BEST FRIEND – 1

JONSMELY BAWITLUNG

Ka pian a hnu lama ka ngaihzawng hmasa ber leh ka hmangaih hmasa ber mahse a hnuhnung ber ni thei ta lo nena kan inṭhenna pawh kum li(4) lai a liam ta reng mai.

Ani nen khan High School kan kal laia inngaizawng kan ni a,Ka ṭhian ṭha ber leh ka ṭhian neihchhun a ni ṭhin.Khatianga kan in ngaihzawn hnu khan ka khawvel hi a nuam in,Amahah khan ka in nghat em em a,ka tan khan ka engkim a ni ṭhin,mahse kan inṭhen hnuah erawh ka nun a ruakin,Amaha ka inngah zia ka hrechiang tulh tulh a,engkim kha a tawp ni a ngaiin engkim mai hian min ti na in,harsatna leh lungngaihna hlirin a khat niin ka ngai tlat a,ka tan chuan High School Love kha a namai lovin ka nun zawng zawng tih danglamnan ka hman phah ta ti ila ka sawi sual lovang…..

Ka Best Friend ni ṭhin nena kan inngaihzawnna chuan ka nun zawng zawng a thlak danglama mahse rei a daih ta silo,ka hlimna van tawng pha hiala sang kha Leiah paih thlak a ni a,Bomb chak tak angin a puak a,a keh darh te kha ka tan a nghawng a na em a ni….Engmah kha ka hrethiam lova a chhan tur la ka ngaihtuah thiam hek lo, naupan lai ata tawh ṭhian kan ni a,khatiang maia min ti na tur khawpa nunrawng a nilo tih ka hre bawk….

Na ka tih em avanga mahni insitna te,midangte neih ang nei ve lo leh mahni in hmuhhniamna in ka khat chu erawh tumah in an hrethiam ve lo…..Ka ṭap a ka mal ngawih ngawih a,Ka khawvel zawng zawng a kehchhe vek niin ka ngai a,tho chhuak a,ding chhuak ve tur reng ka awm tawh lo…. Khapa ka Naupan lai aṭanga ka ṭhian,ka tana hlu ber leh ka hmangaih hmasa ber Lalramliana(RLa) kha ka lo hmangaih em a ni…..

Kei hi Veronica Lalrinfeli ka ni a,Kum19 a upa niinṭfanu mal ka ni a,chhungkaw hlim tak leh inkawm ngeih tak kan ni bawk….. Ka cousin te pathum kan inah hian an awm ve bawk…..Ka nu hian dawr lian ve tawk tak a nei a,ka pa erawh Sawrkar hna a thawk thung….Ka cousin te hi ka hriat theih chin ata tawh kan hnenah an cheng a,ka pianpui an nilo tih hria hi kan vengah pawh hian an tam kher in ka ringlo…..
Kumkhat zirna ka chawlhsan hnuah tunah hian 1st year B.A admission ka tifel ve chiah……Mite chuan mihlim te tak tiin min sawi ṭhin,Ni e,miten ka thinlung na an hriat loh nan hmeichhe harh tak leh hlim thei tak angin ka lang ṭhin……Rl-a nena kan inṭhen hnu khan school-ah leh khawlaiah ṭhian dang ka kawm ṭan a,ṭhian tia sawi tur pawh tam tak ka nei mahse Ani anga ṭhianṭha kha ka nei lova,ka nei leh tawh pawh in ka ringlo. Ani vanga ka natna te khan nun uluk chakna leh duhna ka neih ve te pawh kha a ti bo zo a,Meizial han zuk a,beer han in ve mai te pawh pawi tihna ka nei lo,hmeichhe nû ve tak ṭhin kha,hmeichhia anga awm chakna pawh ka nei lova,Lalramliana thlak tu tur ngaihtuah in,ṭhian mipa ka kawm tam zawk bawk,ka hun kal tawh chhui kir ka duh loh avang khan eng nge tih loh ka neih pawh ka hre lo…….Sport lam ka ti nasa hle a,ka nun hi ka sawi thiam dan ber chuan WOW a ni tawp mai……

Sport rau rauah pawh Volleyball hi nuam ka tiin,thiam tia sawi theih khawp in ka khel nasa bawk…..Class 11 ka zir kum aṭang khan ṭhian kawm fal deuh ka nei a, Vanlalruata a ni…Kan duh zawng awmdan leh rilru put hmang chetzia leh nungchang erawh engmah in anna kan nei lo,ruihtheih thil engmah a khawih ngai lova,a nun a uluk in lehkha a thiam thei em em a,a ngawichawi in ṭul takah lo chuan a ṭawng ve mai mai ngailo,,Hmeichhia te’n a apa ngawih ngawih an tih ang chi nungchang kha a nei reuh a,ka sawi tel hram duh chu Class represent a ni…..

In anna kan nei leh si,Volleyball a thiam em em a,player ṭha tak a ni bawk,Tournament pawh vawi tam tak a khel tawh,kan school hmeichhia tawh phawt chuan an duh in an ngaizawng em em vek,Kei tellovin… Ngaihzawng lam a buaipui em em loh avang leh kei buaipui lo ve bawk chu kan in kawm chawt ni maiin ka hria,Amah avanga min thik tu leh min be ṭha tu te hi buk dawn ila an in tluj viau ang,lunch treat tu ka ngah phah erawh nuam ka ti viau…..

Veng in hnaih têa awm kan nih avang hian school pawh kan kal dun fo a,volleyball khelh tur pawn ka zui ve mai ṭhin..Ani bula ka awm hi chuan ka chhungte lakah ka mark a ṭha viau zel……A ruk tak chuan ka zah hle a,Beer leh thildang pawh ama vang hian ka hnar ve fo bawk,,,mahse mak deuh chu ka hnar theihloh chang pawn min hau ve ngailo ka nawi ve chang pawn phun nawi hauh lovin min buaipui ṭhin…..

Midangte zah kai khawp in a nun a uluk a,a ṭawng tam lo bawk mahse thil mak deuh chu ka bulah erawh a ṭawng duh in a nui peih em em a,Amah pawh hian ka bula a awmdan ṭhin hi mak a tih thu a sawi fo bawk…..Thawveng thei ang berin nun ka hmang a,engmah ngaihtuah duh lovin a tla chawpa nun zirin hringnun ka zawh chho a, lehkha erawh zir ṭha peih vaklo mah ila,exam naah hi chuan ti ṭha fu zel….Maruata erawh ka pha ngailo thung…

Kan school-ah na na na chuan chi thum in ka lar ve chiang,Sport,lehkha thiam thei leh hmelṭhaṭah…Hahah…. Class12 kan zawh a farewell kan hman ni chuan a tam zawk kha chu tih danglamin kan awm,keipawh ka bang lo,mipa tam zawkin an bula kal turin min sawm a,Bus pahnih ngawt school in a hmang bawk,,,,Mahse he ka ṭhianpa min hau ngai miah lo tu hi hunlo lutukah a strick khat tlat……Midang bike a ka chuang tur chu phal lovin min phur leh tlat anih kha…..A in ve duh bawk silo,hetiang niah hi chuan a bula awm hi a boring……Music ri dup dup lama han lam a han nuih khek tuar tuar te ka chak ve tehreng nen,ei rawngbawlna lamah min awmpui lui leh tlat a,Beer ka pai erawh abulah in mai turin min ti zui….Engtin ngevka in ngam a nga????

“I sual e….Picnic ka kal zawng zawngah chuan nuam lo ber ang” ka tih chuan chiang lutuk in min en hrawk in ka hria…
“Hetah Ka buai em em a,min puih tum lova lam lo tum tlat chu a sual thlak fe lo maw??” A nui duh miah lo zui……A sawi dik tho bawk sia chhan ngaihna ka hre lo chu “Bleh” tiin lei ka chhuah khum vak a,tu tau nghawng nghawng chungin chawhmeh siam tur chu ka ban a,Zirtirtu te an lo lut ve chiah bawk….. Min hmuh chuan mak an ti deuh nge min la fiam nghek zui……

“Pawi chai lo tlaiah ka par nga ni mai” Maruata hriat tur tawk lekin ka phun kherah… A nui tawi tut lehnghal….. Tlai lam anih chuan ka thil pai ve pawh ka in zawh vek tawh vangin ka meng si sep tawh a,ei rawng bawl a ngai tawh lo bawk…..

“Ṭhiante bulah chuan kal ve tawh ila”
a tih chuan ka melh zeuh a,sawi lo pawh nise kal ka tum mahse eng nga ti nge a sawi avang hian ka thinrim thar tlat….

“Ka peih lo,ti hian min hrem tlang lo lo rawh.” Ka chhanna vang chuan a mit zim sunin min en a,ka mitah kher chiang takin a min la en zui…..Min en zam a tum emaw ni….Luhlul chhuah lui ve tlat in ka melh duh lo lui tlat….

“Chu ka bula awm chu Inhremnaah ilo ngai elaw??” A ti bung vut….
A ṭawngkam chu ka rilru tih nawm loh let a inthiamlo letling zawk tura min siam leh a tum tihna……Ka theih tawka rum in ka melh nghal tlat ka tlawm dawnlo reng reng…..Ani pawn a mit lak sawn a tum bik lo tih hriat takin ka melh na aia rum in min melh ve khui bawk…Kan ṭawng tawh lo ve ve,kan in melh rum em em a ni mai.

Kan class a mi Hruaia a rawn lut hlol a,kan awmdan a hmuh chuan sawi mai tur a hre biklo,keini pahnih chu min en tawn sek a,harh chhuak thut ni awm takin,”Lo chhuak ve tawh ru” tiin kan pahnih chuan min kuah chhuak nawk nawk nghal a….Lamna hmun tura an tihah chuan an rik hut hut ka rin tehreng nen,music cool ruih an play a,pair te te in an lo lam a,light la chu boruak mil takin a dim ruih a,a romantic lutuk chu ka phawk hra mai,ka meng zau ngawtin ka ring…. Ka ngaihtuahna khawvel chu Lalramliana zun zamin a rawn luhchilh nghal,Ani khan thla bial zan apiangin min lampui ṭhin,hetianga Slow hi ka nungchang nen a inhmeh a ti ṭhin anih kha……Hmeichhe zawiawi tak,thil reng reng serious taka ti mi leh,mahni in vawng tak ka ni ṭhin kha ania,mahse engtik lai aṭang khan nge hetiang nunchang hi ka neih ka hrelo,khang lai nen chuan tehkhin chi pawh ka ni lo,,,,Ka danglam tawh,ka danglam tawh takzet….

Chet sawn na chang hre lova ka ding reng lai chuan ka hnunglam aṭangin khuh kharh ri in min ti harh zawk….ka harh ruala min kaitu chu phawk hru in ka melh a,Maruata hmel ka hmuh chuan ka hahdam huai mai…..
“Khawiah nge Hruaia kha??” Ka tih chuan
“I â thut emaw a ti che niang a kal daih”
A nui suk lehnghal a,chimawm ve sia…
Endless Love an play chuan Maruata nen chuan kan lam dun ve ngei,
“Lalrinfel” ti hluai in chawl meuh in min en a,
“Eng nge??” Ka hrilhhai zawk a awmdan hi
“I lam thiam maw,chupawh Slow” awilo zeta min melh in a nui ro hak zui…..
“Ka thiamlo ka tia mi” ka tih rual chuan music a tawp ve nghal a,kut beng ri in a zawm nghal……
Ka ngaihtuahna zawng zawngte hian ka mittui a ko tlat,kalsawn tuma ka inher chu ka banah chelh in alam hawi in min kuai her a,”V,,,ti nge???” a hmelah hlauhthawnna leh hrilhhaina chu a lang nghal zut zut, “Engmah a nilo” tiin ka kalsan nghal…….

Ka thinlung na lutuk hi ṭah chhuah hawk hawk ka duh a,ka thei silo,ka awm chhungah hian min hnawh tlat a thawk hial a harsaṭka awm ka chum dat dat rei tak chhung ka up beh tawh hi a puak chhuak thianglo hrim hrim,midang awm lohna laia thingkung bulah chuan ka ding a, ka chhunglam tawt lutuk hi tih reh ka duh takzet…..

Hnunglam aṭanga ka dar a rawn khawih chuan ka phu zawk,hepa hian min lo umzui a ni tih reng ka hrelo,
“V…….” ka hmel a hmuh chuan a hmel zawng zawng a buai vek,min kuah chawt a,keipawh ka ṭawngthei bik lo,a kawr hnunglamah ka ṭham chawt a,ka in sut ri nghal hlap hlap a,ngawi rengin ka samah a chul heuh heuh thung……A kut dam ruih erawh in min va hnem si em!!!
Ka duh tawka ka ṭah hnu chuan,engmah min zawt tawh lovin, kan ṭhiante awmna lamah min kai a,chaw ei a hun meuh chuan engmah thlenglo ang mai in ka awm leh thei tawh……
Kum1 ngawt school ka chawlh avangin college kal ka phur teh chiam lo,Vanlalruata la kei aiin a pawl sang ta daih a,class khatah pawh kan awm thei tawh dawnlo.

(MARUATA POV)

Vawiin chu ka bestfriend Veronica in college alo ṭan dawn a,ka phur tawh takzet a ni. Ka ngai em em reng a, a bula ka awm pawh hian ka ngai reng zel. Ṭhian hrim hrim hi ka kawm tam ngailo a, chutih laia Veronica-i ka kawm daih hi ka chhungte pawn mak an ti ṭhin, mahse tunah chuan an ngai neih tawh, Kei tluk zetin an duat lehnghal a, kan inah hi chuan a thu teh ania. Higher kan kal laia mipa zawng zawng Star rawn ṭhin a ni a, chutiang zawng chuan ka en ve ngai miah lo thung. Ka bula a ṭhut ve ngawt dan te kha, ka ngaihtuah let fo ṭhin. A hlei lutuk sir in mipa first line ah alo sawn kha ania, nuam lo a tih phah der lo lehnghal. Khata ṭang khan kan inkawm chho ṭan a, kan duh zawng in anglo viau mahse a titi ngaihthlak erawh a nuam hle a, mahse lehkha zir a peih lo hle thung. A zir peih loh nen a ti ṭha em em zel tho a, hei ai hian zir nasa se kei aiin a thiam thei dawn tih ka chiang hle a ni.

A mizia engkim hi a lawmawm em em a ni tawp mai,mi pawi a sawi ngai lova, ṭhian chhan a ti na hle thung, nû takin a awm ngailo na in a rilru erawh hmeichhe dik tak a ni tih ka hrechiang hle a, tih tauh der a hrat em em a,a thinrim erawh a tawrhhlelh awm viau thung. Mipa ṭawng tam zawt zawt ka nilo mahse henu bulah hi chuan ka ṭawngtamin khawi aṭanga rawn kal nge pawh hriat loh thu hi ka phuh chhuak tam ṭhin khawp mai, Amah hian ṭawng lo theilo hian min siam thiam ve bawk em a ni.

Class12 farewell kan neih ṭum a,a ṭah kha a mittui tla ka vawikhat hmuhna a ni a,a chhan erawh tun thlengin ka la zawt lo chu ania,Aman min hrilh hun ka nghak tawp mai. An class a ka lut chu alo muthlu lehpek tawh, Higher ah khan mutthluk avang khan hrem a tawk ngun khawp mai. Mahse mak deuh chu a muhil emaw tih pawh hian zirlai hi a sawi leh zat zat thei tho a, hmeichhe danglam tak hi chu a ni ve hrim hrim alawm. Break laia kan thil ei laia chawl meuh a a en chu en ve in, Rla leh Sarahi te an ni,a en satliah emaw ti a,tu te nge an nih ka sawi lai a,Rla hmingpum a rawn sawi chu mak ka ti ve hle a, kan chhuak chu,a ṭawng tawh lo reng reng a pen chhak viau lehnghal,ṭhutna awmah chuan ka ṭhut pui a,ka rilru a awm reng ka zawh duh siloh kha ka hrechhuak zawk. Um, khami ni khan engvanga ṭap nge anih?
Tun hi a hun a ni,ka zawhna chhanna erawh mak ka ti, mipa vangin ka ṭhiannu hi alo ṭap ve ṭhin reng chu ania. Chupawh ka ṭhian hnai tak vang lehnghal in.Khawvel hi ava lo zim em ve o, ka ti rilru nghal vawng vawng.

Ni e, Rla nen hian ṭhian kan ni a mahse veng te alo in anglo nen kan inkawm tam lo,college erawh kan lut ho leh vek chu ania, mahse Veronica-i anga ṭhian kawm tam leh zui tam erawh ka nei hauh lo chu anih hi. Misualnu tih a huatzia hria in,fiam ti tih deuh a ka koh chuan ala na leh ngei mai. A tlanchhe vel leh a lei a chhuah vel hi a lawmawm zia a inhre lo anih ka ring. A tlu sawp nuai sawn ka nuih a ti za a, ka nui ṭha ngam bawk silo hi a hrehawm letling zawk.
Rla a ṭawngkhum dan pawh chu mak ka ti lem lo,ala tlan daih zui a, henu tak hi chu aw. A thinrim tak tak zawk a mi le? Ka umzui ang nge Rla hi ka be khawmuang dawn? tih ka inngaihtuah a, a ṭap leh ang tih ka hlau ber mai. Lo ṭap lo hram rawh aw V.

“Maruat,Ani nen khan in in hria maw??” Rl-a aw a mak tihna chu ka hrechiang hle,

“V-i maw?” tiin ka chhang ve nghal vat a,
“Um, Veronica-i kha….” a tih leh chuan, melh zawkin V-i tlanna lam chu ka melh zui vung vung a,
“Higher kal lai ṭang kan inkawm tawh, I hria a mi??”
Veronica-i nen a an chungchang ka hrelo der hmiah mai.
“Um, naupangtê kan nih aṭangin ka hre tawh, mahse, Delhi-ah ka kalsan a.” a ti chuai raih a. Thil thlen dan tur ṭhenkhat chu ka hrefiah kuar mai.
“Anih chu, i hmingpum ngatin anih kha a koh che.” tiin ka nui lui suk a,
“Nia,Kum 4 lai a ni tawh.” a ti zawi sap a, a ngaihtuahna erawh khawiah emaw a awm tih hriat takin a hawi vung vung a, “Eng maw!?” ka ti leh ngat.
A hmelah chuan nidanga ka hmuh ngai hauh lo serious tak hmel ka hmu a, min chhan tum hmel pawh a pu tawh lo emaw ka tih hnuah “Ka hmuh lohna.” a ti chhuak hluk a.
“Delhi atanga ilo let aṭangin ila hmu leh miah lova maw?” Ka tih leh chuan, “Umm.” a bakin min chhang lo. Engvanga an chungchang pawh chu zawt vak vak nge maw ka nih le? Kum4 an inhmu tawh lo,tunah an inhmu leh a, lo inngaizawng leh ta se, Huhh!!! Eng nge ni vak a, chutiang te ka ngaihtuah le. Veronica-i bialpa nei tur pawh chu engvanga lo hlauthawng thar ve ngawt nge ka nih pawh ka hrelo e a, mahse Ani hian ala duh thu sawi ta se, kei hi ka â tawh niang keini te chu ṭhian kan nia,a bialpa pawh ka nilo. Mahse… Ka ngaihtuahna buai ru zet chu engvang nge tih ka hrelo, mahse Veronica-i nen kan in kawm hnuah hian ngaihzawng kan nei ngailo ve ve a, nei ta se hrehawm ka tih ka hlau ni berin ka hria.
“Ṭhianpa,kal ang..” Ka ngaihtuahna aṭangin ka harh zawk. Rla chu ka zui ve nghal a.Veronica-i chu a thinrim rei em lovang chu maw. Ani tih thinrim zawng, a hautak leh dawn emai.

( VERONICA POV )

Lalramliana kan college-ah a lut a mahse ka hre miah lo chu ania. Mizoramah engtik nge alo haw reng reng le? Engtin nge hepa hi a danglam em em theih a? Kei erawh ka hmuh leh rual khan ka buai leh vek chu anih kha maw. Kan inkar thu chu a chhe tawh pawh a ni thei, kan in ṭhianṭhatna thlenga a chhe vek erawh natpui loh pawh tum ila ka na nawn leh tho si anih hi, ka awm chhung hi a na vawng vawng leh thei hial nia.

Ani vang khan hetiang hmeichhia hi ka ni a, Lehkha pawh zir ṭha theilo leh mittui nen nun ka hmang a, midangin ka natna an hriat ka hlauh avangin lemchhanna tualzawlah ka tei kual vel mai mai a, Kum4 meuh asin hetianga ka nun hi ka hman tawh. Kan in ṭhianṭhatna vang chauh pawn min khawngaih ve tur asin anih le, mahse kei hian ka lo hrechiang lo hle a ni hi. Ani theihngilh tum khan theih tawp ka chhuah a, alo let leh hun chuan ṭhian kan nih leh thei mai ka ring ṭhin kha ania. Mahse ka ngaihtuahna leh ka lo suangtuah ṭhin zawng zawng te chu engmah lo mai a ni tih Vawiin khan ka hrefiah chiah. Mizoram a rawn let ka hriat loh ang chiah in ka hnaihah a awm tih pawh ka hre lo reng reng ania.

Ka thinlung ti na mahse ka ṭhian tal ala nih theih kha ka beisei ṭhin asin, a tello khan ka kim lova,ka ngaih avanga ka chhungte bulah pawh awm tam duh lova,ho te te a thinrim ka chinte, kan in chhung boruak nuam lova ka siam fo te kha ka ngaihtuah let a,ka thinlung hliam anih vanga ka tawrhthiam loh luat avanga ka thil lo tih tawh zawng zawng te chu darthlalang a kan thla lang ang mai hian ka hmaah a rawn in tlar nghal zut zut a, ka na thar lutuk leh ka hrehawm tihna chuan ka kawchhung lamah hian min hnawh a, thawchham in ka thi thei hial dawn in ka hria. Ka thaw kawk kawk a ṭap ila a zia ang ka ti a mahse ka ṭap thei bawk silo. Ka bul vela thil awm reng reng chuan min nek chhep vek a,ka nun ka lo hman chho dan te avang chuan min kawk in min nuihzat ni berin ka hria. College campus-a ka awm reng anih chuan ka mualpho ngei dawn tih hria in, gate bula taxi lo tlan chu phar in City Park lam panin ka kal a, taxi chhung te chu a zim lutuk mah mah a ni.

Kan thlen hnu chuan chuan man pe in ka chhuk nghal rawk rawk a,hmanhmawh zetin park chhungah chuan lut nghalin, midangte’n an hmuh ve mai theih lohna tur hmun, Thingkung lian ṭha zet dinna sirah chuan ka ṭhu thla hnawk a, ngati nge hetia ka awm leh tak, Kum4 a ni tawh asin. Ka danglam a nga, kan inhmuh leh chuan a naupan lai ṭhian ang khan ka awm leh thei em em ang tia ka lo in ruahmanna te zawng zawng chu engmah lo mai a ni, A hmel ka hmuh leh meuh chuan kan hlimni zawng zawng te, min tih natna te chu nimin ral ta ang maiin he ka thinlungah hian a thar leh a, ka buai vek anih hi.

“Vero, ka best friend i nih hi aw, I hria tiro?” Lalramliana thusawi te chu ka ngaihtuahna ah a rawn thar a, ka mittui a hnam nghal ṭiam ṭiam a,
“Um, Lalramliana Best Friend ka ni.” tiin ka au nghal vak a,
“Veronica Lalrinfeli hi ka best friend a ni” tiin a au ve bawk a, kan in en a hlim takin kan nui anih kha, khatih lai khan pawl5 chauh kan la ni. Kum a kal zel a,pawl9 ka nih kum niin Ani in Pawl10 a zir kumah min duh thu a sawi a, a thusawi bawk mitthlaah alo lang leh a,
“Vero ṭhian nih ka duh tawh lo.” kun deuh lapin a ti a.
“Maw..!! Eng nga ti nge??” Ka mittui a tling nghal pam, ka ṭhian nih a duh lo kha ka hlauthawng em a ni.”A chhanchu..”a tih lai mekin, ” Eng nge a chhanchu?” ka lo ti vat a, eng emaw thil ṭhalo a thleng anih ka ring ber tawh, ” A chhanchu ka duh che, mipa in hmeichhia an duh ang hian” Kha thu a sawi lai khan, Khawvela hmeichhe hlim ber ka ni hial ang. Ka pian a hnu lama ka hlimni ber tiin ka sawi fo anih kha. Khang hlimna zawng zawng kha tuna ka dinna, he City Park chhungah ngei hian a thleng a ni. School ban apiangin kan kal a, kan phak tawkin hmalam hun kan suangtuah a,kan hlim thei hle ṭhin anih kha. Mahse khang suangtuahna leh duhthusam zawng zawng te kha tunah chuan an thamral vek tawh a, duhthusam tu te pawh mihrang ang mai kan ni tawh si a.

Ka ngaihtuahna chuan ka mittui a ko chhuak a ṭap ring ngam silovin ka ṭap a,ka awm chhung tawt lutuk chu ka chum dat dat a,
“A tawk tawh Veronica, a tawk alo kir tawh dawnlo” tiin ka in hrilh mawlh mawlh a mahse ka mittui la a hul thei silo. Eng chena rei nge ka awm ka hre lo a, ka duhtawka ka ṭah hnu chuan ka thawl deuh huai in ka hria. Ka hawi chhuak chu Khua a thim deuh thet thet tawh, ka sana ka en nghal vat a, zan dar6:00p.m a lo pel der tawh. Ka tho vat a,kan in a hlat tawh loh avangin kê in ka haw a, ka ngaihtuahna te erawh a chawl thei chuang hauh silo. ‘Zebra’ tiin min ko anih kha. Min la theihngilh fai vek biklo a ni, ka thawmhnaw hak uar leh kan duh ber Tshirt var leh kekawr dum vanga Zebra tia ka hming lem phuah kha ania, min koh tir chuan ka haw ṭhin mahse a rei a ka hlim pui zawk fo ṭhin si a.

Vawiin a a kalpui Sarah-i kha a eng nge anih le? Sarah-i ka ngaihtuah tel chuan thikna in ka khat a,ka kut ka hum ruh ngawt ngawt ringawt. Min hmu tu awm se chuan an tlanchhiatloh vek pawn min hlau ve ngawt ang.
“Thinrim i ang.” Min ti tu vang chuan ka phu zawk a,
Maruata kan gate bula ding chu ka melh nghal rawm rawm a, engchen nge hetah hian a din tawh ang le?
“Ka thinrim leh rim loh chu i tan a pawimawh lo,Misualpa” ti hlakin ka hawisawn hmak a, ka thusawi chu ngaipawimawh lo zetin ka hmai zawnah a rawn kun hniam a,ka mitah tak chiang fahranin a rawn en a, min ti hamhaih zawk hial.
“I ṭap a mi??” ngaihsam hmel fe a tiin a rawn kun hniam leh kher a, “Ka ṭap lo bawk, khatin min melh ker kawr suh.” tiin ka hawisawn leh hmak tawh.
“I ṭap nge ṭap lo tih ka en mai a lawm” tiin a ding ngil nghal vut a, a sir lam hawi zeuh in,a hnar a tum nghal dat bawk. A hmel en tura ka hawi leh chiah chu a mitmenga hrehawm tihna, inthiamlohna leh min khawngawihna te chu a inlan chhawk zawt zawt a, ka hmuh ngailoh thil anih vang nge sawi tur ka hre lo,ka hrelo leh takzet tawh.
“I Chawngkawr mit kha a ro keh vek mai ang, min melh tawh suh.” vin deuh hlak hlakin ka ti ta ringawt a, ka thusawi vang chu a ni ngei ang min melh deuh kawk a, “Maw!”a mak ti hmel chu a nuihzatthlak viau lehnghal, a mitmeng pawh a danglam vek a, a nui nghal sawng a, nui tawp leh thutin a ngaihtuah leh nge nui satliah pawh ni tawh lovin a nui ta hawk hawk a, hetiang hian ala nui ring ngai miah lo, ka thusawi nge a nuih ti za a, ka awmdan pawh ka hre teh hrep love, ka mood chhiat tehlul mittui tla phungin zu han nui thei a. “I ninawm i nui ring leng lung si,ka lut dawn” ti hlakin ka kalpel a, la nui vur vur chungin, “Ṭawngkam mak em em nu,ka lo riak dawn” tiin ka darhah min kuah lehnghal ringawt tawh. Ka lo ṭang ve phat nen kan in pawt leh nawk nawk tawh a ni ber e. A chetdan leh a mize pawnlang hi chu inmillo fia fia thei khawp mai.

Lo riah pawh a tum tak tak lo tih ka chiang, ka hlimlo tih a hriat vang leh ka haw tlai vanga ka chhungte’n min hauh a hlauh leh vang bak a ni leh chuang lovang. In chhung kan lut, ka chhungte an lo ṭhu ṭhap ,engdangmah sawi lovin Usanga chu melh rum alin,” Eng nga tinge kan college ah Lalramliana a kal thu i sawi loh?” Ka ti vin nghal ṭhawt a. Min chhang lovin an vai chuan mak ti hmel fê in min en ṭhap a. Ka mittui a hnai leh kuar tawh, “Mizoram alo let tih pawh ka hriat loh laia kan college a ka hmu thut, ka awmdan hi in hrethiam lo.” aw lawi rawta ka tih leh chuan min chhan tumin a ang zuai hman mahse engmah a sawi leh tak siloh avang chuan ka room lamah ka chho nghal daih a. Ka mittui bawk hi ninawm sek! Ṭap rual pawh ka ni tawh lo,mahse ka ṭap tho si a. Ka va han ṭahbelh tak em! Hmangaihna hi ka hua, ka haw takzet.

Ka kawngkhar kik ri avang chuan ka mittui chu ka hru hul sawk sawk a, ka hawn rual chuan ka chhungte leh maruata an lo ding ṭhap, ka awmdan avang khan ka inthiamlo thar leh thut a, mahse sawi tur engmah ka hrelo. “Bawihi,eng nge thil awmzia Ramtea lo awm te chu lawm zawk awm?” Ka nu in a tih chuan,
“Ka lawm lo,hepa hi ka hua natna min pe anih hi.” ka ti nghal hlar a, ka aw hi chu duh aiin a vin ṭhin,
“Chutianga a tih nat che chuan engvangin nge min hrilh loh.” U Te-in ka awki ang chiaha vin a atih chuan kan en nghal ṭhap, Amah bawk chuan,
“A tih nat leh che chuan min hrilh rawh Ka lo beng kaih ang.” a ti leh chuan kan vai nuih ta vek a, hetiang niah hian ka unau te hi an fel ṭhin ania, ka pa erawh mi ṭawngtlem tak ni mahse pa ṭha tak erawh a ni chiang. A chhungkua a hmangaih a,a theihtawpa ṭha in min enkawl vek a, chutiang mi anih vang te pawh aniang ka u te pahnih pawh hian hna an neih hnuah pawh min chhuahsan duh miah lo.

An chhuk dawn chuan ka nu in, inthlak a chaw ei turin min ti a,Vanlalruata hi chu sawm angai lo Keipawh alo tih ve leh nghal kha. Kan in a chaw ei te, a riah te hi chu kan ngai neih tawh,an in ah pawh ka riak ve fo mai, kan in aiin ka thu zawk mah lehnghal. Kan inkawm dan hi kan chhungte’n an hrechiang a,mihrang angin a chhungte’n min en ngailoh ang chiah in ka chhungte pawn an en hrang ngailo. Mikhual zaktheilo tia ka fiam pawn ka nu in min melh rum ziah alawm le, a chhan nasa mai si, kei nilovin a Ani hi a fa zawk a ang. Hetiang chiah hian Lalramliana pawh kan inchhungah hian a Lal ṭhin anih kha, mahse Ani chu a awm ve tawh lo.

Ka kawngkhar a in khar phui rualin, “Vanlalruat,i vang anih kha.” ka’n ti lehnghal ngawt a.
“Eng nge? Mi hi ngaisang viau suh” ka khuma a ṭhut ruala a tih chuan ka ngei leh viau tawh.
“Ka ngaisang bawk lo che..” tiin ka inthlakna tur ka zawng nghal a, “Min ngaisang lutuk anih kha ka hming i lam reng.” Hepa tak hi chu, ka hnial chhung min hnial peih.
“I hming ka lam chhan te chu ka ngei vang asin, Mawlhmuar..” ka tih chuan a haw leh khawp ang.
“Min ngeilo anih kha ka bulah i awm.” tiin a nui lui sawng a, “Tu nge awm zawk chu???Ka room anih hi chhuak rawh. Ka pet chhuah hma che hian.” A ngei turin ka ṭawng ve bawk a, keiman ka haw leh tawh zawk. “I thu lo ber awm e, kha inthlak rang rawh” tiin,
ka thawmhnaw khuma ka dah chu a rawn theh phei a,ka lu ah a la fuh zui, pawt thlain,”Hmela” ka ti leh hram. Ka inthlak a,chaw ei turin kan chhuk nghal a, ka chhungte bulah pawh awmrei peih lovin, Inchungah ka chho lehnghal daih. Maruata’n min zui chho ve lehnghal zat a, hepa hi lo riah a tum tak tak a nih hmel. Ka hnungah a rawn chho a ka samah a pawt leh zeuh tawh, “Nu.u.u.u” ka au ring lutuk, min runlui peih lutuk hi ka thin a ti chhe zual vek. Amah la chuan,”Nu Vanlalruatan ka samah a pawt ziah ania.” min la tikhalh zui. Inhnuai lam aṭanga nui ri vang chuan rum theih pa tawpa melh in room ah ka lut a, kawngkhar ka khar khum hmiah, a na a ti ri ah chuan ka nui nghal var var a.

A rawn lut chu a hnar leh a chal a sen kulh mai. “Misualnu…” tiin tum burin ka khumah a ṭhu lehnghal tawh. “Eng nge Misualpa.” a hmel ka en chu,a tum bur a naupang ti tau a ang reuh lutuk chu ka insum theilo ka nui chiam a,a nui ve tawp. A na lo pawh ti se a na ngei ngei ang. Kan titi a volleyball leh college week tur chungchang hlir min sawipui a,hetiang hi a ni ka ṭhianpa chu, ṭawngtlem in zawiawi viau mahse ka tan erawh ṭhian ṭha ber ka mamawh hun ang zela inher danglam thei a ni miau a.

Nitin class kan kal a, mahse ka hun hman ve dan erawh Lalramliana pehhel dan hlir ngaihtuah in ka buai a ni ringawt. Ani pawh in min hmuh a duhloh vang alawm, he College ka rah hma chuan a rawn let tih pawh ka hriatloh, min hmu duhlo tu na na na engvangin ka hmuh chak fo ang. Kar khat lai a liam ve tawh a, kan la inhmu lo tluan chu ania. Mahse a ni ka pehhelna lamah hian College campus pawh ka hrechiang theilo. Kan class thlang lawkah hian field a awm tih ka hria a, kan class aṭang pawh hian a hla lemlo bawk, an kal nasa ṭhin viau mahse kei erawh in chak viau mah ila kan class ka chhuahsan ngailo tluk a ni. tukverh aṭang hian ka thlir ngawih ngawih zel tawp.

Tlanchhe nun hi ka ning a,lemchan nun pawh ka kham bawk. Engvanga tlanchhe reng nge ka nih? Tisual tu pawh ka ni lo, tiin ka infuih fo a mahse hmachhawn tura huaisenna ka neilo erawh nep ka inti viau lawi si a, nep inti viau chung siin ka ngam bawk silo. Ka awmdan hi a va han hrehawm tak, ka dawizep thar ta riau te hi ka in haw ngawih ngawih a, mahse huaisen tura ka infuih nasat viau pawh in College Campus kan luh rualin a ngai te bawk in, Lalramliana hmuh hlau reng rengin ka khawsa leh a, Vanlalruata la hi, “Hmachhawn rawh,i dawizep lutuk” ti reng mai a tawn ve loh vang mai a, innawr vak kher. Hetianga a tih apiang hian ka thin a rim ziah zui a. Kan inhnial leh nge ngei zel.

College week ṭan a ni dawn tawh a, Field lamah pawh Volleyball leh football an practise deuh reng a, ka tel ve chak thei lutuk, mahse ka kal ngai chuang hauh lo. Hetiang hun hi ania Maruata nena kan nghahhlelh ber ṭhin, mahse engah mah ka chhuah ve pawh ka ringlo e a. Class kal turin min rawn sawm ve tehmial a, min rawn sawm rawh pawh ka ti tawp silova, ti nge tukin chu a tho fuh nih dawn hi amah anglo zetin a nui var var reng a, ka lo enchik ngai lo nge tukin bik hian he mipa hi mipa hmelṭha tak a ni, Midangte hian an star hian mak ka ti ṭhin a, a nelawm loh si, a ṭawng mawh si, a ṭawng ve chhun la a ti hmuk hmuk a, a pawisawi hlauhawm khawp in a mitmeng a thim leh nghal mahse he a mitmeng thim zet leh nui tawi suk suk hi a inhmeh. A in hmuam up lutuk ṭhin erawh ka luak a ti chhuak, kan pahnih a kan awm ang hian awm ve mai mai se, mite pawh hian an nel zawk daih ang. Uṭawk sahbawn sen hmuam hi a ang a. Ka ngaihtuah na vang chuan ka nui khur char char a, mawl min tih hmel zetin min leh vung vung tawh. Ka ngaihtuahna hi hria se ka chal hi artui tiat in a kuk duh hialin nia ka rin.

Kei min kawm ang hian midang hi kawm dawn ta se,ka haw ngawt ang. A luck si, a hmeichhe duhzawng tawng in ngaihzawng min neih san ta se, engtin nge ka awm ang le? ka ngaihtuah zawng ringawt pawh in ka chhungril khawi lai maw hi a na veng veng thei nia. Tinge Ani hi Lalramliana nena kan intawn hma in ka lo tawn loh le? A mize cool ruih te,A mitmeng pa zet leh a pian nalh zet te hi ka ṭhian nilovin ka bialpa ni ta zawk se. Hmeichhe dangte’n an star em em nachhan, a ṭhian ka nih vanga a nungchang nelawmloh tia ka sawi daih te hi, diktak chuan bialpa atan chuan a sial ve thlawt alawm.
Ninawm nge maw ni, hetiang ngawt ka ngaihtuah le? Kei hi kan chawhmehah khan diklo a awm em ni le? Ei sual ka nei a ni ngat mai.

“Vanlalruat, ka hmai hi enteh?” A bike a alawn tur chu ka pawt let a, a hmai zawnah chuan ka dak deuh vah a, mak ti hmel zetin min en a, “Ti nge?” a tih chuan, “Bawl a awm em, emaw vual tal?” ka ti leh a, “Nga ti nge a thak em ni?” tiin a lu a thing ngut ngut a, “Ei sual ka nei anih ka ring a, ka ngaihtuahna a dik theilo.” ka tih chuan thaw hakin ka chalah chuan a pen nghal fawk a, “A na” ti vakin ka tuai nghal vut vut a, “Nge a?” ka tih chuan, “Chala vual awm tir i duh hmel sia, ka pen sen anih kha, rawn chuang rawh.” ngaihsam zetin a bike-ah chuan a lawn nghal a, ner khum nawngin a hnungah chuan ka lawn ve a, min pen man hi chu a hmu khawp ang mawle. Nghet thei ang berin ka kuah bet tlat a, heti hi chuan thawk hial pawh a hrehawm ngei ang.

Ka rindan chiah thui pawh kan tlan hma in a tiding thut a, “Lalrinfel, eng nge i hriat a?” a tih hluk chuan, hriatthiam loh hmel zetin ka melh lui tlat a, “Ti nge a?” ti ha in, a side glass zawnah chuan ka lang kher a, “Thawchham a thih tir min tum em ni? Khati em em a nghetin min kuahbet a.” a tih chuan, “Teuh lo emai, ka ngaihtuahna a dik theilo ka tih kha.” ka ti niah niah a, a thaw hakin a zui nghal. Kan ṭhut ṭhat rual chuan, “Maruat.” ka ti nghal hliai a, “Ka phallo” an ti nghal ngawt a. He mihring min hrechiang lutuk hi chu ka haw ngawt mai. A bike khalh dil ka tum tih a hrethiam lehnghal miau a. “Please vawiin chauh.” fel hmel zeta ka tih leh chuan, a side glass chu siam ṭha mawlh mawlhin, glass aṭang chuan min rawn en in, “I ngaihtuahna a dik theih loh kha,” tiin a tlanchhuak nghal vut a, ka eu dawr a, a din lehnghal rualin ka bawh rawk a, ” Hmela ” ka ti vin nghal ṭhat. Side Glass- a a nui vur vur chu ka melh rum al a, “Khati kha chuan i ngaihtuahna a dik deuh tawh ang.” tiin a tlanchhuak zui ta nghal a.

Bike khalh hi ka thiamlo a nilo, mahse Usanga’n a neih avang leh college khata kal kan nih avângin ka pa in lirthei neih hran min phalsak ve lova, mamawhna ka neih chuan ka u te pathum ta hi ka duh ber ka khalh chhuak mai zel a, he Vanlalruata hian a bike hi min khalh tir phal ve ngai miah lova, ka dil zin poh leh kan inhau tam hi a ni hrim a, dilloh a him, mahse a hnung seat erawh tumah hian min chuhpui ngam ngaiin ka ring love. Amah ngaizawngtu te min huat phah tamna a ni ve reng reng a. Han be ṭha in hawpui pawh tum ve mahse emaw an class hmeichhia te’n inthlah tir tum mahse kei ka nilo anih chuan Amah a chuan a duh miau a, ka awm ve chinah tu hmeichhia mah ala phur lova, ka la awm reilo viau na in, an class ho sawi ka kai leh der tawh tih ka hria, mahse ka care vel peih love.

Conti..