“Kha lo man ru,rukru” tiin nu, la valai deuh leh mipakhat mask vuah hi dawr pakhat atang an rawn in um chhuak a,bazar lun lai tak a ni bawk nen chu rukru pa chuan mipui lo zi hut hut te pawh chu a rawn tawn tlang pawp pawp mai, “lo man ta che u mawle, rukru a nihkha” ti a au pah in nu valai chuan rukru pa chu a rawn um phei ve zel, mipui tam na kar mah nise tumah lah chuan lo man sak tang e ti pawh an awm lo, ka lam ah chuan a rawn hnai zel a,hmuhnawm thlir tak in keiin ka lo thlir thung,chutia ka lam pan a lo tlan mek thlir a ka lo din reng lai chuan tu emaw hian min pawt dawrh a, rukru pa pawh chuan min tlanpel nghal fua mai, “i tha em, a su tep che  a nihkha” ti tu chu tudang nilo in Hmingmawia a lo ni, “kha, um vat rawh a tlan hla dawn a nia” a zawhna pawh chhanglo in ka lo ti chul , “aw buaithlak!!” Tih hluk leh rukru pa tlan na lam a tlan ve nghal chu a rual a,an in umpha meuh a nge maw.

Dawr neitu ni awm tak,rukru rawn um tu pawh kha ka bul ah lo ding in Hmingmawia lo let leh hun chu kan lo nghak a, darkar chanve dawn hnu ah Hmingmawia te pawh an rawn in thawm phei nawk nawk, “tenawm lutuk,rukru lo in hnathawk ta che fu ke kim i nihkha,thalai ve si” kan bul an rawn thlen veleh dawr neitu chuan a lo ti nghal bawrh bawrh, dawr tum ni awm tak in a awm a,  thil an enkual lai in a purse chu a lo pawhthlak sak hi a lo ni,dawr neitu chu a thinrim khawp mai. “Inspector Hmingmawia kha i ni tiraw, case hi min lo ziahluh sak teh aw, in ngaihdam nghal ngawt kha ka thei lo” dawr neitu chuan  a ti leh hlak hlak a, “a nih chuan station lam ah min lo zui ula,case chu kan file dawn nia” Hmingmawia pawh chuan a lo ti ve a,mipui ho lah chuan Hmingmawia te lam ngawt chu an thlir hlawm a,a ruk in ka lo in tithei ve em em ringawt, a ni Hmingmawia nen hian kum hnih lai chu kan lo inzui ve tawh a, a hna ah hian a tui bawk a, a hna a thawh that thin em avangin fak pawh a hlawh in mipui hriat pawh a hlawh ve khawp mai,a mah a sang in a  taksa  a in phut mawi tawk bawk a,a uniform famkim nen a a han in duang zaih phei hi chuan zan hnih khat lek lockup lam a lut tur in thil sual te tham deuh tih luih a in man tir a chakawm,ka sawi uar mah mah in lo ti a nge tleirawl thenkhat sawidan a nih hi, tleirawl lam ah hian a tla na ve tlat.

“Vawiin chu kan tum na tak ah pawh kan kal thei dawn lo a nih hi, station lam ah chuan min lo zui ve mai ta che” inthlahrun hmel ang reng tak a a rawn tih chuan, “imm., nidang ah i duty loh hun ah kan kal mai dawn nia” ti a ka lo chhan chuan a nui suk a  ,a hahdam hmel sawt bawk in ka hria , a night dawn avangin chhun lam hun awl kan chuh e tiin kan chhuak dun ve a,a duty hun lo ah pawh duty ang reng a ni hetiang deuh hian tum thum vel chu kan awm tawh,mahse ka sawisel lo a hna a nia,a duty lai emaw ,duty loh lai emaw pawh nise police a nih miau avangin a hna chu tlin tak in a thawk tur a ni, kei tak pawn ka fuih nasa ve thin hle hei vang hian a ni pawn min zah thiam in a thil tih tur ah min rawn der ve thlap thlap zel, kan inkar a in hriatthiam tawn na leh in zah der tawn na hian min suih nghet zual ni in ka hria.

Tlai lam ah in ah min va  dah a, a la hma deuh avangin thu khawmuang rih tur in ka chelh a, ka pa office loh ni a lo ni kher nen, ka pa chuan a lo be phul leh hlut tawh,kan chhungte ve ve lam in kan inkar min hriatpui vek bawk a, hetiang a nihchuan inneih lam pawh kan hlat vak in ka ring tawh lo, “tunlai case lian tham deuh khawih tur in nei lo nge, police ho hi in thawm a reh riau in ka hria” ka pa in a tih chuan,”nia case liantham em em chu a awm rih lo,tunlai ruihhlo hluar lutuk hi kan buaina ber chu a ni rih mai” tiin Hmingmawia pawn a lo chhang ve mai “ni e, ruihhlo hi a hluar khawp mai, tiang ruihhlo tawlh ho lah hi man an har khawp lehnghal, khawi khawi emaw atang hian duty hun tur te hi an lo hre thei zel mai a,kan fimkhur tlan chu a ngai hle a ni,ruihhlo hian kan ram min eichhe mek zel chu a nih hi” ka pa bawk chuan a ti leh charh charh a, Hmingmawia pawh a lo bu ve nghat nghat mai,rei pawh awm lo in a ni Hmingmawia pawh chu thingpui in zawh lam ah min tin san a,in a thlen hun a min lo be tur in ka ti bawk.

“Enteh bawih, i bialpa han luck zia chu maw, ka hrilh duh che a ngem” tih message ka chhiar chuan ka nui chhuak hak, Lalrinengi thin tak hi chu a “a ngem a ngem ti lo khan min han hrilh tha ve hle hle mai la” ti a ka chhanlet na chu a seen rang ngei mai , “kan minister fanu model ni bawk in i bialpa hi tih takzet in a ngaizawng an ti a nia aw” a tih chuan “a ni maw,ka bialpa hi chu a chhelo ve a” ti a ka chhanlet na chu a seen ringawt a min reply lo,mahse a call a rawn lut ta thung, call ka chhan rual rual in ,

“Ti khan i ngaih ti tha ngawt suh ,minister fanu lai te a nia, Hmingmawia a atchilh lutuk an ti leh nghal a mah model a nia,a chhelo bawk si ,nangchu a lak ah chuan i tla vai vai hmelthat leh pian nalh ah phei chu tluk lo han han tak i ni” uar zet a a tih chuan ka ner nang nang, “kei aia hmeltha leh pian nalh pawh nise keimah hi Hmingmawia bialnu zawk chu ka nia” ka tih chuan “chu tak reng chu a lawm fing ta che Saizampui,tun ah a bialnu ni rih mahla e nge hma hun ah thleng tur tuman kan hrelo, Hmingmawia hi a kherh tak tak a nihchuan i chan thut thei” a tih leh chuan ka ning lek lek tawh, min sawithaih ve deuh emaw ni “chan thut lo ang Hmingmawia hi ka hrechiang a,ka ringtawk bawk a lawm” ka lo ti let ve leh hmak, kan inngaihzawn tan tirh atang hmeichhe dang lak a rinhlelh awm leh thik tur in a la awm ngai  tlat lo, “chutiang ringawt a nilo, a pa in thil a ti thei si Hmingmawia hian duh lo eng ang mahse a pa power hmang a an vo bet a nih chuan i chan lawng lawng thei ve tlat a nia, Lucy-i hi a pa in a duat lutuk an ti lehnghal a fanu in a sawi leh dil apiang  a tihsak zel duh ang,i bialpa hi sawrkar hnuai a awm a nih hi” a tih leh chuan ka ngaihtuahna a thui  ve ta deuh,mahse Hmingmawia hi ka ring tawk a, ka rinna hian min phatsan duh a ringlo bur.

“I lungngai a nihkha, bak ah Lucy pawh mi pangai a nia,model lai a ni bawk a , i ring chhe lutuk a nihkha chutiang te a thleng kher nang” tiin a dam zawng in thil chu ka  thlirpui, “nia, mi  ka ring chhe hma thei lutuk hi buaithlak, a nasa ve reuh lutuk an tih vang a nia, mahse ka sawi ang zawng zawng kha a thleng bik kher nang” a rawn ti ve leh mai a, a ngaihtuahna chu ka hrethiam tho ,a thian ka ni a min ngaihtuah vang  a sawi a ni tih ka hria, chulam chu sawi duh tawh lo in thildang kan sawi ta daih.

Zingkar a ka phone ri ral ral chuan min ti harh zawk, Hmingmawia a lo ni, phak chual chung a call chu chhang in “imm” ka ti tawi tak, “i la mu em ni?” A tih leh pawn “imm” ka lo ti leh tawp, a nui hawk a “tho tawh rawh dar 6 a ri tawh a nia, keipawh hei ka haw dawn chiah ,chawhma ka mu zuai a nga,chawhnu lam ah ka lo kal dawn nia tihtur i neih hran loh chuan” a tih leh pawn “imm” tihzawng in ka lo chhang leh,nuih leh hawk pah in “a la chhuah hmel e mai mu leh mai rawh” a ti a, chhan pawh ka chhang peih tawh lo,mut hi a nuam em a zingkar a ruah a tlak cherh cherh phei chuan thawh a peihawm loh,kei phei chu mut duh chi ka lo ni bawk nen thawhhma hi har ka ti, thildang a sawi leh pawh chu mumal in ka hre tawh lo ka lo muhil leh nghal daih, dar 7 vel ah  tho in  ka nu rawngbawl  ka pui ve nghal.

Kan chaw eilai in ka pa in
“vawiin chu cafe lam ah i nu zui teh  aw bungraw thenkhat a lo thleng dawn a,hnathawk rawih te awm tho mahse an buaipui chiloh thil a awm ve a” a tih chuan ka lo bu nghat, chaw eikham lam ah ka nu cafe lam pan in ka nu nen kan inzui chhuak a, kan cafe awm na lai hi hmun ual au lai a nih bak ah ka duh dan thlap a ka chei a ni bawk a, rawn  lenglut te hian nuam an tih thu an sawi ve fo mai, dawr kan thlen veleh Hmingmawia ka call a , a mut ka ring na in ka chin ka hrilh loh chuan kan in lam ah a lo va kal thlawn ka hlau.

Call a lak rual chuan “aw Zampui”a rawn ti zangkhai vah a, a mu lo em maw ni “vawiin chu cafe lam ah ka nu ka pui  a , in lam ah kal lo in cafe ah lo tlang mai ta che” ka tih chuan “englo a nia, vawiin chu ka rawn kal theih ka ringlo, damdawi phur motor Aizawl ah a rawn lut dawn ni in thu kan dawng a,chu chu bawh zui kan ngai dawn a, i hrethiam tiraw ka hna a nia” a tih chuan min hmu thei lo mahse ka bu nghat tho, “ka hrethiam a lawm, i hna hi a pawimawh a lawm keini te chu kan inhmu ngun tho a lawm, damdawih tawlh tum ho chu va man vek rawh” a tawp lam a fiamthu ti tih a ka tih chuan a nui hawk a,,”Ka lawm e, i thupek in misual ho chu ka va man vek a nge boss” tiin uang deuh in min chhanglet ve a,keipawh ka nui ve hawk mai,rei kan inbe lo ,mut pawh a mu hman lo a ni awm e, a chau ngawt ang.

Chawhnu lam her ah hmeichhe pathum hi an rawn lut a, ka en chian chuan Lucy te an lo ni, hmaichhan ah tun hi ka vawikhat hmuh na ni mahse,sawi  tawh ang khan a ni chu minister fanu a nih bak ah model a ni bawk a, Mizoram mipui a nawlpui hi chuan kan hre deuh vek ang, chhiat pawh a chhelo in a pian lah a in khai thli thlarh mai bawk si a, hmeichhia mah ni ila enzui vawng vawng chu a awl khawp mai, kei nen phei chuan khaikhin tlak pawh kan ni lo,tluklo han han tak ka ni, an order ka va pek lai chuan ka ngaihbel nge ni an ni ho chuan min en deuh hrek hrek ni in ka hria, mahse haider lui in “hei in thil order aw” tiin ka nui sang a, kal leh nghal mai ka tum chu ,an thusawi chuan ka beng a verh deuh, “a chhelo ve thlawt a lawm, a pian a nalh bawk si,Lucy i model i ni tho bawk sia inkawp ula in inhmeh dawn lutuk” tih ri chu uluk deuh in ka lo ngaithla, “nia Hmingmawia hi chu a chhelo a lawm a uniform hi a inhmeh bawk si” Lucy dinglam a thu in a tih chuan an mi sawi lai mek chu tunge a nih ka chiang thei ta, Rinengi thusawi kha a lo dik tak tak a nih dawn hi.
“Mahse bialnu a neih kha” ka lam rawn melh ralh pah a Lucy in a tih chuan an bul lawk ah ka lo la ding reng a ni tih ka hre chiah, za lo deuh a an ni chu nuih in ka kalsawn ta vat, “a ho ee! Bialnu tih mai mai nupui pawh a la nih loh tawp chu, nupui a neih hma chu sava thlawk lai a la ni tho tho,tu tan pawn chance a la awm tih na,ngaihzawng then te chu thiang a lawm” pakhat chuan lo ti leh in an nui hak hak hlawm a, an tawng ring ang reng bawk si a,ka hriat tur kher a sawi te pawh an ang a lawm. “Chawn tawi bing deuh kawppui ni tur a tanchuan a uiawm” Lucy in a tih rual chuan ka chawn chu ka lo thlek vat a, a sawi ang em em in ka chawn a bing in a tawi bik lo, hmeichhe lian leh sang tak chu nilo mah ila,a rual pawl tawk chu ka ni ve ,ka pian pawh thenkhat chuan ‘a tawk chiah’ an ti ve fo tho.

“Sawi tawh lo ang u,tu te emaw in an lo hre reu reu a nge” tiin awmze nei deuh in Lucy chuan a thiante chu Hmingmawia nen kan chungchang sawi tawh lo tur chuan a ti a, a khat tawk in min melh leh zeuh zeuh thin bawk, an thil tih duh dan chu an ni ang mi challang leh hmel felfai tih atan chuan a naupang chhia in thing hi ka van ti tak, rei pawh an awm lo, ka hriat atan a an duh chin a sawi zo a nia nge, chhuah tum in an ni ho chuan bill min rawn pe a, cheng 500 tlang minpek pah in Lucy chuan “a bang kha chu nei rawh, tanpui na a ni mai” ti in a nui pah bawk, a nui hmel lem lutuk chu ka hmuh hmaih lo nasa , a mi tham loh dan chu ka palzam theih thil a ni bik lo, an chhuak tawh hnu chu va um zui leh ngat in, ka va tiding a, Lucy kut a a 500 minpek hmehbel pah chuan “ka free ang che u” ti ve hmak in ka kalsawn san nghal nal nal, min ngei khawp ang,an duh leh min ngei rawh se ka pawi ti lo nasa ,an buh ka ei sak lo ve chiang e mai.

Hmingmawia te chu zanlam pawh an duty tlang a,a chau viau ang mut na hun a neih meuh lo, a tuk zingkar ah min rawn call in “ka haw chiah” a rawn ti a, “in hlawhtling em?” Ti a ka zawh chuan thawk a la hawk a “khawi emaw atang kan duty dawn tih an hria a niang,an rawn inlan lo” a ti a, a tawng sehchilh deuh dan ah an hlawhchham chu a thinrim deuh ni in ka hria, “tun tum chu him mahse a lehpek ah an him tawh kher nang, mu hahdam la i chau lutuk ang” tiin kan inbiak na ka ti tawp a,han sawipui vak dan ka hriat loh vang a ni tel bawk.

Karkhat a liam leh meuh chuan ka nu cafe keiman ka enkawl ti tih a ni ber, buai pawh ka  buai viau mai, Hmingmawia lah a hna thil ah a buai ve tho bawk nen pangai tak a han inhmuh na hun pawh kan nei thei meuh lo, tum khat Rinengi rawn leng chuan “Hmingmawia nen hian in tha vak lo em ni” tiin min zawt hlawl, “that loh pawh ka hrelo tinge” tiin ka lo chhang ve mai “nga ti vak lo e, in tha vak lo emaw ka tia Lucy hian ig lam ah Hmingmawia hi a mention zeuh zeuh a,an chhuahdun na ni awm tak pawh a dah tel a lawm” a tih chuan ka bengkhawn ta deuh, a sawi tak ah chuan in hau ni miah silo hian tunlai chu kan inkar a hla deuh riau in ka hria, kan buai dun vangin kan inbe tam lo a,hmuh phei chu kan inhmu meuh lo.

“Engtik in nge post chu a siam a” tiin Lucy ig post ka en ve nghal zat, Hmingmawia nen zanriah an eichhuak ni awm tak a ni,in hnaih tak ah thu dun in thla an la dun a,an nui sang bawk , caption engmah a siam lo na in comments lam ah erawh in ngaizawng emaw ti an awm nawk mai, a post hun ka en chuan nizan hmasa lawk a lo ni, he mi zan te chuan an thian ho in chaw an eikhawm dawn ni ang khan min hrilh a, dawt min lo hrilh reng tihna nge ,ka awm zawn chu a na nghal nget nget ka sawithiam lo,kan inngaihzawn tirh atang dawt min hrilh leh hmeichhe dang lak a thik tur ang in a awm ngai lo,mahse he thlalak zet hi chuan sawi thiam chiah siloh hian chhunglam atang min kher nget nget ni in ka hria.

“Hmingmawia  ka phone dawn” tih leh phone phawrh chu ka rual nghal a, a pawng a tak a rinhlelh nghal bur erawh ka duh lo, thil hriatchian hmasak phawt kha tha ka ti, thil reng reng kan hmuh leh hriat chin ringawt hi thil nihdan diktak a lo nilo fo,chuvang chuan Lucy leh Hmingmawia te pawh ka hmehbel nghal chawt duh rih lo,call chu a ring char char a,mahse a chhang lo,vawi hnih vawi thum lai ka try pawn zuk chhang miah lo a mawle,  a tawp nan tak tak tawh tiin vawi khat dang  ka try leh a, a hma ang bawk in a ring ral leh dawn emaw ka tih tawh hnu ah call chu a rawn pick hlauh a ,ka thaw huai thei mahse “Hming..” ka ti hman chauh “hello” hmeichhe aw tliang ral in a rawn tih chuan ka ngawi dat , “hello” a rawn tih nawn leh chuan “tunge aw,hei hi Hmingmawia phone a ni lawm ni” ka ti a, “aw ni e, a ni chu a inbual lawk a,”zangkhai vah hian lehlam a mi chuan a ti a ,”e..eng maw,a inbual a maw” ka ti chhuak thei hram “aw, a zo dawn tawh em kan zawt a nge” a tih zawh veleh “Hmingmawi i zo dawn tawh em” tiin a au zui lang lang a, thil hriat nuam tak zawng a van nilo em “aw zo tep chu a ni mai, reilote min lo nghak leh lawk rawh” hla ve deuh hlek atang a Hmingmawi an a ti ri pawh chu ka hrepha, “a inbual zo tep tawh a nihchu aw Zampui” hmeichhia chuan a rawn ti a, “tu nge i nih” kei erawh in ka lo ti chang leh fak, Hmingmawia hian unau hmeichhia a neilo, a hmeichhe thian neih ve te pawh ka hre kim deuh vek bawk, “Lucy ka nia, ka dah kan buai deuh a” tih leh phone dah chu a rual nghal a, Lucy tih hming ka hriat chuan ka sa nghal pup pup ni in ka hria, ka awm zawn hi a rawn na nghal veng veng.

“I sawi kha a dik a nih hmel, tun ah pawh Lucy nen an awm,a inbual mek a nihchu…Hmingmawia chu” ti in Rinengi en chung in ka nui hul hak a,ka nuih a va han za lo tak,a insawifiahna ngaithla tur a call ka ni a,mahse insawifiahna chu a mamawh lo chiang khawp mai, engkim a chiang tawh e tiin biak tawh loh chu ka tum,ka tan a ni biakloh chu thil harsa tak a ni ngei ang, ka hmangaih a, kum hnih lai inzui tawh kan ni bawk,mahse ka rilru hi a lian ve a ka tih tawh loh lam ah chuan nawr luih theih ka ni bik lo.

Zanriah pawh ka eitui lo,ka chaw lem zawng in ka hrawk ah hian min hnawh tlat a,chaw lem a harsat em avangin ei mumal lo in ka kham ta ringawt, ka room ah ka tawm chawt a,ka mittui em chu tla lo mahse bum ni a ka inhriatna hian ka taksa chhung hi natna in a khah tir,ka ngai a kuah vawng vawng pawh ka chak, ka rilru lehlam chuan ‘be leh rawh insawifiah tir rawh’ tiin min hrilh a, lehlem erawh chuan ‘a ni pawn a be lo che a nilawm ni, be bik suh’ min ti thung,ka ngaihtuahna chu thlur hnih ah a kal ni in ka hria , chutia ka ngaihtuahna ka vahkual tir vel lai chuan call ka dawng a,ka ngaihtuah mek a ngei a lo ni, phone screen a a hming chuang chu ka en vang vang a,biak chak viau mah ila call chu ka chhang lo, “Saizampui i thei a nia, bumtu insawifiahna hi i mamawh ber a nilo, in ti chak rawh” tiin keimah leh keimah chu ka infuih sauh sauh.

Hmingmawia ka biak duh loh atang karkhat a liam ve leh ta reng, karkhat chhung khan a status enlo tur leh a mah be lo tur a ka insum nasat zia kha, vawi duailo min lo call ,mahse ka chhang ngailo ,message tam tak a hnutchhiah bawk a, ka awmdan teh thut chu a hriatthiam loh thu a sawi cham chi bawk, mahse a message eng a mah ka chhang duhlo, vawi hnih vel chu in ah pawh a rawn kal nghe nghe, mahse ka room ah ka tawm tlat a,a hmel hmuh chu ka duh lo,a hmel ka hmu a nih chuan ,he ka mittui tla lo tur a ka lo dan ve tang tang hi ka dang zo lo mai ang tih ka hlau a ni, mittui hi chakloh na lantir tu a ni tih hi ka ngaihdan a nih avangin ka mittui tlak tir ka duh lo, Saizampuii hi mi chaklo ka ni lo.

Rinengi’n bazar ah min kalpui rawh a tih avangin bazar ah ka kalpui a, “mipa theihnghilh nan chuan mahni lungdum ngei thawmhnaw lei in han bazar tawk mai ila , thil thar hi han ngah em em phawt mai ila maw, tu te emaw fapa ve mai mai te chu kan theihnghilh  thuai mai ang, awlsam lutuk” ti siam siam in a thawveng halh a, keipawh ka thiannu thawven na chu ka kai ve deuh  in ka hria,mahni a in lam a tawm chawt ai thlawt chuan zia tak ka ni. Chutia bazar lun lai a kan thian dun a kan tai kual lai chuan  ka hming a min ko ri ka hriat avangin ka hawi kual deuh a,mahse min ko tu tur awm ang ka hmulo, dawr pakhat a luh kan tum lai tak chuan ka hming a min ko ri ka hre leh,chumi rual chiah chuan ka ban ah Hmingmawia ngei mai chuan min rawn vuan chat bawk. “Inbia ang” a tih chuan “sawitur ka neilo” tih pah in ka kut chu laksawn ka tum a ,mahse a lo vuan nghet sauh “bazar lun lai ah kan awm hi,min thlah vat rawh” zawi si fiah tak si chuan ka ti a, ka thin rawn rim nghal tun chu lanchhuah tir  lo tur in ka la in thunun hram hram a ni. “Inbiak remti phawt la ka thlah ang che” a ni erawh chuan a lo ti ve tlat thung ,police form a hak a vangin miin keichu a misual man tur emaw min ti ang tih ka hlau ve tho bawk si, Hmingmawia chu ka melh no viau tawh lo, “Zampui va inbe lawk mai ru, dawr ah hian ka lo nghak ang che,ka hmelhriat te dawr a nia,inbia ula sawifel ru” ka rinloh dan deuh in Rinengi chuan a lo ti a, a mah hlei hlei hi Hmingmawia ngei tu kha a ni emaw ka tia, chutia ka thiannu ber in a lo tih tak ah leh Hmingmawia’n min thlah duh miau loh avangin inbiak chu ka rem tih mai a ngai, ‘a tha e,ka ban hi thlah rawh”  ti ram hmarh in keimah zawk chuan min vawnna chu ka thing thla a, kan awm na atang a hla vak lo thingpui dawr lian vak lo lam chu ka pan nghal nal nal bawk.

Dawr chhung a rawn luh ve chuan ka lo thu fel  tawh,a rawn thut fel ve hnu a “insawifiah i duh em” a tih chuan ka nui hawk a, insawifiah tur in min duh a nihchu “ngailo mai rawh se ka lawm e” dam thlap, mei nei zet si a ka tih chuan,a mah zawk chuan min melh nghal run run mai, vin chiam ai chuan hetiang a dam thlap si a a thu hnial hi a ngaithei lo tih ka hria, “ka dawhtheih lai hian sawifiah rawh” a rawh tih chiah reng a,ka nui hak  ‘chutiang ka ba hleinem,sawitur dang i neih loh chuan ka thiannu in min nghak tih i hriat kha” tiin ka mitko ka san euh ,a rum nghut a, a lungawi vak lo tih ka hria,mahse runluih kha ka chak tlat.

“Tihsual ka nei nge, hetiang hian i la awm ngailo” a rawn ti leh a, keipawh chu ka thaw hawk , Lucy thusawi te leh a mah Hmingmawia aw ri ngei ka hriat te kha ka beng ah hian a rawn ri nawn leh ni mai in ka hria, chutah a mah en melh kiau chung chuan “kan inthen tawh ni rawh se, imm, tichuan a tha em” ka tichhuak thei hram,ka mittui ka lo dan tang tang hi a tla thei takngial dawn, za lo deuh in a nui hawk a, hriatthiam loh hmel deuh a min en in “i thu lo lutuk” a ti nghat,mittui tlingpiau in a mah chu ka en reng “engkim sawi rawh,tihsual ka neih chuan ka siamtha ang” ngenngawl tak a a rawn tih leh tak ah chuan,a mipa zawk pawh heti khawp a a tlawm theih lai hian eng ah nge luhlul ka chhuah reng bik ang, thudik hriat chu ka phu ve tho a lawm, tiin a insawifiah na ngaihthlak sak chu ka tum.

“A nih chuan Lucy nen in inkar ah hian e nge awm?” ka tih chuan a meng deuh kawk a,mahse a insiamtha leh thuai thung, “engmah kan inkar ah a awm lo,inhmelhriat satliah mai kan ni” ti a min chhanna chuan min ti lawm hauh lo,lu thing nar nar pah in ka nui hak a, “thian satliah mai chu a ni lo deuh ang a” ka ti leh ngat “insawifiah i duh a,sawifiahna hun ka pe bawk che a,thudik min hrilh chu i tih tur a ni” ka ti leh fak fak. “Ka ti tak tak, Lucy nen kan inkar ah engmah a awm lo” a tih leh chuan ka thutna atang ka tho a, “thudik min hrilh dawn lo a nih chuan inbiak chhan tur kan neilo” ti hmak a chhuah ka tum chu,ka ban ah min lo chelh in “a tha, ka sawi ang” a rawn ti ta a,keipawh ka thutna ngai ah ka let leh “a dik ,Lucy nen kan inkar ah eng emaw chu a awm a lawm” a rawn tih chuan ka thaw chhuak hawk,ka mittui tla tur chu ka khaplet sak a ,”chuan,min bum tihna” ti in za lo deuh in ka nui, “nilo,i rindan leh ngaihdan kha a diklo, inngaihzawnna lam hawi kan inkar ah a awm lo, nia Lucy hian min duh a dik, mahse a mi en ang hian ka en velo, a pa vang chauh a a ni hi hnaih ka ni” a tih chuan a awmzia ka hrethiam lo, “kaisan tir an tiam che em ni” ka lo ti vat, “chu lam chu nilo e, diktak chuan tun ah hian police in a pa kan minister hi kan chhui ru mek a, ruihhlo tawlh chungchang ah kan minister hi a bul tum tu ber ni in kan hria, chuvang chuan a fanu hi hnaih a,a hnen atang a thu tam tak hriat kan in beisei vang a ni, min duh tih chu mi tam zawk  hriat a nih avangin a mah hnaih na remchang ah ka hmang ta mai a ni, thildang engmah a awm lo, ka hna vang a ni e” a tih chuan chawp leh chilh in ka dam nghal huai thei nia, dawt min hrilh dawn lo tih ka chian em vang a ni.

Hmanni deuh a ka call lucy in a lo chhan daih dan leh te  chu ka zawt chiang leh, station ah lucy chuan a lo va kalchilh ni awm tak a ni,a hnathawk lai a nghak tlat a, a phone pawh thil pawimawh chhuanlam in a lo ken sak hi a lo ni, a proof na tur in midang pawh station chhung ah an awm ve thu a sawi a,ka ring thlap bawk.

Tichuan kan inkar chu a tha leh ta a ni der, chutih rual in Hmingmawia chu ka ngaihtuah viau, a thil tih hi hriatchhuah a nih chuan kan minister hian a chhuah hauh lo ang. Chutia kan pahnih a kan awmdun lai chuan constable pakhat hi kan bul ah chuan a rawn lang hlawl , sawiduh a nei mahse ka awm ve avangin a sawi tha ngamlo ni in ka hria, “a pawilo sawi rawh,a hre vek” Hmingmawia’n a tih tak ah chuan “sir,tun ah hian kan minister chuan a farm house lam a pan mek tih hriat a ni a,thu kan dawn dan in ruihhlo tawlh lam a a thurualpui te nen meeting an nei dawn ni in kan hria, duty na hmun ka rawn thlen khan i lo awm si lo a ka zawngkual nasa che ” a tih zawm leh zat, Hmingmawia chu a bu nghat a,

“Ka kal a ngaih hmel, nidang ah kan la sawi zawm leh dawn nia” a tih chuan ka lo bu nghat, kan inkar tha leh tawh mahse a dinhmun ngaihtuah awm ka tih em a vangin ka awm a nuam thei chuang lo, va call lah thil tih chi a ni bawk silo nen,a khat tawk in ka phone ka en leh zauh zauh ringawt, zankhua in min rawn be lo a, zing  lam ah erawh minister leh a thurualpui mi pathum vel lai, a farm house ah man an nih thu chu chanchinbu headline a luah vang mai, an va hlawhtling ta a nih ngei hi tiin ka thaw deuh huai, a ni Hmingmawia pawh dar 10 bawr vel ah kan cafe ah rawn kal in,mimister an  man ta chu  a hahdam hmel ta sawt bawk, mahse a rawn thlen atang a rei vaklo ah call a dawng a, “eng maw” tih pah a a din hluai chuan keipawh ka lo ding ve hluai ringawt, “aw lo awm rawh ka rawn kal ang” tiin call a ti tawp a, a thinrim hmel viau bawk ,

“Thil thleng a awm em ni” ti a ka zawh chuan “tun mai khan kan minister leh a thurualpui te chu bail in an chhuahtir a nihchu” a ti nghat,
“Chiang tak in an meeting lai in va man a ni lawm ni,tinge bail a an chhuahtir leh mai a” mak ti deuh in keipawn ka lo ti ve “inkawm khawm tur mai mai a kal an nih thu an sawi a, finfiahna chiang tak a awm lo an ti a nihchu” a ti leh nghat nghat a,a ngaihdan a nih loh hmel viau.
“Station lam ah ka kal lawk a ngai” tiin biak pawh biak leh hman rual loh in min chhuahsan a, a thinrim insum zolo hi station lam ah a va in hrosa vak ang tih ka hlau khawp mai.

A chanchin ngaichang reng a ka awmlai in ,”bawihi Hmingmawia a lo kal” tiin zan dar 8 bawr vel ah ka nu in min rawn ko a, hmanhmawh deuh in room atang ka chhuak nghal, sitting room ah kapa nen an lo thudun a, hna chungchang bawk an lo sawi ni in ka hria, a hmel ka enchian chuan a harhfim lo a ni tih ka hre nghal, zu hi a in ngai vak lo a sin le,eng emaw tak thil thleng dang a awm a nih ka ring nghal hmiah, balcony lam ah in zui chhuak in , a thim chin kan thlen  veleh ka hnunglam atang min kuah nghal hlu hlu, a thawk zawng te chuan zu rim a nam hak hak mai, “thil thleng a awm em ni, i rim hi a diklo a nia” tiin a kut ah ka lo vawn sak a,chutah zawi ruih hian “thlahnih chhung min suspend a” a rawn ti ta mai “maw! ti ringawt nge” tiin a lam ah ka inher thuai , nuih suk pah a kan thuthleng hun a thutthlak pah in “ka mi man kha mi namai a ni hleinem,minister a nihkha, kan ram ah na na na hi chuan minister te hian thil an ti thei lutuk tlat, keini aia thu zawk te hnuai a awm mai kan nia keini te chu,kan chung a mi te hnen atang order a chhuak a nih chuan kan duh emaw duh lo emaw,zawm kha kan tih tur a ni” tiin a nui zui leh hak,a nuihzat vang nilo in a thinrim em vang zawk a nui ni in ka hria, a bul ah thut thlak ve pah in “thlahnih hnu ah chuan i hna i zawm leh dawn tho a ni lawm ni” ka ti a,a lo bu nghat,han hnem vak ngaihna pawh ka hre lo, a hna a ngaihpawimawh zia leh thildang zawng aia a ram a dah pawimawh thin zia ka hria, chuvang chuan tun a an suspend pawh hi na a ti ngawt ang.

“Mahse a pawilo, a hma kha chuan kei aia thu nei sang zawk te hnuai ah ka awm a,tun ah chuan tu thuhnuai ah mah ka awm rih lo, chuvang chuan ka duh dan tak in thil ka kalpui ang , hetiang minister tenawm lutuk hi ka ti chimit vek dawn” a ti sehchilh nak a, hmeichhia nge nge chu a eng a mah hma in ka lo hlauthawng ru nghal em em ringawt,fimkhur tur in ka hrilh mawlh mawlh mai. Engtiang in nge hmalak a tum ka hrelo na in,a thil tih tum chu tha ka tihpui chiah lo a mah ka ngaihtuah em vang a ni ,chutih rual in eng ang pawn dan tum mah ila a tum tawh chu a ti tlang dawn tho tih ka hriat avang in dan ka tum buai lo.

Hmingmawia an suspend atang thlakhat a liam leh tep tawh, kan inkar pawh a hma ang reng in la tha mahse  eng emaw dik lo awm tlat a hriatna ka nei,ka sawithiam lo, “bawihi, Hmingmawia hi engtik thleng maw a chawlh dawn” thutkhawm na ah kan awm laiin ka pa chuan a ti a,
‘thlahnih mawle, thla chanve chu a chawl tawh” ka lo ti ve mai, “tunlai chu a rawn lang khat riau a ka tih vang mawle, hna ber a chawlh si chuan e nge maw a tih ni” a ti zawm leh chuar chuar, minister a mah in a chhuizui tih chi ni bawk silo, ka ngawi kar ringawt. Chutia kan chhung a kan thutkhawm lai chuan number hriatloh atang call ka dawng, ka han pick chuan “hello Saizampuii a ni em” kum upa lam aw hian a rawn ti a , “aw ni e” ti a ka chhan chuan “Hmingmawia chungchang sawipui lawk che ka duh a,” a rawn ti ‘tunge i nih” ka ti ve leh “Ramdinthanga ka ni e” a rawn ti a nihchu,chu veleh tho in ka room lam ka pan nghal, kan minister hian eng vangin nge Hmingmawia chungchang min sawipui a duh ni ang ,ka hlauthawng leh nghal ringawt tawh, “aw enge i sawi duh” ka room ka luhfel hnu a ka tih chuan “tun ah hian Hmingmawia hian min chhui mek tih ka hria,nangpawn i hriatpui ngei pawh in ka ring” a ti dam dap a “chuan engtin” ka lo ti deuh hmuk, a nui huk a, ka lo ngei nghal em em ringawt “thlahnih chhung ka suspend tir thei a nih chuan,ka kaisan tir thei bawk” in chhuan hmel fe a a tih chuan ka lo ner sak, a thil tih theih chu a hre hle mai “a thil chhui lai mek hi ti tawp rawh se,ti chuan tha tak in indawrna kan nei dawn nia,  lo sawipui la,kum thar mai ah inneih in sawi a ni lawm ni,in hma hun hi ka sial sak thei cheu a nia” a tih leh chuan ka ngaihdan a nilo khawp mai, “a nih chuan i thil diklo tih chu i pawm tihna em ni, nangmah ngei in min rawn biak tak” ka lo ti let ve sak ,”in mizia pawh a in ang e, ” tih ringawt a sawi, “i thik tihsual thup nan a i offer min pek hi tha viau mahse kan duh lo, Hmingmawia hian i thilsual tih zawng zawng hi a la hailang vek dawn , lo hlauthawng hle rawh” ti ve leh sak in call chu ka ti tawp ta daih, tenawm lutuk hian a. Thil ti thei in midang te chu a thuhnuai ah a dah thei a ni maithei,keini erawh a thuhnuai a kun  tur te zing a mi kan ni ve lo e.

A rilru tihbuai zual ka hlauh avangin Minister nen kan inbiak thu pawh Hmingmawia chu ka hrilh duh lo,min lo biak hnu atang kha chuan hepa hi man ngei se jail chhung ah lut ngei se tih chu ka duh hliah hliah tawh, Lucy lah in Hmingmawia’n a pa a man chungchang hre vek chung siin Hmingmawia a thlah thei silo a, chu chu remchang ah la in Hmingmawia chuan Lucy chu a hnaih deuh a,Lucy nen an thil tih apiang min hrilh thlap zel bawk,a lehlam ah ka hriatthiam loh a, ka thik a hlauh vang a ni,a hma ang kha chu nise ka thik a nga,ka thinrim bawk ang,mhse tun ah chuan a thil tum ka hriatchian em avangin engmah ka sawisel lo.

Zirtawp ni a ni a,cafe lam ah kan buai deuh avangin ka haw tlai viau, scooty in ka inkhalh haw a,mahse kawng kual lai ah ka scooty ke chu a puak pawp a, ka tlu lek lek, kawnglai tak ah thingbung a perek bur vu hi a lo awm reng ni in, “a van buaithlak tak” tiin ka phun hluk,Hmingmawia a awl tho ring in ka call a “hei ka scooty ke a chhia a lo kal lawk maiteh” phone a lak rual in ka ti nghal zung zung “khawilai ah nge i awm” ti a min zawh chuan ka awmna lai te ka hrilh a,chutia kan inbiak mawlh mawlh lai chuan car pakhat hi ka bul ah lo ding in ka inrin loh laiin hnunglam atang min man thut a car chhung ah min hnawhlut nghal rawk rawk, “Zampui, hello” ti a Hmingmawia au thawm pawh hre reng mah ila ka ka an hup beh tlat avangin ka chhang theilo, an mahni chuan phone chu an off a, ka ka puan a hnawh in ka kut min tawnbeh sak mawlh mawlh a,ka mit an tuam phui ta vek bawk, motor a din rual chuan dim bak sak lo in min thawm chhuak nawk nawk a,ka tal nasa ve bawk nen an duh ang ngawt in min pawt kal thei bik lo, “hmeichhe luhlul lutuk” tiin pakhat chuan ka dul ah min hnek pawp mai, a na lutuk chu ka tha a zawi nghak vek thei. Kawngka in hawng ri rawp thawm ka hriat rual in chhuat ah min theh tlu nghal nawk a,ka khup ka sawh chawrh lehnghal na tak a ni, chutah ka hmai tuam na min phihthlak sak in

“Ka thusawi zawm lo a,min dal zawng a awm  pawi zia ka hmuhtir ang cheu” ti a aw lo chhuahna lam ka hawi chu,kan minister pu Ramdinthanga a lo ni, “min chhuah vat rawh’ tiin ka rak that a,a ni erawh a nui huk huk a nichu,putar lam tawh si rapthlak ka van ti tak, “Hningmawia’n a chhuah hauh lo ang che” a mit tak a en chung a ka tih chuan min melhrum tha ngang mai, “a tha i huaisar bawk a,zal raih tur in ka siam dawn che” ti khur khur in kan sir lam a mipa pahnih sa tha nelh nawlh tak ding te chu a mitmei zeuh a, chumi te pahnih chuan min rawn pan nghal “hey,engthil nge tih in tum,min rawn hnaih miah suh u” tiin ka rak tuarh tuarh a, chumi te lah chuan ka thusawi chu ngaipawimawh lo zet in ka thawmhnaw inbel lai chu an pawtthler a, an thil tih tum ka chian em avang in ka hlau  lutuk chu ka mittui a dir zung zung, “khawngaih in tawp rawh u” tiin ka ngen a,mahse ka ngen na leh ka mittui chu an pawisa lo ,an pahnih a an duhtawk an ngah hnu ah thawmhnaw mumal pawh inbel lo in chhuatlai ah ka mu hlawm reng, ka zawi vek a,ka ngaihtuahna a mang vek bawk,Hmingmawia tan ka tling tawh lo tih ka in hriatna chuan min ti na takzet , “ti kha chuan ka duh apiang ka ti thei tih i hre tawh em?” Ti a pu Ramdinthanga’n ka hmai zawn a rawn sawi pawh chhan  tum na ka nei lo,ka na thil tawn mek hian nasa tak in min ti kehchhia. Chutia hnai tak a minister in min thutchilh lai chuan kawngkhar hi a rawn ri rawp a, Hmingmawia hmel ka va hmu chu ka mittui a baw nghal zawih mai,a ni Hmingmawia pawh saruak a phuarbeh a ka awm min hmu chu a ding dat a,chutah thinrim em em a ka lam rawn pan in minister chu a rawn thehsawn nghal dawrh,mahse mipa pahnih te khan an rawn manbet ve leh thuai a, “zawng ho ka that vek dawn cheu, in thil tih pawi zia hi in hre dawn” tiin Hmingmawia chu a rak tuarh tuarh,kei ang tho in a ni pawh a nat ve ngei ka ring a ni.

Ka mittui kar atang Hmingmawia sapatal vel chu ka hmu phe ruai mai, “ka warning lo che tiin sawi miah suh,thil thleng thei pawh ka hrilh lawk che, ngaipawimawh lo in i duh dan in i kaltlang a,hei hi in chan tur chu a nih hi pawm mai rawh” hnehtu in ti zet in minister chuan Hmingmawia chu a sawikhum sak sak, “ka that dawn che zawnga” tiin Hmingmawia’n a lo au let tuarh , an manbeh tlat avangin a chesawn thei bawk si lo, chutia kan buai nuai lai chuan minister ber chuan call dawngin “chutiang ka buaipui hman rih lo” a ti hluk a,lehlam a mi in “ka rawn kal dawn” a ti ri chu ka hrepha,hmeichhe aw a ni. Rei vak lo ah tu emaw hi a rawn lut a,tudang nilo in Minister fanu Lucy a lo ni, “pa engthil nge i tih hi” tiin a pa chu a en a, a ni tal hi chuan minpui thei mah na ti a ka ngaihtuah laiin ” ka awmloh lai in in lo ti zo vek a” ti a nuisawng chung in min rawn en a nihchu, ka meng deuh awk thei, engkim a hre vek tawh zawk a maw, “a la zo hleinem ka fanu zanin hian a tawp ka khar ang” tiin an pafa chuan an nui dun var var a,rapthlak ka van ti dun tak, “Zohmingmawi, i thil tum ka hrelo emaw i ti em ni,ka hre vek, i thangkam ah ka tang dawn emaw i tih lai khan ,nangma thang ah ngei i awk ta a nih hi” ti a Hmingmawia pan hnai in a nuih var var, “in la hriat loh tak in,heng zawng zawng bul tantu chu keimah hi ka ni, ka pa leh midang ho hi chu ka inphen na chauh an nih hi” tiin Lucy chu a nui leh hak hak, “eng vangin nge heng hi i tih” ti a Hmingmawia’n a zawh chuan “ka hlawh hi kham miau hek lo, ruihhlo tawlh hi a hlawk riau a” tiin namnul zet in a lo chhang, ka pa i chhui lai khan kei min rinhlelh nachang i hre miah lo kha i mawl ka lo ti thei lutuk,ka nuih i lo ti za thin asin ,tiin a deuhsawh hle,Hmingmawia thinrim tihtheih nei bawk silo chu a in hum ruh ngar ngar ringawt.

“Mahse ka duh che ka tih kha,ka ti tak tak, ka duhna kha hnawl lo in min pawn ni la chu ka thil tih thin hi sim vek ka inhuam a,mahse min pawm duh tlat silo a,hetiang hun hi kan thlen a ngai a nih hi” Lucy chuan a ti hmarh hmarh a,a  thinrim hmel viau bawk, “engkim i hriattir ta si a,hemi te pahnih hi engtin nge kan tih dawn” ti a a pa in a  zawh chuan din mar awt pah in Lucy chuan “e le kan that ang” a ti a nih chu, a pa meuh pawh Lucy thusawi vang chuan a phu ve dawrh tho ni in ka hria “bawihi chung em chu tih a tul em ni” a tih chuan rum zet in a pa chu a en a “aw tul e,hetia kan chhuah leh mai a nihchuan kan him theih i ring em ni” tiin a pa chu a vin nghal khur khur, a ni pu Ramdina chuan a fanu chu a hlauh hmel ngang mai,mahni fanu te pawh thunun theilo fanu te thuhnuai a awm mihring chu nep ka van ti tak,

“Saizampuii hi that hmasa ula,a dawt ah Zohmingmawia hi in dahtha leh dawn nia, a tul a nih chuan chansawm vek mai rawh u” a ti tan tan a,a hmel ah pawisak a neih loh zia a langchiang hle. Hmingmawia chu mipa pahnih te chuan sawisa phawt in keichu min rawn panhnai a,Lucy erawh a chhuak bo nghal daih thung,mahse mipa pahnih ten min rawn hnaihchilh hma deuh chuan Hmingmawia’n an ni pahnih chu a rawn bawh rawp a “ka that dawn cheu” tiin a hnek nghal buan buan , pahnih chu a ni na tuar tawh sa chuan a hneh meuh lo a ni, chutih lai chuan Hmingmawia kekawr atang a phone a rawn tla thla a, call a lo awm mek bawk , rang tak a phone chu hnaih in constable Rama a lo ni, ka kut an la phuar tlat a vangin thei leh thei lo in ka lei hmang in phone chu ka pick a “minister Ramdina farm house ah lo kal vat ru,” ka ti nghal mawlh mawlh, chutia ka phone hmang chu minister chuan min lo hmu in ka tukhum sam ah min tham nawk a, min hnuksawn nghal hawn hawn mai, “tawp rawh Zohmingmawi i tawp loh chuan i bialnu hi ka kap ang” ti tuarh in ka lu ah silai in min tin a,  insual mek Hmingmawia pawh tawp chawt in keini chu min rawn en a ,

“Ti miah suh” a ti khur dat dat, “ka thu zawm la in him a ni mai”silai a min la tin reng chungin pu Ramdina chuan a ti a, a mitmei in a hote zing a pakhat chu chu signal zeuh in chupa pawh chuan chemte nen Hmingmawia chu a panhnai hriau hriau a,mahse Hmingmawia chuan a kut lo man sak thut in chemte chu a laksak a , chupa dul thuar lai ah chuan a vit hmiah mai, chu veleh silai chu a puak dur a,Hmingmawia a hlawm tawp rual chuan ka lo au tuarh, “nilo Hmingmawi” tiin ka tal vak a,mahse ka talchhuak thei lo, thei leh theilo in keichu min rawn melh tawk tawk a, a na tuar hmel chu hmuh hreawm ka van ti tak,Hmingmawia lam ah min thawm phei leh nawk nawk in, “kal hmasa la,i hmangaih hi i lo hmuak dawn nia,ka rawn tir liam ve nghal ang’ tiin a nui huah huah a, hetiang em em a mi nunrawng hi an awm theih ka ring ngailo, “thi la engkim a tha a ni mai” tih leh Hmingmawia kah leh chu a rual a, tih theih ka nei bawk silo, a ka atang thisen chhuak zawih in “ka tihpalh, ka hmangaih che” tiin min rawn melh tawk tawk a, rei a daih ta lo a zawi hnawk a, a na  chu a tuar ta ngang lo ,ka hmangaih chu a liam ta ,ka kehchhe vek, “ramhuai i nih kha, nunrawng pa” tiin mittui nen ka au khum nghek a, kan minister tenawm tak lah chuan eng ah mah min ngai lo, “i hmangaih viau a nih chuan eng  vangin nge i zui mai loh ang” tiin keichu silai chuan min tin leh a, silai a hmeh per rual chiah a, police lo thleng thawm chu ka thil hriat hnuhnun ber a ni.

Tawng thawm ni awm tak ka hriat chuan ka mit ka meng diar diar a ,ka lu chu na tak a ni, “bawihte i harh em” ka mit ka men fiah rual chiah in ka nu in alo ti nghal “nu khawnge ka awm a,ka..ka lu hi a na lutuk” tiin ka lu ka dawm vang vang “damdawiin ah i awm ,i him tawh e bawihte” ka nu chuan a ti mawlh mawlh a,a mittui a tla bawk , “e nge awmzia,e nge i him tawh i tih awmzia chu, nu tinge i tah tinge damdawiin ah ka awm” tiin thil awmzia chu ka hrelo hle, ka nu chuan a ka hup in mak tih hmel deuh in min en a,doctor lo kal hnen ah chuan “doctor ka fanu hi engtin nge a awm” tiin a mangan hmel hle,  engkim chu ka hrethiam lo,eng vang a hospital a awm nge ka nih chu ka hrelo takzet.

Hospital  kan chhuahsan atang thlakhat a liam leh tawh a, doctor te sawidan in ka hriatna thenkhat ka hlauh a ni awm e, ka dar a eng emaw luhna hnu hma ni awm tak awm chu eng vang tih ka hrelo,ka lu ah hliam na tak ka tuar bawk a ni awm e, ka chung a thil thleng ka chhung te ka zawh lah in an sawi tha duh mang der lo, “i hriattur tul chin chu kan hrilh mai ang che” min ti mai thin, harsatna em em nei lo in hun leh ni ka hmang ve zel a, ka taksa pawh a dam chak in ngai ka awh leh ti tih tawh, mahse thil mak deuh chu ka taksa in dam lam pan mahse ka taksa chhunglam zawk hi a dik lo,ka sawi thiam lo ka thinlung hi a na veng veng , zan ka muhil tha thei lo a, zan dar 11 a rawn rik tawh hi chuan ka lung hi a leng em em zel, ka room tukverh ah dak in,ka ngaih ber pawh hre silo hian thla eng ka thlir a,ka hriat miah loh in ka mittui hi a lo far leh ringawt thin, chutiang chuan zan tam hun ka hmang tawh , chhuak em em a ka tah  chang lah a tam,ka awmdan chu ka in hrethiam lo takzet , chuvang chuan ka chung a thil thleng chu hriat chakna in ka khat.

“Nu engkim min hrilh rawh u, ka chung ah e nge thleng ka hriatna ka hloh hma hian e nge ka chung ah thleng” tiin kan chaw ei lai ka nu leh pa chu ka zawt a, ” i chaw kha ei mai mai rawh” ka pa in a lo ti chang bawl mai, “tun ah min hrilh rawh u,ka hre duh” ka ti ve tlat, “Saizampui i hriat tur chin chu kan hrilh che,ngawireng in i chaw kha ei rawh” ka pa bawk chuan a ti leh a,a awki pawh a ring ta deuh, ka ding hluai a “aih,vawiin ah engkim min hrilh ru, enge ka chung ah thleng hriat ka duh,pawnlam ah dam tawh mah ila, ka..ka taksa chhung hi a dam lo, ka thin zawn hi a na, ka hriatloh in ka mittui a tla a ,mut pawh ka muhil thei ngailo zan tam ka tlaivar tawh asin” tiin ka mittui a luang zung zung a ,ka aw rawl pawh a ring tha viau,ka nu ka en chu a mittui a lo tla ve par mai,eng emaw tak ka hriat ve siloh thil hriat chu an nei alawm, engmah min hrilh an tum tak siloh ah chuan thinrim teuh chungin ka room ah ka tlanlut a,chhuak em em in ka tap, ‘tinge hetiang a ka awm tlat hi ka hrethiam lo takzet”.

“Bawihte ka lo lut dawn aw” ka nu in a rawn tih chuan chhan pawh ka chhang lo,ka nu chu eng emaw keng chung hian a rawn lut a , “kha la rawh i phone a nihkha, i chetsual hnu khan kan kawl sak che a, tun a i hmanlai kha chu a dang a nihkha,tah khan i zawhna chhan na a awm gallery i en dawn nia” tiin min chhuahsan lehnghal a, ka nu awmdan chu  hrethiam lo hle mah ila,ka zawhna chhan na awmna ka phone hlui chu ka hmet eng a gallery ka han lut chu,mipa pakhat nen a kan thlalak tam tak a lo awm, thlalak ah chuan kan hlim hmel em em a, thla ka lakpui pa chu tunge a nih erawh ka hrechhuak thei chuang lo, thlalak chu a tam ngang mai,ka en zel a , video tam tak a awm bawk hmeichhia chu keimah ngei ka ni bawk si, uluk deuh in chu mipa hmel chu ka en a , ka zoom bawk chutah ka inrin hma in ka mittui bawk a rawn luang leh, ka awm zawn rawn na nghal vawng vawng chu e nge a chhan ka hrelo , thlalak a mipa hmel chu ka en leh thin “tunge i nih tinge ka hriatchhuah theih loh che” tiin ka tap chhuak hawk, ka lu chu a rawn na vak a, tawrh hreawm khawp in a ni a nat, “nu’ tiin ka nu ka au nghal tuarh a, ka nu mangang zet a rawn lut chu ka hmu phe ruai mai.

Ka harh leh meuh chuan khum ah ka lo mu a, chhuak em em in ka tap nghal, ni e ka hmangaih kha min thah sak a ni,engtin nge a ni kha ka lo hriatloh theih zawk, Zohmingmawia khawvel a ka mipa hmangaih ber hi engtin nge ka hriatloh theih, “bawihte i lo harh tawh e law” ti a ka nu in min rawn kuah chuan “nu,Hming..Hmingmawia kha an that,ka hmuh lai ngeiin silai in kha mitenawm khan a kap asin” tiin sawi pawh ka sawi hleithei lo. Tlem a ka ziaawm deuh hnu ah ti hian ka nu in min hrilh, khatia Hmingmawia silai a kah a nih hnu khan keipawh kah ve nghal ka ni a, ka tluk zawng in thir bung ah ka lu ka tauh hi a lo ni, ni thum lai harh lo in ka awm nghe nghe, kan minister pawh man nghal a ni a..Hmingmawia erawh an chhan thei ta ngang lo a nih hmel, minister chu thiamloh chantir in thubuai siam sak a ni a, damdawi tawlh lam a a thurual pui te pawh an man tel a ni awm e.

Hmingmawia thlan a kal ka duh tlat avangin Rineng in min kalpui a, thlan ka thlen chuan thlan chu ka thlir vang vang, ‘Zohmingmawia kum 28’ tih chu chiang zet in thlanlung ah a inziak a ,a thlalak lian vak lo in an thlanlung ah an chhukai bawk, thlalak chu ka chul a, “ka tihpalh,ka hriatchhuah lawk loh che vangin” ti sep in ka mittui bawk a rawn luang leh ta, engtik ah nge he mittui hi a hul ang , a ni nen a kan suangtuahna leh duhthusam zawng zawng kha a liampui a, keimah chauh a ka hriatreng tawh tur in sulhnu tam tak min hnutchhiah bawk, hringnun hi a fair lo,a fair hlawl lo , van lam ka thlir a, ‘van mi te u ka hmangaih kha lo duat ru aw, mal tak in awmtir lo ula,min ngaih vang a a tah kha phalsak su aw, min ngaih chang chuan ka aiawh in lo hnem thin ula,ka hmangaih zia hi lo hrilhnawn fo ru aw’ tiin ka phun sep sep.

“Zampui, tawrh dan thiam rawh aw, engkim a nih tur ang a ni vek tawh a,hringnun bul thar tan i tum dawn nia,i muttui tla lai hmuh ai chuan i hlim hmel hmuh kha Hmingmawia pawn a duh zawk dawn tih i hriat kha” tiin Rinengi chuan ka dar ah a rawn beng thek thek a,” ni e, ka hlim lo hmel a hmuh chuan a awm na hmun ah a hlim thei bik lo ang” tiin ka mittui ka hruhul a, nui lui seih in thlanlung chu ka en leh vang vang,
“ka lo tlawh ziah ang che” tiin thlanlung chu ka fawp zeuh, Hmingmawia thlan ka kalsan tur meuh chu hreawm ka van ti tak,mittui nen thlanmual chu kan chhuahsan a.

Lucy te in  lian leh ropui zet chu an in ral atang ka thlir vang vang a, chutih lai chuan a ni Lucy pawh inchei zet in in atang a rawn chhuak a,tu emaw in an inkawt ah a lo nghak bawk, a ni hi a la khan a hum tlat a,engkim buk tan tu ni mahse a fanu tan a engkim tih huam khan a tawp thleng a hum in ti hian a ni chu zalen tak in a leng a, ka hmangaih erawh khawvel ah hmuh tur a awm ve tawh lo, thawveng tih hriat tak a bike a a lawn lai chu in humruh teuh chung in ka melh ngawt ngawt, “Hmingmawi van atang khan min lo thlir reng a ni tiraw, engtiang chiah in nge i phuba hi ka rawn lak dawn tih hi lo en rawh aw, i thisen hi a thlawn in ka luan tir dawn lo” tiin ka inhum ruh sauh sauh a, ka hmangaih phuba lak chu ka tum ruh hle, Lucy te tlanchhuah rual chiah a, bike dang pakhat gate chhung atang a rawn tlanchhuak mek chu en in ka nui sak a.

Tawp ta