You are currently viewing Zorinpuii

Zorinpuii

Spread the love

“Bawiha vawiin hi Rinpuii chhuah ni tur kha a ni lawm ni” ti pah in ka thianpa Valpuia chu ka room ah  a rawn lut a, keipawh chhuak tur in ka lo insiam ve mek.

“Aw ni e, hei keipawh ka insiam mek” tiin ka lo chhang, ka insiam zawh hnu ah kan thiandun chuan Zorinpuii hruai tur chuan central jail lam pan in kan in khalh chhuak a, kan thlen chuan Rinpuii nu leh pa bak ah a unaupa Thanzuala te pawh an lo awm tawh , ti chuan Zorinpuii lo chhuah hun chu kan lo nghak ta thap a,rei vak lo ah kan hma a gate lianpui chu rawn ri tuah tuah in ka hmangaih Zorinpuii ngei mai chu a rawn penchhuak ta chhat chhat a, a chhungte chuan an lo buaipui nghal vat , anu phei chu a tap hial mai, Zorinpuii erawh a nui sen sen a a mah kuah a tap mek anu hnung ah a beng thek thek bawk, an chhungkua a an in chiau au lai chu hnukulh lek lek in an chhak deuh atang ka lo thlir reng, “bawihte tun ah chuan kan in ah i haw ve thei ta,i room ah ngei nuamsa tak in i mu thei tawh e” Nu Siami,Rinpuii nu chuan a ti mawlh mawlh a, a fanu chal leh hmai vel ah te chuan a fawp pah mawlh mawlh bawk, “le, mama nu hei Tluanga te pawh an awm hi,hun pe ve tawh la” a tih tak ah chuan nu Siami pawh in ka awm ve a ni tih chu a hrechhuak leh a niang, “ni dawn tak, ka hlim lutuk a Tluanga a awm ve tih lam reng reng ka lo ngaihtuah lo a” tiin a mittui a tuaihul zui mawlh mawlh a, a nui pah hak bawk, chutia apa in ka hming a lamrik rual chuan Zorinpuii chu a hawikuak nghal ruai a, min zawng a ni tih ka hria , an chhak deuh a ka lo ding tih a hmuh chuan chiang zet in min rawn en a, he a mitmeng fiah tak a min en hi chuan a zun ah hian ka uai nawn awn awn thin ni mai in ka hria.

Min rawn hmuh tak ah chuan a hma zawng a a mittui tla hmuh tur awm lo kha,a biang ah mittui a rawn luang tiam tiam a,a theih tawp a chak in ka lampan chuan a rawn tlan chho  nghal a, ka hmazawn ah a rawn ding chat ,a mitmeng fiah zet chu a mittui tlingpam avang chuan a phe chiai mai, ka nuih seih rual chuan ka ban ka phar hluai a  “lo kal teh” ka ti sup bawk, chutah Zorinpuii chuan nghet zet in min rawn kuah ta a,keipawn nghet zet in ka lo kuah let ve,naupang ang mai in Rinpuii chu a tap ri nghal hlawp hlawp a, duat zet a a sam a chul pah in “tun ah chuan i him tawh e , ka naute lian,ka Thuro hi tu man a mittui an tih tlak ka phal tawh lo ang” ka ti nghet charh.
Zorinpuii nen kan thawnthu hi thawnthu sei tak a ni a, kan intawn tirh atang a tun dinhmun kan thlen dan hi thawnthu ngaihnawm tak a nih ka ring, a bul atang kan sawi dawn a nge.

Kei hi Zothantluanga ka ni a kum 30 val ka ni ve mek bawk, ka thiante leh ka chhungte hian nupui nei ve tawh tur in min nawr fo a,kei erawh in nupui neih a hnek in hmeichhe lam ka buaipui teh chiam lo, hetia tlangval tawngawl nih a mahni dun na lam hawi hawi a then vel hi nuam ka la ti rih tlat, mi nazawng in “nupui nei ve tawh rawh,i hun tawh” an tih hi chuan ka thinrim lek lek zawk thin,  ka nupui neih leh neih loh in tu chaw bar mah a tibuai pha lo tlat.

“Bawiha khawi ah nge i chhuah leh dawn a,tun ang zan tlai tawh ah lehnghal” helmet keng chung a kawngka lam ka pan lai chuan ka pa in min lo ko ding a, “veng thenawm ah ka va kal lawk a nge Valpuia bike a chhia a a haw thei lo a nih hmel” tiin ka chhuak zui nghal, sana ka en zeuh a dar 11 a lo ri thuak tawh ,bike la chhuak in Valpuia awm na veng thenawm lam pan chuan ka in khalh chhuak a, a awm na lai hmun ni a a sawi ka va thlen chuan a bike bul ah a lo ding a, “engtin nge a chhiat a?” Ti a ka zawh chuan “thil hriam ka rap a nih ka ring a ke hi a thep daih a,tlan luih ka tum viau na in ka thei ta lo a nih hi ka thil rah a lian a ni maithei a ke hmalam hi a kak zau ang reng a” tih pah in a bike ke chu a chhuih zauh a, “engtin nge ka tih dawn” ka tih chuan , “sawlai deuh ah sawn hungrem ila zing ah ka va la mai ang, zanin ah chuan a buaithlak tawh” a lo ti mai a, zial te phawrh in kan han tan leh te te phawt, kan awm na lai tak hi in awm khat na lai  a ni bawk a, zan a lo rei ve tan tawh bawk nen vei vak hmuh tur an awm tawh meuh lo.

Eng eng emaw kan sawi chhungin zial tlawn khat chu kan zu zo ve mai,tichuan kan thiandun chuan kan inphur haw ta a, Valpuia nen hian tette atanga inkawm tawh ni in , kan school kalna pawh college kan rah thleng in a in ang chho zat zat thin , a ni hi kei aiin kum khat in a naupang na a kan in thlau lo bawk a ka hriat ah vawikhat mah min la u lo,thian inkar ah tul ka ti hran lo bawk, kan in leh an in inkar ah hian in pathum vel chiah a awm a, kan inhlat lo bawk a kan in kalpawh deuh zut reng mai,ka duh hun hun ah an chawbel ka zen ngam ,a ni pawh a bang bik chuang lo.

Zing ah chuan “min va lakpui teh mahni chuan a buaithlak” a tih deuh tlat a vangin peihlo deuh in ka mu lai ka tho chhuak a, ka bike bawk in kan inphur chhuak leh, bike kan hnutchhiah na hmun kan thlen chuan  patling pahnih hian an lo en uluk hle, “kan nawr mai dawn nge, engtin nge kan tih dawn” ka tih chuan patling pahnih te chuan min lo en vut in, “e, bike hi in ta a ni maw, helai ah hian a lo in hung ngawt bawk sia, a neitu awm ang kan veng ah kan hre silo a kan lo thlek uluk viau a” a tih chuan, “nia nizan ah ka haw turin thil hriam ka rap palh a, a kak zau ang reng sia ka hnutchhiah ta tawp a nihkha” tiin Valpuia chuan a lo chhang thuai.

“Kan nawr haw mai dawn nge,chaw eikham lam ah a ke thlak tur in kan kal mai dawn” keichuan ka lo ti leh, “a tir ah sawi tur che a nia, a ke thlakna tur lo keng nghal mai ila tha tur” Valpuia chuan a ti nuah nuah, a rem nen engtin nge chutia ngaihtuah nachang kan lo hriatloh zawk ni.

“Vawiin chu i nau te an awm tho bawk a dawr kal tlai hret mai rawh, a ke hi min thlakpui lawk dawn nia, heta kan thlak mai loh chuan” Valpuia chuan a ti a,keipawn pawi ka ti lemlo a ke thlak ringawt chu a har chuang lo bawk a. Chutia kan lo din khawm thap lai chuan hmeichhe pakhat hi kal zuang auh auh chung hian kan lampan in a rawn zai phei rat rat a,nula puitling ve uai tawh si chutiang a rawn kal zuang auh auh chu mak ka tih deuh avangin ka hmu duh viau mai, a rawn hnai zel a keipawn ka la en reng kan bul a rawn thleng tep tih ah chuan “haw mai pawh a pawi lo,bike hi kan turn a nga kan haw mai dawn nia, haw lam chu kan khalh ve thung a nge” tiin Valpuia chuan ka bike chahbi kenlai chu min laksak in bike chu a tinung a,  nula pawh chuan kan zawn a rawn thleng ve chiah,mahse Valpuia in turn tum in bike an rest chuan kan bul lo thleng tawh nula chu a phu zawk a,metal char ah a tlusawp nghal niai mai, a beng hup in a kun chal a “ka..ka hlau,hlauhawm” ti a phun  mawlh mawlh in a lu chu a thing pah nar nar bawk, a bul ah chuan thu hniam ve thuai in , “i tha em nula?” Tiin ka bia a, a ni erawh chu “hlauh..hlauhawm” tiin a la phun mawlh mawlh ,ka thusawi chu hria ang pawn a awm lo, a awmdan chu mak ka ti khawp mai han tih vak ngaihna lah ka hre bawk silo,bike bul a lo awm patling pahnih te kha kan bul ah an lo kalhnai a,

“Rinpuii chu(h) i tha em?” Tiin an rawn buaipui a, an hmelhriat a nih te chuan a tir ah khan rawn buaipui nghal vat tur a nia, ka ngei ru ang reng khawp mai, Valpuia bike turn zo pawh rawn kal ve in thil awmzia min zawt a,ka hriat ang ang ka hrilh ve na in a hrilhtu tak a pawh chu ka hrilhhai viau mai.

“Rinpui hlauh tur a awm lo aw,a tha vek a nia” tiin patling te chuan an tawng thlamuan mawlh mawlh a, hmeichhia chuan mipangai a pha chiah lo ni in ka hre tawh bike rest thawm mai mai pawh a hlau a nia, “anu khan han call teh lo hruai mai teh se” a sa tha zawk chuan  tiin, pakhat zawk pawh chuan a phone a phawrh zui ve nghal zat bawk, “a rawn thleng har lo ang,tinge maw a mah te a an chhuahtir reng reng le aw” phone hmang zo chiah zawk chuan a ti vawng vawng mai, Rinpuii an tih pawh chu tlem in a rawn ziaawm ve ta deuh a, inthlahrun hmel deuh in a mit a khap fak fak reng mai,a sam chuan a kawng a thleng lo deuh a,kir ni silo in kawi deuh bawk, a mitmeng a fiah in a hmeltha tel hle tih kan sawitel hram a nge, a fu ke lah  duhthusam in a nalh lehnghal, thlir vawng vawng a awldawn hle a nih hi ka ti ru nauh nauh.

“Bawihte awi, a zialo e mai, bathroom a ka luh lawk hlan in a lo chhuak daih a, ngaihtuahawm a nih vak tawh loh nen, thawm ring deuh hi a la ti hleithei meuh lo a” anu ni awm tak kan bul a rawn thleng chuan a ti nghal zung zung a, “nia hei, thildang vak pawh a nilo bike rest thawm vang khan a buai deuh mawle” call tu zawk khan a lo ti a, “kapi hei keimahni hi a nia bike rest tu te chu, kan thiamloh a ni kan lo ti hlau a” tiin thupha ka chawi a, “in thiamloh a ni hleinem, ka fanu hi buaina zawk chu a nia, mahse a tha leh mai ang kan hruai haw phawt a nge” Rinpuii nu chuan a ti zung zung a, a fel hmel viau mai, “a nih u kan han haw phawt a nge” a mah bawk chuan a ti leh a,chutah a bul a a fanu ding chuan, “a nih u kan han haw phawt a nge” anu tih ang chiah chuan a rawn ti ve a, ka melh nghal zawk ,a mitmeng bial kal,fiah zet si chu a khap fak fak a ka nui chhuak hawk a awmdan chu duhawm ka ti tlat a nihchu, ka nui tih a hriat veleh Rinpuii chuan min rawn en a min han enchiang em em mai lehnghal, chutia min lo en tak ah chuan nelawm tak in ka lo nuih a, a nih pawh a nui ve ta sen sen mai, biangsum a nei a a nuimawi em em mai lehnghal.

An nufa a an kalliam thleng chuan ka enzui ta reng,khatiang khawp a hmeichhe hmeltha leh duhawm kha ka pian a hnu lam ah ka la hmu ngai lo, “Rinpuii hi chu a khawngaihthlak ngawt mai, a hmel a that tehlul nen ,hetiang lo deuh hian hringnun hi hmang ve thei se tha tur” patling pakhat zawk chuan a ti zui vawng vawng mai, a thusawi chuan keimah ang lo tak in ka beng a verh tlat, Valpuia’n “kal ila” a tih pawh chuan “lawk aw” ka ti a , “kapu tun a nula kha e nge a awmzia, tawng mawilo nilo se mipangai a pha chiah lo em ni” tiin ka zawt a.

“Aaaa, nia mipangai a pha chhiah lo a, mahse a thluak erawh a chang chuan a fing viau zel mai, autistic natna a vei a , kum hnih a tlin khan a natna hi a langchhuak chauh , in enkawl ve viau mahse enkawl dam tak tak theih a nilo a, a khawngaihthlak khawp mai kan veng mihlun hi an ni bawk a kan veng ah chuan Rinpuii hrelo hi chu an awm mang lo ang, mipangai a phalo e kan tih lai hian a chang chuan mipangai te ai mah in a fing fel zawk” tiin min chhang deuh duah, Rinpuii chu ka ngaihtuahna ah a awm zui rauh rauh mai,nula hmeltha tak ni si in natna run thlak tak a vei chu a nia,khuanu pawh hian a kutchhuak mah nise a thik leh ta si em ni ti a ngaihtuah tham hial khawp in a lawm a that ni.

Hetiang natna hi ka lo hre ve tawh thin a Mizoram ah tak hi chuan za a sawm vel bak hetiang natna hi vei an la awm lo, he natna hi a mihring a zir in chi hnih in a inthen hrang veleh a, mi thenkhat ah chuan he natna hian an thluak tibuai in an chhia leh tha hriatna an hmang mumal thei hauh lo, chutiang a nih lai chuan mi thenkhat ah erawh an thluak hnathawh a chak phah em em leh lawi si he natna hi mak ve tak chu a ni,maherawh chu a tlangpui in mipangai aiin an tawng dan leh kaldan, an chezia hi a danglam deuh a ka sawifiah thiam chiah bik lo, natna run thlak tak chu a ni.

In ka thlen hnu thleng in kha hmeichhe pawisawi lo zet hmel kha ka mitthla ah a cham zui ta reng, chutia hmeichhe pakhat chuta kar ah mipangai pawh pha chiah lo lehnghal ka ngaihtuahna a  a cham ta reng mai chu duh lo in kan in thing leh nawk thin,awmzia erawh a nei tam lo khawp mai. Tukthuan ei zawh lam ah Valpuia bike ke thlak tur chuan kan kal leh ta a ,dawr pawh nidang aiin ka kal tlai ta deuh.

Valpuia bike ke  chhiat atang khan karkhat a liam leh tawh a , ka dawr lam ah ka buai ve tho bawk nen veng thenawm lam pawh ka kal leh hman ta meuh lo rilru ah erawh Rinpuii kha a cham veng veng reng thung. “Bawiha zanin chu Nghaktei te in lam ah min va chuankai pui teh” Valpuia chuan a rawn ti a , ruah a tla cherh cherh bawk nen ka peihlo khawp mai.

“Nangmah in va kal mai la, ka bialnu pawh nilo,i bialnu zawk a lawm”ti a ka chhan chuan, “ngawi la insiam thuai mai teh” a lo ti hluk thung,peihlo deuh in keipawh ka insiam ve leh ta nge nge e, hepa hi chu a hnial theih tak tak loh . Bike ken na chi a nih loh avangin kapa car kan la chhuak a, “va dim hle ang cheu in tlan ang puat puat zel lehnghal” tiin kapa in kan kaldawn ah tha deuh in min hrilh hlak kha. Nghaki te in kan va thlen meuh chuan duhthusam in ruah a tla tam tawh, tun ang zan berkher a lenchhuah a ti tlat chu ka lungawi thei meuh lo ka phun nuah nuah reng mai, Valpuia lah in ka an hla eng ah mah a ngai der bawk silo, ruah a sur nasat deuh avangin inchhung ah kan lut mai thei lo, car atang chhuak ringawt pawh ni ila khum kan nei silo a kan huh zawr vek hman ang, kan car hun na leh an in inkar hi a la zau ve ang reng vang a ni, tih ngaihna dang awm hek lo Valpuia chuan Nghaki chu call in keini  pahnih chu min lo hruai mai tur in a ti ta a, phone atang Nghaki pawh chu a ang hlak nghe nghe tun ang khawchhe kar a len kha a tullo ve bawk em a ni. Keini pahnih chu nghaki chuan min rawn hruai ta a, Valpuia leh Nghaki chu inzawn in kei erawh in nihliap dang ka khum thung.

Inchhung kan lut a ka mi hmuh avang chuan ka ding deuh dawt,mitmeng fiah zet a min lo melh kiau tu avang chuan ka zam lek lek a nihchu, thuthleng ah a ke pahnih hlang in tv remote a lo hum ran bawk, a bul ah chuan ka va thu ve a, a ni erawh a bul a ka thut vang nge a lo tawlh hla hret thung, tv remote hum reng e tilo chuan tv tak pawh chu an on chuang lo, an off deuh chiah te pawh a ni maithei, “hei chu(h) tinge tun ang ah te a rawn len a” tiin Valpuia zawk chuan Rinpuii chu a melh zeuh a “Rinpuii hi in hria em ni?” Valpuia zawhna pawh chhang lo in Nghaki chuan zawhna a lo zawt let thung, Valpuia chuan Rinpuii kan hriatdan te chu a sawi thuak thuak a, Rinpuii chu la melh leh zeuh thin a ni erawh tv in on lo lam hawi in a ngawi reng a tawng a tum ve miah lo a nih hmel.

“Nia a nu te an zin a kan in ah tunkar chhung chu a awm ang, a mah hi a chhuak vak lo reuh lutuk a naktuk chu bazar ah ka kalpui ang” Nghaki chuan a ti a, zawhna tam tak ka nei a Rinpuii chu ka hrechiang chak viau bawk,mahse zawh dawt kha ka hreh si a,nakin ah a ma awm loh hun ah a chanchin chu Nghaki ka zawt ang ka ti rilru ta tawp, “Rinpui, i mut a chhuak tawh em?”  Tiin Nghaki chuan a zawt a, “chhuak..chhuak hran lo e” tiin a lo chhang ve mai ka rin ai tak in a chhang fel fai a,  maherawh chu a tawng zawng a a hawireng erawh a dik chiah lo na in mipangai phalo a ni tih a hriat vak loh.

“Rinpuii chu i nu te i ngai em” tiin naupang chhia deuh in Valpuia chuan a zawt a, Rinpuii chu a lo nui sak mai, nui mawi hi kan lo ti leh em em khawp a, “khatin naupang chhia deuh in be kher suh, a landan ang hi a ni bik lo a nia, midang i biak ang khan pangai tak in be rawh nang aiin a then ah chuan a fing zawk maithei, puitling rilru pangai ang tho a pu tih hria la” Nghaki zawk chuan lo tiin a nui pah hak bawk. Valpuia chu a nui tawi tak mai tawng fuhlo chu a in ti ve maithei, “a nih chuan Rinpui i chhungte chu engtik ah nge rawn haw an tum deuh a” ti a ka zawh chuan,min lo melh leh kiau tawh a mipa zawk si hi ka khur lo chauh zel zawk nia mawle, mahse min en reilo a, a mit lasawn leh thuai in, “ka,karleh lam ah a niang,thingtlang a kan,kan chhungte boral an awm a” ti a min chhang in a kuttin a sik pah neuh neuh a, tawng lam ah harsatna tlem chu a nei a nih hmel,mahse a tawngdan leh a awmdan engkim chu duhawm ka ti em em vek mai, rin ai tak in a kawm theih a, a khat tawk a a nui leh sen sen thin te chu hmuh nuam ka van ti tak,kei nula lam ngaihsak ngai miah lo hi he hmeichhia en mai pawh a mipangai pha chiah lo a ni tih hriat ngawih ngawih zun ah hian awlsam tak in ka uai der ni in ka hria.

Nghaki te in atang kan chhuah dawn chuan, “khawi maw, Rinpuii number chu min lo pe teh” Nghaki bul ah ka va ti sur sur a , min lo en nghal vut mai, “eng vangin” a ti a ,a awki pawh a sang deuh ka dil thut bawk nen mak a ti deuh a niang, “minpe phawt la ka hrilh ang che” ka tih chuan,”fiamkual mai mai atan chuan Rinpuii saw ka phallo a nia, a dinhmun a lainatawm tawh sa nen” tiin min melh ram ram mai “ka fiamkuak dawn lo, ka duh tak tak ni in ka hria” ka tih chuan dawt ka sawi leh sawi loh hriat tum ni awm tak in  uluk zet in min en a,
“min lo pe mai mai teh,ka tih tak tak leh tak tak loh chu hun a kal a nga i hre mai ang” ka tih tak ah chuan ngaih ngam zan lo chung chuan minpe ta a, kan haw kawng ah Valpuia chuan “i ti tak tak lo ti raw?” Tiin min zawt a, “ti tak tak e” tiin ka lo chhang , ka motor khalh lai chu min en a, “uang lo in” a ti leh hram, “aw, uanglo in ka ti tak tak,ka serious” ka tih leh zel tak ah chuan a thaw hak a, ‘i ngaihtuah chiang em?” Tiin min zawt leh “aw” ka lo ti nghet charh, mipangai a pha chiah lo pawh a ni maithei, mahsela Zorinpuii ang a hmeichhia ka vawikhat hmuh a min hneh thei leh ka vei nghal em em theih hi ka la tawng ngailo, a pawnlam landan chauh thlir tan chuan ‘a awmlo mang e’ tih awl tak a ni ang,mahse a chhungril mawina leh duhawmna hmuthiam  erawh chuan hmeichhe ngaihzawn awm tak a ni tih an hrethiam ngei ang.

Ka serious em avangin Valpuia pawh chuan, ‘i dawhtheih hle a ngai dawn a nia, engpawh nise i thinlung luah ber tu a nih si chuan keichuan ka thlawp che a nia,i lam ka tang zel ang” a ti ta nge nge a, ka nui suk mai, Valpuia hi zawng ka tan thiantha tak a ni a ka thutluk na min pawm sak kha ka ring in ka beisei ruk pawh a ni reng a ni.

In kan thlen chuan a lo tlai ve duai tawh avangin Rinpuii chu ka be duh ta lo law law,bak ah Nghaki khan “message type hi a harsat deuh a,call hi a hmang tlangpui,message pawn laklawh thil ah chuan a biak theih tho, a chhiar thiam vek” a ti kha a nia, bul tanpui ka duh tak tak a nih chuan ka dawhtheih hle a ngai dawn ni in keipawn ka hria, naktuk zan atang ka bia ang ti rilru chung in ka mu a, a nui hmel leh a tawngdan duhawm zet mitthla chung zel in mangram ah ka lut riai riai a. Ka harh leh meuh chuan khua  a lo var uarh tawh, ka tho hma em em ngai hran lo na in hnathawh ka ngaih avangin tlai tak ah erawh ka tho ngai lo, dar 7 hi ka thawh hun tlangpui a ni.

Dawr a kal tur in ka insiam zui mawlh mawlh a,vawiin chu nidang aia kal hma deuh ka duh vang a ni,nimin lam ah bike  siam zawh loh ka nei a,ka naute hian thiam tho mahse bike neitu ber hian ka khawih kher a duh deuh tlat a tin ni, bike leh car lampang paths lampang ka zawrh tel avang hian kan lun ve viau mai. Nileng in dawr ah buai mah ila zan lam ah Rinpuii biak ka tum tih ka rilru a ka dah rauh rauh reng avang erawh in ka ni hman a nuamlo lem chuang lo.

Zan ah chuan Rinpuii number chu ka hmetchhuak ta ngei a , ka zahtheihlohna zawng zawng sawmkhawm in ka call ve ta ngawt, vawikhat chu a ring ral a, mahse beidawng lo in  ka call nawn leh ngat,a la ring ral leh dawn emaw ka tih tawh hnu ah, “he..hello” a rawn ti a, ka thaw huai thei, “hello,Rinpuii a ni em aw” tiin a mah a ni tih hre tho mah ila mawihnai ah ka zawt a, “Aw ni e” ti a min chhan hnu ah, “tu,tunge i nih a?” Tiin min zawt veleh, “Tluanga ka nia min hria em nizan a mi kha”ka tih chuan a reh vang vang a, thil diklo ka sawi ta emaw ka tih hman, “e aw, ka hrechhuak chiah che” a rawn ti hluai a, ka lo nui ri hak,tunge ka nih a lo ngaihtuah a nih hmel.

Tun ah hian ka duh tih ka sawi nghal mai dawn nge,hmaichhan ah ngei ka hrilh zawk dawn, a lak a ka feelings put hmang hi a hrethiam pha ve a ngem tih ka ngaihtuah lai chuan phone chu a ri tut tut a, “Rinpui” ka tih chuan min chhang lo ,phone ka en chuan a lo dah daih hi a lo nia, lu thing nar nar in ka nui hawk ringawt, chumi zan atang chuan zantin Rinpuii chu ka be ta thin a,mipangai tan chuan ka awmdan leh ka tawngkam hman thin thenkhat atang hian,ka duh in ka vei a ni tih hriatthiamna tham chu a ni tawh,mahse tun a ka hmeichhe biak leh hel mek hi midang ang a ni velo a, mi zawng zawng aia hriatthiamna mamawh leh dawm ngai a ni tih ka hre ve kar, chuvang chuan a lak ah ka zaidawh viau bawk. A ni pawh beisei ai mah in a biak theih a, tlem a min han nel deuh chin ah phei chuan a nui duh in a tawngduh ve thei khawp mai, an in ah pawh ka chuangka ve ta zeuh zeuh a a nu leh pa pawh an fel khawp mai, nau mipa pakhat a nei a, chu erawh phai lam ah lehkha zir in a awm a a rawn haw ve tep tawh a nih hmel .

Nikhat chu Rinpuii chhuahpui ka rilruk a, a nu leh pa pawh zanlam ah ka dil vek tawh,a mah Rinpuii ber hian mipui tam na zing a awm hi a duh vak lo a, chuvang chuan hmun thawl deuh lai ka pan pui mai a niang chu, bike chuan a hlauh avangin ka pa car bawk ka chelek leh a ngaih hmel, an in ka va thlen chuan room lam ah a insiam mek a nih hmel,thuthleng ah thu in ka lo nghak ran a,room atang a lo chhuak chu a lak atang mit ka lasawn thei ta meuh lo, kawrfual chhing a khup chanve thleng vel a ha a a kawng a tang tlem in a arh thla deuh bawk convers a bun leh tawp a, bag lian vak lo a phone leh purse leng chang chang chu a ak bawk ,a sam chu sang deuh tak ah a tawn kawhlah bawk a, min rawn en in a nui sen sen mai,chil ka lem khawlh thei nia,  “kal,kal tawh ila” a rawn tih chuan ka ngaihtuahna ata ka harhchhuak zawk, “eng maw,aw awle kal ila”ka ti bah nawk a, “ka,ka tawngdan in i tawng ve a nia” tiin a nui kar kar a, ka tawng bah deuh kha a lo lawm viau a nih hmel,keipawh chu ka nui ve ta suk suk ringawt.

In atang kan chhuah dawn ah a nu chuan “fimkhur ula,chuan Tluanga i kut ah kan dah a nia aw” tiin min chah a, “lo ngaihtuah suh u” tiin kan chhuak ta a, hmun thleng thaw nuam deuh hlek a hruai ka duh avang in Reiek tlang lampang ka panpui ta ngawt a,tlai ni tla tur thlir pui ila a tha phian in ka ring , rin aiin mi an lo tam hran lo a a zia phian mai nula tlangval inngaizawng  ni awm tak hmuh tur erawh an awm pheuh thung,thutna nuam lai deuh tur zawngin ka thutpui a , kan pahnih chauh a kan awmdun vawikhatna a ni bawk a a zam ve deuh a ni maithei a kun deuh chal reng a, a kut a nuai  niap niap reng bawk , ka rilru sawichhuah hun tak a nih ringin ka aw ka thian kharh a,min rawn melh zeuh a,ka lo en reng vang chuan a kun leh daih.

“Rinpui” ka tih chuan, “imm” tih ringawt in min chhang a, “min lo en teh” ka tih chuan “tinge” a ti sep a,min ka en chuang lo, “hrilh duh che ka nei a” ka tih tak ah chuan min rawn en ve ta hram e. “Englo a nia, ka thusawi tur hi engtiang in nge i lo dawnsawn ang tih ka hre lo na in,tun hi hun remchang ber ni in ka hre si a ” kan ti hmasa te te a, a hmui hnuai seh zeuh pah in hnuailam a bih a a kut a khal leh niap niap tawh, chutah a kut chu zawimuang in ka hum sak a, a lo phu uih mai min rawn melh zawk a, avkut ka vuan chu a ngaihna a hriatloh hmel viau bawk, “englo a nia Rinpui,ka duh che, ka hmuh hmasak ber atang che khan ka duh che” ka ti ta, a mit a khap fak fak a chutah a kut ka vawn lai chu lasawn riai riai in, “ke,kei te chu,duh,duh tlak pawh ka,ka ni hleinem, ka tihlim zo lo ang che,natna ka neih hi, mi,mipangai ka nilo,bak ah mi in mak an ti ang che” hreawm tih hmel zet in a ti a,ka thusawi in a thawng viau nge tum dang ai mah in a tawng bah zawk bawk, mipangngai nih a chak zia hi ka hmuh hmaih lo a, mahse keichuan mipangai a ni emaw nilo emaw he hmeichhia kher hi a ni ka duh.

“Nilo e Rinpui, i bul a ka awm hian ka hlim, mi in engpawh lo sawi rawh se, nangin min duh let ve a nih phawt chuan, midang ngaihdan ah ka buai lo, a pawimawh ber chu nangmah i ni” ka tih chuan mittui tlingpiau in min lo en a, “Tluang,Tluanga” a ti tiau a ka kuah thlawp, a ni pawn nghet zet in min lo kuahlet ve a, he hmeichhia hi ka venghim tur a ni, tupawn ,eng pawh sawi rawh se ka phatsan hauh lo ang tiin ka in fuih sauh sauh.

Ti chuan Rinpuii nen pawh pangai tak in kan inzui chho ve chu a ni ta reng mai, an in ah ka tlangnel bawk a ka hnathawh lai tih loh ah hi chuan an in lam ka tlawh zut reng mai, an veng mi thenkhat pawn kan chanchin chu an sawiduh tan hlawm khawp mai,thenkhat in ka fiamkual mai mai a nih an rinlai in thenkhat erawh in Rinpuii a vanneih thu an sawi thung a,thuleng vak a tam khawp mai hetiang a nih chuan ka chhungte beng pawh a thlen ve thuai ka ring,chu vang chuan keimah ngeiin in hmelhriattir na chu nei ila tha in ka hria.

Zan khat Rinpuii te in a ka leng chu ka beisei loh deuh in Valpuia a lo thu reng mai, ka hmu thut chu ka ding dat a a ni erawh thingpui in chungin a lo nui vur vur mai, “e nge i tih ve a hetah te” ti a a bul a ka va thut chuan, “tunlai chu di riallo-a i nia,kawm hman pawh i nilo,chuvang chuan i kal na tur chiang sa ah ka lo thlen khalh tawp che a nih hi” a tih chuan ka nui ringawt , “tak tak a, Nghaki nen kan in ti thiamlo ve deuh a,ka rawn chhuak tau a hetah i kal tho ka ring a haw leh tawp ai ah ka tia ka lutkawi a nih hi” a ti ta a, an in tih thiamloh chhan te zawt in kan sawizui luam , Rinpuii nu leh pa an mu tawh bawk a kan zalen ang reng.

Chutia kan thian dun a kan ti ti mawlh mawlh lai chuan Rinpui’n keichu thingpui min rawn pe a, ka in chiah chu ka mengzau kawk thei , Rinpuii ka en nghal vut bawk,kei aia lian in a lo la meng ve lehchhawng, “ti,tinge a, a sa lutuk a..mi” hlauhthawn hmel deuh a a  tih chuan, harsa ti deuh chungin thingpui chu ka lem a, “a al” ka ti sup, a aia lian in a meng bial leh kawk a, ka in rin hma a ka no min rawh laksak in “ih..chini bawm leh chi bawm a in ang a, ka,ka pawlh sual a niang” inthlahrun hmel tak a tiin choka lam ah a phei a, keipawn ka zui ve thuai,thingpui dang min siamsak tum in a che zui sawk sawk a, a in thiamlo lutuk chu keimah zawk chuan hreawm ka lo ti lehpek tawh, a thingpui siam lai chu a hnunglam atang ka va kuah a, a phu leh zawk tawh, “eng,englo,a,a dang ka siam leh ang che” a ti a, “a ngailo, ka bul ah lo thu ve tawh zawk rawh” tiin a beng bul ah ka nul pah thuak bawk,a ni erawh a lo ip chawih a,
“a, a za” a ti chhuak sep bawk, ka nui hak a, ram ropui kan va thlen har hmel em, fawh erawh vawihnih kan infawp ve tawh, tun hma in midang a la fawp ngailo a,chuvang chuan infawh pawh thiamlo tak a ni, a mit chhing in a indawh mawl tawp a,mahse a zeiloh na te hlei hlei chuan a duhawmna a ti zual sawt thung.

Ka chhungte nen in hmelhriattir ka duh avangin chaw ei ah Rinpuii chu ka sawm a, anu leh pa ka dil chuan,vawiin lam a nau a lo haw dawn thu leh eichhuak rih lo mai se an duh thu an sawi a,mahsela a nau pawh mizoram lam a awm hlen tum tawh a nih avangin kan in lam a chaw ei chu an remti ta hram a ,an fanu dinhmun an hrechiang a  ngaihtuah erawh an ngaihtuah viau mai, Rinpuii pawn “i chhungte chuan min,min duh lo hrim hrim, mipangai ka ni silo” a ti niah niah reng a, a mah a in sit lutuk chu ka khawngaih, a landan ah tawngdan ah mipangai pha chiah lo mahse a rilru ngaihtuahna leh pian phung erawh mipangai nen kan danglam na a tam lo a,chuvang chuan mahni in sit lutuk lo tur in ka ti fo ,mahse awmzia erawh a awm vak lo.

Inchhung kan luh dawn te chuan a zam lutuk chu thawk an la leh hawk hawk thin ,min rawn en a a mittui a lo tling teuh mai, a huphurh ngang a nih hmel, a biang lehlam lehlam ah dawm in “zam suh,ka chhungte chuan duhawm an ti ngawt ang che,” tiin a chal ah ka fawp zeuh a , a kut ah chelh sak in inchhung ah kan in zuilut ta a, Rinpuii chanchin tlangpui ka lo hrilh tawh avangin ka chhungte chuan an lo chiau au tha khawp mai, Rinpuii pawh a huphurh ang aiin boruak chu nuam a tih hmel deuh ni in ka hria, “kan la inbawl peih lo deuh a, kan peih veleh kan ei dawn nia” ka nu chuan a ti siam siam a, “rawng,rawngbawl chu ka thiam lutuk asin” Rinpuii chuan a lo ti vat, nuih hak hak pah in ka nu chuan “bai siam hi keini kan thiam lo reuh lutuk a” a lo ti ve bawk, ka nu hian bai a siam tui ngailo ,kan nula Zorini lah chuti bawk tui an ti tlingpum ringawt zel.

“Bai chu,ka ka siamthiam” Rinpuii chuan a lo ti khauh a,”a ni maw,a va tha ve hawh kan pahnih va siam teh ang” ka ti chuan a ti chul a, ka nu chu ka lo melh vat, Zorini leh Rinpuii choka lam ah an in zuilut a, “nu,bai siam tur in tinge i tih” ka ti nghal,  “aw, ka thiam a tih kha keini Zorini nen kan thiam silo a, bak ah a mah a tlangnel phah zawk dawn a lawm ti deuh a awm kha a thalo zawk” a lo ti mai a,sawidik viau mahse a vawikhat rawn kal na a rawng lo bawl tir nghal chu ka remti vak lo, “khatin tum veu vuau suh, i thusawi engkim kan awih a,kan iai pui lo che rawngbawl tal a thiam em tih hriat a ngai a lawm” ka nu chuan a ti leh a, “nuu!!” Ka ti hluk ringawt, “mawla leh” tih pah in choka lam ah ka nu chu a lut a ,a nui pah hak hak bawk.

Chaw chu kan ei ta a, ka rin ai daih in Rinpuii bai siam chu a tui zek mai, ka chhungte pawn bai siam a thiam thu sawi in an fak ve luam a, Rinpuii pawn nuam a tih hmel hle a nui sen sen reng mai,kei tak a pawh chuan Rinpuii bai siam thiam lutuk chu ka lo hawisan pui deuh nge ka pa in,”then reng lo khan i chaw kha ei rawh” min ti nghat a, ka nui tawp chiang hle.

Dar8 a rik chuan haw a duh tawh thu a sawi a, ka chhungte pawn  an chelh lui bik lo a vawikhat chaw rawn ei na a haw tlai nghal ngawt kha veng inhnaih mahse thil tih chi ber anilo ve bawk a tin ni,  pawn thleng ka nu in min zuichhuak a “i lo leng leh vat dawn nia” tiin ka nu chuan a thlah, ka nu hian Rinpuii hi a ngaina ve tak tak ni in ka hria,ka lawm viau bawk inchhung a hmeichhe awm ten kan kawppui te an ngainat chuan chu tluk a awm lo, mipa hi chuan thil hi kan pawmzam thei mai zel a,hmeichhia hi a buaithlak ber an ni tlangpui thin.  Car lam pan a kan inzui lai chuan ka patea rawn len tum nen kan intawk a,keini pahnih chu min en uluk hle engmah erawh a sawi lem lo,keini pawh car ah lut in Rinpuii chu ka thlah ta a, in ka haw thlen leh chuan dar 10 a ri thuak tawh, ka patea pawh a lo la awm , chutia kei inchhung a ka lut chu min lo ko in an bul a thu tur chuan min lo ti a, ka va thu phei ve mai bawk.

“Mama chu kha nula te inchhung ah i hruailut ve ta elaw” tiin a nui suk a, ka tukhum ka thuai nuah nuah ringawt,hmeichhia ka ngaihsak loh zia hre tu te chuan mak an ti vek in ka ring, “nia kha, bai siam lah kha a thiam khawp lehnghal” tiin ka nu a lo tawng a, patea ka en leh chu a lo thu tak hmel ang reng , “mama ngun deuh in i in ngaihtuah meuh a maw” a rawn tih chuan “aw tinge?” Ka lo ti liam puat, “chhungkaw dinpui tur meuh atan chuan a iai awm i ti ve lo em ni,ka sawi awmzia chu a ni lo pawh hmeichhe pangai tak kawppui tur chu i hmu tho awm si a” a tih leh chuan ka ngaihdan a nilo deuh nghal der,ka patea hian Rinpuii kha a lo iai deuh a ni ngei ang,”hmeichhe pangai i tih chu e nge a awmzia, keichuan Rinpuii kha ka duh,ka hmangaih bawk” ka ti fiah fak.

“Veng thenawm mai a awm an ni a,a chanchin hi chu ka lo hre ve nual tawh, chuan khawngaihna hi hmangaihna emaw ti suh” a tih leh chuan ka ding hluai , “pate” ka ti deuh hrawk bawk “thu rawh” ka pa chuan a lo ti changfak mai ,mahse thu ta lo chuan ka la ding lui ngal tho ,tawng erawh ka tawng zawm tawh rihlo, “sawtiang hmeichhia saw chhungkaw pangai dinpui tlak an nilo, chuvang chuan thlah thei la ka ti khawp mai , rualbanlo lehnghal mi zawng zawng in mak ti in an thlir mai ang che, han innei chiah ula ti ti siamtu in ni mai dawn asin” patea bawk chuan a ti leh a, ka ngaihdan a pel tawh “pate rualbanlo te hi hmangaih thianglo an ni em ni,chutiang ziak chu a lo awm reng reng em ni , rualbanlo te hi maw hmangaih phu ber zawk asin an nih,rualbanlo hmusit  a hnuaichhiah ching mi chu an tluang tak tak ngai bik lo” ka ti ve hmak,ka awrawl pawh ka dim lem lo.

“Min va zahlo ve , i hma ngai in ka hrilh che a nihchu” tiin patea awrawl pawh a hma ai chuan a ring ve ta deuh, “tunlai ah tuman rualbanlo an hnusit duh tawh lo nang ang in, ka hma i ngaih vang ah chuan puh miah suh” ka lo ti ve leh hmak, “a mai mai chuan ka beng dawn che em maw ni,thu tha reng reng hrilh theih loh mai”patea chuan a ti leh hluk a ka kut ka hum ruh ngat ngat viau mai, keichu engtiang pawn min sel in  min hau rawh se pawi tihna ka nei lo, mahse Rinpuii, khawvel hmeichhia ka hriat tawh a zawng a pawisawi lo ber mai ka hmaichhan a an sawichhiat erawh ka duhlo hul hual.

“A tawk thu rawh u in zahpuiawm dun emai, Tluanga nangpawn i patea i zahlo lutuk, Muana nangpawh thu rawh” ka pa chuan a ti ve tha thak a , patea chu la phun hluk hluk chungin a thu a,kei erawh ka ngawi ngal tawh engtiang pawn sawi rawh se ka thutlukna erawh tuman an ti danglam dawn lo Rinpuii hnen ah a mah venhim ka tiam tawh a ,mipa ka ni a ka thutiam chu ka hlen ngei bawk tur a ni.

“Muana rualbanlo te hi pawngpaw en hniam nghal ngawt loh tur,mama pawh i patea hi i zah tur a ni i hmakhua a ngaih vang a sawi a nihkha, i patea ngaihdan kha mitam zawk ngaihdan pawh a ni ngei ang,thil hi uluk tak a ngaihtuah thin tur” a ti charh charh a, “keichuan rinpuii kha iai chhan tur ka hrelo , a tawngka chhuak leh a chetphung ah mipangai pha chiah lo mahse, mipangai te aia a rilru ngaihtuahna a danglam bik vak na ka hrelo ka ngaina viau bawk” ka nu chuan a lo ti ve hmak ,patea chu a ngei ve deuh niin ka hria, “nang lah hi, hmeichhe dawn tawi tih tak ah ,thil thui tak hi ngaihtuah tur” ka pa chuan a lo ti a, ka pa hian patea ngaihdan a tawmpui ve deuh ni in ka hria,mahse ka nu bawk chuan “hmeichhe dawntawi chu min ti ve lo mai teh, hmeichhe pangai rualbanlo ni velo,mahse keini a pasal a nu leh pa zahna nei miah lo nge i duh Rinpuii ang hmeichhia hi,keichuan Rinpuii hi ka duh” a lo ti ve leh hmak,kanu in a chhan tak zel avang chuan keichu tawng ka tum tawh lem lo, “ka u chutiang ngawt a nilo, thil thui tak ngaihtuah a tha,lo innei ta se engtin nge vengchhung miten an sawi ang cheu” patea bawk chuan alo ti leh,
“chu chu buaina tur ber a nihloh chu,chubak ah Muana pawh nupui fanau nei in inhrang i chang tawh a kan inchhung ah rorel rawn tum lo la a tha ang, mama hian a duh a a hmangaih a nihchuan keini chuan eng mi pawh nise kan pawmpui vek, a lo tisual ta a nih leh a tuar mai tur lah pawh a ni” ka nu chuan a ti leh hmak,patea chu a lungawi loh hmel tawh khawp mai, “ni e Muana hei chu mama duhthlanna ah a in nghat a,chuvang chuan keini chuan hnial kan tum hran lo,nangpawn pawm thiam i tum dawn nia” kapa chuan ati ve ta a,ka thaw huai mai, ka nu leh pa ka chenpui te ber in min pawmpui  a hnu inhrang a mite phunnawina
chu ka ngaithla liam mai mai thei , ka dah pawimawh ber hran lo e, lungawilo deuh chungin patea chu a haw a, keipawh ka pa in min zilh hlak hnu ah room ah ka lut ve ta chauh.

Tum khat dawr a ka awm laiin Rinpuii te veng lam a mi tlangval pakhat hian a bike ke a rawn thlak tir a, an veng lam ah ka tap ngun bawk a inkawm hran lo mah ila kan inbe ve zeuh zeuh thung, “in nu hi tunlai chu a luck riau a nia” tiin a nui hak a,ka chhang lem lo “in leng dang hi a nei ve zeuh zeuh thin a nia” thu tak ang reng deuh a  a tih tak ah chuan ka bengkhawn ta deuh  “tu chu maw” ka ti satliah ve ta a, nui ruh ruh chung hian “kan veng tlangval senior mawle, chhun lam ah hian an in birh ngun an ti viau a ni” a ti a, awih tur nge awih loh tur pawh ka hrelo e ,chu lam chu ka sawipui duh vak loh avangin thildang ka sawipui ta daih .

Zan lam a Rinpuii te in ka va chuangkai leh chu, ka ngaihbel nge ni Rinpuii zia chu a dang riau a hriat na ka nei, a nu leh pa chu an mu tawh a a nau leh kei nen kan la ti ti thung, “helam ah awm tluan chu i tum tak tak maw” tiin a nau Lka chu ka zawt a, “tum hmel,ka nu leh pa te hi ka ngaihtuah ve deuh a helam ah hna ka hmuh theih tho chuan” a lo ti ve mai, Rinpuii chu a khat tawk in ka melh leh zeuh thin a , a kun deuh ngul reng a in ngaihtuah muk deuh hmel a pu ni in ka hria, zan dang ang in minbe bawrh bawrh lo bawk ,Lka pawh chuan kan boruak chu a hrethiam ve deuh nge ni “ka lo va mu a nge vawiin ka hnathawk ka chau riau mai” tiin a room lam ah min luhsan a ,chu veleh keipawh Rinpuii bul ah thu hnai in  a kut ka vawn sak tur chu a lo phu deuh zawk mai,”Rinpui e nge i ngaihtuah a” ti a ka zawh chuan ” eng,eng mah a nilo” a ti ve tlat bawk si, mahse rilru kam tu a nei ni chuan ka hre bawk si, zan dang ang in kan inkawm tha meuh lo, eng emaw min mawlh tu hi a awm tlat e nge ka hrelo na in Rinpuii nen kan kar chu hla ta riau a hriatna ka nei tlat bawk,chu chuan min ti hlauthawng thut in “min then i tum lo tiraw?” Ka ti chhuak phawng a, mak min tih hmel deuh in min lo en ha mai, “ka sawi awmzia chu keini hi kan inthen lo ang tiraw” ka ti leh a a lo bu nghat ringawt , a awmdan chuan ka ngaih a ti tha chiah lo na in engmah ka sawi zui tawh lo, haw pawh ka haw zui ta vat . Mut hmun ah ka in ngaihtuah neuh neuh a, heti khawp hian keiin ka buaipui a ka atchilh lai hian, Rinpuii zawk hian min lo vei ve tak tak lo em niang aw ti ten ka ngaihtuah a rilru chu a vak thui duh khawp mai, mi tam tak chuan nep min ti viau maithei ,mahse hmangaihna hi chu a danglam a, a mak a, thil a ti thei bawk, hmangaihna a la tlu lut lo te tan chuan hriatthiam mi lah a ni hek lo.

Kha mi zan atang khan  Rinpuii zia chu dang chho riau in ka hre ta a, ngaihbel tur ting in ,an veng tlangval senior an tih lah chu an in ah a chuangkai ve ta fo bawk nen ka ngaih chu a tha tawh lo, Rinpuii lah in min be tam lo in ,an in a ka len chang lah in thildang daih ngaihtuah hi a ang thin bawk nen, a chang phei chua lungawilo in ka thinrim ve lek lek ta fo mai, vawikhat pawh fawh ka tum a,mahse  phu zawk in min lo nem vak a a tap ti tih ta mai, a ngaihna ka hrelo lutuk chu ka hawi a vek thei,ka hmai ka tuai puat a “e nge i hriat hrep le?” Tiin a vawikhat nan tak tak awka vin ka hman khum ve, mahse min rawn kuah in a tap chhuak ta hawk a, “ka,ka tihpalh” tiin  ngaihdam min dul zui nghal a, awka vin ka hman khum avang chuan keimah zawk in thiamlo leh in ngaihdam ka lo dil let leh ta zawk a,heti khawp hian hmeichhe lak a ka dawhtheih hi ka ring ngai miah lo,ka tum loh leh rin loh dan deuh deuh in he hmeichhia hian min awmtir chu a nih hi.

A ni tel in kan pahnih inkar chu a zau zel ni mai in ka hria ,a buaina min hrilh duh bawk silo, a awmdan chu ka hrethiam lo in rilru a tibuai khawp mai, nikhat erawh chhunlai ah a call ka dawng a mak ka ti ang reng ka hnathawh laiin min be ngai miau lo ani, call ka chhan rual chuan “lo,lo kal rawh” tih ringawt a sawi a, a tap niin ka hria ngaihthatloh na in min tuam nghal hlup hlup bawk ‘lo kal rawh’ tih bak a sawi zawm thei bawk silo, ka bike siam lai kalsan in tihfai pawh in tifai hman lo chuan Rinpuii te in lam pan in chak zet in ka inkhalh chhuak nghal a, an in ka va thlen chuan kawngka chhunglam atang a lo inkalh a “Rinpui i awm em kawngkhar hi lo hawng rawh” tiin kawngkhar chu ka beng a ,  rei nghah a ngailo  kawngkhar chu ri rak in chuta kawngkhar a rawn hawng chiah chu ka ding  khawng nghal awt thei, a ni pawh in eng mah sawilo in nghet zet in ka kawng ah min kuah a,a insut zui hlap hlap bawk, “engthil nge thleng” tiin a dar ah ka chelh a ka nawr hla hret bawk, a sam pawr phang leh a kawr tet deuh te, a hmel thlaphan hmel zet te chuan ngaih a tu tha thei hlawl lo, “e nge thleng min hrilh teh, tu in nge hetiang hian siam che” a hma aia awki dam zawk a ti nawn leh in a sam chu ka tuai mam thuak bawk, hnuailam en chung a a lu thin nar nar pah in “eng..englo ka” tiin a tap leh rih , ka kuah thlawp a hetiang tak a thlaphang a siamtu hi tupawh nise ka hre tur hi a ni ringawt.

Thuthleng lam ah hruai phei in a lungchhe zualpui a reh hun thleng chu ka nghak a, tlem a a zia deuh ta ni a ka hriat hnu ah thil awmzia ka zawt nawn leh ta a, “u Rama a lo kal a, chua..chuan ka taksa hi khawih a tum a, ka,ka duh lo a kut min thlak a,chuan” tiin a mittui a hnam leh tiam tiam a,  a sawitum ka hriatthiam lutuk avang chuan ka thinrim ka in hum ruh nasa ngei mai, Rama a tih chu an in a chuangkai ve fo thin tlangval senior kha a ni tih ka hria , a chakloh na leh mipangai a phak loh na hmang tangkai a ka hmangaih lo khawih tum tu chu thungrulh ngei ka tum ruh hle,chutih rual in a thil tum a a hlawhtling lo chu ka lawm takzet bawk.

A chhungte rawn haw thleng Rinpuii chu in ah ka lo awmpui a, a chhungte rawn thlen hnu ah thil thlen dan tlangpui ka hriat ang ang ka lo hrilh nghal zung zung, anu leh pa ai mah in Lka a thinrim zawk a in lam a kalchilh a rik nghal rum rum chu a duh dan a ni,mahse a nu leh pa in lo khap hram hram in “palai kan thlak dawn nia” an lo ti a, mualpho tam lo zawng a hmalak an duh ni in ka hria “palai thlak tih tih a tul em ni,he inchhung ah hian mipa fa ka awm ve a lawm ,kan inchhung pawh zah zo lo a ka farnu chung a hetiang a chetlak duh tu lak ah hian zawldawh zawng a hmalak a tul na ka hrelo” tiin Lka chu a la ang hmuar hmuar mai, a u hi a hmangaih zia tupawn an hria a hetia a thinrim viau pawh hi a awm lo hran miah lo,kei tak pawh chuan mipa tak a rik rum rum mai chu ka duh,mahse Rinpuii nu leh pa thu ka ngaihchan vang a la che chhuak lo mai chauh ka ni, “nilo e mama, i u pawh a khawihchhe hman em lo a kutthawh zawng a phuba lak na hian thil thleng hnu engmah a siamtha dawn lo, palai kan tir a nga thleng nawn tawh lo tur a kan duh zia hriattir kha a tawk rih, i u hi hetiang mai hi a ni si a, i u pawh a mualpho lutuk palh zawk ang, thiamlo zawk hi mipa pawh ni mahse, hmeichhe awmnem zawk na na na chu mi endan adang zawk lo thei lo” a ti charh charh a,dik ti viau mah ila  a chang chuan kan zawldawh lutuk avang hian sual hi a huangtau a min zuam phah zawk thin , mahse engmah erawh ka sawi ve lo,cctv erawh inchhung ah chuan dah ka rawt a, an lo pawm khawp mai Rinpuii dinhmun kan hretlang vek bawk a ,tun aia a him zawk nan a sawichhuak ka ni. A zan la la in palai an tir nghal a,keipawh Rinpuii te in ah chaw ei ve nghal in palai te chu ka lo nghak ve a Lka nen chuan palai te thu rawn hawn dan a zir a chet chhuah mai in ring in kan in ring dun ran mai. Ka chhungte pawh chanchin ka hrilh ve tawh a ka nu mawlh chuan Rinpuii chu a lainat a phone ah pawh a rawn tawng thlamuan ve nghe nghe,chhungkaw hnih te inzawm na a tha tawh bawk a engmah zep leh i kan nei ngai tawh lem lo a ni.

Palai te an rawn haw hnu chuan sittingroom ah kan thu thap a ,Rinpuii pawh ka bul ah thu ve in a kut ka hum sak vang vang, “engtin nge  Rama te lam chuan an lo chhan cheu a” tiin pa ber chuan palai te chu a zawt a, palai pakhat zawk chuan “a tir ah kha chuan a han pha viau dawn a, a pa a rik tak thak ah khan a pha tluantling ngam ta lo a nihkha, a chhungte pawh an lungawilo in an zak khawp mai , an fapa tih dikloh an pawm a , an mahni ngei in ngaihdam rawn dil an duhthu pawh an sawi kha,in hriatthiam na an ngen mawlh mawlh a nih hmel e” a ti dap dap a, Lka nen kan lo in melh ralh “ni e, nu leh pa tan chuan a zahthlak khawp ang, in ah meuh ngaihdam min rawn dil dawn a nih chuan,keini lampawn ngaihdam kan tum a niang chu,mahse thleng nawn tawh lo sela” pa ber chuan a ti leh a,kei leh Lka te chu kan tho nalh a, “inchung ah kan han kal lawk” tiin inchung lam kan pan nghal,kut thlak lo a uipui chhuah mai mai chu kan tum lo dun hle,ruahman na te sawidun in keipawh chu mi zan chu ka haw tlai ang reng khawp mai, a zan leh ah chuan Rinpuii te in lam a leng lo in Lka nen in nghahna hmun tur kan sawi lam ka pan nal nal a,a lo awm vang tawh , “Valpuia’n Rama chu a lo ko chhuak dawn an rawn thleng dawn tawh maithei” ka ti nghal mawlh mawlh, rei vak lo ah Valpuia leh Muana pawh chu kan bul an rawn inphur thleng ve ta a, Rama hi Nghaki te nen an inhlat lo a Valpuia nen pawh an in hre tha ve ang reng chumi avang chauh a rawn insawm chhuak thei pawh an ni, Rama’n keini min hmu chu a meng phawk deuh a,”ngaihdam ka rawn dil tawh kha” eng a mah hma chuan a ti nghal chul mai, “i ngaihdam dilna khan kan thinrimna a tudai  thei silo a nih hi, vawi hnih khat piai liam liam a ni mai,a reilo ang”ka lo ti hmak, tlansawn mai a tum lah in a tlanna tur lam ah Lka leh Valpuia an lo ding zel bawk si nen Rama chu dangchep hneh tak kan ni, na tak in khawih lo mah ila zing lam ah chuan a sil awng ve viau maithei a ni.

Rama kan piai hlak zan atang kar hnih lai chu a liam ve leh tawh, Rinpuii nen kan inkar pawh a la tha tluang ve zel a , a hma a a zia a dang deuh e ka tih kha  Rama a lo hlauh deuh thin vang leh ka bul a a sawilawk ngam loh vang hi a lo ni a , ni e hmeichhe thenkhat hi chuan huaisen tak a an thil tawn an sawichhuah ngam lai in thenkhat erawh chuan an sawichhuak ngam tlat thin lo, hetiang hi in dem ngawt chi ah pawh ka ngai lo mihring mize in ang lo,ngaihtuahna pawh hrang vek kan ni miau a , mahse a tlangpui in zep loh hi a him ber ni in ka hria .

Rinpuii nen kum khat em la inkawp lo mah ila kan kum lam ngaihtuah pawn  a hun ve tawh tho avangin ka chhungte bul ah palai tirh ka duh thu ka sawi a, ka chhungte pawn min hnial na an nei lem lo , Rinpuii pawh ka sawipui tawh a  min hnial a tum deuh uk na in ka tilui ve tlat ka bul a awm a venhim ka duh in khat a awm loh na na na chuan duh ang in ka ngaihsak hman tlat lo.

Lka nen pawh kan in ngaina viau a Valpuia nen kan pathum in kan inkawp chawt a ni ber mai a tha phian e .

Monday a ni a,zanlam ah Rinpuii te in ah palai an kal dawn bawk, Rinpuii te in a cctv kan dah leh ka phone hi ka connect avangin Rinpuii a mah a a awm chu a khat tawk in phone atang ka en leh zeuh zeuh thin,ka en ngei dawn a ni tih a hriat a vang nge camera hma ah te chuan a rawn in siam chhe nasa, a khat tawk in mahni in ka nui leh vur vur thin, hna ka neih tak avangin ka hna thawk tur in phone chu ka kalsan a,ka hna ka zo phone ka han en leh chiah engmah sawi hman lo in dawr chhuahsan in Rinpuii te in lam ka pan nghal thuai thuai, hlauhthawnna in min tuam hlup hlup a bike pawh ka khalh chak viau , Rinpuii te inkawt ka thlen chuan bike pawh hungrem hman lo in inchhung lam ka pan nghal,mahse kawngkhar chu a lo inkalh tlat avangin Rinpuii au tuarh tuarh chung chuan ka theihtawp a na in kawngkhar chu ka nek vak vak bawk,chhunglam thawm lah a reh diak a chutak chuan ka hlauhthawnna a ti zual hle bawk, thapui nen a bei ta chu kawngkhar chu ka ti chhe thei ta a,inchhung ka lut chiah chu ka ding nghal chat, kaa mengzau hle bawk in ka ring, Bangkil lam ah Rinpuii chu khur hlawk hlawk chung hian a lo thu a, a kut ah chemte hum in thisen a kai nuai bawk, a bul mai ah chuan Rama chu nunna nei tawh lo tih hriat zet in a lo let reng bawk, “Rinpui’ ti a ka pan hnaih chuan a lo phu zawk a,chuta ka hmel a hmu chiah chu chhuak em em in a tap nghal hlawp hlawp ka van lainat tak, “a tha,a tha vek, i him tawh e” ti mawlh mawlh in nghet zet in ka kuah a, a chemte kenlai pawh a thlauh ri bawl mai, “Tluang,ka..ka that,u Rama,ka ka that” a ti khur dar dar a a chiai hle ni in ka hria,
“ka tihpalh, i kiang ah ka awm lo a” tih bak ka sawi thei lo.

Mithen khat in police an lo phone hman nge ni rei vaklo ah police an lo thleng a, Rinpuii mangan lai zawng zawng a khawnge an awm pawh hriatloh ho kha an rawn pungkhawm tuam tuam a , ti ti a tam viau bawk. Rinpuii chu a la chiai deuh avangin thu han zawhfiah hleihtheih pawh a nilo, chuvang chuan inchhung a cctv record chu police kut ah kan hlan a keini tak pawn kan la en bik lo, mahse police kut a kan hlan hma khan a copy kan lo siam hlauh a, chu chu Rinpuii chhungte nen inlam ah kan en ve thung a ni. Khatia Rinpuii chetla vel ka en hnu ka hna ka thawh lawk chhung khan Rama chu inchhung ah a lo lut chu ni in, Rinpuii khan a mah a a awm chuan kawngka a kalh ziah thin a,tun tum erawh a ai ve hrim hrim nge ni dawn ni kawngka a lo kalh lo a nih hmel, Rama chuan kawngkhar chu a kalh nghal hmiah a, Rinpuii thei vel mek chung a choka atang rawn chhuak in Rama a hmu chiah chu a ding chawt a , a hmel ah hlauhna hmuh tur a awm nghal bawk , “i bialpa leh i nuta ten kut min thlak a tiraw, a let chu nang hian i tuar mai a niang chu” thinrim teuh chung a tiin Rama chuan Rinpuii lam chu a pan a, Rinpuii pawh a lo tawlhhnung ve vat, mahse Rama chuan a ban ah pawt lui in sual chu a tum ta mai,a theih tawp in Rinpuii chu a lo tang ve na a tharum nen mipa meuh in a han beih tak ah chuan zurui mah nise tha ah a la hneh bik tlat lo, Rama chuan chhuat ah keuhtlu in Rinpuii chu a tap a, khawih lo tur in a ngen mawlh mawlh bawk,mahse Rama chuan a hmai ah a beng siah a,ka lo in humruh nasa ngei mai, Rama’n a keuhtluk na lam ah a chemte ken kha a thlauh daih a,mahse a tha neih zawng zawng a Rama chu lo sual let in a vawnbeh na atang a talchhuak thei hlauh, a sir deuh a chemte tla chu hmu in a chhar ta vat a, Rama’n khawih leh mai tum a a va panhniah leh chuan bangkil lam ah tawlhhnung in a bul a thlen dawn tih ah chuan a dul ah a chemte ken lai chuan Rinpuii chuan a lo vit hmiah , thinrimna leh hlauhna a hmel ah khan hmuh tur a in pawlh nawk mai, vawi khat mai duhtawk lo in Rinpuii hlau leh thinrim tawh bawk si chuan vawi tam tak Rama chu a taksa rem lai lai ah chuan a vit a, chumi lai tak chu a ni ka phone ka en leh rual a ka hmuh kha ni, Rama a tluk hnawk rual in Rinpuii pawh bangkil ah chuan a thu thla ve hnawk bawk. Cctv footage kan en chhung zawng chuan ka in sangmar teuh a, Rama chu thi tawh mahse keimah ngei in a thah nawn leh chu chak tak ka ni, khatih lai a Rinpuii hlauthawng tur leh mangan tur zia ka ngaihtuah phei chuan ka au chhuak nghek lo chauh a ni.

Police lam in Rinpuii chu an kawl a, keipawh hmu hmasa ber tu ka ni a a tir ah khan sawi nual tawh mah ila thu min zawtfiah nawn leh a , ka hmuh dan chipchiar tak in ka hrilh bawk, Rinpuii chu tualthat a ni miau a jail chhung a luh ngei ngei a ngai dawn ,a mah a jail a a han awm tur ka ngaihtuah phei chuan ka sa pup pup thei, ka venhim zawh loh lutuk avangin keimah ka in hua a, Rinpuii ka khawngaih bawk si ,kei mipa fa mit ah hian mittui a luang ta fo mai ,court hun lah thlahnih hnu ah daih a ni a , chumi chhung zawng chu lockup ah Rinpuii chu a awm a ngai dawn a ni.

Thla hnih a ral a, Rinpuii te court hun pawh a ni ta, Rinpuii chu tualthattu a ni miau a, jail chu a tang ngei dawn e ,court in a rorelna thu a puan lai te chuan ka mang vek thei ,mahse mipa ka ni a tiin ka in ti paukhauh lui hram hram a ni, Rinpuii chu mahni inven tum na avang a tum loh deuh a tualthat ta a nih avang leh cctv footage ah chu thil chu chiang tak a hmuh tur a awm vang te chuam court chuan a zahngaihna sang ber nen kum khat chhung chauh tang tur in ro a rel sak a, a mah Rinpuii tak pawh jail a awm chhung zawng in medical treatment sawrkar in a laksak vek dawn bawk a ni,a thil tawn khan a nghawng em a chuvang chuan a buai zual deuh a tin ni, mitang dang ho zing ah pawh awm lo in a man room hran nurse in a enkawl reng theihna tur hmun a dah a ni dawn a a lawmawm takzet. Rinpuii thil tawn chuan zoram a dengchhuak a, thenkhat thil hrechiang lo in, ‘hmeichhia in mitmei a hmuh hmasa a niang,a pangailoh na hmang tangkai in thiam zawk ang in a lang mai mai a niang” an tih lai in, thenkhat thung chuan “a hmeichhia hi chu ni  ila a chet aia nasa hian ka che duh maithei, mipangai lo thleng a chilput khawp a lo thlir a, an chung a rilru thalo pu ho hi chu ral pheuh pheuh se a tha, hringnun an ti chep” ti tawk an awm bawk,kei thleng a min hmer tel an tam a,thenkhat in ‘a duh tak tak lo ang,tihian a kalsan zui mai ang’ ka rilru put hmang hria ni awm tak a thusawi an tam bawk,engmah hengho social media a hre ber nih inchuh ho hian an hre tak tak lo e, an zeldin thu chu lo mutpui vel mai mai rawh se,Rinpuii ka hmangaihna hi a der a nih loh zia keiman ka hriat chuan a tawk viau,thuthang a tam in zeldin thu an sawi nasa a diklo lah a tam ,chuvang chuan social media ah pawh ka lut peih lo law law.

Kartin Rinpuii chu ka tlawh thin a, a cher ve kawk kawk mai,mahse enkawl na a dawngtha a ,a dinhmun avang a lainattu tam tak a nei bawk, mitha lo kar ah hian mitha tam tak an awm a ni tih Rinpuii thiltawn atang hian a chiang hle ni in kahre bawk, a tawi zawng in sawi ta mai ila, khang kha Rinpuii kan hringnun paltlang tak chu a ni, hreawmna leh harsatna tam tak kan paltlang hnu ah tun ah chuan ka hmangaih kut zalen tak in ka vuan leh thei ta , a biang leh lam leh lam ah dawm in tute nge kan vel ah chuan awm ve tih ka ngaihtuah lo,a hmui ah lungchim tak in ka fawo vawng vawng a ka inlakhran rual chuan, “ka thuro nunnem tun atang chuan ka venghim tlat tawh ang che ,ka hmangaih che” ka ti sap a.

A tawp ta

Leave a Reply