You are currently viewing Zomuansangi

Zomuansangi

Spread the love

“Zomuan lo ding teh , i note book i theihnghilh a nia” tiin highschool zirlai tih hriat tak hmeichhe pakhat chu, a thian te ni awm tak chuan hnunglam atang an rawn au zui lawm lawm, mah erawh chu chu tleirawl chuan a thian te au thawm chu a hrelo nge ni,ding lo chuan a kal chak dan ngai reng in a kal hlawk hlawk .

“Hmeli lo ding rawh Kan tih kha” tiin pakhat chuan a tukhum sam ah a rawn kek dak awrh mai , “a na,min thlah rawh” Zomuani’n  a tih Chuan ,”kan thusawi i awih lo ngam ve tihna em ni,ding rawh Kan tih kha,ding ve mai ta che” a sam a kek tu chuan a ti khar khar a, Zomuani mit chu sen râm in ,a  mittui pawh a tling pam tawh. Chutih lai chuan a sam a kek tu thian te pawh chu an bul chu rawn thleng in “min va ti hah hrep ve” ti in an thaw halh halh, “Kan thusawi i ngai pawimawh lo ve deuh tih na em ni a” tiin pakhat chuan a hmai ah a rawn beng thek thek a, a sam a kek tu chuan hma lam ah nam bu lawp in a tlu tur chu pakhat in a lo man a, nui vak vak chung in an in nam kat chhawk diat diat, a lan dan ah chuan heng tleirawl rual ho hi a a thian te nilo in,a mah bullied thin tu te an nih hmel.

Pawr phang leh mittui phel phung in Zomuani chu a haw a,an in a thlen dawn ah a sam thur zual te chu tuai mam thuak thuak in thawk a han la halh a, pangai tak a lan chu a tum hram hram , inchhung ah a lut chiah chu thuthleng hniam te chu a mah fuh lo tawk chiah chiah in kawngka bul ah a rawn thlawk phei fua mai, Phu zawk in thuthleng lo thlawh phei na lam chu a hawi a, thinrim tih hriat zet in a pa chuan a lo melh tur khai mai, “Zomuansang khawi ah nge i vah kual dawk dawk a, rawng pawh bawl loh in a la awm hi” a pa chuan a ti nghal khur khur, Zomuani hlau chu kimki chawih chawih in chet pawh che sawn ngam lo in kawngka bul ah chuan a la ding reng, “kha tah khan ding reng mah ta che,in thlak la rawngbawl nghal rawh ,nichinnn ah in school in bang tawh Peng kawi de de ziah mai,i awm dan hi ka duh hauh lo a nia,ka nin tawp ah chuan i sawp nulh ang tih hre rawh!” A pa chuan a ti leh khur khur, tha khur zawih zawih chungin Zomuani chu room ah a lut a,a pa hmuh theih loh chin a thlen veleh a mittui chu rawn dir nghal zawih in,a kawrban chuan a han hru tawk a,a in thlak zui nghal mawlh mawlh, a inthlak zawh ah chuan rawngbawl zui nghal in apa Kam nam pawh a la phun hmuar hmuar reng,mahse chung apa phun ri te chu ngaithla liam mai mai in rawng a bawl zawm mawlh mawlh .

A rilru erawh na tih hian a sawifiah zo meuh lo ang, ni e Zomuansangi tleirawl duhawm leh nunnem tan chuan a hun tawn zo zai hi hahthlak tak tur a ni,school lam ah nise a classmates te lak atang tih duh dah na a tuar a, nuam in school a kal ngailo, a him na leh a in hnem ve na tur ber an inchhung ah lah a pa suah sualna avangin hlau leh kimki reng reng in a awm a, a chang chuan hringnun hi fair lo a tiin ,Pathian pawh a dem lek lek fo thin,maherawh chu chung hreawm zawng zawng a tawrh lai kar ah chuan a nu, engtiklai pawh  a a lam tang reng thin leh Pathian kut a in nghat tlat thin in thu tha tam tak nen a, a fuih thin avang Chauh a he hun hreawm hi hmachhawn a la tuar thei hram hram Chauh a.

Chutia rawng a bawl mawlh mawlh lai chuan,Anu feh pawh rawn haw in a êm phurh chu a lo hlan thlak sak thuai, “chawhmeh e nge ka Siam ang” tiin a nu chu zawi ang reng tak hian a lo zawt nghal a, a nu pawh chuan a fanu awm dan atang Chuan thil eng emaw a thleng ngei a ni tih chu a ring thiam nghal mai, ‘êm ah khan bâl a awm, chu chu i Siam mai dawn nia” a ti a, biak pawh in be chhunzawm tawh lo in an tih tur ve ve an ti zui nghal mawlh mawlh.

“Chaw ei in peih tawh em? A ei theih chuan ei ang u” a pa chuan a ti a, tuman an chhang lo “khawnge i nau hi a awm, a leng em ni” a pa bawk chuan a ti leh a, a hma ang em em in a thinrim tawh lo a nih hmel, “thenawm nau nen an inkawm a nihkha,ka va ko a nge”tiin nu ber chu a tlanchhuak zui nghal, reilo ah a nau Kum 11 mi leh a ni chu inchhung ah rawn inkai lut in , “siam rawh u,ei ang” a pa chuan a ti a, Chaw ei an Siam zui nghal , Chaw ei lai chuan a nau chuan “vawiin ah sava ka perh thla a,mahse hlutea ten min laksak daih” Chaw bar tan tan pah in a ti a, “tinge an laksak che a,saw mi te chhung sawn min hmusit hrim hrim,hman atang tawh”pa ber chuan a ti nghal tun tun, “vak vak a che, mi in an lo hrepha a nge ,naupang mai an nia lawm” ti a nu ber in an pa lo khap a tum chu “nang lah hi mi lo khap ve hman ziah mai, Lalpuia saw I ngaizawng em ni” a ti let zek,”eng vang in nge maw a ni ka ngaihzawn ngawt a nga,i tawngkam fimkhur deuh thin rawh ka ti mai a nia, thenawm khawveng in nghirngho te hi a tha ngailo” nu ber in a ti dek dek chu pa ber chuan nu ber Chaw bâr lai chu a ban in a vai tlu nghal pawp,”mai mai che hian,Lalpuia saw i duh a nihkha, hmeichhe tawng loh na tur ah hian lo tawng zuah zuah ziah mai,khawnge tawng leh thei tawh Miah lo tur in kan Siam teh ang che” tih leh a thuthleng hniam thut lai chu la lawk in nu ber vawm nan chuan a hmang a, Zomuani chuan apa chu lo chelh in “a tawk! Kut thawh zawng hi chuan che ziah thin Suh” a lo ti ve khar khar, “nang pawh hian I duh deuh em ni a,in nufa khan ka sat bung hmawk mai ang cheu,naupang in rawlh na awm hre rawh,nu leh pa kar ah lo tawng ve zawt zawt Suh” tiin Zomuani chu a nem kat dawrh, Zomuani mittui chu a luang ngiai ngiai a, chutih lai in a nau pawh chu an boruak hlauh avang chuan a lo tap ve vak vak bawk, nu ber chuan a nau chu a kuah a, “Muana i rapthlak emai, i tawngkam te hi a rapthlak thin lutuk, naupang hriat ah tawngkam rapthlak tak tak hmang Suh ka tih fo kha, fa te than lenna  atan kan inchhung ang hi i duh em ni” hnuk ulh teuh chungin nu ber chuan a ti a, ‘ngawi rawh ka tih kha, nang a khap ka ngai lo,khawnge kan that law law teh ang che” tiin chem a chuh a, nu ber chu sah a tum ta mai, mahse an thenawm te an thawm ah rawn tlan lut hlauh in chem chu an rawn chhuh sak a, pa ber pawh midang awm lai chuan tha deuh in a ngawi ve mai.

Zomuani te nufa ho pawh room ah tawm in, an mittui a khat tawk in an hru zauh zauh thin, “nu,tiang chu ka peih tawh lo, apa hi then la Kan nufa ho in bul tan tha ang u, a ni bul a ka awm reng hi chuan mipangai ah Kan unau hi Kan chhuak lo ang,nangpawh in i tuar hnem tawh lutuk” ti tiau in Zomuani chu a in sut zui hlap hlap, “hetiang reng a nih dawn chuan kan chhuahsan hun te pawh a thleng lo ang tih a sawi theih loh,mahse tun tut tut ah chuan thil a tih theih loh a, han tuar leh fan fan phawt ila” a nu in a tih lai mek chuan “ti hian i ti ve ziah a,Kan chhuak leh tak tak ngailo, ka hriat theih tirh ata mi zawng zawng in hlim tak leh phur tak a an lo nghah thin ,Christmas leh kum thar vuak vet pawh hlim leh nuam in kan la hmang lo,Kum 16 ka ni ve tawh vawi khat mah kum 16 chhung khan nang pawh nuam sa in i la awm hleinem, apa bul a kan awm reng chuan ka â thei mai ang” tiin a mittui a luang zung zung.

“Bawihte eng ang pawn sual se i pa hi i pa a ni reng dawn a, inthen hi kar ah fanau an lo awm tawh phei chuan i ngaih ang a awlsam a ni lo a tin lawm, nakin ah pasal te i nei a nga,fa te I neih ve hun ah i hrethiam mai ang” a nu chuan a ti a, Zomuani chuan lu a lo thing nar nar, “ka pa a nilo,ka pa ni tur in ka duh lo,tinge a ni kher hi pasal ah I lo neih” ti tiau chung a  tho in, a khum ah  a mu  a, in lukhup in a tap khur nghal char char, Zomuani rilru put dan chu dem rual ni lo mahse a nu thusawi pawh a  diklo Chuang bik silo, an nufa hringnun hman mek chu a tu a ve ve pawh chuan hreawm an tiin an Ning dun tawh viau.

Zomuani pawh a lo tap muhil nge ,a harh leh meuh chuan khua a lo var uarh tawh, rawng pawh a nu in lo bawl peih vek tawh in zan lam a apa thinrim pawh a lo zia ve deuh tawh a nih hmel. “Ka Kai tho duh lo che a, I hmai va phih la Chaw ei nghal ang u” a nu chuan a lo ti nghal sawk sawk a, zan lam thil thleng kha hrelo ang mai in a awm, “ka ei peih lo,in chhungkua khan ei ru” Zomuani chuan lo ti in  bathroom ah a luh san hmak, a nihna tak ah chuan a nu hian zan lam thil thleng kha a theihnghilh a ni reng reng lo, a fa te tan a tuar hram hram a, a rilru nat na te pawh a thup hram hram mai chauh a ni.

Zomuani pawh school kal turin a chhuak a, school lam a a hmachhawn leh tur a hriatchian em avangin school thlen pawh chu a hreh viau,mahse a mah hi lehkha thiam thei tak a ni a,zirtirtu te duhsakna pawh midang ai chuan a dawng bik em aw tih tur a ni ,a nungchang a that mai bak ah a hmel hi a tha reuh a heng te vang pawh hi a ni mah na an class hmeichhe thenkhat hian an ngaithei tlat lo.

Phur lo deuh chungin class ah chuan a lut a, ngawireng in a thut na lam a pan , a mah ngaithei lo em em tu te pawh lo a bul ah lo hnai leh nghal tuam tuam in,ban ah school hnung lam ah lo kal ang che,I lo kal loh chuan naktuk ah Kan khawih hrep ang che” tiin an vau lawk a, a pawnfen tlang a hmer na ngat ngat hle, chutih lai chuan tan dar a rawn ti a, naupang dang ho pawh mahni thutna lam ah an thu nghal sang sang, an sir rual chuan mipa khat lutthar tur ni awm tak hi a rawn lut ve a ,an sir chuan,”hei hi in classmate thar tur Larry Rodingliana a nih hi,” tiin introduction te a neih sak hnu ah a duh na ber a thu tur in a ti zui a, Larry-a chuan a thut na tur chu han melh kual in, thlanglam tlat lai a  a mah Chauh a thu,tukverh lam lo hawi vauh vauh Zomuani lam chu pan ding in Zomuani bul ah chuan a thu a, a mah a hmel a lo chhelo bawk nen chutia lut thar pa Zomuani bul a a thu chu an lo thik hlawm em em,Larry-a hi Zomuani tan  buaina belh chhah tu a ni mai a ngem.

School ban a lo hun a Zomuani chu a phurlo ngang mai, Saimawii te thian ho koh na ah chuan a kallo ngam silo, phur lo deuh chungin mi haw rem hnu ah school hnunglam chu a pan a , Saimawii te thian ho pawh an lo awm far tawh , meizial lo zu khu hlat hlat in Zomuani rawn kal an hmuh chuan “I lo va kal har ve” an lo ti nghal thawr , Chhang lo in a ding zum reng a , chu ringawt pawh chu an lungawi loh na a tling tawk viau nge ni “I awm dan hian min tham lo riau” Saimawii chuan tiin Zomuani chu a panhnai a ,”lo lut thar pa kha, i bul a a thut vang ringawt khan I ngaizawng thei tihna a nilo a nia,Rodingliana kha chu ka ta aw, he school a a rawn luh ve hma atang tawh a ka ta sa a nihkha” a ti khar khar a, “ngaihzawn ka tum lo” ti a Zomuani’n a chhan chuan “I thusawi ah Chiang ang che i hria em, biak pawh i be tur a nilo” Saimawii chuan a ti leh a , Zomuani chu a lo bu nghat nghat “vawiin chu tih tur Kan nei a ,kan infiam pui rei thei lo che, i vanneih ni ah ngai la va haw hma mai rawh” nui hak hak pah in Saimawii chuan a ti leh a ,Zomuani pawh rang deuh in chung mi te ho bul atang Chuan a in thiar fihlim nghal thuai, a haw kawng ah te chuan a mittui a tla chu hru zauh zauh reng in, a nun hman dan chu hreawm a ti ngawih ngawih,in lam ah a pa in engtiang in nge a lo dawnsawn dawn lah a hre silo, a thaw pik lutuk chu tlanbo daih mai te a duh rum rum thin, mahse a nu leh a nau a ngaihtuah em avang in a theihtawp chhuah in hreawm kar ah pawh a zirlai tha tak in a zir hram hram a,nakin ah a nu leh a nau chu an nun hreawm tak atang hruai chhuah a tum ruh hle.

In a thlen chuan vanneih thlak deuh in a pa a lo awm lo hlauh, in thlak sawk sawk in rawng a bawl nghal a, rawngbawl zawh ah inbual leh in , a nu leh a nau feh pawh an rawn in zui haw hnak hnak, pa ber leng erawh a la haw lo thung, “in exam a hnai tawh si a, lehkha tha deuh a zir I tum dawn nia, i nau chu mipa mah nise naupang mai a la ni a,ka in nghah na i ni tih hre reng la, chuvang chuan grade tha I neih a pawimawh a nia,I thil tih apiang ah telpui tur che in Pathian sawm la, a mah rinchhan a i tih phawt chuan i hlawhchham ngailo ang” tiin an Chaw ei laiin a nu chuan a fuih mawlh mawlh , chutia Chaw an ei mawlh mawlh lai chuan pa ber leng pawh rawn haw in, a kal dan atang a rawn Kam nam haw leh tih an hai lo,mahse tu man tawngkam khat mah a lo hau lo in , nu ber chuan che thleng a lak sak nghal sawk sawk a,ngawi reng in pa ber pawh chuan an zing ah Chaw chh a kil ve mai, chu mi tlai chuan pa ber chu a âng lo ve hlauh ,rilru dam deuh zawk in Zomuani pawh lehkha chumi zan chuan a zir ve theih phah.

Sana in a ban vai chawl hek lo le, hun leh ni pawh lo liam ve zel in , Zomuani te exam hun pawh a hnai leh tawh hle, chutih lai in an chhungkaw dinhmun leh school lam a tih duh dahna a tawrh dan pawh a la ngai reng a, a chang chuan a mah ti hreawm tu te chu beihlet ve a chak thin takzet,a pa ngei pawh,mahse a huaisen na in a tlin ngang thin silo.

“A ni maw, tiang chuan a ti maw, tlem in hma I sawn tihna a nihchu, i duh na a rei ve tawh a, middle school i kal lai atang I duh tawh a high school ah hi Chuan i hlawhtling tawh ang” tiin Saimawii te thian ho chu an nui ham ham,Saimawii chuan “vawiin ah pawh min rawn sawm a,a nuam rapthlak” a ti leh a,an thian ho chuan an nui thler duaih duaih, an sir atang Zomuani chuan an thusawi chu lo ngaithla ve reng in,an mi sawi a pawh chu tudang nilo in Larry-a a ni tih a hria , “nimin a i note lak kha ka lo copy lawk,I phal em ka note hi a mumal lo deuh a” tiin Larry-a rawn lut chuan Zomuani chu a bia a, Zomuani pawh a lo Phu zawk mai, “eng lo” a ti hman Chauh a sir lam a tûr set a lo melh tu a vang chuan a thusawi tum pawh sawi leh lo in ,ngawireng in a note bu chu a pe a, “ka lawm e” tiin Larry-a chu a nui a, Zomuani pawh a nui ve seih ringawt, a nihna tak ah chuan Zomuani pawh hian Larry-a hi hmeltha a tilo a ni bik lo,tha a ti ru ve reng,mahse Saimawii te thian ho a hlauh avang in a duh na te chu a tilang ngam lo mai zawk a ni, Larry an a biak thin dan ah leh a che zia atang in ngaihbel theih tur in a mah chu a duh ve ni ten a hre thin,mahse buaina Lian zawk a in barh luh a hlauh avang in chung Larry-a mitmei te pawh chu a hai der lui zel thin.

Class lak lai te chuan Larry chuan ho te te ah a be zeuh zeuh reng a,a ruk chuan nuam a ti ve reng, mahse chung an in be lai chu Saimawii te chuan an lo hmu ve reng si, Zomuani chu ban a school hnung a kal tur in an hrilh leh ta a, Zomuani chu a thaw halh, “vawiin chu haw rual ila” tiin Larry-a chuan a bia a, mahse Zomuani chuan lu lo thing in “kal kawi na tur ka nei a” a ti a,”ka lo kalpui ang che” Larry bawk chuan a ti lehzel ,”aih keimah in ka kal thei a lawm” Zomuani chuan a lo ti ve tlat,chung an inbe lai chu Saimawii te chuan lo hmu ve vek in an thinrim ngei mai, “ka bialpa tur a lo chhai ve ngam man chu a hmu dawn khawp a lawm,vawiin tlai chu tuman min lo dang Suh ang che u ka khawih deuh dawn” tiin Saimawii chu a thian te bul ah a in hro sa ,Zomuani tan chuan a tawrhhlelh awm viau maithei a ni.

School ban chuan a ngai te in school hnung ah Zomuani pawh a kal leh a, a thleng chiah tih Chuan “hmeli” tih leh Saimawii chuan a sam a lo keh chu a rual nghal a, “eng vangin nge Larry-a I lo biak ve ngam a,be Suh ka ti a ni lawm ni” a ti a, a rem lai lai ah a pet zui mawlh mawlh, a thian dang te lah chuan lo thelh a hnen in Saimawii chu an lo fuih phur a, an lo sawisak pui lo Chauh, Zomuani pawn a tuar reng thei ta bik lo nge, Saimawii chu a phih lawp a, ” e nge in chung ah tihsual ka neih, in duh dan dan a awm tur ka ni em ni,tinge ka chung ah hian in sual em em reng bik” a ti let ve tuarh a,”zawngi kut min thlak let ngam elaw,Kan khawih deuh tak tak teng che, lo Man bet ru” Saimawii chuan a ti a, a thian te  chuan Zomuani chu an lo man bet “e nge ka pawi i sawi maw,i hmel ringawt pawh hian ka pawi a sawi,i awm mai mai pawh khan ka pawi i sawi,i engkim hian ka pawi a sawi,i hre Chiang em ka sawi chu” tiin a pum ah te chuan a hnek a, Zomuani na te chu a then chak chak, chung tleirawl rual khat ho chu mipa tam tak aiin an rapthlak zawk fe niin a lang.

“Thlah nghal rawh u!” Tih tuarh ri an hriat chuan Saimawii te ho chu an hawi hra a, an piah lawk ah thinrim hmel zet in Larry-a a lo ding reng , “Larry” Saimawii chuan a ti a, Larry chu an lam ah phei hmawk hmawk in Zomuani an vawn na chu a phih tlak sak sawk, “eng thil nge in tih hi” a ti chang fak, “eng lo,k..kan lo infiam mai mai a lawm” Saimawii chuan a ti a, Larry-a thinrim chu an hlauh hmel hlawm ngang mai, “hei hi infiam dan a ni ngai em ni,naktuk ah principal office ah in luh vek a ngai ang,vawi khat pawh hetiang thil in ti leh a nih chuan keimah hian hmeichhia in nihna theihnghilh in ka khawih ve tawh ang che u” ti fak fak in Zomuani chu a kalsawn pui a, an kal hnu chuan Saimawii thinrim lutuk chu a te chiam chiam ringawt.

“In in awm na min hrilh la,ka hruai haw ang che” Larry-a chuan a ti a, Zomuani erawh in a lu a lo thing, an khua hi thingtlang khaw Lian ve pangai tak a ni a, veng kar a hla in highschool pawh hmun thum vel lai ah a awm a, an ni Larry-a te leh Zomuani te pawh veng hran an nih avang in an awm na an in hriat pawh lem lo, “min hrilh rawh,nang mah a haw tur chuan i ngaihtuahawm” Larry-a chuan a ti leh a,Zomuani erawh chuan “keimah in ka haw thei,min rawn chhan a ka lawm lutuk,mahse vawiin tlai a thil thleng hi sawichhuak Suh aw” a ti a, Larry-a chuan hriatthiam loh hmel deuh in Zomuani chu a en “principal I hrilh chuan a let ka tawrh leh a ngai dawn,chuvang chuan ka buaina ah hian lo in rawlh Suh” Zomuani chuan a ti leh a, “tinge hetiang a I chung a an tih “tiin Larry-a chuan a zawt leh,Zomuani chu za lo deuh in a nui hak a,’min huat vang mawle,ka engkim hi an hua” a ti a, a mit ah chuan a nat zia a hmuh theih .

“A hun lo pawh a ni maithei,mahse Zomuan ka awm dan atang i hre vek tawh ang, ka duh che, chuvang chuan venhim che ka duh” Larry-a chuan a ti a, Zomuani chuan a mit ah tak en in,”min duh Suh, ka pehhel reng thin che tih nangpawn i hria ang,chu vang chuan min duh Suh,kal tawh rawh,keipawh ka kal dawn” a ti a, a beisei loh deuh a Zomuani’n a chhan avang chuan Larry-a chu a chesawn mai theilo, zomuani kal ta chu a en zui vung vung ringawt, a tuk ah pawh zomuani leh Larry-a chu an in be lo a, Zomuani phei chuan melh pawh a melh duh eih lo, Larry-a chuan chutiang a Zomuani awm chu a hrethiam lo in, a be duh lo te chu hreawm a ti a, a melh leh zuk zuk thin. An exam ni pawh lo thleng in Zomuani chuan thiam loh a mang a nei lo pakhatna nih pawh a in beisei viau, chutih lai in Larry-a chu a ruk in a thlir ve fo a, an chhungkaw dinhmun avang leh Saimawii te thian ho avang chuan a hnaih ngam lo mai zawk a ni, Larry an a duh thu a sawi te khan a lawm lutuk ringawt,mahse hnawl kha tul in a hre tlat si a tin ni . Bak ah highschool zirlai Chauh an la ni a,  an dinhmun nen ngaihzawng lam buaipui thei niin a in hrelo, lehkha tha tak a zir a a nu leh a nau enkawl chu a tum Lian ber a ni.

Result chhuah hun pawh a lo thleng a, a beisei ang ngei in Zomuani pawh in pakhatna dinhmun a hauh a, a lawm kher mai, hlim tak in in ah a haw a, a pa Chauh lo awm in a pa hnen ah chuan “pa vawiin ah result kan puang a ” a ti a, a pa chuan a sawi leh tur ngawi chang tih hriat tak in a lo en, “pakhat na ka ni” Zomuani’n a tih Chuan a pa pawh a lawm hmel vur vur hle, zirna lam ah a fanu hi a thiam thei hle tih a hriat avang hian in tih theih nan tak a hmang ve fo reng a ni, “zan ah kan lawm dawn nia i thian te sawm la, ar kan chiar dawn nia” tiin apa chu a phur surh surh hle, Zomuani pawh a pa in chutia tawngkam a neih chuan a lawm ve hle,mahse thian ti a han sawi tur a neih meuh loh avang in , an class a a kawm ve ber pakhat Sangsangi chu a sawm ve a , a bak chu thenawm khawvel leh chhung leh khat te an ni mai, zan ah chuan âr sawhchhiar nen Zomuani pass chu an lawm a, nuam pawh an ti tlang ve viau, chutih laiin Zomuani chuan apa leh an thenawmpa in zui chhuak chu hmu in ,an tawn leh tur boruak chu a hrethiam nghal ruak,huphurh pawh a huphurh lawk ru ngei mai, a rin ang ngei in a pa te rawn lut leh chu an rawn meng deuh phut a, midang awm lai chuan nui huah huah mahse an inleng te haw darh hun ah phunnawi na tur a zawng leh ngei ang.

Zomuani rin lawk dan zel a thil thleng chho in ,inleng te an rêm ta maw tih ah a pa chu a phunchiar tan a, “pakhat na nih avang a lawm kher, Kan inchhung khur dinhmun nen sum hek na mai mai,âr man hu kha thawk chhuak leh ang che” tiin ân bul a tan a, “lawm ang pawh ka tilo , nangman lawm tur i ti a nihkha” zawi sep a Zomuani’n a tih chu a lo hre pha nge ni, “naupang si mi hi chhang zawt zawt ziah mai” tih leh apa Chuan ben chu a rual nghal a, “a mak thin e! muana, phal tak in nangman I lawm sak a, tun ah tinge i phunnawi leh si, phunnawi leh tur chuan lawm sak lo mai ta che” nu ber in a lo tih Chuan, “nangpang han hau ila I lo tan ziah mai, i enkawl dikloh vang a nih hi, mihur ah bak I fanu hi I chhuah lo ang” pa ber chuan a ti kúk kúk a, “e muana naupang enkawl chungchang ah hian kei Chauh min puh Suh, dik tak chuan e, i fate hi mi fate ngaihtuah chuan tha tak an ni zawk asin” tiin Zomuani nu awki pawh a sang ve tawh hle, “ngawi rawh, I lo inrawlh na tur a awm lo, ka fate an nia ka duh dan dan in ka ti ang, ka thu a in awm peih lo a nih chuan ka in atang hian chhuak rawh u!” Pa ber chuan a ti leh kúk kúk, Zomuani dawhtheih na pawn a tuar ta bik lo nge ni, a pa mit ah tak chuan en in “nangmah vang hian chhungkua kan hlim thei lo a nih hi, nupui fa nau te hlimna aiin ruih tur i duh zawk a,mi pá te thinrim lohna thin tam tak ah I thinrim a,I thu lo in he inchhung ah hian engmah a thleng ngai lo,nu ber in a inchhung ah a ngaihdan a sawi ngam lo a, a fa te nen thin thi in mutmu an tuah ngai hek lo,engtik ah nge kut min thlak leh ang tih rilru a dah reng chung in kan awm a,chuan maw pa, fanau enkawl hi nu tih tur Chauh a ni reng reng lo, pa hian mawhphurhna in nei Lian asin, mahni tapchhak zawl a in hro-sa vak vak thin,nupui fanau te natna hmu thiam lo pa hi eng ang pá leh pasal nge I nih,” Zomuani chuan a ti ve ta phiarh phiarh, “Zomuansang ngawi rawh!” A pa chuan a ti a, mahse a ngawi duh lo,

“Ka ngawi dawn lo,kha leh chen kha i mi nghaisak na tuar in kan lo ngawi tawh, i nupui fanau te hi min hmangaih hlawl lo ,i dikna chiah I hria a,Kan dikna i hre ve duh lo, kan thil tihsual I hre em em a , I sual na i hre let duh lo,keini ai chuan ruihhlo i hmangaih zawk! I ruihhlo tih nasat lutuk avang hian kan chhungkua pawh Kan changkang thei lo a, mi aia berh in Kan awm a nih hi” A ti leh phiarh phiarh, a thinrim lutuk chu mittui kar atang a meng sen ràm, a in hum ruh nasa viau bawk, “naupang zakthei lo,i pa hi min vin ve ngam a maw, i va nasa em em ve, min vin ngam a maw,ngam leh ngam chu han in sàt dun ila, rawn kal teh ka fit hmawk dawn che” ti in a pa chuan chem a chuh a, Anu chuan a lo man bet  thuai, mitmei in a nu chuan Zomuani chu tlanchhuak tur in a hrilh a, Zomuani pawh mittui luang zung zung in an in atang Chuan a tlanchhuak , hmun fianrial leh midang kal pawh vak lo ah kal in tah chuan a rilru tawt lutuk te in bun ruak in a tap vak vak, mi hmuh ah chuan a pa a tawngkhum dan kha a nasa pawh a ni maithei,mahse mi tin hi Kan thinrim tawp ah chuan kan nasa vek,kan hun tawn leh Kan chim chin a zir zel zawk a ni.

In lam ah a pa chuan a nu chu a khawih leh ngei dawn tih a hriat avang in rei tak kal bo pawh chu ni ber in a hrelo, ngaihtuah na a hmang a, a pa kiang a chen leh chu hreh tak te in a hreh tawh, zan thim hnuai ah chuan an khaw police station lam ah tlan in an in ah a hruai ta ngawt, an in an va thlen chuan pawn atang ringawt pawh,a pa in hro-sa thawm leh a nau tap thawm chuan a beng a vilh ngut ngut thei, rang tak in inchhung ah an tlan lut a, chhuat ah a nu chu lo tlu niai in an veng mi thenkhat chuan a pa chu an lo dang laih laih bawk, a lan dan ah chuan a nu chu a pa chuan a lo khawih fe hman tawh tih a hriat, police ho chuan a pa chu an man a, Zomuani nu pawh khem nuan chungin thuthleng ah a thu bàm, “nu chhuak ang u,ka awm duh tawh lo, hepa kiang a Kan awm reng a nih chuan ka nun hi a chhe vek thei dawn, ka thinlung ah hian khawihlet chak na a awm ,duh loh dan deuh in thil hi a thleng mai ang tih ka hlau,chuvang chuan nu kan nun a chhiat zawh vek hma hian chhuahsan ang” Zomuani chuan a ti a, a nu pawh in tun tum chu a hnial tawh lo,ngawi reng a room ah lut in a insiam mawlh mawlh a, rawn chhuak leh in “insiam rawh,naktuk zingkar ah aizawl lam Kan pan ang”a ti a,Zomuani pawh a mittui hru tawk in insiam tur in room ah a lut ve nghal.

A tuk zing sumo ah aizawl lam pan chuan an chhuk ta a, a pu te,a nu pa te chu an zuk fin ve ta rawih a, a putea nupui la neilo te nen an khawsa ho ta a ni.

A pa chanchin an ngaihven ngai lo a, a pu te in ah chuan thlamuang tak in an awm a, thin thi diak a mutmu tuah nawm zia pawh an hre ve ta, nasa tak in lehkha a zir a, a mah a thiam thei bawk nen a school luhna thar pawh nuam a ti khawp mai. Kum 12 lai a ral hnu ah chuan Zomuani pawh Kum 27 ni ve tawh in nula tak tak a ni ve tawh.

Darthlalang ah chuan in en vang vang in,police form dak zaih mai chu in hmeh a in ti viau,a mah a hmeltha in a pian a hleitling bawk a thlir zui pawh a hlawh thin viau, “nu ka kal aw, vawiin ah ka post thar tur ka hre dawn a, ka hriat veleh ka hrilh nghal ang cheu” tiin a nu te lam chu a hawi a, “thingtlang lam a i post chuan ka rawn awmpui ang che” a nau Kima chuan a lo ti dút , “ni rawh se” ti a nui in Zomuani chu a chhuak a. Station a thlen chuan case la khawih fel loh an neih te chu a en nawn nghal mawlh mawlh, rei vak lo ah a post tur pawh a hre ta a, mahse a post na hmun tur chu a duh chiah lo, ni e an khaw hlui, hreawm tam tak a lo tawrh tawh na hmun ah eng mah hre velo an pu te’n an sawn mauh mai, a in ngaihtuah vang vang hnu ah, ‘tun ah chuan a hma ang a mi chak lo Zomuansangi kha ka ni tawh hleinem,mahni in ringtawk tak in awm rawh’ tiin a in fuih a,post a awm chu pawi a ti ta lo, a chhungte pawn a thutluk na Siam chu zah sak in an sawisel sak lem lo.

Quater a luah dawn avang in a mamawh tur te leiin a bazar nghal a,a beisei aiin a post a a awm hun tur an pu te’n an tih hnaih vang a ni, a post a a kal ni a lo thlen chuan a nu leh a nau in an kalpui a, tihfel ngai te an ti fel zung zung,an khua a an awm lai khan a nau hi a la naupan hret a vangin Chiang in eng mah a hre lo a,chu chu a vanneih na pawh a ni maithei, thenkhat in an khaw OC thar chu Zomuani a ni tih an hriat in pui tur in an quater lam ah an kal a, thenrual tha te nen a an han inhmu khawm leh ta chu an rin ai tak in an hlim phian mai. Thenrual te kà atang Chuan apa chanchin pawh hriat a mual mual nei in,apa chu  an in ah khan a nupui thar nen an Cheng a ni awm e. An khaw OC thar hi a fanu a ni tih a hriat hun ah engtin tak lo dawngsawng ang maw.

Kar khat hnu ah Zomuani pawh a nu leh a nau te pawn Aizawl lam ah an chhuksan leh a, chutia mahni khua a han awm tak ah chuan tiin an khaw kawt thler vel te chu a fang kual a, a hma pawh a a len sa tawh nen an khua chu lo than belh in, an chhuahsan lai ai ngawt chuan lo danglam tawh tak a ni, an thil lo paltlang tawh te kha a rilru ah a rawn thar leh uaih uaih bawk, chutih rual in a rilru ah mipa khat khang hun chhung zawng a thi thei ngai miah lo, ni e, Larry Rodingliana ngei mai kha a lang tello thei lo, tun ah hian khawnge a awm a nga, eng nge a tih ve ang tih te chu a ngaihtuah neuh neuh, hun a kal ve hret hret a Larry-a chanchin pawh a ngaihven ru ve reng, ngaihven reng ta chuan hriat a mual mual pawh nei in,khatia an khua an chhuahsan hnu rei vak lo ah khan phai lam ah zirna zawm tur in a awm ni awm tak a ni, tun ah erawh aizawl lam ah a awm a nih hmel.

Zan khat chu call hmanhmawh thlak deuh an dawng a, mi in ah rukru chet a tum ni awm tak a ni,an thenawm ten gate a a lawn lai hmu in police hnen ah an rawn report hi  a lo ni, hmanhmawh deuh in Zomuani te pawh report lo luh na lam ah chuan an kal a, an va thlen chuan rukru chuan gate chu lo lawnchhuak tawh in inchhung a luh tum ni awm tak in kawngka kalh na tála chu Hawn a lo tum a, jumper lukhum nei a ha a,lukhum chu a khum tlat avangin hnunglam atang Chuan tunge a nih tih a hriat theih mai loh, Zomuani chuan chupa chu thawm dim thei ang ber a veh in “i ban phar la,rawn in her rawh” a ti a,silai in a tin reng bawk, chupa pawh chu ding mar nghal awt in “rawn in her rawh” Zomuani chuan a ti leh mahse chupa chu a rawn in her hauh lo “eng vang a in hi rawk tum nge I nih,” Zomuani bawk chuan a ti leh a, chutah chu pa chu rawn nui chhuak hawk in ,”rawk ka tum maw,i â deuh a mawn le,tunge mahni in te rawk ngai’ tiin a rawn in her a,chupa hmel Zomuani’n a hmu chiah chu a meng nghal áwk mai, “nangmaw!” Mak ti deuh a a tih Chuan ,chupa pawh chuan ‘nang hi” a lo ti ve bawk,mak an tih dun hmel kher mai.

“I silai kha dah thla teh,min kap tak tak rauh a nge,silai hi ka ngaina vak lo a nia’ Larry-a chuan a ti a,Zomuani erawh in a la dahthla Chuang lo, “enge helai ah hian i tih,in hi rawk I tum em ni” a ti a,Larry-a chu a nui hawk hawk “rukru duh hmel hmuh in  min hmu em ni, hei hi Kan in a nih hi” a ti a Zomuani chuan a awih hmel vak loh, “i awih loh leh I hnung a constable pa kha zawt la” a tih Chuan Zomuani chuan constable chu a melh ralh a,nui tha chung a a lo buk nghat tak ah chuan a ni pawn a silai chu a lek hniam ve ta a, chutia a lo ngaihven ruk reng thin a hmu thut chu sawi mai tur a hre lo, “a rei ta hle mai tiraw, Kum 12 hnu ah pawh i la danglam Miah lo” Larry-a chuan a ti a, “ka danglam na lai I la hmuh loh vang a nih chu” tiin Zomuani’n a lo chhang, uluk zet in Larry-a chuan a han en a, “danglam na chu ka hmu in ka hre leh si,I in rintawk hmel riau” a tih leh chuan Zomuani chuan “mahni in ah eng vang a rukru ang mai a che nge I nih” tiin a lo zawt let thung ,Larry-a chuan an kawngkhar lam chu hawilet zauh in,’e,hei hi maw,ka chhungte surprise ka duh sia,ka haw dawn tih ka hrilh lo a,an lo lengchhuak daih sia,tàla ti chhia a luh mai ka tum mawle” tiin a nui hak, “chuan,nangchu police” tih zawm zat in Zomuani chu a en a, Zomuani sawitur hrelo chuan a chil a lem khawlh ringawt, “rukru i nih loh chuan kan kal mai ang” tih leh inher chu a rual a,a kal nghal nal nal.

A mut hmun ah Larry-a chu a ngaihtuah rauh rauh reng a, tun ah chuan a hma a tleirawl in ring tawk lo tak kha a ni tawh lo bawk a, tun tum ah hi Chuan ka chhuah tawh lo vang che a ti ru nauh nauh , a tuk zing a tho te chu phur ruk na riau a nei, zai rat rat chungin rawng a bawl a, station bul mai ah a awm avang in a hmanhmawh lem lo bawk.

Chutia hmanhmawh lem lo tak a rawng a bawl lai chuan hmeichhe naupang Kum 10 mi bawr vel hi  thaw hlawp hlawp chungin a in ah a rawn tlan lut a, “engthil nge ni ta” tiin Zomuani chuan a lo chiau áu thuai, “a u police kan in ah lo kal rawh” tiin a tap nghal hliam hliam , “engthil nge thleng,khawilai ah nge in in chu a awm” tiin a mittui hruk sak mawlh mawlh pah in a zawt a, in sut hlap hlap chung in chu naupang chuan “khuu tah,vengthlang ah Kan awm,ih,apa in a nu leh a u a sawisa a” tiin a tap hliam hliam Zomuani chuan naupang chu a pawm lawk a, vengthlang lam pan chuan a tlangpui nghal hlawk hlawk, naupang in an awm na a sawi na hmun a thlen chuan a ding chawt, ni e, khawi dang a nilo, an mahni in ngei hreawm tam tak an lo tawrh tawh na hmun ngei ah khan naupang chuan a hruai thleng tlat, inchhung ah chuan mipa in hro-sa thawm leh hmeichhe rak tuarh tuarh thawm a lo chhuak a, Zomuani chu a Phu zawk mai, a thà a khur nghal ti tih der bawk, inchhung a in hro-sa mek chu tunge a nih a Chiang lutuk tlat.

Pawn ah chuan a ding khawng reng, a mitthla ah a pa in an nufa kut a thlak lai te chu a rawn lang thar uaih uaih bawk,chutia pawn a a din reng lai chuan inchhung atang nu pakhat hi a rawn tlanchhuak a ,chu hmeichhia chu a pa ngei khan a rawn um zui bawk, chutia an kawt a Zomuani lo ding reng a hmuh chuan a pa pawh ding chawt in Chik zet in Zomuani chu a en a, a hrechhuak ta nge “nang, zawngi” tih leh Zomuani rawn pan chu a rual a, rawn Ben mai a tum chu Zomuani chuan a ban rek ah lo chelh sak in ,apa ban chu herh sak vak in a hnung khirh zui nghal zat, a na ti chu a rak tuarh tuarh mai, “zawngi kut min thlak ngam ve elaw,ka that dawn khawp che” apa Chuan a ti a, Zomuani a nui hak “Kum 12 hnu ah pawh i lo la danglam Miah na nge, I duh hun hun a kut I thlak thin hmeichhe naupang ang ah khan min la ngai em ni, tun ah hian duh ni ila I ban hi ka herh tilak thei tih i hria em,” a ti a,  a pa then chak chak pawh chu eng ah mah a ngailo, chutih lai chuan inchhung ah hmeichhe pakhat hi a rawn chhuak a chunu chu tudang nilo in Saimawii kha a lo ni.

“Zomuansang,i ni raw, Zomuani kha” a rawn ti a, a hmel leh Sam pawr phang atang Chuan kut tuar zo hlim tih a hriat hle, Zomuani pawh chuan chutia Saimawii inchhung atang a rawn chhuak chu mak a ti deuh a niang ngawi reng in a en tawp, ‘min thlah rawh, hmeli” tiin a pa pawh a lo tal ve phat phat, Zomuani pawn thlah in ,”nupui te kutthlak I la ching reng a ni maw, tun atang Chuan I duh ang ngawt in he khua ah hian i lal len tawh lo ang” a ti chang ve fak,mahse apa chu lo diau duh bik hek lo “nang khan Kan inchhung ah hian sawitur eng mah I nei lo,ka nupui fanau te hi ka duh dan dan in ka ti thei” a ti khur khur a, “nang kha hetah rawn phei nghal rawh” tih leh a nupui chu va kaih mai a tum a mahse Zomuani chu vir zawk in a àwm ah tak a tlawh sak pawp, a ni zurui tang thei lo ta chu a tlu sawp nghal nuai mai, Zomuani chuan hnaih chilh thuai in “i ngam chuan i nupui fanau te hi kut thlak leh rawh,dan ang in I chung ah ro ka rel ang ,hre reng rawh,jail ah ka khung mai ang che’ ti a vo zui in a kalsan a, a pa chu a ngawi reng, chutiang a Zomuani ,tleirawl dawihzep tak ni thin lo danglam ta chu mak a ti te pawh a nia nge.

Mi kà atang Saimawii nu leh a pa chu in an chhuahsan atang a kum khat hnu lek ah innei in, naupang Kum 11 mi lo ko tu pawh kha an pahnih a an fa a ni awm e, Saimawii pawh an bul ah Cheng in an nuamsa viau hran lo a nih hmel, tum khat a khawlai chhuak chuan hmeichhe naupang pakhat a thian te ni awm tak in a an lo din bial thap lai hi va hmu in ,an ni chu a hnaih thuai a, “zozial lei rawh Kan tih loh kha, ciggerate alawm leitur a kan tih che” tiin an lo hau khar khar, Zomuani chuan highschool a kallai a a thil lo tawn tawh te chu a hrechhuak uaih uaih mai.

“Naupang ho kha enge in tih a?” A va ti thut chu chung naupang ho chu an Phu nasa ngang mai, Zomuani lam chu an hawi nghal thap a, chutah Zomuani’n naupang an dinhual hmel a hmu chiah chu a thinrim ngang mai,ni e, nu hmun chu nilo mahse apa fa a nih miau avang in a en hrang thei bik lo, “engthil nge in tih a” a ti a ,a awki pawh a sang ta deuh,naupang ho chuan an meizial chu an hnunglam ah an thukru nghal tat tat ,”Kum 10 in pel dek dek a zial zuk ruk in chin nghal chu le, a reng reng ah in zuk tur a ni a tinge midang in leitir,vawikhat mah Zeli hi lo ti duhdah tawh Suh ang che u,in hria em, in ti duhdah tih ka hriat leh chuan ka man dawn cheu a nia aw, police ka nih hi” a ti a, naupang ho chuan an hlauh hmel ngang mai, “tikhan haw Ula vawikhat mah Zeli in ti duh dah tawh tur a nilo” a tih Chuan chung naupang ho chu an tlan haw rang kher mai.

“Khatiang a naupang i vo te chuan naupang ho in police an hlau vek mai ang cheu” lo ti tu lam chu a hawi vat a, Larry-a a lo ni, “naupang mai an nihkha, vo vak an ngai hleinem” a tih leh chuan “tunlai naupang te zawng vo deuh hlek loh chuan an zal thei lo, an luhlul in ,an suak sual lutuk” Zomuani’n a lo ti ve hmak, Larry-a chu a nui hak a ,”I lo danglam tawh tak tak a nih hi” a tih Chuan “danglam ang chu le, Kum 10 Chuang zet a liam tawh a lawm” tiin Zomuani’n a lo chhanglet ve leh nghal zat , chutih lai chuan a nau in a kawr tlang ah lo pawt det det in “ka haw duh tawh a” in thlahrun hmel deuh in a lo ti sep a, Zomuani chuan “ka thlah dawn che nia” lo ti thuai in Larry-a hnen ah chuan “kan kal phawt mai ang nakin ah Kan inkawm leh dawn nia” a ti a, Larry-a erawh in “ka kawm hman lo che nula rim ka ngai” a lo ti thung, Zomuani chu a nui hawk  ” min lo rim rawh” tiin zam Miah lo in Larry-a chu a en a,  Larry-a zawk chu a ham haih lek lek, “nang..nang hi ,nangmah i nilo” a ti bah nuai a, Zomuani erawh a lo nui sak thung, a hma a a dawihzep na zawng zawng kha dah bo in tun atang Chuan Larry Rodingliana hi a ta nih tir ngei a tum, “keimah chu ka ni a,mahse i hriat thin mi dawihzep kha chu ka ni tawh lo” ti a chhang in “chu,lo leng rawh aw, sawi dun tur Kan nei maithei a nia” tiin a bai a vai zeuh a, a nau thlah tur in a kal liam san ta a, Larry-a chuan a en zui vawng vawng ringawt,chutih rual in  kum kha leh chen a hmeichhe lo nghah tawh in khatiang tawngkam a hman khum avang khan a ruk tak chuan a lawm lutuk tlat,maherawh chu a hma ang a feelings te lan tir hmasa tu zawk a tan erawh a tum lo, tun tum chu zomuani hun a ni ve tawh, engtiang in nge hma a lak a,a zia a in thlak danglam hriat zel a duh tlat .

Zomuani pawh an in thleng a a nau va thlah in, ‘khang ho khan an tibuai leh che a nih chuan min hrilh ang che aw, police ka nih hi ,chuvang chuan hlau Miah Suh” tiin inchhung a luh hma in a nau chu a hrilh a, “ngati nge a u police min van duat” naupang à ta chuan a ti ta reuh a, Zomuani chuan a lu ah chul sak in ” a chhan chu, nangmah a u police-i ka nia, chu vang chuan buaina I neih apiang in min hrilh dawn nia”a ti a ,a nau Zeli pawh lawm tih hriat tak in a bu ve nghat nghat mai, chutia an unau an inthlah lai chuan inchhung atang Saimawii leh a thiannu pakhat hi rawn chhuak in,

“Hetah enge I rawn tih a?” Saimawii chuan a ti a ,”ka nau ka rawn thlah” tih zawng in a lo chhang ,chutah Saimawii chuan rawn kal hnaih deuh in “police I nih avang hian i chapo ve deuh tih na em ni,hre rawh loser I la ni tho tho” tiin a rawn hmusit khawp mai,mahse chung hmuhsit na tawngkam chuan Zomuani a ti na pha tawh tlat lo, “loser” tiin a phun sep a, a nui pah hak bawk “loser dik tak chu tunge i hre duh em ni,lut la darthlalang ah va in en rawh,loser dik tak chu i hmu mai ang” a ti let ve sak.

“Hmeli e nge ni a i in hriat a, police I nih avang hian ka hlau tur ah che i ngai a mi,teuh lo ka hlau ther te lo che,  ” a ti nghal tan tan, “ngawi mai mai teh, khatia bauh vak vak khan awmzia a nei lo, in en ta che I tawp na hi, tun ah chuan pa thu hmun Kan nei tawh, tih duh dah na ka tawrh thin ang zawng zawng kha tun ah i tuar ve ta a nih hi,mihring hi dinhmun ngai reng ah Kan ding bik lo, nitin ,Kum tin in Kan dinhmun hi a danglam thin, chu chu nang ngei pawh khan I hrechiang khawp ang chu” tiin a in her a,kal mai a tum chu hawi let leh in ,”leh lawk,hman a hmeichhe naupang  dawihzep ,I thu a hnial ngam loh vang a I duh dan dan a I tih kàwi theih ang ah khan min ngai tawh Suh,tun a i dinhmun leh ka dinhmun hi a in thlau lutuk tawh” ti leh sak in a kalsan nghal nal nal.

Hun a liam ve zel a Larry-a pawh a be ta zeuh zeuh,mahse a beisei ai daih in a tawh a lo khirh a, a duh ang in a kherh tlu mai thei lo,mahse beidawn erawh a tum lo, bul a tan tawh a ,a tawp pawh thlen ngei a tum.

“Hei hi nimin lam a khaw thenawm a in sawisak hlum na thleng a ,an chhungten FIR an rawn thehluh kha a nia,a hmun a Kan va kal a ngaih hmel” inspector pakhat chuan a ti a, “lo in peih Ula,kal nghal mai ang u ,bawhzui nghal loh chuan” Zomuani pawn lo tiin, khaw thenawm lam pan tur chuan an chhuak nghal a, Larry-a te in tlanpelh an ngaih avang in  makeup pawh a in hnawih tha nghe nghe, Larry-a te in zawn an thlen chuan motor tlan muan tir deuh in  Larry-a room lam chu a hawi chho a ,a mah hmu lo mahse a room hmuh ringawt pawh chu nuam a ti veng veng thei.

Chhiat tawh na hmun an va thlen chuan an han bih Chiang nghal zung zung a, thu zawh fiah ngai ang pawh an zawt fiah  nghal bawk. An tih tur ang ang te ti zo a in a haw chuan khum ah a bawk nghal thlawp, hna avang in zan an mengrei a, zing an tho hma leh thin si a, mut na hun a nei tam lo hle thin chuvang chuan mutchhuak in reilo ah a zem chiai chiai a, thil ri dawp thawm ah a harh zawk, thawm chu an ngaithla leh vang vang a, mahse eng thawm dang mah hriat zawm a nei lem lo, tho chhuak in rawng a bawl zui a, Larry-a a call pah bawk, mahse call a chhang thei lo, vawi hnih a call a ,a chhan theih loh avangin call zui a tum tawh lo,mahse a Chaw ei lai in Larry-a chuan a rawn call a,phur tak a lo la in “tinge”a ti hman Chauh “khaw pawn ah Larry-a te an insual a,police kha lo kal mai teh u” hmeichhe àw hian a rawn ti a, a tho nghal zawk thei, a Chaw ei lai pawh ngaihsak tawh lo in a tlanchhuak nghal, Larry-a te awm na a va thlen chuan mipa panga vel hian Larry-a chu an lo sual rawn a, an sir ah Saimawii tap par chung in a lo ding.

“E nge thleng a” tiin Saimawii chu a pan hnai a,”khawnge midang,ti ge nangmah Chauh a I lo kal, midang lo hruai ta che” Saimawii chuan a lo ti a,Saimawii chu a chhang lo,chek hlak in Larry-a te lam chu a pan a ” tawp nghal rawh u” a va tu tuarh ,mahse tuman tawp an tum lo, Larry-a pawh a hliam nasat hmel tawh khawp mai, Zomuani insum thei lo chu a au vak a, chung mipa ho pawh chu an tawp Chiang hle “tu nge buaina bul tan cheu,sawi rawh u” a ti tuarh a,mipa pakhat chuan “hmeichhia te te si, rawn inrawlh lo mai rawh” tiin  a rawn panhnai a, Zomuani pawh lo zam duh lo in chupa chu a lo en let ve kar “i chal tlai reuh phian mai a, ka duh chi tak” mipa bawk chuan ti leh in Zomuani dar ah chuan a kuttang in a zút thla a, “Zawnga tawk hlek suh” Larry-a chuan a lo ti tuarh, “hah! Hei tu nula dang nge ni leh ta a, nang hi I nei hlei lo nghei hlei lo an tih ang kha i ni lo maw” tiin chupa chuan Larry-a chu a nuih hak hak a, Zomuani dawhtheih na a pel ta nge ni, chupa ban rek ah chuan lo herh sak in, na zet in a nak nem lai ah a tlawh sak pawp, chupa Rawl chu a ring ngei mai, “hmeli le(h) mipa te kut I thlak ngam le” ti tuarh in rawn hnaih leh a tum a,mahse a hmeichhe khawih tum hi taekwondo black belt ngat a ni tih a hrelo tlat, a sam a tham mai a rawn tum chu lo Kun hniam zawk in ,a zak hnuai atang a tlanpel a,ding chhuak leh thuai in hnunglam atang na zet in a tlawh pawp ,chupa chu tlu Chiang tak a ni.

Midang in rawn hnaih an tum lai chuan a kàwng hnung lam a,a silai pai chu phawrh in chunglam ah a kap puak a, tumah che sawn ngam an awm tawh lo, “tu mah che tawh Suh u, a che leh chu ka kap hreh dawn hauh lo cheu a nia” a ti a, “silai ka ngaina lo” Larrya’n a lo tih Chuan “Rodinglian ngawi rawh” a lo ti chang fak, Larry-a pawh ngawi Chiang tak a ni, a nau te phone in an ni pawh rei lo ah rawn thleng ve a, station lam ah an in phur liam ta dial, a tu a te mai pawh chu an in sawithiam nasa hlawm khawp mai, “min ring lo a mi, ka khawih hmasak an nilo,min en ta che hliam ka tawrh nasat em hi”Larry-a chuan a ti pang pang a, “midang pawn tiang tho khan an sawi” Zomuani’n a lo ti ve tlat, Larry-a tih ngaihna hre tawh lo chu thaw hak in,”min rinloh leh Saimawii zawt ve tawh mai rawh,a mah vang vek a lawm” a ti a, Zomuani chuan a mit a lo ti che ralh, “chu hmeichhia vang in in buai tihna ,chu pawh Saimawii” a tih Chuan Larry-a a buai leh si ,”hmeichhia vang tih ah,, aaa! I ngaihdan ang kha a nilo,Saimawii chu va zawt tawp rawh, ka sawi peih tawh lo” Larry-a chuan a ti hluk hluk a, Chiang zet a Larry-a en in Zomuani pawh Saimawii an dah na lam ah a phei a .

Midang lo awm hnen ah chuan ‘keinah ka lo chhunzawm a nge” tiin midang zawng chu a chhuah tir a , “le zep awm lo in engkim sawi rawh, nangmah vanga buaina thleng a ni tih ka hria,chuvang chuan zep khan awmzia a nei dawn lo” a ti nghal hmiah, “ka Ning tawh em ni” Saimawii chuan a ti a ” eng chu maw i nin” Zomuani’n a lo ti thuai ,chutah Saimawii chuan mittui tling pam chung a zomuani rawn en in “kan inchhung saw ka ning, ka pa án hla ngaihthlak reng ka peih loh a  vang in ka chhuak a, sawng zing a pakhat nang man I khawih pa kha ,ka bialpa a ni, an ni ho zing ah khan ka kal a, mahse rilru diklo an ni chuan lo pu in,an vai khan min sual rawn an tum a,mahse Larry-a, khaw thenawm a a kal haw khan min rawn hmu in ,min rawn chhan a,khang tiang kha kan ni ta nuai a nih kha” a ti ta a, a in sut pah hlap hlap bawk, a nihna tak ah chuan an naupang lai in ti duhdah viau thin mahse, a lo din tawh na ang dinhmun a a han ding ve chiah chu, Zomuani chuan Saimawii chu a khawngaih viau. Thil reng reng chu a tuar tu Kan nih ve phawt loh chuan,emaw an tuar tu te tawrh ang Kan lo tuar ve tawh a nih loh chuan mi harsatna hi Kan hriatthiam pui tak tak thei lo thin.

Saimawii kà atang engkim a Chiang ta bawk a, chung mipa rual ho chu lock up ah khung ni in, Larry-a erawh chhuah a ni thung, ‘lo kal teh” tiin Zomuani chuan Larry-a ban rek ah chuan a chelh a, a in ah lungphu in thuthleng ah a thut tir a, “enge maw i hriat le” Larry-a chuan a lo ti nuah nuah,”ngawi la lo dawh tawp rawh” Zomuani chuan tiin, first aid box a la a, a hliam lai ah damdawi a hnawih sak mawlh mawlh, “ka ngaihtuah che tih i hria em?” Damdawi hnawih mawlh mawlh chung in Zomuani chuan a ti a, Larry-a erawh a ngawi reng, “a hma ang a hmeichhe dawihzep ka ni tawh lo ka tih kha, tun atang Chuan ka venghim tawh ang che,tuman ka lak atang an lak hran che ka duh lo” a tih leh chuan Larry-a chu a lo nui chhuak hawk a, “nuihzatthlak ka sawi em ni” tiin Zomuani chuan a lo melh ralh, chutah nuihza I sum tak in Larry-a chuan ” I thusawi kha ka sawi awm zawk tak a ni” a ti a.

“I sawi awm zawk a nih na a awm kher lo,ka sawi zo vek tawh” Zomuani’n a lo ti thung, “chuan keini pahnih hi enge Kan nih” Larry-a en ràn chung in Zomuani chuan a ti leh a, tun a a in rintawkna hi tuma tih chhiat sak theih a ni pawh in a lang lo, Larry-a chuan chhang nghal mai lo in a en vang vang a, “khatih hun lai khan eng vang a min hnawl nge I nih” tiin a zawt let ta khauh, “ka sawi tawh kha ka dawihzep vang a ni, i hriat ang in keichu school leh in lam ah nghaisak tawk thin ka ni a, chuvang chuan kei ang mai mai kha chuan ka phulo che a lawm” a ti dul raih a. .

“A nih tun ah hian min Phu tawh I tih na em ni” Larry an a tih Chuan ,Chiang zet in a mit ah Zomuani chuan a en a,”i lak a ka rilru put hmang te lantir tur in ka huaisen tawk lo thin, mahse tun ah chuan khang ka dawihzep na te kha ka phum bo tawh, ka neih theih na tur che a nih dawn chuan engpawh ka ti mai ang” thu takzet in a ti a, Larry-a chuan lo awm hnaih deuh in, “min neih theih nan engpawh tih I huam takzet em?” A ti a, Zomuani a lo bu nghat ,chutah “i kawr phelh rawh” Larry an a ti chiah chu, Zomuani chuan a nam sawn nghal lawp, “eng pawh tih ka huam i tih kha ,min dim lo hle mai,hliam ka tawrh hi” Larry-a chuan a ti nang nang, “kha,khatiang lam ka sawi lo, engpawh tih ah khan khatiang kha a tello” Zomuani’n a lo ti bah ve nak thung, Larry-a chu a nui hak hak a,”ka uang a nihkha,lo kal teh” tiin Zomuani kawng ah chelh in a lam ah a pawt hnai a,”hei hi chu pawi i ti lo tur ah ngai ang” tiin Zomuani’n tawng leh a tum lai chuan a fawp a, Zomuani pawh a ham haih rei bik lo, buaina kar ah hlimna an chhar a nih ber chu.

Chutia an inkar tha ta chu Zomuani in chu Larry-a second home a ni ringawt, a hna interview na result a la chhuak lo bawk nen,a hman si, a chhun zan in Zomuani in ah a awm a tap chawt a, Zomuani pawh a thawhpui te leh Larry-a chhungte lak ah a inthlahrung thei viau,mahse tih ngaihna vak a hre bawk silo, Larry-a a lo ngai ve tho nen a awm dan ang ang chuan a en liam tawp.

Tum khat in a tv an lo en dun lai chuan, a nau Zeli kha hlau hlawp in a rawn tlan lut a, Zomuani te chuan an lo buaipui nghal thuai, “a,a u police, apa in a nu leh a u a sawisa nasa lutuk” tiin a tap hliam hliam a, Zomuani chuan a nau chu pawm in an thenawm te in ah a dah a, Larry-a nen hmanhmawh deuh in a pa te in lam ah an tlanthla nghal a, an zu thlen chuan thenawm khawvel an in kawt ah an lo bàwr laih mai, inchhung atang kawngkhar a kalh tlat avang in tumah an lo lut thei lo hi a lo ni, inchhung ah lah apa chu a in hro-sa nasa in hmeichhe hlau tap hlawp hlawp thawm lah ring tak a ni, “Lalmuankim kawngkhar hi hawng rawh!” Zomuani chuan a ti tuarh tuarh a,mahse kawngkhar chu tuman an rawn hawng Chuang lo, “dan in I chung ah ro a rel khawp ang aw” ti te chuan kawngkhar pawn lam atang a vo nasa mai.

“Awm sawn teh” tiin Larry-a chuan nazet in kawngkhar chu a rawn su a,mahse a su chhe mai thei lo, inchhung ah lah kut an inthlak nasa mai si, Zomuani tih ngaihna hrelo chuan ,pawn a an hreipui dah chu la lawk in,kawngkhar chu a chek ta pawp pawp, kawngkhar an cheh chhiat hnu chuan inchhung ah lut nghal thuai in,chhuat ah Saimawii te nufa chu an lo tlu sawp niai a,chu chu apa Chuan a lo chhir zui pawp pawp, Zomuani chuan apa chu nam sawn thuai in, sawimawii te nufa chu a buaipui nghal a, “hmeli,he in ah hian awm duh lo in i chhuak a ni lawm ni,eng vangin nge i rawn inrawlh ” tih leh apa Chuan Zomuani chhip sam a tham chu a rual a, “i in rawlh na tur a awm lo ka ti a ni lawm ni” tih leh a hmai a ben chu a rual a,a beng na thawkhat bawk a niang Zomuani hmai chu a sen nghal tan tan mai.

Larry-a thinrim chuan apa chu a rawn tham nghal nawk nawk ,”i kutthlak hi tunge a nih i hria em,vawikhat pawh kut han thlak leh teh, i nasa lo khawp ang”Larry-a chuan a ti khur khur, Zomuani chuan a pa chu pan hnai in,’tun a mi kha, kut min thlak na hnuhnung ber ni rawh se, khang Kum kal ta zawng zawng chung khan I lo danglam ve tawh ka beisei a,mahse in siamthat a hnek in a zual Kai zawng hlir in i khawsa a,tun ah chuan a tawk tawh, tualthah tum case ka awrh tir che a nga, i dam chhung hun jail ah ka hman tir ang che” a ti ve ta nghat nghat a, “i pa hi min tàn tir ang maw” thinrim zet in a pa chuan a ti a “aw ka tan tir ang che,ka theih loh I ring em ni,he lai district OC ka nih hi ,ka theihloh I ring em, tun tum ah chuan i chhuak leh mai mai tawh lo ang”  Zomuani chuan a ti ve tuarh. Station lam ah Larry-a chuan a hnuk chho dawt dawt a, tal nasa viau mahse tlangval tha chak zawk chu a hneh bik lo.

“Nangni pawn he in hi chhuahsan rawh u,ka pa chu keiman ka chingfel thei,in himna tur ngaihtuah ang cheu” tiin Zomuani pawn Saimawii te nufa chu a kalsan a, thenawm khawveng ten engtin nge an ni nufa chu an tih a,damdawiin lam ah an hruai ta em tih lam pawh ngaihven zui lo in station lam a pan ve nghal nal nal.

Station a thlen chuan apa chu a nau te hi in an lo hlap deuh thak thak, “I tha em?” Larry-a chuan a ti a, Zomuani chu a lo bu nghat, “engtia tih zel nge i tum” a tih leh chuan “ka hrelo,sual hle mahse ka pa a nih na a bo dawn Chuang silo, hrem loh in chhuah leh ngawt dawn ila, a nun a sim chuan siloh chuan a nupui fanau ten an tuar leh dawn si” tiin thawk a la halh a, “Pathian hi chu a fair lo ngawt mai,then khat chhungkaw hlim tak a pek laiin,thenkhat ve erawh mahni in chhung ah pawh an hlim silo” a ti leh a, “chutin Pathian dem Suh, a chang chuan a rorel dan hi hriatthiam a har thin ,mahse vanram kawng hi a ngial lo tih a nihkha,khawvel a Kan awm chhung chuan buaina leh harsatna Kan tawk theuh dawn,Kan buaina tawh te a in ang lo mai chauh a lawm” tiin Larry-a chuan a lo hnem a,tun ah tak hian Larry-a chu awm lo se tun aia a hreawm na ai a nasa hian a hreawm belh ngei ang.

Zan a ral a,zing a lo nih chuan zomuanii kawngkhar chu an rawn chum dawt dawt, peih lo deuh a tho chhuak in “ka lo hawng” tiin kawngkhar lam chu a pan a,kawngkhar a va Hawn chuan constable pakhat hi lo ni in, “madam,i pa tukin khan jail atang a tlanchhuak,” a rawn ti ta mai, “engtin nge a tlanchhuak theih a” Zomuani chuan a ti a,”a cell kan kalh na talà kha engtin tin emaw a lo hawng a niang” constable chuan a ti a,chutia an lo din dun lai chuan
Saimawii mittui tla phung in a lo tlan hlawp hlawp, “enge thleng” Zomuani chuan lo ti thuai in, ” ka,ka pa” tiin a tap a, “e nge ka pa chu!” Zomuani chuan a ti a, chutah Saimawii chuan “a,a thi,ka pa a awm tawh lo” a ti ta mai,Zomuani chu a bing nghal mup mup, “lockup ah a awm emaw kan tia, zing kan tho inhnuai ka lut kha a lo inkhai a” tiin a tap zui hliam hliam a, in lam pan in an tlan nghal thuai.

Apa chu a ngai ngai in a lo la in khai a, apa chutia mahni nun na la a lo inkhai ta mai a hmuh chuan Zomuani rilru chu a na kher mai, mahse a mittui erawh tih tlak a tum lo, “I tha em?” Rawn ti tu chu mit sen ràm chungin a en a, Larry-a a lo ni, “ka tha” tih zawng in a chhang,mahse a tha lo a ni tih chu tu pawn an hria ang, postmortem te a nih hnu ah, apa chu chu vui liam a ni a,a nu leh a nau pawh apa chu na ah chuan tel ve in,kha chen nupa ang a lo khawsak pui ve ta chu Anu rilru pawh a na tih hai rual a nilo,a nau erawh apa an chhuahsan khan a la naupang a, han lak nat viau ngaihna a hre lo.

A nu leh a nau te haw dawn ni chuan apa thlan chu an va tlawh ho vin, “nu ka pa hi vanram a kai I ring em?” Tiin a nu chu a zawt a, Anu chu ngawi vang vang in “a nun kha a chhe em a, a kai kher lo maithei a ni” Anu chuan a lo ti zuai raih, a nu leh a nau te haw hnu ah Larry-a nen Chauh apa thlan chu tlawh leh in “ruihhlo a tih loh chuan a fel ve thei lutuk, ruihhlo bawih ah khan a tang hneh em a, hetiang hian a nun a tawp ta chu a ni mai si a, a damlai khan sual in a chanchin tha lam sawitur awm lo mahse, ka pa a ni miau a,eng ang pawn Kan chung ah lo khawsa se, pa a nihna ang a ka hmangaihna hi a ral thei tak tak lo, thisen chu tui ai ngawt chuan a lo chak zawk a nih hi,a lehlam zawng a ngaihtuah chuan a mah avang a Kan tawrh na khan tum ruh na minpe a ,chuvang Chauh a tun hun hi thleng thei ka ni,kan tawrhna kha malsawmna Lalpan a chantir a,Lalpan a thlarau chung ah zahngai mawlh teh se” Zomuani chuan a ti sep sep a, “pa leh fa in zawmna hi chutiang mai a chat thei a nilo reng asin, i pa lak ah I thinrim in i lungawi lo pawh a ni thei,mahse pa leh fa inzawm na hi a thuk asin” Larry an a lo ti ve bawk,Zomuani mittui chu lo luang in, “tinge a damlai khan a lu chung ah kut nghat in vawikhat tal ka lo tawngtai sak loh le,inchhir a sâwt tawh silo ,a thlarau kal na tur ka ngaihtuah hian ka na em a ni,” a ti a, ni e, kan hul kal tawh a kan thil tih loh leh,Kan tihsual tawh te kha siamthat theih a ni tawh silo a,inchhir in awmzia a nei lo, chuvang chuan engkim Kan tih dawn in Pathian rawn chung zel a ,ngaihtuah na fim nen thutluk na Siam pawimawh ziah a hun tawn mek atang Zomuani pawn a hre Chiang ta hle.

“Kal phawt ang nidag ah Kan tlawh leh dawn nia” tiin Larry-a chuan a dar ah a kuah a, a pa thlan chu en vang vang in, “mangtha le pa” a ti sep a.

A tawp ta.

Leave a Reply