve nghal in pawisak loh na thlarau chuan min rawn tuam ta hlup hlup a. A kut nghal zet maiin ka dul bawr leh hnute vel a han zut kual tak ruai ah chuan chakna chu a rawn awm chawpchilh ve mai. Duhthawh tak hian a mi fawh na pawh chu kalo chhang let ve ta thuai reng a, chhun lam a ka ngaihtuahna te leh amah kalo en dan danglam ta zawng zawng te kha mitthla zut zut in ka phur zual sauh. A taksa nalh leh pa tak te, a hmelṭha tak leh pa hrak mai te chu mitthla leh in ka tui ta mah mah bawk. Ka thiam ang tawk tawk a amah chu lo chul kual ve ruai chung hian kan thaw dun ham ham tawh mai. Kan ruih kha alo la reh fel lo bawk nen ka chakna sosang ta lutuk leh kan zalenna hmang thiam lo leh insumkarna awm miahlo chuan chu zan chu nuam ti takin min hman dun tir ta ani ber e. A hnu lehzel ah eng thil nge thleng dawn tih lam kha chu kan dawn phak tawhlo ani. 

“Hey, tho teh. Tho vat rawh ka tih chu”  tiin a mu tui lai chu ka han sawi deuh nawk nawk a. Ka saruak khuh turin puan pan tak chu ka sin tlat bawk. Ani pawh chu peihlo zet hian a rawn meng zui diar diar a.

“Eng nge ni vak vak a?” Tiin a hawi kual deuh ruai.

“Nizanah eng thil nge kan tih a?”

“Ka hrebik nang!” Huiham! A hahthlak mange.

“Engmaw? Engmah i hrelo taktak emni?”

“A ho lutuk, theihnghilh rawh!”

A sawi zawh rualin a ke rek ah ka tlawh sak pawp.

“Engvang a khatia khawsa dun ngawt nge kan nih a?”

“Aw..kan ruih vang mawle. A ninawm ka muhil leh dawn”

“A ṭul lo. Sawifel a ngai. Nang leh kei hi mu dun tur kan ni hleinem mawla, tho teh” tiin ka tlawh sawk sawk. 

“Ava ninawm tak aw…a thleng fel vek tawh a, eng chu nge sawi leh tur la awm a?”

[09/01, 11:07 am] Fanai Vanlalpeki: ZORÛNMÁWIA(2)

          (FRIENDS WITH BENEFITS)

“Ava ninawm tak aw..ala thleng fel vek tawh a, eng chu nge sawitur la awm a?” Ti nghek chung hian a rawn ṭhu chhuak ve ta nge nge.

“Ngaihdam min dil tur ani” ka ti nghat. Chuveleh ani chu rawn nui deuh halh in min ei loh hmel kher.

“Chutiang ka tih nachhan tur a awm lo. I duh ve tih ka hriaa ka rawn che ta mai anih kha!” Ava zaktheilo tak.

“Ka duh ve maw?” Mak ti zet chuab kalo ti leh nghek. Vawikhat pawh min zawt lo he pa hian. A tho chhuak zui a a thawmhnaw te chu a inbel zui sawk sawk.

“Aw. Duh lo la kan tlingtla thei dawn emni mawli, in ha rawh ka va thlah ang che” ati zui leh hmuk. A khawsak dan mai mai chu aw..a vei zui lo hlemai a. Kum hei leh chen hi ṭhianṭha tak angin kan lo awmdun tawh a, nizan thil kha ṭhianṭha inkar a thleng tur niin ka hrelo. Tin, hmeichhia ka nihna ang hian ka ti hmasa miahlo bawk a, ngaihdam min dil ngei ngei tur ani. Engvangin nge ka chungah hetiang hian a khawsak nachhan hi. Ṭhian angin min en ngailo emni zawk ang? A nihna takah chuan nimin a a laka ka rilru put dan te kha chu a dik bik chiahlo tih pawh ka hria. Mahse, kha vang mai khan ka mutpui chak in hetiang a min tih theihna dan hi a nei ngawt bik lo.

Ka thawmhnaw ka inbel zawh hnu chuan a hmaah ding in a hmel chu rum fahran hian ka han melh ta ngar mai a, a ngaihna a hriatloh hmel takmeuh.

“Eng nge?” Tiin mitko alo san ak.

“Ngaihdam min dil chu i tum miah nange?” A ṭhen zui sak duh chauh nia. Kei erawh ka in humruh nasa tawh kher thung.

“I â reuh mange”

“Chupawhnise Zorunmawi, ngaihdam min dil nghal rawh. I thil tih ah hian ka lawm miah lo ania” ka chal chu a ri zui fawk.

“Keimah chiah in ka tisual lo tlat. Pathian hnenah ngaihdam chu kalo dil dawn nia”

“Hmela” tiin room aṭang chuan ka tlan chhuak puat a. Scooty chahbi la in ka inkhalh haw zui ta vang vang.

In ka thlen rual in ka room ah ka tlan lut zui a, khumah ṭhu hnawk in ka hma mai a darthlalang in hung ah chuan uluk zet hian ka in thlek leh veng veng. Mahni ṭhianṭha ber te pawh sex hman pui thei ka nihna chu in hria in ka zak hluah hluah a, ka in ten ngawih ngawih bawk. Ka ṭhianṭha hi ka chan hlen thei mai angem? Engvangin nge maw kalo chetsual pui kher kher chu le. Ka mittui te chu a tla thei hial nia. Umm, engpawhnise, ka be tawh hrih lo ang. Keini pahnih hi chu awmdun a rem ve tawh lo anih hi, thil engkim a kal dik loh taktak hma a thlah fel kha ka tan a ṭha zawk tlat ani. Chau zet hian khumah chuan ka thal zui tawp a, ka thaw deuh ham ham bawk.

Chumi nileng mai chuan ka awm a nuam theilo a, ka rilru ah lah Zoa ringawt a awm bawk si nen. A khat tawk hian kalo hui leh deuh pap ṭhin a, eng tih mah chu ka tui taktak theilo ani e. A hrim hrim in zan lam thil thleng vang te pawh khan inchhirna emaw, nuam tih loh na leh inthiamloh na chhete tal te pawh a nei ve miahlo nge. Ngaihdam dilna emaw, a thupha chawina tal a hnen aṭang chuan message pawhnise ka dawn ve kalo in rin tehlul nen. Nileng zankhua in zu han reh ve ṭhak a mawle. Ka be hmasa awm biklo em mai tiin tui lo deuh chung chuan movie ka en san ta daih a.

A tuk leh ah pawh chuan a hnen aṭang khan call emaw text takngial pawh ka la dawng leh chhin miahlo. Umm, kan in ṭhianṭhatna hi kha thil hmang khan tih tawp taktak a duh ta anih dawn hi tiin chhuat te chu ka nawt tau zui sawk sawk. 

Kha thil a thlen aṭang khan chawlhkar khat lai chu alo liam leh reng tawh. Ka beisei angin Zoa hnen aṭang chuan eng thil mah ka la dawng lo fo a. Diktak chuan thil ṭhalo tiin a lakah chuan lawm lo hle mah ila, amah chu ka ngai veng veng a a tello a ka khawhar zia te chu hria in ka nun ah hian ani kha alo lut thuk tawh hle ani tih chu ka hrechhuak bawk.  A nihna takah chuan hmeichhia mah ni ila ka anpui te hi ka kawm tamlo hle a, mipa pawh a nazawng chu ka kawm chuanglo. Zoa hi ka ṭhianṭha lawr lak niin midangte hi chu a ve lek chauh anni ka ti thei hial ang. Keimah hirm hrim pawh hi hmeichhe nu hnip hnep ka ni hran lo bawk nen hmeichhia hi ka kawp vak peihlo ṭhin. Chumi vang chuan patil ka ni e ka tihna erawh a ni hauhlo ania. Bialpa te pawh kalo nei ve fo tawh a, a tlangpuiin Zoa hian ka bialpa tur te chu min thlan sak ṭhin bawk. Chutiang bawk in keipawh hian a bialnu tur te hi ka tihpui fo a, ṭha kan in tihpui tawn loh te hi chu kan nih pui lo ve thei mai zel. Kan pahnih chauh pawh hian kan tlei tawk em em a, kan awmdun twh phawt hi chuan tu vak mah hi kan ngai hran lo. Tin, na lutuk lo a kut han inthlak mai te hi kan sam dun em em a, kan ngaihdan a pelh tawh chin ah hi chuan in pet ṭawk emaw, han in ben deuh ṭawk te, in kuk leh fawk te hi kan hrat em em a, min hrechiang lo tu te tan phei chuan kan awmdan hi a mak ṭhin zawk reng ani.

Zan khat chu phone aṭanga movie kalo en lai tak hian Zoa hnen aṭang call ka dawng thut. Facetime ala ni zui ah. Ka lo awm hnawk nuaih leh hmai mawm hluam te pawh chu ka siamṭha hman tawhlo, a call chu a a tawp hman mai ang tih kha ka hlau em ani. Ka hmel a hmuh rual in ani chu a nui zui leh hak mai. A hmel hi chu a ṭha ve thlawt, effect reng reng hi a ṭul ve lo. Mahse, ka ṭhian chauh ani thung si.

“Eng nge i tih a?’

“Ihh movie ka en e ka tia. Nangzawk?”

“Nih chu..hei ka mu tawh dawn a”

Sawitur ka hriat loh vei nen ani lah chuan a rultawk te in min la chhang zui leh ta nghal.

“I hmel kha ava diklo ve, i dam vak lo tihna emni?” Ka ti ringawt. Ka sawi dik lo chuang hleinem le. A hmel chu a dâng deuh bal nimai hian ka hre tlat alawm. Ani thung chu a nui leh sak ringawt

“Nia, min haw san hnu aṭang khan ka damlo zui char char a. Ka landan a danglam ve deuh maithei e”

“Ehee a ni maw!? I eng ber nge na a?”

“Ka dar hi a rawn na leh ṭhin a, ka khua ati sik deuh alawm le”

Awi aw! Ka va han khawngaih reuh tak.

“Cuan engtinnge i khawsak tak a, i chhungte lah an awm bawk silo”

“Umm,,a tih ve theih mai e, mahse, doctor ka ko ringawt a, zai pawh ka la ṭul maithei e”

Ati zuai raih. Kei chu ka ṭhut hmun aṭang chuan kalo tho chhuak zawk tawh a. 

“Zai maw? Alo va serious reuh ve mawle. A zialo hlemai in enkawl ṭha rawh aw” kalo ti duah.

A hmel ka en chuan ka thusawi te chu ngai pawimawh awm em em pawhin a awm lemlo a, chiang zet hian min melh reng ringawt a, ka zam chhe leh hman ṭhelh ani.

“Eng lo ania, kalo biak nachhan zawk tak che chu, ka damloh chhung chu min lo awmpui lawk mai la ka rawn ti duh a”

Chuveleh kei chu kalo meng phar nghal awn awn thei. Min sawmna avang chuan lawm tur nge lawm loh tur tih pawh ka hrethiam nek lo e. Amah pawh en lem lo hian

“Mahse, ka chhungte hi..”

“I chhungte chu ka dil fel vek tawh. I thutluk na ah an dah anih kha Ms, min awmpui thei ang tiraw?” Ngenngawl aw tak hian a rawn ti chhuak leh ta. Chutah, ka lu chu lo bu zauh zauh in

“Umm, thei ang. Kalo tum dawn nia!”

Heiham! Amah chu hua in, ka thin kha a ti rim hluah hluah emaw ka lo tia, min rawn biak leh meuh chuan tikhan kalo nem zui leh mai bawk si. Amah ka mamawhna hi alo sang tawh viau tihna emni dawn? Ka in hrethiam tawh neklo ea.

A tuk mai ah chuan Zoa awmpui turin an in lam chu ka pan leh ta a. Eng chen nge awmpui chu a ṭul dawn tih ka hriat tlat loh avangin ka mamwh turte pawh ka in keng lut kim thawkhat viau e. An in ka thleng, inchhung ka han lut chiah chu an nula awmpui pakhat zawk khan min lo chiau au vat a. Hmm, an nula awmpui te pawh an awm ve reng tho sia, eng nge kei kher chu tiin ka ngaihdan ani lo lehnghal ringawt tawh. Rang zet hian a room lam pan chuan ka tlanchho nghal thuai a. Room kawngka chu ka chhir hawng deuh ṭhuai. Zoa chu khumah lo mu in ka thawm a han hria chu a rawn hawi chhuak rang teh e.

“Ilo thleng ta maw?”

Eng dang a chhang ta lo in lungawi loh tih hriat zet hian 

“In awmpui te pawh an awm ve tho a engvang a min ko ve kher nge inih a?”

Ani erawh chu a tih fo ṭhin dan in alo nui leh sak. Min chhang ta mai lo chuan a han ṭhu ṭha leh te te phawt. Chutah, min rawn melh leh ta vang vang mai le, ka zam chhe leh mai dawn.

“Awmpui te chuan inhnuai lam a tihtur awm chauh an khawih anga, nang erawh in chung ah. Hetah ka bulah hian i awm ang”

Eng thil te nge maw a sawi tak chiam chiam hi le tiin kalo insehruh leh ṭeuh tawh a. 

“Diktak chuan mahni inah pawh kan buai a, thawh sen loh hna nise kan nei ve er ur bawk. Nang, hetah i damlo pawh i ziaawm ṭan tawh tho a, i bulah hian ka hun hlu takte hi ka khawhral maimai anga maw?”

“Aw..i ṭhian ka nih hi. Ṭhiante damlo pawh hetiang hian emni i tih zel dawn. Ka nat zual chhung zawng pawh khan ilo kal miahlo ania”

“Min hrilh hleinem” kalo ti nghut. A sawi kha chu a dik ve reng mai. Eng thu te nge maw ka sawi leh tak chiam chu aw. Ka ṭhianṭha ber in damlohna avangin min mamawh em em a, chulai karah keiin amah dem zawng hlir in ṭawngkam ka la chhak chhuak zui a. Ka sualthiam ve mah mah ṭhin chu ani. 

“Ka tihpalh anih kha” a rawn ti sap. Chuveleh amah chu melhrum lehnghal in

“Chuan, in ngaihdam chungchang kha engtinnge?” Ka la ti hram. Min rawn melh zawk pah hian

“Pathian hnenah ka dil thlap tawh e. Ka lawm tawk viau ani” a ti duh lek. Hreptak che hian Zorunmawi, ka ti rilru nghek.

Chhang let tawhlo hian ka thawmhnaw ken ang ang te chu a room ah chuan ka han thiar lut zui ve bawk a. Ka che vel chu min lo en pah reng chung hian

“Hetah i riah dawn chuan kan mut dun leh angai dawn ania” tiin a ṭhen zui sak. A hmel chu ka va en thuai a, ka melh zui nghek bawk. 

“Engahmah ka ngailo e. I che thei chuang hleinem” ka tih zawh rual in ngeiawm fe hian a han zi mar zui ta ar ar mai a. Kalo melh ngawt ngawt ringawt.

“Nia, zanah hi chuan ka dam ṭha leh phian zel a, a bikin hmeichhe bul a ka awm hnaih deuh hian” tiin awmze nei zet hian mi rawn melh zoh anih chu. Zorunmawia han tenawm kual vel zia hi chu aw. Ka tihngaihna hrelo lutuk chuan kalo ṭhen khum sak a, ka bag  khai pah a room chhuahsan ka tum chu a rawn au deuh ṭhat mai. Ka ding zui chat thei.

“Kal suh.. hetah hian awm rawh. Ka uang ve maimai anih kha” tiin a inthlahrun hmel ta kher. 

“Chuan engtin? Umama room a ruak tho a, ka awm mai ang” ka ti zui nghut.

“A ṭullo. Hetah awm la, keimah zawk hi ka va insawn mai ange” tiin harsa tih hmel zet chuan a han tho chhuak ṭuih ṭuih a. A dar lehlam na lai chu dawmbet chung hian a ruk in a ṭhen leh sawk ṭhin tih pawh ka hre reng. A natna chu a tider maimai lo ani tih ka hre nghal a, ka inthiam lo leh hnuhnawh kher. A bulah chuan tlanphei thuaiin puih ka va tum, mahse ka kut chu alo vai kiang rang kher asin. Ka tawlh hnung dawr thei hial.

“Puih ka ngailo, lo awm maimai teh” a rawn ti deuh ṭhat. Chutah, kei chuan aw nem diai mai hian

“Ka uang anih kha..i kal kher a ngai hleinem. Duh leh chhuat ah pawh ka mu thei tho alawm” ka ti zui niah niah chu min rawn melh zoh pah hian

“I sawi tlai hret” tiin min chhuahsan ta daih. Ka inthiam lo zui kher asin aw. Ka thinchhe ṭhin lutuk leh insumtheilo ṭhin lutuk hi chu aw. A damlo zawk ka hnawhchhuah phah ani hawt alawm le. A zialo hlemai.

Tlai dar 5 a rik rual in Zoa room kawngkhar chu ka kik ta dat dat a. Chhunglam aṭang hian aw ngaihnobei lo zet in

“Ka kalh lo, hawng mai rawh” a rawn ti thum dut. Kei chu ka ner zui sak a, kawngka chu ka hawng zui bawk. Chutia tui leh a damdawi eitur keng a ka han lut chu min lo melh deuh zawk a, a phone chu a hmeh chhunzawm lehnghal mial mial.

“I damdawi ei a hun e” tiin a khum bul dawhkan ah chuan ka thil ken luh te chu dah nghal in keipawh chu a khumah chuan ka ṭhu thla ve nghal. Min chhan let mai loh avang chuan a hmel chu ka han en a, ala lungawi lo hle ani tih ka hre thei. Melh takngial pawh ka hlawh lo anih chu mawle.

“Damdawi ei a hun ania” tiin keimah bawk chu ka ṭawngchhuak leh ta nge nge. A rawn rum deuh dat a, a bak chu engmah ala sawi duh chuang lo fo. Heiham! Ava hahthlak ṭhin, engemaw mai mai ah a titau ngawt ngailo a, keimah zawk hi thlem ngai fo zawk ka ni ziah. Tun ṭum chu eng thil nge maw a hriat le aw. Eng ti khawp pawh in chhanna min pe duhlo mahse ka luhlul chhuah in ka la ṭhu ngawi ve ran mai a. Lungawi thlap lo chuan ka kalsan tawp lo ang le. 

“Aw hello, doctor, Malsawmsangi kha ka nia, ih, ka ṭhianpa Zorunmawia hi unconscious in awm thut mai a, a rang lam in i lo kal thei angem? Aw, nikhua a hrelo, engmah a hre tawhlo ani tawp mai. Aiah!  A nâ..!” Ka ti zui ṭhawt. Ka’n hawi chhuak chu chiang zet hian min lo melh ngar mai. Ka han ṭe chhuah chiam chhan pawh kha ka mal ah min rawn tlawh sawk vang ania. 

“Ngawi ve maimai teh Mawli! Hnar hnek i duh mi?” Tiin a ṭhu ngil nghal sawt sawt a. Kei erawh chu lawm avang hian kalo nui deuh sak a. Khatia doctor han biak der vel kha chu kan naupan tet aṭanga kan chin ṭhan tawh niin, tu emaw zawk zawk kan tihtauh hi chuan inthlem nan kan hmang tlangpui ṭhin. A tawp ah chuan kan lungawi leh nge nge zel bawk ani. 

“Khawi damdawi chu. A tuilo ropui mai sia” ti nuah nuah chung hian min melh deuh run a. Kei chuan a damdawi chu rang fahran a ban vat in ka pe zui nghal.

“Umm, kha kha nimai lawm. Nge i han ei duh loh kual hmasak vel kher ni. Ben hrep tlak inih hi” tih pah chuan a mal ah ka chum zui taih.

Chutah, ngeiawm zet a nui sawng chung hian

“Han tihtauh der khum vel hi i nuam ve a, i â ropui mai sia” min ti leh. Mawl te lah hi min ti ve fo a, amah pawh hi a fin fal na em em ka hre der silo.

“Kalo luh hlim khan tu nen nge in lo in text vel a. Laklawh hmel angreng bawk sia” tiin amah chu ka melh deuh ralh.

“Engatan nge chu chu itih a?” Min han chhan let duhdan maimai chu aw.

“Engatan teh vak mah. Kan chawngkawrnu bawk kha ilo biak leh tak in ka ti mai ania”

“Chu, i thik deuh tihna emni?”

“Ngawi mai teh, i tan a ṭha tur pawh hi i hrelo mawla” tih pah in ka ding deuh hluai. Chutah, ani chuang chang fawk hian

“Ṭhu rawh!” A rawn ti chu makti zet hian a hmel ka han en a, alo thutak phian mai.

“Ani nen khan in biak leh nachhan tur kan nei hleinem. Kan nunhlui te chu i hriatchian ve viau kha mawle” a rawn ti leh sap a. Keipawh chu zawimuang a ṭhu ṭha lehnghal in amah chu ka la melh vang vang bawk. 

Chawngkawrnu ti a ka han sawi deuh kher hi a hming tak chu Remruathlui niin, Zoa nen hian kum 3 chhung chu an lo inzui ve hman a, nimahse, hmeichhe ṭha leh fel tak erawh alo ni hauhlo mai. Zoa kha a bum char char a, mipa dang nen a kawp pah reng bawk. Duh leh mamawh a neih hunah chiah Zoa hi a rawn be ṭha leh ṭhin a, ani lah hian a mipa nihna ah leh a bialnu a hunlai a a hmangaih em em alo nih ṭhinna ah khan he Remruathlui lakah hian a lo tlawm leh nge nge zel si ani. Engkim hretu ka nih ang leh, ka ṭhianpa ngawih ngawih chutiang a a duh duh dan a a han sawp kual vel ṭhin chuan min tih lawm loh em avangin a hming ah pawh Chawngkawrnu tih ngat hi ka phuahsak a. Vawikhat pawh Zoa vang hian kan inhnial hrep tawh nghe nghe. Chumi ṭum chuan he a hming ka phuahsak ngat hian ka ko hial anih kha. Tun thlenf hian keimah pawh min la huat phah zel a, ngeiawm sak taktak leh mei nei zet zet a min ṭawngkhum pawh a bansan duh ta hek lo. An in ngaihzawn hlim aṭang khan kei chu hnawksak min lo ti sa twh hrim hrim na in khatia kan inhmuhthiam loh leh lek hnu phei kha chuan min huatna chu sosang tawh tak ani. Heng vel vang tak te pawh hian Zoa chuan alo pawm leh mai ang tih ka hlau ṭhin hle a, thikna vang pawh nilo in amah Zoa ka ngaihtuah em vang zawk hi ani. Diktak chuan an inṭhen lai te pwh khan a tuarna em em a, hun rei tak chhung kha chu kei takngial pawh hian ka kawm hleitheilo. Tun hnuah hian chhuanlam ho te te hmang a a rawn nawr leh anih vaih zawng in he Zoa hi alo tlawm leh lo ang tih pawh a sawi theih miahloh. Amah ti na nawn leh tu tur bak ani dawn hauh silo. Engpawh thleng se, ka ṭhianpa lamah hian ka ṭang dawn ani tawp mai. Tu hmeichhia mah hian an tihnat a, an hman ṭangkai theih maimai ka duh hauhlo, hman aṭanga tun thleng pawh in.

“Eng nge i ngaihtuah vang vang a?” Min biakna avang chuan ka phu deuh zawk.

“Khatin min be thut thut ṭhin suh”

Ka’n ti zui hram a. A nuih alo za kher.

“Taktak in hman zan thil thleng kha ilo ngaihtuah chhunzwm ve em?” A rawn ti leh daih. A thil rawn sawi tehdaih chuan ka ngaihtuahna aṭang khan min khai chhuak chiang kher mai. Ka awmdan a danglam nghal vek a, ka hik chhuak vek nimai hian ka hre tawh.

“Ngaihtuah chhunzawm vak a ṭul emni?”

Ka tih nghut tak ah chuan ka kut awmṭha hle hle lai chu rawn la sawn thutin kei chuan makti zet hian kalo en zui vat bawk. Chutah, chiang zet hian ka mit ah chuan min rawn en leh a, ka lai chhe teuh leh hle.

“Ka partner ni rawh!” Deuh teh tawp a.

A awmzia ka hrelo ani tih hriat zet hian ka han thle deuh ha a.

“Engtia partner maw?”

“Hman zan ami ang kha nimai” a hmai ah chuan ka beng pawp dawn emaw ni.

“Tichuan, nang leh kei hi kan in ngaizawng ang i tihna maw?” Ka ti leh chu hnuailam a melh ta daih a.

“Ni chiah lo e, i hriatthiam dan tur chuan kan mamawh kan inpe tawn anga, chutiang deuh chu animai e”

A thusawi awmzia chu ka hriat thlawt loh avangin ka meng nur zui nasa kher.

“Tunah pawh kan in mamawh tawn te chuan kan in ṭanpui dun zel a, a bak eng nge la awm a?” Ka ti leh daih. Ka sawi zo chiah tih in ka hnungzang chu a thum nghal dawp a. A na reuh kher.

“Ila hre fiah ve mai ang. I hahthlak, i mawl em anih hi” tiin a mu zui leh ta hmak a. Ka ngei ṭhin ngawt mai, beng ti vir tawk lek hian thil lah hi a sawi a. Hmm..ni vel maimai teh se tiin tui no chu ka la a, ka chhuahsan ta daih.

Chu zan chuan keimah chauhin Zoa room ah chuan ka riak ta ngei a, zan dar 11 vel a kan han mut reh ṭhap tak ah chuan hlauhna ka nei ṭan ta der. Mu pah chuan hawi kual leh hrek hrek ṭhin bawk a, eng ber nge ka hlauh chu hre hauh lo mah ila hlauhna namen lo hian min rawn tuam deuh hlup hlup. Ka thlanfim a bawl zui ṭek ṭek bawk. Ka room piah chiah ah Zoa chu mu ve mahse ka thla hi a muang hlawllo ani ber.  A bulah chuan mut ve dil in ka va tibuai tawp mai dawn emni tih ka ngaihtuah chuan kha zan a thil thleng mawlh kha ka hrechhuak lehnghal a, hlauh vang a tlanchhe na na na chu a bulah khan ka mut ngei a ṭul awm si a, awi awi awi! Ka ngaihtuah thui lo zawk mai ange. Insumtheilo in kan chesual leh lo ang tih a sawitheih miahloh. Chutah, rang fahran a tho chhuak in light zawng zawng chu ka on eng ta pup mai le, ka thaw deuh huai thei. Heti chuan ka muhil ve siai siai thei tawh ang tiin khumah chuan ka lawnkai leh a, ka ngaihtuah dan ang ngeiin chu zan chu ka tlingtla thei ve hram ani.

Zoa ka awmpuina pawh chawlhkar khat lai chu alo tling ve ta reng mai. Inchhung hna hahthlak te chu khawih ve miahlo mah ila ka damlo enkawl pa hi a pangchang leh lutuk ṭhin a min ti chau ve reng mai. Tin, a chimawm a chhuah chang phei chuan ṭul hlei lo ah pawh hian min tir kual reng a, ka hming lam in min ko thul. Min ṭhut awl tir mai mai hi a tum lo ani ber e. Ngeiawm thei vet vet tak hi ani hawt.

Zanlai dar 12 a ri tawh awm e, khumah chuan mu zal chung hian phone ka kheuh neuh neuh reng a, chutia thlamuang zet a kalo awm der der lai chuan thawklehkhat ah hian khawpui chu chiang leh ring fahran maiin a rawn ri ta dur dur mai anih kha. Ka phu chiang lutuk chuan khumah ka phone pawh ka thlauh tawp thei hial. Chutihrual vek in current chu ala rwn thim ve chiah zui a, ka hlau tawh tihtur ber hre bawk silo chu ka meng phawk hru ringawt a, rang zetin ka phone tih tlak kha dap in ka dap fuh rual chuan flashlight ka on thuai a, rang lutuk hian room chu ka tlanchhuahsan zui bawk. Tin, hetihlai hian ruah pawh chu rawn sur chhunzawm ve nghal in khawpui lah kha ala ri dur dur reng bawk. Current thim phui mup zawng zawng nen chuan ka hlau vel vek hi ani mai e. Zoa room kawngka chu ka kik zui dawt dawt a, vanneihthlak tak hian alo inkalh lo hlauh mai. Rang lutuk a tlanlut thuai in Zoa bulah chuan ka va inthawlh zui ve nghal sawt sawt. Chuveleh, ani pawh chu ka thawm hria in a rawn tal zui ve sat sat a, ka bân ah a rawn man ta chat mai. 

“Ms, eng nge thleng a?” A rwwn ti ta chuar chuar.  A zawhna ka chhan hma chuan khawpui bawk kha ring fahran hian a rawn ri leh dur dur. chuveleh rang zet hian

“Chu!” Ka ti a, amah chu ka kuah zui thlawp. Ani pawn lo hrethiam ve thuai in min rawn kuah zui ve mai bawk a. Ka thla chu a muang deuh nghal huai niin ka hre nghe nghe. Mahse, thil danglam a thleng zui leh ta tlat mai.

[09/01, 11:08 am] Fanai Vanlalpeki: ZORÛNMÁWIA(3)

         (FRIENDS WITH BENEFITS)

Chutia hmeichhia leh mipa, thisen lum ve ve bawk in nawk reng a han mut tak chuan thil danglam a thleng zui lo thei lo ania nge. A kut chu a rawn hlei ṭan leh ta hle a, ka dul bawr vel te chu a zut a zut leh ta mai le. Za duh chem chem tak ani. Reitawk tak chutiang a min zut hnu chuan ka inrin hma hauh hian ka hmui ah a rawn fawp leh ta thut. Min fawp pah reng siin ka mal vel te chu a zut kual pah zel a, kei lo intem vir ve tawh leh vawikhatna ni tawh bik silo tan chuan han insum reng kha thil har tak ani ve tawh tlat. Min fawhna chu duhthawh zet hian kalo chhang let ve ta mial mial a, chuveleh ani chu rawn phur thar thut in a tho zui hluai. In fawp pah reng chungin ka kawr hak lai te chu  a hlip sawk sawk a, keipawh chu ka awm mai mai bik hauhlo, a tih ang tho chu lo ti ve in kan thaw dun leh ham ham tawh mai. Engtinpawh awm se, hnial emaw, lo dan beh tumna reng reng ka neilo nia! A khawih ang ang khan thuawih tak hian kalo awm ve tawp a, chu mai anilo, amah chu kalo zut kual ve ruai zawk anih chu. Ka va han zaktheilo tak. Mahse e, he mihring hi ka nunah hian ka mamawh ngawih ngawih a, ka khawhar rukna te min hnem tur hian amah hi ka duh ani. Tin, he zan boruak zet hian kan khawsak dan chu min lo ṭawiawm ve ni te hian ka hria.

Ka mit chu meng deuh siar siar in ka bul a tui tak a muhil thaw ri sak sak te leh pawn lam a sava hram ri chiah chiah thawm te chuan ka thinlung hi an ti hlim ani. He a mitmeng mawi tak te, a mithmul buk lam lek lek dum hlap mai te, a hnar lian lam lek lek leh a hmui chhah tap mai te. A khabe ruh kual lian lam te leh a vunrawng ngo lutuk aia thim lam pawl zawk mah te, a taksa in phut mawi tak leh fit ṭang si, palian theng thung ti a sawitur ni hauh silo, a hrisel hliah hliah ani tih hriat theih tur a inthazo vah mai te hi tun aṭang chuan ka ta anni ve ta mai si a. Ka ṭhianṭha ber chu lo ni tawh mahse ka lung erawh a dum thlu ngang mai si. Chutiang vel chu amah melh vang vang pah a ka han ngaihtuah meuh chuan ka mur chuaih chuaih thei nia mawle. Diktak chuan, model leh mizo  hmeichhe lar leh chhelo taktak te, sawrkar hna ṭha taktak chelh mek nula itawm pui pui te pawh in an bem thluk zawh loh kha ani ve miau mai a. A khaih! Malsawmsang, lo inti neitu lutuk teh suh, i bialpa em pawh ala nih loh hi. Rilru a inhau pah mawlh mawlh chung leh thatho ru fahran chuan ka thawhsan ta nge nge. 

An hnathawhna hmunah ka nu chu a buai deuh avangin kei chu haw tawh turin min rawn ko thut mai a. Ka hreh ru angreng kher. Pathian zarah Zoa pawh a dam chho ve tial tial tawh a, ngaihtuahawm pawh ani hran lo, amaherawh chu ka kalsan hreh a amah hlat a awm kha ka hreh ngawih ngawih ani ber. Ka zahpuiawm sawt zia hi aw.

Tichuan, tukṭhuan eikham damdawi te ka pek zawh hnu in kan in lamah chuan ka haw san ve ta hram a. A mitmeng kha chhiar thiam hauhlo mah ila ka haw san daih tur erawh chu a huphurh lawk ve tho tih pawh ka hria. Ka khawngaih reuh mange. Tin, ka ngai ngawt bwk ang.

Ka haw hnu aṭang chuan inchhung ah ka buai zui char char hi ani hawt a, ka nau neihchhun kum 11 mi lek, ṭawngthei zet leh nghal fahran mai Jacob Lalnunpuia enkawl leh lehkha zirtir chu ka kawp bawk. Ka nu hian a hming lekin sawrkar ah hna chhete a chelh ve a, ka pa nise kan khaw ṭhenawm mai ah hian a hna an sawn avangin alo haw ve zeuh zeuh thei chauh. Chutia ka nu a hna vang a alo haw har ṭhin em avang chuan kei leh ka nau tlawng mai chu in nghak tu kan ni ṭhin si a, a chang chuan a nuamlo ve ṭhin khawp mai. Keimah lah hi mi dawihzep chi leh hlauthawng hma chi kalo ni vei chhap nen ka nau hi ka thlamuan zo meuh lo chu ani e. Nimahse, kan ṭhenawm lawk ah hian nu ṭawng duh zet leh zahpah nei lo ve tak hi a awm hlauh mai a, ṭhenawm khawveng te chanchin thlithlai pah a han tlawh kual vel te hi a nuam tih ber ber ani a, a hna pui ber ani bwk. Nitin vawihnih vawithum tal hi a rawn lut ziah a, a luh tawp ber na te chhungkaw chanchin sawiin emaw, kan veng chhung a tute chhungkaw khawsak dan ṭhalo a tih zia thu te, an chhungkaw in relbawl dan chu a duhzawng anih thlawt loh thu te nen chuan a rawn sawi fai ta leng mai ṭhin a. Kei erawh chuan kalo sawipui peih lemlo thung ṭhin. Tihian kan in aṭang a chhuak anga tute chhungkaw bulah nge kan chanchin hi a sawi zui leh ang tih pawh hriat va ni suh. Ka hriatchian erawh chu, ani duhdan a khawsa tur leh in relbawl tur hi kan ni lo a, keini pawhin  an awmdan tur ah thu kan nei heklo. A nitin chawhmeh tur nise kan va sawipui chiam kha a ṭul heklo a, chuvangin hetiang ho hi chu en liam chin neih angai a, an ngamloh an tawn hma chu an heti reng kumkhua dawn ani. Chubakah, mi tu emaw chung a lungawi loh na an neih hian lamṭang zawng in an phi buai leh sek zel. Ka ning.

“I buai ṭhin awm hlemai, reh rei vang vang thei sia”

“Rawn video call thut zel suh. Ka awm tuihnai lo thei si” tiin kalo phun khum hmuar hmuar a. Ani thung chu alo nui sak duh chauh.

“Anih chuan text hmang a rawn hrilh lawk thlap che i phut deuh tihna ani maw?”

Ka lu chu kalo bu zeuh ringawt a. Engvang a danglam ta em em nge maw ka nih le? Ṭhian rilru chauh ka put lai kha chuan eng hunah pawh rawn call mahse engmah pawi tihna ka nei ngailo a, lan ṭhat tih vel kha ka care lo hrim hrim. Mahse, khatiang thil a thlen hnu aṭang erawh chuan ka ngaihdan hi a danglam ta dawrh ka ti mai, hmai mawm mai mai te pawh chuan min ti zam chhe vek tawh chu anih hi. Ka zaktheilo tulh tulh mai a.

“Kalo leng dawn. Vawiin chu a ninawm riau mai”

Chutah, kei chuan ring leh lawi fahran hian

“Aihhh…lo leng suh ih…aa ka tih awmzia chu ka buai. Umm ka buai sia, nuam iti dawn lo”

“Leh ta chiam mai ṭhin a. I awmdan hi a danglam sawt ka ti tlat” a rawn ti ta. Ka harhchhuak nawn leh awn awn hi a ni hawt e. Kei hi ka dik miahlo, ka insiamṭhat vat a ngai ani. Tun hma kha chuan hetiang hi ka ni ngai lo asin le. Ka buai deuh anih pawhin a lo len tawh phawt kha chuan engkim kan ti dun a, min pui vek a, anih loh pawhin ka khumah mu chung hian games te alo khel a, engmah buaina ka nei ngailo. Tunhnaiah engvangin nge he pa lakah hian problem ka ngah tak em em chu le aw. Ka zam thar riau a, a mithmuh ah nise ka lai chhe hma viau bawk si. Tum loh deuh hian ka hmangaih ta emni ang? Hmangaihna chuan thikthu pawh a keng tel ṭhin antia chutiang turin hmeichhe dang ka thik awm lah chu ka hre leh miah bawk silo a, chubakah amah ber hian hmeichhe dang kei tihloh chu a hnimhnai khat viau bawk si. Engpawhnise, ka buai zo ta ani ber.

Kalo hnial let ve na te chu engahmah ngai heklo le, a rawn leng ta tho tho mai. A hmel ka hmuh rual chuan ka che buai zo leh ta vek a, a mit ah pawh en ṭha ngam lo hian min biakna te chu ka chhang liam vel ta maimai. Ka chal a ri zui leh fawk. Ava na reuh e. Ka’n hawichhuah nak chuan hnai fe maiah hian min lo melh leh reng tawh chu niin. Ka mit ka la sawn vat. 

“Ka bul a i awmdan hi thlak vat rawh. Hman a nangmah ang tho kha ka duh leh ania” a rawn ti sup. A sawi zawh rualin a nui zui nghal var var bawk. Diktak chuan keipawh hian ka awmdan chu ka ning hluah hluah a, ka control hleithei lo ber hian min ti mangang  bawk ani. Umm, nge ni vei, hetiang a awm tur hi ka ni hleinem le tia rilru siamṭha sauh sauh chung in ka biang tawn tawn chu ka han beng deuh thek thek a. 

“Min pui turin ilo kal bawk a, ka chhawr nasa viau ang che” zangkhai hmel fe chuan ka ti chhuak ve ta. A meng nur nasa viau nain min tihpui leh vek tho. Chhuat nawh, darthlalang nawh te, thuamhnaw suk leh a dang tamtak chu fiamthu thawh a nui uarh uarh pah chuan kan tlingtla fai ta kiarh mai. Kan chau lutuk chu sofa ah kan ṭhu thla deuh hnawk. Ani pawh chu a chau ve ngang aniang inchung lam melh hian a han thaw deuh ham ham a. Ka inring hman lo, ka hmai bul chet ah chuan a thaw ri sak sak chu ka hre zawm nghal bawk. kalo melh deuh kawk a, chiang zet hian min lo en reng thung.

“I chau dawn sia i inchhir ru ve viau tawh lo maw?”

“Chhir lo e, mahse a chhawkna tur damdawi chu ka duh tho”

“Nachhawkna kan nei asin ka’n la ange” ti a thawhchhuah mai ka tum chu min pawt ṭhu leh hnawk.

“Ka sawi awmzia i hrelo der tih ka hria nia aw”

“Aih, ka hrelo taktak alawm”  ka chil ka lem zui khawlh. 

“Ka’n hrilhfiah ang che” tih pah chuan chiang zet hian ka hmui ah a rawn fawp ta thut! Ka meng zau leh kawk. Mahse amah chu lo dan beh emaw a thiltih lai chu tih tawp sak tumna reng reng ka neilo a. Nuam ti chhunzawm ve nghal in a fawhna chu uar fahran hian kalo chhang let ve mai anih chu mawle. Ka va han zakthei lo tak.

Ani lah chuan duhthawh telh telh in min dim lo sawt kher lehnghal. Min pawt hnai sauh sauh a, ka hnute a hup zui chat.

“Duhtawk phawt ang, tun atan chuan intihfai hmasak phawt angai ani” ka ti tham zui ṭiak mai. A lu chu lo bu nghat in a in la hrang zui ve mai a.

“Keipawh ka haw phawt mai ang, Umama alo haw mek a kalo awmloh chuan a dik dawn lo” tiin ka biang ah a rawn fawp leh zauh a, a tho zui nghal. Aww.. engtia awm zel tur nge ni dawn Lalpa? He mihring hi ka ṭhian nge anih ka bialpa tih pawh ka hrethiam tawhlo ania. Min pui lul teh.

“Bawihi, dawhkanah hian pawisa chu ka dah aw, i chawhmeh duhzawng chu lo lei mai rawh” tiin ka nu office kal tur chuan min rawn au lauh lauh a. Ka chhang let lem lo. Ka nu a chhuak chiah tih in inhnuai ah ka tlan thla nghal a, dawhkan a pawisa chu la vat in inchungah bawk ka chho leh. Ka inbual a, ka insiam zawh hnu in bazar lam pan chuan ka tlanchhuak ve ta nge nge.

Bazar pui ah chuan ka chawhmeh duhzawng, bean leh changkha tih vel chu duhthawh fahran hian ka han lei deuh zung zung a,  chumi hnuah ka scooty dahna lam pan in scooty bulah chuan ka ding khawmuang leh hlek. Chutihlai tak chuan ani, ka hmuh duhloh leh rinhlelh ruk tho, beisei ni miah siloh thil chu ka va hmuh tak ni. 

Zoa leh a bialnu hlui Remruathlu-i ngei mai kha dawr changkang tak chhung aṭanga an rawn inkaichhuak lai chu ka va hmu ta. An hmel landan aṭang ringawt pawh chuan an inhuat loh hmel hle a, an nui deuh sâng mai nia. Hreptaka! Chutia mit tla lo lek a kalo melh reng lai chuan

“Bawihi, i chhuak tawh dawn emni?”” Min rawn ti thut chuan min ti phu chiang kher asin le. Min be tu lam chu hawi vatin parking fee khawntu chuan min lo melh deuh run.

“Aww aaaa chhuak dawn e, engzat tur nge?” Ka ti zui sawk sawk. Pawisa ka pek fel hnu chuan rang zet hian ka inkhalh chhuak lehnghal a, thinrimna leh zahna a in pawlh nuaih hi ani mai e, ka insehruh ṭeuh thei hial.

Zan alo ni a, Zoa chu ka be duhlo ve ringawt. Diktak chuan ka bialpa pawh ani em lo a, ka ṭhian chauh ani si. Chutia thikthu vang a lo biak duhloh ve ngawt leh thin lo tih rim ruk ve em em chu ka tihtur pawh niin ka hrechiah lo mawle. Mahse, sawithiam si loh hian keimah ah chuan natna a awm a, min kher nget nget reng a, min ei mek chu anih si hi. Tunhma aṭang tawhin  ṭhian kan nihna ah kan ngaihzawng turte pawh kan in thlansak fo, ngaihzawng kan lo nei anih pawh in kan in thik tawn ngailo a, in thik chu sawi loh, an inkarah buaina a awm pawhin ka sawifelpui ṭhin hial zawk mawle. Anih chuan engvang nge tun atak a thikna rilru hi ka put mai le. Ni e, tihloh tur tur kan ti dun miau alawm. Inhmangaih takte inkar chauh a thleng tur he tihloh tur tur thil hian thil tamtak alo sawi thei ngei chu anih hi. 

A lak a ka thinrimna te leh lawm loh ve na te chuan amah ah awmzia neilo in thu pakhat pawh a sawi thleng pha lo ani ngei ang, min rawn be bik hauhlo nia. Ni teh se, kha chawngkawrnu nen khan hun chu hmang dun mawlh teh se. Tih taktak ah te chuan hmu zo lo em em kan ni bik hleinem le. I duh duh dan a i khawsa thei anih phawt chuan engvangin nge ka theihloh bik ngawt ang ni. 

THEN 2

A reh zui tak hmak avang chuan khawhar hnem ah tiin hman aṭanga min beisei awl lo tu, Rinpuia chu ka be ṭha ve ringawt. Tunhma zawng pawh a ka biakṭhat peih hleih loh, chutia ka han be deuh thut mai chu amah Rinpuia pawh ka ti hrilhhai lek lek mai a, a lawm viau tho tih chu hre mah ila min rinhlelh hmel zawk hial te in nia ka hriat tak.  Kei tak pawhin a tir ah chuan awmdan ka thiam chiahlo a, han sawitur em em ka hrebawk silo nen, mahse thil hi chu tih ṭhan zel alo ngai niin ka hria.

Rinpuia nen kar khat lai kan inbiak hnu chuan ngai ah neiin kan in nel chho ṭan viau tawh. Rilru kil khat ah erawh chuan tuemaw tih chauhlo kha chu a awm thei chuang silo. Ani lah chu a reh ta tlawk tlawk mai si a, kei hi chu awm ve lo ang maiah min ngaiin min theihnghilh ta chu ani phawt anga, heiham Zoa, ka thinlung, ka engkim mai ah hian i reh ri hi ava ring tak em!  I bialnu chawngkawri khan a la ti hlim tawk viau che chu ani phawt anga, nang leh kei chu damchhung a ṭhianṭha tur a ruat lawk te pawh kan lo ni zawk ange. Tun aṭang chuan awm chintawk kalo hre tawh dawn nia aw.

Rinpuia hi tlangval sâng ṭha thlerh thlawrh niin, ria lam deuh a pawl mah zawk bawk. Kum lamah erawh kei aiin kum 3 laiin a naupang zawk a, mahse, kei ai chuan a rilru pawh puitling zawk tak hi ani thung a,  hmeichhia ka nihna angin min zahder thiam a, min ngaihsak takzet bawk. Zoa anga inlak serious ṭut hun nei ang kha ani ve lo a, a harhvang em em reng. Chumi vang chuan a ṭawng zut zut ṭhin tihna erawh a nilo. Fiamthu a duh em em a, kut thawh erawh chuan mi a fiam ngailo thung. Thu ho te te pawh sawi ila, ka kâ aṭanga chhuak anih tawh phawt hi chuan a ngai thutak in ka duh ka sawi tawh hi chu tih hlawhtlin ngei pawh a tum zel. Nimahsela, hetiang chung chung pawh hian Rinpuia ai mahin Zoa tho tho chuan ani ka rilru luah chu. Ka va han luhlul tak em. Ni e, hmeichhia in a thianghlimna a hlan tawh a mipa hmangaih chu engtinnge theihnghilh thei se min tih? Hetihlai hian hmeichhia zawng zawng erawh anni vek e ka ti hauhlo ania, ṭhenkhat chuan an thianghlimna an hlan thlap tawh mipate hi zu han ten zui hlauh zel a mawle! Hetiang hmeichhiate hian zûn an ngah phian zel nge chu ka hrelo, a mipa te lah chuan an umzui tak ṭawk ṭawk a, ka ten ania.

“Sangsang, ka graduate hunah innei ang aw”

Mak tak in Rinpuia hian midang zawng zawng min koh loh dan ber in min ko kher ṭhin. 

“Hna te pawh i thawk ve phawt ang chu. Ila naupang a” ka tih chuan alo ner deuh sawk. 

“Ka duhlo e a, midang in min lo neih khalh daih che ka hlau alawm” ati chu ka nuih alo za ru hle. A naupanchhiatna hi a rawn lang leh zauh ṭhin a.

“Tunge nei se min tih. Ka hmuh zawh loh tehreng nen” ka tih chuan a hma ai mah khan a lo ner nasa tawh zawk.

“Hei min hmu reng alawm” a rawn tih chuan kalo nuih var var.

Zan khat chu Zoa ṭhianpa Hriatzuala hnen aṭangin call ka dawng ve nawlh mai. Mak pawh ka ti viau ani.

“Aw Hriata, ve tehmial che chuan”  kalo ti deuh hluai. Chuveleh, ani chu lo nui zui hawk hawk in

“Ni ngawt mai tiraw? Tunlai i ṭha em? Chhass lam te i tluang maw?” A rawn ti daih. Ani tan chutiang hriat chu engemaw a ṭangkaina le ka ti niah niah. Mahse, ṭawngkam pangngai tak hian

“Umm ka ṭha alawm, chhas tih vel chu sawi chi loh” tiin ka nui zui ar ar. 

“Ṭhianpa nen in inbe vak lo nge, nitin deuhthaw hian ka leng ṭhin a, a nguai thei riau mai a” a rawn tih chuan ka mur chhuak vek thei. Chutiang in kan Zorunmawia chu alo khawsa ve thei a ni maw? Ka ngaihtuah chiang a ka tan han phur hluai na tur a awm in ka hre leh lo tlat. Engvang pawhin a ni kha a hlim lo thei tih ka hria alawm, a hmasa ber atan keimah vang chu anilo phawt ang.

“Aw, a bialnu nen an inṭhen aniang chu mawle” ka tih chuan Hriatzuala chu a khuh chhuak deuh bawrh bawrh.

“Engtinmaw? Zoa hian bialnu a neilo reng reng aw. I hresual nge i uang zawk?”

“Bialnu a neilo a!? Hmanni ah pawh Remruathlu-i nen an in zui reng kha ka hmu alawm” kalo ti vat. Chutah, ani chu za fahran mai hian a rawn nui chhuak leh ta kar kar.

“Ka ṭhianpa hian e, khatiang hmeichhe laktlak loh lutuk kha engatanmah ati lo. Diktak chuan maw Ms, i chanchin tih loh hi chu sawitur a hre miah hleinem. Min ring tawp rawh” ati ta. Kei chu mak tih lutuk vang in kalo dâng nghal sawp sawp tawh a, chhan let dan tur ka hriat tawh thlawt loh avang chuan ka ngawi tawp. Reilote ka ngawih hnu in amah bawk chu a rawn ṭawng chhuak leh

“Hello, ila awm em? Ka sawi hi i hre thei anih chuan tunah khan va be nghal rawh aw, alo nghak reng che nia” ati zui leh a, phone pawh chu a hmet tawp zui nghal. Kei chu ka chi ai zo mai dawn hian ka hria, keimah vang in Zorunmawia nungchang alo danglam phah ve anga maw? Awih tur nge awihloh tur tih pawh ka hrethiam ta nek lo e.  Hriatzuala thu min rawn ang khan ka call mai dawn nge le aw ka ti hman a, mahse ka in control leh thei hram. Min be chak takzet anih chuan a rawn che hmasa zawk tur niin ka hria a, ka induhtawkna pawh ka dah sang zui vat.

Khami hnu aṭang khan Hriatzuala chuan a khat tawk hian chanchin ngaihven pah chhuanlam siin min rawn be ta fo mai a, a nihna takah chuan a mi en dan hi a danglam tih chu hman ata tawh ka lo hre ru ve kar. Mahse, kan ṭhianpa tho anih bakah, amah hi mipa nungchang mawi lo tak te alo nih lemloh avangin keipawhin chutia min rawn be fo pawh chu ka pawiti em em hranlo. Amah hrim hrim hi a caring ka ti a, a ngainatawm ka ti bawk. Kan Zo mimawl leh thinchhe lutuk pa ai thlawt kha chuan biak pawh a nuam zawk. Mahse, amah chu anni ve hauh silo.

“Hriatzuala nen in inbe ṭhin ani maw?”

Zoa hnen aṭang in text ka dawng hlawl.

“Be ṭhin e, engatan nge itih?”

Chutah, rang lutuk hian a rawn call zui vat.

“Be fo tawh suh ang che. Chu chu ani mai”  a rawn ti nghal thawr anih chu. A awki te lah chu a’n ngaihnobei lo laileng khawp lehnghal a.

“Hmm ka ṭhianpa ani ve tho a, ka duh hun hunah ka be ve thei alawm” ka tih pawh in min chhan let na chu a ngai reng ani mai.

“A ṭullo ka tih chuan aw animaw ti ve mai rawh” a chiang kek kawk teh e.

“I bialnu lakah khan thu va nei la a tawk reng. Hei chu ka nun ani tlat” tiin phone chu ka off zui ta hmak. A rawn call nawn tluk tluk na in ka la duh tawh ṭhak lo. Eng nge ni vei! A bialnu pawh ka nilo a, tunge ka biak tih ah hian thu a nei lo ve chiang em mai. A niin a duh hun hun ah a bialnu te kawp kual in a lerh anga, tichuan kei chu a mamawh hun atan kalo in phal leh mai ṭhin ang maw? Hnai love.

Rinpuia nen chuan kan inzui tam tial tial a, a feeling ka hrechiang tial tial a, keipawhin ka ngaina tawh lutuk tlat. A khat tawk in Hriatzuala leh Zoa te nen pawh kan la inbe ve fo tho na in tun atan zawng, Rinpuia hi ka tan a ṭha ber a, ka mamawh hun in ka kiang a awm reng ṭhin chu ani mai e.

“spicy chhum la, keiin artui kalo kang thung ang” tiin Rinpuia lo leng chu kalo tir nghal zat.  Awle ti a phur tak a tho zuiin choka lam kan pan dun nghal. Choka lama eitur siam a kan lo buai dun nak nak lai chuan kawngka kik thawm kan hre thut. Choka aṭang bawk chuan chhawn zuiin

“Lo lut r’u”

Ka sawi zawh rual rual in choka ah chuan Zoa hmel a rawn lang chhunzawm nghal. Chutia keini pahnih hlim taka lo awm min rawn hmu chu a hmel ah lawm loh na tamtak a awm ani tih ka va hmu thei. Ka dinna ah chuan chak zet hian a rawn vung phei a, ka bân ah kai lawp in choka aṭang chuan min pawt chhuak ta dawr dawr mai le. Sitting room sofa ah min theh ṭhu hnawk in ka hmaah a ding a, min chhuk melh run zui.

“Eng nge maw i tih hi le” ka ti deuh khar khar. Zam duhlo lui ngatin a hmel chu ka en ve kar bawk. 

“Engvangin nge phone i lak loh?”

“Inleng neih laiin phone ka khawih ngailo”

“Nangnu hi!” tiin a heh chu a pet deuh fan fan mai. Kei chuan ka hlau duh lo lui zel thung.

“Haw rawh. Ka bialpa awm laiin i rawn thinrim ve ringawt lehnghal a” tiin thawh ka tum chu min lo nam ṭhu leh hnawk.  Amah lah chu a thaw zui hak lehnghal a. 

“Bialpa iti emni?” Tiin hmuhsit hmel zet hian a nui deuh sâng mai nia. He mihring hi ka ṭhian Zorunmawia kha ani ta lo emni? A rilru te hi alo va chhe sawt in engtiklai aṭang khan nge mi deusawh dan te hi alo zir thiam tak le aw.

“Ni e, ka bialpa, eng nge? Ka nei theilo tihna emni? Nangpawh in–” ka tih lai mek in

“Aw i nei theilo! Bialpa i nei tur ani lo Malsawmsang!” A rawn ti ṭhat nia. Ka hamhaih em avang chuan ka ṭhu ngil nghal zawt thei. Zaktheilo ka ti lutuk leh ka thinrim bawk si chuan ka melh deuh ngawt ngawt ringawt.

[09/01, 11:08 am] Fanai Vanlalpeki: ZORÛNMÁWIA(4)

            (FRIENDS WITH BENEFITS)

Eng ang ṭhian nge maw ni ngai le? A bialnu pawh ka ni lo a, diktak chuan ani nen hian ṭhian kan nih bakah sex kan hmang sual tih loh chu inzawmna dang chhete mah kan nei heklo.  Engvanga a nawm a mak a ka chungah hian thuneih rawn tum ve ringawt zel nge anih a. Ve maimai a! Tho zui tharh in hnai set sawt ah ka dinchilh ta ran. Chiang zet hian a mit ah tak ka en a, min lo en ve reng bawk.

“I tan eng nge ka nih Zorunmawi?” Ka ti deuh salh. Chutah, ani chu khap zui fak fak in

“Ka ṭhianṭha ber” ati sup. 

“Chuti anih leh, ṭhianṭha ang chuan awm mai ta che”

“Ka theilo, aaa ka sawi awmzia chu,ngaihzawng hi neilo ve ve ang”

“Engvang in maw? Ka lakah hian ṭhian nih na nilo, rilru dang i nei tihna emni?” ka tih piap piap tak ah chuan a hawi buai ṭan ta deuh a. Kei erawh ka zam lo laklawh tawh tlat. 

“Neilo e, ṭhian nihna bak!”

Umm, min chhan let dan zet chuan min ti beidawng chiang hle mai. Ka mit ka chhing sawk a, in her in choka lam pan zui

“A tawk. Min haw san rawh” ka tih laiin min kuai her leh sawk a, min rawn fawp ta mai. Chutihlai tak chuan hun kan hman rei tak deuh avanga ngaihṭha  lo Rinpuia hmel kha ka va hmu thut. Rang zet hian ani chu ka namsawn a, Rinpuia tlanchhuak chu ka umzui ve nghal. Mahse, ka um reilo, awmzia a awm dawn chuang in ka hrelo ani. Diktak chuan Zoa min fawhna avang khan ka thinrim chiah em tih hi ka hrelo ani e. Engtin emaw tak nawm ruk riau na hi keimah ah chuan a awm tlat mai a, keimah chuan kim lo riau hi a awm tlat si ani. Mipa dang ka awmpui avanga a thinrim ta mai te leh ka bialpa neih a phal tlat lo mai te chuan lawm ruk riau na min pe in, a ruk tak chuan ka mur sung sung thei hial a, mahse tih thu hi sawi a ṭul leh mai ṭhin zawk ani. 

Hetiang rilru a put tawh tho si chuan engvangin nge a rilru diktak chu a sawichhuah mai loh le? Min play vel mai mai emni zawk ang? Ngawi tak rawh, kan la hre zel dawn alawm.

Khatiang thil a thlen aṭang khan Rinpuia nen chuan vawikhatmah kan inbe tawh ngailo a, inbiak chu sawi loh, block theihna zawng zanwg ah hian min lo block vek chu niin! Umm a rilru nat dan tur kha ka hriatthiam pui ngawih ngawih. Zoa leh Remruathlui te inzui ka hmuh ringawt pawhin ka na ania, ani min hmuhdan phei kha chu min duh ngawih ngawih tu tan a nat tur zia hi. Ala naupang ve si a,  a hmeichhe rinna em chu hloh phah lul suh se.

Hriatzuala nen erawh Zoa ṭhianpa a nihna ah ka ṭhian ve tho a nihna chen alo awm avangin hunawl apiang ah kan inhmu a, kan inbe fo ṭhin. A theihtawp a min biak hlim a tum bakah ka bulhnai a awm tawh phawt hi chuan a uang em em reng zel hi animai a. A ṭhianpa chungchang nise, a tawk chauh a min sawipui hi a thiam phian a, ka mamawh hunah lah alo lang zui ve chat ṭhin bawk si. Ṭhianṭha tak leh ṭhian nihna diktak hria mihring niin ka hre hial.

“ULawmzuala chu i zinbo rei thei sia, i ngaihawm ve reuh top” tiin Zoa unaupa sofa chung a mu zal ar ar chu ka be nghal sawk sawk. Ka thawm a hriat rual rual in a mu lai chu a tho deuh hluai a, a rawn nui deuh suk.

Heipawh hi Zoa unaupa mahnise hmelṭha ka tiin a pa ka ti ru em em ṭhin. Pianphung ah phei chuan Zoa aiin a fit hmel daih zawk a, a palian zawk bawk. A hmel nise, mipa diktak hmel tihtur ang chi hi ani lehnghal a, mitmeng lian lam leh mithmul dum chhah kek kawk tak, khaberuh kual lian lam niin, a sam chu a kir ve chap a a dum ṭha hle bawk. Mipa vun rawng atana ka duhthusam in a vun rawng nise a uk deuh kharh. Zoa ai chuan a sang fe zawk bawk ani. Aa duh ai chuan ka nasa mah mah deuh ani e, an unau nau  a han hmuhtaih tak mai chu a!  Mi te reu reu in an hria ang tih chu ka hlau leh hnuhnawh.

“Chutia mi? Nang alawm ngaihawm reuh chu” ti a min chhan let na chu Zoa room pan tur ka kal lai tak anih avang in ka hawi let thuai a, chutah, kan mit chu chiang zet hian a intawng zui sak. Ka ṭim uaih thei nia. A melh nat zia leh thuk zia mawlh kha, ka thin a phu zui nghal dup dup mai. Huatthla la lo zet a min nuih leh var var hnu phei kha chuan ka tuiral mai ang tih hlau in inchungah ka chhohsan daih. Zoa room a ka luh lai te pawh chuan ka tha khur nasa lutuk kha control a har ka ti tawh hial. Kei hi ka dik lo nge, an unau hian an diklo zawk. Aaa a ninawm zozai.

A khum tlâng a ṭhu chung hian Zoa chuan cigarette alo pet ve hlarh hlarh nia! Rang zet in ka pan phei a a thil ken lai chu chhuhsak in  tukverh ah ka vawm chhuahsak daih. Makti deuh a min rawn en chho hâ chung hian

“Heiii..a man to chi anih kha. Ka va ui ee!” A ti zui vang vang.

“Engtik aṭangin nge thil ṭhalo tih te ilo chin ve tak a?” Tiin ka bag aṭang chuan lollipop pakhat hi ka phawrh zui zat.

“Kha, hei hi tun aṭang chuan zawngchhang tawh zawk la, i cigarette manto lo ni tawh rawh se” ka ti ve ngawt. Lollipop rawn melh kar chung chuan a nui zui hak hak.

“A lem em mai a, nangmah khan ei zo mai rawh” alo ti duh lek nia. Mahse a kut ah chuan ka hmehbel zui ta chawt chawt tho a, eng thu mah a sawi zui tawh bik lem lo. 

Hemi ni hian doctor appointment a neih tawh sa ang in a dar ruh na ṭhin bawk kha entir tur chuan damdawiin lam kan pan dun leh ta a. A ni doctor hmu tur a a kal chhungin kei chu damdawiin compound velah kalo tei kual maimai thung a. Chutia hmun hla tam thlir a kalo hawi voh voh lai chuan ka bul lawk ah hian tuemaw in min rawn be thut.

“Hetah eng nge itih ve?” Hmeichhe aw ngei ani. Ka’n en nak chuan Remruathlui leh mipa pakhat hi an lo ding reng niin. Remruathlui zawk chu ngeiawm zet hian alo ṭhen sâwng leh ta nghal a.

“Zoa ka nghak a, nangni zawk?” Zaidam deuh in ka ti let ve hram. A hmel ah erawh min tham lohna leh itsikna te ka hmu nuaih thung.

“Ka duh ai chuan Zoa nen hian in inhnimhnai hret ani. Ṭhian chauh inni in ka hre sia” atih leh chuan chhungril ah hian kalo ṭim sawk thei. Mahse, ti lang duhlo in za fahran lo hian ka han nui lui ta zawk a. Khanglang tak che hian tih pah a keh zui buan buan mai chu ka nap ani. Mahse,

“Nia, ṭhian satliah nilo, ṭhianṭha lutuk mai hi kan nia, tu tan mah a thik rual kan ni hleinem” ti leh in ka kalsan daih. A bialpa pawh ani tawh uk silo a, zaktheilo leh lutuk mai. Chutia alo sahuai thingvawn ve tlurh chu ka ngaithei ṭhak tawhlo, ve mai mai hian. 

Remruathlui te kal liam aṭang darkar chanve lai chu a liam leh tawh ang tih in Zoa pawh alo chhuak ve ta hram. Ka hmel a hmuh rual chuan a rawn nui zui leh var var a. I va han ṭha chiang tak em! Lel lawl mai. Chanchin te kalo zawt nghal zung zung a, engkim a ṭhat thu leh doctor damdawi chawh te chu regular tak a a ei chuan a dam mai theih thu te pawh a sawi deuh nual. Anih loh chuan an zai ngei a ṭul dawn thu te pawh a sawitel bawk.

Damdawiin kan chhuahsan hnuah in lam a haw ta mai lo chuan Beraw tlâng kan pan ta daih a, ka hrethiam lo lek lek.

“Engatinge hetah daih daih” ka tih chuan a nui ringawt. Min la chhanglet duh miahlo zui nia.

Kan tum ram kan han thleng chu mi pawh an lo ṭhahnem ve phian a, nula tlangval bakah chhungkua niawm taktak te an fa naupangte nen a an in um thawm te pawh hmuh leh hriattur a awm zui nual. Chung ka hmuh te chuan min tih hlim em avangin lawm loh hian kalo nui leh vur vur ṭhin. Chutah, min rawn nghawk zoh. Ka’n hawichhuah nak chuan chiang zet hian min lo melh reng anih chu. Ka sa nghal pup thei.

“An hmuhnawm lutuk a” tiin naupang tlan kual te chu ka kawk zoh.

“Hmm,, naupang thlir turin emni hetah hian ka hruai che a?” A tih nghat chuan ka lo kiai zui sak a, 

“Hrebik nang..a chhan pawh i sawi hmasa silo a”

“I chimawm ve alawm maw” tiin ka biang chu na angreng fe hian a rawn piai ta anih kha. Chu chu kei in lo ngaithei heklo, a mi piai na ai mah a na zawk tur chuan a beng ah ka pawh sak zui zat. Tichuan, keichu tho zui tharh in tlanchhiat ka in ring nghal hle. Ani pawh a rawn tho chhuak ve bawk.

“iiii i chak dawn lo nasa mai” tiin min man beh chu a tum nghal a, ka tlanchhe vat. Ka hmuhnawm tih em em, naupang ho ang mai chuan keini pahnih pawh chu kan in um kual ta thiak thiak mai anih kha. Haw kawngtluan te chuan a hnungzang ka chum zui tlauh tlauh a, ka zai pah rat rat bawk. Kan in thleng min thlah hnuin a haw zui veleh ta ani.

“Bawihi, naktuk chu ka ai iva kal mai dawn emni? Hei, chhun aṭang khan ka nuam theilo riau mai a, in entir mai chi niin ka hria”  ka nu chuan zanriah kan kil lai hian a rawn ti chhuak sap a, a khuh zui bawrh bawrh bawk.  Rang zet hian a hmel chu ka en nghal, ni e, alo pawr fap mai a, a hmel landan aṭang ngawt pawhin a nawmloh hmel taktak. Nu tuarchhel leh na a neih pawh a sawi lang maimai ngailo, nu taima tak niin a tih theih phawt hi chuan keini a fate hi eng thil ah mah min phut buai ngailo a, mahni a tih zawk vek mai duh ṭhin mi ani. Nu zaidam leh fa te pawh a ṭul tawp ah lo chuan min hau in min hrawk ngailo tihtur nimahse, eng kawng ah mah hian ka nu hi demna tur ka hmulo a, ka hmangaih ngawih ngawih zawk. Mahse, a fel leh ṭhat lutuk avang hian midangte hian an zuam lutuk ṭhin leh a ngawi reng zel te, tin, keini a fate takngial pawh hi kan tlawva phah lutuk deuh hi chu ṭha ka ti bik lemlo.

“Awle, lutuk tlat.Va in entir la, i theih chen chen chu awm hahdam ve rawh” kalo tih ve tak kha.

Ka zan mu turin phone ka han en nak chuan Zoa unaupa, U Lawmzuala hnen aṭang message ka dawng ani tih ka hmu thut. Ka meng phar chiang teh e.

“Hey naupangte, eng nge itih a?” Tih hi. Naupangte han intih berkher chu a. Ka heh ka pet sawi kual vel vak vak phawt a, ka reply ta hram.

“Naupangte maw? ” tiin ka reply ringawt.

Rei pawh a rial lo, min chhang let rang kher.

“Ini lo emni? I te reuh sia, i cute bawk sia”

Eng thil nge maw a hriat tak le? Umm lawk in.

He pa hian min chhaih kual vel te hi a tum anih ngat chuan aw. Ni leh lo, min ngaihzawn a tum rilru deuh zawk emni? Kan inhmuh lai a ka bulhnai a a awm duhdan te leh min melh  ṭhin dan zawng zawng te kha ka han mitthla zung zung mai a, ka zak hnuhnawh angreng. Chutiang chu lo ni ta se, het! A nau in a hriat vaih chuan a pawi zawk hial ang. Mahse, biak maimai te chu a pawina awm hleinem tiin chumi zan chuan rei mawi tawk tak kan in text ta anih kha.

A tuk aṭangin ka nu hna kal ai an office ah chuan ka kal ve ṭan ta a. Ka nu thawhpuite ho chu kum lamah pawh upa ve tawh taktak anni ang tih chu ka hre mai. An fel in mi fiam zuk zuk an peih ve hle a, kum upa lam bul a awm vel hi chu nuam ka tiin a thlamuan thlak ve hrim hrim. Office kan han bang pawh chu ka zangkhai ta sawt ni hian ka hria, ka thawveng haw hle. In ka thlen hnuin ka nu chu chanchin ka hrilh pah zung zung a, alo lawm ve hle bawk..

“Nuam itih chuan a ṭhat chu. Thla khat chuang vel chu i la kal a ṭul dawn si a” alo ti zui daih. Ka meng zau deuh kawk hman a, mahse amah bawk chuan

“Doctor in thla khat chhung chu chawl hahdam tur leh in enkawl deuh turin thu min rawn a, ka hnathawh pawh chhuanlam a hman min phalsak meuh lo ani. Chuvangin hotute ka be fel tawh a, thla khat na na na chu iva kal leh hram mai aniang chu” ati ta dap dap. Ni e, zirna ka chhunzawm tawh chuanglo a, hna nise ka la zawng em em hran lo bawk. Chutia min enkawltu ka nu ber a dam sam miau siloh chuan a aiawh te chu ka tih ve tur a nia lawm le. A thawhpuite an fel in an zau bawk a ka huphurh lo nasa, keima tan tak pawh in zirna zel ani mai alawm.

Zan hmasa lam a kan inbiak ṭhat deuh vang nge ni, uLawmzuala pawh chuan min biak chu a rawn zawngchhang hlemai. Hetihlai hian Zoa nen pawh kan inbe ve reng tho. Ulawmzuala hi chu a fel in a polite a a caring lehzel bawk nen biak a nuam in a friendly reuh ka ti thlawt. In ngaihzawnna lam hawi zawng in kan inbe ngai hranlo bawk a, a sawi duhzawng a nuihzatthlak thei bawk si, phone en pah te hian kalo nui leh vur vur ṭhin  a, thawhpuite pawhin min fiam reng mai.

Ka nu hna ah pawh thla chanve lai chu kalo kal ve ta der a. Ni khat erawh, zingkar aṭang hian ruah a tla siap siap reng a, chumi ni berkher lah chuan kan la bang tlai em em zui. Haw alo hun meuh chuan khua a thim chhalh tawh a, ruah lah chu ala sur bur bur reng bawk si. Hemi ni hi ka scooty tlan loh ni alo ni lehzel bawk nen min ti mangang kher asin. Thawhpuite lah chu min haw san mai turin ka ti hlawm a, an haw zo vek tawh lehnghal ka va han ngei hnuhnawh tak. Lirthei service lah chu a vang pherh hrep lehnghal a. Zoa ka call ta ringawt. Alo la pick up thei der lo zui. Titau pah deuh hian ka phone chu ka hmer zui vang vang a, kawngpui lam hawi hian ka dak pah vual vual bawk. Chutah, ka phone chu rawn riin ka’n en nak chuan Ulawmzuala ngei mai kha alo ni hlauh. Khur der der hian

“Aw umam, ilo call ve tehmial a?”

“Nangmah emni i nu te office bathlar a ding reng kha” a rawn ti ta mai. Kei chu ka phu zwk thei.

“Aw, min hmu emni?” Kalo ti let vat. Ka zawhna chu ava ṭullo e, min hmulo nise min zawt ngawt awm silo.

“Aw hmu e, ka dawr kal haw turin ka hmu che a, kha, i lu te kha hiat nuah nuah suh” tiin a nui zui hak. Ka lu hiat mek pawh chu ka chawl nghal det. Ka hawi kual zui ruai ruai a chutah, office piah deuh a car ding ngawi reng chu ka va hmu zui zat.

“Ka rawn tlan phei ang, kalo thlah dwn che nia” atih chuan ka lawm chiah em tih pawh hi ka hrethiam lo. A nihna takah chuan a bulah hian ka lai chhe vek zel a, a mi uap a na thei ropui mai si. Kalo rin ang ngeiin piah deuh a car ding ngawi reng chu a headlight a rawn eng ta zoh a, a rawn tlanphei zui bawk. Ka dinna hma tak a rawn ding zui nghal in, a driver glass chu a in down nghal. Chiang zet a min rawn melh pah hian

“Lo lut rawh i huh vek hma khan” a rawn ti deuh lung lung mai. Amah ringawt kalo suangtuah avang chuan chet lawk nachang pawh kalo hrelo, chutah, horn chu a han pe zui tuarh a, ka harhchhuak ve chauh.

“E, awle” tih pahin a car chu ka tlan hual a, a bul chiah ah ka va ṭhu lut ve nghal. Ka awmdan vel chu chik fahran hian min lo en reng tih ka hriat in ka va nuih zui suk ringawt a, ka mawl hmel teh ang chu aw.

“I hman tawh em?” A rawn tih sup chuan ka lo bu zoh a, motor ti nung zuiin hmalam en pah chuan

“Sit set reuh che hian” a ti hul hak.

Sawi mai tur ka hriat tawhloh em avangin ka ngawi zui dak a. Amah chu ka melh ru leh zauh ṭhin thung. Ani erawh, a hmalam chu ding tak a melh ran chungin steering chu a tuai vir pap pap thung a. Chutah le, kalo melh ruk deuh veng veng laiin a rawn hawi ta thut anih kha. Kan mit intawng chiang lutuk chu a ni pawh kha a zam lek lek niin ka hria, a nui deuh suk mai.

“Ṭha maw?” A ti sap.

“Umm”

“Zoa nen hian in inzuina a rei tawh em?” A rawn ti khauh mai. Ka ṭhu ngil nghat awt thei.

“Ani nen te chuan kan inzui reng alawm” kalo tih chuan a ner sak mai.

“Ka tih zawk chu, in ngaizawng ang hian ka tihna nia, ṭhian inni reng ṭhin tih kha chu ka hre tho a” ati leh. Ta maimai ṭhin hian aw. Englaimah in Zorunmawia nen hian kan in ngaizawng ngailo e.

“Aa kan in ngaizawng lo hrim hrim. I hresual zawk aniang”

“Chuti chu hmanni ah a bialnu hming ka zawt a, i hming hi a sawi ri si a, ava mak awm ve aw” a ti leh ta mai anih chu. Chu mihring pa chu aw. Vawikhat pawh min la bem uk silo hian a sawi huai deuh mah mah chu ani. Nge, a unaupa hian min dawp a tum zawk ni ang. Engpawhnise, ka thinlung erawh chu lawm avangin a nui deuh vur vur thung.

“A ti ve maimai anih dawn chu. Kan inkar ah ṭhian nihna bak engmah a awm lo reng reng” tiin za fahran lo chuan ka han nui lui vel a. Min rawn melh zawk.

“Anih chuan, ka tan hope a awm thei dawn tihna ava ang si ve, a dik em?” Ati chang leh fak. Kei chu ka khur ru der der a, chhan ngaihna reng reng ka hretawh lo ani. Khawngaih takin in unau hian ka thluak tibuai lo lul teh u, ti a kutsuih hial a ngen chu ka nap tawh zawk. Ka ning lutuk. Ka chhan let ve hma in kan in pawh chu kan lo thleng ta der a. Motor aṭanga chhuah mai ka tum chu min lo dang vat in

“Lawk in, lo ṭhu rawh” tih leh hnunglam seat chu va ban a rual zat. Tichuan nihliap pakhat hi rawn lek chhuak in ani chu pawn ah a chhuak zui. A awmdan chu hrilhhai zet hian kalo thlir reng thung a. Chutah, ka ṭhutna lam car kawngkhar chu rawn hawng leh in nihliap chuan min zawn zui thuai a. Ka ding chhuak chiah nen chuan hnai set sawt ah kan in melh ta reng mai. Nilo, nilo ti rilru in ka lu chu ka thing zui nawk nawk. 

“Anih, ka lut mai ang, ka lawm lutuk ania” tia kal ka tum chu ka bân ah lo vuan chat in

“Ka zawhna che kha min chhang phawt dawn lo emni?” A rawn ti khur dar dar mai le. Hrilhhai leh makti zet hian amah chu ka en ta vawng vawng a, ka bân lah chu ala chelh bet reng bawk nen, a nuam tawh miahlo.

“Ka hrethiam biklo” tih pah a min vawnna kut phelhsak kalo tum mek lai chuan kan sir lawk aṭang hian ka hming ngei a min rawn ko thawm ka hre ta tlat. Keini pahnih chu kan hawi rual deuh ṭhawt a. 

Karei leh! Zoa chuan a bike aṭang hian huh hliam in min lo thlir reng anih chu mawle! Ka rilru ah Ulawmzuala chiah alo awm avang khan ani chu a rawn kal lai reng reng hi kalo hrelo ani. Keini pahnih chutia lo in vuan bet reng mai min hmuh takah chuan Zoa pawh chu a hamhaih ve hle ani tih ka hria, a û hmel leh ka hmel ngawt chu a melh tawn zak zak a, a huh hluam bawk nen, ka khawngaih reuh mange.

“A ṭha vek e” ti hmarh in a bike chu a tinung a alo kalna lamah a tlan liam zui ta vang vang.  Chutihlai a ka awmdan chu hrehawm tak hi ani mai. Ulawmzuala kut chu thing thla hmak in inchhungah ka tlan luhsan ta daih.

Huh hnik hnek a ka haw ta mai chu ka nu chuan min lo en duh kher. Chutihrual in ka nau ve thung chuan nui ṭhaw chung hian

“Nu, au hi tlangval in an lo thlah maithei ania aw” alo ti hram pek a. Ka va han kuk chak tak he nau hi chu.

Ka nu thung chuan

“inthlak vat rawh i damlo palh hlauh ange” alo ti daih. Inchung a chhoh pah hian ka nau nghal zet mai chu ka melhrum nghek a, ani lah chuan theihpatawp hian lei min lo chhiatkhum thung. Kir ker mai.

Room ka thlen rual in khumah chuan ka ṭhu zui hnawk. Phone ka en nghal a, Zoa text meesage pawh alo awm lehnghal pang.

“In lo khatih vang kha ani maw, a mak, min ṭhawng hlemai a. Mahse, a pawilo e ka unaupa ani bawk a, ka kian vek mai ang. Hehe” a rilru chu a na ve thawkhat dawn tih ka hria, ka inthiamlo takzet ani. Chutihrualin Ulawmzuala hnen aṭang pawh khan text chu ka dawng ve tho a.

“Ka tihpalh ani. Ka nau nen hian hlim takin awmzui mawlh ang che u” leh lawi si chuan a. Engmah hi ka hrethiam tawhlo e, a tute mah chu reply zui peihlo in khumah phone chu ka theh tla tawp a, ka inthlaksan daih.

Chumi chin chu Zoa hnen aṭangin engmah ka dawng leh ta miahlo a. Ulawmzuala erawh tlangval lung fing tawh tih takah hian min rawn be leh fo a, mahse ka lakah chuan beisei nei anga awm lo in a nau leh a ṭhian a biak ṭhin ang mai hian min rawn be ṭhin ani. Zoa lah chuan min rawn biak chu a tum tawh map silo a, ka tan intih thawven pah na ṭha tak ani tih hria in ulawmzuala pawh chu kalo be ṭha ve zel a, a khat tawkin ka chhuahpui ve ṭhin bawk. Mahse, hetia a ni nen hun kan hman dun naah hian a nau chanchin chu vawikhat te mah hi a sawichhuak ngailo a, kei lah in han zawh vel chu zah ah ka lak deuh tlat avangin ka sawichhuak bik lo bawk. A ruk tak chuan Zoa chu ka ngai em em a, ka mamawh ngawih ngawih ṭhin bawk. Ka taksa chuan a unaupa bulah hun hmang ṭhin bawk mahse, ka rilru ngaihtuahna zawng zawng erawh a nau kiang ah an awm vek thung si.

Zan khat ka inbual zo chu mut maimai pah a phone ka’n en nak chuan ka hmuh duhloh deuh thil ka hmu fuh ta tlat mai le. Hriatzuala  status ka’n view nak chuan Remruathlui leh Zoa in fawp lai thlalak hi alo hmang reng anih chu mawle. Remruathlui zawk chuan camera chu a keng tih pawh a hriat viau a, camera a rawn melh ṭawk ṭawk bawk. Heiha! Kei chu ka thamral zui nimai hian ka in hre tawh. Nasa takin ka chungah a thikthu chhiatna a ti lang char char a, bialpa neih chungchang ah pawhnise min khap sak hmak anih kha. Tikhan a unaupa nen mwilo tak a kan lo khawsa lai pawh ni hlei lo min hmu in a chhan diktak hriatchhuah pawh a tum lo a, min kalsan ringawt anih kha. Tunah lah ani chu tihian englai mah a kawp tur pawh a ka duhpui loh ngei mai nen chuan inkawp leh in min elhsen zui leh bawk si. Engtinnge heng thil zawng zawng hi ka chungah a thlen tir theih zawk le ka ti ani. Khang hun chhung zawng pawh khan ani chu ka be chak fo a, mahse ka dawihzep luat ah ka ngamlo zawk zel ani si.

[09/01, 11:08 am] Fanai Vanlalpeki: ZORÛNMÁWIA(5)

              (FRIENDS WITH BENEFITS)

Umm, engpawh ni rawh se, thih leh thih tiin Hriatzuala status chu ka screenshot ta rawk a, Zoa chu ka va thawn ta hmak. Thuziak hnutchhiah in

“Chhelo dun hlemai, innei nghal rawh u” tih chu ka va thawn ta anih kha. Ka thawn zo chu ka thaw deuh hawk thei mai. Message chu lo seen vatin a reply rang kher.

“Eng nge awmzia?” A rawn ti vel nia.

“I hre zawk ang chu. Chawngkawrnu leh nangmah ngei innih hi” ka ti hmak a, a rawn call zui ta nge nge.

“Khatianga kan khawsak lai kha ka hrelo. Ni e, hman zan a ka U nen ka hmuh dun che u khan ka na em em a, inah pawh haw tlang lo in Hriatzuala nen party na hmunah kan kal daih a, ka rui hle tih chu ka hria. Tah khan he nu hi alo kal ve ani tih reng reng ka hrelo hrim hrim. Engmah kha hriat ka neilo taktak ani” atih chuan kalo kiai sak ringawt. A thusawi chu a dik ngei ang tih pawh ka ring alawm. He pa hian dawt a sawi tam lo khawp mai tih pawh ka hrechiang e. Mahse min ti hel laklawh tawh a, amah chu tihnat let ve chak na in ka khat tlat mai.

“Aw, a ṭha anih chu. I duh dan a awm turin tumahin an dang bet hleinem che. Buaina ka neilo e, i duhdan dan khan awm teh. Ka mu dwn” tiin call chu ka ti tawp zui daih a. A awmdan chu a hria emaw hrelo emaw, ka thinlung hi a chhun na laklawh tawh tlat ani. Tun aṭang chuan he mihring hi ka ngaihtuah tawhlo anga, hmalam pan zelin ka mipa duhzawng apiang chu ka kawp ve tawh mai dawn ani. A nunah ka buai tawhlo anga, chutiang bawk in ani pawh ka nunah lo buai tawh suh se. Ninawm em mai.

Khatiang ngaihtuahna bul hmek hmuk tak ka neih hnu aṭang khan party neuh neuh velah te hian ka kal tam sawt hle a, ruihtheihthil duh ve taktak ka ṭhiante ho thlengin ka kawp nasa ta hle. Pathian zarah ka nu pawh a dam ṭha tawh a, a chawlh hun chhung thla pawh kha alo ral veleh tawh bawk nen, kei chu in lamah a ṭul apiang thawk in hun ka hmang leh mek a, chhunah chuan buai hle mahila zan lamah erawh ka nu muthilh hnu in ka tek chhuak leh fo ṭhin. Ka thinlung chelh nghet tu tur mipa dang em chu tawng leh lo mahila, chutia khaptu awmlo nawmchenna chu ka thiam zawng tak mai hi alo ni a, nuam pawh ka ti phiangsen e. Ka status leh story velah pawhnise tumah hmaizah hranpa lo hian ka hun hman dan leh mipa hrang hrang ka kawp te nen a kan thlalak mawihnai lemlo takte chu ka pholang ta fo mai. Hetihrual hian ka chhungte erawh chu ka hide vek thung. Eng nge ni vei, Zoa pawh in ka mi huat ber nen a an hun hman dun na thlalak engemawzat chu ka hmuh theih turin a rawn hmang ve fo tho alawm le. Ani pawhin nuam a chen theih chuan eng aiah nge ka duhdan hian ka han awm theihloh bik tehlul ang ni?

Zan khat pawh birthday party ah kal leh in zu pawh ka lem leh nual mai. Rui ṭha leh mep mep tawh tak hi ka ni ringawt. Chutihlai chuan ka hriat zawng leh hmuhṭhan pawh nilo tlangval hmel fai vek vawk zet hian kei chu lampui atan min rawn sawm ta mial a. Nui var var pah hian min rawn sawmna kut chu lo chelhsak in lamtual lam chu min pan pui nghal. Lâm te hi chu thiam lem lo mahila, lû lam in ‘huau’ atih tawh ber hi chuan ka ti ve nawk nawk thei zel e. Mahse, ka zei lemlo, ka zaklo e tih thu mai ani. Chutia inkuah ngawih ngawih pah a kan lo lam delh delh lai chuan kilkhat aṭanga min lo melh reng tu tuemaw chu ka va hmu fuh thut. Chiang zawk a ka en chuan Zoa hmel ni tlat hian ka hria a. Chutah, ka lam lai chu chawl meuh in bangkil lam bawk chu ka han en chiang leh. Umm, kan Zoa ngei mai chuan rum tak leh mitmeng thip ruih hian min lo melh reng anih chu mawle. Ka thin chu a phu leh nghal zaih zaih nain ka zahna te kha an la reh fel miau lo a, ani chu runluih ka chak leh ta et et mai. Tichuan muangchang hian a hmuh lai ngeiin ka lampui pa hmui chu ka fawhsak ta dek dek mai. Amah melh reng chungin chutiang chuan ka che thei anih chu! Tui tih hmel zet a kan in fawh tak reng ah chuan ka meng phal ta thlawt lo, ka chhing zui diar diar. Ka han men leh meuh chuan Zoa kha chu alo bo daih tawh. Tu hriatpui siloh in ka han zawng ru deuh tak na a ka hmu zui tawh lem lo. Ka khawsak dan vel chu hmu zui thei tawh thlawt lo in a haw ta aniange.

Zoa hmel ka hmuh tak silo ah chuan ka lampui pa pawh chu ka ngaihsak zui duh ta lo a,  ani lah chuan min lo beisei thui nasa tih hriat zetin min zui reng ringawt. Chutiang a mutpui zui theih maimai emaw min ti nge maw ni. Mahse, a thiamlohna em em chu ka hrebiklo, hope kha ka pe miau a, ka pek chhan lah a hre ikhaw mang silo. Ka ning ta deuh hlek chuan bathroom ah ka luhsan daih. Chutah em chuan min rawn umzui ta bik lo e. Bathroom chhung zau tak a darthlalang lian zet an dah ah chuan in en chungin ka hmai te chu ka han chei ṭha thuak thuak a, chutihlai tak chuan ka phone rawn ri in, Ulawmzuala alo ni reng mai.

“Hello”

“Naupangte, khawiah nge ila awm?”

A aw aṭang chuan a hmanhmawh hmel kher.

“Hetah..ṭhiante piancham lawmna ah. Tinge?”

“Zoa kha bike nen a chesual a, a ngaihtuahawm angreng an rawn tia hei, keipawh damdawiin lamah ka kal nghal dawn”

“Engmaw? A na viau taktak em?”

Ka chi ai buai nghal vek. Ka kut te chu zu khur nghal der der thei a mawle.

“A na chu anti. Ka chiang biklo, i awmna ah khan lo awm reng la, ka rawn lam phei ang che”

Phone a dah rual in ka dinna hmunah chuan ka ṭhu tung nghal awt mai a. A chetsualna chhan chu keimah vang bak ani theilo tih ka hrechiang em a, hrehawm ka tiin ka inthiamlo takzet ani. Tichuan, ka mittui chu hru hul sawk sawk in bathroom chu ka tlanchhuahsan zui. Ka ṭhiante pawh be khawmuang tawhlo in pawn ah ka tlanchhuak a, ulawmzuala lo thlen hun nghak in pawn ah chuan kalo ding zum reng ringawt.

Rei pawh ka nghah hmain ani chu a car nen bawk khan a rawn ding zui ve dat. Ka hmel leh inthuamdan a han hmu zet chu a ngaihdan ani vak lo nge ka hrelo, a ner sawk thei. Ngawi reng in a jacket hak lai chu a hlip a min rawn tuam lum zui vat. Tichuan motor chhungah min ṭhut luh tir leh in Ding zet hian hospital lam chu kan pan dun ta ani. Ka awmdan vel chu ka inthlahrung leh hnuhnawh viau, ani lah kha a smart in a felfai thlup si a, kei ve lah chu, hmeichhe lerh leh zan vahchhuah hrat, mi nikhualo tak mai inthuam dan khan kalo inthuam ve miau bawk si a, a lakah chuan ka te chem chem mai ani. Engmah sawilo in a khat tawk hian min rawn melh leh zeuh ṭhina , a nui leh suk ringawt ṭhin. Chung te hlei hlei chuan ka awm anti nuamlo zual a, ka inthlahrun phah tulh tulh. A tawp a tawp ah zawng, damdwiin pawh kan thleng ve ta hram a, ka thawl huai nimai hian ka hria. He pa bula awm hi chuan eng thil emaw hian min uap run zel a, sawithiam theih chi pawh ani lo.

Zoa chu rin aiin alo na daih mai a, a lu ah hliam liantham lutuk lo neiin,,a hma aṭang tawh a alo buaipui fo, a dar bawr vel bawk kha alo sawh fuh leh bawk. Chu chuan a thawkna lamah harsatna siamsak in ICU ah oxygen nen alo mu rup mai hi alo ni. Tin, amah chu ala harhchhuak lo lehzel bawk a, chu ber chuan ka rilru ati hah zual takzet bawk. Engvangin nge party naah khan alo kal ve reng reng le. Min enthla turin emni? Aaa engpawhnise, keipawh hian khatia lo runluih kual vel loh tur kha nia. Ka sual ve hranpa hrim hrim bawk anih hi. 

Zoa, lo harhchhuak leh vat vat la, ṭha takin awmdun tawh ang aw. Tin, i hriatna te kha hloh miah suh ang che a tihchi loh. I hriatna i hloh anih chuan kei hi engtinnge ka awm zel anga? I chak lo viau ang ti rilru neuh neuh in ICU kawt ah chuan ka ṭhu a, ka kut te chu kalo hum ruh ve sauh sauh ringawt. Chutihlai chuan Ulawmzuala pawh ka bulah rawn ṭhu thla ve hnawk in min uap bet lehnghal run nimai hian ka hria. Ka han melh zawk chu, chiang zet in min lo en reng anih chu mawle. Ka zak leh lai lutuk chu ka kun zui leh daih.

“Eng thil nge kha lai hmunah khan in tih reng reng a? I thawmhnaw inbel duhzwng te lah kha” ati deuh sup. Ka va han zak tak. A zawhna chu chhan ngei a ṭul si a tiin ka hawichhuak ve mai a, min lo la en reng mai chu zahzel ah tiin ka nui vur vur. 

“Birthday kan lawm ka tih khaaa”

“Birthday lawm vanga khatiang dress sexy lutuk han hak kher chu. Ching tawh reng reng suh naupangte chauh ila nih kha” tih pahin ka sam chu a rawn tuai thur ta chiam mai. Chu pa maimai chu a.

“I thawmhnaw kha i thlak lawk duh em? Ka va hruai ang che” a rawn ti leh.

“Maw!? Aw, duh ve tho mai i remtih chuan”  kalo ti deuh hû. Ani chuan nui deuh suk chungin

“Remtih chuan te han tih. Remtihsak loh chi pawh inih teng tung loh kha” tiin ka mal var hiar lo lang te chu a melh pah zauh. Min ti zak thiam ṭhin teh e maw. Chutia haw lawk tum a kan lo intintuah lai tak chuan Hriatzuala leh Hlutea pawh an rawn lang zui ve zat a. A tihchi angreng phian mai. Mahse, Hriatzuala chuan maktih hmel fe a min thlek deuh vung vung chung hian

“I thawmhnaw hak maimai chu leh! I kalna tur i hai emni?” Alo ti kher. Ani chu ka hmaizah ve lem lo bawk a tiin lei kalo chhuahkhum hlak kha. Ulawmzuala lah khan chutia ka ti lai vel chu min lo hmu reng niin. Ka zak leh hnuhnawh kher asin le. Tichuan, kan rei dawn loh thu hrilh in kan in lam pan chuan kan inkhalh chhuak leh ta poh a.

Damdawiin kan thlen leh hnu pawhin Zoa chu ala harh lo fo. Kei chu a ruk tak in ka mangang tawh hle a. Chutianga ka ṭhianṭha ber a han awm thut pawh chu ka ruak huai a, ka kimlo vek nimai te hian ka inhre thul. Kan ṭhutna hmaah Ulawmzuala lah chu kawng dawm meuh hian a teikual sek lehnghal a, chu ringawt pawh chuan min ti mangang zual zel niin ka hre lehnghal. Chutia kan lo ṭhut ngawih ṭhap lai chuan hmeichhe pakhat hi a rawn ṭe lut ta chel chul mai a, kan en deuh ṭhap. Chu chu tudang mah nilo in Remruathlui ngei mai ala ni zui. A nihna takah chuan a rawn ṭap lut ka ti na in a ti der te pawh a ang zwk mah awm e. Engkhaw sawi set set lo hian Ulawmzuala lo ding lai chu a han pawm deuh chawt mai a, ulawmzuala pawh kha a ti hrilhhai ve hlek chuan ka hria ani. Inthiamloh hmel zetin kei chu min rawn melh ṭawk ṭawk leh ta nghal a, men ngaihna pawh min ti hrelo hial. Pakhat-i lah chuan a kuah nghet sauh sauh mai si. A inhnit deuh hlap hlap bawk nen ani tan pawh lo hnar rikngawt kha thil tih chi chu ani lo ve bawk alawm.

A han ṭap zo te te phawt a, kan chawngkawrnu zet chuan thip fahran hian min rawn melh zui nghal ram ram. Kalo awm ve chu hnawksak min tih hmel kher asin aw. Min biak tum niawm tak a a ang zuau tawh chu ṭhulh leh in ka bul a ṭhu Hriatzuala zawk kha nui sâng chung hian be chhunzawm leh thei mai nia mawle. Awi awi, tun lawkah khan a lungchhe vankai phian bawk sia. Awle, engpawhnise heng ho nen hian zan chu kan tumtawi dawn ani phawt mai a, duhthlan chi ni nghal lo chuan. Chutia ka ṭhu ṭha hle hle emaw ka tih lai chuan kalo muthlu ni ngei tur ani ka han harh leh hlawl chu khua pawh alo var uar tawh nia. Ka’n hawi kual vel nak chuan ka bul mai ah hian Hriatzuala leh Hlutea pawh insi rial in an lo muthlu dun lawp lawp a, tin, ka hmazawn mai ah ulawmzuala chu chhuat a ṭhu thluang duai  hian kut kuangkuah in bang ngheng chuan alo chhing ve diar diar bawk. Chu ringawt chuan ka eng pawi mah sawilo mahse, a dar lehlam rinchhan a muhil mek Remruathlui zawk chu ani ka mit la tu chu. Hmm,, chutiang chuan zankhua in an lo awm vel tihna ani maw. Ka tho lawk anga ka va chhir hrep zawk dawn emaw ni le. 

Zunram thiar tur a bathroom ka pan dawn lai tak hian ka hnunglam ah min rawn be tu an awm tlat.

“I mu tui thei meuh maw” tiin. Ka’n hawi let chu ka hnungah ulawmzuala kha alo ding reng tawh. Eng thil nge ka hriat pawh hi ka hrechiah lo, chhan let chakna reng reng zu neilo a! Amah chu nuih suk in toilet ah ka luhsan daih. Ka tawmbo rei bawk a ka chhuah leh meuh chuan midang ho chu an lo harh vek tawh. An la mengphawk hru leh ta nghal a, mahse hlauhthawnna ai mahin lawmna vang a chutia awm chu an ang zawk mah. Chutihrualin, ulawmzuala hmel ka hmu ve ta lo erawh in min ti hamhaih viau hman a, an bulah chuan tlanphei thuaiin Hriatzuala chu ka dinchilh vat.

“Eng nge thil thleng a awm emni? In va phawklek hlawm ve a?”

“Aw, Zoa alo harh tawh a, ulawmzuala a chhungah a lut mek” a ti ta. Ka va han lawm tak em Lalpa! Ka lawm ani. Rang zetin ICU tukverh darthlalang tereuhte awmna lam pan chuan ka tlan phei thuai a, thei leh theilo in chhunglam chu ka va thlek ṭawk ṭawk. Mahse, darthlalang chu a tet lulai em avangin khum ke leh Ulawmzuala mawng bawr chiah ka va hmu thei! Ka ṭhutna ngaiah bawk kir leh in ka ṭhu fel chiah tih hian Ulawmzuala pawh a rawn chhuak ve a. Kei leh Remruathlui hmel chu entawn zak zak chung hian

“Ms, va lut ve lawk la. Hun an hawng rei dawn lo ania” atih chuan phur zet hian ka inperh tho nghal at a. Mahse e, chu kan mi zaktheilo nu chuan min lo hmakhalh chat in min melh pah rawm rawm bawk.

“Ka hmasak zawk hi a mawi ang. Nang leh kei kan inang lo lulai em mai” tiin a lut zui daih anih chu. Ka zak lutuk kha khuk chem chem a khuk ral daih ka chak mange. Ka rilru chu hrethiam in Ulawmzuala bawk chuan min rawn kuah vat a, ka hnungah a beng zui thek thek . Sawitur reng reng hi ka hrelo a haw daih mai te ka duh rum rum. Hetiang em em a min dah tlawn tum tu mihring hi chu ka la dahnil ve khawp ang mawle.

Remlalhruaii rawn chhuah hnuah hun pawh chu an khar zui ve ta a. Ṭhat lohna hranpa em em a neih tawhloh bawk avangin chawhnu lamah chuan warh ah an sawn tawh anga, chumi hunah chuan keipawhin ka hmu ve tawh mai ang chu. Umm, rilru tih paukhauh a lung tih awi chawp phawt angai anih ber hi. Ulawmzuala min ngen angin  In lama haw phawt a, chawhnu lama kal nawn leh mai chu kan relthlu ta a. Min thlah haw zui bawk.

In ka thlen in ka nu chuan chanchin te chu min lo zawt chiang ngang mai a, ka sawi mial mial mai. Ka rilru ah erawh Remlalhruaii chauh kha a awm thung a, ka kek phar chak lutuk hi ka kut a za zek zek thei. 

“Zoa chuan a hriatna a hloh lo tiraw?” Hospital pan a kan tlan lai hian Ulawmzuala chu ka zawt nulh. Min melh zawk pah chuan a nui suk ringawt. Nuimawi viau mahla i nui tawi thei mah mah. 

“I ngai serious lutuk anih kha. Chutiang tur engmah a awmlo, a lu a sawhna lamah thisen a hloh ve deuh a, kha khan a thawk dan tibuai in nikhua a hrelo ani ve mai. A dar ruh na sa alo sawh belh vel thul nen. Engmah buaina a awmlo aw, ni reilote a han awm hahdam leh anga a ṭha zui vek tawh ang” ati ta duah a. He mihring felfai thlep thlup lutuk leh puitling dam dup si te hian min va han hneh tak em. Mahse, ka va ngaizawng huam e ka tihna erawh chu ani hauhlo ania. A bulhnai a ka awm hi chuan tlem in min uap ve run ṭhin a, chu chu ani mai. Chutiang a ka khawsak phung tibuai pha rem rum turin amah hi ka vei zun ren run hran lo bawk. Rilru kil khat ami hian theihnghilh theihloh mihring anei tawh a,  châng dang hi ka kânsan hleithei meuhlo ani e.

Hospital kan thleng, ward chhung kan han lut a Zoa’n ka hmel a han zet chu a meng thip nghal ram ram hle. Ninawm ti zual tur hian a bulah chuan kan rulpuinu pawh alo ṭhu veleh run tawh. Ani chu melh zawk in Zoa bulhnai ah chuan ka va ṭhu zui sat sat a. A kut chu chelhsak vat in, zahtheihloh takmeuh meuh ka chhuah ve. Ngawi reng hian ka chet dan chu min lo thlir reng ringawt a, mahse ka dem miahlo, ka laka a lawm loh vang leh thinrimna sosan lutuk vanga hetiang dinhmun hi thleng pawh ani si a, ani chu dem tur nilo in kei zawk hi thiamlo hulhual chu ka ni e. Chutia a kut ka vawnsak lai chuan ka kut thung chu na zet hian a rawn hum ta mai a, ka phu deuh zawk.

“Hetah eng nge i rawn tih ve dawn? I bialpa in lo kal ve hi a phalsak che emni?” A rawn ti ta hmarh hmarh anih chu. A thilsawi avang chuan ka hrilhhai lutuk a ka zak bawk si nen kan kiang a lo awm, Ulawmzuala leh Remruati te hmel chu ka en zui vat. Ulawmzuala chuan insehruh ṭeuh chung hian a nau hmel chu alo en deuh vung vung a, kan rulpuinu thung chuan chan ṭha chang zawk inti fe hian min lo nuih sâwng nia. A mi tihdan chu ka tlawmlak em avangin a kut pawh chu zawimuang hian ka thlah ta riai riai a ka tho deuh thurh. Ka mittui tla mai tur chu hruk zoh pahin ward chu ka chhuahsan zui a, chak fe hian corridor ah chuan ka pen zui hlawk hlawk. Chutihlai chuan ka hnungah hian Ulawmzuala khan min rawn umzui vat chu niin. Step hmasa ber rah tum a ke kalo pen lai tak hian ani chuan ka hnunglam aṭanga min rawn man bet in a âwm ah min pawt bei thlawp. Chutah zet chuan insumthei lek lo in ka ṭap chhuak ta anih kha.

A dik alawm, engkim kha keimah vang a thleng vek anni a, thiamna reng reng ka neilo. Ka thiamloh zia pawh hi ka inhrechiang viau asin. Mahse e, amah hnaih leh tum a theihtawp ka chhuah chang apiang hian engvangin nge harsatna chi hrang hrang hi alo awm leh ṭhin le. Keini pahnih hi awmdun tur a ruat kan ni ve lo nge, Pathian kan ti awilo zawk. Tunah chuan ṭhianṭha aṭang hmangaihna ah ka tlu lut tawh a, ani erawh 

a rilru diktak chu hre ve lo mah ila kei hi min hnar fithla ṭhaklo ani tih zawng ka chiang. Chuti anih chuan eng aiah nge a rilru diktak pawh min hrilh loh a hetia min kaih kual reng mai si. Nge ni a, a thinlung zawng zawng a min pawm nghet thei silo chung hian min iai chuang miahlo zawk. Amah ah hian ka duh engkim ka hmu a, a bulah chuan ka thla a muang in ka famkim ṭhin. Mahse, a tel ve lohna hmunah erawh kei hi engmah lo mai niin ka inhre leh ṭhin thung.

Khatia min tih hnu kha chuan amah tlawh tur pawh in hospital ah ka kal duhtawh lo a, ka reh hmak ti ila a dik ber ang. In lam aṭang erawh a chanchin hi ka ngaihven ve fo thung a, Ulawmzuala nen kan inbiak zui reng avang hian ka tan hriat ṭhelh tur eng thil mah a awmlo. Ni e, rulpuinu kha a riahpui fo alawm mahse, Ulawmzuala sawidan in ka kalbo hnu aṭang kha chuan Zoa hmel ah hlimna hmuh tur a awmlo a, a nguai in a nui hmel an hmukhat viau ani awm e. Engpawhnise, a duhthlanna ani a, a chanvo tur a ruat chu a tuar chhuak ve mai tur ani dawn lom ni?

Damdawiin aṭanga  an chhuah hnuin zankhat chu Zoa hnen aṭang text ka dawng nawlh mai a, ka’n en nak chuan

“Ka tihpalh” tih ringawt hi. A thu thawn chu tawi hle mahse ka nuih pui var var thung. Umm he mihring hi kalo hmangaih tawh takzet ani e. Ti khawp khan min ti zak in min ti thinrim tawh mahse a thu thawn tawi te hmang chuan min ti hlim lehnghal em em bawk si a. He thu hi engtia rei nge maw zep bo reng ka tum le. Ani hian sawichhuak hmasa lo mahse, kei tal in hma ka lak chu angai ani. Tunah chuan chân nawn leh hi ka duhtawh hauhlo mai.

Weekend ani a, ka nu pawh a hna kalloh ni anih angin Inah chuan a awm tho bawk a, kei chu hma vek vawk ah tihtur te tifel in Zoa te in lam pan chuan ka chhuak ta daih. Inchhung ka luh rual a ka thil hmuh chuan tlem in min ti zam ve deuh a, a chhan pawh Ulawmzuala leh a bialnu niawm tak hmeichhe pakhat hi sofa chungah chuan inhuat hmel loh taka an lo ṭhut dun rial vang ani. Chutia ka va in lan thut chu anni pawh kha an hamhaih ve deuh in ka hria. A bikin Ulawmzuala zawk chu a meng phawk hle a, mahse, keimah zawk in ka awmdan te chu siamṭha leh vat in ka nui lui zui vur vur.

“Umam, Zoa a awm em?”

“Aa aw room ah, inchungah” tia ṭawngbah nuaih chung hian inchung lam a kawk zui vu vu. Ka nuih chu a ti za ve ṭep, nidang ah a serious ve theih tehlul nen. 

A room kawngka ka han pawt hawng thut mai chu alo phu nasa ngang mai. Mahse keimah ka ni tih a hriat hnu erawh chuan zal leh deuh in mitmeng thuk zet hian min rawn melh nghal vang vang. Ka zam chhe leh ṭep na a, ka in siamrem leh vat. Vawiin hian a laka ka rilru put hmang zawng zawng chu ka inbunruak vek tawh tur ani ang. Nidang leh hun dang sawi angai tawhlo e ti rilru chung hian a khum mawng lamah ka va ṭhu tharh. Ani thung chuan chik zet hian min lo la en reng mai a, ala ngawi ngal mai bawk. Chutah, in ti zam duhlo lui ve ngat in a ke ah chuan ka han chum sak taih taih a, ka nuih var var bawk. 

“Nge khatia min melh reng a, ṭawng ta che?” Ka tih rual rualin ka lamah a rawn tawlh hnai nghal sawt sawt a, ka bân ah min pawt zui dawrh in min fawp nghal mial mial. Min ṭhawng hle mahse ava han nuam dangdai si em. Min fawhna lah chu a han duhthawh em em khawp a, min eizawh vek hi a tum nimai in ka hre tawh. Duhthawh zet chuan kalo chhang let ve zel mai bawk a. Umm, he tisa pahnih hun rei tak lo awm hrang tawh te hi an in mamawh tawnna a nasa tawh em a, an mamawh phuhru turin an in hip tawn vel mek anih hi.

[09/01, 11:09 am] Fanai Vanlalpeki: ZORÛNMÁWIA(6)

               (FRIENDS WITH BENEFITS)

“Duhtawk ang, duhtawk phawt rawh” ka thaw zui deuh ham ham. Chiang tak leh hnai fahran ah hian ani chuan min lo la en reng thung a, a thaw ve ham ham bawk.

“Ka mamawh che tih hi i hrethiam tawh em? Engvanga kalbo reng leh min runluih fo nge inih a?” A rawn ti deuh sar sar. Ka chhan mai ngaihna hrelo chuan chil ka lem ri khawlh.

“Ka tihpalh vek ani. Tun aṭang chuan ka kalsan leh tawhlo ang che. A ṭha em?” Ka tih chuan a lo bu deuh nghat a. Ka biang leh ka nghawng bawr vel ah te chuan min chuk zui lehnghal mawlh mawlh. Chutihpah chuan zawi ser sawr deuh in

“Zanin chu lo riak la, kalbo tawh lo in ” ati zui leh sap. Kei erawh in a thusawi te chu kalo lem duak duak mai a, hnial buai ka tum lem lo hle bawk. Eng nge weekend anih hi.

Chu zan chuan a bulah ngei ka mu leh thei ta. Ka va hlim si em. Zan tir lamah kha chuan a mu ṭha ve mai a, min kuah ṭha ve hle hle bawk. Mahse, zan a rei tulh tulh a a zia a chhuah chho leh ta ani e. A ti dawn tih kha chu hre lawk vek tho mahila ani nen hian hun kan hman dun lohna a rei deuh tawh a, tlem chuan ka zam ve deuh. Chutia min han zutkual vel te chu kalo mur leh sung sung ṭhin a, ka tihngaihna hrelo in a kut te chu kalo man beh sak leh chawt ṭhin. A phihthla rang thei teh e. A kut chet kual tir reng pah chuan min han fawp leh vang vang a, kalo chhang let ṭha thei khawp mai. Chu thil chuan ti zauthau zual zel in ka chungah a rawn bawk zui zat. A khawihna te, a mi fawhna leh a zut kual vel na te zawng zawng chu tawrh zawh har tak hi anni a, mitmeng kar chung leh ngawi reng a lo dawh mawl tawp phal chi ziazang kha ani lo. Duhtawk a ngah thleng in kei chu kalo thaw deuh ham ham. Ani pawh thaw ham ham chung hian ka sir ah chuan a rawn let thla zui tap a. Chutiang chuan rei pawh a awm lo ang tih tur ah min rawn kuah zui in ka biang te chu a chul zui heuh heuh. Chiang tak leh chik zet a min melh chung hian

“Ka duh che Ms, ka ta chauh hi ni thei la ka ti ngawt mai” ati zui sar sar. Awle, chu thu a sawi hun chu alawm kalo nghah ve ngat ngat kha. Hun a va duh rei si em ve le. Amah melh vang vang pah hian ka nui zui seih. A hmui ah chuan chuk deuh zoh in

“Lutuk ringawt. Nang leh kei hi kan inṭhen tawh tur ani lo. Keipawh in ka duh lutuk che” tiin. Chu thu chuan a ti lawm ve hle niin ka hria, min kuah zui leh vawng vawng a ala thaw deuh sâk sâk mai. Tichuan inkuah rial in zan mu chu kan chhing zui dun ta a.

THEN 3 NA

A tukah chuan U Lawmzuala chuan kei leh Zoa chu an dawr nghak dun turin min ti a, kan phur hle. 

An dawr nghak tur hian midang chu chhawr tho mahse, hetia a neitu tu emaw ber in han awmpui ve fo hi an ṭul si a, chuvang in Ulawmzuala ringawt chu indaih ṭhin bik heklo. A tir lam a kan sawit tawh ang khan Aizawl ah ringawt pawh hian dawr an hung thluah si a anni unau hnih ringawt tan chuan indaihzai chu har ve tak ani ṭhin. 

Chutia dawr nghah pah a kan lo titi mial mial lai chuan Remlalhruaii hmel a rawn lang ta thut. Chutia a rawn lang deuh hlawl chu keini pahnih kan meng phawk nasa. A bikin Zoa chu a ṭhawng zual nimai hian ka hre lehnghal. 

“Zoa chu hetah ilo awm daih a, i dam chiang tawh emni?” A rawn ti lut hlut. Zam lemlo tih hriat zetin kan bulah chuan a rawn ṭhu zui ve nghal mai bawk a. A ṭhut pah te chuan kei chu min rawn melhrum lehnghal em em ringawt. Chutah, hawihhawm lo fe hian Zoa kut te chu a la vawn sak zui mawle! Ka awm ve reng laiin engtinnge a tih theih zawk? A boruak hip hi ava han sang fal ṭhin bik em aw. Zoa inthlahrung hmel chu ka hmuh hmaih hauhlo, a khat tawk a min rawn melh leh zauh ṭhin danah chuan. Chhuah leh mai a tum tak si lo ah chuan chu chawngkawrnu hmel chu hmu reng peih heklo i, a tlawm zawk ah ṭang in ka tho zui hluai a

“Zoa, ka haw a ngai tlat. Zanah ka rawn bia ang che” tiin chhuanlam tling lo tak chu ka siam a, chutah pawh chuan kan Hruaii chu alo la meng râng nasa phian. Zoa erawh chuan lu buk zoh pah hian

“Umm ka rawn be zawk ang che” ati sap a, engmah sawi tawhlo in ka chhuahsan ta anih kha.

Ka chhuah hnu thleng pawh chuan ka awm chu a nuam thei der lo mai a, keimah hi ka khingbai hû nimai in ka hria. Anni pahnih ringawt kha rilru ah an awm zui a, engtinnge hun chu an hman dun zel anga, eng thil te nge an sawidun vel ang tih te ka ngaihtuah. Heiham! Ka thil ngaihtuah dan te chu naupanchhiat thlak viau mahsela, ka hah pui tawk an tling ve em em si. Engvangin nge he pa nen kher hian hmangaihna lipui ah kan lo pil dun chu le? Ni leh lo, Remlalhruaii zawk hi engvang a lo tlazep ve zel zawk nge anih le. Ka ning vel hlemai a.

Umm, tunah chuan Zoa nen a kan inkar pawh a ṭha thawkhat viau e, a a khat tawkin kan chawngkawrnu chu rawn lang ve zeuh ṭhin mahsela  tunah chuan Zoa pawhin a hmangaih tawh lo niin ka hria a, a ring zo tawh bawk heklo. Ni e, khang kum 3 liam ta a an lo inzui ve chhung zawng khan Zoa hi bum in a awm char char ṭhin a, amah ah hian duh leh mamawh a neih chauh in a rawn pan ṭhin bawk. Tunah erawh khang a saltanna hmun aṭang khan a talchhuak thei tawh a, kir leh pawh a tum tawhlo takzet niin ka hria. Kei lah hian a khat tawk in kalo fuih ve reng bawk nen, a ṭha vek e. 

Tichuan, keipawh zirna chhunzawm tawh lo in hna zawn pah ni bawk tiin ka nu loan min puk sak hmang chuan pheikhawk brand taktak te chu ka chah khawm ṭan a, hmun lun lai ah dawr hial ka hawng ve ta rup. A tir ah chuan ka dawr chu a lun zui em em hran lo, mahse, mizote hi thil man to leh changkang lawm mi tih takah hun a liam hret a, customer pawh ka nei ve ṭan ta nual. Chutiang anih takah chuan tiin midang thurawn ni pah fawm bawk in pheikhawk chauh chu ka duhtawk ta lo a, thawmhnaw brand te pawh ka chah lut leh zel ta ani. A khat tawk hian kan ram chhung a mi hriat hlawh leh keini pawhin kan chung en, mi lian leh mi hriathlawh taktak te pawh hi kan dawr ah chuan an rawn teilut veleh nawlh ṭhin bawk a, nuam dangdai ve ṭhin tak chu ani. Chutia ka dawr ve mai in mi hriat a han hlawh chho ṭan ta te, an fak derna awka ka han dawn ve tak neuh neuh ah chuan a hma zawng ai hian customer pawh ka ngah ve zel a, thawk tu pawh ka lak belh ve e. Pathian malsawmna ka dawng chiang hle tih ka hria a, ka lawm takzet ani.

Hetih chhung zawng hian Zoa nen pawh kan inkar chu ala ṭha reng a, kan inkar tihchhiat tum tu midang em em an awm lo bawk nen kan la hlim viau. Ani pawhin Pathian zarah a hna dil te hmu ve tawh in, sawrkar office lamah a thawh theih  tawk hna a thawk ve ṭan a, a hna hmuh thar lawmna pawh kan nei dun nghe nghe anih kha. Tin, hetih lai vek hian Ulawmzuala nen pawh unau ang deuh, ṭhian ang deuh siin kan la inkawm pah ve reng bawk a, ani pawh hian bialnu nghet a nei ve tawh tih ka hria. Ka lawmpui e ti mai teh ang. A bialnu hruai hian kan dawr ah chuan an lo kal fo lehnghal a, nuam lo kalo ti ru ve ngawt zel lehnghal kei lah hi.

Nikhat chu holiday anih ang in Zoa tihtur hrelo khawhar chuan mi rawn call a. Dawr a nghah thu leh a ranglam a a bul a kal thuai tur te chuan min rawn ti vel. A pawimawh lo leh ngawt ang chu. Thil hmanhmawh thlak ani em tih ka zawh lah in sawitur chu a hre leh lawi si lo. Min ngaih thu han sawi dawt kha a hreh ve nimai ah ka ngai a, ka nuih a za ru hle. A hna thar avang hian tunhnai ah inhmuhna hun kan nei tam tawhlo hle a, kei ni ila ka dawr avang chuan ka lo ṭul buai ve reng bawk si. A nihna takah chuan ka ngai in ka thlahlel ve tawh reng mai.

Tichuan chawhma lamah ka tihtur ṭul zual te chu ka ti zo vek a, a dawr nghah na lam pan in ka inkhalhchhuak zui ta ani. Ka va thlen nak chuan an dawr nghaktute chauh an lo awm leh bawk si.

“Nichin lawk khan a ṭhiante an lo kal a, in lamah an inzui haw ta anih kha” an lo ti mai chu ka ner sawk thei. Kan mi mawl pa hi chu aw…chutiang turte chu rawn sawi veleh bawk awm hi ania.

An in ka va thleng, inchhung ka luh rual hian Ulawmzuala hmel ka hmu nghal a, min lo nuih deuh suk lehnghal. Ka hmel a hmuh rualin ka kal nachhan tur awm ang chu a hre nghal ani ngei ang, inchung lam hawi a thlek deuh zoh pah in

“A awm kha” a ti zui sup.

Keipawh engdang sawilo in inchung lam pan chuan ka tlanchho ve thuai a, Zoa chu a room ah a ṭhiante nen an awm ho ani ngei ang. An nui dar dar leh an au lung lung thawm te pawh ka hria. Tlem in ka han kal hnai hret a, ka ke pen lai chu ka tawp chawt thei. A chhan pawh Zoa chuan a ṭhiante hnenah ka chanchin a sawi mek tih ka hriat vang ani. Chu chu engpawhnise, a sawi duhdan mawlh mai kha

“Ani te chu ka ṭhian chauh alawm anih. Ṭhian nihna bak kan inkar ah engmah a awmlo, chubakah ka play vel maimai ani e, a mawl ropui si” min lo ti anih chu! Ala ṭawng ring em em zui. 

Engtinmaw? Hetiang hian emni midang bulah min lo sawi ṭhin a. Ka mittui chu a hnam sawk thei nia mawle. Umm, tawk rawh se. Tihian tun aṭang chuan kan inkar hi a tawp ni bawk rawh se. Ni e, ṭhian ang chauh in keipawh hian en  ve kalo tum taktak tawh ang. 

In her let vut in inhnuai lamah chuan ka tlan thla leh hlawk hlawk a, ka ṭap deuh pur bawk. Ka tlanna tur tak a lo ding, Ulawmzuala pawh chu ka su her sawk a, makti zet a min thlir chung hian min ko zui lauh lauh tih ka hria. Mahse, kei erawh hawi let thei ziazang ka ni tawhlo, ka thu hriat zozai te khan min ti zak em em a, hei leh chen ka bialpa nghet ni tawh tur a kalo ngaih leh ka nemngheh hmiah tawh in khatiang khan ka chungchang midang hmaah alo sawi duh ani si a, chupawh ka hriatloh  tur phen ah lehnghal. Amah hmangaih a chelh hram hram tu thinlung hi a nat loh chu ring suh u. Ka nâ ani. Ka hmangaihna vang a atan  engkim ka hlanna te kha ani chuan nuihza siam nan leh fiamthu thawh nan alo hmang anih chu. Hetiang thu hrereng chung hian tu fa in nge tuar na lo bik ang le.

Dawr ah pawh kal kawi lo in In lam ka pan nghal vang vang a. In ka thlen chuan ka chhungte an lo la haw lo hlauh. Room ah lut in khumah ka ṭhu zui deuh hnawk. Chutah, ka mittui hi tla rawh tih chawp ngai hauh lo hian a kawng tur zawh in an rawn luang thla zui ngiah ngiah mai a, insum harsa hi ka va ti tak em. 

Tui ti lo zet in zanriah te chu ka han tlingtla ve hram a, tihtur ka tihfel rual in room ah ka chho leh daih. Khum chung a ka dah ka phone chu ka ban zui leh zat bawk a, Zoa hnen aṭang message kalo dawng reng tawh chu niin. Chumai anilo, Ulawmzuala hnen aṭang pawh ka dawng tho.

“Umama’n ilo kal thu min hrilh a, tinge i haw leh daih a?” Ka ner zui sawk thei. A thusawi zawng zawng te kha a theihnghilh tawh emni? Tenawm hian a.

“Tinge tlai ah khan ṭap chungin i tlan haw?” Tih chu Ulawmzuala hnen aṭanga ka dawn ve thung. Zoa chu reply lo in Ulawmzuala zawk ka reply hmak. Ulawmzuala hi chuan nau ang taktak a min en ve avang hian a lakah pawh ka pangchang thei hle a, chuvang chuan ka tlan haw nachhan pawh kha zep hauh lo in ka hrilh fai ta leng.

Chutah,

“Zoa chu kalo hau ange, ava ti awm ang lo bawk ve”  a rawn ti ta mai. Chuveleh kei chu kalo hlauthawng lehnghal em em a, a theihtawp in ani hian ka thlavang a hauh leh dawn tih ka hriat avang in an unau a an lo inhmuhthiam loh phah mai kha ka hlau ta ani ber.

Theihtawp in Ulawmzual chu han hnial ve bawk mah ila, mi rilru nghet cher chawrh leh ngawhngawl tih takah a hrilh tho chu ka ring a, engkim a zawh fiah ngei pawh ka ring e.

Kha thil thlen hnu aṭang kha chuan ka thil tih engpawh mai hi ka phur lo em em a, ka tha chu zawi ngawih ngawih in ka ril lek luk reng mai ani. Dawr lamah pawh buai hle mahila ka nau nulate pahnih kut ah engkim chu ka dah deuh tawp mai a, chawhma chhung takngial pawh hi dawr ah chuan ka in lan ṭha peih meuh lo. 

Zan khat erawh Ulawmzuala chuan min rawn kalchilh in lenchhuah pui ah min rawn sawm deuh tlat mai a, min ti hrilhhai viau. Inah chuan ka nu alo awm ve bawk avang in ka zah ru hle bawk.

“Bawihi, va chhuahpui ve rawh, tunlai chu duh aiin i tawm nasa mah mah a, i tan a ṭhalo ania, chubakah Lawmzuala te hi chu kan mi hriatchian ania, rinhlelhna ka neilo”  alo ti lehzel chuan min ti hrilhhai zual. 

Ulawmzuala hmel chu phawk fe hian ka han melh a, ani erawh ngainatawm zetin alo nui sang thung. Engpawh thleng se, engtin pawh lo khawsa kual vel mahsela, phurna taktak hi ka nei chuang lo. Phur lo leh peihlo fahran chuan ka in her a, room ah lut in ka insiam ve ta nial nual anih kha. Ka hman hnu chuan a car ah lut in kei chu ka la tûm deuh bâr reng a. Keipawh hi aw, uLawmzuala hian ka pawi a sawilo asin le, hetiang a awm khum reng tur hi ka ni hauhlo mai.

“I damsam meuhlo nge, i ngawi reng mai”

A rawn tih tak zeuh ah chuan insiamṭhat vat ka ngai tih hria in amah melh chung chuan ka han nui lui ta sak a.

“Ka dam lutuk. Khawnge min hruai i tum tih zawk hi kalo ngaihtuah daih”

Chuveleh a rawn nui ta hak a.

“Naupang hriat chi loh” tih pah in a motor speed chu a han ti sang sawt a, kei chuan nget zet hian ka ṭhutna seat kalo hmer zui ngawt ngawt thung. Rei fe mai kan tlan hnu chuan hmun pakhat, ‘Hangi Tlâng’ an tih fo ṭhin ah chuan kan chhuak ta hlawl. A ngaihna hrelo zet a kalo ṭhut ngawih reng lai hian kawngkhar chu min rawn hawn sak in

“Lo chhuak la, kan titi maimai dawn nia” a rawn ti leh sup.

“Hetah pawh hian a swi theih tho ang chu. Khaw thim nen ka hlau ania” kalo ti niah niah a, a nui leh ringawt.

“Motor chhung chu a thawveng lo em mai, lo kal rawh ka veng tlat dawn che alawm”  atih leh tak zel ah chuan ka chhuak ve ta nge nge. 

Tichuan a hming put chhan ‘Hang-i Lunglen tlâng’ an tih ngei mai, lung khawkrawk sei zit zet, zau lem lo fahran mai ah chuan min kai phei ta tehreng anih kha. Ka tha khur nasa lutuk chu rapthlak tak ani. A hmunhma hrim hrim chuan mi rap riau a, chhun khaw en lai pawh in ka kal ngam dawn emni tih tur ah khan ka ding mek chu ani si. Tichuan, zawimuang a min ṭhut fel tir leh in ka bul mai ah a rawn ṭhu zui ve zat. Min uap leh run tawh nimai hian ka hria e. Kan ṭhutna hmun aṭang chuan Aizawl khawpui pe eng uarh mai te chu a hmuh theih a, a thawveng nuam in a mawi dangdai kher. Boruak thiang takte chu duhthawh zet hian ka han hip deuh vang vang a, ka thawveng ta huai niin ka hre bawk.  Chutah, ka inrin hma hauh hian ka kut chu a rawn hum lum ta thur thur nia. Kalo phu leh zawk tawh. A hmel chu rang zet a ka’n en nak chuan chiang leh thuk fahran in min lo melh reng mai. A ngaihna ka hrelo hle tih chu a hrethiam nghal ani ngei ang, a thaw hawk a, min nuih deuh vur vur pah hian

“Diktak chuan naupangte, ka nau ang ringawt hian ka en thei tawh lo che ani” a ti ringawt. Kei chu khur zui leh der der in sawi mai tur pawh ka hre ve lo ta. Ka chil  lem rik khawlh pah hian

“Umam, eng nge thil awmzia hi? Nang te chu-” ka tih laiin ka hmui khur dar dar ah chuan a rawn fawp ta mai. Ka meng phawk chiang hle a, rei pawh min fawh hma in ka in la hrang zui vat bawk. Tum lawk pawh awm miahlo in a hmai ah chuan ka la beng zui a. Chutiang a ka han che ta mai chu ka inthiamlo zui leh hle na a ka tilang tawh lo thung. Ka ṭhutna hmun thawh san a kal mai ka tum chu ka bân ah lo vuan chat in

“I hrethiam lo anih kha naupangte, ka nau nen in inkar pawh ka hre tho, tihchhiat che u ka tum vang pawh ani lo asin” a tih lai chuan kei chu hawi let in vin leh pawr fe mai hian

“Aw, tihchhiat i tum mek chu anih hi. Chuti nilo se, khatiang khan i che hauh lovang. Ilo tenawm hlemai, û ang taktak in kalo en ve che a tunah chuan engkim tawk tawh rawh se. Min thlah teh” tiin ka kut chu ka thing thla a, min dang buai zui tawh bik lo.

Kan awmna hmun ka chhuahsan fel chiah tih in bike pakhat hi ka hmaah chuan a rawn ding deuh dawt a. Keipawh ka ding zui chat. Mahse a helmet phelh a min rawn nuih tak var var ah chuan Zoa ani tih ka hre zui leh vat. Ka thaw deuh huai thei nia. Amah vang a ka thawpik na zozai te kha engtiklai in nge an lo kiam tak duak pawh ka hrelo e. Bike aṭang a rawn chhuk a, ka lam rawn pan a tum lai mek chuan ka hnunglam melh hian a meng thip zui ta hle. Ulawmzuala kha alo chhuak phei ve chiah ani tih chu hrilh hranpa ka ngai tawh hauhlo. Ka thin a phu nghal dup dup a, hnuailam en in ka kun zui daih bawk. Min  rawn kal pelh fua pah hian Ulawmzuala chuan

“Bawiha, ilo hruai haw mai dawn nia aw” tiin car ah a lut a, min melh zui tawh miahlo in a tlan haw nghal vang vang. Chuveleh Zoa hmel chu tim dai hian ka va melh zawk a, min lo melh thip ram ram kher.

“I ṭhiante nen in chhuak emaw ti a!?”

Ekhai aw!! Kan inah alo va kal hmasa chiang anih dawn hi. Kan chhuah dawn khan ka nu hnenah thuchah in tupawh in ka kalna an zawh chuan ka ṭhiante nen a kan chhuah thu lo hrilh mai turin ka tih tak kha mawle. Chu chu nise, engtinnge helai hmunah hian kan awm dawn tih a rawn hriat theih le. Aa ka ngaihtuah zui peih rih lo e.

A dinna lam pan pah chuan zawi sap hian

“Haw teh ang ka mut a chhuak” ka ti puat a, chutah rang leh nghet fahran in ka bân ah bawk min lo man chawt. A hmel ka han chu, ava han meng thip tehlul em. Min melh puak pawp duh tur hmel hi a pu a,, ka hlau ve lek lek mai.

“Ka u nen khan hetah hian engnge in lo tih min hrilh hmasa phawt rawh. I sawi hma chu ka hruai haw lo ang che” a ti zui khar khar. A awki aṭang chuan han hnial zui chiam chi kha niin ka hrelo a, a thinrim lutuk tlat tawh.

“Engmah kan ti lo, i chanchin kan sawi” kalo ti let nghat. A awihlo lutuk chu a nui chhuak hawk a, a hmui a liak zui hlap mai bawk.

“Ka chanchin sawitur ringawt in helai hi in pan a? Dawt min hrilh suh aw Malsawmsang. Thudik chiah ka hre duh tunah hian” ka phu deuh zawk. 

“Aw, i awihlo anih leh i Û kha zawt la ti nia ka ning” tih leh ke a kal chu ka rual ta mai a, ka kal deuh hmawk hmawk bawk. Hetihlai tak hi chuan engmah hlauh ka neilo, ka thinrim ve bawk em ani e. Thui pawh ka la kal hma hian ka hnunglam ah chuan a bike rawn tlan ri chu ka hre chhawm zat a, a tlanmuang hle bawk. Chutah, ka bul mai a rawn din hrut pah hian

“Khawchhung thleng i kal peih i ring meuh maw?” Tiin chimawm zet hian a helmet kar aṭang chuan min rawn melh a, a nui thum hak pawh ka hre thei reng. Chhang let lo chuan ka hmalam pan bawk in ka kal zui leh nghawng nghawng. Muangchang hian ka hnung ah min rawn um zui zel tih ka hria.

[09/01, 11:09 am] Fanai Vanlalpeki: ZORÛNMÁWIA(7)

              (FRIENDS WITH BENEFITS)

Ke hlir a kal ta na na na chu a rei hnu chuan ka hah ve ta deuh. Zan khaw thim nen ka ning ṭan ta hle a, mahse mi luhlul ngang tih takah Zoa hmuh lai kher chuan chau leh hah ang tak pawh in ka la awm duh chhin eih lo. Thui vak lo ka kal leh hnu in a bike nen chuan ka hmaah a rawn ding deuh thut a, ka ke pen a tawp zui chawt.

“Chuang rawh. I inti hah peih maimai em mai a, khua a tlai zel ania” a rawn ti ta ṭhat. A sawi kha a dik ve reng, ka luhlul zar ah hun chu ka paih kual vel mai mai ani e, khawchhung thleng ke chuan ka kal peih taktak dawn hauhlo bawk. Mahse, phurlo leh tha tho loh hmel fahran chuan ka lawn kai ve ta a, a ruk tak erawh in ka thinlung chu a nui zui vur vur thung si.

“I hman chuan ka tlan dawn ania” a rawn tih leh nghut hnu chuan

“Um” ti chiahin kalo chhang a. Kan tlan zui ta par par. A in hahdam hleih ngei mai le.

Khaw chhung kan lut a, kan in zawn kan thlen hnu chuan a ding chawt. Kei chu ngawi reng hian ka chhuk mai a, kal zui ka tum chu ka kut ah lo chelh in min vuan nghet hle.

“Ka tihpalh” a rawn ti chhuak sap a.

Chhan let mai ngaihna ka hriat loh avang in ka ngawi reng a, ka inher deuh vut.

“Min chhang ve dawn lo tihna maw?” A rawn ti zui leh hram chuan kei mi lunglian rilru hi a rawn chawk tho ṭha leh a, a lak a kalo thinur tawh na te kja hrechhuak thar leh in ka thinrim chu ka sa chhuak leh ta phat phat mai. Min vawnna a kut chu phihthlak sawk pah hian

“Aw. Nang chu ṭhian bak ini lo ka tan chuan. Tikhan, i lawm em? I duhthusam chhanna chu i hmu em aw?” Ka ti let ve deuh sak. Min chhan let hun pawh nghak tawh lo in inchhung ah ka luhsan zui ta ani.

Hmeichhia ka nihna anga ka venhim tur ka thianghlimna neih ve chhun leh ka zahawmna zawng zawng te pawh ui phallo a ka hlan khan ka tello in a hlim zawk zia a ti lang a, hetiang boruak a thlen tawh hnuah pawh kei chu uangthuang takin a ṭhian chauh ka nih thu a la sawi par par thei ani si. Engtinnge awlsam takin a tihpalh thu sawi kha kalo pai dam mai theih tehlul ang le. Ka rilru puthmang tur hi chu ka hmeichhiat pui te bawk in min hrethiam thei in ka ring. Tin, ka ṭhianṭha ber lakah ka zahawmna ka hralh chu ani ta der a, hmeichhe nep tak leh zahpuiawm tak chu ka ni ve in ka hria. Mahse, ani kha ka hmangaih tlat asin. Aw, ka hmangaih a, ani chauh hian min ti hlim in min ti na leh thei bawk. Engtinnge ka thlah hlen theih tak ang le.

Ni khat chu kan dawr ah Hriatzuala kha a rawn lut hlawl mai a. A hmel ka han hmu thut chu kan inhmuhkhat tawh zia min ti hrechhuak zawk thei. Ani chu a dan ngai te bawk hian a rawn nui lut leh vur vur mai. Ka bul a rawn ṭhut deuh sawt sawt pah hian 

“Tinge dawr te ilo nghah mai mai a?”

A rawn ti ringawt. Kei chuan a ngaihna hrelo zet in kalo melh kar thung.

“Eng nge? Nidang ah pawh ka nghak ziah sia” kalo ti vat. Chuveleh a chek zui deuh tlak tlak a.

“Lalzoa damdawiin ah a awm kha i hre miah lo taktak ani maw?” A ti ta mai. Ka meng bial nghal kawk thei.

“taktak maw? Engvang nge?” Ka ti chhuak hlut..

“A ngai leh bawk mawle. A dar ruh na bawk kha…tun ṭum chu zai a ngai dawn niin an sawi”

Khai aw! A damdawi a ei ṭha lo ani ngei ang le kalo ti rilru zui thuai.

“Avan pawi. Khawi damdawiin ah nge a?”

“Ebenezer ah. Tikhan i hman nghal mai lo mi? Va kal ve ila, alo beisei reng tawh ang che” awmze nei zet hian min nuih zui suk. Nia, tihian ka hman nghal chu ani mai. Insiam leh hranpa pawh a ṭul tawhlo e ka tih avang chuan ka tho deuh hluai a, ani chu chhuk melh pah in

“Kal nghal ila ani mai alawm” tiin bag chu ka ban leh zoh a, kan inzui chhuak ta nge nge.

Chutiang a ka hmangaih alo awm mai chu zialo ka ti a, kalo hre ve miahlo te lek phei chuan min ti awm nuam lo in hrehawm pawh ka ti ru hle. Khatia kan in thlah liam zan aṭang khan chawlhkar khat lai chu alo liam leh tawh a, kan inbe zui leh miahlo bawk anih kha. A thu hrim in Ulawmzuala pawh an chanchin te chu min rawn hrilh ve bawk awm, han ti ngawt ila ani nen pawh khami zan tih loh chu inbiakna leh inhmuhna kha kan nei zui ta miahlo a, khami ṭum a ka tihdan teh hrep avang khan ka chungah hian ala lungawi dawn miahlo ani tih pawh ka hria. Eng nge ani pawh ngaihzwng nghet nei reng chung in khatiang thu te a rawn sawi tehreng. Chutiang tehnuaih chu kan boruak anih tak avangin anni unau hmel hmuh pawh chu ka chak hranpa lo hlemai.

Damdawiin kan thlen lai te pawh chuan ka tha chu a khur ru der der thei hial nia. Ulawmzuala hmel hmuh mai inbeisei tak a ka hawi ruk laiin rinloh lam zawk, Zoa nu, Nu Mahriati hmel chu ka hmu ta daih. Hamhaih zet hian Hriatzuala chu ka han melh a, ani thung chuan mitko san ak chung hian

“Zoa chanchin  a hriat rual khan a rawn thlawk haw ve nghal a, a chhan pakhat pawh amah buaipui tu tur an awmloh vang ani e” alo ti sup. Kei chu ka la bangbo tho mai.

“Khawiah nge uLawmzuala” kalo tih leh ser ser laiin kan lam pan chuan Nu mahriati chu a rawn nui phei ta var var a.

Hriatzuala chuan min nghawk zoh pah in

“Nakinah ka hrilh vek ang che” alo ti leh sap.

Chuti na na na tiin keipawh lungkim lo zet chuan ka awmdan te kalo insiamṭha sawt sawt.

Nu Mahriati chuan nui var var pah hian

“In hmel ka hmu thei chu ka va han lawm tak em, Bawiha pawh a hlim ngawt ang. Ti ru, cabin ah lut ila”  a rawn ti nghal bawrh bawrh mai.

Kum hei leh chen hi Zoa nen lo inkawm tawh mah ila, kan naupan deuh lai tih loh kha chuan an nu, Nu Mahriati hi ka nel em em hran lo. A chhan pawh puitlin kan hriat hnu aṭang kha chuan an sumdawnna avangin an zin chhuak nasa em em a, in ah lah nise hmuh tur an tam lo ka tih tawh kha. Kha vang nimaw, ka naupan at lai a ka ngainat ang huam kha chuan ka ngaina thei ta hlek lo a, chu erawh ama sual vang lam ni hauh lo in, inhmuh tam tawk loh vang ani thei ang chu.

Cabin chhung a kan in zui lut diah diah min hmuh chuan khum a lo mu mek, Zoa hmel chu a rawn danglam nghal kawk nimai in ka hmu. A bik in, ka hmel a hmuh rual a a awmdan danglam ta deuh kha ka va hmuh hmaih miahlo. Ni e, helai hmunah hian kei chu min lo beisei lo viau ang tih ka ring alawm. Ka lakah hian ala lungawi chiah pawhin ka ring lo bawk. Chutia a bulhnai a kan kal rual chuan kei chu min melh duh lo in a ṭhianpa zawk chu a han melh ta daih a. Kei ve chu min hmulo der ngat ngat ka ti mai. Mahse, ka hrehawm ti lutuk tur chhawk zangkhai turin Nu Mahriati chuan min lo be pah siam siam reng a, kan chhungkaw chanchin te min zawt in an sumdawnna lam a an buai theih zia te a sawi kai zui duah. A tihzia phian e, tikhan he mi chimawm  Zorunmawia min hriatloh der vel na avangin hrehawm ka tih lutuk loh phah a.

In kan hun a tawp a, kan haw dawn a ruai ah Nu Mahriati chuan min ko ding leh in kei chu min rawn en kar mai.

“Sangte, kha, call ka dawng zo chiah a, zanin chu Bawiha hi ilo riahpui thei mai angem le. Kan bungrua alo thleng dawn a midang han rin tur an awm miah bawk silo nen. I theih hlauh chuan ava lawmawm dawn tak” a rawn ti ta mai. A sawi zawh rual in Zoa nen chuan kan mit chu a in tawng sak. Ka ṭek chhawk nimai hian ka hre leh ta nghal a. Alo meng thip em em mai chuan min ti zam leh deuh bawk. Ka va han hreh tak, mahse, hnial ngam chi niin ka hre bawk silo a. Ka theih ka rin thu sawi ka tum mek laiin amah Zoa ngei mai chuan ram hmarh hian

“Hriatzuala hian min riahpui se ani mai. A theihloh leh mahni a riah pawh ka hreh lemlo” a ti deuh nghut anih chu. A thusawi avang chuan midang ho chu kan in melh kual zui ralh a, mahse Nu Mahriatia bawk chuan zaidam tak in

“Riahpui neihloh chu a tih chi hleinem. Chubakah, mipa aiin hmeichhia hian thil zei zia kan man zawk a, Sangtei hian riahpui che rawh se. Thudang thudang a ngai tawhlo” a rawn ti ta hlauh. A ruk tak chuan kalo thaw hawk. Nge ka phurna leh huphurh na hi a in zat miau alawm le. Nu Mahriati bawk chu rawn ṭawng chhuak leh in, min melh kiau bawk.

“Chuan Sangte, duh leh lo awm tlang nghal mai la, chaw pe tur che in kan nula ka rawn tir mai ang. Chu erawh, i thu thu ni thung sela” a rawn tih lehzel takah chuan ka duh aia rang hian kalo chhang let vat.

“Aih, haw kher pawh ka ṭul tawhlo ang. Tihian ka ṭha alawm, ka mamawh tur pawh ka keng kim sa thlap” te kalo ti vel nuaih. Kawngka bul a ding reng Hriatzuala ka va en nak chuan min lo nuih tet tet mai. Ani hi chu Zoa nen a kan inkar engkim hre ve tu kha ani miau mai a, ka awmdan han lai chhe kual vel lutuk pawh chu min nuihzat tih ka hai lo. A chaklo teh ang chu. 

Hriatzuala leh Nu Mahriati te an kal hnu chuan boruak a reh zui duk thei nia. A tu ve ve mah in ṭawng chhuah hmasak chu kan tum ikhaw silo a, a hahthlak ṭhin teh e. Mahni tawk a thiam inti ve ve leh thil hre ve tawk thawkhat a in ngai ve ve inkawp chu alo buaithlak lam hret anih dawn hi. Chhuanlam ah a sir a ṭhut pah in phone te chu ka han khawih vel a, a khat tawk hian ka mitsir leh ralh ṭhin bawk. Chutia phone khawih pah a rilru lak pen kalo tum lai tak chuan a rawn ṭawngchhuak ta nge nge. Mahse,

“Damlo awmpui tu ve si, phone ringawt han buaipui chu leh” mi rawn ti khanglang.

kei chu kalo ner deuh sawk mai a, ka melh zui ram ram bawk. Mahse in control leh vat in zaidam chu ka chhuah leh ta zawk a.

“Mamawh inei emni? Phone te chu a ho lutuk” ka ti ringawt. Chuta,a hmel awmdan mawlh chu e, ngeiawm vet vet tak hi ani hawt e. Min ten hmel ngawih ngawih a min luak khum hrep ang tih pawh hlauhawm tak ani zawk.

“Phone kha en leh maimai teh. Ka mamawh lo che” min ti leh kher anih chu mawle. Na tuar zawk mahnise ka phih hrep lo kha a vanneih teh e. Kei lah mi thinchhe ve tho tih takah ka ding deuh hluai a, amah chu ka melh ran bawk. 

“Aw,, i duh leh mamawh chu sawi mai la, ihmaw, tun dinhmun ah chuan min huat na kha dahbo rih phawt teh aw. Induh ve khanglang thei pawh inih loh hi. Ve che hian” ka ti ta zek. Chuta a hmel puthmang mawlh mai chu lawm, nuihza lutuk insum hi a ang ber tawh hial. Thei leh theilo a thawhchhuah pah hian

“Ka zung dawn” a ti leh hmuk. Chuveleh kei chu amah ṭanpui tum a lo insiamrem ve thuai in

“Khawi, kalo kalpui ang che” ka ti sawk sawk. Chutah, a bân chuan min rawn vai deuh pawp in

“Kalsawn teh. Ka ti ve thei. I phone chiah kha ngaihtuah rawh” a rawn tih leh khanglan tak ah chuan ka insumtheihna chu a bo leh ta duak a, ka tum lawk pawh ni em em lo hian a chawn puar ah tak ka chum sak ta chawrh. Chuveleh a na ti lutuk chuan a dâr na pawh hrechang tawh lo in a chawn chu rak ṭhawt chung hian a zu dawm bet vat. Inthiamlohna hlir in khat zui nghal mahila, ka ti lang duh bik ṭhaklo. Na tih vanga a ṭhen sawk sawk hmel chu haider in cabin chu ka chhuahsan zui daih bawk. Mahse, han kal tauh na mai tur ka hriat lemloh avang in step ah ka va ṭhu ngawi ta reng ringawt a. Chutia rei pawh kalo ṭhut hma chuan Zoa te nula awmpui chu tiffin khaiin a rawn lang zui ta heu. Kalo awmna tehdaih chu mak a ti ve deuh nge ni, min nuih suk a a chhan te min zawt zui bawk. Chhuanlam lo siam thuai in boruak ṭha ka hip lawk duh thu chu ka sawi ve zaih a. A awih ve mai ni hmiang

“Ka kal lehnghal mai ang. Inah ka pi a awm silo a ka haw leh mai loh chuan. Tui deuh khan ilo ei dawn nia aw” tiin min nuih sen sen a, min kalsan leh ta ani. 

Khatiang teh hrep a a ṭhiante hnen a min sawi tawh hnuin tunah a duhtawk tawkin min han vin phar leh vel chu ania, he pa hi eng ang mihring tehchai nge maw anih le. Hmangaihna leh lainat na te, khawngaihna te hi a pianpui ve miahlo nge maw ni le? Diktak chuan tun mai pawh nilo, hun tamtak liam ta ah pawh khan ka rilru hi alo hliam fo tawh. Ka zahawmna engkim ka hlan tawh chung pawhin kei hi a bialnu atan takngial pawh min la pawm thei der lo chu ania. A thinlung zawng zawng in min pawm ve ta emaw ka tih hnuah pawh min la hnar tho tih chu ka hre leh si. Heng bak bak a inhmuhsitna leh inhmuh hniamna hi a awm thei dawn emni? Ka thil ngaihtuah teh hrep te avang chuan ka mittui alo tla ringawt ania. Ka hru zui pawk a, ka ril a ṭam ve deuh tawh tho avangin tiffin chu ka hawng zui sawk sawk. Mahse, ka mittui bawk chuan min rawn tibuai leh ta. Umm,, engpawhnise, chaw hi ei phawt ang tiin inhnit hlap hlap chung chuan chaw chu ka hawp zui ta puk puk tho anih kha. Chutihlai a ka awmdan mawlh mai chu, step ah kha  mi rawn kal ngat se zawng, min nuih loh vek pawhin min khawngaih ve ngawt ta ve ang.

Tiffin ka ei zawh hnu pawh chuan cabin ah ka la lut lawk duhlo cheu. Kha mi thinchhe pa kha hun reilote chhung chu hrem ve hlak angai niin ka hre tlat a, a muthilh hunah chauh cabin ah chuan ka lut ang tiin corridor ah te chuan zan tumtawi nan ka teikual sek ringawt tawh. Darkar khat chuang mah pawn lam a hun ka hman hnu chuan mutchhuak alo kal ta tlat mai.  Dim tak leh fimkhur zet a cabin kawngkhar hawn riai riai pah chhunglam chu ka han bih dek dek phawt a, umm alo thim ṭhiap tawh mai, a muhil tawh ani ngei ang chu tiin thawmdim tak bawk in ka lut zui ve ta nge nge. Ka rin ang ngeiin Zoa chu alo muhil bal tawh mai a, chutia tui tak a a muhil thle deuh bal mai ka han hmuh takah chuan keimah ah hian khawngaihna leh lainatna a rawn awm leh tlat. Ka duhloh dan deuh hian a muhil hmel chu ka han thlir leh vang vang phawt a, a tuk mai chu an zai hun tur anih tawh avangin zanin na na na chu dawhtheih tak khan a mi hrawkna te kha lo tuar hle hle ila ṭha tur tiin ka in ngaihtuah kual leh vel. Damlo awmpui tu zawng zawng ah ka thin a ram in damlote dimlo ber ka ni hial anga tih ka ngaihtuah thlen phei chuan ka in ten lutuk a, ka ṭhen sawk thei. Engpawhnise, muthilh tum ve phawt ang tiin ka mutna tur lam chu ka pan a, ka muhil zui ve mai.

Ka muhil ṭan chiah emaw ka tih laiin Zoa na tuar rum ham ham thawm chuan min rawn ti harh hlawl mai a. Ka ṭhu chhuak deuh zwk. A mutna lam ka’n hawi nak chua  leh, ani chu na tuar tih hriat tak hian alo vial ngal ngal mai a, a dar na lam zawk kha thei leh theilo hian alo dawm bet hram hram bawk. Ka harhchhuak thut chu hmanhmawh zet hian amah pawh buaipui ta lo chuan doctor ko turin ka phit chhuak nghal. Cabin a kan let leh thleng pawh in a na tuar chu alo la vial ngal ngal mai si a, doctor chuan zwi sap hian

“Umm, zai nghal rum rum mai a ṭul dawn anih hi” tiin nurse lo awm ve te chu a mitmei zoh a, chuveleh rang zet hian nurse pahnih te pawh chu an tlan chhuak ve nghal. Nawrlirh khum nen a lo let leh thuai in Zoa chu khum chungah chuan an hlâng sawn a, tichuan in zaina room lam pan in kan inzui chhuak ta sang sang mai. In zaina room thlen hma zawng chu a kut ah ka chelhsak hram hram a, ani pawhin min lo hmer nghet kher bawk. Mahse, in zaina room kan thlen tak avang chuan ka tan luh zui chi ni ve tawh heklo, tha khur der der hian pawn ah chuan kalo ding a, ka hlauhthawn luat ah ka thlanfim bawl ṭek ṭek te chu kalo hrechang hauhlo.  Tikhan ani chu ṭha tak leh tluang tak in an zai anga, dam pial in a rawn chhuak leh dawn alawm ti a ngaihtuah zui hram hram chung chuan cabin ah bawk ka let leh a, Nu mahriati kan chanchjn chu hrilh turin ka call ta nge nge.

Rang taka rawn thlen phei ve nghal a tum thu min hrilh hnu chuan cabin chu ka chhuahsan leh ta a. Ka chhuak fel chiah tih in nurse pakhat hi ka lam pan chuan paper keng va va chung hian a rawn kal deuh ṭuang ṭuang a. Min rawn nuih deuh sun sun lehnghal. Ka bul a rawn thlen hnu chuan thaw deuh ham ham chung hian

“Bawihi, hetah hian i signature kha kan mamawh a, a nupui ini tho tiraw?” Ala ti zui. Kei chu ka hawi buai ṭan tawh nasa, ani nen hian ṭhian ṭha nihna bak engmah inzawmna kan nei hauhlo tihte chu hrilh nghek mai kalo duh tawh a. Chutia chhungkaw aiawh a ka hming lo sign ve ngawt pawh chu ka duhdan ani bau lo. Mahse, hun a tepter tawh in Nu Mahriati lah chu a rawn thleng thei mai bawk silo nen engpawhnise tiin phone chu ka lek chhuak leh phawt. Min dinchilh reng tu nurse chu melh zoh pahin

“Aaa a nupui ni chiahlo, lawk aw, a nu hi alo kal mek in ka hria a” tiin Nu Mahriati chu ka call nghal. Motor a khalh laklawh ani ngei ang call pawh a chhang thei miahlo. Awle, ka sign ngei chu a ṭul ta anih hi tiin ka han thaw deuh hawk a, pen chu la vat in paper ah chuan ka lo sign fel ve ta hmak. Ka sign zo chiah, nurse in min kal liamsan ta maw tih ah chuan Nu Mahriati pawh a rawn thleng chawpchilh veleh lawi a, ka va han ngei tak. Mahse, chanchin te kalo hrilh zung zung hnu chuan ani pawhin pawi chu alo ti lemlo hlauh a, ka thaw deuh huai thei. 

Tichuan, keini tan tihtur dang awm heklo, an zai hun chhung tur lah chu darkar 8 tehmeuh a awh thei an tih avangin corridor a teikual vel pah chuan Hriatzuala pawh chanchin engkim ka va hrilh ve ta a. A rang thei ang ber a lo kal ve nghal a tum bawk. Ani hi zawng, Zoa ṭhianpa ve ngang kha ani a, alo kal lo anih chuan a mak zawk ngawt ang chu. Hriatzuala nghah pah in Nu Mahriati  bulah chuan ka va ṭhu ngawi ve ta reng ringawt a. Ani pawh a hlauhthawnna te leh alo kal hahna te chu ala reh fel lo ani ngei ang, awm dawm chung hian a melh ngai ala melh vung vung. A awmdan aṭang chuan a bulhnaiah ka awm ve tih hi a hriat tawh hmel loh ngawih ngawih. Ni e, nu tan chuan ngaih han tih ṭhat vak na tur thil kha a awm lo ve bawk a, tunah hian inzaina room ah a fapa cbu mu mek in, hnimhlum nen a ṭangkawp in a dinhmun lah thih leh dam inkar ani bawk a, doctor te kut hi Pathian hian mal a sawm lo anih ngat zawng in kan chan tur chu a ropui lua lo khawp ang tih pawh kan hria. Tin, hnimhlum hmang tam takte hi harhchhuak leh ta lo pawh an awm nual ṭhin tihte chu kan hre ve kar si. Ṭhu mai mai mah ila a ruk tak chuan kan chau hluah hluah a, kan su dup dup reng hi ani ber e.

Chuia darkar khat chuang mah kan lo ṭhut ngawih reng hnu chuan tlem a boruak rawn ti ziaawm turin Hriatzuala a rawn thleng zui ve ta hlauh. Nu Mahriati in dawmkun reng mai dar a rawn vawn sak pah hian a thiam ang tawk in a han hnem leh te te phawt a, Nu Mahriati pawh a rawn nui ve ta suk. 

“Anih Ms, tih mai tur ala awm chuanglo bawk a, cabin lamah kan lo va inkawm mai mai dawn emni?” A rawn tih takah chuan Nu Mahriati melh zoh pah in ka tho zui ṭial ṭial a. Ani pawhin ka ngaihtuahna chu hria niawm tak in a rawn hawichhuak ve vat. Min nuih leh sang pah hian

“Ni e, lo va awm thawveng rawh u, kei chu tihian ka peih chen chen kalo ṭhu mai ang” a rawn ti ta khauh. 

Cabin chhung kan luh lai te chuan Zoa hmel ringawt mai ka mitthla ah an cham lehpek a, zan lam a kan inhnial lai te, a chawnpuar ka chum sak lai te leh a na tuar hmel te, a muhil bal mai hmel te mawlh kha. A ruk takin ka ṭah chu chhuak viau mahsela, Hriatzuala a awm ve tlat avang chuan insum hram hram a ngai tih ka hria. Zan lam a tui tak a alo muthilhna khum chu chul hoh hoh in a lukham te pawh chu ka zut dalh dalh reng a. Chutah, Hriatzuala aw thian kharh thawm ka hriat takah chuan ka hawichhuak vat. A hmel ka han en chu min lo nuih leh vur vur chung in khum ah chuan a rawn ṭhu zui dat. Chiang zet a min en reng avang chuan awmngaihna min ti hrelo lek lek a, ka che lai kual vel vek hi ani mai e. Amah bawk chuan a aw then leh kharh pah hian

“Zoa hi chuan a vei ve ngawt che in ka hria” a rawn ti sup. Kei chu kalo hawi buai deuh viau a, mahse a reilo thung. Amah bawk rawn ṭawng chhuak leh in tunah chuan tukverh lam a melh tawh thung.

“Kan inbiak leh hmuh fuh hlek tawh hi chuan i chanchin lo hi chu sawitur zu han hrengai miahlo a! A tirah sawi lang lo mahse,  a rei hnuah erawh i chanchin ah bawk hian kan lut leh nge nge ṭhin”  ati leh ta zel. Ka tihngaihna hrelo chu kalo meng tal deuh tap mai.

“A chhe zawng bakin ani khan sawitur a hrelo ange. A mawl si” kalo ti leh hluk hman a. Min rawn melh zui kawk thei. 

“I hresual let der anih chu. Diktak a sawi chuan Remruathlui nen pawh khati khawp khan an lo inzui rei ve a, ani leh kei chu kan inkawm nasat em hi. Remruati chanchin kha khang kum 3 chhung zet khan vawihnih bak ka bulah a sawichhuah awm pawh hi ka hrelo tlat. Nang ve thung chu, ka sawi tawh ang khan a remna hmun apiang ah hian a sawi chhuak ani hawt e. In pahnih inkar thil thleng engkim te hi hriatloh ka nei tawh lo hial ang. Tumloh deuh a in chetsual dan leh a hnu a thil thleng zawng zawng te nen” atih lai chuan kei chu ka zah em avangin kalo sa deuh pup pup mai a, a hmel takngial pawh chu ka en ngam tawhlo.

[09/01, 11:10 am] Fanai Vanlalpeki: ZORÛNMÁWIA(8)

               (FRIENDS WITH BENEFITS)

“Khatia, Umama’n alo hnimhnai ve deuh che niawm a a hriat te khan a rilru a na em em a, lehlamah Umama chu a pianpui unau ngei niin a a upa zawk alo ni lehzel bawk nen, atan han khinlet chiam emaw, beih let vak kha nuam heklo le. Rilru na takin a tuar tlawk tlawk a, khatih hunlai kha chuan keipawh hian ka ṭhianpa vang liau liau khan ka ngei ve hman deuh che a, chuvang ania ka status ah pawh i hmuh theih turin Remruathlui nen an thlalak dunna ka rawn hman deuh kher ni. Mahse, ṭhianpa khan a hriat rual rualin delete leh vat tur khan min rawn ti ta si a, ka delete leh ta hram ani. Tun a a damlo pawh hi ṭhianpa min ngenna angin  nang chu ka rawn hrilh che a, Remruathlui erawh ka hrilh ve ta lo thung. Hre vaih se zawng, a rawn lanna a rei leh tawh khawp ang”

Kei chu lo inrawlh vat in

“Min vei a, min atchilh hle si engvangin nge ka bulah a sawichhuah vat loh a. Ihmaw, vawi engemaw zat a sawichhuah hun nghak hian beisein nen kalo thlir tawh asin. Mahse, pehhel zelin beidawng bawk in min siam leh ṭhin. Diktak chuan a bialnu ni tur hian min duh lo nimai in ka hria. Chutihrual erawh chuan a thikthu chu a pe chhe leh em em zel bawk si a. Ka rilru kha a tibuai ve takzet ṭhin asin. Tin, vawitam tak rilru na leh thinrim hian min dah tawh bawk” kalo ti ve zung zung. Hriatzuala erawh alo nui duh lek chauh. Rum zet a ka va melh rawm rawm chu hmu lo in a rawn ṭawng chhuak leh ta a.

“Ka ṭhianpa nungchang leh mizia engkim te chu i hrechiang ve vek a, mahni induhtawk leh chapo ve tawk tak, midangte hlimna leh ṭhatna tur zawk anih phawt chuan ani chu in dahbo thiam leh daih ṭhin ang chi kha anj bawk. I hriat vek kha, midang han tih hmasak huam te chu a hreh hle ṭhin tih pawh. Chubakah, Remruathlui pawh in a try hmasa zawk tih te pawh ila hria ang chu”

“Chutiang chu ni tehlul mai. Mahse amah lo hi beiseina nen midang ka melh ngailo hrim hrim, a hre ve reng alawm. Ka engkim mai hian amah chauh hi an nghak ṭhup tih te pawh a haider anih lek kha” ka ti leh hmak hmak. Chutah, ani chu rawn nui chhuak deuh hawk in

“Ilo mawl taktak anih hi mawle. Khatih chhung zawng te, aaa tunah pawh hian ala ni em ka hre biklo, a tan hian i rilru leh thinlung zawng zawng i hmang ngai miahlo, ngaihtuah rawh. Amah ah i suangtuahna leh ngaihtuahna te , i rilru, i thinlung engkim kha i pek tawk loh zia chu. A chhan chu maw Ms, a chang in bialpa i neih san a, ama unaupa ngei mai nen in inbe fo bawk a, in inzui awl lo bawk. Khang zawng zawng hre chung kha chuan engtinnge thinlung dam takin ka ṭhianpa hian a rilru diktak chu a hrilh ngam tehluk ang che ni. Ka ṭhiana hi ka ṭan vang anilo, nang hi i dik tawklo zawk ani e. Sawichhuak lo tur chuan min ti na a, tun hi sawi chhuah hun ani zawkin ka hre tlat, englo” atih lai chuan mittui tling piau hian kalo melh reng ringawt.

“Eng chu maw?” Kalo ti khur dar dar. Ni e, a thusawi zawng zawng te kha an dik vek tih hrereng chung chuan ka huaisen lui thei tawh ngang lo ani. Min rawn melh zawk a, hnuailam a melh zui leh daih.

“Tun a hetia zai pui meuh a tawh na chhan te leh, Umama zinbo leh daih nachhan te hi i hre miahlo tiraw?” A rawn tih leh chuan kalo phu deuh zuk. Ka mittui tling piau chu hruk fai pawk pah hian

“Engmaw? Ihh…ulawmzuala te chu zinbo fo ṭhin ania, a bak eng thil nge la awm vak ang? Tin, amah Zoa pawh a damdawi ei ṭhat loh vang ani mai lo emni?” Ka tih chuan a lu chu alo thing deuh nawk nawk.

“Thil thleng engkim hi nangmah vang ani tih pawm hmiah la, a fel vek ani mai”

“Eng nge keimah vang anih ngawt anga?” Tiin amah chu kalo melh deuh run mai a. Ka lawm bik tehchiam hran lo.

“Aw nie, tun a zaipui a tawh nachhan hi chu a damdawi ei ṭhat loh vang ni tehmeuh mai. Mahse, a bul ber erawh nangmah vek ini thung e. A chhan chu maw, nangmah vang hian nitin zantin khan rilru a seng fo a, rilru hah leh thikna namen lo tuar reng reng khan a hun chu a hmang ral ve fo ṭhin a, a mi thik ber lah chu a chen pui a unaupa alo ni bawk nen. Chutihlai chuan eng damdawi te nge phur tak leh thatho takin ei thei se ilo tih reng reng ni. Chu mai piah ah, khami zan ‘Hangi Lunglen Tlâng’ a Umama nen a rawn phawk zan aṭang che u khan engkim hi a danglam leh zual ta ani. I nu lah khan i ṭhiante nen a in chhuah thu alo hrilh si a, nimahse, a unaupa nen ngei mai fianrial ah khan a rawn hmu dun leh bawk si che u a, tin, ngaihdam a dilna che pawh ilo hnawl sak lehzel anih kha. Kha zan a rilru na leh thinrim puak keh khan In a thlen rual in Umama kha kut thlak a tum zui ta mai a, mahse tha ah na na na chuan Umama te chu hneh mawlh heklo, û zawk alo nihna ah nen Zoa kha alo khawih let na ve deuh ani ngei ang chu, tihian a dar na sa kha rawn chhuak ṭha leh in a khumbet ta reng mai a, Nu mahriati lo haw hma zawng kha chuan keimah vek hian ka va buaipui nghe nghe. A chhan chu, Umama pawh hi mipa lunglian leh ngawhngawl tih takah khatia nau zawk in cho lutuk mai a a han bei ta mai kha amah lo lungawi vak lo sa nen a lungdam hleithei tlat lo a, a nu zawk chu chah haw in ani erawh chu a zinbo leh ta anih kha. Ih e, khatia an in lam a kan in enkawl chhung zawng pawh khan i hming lam hi a bâng thei meuh silo a, tui ti tak hian i chanchin hlir a sawi a, a chang leh a nui a, a chang chuan a mittui te pawh a tla ve bawk ṭhin” a tih takah chuan kalo thaw deuh hawk.

Ni e, kan inhmuh hnuhnun ber zan khan ka rilru taktak chu sawi chhuak lo mah ila, alo dawngsawng tu tan erawh a na khalh khalh hle ang tih ka ring. Thu tawp kha ka sawi chhuak ve miau tlat ani. Mahse, khatiang thil sawichhuah ngai khawp a min nawr kal tu chu amah tho hi ani si a. Thil pakhat hriatthiam loh ka la nei tlat.

“Khatiang a ṭawngkhum tur khan amah in a zir hmasa ve em ani. A chhan chu, amah hmu turin min ko a, tichuan  a room ah a ṭhiante hmaah ngei mai, kei chu a ṭhian bak ka nih loh thu kha fiamthu ang mai hian alo sawi chhuak asin. Engvang in nge ka nat loh bik tehlul ang ni?” Ka’n tih leh chuan Hriatzuala chu alo chek deuh tlak tlak mai. A ṭhutdan te siamṭha pah chuan a aw chu a han thian deuh kharh kharh a.

“Umm, ka’n hrilh vek ang che aw. Khami ni, i sawi ni khan dawr ah alo nghak char char che a, mahse kei leh Hlutea te, Samuela te nen kan va lan takah chuan ani ṭhiante dah pawimawh hmasa ber ṭhin tih takah han lem zauh tur a neih thu sawiin an in lam ah khan kan inzui ta dial a. Chanchin kha rawn hrilhloh che a tum pawh ani lo, kha kha chu keimahni thiamloh liau liau ani, kan lo inrawlh thui mah mah a. Englai pawh a i chanchin leh hming a lam ri reng chu fiam kan chak tlat a, kan bul a hun a hman chhung reilote tal chu i hming leh chanchin sawilo turin kan ti bawk. Tichuan a room ah zu chu kan in ho ta a. Kan lu a han hai tak deuh ah kha chuan fiam ve hrim hrim kan duh avangin nangmah kha a ṭhian chauh inih thu te, vawikhat tal fiamthu a sawichhuak ve turin kan ngen ta a, sawidan tur pawh kan hrilh thlap. Hetia kan tihchhan chu, ka sawi tawh ang khan, ṭhianho a kan awmlai lehzel pawhin nangmah ringawt a ngaihtuah ṭhin che kha kan ning ve ni ber in a hriat. Tichuan sawitur chu hrilh zel in a au ring angreng hlemai si a, chu chu nang lah khan i rawn hre fuh leh chat mai bawk nen, a fuhlo ta vel vek ani e. Diktak chuan dawrah khan iva hmu lo anga i haw veleh mai tur ah kan lo ngai zawk a, mahse, Umama kha roomah rawn chho in ṭap chung a i tlan haw tak dan te chu a rawn sawi ta vek mai a, Zoa hawi buai leh inthiamlo hrehawm ti hmel hmuhnawm loh zia te kha aw” a tih leh takah chuan keipawh ka thawpik na ata chu ka hahdam ta huai ni ber hian ka hria. Ni e, kei mi mawl hi tih at in kalo awm char char ani. He ka thinlung hian Zoa hminf chu lam fo ri mahse, kilkhat ami erawh hi chu midang lakah alo uire ve fo thung si. Umm Hriatzuala sawi ang ngei khan Zoa hi ka rilru zawng zawng kalo pe tawk ngailo a, theihtawp takmeuh meuh a ka ngaihsakna leh duhsak, hmangaihna lah nise a dawng ngai bawk heklo. Ka hmangaih ka tih ve te pawh khan lehlamah umama alo lan tawh chuan ka buai zo leh vek ṭhin anih kha. Min ngaihtuah ve lo a min vei ve thlawt lo emaw ka tih lai zawng zawng pawh in ani thung chuan a ṭhiante tan a hneawm zawk khawpin ka chanchin chu a chaw tui ber ah alo nei ṭhin reng si. Ka hrehawm ti leh inthiamlo lutuk chu ka mittui a tla pur tawh a, rilru hian Zoa chu rawn naw chhuak tawh mai se tih chiah a ngaihtuah tawh ani.  A hnenah khan ngaihdam dil ka ngai takzet. Nasa tak a ngaihdam dilna leh ka hmangaih zia tih lan nan a enkawl leh a, a kut pa tak a vawn sak leh tawh kha ka chak ani. Kan ngawih dun vang vang hnuin kei chuan

“Ka thiamloh ani, a zavai khan” ka ti tham ṭiak a. Hriatzuala pwh lo nui sak in min rawn kuah ta hle hle a.

“Ṭhianpa hian tihtak zet in a hmangaih che ani tih hi ringhlel suh aw. I hrereng dawn ania” alo ti sap sap mai. Ka pawm e, chu chu ka pawm fel hmak e. Ka rinhlelh reng ṭhin avangin keimah leh keimah kalo in dah hrehawm a, hun tamtak kalo kal liam tir duai chu ani reng si. 

Awle, Zoa an zai hun tur darkar pawh alo zo ve leh ta der. Inzai chu tluang tak in an zo fel a, mahse, a harhchhuah hun nghak in ICU ah an sawn phei leh phawt. Alo harhchhuah hun mawlh chu ni ka nghahhlelh tawh ni. Engkim ka hre fiah tawh a, hlim taka min biak leh hun mawlh chu ani ka suangtuah na luahkhat tu chu. Tin, Nu Mahriati pawh kha a hmel aṭangin a thawven hmel ve ta deuj niin a lang.

“Ms, Hriata, a harhchhuah ala hun lo bawk a, in lamah intihfai pahin va inhnawh puar te ka duh deuh a, mahse, haw ve phawt in duh erawh chuan ka nghak thei reng cheu nia” a rawn tih chuan rang zet hian Hriatzuala nen kan lu kan lo thing deuh nawk nawk. Chutah, keimah zawk chu ṭawngchhuak ah ṭang in

“Aih..Nu Mahriat, va chawl hahdam rawh. Keini chu tun aia hun rei pawh hi kan la awm char char thei ania. Ka nu pawh ka hrilh vek a, lo kal ve a tum nghe nghe, chuan Zoa ṭhian dangte pawh an lo thleng ṭep ang” kalo tih tak zung zung ah chuan Nu Mahriati chu alo nui zui var var.

“In va han ti lawmawm ṭhin tak em. Nangni hi awmlo ula zawng, ka mualpho daih tawh hial ang. Anih chuan chaw ei tur keng in kalo kal leh vat dawn nia aw” ti chung chuan min kalsan ta a. Chu erawh kan lo hnial duh ta lem lo thung. Tunah hian tlai lam dar 5 vel chiah a ri tawh a, Zoa chu engtik hunah nge a  rawn harhchhuah ang le aw. Ka ngai tawh takzet ani e. Zan dar 6 alo rik leh meuh chuan ka nu leh ka nau te, ṭhian dangte pawh chu an rawn lang ve ta phak phak mai. Tlem chuan thla pawh a muan phah ve ta deuh e. Cabin chhungah inkhung in kan titi ho nak nak a, thawm erawh theihtawp chuan kan dim ve tho mai.

Dar 7 a ri tawh a, Zoa chanchin chu engmah hriattur thar ala awm lo fo a. A nihdan tur ve reng ah ngaiin han ngaihṭhat loh na em em pawh kan nei chuanglo. Nu Mahriati chaw rawn ken, Hriatzuala nen a kan eikham hnu zan dar 9 ah takngial ala harh chhih eihlo chuan min ti thlaphang ṭan tawh a. A ruk tak chuan kan awm a nuam lo in kan ngaih chu a ṭha lo ru ṭhum tawh. Nu Mahriati chu rang tak hian doctor hnen ah a tlan ta thuai a, doctor te pawh an ngaih chu alo ṭha chiah tawh biklo tih an awmdan aṭang khan a hriat mai e. An meng phelh phung hlawm leh ta nghal a. Rang tak hian engkim chu an en fel zung zung a, diklo leh felhlel erawh an hmu hauhlo thung si. Thaw dep dep in ICU kawt ah chuan kan awm khawm far tawh a, a tu a te mah chu han ṭawng leh titi phung han vawrh kual peih pawh kan awm ta meuhlo ani e. Ngawi reng in kan in melh kual hrek hrek a, kan khap leh fuk fuk ringawt mai ṭhin.

Zanlai dar 12 meuh a rik hnuah pawh chuan Zoa chu ala reh vung vung si. Aw Lalpa, ka hmangaih, ka ṭhian ni bawk nunna hi min laksak lul suh aw. Khawngaihin min pe let leh hram ang che” tiin kutsuih meuh hian ka rilru chuan ka ṭawngṭai mawlh mawlh. Nu Mahriati hlauthawng leh mangang pawh a in sut deuh hlap hlap reng tawh a, ka nu chuan alo buaipui vat vat bawk. Chutia, kan lo awm tlawk tlawk lai chuan doctor leh nurse te chu ICU chhungah chuan an rawn tlan lut ta khup khup mai le! Eng thil nge thleng tih hriat tum hian keini ho chu kan lo phu deuh suau hman a. Rang zet in ICU chhung hmuhtheihna lamah chuan kan ding nghal far bawk. Karei leh! A chhung ka va hmuh ve meuh chuan ka thin a phu nghal dup dup thei nia. Zoa chuan a mitmeng chuang hauh lo hian a âwm vel chu alo sep leh dawrh dawrh mai ṭhin a, chutia a awmloh karlak ah thung chuan a rawn thaw chhuak leh hrawih ṭhin bawk. Chutah, ka bul mai a ding, Nu Mahriati chu a rawn ṭap chhuak ta hawm hawm a, midang pawh chu eng ruai an ang chuang lo. Kan ri zui tliar tliar mai. Kei erawh, chung boruak zozai te chu ka tawrh theih tawh thlawt loh avangin Cabin lamah ka tlan phei ta vat a. Ka hmangaih hi a boral dawn anih pawhin a hnukchat lai chu ka hmu duh lo ani. Ka thei lullo ang. Nilo e, a thi tur ani lo reng reng.

Cabin ka luh rualin khumah chuan ka bawk zui thlawp a, ka ṭap nghal rawih rawih bawk. Zoa, thi suh! I thi dawn lo tiraw? Nang chu mi chak tak inih kha, engvang in nge hetiang hian i awm tak mai le? I chakna zozaite kha han sawm khawm leh la lo harhchhuak leh hram teh. 

Hetihlai hian thu thinṭhawng takin min rawn deng mai ang tih ka hlauh luat ah ka beng chu ka hup reng bawk a, ka mittui nise ala tla bang thei heklo. Chutihlai chuan cabin kawngkhar chu rawn in hawng ri ṭiah ṭiah in tu emaw hlimthla hi ka va hmu zui zat bawk. Mit khap lo lek a chu thil kalo en vung vung lai chuan hlimthla chuan min rawn hnaih zel ani tih pawh ka hria. Tichuan, ka bul mai ah rawn ding in ka sam chu a rawn chul zui ta heuh heuh. Mak tak maiin chu thil chuan hlauhna min pe miahlo a, hlauhna ai mah chuan thlamuanna hian min rawn tuam zawk tlat nia mawle! Chutia ka sam a chul heuh heuh lai chuan kei chu nuam tih vang hian kalo chhing diar diar hman tawh a. Mahse, nasa taka min rawn sawi harh tum tu an awm tak avang chuan ka meng zui deuh kawk. Thawhphah pawh awm lo hian ka ṭhu chhuak nghal zawk a, ka bulah hian Hriatzuala kha alo ding reng chu niin. Makti zet hian amah chu ka melh ta ngawt ngawt.

“In ti harh rawh le, Zoa pawh alo harh tawh ania” a ti ta sup. Engtinmaw? Zoa alo harh tawh a ti emni? Hei hi ka mumang chu ani em silo maw?

“Nangmah emni ka sam rawn chul tu kha?”kalo ti let daih a. Hriatzuala thung chu a hawi buai nak thei in ka hria. 

“Aaa aihhh tumah cabin lamah kan lo kal hleinem. En la, khua pawh a var ṭep tawh ania” tiin tukverh lam chu a hawi a. Ni e, cabin ka tlanluh lai kha chuan zanlai chauh ani. Chutah, harhchhuak leh zawk in

“Hriata, Zoa chu a harhchhuak tawh taktak emni? Min tihder lo tiraw?” Ka ti leh hram. 

“Intihderna chi pawh anih loh hi. Chaw eikham lamah cabin a sawn luh an tum a, Nu Mahriati’n Cabin hi lo singsa fel deuh turin a duh che anih kha. Monu interview ani mai a mutduhnu” tiin alo nui suk.

Chuveleh ka lawm lutuk awmdan tur ber hre lo chuan Hriatzuala chu ka han kuah leh ringawt a. Ka hnungzang ah alo beng thek thek mai. Ka lawm ani Lalpa, ka lawm e. 

Chutiang chu kan dinhmun ni tawh tho mahsela, a hmel chu va hmuh ve hrim hrim ka duh leh tlat. Nia, ngaih tih ṭhat nan leh ka lungdam ve nan pawh a ṭul tlat. Tichuan Hriatzuala chu zui chhuak in ICU lam chu kan pan dun ta a.

Zoa’n ka hmel alo hmu leh zet chu, a ṭahchhuah hmel kher in ka hria. Min lo melh ngawih ngawih ringawt. Dimte hian a kut chu ka han vawn sak nghal a. Ani pawhin a tha neih ang ang chuan min lo hmer let ve salh mai. 

ICU ah chuan rei pawh awmlo in ka chhuahsan leh mai a, cabin tifel fai turin chu lam bawk chu ka pan zui leh ta ani. Kan sawi lawk tawh ang in nurse pakhat hian khum puan phah tur fai sa te leh mamawh dang chu min rawn pe khawm a, tichuan a cabin chu ka lo tihfai sak ta hliau ani. A ṭul zualpui ka zawh hnu chuan engthawl tih hriat taka thaw deuh ham ham chung hian khumah chuan ka han ṭhu zui hnawk a. Chutah eng thil nge ka rilru ah cbuan awm tih pawh ka hrebik lo, khum bul a locker chu ka en chiang chak ta tlat. Locker chung ber ka hawn chuan eng em em mah alo awmlo, Zoa phone leh charger tih vel bak. Mahse a hnuai chiah ka’n hawn leh nak chuan e, ka meng phawk nasa hle thung. Ka thil hmuh chu engdang ni lo hian, lollipop ṭhahnem fe hi alo awm anih chu mawle! Engvanga chulai hmunah chuan lollipop chu lo awm ringawt nge anih ang tih ka ngaihtuah laiin Hriatzuala bawk chu a rawn lang leh ta nulh a. Kalo melh zawk ringawt.

“Eng nge ilo en vung vung a?” A rawn tih chuan lollipop ho chu kalo kawk ringawt. Min rawn dinchilh thuai a, ka thil kawhhmuh mek a rawn hmuh hnu chuan a nui ta hak hak mai.

“A mak taktak asin, ṭhianpa hian thil awmze neilo in engmah a ti ngailo tih lantir tu ani mai” tiin awmze nei zet chuan min rawn melh deuh ralh. Awle, tunah chuan ka man thiam ta chiah. Nia, tunhma zawng zawng, ṭhian diktak anga kan inkawm ṭhin lai ata tawh Zoa hian meizial takngial pawh hi a zu ngailo, mahse kan inkar alo danglam chhoh tak hnu khan vawikhat chu a zial pet lai ka man fuh tawh anih kha. Khami ṭum khan zial chu paih sak in, lollipop ka pe ta zawk anih kha. Umm ka hrechhuak leh uarh uarh mai. He mihring pa hian min lo duh in min lo vei ve takzet emni aw. Ka la hre chho mawlh mawlh dawn niin a lang.

Awle, tunah chuan Cabin lamah kan insawn lut fel tawh a, Pathian zarah Zoa pawh a harh ṭha e. A bân chu a awrh deuh bur mai a chu chuan tlemin a chet vel tur a ti khawr ve deuh ani tawh mai. Kei leh Nu Mahriati leh Hriatzuala te hian kan in riah chhawk fo ṭhin a, chung zing ah keimah bik hian ka riahpui ngun ber thung. Tunah chuan kan pahnih inkar pawh ṭha leh tawh tak ani a, kan hlimdun leh viau tawh e.

“Khaw’maw zial ka zu chak lutuk, ka meizial kha lo ban lawk teh” tiin khum a ṭhu dar dar chung chuan min rawn melh. Chuveleh kei chuan rum zet a lo melh let pah hian

“Khawnge i dah a. Eng meizial mah ka hmulo” kalo ti hmuk. Chutah, nui vur vur pah in 

“Locker hnuai zawk kha hawng la i hmu mai ang” a tih chuan ka hawng vat a, mahse meizial bawm reng reng chu ka hmu hauhlo, lollipop tho kha alo la awm si.

“Mawli, pakhat kha rawn la rawh, tinge thil hi hrilhfiah i harsat em em ṭhin le” alo ti zui bai bai. Kei chu kalo nui zui var var a, a sawi awmzia kha ka hrethiam veleh chiah bawk.

Lollipop pek pah chuan ka nuih tlawn deuh vur vur

“Tun aṭang chuan hetiang hi ka meizial ani tih hretawh ang che, theihnghilh suh” tiin lollipop chu a hmuam zui hmak. Chutia kan lo awm melh melh lai chuan kawngka a rawn in hawng ṭhuai a. Zoa nen chuan kan hawi rual dun chiang teh e. Chutia kawngka rawn hawng tu chu tudang ni lo in Remruathlui ngei hi alo ni. Kei chu ka lo hnual zui rawih thei in ka hria. Kan pahnih hmel rawn melh tawn zak zak chung hian a la nui sâng leh ta nghal

“Awi! Ka bawihduat, tunlai chu ka buai deuh a, i damlo tih pawh kalo hre reng reng lo” chutih pah chuan Zoa bulah a rawn ṭhu nghal sawt sawt a. Kei erawh chuan men ngaihna reng reng hi kalo hre lehpek tawhlo a, Zoa erawh in keimah zawk chu min melh reng tih ka hre thung. Chutah, tho thut in hnuailam ka melh deuh reng bawk a

“Lo inkawm rawh u, boruak ṭha ka va hip lawk ange” tiin cabin chu ka chhuahsan daih. Ka tha te chu a khur ru der der thei nia. Kan rulpuinu awm chhung chu tiin step ah bawk khan ka va ṭhu leh ringawt. Engvanga hetia inti tlawm em em reng maw ka nih le? Diktak chuan khang hun harsa zual zawng zawng ah khan tunge buaipui a awmchilh tu zawk? Keimah ngei hi kani lo emni? Hun khirh zual a liam a, tihian a nuam chin ah lo lang ve in thuneih a rawn tum lehnghal ringawt anga maw? Eng aiah nge tunah pawh hun thawl chu ka han pek dun ngawt a. A bialnu ala ni tih fiahna pawh a awm lem emni? Teuhlo mai. Chuvang chuan nuam tak engthawl takin ka dah dun bik tur anilo tih ngaihtuah in ka ṭhu lai chu ka tho thut. Cabin lam hawi a ka inher leh lai takin Remruathlui chu ka hmu thut. Ding khawng lah in rum em em hian kei chu min lo melh reng nia mawle. Keimah zawk chu insiamṭha vat in, kal pelh mai ka han tum a, mahse, rang zet hian ka bân ah alo man chawih. Hnai fahran a in melh ran chung hian ani chu a insehruh nasa mai a. Chutah, zawi leh fiah tak si in

“Engkim chhiat nachhan hi nangmah vang phiansen ani. Mi laktlak loh tak leh ṭhian hmingpu tlak pawh inih hrep loh hi” tiin ka bân chu a phihthla sawk a, a kal zui daih.

[09/01, 11:11 am] Fanai Vanlalpeki: ZORÛNMÁWIA(9)LAST

                  (FRIENDS WITH BENEFITS)

Awi! Eng thil nge maw cabin chhungah khan thleng le? Kan Zoa chuan engtin chiah nge maw alo tih le aw? A ngaihna hrelo zet leh lawm ru tho siin cabin chhung ka luh chuan Zoa chu alo nui var var mai. Pakhat lah thinrim engphiar in a rawn chhuak a, hetah pakhat lah chu alo hlim em em bawk si.

“Kawngka te kha kalh daih rawh. Tumah lo lut tawh se an ninawm” alo ti deuh hmak. A hmel en chuan ka ner zui sak a, kawngka pwh chu ka kalh ve mai.

Tunah chuan hun a lo liam leh hret ta. Zoa pawh damdawiin aṭang chhuak tawh in a bân erawh chu ala awrh zui zel tho a. Keipawh in a khat tawk hian ka va tlawh ve fo. Ka riahpui leh zauh ṭhin bawk. A nihna takah chuan ka eizawnna ka dawr te pawh chu ka hlamchhiah rei ve deuh a, bungrua leh mamawh eng ilo chahkhawm a hun ka hman te pawh alo ṭul leh viau tawh nen Zoa pawh nitin chuan ka va tlawh hman ta lo. Tunah chuan Ulawmzuala zin pawh kha lo let veleh tawh in nupui hual a neih thu pawh a rawn puangzar ta rup mai nia. Kei chu kalo thaw huai thei. Ni e, tun aṭang chuan Zoa tan taktak chauh nung tur ka ni a, ka tan beisei turin awm lo sela, keipawhin beisei chu ka duh bik heklo. An unau hian an damchhung zawng chu in hmangaih takin khawsa dun tawh sela, keiin Zoa ka hmangaihna hi vawn nun reng ka duh bawk ani. Tin, kan karah chuan eng thildang mah hi rawn tlazep ve lo se tih hi ka duh bawk. Min ti hah ṭhin lulai em mai.

“Mokawr hawh man hi engzat nge itih ka pi?”

Ti a min rawn be tu lam chu rang zet hian ka hawi vat. Awi! Ulawmzuala leh hman a a bialnu chhelo zet mai kha mokawr inkhai reng bulah chuan an lo ding nui var var nia. An hmel ka hmuh rual a ka awmdan danglam kha ka sawifiah thiam chiahlo. Ni e, engvanga he mihring pa mi uap hi na em em reng nge maw anih le. 

An lam pan a ka va kal hnaih laiin Ulawmzuala zawk chuan

“Naupangte, ilo dam em? Hei ka nupui tur chu” tiin a hming te min hrilh luam a, kan in chibai zui bawk. A nupui tur chu a chhiatloh piah a hmelṭha in a fel hmel kher. Alo nui ve var var reng mai. Tin, Ulawmzuala tak pawh chu ka thinlung zawng zawng hian ka lawmpui takzet bawk ani. Hlim mawlh teh se.

Ni khat chu In lamah kan buai deuh avangin dawr chu ka thleng tlai deuh hlek a, ka naute an awm tho vang erawh chuan ka ngaihtuah lutuk hran lo. Chutia dawr ka lut chiah chu kilkhat ah hian an lo bawr laih laih tih ka va hmu a, hmeichhe pakhat ṭawng deuh lawng lawng thawm pawh ka hre zui zat. A ngaihna hrelo zet a an dinkhawmna lam ka han thlen phei nak chuan chhuat ah kan thawmhnaw zawrh ṭhenkhat te chu alo tla darh nuaih mai tih ka va hmu. Tin, Remruathlui hmel ka han hmuh chhunzawm leh tak chiah phei chuan ka sa deuh phat a, thil kalphung awm ang chu ka hre  nghal ruak bawk in ka hria.

“Aw hei le, an thiampuinu pawh alo thleng ta alawm..ṭhiante hausak zar zo diktak mihring, zahpuiawm leh zakthei lo lutuk ni bawk chu” tiin rum elhkhen hian midang ho dinna kar aṭang chuan min rawn melh rawm rawm a, ala nui ṭhaw zui. Kei tak pawh chu ka meng thip ram tawh a, chet nghal buan buan mai chu ka duh mahse, customer dangte chu ka hmaizah em avangin ka la insum thei hram ani. Chutia Remruathlui’n min rawn en tak reng ah chuan ka nau chhawr te pahnih pawh hlauthawng tih hriat takin ka dinna lamah chuan an rawn tlan phei ve thuai a. Pakhat zawk chuan

“U Ms, he nu hi a rawn lut a, tihian a rawn che nghal bawrh bawrh anih hi. Tunge anih pawh kan hrelo. Police kan ko hman ṭep a” a rawn ti sar sar. Chuveleh kei chu kalo nui suk ringawt.

“Hetiang buaina lian tham pawh nilo ah police koh hah kher a ṭul lo e.  Mi mawl anih saw” kalo ti sap thung.

“Remruathlu, tunah hian min chhuahsan rang rawh, anih loh chuan i duh aia thui hi kan kal palh hlauh ange” ka va tih tak sak ah chuan a rawn nui deuh halh.

“okay. Ka kal em em ang. Mahse, chumi hma in hei leh chiah hi” tiin a kawr ken lai pakhat chu chhuat ah a han thlak leh hram a. Ka va han run maimai tak aw. A sam ah chuan keh nghal buan buan mai te ka duh tawh.

“Engvanga ka dawr chhung pawh zah lo a hetia rawn khawsa ta vak mai nge maw inih le?” Ka tih tak ah chuan a kal lai chu a ding chawt. Run thlak fahran a min rawn melh leh rwm rawm pah hian

“Hah taka i thawhchhuah pawhnilo, ṭhiante sum hmanga i lo in chhek arbawm ta vel hi e, tihchhiat vek tlak ini e” a rawn ti ngam nia mawle. Ka sa zual phat a, ka ter deuh at bawk.

“Engtin maw? Heng ka dawr run na zawng zawng hi tu ka ṭhian hnen aṭang a nei ber nge ka nih chu chiang takin han sawi la. Nang hian ka che vel engkim hi min enthla a, min chik a, min thik bawk a, chuvang chauh chuan ani lom ni hetia i rawn chet chhuah tak? I zaktheilo ve khawp mai, min chhuahsan thuai rawh. Ka sawi hnem lutuk hma leh buaina liantham zawk i tawh hma hian” ka tih let tak hrep ah chuan a ṭhiannu niawm tak hian a rawn pawt deuh chawt chawt a. Min chhuahsan fel ta hram ani. An chhuak chiah tih in kei chu ka thaw deuh hak mai. Hreptak hian a! Hriat chian nei mang silo a min tih mualpho te rawn tum ve ngawt mai. Huaisar reuh lutuk.

Ka thinrim lutuk leh rilru na bawk si chuan ka thil tawn engkim mai chu Zoa hnenah ka hrilh chhawng ta vek a. Mak alo ti angreng viau. Mahse a pawngpawrh zawng a min fuih zuiloh avang erawh chuan reilo ah ka dam chawpchilh veleh mai a. Ka nu erawh engmah ka hrilh ve lo thung.

“Vawiin chu lo leng phei la, kei ka la chhuak thei bawk silo” tiin Zoa message chu ka dawng, ka nui zui sak. Min ngai ve tawh tho anih hi a. 

A room kawngka chu ka han hawng dek dek a, khumah alo ṭhu mu mek thung. Min la hmu miahlo zui nia. Tichuan thawm dim zet in ka bag chhung aṭang camera chu ka phawrh zui a, khum a mu mek chu cover phei in

” Hei hi ka bialpa Zorunmawia, mi mawl leh thinchhe tak, Lal fapa emaw inti tlat bawk. Pangchang khat tlat leh ka lawm em em a chu anih hi” tiin amah chu ka panhnai zel a. Ka ṭawng thawm hria in ani chu a rawn hawi vat a, a bân dam zawk chu rawn phar chhuak in ka camera ken lai hmai chu a rawn hup thim zui ta hmak.

Ooppss!! A tawp daih.

***   ****   ***   ****   ****   ****   ****  ******

Leave a Reply